M A' R U Z A L A R M A T N I
-
Upload
khangminh22 -
Category
Documents
-
view
0 -
download
0
Transcript of M A' R U Z A L A R M A T N I
O’ZBEKISTON RESPUBLIKASI XALQ TA'LIMI VAZIRLIGI
NAVOIY VILOYATI PEDAGOG XODIMLARNI QAYTA TAYYORLASH
VA MALAKASINI OSHIRISH INSTITUTI
KIMYO VA EKOLOGIYA KAFEDRASI
5140300 «KIMYO VA EKOLOGIYA» TA’LIM YO’NALISHI
TALABALARI UCHUN «KIMYO O’QITISH NAZARIYASI VA
METODIKASI » FANIDAN
M A’ R U Z A L A R M A T N I
NAVOIY - 2005
2
Ushbu ma’ruza matni «Kimyo o’qitish nazariyasi va
metodikasi» kursininig «Kimyo-ekologiya» yo’nalishi talabalari
uchun tavsiya etiladi. Unda har bir mavzu uchun reja,
o’rganiladigan asosiy tushunchalar, nazariy muqaddima va nazorat
savollari berilgan.
Uslubiy qo’llanma talabalarning «Kimyo o’qitish nazariyasi
va metodikasi» kimyo kursi bo’yicha nazariy va amaliy bilimlarni
chuqur egallashda uchun yordam beradi.
Muallif: M.S. Hotamova
Taqrizchilar: dotsent
dotsent
------- SO’Z BOSHI -------
3
1991 yil O’zbekiston Mustaqillikka erishgach barcha fanlar qatori
kimyo fanidan darsliklar, o’quv qo’llanmalar, ma’ruza matnlari va boshqa
adabiyotlarni milliy ruhda yozish va o’qitish imkoniyati yaratildi. Kimyo
o’qitish metodikasi fani o’quvchilarga mukammal bilim berishda o’qituvchi
tomonidan tuziladigan dars rejalari, jadvallari va boshqa metodik
adabiyotlardan foydalanish muhim ahamiyatga egadir.
O’zbekiston Respublikasining “Ta’lim to’g’risida”gi Qonuni, “Kadrlar
tayyorlashning Milliy dasturi” va O’zbekiston Respublikasi Vazirlar
Mahkamasining ta’lim sohasidagi qarorlari asosida respublikamizning
akademik lisey va kollejlari hozirgi zamon talablariga javob bera oladigan
o’quvchilar va kasb- hunar ta’limi mutaxassislari tayyorlashga imkon
yaratildi.
Bu qarorlarda o’quvchilarning milliy, ma’naviy- ma’rifiy o’zligini
anglashi, zamonaviy- iqtisodiy tafakkurini o’z faoliyatiga tatbiq eta olishi,
kasbining fidoyisi bo’lishligi ta’kidlab o’tilgan.
Kimyo o’qitish metodikasi kimyo fani bo’yicha nazariy va amaliy
bilimlarni o’quvchiga qiziqarli qilib, sodda ravon til bilan, oddiydan
murakkabga tomon bosqichma-bosqich o’rgatib borishda har bir o’qituvchi
o’ziga xos usullardan foydalanish tabiiy.
Ushbu ma’ruza matn O’zbekiston Respublikasining “Ta’lim
to’g’risida”gi Qonuni, O’zbekiston o’rta ta’limi konsepsiyasi, akademik
litsey va kasb- hunar kollejlarida kimyo fani o’qitish yo’qirnomasida
ko’rsatilgan ish rejasi va har bir darsning asosiy bosqichlari qisqacha bayon
qilindi. Darsning maqsadi, vazifalari, mavzular yakuni nazorat savollari
orqali o’quvchilar bilimlarini aniqlashga e’tibor qaratildi.
--------- KIRISH -----------
4
Talabalar hozirgi zamon fan asoslari to’g’risidagi bilimlar bilan
qurollantirish bizning kasb-hunar kollej va akademik liseylarimizning eng
muhim vazifasidir.
Hozirgi zamon fan asoslarining mazmuni butun kasb-hunar kollej va
akademik liseylarimizni g’oyaviy- siyosiy yo’li bilan belgilanadi. Kasb-hunar
kollej va akademik litsey talabalariga amaliy hayot bilan chambarchas
bog’langan nazariy bilimlar beradi. Talabalar har tomonlama barkamol
insonga xos xislatlar hosil qilish kimyo o’qituvchisining eng muhim
vazifasidir.
1. Fanni o’qitishning maqsad va vazifalari. Kimyo o’qitish metodikasining
maqsadi talabalarni chuqur va mustahkam bilimlar bilan qurollantirish,
fanga qiziqtirish, mustaqil ishlash va fikrlashga o’rgatishdan iboratdir.
2. Fanning maqsadi: Maktab kimyo darsligi uchun kerakli hajmda dalillarni
tanlash, talabalar bilimini oshirishda, o’qituvchi bilimi orqali, kitob, kino,
radio, televizor va boshqa vositalardan foydalanish demakdir.
3. Fanning vazifalari: Kelajagi buyuk mustaqil O’zbekistonimiz uchun
talabalarni hozirgi zamon kimyo fani asoslarini ongli ravishda va puxta
o’zlashtirishga erishishi, talabalarni kimyoning atrofdagi tabiatni asrash va
undan foydalanish uchun zarur bo’lgan ilmiy asoslari bilan tanishtirish,
talabalarni ilmiy bilishning vositalaridan biri bo’lgan kimyo
eksperimentidan foydalana oladigan qilib tarbiyalash, talabalarni mehnatga
va mustaqil bilim olishga o’rgatishdan iborat.
Talabalar bilimiga qo’yiladigan talablar esa, talabalarni bilim va
ko’nikmalarini tekshirish, talabaning ish faoliyatini kuzatish, og’zaki so’rash,
sinov, yozma nazorat ishlari, kimyodan test savollarini tuzish va yechish usuli
va boshqa ta’limning turli bosqichlarida talabalarning bilim va ko’nikmalariga
qo’yiladigan talablardir.
1-ma’ruza
Mavzu: Kimyo ta’limi metodikasi fani va o’quv predmeti. Yangi pedagogik
texnologiyaning vazifalari.
5
Ma’ruza rejasi:
1. Kimyo ta’limi metodikasi fani.
2. Kimyo fanini maktabda hamda akademik lisey va kasb-hunar kollejlarda
ham fan, ham o’quv predmeti sifatida.
3. Yangi pedagogik texnologiyaning vazifalari.
O’rganiladigan asosiy tushunchalar: Kimyo o’qitish metodikasi kimyo
fanini o’qitish uslubiyotiga bag’ishlangan o’quv kursi ekanligi, kimyo o’qitish
metodikasi fanining asosiy vazifasi, zamonaviy pedagogik texnologiyalar, uning
maqsad va vazifalari.
Kimyo o’qitish metodikasi kursining matni O’zbekiston Respublikasining
«Ta’lim to’g’risida»gi qonuni O’zbtkiston o’rta ta’lim konsepsiyasi, umumiy o’rta
ta’lim maktablarida kimyo o’qitish yo’riqnomasida ko’rsatilgan istiqlol munosbati
bilan respublikamizning umumiy o’rta ta’lim maktablarida hamda oliy o’quv
yurtlari oldiga qo’yilgan asosiy maqsad va vazifalarni hisobga olgan holda
tayyorlandi.
O’zbekiston Respublikasi yer osti boyliklari bilan haqli ravishda
faxrlanadi. Bu yerda mashhur D.I. Mendeleev davriy sistemasining deyarli barcha
elementlari topilgan. Masalan: 105 ta neft, gaz, 155 ta istiqbolli kon, rangli nodir
va radioaktiv metallar bo’yicha oltin, mis, uran, tabiiy gaz, volfram, kaliy tuzlari,
fosforitlar, kalionlar va boshqa mahsulotlar.
Kimyo o’qitish metodikasi to’g’ri metod bilan olib borilishi kerak. Bu
metod ishning g’oyaviy- siyosiy yo’nalishiga, uni bajaruvchining malakasiga
bog’liqdir.
O’qitishni umumiy maqsadlariga muvofiq kimyo o’qitish uslubiyoti oldida
quyidagi asosiy vazifalar turadi:
1. Kimyo o’qitishning aniq maqsadlari va o’quv predmetining mazmunini
aniqlash;
2. Qo’yilgan maqsadlarga yetishishga qaratilgan ko’proq ma’qul uslublar va
o’qitishning tashkiliy shakllarini ishlab chiqish;
3. Kimyo o’qitishning zarur vositalarini ko’rib chiqish va kimyo o’qituvchisi
ish amaliyotida ularni qo’llash bo’yicha yo’riqnomani ishlab chiqish;
Boshqa so’z bilan aytganda xuddi har qanday dars uslubiyoti oldida
turganidek kimyo o’qitish uslubiyoti oldida ham an’anaviy quyidagi savol turadi.
1. O’qituvchi oldiga predmetni o’qitishda aniq maqsad, vazifalar qo’yish yoki
nima uchun o’qitish savollariga javob berishni ilgari suradi.
2. Kimyo predmeti o’quv mazmuni didaktik maqsad va talablarga javob berishi
kerak yoki nimani o’qitish kerak.
3. O’qitishning mazmuni metodlar, shakllarini aniqlash yoki predmetni qanday
o’qitishga javob izlaydi.
4. Predmetning mazmunini o’quvchilar o’zlashtirib olishlari masalasi yoki
o’quvchilar qanday o’qiydilar.
Kimyo o’qitish uslubiyoti mazmunini uning umumiy, nazariy, asosiy
savollari (kimyo umumiy uslubiyoti) va alohida bulimlarini o’rganish savollari
(alohida yoki maxsus) tashkil etadi.
6
Kimyo predmetini o’qitish maqsadlarini aniqlashda birinchi navbatda
umumta’lim maktablarida akademik litseylarda va kasb-hunar kollejlarida
o’qitish va tayyorlashni umumiy maqsadalariga asoslanmoq zarur. Umumiy o’rta
ta’lim maqsadi, bu ta’lim, tarbiya va davlat o’quv standartlariga muvofiq
o’quvchilarni fikrlash, jismonan, jarayonlarida bilimlari asosini to’liq egallashini
ta’minlash, o’quvchlarga dunyoning hozirgi ilmiy ko’rinishini shakllantirishda,
kimyo fanining ahamiyatini, anglagan holda ratsional ko’nikmalarini hosil
qilish.
O’quvchilarda kimyo faniga bo’lgan qiziqish va mehr, shu predmetga
mas’uliyatli munosabat uyg’otish, kimyo fanuining hozirgi davrdagi roli va o’rni
haqida to’g’ri tasavvur shakllantirishni aynan o’qituvchi bajaradi. Bunday
mas’uliyatli vazifani bajarish uchun o’qituvchining o’zi yangi pedagogik
texnologiya va uning vazifalariga bo’lgan talablarini egallashi kerak. Kimyo
fanining pedagogik funksiyasi uning insonni umumiy ta’lim olishdagi asosiy
vazifalarini aniqlashdagi xususiyatlari bilan aniqlanadi. Bular:
1. Ilmiy dunyoqarash asosini tashkil qilish. 2. Maktab o’quvchisi fikrini
rivojlantirish. 3. Maktab o’quvchilarini amaliy faoliyatga, mehnatga nisbatan
bo’lgan ta’limini davom ettirishga tayyorlash.
Maktab kimyo kurslari mazmunini tanlashga ma’lum qarama-qarshilikda
turgan asosiy ikki guruh omillari ta’sir ko’rsatadi: ilmiylik va qulaylik, yengillik
va umumta’limga xoslik. Bir tomondan kimyoning maktab kursi zamonaviy,
hayotning hamma qiyin talablariga javob bera oladigan, boshqa tomondan oddiy
bo’lishi kerak. Bu ikki talabni birlashtirish oson vazifa emas.
O'qituvchilar, talaba va o'quvchilar jamoasida hamkorlik va ijodiy muhitni
yaratishda zamonaviy pedagogik texnologiyalarni o'rni beqiyos.
Zamonaviy pedagogik texnologiyalar- ta'lim jarayonini har tomonlama
mukammal loyihalashtirish, aniq maqsadlar qo'yish va ularga kafolatlangan
holda erishish, rejalashtirilgan natijalarni amalga oshirish imkoniyatini
beruvchi uzviy bog'langan komponentlar yig'indisidir.
Ushbu qoidadan kelib chiqqan holda har bir o'qitiladigan mavzuga keng
qamrovli loyiha ishlab chiqish bilan bir qatorda, o'quv-metodik majmua tayyorlash
uning tarkibiga loyihaga qo'shimcha mavzuga daxldor bo'lgan barcha axborotlar,
tarqatma materiallar, ma'lumotnomalar, manbalar, ulardan foydalanish metodikasi
kiritilishi kerak.
Yangi pedagogik texnologiyaning vazifalari.
1. Kelajagi buyuk O’zbekistonimiz uchun talabalarni hozirgi zamon
kimyo fan asoslarini ongli ravishda va puxta o’zlashtirishlariga erishish;
2. Talabalarni kimyoni atrofdagi tabiatni izohlab berish va undan oqilona
foydalanish uchun zarur bo’lgan ilmiy asoslar bilan tanishtirish;
3. Talabalarni tabiatga to’g’ri materialistik nuqtai nazardan qarash
xususiyatlarini hosil qilishga alohida e’tibor berish lozim.
4. Talabalarni ilmiy bilishini vositalaridan biri bo’lgan kimyoviy
eksperimentidan foydalana oladigan qilib tarbiyalash.
5. Talabalarni mehnatga o’rgatish – ularni kelgusi amaliy faoliyatga
tayyorlash zarurdir.
6. Talabalarni kimyo faniga qiziqishini yanada orttirish.
7
7. Talabalarni mustaqil ravishda izlanuvchanlikka va bilim olishga
o’rgatish.
8. Talabalarda kundalik turmushda, hayotda bo’ladigan o’quv va
malakalarini hosil qilish.
9. Talabalarni qo’lidan keladigan ijtimoiy-foydali ishga jalb qilish
10. Kimyo fanining hayotimizdagi ahamiyatini tushuntirish.
11. Jismonan baquvvat, aqlan yutuk insonlar darajasiga yetkazish.
12. Kimyo o’qitish talabalarni mehnatsevar, Vatanga muhabbat, fanga
qiziqish ruhida tarbiyalash kerak.
Nazorat savollari:
1. Kimyo o’qitish metodikasi predmeti nimani o’rganadi?
2. Kimyo o’qitish metodikasi fanining rivojlanish tarixi haqida nimani
bilasiz?
3. Kimyo o’qitish metodikasi fani oldiga qanday asosiy vazifalar qo’yiladi?
4. Yangi pedagogik texnologiyaning vazifalari nimalardan iborat.
2 - ma’ruza
Mavzu: Kimyo ta’limining maqsad va vazifalari.
Ma’ruza rejasi:
1. Kimyo ta’limining maqsadi
2. Kimyo ta’limining vazifalari
3. Kimyo ta’limining Davlat ta’lim standarti va uning vazifasi
4. Kimyo ta`limi standartining asosiy bo’limlari to’g’risida tushuncha
Umumiy o’rta ta’lim maktablaridagi kimyo ta’limi pedagogik jarayonining
ajralmas tarkibiy qismi bo’lib, ta’limning umumiy maqsadlariga muvofiq
o’quvchi shaxsini tarbiyalashga xizmat qiladi. Respublikamiz mustaqilligining
dastlabki yillarida ta’lim- tarbiya sohasini isloh qilish natijasida to’plangan
tajribalar, chiqarilgan bir qator xulosalar asosida amaldagi ta’lim-tarbiya tizimini
hozirgi taraqqiyot va kelgusidagi talablar darajasiga ko’tarishga, uni
takomillashtirishga jiddiy e’tibor berish zarurligi ta’lim- tarbiyaning
uzluksizligini ta’minlashdan kelib chiqib, «Kadrlar tayyorlashning Milliy dasturi»
va «Ta’lim to’g’risida»gi Qonun O’zbekiston Respublikasi Oliy majlisining IX
sessiyasida muhokama qilindi va tasdiqlandi. Shu munosabat bilan barcha o’quv
predmetlari qatori kimyo ta`limi oldiga ham aniq vazifalar qo’yildi. «Ta`lim
to’g’risida»gi Qonunga muvofiq:
1. Umumiy o’rta ta`lim maktablarining kimyo ta`limi konsepsiyasini qayta
ishlab chiqish;
2. Umumiy o’rta ta`lim maktablarining kimyo ta`limi konsepsiyasidan kelib
chiqqan holda, uning standartini ishlab chiqish taqozo qilinadi.
Kimyo ta`limi standarti kimyo o’quv predmetining majburiy mazmunini belgilab
beradi.
Umumiy o’rta ta`lim maktablarining kimyo ta`limi standarti, kimyo ta`limi
tizimidagi barcha komponentlarni: ta`limning mazmuni, maqsadi, ta`limning
8
uzluksizligi, tashkiliy shakllari, usullari, vositalari va boshqalarni qayta ko’rib
chiqish mezoni hisoblanadi.
Kimyo ta`limi konsepsiyasiga muvofiq kimyo ta`limining yo’nnalishi va
maqsadi yosh avlodning kimyo fani asoslarini chuqur egallashi, o’quvchilarning
siyosiy - g’oyaviy, estetik, ekologik tarbiyasi, tabiatga va jamiyatga bo’lgan
ijobiy munosabat, qadimgi yashab ijod etib o’tgan buyuk mutafakkirlar, keyingi
yillarda olimlarimizning kimyo sohasidagi erishgan yutuqlariga oid o’quv
materiallari bilan tanishtirib borish orqali vatanga bo’lgan e`tiqodni
shakllantirish, kasbga yunaltirish ko’zda tutiladi. Kimyo ta`limi standarti-kimyo
o’qitishda o’quvchilarga beriladigan ta`lim va tarbiyaning mazmuni negizini
belgilovchi ko’rsatkichlar, shuningdek o’quvchilarning tayyorgarlik
darajasidagi bilim va amaliy faoliyatlari darajasi me`yorini belgilaydigan mezon
bo’lib hisoblanadi.
Kimyo ta`limi standarti – umumiy o’rta ta`lim maktablari uchun
tuziladigan kimyo ta`limi dasturi va o’quv materiallarining hajmini
belgilab beruvchi mezon bo’lib xizmat qiladi.
Kimyo ta`limi standarti – kimyo ta`limida o’qituvchilarning davlat va
jamiyat oldidagi vazifalari, burchi va javobgarligini qay darajada his qilishlari
mezoni bo’lib ham hisoblanadi.
Umumiy o’rta ta`lim maktablarining kimyo ta`limi standarti-kimyo o’quv
predmetidan o’quvchilarga beriladigan bilimlar miqdori, o’quvchilar
egallaydigan bilim, hosil qiladigan amaliy ko’nikma va malakalar hajmini
ko’rsatuvchi me`yor bo’lib, umumiy o’rta ta`lim maktablaridagi kimyo ta`limi
negizini belgilovchi ko’rsatkichlar o’quvchilarning kimyo ta`limidan
tayyorgarlik darajasiga qo’yiladigan talablar majmuasidan iborat bo’lgan hujjat
tariqasida tasdiqlanadi va xizmat qiladi.
Umumiy o’rta ta’lim o’quvchilar oladigan bilimlarning zarur hajmiga asos
soladi, o’quvchilardagi tashkilotchilik qobiliyati, malakalari va amaliy
tajribasini ruvojlantiradi. Davlat ta’lim standartlarida kimyo ta’limi sohasida
quyidagicha standartlar belgilangan: Kimyo ta’limi sohasiga o’quv rejasida
VII- IX sinflar uchun 204 o’quv soati ajratilgan bo’lib, ularning sinflar
bo’yicha taqsimoti quyidagicha:
Sinflar VII VIII IX Jami
haftalik o’quv
soati
2 2 2 6
Yillik o’quv soati 68 68 68 204
Kimyo ta`limi standartining tuzilishi uzluksizlikni ta`minlash asosida,
kimyo ta`limi sohasi mazmuninimg asosiy yunalishlari: «Kimyoviy
tushunchalar», «Modda», «Moddaning tuzilishi va xossalari», moddalarning
olinishi, kimyoviy til, eng muhim kimyoviy tushunchalar va qonunlar,
9
nazariyalar, kimyoviy ishlab chiqarishning texnologiyasi, respublikamizda
kimyo sanoatining erishgan yutuqlari, organik moddalarning ayrim vakillari,
polimerlar, tabiat va jamiyatga kimyoviy ishlab chiqarishning ekologik ta`siri
haqidagi bilimlarni berishga va amaliy malakalar hosil qilishga qaratiladi. (
«Ma’rifat» gazetasi.28.08.98. 3-bet) Bunda, o’quvchilarning bilishi, anglashi,
amaliy ishlarni bajara oladigan ko’nikma va malakalariga ega bo’lishlarini
ta`minlash va uning sifatini aniqlashga imkon beradi.
Kimyo ta`limi standarti quyidagi uchta bo’limdan iborat.
1) Kimyo ta`limi mazmuni negizini belgilovchi ko’rsatkichlar.
2) Kimyo ta`limida o’quvchilarning tayyorgarlik darajasiga qo’yiladigan
standartning minimal talablari.
3) Kimyo ta`limida o’quvchilarning tayyorgarlik darajasiga qo’yilgan
standartning maksimal talablari.
«Kimyo ta`limi mazmuni negizining belgilovchi ko’rsatkichlar» bo’limi
o’quvchilarga kimyodan beriladigan bilimlar, ekologik ta`lim-tarbiya va
o’quvchilarda hosil qilinadigan amaliy ko’nikma va malakalarni o’zida
mujassamlashtiradi.
Ikkinchi va uchinchi bo’limda esa o’quvchilarning tayyorgarlik darajasiga
quyilgan talablar yoritiladi.
O’quvchilarga maksimal ball yoki baho qo’yishda har ikkala, ya`ni
minimal va maksimal tayyorgarlik darajasiga bo’lgan talablar hisobga olinishi
zarur. Bu esa, kimyo ta`limi standarti o’quvchilar tomonidan o’zlashtirish
ko’rsatkichlarni ifodalashga kimyo ta`limi sifatini baholashda o’lchov mezoni
bo’lib xizmat qilishiga imkon beradi.
Nazorat savollari:
1. Kimyo ta’limining maqsadi nima?
2. Kimyo ta’limining vazifalari nimalardan iborat?
3. Kimyo ta`limi standarti asosiy bo’limlarini vazifasini tushuntiring.
4. Kimyo ta`limida o’quvchilarning tayyorgarlik darajasiga qo’yiladigan
standartning minimal va maksimal talablarini tushintiring.
Asosiy tushunchalar.
1. Umumiy o’rta ta’lim maktablaridagi kimyo ta’limi pedagogik
jarayonning ajralmas tarkibiy qismi bo’lib, ta’limning umumiy maqsadlariga
mubofiq o’quvchi shaxsini tarbiyalashga xizmat qiladi.
2. Kimyo ta`limi standarti – umumiy o’rta ta`lim maktablari uchun
tuziladigan kimyo ta`limi dasturi va o’quv materiallarining hajmini belgilab
beruvchi mezon bo’lib xizmat qiladi.
Davlat ta’lim standartlarida kimyo ta’limi sohasida o’quv rejasida VII-
IX sinflar uchun 204 o’quv soati ajratilgan bo’lib, haftasiga 2 soatdan qilib
belgilangan.
10
3-ma’ruza
Mavzu: O’zbekiston Respublikasining Ta’lim to’g’risidagi qonuni va
O’zbekiston maktablaridagi kimyo ta’limining konsepsiyasi.
Ma’ruza rejasi:
1. O’zbekiston Respublikasining «Ta’lim to’g’risida»gi qonuni
2. O’zbekiston maktablaridagi kimyo ta’limining konsepsiyasi. 3. «Kadrlar tayyorlashning Milliy dasturi» va uning vazifalari
4. Kimyo ta’limining didaktika ta’limoti
5. Kimyo fanining rivojlanishi haqida tarixiy ma’lumotlar
O’rganiladigan asosiy tushunchalar: O’zbekiston Respublikasining
«Ta’lim to’g’risida»gi qonuni va «Kadrlar tayyorlashning Milliy dasturi»,
«Kadrlar tayyorlashning milliy dasturi»ning asosiy maqsadi, ta’limiy, tarbiyaviy,
va rivojlantiruvchi funksiyalardir, kimyo ta’limining didaktika ta’limoti, kimyo
fanining rivojlanishi tarixi.
1997 yil 29 avgustda O’zbekiston Oliy majlisining I- chaqiriq IX –
sessiyasida «Ta’lim to’g’risida»gi qonuni va «Kadrlar tayyorlashning Milliy
dasturi» qabul qilindi. «Kadrlar tayyorlashning Milliy dasturi»ning 3 ta asosiy
maqsadi bo’lib, ular:
1) Ta’lim sohasini tubdan isloh qilish
2) Ta’lim sohasini o’tmishdan qolgan mafkuraviy qarashlar va sarqitlardan
to’la xalos etish
3) Rivojlangan demokratik davlatlar darajasida, yuksak ma’naviy-axloqiy
talablarga javob beruvchi yuqori malakali kadrlar tayyorlash milliy tizimini
yaratish.
Demak, yuqori malakali kadrlar tayyorlash uchun, har bir fanni shu
jumladan kimyo fanini ham ilg’or pedagogik texnologiyalar asosida o’qitish talab
etiladi.
Qonun va dastur talablarida hozirgi talablar darajasida didaktika
ta’limotini amalga oshirish asosiy vazifa qilib qo’yilgan.
Jamiyat ta’lim-tarbiya muassasalari oldiga o’sib kelayotgan yoshlarimizda
bilim tafakkur qirralarini o’stirib faol mushohada qilish kabi xislatlarini
shakllantirish, ilm borasida kuch quvvatni rivojlantirish kabi talabni qo’yadi. Shu
sababli Prezidentimiz kuch-bilim va tafakkurda degan g’oyani ilgari surdi.
Didakrtik tafakkurning shakllanishi va taraqqiy etib rivojlanishi ta’lim
jarayonida amalga oshiriladi. Bu maqsadni amalga oshirish uchun o’quvchilar fan
asoslarini bilim, ko’nikma, malakalarni chuqur egallab borishlari kerak.
- Hozirgi sharoitda jamiyat talabiga muvofiq ta’lim-jarayonida uchta asosiy
funksiya amalga oshadi.
Bular: ta’limiy, tarbiyaviy, va rivojlantiruvchi funksiyalardir. Bu uchta
funksiya ilmiy bilimlarning o’ziga xos tomonlarini o’rganadi. Ta’limiy soha –
11
didaktikani, tarbiyaviy soha – tarbiya nazariyasini, rivojlantiruvchi soha –
psixologiya bilan bog’liqlikni o’rganiladi.
Bu o’rinda eng murakkabi kimyo predmeti bo’lib hisoblanadi. Ana shu to’rt
soha birgalashib yangi bilimlar sohasi tizimi bo’lmish kimyo o’qitish nazariyasi va
metodikasini tashkil etadi.
O’rta maktablarda kimyo o’qitish nazariyasi va metodikasi: ta’lim
jarayonida pedagogik fan bo’lib, kimyo o’qitish jarayonida o’quvchilarga ta’lim
beradi, tarbiyalaydi va rivojlantiradi.
Kimyo o’qitish nazariyasi va metodikasi o’z oldiga aniq muammolarni
qo’yadi.
Bu masalalar ta’lim jarayoning yuqoridagi uch funksiyasi asosida amalga oshadi.
- Kimyo o’qitish nazariyasi va metodikasi: a). kimyo b). pedagogika –
psixologiya fanlari v). jamiyatshunoslik fanlari g). boshqa fanlar bilan bog’liq
holda o’rganiladi.
- Kimyo o’qitish metodikasi ma’lum ketma-ketlik tartibida o’rganiladi.
Oldin ta’limiy, tarbiyaviy, rivojlantiruvchi bilimlarning o’rta maktab hajmidagi
mazmuni o’rganiladi. Bu etap maktab kursida dominatlik bloki vazifasi bo’lib
hisoblanadi.
Keyingi blok kimyo o’qitish jarayonining tashkil etilishi bilan bog’liq yoki
uning ko’rinishi kimyo o’qitish metodlari, manbalari, shakllari va o’quvchi ishini
ilmiy asosda tashkil etish bo’lib hisoblanadi.
Bu jarayon ham ta’limiy – tarbiyaviy rivojlantiruvchi aspektda ko’rib
chiqiladi.
Aniq maqsadga erishish uchun qaysi metodlarni qanday holda qo’llash, bu
funksiyalarni qanday amalga oshirish, o’qituvchi va o’quvchi faoliyatini tashkil
etish uchun o’qitish shakli va mazmunini qanday tanlash katta ahamiyat kasb
etadi.
Boshqa fanlar qatori kimyo o’qitish fani ham o’z tarixiga ega.
Kimyoni o’qitish shu fan tarixi bilan bog’liq. Fandagi kashfiyotchilar shu
fanni o’qitish bilan ham shug’ullanib kelganlar.
Albatta, buyuk kimyogar olimlar M. V. Lomonosov, A. Lavuaze, D. Dalton,
S. Kanissaro, D. I. Mendeleevlar kimyo fanining buyuk o’qituvchilari bo’lgan.
Kimyo o’qitishning eng katta yutig’i D. I. Mendeleev kashf etgan kimyoviy
elementlar davriy qonuni va davriy sistemasi bo’ldi. O’rta Osiyo tabiiy fanlar
rivojiga Abu Ali ibn Sino, Farobiy, Beruniy, Ulug’bek kabi olimlar katta hissa
qo’shganlar.
O’zbek kimyogarlari, metodistlari bu fanni o’qitishga keyingi vaqtda katta
hissa qo’shdilar.
Organik birikmalarni o’rganishda O’zbekiston tabiiy organik birikmalarga
boy mamlakat ekanligi haqida to’xtalib, akademiklar O.S.Sodiqov, S.Y.Yunusov,
X.N.Oripovlar singari o’zbek olimlari va ularning shogirdlari tomonidan o’simlik
mddalari kimyosini o’rganish borasida xalqaro miqiyosda katta ilmiy tadqiqot
ishlari olib borganligi haqida, shuningdek H. Shohidoyatov rahbarligida
O’zbekiston Fanlar Akademiyasining O’simlik moddalar kimyosi instituti olimlari
tomonidan yaratilgan o’nlab dorivor moddalar amaliyotga tavsiya etilganligi,
ulardan «Allapinin» dorivor moddasi yurak kasalligini davolashda keng
12
qo’llanilmoqda. Bu misollarni keltirish o’quvchilarda o’simliklar dunyosini
asrashda va ulardan oqilona foydalanishga bo’lgan munosabatlarini
shakllantirishga yordam beradi.
Kimyo va ilmiy texnika taraqqiyoti mavzusiga 2 soat ajratilgan bo’lib, bu
mavzularni yoritishda O’zbekistonda kimyoviy ishlab chiqarish azotli, fosforli va
boshqa o’g’itlar ishlab chiqarish bilan bevosita bog’liq ekanligi haqida to’xtalib,
Farg’ona va Navoiy shaharlaridagi «Azot» ishlab chiqarish birlashmalarida
akademiklar M.N.Nabiyev, N.R.Yusupbekov, B.N.Beglov, S.T.To’xtayev singari
olimlarning ilmiy tadqiqotlari natijalaridan amaliyotga keng foydalanilayotganligi
haqida so’zlab berish orqali o’quvchilarda kimyo faniga bo’lgan qiziqishni
orttirish mumkin.
Bo’lajak kimyo fani o’qituvchisi bilishi kerak:
1. Kimyo o’qitish jarayonida o’qituvchilarning ta’limiy, tarbiyaviy va
rivojlantiruvchi maqsadini.
2. Maktab dasturlari, darsliklari, o’quv metodik adabiyotlari, normativ hujjatlari
mazmuni.
3. Kimyo o’qitishning nazariy va metodik asoslarini.
Kimyo o’qitish kursi asosida qo’yidagi metodologik holatlarga e’tibor
beriladi.
1. Umumiy dialektik metod bilish jarayoninig rivojlanib takomillashib borishi.
2. Kimyo o’qitishda sistemalilik va birin-ketinlik, aniq reja.
3. Barcha metodologik kategoriyalarni ta’limiy, tarbiyaviy va rivojlantiruvchi
anspektda qarab chiqish.
4. Didaktik yo’nalish - kimyo o’qitishning nazariy asoslarini belgilab berdi.
O`qitishda (diqqatni tortish, ichki tuyg’u, istak, zaruriyatlar shakllanishi)
o`quv jarayonida o`quvchi va o`qituvchi uchun asosiy harakatlantiruvchi kuch bu
ichki motivasiyadir.
O`quvchi - bilim olishga intilish va bilim olishga ehtiyoj sezish kerak,
o`qish maqsadi ichki ehtiyojga aylanishi kerak. O`quvchi real hayotga kirib borishi
va unda faol ishtirok etishi uchun, bilim, ko`nikma va malakalar bilan birga ilmiy
bilish metodlariga ega bo`lishni ongli ravishda tushunsin. Bu dunyoni anglab
yetish unda o`zining munosib o`rnini topish uchun o`quvchi erkin izlansin.
O`qituvchi - o`quvchilarda tashabbuskorlik, mustaqillik, bilimlarni puxta va
chuqur o`zlashtirish uchun zarur ko`nikma malakalarni shakllantirish ularda
kuzatuvchanlik tafakkurli nutqni o`stirish, xotira va ijodiy tasavvurlarni
tarbiyalashga imkon beruvchi didaktik prinsiplarni ro’yobga chiqarish kerak.
Tekshiruv savollari:
1. O’zbekiston Respublikasining «Ta’lim to’g’risida»gi qonuni haqida
tushincha bering?
2. O’zbekiston maktablaridagi kimyo ta’limining konsepsiyasi deganda
nimani tushunasiz? 3. «Kadrlar tayyorlashning Milliy dasturi» va uning vazifalarini
tushuntiring.
4. Kimyo ta’limining didaktika ta’limoti haqida tushincha bering? 5. O’zbek kimyogar olimlarining faoliyati haqida nimalarni bilasiz?
13
4 - ma’ruza
Mavzu: Hozirgi didaktik talablar asosida maktab kimyo kursining
tuzilishi va mazmuni
Ma’ruza rejasi:
1. Maktab kimyo kursi mazmunining shakllanishi va unga bo’lgan talablar.
2. Hozirgi maktab kimyo kursi mazmunining tuzilishi.
3. «Kadrlar tayyorlashning Milliy dasturi» talablari asosida maktab kimyo
kursi mazmuni.
Kimyo predmeti ham boshqa fanlar qatori hozirgi barkamol avlodni tarbiyalab
voyaga yetkazishga xizmat qiladi. Bu buyuk maqsadni amalga oshirish uchun
kimyo kursini o’qitishda uning ta’limiy, tarbiyaviy va rivojlantiruvchi
funksiyalari birligini ta’minlash zarur.
Maktab kimyo kursini o’qitish jarayonida qo’yidagilarni amalga oshirish asosiy
vazifa bo’lib hisoblanadi.
1) Fanning eng muhim tayanch bilimlarini (tushuncha, qonun, nazariyalar)
yoki fanning asosini o’quvchilar tushungan holda o’zlashtirib olishlariga
erishish.
2) Ilmiy materialistik dunyoqarashni shakllantirish:
3) O’quvchilarda hozirgi jamiyat rivojiga ijobiy munosabatda bo’lish,
mehnatsevarlik, fanga qiziqish, tabiatga ehtiyotkorona bo’lishni va asrash
kabi xislatlarni tarbiyalash;
4) O’quvchilarda tafakkurni rivojlantirish, fanni mustaqil holda faol egallash
kabilarni uyg’unlashtirish.
5) O’quvchilarda hamma fanlarga bo’lgan qiziqishni, xalq xo’jaligini
kimyolashtirish, ularda ko’nikma va malakalarni shakllantirish, kelgusi
mustaqil hayotlari uchun kerakli bo’ladigan kasb – korni ongli tanlash kabi
ta’lim prinsiplarini amalga oshirish.
Maktab kimyo kursi mazmuning shakllanishi va unga bo’lgan talablar.
Maktab kimyo kursining hozirgi mazmuni birdaniga shakllanmagan.
Maktab kimyo kursining asosiy mazmuni D.I.Mendeleev tomonidan kimyoviy
elementlar davriy qonuni kashf etilgach katta sakrash bilan rivojlana boshladi.
Davriy qonunning kashf etilishi fanda katta sakrash bilan birga bir qancha
metodologik va metodik muammolarni yechilishini ochib berdi.
Kimyoviy o’quv predmeti materiali Davriy qonun va elementlar davriy sistemasi
asosida logik va metodik joylashtirish masalasi yechildi.
Davriy sistema asosida D.I.Mendeleev o’zining kimyo asoslari darsligini yozdi.
Bu darslik oliy o’quv yurtlari uchun birinchi yangi tipdagi darslik bo’ldi. Shu
darslikda o’rta maktab uchun ham material bayon qilindi, lekin o’rta maktab
kimyo kursida davriy qonun ko’p vaqtlar o’qitilmay keldi.
14
1920 yillarda V.N.Verxovskiy rahbarligida Petrograd, hamda P.P.Lebedov
rahbarligidagi Moskva variantlari kimyodan tuzildi. Petrograd varianti avtorlari
fanning ahamiyati o’quvchilarda bilimga bo’lgan qiziqishni oshirish, ularni
fikrlashga o’rgatish g’oyasini ilgari surdilar. Moskva varianti avtorlari esa xalq
xo’jaligida kimyoning imliy ahamiyatini ko’rsatish g’oyasini ilgari surib
materialistik yo’nalishi aniq ko’rsatildi.
Bu dasturlarda davriy qonunni o’rganishga e’tibor sustligicha qoldi.
1932 yildan boshlab V.N.Verxovskiy proekti asosida stabil darsliklar yaratildi va
nazariy qismga e’tibor kuchaydi.
Maktab kimyo fani mazmuniga didaktik talablar 4 ko’rinishdan iborat: Bu
talablar jamiyatning maktab oldiga qo’ygan buyurtmasidan kelib chiqadi.
1) Ilmiy bilimlar tizimi (fan asoslari)
2) O’quv – malakalar tizimi (maxsus qiziqishli va umumiy o’quv
malakalar).
3) Fanning shu sohasi bo’yicha insoniyat faoliyat jarayonida to’plangan
ijobiy natijalar yig’indisi.
4) Atrof- muhitdagi haqiqiy holatga qarab o’z faoliyatini chamalab
bilish.
Bu turdagi talablar o’zaro bog’liq.
Avvalo kimyoviy bilimlar tizimi maktab kimyo kursini asosini (Fan asoslari
tayanch bilimlarini) tashkil etadi. Unga bo’lgan didaktik talab alohida ahamiyatga
ega. Maktab kimyo kursi muammosi har qanday davr uchun ham murakkab, eng
muhim muammo bo’lib kelgan.
Shu fan sohasida inson erishgan hamda insonga ma’lum bo’lgan fan
asoslarini eng muhimlarini o’quvchilarning yoshi, bilimi, dunyoqarashiga moslab
ajratib olib o’qitishning eng muhim didaktik talabi bo’lib hisoblanadi.
Tanlab olingan bilimlar paketi kelgusida turg’un har tomonlama o’quvchini
rivojlantiradigan, tarbiyaviy aspektga javob beruvchi hamda yangi bilimlar olishga
rag’batlantiruvchi, tafakkurni shakllantiruvchi va rivojlantiruvchi talablarga javob
bersin.
1. Shu sababli didaktik ta’lim jarayonida eng muhim va birinchi o’rin bo’lib
ilmiylik talabini ilgari suradi.
2. Ikkinchi didaktik talab moslik.
Bu prinsipda asosiy ahamiyat berayotgan bilimlarning o’quvchi yoshi bilim
darajasi, hayotiy tajribasi rivojlanganlik darajasiga mos bo’lsin, hamda
o’quvchining bilimi darajasini fanning mazmuni rivojlantirish asosida
rivojlantirishga xizmat qilsin.
