masat dhe dënimet e zbatueshme të së drejtës penale në ...
-
Upload
khangminh22 -
Category
Documents
-
view
2 -
download
0
Transcript of masat dhe dënimet e zbatueshme të së drejtës penale në ...
University for Business and Technology in Kosovo University for Business and Technology in Kosovo
UBT Knowledge Center UBT Knowledge Center
Theses and Dissertations Student Work
Spring 6-2018
MASAT DHE DËNIMET E ZBATUESHME TË SË DREJTËS PENALE MASAT DHE DËNIMET E ZBATUESHME TË SË DREJTËS PENALE
NË REPUBLIKËN E KOSOVËS NË REPUBLIKËN E KOSOVËS
Filloretë Qorri University for Business and Technology - UBT
Follow this and additional works at: https://knowledgecenter.ubt-uni.net/etd
Part of the Law Commons
Recommended Citation Recommended Citation Qorri, Filloretë, "MASAT DHE DËNIMET E ZBATUESHME TË SË DREJTËS PENALE NË REPUBLIKËN E KOSOVËS" (2018). Theses and Dissertations. 354. https://knowledgecenter.ubt-uni.net/etd/354
This Thesis is brought to you for free and open access by the Student Work at UBT Knowledge Center. It has been accepted for inclusion in Theses and Dissertations by an authorized administrator of UBT Knowledge Center. For more information, please contact [email protected].
Kolegji UBT
Fakulteti Juridik
MASAT DHE DËNIMET E ZBATUESHME TË SË DREJTËS PENALE
NË REPUBLIKËN E KOSOVËS
Shkalla Bachelor
Filloretë Qorri
Shtator / 2018
Prishtinë
Kolegji UBT
Fakulteti Juridik
Punim Diplome
Viti akademik 2014/2015
Filloretë Qorri
MASAT DHE DËNIMET E ZBATUESHME TË SË DREJTËS PENALE
NË REPUBLIKËN E KOSOVËS
Mentori: Dr. Sc. Albulena Ukimeraj
Shtator / 2018
Ky punim është përpiluar dhe dorëzuar në përmbushjen e kërkesave të
pjesshme për Shkallën Bachelor
I
ABSTRAKT
Për masat dhe dënimet si çështje kryesore të së drejtës penale të çdo shteti, ka pasur
studime dhe komentime të mjaftueshme në Republikën e Kosovës.
Synimi kryesor i kësaj çështje është analizimi i dënimeve ose sanksioneve penale, si dhe
mënyra e ekzekutimit të tyre që nga kohërat më të hershme e deri tek evoluimi i tyre në
ditët e sotme. Si qëllim tjetër i këtij punimi është studimi dhe analizimi i dënimeve që
aplikohen ndaj të miturve në Republikën e Kosovës.
Në këtë aspekt, do të analizohen kodet dhe ligjet më të rëndësishme të cilat kanë shërbyer
gjatë historisë së Kosovës.
Në kapitullin e II, të këtij hulumtimi kam diskutuar se cila është lënda dhe funksioni i së
drejtës penale, në kapitullin e III, është folur për karakteristikat e së drejtës penale gjatë
periudhës së shteteve skllavo-pronare dhe atyre feudale si dhe për të drejtën penale të
Kosovës gjatë periudhës së feudalizmit. Në kapitullin e VI, është diskutuar funksioni dhe
sistemi i sanksioneve penale në përgjithësi dhe në Republikën e Kosovës, si dhe në
kapitullin e V, të këtij hulumtimi është folur për sanksionet penale dhe shqiptimi i tyre ndaj
të miturve.
Fjalët kyqe: Sanksionet penale, masat, Kodi Penal i Republikës së Kosovës, Dënimet për
të Mitur, Kriminaliteti, E Drejta Penale.
II
MIRËNJOHJE DHE FALENDERIME
Para së gjithash, dëshiroj të shpreh mirënjohjen time të thellë dhe të sinqertë për drejtuesen
shkencore të këtij punimi Prof. Dr.Sc. Albulena Ukimeraj, për mbikqyrjen e saj të
shkëlqyer, kohen, durimin, mirekuptimin, këshillat si dhe mbështetjen e vazhdueshme gjatë
të gjitha fazave të përgatitjes së këtij punimi.
Falënderim i posaçëm i takon familjes sime për përkrahjen e vazhdueshme, të cilëve i’u
dedikoj çdo rezultat që kam arritur, sado modest të jetë.
III
PËRMBAJTJA
1 HYRJE ............................................................................................................................ 1
2 SHQYRTIMI I LITERATURËS .................................................................................... 2
2.1 Lënda e së Drejtës Penale dhe Funksioni Mbrojtës i saj ......................................... 3
2.2 Zhvillimi i së Drejtës Penale në Botë dhe në Republikën e Kosovës ...................... 4
2.2.1 Disa Karakteristika të Përgjithshme të Zhvillimit të së Drejtës Penale ............ 4
2.2.2 Karakteristikat Themelore të së Drejtës Penale të Shteteve skllavo-pronare
dhe atyre feudale…. ........................................................................................................ 5
2.2.3 E Drejta Penale gjatë Periudhës së Feudalizmit ............................................... 8
2.2.4 Ligji Penal i RSFJ, Ligji Penal i Krahinës Social Autonome të Kosovës dhe
Kodi Penal i Republikës së Kosovës ............................................................................... 9
2.3 Sanksionet Penalet ................................................................................................. 11
2.3.1 Nocioni, Funksioni, Sistemi, Karakteristikat e së Sanksioneve Penale .......... 11
2.3.2 Llojet e Sanksioneve Penale në Përgjithësi .................................................... 12
2.3.3 Sistemi i Sankioneve Penale në të Drejtën Penale të Kosovës ....................... 13
2.4 Sanksionet Penale ndaj të Miturve ......................................................................... 17
2.4.1 Kuptimi, Karakteristikat dhe Qëllimi i Sanksioneve Penale ndaj të miturve . 17
2.4.2 Pozita e të miturve dhe Sanksionet Penale ndaj tyre në Kosovë deri në
nxjerrjen e Kodit të Drejtësisë për të Mitur të Republikës së Kosovës ......................... 19
2.4.3 Masat e Diversitetit ......................................................................................... 20
2.4.4 Masat Edukative ............................................................................................. 22
2.4.5 Dënimet ndaj të miturve ................................................................................. 23
3 DEKLARIMI I PROBLEMIT ...................................................................................... 25
4 METODOLOGJIA ........................................................................................................ 26
5 KONKLUZIONE DHE REKOMANDIME ................................................................. 27
6 REFERENCAT ............................................................................................................. 28
1
1 HYRJE
Duke qenë se sanksionet penale dhe dënimet të cilat zbatohen ndaj kryerësve të veprave
penale janë çështje kryesore dhe epiqendër e së drejtës penale të çdo shteti, të njëjtat
shërbejnë si mënyra me të cilat mbrohet shoqëria dhe me të cilat luftohet kriminaliteti.
Sa i përket të drejtës penale të Kosovës, aspekti ligjor dhe praktika e ekzekutimit të
saksioneve penale ka pësuar disa ndryshime përgjatë zhvillimit dhe ndryshimeve
shoqëroro-politike. Praktika e ekzekutimit të sanksioneve penale ka kaluar në disa periudha
të ndryshme për shkak së Kosova ishte pjesë e ish-Jugosllavisë dhe Serbisë. Pas luftës së
vitit 1999 Kosova filloi të ngritet në cdo aspekt, ku në vitin 2003 është përgatitur edhe
versioni përfundimtar i kodit penal. Pastaj në vitin 2008, pas shpalljes së pavarsisë së
Kosovës është nxjerrur kushtetuta e saj, në bazë te së ciles janë nxjerrë shumë ligje dhe
është bërë kodifikimi i shumë ligjeve tjera ekzistuse. Analizimi i sanksioneve penale zgjon
interes të posacem në shoqëri për shumë arsye.
Në kuadër të këtij hulumtimi do të trajtoj këto çështjet:
1.Cilat janë llojet e sanksioneve penale që zbatohen në Republikën e Kosovës?
2. Cilat janë karakteristikat e sanksioneve penale?
3. Si dhe cfarë lloje të masave dhe sanksionve penale aplikohen ndaj te miturve?
2
2 SHQYRTIMI I LITERATURËS
E Drejta Penale është degë e sistemit të së drejtës pozitive, si nga aspekti ligjor ashtu edhe
nga aspekti shkencor. Veprat me të cilat cenohen, dëmtohen apo asgjësohen vlerat juridike
të njeriut dhe të bashkësisë së caktuar, në të drejten penale quhen vepra penale apo
kriminalitet (Salihu, 2012). Shoqëria është ajo e cila mbrohet me të drejtën penale dhe
mënyra kryesore më të cilen luftohet kriminaliteti.
Sipas legjislacionit pozitiv, e drejta penale është sistem i normave ligjore në bazë të së ciles
përcaktohet se cilat vepra të njerëzve konsiderohen vepra penale dhe çfarë lloje të
dënimeve apo të sanksioneve penale do t’u shqiptohen kryesve të tyre (Franjo,1978).
Egzistojnë dy kuptime të cilat e përcaktojnë të drejtën penale: kuptimi formal dhe kuptimi
material. Nocioni i së drejtës penale në kuptimin formal nuk është i plotë pasiqë krahas
elementeve juridike nuk është e cekur funksioni social dhe qëllimi i së drejtës penale.
Andaj veprat penale nuk janë vetëm dukuri juridike, por edhe reale ngase kryhen në
rrethana të caktuara shoqërore –ekonomike. Në kuptimin material, e drejta penale
përkufizohet duke pasur parasysh veprat penale, qellimin dhe funksionin e kësaj dege. Së
këndejmi, e drejta penale në kuptimin material përkufizohet si degë e drejtësisë me të cilën
mbrohen nga veprat penale marrëdhëniet e caktuara të shoqërisë (Franjo, 1978). Sidoqoftë
si qëllim kryesor i këtyre dy definicioneve është mbrojtja e marrëdhënieve shoqërore nga
kriminaliteti, mbrojtje e cila bëhet duke shqiptuar dënime dhe sanksionet penale ndaj
kryersve të veprave penale.
