Birheng Walang Hymen
-
Upload
up-diliman -
Category
Documents
-
view
4 -
download
0
Transcript of Birheng Walang Hymen
1
Quiban, Gian Lee Carlo Gonzales BA Political
Science
BIRHENG WALANG HYMEN
Hayskul pa lang ako natatanong na ako ng aking mga kamag-
aral kung birhen pa ako. Masayang masaya naman akong sumasagot
na birhen pa nga ako. Nangako ako sa sarili kong magiging
birhen ako hanggang sa makatungtong ako sa kolehiyo.
Pinanghawakan ko ang pagkabirhen kong iyon hanggang sa
dumating sa puntong tinatawag na ako ng libog at tawag ng
laman at hindi ko na ito kayang tanggihan pa. Third year
hayskul ako nang magkaroon ako ng nobyo. Mabait siya, gwapo,
varsity sa basketball at higit sa lahat, matalino. Nasa kanya
na lahat ng hinahanap ko sa isang lalaki at labis ang tuwa ko
nang ligawan niya ako. Naging matatag ang relasyon naming
dalawa. Sa unang anibersaryo namin bilang magkasintahan,
lumabas kami at kumain. Napakasarap sa pakiramdam na umabot
ang relasyon namin ng isang taon kahit na maraming kontra
rito. Bago niya ako ihatid sa bahay, pumunta muna kami sa
isang parke na madadaanan ilang kanto bago makarating sa bahay
namin. Muli ay nagkuwentuhan kami at nagharutan. Malaya naming
ginawa ang mga bagay na gusto naming gawin dahil gabi na at
wala na rin namang tao sa lugar na iyon. Naghabulan kami at
nagtuksuhan na parang mga bata hanggang sa bumagsak kami sa
lupa at pumaibabaw siya sa akin. Isang halik ang iginawad niya
2
sa akin—matamis at banayad hanggang sa naging mapusok ito at
mainit. Pagkatapos noon ay itinayo niya ako at nginitian ng
nakakaloko, tandang may naiisip siyang hindi maganda. Naging
mabilis ang mga pangyayari. Imbes na ihahatid na niya ako ay
sa bahay niya kami pumunta. Wala siyang kasama sa mga panahong
iyon; tahimik ang bahay nang datnan namin. Sa loob-loob ko,
nagdadalawang isip ako kung handa na ba ako o hindi pa. Ngunit
hindi na ako nakapag-isip sapagkat nilamon ako ng libog at
init ng katawan. Wala akong kaalam-alam nang mga panahong iyon
dahil iyon nga ang una kong karanasan kaya nangangapa pa ako
sa mga ginagawa ko; siya ang gumabay sa akin sa mga ginawa ko
ng gabing iyon. Masarap ang karanasan kong iyon,
nakakapanabik, mapusok, nakaka-high. Ngunit kaakibat nang
sarap na iyon ay ang hiya—hiya na dulot ng hindi ko na
pagiging birhen; hiya na tingin ko sa sarili ko ay nadungisan
ako sa napakamurang edad. Pagkatapos ng una kong karanasan sa
pakikipagtalik at sa tuwing dadako sa usaping pagkabirhen ang
aming talakayan sa klase o kuwentuhang magbabarkada ay
nahihiya akong makisali at sumagot na para bang ikinakahiya ko
ang sarili ko. Kapag kaharap ko naman ang aking mga magulang
na tumanggap sa aking pagkatao nang buong-buo ay nanliliit ako
at pinandidirihan ang aking sarili sapagkat binali ko ang
aking pangako ko sa kanila—na mananatili akong birhen hanggang
grumadweyt ako sa hayskul.
Pagdating ng Enero, dumating ang isa sa mga
pinakamagagandang balitang puwede kong marinig—na pumasa ako
3
sa UPCAT. Nakapasa ako sa UP Diliman sa kursong Political
Science. Galak at kaligayahan ang naramdaman ko sapagkat ako
lang ang pumasa sa paaralan namin at sa buong probinsya naman
namin ay ako lang ang nakapasa sa Diliman. Nang mga panahong
iyon, panandilian kong nakalimutan ang hiya at pandidiring
nararamdaman ko sa aking sarili. Nagtuloy-tuloy ang mga
magagandang bagay na nangyari sa akin gaya ng pagkakaroon ko
ng scholarship sa UP, pagkakapasa ko sa Ateneo, La Salle at
UST at ang pagkakadeklara sa aking Valedictorian ng batch
namin. Labis na tuwa at pagmamalaki ang naramdaman ng aking
mga magulang sa mga magagandang balitang dumating ngunit hindi
pa rin mawaglit sa aking isipan ang hiyang nararamdaman ko sa
katotohanang hindi na ako isang birhen.