3. Moslilik talabi o’z o’rnida tizimlilik yoki sistemalilik prinsipi bilan
mustahkam bog’liq.
Bu jarayonda faktlar, tushuncha, qonun, qoidalar tartib bilan, birin-ketinlik
asosida shakllanishiga olib keladi. Har bir tayanch bilim mohiyati aniq faktlar
orqali izohlanishi shart.
Ta’lim jarayonida bilmaslikdan bilishga, sayoz bilishdan aniq va chuqur
bilishga tomon yoki oddiydan murakkabga boriladi.
O’quv materiali tanlab joylashtirilganda induktiv yoki deduktiv bilish
yo’liga amal qilinadi.
15
4. Didaktiv talabning yana muhim yo’li politexnik talab bo’lib hisoblanadi.
Bu talab ko’proq jamiyatning maktab oldiga qo’ygan talablaridan kelib chiqadi.
Hozirgi maktab kimyo kursining mazmuni ma’lum davrlarda shakllandi va
rivojlanib keldi.
Maktab kimyo kursining mazmuni quyidagi didaktik bilimlarni o’rganish
jarayonida egallaniladi.
1. Qonunlar va nazariyalar
2. Tushunchalar: modda, kimyoviy element, kimyoviy reaksiyalar,
kimyoviy ishlab chiqarish
3. Faktlar - elementlar va birikmalari xossalariga doir bilimlar
4. Kimyo fani metodlari
5. Kimyo amaliyotga asoslangan nazariy fan buyuk kimyogarlarning fanga
qo’shgan hissasi.
Maktab kimyo ta’limining bosh maqsadi - modda haqidagi tushunchalarni
shakllantirish kimyoviy element, kimyoviy reaksiyalar, kimyoviy ishlab chiqarish
tushunchalarni o’rgatishdan iborat.
Tushunchalarning mohiyati yangidan sifat xarakteristikasi u yoki bu nazariy
qism o’rganilganda amalga oshib boradi.
Maktab kimyo kursi 4 ta nazariy konsepsiya asosida ma’lum bosqichlarda
o’qitiladi.
1. Atom molekulyar ta’limot
2. D.I. Mendeleevning kimyoviy elementlar davriy qonuni va davriy sistemasi,
moddaning tuzilishi
3. Elektrolitik dissosiasiya nazariyasi
4. Organik moddalar tuzilishining hozirgi zamon tuzilish nazariyasi
Maktab kimyo kursini o’rganish to’rt bosqichda amalga oshiriladi.
Birinchi bosqich - kimyoning kirish qismi davriy qonungacha bo’lib, atom
molekulyar ta’limot asosida o’rganiladi
Ikkinchi bosqich -D.I. Mendeleevning kimyoviy elementlar davriy qonuni
va davriy sistemasi, moddaning tuzilishini o’rganish
Uchunchi bosqich -davriy sistema guruhlari asosida tipuk elementlarni
o’rganish.
To’rtinchi bosqich –Organik birikmalarning xossalarini hozirgi zamon
tuzilish nazariyasi asosida o’rganish.
Davlat Ta’lim standartlarida belgilab berilganidek, o’quvchilar kimyo
asoslariga oid quyidagi bilim, ko’nikma va malakalarini egallashlari shart:
1. Modda va uning tarkibi, tuzulishi, xossalari tarkibini bilish
2. Kimyoviy elementlar va ularning birikmalardagi valentligi hamda
kimyoviy formulalarini tuza bilish
3. Kadrlar tayyorlash milliy dasturi talablari asosida umumta’lim maktabi
kimyo kursi mazmuni (Ma’rifat gazetasi 18.08.1999 yil)
O’quvchilar kimyo asoslariga oid quyidagi bilim, ko’nikma va malakalarini
egallashlari shart:
1. Modda, uning uning tarkibi, tuzulishi, xossalari tarkibini bilish:
2. Kimyoviy elementlar va ularning birikmalardagi valentligi hamda kimyoviy
formulalarini tuza bilish
16
3. Kimyoviy qonunlar va nazariyalarni, atom – molekulyar ta’limotni bilish
4. Anorganik birikmalarning eng muhim birikmalari tarkibi, xossalari va
qo’llanilishi
5. Kimyoviy elementlar davriy qonuni va davriy sistemasi
6. Kimyoviy bog’lanish turlari
7. Kimyoviy reaksiyalar va ularning turlari
8. Kichik davrda joylashgan kimyoviy elementlar tavsifi va ularning fizikaviy va
kimyoviy xossalarini o’rganish
9. Kislota, ishqor, asos va tuzlarning dissosilanishini yoza bilish
10. Ion almashinish tenglamalari
11. Metall va metallmaslarning ayrim vakillari, ularning fizikaviy va kimyoviy
xossalarini o’rganish
12. Buyuk allomalarimiz va ularning kimyo fani rivojlanishiga qo’shgan hissalari
haqida
13. O’zbekistonda olinadigan kimyoviy xom ashyolar va ularning ahamiyati
14. Organik birikmalarning xossalarini hozirgi zamon tuzilish nazariyasi asosida
o’rganish.
15. Anorganik va organik kimyoga oid masalalar yecha olish
16. Polimerlarning xossalari va ularning qo’llanilishi
17. Kimyoviy reaktivlar va jihozlardan foydalana olish
18. Kimyoviy ishlab chiqarish jarayoni kimyoviy moddalardan foydalanishni
ekologilk no’qtai – nazardan tushuntira olish.
Mavzuni mustahkamlash uchun nazorat savollari
1. Maktab kimyo ta’limini takomillashtirishda Davlat Ta’lim standartlarining
o’rni.
2 Maktab kimyo kursining oldingi va keyingi mavzulari asosida «Anorganik
birikmalarning eng muhim sinflari» haqidagi bilimlarni umumlashtirish
mavzusining bog’liqligini izohlang.
3. Maktab kimyo kursi mazmunida eng muhim didaktik prinsiplarning tatbiq
etilishi.
4. Umumlashtiruvchi mavzularning maktab kimyo kursidagi o’rni.
Asosiy tushunchalar:
Maktab kimyo fani mazmuniga didaktik talablar 4 ko’rinishdan iborat:
1. Ilmiy bilimlar tizimi (fan asoslari)
2. O’quv – malakalar tizimi (maxsus qiziqishli va umumiy o’quv malakalar).
3. Fanning shu sohasi bo’yicha insoniyat faoliyat jarayonida to’plangan ijobiy
natijalar yig’indisi.
4. Atrof muhitdagi haqiqiy holatga qarab o’z faoliyatini chamalab bilish.
5-ma’ruza
Mavzu: Anorganik kimyo bo’yicha o’quvchilarning bilim va
ko’nikmalariga qo’yiladigan asosiy talablar (VIII sinf misolida).
17
Ma’ruza rejasi:
1. Nazariy o’quv materiallarni o’zlashtirishga bo’lgan talablar.
2. Faktlarni o’zlashtirishga bo’lgan talablar.
3. Kimyo tilini o’zlashtirishga bo’lgan talablar.
4. Kimyoviy eksperimentning bajarilishiga bo’lgan talablar
5. Hisoblashga doir masalalarning yechilishga bo’lgan talablari.
O’rganiladigan asosiy tushunchalar: Nazariy o’quv materiallarni
o’zlashtirishga bo’lgan talablar, faktlarni o’zlashtirishga bo’lgan talablar,
kimyo tilini o’zlashtirishga bo’lgan talablar, kimyoviy eksperimentning
bajarilishiga bo’lgan talablar, hisoblashga doir masalalarning yechilishga
bo’lgan talablari.
Kimyoning to’liq kursi shunday asosda tuzilganki, uning har bir bosqichi
bilimida ta`lim jarayonining nazariy konsepsiyasi o’z aksini kuradi.
Ulardagi bosh vazifa – eng muhim kimyoviy tushunchalar element, modda,
kimyoviy reaksiyalar, kimyoviy qonunlar, kimyo ishlab chiqarishi kabi nazariy
tayanch bilimlarni shakllantirish, boyitish va rivojlantirishdan iborat. Shu bilan
birga o’quvchilar elementar va ular birikmalari xossalarini bashorat qilishga
o’rgatiladi. Bashorat qilish esa o’quvchilardagi nazariy tayanch bilimlarni
faoliyatiga tadbiq etish, qo’llash, fikr yuritish yoki tafakkur mahsuli bo’lib
hisoblanadi. Natijada har bir tayanch bilimlarining 1) ta`limiy maqsadi, 2)
tarbiyaviy maqsadi, 3) rivojlantiruvchi maqsadi ta`lim jarayonida ochib berish.
Har bir darsning nazariy qismi ta`limiy maqsadi shu darsning konsepsiyasini
tashkil etadi.
Bu nazariyalar konsepsiyasi rivojlanuvchi kimyo ta`limiga asos solishi bilan
birga o’quvchilarda dialiktik materialistik qarashlarning shakllanishi va
rivojlanishgia imkoniyat yaratadi. Natijada o’quvchilarda olamning moddiy birligi
va uni bilish mumkunligiga ishonch tug’diradi.
VIII sinflarda anorganik kimyo fanining mazmuni o’quvchilarda ilmiy
dunyoqarashini shakllantirish bilan birga olingan bilimlar amaliy faoliyatida
qo’llanish imkoni boricha o’quvchilarning tefarak-atrof muhiti, ishlab chiqarish
bilan bog’liq holda bilishini ta`minlash zarur.
Umumiy o’rta ta`lim maktablari uchun kimyo fani dasturida (T. O’qituvchi
1993) VIII sinfda anorganik kimyo bo’yicha o’quvchilarning bilim va
ko’nikmalariga qo’yiladigan asosiy talablar quyidagicha berilgan:
Nazariy o’quv materiallarni o’zlashtirishga bo’lgan talablar. Atom
molekulyar ta`limotining asosiy qoidalarini bilish, ushbu ta`limot asosida
quyidagi tushunchalarni tadbiq etish: nisbiy atom massa va nisbiy molekulyar
massa, modda miqdori, molyar massa, molyar hajm, gazlarning nisbiy zichligi,
oddiy va murakkab moddalar, kimyoviy element, valentlik oksidlar, asoslar,
kislotalar, tuzlar, kimyoviy reaksiyalarning (ajralish, birikish, almashinish, o’rin
olish) tiplari, neytrallanish reaksiyasi, almashinish reaksiyasining bir turi
sifatida.
18
Moddalar massasining saqlanish qonuni ta’riflashni, ushbu qonunning
ahamiyatini misollar yordamida tushintira olishni va hisoblashlarda hamma
reaksiya tenglamasini tuzishda ushbu qonunni tadbiq eta olishni bilish.
Kimyoviy elementlar davriy qonunning hozirgi zamon ta’rifini
D.I.Mendeleevning kimyoviy elementlar davriy sistemasidagi asosiy
qonuniyatlar, dastlabki uch davrda kimyoviy elementlar atomlardagi
elektronlarning taqsimlanishini bilish. Asosiy gruppachalardagi elementlarning
davriv sistemadagi joylashgan o’rni va atomlarning tuzilishi asosida umumiy
tavsifnoma berishni, shuningdek ushbu elementlar hosil qilgan oddiy va
murakkab moddalarni bilish: quyidagi tushunchalarni aniqlash va tadbiq eta
olish: kovalent bog’lanish (qutbli va qutbsiz), ion bog’lanish, oksidlanish
darajasi, oksidlanish-qaytarilish reaksiyasi, kristall panjara (ionli, atom,
molekulyar) izotoplar.
D.I.Mendeleevning kimyoviy elementlar davriy sistemasi va atomlarning
tuzilishi bo’yicha olingan bilimlar asosida eng muhim birikmalar
formulalarning tuzilishini, kimyoviy bog’lanish turlari va moddalarning
umumiy xarakterli xossalarini, elementli atomlarni, oddiy moddalar va
kimyoviy birikmalarni xarakterlashda ma`lum atomlarni ko’rsatishni bilish.
D.I.Mendeleyevning kimyoviy elementlar davriy sistemasi va davriy
qonunining ma`nosini aytib berishni, moddalar va kimyoviy elementlarning
moddiy birligini miqdor o’zgarishlarining sifat o’zgarishlariga o’tishini
misollarda tushintirib berish, davriy qonun misolida nazariy bilimlarni
umumlashtiruvchi va oldindan aytib beruvchi funksiyalarni ko’rsatish, fan
taraqqiyoti va ishlab chiqarish uchun davriy qonunning ahamiyatini ko’rsata
bilish.
Faktlarni o’zlashtirishga bo’lgan talablar. Kislorod, vodorod, suv
molekulasining o’rganilgan oksidlar, asoslar, kislotalar, tuzlarning tarkibini,
galogenlarning asoslarini, xlorid kislota, xloridlarning xossalarini hamda
ishlatilishini bilish.
O’rganilgan moddalarning tarkibi va xossalarini taqqoslashni, kuzatilgan
tajribalarning natijalarini analiz qilishni, o’rganilgan nazariya nuqtai nazaridan
kimyoviy reaksiyalarni tushintirib berishni, anorganik birikmalarning sinflari
o’rtasidagi genetik bog’lanish hamda moddalar tarkibini, xossalari va ishlatilishi
o’rtasidagi bog’liqlikni aniqlash.
Kimyo tilini o’zlashtirishga bo’lgan talablar. Elementlarning kimyoviy
belgilarini (kamida 20 ta) kimyoviy formula va tenglamalarning ma`nosini
tushintira olishni bilish.
Kimyoviy elementlarning valentliklari bo’yicha olingan bilim asosida ikki
elementdan tarkib topgan birikmalarning formulalarini tuzishni, kislota qoldiqlari
va metall valentliklari ma`lum bo’lgan tuzlar hamda asoslarning formulasini
o’rganilgan oksidlar, asoslar, kislotalar, tuzlarni nomlanishi, o’rganilgan
reaksiyalar tuzishni bilish.
19
Dastlabki uch davrdagi elementlarning elektron qobiqlaridagi elektronlar
sonini ko’rsatgan holda atomlarning tuzilishi sxemalarni tuzishni, birikmalarning
formulalari asosida elementlarni oksidlash darajasini aniqlashni elementlar
yuqori oksidlarning hamda tegishli kislota va asoslar formulasini tuzishni,
elementlarning davriy sistemada joylashgan o’rniga qarab metallmaslarning
vodorodli birikmalarini, o’rganiladigan oksidlanish – qaytarilish reaksiyalari
misolida elektron balans metodi bilan kimyoviy tenglamalar tuzishni bilish.
Kimyoviy eksperimentning bajarilishiga bo’lgan talablar. Moddalar va
eng oddiy asboblar bilan ishlash qoidalarini bilish.
Probirkalar, o’lchov kolbalari, laboratoriya shtativi, spirt lampa yoki gaz
gorelkasi bilan ishlashni, qattiq moddalarni eritishni, qizdirishni, tindirishni,
filtrlashni, kislota va ishqorlar bilan ishlashni vodorodning tozaligini sinab
ko’rishni molyar koncentrasiyali va erigan moddalarning massa ulushi ma`lum
miqdorda bo’lgan eritmalar tayyorlashni, tayyor detallardan gaz olish asbob
yig’ish va idishlarga havo hamda suvni siqib chiqarish yuli bilan shu gazni
to’ldirishni bilish, xavfsizlik texnikasi qoidalariga rioya qilish. Kislorod, vodorod,
is gazi, kislota va ishqorlarning eritmalari, yod, xloridlarni aniqlay olishni bilish.
Almashinish reaksiyasi orqali vodorod xlorid olish va uni suvda eritishni bilish.
Hisoblashga doir masalalarning yechilishga bo’lgan talablar. Moddalarning
nisbiy molekulyar massasini, kimyoviy formulalar asosida hisoblay olish.
Eritmadagi moddaning massa ulushini va eritmada erigan moddaning
massasini, gazlarning nisbiy zichligini, reaksiyaga kirishayotgan yoki reaksiya
natijasida olinadigan moddalardan birining ma`lum miqdoriga ko’ra moddalar
massasini yoki gazlarning hajmini (n.sh.da), kimyoviy tenglamalar asosida
gazlarning hajmiy nisbatini hisoblashni bilish.
Mavzuni mustahkamlash uchun nazorat savollari
1. Nazariy o’quv materiallarni o’zlashtirishga bo’lgan talablar deganda nlmani
tushinasiz?
2. Eritmalar tayyorlashga doir eksperimental masalalar bajarilishiga bo’lgan
talablarni ayting.
3. Hisoblashga doir masalalarning yechilishi mavzuda bilimni tekshirishning
qaysi nazorat turini taklif qilasiz?
4. Shu mavzu bo’yicha laboratoriya ishlari uchun vazifalar tayyorlang.
6 - ma’ruza
Mavzu: Kimyo o’qitish jarayonida o’quvchilarni tarbiyalash.
Ma’ruza rejasi:
1. Maktab kimyo kursi asosida tarbiya berish va dunyoqarash g’oyalarini
shakllantirish.
2. Dunyoqarash g’oyalarini shakllantirish bosqichi
3. Ta’lim jarayonida o’quvchilarni tarbiyalashga yalpi yondashiash
20
4. Kimyo ta’limi jarayonida vatanparvarlik tarbiyasi.
Barkamol avlodni tarbiyalab voyaga yetkazish hamma vaqt ham
maktabning muhim vazifasi bo’lib hisoblanadi.
Har qanday ijtimoiy tuzum tarbiya oldiga o’z talablarini qo’yadi.
Bizning mustaqil demokratik fuqorolik jamiyatimiz ham shunday talablarni
qo’yadi.
Bu talablar «Kadrlar tayyorlashning Milliy dasturi» da o’z ifodasini topgan.
Kimyo ta’limining mazmuni ham o’quvchilarda ilmiy- materialistik
dunyoqarash g’oyalarini hosil qiladi.
Bunga erishish uchun tizimli, fan asoslarini amaliyot bilan bog’lab o’qitish
talab etiladi. Maktabda kimyo o’qitishning tarbiyaviy vazifasi o’quvchilarda
dastlab mehnatga ongli ehtiyoj sezish, o’z xalqining tarixan shakllangan
an’analariga sodiq bo’lish, insonlar qadriga yetish va shu orqali vatanparvar va
baynalminal inson bo’lib yetishishi, insonlar yashab turgan muhitni e’zozlash,
mahalliy sharoitda mavjud bo’lgan tabiat boyliklaridan tejab-tergab foydalanish,
xalq mo’lkini ko’z qorachig’iday saqlash, kelajakda o’z vatani va xalqiga sadoqat
bilan xizmat qilish, shuningdek kimyoviy bilimlar asosida ekologik etiqodni hosil
qilishdek istaklarni tarbiyalashdan iborat. Bunda, o’qituvchi kimyo ta’limidagi
o’rganiladigan mavzularning mazmunidan kelib chiqqan holda va mahalliy
jarayonlarni hisobga olib o’quvchilar ongiga ekologik ta’lim- tarbiyani
shakllantirib borishni taqozo etadi.
O’rganilayotgan har bir mavzuning fan va qishloq xo’jaligida,
o’quvchilarda vatanparvarlik g’oyalarini shakllantirish ahamiyatini ko’rsata bilish
lozim.
Shu bilan birgalikda kimyo predmeti mazmuni, o’quvchilardagi zahira
tayanch bilimga tayanib falsafiy tushunshalar, kategoriyalar; materiya, harakat,
miqdor, sifat, xossa, qarama-qarshilik, inkor, sabab, oqibat kabilarnig mohiyatini
ochib berish.
Kimyo kursidagi har bir mavzuning mazmunidan kelib chiqib uning
o’quvchini hamma tomonlama tarbiyalashni amalga oshirish zarur.
Kimyo ta’limi jarayonida o’quvchilarni milliy istiqlol g’oyasi ruhida tarbiyalash
asosiy vazifa bo’lib hisoblanadi.
O’quvchilar dunyoqarashni shakllantirish quyidagi bosqichlarda amalga
oshadi.
Birinchi bosqich - Alohida g’oyalar, tushunchalar holatlarning mohiyatini
anglash (tayyorgarlik bosqichi)
M: Dastlabki kimyoviy tushunchalar mavzusida modda va ularning xossalari
haqida tushuncha beriladi.
Ikkinchi bosqich - materiyaning kimyoviy harakat shakli haqidagi
tushunchalar tartibga solinadi.
Davriy qonun va davriy sistema mavzusida atomlarning ichki holatlari,
xossalari, ularning xossalaridagi o’xshashlik va farq qiluvchi tomonlari
o’rganiladi.
21
Uchunchi bosqich - VIII-IX- sinflar oxirida o’qituvchi va o’quvchilarning
birgalikdagi faoliyatlari tufayli dunyoqarash tushunchalari g’oyalari
chuqurlashtiriladi va yangi material aniq tartibga keltiriladi.
To’rtinchi bosqich - dunyoqarash g’oyalari tushunchalarini falsafiy nuqtai
nazardan izohlash
Beshinchi bosqich - materiyaning kimyoviy harakat ko’rinishlarini tabiiy
ilmiy va falsafiy nuqtai nazardan tizimga kiritishdan iborat. Didaktik qonunlar
mohiyatini kimyoviy misollar vositasida ochib berish.
Jamiyatda ijtimoiy faol, tafakkuri keng, mulohazali mustaqqil fikrlovchi shaxsni
tarbiyalashga yalpi yondoshish talab etiladi.
Tarbiyada bunday yondoshish «Ta’lim to’g’risi»dagi qonun, «Kadrlar
tayyorlash milliy dasturi»da o’z aksini topgan.
Tarbiyaga yalpi yondoshishda: vatanparvarlik tarbiyasi, mehnatsevarlik,
dialektik materialistik, ekologik, estetik, huquqiy iqtisodiy tarbiya kabilarni
unutnaslik kerak.
Har bir mavzuni boshqa fanlar bilan aloqadorlikda o’rganib chiqish zarur.
O’quvchi boshqa fanlardan olgan saboqlarini yangi sharoitda qo’llay bilsinlar.
Mustaqil O`zbekistonimiz zaminida D.I.Mendeleev davriy jadvalidagi barcha
elementlar mavjud.
Prezident I.A.Karimovning "O`zbekiston XXI asr bo`sag`asida" asarida
tabiiy boyliklarimiz ularni o`rganish xalq xo`jaligi taraqqiyoti uchun xizmat
qildirish haqida tushunchalar, bilimlar berilsa o`quvchida vatanparvarlik hislari
kuchli qaror topadi.
Tekshiruv savollari
1. Prezident I.A.Karimovning asarlarida kimyoviy xom-ashyo resurslaridan
Vatan taraqqiyoti yo`lida foydalanish g`oyalarining yaratilishi.
2. Kimyo o`quv predmetini tarbiyalovchilik maqsadini tavsiflang.
3. Vatanimiz kimyoviy xom - ashyo resurslari misolida vatanparvarlik tarbiyasi
berish yo’llarini ko`rsating.
4. Kimyo ta`limi mazmuni orqali o`quvchilarda dialektik - materialistik
dunyoqarashni shakllantirishni xarakterlang.
5. O`zbekiston Konstitutsiyasi materiallaridan kimyo o`qitish jarayonida
foydalanish.
6. O`zbekiston kimyogar olimlari va ularning fan - texnikani rivojlantirishdagi
faoliyati.
Tayanch iboralar:
Kimyo o’qitishning tarbiyaviy vazifasi –o’quvchilarda dastlab mehnatga
ongli ehtiyoj sezish, o’z xalqining tarixan shakllangan an’analariga sodiq bo’lish
kabi vazifalar singdirishdan iborat.
7- 8 –ma’ruza
Mavzu: Kimyo o`qitish jarayonida o`quvchilarni bilim va ko’nikmalaini
rivojlantirish.
22
Ma’ruza rejasi:
1. Rivojlantiruvchi ta`limning psixo – pedagogik asoslari.
2. Kimyo mazmuni tizimi o`quvchilarni rivojlantirish manbai.
3. Rivojlantiruvchi ta`limda kimyoviy umumlashtirishlarning ahamiyati.
4. O`quvchilarni yakkama-yakka munosabat orqali rivojlantirish.
5. Muammoli ta`lim o`quvchini rivojlantirish manbai.
O’rganiladigan asosiy tushunchalar: Rivojlantiruvchi ta`limning psixo –
pedagogik asoslari, rivojlantiruvchi ta`limda kimyoviy umumlashtirishlarning
ahamiyati, o`quvchilarni yakkama-yakka munosabat orqali rivojlantirish,
muammoli ta`lim o`quvchini rivojlantirish manbai.
Rivojlantiruvchi ta`limni vazifasi dastlab o`quvchilarda mustaqil bilim
egallash ko`nikmalarini shakllantirish, ularda mehnat qilish uchun o`quv
malakalarni shakllantirish lozim.
Darsda qo`llanilayotgan moddalar, turli xil jihozlar bilan ishlash
ko`nikmasini shakllantirish, ular bilan ishlashda texnika xavfsizlik qoidalariga
amal qilsin.
Bo`layotgan kimyoviy hodisalarni kuzata bilish, uning mohiyatini aniqlash,
tahlil qilish, taqqoslash, o`z mulohazalarini ayta bilish, darslik, qo`llanmalar
ommabop adabiyotlardan foydalanish. Ta`lim jarayonida o`quvchilar yangi bilim
o`quv malakalar egallaydilar. Bu juda murakkab jarayon hisoblanadi. Bu
jarayonda o`quvchi bilimlar mohiyatini birinchi marta eshitadi. Bu holda hali
bilimlar endi shakllana boshlaydi. Bilimlar mustahkam bo`lmagan sayoz dastlabki
o`zlashtirishdir. Biz buni ta`lim jarayonining dastlabki didaktik vazifasi deb
bilamiz.
Demak materialni chuqur va mustahkam egallab olish uchun qo`shimcha
ishlash talab etiladi. Bu talab ikkinchi didaktik vazifadir.
Olingan zahira bilimlarni faoliyatga, amaliyotga tadbiq etish orqali ular
rivojlanadi, bu esa ta`lim jarayonining uchinchi didaktik vazifasidir. Aynan shu
jarayonda bilim, ko`nikma malakalar yoki tayanch bilimlar sayqal topib
o`quvchining o`z mulkiga aylanadi. Sayqallanib, shaxsiy mulkka aylangan bilim
o`quvchining mustaqil hayot faoliyati davrida – inson uchun yo`lchi yulduzga
aylanadi.
Rivojlantiruvchi ta`limning asosiy pedagogik qoidalari:
1) Ta`limni yuqori darajada o`rtacha og`irlikda tashkil etish;
2) O`quv materialini tez va o`quvchiga tushinarli holda o`rgatish;
3) Nazariy bilimlar salmog`ini tezda oshirish;
4) Bilimlarni ongli o`zlashtirish bilan ongli holda faoliyatda qo`llash;
O`quvchi olgan bilimlarni faoliyatda ongli holda qo`llasagina undagi
bilimlar rivojlanadi. Rivojlantiruvchi ta`limning psixologik holatlari;
1) Bilimlarni qo`llaganda, qanday fikrlash hatti – harakat lozimligiga e`tibor
berish.
Bilimlarning rivojlanishi mustaqil, ijodiy ishlash rivojlanishining asosidir
23
2) Intellektual ko`nikmalar shakllanishi va rivojlanishi;
o`quvchiga logik fikrlash xossalarini chog`ishtirish, tahlil qilish, sintezlash ulardan
eng muhimlarini ajratib olib xulosa chiqarish, umumlashtirish.
3) O`qish faoliyatini to`g`ri tashkil eta bilish (o`qishni o`rganish.)
- O`quvchilar rivojlanishining asosiy manbai kimyo kursi mazmunining o`zi
bo`lib hisoblanadi. Sinfdan sinfga ko`chgan sayin bola shaxsi rivojlana boshlaydi.
Maktab kimyo kursi dasturi nazariy masalalari rivojlanib, chuqurlashib,
murakkablashib borish tartibida tuzilgan.
Bu tuzilish tayanch bilimlarning yana yuqori darajada izohlanishi va
o`rganishga olib keladi. Natijada o`quvchi shaxsi ham rivojlanadi.
- Rivojlantiruvchi ta`limda kimyoviy umumlashmalar katta ahamiyat kasb
etadi. O`rta maktab kimyo kursida maxsus umumlashma mavzular mavjud M:
Anorganik birikmalarni eng muhimi sinflar haqidagi birikmalarni umumlashtirish;
Davriy qonun, davriy sistema hamda anorganik birikmalar haqida olingan
birikmalarni ham umumlashtiruvchi mavzular berilgan. Kimyo fani o`qituvchisi
o`quvchilarda umumlashmalar hosil qilishi haqida bilimlarni ham shakllantirishi
kerak. Masalan:
a) Kimyoviy reaksiyalar klassifikasiyasi. Klassifikasiyalashning belgilari
anorganik va organik kimyodan misollar keltirish;
b) Anorganik va organik moddalar orasidagi genetik bog`lanish asoslari haqida;
v) Anorganik va organik birikmalar gidrolizi.
Umumlashma mavzular yakunida o`quvchi amaliyotga tayangan holda yoki
olingan tayanch bilimlarini faoliyatda qo`llash orqali egallangan bilimlar
rivojlanadi, sistemaga tushadi va aniqlashadi.
Ta`lim jarayonida kimyo fanining rivojlanuvchi faollik xususiyatini yana,
1). Muammoli ta`lim. 2). Ko`rgazma va o`qitishning texnika vositalari.
3). Egallangan bilimlarni doimiy nazorat qilishi. 4). Mo`staqil ishning xilma –
xilligi. 5). O`quvchilarga yakkama – yakka yondashuv kabilar yanada oshiradi.
- O`quvchilar bilan yakkama – yakka munosabat bo`lish, har bir o`qituvchining
individual xususiyati bilim darajasiga mos tuzilgan savollar mashqlar,
masalalarni alohida – alohida kartateka, sinov varaqalaridan foydalanish va ularni
bajarish darajasini nazorat qilish muhim ahamiyat kasb etadi. Masalan: elektrolitik
dissosiasiya mavzusi asosida:
- Quyidagi moddalarning dissosiyalanish natijasida qanday ionlar hosil bo`ladi:
a). bariy gidrooksidi. b). fosfot kislotasi. v). mis nitrati.
- Quyidagilar eritmasida qanday ionlar bo`ladi?
a). kislotalar. b). asoslar. v). tuzlar.
- Kislotalarning barchasi o`xshash umumiy xossalarga ega ekanligini qanday
izohlash mumkin?
a). mis sulfati. b). rux xloridi qanday moddalari bilan birikishi mumkin.
Savollar mazmuni jihatidan qiyinlashib boradi.
Birinchi savol reproduktiv oddiyroq javob talab qilsa, ikkinchi savolga
javob o`zaro chog`ishtirishni talab qiladi: uchinchi savolning javobi tahlil va
sabablari bog`lanishni ochish bilan bo`ladi, to`rtinchi savolning javobi ilgari
olingan bilimlarni yuqoriroq va kengroq bog`lanishlarda ochib berishni talab
qiladi.
24
To`rtala savollarga kim javob bersa a`lo baho qo`yiladi.
Xuddi shunday topshiriqlar ham uyga beriladi. Shunday savollarga javob
topish uchun adabiyotlarga murojaat qilanadi.
Muammoli ta`lim o`quvchini rivojlantirish manbai bo`lib xizmat qiladi.
Muammoli ta`limning mohiyati va uni hozirgi ta`lim jarayoniga olib kirishning
zarurati nimadan iborat?
Hozirgi fanlarning qo`shilib ketishi, ilmiy texnikaning o`sishi sharoitida
ta`limning rivojlanuvchi funksiyasi ham o`shib bormoqda. Ta`lim jarayoni
o`quvchiga faqat tayyor bilimlarni berish bilan chegaralanmasdan o`quvchida
tafakkur qirralarini o`stirish unda dialektik fikrlashni mustaqil ishlash ko`nikma –
malakalarni hosil qilish kerak. Zarurat esa ana shu maqsaddan kelib chiqadi.
Muammoli ta`lim – rivojlanuvchi o`qitishdir. Insonda qachonki nimaningdir
mohiyatini tushinish, anglash ishtiyoqi tug`ilsa shundagina fikr yurita boshlaydi,
unda bilim o`rganish egallashga intilish paydo bo`ladi. Bunday intilish muammoli
ta`lim jarayonida hosil bo`ladi.
O`qituvchi shu jarayonni o`quvchida hosil qilgach va vazifalar nimadan
iborat ekanligini anglagach endigi vazifa muammoli ta`limdan qachon va qanday
foydalanishni o`z oldiga maqsad qilib qo`yadi.
Asosiy vazifa muammoli ta`limni joriy etish jarayonida avvalo ta`lim
mazmunini tahlil etib chiqish va undan muammolarni ajratib tushinib olish, keyin
esa ularni bir – biriga bo`ysundirish darajasida tartib bilan joylashtirishdan iborat.
Bu tartib tizimlilik holatini keltirib chiqaradi, tafakkur rivojlanishi uchun eng
muhim sanaladi.
M: Moddalarning xossalari ularning tarkibiga bog`liq degan qoida dastlabki
kimyoviy tushunchalar mavzusida markaziy muammo sifatida qaraladi. Bu
muammo VII sinfda har bir mavzuda xususiy holat kasb etsa VIII – sinfda atom
tuzilishi nazariyasi o`rganilgach, elementlarning xossalari ularning tuzilishiga
bog`liq degan umumiy nazariyani kelib chiqardi yoki VII sinfdagi tarkib
tushunchasi o`rnini tuzilishi tushunchasi to`ldiradi.
M: Nima uchun litiyning xossalari natriyga o`xshash, nima uchun elementlarning
xossalari davriy ravishda o`zgarib boradi.
Yoki atom massalarining ortib borishi tartib buzilishiga qaramay argon
bilan kaliy 18 va 19 tartib nomerda joylashgan teskari emas?
Demak o`qitishning har bir bosqichda o`zining muammolari mavjud.
Ularga o`quvchi o`zining tayyorgarlik darajasi va rivojlanish holatida beradi.
Kimyo ta`limida o`quv muammolarini keltirib chiqarish usullari yo`llari
mavjud o`quv muammolarini nazariyalar va faktlar, nazariyalar va tushunchalar,
alohida tushunchalar orasidagi bog`liqlik orqali tushuntiriladi, hamda ajratib
olinadi.
M: Nima sababdan ayrim moddalar elektr tokini o`tkazadi yoki elektrolit ayrimlari
unday emas. Demak moddalarning eritmalaridagi har xil xususiyatlari ularning
o`zaro aloqasi tuzulishi nazariyasi asosida yechim topadi.
Moddalar xossalarining ular tuzilishiga bog`liqlik tushunchasi,
moddalarning tuzulishi nazariyasi va modda tushunchasi bog`liqligi tushuniladi.
Demak ta`limiy muammolar uning mazmunidan kelib chiqadi.
25
Ta`lim muammolarini amaliy jihatdan o`qitishning istalgan bosqichida
amalga oshirsa bo`ladi. Ular ta`lim mazmuni va o`quvchilarning rivojlanish
holatlariga bog`liq.
Muammoli ta`limni amalga oshirish bosqichlari mavjud.
O`quv muammolarining ko`rininshlari quyidagilardan iborat: muammoli
holatning mavjudligi, sub`ektning izlanishini yechishga tayyorgarligi, bir necha
yo`l bilan yechish imkoniyatlari bularni muammoli ta`limni amalga oshirish
shartlari deb aytiladi.
Muammoli ta`lim bosqichlari quyidagilardan iborat:
Birinchi bosqich - Muammoni tushunishga tayyorgarlik. Bu bosqichda
bilimlarni faollashtirish, muammoni yechish uchun kerakli bilimlarni eslash
fikrlash yechiladigan muammo uchun kerakligini ajratib olish:
Agar VII sinf o`quvchisiga nega bir xil miqdor va sifat tarkibiga ega modda
har xil xossa namoyon qiladi deb so`ralsa kimyoviy jihatdan eng muhimi bu
muammo o`quvchini yechishga undamaydi, chunki ularning bu muammoni
yechishga bilim darajalari hali yetarli emas.
Ikkinchi bosqich – Muammoli holatni vujudga keltirish. Bu vaziyat
muammoli ta`limning eng javobgarligi muhim va murakkab bosqich hisoblanadi.
O`quvchi bu bosqichdan o`qituvchi tomonidan o`z oldiga qo`ygan muammoni
muhimligini tushinishi yoki o`zidagi bilimlar bilan uni yecha olmasligini anglab
yetib, yangi bilimlarga zaruriyat sezishi va shu bilimlar bilan uni yecha olmasligini
anglab yetib, shu bilimlarni egalashi lozim. Muammo o`quvchiga aniq bo`lishi
uning bu muammoni yechishiga imkon beradi.
Uchinchi bosqich – muammoning aniq ifodalanishi kelib chiqqan vaziyat
muhitining natijasidir. O`quvchi qanday savolga javob qaytarishiga o`z kuchini
qaratsin.
Bilimga qaratilgan bu vazifani o`qituvchi o`quvchilar oldiga qo`ya bilishi
kerak.
Agar o`quvchi doimiy ravishda muammolarni yechib kelgan bo`lsa,
muammolar yechimiga o`zi kela biladi.
To`rtinchi bosqich – muammolarni yechish jarayoni u bir necha pog`onada
amalga oshadi:
a) bashoratlarni ilgari surish;
b) har bir muammoni tekshirishning rejasini tuza bilish;
v) muammoning tasdiq topishi.
Beshinchi bosqich – Tanlangan yechim to`g`riligini isbotlash, agar imkon
bo`lsa, amaliyotda ko`rsatish. Bunday muammoli vaziyatlarni tashkil etish
o`qituvchidan katta mahorat talab etadi.
Muammoli vaziyatlar tashkil etish usullari quyidagilardan iborat.
1. O`quvchilarga noma`lum bo`lgan ma`lumotlar faktlarni tushintirish va
demonstratsiya qilib ko`rsatish. Ularda yangi bilimlarning kelib chiqishiga
imkon beradi M: o`qituvchi elementning shakl o`zgarishlarini (allatropiyasini)
tushintirib uning kelib chiqish sabablarini so`raydi, yoki ammoniy xlorid bilan
kaliy xlorid aralashmasini qanday bir – biridan ajratish mumkin. (ammoniy
xloridni haydash yo`li ajratish mumkinligini hali o`quvchi bilmaydi ).
26
2. Ma`lum faktlar bilan ma`lum bilimlar orasida uyg`unlik bo`lmasligi mumkin.
Natijada o`quvchilar noto`g`ri xulosaga kelishi mumkin. M: ohakli suv orqali
uglerod (IV)-oksidi o`tkazib tiniq eritma olish mumkinmi? O`quvchilar
o`zlaridagi zahira bilimlarga tayanib yo`q javobini beradilar. O`qituvchi esa
kalsiy gidrokarbonatning olinishini tajriba qilib ko`rsatadi.
3. Aniq nazariyalarga asoslanib faktlarni izohlashda ham muammoli vaziyatlar
kelib chiqadi. M: nima sababdan natriy sulfat eritmasini elektroliz qilganda
katodda vodorod, anodda esa kislorod ajraladi. O`quvchilar savollarga kerakli
jadvallar, metallarning aktivlik qatori, anionlar qatori, oksidlanish-qaytarilish
reaksiyalarining elektroliz mohiyati yordamida javob izlab topadilar.
4. Ma`lum nazariyalar yordamida bashorat qilib uni keyin amaliyotda sinaladi. M:
sirka kislota boshqa organik kislotalar orqali kislotalarning umumiy
xossalarini namoyon etadilarmi? O`quvchilar o`z fikrlarini bildiradilar.
5. Oxirgi maqsad natija va muammoning sharti berilgach, uni hal etishning oson
yo`lini topish. M: O`qituvchi eksperimental masala taklif etadi. Uchta
probirkada moddalar berilgan, bu moddalarni tezroq va qisqa tajribalar
o`tkazib aniqlang.