Sanksionet penale janë llojet më të rënda të sanksioneve që njihen në një sistem juridik,
zbatohen duke përdorur dhunën dhe me to, kryesve të veprave penale u kufizohn apo u
merret liria, nderi, pasuria, të drejtat e tjera, madje në ato shtete ku akoma parashihet
dënimi me vdekje, merret edhe jeta në rastet kur shqiptohet dhe ekzekutohet dënimi me
vdekje (Salihu 2012). Karakteristikë kryesore e lëmisë penale është se kjo e drejtë i takon
të drejtës ligjore, ngase i rregullon çështje nga lëmi i saj vetëm me ligj, e jo edhe me ndonjë
akt tjeter nënligjor apo norma të tjera juridike (Vlado, 2004).
3
2.1 Lënda e së Drejtës Penale dhe Funksioni Mbrojtës i saj
Si lëndë kryesore e kësaj të drejte është: kryerësi i veprës penale, vepra dhe sanksionet
penale, të cilat përveç që konsiderohen si institucionet kryesore të kësaj lëmie ato janë edhe
dukuri reale të cilat i përkasin jetës shoqërore. Vepra penale përveç formës së saj juridike,
që është caktuar me ligj, në fakt është edhe një ngjarje reale në botën e jashtme me të cilën
cenohen apo asgjësohen të mirat juridike të bashkësisë shoqërore dhe të njeriut (Salihu
2008). Kushtet dhe rrethanat në të cilat jeton kryerësi, janë ato të cilat kanë ndikuar që pjesa
më e madhe e kësaj dukurie negative të jëtë e pranishme në të gjitha vendet e botës. Në
nenin 1 paragrafi 1 të KPRK, është parashikuar se veprat penale parashihen vetëm për ato
sjellje me të cilat cenohen apo dëmtohen në atë masë liritë dhe të drejtat e njeriut si dhe të
drejtat tjera dhe vlerat shoqërore të garantuara dhe të mbrojtura me Kushtetutën e
Republikës së Kosovës dhe me të drejtën ndërkombëtare, mbrojtja e të cilave nuk do të
mund të realizohej pa dhunën penalo juridike (Kodi Penal, 2013).
Si funksion mbrojtës i së drejtës penale është mbrojtja e shoqërisë nga kriminaliteti (Salihu
2012), me anë të mjeteve penalo-juridike.
Kjo realizohet duke përcaktuar se cilat vepra konsiderohen si vepra penale dhe me anë te
saj të shqiptohet lloji përkatës i masave dhe sanksioneve penale. Shqiptimi i tyre ushtrohet
duke u respektuar forma e caktuar me Kodin e Procedurës Penale në bazë të parimit “që
askush i pafajshëm të mos dënohet, kurse fajtorit t’i shqiptohet dënimi i merituar në kushtet
që i parasheh ligji penal dhe në bazë të procedurës së ligjshme” (Kodi i Procedurës Penale
të Kosovës,2013). Jo çdo vepër konsiderohet si vepër penale dhe të shqiptohen sanksionet
penale sepse mjetet penale-juridike shqiptohen vetëm në rastet kur nuk mund të mbrohet në
masë të mjaftueshme shoqëria nga kriminaliteti, kjo d.m.th se funksioni mbrojtës i së
drejtës penale është i karakterit subsdiar ngase shprehet vetëm në rastet kur vlerat më të
rëndësishme të shoqërisë nuk mund të mbrohen me mjete apo mënyra tjera ( Salihu, 2012).
4
2.2 Zhvillimi i së Drejtës Penale në Botë dhe në Republikën e Kosovës
2.2.1 Disa Karakteristika të Përgjithshme të Zhvillimit të së Drejtës Penale
Meqenëse, e drejta penale është rezultat i zhvillimit afatgjatë historik të njerëzimit, ajo ndër
vite ka pësuar ndryshime të shumta duke krijuar institute të reja të cilat të drejten penale të
mëvonshme e kanë bëre më humane, krahas të drejtës penale të lashtë e cila për nga natyra
ishte më e vrazhdë dhe johumane për shkak të dënimeve të rënda që aplikoheshin në atë
kohë. Në zhvillimin e së drejtës penale në të kaluarën dhe tani ndikojnë faktorë të shumtë
dhe të natyrës së ndryshme, siç janë karakteri i rregullimit shoqëror dhe politik, shkalla e
zhvillimit dhe forcat e shtetit, zhvillimi i teknikës dhe i civilizimit, religjioni e në veçanti
shkenca e së drejtës penale dhe shkencat e tjera të cilat merren me studimin e kriminalitetit,
si dhe praktika gjyqësore dhe organizimi i organeve të juridikaturës (Garacic, 2004).
Në periudhën e bashkësisë së parë njerëzore kishte shumë vepra, të cilat ndikonin në
zhvillimin e jetës shoqërore. Duke pasur parasysh mos zhvillimin e shtetit njëkohësisht
edhe të drejtës penale, e drejta zakonore ishte ajo që mizotëronte si ligj që si qëllim kishte
mbrojtjen e bashkësisë shoqërore nga veprimet e dëmshme dhe ushtrohej nga familja apo
fisi. Ndëshkimet në këto kohë ishin mjaft arbitrare dhe primitive, ndaj kryerësve të veprave
penale në këte bashkësi më së shpeshti bëhej dëbimi nga bashkësia, hakmarrja dhe
kompozicioni (Gashi, 2005).
Dëbimi nga Bashkësia- është forma e parë dhe më e lashtë e reagimit ndaj sjelljeve të
ndaluara dhe është shqiptuar vetëm ndaj anëtaëve të bashkësisë vetëm në rastet më të rënda
të delikteve ( Salihu, 2012). Ky lloj dënimi ishte i ashpër dhe e ngjashme me dënimin me
vdekje sepse kur kryerësi dëbohej nga bashkësia atij i rrezikohej jeta.
Hakmarrja- Përvec që hakmarrja ishte aplikuar në periudhën e bashkësisë së parë
njerëzore, pra në kohën kur e drejta penale nuk ishte e zhvilluar, aplikimi i hakmarrjes
vazhdoi edhe pas krijimit të shtetit dhe të drejtës penale, mirëpo nuk ishte në nivelin e
njejtë. Gjithnjë e më tepër ngushtohej rrethi i personave që mund ta kryenin dhe rrethi i
personave që mund të kryhej. Kështu, sipas të drejtës zakonore shqiptare, të afërmit e
personit që jetonin të ndarë janë detyruar të ruhen vetëm 24 orë pas kryerjes se vrasjes. Pas
5
këtij afati ata kanë mundur të lëvizin lirisht, sepse ndaj tyre nuk ka guxuar të merret gjaku
(Anastasi, 2005).
Gjakmarrja u kufizia me institucionit e talionit, i cili ka qëndruar në aforizimin “ sy për sy,
dhëmb për dhëmb”, sipas këtij institucioni me rastin e kryerjës së gjakmarrjes ka mundur
të shkaktohet vetëm i njëjti lloj dhe intensiteti i se keqës së pësuar më parë. Qëllimi i këtij
insitucioni është që të ndalohet që për një njëri të vrarë të vriten shumë persona dhe
vështruar në aspektin penalo-juridik, kjo është faza e parë e aplikimit të ekuivalencës midis
së keqës së pësuar dhe dënimit të shqiptuar.” (Gashi, 2005).
Kompozicioni- Ndryshe njihet edhe si shpagimi i gjakut dhe shënon një zhvillim të madh
njerëzimit dhe konsiston në zbutjen dhe kufizimin e gjakmarrjes (Maier J. 2001).
Konsistonte në dhënien e një dëmshpërblimi të caktuar viktimës ose familjes së tij, me
ç’rast kërkohej falje, përkatësisht shprehej keqardhje për atë qe ndodhi ajo e keqe (Gashi,
2005). Përveç që është zbatuar për veprat penale që kanë pasur të bëjnë më vrasje, më vonë
është zbatuar edhe në vepra penale të tjera më të lehta.
Duke e parë zhvillimin e këtij institucioni, njerëzit vetëdijesoheshin edhe më shumë për
faktin se kompozicioni ishte më shumë i dobishëm sesa gjakmarrja.
2.2.2 Karakteristikat Themelore të së Drejtës Penale të Shteteve skllavo-pronare dhe
atyre feudale
Duke e pasur parasysh ekzistimin për një periudhë të gjatë kohore të shteteve skllavo-
pronare, pavarsisht nivelit të zhvillimit të shteteve skllavo-pronare shprehen disa dallime
midis këtyre shteteve dhe kategorisë se drejtës penale.
Përkundër dallimeve të cilat ekzistojnë midis këtyre të dyjave ato kanë edhe disa
karakteristika themelore të përbashkëta dhe me të cilën karakterizohet e drejta penale e
shteteve skllavo-pronare është rëndesia të cilen i’a ka kushtuar mbrojtjes së pronës,
prodhimeve bujqësore si dhe skllevërve si në pikëpamje të përgjegjësisë së tyre penale
ashtu edhe në mbrojtjen e personalitetit të tyre sepse ata në një mënyrë janë konsideruar si
6
pronë e skllavopronarit. Në pikëpamje të përgjegjësisë penale dhe mbrojtjen e
personalitetit, shprehet dallimi shoqëroro-ekonomik ndaj njerëzve të lirë të cilët kanë kryer
vepër penale të rëndë dhe ndaj tyre është aplikuar parimi i talionit ose kompenzimi i dëmit,
si dhe ndaj skllevërve të cilve edhe për kryerjen e krimit më të vogël është ndëshkuar me
dënime të rënda për arsyen se skllavi është konsideruar send dhe jo njeri dhe ishte pa
mbrojtje. Nisur prej kësaj vrasja e skllavit është konsideruar si krim kundër pasurisë, më
vonë sidomos në perandorinë romake gradualisht në një masë u parapa edhe mbrojtja e
personalitetit të skllavit e sidomos jeta e tij. Karakteri sakral i së drejtës penale nuk ka pasur
intensitetin e njejtë në të gjithë shtetin skllavo-pronar të bazuar në tërë sistemin e tij me
karakter teologjik (Manacorda, 2001). Përvec disa rrethanave tjera e drejta penale ka
kushtëzuar të njohë numër të madh të veprave penale të karakterit fetar (Statovci, 1999).