Nagtapos ako ng hayskul na dala ang panghihinayang na iyon
ngunit nagpatuloy pa rin ako sa buhay ko. Naging mabilis ang
takbo ng mga araw at linggo. Isang linggo bago ang pagluwas ko
ng Maynila upang mag-enroll sa UP, inaya ako ng isa sa aking
mga kababata na lumabas upang makapag-usap daw kami kasi may
sasabihin daw siyang importante sa akin. Pinaunlakan ko naman
ang kanyang paanyaya at lumabas nga kami. Pumunta kami sa
isang coffee shop sa may sentro ng bayan. Tahimik ang lugar,
nakakarelaks ang paligid. Nagsimula kaming magkuwentuhan at
nasabi niyang mamimiss niya raw ako. Naikuwento niya rin sa
akin na sa Baguio niya napagdesisyunang mag-aral dahil ayaw
niyang mapalayo sa probinsya namin. Naging matagal ang aming
kuwentuhan pero nalibang naman ako kaya ayos lang sa akin na
4
gabi na nang mapagdesisyunan naming umuwi. Habang naglalakad
kami, hindi siya mapakali kaya tinanong ko siya kung ano ang
bumabagabag sa kanya. Katahimikan ang bumalot sa amin
pagkatapos ko siyang tanungin. Ilang minuto rin na walang
umimik sa amin hanggang napagpasyahan niyang basagin ang
katahimikan. Gulat—iyan ang una kong naramdaman nang ayain
niya ako na makipagtalik sa kanya. Sa simula ay tumanggi ako
at nagdahilan na natatakot ako at hindi ako handa sa mga
pagkakataong iyon ngunit mapilit siya at nagdahilan pang
matagal pa raw bago ulit kami magkita at na wala na namang
mawawala sa akin dahil hindi na rin naman ako birhen at pareho
kaming lalaki. Dinala niya ako sa bahay nila at naging mapusok
ang mga pangyayari. Sa pangalawang pagkakataon, tinamasa ko
ang sarap ng pakikipagtalik at nagpalamon sa libog ng katawan.
Maganda ang UP. Iyan ang una kong naisip. Maganda, hindi
lang dahil sa nandirito ang mga pinakamagagaling sa banda
ngunit dahil na rin sa kapaligiran nito. Madaming puno, hindi
masyadong maingay at mainit kaya puwede kang maglakad-lakad.
Malayang gumalaw ang mga estudyante rito. Malaya silang isuot
ang kahit anong nais nilang isuot. Sa mga tambayan, malaya
silang gawin ang mga bagay-bagay na nais nilang gawin. Iba’t
iba ang bawat estudyante. Kahit na sira-sira ang mga silid
aralan at mga kagamitan, mararamdaman mo naman ang init ng
pagtanggap ng mga upperclassmen dito. Dahil dito ay naenganyo
akong mag-aral nang mabuti. Pinagbutihan ko ang una kong
semestre sa unibersidad kahit na iginapang ko ang Math 17 na
5
ilang beses ko ring iniyakan. Maraming mga mababait na tao sa
dorm, sa kolehiyo at sa unibersidad. Sumali rin ako sa mga
organisasyon sa loob ng unibersidad gaya ng Babaylan, POLITICA
at iba na kung saan nabasag ang ilan sa mga bagay na
pinaniwalaan at pinanghawakan ko nung nasa sekondarya pa
lamang ako. Kaakibat din nito, natuto akong uminom,
manigarilyo at mag-weeds. Dumalas din ang pagpunta ko sa mga
bar at party kasama ang mga orgmates ko at ilang mga kaibigan;
mga party na kung saan maraming guwapong lalaki na puwedeng
maka-one-night-stand.
Ilang buwan ang dumaan na nasa unibersidad ako, maraming
pananaw ko ang nabago gaya ng paniniwala sa isang Diyos na
para sa akin ay isa lang pagsasayang ng oras, at ang konsepto
ko ng pagkabirhen. Sa isang educational discussion namin sa
Babaylan habang isa pa lamang akong aplikante, napag-usapan
namin ang tungkol sa pagkabirhen at kung paano ito kinakahon
ang mga kababaihan at mga miyembro ng Lesbian, Gay, Bisexual,
Transgender (LGBT) community. Sa aming pag-uusap, natalakay
namin na ang pagkabirhen ay isang produkto ng isang
patriarchal na lipunan na lalo pang pinagtibay ng sinabi ni
Erin McKelle isang feminista sa Amerika sa kanyang artikulong
Losing Virginity for Good. Gaya ng napag-usapan namin, sinabi ni
McKelle na ang pagkabirhen ay isang social construct na dulot
ng komodipikasyon ng kababaihan dahil nakikita silang mga ari-
arian ng mga lalaki sa maraming lipunan. Komodipikasyon dahil
tinatratong mga pag-aari ng mga lalaki ang kanilang mga asawa
6
at dahil dito, sila lang ang puwedeng ‘gumamit’ sa kanila.
Kung tutuusin, ang perspektibong ito ay isang paraan lang ng
paghimay sa konsepto ng pagkabirhen.
Sa ibang lente ng analysis, idinagdag din ni McKelle na
ang pagkabirhen ay nagiging isang mahalagang ari-arian at
titulo ng mga babae na kung mawala man ito, isa itong malaking
kahihiyan at kawalan sa parte ng babae. Nagkakaroon ngayon ng
double standards sa pagtingin sa pagkabirhen dahil sa kaso
naman ng mga kalalakihan, mas nakakalalaki at nakakamacho pa
nga kung hindi na sila mga birhen. Dahil dito, nalilimitahan
ang mga kababaihan sa puwede nilang gawin sa katawan nila
dahil na rin sa takot na huhusgahan at mamatahin sila ng mga
tao. Ayon din kay McKelle, dahil sa double standards na ito,
nagkakaroon ng panlalahat sa iba pang mga gender identity.
Kung titingnan, pati ang mga bakla at transgender women ay
tinatawag ding malandi, maharot o pokpok kung hindi na sila
mga birhen. Kaya kung susuriin ito ng maigi, talagang masasabi
na ang konsepto ng pagkabirhen ay pumapanig sa mga kalalakihan
at sa mga gender identities na nauugnay sa pagkalalaki dahil
kapag hindi na sila mga birhen, mas gumaganda ang tingin sa
kanilang pagkatao. Nakikita ng lipunan na nakakamacho ang
hindi pagiging birhen ng mga kalalakihan dahil nga ‘tumataas’
ang kanilang sex appeal. Sa mga babae naman, nakikita silang
malandi at maharot dahil sa kaisipan na mga pokpok ang mga
babaeng hindi birhen dahil hindi nila pinangalagaan ang
kanilang pagiging birhen.