6. Muammoning shartlari berilgani asosida mustaqil ish tarzda yechimga kelishi.
Bu ijodiy masala bo`lib uni yechish uchun dars yetarli emas. O`quvchilarga
o`ylash, fikr qilish uchun vaqt beriladi. Uyda esa qo`shimcha adabiyot va
kerakli ma’lumotlardan foydalansin. M: Moddalarning xossalarini bilgan
holda aniq reaksiya uchun sharoit tanlash va o`rganilayotgan moddani ishlab
chiqish jarayoni uchun optimal sharoit haqida fikrlar bildirish.
7. Tarixiylik prinsipi ham muammoli vaziyatlarni yaratadi.
M: D.I.Mendeleev elementlar davriy qonuni xulosasiga bir qancha sistemalashlar
natijasida kelgan fan tarixi shuni ko`rsatadiki, kimyoviy qonunlar fanning
rivojlanib tartibga tushishi bilan kashf etilgan. Muammoli vaziyat xarakter,
mohiyat mazmuni jihatidan bir – birini almashtirib borsa o`quvchining tafakkuri
rivojlanadi.
Muammolarning eng mahsulli davri shundaki, qachonki o`quvchilar o`zlari
muammoni shakllantira olsalar, munozarali darslar shulardan kelib chiqadi.
- Darsda muammoli ta`limdan foydalanish xususiyatlari ham mavjud. O`qituvchi
muammoli ta`limni amalga oshirish jarayonida sinfdagi barcha o`quvchilar faollik
ko`rsatsa, tashabbuskor bo`lsa, noto`g`ri bo’lsa ham o`zlarini fikrini bildirsa,
boshqa o`quvchilarni munozara, tortishuvi o`z fikrini bildirishga undasa, ta`lim
samarali kechadi. O`qituvchining savoli muammoli xarakterda bo`lishi kerak.
Bitta darsda muammoli harakatlarning barcha bosqichlarini qo`llash shart
emas. Muammoli harakatlarning yoki o`quvchilarni chalg`itib bilimlarining
mustahkamligini sinash uchun to`g`ri natijalar ham berishi mumkin.
Xullas, o`quvchi muammo sabablarini izohlab berishga o`rgansin.
Muammoli ta`limning eng samaradorligi uning rivojlantiruvchi
xususiyatidir. Demak muammoli ta`lim o`quvchi rivojlanishi uchun asosiy
manba bo`lib hisoblanadi.
Nazorat savollari
27
1. O’quvchilarning aqliy qobiliyatini rivojlantirishda kimyo predmeti ahamiyatini
tavsiflang.
2. Qanday o`qitishni - rivojlantiruvchi deb ataymiz.
3. O`quvchilar qaysi mavzularni o`qishda tahlil usullari, taqqoslash,
umumlashtirish asosiy mazmunini ajratib olish hollarini shakllantirish mumkin.
4. O`quvchilarni fikr yuritishga undaydigan kimyoviy jarayonlarga misol
keltiring.
5. Biror mavzu misolida o`quvchilar mustaqil ishlari uchun differensiyalashgan
topshiriqlar tuzing.
6. O`quv muammolari qanday tuziladi. Misol keltiring.
7. Muammoli va muammosiz topshiriqlar tuzib ularning o`xshashligi va farqini
ko`rsating.
8. Tayanch bilimlarni rivojlantirishning didaktik asoslari.
9. Tayanch bilimlarning mohiyati ta`lim jarayonda tutgan o`rni.
10. Kimyo ta`limida tayanch bilimlarni qo`llash va rivojlantirish muammolari.
9- Ma’ruza
Mavzu: Kimyo darslarida o’quvchilarga ekologik ta’lim-tarbiya berish.
Ma’ruza rejasi:
1. O’quvchilarga kimyo darslarida ekologik ta’lim- tarbiya berish.
2. Atrof- muhitni zararlantiruvchi omillar
3. Kimyo sanoatining ekologiyasi.
4. Atmosfera havosining ifloslanishi.
O’rganiladigan asosiy tushunchalar: Ekologiya deganda nimani
tushinasiz? Kimyo darslarida ekologik ta’lim - tarbiya berishning ahamiyati,
atrof-muhitni zararlantiruvchi omillar, kimyo sanoatining ekologiyasi, atmosfera
havosining ifloslanishi.
Tabiyatni muhofaza qilish - bugungi kunning eng asosiy muammolaridan
biridir. Jamiyat va tabiat, inson va atrof-muhit o’rtasidagi munosabatlarni ongli
ravishda boshqargandagina ekologik muvozanatga erishiladi. Bu munosabatlar
mohiyatini o’quvchilar ongiga to’g’ri yetkaza olish, ularning tabiatga bo’lgan
munosabatini ongli ravishda amalga oshira bilishga o’rgatish ekologik ta’limning
asosiy negizidir.
O’quvchilarga ekologik ta’lim-tarbiya bershda kimyo va biologiya
o’qituvchlari muhum rol o’ynaydi. Kimyo darslarida uni amalga oshirishda
tabiatning bir butunligi va uning ozaro aloqadorligiga, inson faoliyati ta’sirida
tabiatda sodir bo’ladigan o’zgarishlarga tabiiy resurslardan oqilona foydalanish
kabi masalalarga alohida et’ibor beriladi.
Buning uchun o’quvchilar ongida yangicha ekologik tafakkurni
shakllantirish, bu ishda samarador tashkiliy ishlarni qo’llash- milliy tarbiyani
tizimi oldiga qo’yilgan hayotiy muammolardandir.
28
Bu masalani hal etishda sinfdan tashqari tashkil etiladigan ekologik
tarbiyaviy tadbirlar o’zining mazmunan boyligi, tashkiliy shakllarining serqirraligi
bilan ajralib turadi. Biz bu o’rinda sinfdan tashqari tashkil etiladigan ekologik
tarbiyaning ayrim samarador shakllari xususida fikr yuritishni lozim deb topdik.
Bundan ko’zlangan maqsad sinf va to’garak rahbarlarini, tarbiyachilarni aniq
uslubiy tavsiyalar bilan qurollantirishdan, samarador tashkiliy shakllarning
tarbiyaviy jarayondagi o’rni va ahamiyati haqida ma’lumotlar berishdan, ekologik
tarbiyani tashkil etishda sezilarli siljish yasashga turtki bo’ladi. Sinfdan tashqari
tashkil etiladigan ekologik tadbirlarning quyidagi shakllari samarador bo’lib
hisoblanadi.
a). an’anaviy bayramlarni nishonlash – 35,3%
b). tabiat qo’yniga sayohatlar, sayrlar – 21,4%
v). amaliy va to’garak mashg’ulotlari – 16,1%
g). ijtimoiy foydali mehnat - 9,7%
d). boshqa omillar – 17,5%
Ekologik to’garaklar, o’quvchilarni mahalliy ekologik vaziyat bilan kengroq
tanishtirish, ularni vujudga kelgan keskinlikni bartaraf etishda ishtirok etish
istiqbolini ochadi. Kimyo zavodlarning atrof-muhitga chiqaradigan chiqindilari,
havo havzasini ifloslantiradigan gazlar va ularning inson salomatligiga, tirik
jonzod va o’simliklar dunyosiga ta’sirini o’rganishga to’g’ri keladi. Kislorod,
oltingugurt, azot, fosfor, mineral o’g’itlar mavzulari o’tilganda, zavodning atrof-
muhitni ifloslantirayotgan chiqindilari va zaharli gazlarga alohida to’talib o’tish
kerak. Buning sabablari va ularni kamaytirish yo’llarini o’quvchilar bilan
muhokama qilishlari lozim. Turli xil savol-javoblar o’tkazish va bular asosida
o’quvchilarda ekologik ta’lim shakllanib boradi, ulardan tabiatga, o’simliklar
dunyosiga va butun tirik mavjudodlarga bo’lgan qiziqishi va havaslari ortib
boradi.
Kimyo sanoatining kuchli rivojlanishi, mashinasozlikning rivojlanishi,
kimyoviy mahsulotlarning xalq xo’jaligida qo’llanish darajasi ortib borgan sari
havoning har xil sanoat chiqindilari (changlar, zaharli gaz moddalari) bilan
ifloslanishi kuzatulmoqda, bu kishilar salomatligiga salbiy ta’sir qilmoqda.
Bobokalonimiz Abu Ali ibn Sino toza havo insonlar sog’lig’iga ijobiy ta’sir
etuvchi eng asosiy omillardan biri ekanligini bundan ming yil burin uqtirib o’tgan
edi.
Shuni ta’kidlash lozimki, atmosfera havosining ortiq darajada ifloslaniishiga
kimyo sanoatida chiqindisiz ishlashni ta’minlaydigan texnologik jarayonlarning
yetarlu ishlab chiqilmagani ham sabab bo’lmoqda. Hozir hamma joyda shu
muammo bo’yicha keng izlanishlar olib borilmoqda. Bunday izlanishlar kumyo
sanoati kuchli rivojlangan O’zbekiston Respublikasi uchun juda muhum
ahamiyat kasb etadi.
Hozirgi kunda atrof –muhutni zararlantiruvchi omillardan yana biri
transport vositalaridan chiquvchi zararli gazlardir.
Atrof –muhutni zararlantiruvchi moddalar tarkibini asosan uglerod oksidi
(CO2), oltingugurt oksidi (SO2), azot oksidi (NO2) , uglevodorodlar (CnHm ) va
shu kabi boshqa gazlar tashkil qiladi. Statistik ma’lumotlarga murojat qiladigan
bo’lsak, har yili O’zbekistonda 2900 ming tonnadan ziyot ifloslantiruvchi
29
moddalar chiqariladi. Shu jumladan uglevodorodlar 182,7 ming t, uglerod oksidi
129,6 t, azot oksidi 117 ming t, oltingugurt oksidi 542 ming t, uglerod oksidi va
uglevodorodlar ko’pincha zararlantiruvchi moddalarning asosiy qismini
«avtomabil» transporti tashkil qiladi .
«Suv havzalarini ifloslantiruvchi omillar», «Suvni ifloslanishdan saqlash»
mavzulari o’tilganda ekologik holatni doimo bir me’yorda saqlash uchun,
tabiatning bir butunligi to’g’risidagi tushunchalarning berilshi yaxshi natija
beradi.
O’zbekiston Respublikasi suvni eng ko’p sarflaydigan (chunki bu yerda
sug’oriladigan dehqonchilik bilan shug’ullanadi) davlat hisoblanadi. Orol-Kaspiy
havzasiga quyiladigan daryolarning suvlari asosan muzliklardan oqib tushadi,
ichish uchun yaroqli hisoblanadi. Ammo keyingi 25-30 yil ichida ana shu
daryolarning suvlari sanoat chiqindilari ko’plab tashlanishi va qishloq xo’jaligida
o’g’itlardan noto’g’ri foydalanish tufayli hamda boshqa sabablarga ko’ra ichishga
yoki texnik maqsadlarda foydalanishga yaroqsiz bo’lib qolmoqda.
Suv havzalarini (suv omborlari, daryolar, soylar, yer osti suvlari va
boshqalar) ifloslantiradigan omillar asosan quyidagilardan iborat:
1. Sanoat korxonalarining chiqindi suvlarini chuchuk suv oqayotgan soy va ular
orqali daryolarga, daryolardan suv omborlariga oqizib yuborish.
2. Neftni haydaydigan va qayta ishlaydigan sanoat korxonalarida neft
mahsulotlarining oqar suvlarga tushushi, yer ostiga singishi va yer osti suvlari
bilan sizot suvlarga, undan zovurlarga o’tishi.
3. Yoqilg’ini yoki ishlatilgan mashina moylarini ariqlarga to’kishi, mashinani
oqayotgan ariq, soy, daryo bo’yida yuvib oqavasini suvga oqizish. Shuni esdan
chiqarmaslik lozimki, suvga tushadigan har kg neft yoki benzin 1000 m daryo
suvi yoki sizot suvni zaharlash uchun yetarli bo’ladi.
4. Qishloq xo’jaligida mineral o’g’itlardan noto’g’ri foydalanish, sug’orish
shaxobchalarining yaxshi ishlamasligi yoki sug’orish agrotexnikasiga amal
qilinmaganligi tufayli tuproq haydov qatlamining yuvilib zovurlarga va
ariqlarga tushishi, qishloq xo’jalik zararkunandalariga qarshi kimyoviy kurash
vositalaridan noto’g’ri foydalanganligi tufayli ularning suvga tushishi.
5. Sanoat korxonalarida gaz (SO2, NO2) va qattiq moddalarning haddan ziyod
miqdorda havoda tarqalishi, ularning havodagi namlik va yomg’ir suvi bilan
yuvilib, yer ustiga va suv havzalariga tushishi.
6. Odamlarning ro’zg’orda bo’ladigan hamda sayohatgoh va ziyoratgoh joylarga
to’plangan chiqindilarni soylar, daryolar va ko’llar suviga tashlashi natijasida
suv ifloslanadi.
Tabiiy suvni ifloslanishdan saqlash ham insonning o’ziga bog’liq.
Kimyo darslarida o’quvchilarga ekologik ta’lim-tarbiya berish hozirgi kunning
muhim dolzarb masalasi hisoblanadi.
Tekshiruv savollari
1. O’quvchilarga kimyo darslarida ekologik ta’lim- tarbiya berishning
ahamiyatini tushintiring..
2. Atrof - muhitni zararlantiruvchi omillarni ayting?
3. Kimyo sanoatining ekologiyasi deganda nimani tushinasiz?
30
4. Atmosfera havosining ifloslanishi va uning oldini olish mavzusida dars
konspekti yozing.
10- ma’ruza
Mavzu: Kimyo o`qitishning metodlari va uslublari haqida tushuncha
Ma’ruza rejasi:
1. Kimyo o`qitishning metodlari va vazifalarini aniqlash, ular qo`llaniladigan
o`rnini belgilash.
2. Kimyo o`qitishning umumiy metodlari.
3. Kimyo o`qitishining dogmatik metodlari.
4. Kimyoda ilyustrativ va evristik metodlar.
O’rganiladigan tayanch tushunchalar: Kimyo o`qitishning metodlari va
vazifalarini aniqlash, ular qo`llaniladigan o`rnini belgilash, umumiy metodlar,
dogmatik metod, ilyustrativ metod, evristik metod.
Kimyo o`qitishning metodlari, shakllari, manbalari o`qituvchi mehnatini ilmiy
asosda tashkil etish, kimyo o`qitish nazariyasining eng muhim bo`limlari sanaladi.
O`qitish metodi falsafiy nuqtai - nazardan ta`lim jarayonida ta`lim
mazmunini harakatlantirish shakli bo`lib hisoblanadi. Agar predmetning mazmuni
fanning didaktik ekvivalenti bo`lib hisoblansa, o`qitish metodlari o`rganilayotgan
fan yoki bilish lozim bo`lgan narsalar metodlarining didaktik ekvivalentidir.
Didaktikada fanni o`rganish metodlari va o`qitish metodlari mavjud.
O`qituvchining asosiy vazifasi o`quvchilarga ta`lim, tarbiya beruvchi ularni
rivojlantiruvchi metodlarni optimal tanlashdan iborat.
O`qitish metodi - o`qituvchi rahnamoligida o`quvchilarning maqsadga
qaratilgan birgalikdagi faoliyati bo`lib hisoblanadi. Kimyo o`qitish metodikasining
o`ziga xos alohida xususiyatlari mavjud: ular;
1. Kimyo o`qitish mazmuni va metodikasi amaliyotga asoslangan nazariy fan.
2. O`quvchilarning bilish faoliyati tafakkur qirralarini o`stirishga qaratilgan
bo`lib, moddaning aniq xossasi o`zgarishi, holati, xossalari, tuzilishi, tarkibi
kabilar fikr yuritishga o`quvchilarni o`ylashga olib keladi. Har bir metod
ta`limiy, tarbiyaviy, rivojlantiruvchi funksiyalarni qaerda samarali amalga
oshirsa o`sha yerda o`sha jarayonda qo`llanilishi maqsadga muvofiq.
Metodlar o`zining qo`llanilishi bilan ham o`quvchilarni tarbiyalaydi.
Shu sababli o`qituvchi har bir metodni tanlaganda uchala funksiyani
samarali amalga oshirishiga e`tibor berishi kerak.
Metodlarni optimal tanlash muammolari mavjud. Unda quyidagilarga
e`tibor berish kerak.
1) O`qitishning qonuniyatlari va prinsiplari.
2) O`qitishning maqsad va vazifalari.
3) Shu fan mazmunining hamda o`rganilayotgan mavzuning mazmun va uzviy
mosligi.
4) Maktab o`quvchilarning o`qish imkoniyatlari. (yoshi, tayyorgarlik darajasi, sinf
jamoasining xususiyatlari).
5) Tashqi sharoitning o`ziga xosligi.
31
6) O`qituvchining o`z imkoniyatlari.
O`qitish metodlarining tuzilishi har xil bo`lib, ular ma`lum jarayonning
takomillashuvi bilan to`xtovsiz ravishda o`sib boradi. Bu o`sish jamiyatda
madaniyat darajasini o`sishiga bog`liq. Shu sababli o`qitish metodlarini tartibga
solish va klassifikasiyalash zarurati kelib chiqadi. Maktablarda bilim asoslarini
berish lozim. Mustaqil O’zbekistonimiz maktabi tarbiyalovchi ta’limni amalga
oshiradi. Bu maktab beradigan ta’limning tarbiyalovchi xususiyati shundan
iboratki, u o’quvchilar dalialiktik-materialistik dunyoqarash asoslari hosil qiluvchi
chinakam ilmiy bilimlar beradi. Bizning maktabimizda ta’lim berishning
talabalarda aktivlik, tashabbus, mustaqil fikrlash, qo’yilgan maqsadga intilish, o’z
bo’rchini his etish, boshqa metod va usullari tarbiya jihatidan katta rol o’ynaydi.
Kimyo o`qitishning metodlari turli usullarda olib boriladi. Metod – bu
«yo’l» demakdir. U dogmatik, illyustrativ, evristik bo’lishi mumkin.
O’qitishning dogmatik metodi- o’qituvchining materialni og’zaki,
ko’rsazma vositalardan foydalanmay, dalil isbotsiz va faqat talabalarni bu
materialni takrorlashga va yod olishgagina jalb etish bilan bayon qilishdan iborat.
O’qitishning ilyustrativ metodi- o`qituvchi o`quvchiga tayyor bilimlarni
tushintirib, har xil xususiy metodlarni qo`llaydi. Ular: o`qituvchining
tushuntirishi, darslik bilan ishlash, magnitafon va hakozolar bilan ishlash. Bunday
ko`rgazmalar eksperiment, modellar, ekran qo`llanmalari tablisalardan
foydalaniladi.
O`qituvchi laboratoriya tajribalarini ko`rsatib tushuntirib beradi.
Ilyustrativ metodda o`qituvchi ayrim amaliy mashg`ulotlarni bajarish
texnikasi va metodikasini bajarish tartibini qo`llaganda ham foydalanadi. Bu
metod o`quvchilarda minimum bilimlar zapasi yig`ilgach kengroq qo`llaniladi.
O`quvchilarda amaliy o`quv ko`nikmalarini shakllantirish, tajribalarni bajarib
ko`rsatish texnikasini shakllantirishda M: probirkaga eritmani qo’yish,
qoshiqchadagi eritmani bo’g’latish kabilarda tushuntirib ko`rsatish amalga
oshiriladi.
O’qitishning illyustrativ metodi - kimyo kursining boshlang`ich qismida
ko`p qo`llanadi. Bu davrda o`quvchilarda ko`nikma va malakalar yetarli
bo`lmaydi. Shu davrda o`qituvchi tajribalarni o`zi ko`rsatib tushintirib beradi.
Bu metoddan o`quvchilar tajribalarni mustaqil bajarib izohlab berishda ham
keng foydalaniladilar.
O’qitishning evristik metodi- o’quvchilarning o’zlari qiladigan ish asosida
tuziladi, talabalar bevosita o`qituvchining faol ishtiroki ostida kashfiyot qiladilar.
Bu metodning «evristik» degan nomi «tadqiqot» metodi degan so’zdan kelib
chiqqan. Masalan, galogenlar xossalarining chog`ishtirma tavsifi mohiyatini
aniqlashda qo`llaniladi.
Bu davrda o`quvchilar galogenlarning xossalarni chog`ishtirib izohlashini
o`qituvchi tartibga solib turadi. Masalan, kaliy yodid eritmasiga kraxmal
kleystrini qo`ysak rang sezilmaydi, alohida xlorli suvga kraxmal kleystrini
qo`shsak yana rang o`zgarishi sezilmaydi. Uch komponentni birgalikda qo`shib
aralashtirsak kraxmal ko`k tusga kiradi. Sababini esa talabalar o`zlari izohlab
berishlsri lozim. Bu qisman izlanuvchanlikdir.
32
Izlanuvchanlik metodi mustaqil ishlash, mustaqil izlanishning bir turi bo`lib
hisoblanadi. O`quvchi nazariy bilimlar to`g`riligini amalda sinab ko`radi. Masalan,
eksperimental masalalar yechishda bu metoddan foydalaniladi.
Klassifikasiyalash asosiy xarakterga (nisbiy xarakter) ega. Amaliyotda
metodlarning bir nechtasidan bir vaqtda foydalaniladi. Ular o`zaro bog`liqlikka
ega. Klassifikasiyada har xil holatlar asosiy belgi sifatida qabul qilinadi.
Nazorat savollari.
1. Kimyo o`qitish metodlariga ta’rif bering.
2. Ta`lim mazmuni bilan o’qitish metodlari mohiyatining didaktik birligini
ko`rsating.
3. O`qitish metodlarini klassifikasiyalashga nimalar asos qilib olinadi.
4. O`qitish metodlarini tanlash sabablari nimalardan iborat.
Tayanch tushunchalar
1. Metod- yo’l
2. Dogmatik metod - og’zaki materialni ko’rgazma vositalaridan foydalanmay,
yod olish bilan bayon qilish.
3. Ilyustrativ metod – tayyor bilimlar metodi. Bu metod ko’rgazma
materiallardan foydalangan holda bayon qilish.
4. Evristik metod – esa o’quvchilarning o’zlari qiladigan ish asosida tuziladi.
Evristik- tadqiqot demakdir.
11 -12 –m a’ruza
Mavzu: Kimyo ta’limining og’zaki, ko’rgazmali, amaliy metodlari.
(Monologik va diologik metodlar)
R e j a
1. Monologik metodlar: tavsiflash, tushuntirish, so’zlab berish, ma’ruza haqida
tushuncha berish.
2. Dialogik metodlar: suhbatlar, seminarlar, disput tushunchalari
3. Tajribalar o’tkazish o’qituvchining og’zaki nutqlari bilan uyg’unlashtirish.
4. Mustaqil ishlash metodlari: amaliy va laboratoriya metodlari
O’rganiladigan asosiy tushunchalar: Monologik metodlar- so’zlab berish,
ma’ruzalar, Diologik metodlar, suhbatlar, seminarlar, laboratoriya tajribalari –
yangi bilimlar olish, yangi materialni o`rganish amaliy mashg’ulotlar.
Kimyo o`qituvchisidan o’quv materialini o’zi bayon etishi, talabalarni ham
mustaqil ishlashga o’rgatish talab etiladi. Shu talabga asosan kimyo o`qitishning
metodlari 2 ga bo’linadi:
1. bayon etish metodlari.(monologik va diologik metodlar)
2. mustaqil ishlash metodlari.
Maktablarda eng ko’p qo’llaniladigan metodlar:
33
1. O`qituvchining o’quv materialini bayon etish metodlariga, bunda so’zlab
berish, ma’ruza, suhbatlar, ekskursiyalar, demonstratsion tajribalar va ko’rsatmali
o’qitishning boshqa vositalaridan foydalanish
Monologik metodlar- so’zlab berish, ma’ruzalarga, bo`linib, o`quv
materiali mazmunini o`qituvchining o`zi tushintiradi. Bu metodda o`quvchilar
faktlar, eksprement orqali kuzatib o`rganadilar: fandagi ma`lum bilimlar atrof
muhit himoyasi, element va moddalarning sodir bo`lishi tarzida ko`rgazmali holda
ifodalanadi.
Tushuntirish metodi qo`llanganda o`quvchilarga nazariy bilimlar mohiyati
ochib beriladi. Moddalar massasining saqlanish qonuni atom - molekulyar nuqtai -
nazaridan tushuntirilganda yoki elementlar xossalarining davriy ravishda
takrorlanish kabi holatlar tushintirilganda tushunchalar ketma - ket ochilib
umumlashtiriladi.
Ma`ruza - metodi ancha vaqt olinadigan monoton metod bo`lib hisoblanadi.
Maktab ma`ruzasi 30 minutdan ko`proq vaqtni olib asosan yuqori sinf
o’quvchilari va talabalar uchun qo’lay.
Monoton metodda o`qituvchi o`zining nutqi ravonligiga katta e`tibor
beradi.
O`qituvchi nutq ravonligi, sofligi, mazmunli holda materialni izohlash bilan
o`quvchilar diqqatini o`ziga torta bilishi kerak.
Diologik metodlar- bularga har xil suhbatlar, seminarlar, misol bo`lib
o`qituvchi va o`quvchi orasida bog`lanishli nutq tarzida olib boriladi.
Suhbat - bu o`quvchi va o`qituvchi orasidagi diolog bo`lib hisoblanadi.
O`qituvchining savollariga o`quvchi javob beradi yoki aksincha.
Maktab amaliyotiga keyingi vaqtlarda Yangi pedagogik texnologiya tarzida
seminar darslari kirib keldi. Masalan, uglevodorodlarning xossalari ularning
tuzilishiga bog`liqligi kabi mavzulari seminar tarzida o`rganilsa, o`quvchilarda
tafakkur qirralari o`sib tayanch bilimlarni qo`llash orqali rivojlanish bo`ladi. Bu
metod ko`proq yuqori sinflarda olib boriladi.
2. Mustaqil ishlash metodlari- laboratoriya ishlari, amaliy mashg’ulotlar,
kimyodan masalalar yechish va adabiyotlar bilan ishlash.
Kimyo o`qitishda ko`rsatiladigan eksperimentlardan foydalanish eng muhim
metod sanaladi. Kimyo o`quv predmetining o`ziga xos xususiyati ham shu nazariy
mazmunning bir vaqtning o`zida mavhum holda emas, isbotiy bo`lishi bilan
ahamiyatlidir. Demonstransion eksperimentni o`qituvchi, laborant yoki talaba
ko`rsatib turishi va o`qituvchi izohlab borishi mumkin. Kurs boshida hali
o`quvchilarda kimyoviy tajribalarni bajarish ko`nikma va malakalar
rivojlanmaganda o`qituvchi o`zi yoki laborant o`tkazadi. Demonstrasion tajribalar
ayniqsa foydali holat kasb etganda katta qiziqish orttiradi.
Masalan, CO 2 bilan o`t o`chirishni ko`rsatish;
Ko`rgazmalilik - shunday olib borish kerakki bajarilayotgan tajribalarni
o`quvchilar hammasi ko`ra olsin. Ko`rgazmalilikdan kadoskop va boshqa TCO
dan unumli foydalanish lozim.
O`quvchilarga ko`rsatiladigan tajribalar oddiy, xavfsiz, ishonchli tarzda
bo`lishi shart. O`tkazilayotgan eksperiment tafsilotlarini albatta izohlab borish
lozim.
34
Tajribalar o`tkazilayotganda quyidagi metodlarga amal qilish tavsiya etiladi:
1. Tajribaning maqsadini qo`ya bilish: o`quvchilar nima sababdan tajriba
o`tkazilishini tushinishi kerak.
2. Tajribalar o`tkazilayotgan priborlarning chizmalarini chizish; sharoitni
belgilash, (reaksiya qanday sharoit va muhitda olib boriladi.)
3. O`quvchilarning kuzata bilishini tashkil etish. (Nima bo`layapti-yu, natija nima
bo`ladi anglab yetish)
4. Nazariy xulosalar chiqara bilish; eksperimentning rivojlantiruvchi funksiyasi,
o`qituvchining so`zi bilan amalga oshadi. Ular:
1) Tajribaning o`zidan bilimlar paydo bo`lishi.
2) O`qituvchining so`zi izohlari kuzatishini to`ldirib borishi.
O`qituvchi o`qitish jarayonida o`quv - ko`rsazmali vositalardan
foydalanishi-
bu holat kimyo ta`limi sifatida ijobiy ta`sir etadi. Ular: sinf doskasi, har xil jadval
va tablisalar, modellar, maketli, magnitli applikasiyalar, ekran qo`llanmalari va
hokazolar.
Sinf doskasi eng muhum vosita rolini bajaradi. Dars mazmuniga doir
formula, tenglamalar ayrim yozuvlar doskadan unumli foydalangan holda yozilishi
kerakki mavzu mazmunini tushuntirish yakunigacha doskadan o`chirmaslik kerak.
-Og’zaki ko’rgazmali - amaliy metodlar asosida o`quvchilarning amaliy faoliyati
yotadi. Bu faoliyatda o`qituvchining rahnomoligi albatta yunaltiruvchi faoliyat
kasb etadi. O`quvchilarning mustaqil ishlashlari har xil shaklda amalga
oshiriladi. Bu shakllar: jamoa, guruh, yakka - yakka ko`rinishlarda bo`ladi.
Ularning turlari ham har xil. M: O`quvchi eksperiment (laboratoriya tajribalari
amaliy mashg`ulotlar). Kimyoviy masalalar yechish, adabiyotlar bilan ishlash,
ijodiy topshiriqlar bajarish, (priborlar konstruksiyasi, modellar yasash) nazorat
ishlarini bajarish, mustaqil ishlar o`quvchilarning yangi bilim egallash ko`nikma
va malakalar shakllanishidagi, fanni o`rganishdagi eng muhim sohasi bo`lib
hisoblanadi.
Olingan bilim, ko`nikma, malakalar faoliyatga mustaqil ravishda tadbiq
etilsa samarali bo`ladi. Mustaqil ishlar o`quvchilarga ta`lim- tarbiya berish,
rivojlantirish kabi vazifalarni bajaradi.
O`quvchining mustaqil ishi olingan bilim ko`nikma malakalarni faoliyatda
tadbiq etish bilan bilimlar manbai bo`lib hisoblanadi.
O`quvchi eksperimenti - mustaqil ish turi bo`lib hisoblanadi. Shu usul
bilan o`quvchi o`zidagi bilim ko`nikma malakalar darajasini ham sinab ko`radi.
O`quvchi eksperimenti maqsadi, uni kelgusi mustaqil hayotga
tayyorlashdan iborat. O`quvchi eksperimenti laboratoriya tajribalari va amaliy
mashg’ulotlarga bo`linadi.
Ular didaktik maqsadlar bilan farq qiladi.
Laboratoriya tajribalari - yangi bilimlar olish, yangi materialni o`rganish
bo`lib hisoblanadi.
O`quvchi eksperimenti quyidagi bosqichlarda amalga oshadi:
1) Tajribani maqsadini tushuntirish;
2) Moddalarni o`rganish;
3) Priborni yig`ish yoki tayyorlashdan foydalana bilish;
35
4) Tajribani bajarish;
5) Natijalar tahlili va xulosalar chiqarish;
6) Olingan natijalarni izohlash va kimyoviy tenglamalar tuzish.
7) Hisobot yoza olish.
O`quvchi o`z oldiga qo’ygan muammoning yechimini tushunib yetishi
kerak.
Kimyo fanidan o`quvchilarning laboratoriya tajribalari yakka, guruh, jamoa
holda amalga oshadi. Laboratoriya mashg`ulot joylari oldindan o`quvchiga ajratib
qo’yiladi.
Laboratoriya tajribalari yangi material mazmunini tushuntirish jarayonida
olib boriladi.
Amaliy mashg’ulotlar - ma`lum mavzular o`rganilgach, ularning oxirida
olingan bilimlarni mustahkamlash, takomillashtirish, konspektlash hamda
ko`nikma va malakalarni takomillashtirishga xizmat qiladi.
Kimyodan amaliy mashg’ulotlar- o’quvchi va talabalarning bilim
ko`nikmalarini shakllantirishning asosiy omilidir. Amaliy mashg`ulotlarda
ko`nikma va malakalar shakllanishiga katta e`tibor beradi. Amaliy mashg`ulot
VII sinfdan boshlab o`tkazila boshlaydi. Har bir amaliy mashg`ulotni o`tkazishda
reaktiv, pribor va kimyoviy asbob-uskunalar bilan ishlashning texnik qoidalari,
muomila qilish ko`nikmalariga alohida ahamiyat berish, xavfsizlik texnikasi
qoidalariga amal qilish talab etiladi. Amaliy mashg`ulotlar ikki xil ko`rinishda
bo`ladi: berilgan instruksiya asosida o`tkaziladigan mashg`ulotlar va
eksperimental masalalar yechish bilan bog`liq tajribalar.
Instruksiya - berilgan yo`l - yo`riq asosida o`tkaziladigan tajribalar. Unda
tajribaning har bir bosqichi yozma holda berilgan bo`ladi. Ular darslikda yozilgan
holda mavjud.
Eksperimental masalalar - instruksiya berilmasdan masala sharti beriladi.
Shu shartga asosan o’quvchi ijodiy ravishda mustaqil ish bajaradi. Eksperimental
masala yechishda xavfsizlik texnikasi qoidalariga amal qilgan holda, kerakli
reaktiv priborlar stolga qo`yiladi.
Tajribalar yakunida maxsus daftarga hisobotlar yoziladi. Hisobotlar kimyo
xonasida saqlanadi.
Hisobot shakli quyidagicha bo’lishi mumkin:
1) sinf. 2) o`quvchi f va i. 3) fan. 4) ishning mavzusi. 5) tajribaning nomi. 6)
tajribaning maqsadi. 7) bajarish tartibi. 8) pribor chizmasi va kuzatish xulosalari.
9) xulosa va reaksiya tenglamalari.
O’qitish metodiga qo’yiladigan talablar: Normal tashkil qilingan ta’lim-
tarbiya jarayoni biror universal metoddan emas, balki mavjud metodlarning
hammasidan kimyoda foydalanishni talab qiladi.
Har bir metod o’quv materialining mazmuni va umumiy xarakteriga,
talabalarning saviyasiga va tayyorgarligiga, maktabning (kimyo laboratoriyasi bor-
yo’qligiga) qarab tanlanadi.
Tekshiruv savollari.
1. VII-VIII sinf mavzularidan qaysilarini: a) ma`ruza, b) hikoya, v) suhbat, g)
tushuntirish metodlarida o`qitish mumkin. Nima uchun?
36
2. IX sinf darsligidan ma`ruza metodi bilan o`qitiladigan mavzuni tanlang?
3. Kimyoni o`qitishning umumiy metodlari qaysilar?
4. Kimyoda demonstrasiyali o`qitishga qanday talablar qo’yiladi?
5. O`quvchilar eksperimentning qanday turlari mavjud.
6.
Tayanch tushunchalar:
1. Monologik metodlar- so’zlab berish, ma’ruzalarga, bo`linib, o`quv materiali
mazmunini o`qituvchining o`zi tushintiradi. Bu metodda o`quvchilar faktlar,
eksperiment orqali kuzatib o`rganadilar:
2. Diologik metodlar- bularga har xil suhbatlar, seminarlar, misol bo`lib
o`qituvchi va o`quvchi orasida bog`lanishli nutq tarzida olib boriladi.
3. Laboratoriya tajribalari – yangi bilimlar olish, yangi materialni o`rganish
bo`lib hisoblanadi.
4. Amaliy mashg’ulotlar – ma`lum mavzular o`rganilgach, ularning oxirida
olingan bilimlarni mustahkamlash, takomillashtirish, konspektlash hamda
ko`nikma va malakalarni takomillashtirishga xizmat qiladi.
13- ma’ruza
Mavzu: Kimyo o’qitish metodikasida masalalardan foydalanish usullari.
Ma’ruza rejasi :
1. Kimyoviy masalalar yechishda qo’llanadigan metodlar
2. Kimyo o`qitishda masalalarning ahamiyati va ularning klassifikasiyasi.
3. Kimyoda sifatga doir masalalar yechish tiplari
4. Kimyoda hisoblashga doir masalalar yechish metodikasi
5. Hisoblashga doir masalalarning tiplari
O’rganiladigan asosiy tushunchalar: Kimyo o`qitishda masalalarning
ahamiyati va ularning klassifikasiyasi, kimyoda sifatga va hisoblashga doir
masalalar yechish tiplari, hisoblashga doir masalalar yechish metodikasi.
Kimyoviy masalalar yechish politexnika, o`qitishni turmush bilan bog`lash,
kasb tanlash, mehnatsevarlik maqsadga intilish, dunyoqarashni shakllanishi,
fanlararo aloqadorlikni ta`minlash kabi hollar katta ahamiyat kasb etadi. Masalalar
yechish, o`quvchida rivojlanish funksiyalarida katta rol o`ynaydi. Rivojlanish
fikrlashning turli usullari, bilimlarning haqiqiy qo`llanishi, o`z-o`zini nazorat
qilish, ko`nikmalarni hosil qiladi. Eng muhimi o`quvchida mustaqillikni
rivojlantiradi.
Masalalar yechish jarayonida tayanch bilimlar tadbiq etiladi va natijada
moddalar va kimyoviy jarayonlar haqidagi bilimlar mustahkamlanadi va
takomillashadi. Masala yechish jarayonida muammolar o`z yechimini topadi.
Ayniqsa bu hol sifatga doir masalalar yechishda ko`proq qo`llaniladi. Masala
yechish jarayoni abstrakt holatlardan aniq yechimlarga olib keladi.
37
Amaliyotda esa bu metodologik aspektni o`z boshidan kechiradi va
abstrakdan fikrlashga, undan amaliyotga - oddiydan murakkabga beriladi.
Masalalar yechish turiga ko`ra masalalar sifatiga va hisoblashga doir bo`ladi.
Kimyoda sifatga doir- masalalarning ko`p qo`llanadigan tiplari
quyidagilar:
1. Tavsiflangan va kuzatilgan hodisalarni izohlash. M: Nima sababdan kalsiy
karbonat bilan sulfat kislota orasidagi reaksiya kuchli boshlanadi - yu keyin
to`xtab qoladi? Yoki nima uchun quruq ammoniy karbonat qizdirilganda
boshqa modda hosil bo`ladi?
2. Aniq moddaning xarakteristikasi: xlorid kislota qanday moddalar bilan va nima
uchun reaksiyaga kirishadi.
3. Moddalarni bilish: Qaysi probirkada kislota, ishqor, tuz borligini aniqlang.
Qaysi probirkada xlorid kislota, sulfat kislota, nitrat kislota berilganini
aniqlang.
4. Moddaning sifat tarkibini isbotlash; Ammoniy xlorid tarkibida ammoniy ioni
va xlor ioni borligini qanday isbotlaysiz?
5. Aralashmalarni ajratish va toza modda olish: Qanday qilib, uglerod (IV)-oksidi
aralashmasidan kislorodni tozalash mumkin?
6. Moddalarni olish: Ma`lum bo’lgan barcha usullar bilan rux xloridni olish.
Masalani og`zaki, yozma yoki eksperimental holda yechish mumkin..
Kimyoda hisoblashga doir masalalar - VII sinf masalalari «massa» tushun-
chasiga moslashgan. VIII sinfda esa kimyoda miqdoriy nisbatlarga mos masalalar
yechiladi. O`quvchilarda shunday fikr shakllanishi kerakki, moddalar bir - biri
bilan qat’iy belgilangan miqdorda birikadilar.
Hisoblashga doir masalalar tiplari quyidagilar: VII sinfda formulalar
bo`yicha hisoblash:
a). moddaning nisbiy molekulyar massasi bo`yicha hisoblash;
b). murakkab modda tarkibida element atomlarining massasini aniqlash;
v). elementning moddadagi foiz miqdorini aniqlash;
Yechish: Eritmada erigan moddaning foiz miqdorini aniqlash:
VIII sinfda formulalar bo`yicha hisoblash:
a). aniq miqdordagi moddaning massasini hisoblash;
b). gazlarning massasi va hajmini topish (normal sharoitda);
v). gazlarning nisbiy zichligini hisoblash
Yechish: Tenglamalar asosida hisoblash
a). reaksiyaga kirishgan va hosil bo`lgan modda yoki gazlarning aniq miqdorini
hisoblash;
b). kimyoviy tenglamalar bo`yicha gazlarning hajmiy nisbatini hisoblash;
v). termokimyoviy tenglamalar asosida hisoblash.