Përkitazi me veprat penale dhe dënimet në shtetet skllavopronare, nuk është i njohur parimi
i ligjshmërisë, numri më i madh i madh i marrëdhënieve shoqërore janë rregulluar me të
drejtën zakonore qe ishte burim kryesor i së drejtës penale dhe një pjesë e vogël e veprave
penale është rregulluar me ligj.
Kushtëzimi ka qenë në fushën e së drejtës penale në mënyrë që të shprehet arbitrariteti i
gjykatave brenda ciklit shoqëror e ekonomik. Dënimi me vdekje ndaj të ndëshkuarit është
ekzekutuar me prerjen e kokës, duke e djegur në grumbullin e drunjëve duke e çuar me
anën e kuajve etj. Dënimi me vdekje, dënimet e tjera fizike janë ekzekutuar në mënyrë
publike me qëllim që të ushtrojë frikësues ndaj të tjerëve (Pella, 2001). Varësisht prej llojit
natyrës dhe mënyra e ekzekutimit te cilat për nga natyra e tyre ishin më të të rënda dhe
johumane, dënimet e kanë pasur si qëllim hakmarrjen ndaj kryerësit të veprës penale pasi
që e drejta penale në periudhën e shteteve skllavopronare nuk e ka njohur dënimin me burg.
Burim tjetër kryesor në këtë periudhë ka qenë e drejta zakonore edhe pse në këtë periudhë
ka pasur shumë pak burime të shkruara apo ligje. Si pjesë e së drejtës zakonore dhe qe ka
qenë e rëndësishme ishte Ligji i Hamurabit e shekullit XVII. Një pjesë të dispozitave me
karakter penalo-juridik i hasim edhe në burimet e shkruara të së drejtës romake.
Perimetri kohor i shteteve skllavopronare zhvillohej në mënyrë kaotike duke u kushtëzuar
7
nga çështjet e përditshme e kështu duke i lënë menjëanë zhvillimin real e racionl të së
drejtës penale (Chiavario, 2004).
Si rezultat i revolucioneve të skllevërve që përmbysi rendin skllavopronar, rendi feudal
ishte ai që e zevendësoi atë. Dhe kjo epokë filloi nga shek. V dhe zgjati deri në fund të
shek. XVIII, ku edhe kishite filluar revolucioni francez borgjez. Qëllimi dhe llojet e
dënimeve të veprave penale në shtetet feudale nuk ndryshuan shumë nga ato të shteteve
skllavopronare, sepse edhe në feudalizëm vend dominant kishe dënimi me vdekje si dhe
lloje të tjera të denimeve fizike. Pastaj në masë të madhe ka kontribuar edhe e drejta
kishtare në “sistemin e shenjtë të inkvizicionit” (Salihu, 2008).
Duke marrë parasysh ndryshimet bazë legjislative të bëra brenda perimetrit të gjatë kohor
përparësia ështe evidente dhe dallimi midis klasave dhe shtresave shprehet në të gjitha
ligjet e sidomos ndëshkimin në shtetet feudale, pra për të njejtën vepër penale të kryer nga
bujkrobi dhe feudali, bujkrobi ka qenë ai i cili është dënuar më rëndë në krahasim me
feudalin. Marrë në përgjithësi e drejta penale shprehte dhe sanksiononte në mënyrë të hapur
edhe vullnetin, interesin e klasës sunduese feudale dhe të shtresave të tjera të larta siç ishin:
kastat, fisnikëria dhe kisha (Statovci, 1999). Sikurse në të drejtën penale të shteteve
skllavopronare ashtu edhe në atë feudale, si burim dhe bazë kryesore e së drejtës penale
feudale ishte e drejta zakonore edhe pse vetëm një numër i vogël i çështjeve ishin rregulluar
me ligj. Si pasojë e mossigurimit të parimit të ligjshmërisë lidhur me veprat dhe dënimet
penale bëri që kjo situatë të kontribuoi në paraqitjen e arbitraritetit të gjykatave. Gjykata ka
mundur të shqiptojë dënim shumë të rëndë apo më të lehtë, nuk ka mundur që të shqiptojë
vetëm dënim që ka qenë i rëndomtë për mbretërinë. Kësisoj matja e dënimit në tërësi i
është besuar bindjes dhe ndërgjegjies së gjykatësit, ky arbitraritet përkitazi me matjen e
denimit ka qenë një e keqe shum e madhe e sistemit feudal. (Conforti, 2006). Burim tjetër i
rëndësishem ishte e drejta romake dhe akceptimi i saj praktika gjyqësore, dekretet e
mbretërve etj. Si karakteristikë tjetër e rëndësishme e ligjeve të shteteve feudale ishte
mbrojtja primare e pronës dhe rëndësi të posaçme i kushtohej vjedhjeve, grabitjeve dhe
vjedhjeve grabitqare (Zoran, 2003). Në përgjithësi e drejta penale. Në veçanti shkenca e së
drejtës penale gjatë kohës së feudalizmit të hershëm dhe në mesjetë gjet në shek. XI nuk
8
shenon ndonjë zhvillim (Lemkin, 1944). Përkundër vështirësive dhe pengesave që e
përcollën zhvillimin e së drejtës penale rrethana këto që në masë të konsiderueshme
kontribuan që kjo degë e drejtësisë të shënojë stangim në feudalizëmin e hershëm, prapë e
drejta penale duke filluar prej shek. XII, kur edhe u lajmërua shkolla glostare dhe
postglostare e sidomos në shek. XVII u zhvillua dukshëm (Anastasi, 2005).
2.2.3 E Drejta Penale gjatë Periudhës së Feudalizmit
Në Kosovë dhe në përgjithësi në tëre territorin e Shqipërisë, nuk është se janë ruajtur
monumente juridike siç janë ligjet, kodet apo përmbledhje të së drejtës zakonore përmes së
cilave do të nxirreshin përfundime për të drejtën penale në periudhën e feudalizmit.
Shqipëria dhe viset e tjera etnike shqiptare dhe pothuajse të gjitha shtetet e tjera ballkanike
u pushtuan nga perandoria turke e cila sundoi në këto vise për gati pesë shekuj. E drejta
zakonore dhe e drejta zakonore penale ishte ajo që aplikohej në Kosovë dhe Shqipëri gjatë
kësaj periudhe, krahas kësaj aplikoheshin Kodi Penal i Turqisë 1868, sheriati, kanunet turke
(Elezi, 2009).
“Krahas zbatimit të sheriatit dhe të drejtës penale turke, është aplikuar edhe e drejta
zakonore shqiptare dhe në kuadrin e saj edhe e drejta penale zakonore shqiptare.” (Halili,
2002). Ajo që konsiderohet si pjesa më e madhe e drejtës zakonore shqiptare quhet Kanuni
i Lekë Dukagjinit, dënimet të cilat aplikoheshin sipas këtij kanuni ishin: hakmarrja, dënimi
me vdekje, gjoba, rrënimi i pasurisë, leqitja. Sidoqoftë në vitin 1912 pas largimit të
perandorisë osmane Shqipëria e shpalli pavarsinë, por Kosova ishte ajo e cila e vuajti edhe
më pas për shkak se u okupua nga Mbretëria Serbe. Në territorin e Kosovës në fillim u
aplikuan kapitulli IX dhe X i Kodit Penal të Serbisë mbi krimet dhe kundërvajtjet kundër
shtetit, mbretit dhe kushtetutës, ndërsa në vitin 1921 u aprovua Ligji i posaçëm mbi
mbrojtjen e sigurisë dhe rendit shtetëror i cili për nga ashpërsia dhe dënimet drakoniane që
u parapanë dhe u zbatuan, ndryshe emërtohej edhe si ligj famëkeq për mbrojtjen e shtetit
(Salihu, 2012). Edhe pas aprovimit të kodit penal të ish-Jogusllavisë te vitit 1930 i cili u
9
vlerësua si kod modern, shqipëtarët e Kosovës të cilët ishin nën juridiksionin e Jugosllavisë
prapë ishin të privuar prej të drejtave elementare të cilat u takonin atyre.
2.2.4 Ligji Penal i RSFJ, Ligji Penal i Krahinës Social Autonome të Kosovës dhe
Kodi Penal i Republikës së Kosovës
Me nxjerrjen e Kushtetutës se Jugosllavisë të vitit 1974, Kosova për dallim nga gjashtë
njësitë tjera të cilat konsideroheshin si njësi federale, Kosova kshte statutin e njësisë
konstituive të federatës së Jugosllavisë. Është më rëndësi të ceket se me Kushtetuën e
lartëpërmendur në të drejtën penale është aprovuar për herë të parë koncepocioni i
decentralizimit të kompetencave ligjëdhënëse në republika dhe krahina autonome (Bajrami,
2002), pra duke e përfshirë këtu edhe Kosovën si njësi konstituive të federatës Jugosllave.
Kosova për herë të parë në histori të saj e nxori Ligjin e vet penal i cili hyri në fuqi më 1
korrik 1977 (Salihu, 2012). Çështjet e përgjithshme të lëmisë penale ishin ato të cilat
rregulloheshin si pjesa më e madhe ë këtij ligji, ndërsa veprat penale prej të cilave
rrezikonin ose dëmtonin të mirat juridike, veprat penale të kryera nga personat zyrtarë
trajtoheshin në pjesën e posaçme të ligjit penal të Kosovës. Pra nxjerrja e ligjit penal të
Kosovës për arsye të zhvillimit dhe begatimit të gjithmbarshëm shqëroro-politik e sidomos
në të drejtën penale, në organet gjyqësore të Kosoves në polici kosovarët ishin ata të cilët
administronin pjesën më të madhe të këtyre organeve. Përkundër 75% të autonomisë që
posedonte Kosova në organet gjyqësore, polisisë, entet ndëshkuese, regjimi i Serbisë të
cilët kishin një “politikë” kriminale tendecioze dhe selective ndaj shqipëtarve arriti ta
kriminalizojë një numer të madh pjësëtarësh të kosovarëve duke ushtruar trysni të
ndryshme politike policore (Revista E Drejta, 1995). Përvec trysnimeve të ndryshme që
Serbia kishte ushtruar ndaj shqiptarëve të Kosovës, serbët kishin aplikuar edhe dënimet
drakoniane dhe mesjetare ndaj shqipëtarëve, rrëfimet e të cileve janë rrënqethëse për shkak
të maltretimeve dhe torturave bestiale të cilat u ekspozuan gjatë hetuësisë dhe vuajtjeve të
denimeve” ( Revista E Drejta, 1995). Abuzimi i së drejtës penale dhe i judikaturës nën
10
regjimin e Serbisë duke i kriminalizuar shqiptarët në mënyrë sistematike dhe masive vetëm
se angazhoheshin për lirinë individuale dhe kombëtare vazhdoi me intensitet edhe më të
madh pas vitit 1990 deri në çlirimin e Kosovës (Revista E Drejta, 1995).