7
Sa ikalawang semestre ko sa UP, kumuha ako ng kursong
SocSci 3 na may pamagat na Gender amd Sexuality. Kasabay ng
pagkuha ko ng kursong ito ay may nakilala ako sa isang chat
site na taga-UP din, kumukuha ng Economics at gaya ko ay isa
ring dormer; sa Yakal nga lang siya nakatira. Nagpalitan kami
ng numero at naging text mates. Ilang linggo kaming naging
ganoon hanggang sa napagdesisyunan naming magkita sa unang
pagkakataon. Nagkasundo kaming magkikita kami ng Biyernes na
iyon ng alas-siete ng gabi sa may Carillon Tower. Masaya ako
at kinakabahan kasi sa unang pagkakataon, makikita ko siya
pero natatakot na baka hindi niya ako magustuhan. Alas-sais y
media pa lang ay nasa Carillon Tower na ako, hinihintay siya.
Nagbabadya ang ulan ng hapon na iyon pero hindi ako nabahala.
Ilang minuto lang ay dumating din siya, nakangiti at
kumakaway. Nagkumustahan kami at nagkuwentuhan. Pagkatapos
noon ay napagdesisyunan naming maglakad-lakad kaya tumungo
kami sa lagoon at naglakad-lakad doon. Habang naglalakad ay
ninakawan niya ako ng halik sa sadyang ikinamula ko.
Magkahalong kilig at tuwa ang nararamdaman ko ng mga panahong
iyon. Patuloy kami sa paglalakad at pagkukuwentuhan hanggang
sa maisipan naming bumalik na sa mga dormitory namin. Ihinatid
niya ako at nangakong mauulit pa raw ang paglabas labas namin.
Sa isang talakayan namin sa SocSci 3, natalakay namin ang
tungkol sa pagkabirhen sa samu’t saring kultura at lipunan.
Ayon kay Prof. La Rainne Sarmiento ng Anthropology Department
ng UP, isa sa mga pangunahing dahilan kung bakit nanatili ang
8
konsepto ng pagkabirhen sa Pilipinas ay ang relihiyon. Ayon sa
kanya, ang relihiyon ang pangunahing dahilan kung bakit hindi
nabubura ang kaisipan ng mga Pilipino tungkol sa pagkabirhen
bilang ang pangunahing relihiyon sa Pilipinas na Katolisismo
ay nananampalataya sa isang birhen, si Maria, ang Ina ng
Diyos. Malaking impluwensiya raw ito kaya hindi mabura ang
kaisipang ito sa kultura natin. Isa pang patunay na malaki ang
impluwensiya ng relihiyon sa pag-iisip ng mga Pilipino
pagdating sa pagkabirhen ay ang mga nakatala sa Bibliya,
lalong lalo na sa Lumang Testamento. Makikita raw dito ang
isang patriarchal na tradisyon at pamumuhay kung saan lalaki
lang ang puwedeng mamuno at manguna sa mga gawain sa lipunang
iyon. Kaakibat nito, nagiging sunod-sunuran lang ang mga babae
sa kagustuhan ng mga lalaki, mapa-tatay, kapatid, anak o asawa
man nila. Dahil dito, mahigpit na sinusunod ang tradisyon
nilang kailangan birhen ang isang babae bago siya ikasal kundi
magiging kahihiyan siya sa kanyang pamilya. At kung susuriin
pang mabuti, makikita ang pagpanig ng Bibliya sa kalalakihan
sapagkat puwede silang magkaroon ng mga kabit, at puwede
nilang mabuntis ang mga ito; ngunit para sa mga babae,
napakalaking kasalanan na magkaroon siya ng kalaguyo. Maraming
kuwento rito ang nagiging dahilan kung bakit hindi maiwaglit
ng mga Pilipino ang pag-iisip tungkol sa pagkabirhen.
Isang gabi, muli akong inaya ng lalaking nakilala ko sa
Omegle na magkita ulit. Medyo kinakabahan ako sapagkat magcu-
curfew na noon sa Kalayaan. Buti na lang at kilala ko yung
9
nakaduty ng gabing iyon at nakatakas ako. Nang magkita kami sa
waiting shed sa tapat ng Molave at Yakal, nagulat at nagtaka
na lang ako dahil may dala siyang pansapin sa kama. Naglakad
na kami mula roon papuntang lagoon. Nang makarating kami doon
ay inilatag niya yung sapin at saka naman kami humiga.
Tumingin lang ako sa kalangitan na puno ng mga bituin. Bumalik
ako sa aking wisyo nang tanungin niya ako kung birhen pa ba
ako at ang tanging naisagot ko sa kanya ay ang katotohanan na
hindi ako isang birhen. Tinanong ko naman siya kung kailangan
ko bang maging birhen para magustuhan niya ako at sabi naman
niya na hindi naman daw iyon kailangan at saka ako hinalikan.
Sa mga panahong iyon, napaisip ako kung bakit kailangan
malaman ng mga tao kung birhen pa ba ang isang tao o hindi na
kasi kahit anong mangyari, wala namang mababago sa taong iyon,
birhen man ito o hindi na.
Siguro sa lahat ng akda na nabasa ko, ang Myths About Virginity
ni Melissa A. Fabello, isang sex educator sa Amerika ang
pinakanagbigay ng mgakonkretong punto kung bakit kailangan
nang itigil ang pag-iisip tungkol sa pagkabirhen sapagkat ayon
nga sa kanya, na pinapanigan ko rin, walang konsepto ng
pagkabirhen. Ito ay gawa lang isang lipunang pumapanig sa mga
kalalakihan upang limitahan ang mga kababaihan at pati na rin
ang mga miyembro ng LGBT community.