IX sinf uchun. Tenglamalar asosida hisoblash:
a). reaksiyaga kirishuvchi moddalarning birortasi ortiq olingan taqdirda kimyoviy
tenglamalar asosida hisoblash;
b). nazariy hisoblashga qaraganda hosil bo`lgan moddaning massa miqdorini
aniqlash;
v). ma`lum miqdor qo`shimchalari bo`lgan boshlang`ich moddadan reaksiya
natijasida hosil bo`lgan moddaning miqdorini aniqlash.
38
X sinf uchun. Formulani topishga doir hisoblash
Gazsimon moddalarning molekulyar formulasini elementlar (% da) zichligi va
massa miqdori asosida hisoblash.
Kimyoviy masalalarni yechishda bir xil metodik uslubni qo`llash kerak.
O`quvchilarga masala yechishda tanlashda, o`qituvchi ularni quyidagi
maqsadlar asosida tanlashi lozim.
1. Masala yechilishi jarayonida qanday tushuncha qonunlar, nazariyalar, faktlar
yoki tayanch bilimlar mustahkamlanadi. Moddalarning qanday kimyoviy
xossalari hisobga olinadi.
2. Yechishning qaysi usullari hisobga olinadi.
3. Masala yechilishi jarayonida qanday tafakkur qirralari rivojlanadi.
4. Qanday didaktik funksiyalarni berilgan masala bajaradi.
Albatta murakkab masalalar ijodiy yondashishini, aqliy faoliyat
ko`rsatishni, mustaqil ishlashni talab qiladi.
Iqtidorli o`quvchilar bilan ko`proq ishlab ularga albatta murakkab va
muammoli masalalar yechish katta samara beradi.
Nazorat savollari
1. O`quvchilar eksperimentining qanday turlari mavjud.
2. Eksperimental masalalar yechishning didaktik maqsadi nima?
3. IX sinfda kimyodan amaliy mashg`ulotlar o`tkazishda qanday malakalar
shakllanadi.
4. Azot va fosfor gruppachasi misolida nazorat topshiriqlar variantlariniing
tuzilishi. Ularni yechishning metodik yo`llarini asoslang.
5. Bir necha tipga mos sifatga doir masalalarga misollar tuzing.
6. Har bir tipga mos miqdoriy masalalarga misollar tuzing.
Tayanch tushunchalar
Masalalar yechish jarayonida tayanch bilimlar tadbiq etiladi, natijada
moddalar va kimyoviy jarayonlar haqidagi bilimlar mustahkamlanadi va
takomillashadi. Masala yechish jarayonida muammolar o`z yechimini topadi.
14 - ma’ruza
Mavzu: O’quvchilar bilimini nazorat qilishning nazariy asoslari.
Ma’ruza rejasi :
1. Kimyo o`qitish natijalarini nazorat qilishning maqsadi, vazifalari, ahamiyati va
mazmuni.
2. Kimyo fani bo’yicha o’quvchilar bilimini nazorat qilishning turlari.
39
3. Joriy nazorat turlari: og’zaki, so’roq, uy ishi, o’quvchilarning o’quv faoliyatini
kuzatish, laboratoriya ishi (amaliy mashg’ulot) nazoratning ijodiy shakli
(noan’anaviy)
4. Oraliq nazoratning funksiyalari, kimyo fani bo’yicha o’quvchilarning bilimini
oraliq nazorat qilishning turlari: kimyo fani bo’yicha diktant, hamda mustaqil
ish.
5. Kimyo fani bo’yicha o’quvchilar bilimini yakuniy nazorati: funksiyalari,
maqsad va vazifalari. Yakuniy nazorat turlari: test va yozma ish.
O’rganiladigan asosiy tushunchalar: Kimyo fani bo’yicha o’quvchilar
bilimini nazorat qilish turlari, joriy nazorat, oraliq nazorat, yakuniy nazorat,
chorak nazorat, yillik nazorat.
O`qitish natijalarini nazorat qilish ta`lim jarayonining - eng muhim
sohasi hisoblsnadi. Uning vazifasi o`qitish maqsadining amalga oshganlik
darajasini aniqlashdan iborat. Nazorat maktab ta`limida o`qitish xarakterida bo`lib
uning metodlari boshqa metodlar bilan yaqin aloqadorlikda bo`ladi.
O’quvchi bilimi malaka va mahoratini tekshirish va baholash ta’lim
jarayonining muhim tuzilishi, komponentidir va butun o’quv yili davomida
sistemali izchillik va ta’limning puxtaligi prinsiplariga muvofiq ravishda olib
boriladi. Shu bilan bilimni tekshirish va baholash turlari mavjud.
Ulardan asosiylari:
-joriy nazorat.
-oraliq nazorat
-yakuniy nazorat
-chorak nazorat
-yillik nazorat
- o’tkazish va bitiruv nazorat imtihoni.
Tekshirish va baholashda asosiy vazifalar:
Qanday yechilayotganiga, ya’ni o’quvchi qanday bilimga malaka va mahoratga,
dunyo qarashi va axloqiy-estetik qarashlari ijodiy faoliyatga ega ekanligiga
e’tibor qaratish muhimdir. O’quvchini o’qishga qanday munosabatda bo’lishiga,
qanday shug’ullanayotgani hokazolarga bog’liq.
Kimyo o`qitish natijalarini nazorat qilishning shakl va turlari har xil
bo`lib o`qituvchining o`quvchilar bilan nazorat ishlarini tashkil etishdan kelib
chiqadi. Didaktikada nazoratning yagona klassifikasiyalangan shakli mavjud
emas. Misol tariqasida beriladigan klassifikasiya mavjud.
Tashkil etish turi: a) yakkama-yakka
b) differensiyalli
v) guruh-guruh
g) yalpi
Informasiyalar berish turi:
a) og’zaki
b) yozma
v) eksperimental
40
Kimyo o`qitish natijalarini og’zaki nazorat qilish metodlari: yakkama -
yakka holda bilimlarni hisobga olish har bir darsda amalga oshiriladi.
Bu bilim nazorat qilishning eng muhim va sinovdan o`tgan turi bo`lib
hisoblanadi. Bu jarayonda nazoratning hamma turlaridan foydalaniladi.
Bu turda o`quvchining bilimi, ko`nikmasi, malakasi, dunyoqarashi, nutq
madaniyati kimyoviy formulalar, tenglamalarni yoza olish, bilish, materialni
o`zlashtirganlik darajasi, tayanch bilimlarni yangi sharoitda tadbiq etish undan
foydalana bilish darajasi aniqlanadi. O`qituvchining og`zaki nazoratni amalga
oshira olishi katta san`at bo`lib hisoblanadi.
Har bir o`quvchining bilimini o`qituvchi VII-VIII sinflarda 2-3 minut,
yuqori sinflarda 4-5 minut davomida aniqlab olish kerak.
O`quvchilarga beriladigan savollar qisqa aniq bo`lib, o`quvchi ha yoki yo`q
deb javob bermasdan, o`quvchining fikr yuritishga kengroq aniq javob berishga
undash kerak.
Uyga berilgan topshiriqlarga javob berish rejasini o`quvchiga berish
mumkin. M: Atom tuzilish nazariyasi o`rganilgach davriy sistemada joylashish
holatiga muvofiq elementlarga xarakteristika berish rejasi:
1. D.I.Mendeleev elementlar davriy sistemasida elementning joylashish o`rni.
2. Yadro zaryadi va atomda elektronlar soni.
3. Energetik pog`onalar soni.
4. Tashqi energetik pog`onada elektronlar soni.
5. Element xossalari xarakteri.
6. Elementning yuqori musbat oksidlanish darajasi.
7. Yuqori oksidining formulasi va uning xarakterli xossalari.
8. Yuqori gidroksidining formulasi va uning xarakterli xossalari.
9. Elementning manfiy oksidlanish darajasi (agar bo`lsa).
10. Uchuvchan vodorodli birikmasining formulasi (agar bo`lsa).
O`quvchi doskaga chaqirilganda ham shu reja asosida elementlarning davriy
sistemasidagi holatini xarakterlashi kerak.
Har qanday holatda vaqtdan unumli foydalanishga katta e`tibor berish
kerak.
Yalpi holatdagi nazorat suhbati – albatta ko`p vaqt olmasligi kerak.
Savollar ham javoblar ham aniq va qisqa bo`lishi kerak. Agar baho qo`yish lozim
bo`lsa, belgilangan o`quvchining javobini hisobga olish kerak. Savol butun sinfga
berilib, doskaga ham bahosi kam o`quvchi chiqarilishi mumkin. Hozirgi sharoitda
o`quvchilar bilimning nazorat qilishning reyting test tizimi ishlab chiqarilgan.
Bularning barchasi o’quvchilar bilimini tekshirish va baholashning turli
usullarini qo’llashning zarurligini ko’rsatadi. Kimyo fani bo’yicha bir davrda
o’quvchilar bilimini joriy nazorat- qilishning turlarini klassifikasiyasini ko’rib
chiqamiz: og’zaki so’roq, uy ishi, o’quvchilarning o’quv faoliyatini kuzatish,
laboratoriya ishi (amaliy mashg’ulot) nazoratining ijodiy shakli.
O’quvchilarni bilimini nazorat qilishning qiziqarli shakllari sifatida turli
referatlar, krasvordlar, rebuslar taklif qilish mumkin.
Oraliq nazorat - joriy nazoratga qaraganda ko’proq nazorat turi
hisoblanadi. Unda o’quv dasturlarini va aniq o’quv fanining o’ziga xos
xususiyatlarini chuqur hisobga olish imkoniyati bor. Oraliq, joriy va yakuniy
41
nazoratning turli maqsadlari, ularning turli funksiyalarida o’z aksini topadi.
Oraliq nazoratning quyidagi funksiyalari bor: O’quv faoliyatida samara darajasini
(baholash), tekshirish, diagnostik (orqada qolish sabablarini e’lon qilish), tashkiliy
(qo’llanilayotgan metodlar samaralari): tarbiyaviy motivasion (oraliq nazorat
natijalari bilan o’quvchilarning o’zlarini o’zlari baholashni mustahkamlash) oraliq
nazoratining maqsadi, o’quvchilarning o’quv sohasida ma’lum bir mavzularni
o’zlashtirilganligini tekshirish. Oraliq nazorat o’qituvchi tomonidan og’zaki va
yozma shaklda o’tkaziladi. Oraliq nazorat o’tkazilishi oldindan o’quvchilarga
aytiladi. Kimyo fani bo’yicha oraliq nazorat turlarini ko’rib chiqamiz:
Kimyo fani bo’yicha diktant, darturli diktant, mustaqil ish. Kimyo fani
bo’yicha diktant o’zaro tematik bog’langan, lekin tekst 4-8 iboralardan iborat.
Diktantdagi gaplar aniqlik va qisqalik bilan ajralishi kerak. O’quvchi
eshitayotgan vazifani bajarishi lozim. Shuning uchun ibora yoki chalkashlik
diktantga to’g’ri kelmaydi.
Yakuniy nazorat - chorak, yillik va davlat imtihonlariga bo’linadi. U
yozma ish, og’zaki va test shaklida o’tkaziladi.
Yozma ish yakuniy nazoratning eng ko’p tarqalgan shaklidir. Bu sezilarli
qisqa vaqt ichida bir vaqtda ham o’quvchi bilimini baholash, ham baholarning
xolisligi imkoniyati bilan tushuntiriladi. Yana bir afzalligi: bahoning pasayishiga
olib kelgan o’quvchi yo’l qo’ygan xatolar va nohaqliklar hamda munozarali
holatlarni hal qilishga asoslangan yondashish. Bu usulning mohiyati o’qituvchi
bir-ikki dars o’tgach o’quvchi bilimini tekshirish maqsadida yozma ish o’tkazadi.
Yozma ishni o’tkazishda qator didaktik talablarga e’tibor qaratilishi kerak.
Birinchidan, yozma ish vaqti o’tilgan material yaxshi o’zlashtirilganligiga
o’qituvchining ishonchi komil bo’lsagina o’tkaziladi. Ikkinchidan, yozma ish
o’quvchilarga oldindan e’lon qilinishi kerak va tayyor vazifalari ishlab
ko’rsatiladi. Uchinchidan, yozma ish ichida o’tilgan darslar mazmunini beruvchi
ijodiy savollar bo’lishi kerak. To’rtinchildan, o’quvchilar mustaqil ishlab,
o’qituvchi ko’chirishga yo’l qo’ymasligi kerak. Ishni nihoyat o’qituvchi e’tibor
bilan analiz qilishi kerak.
Tekshiruv savollari:
1. O’quvchilar bilimini nazorat qilishning maqsad va vazifalari qanday?
2. Siz o’quvchilar bilimini nazorat qilishning qanday turlarini bilasiz. Ularni
ta’riflang.
3. Joriy nazoratning qanday turlari mavjud.
4. Oraliq nazoratning funksiyasi nima?
5. Oraliq nazoratning qanday turlari mavjud, misol keltiring.
6. Yakuniy nazoratning funksiyalari maqsad va vazifalari qanday?
15 -ma’ruza
Mavzu: Test asosida tekshirish. Komp'yuter asosida test olish uslubi
42
Ma’ruza rejasi:
1. Test asosida tekshirish.
2. Test turlari.. .
3. Kompyuter asosida test olish uslubi.
O’rganiladigan asosiy tushunchalar: Testlarni turlari, eslash va to’ldirish uchun
testlar, tanlov testlari, alternativ, ko’p tanlovli va kesishuvchi tanlovli testlar
Hozirda o’quvchilarning bilimini sinab ko’rishda asosan – test-sinov
usulidan keng foydalanilmoqda. Testli sinovda o’quvchilar faqat o’zlarining
bilimlarini tekshirib ko’rishmaydi, balki mazkur fandan olgan bilimlarini mustaqil
ravishda takomillashtirishadi va chuqurlashtirishadi.
Test (test)- inglizcha so’z bo’lib, tadqiq etish, tekshirish, sinab ko’rish
degan ma’noni anglatib, diagnostika metodi hisoblanadi, unda standart savollar
beriladi.
Testli sinov va imtihonlarning an’anaviy imtihonlardan afzalligi shundaki,
o’quvchi o’zining chuqur bilimini, keng dunyoqarashini to’laroq namoyon qilish
imkoniyatiga ega bo’ladi.
Test sistemasi o’quvchilarni baholashning boshqa ko’rilgan uslublariga
qaraganda qanday afzallikka ega. Undan foydalanish mohiyati nimada?
1. Barcha o’quvchilarga teng sharoit yaratiladi (vaqt hisobida ham, test
savollarini tanlash hisobida ham)
2. Ma’lum vaqt ichida ham o’quvchilaring keng doirasini ham mavzuning
to’liq doirasini qamrab olish mumkin.
3. Berilgan savollarda tasodifiylik elementlari kamayadi, bu esa imtihon
oluvchining noxolisligini yo’qqa chiqaradi.
4. Imtihon oluvchi va topshiruvchi o’rtasida subyektiv fikrni yo’qqa
chiqaradi.
5. Tekshirishga vaqt va kuch sarflash kamayadi, shu bilan birga o’qituvchi va
o’quvchi ustida nazoratni yengillashtiradi.
6. Test javoblariga mashina tomonidan tezda statik ishlab chiqish
imkoniyatiga ega bo’ladi, chunki savol va javoblar standart shaklga ega.
Testlarni bir qancha turlari mavjud.
-eslash va to’ldirish uchun testlar.
-tanlov testlari.
Tanlov testlari o’z navbatida anternativ, ko’p tanlovli va kesishuvchi
tanlovli testlarga bo’linadi.
Testlarning bunday xilma-xilligi 1-rasmda ko’rsatilgan.
T e s t l a r
Eslash va to’ldirish
uchun testlar Tanlov testlar
43
Kimyo darslarida o’quvchilar bilim va ko’nikmalarini tekshirish va
baholashda test sinovlari muhim o’rin tutadi. O’quvchilardan kimyoviy testlarni
olishda ularning o’zlashtirish darajasiga qarab, test topshiriqlarini tuzish maqsadga
muvofiq bo’ladi. Test topshiriqlarida nazariy savollar bilan birga kimyoviy
masalalardan foydalanish yaxshi samara beradi, chunki o’quvchilar bunday
masalalarni yechayotganda o’zlarining nazariy bilimlariga tayanib, mustaqil
fikrlash qobiliyatini oshiradilar. Guruhdagi har bir o’quvchining bilim va
ko’nikmalariga qarab test materiallarini tuzish ularning o’zlashtirish darajasining
yanada yaxshilanishiga olib keladi. O’zlashtirish saviyasi yaxshiroq bo’lgan
o’quvchilarning test topshiriqlariga nisbatan murakkabroq masalalardan kiritish
bilan ularning bilim saviyasini yanada oshirish mumkin. O’zlashtirish saviyasi
o’rtacha bo’lgan o’quvchilarga nisbatan engilroq masalalr berib, keyinchalik ular
e’tiborini ancha qiyinroq masalalarni yechishga qaratish mumkin. Past
o’zlashtiruvchi o’quvchilar uchun o’tilgan mavzulardagi asosiy kimyoviy
tushunchalarni o’zida mujassam etuvchi engil masalalar berib, ularni masalalarni
yechish usullarini o’rganishga jalb qilish kerak. Buni quyida keltirilgan misollarda
ko’rishimiz mumkin;
O’zlashtirish saviyasi yaxshiroq bo’lgan o’quvchilar uchun:
Masala: 5% li 50 g bariy gidroksid eritmasiga 5% li 50 g natriy sulfat
eritmasi qo’shildi. Natijada necha gramm cho’kma hosil bo’ladi?
A. 3, 40 B. 3, 25 C. 2, 25 D. 4, 40 E. 3, 0
O’zlashtirish saviyasi o’rta bo’lgan o’quvchilar uchun:
Masala: 60% li eritma tarkibidagi erituvchining massasi uch barobar
ko’paytirildi. Hosil bo’lgan eritmaning massa ulushini hisoblang.
A. 20 B. 15 C. 25, 5 D. 33, 3 E. 35, 5
O’zlashtirish saviyasi past bo’lgan o’quvchilar uchun:
Masala: Na2SO 4 ning 1, 5 mol miqdori necha grammga teng?
A.142 B.213 C.284 D.355 E.426
Maktabda kimyo o’qitish jarayonida o’quvchilarni ko’rsatib o’tilgan
masalalarni yechishga o’rgatish bilan bir qatorda, ularni kimyo fani va uning
yutuqlarini xalq xo’jaligining turli sohalarida qo’llash darajasining ortib
borayotganligidan xabardor bo’lishga o’rgatishimiz kerak. Eng muhimi, inson
zakovatining uzluksiz taraqqiyoti, fan va texnikaning rivojlanishi tufayli
insonning tabiat sirlarini chuqurroq o’rganib borishi hayotiy zaruriyat ekanligini
his qilib, maktab o’quvchilarini mamlakatimiz fan va texnikasini rivojlantirish
uchun, iqtisodiy va ijtimoiy muammolarni hal qiluvchi sog’lom va barkamol avlod
ruhida tarbiyalashimiz lozim.
Ammo kompyuterda test olish ko’p jihatdan o’qituvchi va o’quvchi ishida
yengillik yaratadi.
M u q o b i l
t e s t l a r
Kesishuvchi
tanlovli testlar
Ko’p tanlovli
testlar
44
Tekshiruv savollari:
1. Test deganda nimani tushunasiz?
2. Testlarning qanday turlari mavjud?
3. Qanday qilib testni to’g’ri tuzish mumkin. Misol keltiring.
4. Kompyuterlarda test olishning qanday afzalliklari va kamchiliklari bor.
16 - ma’ruza.
Mavzu: O’quvchilar bilmini tekshirishda reyting tizimi.
Ma’ruza rejasi:
1. O’quvchilar bilimini tekshirishda reyting tizimi: asosiy vazifalar, joriy etish
tamoyillari, asosiy talablar.
2. O’quvchilar bahosini aniqlash tartibi.
3. Baholash tizimi.
4. Nazoratning uslub va shakllarini tanlash.
O’rganiladigan asosiy tushunchalar: O’quvchilar bilimini tekshirishda
reyting tizimi: asosiy vazifalar, joriy etish tamoyillari, asosiy talablar, o’quvchilar
bahosini aniqlash tartibi, baholash tizimi, nazorat uslub va shakllarini tanlash.
Hozirgi kunda mustaqil yurtimizda ilm-fan, texnika va sanoat jadal sur’atda
rivojlanayotgan, ijtimoiy, ekologik holat keskinlashib borayotgan paytda o’rta
maktablarda kimyo fanini o’quvchilarga chuqurroq, yangicha yondashib o’qitish
bir tomondan zaruriyat bo’lsa, ikkinchi tomondan, zamon talabi hamdir. Shu
munosabat bilan barcha o’quv predmetlari qatori kimyo ta’limi oldiga ham aniq
vazifalar qo’yildi va uning ta’lim standarti ishlab chiqildi. Umumiy o’rta ta’lim
maktablarining kimyo ta’lim standarti – kimyo o’quv predmetidan o’quvchilarga
beriladigan bilimlar miqdori, o’quvchilar egallaydigan bilimi, hosil qiladigan
amaliy ko’nikma va malakalarhajmini ko’rsatuvchi me’yor bo’lib, umumiy o’rta
ta’lim maktablarida kimyo ta’limi negizini belgilovchi ko’rsatkichlar
o’quvchilarning kimyo ta’limidan tayyorgarlik darajasiga qo’yiladigan talablar
majmuasidan iborat bo’lgan hujjat tariqasida tasdiqlanadi va xizmat qiladi.
So’ngi paytlarda olib borilayotgan kuzatishlardan shu narsa ko’rinayaptiki,
maktab o’quv dasturlarini shunchaki o’zgartirib, ya’ni uni soddalashtirib yoki
murakkablashtirib, shuningdek unga qandaydir yangi materiallarni kiritib yoki
biror eski materiallarni chiqarib tashlab ko’zlagan maqsadga erishib bo’lmaydi.
Har qanday yaratilgan zamonaviy dasturlar kimyo fanida va kimyoviy ishlab
chiqarishda erishilgan hamma yutuqlarni aks ettira olmaydi. Demak shunday
ekan, kimyodan o’quv dasturining asosiy vazifasi o’quvchilar ayni fanning zaruriy
tushunchalari va qonunlari asosida kimyoviy jarayonlarni boshqarishni o’rganish,
zamonaviy usullar bilan yangi-yangi moddalar olish va ulardan sanoat, qishloq
xo’jaligida va kundalik turmushda foydalanishning umumiy yo’nalishlarini
aniqlab olishdan iborat bo’lishi kerak.
45
O’quvchilar kimyoning asosiy tushunchalarini va uni o’qitish jarayonida
egallanadigan ko’nikmalarni puxta egallashlarini ta’minlash uchun har qanday
o’quvchi dastlab o’zi ta’lim-tarbiya berayotgan o’quvchilar guruhida har bir
shaxsning xislatlarini, kimyo fanini o’rganishga bo’lgan munosabatini aniqlab
olmog’i lozim. Shundagina kimyo o’qitishni tabaqalashtirilgan holda tashkil etish
va o’zlashtirishi qiyin bo’lgan o’quvchilarga tegishli yordam yo’li bilan ularga
o’zlashtiruvchi o’quvchilar qatoriga qo’yish imkonini beradi. Kimyo darslarini
tashkil etish va o’tkazishda har bir o’qituvchi kimyoning nazariy tushunchalari
orasidagi mantiqiy bog’lanishlarni yaxshi aniqlab olmog’i, har bir darsning
kimyodan ta’lim-tarbiya jarayonini atroflicha, maqsadga muvofiq tashkil etishdagi
o’rni va uning maqsadini mukammal belgilab olmog’i lozim. Shundagina, kimyo
fani dasturining darsdan-darsga, mavzudan-mavzuga o’tishi qay darajada bajarilib
borilayotganligi haqida fikr yuritushumiz mumkin. O’quvchilarning bilim sifatini nazorat qiluvchi reyting tizimi O’zbekiston
Respublikasi Vazirlar Mahkamasining № 203.13.05.1998 yilgi O’zbekiston
Respublikasining umumiy o’rta ta’limni tashkil qilish to’g’risidagi qarori “Kadrlar
tayyorlash milliy dasturi”ning ijrosi asosida kiritildi. Reyting tizimining
kiritilishining asosiy vazifasi quyidagilar hisoblanadi.
O’quvchilarga UO’T DTS talablarini o’zlashtirish uchun barcha sharoitlar
yaratish.
O’quvchilar bilim sifatini baholashda xolislik va aniqlikni ta’minlash.
Ta’lim jarayoni sifat nazoratini xolislashtirish, respublikaning turli
regionlarida va turli tipdagi maktablarning o’quv natijalarini solishtirish
O’quvchilarning fikrlash faoliyatini aktivlashtirish, o’zaro o’qishda yuqori
yutuqlarga erishishlari kabi ijobiy qiziqish tug’dirish, o’quvchilarda o’quv
ishida mustaqil bo’lishga intilishni rag’batlantirish,
O’qituvchi mehnati natijalarini xolislashtirish, uning yangi zamonaviy
axborot texnologiyasi va pedagogik bilimlarni izlashga va ijodiy
faoliyatini oshirish
O’quvchilarning ta’lim sohasida erishgan yutuqlarini, o’qituvchi ta’lim
muassasalarining mehnatini ochiq va oshkorligini ta’minlash.
O’quvchilarning individual-psixologik alohida shaxsligiga ta’sir etishga
ko’maklashish.
Reyting tizimi o’zida quyidagilarni aks ettiradi:
O’quvchilarning ta’lim faoliyatining uzluksiz nazorati, uning natijalari bilan
ko’p balli baholash shkalasi qo’llanilishining differensiyasi, ularning barcha o’quv
ishlar bo’yicha yig’indisi, shaxsning erishgan yutuqlarini rag’batlantirish.
Reyting tizimini qo’llash tamoillari:
Tizimlilik, xolislik, ishlatishning oddiyligi, bir ma’nolik va tezkorlik,
o’quvchilarning psixo-fiziologik yoshi, tomonlarini hisobga olish, rivojlantirish,
shaxsning faoliyatdagi birligi, mustaqillik va faollikni vujudga kelitirish, ta’lim
birligi, tarbiyalash va rivojlantirish, ochiqlik va oshkorlik, “Kadrlar tayyorlash
milliy dasturi” asosida DTS ni rivojlantirishni hisobga olish.
Reyting tizimini ishlab chiqishda asosiy talab bu - o’quvchilar bilim sifatini
baholashdagi xolislik, o’quvchilarning ta’lim olish faoliyati va o’qituvchilarning
mehnatini rag’batlantirish.
46
Reyting tizimida ta’lim sifatini baholash quyidagi ko’rinishlarda amalga
oshiriladi.
Joriy nazorat
Oraliq nazorat
Yakuniy nazorat
Bir chorakdagi nazorat jarayonining miqdori ta’lim sohasining majburiy
bilimlarning darajasi malaka va mahorat, davlat tomonidan belgilanadi. Ta’lim
sohasidagi standartlar haftadagi soatlar soniga bog’liq. Eng kam va yetarli son
nomenklatura 7-8-9-sinflari uchun har bir majburiy fanlar bo’yicha majburiy
oraliq va joriy nazorat ishlarining usullari (og'zaki, so’roq, yozma ish, seminar,
referat, laboratoriya ishi, test, vazifalar yechish va hokazolar.) odlindan aniqlanadi
va O’zbekiston Respublikasi Xalq Ta’limi Vazirligining ilmiy metodik
kengashiining qarori bilan tasdiqlanadi.
Reyting tizimi o’z ichiga o’quvchi o’quv faoliyatini uzluksiz nazorat qilish,
ko’p ballik baholardan foydalanib, o’quvchi faoliyati natijalarini farqlash,
o’quvchilarni o’zlashtirishiga qarab tartiblashtirish, o’quvchilarni erishgan
yutuqlari uchun rag’batlantirishni o’z ichiga oladi.
Bunday ishni bajarish uchun tayyorgarlikda vazifalar tizimi tuziladi. Butun
vazifaga yoki qismlariga ball quyiladi.
Nazorat savollari:
1. Nima uchun o’quvchilar bilimini tekshirishda reyting tizimi kiritilgan?
2. Reyting kiritishda asosiy vazifalar qaysilardan iborat?
3. Reyting nazoratini kiritishda qanday printsiplarga asoslangan?
4. Maktabda kimyo fani bo’yicha reyting nazorati qanday amalga
oshiriladi? Akademik litsey hamda kasb-hunar kollejlarida-chi?
Asosiy tushunchalar :
O’quvilarning bilim sifatini nazorat qiluvchi reyting tizimi O’zbekiston
Respublikasi Vazirlar Mahkamasining 203.13. 05 1998 yilgi O’zbekiston
Respublikasining umumiy o’rta ta’limni tashkil qilish to’g’risidagi qarori “Kadrlar
tayyorlash milliy dasturi” ning ijrosi asosida kiritiladi.
Reyting tizimi - bu bilim sifatini nazorat qilish usuli demakdir.
17 - ma’ruza
Mavzu: Kimyo ta’limining tashkiliy shakli bo’lgan –d a r s, va uning
xususiyatlari.
Ma’ruza rejasi:
1. Dars ta`lim - tarbiya ishini tashkil etishning asosiy shakli.
2. Darsning umumpedagogik didaktik va metodik maqsadi.
3. Kimyo darslarini rejalashtirish.
4. Dars tizimi jarayoni.
5. Kimyo darslari klassifikasiyasi.
47
O’rganiladigan asosiy tushunchalar: Dars ta`lim - tarbiya ishini tashkil
etishning asosiy shakli, darsning umumpedagogik didaktik va metodik maqsadi,
kimyo darslarini rejalashtirish, yillik va yarim yillik rejalashtirish, tematik
rejalashtirish, har bir dars rejasi, dars tizimi jarayoni, darslari klassifikasiyasi.
Dars - maktabda ta`lim – tarbiya, yani o’quv ishining tashkil etishning
asosiy shakli bo`lib hisoblanadi. Dars bu - didaktik vazifalar: ta`lim beruvchi,
tarbiyalovchi, o`quvchilarni rivojlantiruvchi tizim qo`llaniladigan, o`qituvchi
tomonidan ma`lum jarayonda ta`lim mazmuni, ta`minoti shakl va metodlarini
tadbiq etgan asosiy tashkiliy shakldir.
Aniq qo’yilgan maqsad o’qituvchining shu maqsadga erishish uchun zarur
faktik materialni tanlab olishiga imkon beradi. Qo’yilgan maqsadga qarab, darsda
o’qitiladigan konkret material har xil bo’lishi mumkin.
Dars 3 qismga bo’linadi:
1. Kirish
2. Asosiy qism
3. Xulosa
Darsning kirish qismida- o’quvchilar bilan tanishish, o’quvchilar e’tiborini
ishning o’ziga jalb etish, umuman sinfni o’quv ishiga tayyorgarligini ko’rib
chiqish kerak.
Darsning asosiy qismida - so’rash va baholash kiradi. Yangi materialni
bayon etish. Materialni umumlashtirish va puxtalash, uyga topshiriq berish.
To’g’ri tashkil etilgan uy topshiriqlari – o’quvchilarda mustaqil ishlash
malakalari hosil qilishning eng muhim vositalaridan biridir
Tipik dars quyidagi sxema asosida tuzilgan.
1. Sinfni o’quv ishiga tayyorlash.
2. So’rash.
3. Yangi materialni bayon etish.
4. Materialni umumlashtirish va puxtalash.
5. Uyga topshiriq berish.
Darslar xilma-xil bo’lish mumkin:
Har xil dars – o’quvchilarda bilimga havas hosil qilishning va bu havasni
rivojlantirishning eng muhim shartlaridan biridir.
Ta’lim-tarbiya jarayoni juda xilma-xildir: ko’zlangan maqsadga va
materialning mazmuniga qarab, ta’lim-tarbiya jarayoni bir qolipga solingan
tashkiliy formalarni emas, balki jonli, xilma-xil tashkiliy formalarni talab
etadi. Darslar- yangi materiallarni o’rganish, amaliy mashg’ulotlar darsi, mashq
va masalalar darsi, nazorat darslari va boshqalar.
Darsga shu sababli katta talab qo`yiladi. Asosiy talab ta`limiy, tarbiyaviy,
rivojlantiruvchi funksiyalarni bajarish bo`lib hisoblanadi. Har bir darsning
funksiyasi uning didaktik maqsadlaridan kelib chiqadi. Har bir darsning dars
tizimidagi o`rnini aniqlash lozim. Shu dars mavzusi tizimida qanday o`rin
egallashini aniqlab olish muhimdir.
Kimyo ta`limi dasturi tahlil qilinganda avvalo uning ta`limiy funksiyasi
hisobga olinadi. Shu jarayonda eng muhum tayanch bilimlar- kimyoviy
48
tushunchalar, nazariyalar, qonunlar, faktlar, hisobga olinadi. Ana shu tayanch
bilimlar o`qitish jarayonining mazmuni, bir - biriga bog`liqligini, ketma - ketligini
ochib beradi. Bu jarayonda o`qituvchi o`zi va darslikdagi tayanch bilimlar
mazmunini naqadar o`quvchilar ongiga yetkaza bilishi asosiy ish yoki faoliyat
darajasining mezoni bo’lib hisoblanadi. Darsda tarbiyaviy funksiyani amalga
oshirish shu mavzu mazmuni asosida o`quvchilarda ilmiy - materialistik
dunyoqarashni shakllantirish bilan belgilanadi.
Darsdagi rivojlantiruvchi funksiya- o`quvchini dars mazmuni asosidagi
imkoniyatlar chegarasida logik fikrlash, fanga qiziqtirish, mustaqil faoliyatni
ta`minlash kabilar bilan belgilanadi. Har bir dars tizimi rejasini tuzganda ulardagi
mavzularning mazmuni asosida darsning maqsadi, uning boshqa fanlar bilan
bog`liqligi kabilar hisobga olinadi.
Darsga tayyorlanish- og’ir ish bu o’qituvchini o’ziga xos ijodiy laboratoriyasi,
lekin yaratish uchun uslubiyot sohasida yaxshi nazariy bilimga ega bo’lishi, shu
bilan birga darsga tayyorlanish va rivojlantirishni bilishi kerak.
Rejalashtirish tizimi o’z ichiga quyidagilarni oladi:
1. Yillik va yarim yillik rejalashtirish.
2. Tematik rejalashtirish.
3. Har bir dars rejasi.
Bunday taqsimlanishga muvofiq darsga tayyorlanishni 3 bosqichga bo’lish
mumkin: ya’ni o’quv yiliga tayyorlanish, o’quv temasi bo’yicha fanlar tizimiga
tayyorlanish, navbatdagi darsga tayyorlanish.
Birinchi bosqichda aniq sinf o’quvchilarini nima uchun, nimaga va qanday
o’qitish kerak degan savollar yechiladi. Bunday o’quvchilar o’tgan yili nimani va
qanday o’qiganligini ya’ni kelajagini ko’ra bilishi zarur.
"Kimyo" fani bo’yicha darslarni rejalashtirish uchun dastlabki hujjatlar bu :
- O’quv jarayonida kimyo darsnining o’rni.
- Uning mazmunini aniqlovchi, kursning rasmiy dasturi
- Tematik reja, odatda xalq ta’limi vazirligini instruktiv hujjati yoki o’qituvchi
uchun metodik qo’llanmalari.
O’quv yili boshlanguncha o’qituvchi dasturni o’rganib chiqadi, maktab
darsligi mazmunini tahlil qiladi, o’qituvchi va o’quvchi uchun alohida adabiyotlar
ro’yxatini tuzadi.
O’quv yili boshlanguncha kimyo xonasining jixozlari, ularning ishlashi ,
pedagogik dasturiy ta’minot (PDT) mavjudligi tekshiriladi.
O’quv rejasi va dasturiga muvofiq darslar bo’yicha o’quv materialini
taxminiy bo’lishini o’z ichiga olgan yoki yarim yillik rejalashtirish amalga
oshiriladi.
O’qituvchi darsga tayyorlanishinig asosiysi tematik rejalashtirishdir. Tematik
rejalashtirish har bir aniq darsni berilgan mavzu bo’yicha darslarning umumiy
zanjirida muhim bug’inday ko’rib chiqishga imkon beradi. Bu shubhasiz, har bir
darsni ahamiyatini oshiradi, o’qish sifatini butunlay yaxshilaydi. kimyo darslarini
kimyo xonasida o’tkazishga tayyorlanish va rejalashtirishning ajratib turuvchi
xusisiyatlari, dars negizida qo’shilishi kerak bo’lgan pedagogik vositalarnig
bo’laklarining barcha, aspektlarni yaxshilab ko’rib chiqish zarur.
49
Shu bilan birga pedagogik dasturiy ta’minotdan foydalanmoqchi bo’lgan
darsga tayyorlashda, o’quvchining ratsionalizasiyalash uchun u barcha vositalar
kimyo xonasida o’quv- metodik kompleks formada, uning ichida pedagogik
vositalar, o’quv jarayonida undan foydalanuvchi bo’yicha metodik tavsiya,
pedagogik dasturiy ta’minotdan foydalanish bilan dars o’qitishning metodikasi
tasvirlanishi kerak.
Ular orasida:
- reja maqsadga muvofiq usha yoki boshqa pedagogik dasturiy ta’minotni
ishlatish.
- tayin vaqtdla pedagogik dasturiy ta’minotdan foydalanishda talab qilinadigan
bilim.
- o’quvchilarning kimyoviy asboblar bilan ishlashda gigiyenik chegarasi.
- pedagogik dasturiy ta’minot talab qiladigan tayyorlik va qobiliyat.
Kimyo darsiga tayyorlanish o’qituvchini boshqa darslarga tayyorlanish
rejasidan farq qilmaydi, lekin bir qancha hal qiluvchi omillar borki, ularsiz kimyo
darsiga tayyorlanish samarasiz va maqsadga muvofiq emas.
Kalendar tematik ish reja kimyo dasturi asosida tuziladi. Hozirgi
sharoitda umumta`lim maktabi uchun Davlat ta`lim standartlari ishlab chiqilib
aprabasiyadan o`tkazildi. Bu holat “Kadrlar tayyorlash milliy dasturi” talablarini
ruyobga chiqarishning yorqin misoli edi.
Kalendar tematik ish reja qo`yidagi ko’rinishda bo`ladi.
№ Dars
mavzulari
Darsning aso-
siy ta’limi
vazifasi
Soat Dars
tipi
Fanlararo
bog’lanis
h
Ko’rgazmali
qurollar
O’tilg
an
vaqt
Dars bir butun harakatdagi tizim bo`lib o`qitish va o`rganish
orasidagi bog`liqlikni ta`minlaydi. Darsni tashkil etish shartlari quyidagilar:
Ijtiimoiy – pedagogik - ijodiy xarakterli, kvalifikasiyali o`qituvchilarning
uyushgan inoq jamoasi bo`lishi, darslik o`quv qo`llanmalarining yetarli bo`lishi,
yaxshi psixologik muhit yaratilishi kabilar
O’qitish shu mavzu mazmuni asosida o`quvchilarda ilmiy - materialistik
dunyoqarashni shakllantirish bilan belgilanadi.
Psixologik - didaktik: o`quvchilarning o`qishga qiziquvchanligini, didaktik
qonuniyatlarga bo`ysunishi, o`quv - tarbiya qoidalarining amalga oshishi hamda
o`qitish maqsadiga mos funksiyalarning amalga oshishi. Bular dars tizimi
tuzilishini tashkil etadi.
Nazorat savollari
1. Darsga qo’yiladigan umumiy talablar nimalardan iborat?
2. Nima uchun darsni ta’lim- tarbiya ishini uyushtirishning asosiy shakli deb
ataymiz.