Prej vitit 1989, kur në mënyrë kundërshtuese u suprimua autonomia e Kosovës dhe njeherit
u shfuqizua edhe Ligji Penal i Kosovës deri në vitin 1999 në Kosovë është zbatuar Ligji
Penal i Jugosllavisë dhe Ligji Penal i Serbisë. Pas çlirimit të Kosovës u rikthye në fuqi Ligji
Penal i Kosovës dhe për shkak që të mos lejohet vakumi juridik në këtë lëm shum të
rëndësishme u vendos që derisa të nxirret Kodi Penal i Kosovës të zbatohet edhe Ligji
Penal i Jugosllavisë (Salihu, 2012).
Nxjerrja e kodit është elementi kryesor i procesit të kodifikimit të së drejtës, etapa e fundit
e ndërtimit të rendit juridik dhe dëshmi e pjekurisë dhe stabilitetit (Pravna enciklopedija,
savremena administracija, 1989).
Puna për përgatitjen e Kodit Penal të Kosovës ka filluar në shtator 1999, version i parë
punues i këtij Kodi është përgatitur vetëm në gjuhën shqipe nga ekspërtë kosovarë dhe në
fund të dhjetorit pot ë të njëjtit vit është dërguar në Neë York në zyrën për çështje ligjore
për Kosovën dhe është përkthyer në gjuhën angleze” ( Salihu, 2012). Kodi Penal i Kosovës
u emërtua si kod i përkohëshem penal i Kosovës nga zyrja ligjore, për arsye sepse Kosova
nuk kishte statusin e pavarsisë.
Në vitin 2003 është përgatitur versioni përfundimtar i Kodit Penal i cili për nga mënyra e
rrethanave në të cilat është nxjerrë, përvec që ishte i domosdoshëm kodifikimi ishte edhe i
natyrshëm pas përmbysjeve të sistemeve të ndryshimeve revolucionare.
Realizimi i procesit kodifikues, nxjerrja e Kodit dhe zbatimi i tij është e kundërta e të qenit
i përkohëshëm, ky proces është rrjedhojë e qëndrueshmërisë së jetëgjatësisë legjislative
(Kodi i Përkohshëm Penal i Kosovës, 2004).
Përvec të qenit kode të përkohshme këto kode kishin edhe një karakteristikë tjetër e cila në
të dyja rastet ka të bëjë me normat e tyre te fundit sipas të cilave versionet ne gjuhën
angleze shqipe,serbe janë njësoj autentike, megjithatë në rast konflikti mbizotron versioni
11
në gjuhën angleze” ( Kodi i Përkohëshem i Procedurës Penale, 2004). Sidoqoftë, pas
shpalljes së pavarsisë së Kosovës me 17 shkurt 2008 me ligjin për plotësimin dhe
ndryshimin e Kodit Penal të Përkohshëm të Kosovës (nr. 03/L-002), i’u hoq atributi i
përkohshëm ( Elezi, 2009). Vite me rradhë është punuar në ndryshimet dhe plotësimet e
Kodit Penal të Republikës së Kosovës të cilat kanë hyrë në fuqi në vitin 2003. Ndryshimet
dhe plotësimet e mëdha janë bërë në pjesën e posaçme dhe të pakta ato ndryshime dhe
plotësime janë bërë në pjesën e përgjithshmë, ku si ndryshim më i rëndësishëm është lidhur
me dënimin me burgim, ngase në vend të dënimit me burgim afatgjatë është paraparë
burgimi i përjetshëm (Elezi, 2009).
2.3 Sanksionet Penalet
2.3.1 Nocioni, Funksioni, Sistemi, Karakteristikat e së Sanksioneve Penale
Sanskionet penale janë epiqendër dhe çështje kryesore të së drejtës penale dhe politike
penale. Janë preokupim kryesorë i së drejtës nga fakti se në të gjitha rastet kur personi i
caktuar kryen vepër penale të rrezikshme e cila është e kundërligjshme dhe e përcaktuar në
ligj si vepër penale është e domosdoshme që shoqëria ndaj kryerësit të tillë të ndërmarrë
ndonjë masë e cila ka për qëllim pengimin e kryerjës së veprës penale në të ardhmen. Në të
drejtën penale masat të cilat zbatohen ndaj kryerësve të veprave penale quhen sanksione
penale (Franjo, 1972). Janë pjesa më dinamike e së drejtës penale që i nënshtrohen
vlerësimit të opinionit të gjerë publik, professional, shkencor dhe laik (Franjo, 1998).
Përveç sanksioneve penale për parandalimin e kriminalitetit, një shtet demokratik duhet të
ndërmarrë edhe masa si ngritja e nivelit të arsimit, respektimi i ligjit, lirive të drejtave dhe
barazia e qytetarëve. Këto masa janë mjeti më efikas për parandalimin e veprave penale.
Qëllimi i sanksioneve penale është që të sigurohen kushtet elementare të një jete të
përbashkët të të gjithë qytetarëve sa i përket kësaj çështje.
Sanksionet penale përgjithësisht janë mjete ndëshkimore, mjete ndëshkimore juridike
penale dhe shtrënguese të përcaktuara me ligj të cilat i shqipton gjykata në procedurë
gjyqësore ndaj kryerësve të veprave penale me qëllim të mbrojtjës së vlerave më vitale të
individit dhe shoqerisë, e që kanë për efekt kufizimin ose heqjen e lirive dhe të drejtave të
caktuar pse paralajmrimin e mundësisë së heqjes ose kufizimit të tyre nëse përseritet vepra
12
penale (Halili, 2002). Ekzistojnë disa parime të cilat duhet respektuar dhe përmes së cilave
vërtetohet se funksioni i së drejtës penale është duke u ushtruar me sukses. Këto parime
janë: respektimi i drejtësisë, të postulateve social-etike, parimi i ligjshmërisë, legjitimitetit,
integritetit të njeriut, parimi i dinjitetit, parimi i humanizmit” (Franjo, 1998). Si mjete më të
shpeshta të reagimit të shoqerisë ndaj kriminalitetit, sanksionet penale kanë disa
karakterisika: (pravnifis.rs, 2012)
a) Me anë të sanksioneve penale shoqëria mbron nga kriminaliteti vlerat më të rëndësishme
të individit dhe bashkësise themelore,
b) Sanksionet penale mund t’u shqiptohen vetëm kryerësve të veprave penale,
c) Me anë të sanksioneve penale, kryerësve të veprave penale u merren apo u kufizohen
liritë dhe të drejtat e tyre. Madje edhe sanksionet penale në një mënyrë paraqesin një të
keqe e cila e godet kryerësin e veprës penale,
d) Sanksionet penale mund t’i shqiptojë vetëm gjykata në baze të procedurës të përcaktuar
me ligj.
2.3.2 Llojet e Sanksioneve Penale në Përgjithësi
Kushtet objektive të jetesës, personaliteti janë ato të cilat i dallojnë kryerësit e veprave
penale dhe të cilat në një masë e kanë vendosur kriminalitetin dhe në mënyrë që të luftohet
kriminaliteti me sukses janë parashikuar disa lloje të kriminalitetit siq janë: dënimet
kryesore, dënimet alternative, dënimet plotësuese, masat siguruese, masat educative, dënimi
me kusht dhe vërejtja gjyqësore (Salihu, 2008). Si sanksion penal dënimi është masa
kryesore për të luftuar kundër kriminalitetit, më vonë është paraqitur një lloj tjetër i
karakterit jo penal pra masat edukuese të cilat shqiptoheshin ndaj kryerësve të mitur të
veprave penale dhe i takojnë karakterit edukues pedagogjik. Fillimi i shekullit XX solli
edhe disa të reja sa i përket llojeve të sanksioneve penale, qëllimi i së cilave do të ishte
mjekimi dhe përmisimi me elemente të mbrojtjes dhe mbikqyrjës së kryerësve të veprave
penale të cilët vuajnë nga sëmundjet psikike apo kanë shprehi negative, si pasojë e së cilave
paraqitet edhe dukuria e kriminalitetit. Këto janë masat siguruese te cilat sipas Kodit Penal
13
të Republikës së Kosovës emërtohen si masa të trajtimit të detyrueshëm.
Në fund të shekullit XIX evolucioni i së drejtës penale shpie në zbutjen, humanizmin dhe
reagimin e shtetit ndaj kryerësve të veprave penale dhe në inaugurimin e disa llojeve të reja
të sanksioneve penale, mirëpo mjaft efektive që të mbrohen interesat kombëtare e ato
shtetërore. Keto janë dy lloje të sanksioneve penale: dënimi me kusht dhe vërejtja gjyqësore
të cilat u shqiptohen personave që kryejnë vepra penale të lehta dhe të cilët janë
personalisht përgjegjës (Kambovski, 2004).
2.3.3 Sistemi i Sankioneve Penale në të Drejtën Penale të Kosovës
Duke e pasur parasysh sistemin pluralist të sanksioneve penale, Kodi Penal i Kosovës
parasheh tetëmbëdhjetë lloje të sanksioneve penale të ndara në tri kategori: dënimet
plotësuese, dënimet alternative dhe dënimet kryesore, si dhe një kategori të veçantë e cila
është vërejtja gjyqësore.
Dënimet kryesore- Janë dënime të cilat u shqiptohen kryerësve të veprave penale të cilët
janë penalisht të përgjegjshëm (Kodi Penal i Republikës së Kosovës, 2013).