Isa sa mga puntong nasabi ni Fabello ay ang pagiging
komplikado ng mismong depinisyon para sa birhen o pagkabirhen.
10
Ayon sa kanya, ang tanging depinisyon na meron tungkol sa
pagkabirhen ay ang estado kung saan wala pang karanasan ang
isang tao sa pakikipagtalik. Unang-una, hindi ito medikal o
biological na kahulugan, ibig sabihin, ang salitang ginagamit
mismo ay may problema sapagkat walang pisikal na patunay para
rito. Pangalawa, wala ring iisang kahulugan ang salitang
pakikipagtalik. Ang pakikipagtalik ay maaaring oral, anal o
vaginal ngunit hindi nalilinaw kung anong moda ba ng
pakikipagtalik ang kailangan upang masabing hindi na birhen
ang isang tao. Kapag sinasabing pakikipagtalik, iba iba ang
mensaheng ipinaparating nito sa iba’t ibang tao. Puwedeng ang
naiisip lang ng isa ay penetrative sex habang ang isa naman ay
oral sex lang, ayos na. Maaari nga naman kasing mag-blow job
ang isang babae ngunit sabihin niyang birhen pa rin siya. Kung
hindi kayang bigyan ng isang maayos na ibig sabihin ang isang
salita, hindi ito puwedeng ioperationalize. Dahil dito,
kailangan munang mabigyan ng kalinawan ang ibig sabihin ng
pagkabirhen bago ito tuluyang magamit.
Pangalawa, sa medikal na perspektibo naman, ipinaliwanag
ni Fabello na hindi lahat ng babae ay may hymen pagkapanganak
sa kanila o hindi kaya ay nababasag ang hymen sa unang
pakikipagtalik. Ayon sa kanya, hindi magandang basehan ang
hymen upang tukuyin kung ang isang babae ay birhen pa o hindi
na. Kadalasan kasi, ito ang ginagamit ng mga lalaki upang
tukuyin kung sila ba ang ‘nakauna’ sa babae o hindi. Unang
una, hindi lahat ng babae ay may hymen pagkapanganak sa
11
kanila. Kailangang tandaan na ang hymen ay isa lamang
appendage ng katawan ng babae kaya posibleng may mga babaeng
wala nito. Sa mga librong medikal, ang hymen ay “a thin
membrane located at the opening of the vagina”. Kung gagamitin
nga ang hymen bilang batayan sa ganitong sitwasyon, magiging
mahirap, madaya at mapanghusga ito para sa mga babaeng
ipinanganak na walang hymen. Pangalawa, may mga pagkakataon
din namang hindi agad-agad natatanggal ang hymen sa unang
penetrative sex. Ito ay dahil na rin sa pangangapal ng hymen.
Dahil dito, magiging madaya rin ito sa mga babaeng nahusgahan
dahil nawalan ng hymen sa unang penetrative sex. Pangatlo, may
iba pang mga paraan para mawala ang hymen at hindi lang ito sa
pamamagitan ng penetrative sex kundi sa pamamagitan na rin ng
pangangabayo, regla at iba pa. Dahil din dito, puwede nating
masabi na puwede kang maging birhen kahit walang hymen.
Sa isang party na napuntahan ko, may nakilala akong isang
lalaking naghahanap ng fuck buddy o FUBU na taga-UP. Nang
makapag-usap kami, nalaman kong taga-Ateneo pala siya at third
year na rin sa kursong Biology. Masaya ang pag-uusap namin,
nakakatuwa siyang kasama. Dahil dito ay nakapagpalagayan kami
ng loob. Tinakasan ko ang mga kaibigan ko upang makasama siya.
Uminom lang kami ng uminom. Sa hindi ko inaasahang pagkakataon
ay tinanong niya kung ayos lang ba na hindi na siya birhen.
Nagulat ako sa tanong niya ngunit napangiti rin naman. Sinagot
ko siya na hindi naman talaga ako naniniwala sa pagkabirhen
pero kung tatanungin ako, ayos lang sa akin kahit hindi na
12
birhen. Tumawa siya at nagpatuloy kami sa inuman at
kuwentuhan. Dumaan pa ang oras at inaya niya na akong umalis
sa party na pinaunlakan ko naman. Dinala niya ako sa kotse
niya at pagkasakay pa lang namin ay sinunggaban niya na ako ng
halik, mainit at mapusok. Alam ko na ng mga panahong iyon kung
saan patungo ang tagpong iyon. Nagmaneho na siya pabalik sa
condo niya sa Katipunan. Tahimik ang lugar nang makarating
kami, alas-dos na rin kasi ng madaling araw ng mga oras na
iyon. Nagmadali kaming pumunta sa unit niya. Dahil wala ngang
tao ay madali kaming nakasakay sa elevator at natungo ang
kanyang unit. Maayos ang kanyang silid para sa isang lalaki,
malinis ang pagkakapintura at modernong modern tingnan.
Halatang mayaman si loko. Bago kami nagtanggal ng saplot ay
may kinuha muna siya. Akala ko nung una ay sigarilyo, yun pala
weeds na. Tinuruan niya akong mag-weeds. Pagkatapos namin nun
ay naramdaman ko ang paggaan ng pakiramdam ko. Hindi na kami
nagpaligoy ligoy pa at sinunggaban namin ang isa’t isa. Natuwa
ako sapagkat hindi na ako nahihiya o nababahala pa pagkatapos
mamulat ng aking mga mata sa katotohanan na ang pagkabirhen ay
isang ilusyon lang. Magaling siya sa kama, halatang may
karanasan na. Masadong mainit ang mga tagpong iyon para
makalimutan ko ngunit naligayahan ako dahil sa karanasang
iyon. Muli ay napawi na naman ang aking libog sa katawan—
ngunit sa pagkakataong ito, wala na akong naramdamang hiya or
panghihinayang.