3. Kimyo darsiga tayyorgarlik tizimini izohlab bering?
4. Darsning maqsadi bilan vazifalari o’rtasidagi farqni aniqlang.
50
5. O’quv yiliga tayyorgarlik nimadan boshlanadi? Alohida darsiga
tayyorgarlikchi?
6. Kimyo fani bo’yicha darslarni rejalashtirishda qanday boshlang’ich hujjatlarni
olish mumkin?
7. Tematik rejalashtirish nimasi bilan har bir dars rejasidan farqlanadi?
8. Dars reja-konspektini umumiy sxemasini keltiring.
18 -19- ma’ruza
Mavzu: Dars tiplari va tuzilishini aniqlash
Ma’ruza rejasi:
1. Kimyo darslari klassifikasiyasi.
2. Yangi bilimlarni o’zlashtirish darslari
3. O’quv malakalarni qo’llash darslari
4. Tayanch bilim, o`quv malakalarini qo`llash va rivojlantirish darslari.
5. Bilimlarni umumlashtirish va tizimga solish darslari
6. Kimyo darslari konspekti.
7. Kimyo darsi tahlili.
O’rganiladigan asosiy tushunchalar: Yangi bilimlarni o`zlashtirish
darslari, o`quv malakalarini qo`llash darslari, tayanch bilim, o`quv malakalarini
qo`llash va rivojlantirish darslari, bilimlarni umumlashtirish va tizimga solish
darslari, bilim, o`quv, malakalarini tekshirish darslari, aralash darslari, kimyo
darslari konspektini tuzish, kimyo darslari tahlili.
Darsning tashkil etilishi ta`lim mazmuni, sinfning xususiyatlari, dars tipi va
metodlari kabi maqsadlardan kelib chiqadi.
O`qituvchining o`z fanini chuqur bilishi bilan birga, uni o`quvchilarga
yetkaza olishi katta tayyorgarlik va mahorat talab qiladi. O`qituvchi keyingi
darslarga tayyorlanar ekan, o`zining bilimi, mehnat va turmush tarbiyasi,
pedagogik mahorati darajasiga, shuningdek maktabning imkoniyatlarini hisobga
olib ishga kirishmog’i lozim.
O`rganilayotgan har bir ta`lim mazmunini usuliy jihatdan turli variantlarda
ishlab chiqib eng ishonchli va samaralisini tadbiq etish maqsadga muofiqdir.
Fanni o`zlashtirish, egallash amaliy faoliyatga tadbiq etish ta`lim
mazmunidan kelib chiqib, darslarni tiplarga ajratish zaruratini paydo qiladi. Har
bir dars murakkab pedagogik jarayon bo`lib, uni chuqurroq tushuntirish uchun uni
tiplarga ajratib tavsif qilib olishning ahamiyati katta.
Pedagogik adabiyotlarda darslarni tiplarga ajratishning bir qancha turlari
berilgan, xususan darslarning
a). asosiy mazmuni va maqsadiga ko`ra
b). o`qitish jarayoni taxminiga ko`ra
v). tuzilishiga qarab tiplarga ajratish ko`p uchraydi.
51
Biz tayanch bilimlarni amaliy faoliyatga tadbiq etishni o`zida namoyon
qiladigan ta`lim mazmuni asosiga tuzilgan dars tiplari haqida fikr yuritamiz.
Biz ko`p yil pedagogik tajriba va kuzatish xulosalariga asoslanib bilim
o`quv va malakalarni yalpi qo`llash darslari tipini "tayanch bilim, o`quv va
malakalarni qo`llab rivojlantirish darslari" deb ta`riflashni tavsiya qilamiz.
Bundan asosiy maqsad tayanch bilimlar mohiyatini chuqurlashtirish, tartibga
solib kengaytirish, ularni faoliyatga tadbiq eta bilish kabi didaktik vaziyatlar
e`tiborga olingan holda darslarni tiplarga ajratishdir.
Shunday qilib, biz dars tiplarining quyidagi tavsifini tavsiya etamiz.
1. Yangi bilimlarni o`zlashtirish darslari.
2. O`quv malakalarini qo`llash darslari.
3. Tayanch bilim, o`quv malakalarini qo`llash va rivojlantirish darslari.
4. Bilimlarni umumlashtirish va tizimga solish darslari
5. Bilim, o`quv, malakalarini tekshirish darslari.
6. Aralash darslar
Keyingi vaqtda nostandart dars xillari haqida gaplar ko`p tilga olinadigan
bo`ldi. Vaholanki, inson azaldan puxta o`ylab tuzilgan reja asosida ish yuritib,
samaradorlikka erishib kelganini unutmaslik kerak. Odatda fan yutuqlari ilg`or
tajribalar sinovdan takror - takror o`tgach, amaliyotchi o`qituvchilarga faoliyatga
qo`llash uchun tavsiya qilinadi va bu eng ma`qul yo`l hisoblanadi.
Biz darslarni asosiy ta`lim mazmuni va maqsadlariga ko`ra tiplarga ajratish
tarafdorimiz. Chunki har bir darsning asosiy maqsadi ta`lim mazmunidan kelib
chiqadi. Darsning maqsadi ta`lim mazmunini o`quvchiga berish bilan birga shu
mazmun asosida uni shaxsini tarbiyalash hamda kamol toptirishdan iborat.
Albatta, darsning biz yuqorida tilga olgan tiplari ham metodlari ham nisbiy
bo`lib hisoblanadi. Har bir tip yoki metod tanlanganda o`qituvchi ularning shu
darsda dominatlik vazifasini bajarishini hisobga olmog`i kerak. Chunki darsda
metodlarning bir nechtasidan foydalaniladi. Asosiy maqsad darsning mazmunini
o`quvchiga yetkazish tipi va metodiga qaratiladi.
1.Yangi bilimlarni o’zlashtirish darslari tipiga misol:
№1-dars. Kimyo predmeti. Moddalar.
Darsning ta`limiy maqsadi: O`quvchilarga kimyo predmeti, uning
qamrab olgan sohalari moddaning bir - biridan farqi, kimyo fani nimani
o`rganishi, uning vazifalari, ahamiyati va boshqalar haqida ma`lumot berish.
O`quvchilar tabiatshunoslik, biologiya, fizika va boshqa fanlarni o`rganish
jarayonida egallagan zahira bilimlarini eslash, yangi - yangi mavzu mazmunini
o`rganishda qo`llashga doir suhbat uyushtirish.
Darsning tarbiyaviy maqsadi: O`quvchilarda shu fanni o`rganishga
moyillik hosil qilish, moddalarni bir - biridan farqlash, ajrata olish, malakalarni
hosil qilish, kimyoviy reaktiv va moddalar bilan ishlashda ehtiyot choralari va
moddalarni avaylab asrash, tabiatga ehtiyotkorona munosabatda bo`lishini
shakllantirish.
Darsning rivojlantiruvchi maqsadi: O`quvchilar ilgari egallagan
bilimlarini sistemalash, mavzuni boyitish rivojlantirish moddiy borliq haqida bir
moddani boshqa moddaga aylantirish mumkinligi haqida aniq tasavvurlar orqali
dialektik materialistik dunyoqarashni shakllantirish.
52
Dars metodi: ma`ruza ( dominant metod).
Darsni jihozlash va o’tkazish joyi.
Darsning borishi: Yangi mavzu mohiyati to`liq ochib beriladi. Qilib
ko`rsatiladigan laboratoriya, amaliy demonstrasion tajriba, ko`rgazmalardan
foydalangan holda mavzu mazmuni tushuntiriladi.
Darsni mustahkamlash:
Uyga vazifa berish:
2. Ko’nikma malakalarni o’zlashtirish darslari tipiga misol.
№33 dars №3 amaliy mashg`ulot. Kislorodning olinishi va xossalari.
Darsning ta`limiy maqsadi: O`quvchilar kislorodning kimyoviy
xossalarini olinishiga doir bilimlarini takrorlaydilar va mustahakamlaydilar.
Kislorodni olinishiga va uning xossalari bilan tanishishda zarur bo`ladigan
kimyoviy priborlar, reaktivlar bilan muomila qilish jarayonida ularni ishlata
bilish ko`nikma va malakalarini o`zlashtirib oladi hamda takomillashtiradi
Katalizator tushunchasi mohiyatini o`rganadi.
Darsning tarbiyaviy maqsadi: Asbob va reaktivlar bilan ishlashda texnika
xavfsizligi qoidalariga amal qilish kabi xislatlarni shakllantirish.
Darsning rivojlantiruvchi maqsadi. Kislorod haqida olingan nazariy
bilimlarni amaliyotga tadbiq etish o`zi sinab ko`rish orqali bilim, ko`nikma,
malakalarni rivojlantirish va takomillashtirish.
Darsning metodi: Amaliy mashgulot
Darsni jihozlash: Kislorod olish, uni yig’ish va uning xossalari bilan
tanishish jarayonida kerak bo`ladigan asboblar reaktivlar yoziladi.
Darsning borishi: Darslikdagi amaliy mashg`ulotni o`tkazish ko`rsatmasi
asosida olib boriladi. O`quvchi amaliy ishlar uchun tutilgan daftarga quyidagi
jadvalni chizib to`ldiradi:
Nima qilindi Nima kuzatildi. Xulosa va reaksiya
tenglamalari
Dars uning maqsadini tushuntirish bilan boshlanadi. Ayrim o`quvchilardan
nima ish qilish va qanday bajarishni so`raydi. Ayrim o`quvchiga ishni bajartirib
boshqalari kuzatish topshiriladi. Keyin esa o`quvchilar guruh - guruh bo`lib, ishni
bajaradilar. O`quvchilarda quyidagi bilim, ko`nikma va malakalar bo`lishi kerak:
1. Kislorodning fizik xossalari.
2. Kislorodning kimyoviy xossalari.
3. Gazlarni olish asboblari: yig`ish malakasi.
4. Kislorod olish va yig`ish malakasi.
5. Laboratoriya shtatividan foydalanish malakasi.
6. Gaz gorelkasidan foydalanish malakasi.
3. Tayanch bilim, o`quv - malakalarini qo`llash va rivojlantirish
darslari tipiga misol:
Mavzu: Galogenlarning kimyoviy elementlar davriy sistemasi jadvalida
joylashgan o`rni va atomining tuzilishi.
53
Darsning ta`limiy maqsadi: Galogenlarning davriy jadvaldagi o`rni,
atomlarning tuzilishi, energetik pog`onalarda elektronlarning joylashishi,
galogenlarning kuchli oksidlovchi ekanligi hamda metallar bilan birikib tuz hosil
qilishi haqida bilim berish va oldin olingan davriy qonun, atomlar tuzilishi
haqidagi tayanch bilimlarni qo`llash orqali yanada rivojlantirish. Elektronlarni
taqsimlanishi misolida yadro elektronlari haqidagi bilimlarni tadbiq etgan holda
rivojlantirish.
Darsning tarbiyaviy maqsadi: D.I.Mendeleevning fandagi jasorati. Oldin
aytilgan xossalarning o`z isbotini topishi misolida tarbiya berish.
Darsning rivojlantiruvchi maqsadi: O`quvchilarda ilmiy -materialistik
dunyoqarashning shakllanishi, galogenlarning davriy sistemasidagi o`rni va atom
tuzilishi nazariyasiga muvofiq xossalarini bashorat qilish malakalarni
shakllantirish va rivojlantirish.
Darsning metodi: ma`ruza (mustaqil ish ham qo`llaniladi).
Darsning jihozi: D.I.Mendeleev elementlar davriy sistemasi, darslikdagi
galogenlar atomlarida elektronlarning taqsimlanishi jadval chizmasi, xlor atomi
oksidlanish darajasi sxemasi, galogenlar atom radiuslari va nisbiy
elektrmanfiyligi ko`rgazmasi.
4. Bilimlarni umumlashtirish va tizimga solish darslari tipiga misol.
№92 dars Galogenlarining chog`ishtirma xaraktiristikasi mavzusi misol bo`ladi.
Kimyo darslari konspektini tuzish. Darsni o`tkazishdan oldin o`qituvchi
o`sha darsning konspektini tuzadi. Dars konspektini tuzishdan oldin o`qituvchi
darsning kimyoviy mazmunini o`zi tahlil qilib chiqadi. Shu tahlil jarayonida
ta`limiy va didaktik maqsadlarni aniqlab oladi. Tahlil davomida shu mavzuning
oldingi mavzu bilan bog`liqlik tomonlariga tayangan holda keyingi mavzuga
zamin yaratishi kabilarni albatta hisobga oladi. Bu hol predmetning ichki o`zaro
aloqadorligini ta`minlaydi.
Dars konspekti tuzishda albatta dars mazmuni o`rganib tahlil qilib chiqilgan
shu asosda dars tipi, maqsadi, metodlari yangi mavzuni tushuntirish rejasi,
mustahkamlash, uy ishini tekshirish (so’rash) hamda uyga topshiriq berish kabilar
albatta hisobga olinadi. Dars mazmuni asosida uning tipini, maqsadini aniqlab,
belgilab olish o`qituvchidan katta mahoratni talab qiladi.
Bizga ma`lumki bir soatlik dars yirik bir asardir deyiladi.
Mazkur metodistlar darsni yirik asar darajasiga ko`tara olish uni tashkil
etish o`qituvchining bilimi, tajribasi, ijodiy izlanishi yoki pedagogik mahoratga
bog`liq. Shu sababli umuman bir soatlik darsni o`tkazishning va shu darslarda
yangi mavzuning mohiyatini o`quvchiga o`tkazishning rejalarini oldindan
belgilash didaktik jihatdan katta samara beradi.
Hozirgi amaliyotchi o`qituvchilarimiz dars konspektlarida darslarni
tiplarga ajratish umuman o`z aksini topmagan. Shu sababli qanday tip dars
bo`lishidan qat`iy nazar ta`lim mazmunini bir xil andozada berish natijasida
darsning samaradorligi pasayib ketmoqda.
Kimyo darslari tahlili. Darsni tahlil qilish uchun avvalo uning predmet
mazmuni, tuzilishi, tizimi ta`limiy maqsadi ilmiyligi darslar tartibidagi o`rnini
bilish kerak.
54
Darsni tahlil qilish bayonnoma yurgizish orqali bo`lib, bayonnomada
quyidagilar yoziladi:
1. Sinf, maktab, smena.
2. O`qituvchining familiyasi ismi, otasining ismi.
3. Sana, hafta kunlari, dars jadvali bo`yicha shu kundagi nechachi dars mavzusi.
4. Dars maqsadi (tahlil qiluvchi maqsad) ta`limiy, tarbiyaviy, rivojlantiruvchi.
5. Darsning borishi: daftarning o’ng tomoniga mulohazalar + belgisi bilan va -
belgisi bilan chizib boriladi.
Hamma darsdagi maqsadlar: "Ti"-ta`limiy, "Tb"-tarbiyaviy, "Rv"-
rivojlantiruvchi holatlar ko`rsatib yozib boriladi. Tahlil jarayonida o`qituvchi va
o`quvchilar darsdagi bajarayotgan ishlari hisobga olinib yozib boriladi.
Darsning tashkil etilishi to`liq yozib boriladi.
Bu jarayonda: Darsning kirish qismi, mazmuni berilishi Ti, Tb, Rv
funksiyalarga e`tibor, uy ishini tekshirish metodlari, yangi bilimlarni egallashga
o`quvchida qiziqish uyg`otish, savol va javoblarning aniqligi, ko`rgazma, TSO,
eksperiment va didaktik materiallardan foydalanish o`rinlari to`liq tahlil etiladi.
Hozirgi yangi pedagogik va ilg`or texnologiyalardan standart va nostandart
dars ko`rinishlaridan foydalanish kabilarga katta e`tibor beriladi.
Darsning har bir etapi: Boshlanishi, uy topshiriqlarini so`rash, xulosalash -
baholash, yangi mavzu bayoni, uni mustahkamlash, shu jarayonda o`quvchilarning
mustaqil ishlarini tashkil etish, o`quvchilarning javoblari mazmuni, o`quvchilar
faolligi bilim, ko`nikma, malakalarning o`zlashtirilganligi, ko`rgazma, didaktik
materiallardan foydalanish darajasi muammoli vaziyatlar tashkil etilishi va
ularning samara berishi to`liq hisobga olinadi.
O`qituvchining darsni o`quvchilar bilan birga mustahkamlashi
umumlashmirish va xulosalar chiqara bilishi, dars tiplari, metodlaridan
foydalanish o`rni va darajasiga e`tibor beriladi. Darsning to`g’ri tashkil etilganligi
uning mazmunini o`quvchi o`zlashtirib olganlik darajasi bilan belgilanadi.
Demak, dars jarayonida va tahlilida hech bir narsani ikkinchi darajaga
qo`ymasligini anglab yetish kerak.
Tahlilda o`quvchi va o`qituvchi faoliyatiga ular munosabati, diologiga yoki
qayta aloqaga e`tibor berish lozim.
O`quvchilarning darsdagi faoliyati tavsiflanayotganda quyidagilarga e`tibor
qaratish lozim: darsda intizom, o`quvchilarning faoliyat turi (jamoa bo`lib, yakka
tartibdagi ishlari, faolligi, diqqati, qiziqishi va h.k.).
O`qituvchining o`quvchilar bilimini mustahkamlash etapida: uni o`z
o`rnida tashkil etish, (dars tiplari asosida) mustahkamlash turi (savollar asosida,
mashq, topshiriq bajarish orqali, kimyo eksperiment o`tkazish yo`li bilan darslik
ustida ishlash, darslikdagi savol - topshiriqlarga javob yozish). O`qituvchining
vaqtdan unumli foydalanishga alohida e`tibor beriladi.
Darsning eng muhim bo`laklaridan qismlaridan biri uyga topshiriq berish
va uni izohlashdir. O`quvchi nima ish qilib kelishni aniq bilishi va tasavvur eta
olishi lozim. Uning hajmiga e`tibor berish qiyinchiliklar o`quvchini o`qishdan
zeriktirib hafsalasini sundirmasin. O`qituvchining nutq madaniyatiga alohida
e`tibor berish kerak, ketma – ketlik ko`proq o`quvchini gapirtirish va boshqalar.
55
Agar dars jarayonida laboratoriya tajribasi, amaliy ish bajarilsa quyidagi
larga e`tibor qaratish kerak.
1. Sinf xonasining laboratoriya tajribalari o`tkazishga tayyorgarligi, kerakli
jihozlarning o`rni o`quvchi va o`qituvchiga yetarligi.
2. O`quvchilar va o`qituvchining ish maqsadini anglab yetish.
3. Ishni bajarishga bo`lgan metodik yo`llar (muammoli, tadqiqot, ko`rgazmali)
4. O`quvchilar mustaqil ishni tashkil etishi, texnika xavfsizlik qoidalariga e`tibor
berish, o`quvchilarga ishni bajarish tartibi haqida metodik ishlanmalar yetarligi,
kim nima ish qilishi taqsimotiga rioya etilishi.
5. Ishning borishi, o`qituvchi va o`quvchilarning mashg`ulot davomidagi xulqi.
6. Laboratoriya tajribasi yakunlari muhokamasi.
7. Ishni yakunlashni tashkil etilishi ish o`rnilari, tarkibi, tozaligi.
8. Ish yakunlarining o`quvchilar daftarida qayd etilishi.
9. Ish davomida mehnatsevarlik, estetik tarbiyaning amalga oshishi ko`nikma va
malakalarning rivojlanishi.
Mavzu yuzasidan nazorat savollari
1. Kimyo darslari tiplarini sanang va izohlang.
2. Darsning maqsadi bilan bilish vazifalari o`rtasidagi farqni ko`rsating.
3. Nima uchun darslarga tarbiyaviy va rivojlantiruvchi maqsadlar qo`yiladi.
4. Yangi materialni o`zlashtirish jarayonida induktiv va deduktiv metodlarini
qo`llash.
5. Yangi mavzuni tushuntirish rejasida nimalarga e`tibor beriladi?
6. Dars konspektga bo`lgan talablar nimalardan iborat?
7. Kimyodan kalendar - tematik ish reja tuzilishini tavsiflang.
20 - ma’ruza
Mavzu: Kimyo o`qitishning ta`minot tizimi
Ma’ruza rejasi:
1. Kimyo kabinetida mehnatni muhofaza qilish va texnika xavfsizligi.
2. Kimyo darsligi va uning tuzilishi.
3. Maktab kimyo kursi dasturlari.
O’rganiladigan asosiy tushunchalar: Kimyo kabinetida mehnatni muhofaza
qilish va texnika xavfsizligi, o`qituvchi uchun qo`llanmalar, maktab kimyo kabinetini
jihozlash, kimyo darsliklari.
O`qitish va tarbiyalash manbalariga - o`quvchilarni ma`lumotli qilib
tarbiyalash, ular shaxsini rivojlantirish uchun xizmat qiladigan materiallar va
ob`ektlar tizimi misol bo`ladi. Bu tizim funksiyalarining birligini ta`minlaydi.
Ta`minot manbalari uchta katta guruhga bo`linadi. Bu bo`linish maqsadi
va o`quvchiga ta`sir etishi usullariga ko`ra quyidagilar bo`lib hisoblanadi.
1. O`qituvchi uchun qo`llanmalar.
2. Maktab kimyo kabinetini jihozlash.
56
3. Kimyo darsliklari.
O`qituvchi uchun qo`llanmalarga - ijtimoiy - siyosiy, metodik, ilmiy
ommabop adabiyotlar misol bo`ladi. Ulardagi mazmun o`quvchiga o`qituvchi
orqali o`tadi. Maktab kimyo kabineti bevosita o`quv tarbiya jarayoniga xizmat
qiladi.
Darslik - shu fan bo`yicha o`quv kitobi bo`lib o`quvchi uchun yoziladi.
Undan mustaqil holda o`quvchi maktabda va uyda foydalanadi.
Bu uch komponent o`zaro bir - biri bilan doimiy aloqadadir.
Maktab kimyo xonasisiz hozirgi ta`lim - tarbiya jarayonini tasavvur etish
mumkin emas.
Maktab kimyo kabineti o`quv qurollari pribor reaktivlar, jadval va
hokazolar maxsus joylashtirilgan xonadan iborat. Kimyo kabineti o`quvchilarni
o`qitish, tarbiyalash va rivojlantirish maqsadlariga xizmat qiladi.
Kimyo kabinetiga bo’lgan talablar 4 guruhga bo’linadi.
1. Ilmiy-metodik. Kimyo kabineti kimyo ta`limi mazmuniga, didaktik talablarga,
psixologik va tarbiya nazariyasi talablarga javob berishi kerak.
2. Ekologik, gigiyenik va texnika xavfsizligi talablari ya`ni kabinet
mehnatining ilmiy asosda tashkil etish, o`quvchilar va o`qituvchi sog`ligini
asrash talablariga javob berish.
3. Texnik, texnologik guruh - xona jihozlari oddiy va qo`lay, hozirgi barcha
talablarga javob beruvchi mustahkam, arzon materiallardan tayyorlanishi
lozim.
4. Maxsus talablar. Kimyo fanini o`qitishga daxldor ta`minot bo’lishi kerak.
Maktab jihozlari uchun maxsus Davlat standartlari (GOST) hamda texnik
sharoitlar (TU) bo`lishi kerak. Kabinet yuqoridagi talablarga javob beruvchi mos
joydan tanlanishi kerak.
Kimyo kabineti o’quv jihozlari tizimi:
1. Tabiiy ob’ektlar: reaktivlar, idishlar, probirkalar, instrumentlar, minerallar
kolleksiyalari materiallari va boshqalar.
2. Tabiiy ob’ektlarning ko`rinishlari: modellar, maketlar, ekran jihozari.
3. Har xil jadvallar, sxema, grafik, chizmalar.
4. TSO, kinofilmlar, diafilmlar, diapozitivlar, magnitafon, yozuvlar,
programmalar, video yozuvlar. Kabinetda o`qituvchi va o`quvchilarning
ish o’rni alohida bo`lishi lozim.
O`qituvchining ish o`rni katta stol bo`lib, uning qavatli va yuza qismi
demonstasion tajribalar olib borishga mos linoleum qoplanadi. Qilinayotgan
tajribalar hamma o`quvchilarga ko`rinarli bo`lishi kerak. Pastki qismida kerakli
jihozlar o`qituvchi olishi uchun moslanadi, albatta zaharli gazlar moddalar uchun
havo tortar (mo’rili) shkaf bo`ladi. Sinf doskasi 3 shitli bo`lishi talab etiladi.
O`quvchilar o`rni texnika xavfsizligiga mos holda ko`nikma va malakalarni
rivojlantirishga mo`ljallanishi kerak? O`quvchilar guruh va yakka mustaqil holda
ishlashi kerak.
Kabinet suv, elektr energiyasi gaz va boshqa barcha kerakli inventar
jadval, maketlar bilan to`liq ta`minlanishi kerak. Kimyo kabinetida alohida
laborant xonasi bo`ladi. Laborant xonasidan ham sinfga, ham zalga chiqiladi.
57
Kimyo kabinetida mehnatni muhofaza qilish va texnik xavfsizligiga rioya
qilish xalq ta`lim vaziriligi tomonidan tasdiqlangan o`qituvchi uchun
mo`ljallangan maxsus yo`l - yo`riq, qo`llanmalari normativ hujjatlari asosida olib
boriladi. Albatta, kabinetda texnika xavfsizligi qoidalari bo`lib, laboratoriya
demonstrasiya tajribalari va amaliy mashg`ulotlarda unga amal qilish hamma
uchun zarur.
Kimyo darsligi - maktabda eng muhim adabiyot sanaladi. Darslik
muammosi doim dolzarb bo`lib, u o`zining mazmuni gigiyenik xarakteristikasi,
tarbiyaviy funksiyasining alohidaligi bilan ajralib turadi. Ta`lim tizimida kimyo
darsligi alohida murakkab o`rin egallaydi.
Darslikda ta`lim mazmuni maktab ta`limiga mos holda, dasturga asoslanib,
Davlat ta`lim standartlariga moslab beriladi.
Darslik o`quvchida dunyoqarashini shakllantiradi, unda metodologik
bilimlar, falsafiy g`oyalar, o`quvchilarning aqliy rivojlantiruvchi hamda ularda
ko`nikma malakalar shakllanishi o`z ifodasini topadi. Unda o`quvchiga
yondashishning yalpi usullari aks etgan bo`ladi. Darslik mazmuni tizimi
quyidagicha o`qitish maqsadga muvofiq:
1. Kimyo predmeti mazmuni
2. O`qitish metodlari
3. O`qitish ta`limoti
4. O`quv ishini tashkil etish.
O`quvchilarning darslik bilan ishlash metodikasi
Kimyo ta`limining dastlabki darslarida o`quvchilar darslik bilan ishlashga
o`rgatish talab etiladi. Ular quyidagilardan iborat:
1. Berilgan mavzuni diqqat bilan o`qib chiqish va unda nima haqida fikr
yuritilishini aniqlash.
2. Shu mavzuni oldingi mavzular orasida bog`liqlik mavjudligini topishi.
3. Mavzuni to`liq o`qib chiqib undagi noaniq so`zlarni yozib olishi, chizma va
rasmlarni ko`zdan kechirib, uning mazmunini ajratishi lozim. Mavzuni
o`rganishning rejasini tuzib, formula va kimyoviy tenglamalarni yozib oling.
4. Tushunmagan so`zlarni yana aniqlang, ularni izohlashga harakat qiling. Ularni
kimyoviy lug`atdan izlang. Hamda daftaringizga ular mazmuni va
ahamiyatini yozib oling.
5. Mavzu mazmunini yana o`qing. Uni reja bilan solishtirib chiqing.
6. Mavzu oxiridagi savollarga javob bering. Unga o`zingizning javoblaringizni
hozirlang. Ularni sinfda o`qituvchi aytgan va darslikdagi mazmuni asosida
chog`ishtiring.
O`qituvchi o`z o`quvchilarini shu asosda doimiy ishlashga tayyorlab
o`rgatish, odatlantirib borish ta`lim jarayoniga sifatli ta`sir etadi.
O`quvchilarning uy topshiriqlarini bajarishi daftarlarida o`z ifodasini
topishi kerak.
58
Mavzu yuzasidan savol va topshiriqlar.
1. O`qitish ta`minoti sifatida foydalaniladigan natural ob`ektlarga misol keltiring.
2. Zavod, agrokimyo laboratoriyasi va boshqa ob`ektlarni kimyodan o`quv
ekskursiyasi o`rni deb tanlash mumkinmi? Nima uchun?
3. Uglerod mavzusini o`rganish uchun qanday kimyoviy ta`limotdan foydalanish
mumkin. Javobingizni asoslang.
4. Maktab kimyo kabineti uchun xos bo`lgan kimyodan texnik xavfsizlik
qoidalarini ko`rsating.
5. VII-VIII sinf kimyo darsligini qaysi mavzulari o`quvchilarning bilim
qobiliyatini oshiradi?
6. VII-VIII sinf kimyo darsligini qaysi mavzularini o`quvchilarga mustaqil
o`rganish uchun tavsiya etish mumkin? Javobingizni izohlang.
21 - ma’ruza
Mavzu: Kimyo fanida komp’yuter dasturi.
Ma’ruza rejasi :
1. Umumiy ta’limda kimyo fanini komp’yuter dasturlarida o’rganishning
ahamiyati
2. Kimyo fanining laboratoriya mashg’ulotlarini o’tishda komp’yuterli
dasturlarning o’rni
3. Kimyo fanini komp’yuter dasturlarida o’rganishning afzalliklari.
Kasb-hunar kollejlarida bo’lg’usi kichik mutaxassislar kasbiy
tayyorgarligiga yuqori talablar qo’yilmoqda. Kichik mutaxassislar ishlab chiqarish
jarayoniga tezkor usulda ko’nikib ketishlari uchun kasbiy tayyorgarligining
safarbarlik ko’rsatkichlari yuqori va tezkor xarakterda bo’lishiga erishmog’i
lozim. Jumladan, kichik mutaxassislarni kimyo yo’nalishida tayyorgarlik sifatini
oshirish dolzarb muammolardan hisoblanadi. Zotan, kimyo kabinetlarining
yetarli jihozlanmaganligi, kimyoviy reaktivlarning yetarli emasligi har doim ham,
frontal o’qitish imkonini bermaydi. Shuning uchun ham kimyo ta’limining
interaktiv metodlaridan biri komp’yuter dasturlari asosida o’qitish hisoblanadi.
Bu yerda albatta o’rta umumiy ta’limda kimyo dasturini nechog’lik
o’quvchilar tomonidan o’zlashtirilganligi kasb-hunar ta’limidagi kimyo o’qitishni
yangi sifat darajasiga ko’tarish imkonini beradi.
Kasb-hunar kollejlarida kimyo fanini komp’yuter dasturlarida o’rganish
mantiqiy – strukturasini tuzishdan boshlanadi. Mantiqiy, strukturani tuzish uchun
kasb-hunar kollejlarida o’rganilayotgan kimyo kursi mazmuni ayrim bloklarga
yoki modullarga bo’linadi. Har bir modulning nomi va nomeri bo’ladi. Shuning
bilan birga har qaysi modul qaysi chorakda necha soat davomida o’rganilishi
ko’zda tutiladi.
Kimyo fanining laboratoriya mashg’ulotlarini o’tishda komp’yuterli
dasturlarning o’rni beqiyosdir. Bu yerda o’quvchi komp’yuterdan laboratoriya
mashg’ulotining yozma tavsiloti bilan tanishadi, xavfsizlik texnikasi qoidalarini
o’rganadi. Keyingi bosqichda laboratoriya mashg’uloti uchun kerakli jihozlarni
tanlaydi. Ularning ishga yaroqliligini komp’yuterlardan tekshirib oladi.
59
Galdagi vazifa komp’yuterda laboratoriya jixozlarini yig’ish va ish holatiga
keltirish. Laboratoriya jihozlari yig’ilib, texnika xavfsizligi qoidalariga amal
qilinganidan keyin bevosita laboratoriya ishini komp’yuterlarda bajarishni
boshlash mumkin. Buning uchun kerakli moddalar kerakli miqdorda kimyoviy
reaksiyaga kiritiladi va kutilgan sifat va miqdordagi kutilgan rangdagi yangi
xossalarga ega bo’lgan yangi kimyoviy modda olinadi. Olingan yangi moddaning
sifatlari kimyoviy ko’rsatkichlari, laboratoriya mashg’uloti tafsilotida keltirilgan
manbalarga solishtiriladi. Agarda, laboratoriya mashg’uloti uchun tayyorlangan
yuriqnomadagi ma’lumotlar yetarli bo’lmasa, o’quvchi darsliklarga, elektron
darsliklarga murojaat qiladi.
Xulosa qilib aytganda, kimyo fanini komp’yuter dasturlarida o’rganish
quyidagi afzalliklarga ega ekanligi bizning tajribalarimizda o’z tasdig’ini topdi.
Birinchidan: O’quvchilar kimyodan laboratoriya mashg’ulotini mustaqil
bajarishadi. Natijada o’quvchilarda o’z-o’ziga ishonchi, mustaqil fikrlash darajasi
ortadi.
Ikkinchidan: Laboratoriya mashg’ulotlarini bajarishda texnika xavfsizligi
qoidalari aniq bajariladi, aks holda komp’yuter o’quv faoliyatini to’xtatishgacha
olib boradi.
Uchinchidan: Kollej o’quvchilarini kimyo dasturlarini komp’yuter dasturlari
asosida o’rganishi jarayonida qimmatli kimyoviy modda va reaktivlar iqtisod
qilinadi.
To’rtinchidan: O'quvchilarning komp’yuterda mustaqil ishlash bilim va
ko’nikmalari aniq misollarda mustahkamlanadi.
Nazorat savollari
1. Maktablarda, akademik lisey va kasb-hunar kollejlarida " Kimyo fanida
komp’yuter dasturi " mavzusi mohiyatini uslubiy tahlilini qiling.
2. Bu mavzuni o’rganish uchun nimani qaytarish zarur.
3. Bu mavzu bo’yicha tematik reja tuzing.
4. Bu mavzu bo’yicha reja konspekt yozing.
5. Bu mavzuda bilimni tekshirishning qaysi nazorat turini taklif qilasiz?
6. Bu mavzu bo’yicha laboratoriya ishlari uchun vazifalar tayyorlang.
22 - ma’ruza
Mavzu: Kimyodan sinfdan tashqari ishlar. Sinfdan tashqari ishlarning ta’lim
va tarbiyaviy ahamiyati
Ma’ruza rejasi:
1. Kimyodan sinfdan tashqari ishlarning tashkiliy shakllari
2. Maktabda o’tkaziladigan kimyo kechalari, mavzuli anjumanlar
3. O’quvchilarning fan olimpiadalari
O’rganiladigan asosiy tushunchalar: Kimyodan sinfdan tashqari
ishlarning tashkiliy shakllari, maktabda o’tkaziladigan kimyo kechalari, mavzuli
anjumanlar, o’quvchilarning fan olimpiadalari
60
Sinfdan tashqari mashg’ulotlar talabalabalar ehtiyojidan va ijodiy ishga
bo’lgan tabiiy intilishidan kelib chiqadi, sinfda o’tkaziladigan dastur
materialining kamini to’ldirishga emas, balki uni yanada chuqurlashtirishga
qaratilgan bo’ladi. Bunda, o’qituvchilarning mustaqil ish metodlariga tayanish
ham kerak. Sinfdan tashqari ishlarga- fakultativ mashg’ulotlar, ijodiy kechalar,
to’garaklar, mustaqil ilmiy izlanish, kurs ishi, diplom ishi, referat, olimpiyadada,
ko’rik -tanlovlarda qatnashish; ilmiy konferensiyada qatnashish; pedagogik
amaliyot, kitobxonlar uyushmasi, bayramlar, mustaqillik bayrami, konsitutsiya
kuni, har –xil mavzudagi qiziqarli kechalar; talabalarning sevimli mashgulotlari
ustida estafetalar shular jumlasidandir.
Ta’lim metodlarini qo’llashni quydagicha ko’rsatish mumkun; talabalarda
tashkilotchilik, boshqaruvchilik, mustaqil ilmiy izlanish, o’z fikrini himoya qila
olish, bahs yuritish ko’nikmalarini shakillantirishda guruhlar tashkil etib ijodiy
topshiriqlar berish, guruhlararo bahs yuritish, aqliy hujum metodi, ebristik metod,
klaster metodi kabilardan foydalaniladi. Talabalarda ijrochilik, boshqaruvchilik
ular bilimlarini sinab ko’rishda ma’ruza bilan chiqish, muammo qo’yish,
muammoli ma’ruza qilish ham yaxshi natija beradi. Talabalarda malaka oshirish,
kasbiy qobilyatlarini rivojlantirish uchun rollar ijro etish orqali erishish
mumkun.
Ularni yangi g’oya yechimini yaratish, ularni shaxsiy tajribaga yoki
vaziyatga bog’lash, bahsli g’oyalarni ma’qullashga o’rgatish uchun esa guruhli
bahslar, ma’lum bir hoiatlar tahlili, savol –javoblar, so’rovnomalardan foydalanish
maqsadga muvofiq.
Bu boradagi qiziqish quydagi pedagogik talablarga amal qilinganda
samarali natijalar beradi; ta’lim jarayonining puxta loyihalanganligi; maqsadlaring
aniqligi; talabalarni birlashtira olish, vazifani to’g’ri bilib berish, ishni to’g’ri
rivojlantirish; didaktiv talablar, o’quv materialini saralash va tayyorlash,
ko’rgazmali qurollar, jihozlar, o’quv materiallarini aniq ishonarli, tarzda yetkazib
berish, perispektiv talablar: talabalar ma’naviy dunyosiga kira olish, ularning
emotsional holatlarini ob’ektiv kuzata olish, tadqiqotchilik qobiliyati. Pedagogik
holatlarini aniqlash va ob’ektiv baholay olish: yuksak pedagogik
texnologiyalaridan foydalana olish va h.z.
Sinfdan tashqari mashg’ulotlarning 3 shakli: guruh bo’lib ishlash, yalpi
ishlash va yakkama-yakka bo’lib ishlash shakllaridan foydalanish.
Guruh bo’lib ishlash shakli kimyo to’garagi, o’rta maktabda
o’tkaziladigan sinfdan tashqari mashg’ulotning asosiy shaklidir. Faqat bir
sinf o’quvchilaridan iborat to’garak eng samarali ishlaydi. Yalpi mashg’ulot:
kino ko’rsatish , kimyo kechasi , kimyoviy ekskursiyalar , ijodiy konferensiya
, olimpiada va hokazo.
Yakkama-yakka ayrim bolalar uchun olib boriladi.
Sinfdan tashqari kimyodan ishlashning shakl va turlari
61
Sinfdan tashqari kimyodan ishlash
shakllari
Sinfdan tashqari ishlarning turlari.
Yakka Adabiyot bilan ishlash, ma’ruzalar,
referatlar yozish, kichik ilmiy
izlanish, kimyo kabinetini
jihozlash;
Guruh Kimyoviy to’garak, devoriy
ro’znomalar chiqarish, stendlar
tayyorlash.
Umumiy Kimyoviy kecha, olimpiada,
kimyoviy haftalik, viktorina, kimyo
soati, konferensiya, ekskursiya,
kimyoviy jamiyat.
O’quvchilar ekskursiyalarga juda qiziqadilar. Ma’lumki, o’quvchilarni
maktab matbuoti bilan tarbiyalash DTM larning muhim yo’nalishidir. U maktab
gazetalari mazmuni va o’quvchilarni gazeta chiqarish jarayonida muharrir,
redkollegiya sifatida faol qatnashish ta’siri ostida amalga oshiriladi. O’quvchilar
a mustaqil gazeta chiqarishlari uchun, ularni mavzu va grafik redaktorlari bilan
ishlashga o’rgatish kerak.
Kecha va konkurslar o’quvchilar uchun muhim ahamiyatga ega. Ular
o’quvchilarni ishlashga bo’lgan qiziqishlarini yanada shakllantiradi. Kecha
dasturi turli bo’lishi, hamda fan bilan bog’liq bo’lishi kerak.