Dënimet kryesore shqiptohen ndaj personave madhorë, të cilët janë penalisht të
përgjegjshëm për vepren penale të kryer. Nga kjo del se të mund të shqiptohet dënimi si lloj
i sanksionit penal personi duhet të jetë psiqikisht i shëndoshë dhe qe veprën penale ta ketë
kryer me fajin e tij (Kodi Penal i Republikës së Kosovës, 2013).
Për nga brendia dhe natyra e tyre, në tërë sistemin e sanksioneve penale dënimet kryesore
janë qortim social-etik të intensitetit të lartë, më të cilat kryerësit e veprës penale i merren
apo i kufizohen liritë dhe të drejtat e rëndësishme (Komentar - Kodi Penal i Republikës së
Kosovës , 2014). Egzistojnë tri lloje të denimeve kryesore qellimi i së cilave është luftimi
më efikas i kriminalitetit dhe përmes tyre mund të zbatohet në përpikmëri dhe të
funksionojë më mirë ndëshkim. Këto dënime janë: dënimi me burgim të përjetshëm, dënimi
me burgim dhe dënimi me gjobë (Kodi Penal i Republikës së Kosovës, 2013).
Ligji mund të parasheh dënimin me burgim të përjetshëm për veprat penale më të rënda të
kryera në rrethana veçanërisht rënduese ose për vepra penale që kanë shkaktuar pasoja
14
shumë të rënda. Dënimi me burgim të përjetshëm nuk mund t’i shqiptohet përsonit i cili në
kohën e kryerjës së veprës penale nuk i ka mbusht njëzetenjë (21) vjet ose personit i cili në
kohen ë kryerjës së veprës penale ka pasur aftësi esencialisht të zvogluar mendore
(Komentar Kodi Penal i Republikës së Kosovës, 2013).
Në legjislacionin e mëparshëm të Kosovës, pra Kodin e Përkohshëm Penal ky lloj i dënimit
është paraparë si dënim me vdekje, mirëpo me miratimin e kodit të ri penal ky dënim është
paraparë si dënim me burgim të përjetshëm në kohezgjatje 30 apo 40 vjet. E njejta është
vepruar edhe në legjilacionet e shumë shteteve tjera që njihet si dënim me burgim afatgjatë.
Sipas nenit 94, paragrafi 3, personi i dënuar me burgim të përjetshëm mund të lirohet më
kusht pasi që të ketë mbajtur dyzet (40) vjet nga dënimi me burgim i shqiptuar dhe periudha
minimale e mbikqyrjes nga ana e shërbimit sprovues do të jetë së paku pesë (5) vjet (Kodi
Penal i Republikës së Kosovës, 2013).
Pra, sipas këtij neni, dënimi me burgim të përjetshëm për të ruajtur ashpërsinë, efikasitetin
dhe represionin e domosdoshëm për t’u liruar me kusht personi i dënuar, kushtet janë tejet
të ashpëra.
Dënimi me burgim- Sipas nenit 45, paragrafi 1 dhe 2 dënimi me burgim nuk mund të
shqiptohet në kohëzgjatje më pas se tridhjetë (30) ditë e as më tepër se njëzetepesë (25)
vjet. Dënimi me burgim shqiptohet në vite dhe muaj të plotë, e në rastet kur dënimi është
deri në gjashtë (6) muaj, dënimi shqipthet në ditë të plota” (Kodi Penal i Republikës së
Kosovës, 2013). Në legjislacionet penale të të gjitha shteteve dënimi me burgim është më i
përshatshëmi dhe i duhuri për kryerjen e veprave penale, të krimit të organizuar, trafikimi
me narkotikë etj.
Dënimi me gjobë- Në nenin 46 paragrafi 1 dhe 2, dënimi me gjobë nuk mund të jetë më
pak se njëqind (100) euro dhe nuk mund të tejkalojë njëzet e pesëmijë (25) euro, ndërsa për
veprat penale lidhur me terrorizëm, trafikim me njerëz, krim të organizuar nuk mund të
kalojë 500.000 euro dhe në aktgjykim caktohet afati i pagesës (Kodi Penal i Republikës së
Kosovës, 2013). Është dënim të cilin e praktikojnë legjislacionet e të gjitha shteteve dhe i
cili gjithnjë e më shumë është duke u praktikuar, “e sidomos në vendet në te cilat janë të
15
zhvilluara ekonomikisht dhe ky lloj dënimi është duke u konsideruar si “sanksion i së
ardhmes”.
Dënimet alternative- Janë rezultat i trendeve bashkëkohore në të drejtën penale dhe
paraqesi reform të rëndësishme kualitative në konceptin dhe sistemin e sanksioneve penale.
Në brendinë e tyre janë sanksione parapenale dhe kanë për qëllim që në të gjitha rastet e
mundshme të parapara me ligj, në vend të dënimit me burgim të shqiptohen dënimet
alternative që janë dënime jo me burgim dhe jo izolues (Komentari- Kodi Penal i
Republikës së Kosovës, 2014).
Duke u mbështetur në dispozitat e rregullave të Tokios si dhe rekomandimet e Këshillit
Europian për aplikimin e tyre dhe në bazë të modeleve të kodit penal të disa shteteve
evropiane në kodin penal të Kosovës janë bërë perpjekje që të anticipohet shumica e
korpusit të këtyre dënimeve dhe masave alternative (Salihu, 2012). Neni 49 i Kodit Penal
parasheh tri lloje të dënimeve alternative: dënimi me kusht, gjysmëliria dhe urdhëri për
punë në dobi të përgjithshme. Janë dënime të cilat i’u shqiptohen një numri të madh
personash të cilët kanë kryer vepra penale.
Dënimet plotësuese- Janë të parapara në nenin 62 të kodit penal të Kosovës. Për të qenë sa
më efikas ndëshkimi i sanksioneve penale ndaj kryerësve të veprave penale duhet të
shqiptohen edhe dënimet plotësuese si sanksione penale. Më dënime plotësuese kufizohen
ose merren disa të drejta të kryerësit të veprës penale, te cilat nuk mund të mërren dhe
kufizohen gjatë shqiptimit të denimeve kryesore dhe alternative. Siq e cekëm më lartë
dënimet plotësuese janë të parapara edhe në Kodin Penal të Kosovës të cilat ndahen në disa
lloje të dënimeve: heqjen e së drejtës per t’u zgjedhur, urdhëri për kompenzimin e humbjes
apo dëmit, ndalimi i ushtrimit të funksioneve në administratën publike ose në shërbimin
publik, ndalimin e ushtrimit të profesionit (Kodi Penal i Republikës së Kosovës –
Komentar, 2014). Në legjislacionin e Kosovës egzistojnë edhe tri lloje te masave të trajtimit
të detyrueshëm të cilat u shqiptohen personave të paaftë mendërisht si dhe personave të
varur nga substancat narotike. Këto lloje janë: trajtimi i detyrueshëm psikiatrik me ndalim
në institucionin e kujdesit shëndetësor, trajtimi i detyrueshëm psikiatrik në liri dhe trajtimi
me rehabilitim të detyrueshëm të personave të varur nga droga apo alkooli (Kodi Penal i
16
Republikës së Kosovës, 2013). Me ekzekutimin e masave të posaçme apo të trajtimit të
detyrueshëm kufizohen të drejtat e kryerësit të veprës penale, por vetëm me kusht që të mos
shkelen te drejtat e dinjitetit njerëzor perkundrazi të respektohen ato të drejta sepse janë
masa me te cilat mund te shqiptohen personave mendërisht te paaftë apo me aftësi mendore
te zvogluar si dhe personave të varur nga droga e alkooli (Kodi Penal i Republikës së
Kosovës, 2013).
Procedura për shqiptimin e masave të para parashihen me ligj të veçant, ndërsa shqiptimin e
trajtimit më anë të rehabilitimit të detyrueshëm të personave të varur nga droga dhe alkooli
si dhe kushtet të cilat duhet të përmbushen për shqiptimin e tij janë të percaktuara në nenin
91 të Kodit Penal (Salihu, 2012).
1. Trajtimi i detyrueshëm psikiatrik me ndalim në institucionin e kujdesit
shëndetësor- Këtë masë të trajtimit të detyrueshëm, gjykata e shqipton në rastet kur
konstaton se veprën penale personi e ka kryer në gjendje tërësisht të papërgjegjshmë ose të
aftësisë esencialisht të zvogluar (Kodi Penal i Republikës së Kosovës, 2013). Dmth që
personi gjatë kryerjës së veprës penale ka pasur sëmundje mendore gjë që nuk ka qenë në
gjendje të kuptojë apo të jetë i vetëdijshëm për veprimet e tij dhe e vetmja masë e cila mund
t’i shqiptohet këtij personi është mjekimi i detyrueshëm, pasi që kjo lloj mase edhe për nga
natyra është masë mjekësore.
2. Trajtimi i detyrueshëm psikiatrik në liri- Në rastet kur personi nuk është tërësisht i
privuar nga aftësia mendore, përkatësisht kur posedon zakonisht aftësi të zvogluar mendore
dhe nëse në këtë gjendje ka kryer veprën penale gjykata mundet, është autorizuar që në
vend të dënimit më burgim të shqiptojë trajtimin e detyrueshëm psikiatrik në liri ( Kodi
Penal i Republikës se Kosovës, 2013). Ekzistojnë disa kushte për shqiptimin e këtij lloji të
masës: të egzistojë rrezik serioz se kryerësi do të kryejë vepër tjetër penale, trajtimi i
detyruëshëm psikiatrik në liri është i nevojshëm për të shmangur kryerjën e veprës tjetër
penale dhe është mjaftueshëm për të shmangur rrezikun serioz (Kodi Penal i Republikës së
Kosovës, 2013).
17
3. Trajtimi me rehabilitim të detyrueshëm të personave të varur nga droga apo
alkooli- Qëllimi i kësaj mase të trajtimit të detyrueshëm është që të evitojë arsyet dhe
rrethanat të cilat kanë kontribuar që personi të kryejë veprën penale. Duke qenë se droga
dhe alkooli janë faktorë të cilët ndikojnë në të shumtën e rasteve në kryerjen e veprave
penale trajtimi mjekësor, psikiatrik i tyre ka efekt më të madh preventive se dënimi (Salihu,
2012). Këtë masë gjykata mund t’i shqiptojë kryerësit penalisht të përgjegjshëm nëse
plotësohën këto kushtë: që kryerësit të veprës penale t’i jetë shqiptuar dënim, vërejtja e
gjykatës apo lirimi nga dënimi, që kryerësi ta ketë kryer veprën penale për shkak të
varshmërisë nga droga apo alkooli, nëse ka gjasa për mjekimin e tij të sukseshëm (Kodi
Penal i Republikës së Kosovës, 2013).