13
Ang pulitika sa likod ng pagkabirhen ay kagaya ng lahat ng
social constructs na mayroon ang mundong ito, dahil isa itong
social construct, ang tanging paraan lang upang maalis ito ay
ang pagdeconstruct dito at pagreconstruct ng bagong kaisipan.
Inilahad niya na tinatanggal ng pagkabirhen ang kalayaan ng
isang babaeng gawin ang nais niyang gawin sa kanyang katawan
sapagkat natatakot siya maaaring maging resulta ng kanyang mga
aksyon, kapag nagkataon. Ikinukulong daw ng pagkabirhen ang
mga kasariang hindi panlalaki sa isang kahon na kung saan
hindi mo puwedeng gawin ang ipinagbabawal nila kung ayaw mong
mag-iba ang tingin sa iyo ng mga tao. Naniniwala siya na upang
matanggal ang ganitong pag-iisip, kailangang makapagbigay ng
ipapalit na kaisipan sa kaisipan buburahin—isang kaisipang
malaya at mapagpalaya. Sa gayon, sa aking palagay, kailangang
burahin na ang konsepto ng pagkabirhen mula sa kultura natin,
at palitan ito ng isang kaisipang walang kinikilingan at patas
sa lahat.
Muli kaming nagkita ng lalaking taga-Economics. Nabalitaan
niya raw iyung mga ginawa ko sa party at na umuwi ako kasama
ang ibang lalaki. Kinompronta niya ako sinabi niyang hindi
niya kayang makipagrelasyon sa akin kasi masyado raw akong
makati. Sayang nga raw, kasi aayain niya raw sana akong
makipagtalik sa kanya ngunit hindi na siya sigurado kung handa
ba siyang ibigay ang kanyang unang karanasan sa isang taong
kung kani-kanino sumasama. Nang sinabi niya iyon ay nasaktan
ako sapagkat nahusgahan ako dahil na lamang sa hindi na ako
14
birhen at sa muli kong pakikipagtalik. Nainis ako sa kanya at
sa sarili ko. Sa kanya dahil ipinamukha niya sa aking birhen
pa siya at ako ay hindi na. Sa sarili kasi biglang nagising
yung hiya sa sarili na matagal ko nang kinalimutan. Ngunit
dahil din doon ay nasagot ko siya na hindi kailangan na birhen
ka para magmahal o mahalin. Pinanindigan ako ang paniniwala ko
na hindi dapat gamiting dahilan ang pagkabirhen upang
manghusga ng mga tao. Nasabi ko rin na huwag niya akong gawin
o ihalintulad isang pag-aari na hindi puwedeng angkinin ng
iba. Kung ano man ang kaya niyang gawin, dapat puwede ko ring
gawin.
Muli nga, gaya ng sinabi ni McKelle, ang konsepto ng
pagkabirhen ay nagpapalaganap ng slut-shaming. Sa kasong ito,
nakita ko ang sarili kong halimbawa nang magtalo kami nung
lalaking taga Economics. Dahil sa hindi na birhen ang isang
babae o bakla ay nagiging dahilan ito para tawaging malandi,
maharot o hindi kaya ay makati. Maraming masamang implikasyon
ang slut-shaming, lalo na sa mga kababaihan. Una, isa itong
sikolohikal na pananakit. Isang malaking usapin ang
sikolohikal na aspeto ng isang tao dahil sa oras na hindi nito
makayanan ang depresyon na dulot ng sikolohikal na pang-
aabuso, maaari itong maging sanhi ng mga mas malala pang mga
bagay gaya ng pananakit sa sarili o mas malala,
pagpapakamatay. Pangalawa, ikinakahon ng slut-shaming ang
kababaihan sa kung ano at hanggang saan lang ang puwede nilang
gawin. Dahil na rin sa takot na magiging biktima ng slut-
15
shaming, susunod na lang ang mga kababaihan sa kung ano ba ang
inaasahan sa kanila. Magiging mekanikal ang kanilang araw-araw
na pamumuhay dahil iniiwasan nila na makuha ang atensyon ng
ibang tao dahil sa paggawa ng mga maling bagay.
Isa pang konektadong punto ni McKelle ay ang pagkabirhen
ang sukatan ng kalinisan ng isang babae. Problemado ang
pananaw na ito ng mga tao sapagkat gaya ng mga una nang
nabanggit, nilalahat nito ang mga babaeng hindi sakop ng
depinisyon ng pagkabirhen—na hindi na sila malinis. Isang
halimbawa ng biktima ng panglalahat na ito ay ang mga rape
victims. Hindi na sila birhen kasi nga nagahasa sila pero
hindi naman nila ginusto ang nangyari. Pero mapapasama pa rin
sila sa panglalahat na ang mga hindi na birhen ay hindi na rin
malinis. Maaapektuhan din ang mga babaeng pinanganak na walang
hymen kasi kahit natural na na wala silang hymen, gagamitin pa
rin ito laban sa kanila sa paniniwala ng mga taong lahat ng
babae ay mayroong hymen pagkapanganak sa kanila. Hindi lang
din ito sa imahe ng babae nakakaapekto kundi pati na rin sa
mga bakla. Ang pagkabirhen bilang sukatan ng kalinisan sa mga
babae ay ang pagkabirhen katumbas ng respeto sa mga bakla.