O’quvchilarda har xil konkurslarga qiziqish uyg’otadi. Kimyo fani
bo’yicha konkurs sifatida "Nima? Qayerda? Qachon?", "Mo’jizalar maydoni"
o’yini musobaqasi" konkurslarini taklif etish mumkin.
Kimyo fani bo’yicha olimpiada boshqa fanlar kabi faqat darslardan
tashqari tadbirlar butun kompleksning oxirgi etapi bo’lsa, uning foydasi bor.
Agar olimpiada o’tilgan mavzularini qaytarmasa, ular o’quvchilarni
qiziqtirolmaydi. Olimpiada butun yil yakuni bo’lib qolmay o’tilganlarni
rivojlantirishga yaxshi imkoniyat yaratadi. O’z oldiga kimyo fani bo’yicha
olimpiadaga qatnashish maqsadini qo’yib, o’quvchi kimyo fani bo’yicha
olimpiada masalalarini yechishga to’garakka katta xoxish bilan boradi.
Olimpiadaning tarbiyaviy vazifalari ham bor: uyushqoqlikka,
intizomlilikka, irodani muvstahkamlashga va alohida o’quv jarayonida o’zini
tekshirishga o’rgatadi.
Kimyo fani bo’yicha olimpiada paydo bo’lgandan beri 2 turda o’tkaziladi.:
nazariy va amaliy. Nazariy va hisobli masalalarni yechadilar. Birinchi turning eng
yaxshi qatnashchilari, masala yechganlari, natija oladilar. Amaliy turda
o’quvchilardan anorganik, analitik va organik kimyo fanlaridan tajriba
o’tkazishadi.
Nazorat savollari
1. Kimyo fani bo’yicha sinfdan tashqari ishning funksiya va vazifalari
qanday?
62
2. Kimyo fani bo’yicha sinfdan tashqari ishlarni tashkillashtirish prinsiplari
qanday? Misol keltiring.
3. Kimyo fani bo’yicha sinfdan tashqari ishlarning sizga qanday shakllari
ma’lum. Ularni ta’riflang.
4. Qanday qilib kimyo fani bo’yicha olimpiadalar tashkillashtirish mumkin.
5. Sinfdan tashqari ishlarning biridagi dasturini misol bilan keltiring.
23-ma’ruza
Mavzu: Kimyo ta’limida dastlabki kimyoviy tushunchalarni
shakllantirishning nazariy asoslari
Ma’ruza rejasi:
1. Kimyo ta`limini eng muhim uch funksiya asosida o`rganish.
2. Kimyo kursida atom - molekulyar ta`limotini o`rganish.
3. Mavzu mazmunining tahlili
4. Dastlabki kimyoviy tushunchalarning mazmuni
5. Mavzuning o’rganishning metod va manbalari
Kimyo o`qitish nazariyasi va metodikasida maktab kimyo kursi mazmunini
uchta funksiya: ta`limiy, tarbiyaviy, rivojlantiruvchi holatlarda o`rganish eng
muhim bosh masala bo`lib hisoblanadi. Maktab kimyo kursi shunday tuzulganki,
uning har bir bosqichining o`z nazariy konsepsiyasi mavjud.
Bu konsepsiyaning bosh vazifasi: eng muhim kimyoviy tushunchalar,
element haqidagi bilimlar, modda, kimyoviy reaksiyalari, kimyoviy ishlab
chiqarish, o`quvchilarni element xossalarini bashorat qilishiga o`rgatish kabi
bilimlarni shakllantirish, boyitish, nazariy jihatdan rivojlantirishdan iborat.
Kimyo o`qitishning aniq masalalarini ko`rib chiqishda quyidagicha ketma -
ketlikka asoslanamiz. Avvalo har bir nazariy konsepsiyani o`rganishning
metodikasini ko`rib chiqamiz.
Keyin, eng muhim kimyoviy tushunchalarni shakllantirish, rivojlantirish,
faoliyatga tadbiq etish, ular orasidagi nazariy bog`lanishlar tizimiga kiritishdan
iborat.
Maktab kimyo kursida atom - molekulyar ta`limot, dastlabki kimyoviy
tushunchalar mavzusida o`rganiladi.
Maktab kimyo kursining boshlang`ich tushunchalari, kirish qismi aynan
shu mavzu bilan boshlanadi. Bu mavzudagi tushuncha qoida, qonun, nazariya
faktlari - tayanch bilimlar deb atalib kimyo kursining kelgusi boshqichlarida shu
belgilarga asoslanadi. Dastlabki kimyoviy tushunchalar mavzusini o`rganishning
maqsadlari quyidagilar:
Ta`limiy maqsad: Modda haqida, kimyoviy elementlar, kimyoviy
reaksiyalar haqidagi tushunchalarni shakllantirish. Atom - molekulyar
ta`limotining asosiy qoidalarini ongli holatda egallash. Tarkibining doimiyligi
qonuni, modda massasining saqlanish qonuni, mohiyatini o`rganish va ularni
qo`llashga erishish;
63
Oddiy kimyoviy asbob- uskunalar va tajribalarni amalga oshirish kimyoviy
tajribalarni bajarishda texnika xavfsizligi qoidalariga amal qilishni o`rganish.
Tarbiyaviy maqsad: Fizika, biologiya, tabiatshunoslik kabi fanlar bilan
aloqadorlikni ta`minlash orqali dialektik - materialistik ishonchini shakllantirish; atom
molekulalarning realligi va olamning materiyadan jihatidan birligini shakllantirish;
Ilmiy kashfiyotlarning ochilishi qiyinligini ko`rsatish bilan mehnatsevarlikni
tarbiyalash, O`zbekiston kimyogar olimlari kashfiyotlari orqali vatanparvarlik
tarbiyasini berish. Kimyo faniga qiziqishni shakllantirish.
Rivojlantiruvchi maqsadi: Kimyoviy tushunchalar mohiyatini anglab olishda
dastlabki kimyoviy tushunchalar mavzusi juda katta rol o`ynaydi. O`quvchining
dunyoqarashini shakllantiradi.
1. Mavzu mohiyatini qo`llash orqali o`quvchilarda fikrlash usullari,
chog`ishtirish, analiz va sintez qilish kabi tafakkuriy qirralarini
takomillashtirish.
2. Kimyo fani metodlari bilan tanishish orqali o`quvchilar kuzatish, xulosa
chiqarish, muhokama qilish kabi ko`nikmalarga ega bo`ladilar.
3. Atom va molekula haqidagi tushunchalar, kimyoviy simvolika haqidagi
bilimlar orqali o`quvchilarda abstrakt tafakkur rivojlanadi.
4. Normal bo`lmagan bilimlarning shakllanishi va rivojlanishini ta`minlash.
Mavzu mazmunining tahlili. Har bir kimyoviy nazariya o`zida o`zaro
bog`langan tushunchalarning murakkab tizimdan iborat.
Ettinchi sinf kimyo kursining birinchi nazariy mavzusi dastlabki kimyoviy
tushunchalar bo`lib hisoblanadi. Unga atom molekulyar nazariya mohiyatining
nazariy konsepsiyasi bayon etiladi. Bu mavzuning nazariy konsepsiyasini
o`quvchiga birdaniga berish mumkin emas. Avvalo tushunchalar mohiyati
shakllantiriladi. Keyin esa nazariy konsepsiya beriladi. Dastlabki kimyoviy
tushunchalar tuzilishi va mazmuni o`zaro bog`langan bo`lib, ular o`z ichiga
quyidagi tushunchalarni oladi.
“Atom molekulyar ta`limot nuqtai nazaridan kimyoning asosiy
tushunchalari va qonunlari” bo’limida Italiya olimi Avogadro (1776-1856)
qonunini o’rganish nazarda tutilgan. Bu bo’lim quyidagilarni o’z ichiga oladi:
1. Avogadro qonuni.
2. 1 gramm – molekula gazning hajmi.
3. Gazlarning molekulyar og’irligini topish.
4. Molekulyar formula chiqarish
5. Formulalar orqali reaksiya tenglamasini yozish.
Avogadro gazlarning xususiyatiga qarab bir xil sharoitda bir xil hajmdagi
har xil gazning molekulyar soni teng bo’ladi.
Bir gramm - molekula gazning hajmi deb, moddaning molekula
og’irligiga son jihatidan teng qilib, gramm hisobida olingan miqdoriga
aytiladi.
1 gramm - molekula gazning og’irligini normal sharoitda shu gazning 1 litr
og’irligiga bo’linadi. Masalan:
O2 uchun = l4,225285,1
32
64
CO2 uchun = l4,229770,1
44
Dastlabki kimyoviy tushunchalarning mazmuni
1). a). Kimyoviy element tushunchasi;
b). sifat tavsifi-atom;
v). miqdor tavsifi - nisbiy atom massa, valentlik;
g). simvoli - kimyoviy belgisi.
2). a). Modda tushunchasi;
b). sifat tavsifi - molekula oddiy modda, murakkab modda; oddiy va murakkab
moddalar aralashmasi,
v). miqdoriy tavsifi, nisbiy molekulyar massa, moddada elementning massa
miqdori;
g). simvoli - kimyoviy formula.
3). a). Kimyoviy reaksiya tushunchasi;
b). sifat tavsifi: fizikaviy va kimyoviy hodisalar. Kimyoviy reaksiyalar
borishining shart - sharoitlari va belgilari. Kimyoviy reaksiya tiplari;
v). miqdor tavsifi: kimyoviy reaksiyalarda moddaning massa nisbati;
g). simvolli - kimyoviy tenglamalar.
Kimyoviy simvollikani o`rganishda quyidagi ketma - ketlikda boradigan
bosqichlarga e`tibor berish kerak:
1. Kimyoviy belgining mohiyatini anglash;
2. Kimyoviy formulani mohiyatini o`zlashtirish;
3. Kimyoviy tenglamalarning mohiyatini o`zlashtirib olish;
4. Qoldirilgan koeffisentlarni tanlash va tenglamani tekshirib ko`rish.
5. Aniq formulalar misolida dastlabki modda va reaksiya natijasida hosil bo`lgan
modda aniq bo`lgan holatda kimyoviy tenglamalarni mustaqil tuzish.
6. Kimyoviy valentlikdan foydalanib formula va tenglamalar tuzush,
o`quvchilarning kimyoviy belgilarni egallab olishlarida bu tizim didaktik
jihatdan maqsadga muofiqdir.
Mavzuni o`rganishning metod va manbalari: Mavzuni o`rganishning metod
va manbalari mavzuning maqsadi va mazmunidan kelib chiqadi. Metodni
shunday tanlash kerakki o`quvchi mavzu mazmunini o`rganib olishi bilan birga
tarbiyalansin va rivojlansin. Buning uchun kimyoning dastlabki darslaridan
boshlab muammoli o`qitishga e`tibor qaratmoq lozim.
Mavzuning mohiyatini o`rganishda o`quvchilarda jonli mushohada qilishni
o`rgatishga imkon yaratish, shakllantirish uchun ko`rgazma, demonstrasion
eksperiment kabilaridan keng foydalanish.
Kimyo darsidagi og`zaki, ko`rgazmali ommaviy metodlarni keng qo`llash
ularda politexnik ta`limni amalga oshiradi.
65
O`quvchilarning mustaqil ishini tashkil etish natijasida ko`nikma va
malakalar shakllantiradi.
VII sinfda abstrakt tushunchalarining shakllanishi uchun modellar,
aplekasiyalar, kimyoviy belgi va sxemalardan keng foydalaniladi.
Ikki elementdan hosil bo`lgan modda formulasini tuzishda quyidagilarga
e`tibor berish:
1. Ikki element belgilarini yonma - yon yozish.
2. Element belgilari ustiga tegishli valentligini yozish.
3. Ular uchun umumiy bo`lgan valentlik sonini aniqlash.
4. Aniqlangan sonni har qaysi sonni valentiga bo`lish indeksni topish.
5. Topilgan indekslarni element belgisining ung tomon pastki qismiga yozib
chiqish.
6. Umumta`lim maktab kimyo kursida D.I.Mendeleevning kimyoviy elementlar
davriy qonuni va davriy sistemasini o`rganish.
Bu mavzuni o`rganishda uchta eng muhim aspekt: ta`limiy, tarbiyaviy,
rivojlantiruvchi holatlarning birligiga qarab chiqish katta samara beradi.
Nazorat savollari
1. Umumta`lim maktabi uchun Davlat ta`lim standartlari asosida: a). VII sinf,
b). VIII sinf, v). IX sinf uchun tayanch bilimlar tizimini ishlab chiqing.
2. Moddalarning ishlatilishiga asos bo`lgan xossalarini VII, VIII, IX sinf
materiallari asosida mavzular ketma - ketligida ishlab chiqish.
3. Kimyoviy element tushunchasining VII - VIII - IX sinf materiallarida
rivojlanish dinamikani ishlab chiqing.
4. Maktab kimyo kursining nazariy asosini tashkil etuvchi konsepsiyalarning
mohiyati nimadan iborat?
5. Kimyoviy tushunchalar necha bosqichdan iborat?
Tayanch iboralar:
Konsepsiyaning bosh vazifasi: eng muhim kimyoviy tushunchalar, element
haqidagi bilimlar, modda, kimyoviy reaksiyalari, kimyoviy ishlab chiqarish,
o`quvchilarni element xossalarini bashorat qilishiga o`rgatish kabi bilimlarni
shakllantirish, boyitish, nazariy jihatdan rivojlantirishdan iborat.
Analogiya- o’xshash
Aspekt- yo’nalish
24 - ma’ruza
Mavzu: Umumta`lim maktablari anorganik kimyo kursida
moddaning tuzilishini o’rganish. Moddaning tuzilishining o`rganishning
maqsad va ahamiyati.
Ma’ruza rejasi:
1. Moddaning tuzilishi haqidagi tushunchalar tizimi
2. Moddaning tuzilishi haqidagi tushunchalarni rivojlantirish
3. Moddaning tuzulish nazariyasini samarali o`rganish sharoitlari.
66
O’rganiladigan asosiy tushunchalar: Moddaning tuzilishi - modda
haqidagi tushunchalar, moddaning tuzilishi haqidagi tushunchalar tizimi: atom
tuzilishi haqidagi tushuncha, yadro tarkibi, izotoplar, atomda elektronlar
holati: s va p elektron bulutlarning gibridlanishi, elektron qobiqlar.
Moddaning tuzilishi bilan bog`liq bo`lgan muammolar hozirgi zamon
kimyosining diqqat markazida turadi. Maktab kimyo kursini shu muammolardan
tashqarida o`rganib bo`lmaydi. Kimyoviy elementlar xossalari, kimyoviy
jarayonlar barchasi moddaning tuzilishi asosida tahlil etiladi.
Moddaning tuzilishi - modda haqidagi tushunchalar, tuzilishlar, bilimlar
majmui bo`lib hozirgi vaqtda katta rivojlanish bilan birga - yalpi nazariyaga
aylanadi. Bu mavzuni o`rganish o`quvchilar oldiga aniq maqsad qo`yadi.
Uning ta`limiy maqsadi - o`quvchilar atom murakkab sistema, kimyoviy
bog`lanish turlarining eletron mohiyati kristall panjaralar tipi kabilarning mohiyat
mazmunini o`rganishlari lozim.
Mavzuning tarbiyaviy ahamiyati - shundan iboratki elementlar va moddalar
tabiatda bir xil mohiyat kasb etib o`quvchilar dialektik - materialistik qarashlari
haqidagi tushunchalarini shakllantiradi.
Davriylik nazariyasi o`quvchilarda moddlar tuzilishining ichki qonuniyatlari
haqidagi bilimlar rivojlanishiga olib keladi.
Moddaning tuzilishi haqidagi bilimlarni o`rganish o`quvchilar tafakkurini
rivojlantiradi. Rivojlantiruvchi ta`lim funksiyasi amalga oshadi. Mohir
pedagoglarning tajribalarini to`plab, umumlashtirib o`rganish, ko`p yillik shaxsiy
tajribalar asosida o`quvchilar tayanch bilimlarni shakllantirish va rivojlantirish
yo`llariga oid muayyan xulosalar vujudga keladi. Bu xulosalarning negizi
o`quvchilarni kimyo faniga bo’lgan qiziqishlari, ularning moddiy olamni bilib
borish singari oddiydan murakkabga qarab borishni tashkil etadi.
Dastlabki kimyoviy tushunchalarni o`rganishga maktab dasturida 24 soat
vaqt ajratilgan. O`quvchi tegishli mavzularni o`rganish jarayonida kimyoviy
elementlar, qonunlar, tushunchalar haqida ilk ma`lumot oladi va ularda kimyo
faniga qiziqish uyg`onib, kimyoviy reaktivlar bilan munosabatda bo`lish malakasi
hosil bo`ladi.
Biz quyidagi tajribaga tayangan holda, o`quvchilarni asta - sekin davriy
qonun va moddalarni tuzilishini o`rganishga tayyorlash uchun o`qituvchi dars
davomida nimalarni amalga oshirsa, qanday maqsad va vazifalarni ruyobga
chiqarsa ijobiy natijaga erishishi xususida to`xtalamiz.
1. kimyoning predmeti moddalar mavzusida:
a) darsning ta`limiy maqsadi - o`quvchilarga kimyoning predmeti, uning
qamrab olgan sohalari, moddaning eng muhim fizik xossalari, moddalarning bir -
biridan farqi kimyo fani nimani o`rganishi, uning vazifalari, ahamiyati va
boshqalar haqida ma`lumot berish:
b) darsning tarbiyaviy maqsadi - o`quvchilarning shu fanga qiziqtira bilish,
ularda moddalarning fizik xossalari asosida bir - biridan ajrata olish malakalarini
hosil qilish;
v) darsning rivojlantiruvchi maqsadlari - o`quvchilarning ilgari olgan
bilimlarini tartibga solish, ularda moddiy borliq haqida bir moddani boshqa
67
moddaga aylantirish haqida, kimyoning xalq xo`jaligidagi ahamiyati haqida aniq
tasavvurlar hosil qilish.
2. Toza moddalar va aralashmalar mavzusida;
a) darsning ta`limiy maqsadi - toza moddalar va aralashmalar haqida, bir
jinsli har xil jinsli moddalar, moddalarni aralashmalardan tozalash usullari haqida
tushunchalarni o`quvchi ongiga singdirish:
b) o`quvchilarda moddalarni va tabiatni toza saqlash, aralashmalarni bir -
biridan ajrata bilish ko`nikmalarini hosil qilish:
v) o`quvchilarda toza va aralashma moddalar haqida tushunchalarni
rivojlantirish.
3. Fizikaviy va kimyoviy hodisalar, kimyoviy reaksiyalar mavzusida:
a) o`quvchilarda fizikaviy, kimyoviy hodisalar, kimyoviy reaksiyalarning
belgilari va ularning sodir bo`lish shart - sharoitlari, fizikaviy va kimyoviy
hodisalarning ahamiyati, tirik organizmda sodir bo`ladigan jarayonning mohiyati
haqida tasavvur uyg`otish;
b) o`quvchilarda fizikaviy kimyoviy o`zgarishlar, hodisalar reaksiyalarining
sodir bo`lish shart - sharoitlari haqida tushuncha hosil qilib, shu asosida ularni
hayotiy faoliyatga tayyorlash.
v) o`quvchilarning fizikaviy, kimyoviy hodisalar, olgan bilimlarini amaliy
faoliyatga qo`llash ko`nikmalarini rivojlantirish.
Modda haqidagi tushunchalar tuzilishi va tizimi. Maktab kimyo kursining asosiy
vazifasi davriy qonun mohiyatini moddaning tuzilish nazariyasi asosida
o`quvchilarga o`rgatishdan iborat. Moddaning tuzilish nazariyasi butun kimyo
kursi orqali o`tib o`quvchilar bilimini va tafakkurini rivojlantiradi. Natijada
o`quvchida moddaning tuzilishi bilan uning xossalari orasidagi bog`liqlik
tasavvuri yuzaga chiqadi. Bu mavzu mohiyatini o`rganish o`quvchilarda ma`lum
qiyinchiliklar paydo qiladi. Moddaning xossalari uning ichki tuzilishi bilan
bevosita bog`liq. Moddaning tuzilishi haqidagi tushunchalar tizimi o`z ichiga
quyidagilarni oladi:
1) atom tuzilishi haqidagi tushuncha
-yadro tarkibi, izotoplar
-atomda elektronlar holati: s va p elektron bulutlarning gibridlanishi, elektron
qobiqlar, dastlabki 4 davrda elektron qobiqlari to`la bo’lishi.
2) Kimyoviy bog` va ular turlari haqida tushuncha
- kovalent (qutbli, qutbsiz), ion, vodorod, metall bog`lar.
3) Kristall panjaralar haqida tushuncha:
-atom, molekulyar, ionli, metall panjaralar.
Moddaning tuzilishi haqidagi tushunchalarni rivojlantirish. Modda molekula
haqidagi dastlabki ma`lumotlarini o`quvchilar atom - molekulyar ta`limoti
mavzusini o`rganishda oladilar. Bu tushuncha mavzudan- mavzuga va sinfdan -
sinfga o`tgan sayin kengayib chuqurlashib boradi.
Atom haqidagi bilimlari - uning ichki tuzilishini, molekula haqidagi bilimlar
kimyoviy bog`lanishlarni o`rganish jarayonida yanada chuqurlashadi.
Modda haqidagi bilimlar kristall panjaralar tiplari haqidagi bilimlarni
o`rganish jarayonida yanada kengayadi. Moddaning tuzilishi haqidagi bilimlar
68
elektrolitik dissosiasiya nazariyasi va organik moddalarining tuzilishi
nazariyalarini o`rganishda yanada rivojlanadi.
Moddaning tuzulish nazariyasini samarali o`rganish sharoitlari. Ta`lim
jarayonning har bir bosqichida moddaning tuzulishi haqidagi g`oyalar modda va
uning xossalarini o`rganishga asos bo`ladi. O`quvchilarda qiyinchiliklarni bartaraf
etish maqsadida mavzuni o`rgatishda ketma - ketlik, fanlararo aloqadorlik,
tayanch bilimlarga tayanish predmetning ichki aloqadorligini ta`minlash samara
beradi.
Muammoli ta`lim o`quvchilarga faol fikrlashni o`stiradi. Ayniqsa bu holat
ham tuzulishi va xossalari, kristall panjaralar tipining xossalarga bog`liqligida
yaqqol namoyon bo`ladi.
Moddaning tuzulishi haqidagi tayanch bilimlar kimyoning sistematik
kursini o`rganish jarayonida qo`llanish orqali yanada rivojlanadi va chuqurlashadi.
Tekshiruv savollari:
1. Modda deb nimaga aytiladi? Misollar keltiring.
2. Moddalarning fizikaviy va kimyoviy xossalariga misollar keltiring.
3. Moddaning tuzilishi haqidagi tushunchalarni rivojlantirish deganda nimani
tushunasiz?
4. Moddaning tuzulish nazariyasini samarali o`rganish sharoitlarini ayting.
25 -26 - ma’ruza
Mavzu: O’rta maktabda D.I.Mendeleevning kimyoviy elementlar davriy
qonuni va davriy sistemasi, davriy tizimi hamda atom tuzilishini o’rganish.
Ma’ruza rejasi:
1. Mavzuni ta`limiy aspekti
2. Mavzuning tarbiyaviy aspekti
3. Mavzuni o`rganishning metod va manbalari
4. D.I.Mendeleev elementlar davriy qonuni va davriy sistemasi mavzusini
o`rganishdagi tayanch bilimlar tizimi.
O’rganiladigan asosiy tushunchalar: D.I.Mendeleev elementlar davriy
qonuni va davriy sistemasi mavzusini o`rganishdagi Tayanch bilimlarga tizimi,
davrlar, qatorlar, guruhlar, metallar va metalmaslar,
D.I.Mendeleev davriy qonuni va davriy sistemasi tabiatining eng muhim
qonuni bo`lishi bilan birga - kimyo fanini o`rganishning eng muhim metodik asosi
hamdir.
Davriy qonunning kashf etilishi katta ilmiy jasorat bo`lishi bilan birga,
qator eng muhim metodologik va metodik muammolarning yechimini beradi.
Davriy qonun asosida kimyo fanining sistematik kursi tuzildi. Bu tizimda
D.I.Mendeleevning "Kimyo asoslari" darsligida o`z ifodasini topdi. Hozirgi
sharoitda barcha kimyo kursi darsliklari davriy qonun asosida tuzilgan.
Umumta`lim maktabi anorganik kimyo kursining nazariy asosini
D.I.Mendeleev davriy qonuni va davriy sistemasi tashkil qiladi.
69
Shu sababli anorganik kimyo kursini o`rganishni uch bosqichga bo`lamiz.
Birinchi bosqich - o`quvchilarni D.I.Mendeleev elementlar davriy qonuni
va davriy sistemasini o`rganishga tayyorlash.
Ikkinchi bosqich - D.I.Mendeleev elementlar davriy qonuni va davriy
sistemasi hamda atom tuzilishi nazariyasini o`rganish .
Uchinchi bosqich - anorganik kimyo kursining sistematik kursini yoki
elementlar va ular birikmalari xossalarini D.I.Mendeleev elementlar davriy qonuni
va davriy sistemasi hamda atom tuzilishi nuqtai - nazaridan o`rganish.
Davriy qonun va davriy sistema mavzusidagi tushunchalar mohiyati
mazmuni o`zaro bog`langan ma`lumotlar asosida ochib beriladi. Ular, kimyoviy
elementlar va moddalar xossalarining davriy o`zgarishini, elementlar atom
og`irligi ortishi, elementlar atom tuzulishi bilan bog`liqligi haqidagi ma`lumotlar.
Ana shu blok haqidagi ma`lumotlarning bog`lanish sabab va oqibatlarini ochib
berish. Oldingi va keyingi blok ma`lumotlar mavzuning o`rganishning bosh
ta`limy vazifasi bo`lib hisoblanadi.
Umumta`lim maktabi kimyo dasturida mavzu mazmuni tarixiy - logik
asosda tuzilgan. Avvalo D.I.Mendeleevning elementlar va ular xossalarining
atom massasiga bog`liqligini ochib bergani bayon etilsa, keyin esa ularning
sabablari elementlar atomlarining tuzilishi asosida tushuntirilgan.
Bu usulda yo`l tutish avvalo - o`quvchilarning tatqiqot faoliyatini
rag`barlantirsa ularni o`quv jarayonida faollashtirsa, ikkinchidan tarbiyaviy
aspektni kuchaytirib, D.I.Mendeleevning ilmiy jasoratini yechib beradi.
Mustahkam ko`nikmalar hosil qilish uchun o`quvchi mustaqil ish
jarayonida mashqlar bajaradi.
Mavzu mazmuni o`quvchilarni bashorat qilishga o`rgatadi. Davriy qonun
va davriy sistema, atom tuzilishi va nazariyasi asosida elementlar va ular
birikmalari xossalarini deduktiv metod orqali bashorat qilishi malakalariga ega
bo`ladi.
Mavzuning tarbiyaviy aspekti. D.I.Mendeleevning davriy qonun va
kimyoviy elementlar davriy sistemasi mavzusini o`rganish orqali o`quvchilar fan
va ishlab chiqarishning rivojlanishi, miqdor o`zgarishlarning sifat o`zgarishiga
o`tishi, elementlar atomlari ichki tuzilishi, kimyoviy o`zgarishlarning ichki
sabablarini tushinib yetadilar.
Bu tushunchalarning mohiyati dialektik - materialistik dunyoqarash
shakllanishiga olib keladi. D.I.Mendeleevning ijodiy faoliyatini o`rganish orqali
o’quvchilarda mehnat qilish, vatanparvarlik milliy g`ururi kabi hislatlari qaror
topadi.
Mavzuning rivojlantiruvchi funksiyasi: O`quvchilarda elementlar
xossalarining o`ziga xosligini ajrata bilish. Oddiy va murakkab moddalarning
kimyoviy xossalarini davriy qonun, atom tuzilishi, davriy sistemasi asosida
xarakterlash va bashorat qilish, kimyoviy bog`lanishlar turi orqali ularni tavsiflash
kabi ko`nikma malakalarni rivojlantirish, mavzuni o`rganishda tayanch bilimlarni
tadbiq qilish orqali o`quvchilarda fikrlash, tafakkur qirralari rivojlanadi. Bu
mavzu o`quvchilarda muammoli vaziyat vujudga keltirish, uning yechilishini
mavzu mohiyati orqali ochib berishni rivojlantiradi.
70
Mavzuni o`rganishning metod va manbalari. Davriy qonunni o`rganishda
muammoli ta`lim, muammoli metod qo`llanadi. Mavzuning rivojlantiruvchi
funksiyasini amalga oshirish uchun muammoli metod dominantlik vazifasini
bajarish kerak.
Birinchi davrda bunday sabab uchun elementlarni metall va nometallga
ajratish asosiy manba bo`lib, xizmat qiladi. Muammoli vaziyatlarni keltirish
uchun elementlar va ular birikmalari xossalarining davriy ravishda takrorlanishi
ikkinchi manba bo`ladi.
Davriy sistemada elementlar gruppalari ichida podgruppalar hosil bo`lishi
uchinchi holatda muammolar yaratishga sabab bo`ladi.
Muammoli vaziyatlar hosil qilishning to`rtinchi bosqichi davriylik
nazariyasini rivojlanishi perespektivi orqali amalga oshadi.
Muammoli vaziyatlar atomlarning elektron tuzilishi va xossalari ularning
o`zaro bog`liqligini aniqlashda o`quvchilarga beriladigan mustaqil ishlardan
namoyon bo`ladi.
Yana muammolarni har bir element haqida yozilgan ma`lumotli varaqalar,
ularni joylashtirish sabablarini ochib berishi bo`yicha beriladigan topshiriqlar
orqali amalga oshirish mumkin.
Mavzuni o`rganishda nazariy umumlashtirishlar chiqarish, eksperiment
diafilm D.I.Mendeleevning davriy qonuni degan kino filmlarni ko`rsatish orqali
o’quvchilar bilimini oshiradi.
D.I.Mendeelevning kimyoviy elementlar davriy qonuni va davriy sistemasi
hamda atomning tuzilishi mavzusi o`rta maktab noorganik kimyo kursining ilmiy
asosini tashkil etadi. Bu mavzular darslarda o`quvchilar kimyoviy elementlar
o`zaro davriy qonunda tasvirlanganidek, bog`liqligini, hamda elementlar
xossalarining, ularning birikmalar xossalari atom tuzilishidan davriy sistemaga
joylashgan o`rniga muvofiq ekanligini o`rganadilar. O`quvchilardan davriy qonun
va atom tuzilishi nazariyasi asosida elementlar ularning birikmalari xossalarini
oldindan ayta olishlik malakalari rivojlantiriladi.
O`quvchilar davriy qonun va atomlar tuzilishi haqidagi bilimlar asosida
keyingi o`rganiladigan kimyoviy elementlar guruhlari xossalarini, tuzilishlarini
oldindan ayta biladilar va shu asosida elementlar hamda ularning birikmalari
haqida umumiy xulosalar chiqara oladilar. D.I.Mendeleev elementlar davriy
qonuni va davriy sistemasi umumlashtiruvchi xarakterga ega. Uni o`rganishda
quyidagi Tayanch bilimlarga katta e`tibor beriladi.
1. Kimyoviy element haqida tushuncha. Kimyoviy elementning nisbiy atom
massasi, uning valentligi.
2. Oddiy va murakkab modda haqida tushuncha.
3. Kimyoviy elementning kislorodli birikmalari va uning valentligi haqida
tushuncha.
4. Kimyoviy elementning vodorodli birikmalari va uning valentligi haqida
tushuncha.
5. Metallar va nometallar xossalari haqidagi bilimlarni umumlashtirish.
6. Oksidlar haqida tushuncha (Asosli va kislotali).
7. Gidroksidlar haqida tushuncha.
71
8. Metallar, asosli oksidlar, asoslar, nometallar, kislotali oksidlar, kislotalar
orasidagi genetik bog`lanish haqida tushunchalar. Metallar - a). qattiq
(simobdan tashqari); b). metal yaltirog`i bor; v). issiqlik va elektr tokini
yaxshi o`tkazadi; g). bolg`alanadi.
Metallmaslar - a). qattiq, (brom suyuq), gazsimon; b). metall yaltirog`i yo`q; v). izolyatorlar; g). mo’rt.
Amfoter elementlar - (grekcha "amfoteros" - "ikkalasi" degan so`zidan ikki xil
birikma namoyon qiladigan kimyoviy elementlar rux, berilliy, alyuminiy, xrom,
qo`rg`oshin). Bu elementlar tarkibiga kirgan oksidlar, gidroksidlar ikki xil
xossaga, ya`ni kislotali va asosli xossalarga ega. Amfoter oksid, gidroksidlarga
muofiq keladigan kimyoviy elementlardir. Ularni xossalari jihatidan tipik
metallarga ham tipik metalmaslarga ham kiritib bo`lmaydi.
Davriy qonun - (D.I.Mendeleevning ta`rifi) - oddiy jismlarning xossalari,
shuningdek elementlar birikmalarining shakl va xossalari elementlar atom
og`irliklarining qiymatiga davriy ravishda bog`liq bo`ladi. Hatto atom
tuzilishi haqidagi kashfiyot asosida davriy qonun quyidagicha ta`riflanadi:
Kimyoviy elementlarning va ular hosil qiladigan oddiy hamda
murakkab moddalarning xossalari shu elementlar atom yadrolarining
zaryadlari qiymati bilan davriy bog`lanishda bo`ladi.
Davrlar - elementlarning xossalari asta - sekin o`zgarib boradigan gorizantal
elementlar qatorlarini (masalan, letiydan neongacha) D.I.Mendeleev davrlar deb
atagan .
Davriylarda 1,2,3 - davrlar kichik davrlar. Keyingi davrlar katta davrlar 4 va 5
darvlarda o`n sakkiztadan, 6 - davrda o`ttiz ikkita element bor. 7 - davr
(tuganlanmagan) davrdir. Hozirgi kunga qadar kimyoviy elementlarning 112
ta soni ma`lum
Shuning uchun ham o`quvchilarga tavsif qilinishlar haqida ma`lumot berish
foydalidir. O`quvchilarga kimyoviy elementlarni tavsif qilish zarurati, bu yo`ldagi
dastlabki urinishlar dastlabki elemetlarni metallar va metallmaslarga bo`lishdagi
xatoliklar haqidagi tushuncha berish shuningdek amfoter xossaga ega bo`lgan
moddalar bilan tanishtirish ularda kimyo fani uning tarixi haqidagi tasavvurlarning
boyishiga olib keladi.
O`quvchilardagi tayanch bilimlar asosida metallar va metallmaslar
xossalaridagi farqni payqash ularning birikmalari formulalarini yoza bilish
malakalari shakllantiriladi.
Darsning boshlanishida o`qituvchi diqqatini quyidagilarga qaratadi: a)
dastlab D.I.Mendeleev shunday degan, (kimyodagi nazariy ma`lumotlarga
qaraganda butun quruqlik elementlaridan tashkil topgan. Ularning asosiy o`xshash
va farq qiluvchi xossalarini aniqlash lozim, keyin shu xossalar asosida ular hosil
qilishi lozim bo`lgan moddalarning xossalarini ayta bilish mumkin.
Bu kimyoviy elementlarning asosiy sifatlarini o`rganishga bosh yo`ldir.
O`tgan asrning 70 - yillariga kelib 60 dan ortiq kimyoviy elementlar ma`lum edi.
Boshqa fanlardagi kabi kimyoda ham ma`lumotlar yig`ila boshladi.
Elementlar metallar va metallmaslarga bo`lingan. Bu o`rinda o`qituvchi
tipik metallar va tipik metallmaslar o’rtasidagi farqlarni so`raydi va unga aniqlik
kiritadi.
72
Tipik metallar oksidi suv bilan birikib asos hosil qiladi. Masalan,
oltingurgut oksidi suv bilan birikib kislota hosil qiladi.
O`qituvchi ikki xil xossaga ega bo`lgan moddalar ham borligi haqida
tushuncha beradi. Ularniing gidroksid kuchli kislotalar bilan birikkanda asos
bo`lib reaksiyaga kirishadi. Masalan, kalsiy gidrokidi
Amfoter gidroksidlar kuchli asos bilan birikkanda kislota vazifasini
bajaradi. Keyin, o`qituvchi sxema asosida metallar va metallmaslarning
xossalarini yuqorida keltirilgan asoslar bo`yicha chog`ishtirib chiqadi. Keyin
amfoterlik hodisasini tushuntirib, xossalarni qiyoslab, ularni tipik metallar yoki
tipik metallmaslarga kirib bo`lmaydi degan xulosaga keladi.
O`xshash elementlar guruhlari haqida tushuncha berishda: a) o`quvchilarni
kimyoviy elementlarning tabiiy oilasi bilan ularning kimyoviy xossalarini inert
gazlar va ishqoriy metallar misolida tanishtiriladi. Ishqoriy metallar tipik
metallarning tabiiy oilasi sifatida ularning atom massalari ortishi bilan kimyoviy
va fizikaviy xossalaridagi o`xshashliklarning o`zgarib borishi ko`rsatiladi. Shu
o’rinda bu hodisa falsafaning eng muhim qonunlaridan birining to`g`riligini yaqqol
isbotlashi xususida ham ma`lumot berilsa, o`quvchilarda ilmiy dunyoqarashning
oshishiga turtki bo`ladi.
O`tgan darsda o`quvchilar egallagan bilimlar haqida, o`qituvchi hozirgi
mavzu mazmunini bayon etishda qo`shimcha ravishda nimalarga e`tibor berishni
belgilab oladi.
Keyin xlor vodorod bilan birikib, vodorod xlorid birikmasini hosil qilishi,
shunga o`xshash ftor, brom, yod ham vodorod bilan bir valentli birikmalar hosil
qilishi jadval yordamida batafsil tushuntiriladi. Jadvalda litiy, berilliy, bor,
uglirod, azot, kislorod, ftor, nion, ikkinchi qatorda natriy, magniy, alyuminiy,
kremniy, fosfor, oltingugurt, xlor, argon elementlarining yuqori kislorodli
birikmalari valentligi, yuqori vodorodli birikmalaridagi valentligi, yuqori
oksidlari formulasi, asoslari, vodorod bilan hosil qilgan birikmalari tushuntiriladi.
D.I.Mendeleev davriy qonuni darsida: a) o`quvchilarning davriy qonunining kashf
etilishi tarixi va mazmuni bilan tanishtirish. Davriy qonunga elementlar atom
massalari bilan kimyoviy xossalri uzviyligi asos qilib olinganligini aniq dalillar
misolida ochib berish. Davriy qonun va davirlar haqida ma`lumot berish,
o`quvchilardan ishonchli tushunchalar hosil qilish.
b), v) o`quvchilarda elementlar va ularning birikmalari ma`lum tizimga
kiritib o`rganish mumkinligi haqidagi bilimini rivojlantirish.
O`qituvchi darsni suhbatdan boshlaydi. Nima sababdan elementlarni
sistemaga solish yo`llaridagi oldingi harakatlar muvaffaqiyatsiz chiqdi? Bir oila
elementlari xossalarining o`zgarishidan qanday umumiy qonuniyat mavjud?
O`qituvchi o`quvchilar diqqatini quyidagilarga qaratadi: a). davriy qonun
kashf etilishi arafasida 63 ta element ma`lum edi; b). elementlar atom massalari
aniqlanishi ustida fikr yuritiladi; v). o`quvchilarga o`zlari tayyorlab kelgan
kartochkalarni partada elementlarning atom og`irliklari ortib borishi tartibida
quyib chiqish topshiriqlari va jadvallardan foydalanib quyidagilarni tushuntiradi:
1). Litiydan ftorgacha bo`lgan qatorda atom og`irliklari ortib borishi bilan
elementlarda metallik xossasi zaiflashib, metallmaslik xossasi kuchayib boradi.
Ftordan keyin inert gaz keladi va kimyoviy xossalarda katta sakrash ro`y beradi.
73
2). Atom og`irliklari ortib borishi tartibida litiydan uglerodgacha kislorodli
birikmalardagi valentlik 4 dan 1gacha kamayib boradi.