2.4 Sanksionet Penale ndaj të Miturve
2.4.1 Kuptimi, Karakteristikat dhe Qëllimi i Sanksioneve Penale ndaj të miturve
Sanksionet penale ndaj të miturvë ashtu si sanksionet penale përgjithësisht janë preokupim
kryesor is ë drejtës penale dhe të politikës kriminale, sepse kur kryhet një vepër penale e
rrezikshme dhe që është kunderligjshmë dhe e përcaktuar me ligj si vepër penale është e
domosdoshme që shoqëria ndaj kryerjës te veprës penale të ndërmarrë ndonjë masë me
qëllim të pengimit të veprës penale në të ardhmën (Salihu, 2008). Avancimi i sanksioneve
penale ndaj të miturve me qëllim të mbrojtjës së vlerave më vitale të të miturit dhe
shoqërisë dhe luftimin e kriminalitetit në përgjithësi në shoqrinë bashkohore, duke përfshirë
edhe shoqërinë kosovare kanë të bëjnë me: (European Commission, Study on criminal
sanction legislation an practice in representative Member States, 2013).
1. Zhvillimin dhe forcimin e demokracisë, ndjenjës së humanitetit dhe avancimin e
vazhdueshëm të mbrojtjes së të drejtave të qytetarëve;
2. Riedukimin e të miturve që kanë kryer veprën penale në mënyrë që ata në të ardhmen të
mos persërisin sjelljet kriminale;
18
3. Rehabilitimi i të miturve përmes ekspertëvë që punojnë nëpër institucione educative,
shërbimin provues, organin e kujdestarisë;
4. Zhvillimi adekuat i të miturve;
5. Mbikqyrjën ndaj të miturve përmes përcjelljes së sjelljeve dhe aktiviteteve të tij dhe
ushtrimit të ndikimit ndaj tij në kuptimin e evitimit të shkaqeve te cilat mund te ketë ndikim
negative në sjelljen tij.
Me shqiptimin e sanksioneve penale, kryerësit te mitur të veprës penale i kufizohen të
drejtat dhe liria e lëvizjes pasuria etj, pra janë mjete ndëshkimore qëllimi i së cilave është
parandalimi dhe mospërsëritja e një krimi tjetër në të ardhmen. Pastaj sanksionet penale
ndaj të miturve kanë edhe disa elemente:
1. Ato paraqesin vlerësim negative moralo-etik ndaj veprës penale dhe kryerësit të mitur të
saj (Hautamaki, 1951).
2. Sanksionet penale kanë qëllim të caktuar, i cili dëshirohet të arrihet në ekzekutimin e
tyre, qëllimi i përgjithshëm i tyre është që të arrihet mbrojtja ë shoqërisë dhe qytetarëve nga
veprat penale. (Komentar- Kodi Penal i Republikës së Kosovës, 2014).
3. Sanksionet penale ndaj të miturve janë të parapara në ligj, kjo dmth që nëse sanksioni
penal i cili i shqiptohet të miturit për veprën e tyre dhe po i njejti nuk është i paraprë me ligj
ai sanksion nuk mund të ekzekutohet.
4. Sanksionet penale ndaj të miturve mund t’i shqiptojë vetëm gjykata, e në rastet e masave
të diversitetit edhe prokurori i shtetit, sipas procedurës se përcaktuar me ligj. Kjo procedurë
duhet të garantojë ligjshmërinë e shqiptimir të sanksioneve penale. Asnjë organ tjetër nuk
mund të shqiptojë sanksionet penale ndaj të miturve (Cejovic, 1999), të gjitha këto
elemente i takojnë deges konstituive, dmth se të gjitha masat dhe sanksionet penale të cilat
u shqiptohen ndaj të miturve duhet që patjetër t’i ketë elementet e sipërpermendura.
Qëllimi i sanksioneve penale ndaj të miturve dhe masave të cilat shqiptohen ndaj të miturve
është që të kontribuojë në rehabilitimin dhe zhvillimin adekuat të kryerësit të mitur, duke
ofruar mbrojtje, ndihmë dhe mbikqyrje si dhe duke siguruar edukim dhe aftësim
19
professional dhe duke zhvilluar përgjegjësinë e tij personal dhe kështu për te parandaluar
recidivizmin e të miturve. (Kodi, nr. 03/L-193 i Drejtësië për të Mitur, 2010). Si qëllim
tjetër i masave dhe dënimeve i cili synohet në shqiptimin e tyre është riedukimi, edukimi
dhe zhvillimi i duhur i kryerësit të mitur.
Edukimi i të miturve bëhet duke u aftësuar të rinjëtë në ushtrimin e veprimtarive të cilat
janë të dobishmë për vetën, dhe shoqërite, të rinjtë duhet të fitojnë njohuri të përgjithshmë
lidhur me profesione, vlera indivuduale dhe sociale (Adzajlha-Dedovia, 2007).
Riedukimi ka të bëjë me ndërtimin e normave pozitive të sjelljes e cila realizohet në
institucionet educative, shërbimin provues (Salihu I, 2005). Zhvillimi i drejtë i delikuentit
të mitur, ka të bëjë me krijimin e kushteve jetësore, që mundëson që i mituri të formohet si
personalitet dhe ti respektojë normat e sjelljes në shoqeri (Salihu I, 2005).
2.4.2 Pozita e të miturve dhe Sanksionet Penale ndaj tyre në Kosovë deri në
nxjerrjen e Kodit të Drejtësisë për të Mitur të Republikës së Kosovës
Zhvillimi historik i pozitës penalo-juridike të të miturve nëpër periudha të ndryshme ka
specifikat e veta dhe rruga drejt zhvillimit sa më të avancuar ka qenë mjaft e vështirë. Sipas
ligjit penal të Mbretërisë Serbo-Kroate-Sllovene 1929, të mitur konsideroheshin personat
prej moshës 14-21 vjecare dhe i ndante në dy grupe: të mitur të rinjë (14-17 vjec) dhe të
mitur të rritur (17-21 vjec). Të miturit e rinjë kanë mundur të jenë përgjegjës në aspektin
penal nëse ata e kuptonin peshën e veprës penale të kryer dhe silleshin sipas gjykimit të tillë
(Hajdari, 2004). Sipas ligjit përvec në rastet ku veprat penale të kryera nga të miturit ishin
më të rënda u shqiptohej dënimi, ndërsa në rastet tjera shqiptoheshin masat edukative.
Kur të miturit e rritur ishin penalisht përgjegjës, kishte mundësi t’u shqiptohej dënimi me
kusht që të aplikoheshin dispozitat e vecanta me rastin e individualizimit të dënimit
(Hajdari, 2004). Sipas Kodit Penal të Jugosllavisë të vitit 1947, të miturit më të rinjë se 14
vjec nëse kryenin ndonjë vepër penale u dorëzoheshin organeve të kujdestarisë ose
20
prindërve me qëllim të aplikimit të masave të edukimit, sepse ata nuk konsideroheshin
penalisht të përgjegjshëm (Cejovic, 1979). Ndërsa për personat më të vjetër se 14 vjec deri
në 18 vjec konsideroheshin penalisht të përgjegjshëm nëse zhvillimi psikik i tyre
mundësonte që ata të kuptonin rëndësinë e veprës së kryer dhe pasojat e saj, ndaj këtyre
personave shqiptohej vetëm masat edukative (Cejovic, 1979). Në kodin penal të
Jugosllavisë të vitit 1951, përvec masave edukative që u shqiptoheshin të miturve duke e
pasur parasysh rëndësinë e veprës penale aplikoheshin edhe dënimet. Një zhvillim tejet i
rëndësishëm në legjislacionin penal të Jugosllavisë u bë me nxjerrjën e Ligjit Penal të
RSFJ-së në vitin 1977, sepse tashmë edhe Kosova kishte nxjerrë ligjin penal të saj, i cili
pavarsishtë mangësive arriti të rregullonte shumë cështje të rëndësishme nga e drejta
penale. E rëndësishmë është edhe kreu i IV i ketij ligji sepse përmbante një sërë dispozitash
sa i përket pozitës së të miturve ku bënin pjësë masat educative dhe dënimet (dënimi me
burgim për të mitur, me gjobë, dhe me kusht) (Hajdari, 2004). Sipas këtij ligji të miturit e
moshës 14-16 vjec pavarsisht veprës së kryer masat edukative ishin të vetmet masa që
mund t’u shqiptoheshin. Ndaj të miturve të rritur (16-18vjec) parimisht ndaj tyre
shqiptoheshin masat edukative dhe përjashtimisht në raste të caktuara me ligj edhe dënimi
me burgim për të mitur (Hajdari, 2015).
Sipas këtij legjislacioni që zbatohej në Kosovë ndaj kryerësve të mitur që kishin kryer
vepra penale nuk do të mund të aplikoheshin dispozitat mbi vërejtjen gjyqësore dhe ato mbi
dënimin me kusht, pasi që aplikimi i këtyre sanksioneve penale për arsye të specifikuara që
kishin ishte e pamundur (Hajdari, 2015). Sidoqoftë, gjatë këtyre periudhave zhvillimin
historike penalo-juridike ndaj të miturve nuk është se ka qenë edhe jo e kënaqshme, por
cështje tjetër është mënyra e aplikimit të ktij ligji sepse vepra qe u vihej barrë të miturve
kosovar kishte karakter politik.
2.4.3 Masat e Diversitetit
U shqiptohen kryersve të mitur të veprave penale dhe konsiderohen si masat më të lehta të
cilat u shqiptohen të miturve të cilët kanë kryer vepër penale më të lehta ose nga
21
pakujdesia. Masat e diversitetit rezultojnë nga rregullat e Tokios, në të cilën janë paraprë
masat dhe sanksionet alternative si dhe Rregullat e Pekinit mbi drejtësinë për të mitur
(Salihu, 2005). Përvec që parashihen në të drejtën penale të të gjitha shteteve, të njejta i
parasheh edhe Kodi i Drejtësisë për të Mitur i Republikës së Kosovës. Masat e diversitetit
kanë edhe disa karakteristika të tyre sic janë:
1. Mundësia e parandalimit të fillimit të procedurës penale në rast se dëmi kompenzohet
palës së dëmtuar (Kodi i Drejtësisë për të Mitur i Republikës së Kosovës, 2010).