Mayroong kaisipan kasi na mas karespe-respeto ang isang bakla
kung birhen siya; hindi malandi, hindi maharot. Pero sa
totoong buhay naman, wala namang relasyon ang pagiging birhen
sa pagiging karespe-respeto ng isang tao. Ang isa ngayon sa
mga epekto nito, mas maraming mga bakla ang umaastang lalaki
kahit nais nilang ilabas ang kanilang maingay na katauhan
16
dahil din sa takot na ito ang maging dahilan para hindi sila
respetuhin ng mga tao. Inililinya na rin nila ngayon na ang
pagiging maingay sa kung birhen ka pa o hindi na. Ito ay dahil
na rin siguro sa dahilan na maraming maiingay na bakla na
hindi na birhen, at dahil dito, nalalahat ang mga maiingay na
bakla na malandi kahit hindi naman ito ang kaso. Pinagmumukha
nilang birhen ang mga sarili nila kahit hindi na naman dahil
sa pagkokonekta nila ng pagkabirhen sa respeto. Dahil dito,
hindi dapat gamiting sukatan ang pagkabirhen o yung
pinanghahawakan nating kaisipan ng pagkabirhen upang tukuyin
kung malinis ang isang babae o kailangang respetuhin ang isang
bakla.
Kasabay din nito, muli’t muli ay namamarginalize ang mga
nasa LGBT community. Kung babalikan ang ibig sabihin ng
salitang pagkabirhen, ito ang estado kung saan wala pang
karasanasan ang isang tao sa pakikipagtalik. Sa depinisyong pa
lang na ito ng pagkabirhen, mayroon ng culture of
heteronormativity nang makikita. Heteronormativ siya sapagkat
wala namang iisang ibig sabihin ang salitang pakikipagtalik
ngunit palaging kinukuha na penetrative vaginal sex lang ang
qualifier para rito. Dahil dito, nawawaglit sa isipan ang iba
pang moda ng pakikipagtalik, tulad ng oral at anal sex. Gaya
ng unang halimbawa sa kaugnay na perspektibo, hindi matukoy
kung birhen pa ba o hindi na ang isang bakla o lesbian kung
oral sex lang naman ang ginagawa nila. Sa kontekstong ito,
nawawala ang diskurso sa pagkabirhen na umaayon sa mga
17
miyembro ng LGBT community kasi wala silang kakayanan na
magsagawa ng ‘penetrative vaginal sex’ sa mga partners nila.
Ito ngayon ay tumatawag sa mas malawak pang diskurso at pag-
intindi sa pagkabirhen, kung mayroon mang ganoon.
Nanatili ang komunikasyon namin nung lalaking nakilala ko
sa isang party. Dalawang beses pa naming inulit ang pagtatalik
naming ngunit hindi na ako pumayag sa mga pagkakataong iyon na
gumamit kami ng weeds bago magtalik. Kahit kasi nakakagaan ng
pakiramdam ang weeds, hindi mo naman maramdaman ng maayos yung
sarap ng pagtatalik. Naging FUBU niya ako ng dalawang buwan.
Habang nakaupo kami sa labas ng isang coffee shop sa
Katipunan, isang hapon, biglang naging seryoso ang aming
usapan. Ipinaalala niya sa akin ang sagot ko nang tanungin
niya kung ayos lang ba sa akin na hindi na siya birhen. Inamin
niya na bago niya ako makilala, puro oral sex lang daw ang
nasubukan niyang gawin at ako raw ang kanyang unang anal na
karanasan. Natawa na lang ako dahil sumeryoso ang kanyang
mukha dahil daw naguluhan siya nung mga oras na sinabi kong
hindi naman ako naniniwala sa konsepto ng pagkabirhen.
Ipinaliwanag ko naman sa kanya ang mga natutunan ko sa SocSci
3 at kung paano ako nahusgahan ng isang lalaki kasi hindi ako
birhen. Pumasok kami at nagkuwentuhan kami ulit habang
bumubuhos ang ulan sa labas. Nakakatuwa na may nakausap akong
bukas ang kaisipan sa mga ganoong bagay, lalo na’t galing siya
sa Ateneo na isang pribado at Katolikong paaralan. At nang mga
panahong ding iyon, napagkasunduan naming hindi na namin
18
iisipin pa ang pagkabirhen kasi isa nga lamang ito social
construct at maaaring wala naman talagang ganoong bagay.
Ngunit nabigla ako nang sabihin niyang itigil na namin ang
pagiging mag-FUBU namin. Nagulat ako kasi naisip ko na hindi
na ba siya natutuwa sa ginagawa naming, ngunit imbes na
sagutin niya ako, tinawanan niya lang at napatingin sa kanya
ang ibang mga tao sa coffee shop na iyon. Kinuha niya ang
kamay ko at para bang tumahimik ang paligid na parang kaming
dalawa lang ang nandoon sa mga panahong iyon. Nakatitig siya
sa akin at nakaramdam ako ng pagkailang kaya yumuko ako.
Itinaas niya naman ang ulo ko at muli ay nagkasalubong ang
titig namin. Umiyak na lang ako sa tuwa dahil kaya pala gusto
niyang itigil ang pagiging mag-FUBU namin kasi gusto niya
akong ligawan.
Ilang linggo rin niya akong niligawan hanggang sa sagutin
ko siya. Sa lahat ng mga naging nobyo ko, siya na yata yung
pinakamabait na pinakamasama, pinakamaaalahanin na
pinakabolero at kung anu-ano pang pinaka. Gustong gusto kong
yung personalidad niyang medyo suplado kasi alam ko na hindi
siya madaling magmahal pero heto ako at minamahal niya.