3). Natriy elementidan boshlab, elementlar xossalarini takrorlaydi masalan,
litiy xuddi natriy elementiga o`xshash kuchli metallik xossasini namoyon qiladi.
Magniy - berilliy, alyumeniy - borga, kremniy - uglerodga, fosfor -
mishyakka va hokazolar tarzida tushuntiriladi.
4). Kaliy (tartib raqami-19) tipik ishqoriy xossalaridan tipik metallmaslik
xossali galogen yo`nalishida xossalar asta - sekin o`zgara boshlaydi.
Bu qatorda 18 ta element joylashgan.
5). D.I.Mendeleev elementlarni atom massasi ortib borishi tartibida
joylashtirib, ularning xossalarida davriy o`zgarishni kuzatdi. Bu qonuniyat 1869
yilda DAVRIY QONUN sifatida ta`riflaydi, ya`ni oddiy moddalarning xossalari:
shuningdek, element birikmalarining shakl va xossalari elementlarning atom
og`irliklariga davriy ravishda bog`liqdir;
6). Shunday qilib, litiydan neongacha va natriydan argongacha atom
og`irliklari ortib borishi bilan ularning xossalari bir xilda o`zgarib boradi, ya`ni
a). metallik xossalari zaiflashadi; b). oksidlaridagi yuqori valentligi ortadi;
v). metallmaslik xossalari kuchayib boradi; g). vodorod bilan hosil qilgan
valentligi kamayib boradi;
7). elementlar atom og`iriliklarning ortib borishi bilan ularning kimyoviy
xossalari davriy ravishda o`zgaradi yoki muayyan elementlardan keyin navbatdagi
elementlarning xossalari asosan takrorlanadi.
D.I.Mendeleevning kimyoviy elementlar davriy sistemasi mavzusini
o`tishda,
a). O`quvchilar davriy sistema kimyoviy elementlarning tabiat qonuniga
asoslangan tizimi, davriy sistema kimyoviy elementlar davriy qonunining jadval
shaklidagi ifodasi ekanligini bilib olishga doir, asosiy guruh va qo`shimcha guruh
haqida tushunchalarga ega bo`lishi lozim;
b). Davriy sistema asosida o`quvchilar elementlar va ularning birikmalari
xossalarining bashorat qilish malakalarini shakllantiradi;
v). O`quvchilarda kimyoviy elementlar davriy sistemasida har bir element
va ularning birikmalari xossalari haqida xususiy xulosalar chiqara bilish
qobiliyatlarini rivojlantirish, ularda falsafiy umumlashmalar hosil qilish,
malakalarini hosil qilish kerak.
Yangi materiallarni o`qituvchi quyidagi reja asosida tushuntiradi:
1). Atom og`iriliklari ortib borishi tartibida elementlarning grafik tasviri
sistemasi va uning qo`llay bilishi uchun qisqa shaklga keltirish.
2). D.I.Mendeleev "Davr" deb ishqoriy metalldan boshlanib, inert gaz bilan
tugaydigan elementlar qatorini ataganligi haqida tushuncha berish, jumladan katta
va kichik davrlar haqida hamda har bir davrda joylashgan elementlar va ularning
soni haqida tushuncha berish.
3). Davriy sistemadagi gorizantal va vertikal qatorlar haqida so`zlash:
4). Davriy sistemadagi asosiy guruhlar, qo`shimcha guruhlarni izohlash;
5). Bir guruhga kiruvchi elementlarning kislorod birikmalaridagi yuqori
valentlik guruh raqamiga to`g`ri kelishi, asosiy guruhlarda nisbiy atom og`irligini
74
ortishi bilan yuqoridan pastga metallik xossasi kuchayib, metalmaslik xossasi
zaiflashib borishini tushuntirish.
D.I.Mendeleevning ilmiy jasorati misolida o`quvchilarda fan, texnika,
kasbga bo`lgan muhabbatni tarbiyalash, bilimga intilishni shakllantirish va
rivojlantirish bilan bog`liq pedagogik maqsadni amalga oshirish uchun mashg`ulot
seminar shaklida o`tkaziladi.
Seminar rejasi: 1. Kimyoviy elementlarni tavsiflash bo`yicha dastlabki
urinishlar. 2. D.I.Mendeleevni elementlarni tavsif qilishda tayangan asoslar.
3. Davriy qonunga D.I.Mendeleev bergan ta`rif va atom tuzilish nazariyasi
asosida yaratilgan ta`rif hamda ularning mohiyati birligi. 4. D.I.Mendeleev
elementlar davriy sistemasi. 6. Hali kashf qilinmagan kimyoviy elementlar
borligini D.I.Mendeleev nimaga asoslanib bashorat qiladi va xossalarni
ta`riflaydi?
7. Davriy sistema va atom tuzilish uzviyligi. D.I.Mendeleev ayrim elementlari
massasini to`g`ri hisoblaganligi. 8. Davriy qonunning hozirgi atom tuzilishi
nazariyasini yaratishdagi ahamiyati. 9. D.I.Mendeleev ilmiy bashoratini keyingi
rivojlanishi. 10. Davriy qonunning kimyoviy taraqqiyotidagi roli.
O`qituvchi mazkur rejaga o`z imkoniyatlarini hisobga olib o`zgartirishlar
kiritishi mumkin.
D.I.Mendeleevning hayotiga bag`ishlangan darsda: a). o`quvchilar
D.I.Mendeleev hayoti va ilmiy amaliy faoliyati bilan tanishtirish: b). o`quvchilar
adabiyotlardan foydalanib mustaqqil tarzda ma`ruza tayyorlash so`zga chiqish
malaka hosil qilish o`quvchilarni mustaqil faoliyat ko`rsatishi, ruhida
tarbiyalaydi.
Nazorat savollari:
1. D.I.Mendeleev elementlar davriy qonuni va davriy sistemasi mavzusini
o`rganishdagi Tayanch bilimlarga tizimi deganda ninmani tushinasiz?
2. Maktablarda, akademik lisey va kasb-hunar kollejlarida "Davriy qonun va
davriy sistema " mavzusi mohiyatini uslubiy tahlilini qiling.
3. Bu mavzuni o’rganish uchun nimani qaytarish zarur.
4. Bu mavzu bo’yicha tematik reja tuzing.
5. Bu mavzu bo’yicha reja konspekt yozing.
27-ma’ruza
Mavzu: Kimyo kursida kimyoviy bog’lanish moddalarning
tuzilish nazariyasini o’rganish.
Ma’ruza rejasi:
1. Kimyoviy bog’lanishning asosiy tavsiflari
2. Kovalent bog’lanish. Qutbli va qutbsiz kovalent bog’lanishlar
3. Molekulalararo ta’sir kuchlari
4. Ion va metall bog’lanish
75
O’rganiladigan asosiy tushuncha va qoidalar: Kimyoviy bog’lanish,
bog’lanish energiyasi, kovalent bog’lanish, qutbli va qutbsiz kovalent bog’lanish,
molekulalararo ta’sir kuchlari, ion va metall bog’lanish, vodorod bog’lanish.
Bu mavzular bir necha darslar mobaynida kichik mavzularga bo’lib o’rganiladi.
“Kimyoviy elementlarda elektrmanfiylik” mavzusida:
a). Kimyoviy elementlarda elektrmanfiylik hodisasining kuchliligi, elektron
berish, nometallik xossasining kuchliligi elektron qabul qilish bilan bog’liqligini
misollar yordamida o’quvchilarga singdirish;
b). O’quvchilarning metall va metalmas elementlar va ularning xossalari
haqidagi bilimlari tushunchalarini rivojlantirish.
O’qituvchi yangi materialni bayon etish haqida tuzilgan rejaga ko’ra darsda
quyidagilar to’g’risida batafsil ma`lumot beradi:
Kimyoviy bog’lanish xarakteri, element tabiatiga, ularning tuzilishi va
xossalariga bog’liq. Kimyoviy bog’lanish xususiyatlarining atomlarini
elektrmanfiylik deb ataluvchi xossasi belgilaydi.
Metallik xossalari o’ziga elektronlarni tez biriktirib oluvchi elementlar
atomida metallmaslik xossalari erkin namoyon bo’ladi. Xususan,
a). Elementlar davriy sistemasida davrning boshida joylashgan elementlar
atomi valent elektronlarini oson chiqaradi, Demak, ularda metallik xossasi yaqqol
namoyon bo’ladi;
b). Davrning o’rtasida joylashgan elementlar atomlari valent elektronlarini
qiyinchilik bilan beradi, demak, ularning oksid va gidroksidlari amfoter xossasiga
ega.
v). Davrning oxirida joylashgan elementlar atomlari elektronlarni tez qabul
qilib oladi, demak, bu elementlarda metallmaslik xossasi kuchli namoyon bo’ladi.
Kimyoviy element atomining o’z sirtqi qavatini tugallash uchun boshqa
atomlardan elektronlar tortib olish xossasi elektromanfiylik deb ataladi.
Elektrmanfiylikni ifodalash uchun litiyning elektrmanfiylik bir deb qabul qilingan.
II davr elementlarining elektrmanfiyligi quyidagi ko’rinishda bo’ladi.
2-davr Li
Be B C N O F
1,0 1,5 2,0 2,5 3,0 3,5 4,0
Metallarda elektrmanfiylik ikkidan kichik, metallmaslarda ikkidan katta.
Elektrmanfiyligi eng kuchli element – ftor bo’lib, uning elektrmanfiyligi 4 ga
teng.
76
Davriy sistemada elektrmanfiylik quyidagicha namoyon bo’ladi.
Davr Qator Gruppalar
1 2 3 4 5 6 7 8
I
II
III
IV
V
Kuchayadi
Kuchayadi
Kimyoviy bog’lanishning asosiy tiplari mavzusida: a). Darsda o’quvchilarga
elementlar orasidagi elektrmanfiylik tushunchasiga muvofiq sodir bo’ladigan
kimyoviy bog’lanish tiplari (ion bog’lanish, metall bog’lanish, kovalent
bog’lanish, qutbli va qutbsiz bog’lanish, vodorod bog’lanish) haqida,
elektronlarning bir element atomidan ikkinchi element atomiga kuchishi yoki
siljishi haqida bilim berish.
b). O’quvchilarga kimyoviy elementlar va ular hosil qilgan birikmalarning
orasida qanday bog’lanishlar mavjud bo’lishini farqlay olish bog’lanishlar hosil
bo’ladigan sxemalarni chiza bilish qobiliyatlarini tarbiyalash.
Darsni quyidagi savollarni takrorlashdan boshlash mumkin:
1. Natriy, alyuminiy, oltingugurt, xlor elementlari atomlarining elektron
sxemalarini chizing.
2. Shu elementlar tashqi elektronlar qobig’ida tugallanmagan elektron qobiq
bo’lishi uchun nechta elektron yetishmaydi.
3. Ishqoriy metallar va galogenlar atomlarining tashqi elektron qobiqlari
bir-biridan qanday farq qiladi?
Quyilgan savollarga javob beradigan yangi materiallar mazmunini
o’qituvchi quyidagi reja asosida tushintiradi:
Elementlardagi elektrmanfiylik tushunchasiga muvofiq kimyoviy bog’lanish
tiplarini oldindan aytish mumkin. Ular uch tipga bo’linadi, ya`ni:
1) elektrmanfiyligi bir xil bo’lgan element atomlari orasidagi kimyoviy
bog’lanish;
2) elektrmanfiyligi bir-biridan uncha katta farq qilmaydigan elementlar
orasidagi kimyoviy bog’lanish. Masalan, suv, vodorod xlorid, metan kabi
birikmalarda;
3) elektrmanfiyligi bir-biridan keskin farq qiladigan elementlar orasidagi
kimyoviy bog’lanish. Masalan, ishqoriy metallar va galogenlar orasidagi kimyoviy
bog’lanish.
77
Elektrmanfiylik- birikmalar hosil bo’lishida atomlar orasida elektronlarning
taqsimlanishiga ta`sir qiladi. Barqaror elektron qavatining turli yullar bilan hosil
bo’lishiga asoslanib, kimyoviy bog’lanishlarni bir necha turlarga bo’lish mumkin:
kovalent bog’lanish, ion bog’lanish, metall bog’lanish, vodorod bog’lanish.
Kovalent bog’lanish – bu tip bog’lanish elektrmanfiyligi bir xil bo’lgan
elementlar atomlari oralig’idagi bog’lanishda uchraydi.
O’qituvchi misollarni doskaga yozib ko’rsatgan holda tushintiradi.
Atomlarning elektronlar jufti vositasidagi bog’lanish kovalent bog’lanish deb
ataladi degan xulosaga kelinadi.
Odatda kimyoviy birikmalar hosil bo’lishida har bir element atom o’zining
tashqi elektron qobig’ida elektronlar sonini – elektron konfigurasiyasini o’ziga
yaqin bo’lgan tuzilishi holatiga yetkazishga intiladi va yetkazadi. Biz bu o’rinda
o’quvchilarning atom tuzilishi nazariyasi haqidagi bilimlarini yangi materiallarni
o’rganish jarayonida qo’llaymiz va rivojlantiramiz. Boshqacha qilib aytganda,
avval o’rganilgan materiallarni o’zlashtirish uchun tayanch qilib olinadi. Demak,
har bir oddiy modda atomdagi valent elektronlar bir xil elementining ikki atomi
uchun umumiy bo’lib qoladi.
O’qituvchi mavzuni takrorlash vaqtida o’rganish uchun berilgan qo’shimcha
materiallardan o’tilgan mavzuni takrorlashi va mustahkamlash bosqichlarida
foydalanishni tavsiya etadi.
O’qituvchi azot elementining elektronlar joylashishini energatik pog’onalar
bo’yicha chizib, π va σ bog’lanishlar hosil bo’lishini tushintiradi. Agar s-s; s-p;
p-p elektronlar bulutlar kesishmasi hosil bo’lsa 6 ta-sigma bog’lanish, agar
ikkilamchi va uchlamchi bog’ sifatida yon tomonlarda bo’lsa π (pi bog’lanish)
hosil bo’ladi.
Masalan: :N N: yoki N-N o’rtadagi mustahkam sigma bog’ ikki yon
tomondagi π bog’lardir.
Elektrmanfiylik natijasida hosil bo’ladigan ikkinchi tip kimyoviy bog’lanishlar
misolida qutbli va qutbsiz kovalent bog’lanish tushuntiriladi.
Bir xil atomdan tuzilgan oddiy moddalarda elektronlar jufti ikkala atomga bir
xil tegishli bo’ladi. Bu kovalent bog’lanish turi qutbsiz bog’lanishdir.
Agar elektronlar jufti har xil ikkita atomni bog’lasa, bu elektronlar jufti hamma
vaqt atomlarning biriga tomon siljigan bo’ladi. Kovalent bog’lanishning bu turi
qutbli deb ataladi. Masalan, HF, HCI, H2O yordamida tushintirish mumkin. Bu
holatda elektronlar jufti kuchliroq elektrmanfiy element atomi tomon siljigan
bo’ladi.
78
Kimyoviy bog’lanish elektrmanfiyligi bir – biridan keskin farq qiladigan
elementlar orasida sodir bo’ladi. Bu holda valent elektronlar bir element atomidan
ikkinchi element atomiga to’liq siljiydi. Natijada musbat va manfiy zaryadli ionlar
hosil bo’ladi.
Ionlar zaryadlangan zarrachalar bo’lib, atom elektron berganda yoki
elektron biriktirib olganda ana shu ionlarga aylanadi.
Ionlar orasidagi elektrostatik tortishuv kuchi ta`sirida hosil bo’lgan
bog’lanish ion bog’lanish deb, hosil bo’lgan birikmalar esa ion birikmalar deb
ataladi.
Oksidlanish darajasi mavzusini o’rganishda :
a). O’quvchilarda oksidlanish darajasi tushunchasining mohiyatini anglab
yetish, moddaning formulasiga qarab ham, elektrmanfiylik mavzusida olingan
bilimlar asosida oksidlanish darajalarini aniqlay olish kabi malakalarni
shakllantirish:
b). Oksidlanish darajalarini belgilash, oksidlanish – qaytarilish reaksiyalari
tenglamalarini tuza bilish natijasida qaysi element oksidlanadi, qaysi element
qaytariladi kabi o’quv malakalarini shakllantirish va tarbiyalash.
Dars yangi mavzu mazmunini tushuntirish bilan boshlanadi. Bu dars oldingi
mavzularga bogliq bo’lganligi sababli so’rash va mustahkamlash bilan qo’shib
olib boriladi. Avvalo, o’qituvchi darsni vodorodning xossalari va ishlatilishini
takrorlash va eslashni taklif qiladi. Vodorodning kislorod bilan birikishi –
oksidlanish jarayoni, oksidlovchi, qaytaruvchi, oksidlandi, qaytarildi kabi
tushunchalarning mohiyati eslanadi.
Oksidlanish darajasi - bir atomdan ikkinchi atomga siljigan elektornlar soni
bilan ifodalanishi tushuntirib beriladi. Shuningdek, qanday hollarda oksidlanish
darajasi nolga hamda element valentligiga teng bo’lishi sharklanadi.
Kristall panjaralar mavzusida:
a). O’quvchilarga kristall panjaralar haqida tushuncha berish. Ion,
molekulyar, atom kristall panjaralari tiplari haqida, ularning fizik xossalari haqida
ma`lumot berish.
b). Olingan ma`lumotlar asosida moddalardagi kristall panjaralarni tiplarga
ajrata bilish.
Dars boshlanishida oksidlanish darajasi, oksidlanish - qaytarilish
reaksiyalari haqidagi bilimlar qisqacha takrorlanib, mustaqil ish beriladi, ya`ni
muayyan reaksiya tenglamalarini yozib, oksidlanish darajasi va oksidlovchi
qaytaruvchi atomlarni ko’rsatish taklif etiladi.
Kristall va amorf moddalar. Agar temirni mexanik jixatdan maydalasak,
ham kichik bo’laklarda uning shakli qoladi. Bunday moddalar kristall moddalar
deyiladi. Shisha smola bo’laklari maydalanganda shaklsiz holatga kiradi. Ular
amorf yoki shaklsiz deb ataladi. Shu jarayon va tushunchalarni o’qituvchi
ko’rgazmalar yordamida batafsil o’rgatadi. Undan keyin kristall panjaralarda
ionlar, atomlar, molekulalar aniq tartibda joylashishi olmos, osh tuzi, grafit kristall
panjaralari misolida tushuntiriladi.
Ion kristall panjaralari ion bog’lanishli birikmalarga xos osh tuzi kristall
panjaralari misolida izohlanadi. Atom kristall panjaralar kovalent bog’li
birikmalarda uchraydi, buni olmos, grafit panjaralari misolida o’quvchilarga
79
yetkaziladi. Molekulyar kristall panjaralar qirralari qutbli va qutbsiz molekulalar
holida uchraydi. Bunga kislorod molekulasi va vodorod xlorid molekulasi misol
bo’ladi. Ayrim fizik jismlarning xossalari kristall panjaralarga bog’liq ekanligini
o’quvchilarga singdirish kerak. Chunki moddaning tuzilishi ma`lum bo’lsa, uning
xossalarini oldindan aytish yoki xossalari aniq bo’lsa, uning tuzilishini belgilash
mumkin. Bu hol fanda juda katta ahamiyatga ega. O’quvchilar diqqatini
moddalarning bu xususiyatiga qarata olish, ularning ijodiy fikrlashlariga shart-
sharoit yaratish munosib zamin hozirlash imkonini beradi.
Nazorat savollari:
1. Kimyoviy bog’lanish nima va u qanday hosil bo’ladi?
2. Kimyoviy bog’lanish qanday tavsiflarga ega?
3. Kimyoviy bog’lanishning qanday turlari mavjud?
4. Vodorod bog’lanish nima va uning hosil bo’lishini tushuntiring?
5. Kristall va amorf moddalar mavzusiga reja tuzing.
28-ma’ruza
Mavzu: O’rta maktab kimyo kursida elektrolitik dissosiasiya nazariyasi.
Elektrolitik dissosiasiya nazariyasi mavzusining o`rni va ahamiyati
Ma’ruza rejasi:
1. O’rta maktab kimyo kursida elektrolit va elektrolitik dissosiasiya nazariyasi
2. Elektrolitik dissosiasiya nazariyasi mavzusining o`rni va ahamiyati
3. Dissosilsnish darajasi va uning ahamiyati
4. Kuchli va kuchsiz elektrolitlar
O’rganiladigan asosiy tushunchalar: Elektrolit va elektrolitik dissosi-
lanish, kation, anion, dissosilanish darajasi, kuchli va kuchsiz elektrolitlar, tuzlar
gidrolizi.
O’rta maktab kimyo kursida elektrolitik dissosiasiya nazariyasi 9-sinfda
o’tiladi.
Kimyoviy bog’lar qonuniyatiga asoslanib, u davriylik bilimini rivojlantiradi,
moddalar tuzilishi bilimlariga yangi tushunchalar kiritadi.
Elektrolitik dissosiasiya nazariyasi maktab kimyo kursining eng muhim
nazariy konsepsiyasining birini tashkil etadi. Bu mavzuni o’tishda
o’quvchilarning oldingi kimyoviy muvozanat bilimlari asos qilib olinadi.
Moddaning tuzilishi, kimyoviy bog`lanish mavzularida olingan bilimlar yanada
sistemaga kiradi va rivojlantiradi. Natijada o`quvchilar qanday sabablar ta`sirida
kimyoviy bog`lanishlar uzilishi sodir bo`lishi hamda elektrolitlar suvli eritmalarda
qanday xossalar namoyon qiladi. Nima uchun? kabi savollar o`z yechimini
topadi. Kurs yakunida kimyoviy muvozanat hosil bo`lishi haqidagi ma`lumotlar
bilan tanishiladi. Elektrolitik dissosiasiya nazariyasi bo`yicha o`quvchilar
egallashi lozim bo`lgan bilimlar, ko`nikma, malakalar tizimida maktab kimyo
ta`limi davlat ta`lim standartlarida o`z ifodasini topgan.
Mavzuning ta`limiy maqsadida - dissosiasiya jarayoni tushunchalarining
mohiyati, mexanizmi, shartlari, moddalar, eritmadagi ionlarning holati va ular
orasida boradigan reaksiyalar haqida tushuncha beriladi.
80
Elektrolitik dissosiasiya nazariyasini o`rganish jarayonida eng muhim
tarbiyaviy maqsadlar qo’yiladi. Boshqa nazariy mavzular kabi bu mavzu ham
dialektik materialistik dunyoqarashni shakllantirish uchun boy material manbaga
ega. Ichki elektrolitik qarama - qarshiliklar, har xil zaryadli zaryadlangan ionlar
orqali aniq misollarda falsafiy kategoriya va qonunlarning mohiyatini ochib
beradi. Natijada o`quvchida modda haqidagi dialektik tushunchalarning ichki
aloqadorligi ochiladi.
Mavzuni o’rganish jarayonida o`quvchilarni rivojlantirivchi maqsadi.
Modda haqidagi tushunchalarning kengayishi bilan, kimyoviy reaksiyalarning
mohiyati chuqurlashadi. Bu mavzuni tarkibi quyidagicha:
Avval elektrolit va elektrolitmaslar farqlanadi, keyin dissosasiya hodisasi
tushuntiriladi. Elektrolit dissosasiya gidratlangan ionlar jarayoni kimyoviy jarayon
ekanligi aytiladi, eritma ichidagi ion almashinish hamda oksidlanish - qaytarilish
misolida kimyoviy reaksiyalar tushintiriladi. Bunda 3 muhim yo’nalish:
1. Ionlar bog’lanishi yo’nalishidagi almashinish reaksiyasi boradi
2. Elektrolit tuzining suv bilan ta’siri
3. Oksidlanish - qaytarilish reaksiyalari eritmalarda boradi, tarkibi va ion
zaryadlari o’zgarishiga olib keladi.
O`quvchilarning bilimi yangi sifat bosqichiga ko`tariladi.
Mavzu kursning qolgan mavzularini o`rganish uchun yuqori nazariy bazani
vujudga keltiradi.
O`quvchilar oldingi tushunchalarni yangicha fikrlaydilar, o`zlarining
tushunchalar mohiyatini rivojlantiradilar.
Elektrolitik dissosiasiya mavzusi mazmunining tizimi.
O`quvchilar kislota, ishqor, tuzlarning dissosiasiyasini tuza bilish,
dissosiasiya tushunchasining mohiyatini bilishi hamda, ion almashish reaksiya
tenglamalarini tuza olish kabi bilim ko`nikma, malakalarni egallashlari o`z
ifodasini topgan. Mavzu mohiyatini ochishda modda haqidagi tushunchalarning
to`rtta muhim tomoniga e`tiborni qaratish lozim. Ular: elektrolitlar, eritmada
ionlar, dissosiasiya jarayoni mohiyati, eritmada ion reaksiyalari bo`lib
hisoblanadi.
Elektrolitik dissosiasiya nazariyasi mavzusidagi tushunchalar mohiyati
quyidagicha ketma - ketlikda ochib beriladi:
1) - elektrolit moddalar:
- elektrolitlar tuzilishi.
- dissosiasiyalanishining alohida xususiyatlari;
- elektrolitlarning klassifikasiyasi.
2) - eritmada ionlar reaksiyasi.
3) - Ion almashinish reaksiyalari.
- Tuzlar gidrolizi.
- Oksidlanish- qaytarilish reaksiyalari.
4) - Dissosiacsya jarayoni mohiyati.
- dissosiasiya sharoiti.
- dissosiasiyaning mexanizmi.
Bu o`rinda kimyoviy reaksiya tushunchasining sifat jihatdan sakrashi
alohida ahamiyatga ega.
81
1. Almashinish reaksiyalarining ionlar bog`lanishi tomonga siljishi;
2. Elektrolit tuzlarining suv bilan birikishi (gidroliz).
3. Eritmada oksidlanish-qaytarilish reaksiyalarining tarkibini va ionlar
zaryadining o`zgarishga olib kelishi. Natijada oksidlanish-qaytarilish
reaksiyalari hamda elektrolitik dissosiasiya nazariyalarining o`zaro bog`liqligi
tarkib topadi.
Mavzuni o`rganishning metodlari. Ta`lim mazmuni va uning maqsadi
asosida metod tanlanadi. Shu tanlangan metod asosida o`quvchilarda bilim va
ko`nikmalar shakllanadi. Elektrolitik dissosiasiya nazariyasi muammoli metodlar
tanlanganda sifat jihatdan samarali bo`ladi.
Asosiy muammo-elektrolitlar xossalarining eritmada parchalangan ionlar
xossalariga bog`liqligi masalasini o`quvchiga yetkaza bilish bo`lib hisoblanadi. Bu
muammoni yechish uchun quyidagi savollarga javob berish muhim bo`lib
hisoblanadi.
1. Nega elektrolitlar elektr tokini o`tkazadi-yu, noelektrolitlar o`tkazmaydi?
2. Nima uchun ion va qutbli bog`lanishli birikmalar ionlarga dissosilanadi,
kovalent bog`lanishli birikmalar ionlarga dissosilanmaydi;
3. Dissosiasiyaga nima ta`sir etadi – erituvchi-mi yoki elektr toki;
4. Atom va ion orasida farq mavjudmi va hokazo.
Mazkur mavzuni samarali o`rganish uchun demonstrasiya, laboratoriya,
eksperiment kabi tajribalarni bajarish kerak.
Tuzlar gidrolizi mavzusini o’rganishning ahamiyati. Gidroliz tushunchasi
o`quvchilarga alohida qiyinchiliklarni vujudga keltiradi. Bu qiyinchiliklarni
bartaraf etish va gidroliz tushunchalari mohiyatini rivojlantirish ion almashinish
reaksiyalari, qaytar reaksiyalar, kimyoviy muvozanat, kuchli va kuchsiz
elektrolitlar kabi holatlarda o`z yechimini topadi. Gidroliz - nazariy tushunchadir.
U elektrolitik dissosiasiya nazariyasining asosini tashkil etadi.
Tuzlar gidrolizini faqat ion reaksiyalari asosida tasavvur etish kerak.
Mavzuni o`rganish, muammoli metodda olib boriladi. Avvalo o`quvchilar
faollashtiriladi. Indukatorlarga tuzlarning munosabati ochib beriladi. O`qituvchi
bu holatni laboratoriya tajribalari orqali namoyish etadi. O`qituvchi aniq misollar
yordamida tuzlar gidrolizining nazariy mohiyatini ochib beradi.
Nazorat savollari
1. Elektrolit va elektrolitik dissosiasiya nima?
2. Dissosilanish darajasi nima va uning ahamiyati nimadan iborat.
3. Dissosilanish doimiysi deganda nimani tushinasiz?
4. NH4OH, H2CO3 tipdagi kuchsiz elektrolitlar uchun dissosilanish doimiysining
matematik ifodalarini yozing.
29-30-ma’ruza
Mavzu: Organik moddalar tuzilish nazariyasini o`rganishning ahamiyati.
82
Ma’ruza rejasi:
1. Organik moddalar tuzilish nazariyasini o`rganishning ahamiyati
2. Hozirgi zamon tuzilish nazariyasi organik kimyo kursining asosi - sifatida
3. Izomeriyalar va gomologlar haqidagi tushunchalarni o`rganish.
O’rganiladigan asosiy tushunchalar: Organik moddalarning o’rganilish
tarixi, organik moddalarning xarakterli xususiyatlari, organik moddalarning
klassifikasiyasi, to’yingan, to’yinmagan uglevodorodlar.
Organik moddalarni o’rganish “Anorganik va organik modda” lardan
boshlanadi. O’quv materialining o’zi ham, uni bayon qilish formasi ham yetarli
darajada aniq va ishonarli darajada bo’lishi lozim. Kirish qismining aniq
materialida:
a). “Organik modda”lar tushunchasini oydinlashtirish;
b). Organik moddalarning xarakterli xususiyatlarini alohida qayd qilish;
v). Organik moddalar haqidagi idealistik, vitalistik qarashlarning
asossizligini ko’rsatish;
g). Organik moddalarning amaliy ahamiyati haqida ba’zi tasavvurlar hosil
qilish lozim.
Organik kimyo taraqqiyotining asosiy bosqichlari to`rtta davrga ajratiladi:
1. Empirik davr- insonning organik moddalar bilan ilk bor tanishuvi, ularni
ajratib olish va qayta ishlash usullari o`rganilgan vaqtdan to organik kimyo fani
sifatida shakllangunicha (XVIII asrning oxiri).
2. Anolitik davr - XVIII asr oxiridan XIX asrning 60 - yillargacha. Bu
bosqichda dastlabki nazariyalar yaratilib organik kimyo fani sifatida shakllana
boshladi.
3. Tuzilish nazariyasi davri - XIX asrning 60 - yillardan to hozirgacha.
4. Organik kimyo rivojlanishining hozirgi zamon molekulyar atomistik yoki
ilmiy takomillashuv davri. Organik kimyoning ilmiy takomillashuv davrida asosan
tuzilish nazariyasi rivojlanadi va o`rganiladi.
Organik kimyoni o`qitishning tub mohiyati uning mazmunidan kelib
chiqadi. Albatta anorganik kimyo kursida o`rganilgan kimyoviy tushunchalarga
organik kimyo kursini o`rganishda ham ehtiyoj seziladi.
Organik birikmalarda boradigan kimyoviy reaksiyalar uni o`rganishning
o`ziga xosligini ko`rsatadi. Anorganik kimyoda bo`ladigan kimyoviy reaksiyalar
qisqa muddat ichida sodir bo`lsa, organik kimyoda bu jarayonlar ancha vaqtni
talab etadi. Organik kimyoda predmetlararo aloqadorlik katta ahamiyat kasb etadi.
Ayniqsa, bu bog`lanish biologiya, molekulyar biologiya, genetika, fizika, fan
tarixi, organik sintez, kimyo sanoati, kimyoning falsafiy asoslari kabi fanlarda
yaqqol ko`rinadi.
Organik moddalar tuzilish nazariyasini o`rganishning ahamiyati.
Organik moddalarning tuzilish nazariyasi butun kimyo kursining nazariy
bazasi bo`lib hisoblanadi. Bu nazariya asosida eng muhim kimyoviy tushunchalar
shakllanadi. Kursni o`rganishning eng muhim soxasi - A.M.Butlerovning organik
moddalarning tuzilish nazariyasining hozirgi ahvoli haqidagi dastlabki
nazariyalarni analiz qilishdan boshlanadi. Atom va molekulalar haqidagi dastlabki
83
qarashlar va hozirgi qarashlar tahlili natijasida ular chog`ishtiriladi. Moddalar
xossalarining tarkibi va tuzilishiga bog`liqligiga katta ahamiyat beriladi.
Kimyoviy tuzilish nazariyasini o`rganishda A.M.Butlerov, V.V.
Markovnikov, A.E.Arbuzov singari rus olimlarining xizmatlarini e’tirof etish bilan
birga, o’zbek olimi A.G’.Maxsumovning kimyoviy tuzilish nazariyasini
rivojlantirib, murakkab zarrachaning tuzilishi uning tarkibiga, hamda kimyoviy
tabiati elektron va fazoviy tuzilishiga bog’liq ekanligini izohlab berganligini
tushintirish o’rinlidir.
Organik kimyoni samarali o’rganishning sharoitlari. Ko`p sonli
o`qituvchilar, metodist olimlarning amaliy faoliyati bilan nazariyani birga olib
borishlari natijasida o`qituvchilarga bir qancha yo`llanmalar berilgan. Bular;
1. Anorganik kimyo bilan o’zaro aloqadorlikni ta`minlash.
2. Kimyoviy tuzilish nazariyasining shakllanishida tarixiylikga ijodiy yondashish
3. Organik moddalarning tuzilishi, ularning elektron, fazoviy tuzilishlarini
o`rganishda Butlerov g`oyalarini ochib berish.
4. Moddalar xossalarining ular tuzilishiga bog`liqligini yoritish. Organik
moddalarni bilishda, o`rganishda ichki qarama - qarshiliklarni yoritish. Organik
sintez, izomeriya hodisalari mohiyatini ochish.
5. Ko`rgazmali qurollar, modellar, ekran ko`rgazmalaridan foydalanish.
Har bir fanning ilmiy asosini shu fanning tayanch bilimlari: tushuncha,
qonun hamda nazariyalar tashkil etadi.
Organik kimyoda tushunchalarning tizimi quyidagicha:
1. Kimyoviy reaksiyalar qonuniyatlari haqida tushunchalar.
2. Yuqori molekulyar birikmalarni o’rganish.
3. Steriokimyoviy tushunchalar.
4. Elektron nazariy tushunchalar.
5. Kimyoviy tuzulish nazariyasi tushunchalari.
6. Har bir tushunchaning alohida belgilari.
Tizimdagi tushunchalarning ichki mohiyatiga alohida e`tibor bilan qarash
lozim.
Kimyo fanlari tizimiga kiritilgan “Tovarlarni kimyoviy tarkibi asosida
sinflash va sertifikatlash” ixtisosligi O’zbekistonda yaratilgan yangi yunalish
bo’lib, yuqorida ta’kidlangan 6 milliondan ortiq organik moddalarni ham xalqaro
iqtisodiy munosabatlar uchun sinflash va sertifikatlashni takomillashtirishga yo’l
ochib bermoqda va shu bilan organik kimyo fani rivojiga salmoqli hissa qo’shish
imkoniyatlarini yaratmoqda.
Izomeriyalar va gomologlarni o`rganish.
Tarkibida uglerod tutgan
Noorganik moddalar
C, CO, CO2, H2CO3
va karbonatlar
Organik moddalar:
Uglevodorodlar, spirt,
yog’lar, qandlar va b.
84
Organik birikmalrning tuzilish nazariyasi o`rganilganda tarkibi bir xil lekin
tuzilishi har xil moddalar yoki izomerlar, izomeriya hodisasi, gomologlar haqidagi
tushunchalar shakllanadi.
Tayanch bilimlar tushunchalari asosida izomeriyalar hodisasi tushunchalari
rivojlantiriladi. Moddalar haqidagi miqdor va sifat ko`rsatgichiga xos tushunchalar
rivojlantiriladi. Izomeriya σ va π bog`lari haqidagi tushunchalar, fazoviy tuzilish
nazariyasi ko`rib chiqiladi.
Gomologlar va izomeriyalar haqida tushunchalar uch bosqichda ochib
boriladi.
1. Har bir tushunchaning eng muhim belgisi va aniqligini ajratib ko`rsata bilish.
2. Gomologlar va izomerlar orasidagi bog`lanishni ko`rsata bilish.
3. Har xil sinfga oid gomologlar va izomerlarning shakllarini o`rganish;
Izomer va izomerlar, gomolog va gomologlar orasidagi belgilar haqida aniq
tasavvurga ega bo`lish.
Izomeriyalarda mavjud:
1. Bir xil sifat tarkib.
2. Bir xil miqdoriy tarkib.
3. Har xil kimyoviy tuzilish.
4. Har xil xossa.
Gomologlarda mavjud:
1. Bir xil sifat tarkib.
2. Bir xil miqdoriy tarkib.
3. O`xshash kimyoviy tuzilish.
4. Har xil fizikaviy xossa.
5. O`xshash kimyoviy xossalar.
Organik kimyoda umumlashmalar
Organik kimyodan olingan bilimlarni umumlashtirish mavzusi maktab
kursining yakunlovchi mavzusi bo`lib hisoblanadi. Bilimlarni umumlashtirish
albatta olgan bilimlarni rivojlantirish shaklida amalga oshiriladi.
Umumlashtirishda A.M.Butlerov nazariyasining ikki holati amalga oshadi.
1. Atom va molekulalar aniq ketma - ketlikda, o`zlarining valentliklariga mos
birikkan.
2. Moddalarning xossalari birikish ketma - ketligi va atomlarning o`zaro ta`siriga
bogliq.
Bu holatlar yakunlovchi umumlashmada quyidagi holatlarda o`z yechimini
topadi.
1. Atom va molekulalar real mavjud bo`lib, ular tarkibsiz emas aniq va ketma -
ketlikda tartib bilan joylashgan.
2. Atomlarning birikishi ular valentligiga mos holatda amalga oshadi.
3. Organik birikmalarda uglerod to`rt valentli, uning atomlari bir - biri bilan
normal, tarmoqlangan va yopiq zanjir hosil qilib birikadi.
4. Moddaning xossalari sifat, miqdori, tarkibi va molekulalarning tuzilishiga
bog`liq.
5. Molekulalarning kimyoviy tuzilishi, moddalarning tuzilish formulalari orqali
ifodalanadi. Har bir modda bitta tuzilish formulasiga ega.
85
6. Molekulaning kimyoviy tuzilishini o`rganib boradi. Uni kimyoviy xossalarini
o`rganish orqali, bir turdan boshqasiga o`tish hamda sintez mahsulotlari orqali
aniqlanadi.
7. Bir xil tarkibli moddalar izomeriyalarining tuzilish formulasi har xil bo`ladi.
8. Atomlar o`zaro yaqinlashib, elektronlar buluti zichligi orqali molekula hosil
qiladi.
9. Yangi molekulada atomlar turlicha xossalar namoyon qiladi.
10. Molekula turg`un bo`lmasligi mumkin ularda ichki harakat mavjud.
Organik kimyo kursining nazariy asosini moddalar tuzilishining hozirgi nazariyasi
tashkil etadi.
Nazorat savollari
1. Organik kimyoning paydo bo’lish tarixi haqida nimalarni bilasiz?
2. A.M.Butlerovning tuzilish nazariyasi haqida ma’lumot bering.
3. Izomeriya nima?
4. Quyidagi o’zgarishlarning kimyoviy reaksiyalarining tenglamalarini tuzing.
C - CH4 - CH3CI - C2H6 - C2H5CI
5. Fenoplastlar nima?
31-ma’ruza
Mavzu: Kimyoviy ihlab chiqarish.