2. Shumë llojshmëria e tyre. Kodi i Drejtësisë për të mitur ka përcaktuar tetë lloje të
masave të diversitetit të cilat prokurori i shtetit apo gjykata mund t’ia shqiptojë kryerësit të
mitur të veprës penale ( Kodi i Drejtësisë per të Mitur i Republikës së Kosovës, 2010).
3. Ndërlidhja në vepra penale të lehta.
4. Autoriteti i dyllojtë i shqiptimit (Salihu, 2005).
Qëllimi kryesor i këtij lloji të masës është që në të gjitha rastet të jetë e mundur
mospërfshirja e delikuentit të mitur në procedura pënale dhe që ndaj tyre të mos shqiptohen
sanksione penale. Pra, synimi kryesor që do të arrihet përmes kësaj qasje është mbrojtja e të
miturit nga përjetimet e pakëndshmë, të cilat janë prezente vazhdimisht në vet natyrën e
procedurës penale, pastaj rehabilitimi, riintegrimi i të miturit në bashkësinë e tij dhe
parandalimi i sjelljes recidiviste, dmth që i mituri të kuptojë efektet e dëmshme që
shkaktojnë veprat penale (Hajdari, 2010).
Në shqiptimin e masave të diversitetit janë të përcaktuara edhe disa kushte. Këto kushtë në
Kodin e Drejtësisë për të mitur janë të parapara në nenin 17 dhe ndahen në dy grupe:
1. Kushtet që ndërlidhen me peshën e veprës penale të kryer, sipas kësaj dispozite masat e
diversitetit shqiptohen ndaj të miturit i cili ka kryer veprën penale në të cilën është paraparë
dënim me gjobe, me burgim deri në tri vjetë ose vepra penale e cila është kryer nga
pakujdesia (Hajdari, 2010).
2. Dhe Kushtet për shqiptimin e masave të diversitetit të cilat ndërlidhen me kryerësin e
mitur të veprës penale. Janë të parapara ne paragrafin 2 të nenit 17 të Kodit të Drejtësisë për
22
të mitur. Sipas kësaj dispozite kushtet janë: pranimi i përgjegjësise për vepren penale të
kryer nga i mituri, shprehja e gatishmërisë nga i mituri që të pajtohet më palën e dëmtuar
dhe pëlqimi nga i mituri për të zbatuar masën e shqiptuar të diversitetit (Salihu, 2012).
Masat e diversitetit kanë edhe disa lloje të cilat paraqesin subjektin e masave të cilat u
shqiptohen të miturve për kryerjen e veprës penale ato janë: pajtimi në mes kryerësit të
mitur dhe palës së dëmtuar duke përfshirë edhe kërkim faljen, vijimi i rregullt në shkollë,
kompensimi i dëmit palës së demtuar, keshillimi psikologjik. ( Xhambazi, 2012).
2.4.4 Masat Edukative
Sipas Kodit të Drejtësisë per të Mitur, janë masat kryesore dhe të cilat kanë përparësi në
shqiptimin e kryerësve të mitur të cilët kanë kryer vepër penale sepse mbrojtja, edukimi dhe
rehabilitimi i të miturit ushtrohet më së miri përmes masave educative. Masat edukative
janë sanksione penale te lehta, paraqesin masat e vetme krahas masave të diversitetit qe
mund t’u shqiptohen të miturve të rinj (14-16 vjec). Si të tilla kryesisht janë të përshtatshmë
pë rata kryerës te mitur të veprave penale tek të cilët nuk është manifestuar ndonjë shkallë e
lartë e devijimit social. (Hajdari, 2010).
Qëllimi i masave edukative në aspektin e përgjithshëm është po ai qëllim që në fakt i
karakterizon edhe sanksionet tjera penale që u referohen të miturve. Ky qëllim është
mbrojtja e shoqërisë nga kriminaliteti. Megjithatë, sic do lloj tjetër i sanksioneve penale
edhe masat edukative i karakterizon qëllimi i ashtuquajtur specifik i tyre. (Hajdari, 2010).
Si masa themelore për arritjen e qëllimit të tyre shtrohet e nevojshme që t’i kushtohet
kujdes gjetjës së masës përkatëse edukative me qëllim të mbrojtjes sa më të mirë të të
miturve (Hajdari, 2005). Llojet e masave edukative të cilat i shqipton gjykata ndaj
kryerësve të mitur të veprave penale janë: qortimi gjyqësor, dërgimin në qendrën
disiplonore, mbikqyrja e shtuar, dërgimin në institucionin edukativ korrëktues dhe dërgimin
në institucionin për kujdes të posacëm (Salihu, 2005).
23
2.4.5 Dënimet ndaj të miturve
Për të qenë e mundur luftimi i suksesëshëm i kriminalitetit të të miturve, përvec masave
edukative dhe atyre të diversitetit, është paraparë edhe shqiptimi i dënimeve ndaj kryerësve
të mitur. Marrë në përgjithësi, dënimi është sanksion penal të cilin e shqipton gjykata pas
zhvillimit të procedurës së përcaktuar me ligj, ndaj kryerësve të veprave penale penalisht të
përgjegjshëm dhe të fajshëm me qëllim të luftimit të kriminalitetit, mbrojtjës së vlerave më
vitale të njeriut dhe shoqërisë në tërësi i cili konsiston në marrjen ose kufizimin e të
drejtave të caktuara kryerësit të veprës penale të kryer ( Salihu, 2008). “Dënimet te cilat
shqiptohen ndaj kryerësve të mitur të veprave penale kanë edhe disa elemente: ( Ukaj,
2008)
1. Dënimi paraqet vlerësim negativ moralo-etik, ndaj veprës penale dhe kryerësit;
2. Dënimet duhet të jenë rrjedhojë e veprës penale të kryer;
3. Dënimet duhet të jenë të përcaktuara me ligj;
4. Kanë qëllim të caktuar, dmth zhvillimi i drejtë i të miturit, edukimi dhe riiedukimi,
mbrojtja e shoqërisë nga kriminaliteti;
5. I’u shqiptohen vetëm kryerësve të përgjegjshëm të veprave penale;
6. Dënimet mund t’i shqiptojë vetëm gjykata sipas procedurës së përcaktuar me ligj.
Qëllimi i dënimeve ndaj të miturve është edukimi, rehabilitimi dhe zhvillimi i drejtë i tyre
(Salihu, 2008).
Sipas paragrafit 2 të nenit 7 të Kodit të Drejtësisë për të mitur ndaj kryerësve të mitur të
veprave penale shqiptohen këto lloje të dënimeve:
1. Gjoba;
2. Urdhëri për punë në dobi të përgjithshmë dhe
24
3. Burgimi për të mitur.
Përvec këtyre llojeve të dënimeve të miturve u shqiptohen edhe dy dënime të masave të
posacme: dënimet plotësuese dhe masat e trajtimit të detyrueshëm.
Dënimi me gjobë- është dënim i karakterit pasuror i cili konsiston në vendosjen e detyrimit
të kryerësit të veprës penale që brenda një afati të caktuar të paguaj një shumë të hollash në
llogari të shtetit (Aktgjykimin PM. nr. 256/2013 të Gjykatës Themelore të Prishtinës). Është
lloj i lehtë i dënimeve dhe i përshtatshëm në rastet e kryerjes së veprave penale të lehta.
Urdhëri për punë në dobi të përgjithshme- është dënim i karakterit subsidiar, është
zëvendësim i dënimit me burgim apo me gjobë, qëllimi i dënimit për punë në dobi të
përgjithshme është që kryerësi ti veprës penale, në vend se të dënohet me burgim apo me
gjobë, t’i caktohet detyrimi që brenda afatit të caktuar të kryej një punë në interes të
përgjithshëm pa pagesë. Qëllim të njëjtë ka edhe për kryerësit e mitur të veprave penale.
(Salihu, 2005).
Burgimi për të mitur- Burgimi për të mitur është lloji më i rëndë i dënimit i cili mund t’u
shqiptohet kryerësve të mitur të veprave penale. Me këtë lloj dënimi të miturit i merret liria
e lëvizjes. Burgimi për të mitur mund të shqiptohet vetëm përjashtimisht dhe për llojet e
veprave penale shumë të rënda dhe nëse plotësohen kushtet të cilat janë paraparë në mënyrë
taksative në Kodin e Drejtësisë për të Mitur. (Aktgjykimin PM. nr. 5/2014 të Gjykatës
Themelore në Prizren).
25
3 DEKLARIMI I PROBLEMIT
Cka janë Sanksionet Penale dhe pse zbatohen ato? Sa lloje te Sanksioneve Penale
përfshihen në Kodin Penal të Republikës së Kosovës? A është sistemi ynë i karakterit
hakmarrës apo i karakterit të riedukimit?
Sanksionet Penale si masa mbrojtëse cilësohen si mjete për pengimin e kriminalitetit,
sigurimit e rendit shoqëror nga atakimet e rrezikëshme dhe kundërligjore të individëve dhe
dhe grupet e cakuara, konsistojnë në marrjen apo kufizimin e disa të drejtave dhe
shqiptohen kundër vullnetit të kryerësit të veprës penale.
Sanksionet Penale të cilat u shqiptohen kryerësve të veprave penale kanë më pak karakter
hakmarrës e më shumë si qëllim e kanë përmisimin ose riedukimin e kryerësit.