Nakuwento niya sa akin na mas lalo siyang ginanahan at
nagkainteres sa kurso niyang Biology dahil na rin sa mga
nasabi ko tungkol sa pagkabirhen. Habang na Anatomy class nga
raw siya ay tinanong niya ang kanyang propesor na isang doktor
sa tingin nito sa pagkabirhen. Natawa lang naman ang propesor
niya at sinabing huwag mong problemahin ang mga bagay na hindi
19
naman makakatulong sa pagiging doktor at tao mo. At dahil daw
doon ay tuluyan na kinalimutan na niya ang salitang
pagkabirhen.
Isang hapon, nang inaya ako ng kaibigan kong taga-UST,
nasira ang mood ko nang araw na iyon. Galit na galit ako na
kinita ang aking nobyo. Nang magkita kami, ipinakuwento niya
sa akin ang buong nangyari. Nainis lang naman ako sa klasmeyt
kong iyon nung hayskul dahil sa lakas niyang manghusga.
Nagkita kasi kami sa Gateway para magbonding daw. Siyempre,
hindi maiiwasang magkakuwentuhan sa tagal na naming hindi
nagkita at naikuwento ko sa kanya na mayroon akong nobyo.
Siyempre, naging mausisa siya hanggang sa matanong niya kung
nagtalik na daw ba kami. Wala naman akong ikinakahiya o
itinatago kaya sinabi ko yung totoo. Nag-iba ang timpla ng
mukha niya at tinanong kung nagbibiro raw ba ako kasi
nagbibiro lang daw siya nung tinanong niya iyon. Sinabi ko
namang seryoso ako at doon na nagsimulang masira ang araw ko.
Bigla siyang nagsalita na bakit daw ako naging ganoon, dapat
daw magsilbi akong modelo sa batch namin dahil ako ang
valedictorian pero hindi na kami hayskul para magsilbi pa
akong modelo para sa kanila. Sabi niya, nakakahiya raw ako
kasi nagcollege lang daw ako, naging maharot at malandi na ako
at ang pinakamasaklap daw, hindi na ako birhen. Pero ang
pinakanagpainit ng ulo ko ay ang paghahalintulad niya sa akin
sa mga bakla sa probinsya namin na walang ginawa kundi
maglandi at magharot. Alam ko naman sa sarili ko na hindi ako
20
ganoong klaseng tao. Kaya sinagot ko siya at sinabing itigil
na niya ang pagiging impokrita niya kasi balang araw darating
din siya sa puntong hindi na siya birhen. At muli,
pinanghawakan ko ang paniniwala ko—walang birhen o
pagkabirhen. Pagkatapos noon ay magkalit kaming naghiwalay.
Nang matapos ako sa paglalahad ay pumupuyos na ang nobyo ko sa
galit. Naiinis daw siya kasi ang lakas daw ng loob ng kaklase
kong iyon na husgahan ako samantalang hindi niya naman kilala
ang tunay na ako.
Mabilis na kumalat sa iba ko pang batch mates ang balita
na para bang isa itong napakaimportanteng usapin. Iba’t iba
ang reaksyon nila tungkol sa nalaman nila. May ilang
nakaintindi, may ilang hindi. Mayroon nakisimpatya sa pag-
aaway namin at mayroon ding tumuligsa sa akin. Ngunit wala na
akong pakialam sa kanila. Alam ko kung saan ako nanggagaling
at alam ko ang aking pinaniniwalaan. Magiging matatag ako sa
paniniwala kong iyon. Inisip ko na lang na kaya ganoon ang
reaksyon ng iba sa kanila ay dahil sa hindi sila nakapasa sa
UP at hanggang sa ngayon ay galit pa rin sila sa akin.
Makikita na ang mga pinakamalaking isyu na naidudulot ng
patuloy na paniniwala ng mga Pilipino sa pagkabirhen ay ang
panglalahat, pangmamata, panghuhusga at paglilimita.
Unang una, ang panglalahat; may nagagawang nosyon kasi ang
konspeto ng pagkabirhen sa isipan ng mga tao at ito ay ang
nosyon na ang isang babaeng birhen ay malinis at dalisay. Ang
21
babaeng hindi naman birhen ay kabaliktaran nito, madumi at
nakakahiya. Gaya nga ng sinasabi ng akda ni Fabello,
napatunayan na ng mga pag-aaral sa agham na hindi lahat ng
babae ay may hymen at hindi lang sa pakikipagtalik ito
puwedeng mawala. Ngunit dahil hindi lahat ng tao ay nabibigyan
ng impormasyon ukol dito, makitid pa rin ang pananaw ng mga
tao tungkol dito ipinapapalagay nila na basta walang hymen ang
isang babae ay hindi na siya birhen. Sa mga bakla naman, ang
pagiging maingay ay naihahambing sa pagiging malandi at hindi
na birhen kaya nalalahat ang mga maiingay na bakla na sila ay
hindi na mga birhen. Napakalaking problema ng panglalahat
dahil ito ang simula ng isang series ng pagtuligsa at walang
habas na panghuhusga. Dahil ito sa rason na masyadong malaki
ang nasasakop ng panlalahat at masyadong malaki ang epekto
nito sa kaisipan ng mga tao. Ang panglalahat kasi ay
nagsisilbing panimula para sa bandwagoning.
Ang ikalawang malaking isyu na harapin dahil sa patuloy na
pagtangkilik ng mga Pilipino sa pagkabirhen ay ang pangmamata
at panghuhusga. Pagkatapos ng panglalahat, ito ang susunod na
hakbang. Ang panglalahat ang tumutukoy sa mga taong dapat
tuligsahin at dahil mayroon ka ng tao, puwede ka nang mangmata
at manghusga dahil lamang sa isang pangkalahatang paglalarawan
na maaaring tama o mali. Malaki ang papel na ginagampanan ng
panghuhusga sa mga kilos ng mga tao. Ayaw ng mga tao na
minamata at hinuhusgahan sila kaya pinipilit ng lahat ng tao
na iwasan ito. Ngunit dahil sa panglalahat na ito, natutumbok
22
ang mga rason, tama man o mali para manghusga ng tao. May
epekto ang pangmamata at panghuhusga sa mga biktima nito.
Nagiging dahilan ito para mapressure o hindi kaya ay madepress
ang biktima. Napepressure siya o nadedepress kasi nga ayaw
niyang mamata o mahusgahan ngunit dahil nangyayari ito, dalawa
lang ang pagpipilian ng biktima, ang mapressure at baguhin ang
imaheng ito o madepress at tuluyang mahusgahan at matahin.
Kapag matagumpay na nabago ng biktima ang kanyang imahe, wala
na siyang problema ngunit kapag nagpatuloy ang imaheng ito,
mas lalo siyang madedepress. Kapag hindi na niya kaya ang
depresyon, maaaring maging dahilan ito para saktan niya ang
sarili niya o ang pinakamalala, magpakamatay. Hindi naman
lahat ng mga kaso ganoon, ngunit may mga kaso ng mga battered
wife kung saan kaya sila sinasaktan ng kanilang mga asawa ay
dahil sa hindi sila mga birhen ng pinakasalan sila ng mga
asawa o hindi kaya ay birhen naman ngunit nagkataon lang na
nawalan na ng hymen bago pa man ang unang pakikipagtalik.
Ang panghuling isyu na hinaharap ng konsepto ng
pagkabirhen ay ang isyu ng paglilimita. Ito na marahil ang
pinakatuktok ng bundok ng mga masasamang epekto ng patuloy
nating paniniwala sa konsepto ng pagkabirhen. Dahil mayroon
tayong nosyon na dapat birhen ang isang babae bago ikasal,
nililimitahan natin silang gawin ang kahit anong nais nilang
gawin sa katawan nila. Ganito rin ang kaso ng mga bakla. Dahil
sa nakakonekta na sa respeto ang pagiging birhen ng isang
bakla, nalilimitihan siyang gawin ang mga nais niyang gawin at
23
iparating ang kanyang mga nais sabihin. Napakalaking pandaraya
ito sa kaso ng mga babae at mga bakla sapagkat hindi naman
nalilimitahan ang mga lalaki sa parehong paraan na
nalilimitahan sila dahil sa konsepto ng pahkabirhen. Higit pa
nga na nakakaganda sa imahe ng mga lalaki ang hindi na nila
pagiging birhen. Ika nga ng mga lalaki, “the more the sexier.”
Isa lang itong patunay na ang konsepto ng pagkabirhen ay gawa
ng isang patriarchal na lipunan upang mabigyan ng higit na
pribilehiyo ang mga kalalakihan at pagkaitan ang mga babae at
mga bakla. Napagkakaitan sila—napagkakaitan ng kalayaang
magdesisyon para sa sariling katawan at aksyon.
Ngunit ang huling perspektibong nais kong ibahagi ay ang
perspektibo ko bilang isang indibidwal na nag-aaral sa isang
mapagpalayang kapaligiran. Kung wala naman palang medikal o
biological na kahulugan ang pagkabirhen, at kung hindi naman
pala lahat ng babae ay may hymen o napapanatili ang kanilang
hymen hanggang pagtanda kahit hindi makipagtalik, ano pa kaya
ang halaga ng paglalahad ko tungkol sa mga karanasan at mga
akdang nabanggit ko? Simple lang, naniniwala ako na wala naman
talagang taong birhen para magsimula. Para sa akin, ito ay
isang katha lamang na ginawa ng mga kalalakihan upang
mapatunayan nila na ang pagiging lalaki ang pinakamalakas na
kasarian. Naniniwala ako na kung hindi tayo pinamunuan ng mga
lalaki sa ating kasaysayan, at hindi nawala ang kahalagahan ng
mga babaylan, pantay ang magiging trato natin sa mga kasarian.
Walang magiging dahilan upang limitahan ng mga kalalakihan ang
24
mga babae at ngayon pati ang mga bakla dahil nga naman,
pantay-pantay lang ang magiging antas natin sa lipunan. Walang
taong pinanganak na birhen kaya dapat hindi na tanungin kung
ang isang tao ay birhen. Dahil dito, mas lalo lang na
naikakahon ang mga taong apektado ng kaisipang ito. At para
hindi na sila maikahon pa, kailangang sunugin ang kahon na
ito.
Naging masaya ang pagsasama naming dalawa ng nobyo ko.
Marami kaming pagsubok na pinagdaanan ngunit magkasama naming
hinarap ang mga iyon. Hindi na namin binalikan ang mga usapan
namin tungkol sa pagkabirhen dahil pareho na naming
nakalimutan ang mga iyon. Sa kasalukuyan ay pareho kaming
maraming pinagkakaabalahan. Sa sobrang busy namin pareho,
madalang na kaming magkita. Pero kahit ganoon, naniniwala
akong matatag ang aming relasyon. Naniniwala ako na mahal pa
rin namin ang isa’t isa kahit hindi na kami masyadong
nagkikita. Naniniwala ako, gaya ng paniniwala ko na mayroong
mga birheng walang hymen.