Në Republikën e Kosovës parashihen vetëm për sjelljet me të cilat cenohen a dëmtohen në
atë masë liritë dhe të drejtat e njeriut si dhe të drejtat e tjera të njeriut e vlerat shoqërore,
mbrojtja e të cilave nuk mund të realizohet pa dhunën juridike penale dhe llojet e
sanksioneve penale të cilat përfshihen në Kodin tonë Penal janë: dënimet kryesore,
alternative, dënimet plotësuese dhe vërejtja gjyqësore. Si dhe masat e trajtimit të
detyrueshëm të cilat janë: trajtimi i detyrueshëm psikiatrik me ndalim në institucionin e
kujdesit shëndetësor, trajtimi i detyrueshëm psikiatrik në liri dhe trajtimi me rehabilitim të
detyrueshëm të personave të varur nga droga apo alkooli. Problematikë tjetër është edhe ajo
se qfar lloji të karakterit i përket sisemi i sanksionit penal sipas Kodit Penal të Republikës
së Kosovës. Duke e parë se Republika e Kosovës ka akceptuar parimet e përgjithshme për
të drejtat dhe liritë themelore të njeriut dhe ka garantuar në Kushtetutën e saj këto të drejta
edhe në aspektin e shqiptimit dhe zbatimit të sanksioneve penale ka avancuar duke e
humanizuar sanksionin penal për ta zhdukur karakterin hakmarrës dhe duke e ndaluar
kështu dënimin me vdekje dhe duke e garantuar të drejtën e njeriut për jetën. Pra sipas kësaj
sistemi ynë i përket karakterit të riedukimit sepse ekzekutimi i menjëhershëm i sanksioneve
penale konsiston rehabilitimin e kryerësit dhe parandalimin e veprave penale në të
ardhmen.
26
4 METODOLOGJIA
Si pikënisje për studimin e sanksioneve penale në përgjithësi dhe sanksioneve penale në
Republikën e Kosovës, ka qenë metoda historike. Përmes zbatimit të kësaj metode është
arritur të studiohen në një periudhë te gjatë te zhvillimit të shoqërisë në përgjithësi duke
përfshirë edhe atë kosovare, duke qenë se sanksionet penale janë epiqendër dhe cështje
kryesore të së drejtës penale dhe politikës penale. Si dhe janë pjesa më dinamike e së
drejtës penale që i nënshtrohen vlerësimit të opinionit të gjera publil, profesional, shkencor
dhe laik. Pra sanksionet penale përvec që janë dukuri juridike, ato janë edhe dukuri
shoqërore sepse kur person i caktuar kryen vepër penale është e domosdoshme që shoqëria
ndaj personit të tille të ndërmarrë masa për parandalimin e kryerjes së veprës penale në të
ardhmën.
Si metodë tjetër e përdorur në këtë studim është metoda juridike-dogmatike, me ndihmën e
kësaj metode është përcaktuar nocioni, funksioni, specifikat dhe qëllimet e sanksioneve
penale. Për studimin e sanksioneve penale kam përdorur edhe metodën e krahasimit, ku
përmes kësaj metode është prezantuar krahasimi i sanksioneve penale në botë dhe në
Kosovë në periudha të ndnryshme si dhe llojet e tyre të parashikuara në legjislacionet
përkatëse si vendore ashtu edhe ato të disa shteteve bashkohore.
27
5 KONKLUZIONE DHE REKOMANDIME
Gjatë hulumtimit dhe analizimit të literaturës mbi sanksionet penale dhe dënimet që
zbatohen ndaj kryerësve të veprës penale kemi ardhë në përfundim së këto janë cështje
kryesore dhe epiqendër e së drejtës penale të cdo shteti.
Në fillim të punimit kemi shtjelluar nocionin, lëndën dhe mënyrën e finksionimit të drejtës
penale. Në mënyrë që të shqiptohen dhe analizohen ne detaje sanksionet penale dhe
dënimet që zbatohen ndaj kryerësve, kemi folur edhe mbi zhvillimin e së drejtës penale në
botë dhe në Republikën e Kosvës, ku vijmë në përfundim se në zhvillimin e së drejtës
penale ndikojnë faktorë të shumtë si shoqërore ashtu edhe politike. Duke studiuar pjesën
historike të zhvillimit të drejtës penale, kemi folur mbi karakteristikat themelore të së
drejtës penale të shteteve skllavo-pronare dhe atyre feudale, kun ë mes këtyre dy sistemeve
të ndryshme vërehen dallime dhe të përbashkta në të drejtën penale të zhvilluar në atë kohë.
Në këtë punim kemi trajtuar edhe mënyrat e ekzekutimit të sanksioneve penale në Kosovë
historikisht, ku kemi analizuar ligjin e ish- Jugosllavisë, ligjin penal të Kosovës si krahinë
social-autonome. Kjo njëherit konsiderohet si periudhë e suksesëshme dhe mjaft produktive
e Kosovës. Vijmë në përfundim se llojet e sanksioneve penale që zbatohen në Republikën e
Kosovës janë: dënimet kryesore, dënimet alternative. Dënimet plotësuese, vërejtja
gjyqësore. Kurse karakteristikat themelore të sanksioneve penale janë: mbrojtja e vlerave
më të rëndësishme të një individi dhe të bashkësisë shoqërore si dhe sanksionet penale
mund të shqiptohen vetëm nga gjykata dhe në bazë të procedurës të përcaktuar me ligj. Në
këtë punim kemi trajtuar edhe sanksionet penale që zbatohen ndaj të miturve si pjesa më e
ndjeshme e shoqërisë, ku vijmë në përfundim se avancimi i sanksioneve penale ndaj të
miturve kanë për qellim mbrojtjen e vlerave më vitale të të miturit dhe shoqërisë. Qëllimi
kryesor i tyre është që të konsistojë në rehabilitimin dhe zhvillimin adekuat të kryerësit të
mitur. Vijmë në përfundim se sanksionet penale që zbatohen ndaj të miturve në Republikën
e Kosovës janë: masat e diversitetit, masat edukative si dhe dënimet ndaj të miturve.
28
6 REFERENCAT
Salihu, I. (2012). E Drejta Penale, Pjesa e Përgjithshme, fq. 25. Prishtinë
Salihu, I. (2008). E Drejta Penale, Pjesa e Përgjithshmë, fq.28. Prishtinë
Anastasi, A. (2005). Historia e shtetit dhe e së Drejtës, botimi i tretë, Tiranë.
Manacorda, S. (2001) Los extrechos caminos de un derecho penal. Problemas y
percpectivas de una competencia, fq. 208, Berlin-Neë York. [Online]
http://www.cienciaspenales.net/files/2017/06/caminos_penal.pdf [Qasja: 02 Qershor 2018)
Pella,V. (2002), La guerre-crime el les criminels, Paris-Geneve [Online]
https://www.amazon.fr/guerre-crime-criminels-guerre-Vespasien-Pella/dp/B0000DY0J
[Qasja: 04 Qershor 2018)
Chiavario B. (2006), La justice penale internacionale entre passé et avenir. Paris.
Cantori, B. (2006), E Drejta Internacionale,edicioni i shtatë , Verona
Lemkin, R. (1944), Axis Rule in Occupiec Europe, Washington. [Online]
https://books.google.com/books?id=y0in2wOY-
Ë0C&printsec=frontcover&source=gbs_ge_summary_r&cad=0#v=onepage&q&f=false
[ Qasja: 07 Qershor 2018]
Elezi, Ismet & Kaçupi, Skënder & Haxhia, Maksim. (1999) Komentar i Kodit Penal të
Republikës së Shqipërisë, Pjesa e përgjithshme, Tiranë.
Franjo, B. (1998) Kaszneno Pravo opci deo, fq. 361, Zagreb.
Halili, R. (2002), Penologjia, fq. 65-66, Prishtinë
Kambovski, V. (2004), Kazneno Pravo, Opsti del, Skopje
Kodi Penal i Republikës së Kosovës, (neni 1, paragrafi 1), Parlamenti i Kosovës, Prishtinë,
hyri në fuqi më 01 Janar 2013, Kodi nr.04/L-082.
29
Salihu, I. Zhitija H. Hasani, F. (2014), Kodi Penal i Republikës së Kosovës- Komentar,
Botimi i I, Prishtinë
European Commission, Study on Criminal sanction legistation on practice in
representative, Member States, Final Report, (2013), fq. 18
[Online] https://ec.europa.eu/transport/sites/transport/files/modes/road/studies/doc/2013-
02-harmonisation-of-sanctions-commercial-road-transport-part-v.pdf [Qasje: 08 Qershor
2018].
Edward W. Hautamaki, (1951), The element of mens rea in recklessness and criminal
negligence, fq. 68. [Online] https://scholarship.law.duke.edu/dlj/vol2/iss1/5/ [Qasje: 08
Qershor 2018].
Cejovic, B. (1999), Kriviocno Pravo, opsti deo, fq.449, Beograd
Kodi i Drejtësisë për të Mitur, (2010), Kodi nr.03/L-193
Adzajlha- Dedovia, A. (2007), Drejtësia Restorative, fq.5, Sarajevë-Prishtinë
Salihu, I. (2005), E Drejta Penale për të Mitur, fq.32, Prishtinë
Hajdari, A. (2004), Kriminaliteti it ë miturve në Kosovë 2001-2003, fq.49, Prishtinë
Cejovic, B. (1979), E Drejta Penale, Pjesa e Përgjithshme (me përkthim), fq. 485, Beograd.
Hajdari, A. (2005), E Drejta e Procedurës Penale e të miturve, (me ligjin penal për të
mitur), Prishtinë.
Hajdari A. (2015), Juvenile criminality in Kosovo, vol. 3, no.1, fq.46, Macrathink Institute.
Hajdari, A. (2010), Procedura Penale- Komentar, fq.47, Prishtinë.
Ukaj, B. (2008), Sanksionet Penale ndaj të Miturve në Ligjin Penal për të mitur të Kosovës,
të vitit 2004, E Drejta, nr.1-2, fq. 109. Prishtinë
Revista, E Drejta, nr. 1, fq. 35-36, Prishtinë (1995)
30
Maier. J. (2001). Inquisition oder Komposition. [Online] https://books.google.com [Qasja:
02 Qershor 2018]
[Online] http://www.pravnifis.rs/Download/Zbornik-Prava-djeteta/PDRPIII1.pdf
[Qasja: 08 Qershor 2018]
Franjo, B. (1978), Krivicno Pravo, Opci dio, Zagreb
Franjo, B. (1972), Krivicno Pravo, Opst del, Skopje
Garacic, A. (2004), Kazneni zakon u sudskoj praksi, Zagreb
Stojanovic, Z. (2003), Krivicno Pravo, Opsti deo, Beograd