Ma’ruza rejasi:
1. Maktabda kimyoviy ishlab chiqarishning ahamiyati
2. O’quvchilarni kimyoviy ishlab- chiqarishlar bilan tanishtirish
3. «Kimyo fanining xalq xo’jaligidagi ahamiyati» mavzusida o’rganilishi
O’rganiladigan asosiy tushunchalar: Maktabda kimyoviy ishlab
chiqarishning ahamiyati, o’quvchilarni kimyoviy ishlab- chiqarishlar bilan
tanishtirish, «Kimyo fanining xalq xo’jaligidagi ahamiyati» mavzusida
o’rganilishi.
Maktabda kimyoviy ishlab chiqarishning ilmiy asoslarini o’rganish-
o’quvchilarga politexnik tayyorgarlik berish vazifasini hal qilish uchun eng
mugim vositalardan biridir. Kimyo ishlab chiqarishni o’rganish nazariyasi bilan
amaliyotni bog’laydi, bilimlarni konkretlashtiradi, chuqurlashtiradi va puxtalaydi,
yoshlarimizni maktabni tugatgandan keyin erkin ravishda kasb tanlab olishlariga
va mustaqil davlatimizning aktiv ishtiroklari bo’lib, erishishlariga yordam beradi.
Kimyo o’qituvchilari kimyo darslarida kimyoning amaliy turmushda
qo’llanilishiga e’tiborni jalb qiladilar, o’quvchilarni eng muhim kimyoviy ishlab
chiqarish bilan tanishtiradilar, mahalliy sanoatga ekskursiya o’tkazadilar,
texnologik sxemalar, jadvallar, modellar, diapozitivlar, kinofilmlar va boshqa
ko’rgazmali qo’llanmalardan foydalanadilar.
O’quvchilarni kimyoviy ishlab- chiqarishlar bilan tanishtirish jarayonida
o’qituvchi oldida bir qancha masalalar turadi: jumladan, kimyoviy ishlab
chiqarishni tanlash, kimyoviy ishlab-chiqarish to’g’risidagi beriladigan bilimlar
86
me’yori, kimyoviy ishlab chiqarishlar bilan tanishtirishning metodik prinsiplari,
ishlab chiqarishlarini o’rganish rejasi va boshqalar.
Umumiy o’rta ta’lim maktabi kimyo darslarida xalq xo’jaligi jihatdan
muhum ahamiyatga ega bo’lgan, o’quvchilar yaxshi tushunadigan va eng tipik,
kimyoviy nazariya hamda qonuniyatlarini amaliy hayotda qo’llanishini aks
ettiruvchi kimyoviy ishlab chiqarishlargina o’rganilishi lozim.
O’rta maktablarning quyidagi siniflarda ishlab chiqarish mavzulari alohida
o’rganib boriladi. Masalan: 8-sinfda suvni tozalash, ohak ishlab chiqarish, xlorid
kislotani sentiz usulda olish, sulfat kislotasi ishlab chiqarish , (kontakt usulda ) .
9-sinfda ammiak va nitrat kislota ishlab chiqarish, azotli o’g’itlar ishlab
chiqarish, superfosfat ishlab chiqarish .
10-sinfda alyuminiy ishlab chiqarish, chuyan va po’lat ishlab chiqarish,
neftni qayta ishlash, toshko’mirni koksga aylantirish va boshqalar .
11-sinfda organik moddalarni sentiz qilib olish va boshqalar .
Maktab atrofida joylashgan mahalliy ishlab chiqarishlardan o’quv dasturida
nazarda tutilgan talablar me’yoridagina o’quv maqsadlari uchun foydalaniladi.
Eng muhum ishlab chiqarishlar misolida o’quvchilar hozirgi zamon
kimyoviy ishlab chiqarishlari uchun umumiy, tipik bo’lgan ilmiy prinsiplar va
ishlab chiqarish asboblari bilan tanishadilar.
Hozigi zamon kimyoviy ishlab chiqarishlarining umumiy o’rta ta’lim
maktablarida o’rganilishi lozim bo’lgan umumiy ilmiy prinsiplarga quydagilar
kiradi.
1. Reaksiyaga kirishuvchi moddalarning sifatini oshirish .
2. Issiq, almashinish.
3. Qarshi oqim;
4. Reaksiyaga kirishuvchi moddalarning sirkulyasiyasi;
5. Kimyoviy reaksiya tezligini va yunalishini o’zgartirish (katalizator,
optimal temperatura, bosim va konsentrasiyadan foydalanish).
Kimyoviy ishlab chiqarishlarni ratsional uyushtirish prinsiplariga
quydagilar kiradi:
1. Ishlab chiqarish jarayonining uzluksizligi va fazalarga bo’linishi:
2. Mexanizasiya va avtomatizasiya.
3. Elektrdan foydalanish;
4. Ishlab chiqarishni kombinirlash;
5. Mehnatni muhofaza qilish;
6. Ishchilarning mehnat unumdorligini oshirish metodlari;
O’rta maktab kimyo kursiga kiritilgan ishlab chiqarish materiali kimyo
nazariy asoslarining normal o’zlashtirilishi jarayoniga xalaqit bermasdan,
aksincha, bunga yordam berishi kerak.
Ishlab chqarishning ilmiy prinsiplari bilan o’quvchilarni asta-sekin va
ma’lum tartibda tanishtirish zarur.
O’qituvchi kimyoviy ishlab- chiqarish texnologiyasini yetarli darajada to’liq
va ravshan bilmasa, o’quvchilarga beriladigan politexnik tayyorgarlik, albatta,
abstrakt, yuzaki bo’lib qoladi.
87
Kimyoviy ishlab chiqarishni muvaffaqiyatli chiqishi uchun o’qituvchi bilan
birgalikda o’quvchi ham tayyorgalik ko’rishi kerak.
Bularninig hammasi ishlab chiqarishning o’rganish rejasi asosida olib
boriladi.
Mustaqil taraqqiyot yo’lini bosib o’tayotgan mamlakatimizning kelajak
vorislari- yosh avlodning bilim darajasini oshirishda umumiy o’rta ta’lim
maktablari, kasb-hunar kollejlari va akademik litsiylarda o’tiladigan fanlar
qatorida kimyo fanining ham munosib o’rni bor albatta. Kimyoviy bilimlar berish
jarayonida o’quv dasturlarida ko’rsatilgan mavzularni turmush bilan bog’lab
o’rganish, mahalliy materiallardan kengroq foydalanish, O’zbekiston zaminida
mavjud bo’lgan elementlarva ularning birikmalari to’g’risidagi ma’lumotlar bilan
boyitgan holda bayon etish- yosh avlodni milliy mafkura talablariga mos tarzda
vatanparvarlik ruhida tarbiyalash uchun samarali xizmat qiladi. Bu vazifalarni
amalga oshirishda, bizning fikrimizcha, O’zbekiston Respublikasining Prezidenti
I.A.Karimovning «O’zbekiston buyuk kelajak sari» nomli kitobida yoritilgan
ma’lumotlardan foydalanish yaxshi samara beradi. Kimyo darslarida O’zbekiston
zamini ega bo’lgan tabiiy boyliklar to’g’risidagi ma’lumotlardan foydalanishga
oid misollar keltiramiz.
«Kimyo fanining xalq xo’jaligidagi ahamiyati» mavzusida quyidagi
ma’lumotlardan foydalanish lozim bo’ladi: “O’zbekiston o’z yer osti boyliklari
bilan haqli suratda faxrlanadi. Bu hududda Mendeleev davriy sistemasidagi
deyarli barcha elementlar uchraydi. Hozirga qadar 2,7 mingdan ziyod turli foydali
qazilma konlari va ma’dan suvlari bor bo’lgan” istiqbolli joylar aniqlangan.
Ular yuzga yaqin mineral xom-ashyo turlarini o’z ichiga oladi. Shundan
oltmishdan ortig’I ishlab chiqarishga jalb etilgan. 900 dan ortiq kon qidirib
topilgan bo’lib, ularning tasdiqlangan zahiralari 970 milliard AQSH dollarini
tashkil etadi. Bu xom ashyolarni qayta ishlab xalq xo’jaligi uchun zarur
mahsulotlor tayyorlashda kimyo fani va sanoatining katta hissasi borligi
ta’kiqlanadi.
Metallarning umumiy tavsifiga oid ma’lumotlar berilganda, metallarning
tabiatda tarqalishi mavzusi asosida quyidagi materiallardan foydalanish mumkin.
O’zbekiston dunyodagi juda katta oltin, kumush va boshqa qimmatbaho
hamda yer bag’rida kam uchraydigan metallar zahiralariga ega bo’lgan davlatlar
qatoriga kiradi. Hozirgi vaqtda 40 ta qimmatbaho metall konlari mavjud.
Oltinning asosiy zahiralari oltin konlarining o’zida- Markaziy Qizilqumda
joylashgan bo’lib, tasdiqlangan zahiralar bo’yicha Respublikamizni dunyoda
to’rtinchi o’ringa olib chiqadi. Oltinni tozalash uchun O’zbekiston- Amerika
qo’shma korxonasi tashkil etilgan va unda sof metall olish jarayonining
zamonaviy texnologiyasi joriy etildi.
O’quvchilar diqqatini O’zbekiston rangli metallar –mis, qo’rg’oshin, rux,
volfram va shu guruhga kiruvchi boshqa metallarning 15 dan ortiq turi mavjud
ekanligi va ularning qazib olinishi katta ahamiyatga ega. Bu rangli metallar
rudalarining zahiralari asosan Olmaliq ruda maydonida joylashganligini Qalmiqqir
koni noyob konlardan bo’lib, bu konning rudasini O’zbekistondagi eng yirik
korxonalardan biri bo’lgan Olmaliq kon-metallurgiya kombinatida qayta sof
metallar olinayotganligini ko’rsatib o’tish lozim.
88
Ishqoriy metallarning tabiatda uchrashi o’rganilayotganda respublikamiz
tosh tuzi konlariga boyligi, aniqlangan 5 ta tosh tuzi koni –Xo’jaikon, Tubakat,
Borsakelmas, Boybichakon va Oqalla konlarida taxminan 90 milliard tonna
xomashyo borligi, hozirgi vaqtda Borsakelmas konining tuzlaridan kimyoviy
usulda soda ishlab chiqaradigan korxona Qo’ng’irotda qurilayotganligi
to’g’risidagi ma’lumotlar o’quvchilarga yetkaziladi.
Barpo etilayotgan soda ishlab chiqarish korxonasida tabiiy osh tuzining
konsentrlangan eritmasi sovitib turgan holda ammiak bilan to’yintiriladi, so’ngra
bu aralashma orqali bosim ostida karbonat angidrid o’tkaziladi. Bunda, ammiak,
karbonat angidrid va suvning o’zaro ta’sirlashuvidan ammoniy gidrokarbonat
hosil bo’ladi:
NH3 +CO2 +H2O = NH4HCO3
Ammoniy gidrokarbonat osh tuzi bilan almashinish reaksiyasiga kirishib,
natriy gidrokarbonat va ammoniy xlorid hosil qiladi:
NH4HCO3 + NaCI = NaHCO3 + NH4CI
Reaksiyaning borishiga sovuq suvda qiyin eruvchan natriy
gidrokarbonatning hosil bo’lishi va cho’kmaga tushishi imkon beradi, uni filtrlab
ajratib olish mumkin. Ajratib olingan natriy gidrokarbonat angidridga
parchalanadi:
2NaHCO3 = Na2CO3 +CO2 +H2O
Ajralib chiqayotgan CO2 ni ishlab chiqarishda yana foydalaniladi.
Ammoniy xlorid bor bo’lgan eritmani Ca(OH)2 qo’shib qizdirilsa, ammiak hosil
bo’ladi va uni ishlab chiqarishda qo’llash mumkin.
2NH4CI + Ca(OH)2 = 2NH3 + CaCI2 + 2H2O
Ammiakli usul (Solve usuli) da olingan soda tarkibida kristallizasiya suvi
bo’lmaydi. Soda ishlab chiqarish uchun kerak bo’ladigan ammiak va karbonat
angidridni Respublikamiz korxonalarida ishlab chiqariladi.
Yuqorida keltirilgan ma’lumotlar, o’quvchilarni O’zbekistonning ulkan
mineral xom ashyo zahiralaridan unumli foydalanish va mamlakatimizni
dunyodagi eng boy mamlakatlar qatoriga olib chiqadi, degan xulosa chiqarishga
asos bo’ladi.
Nazorat savollari:
1. Bu mavzuni turli sinflarda o’tkazilishining ahamiyati nimalardan iborat?
2. Kimyoviy ishlab chiqarishlarining umumiy o’rta ta’lim maktablarida
o’rganilishi lozim bo’lgan umumiy ilmiy prinsiplarga qaysilar kiradi?
3. Nitrat kislota, azotli o’g’itlar va superfosfat ishlab chiqarish mavzusining
ahamiyatini ayting.
4. Bu mavzu bo’yicha reja konspekt yozing.
32-ma’ruza
89
Mavzu: Qishloq xo’jaligini kimyolashtirish asoslari haqidagi
tushunchalarni o’rganish.
Ma’ruza rejasi:
1. Qishloq xo’jaligini kimyolashtirish asoslari haqidagi tushunchalarni
o’rganishning ahamiyati
2. Kimyo o’quv kursida qishloq xo’jaligini kimyolashtirish asoslarini
o’zlashtirilishi
3. Kimyo kursida ammiakli selitra va superfosfat ishlab chiqarish
mavzularining ahamiyati.
O’rganiladigan asosiy tushunchalar: Qishloq xo’jaligini kimyolashtirish
asoslari haqidagi tushunchalarni o’rganish, tuproqning kimyoviy tarkibi,
fotosintez, mineral o’g’itlar, ularning tarkibi, ahamiyati va ularni ishlab
chiqarishning kimyoyiv mohiyati.
Ta’lim to’g’risidagi qarorlar mamlakatimiz qishloq xo’jaligini rivojlantirish
munosabati bilan kimyo kursida dars berish jarayonida kimyo o’qituvchisi oldida
muhim vazifalar turadi:
a). o’quvchilarni kimyoning qishloq xo’jaligimizda tutgan roli bilan
tanishtirish- ishlab chiqarishning kimyolashtirishning ilmiy asoslarini ochish;
b). o’quvchilarni bu ishlab chiqarishda zarur bo’ladigan bir qator masalalar
bilan qurollantirish;
v). o’quvchilarni qishloq xo’jaligi mehnatiga muhabbat qo’yadigan qilib
tarbiyalash kerak;
Qishloq xo’jaligini kimyolashtirish tuproq, ekin hayvonlarga- qishloq
xo’jaligi ekinlarining zararkunandalariga, yovvoyi o’tlar va boshqalarga kimyoviy
ta’sir ko’rsatish yo’li bilan ekinlar hosilini oshirish va qishloq xo’jaligi
hayvonlari mahsuldorligini oshirishga qaratilgan bir butun kompleks tadbirlarni
o’z ichiga oladi:
O’quvchilar qishloq xo’jaligini kimyolashtirish masalalarining hammasi
bilan emas, balki faqat kimyo o’quv kursiga kiritilgan o’quv dasturidan tashqariga
chiqmaydigan va o’quvchilar uchun qiyinlik qilmaydigan masalalar bilan
tanishtiriladi, chunki umumiy o’rta ta’lim maktabining asosiy vazifasi kimyo
asoslarining o’zlashtirilishini ta’minlashdan iboratdir.
Kimyo o’quv kursida qishloq xo’jaligini kimyolashtirish asoslariga
quyidagilar kiradi:
1. Tuproqning kimyoviy tarkibi, tuproqqa ohak va gips solish jarayonlari
va kimyoviy mohiyatlari;
2. Kimyoviy elementlar: azot, fosfor, kaliy, kislorod va vodorodning
o’simliklar rivojlanishiga ta’siri.
3. Qishloq xo’jalik ekinlari uchun kerak bo’ladigan kimyoviy elementlarni
tabiatda eng ko’p tarqalgan eng muhim birikmalari.
4. Qishloq xo’jalik ekinlari uchun kerak bo’lgan kislorod, azot, uglerod va
boshqa elementlarning tabiatda aylanishida o’simlik va hayvonlarning roli.
5. Fotosintez, uning ahamiyati va mohiyati, uglevodlar, yog’lar va oqsillar
sintezida o’simlik va hayvonlarning roli.
6. Mineral o’g’itlar (ularning tarkibi, ahamiyati va ularni ishlab
chiqarishning kimyoviy mohiyati).
90
7. Qishloq xo’jalik ekinlarida bo’ladigan kasalliklar va zararkunandalarga
qarshi kurashishning eng muhim kimyoviy vositalari (ularning tarkibi, xossalari va
organizmga ko’rsatadigan ta’siri)
8. Qishloq xo’jalik ekinlarining o’sishi va rivojlanishini tartibga soladigan
kimyoviy vositalar.
9. O’simliklarda bo’ladigan kasalliklar va zararkunandalarga qarshi
kurashishning kimyoviy usullari: urug’larni dorilash, dudlash, tutun bilan qoplash
va kimyoviy o’toq.
10. Qishloq xo’jalik mahsulotlarini qayta ishlash: shakar, kraxmal, gidroliz
spirt, sovun ishlab chiqarish, sellyuloza, yog’lar, oqsillar va boshqalar qishloq
xo’jalik mahsulotlarini qayta ishlashning mohiyati
Kimyo o’qituvchisi o’quv materialini qishloq xo’jalik ishlab chiqarishi
masalalari bilan sistemali ravishda bog’lab boradi – bu ishlab chiqarishning ilmiy
asoslarini o’quvchilar oldida asta- sekin ocha boradi.
O’quvchilarni qishloq xo’jaligini kimyolashtirish asoslari bilan umumiy
sistema asosida tushuntirib boriladi.
O’quvchilar tuproqning kimyoviy asoslari bilan asosan sinfdan tashqari
mashg’ulotlar jarayonida tanishadilar.
Darslik o’quvchilarni amaliy hayotdan ajratib qo’ymasligi kerak: u
o’quvchilarni qishloq xo’jaligida keng qo’llaniladigan eng muhim moddalar bilan,
shuningdek, jahonda eng mexanizasiyalashgan bizni qishloq xo’jalik ishlab
chiqarishimizni yanada rivojlantirish uchun yangidan-yangi, keng perespektivalar
ochib beradigan moddalar bilan tanishtirish zarur.
O’quvchilar dasturda nazarda tutilgan mineral o’g’itlar bilan birin- ketin
tanishib chiqadilar.
Kimyo kursida ammiakli selitra ishlab chiqarish hamda superfosfat ishlab
chiqarish mavzulari alohida o’tiladi.
Anorganik kimyo kursida «Fosfor va uning birikmalari», «Fosforli
o’g’itlar» kabi mazkur asarda ko’rsatilgan fosfarit xom ashyosi to’g’risadagi
ma’lumotlardan foydalanish mumkin.Chunonchi Respublikamizning fosfaritlarga
boy ekanligi, mamlakatimizda zahiralari 300 million tonnaga yaqin bo’lgan
fosforit konlari borligini ko’rsatib o’tish kerak. Qizilqumda fosfarit kombinati
qurilib, mahsulot berayotganligi, va eng muhim fosforli o’g’itlar- ammofos va
ammoniylashtirilgan superfosfat ishlab chiqaradigan juda katta korxonalar
(Olmaliq mineral o’g’itlar kombinati, Samarqand kimyo zavodi) mavjudligini
ta’kidlab o’tish lozim.Bu kimyo korxonalarida boyitilgan fosforit mamlakatimizda
(Olmaliq kon-metallurgiya kombinati, Samarqand kimyo zavodi, Qo’qon
superfosfat zavodi) ishlab chiqariladigan sulfat kislota bilan qayta ishlanadi va
undan ekstraksion usul yordamida fosfat kislota olinadi:
Ca3(PO4)2 + 3H2SO4 = 2H3PO4 + 3CaSO4
Hosil bo’lgan fosfat kislota CaSO4 cho’kasidan ajratilib, ammiak eritmasi
(ammiak Chirchiq shahridagi «Elektrokimyosanoati», Navoiy shahridagi
«Navoiyazot» va Farg’ona shahridagi «Azot» ishlab chiqarish birlashmalarida
sintez qilinadi) bilan ishlanib undan ammofos og’iti olinadi.
91
H3PO4 + NH4OH = NH4H2PO4 + H2O
NH4H2PO4 + NH4OH = (NH4)2HPO4 + H2O
Ushbu o’g’itjar (NH4H2PO4 – ammofos, (NH4)2HPO4 – diammofos)
tarkibida o’simliklarning o’sishi va rivoshlanishi uchun zarur bo’lgan
elementlardan azot (12-21%) va (53-58% P2O5 holida) bo’lib, ularning keng
ko’lamda qo’llanilishi evaziga dehqonchilikda katta muvaffaqiyatlarga erishiladi.
Kimyo o’qituvchisining yaxshi rahbarligida qishloq xo’jaligiga oid
mavzularda o’tkaziladigan mashg’ulotlar o’quvchilarga politexnik tayyorgarlik
berish vazifasini hal qilish va ularning kelajakda o’zlari uchun kasb tanlab
olishlariga imkon beradi.
Nazorat savollari:
1. Ishlab chiqarishni tanlashda qanday prinsiplar ishlatiladi?
2. O’rta maktab kimyo kursida qishloq xo’jaligini kimyolashtirishning
asosiy masalalari nimalardan iborat?
3. Respublikamizning fosfaritlarga boyligini qanday izohlaysiz?
4. Ammiakli selitra hamda superfosfat ishlab chiqarishning reaksiya
tenglamalarini yozing.
33-34-ma’ruza
Mavzu: Anorganik birikmalarning asosiy sinflari haqidagi tushunchalarni
shakllantirish.
Ma’ruza rejasi:
1. Anorganik birikmalarning asosiy sinflari haqida tushuncha
2. Oksidlar, asosli, kislotali, amfoter oksidlar haqida tushuncha berish
3. Kislotalar, kislorodli va kislorodsiz kislotalar
4. Asoslar va ularning turlari
5. Tuzlar haqida tushuncha
O’rganiladigan asosiy tushunchalar: Oksidlar, asosli, kislotali, amfoter
oksidlar, kislotalar, kislorodli va kislorodsiz kislotalar, asoslar, ishqorlar, suvda
eriydigan, kam eriydigan asoslar, tuzlar, nordon, normal, qo’sg, asosli tuzlar
Anorganik birikmalarning eng muhim sinflariga doir bilimlar bilan
o’qituvchi kislorod, oksidlar yonish kimyoviy reaksiyalar, vodorod, kislotalar,
tuzlar, suv, eritmalar, asoslar mavzularini o’rganish jarayonida dastlab
tanishadilar. Ayniqsa o’quvchilar anorganik birikmalarning eng muhim sinflariga
doir bilimlarni umumlashtirish mavzusida oksidlar, kislotalar, asoslar, tuzlar kabi
tushunchalar mohiyatini ularning asosiy farq qiluvchi belgilari orqali
umumlashtiruvchi mavzularda aniq yorqin shakllana boradi. Avvalo
tushunchalarning mohiyati shu bilan birikmalar tarkibini aniq belgilab olish,
tushinish orqali amalga oshadi.
92
Kimyoviy tushunchalarni hosil qilish jarayoni o’quvchilarning jonli
mushohadadan abstrakt tafakkurga va undan amaliyotga izchillik bilan
o’tishlaridan iborat deb qaraladi.
Tushunchalar mohiyati oldin o’rganilgan bilimlar; tayanch tushunchalar
mohiyati yangi mavzuni o’rganish jarayonida oldin egallangan bilimlarni yangi
sharoitda amaliyotda tadbiq etish katta samara beradi. O’quvchi tushunchalar
mohiyatini yoki qoidasini yod olish bilan chegaralanib qolsa-yu, nima sababdan
oksid kislota, asos, tuz deb aytamiz degan savolga javob berolmasa demak bu
tushunchalar mohiyatining shakllanishi talabga javob bermaydi. Tushunchalarning
mohiyatini bir-biridan farqlash uchun ular orasidagi o’zaro bog’liqlik va farq
qilish tomonlari mohiyatini o’zlashtirib olish zarur. Anorganik birikmalarning
sinflari orasidagi farqni ajratib olish uchun ularning bir-biri bilan ta`siriga yoki
kimyoviy xossalariga katta ahamiyat berishni amalga oshirish kerak.
Tushunchalar orasidagi aloqalarni anglab yetish, farqlarini ajrata bilish
tushunchalar tizimining shakllanishiga olib keladi. O’rganilgan, mohiyati
anglangan tushunchalar asosida anorganik birikmalarning ma`lum sinflari
sxemasini tuzish tushunchalarning shakllanishini yanada tartibga soladi.
Anorganik birikmalarning eng muhim sinflari haqidagi olti turda namoyon
bo’ladi. Ikkita oddiy moddalar sinfi, to’rtta murakkab moddalar sinfi.
1. Kimyoviy elementlar yoki oddiy moddalar; a) metallar, b) metallmaslar;
2. Murakkab moddalar; a) oksidlar; b) kislotalar; v) asoslar; g) tuzlar
Kimyoviy o’zaro bog’liqlik asosida quyidagi sxemani tuzish mumkin:
Tp
Kimyoviy elementlar
Oddiy elementlar
Metallar Metallmaslar
Tuzlar
Metallar
oksidlari (asosli
oksidlar)
Metallmaslar
oksidlari (kislotali
oksidlar)
93
Bu sxemada oddiy moddalar, oksid, kislota, asos, tuzlar o’zaro bog’liqligi
o’z aksini topgan. Raqamlar orqali esa moddalarning bir birlari bilan o’zaro ta`siri
natijasida hosil qilish mumkinligi o’z ifodasini topgan.
Ana shu umumlashtirish orqali o’quvchilarda anorganik birikmalarning eng
muhim sinflari haqidagi tushunchalar yaqqol ifodalanib shakllanadi. Anorganik
birikmalarning eng muhim sinflariga doir tushunchalarni umumlashtirish ikki
holatda namoyon bo’ladi;
Avvalo har bir tushunchaning hosil bo’lishi, so’ngra esa tushunchalar
tizimining shakllanishi natijasida tarkib topadi.
Anorganik birikmalarning eng muhim sinflariga oid bilimlarni ularning bir-
biridan ajratib o’rganib bo’lmaydi. Bir sinf haqidagi tushunchalar shakllanishi
jarayonida ikkinchi sinf haqidagi tushunchalar ham shakllana boradi. Natijada
tushunchalar tizimi hosil bo’ladi. Shu sababli o’quvchi har bir tushuncha
haqidagi bilimlar yig’indisidan umumiy, shu sinf haqidagi tushunchalar tizimi
haqida yakuniy xulosalar chiqaradi. Natijada o’quvchida jonli kuzatishdan
abstrakt fikrlash, tafakkur orqali tushunchalar haqida umumlashmalar shakllanadi.
Oksidlar. O’quvchilar oksidlar haqidagi dastlabki ma`lumotlarni
darslikning 7-sinfida oladilar.
Keyin oksidlar haqidagi tushunchalar kislorodning kimyoviy xossalarini
o’rganish jarayonida uchraydi. Oksidlar tushunchasining mohiyatini o’quvchilar
kislorodning olinishi va xossalari mavzusini o’rganish darsida tushunadilar.
O’quvchi oksidlarning tarkibi haqida ma`lumotni kislorodning
laboratoriyada olinishi haqidagi ma`lumotlar bilan birga egallaydi.
1. Toza suvni o’zgarmas elektr toki yordamida parchalaganda vodorod va
kislorod hosil bo’lishi;
2. Simob oksidini qizdirishda simob va kislorod hosil bo’lishini o’rganib
shunday xulosaga kelinadiki, oksidlar ikki elementdan tashkil topganligi, yoki
uglerodning kislorod bilan birikishi, oltingugurtning kislorod bilan birikishi;
fosforning kislorod bilan birikishi natijalarida oksidlar hosil bo’lishini anglab
yetadilar.
Natijada shunday xulosaga kelinadiki:
Biri kislorod bo’lgan ikki element atomidan tashkil topgan murakkab moddalar
oksidlar deyiladi.
Asoslar
Kislotalar
94
O’quvchiga oksidlanish haqida tushuncha berilganda albatta moddalar faqat
kislorod ta`sirida oksidlanadi deb xulosa chiqarmaslikni eslatish kerak.
O’quvchilar diqqatini darslikdan mazmun mohiyatiga alohida e`tibor berishga
qaratiladi.
1. Yonish jarayonida moddalar issiqlik va yorug’lik chiqarib oksidlanadilar.
Oqibatda turli moddalarning oksidlari hosil bo’ladi.
2. Oksidlanish jarayonida oksidlanadigan modda va oksidlovchi modda
ishtirok etadi. Kuzatilgan tajribalarda uglerod, oltingugurt, fosfor va temir
oksidlanadigan moddalar kislorod esa oksidlovchi hisoblanadi.
Bu o’rinda “Oksidlanish” tushunchasi haqida o’quvchiga dastlabki
ma`lumot beriladi. Natijada o’quvchi oksidlanadigan moddalar qanday modda
yoki element, oksidlovchi bu o’rinda faqat kislorod ekanligini anglab yetadilar.
Biz bu o’rinda tushunchalar turlari mohiyatini anglab olishga e`tiborni
qaratmog’imiz o’rinli. Oddiy modda degan tushunchaning mohiyatini ma`lum bir
aniq shaklda quyidagicha ifodalashga o’quvchining diqqati qaratiladi, yani,
Bir xil element atomlaridan tashkil topgan moddalar oddiy moddalar deyiladi.
Oksidlar esa- murakkab modda tushunchasini ifodalaydi. Chunki unda
oddiy moddanikidek bir xil element atomi emas, har xil element atomidan tashkil
topgan. Shu sababli ular kimyoviy birikmalaridir. Tushunchaning aniq mohiyatini
aniqlash uchun uning qandaydir belgilarini izlash, unga tayanish muhim. Bunday
belgi uning tarkibi tuzilishi asosidagi xossalari bo’lib qolishiga alohida e`tibor
berib, tushunchaning mohiyat mazmunini ochib beradi. Biz har xil rangdagi, har
xir agregat holatdagi oksidlar namunalarini tarqatma material o’quvchilarga
darsda tarqatib kuzatishni taklif etamiz.
M: Mis(II)- oksidi; magniy oksidi, temir (III)- oksidi, kremniy (IV)-oksidi,
azot (IV)- oksidi, vodorod oksidi (suv). Shu oksidlarning fizik xossalari haqidagi
ma`lumotlarni jadval tarzida beriladi.
Tarkibi (formulasi) va nomi Agregat
holati
Suyuqlanish
temperaturasi
rangi
CuO- Mis(II)- oksidi Qattiq 8000 Cdan yuqori qora
Fe2O3 -Temir (III)- oksidi Qattiq 15650C da
parchalanadi
qo’ng’ir
MgO - Magniy oksidi Qattiq 28000C Oq
SiO2 -Kremniy oksidi Qattiq 16800C Rangsiz
H2O- Vodorod oksidi Suyuq 00C Rangsiz
CO2- Uglerod (IV)- oksid Gaz -56,60 C Rangsiz
Oksidlar formulasidan shu narsa ma’lum bo’ladiki, ularning hammasining
tarkibida kislorod va yana boshqa elementlar mavjud. Boshqa element metall yoki
nometall bo’lishi mumkin. Demak oksidlar ikki elementdan tashkil topgan
moddalar binar birikmalar. Oksidlarning tarkib (formulasi) asosida ularni ikki
guruhga ajratamiz: Metallar oksidlar, nometallar oksidlari. Suhbat va
tushuntirishlar natijasida o’quvchilar bilan shunday xulosaga kelinadi:
95
Metallar oksidlari tarkibida metall elementining borligi uning asosiy
belgisidir. Nometallar oksidlarining asosiy belgisi esa uning tarkibida nometall
elementlar mavjudligi bo’lib hisoblanadi.
Ana shunday asosiy belgilarni ajratib o’quvchilar o’quv faoliyati jarayonida
tafakkur kuchi orqali xulosa umumlashmalar chiqarish, xossalarni ma`lum bir
tartib asosida sinflash guruhlashga o’rganadilar. Bu holat ta`lim jarayonida
o’quvchida tushunchalarni shakllantirish bilan birga tayanch belgilar asosida
umumlashmalar, chiqarishni ta`minlaydi.
Kislotalar. O’quvchilar vodorodning fizik va kimyoviy xossalari,
ishlatilishi mavzusida kislotalar haqida ma`lumot oladilar. Kislotalarning tarkibi
va nomlanishi mavzusini o’rganish jarayonida kislotalarning ayniqsa sulfat
kislotaning magniy metali bilan, xlorid kislotaning alyuminiy metali bilan
reaksiyaga kirishib vodorod ajralib chiqishini amaliy mashg’ulotda ko’rib, ishonch
hosil qiladilar, natijada o’quvchi darslikdagi qoidalarning kelib chiqishiga ichki
ishonch-umumlashma xulosa keltirib chiqaradilar. Metallarning atomlariga o’z o’rnini bera oladigan vodorod atomlari bilan kislota
qoldiqlaridan tarkib topgan murakkab moddalar kislotalar deyiladi.
O’quvchilarda
1. Kimyoviy reaksiya vaqtida kislota qoldig’i saqlanib qolishi, faqat bir modda
molekulasidan ikkinchi modda molekulasiga tarkibiga o’tishi:
2. Kislota qoldig’i valentligi molekulada ular necha atom vodorod bilan
birikkanligiga qarab aniqlanishi kabi nazariy tushuncha shakllanadi. Bu o’rinda
rus olimi N.N.Beketovning metallarning kislotalar molekulasidan vodorodni va
birikmalardan bir-birini siqib chiqarish qatorini tuzganligi va uning mohiyatiga
katta e`tibor qaratish lozimligi diqqat markazda bo’lmog’i kerak. Anorganik
birikmalar orasidagi genetik bog’lanish hodisasini kislotalarni o’rganish
jarayonida ham tadbiq etish imkoni tug’iladi. Biz yuqorida nometallarning
oksidlari haqida fikr yuritgan edik. Demak kislotalar nometallarning oksidlariga
(kislorodli kislotalar) suv ta`sir etishi natijasida hosil bo’lishi tushunchasi
shakllanadi. Bu o’rinda asosiy genetik skeletda nometall element borligi alohida
urg’u bilan ifodalanadi. Tuzlar haqidagi dastlabki tushunchalarni o’quvchilar
kislotalarning metallar bilan o’zaro birikishini o’rganish jarayonida oladilar.
O’quvchilar metallar bilan kislotalar va metallarning oksidlari bilan kislotalar
orasida sodir bo’ladigan kimyoviy reaksiyalarda tuzlar hosil bo’lishini bilib
oladilar.
O’quvchilarda shunday tushuncha shakllanadiki: Tuzlar – metallarning atomlari bilan kislota qoldiqlaridan hosil bo’lgan
murakkab moddalardir.
Tuzlar haqidagi bilimlar, tushunchalar o’quvchida tuzlarning nomi –
metall bilan kislota qoldig’i nomidan kelib chiqishi, tuzlarning formulalarni
tuzishda valentlik tushunchasiga katta e`tibor berilishi uqtiriladi. Shu bilan birga
1) tuzning tarkibi yonma-yon yozilish, 2) metall va kislota qoldig’i formulasi
ustiga ular valentligini yozish, 3) metall bilan kislota qoldig’ining valentligini
ifodalovchi sonlarning eng kichik umumiy ko’paytmasini topish, 4) eng kichik
umumiy ko’paytma metallning valentligini ko’rsatuvchi songa bo’linib olingan
96
hosila indeks tarzida qo’yilishi kabi tushunchalar misollar yordamida ilgari
olingan tayanch bilimlar tadbiq etilgan holda shakllantiriladi.
Tuzlar tarkibida metall, nometall elementlarning mavjudligi birikmalarning
genetik uzviyligini ko’rsatadi.
Asoslar. Metall oksidlarining suvga munosabatini tushunish natijasida
o’quvchida ayrim oksidlar M: Mis oksidi, temir (III)- oksidi suvda erimasligi,
ayrim oksidlar M: natriy oksidi suv bilan birikib gidroksid hosil qilishi bilimi
shakllanadi. U asosda o’quvchining gidroksidlar bilan tanishuvi boshlanadi.
O’quvchi suvning kimyoviy xossalarini o’rganish jarayonida natriy
metalining suv bilan o’zaro ta`siri, yoki sundirilmagan ohakning suv bilan
reaksiyaga kirishib asoslar hosil qilishini o’rganib oladi.
Asoslar metallar bilan gidroksil gruppalardan tashkil topganligi negizida
quyidagi ta`rif mohiyati ochib beriladi. Tarkibida bitta yoki bir necha gidroksil gruppalar bilan birikkan metallarning
atomlari kiradigan murakkab moddalar asoslar deyiladi.
Bu mavzularni o’rganish orqali oksid, kislota, tuz, asos orasida mohiyati
belgilar borligi, ularning uzviy bir-biri bilan genetik bog’liqligi kabi umumiy
tushunchalar o’quvchida shakllanadi.
- Tipik va amaliy jihatidan ahamiyatli moddalar misolida bir xil sinf birikmalari
o’zaro tarkibi, xossalari jihatdan tavsifi beriladi.
- Xalq xo’jaligida eng ko’p ishlatiladigan birikmalarning olinish usullari va
ishlatilishi haqida bilimlar shakllanadi.
- O’quvchida shu birikmalar bilan muomala qilish ular bilan tanishish kabi amaliy
malaka hosil bo’ladi.
- O’quvchi kimyoviy nomenklatura, terminlar, simvolikaning farqlarini
anglaydilar.
Xossalarni chogishtirish bilimlarni umumlashtirish va tartibga solish orqali
birikmalar sinflari haqida tushunchalar shakllanadi.
- Moddalarni ma`lum guruhlarga kiritib o’rganish mumkin ekan degan xulosaga
olib kelinadi.
Davriy qonunni o’rganishga zamin tayyorlaydi.
- O’quvchilar anorganik birikmalar orasida genetik aloqalar borligi kabi
tushunchaga ega bo’ladilar.
Nazorat savollari:
1. Maktablarda, akademik litsey va kasb-hunar kollejlarida " Anorganik
birikmalarning asosiy sinflari haqida tushuncha " mavzusi mohiyatini
uslubiy tahlilini qiling.
2. Bu mavzuni o’rganish uchun nimani qaytarish zarur.
3. Bu mavzu bo’yicha tematik reja tuzing.
4. Bu mavzu bo’yicha reja konspekt yozing.
5. Bu mavzuda bilimni tekshirishning qaysi nazorat turini taklif qilasiz?
35-ma’ruza
97
Mavzu: Galogenlar mavzusini o’rganishda atom tuzilishi haqidagi
bilimlarni qo’llash va rivojlantirish.
Ma’ruza rejasi:
1. Galogenlarning maktab kimyo kursida o’qitilishining maqsad va
vazifalari.
2. Galogenlarning davriy sistemadagi o’rni.
3. Xlor, uning xossalari, tabiatda uchrashi va ishlatilishi
4. Galogenlarning oksidlovchilik xossalari.
O’rganiladigan asosiy tushunchalar: Galogenlarning maktab kimyo
kursida o’qitilishining maqsad va vazifalari, galogenlarning davriy sistemadagi
o’rni, xlor, uning xossalari, tabiatda uchrashi va ishlatilishi, galogenlarning
oksidlovchilik xossalari, vodorod xlorid va unung xossalari
Ma`lumki, o’rta maktab noorganik kimyo kursining ilmiy asosini
D.I.Mendeleev elementlar davriy qonuni va atom tuzilish nazariyasi tashkil
qiladi. Shu sababli bundan keyingi mavzularni o’rganishda davriy qonun va
atom tuzilish nazariyasi haqidagi bilimlar tayanch qilib olinadi.
“Galogenlarning umumiy xarakteristikasi” mavzusida:
a). O’quvchilarga galogenlarning davriy sistemadagi o’rni, atomlarining
tuzilishi, energetik pog’onalarda elektronlarning joylashishi, ularning kuchli
oksidlovchi ekanligi hamda metallar bilan birikib tuz hosil qilishi haqida bilim
berish;
b). O’quvchilarda galogenlarning davriy sistema va atom tuzilish
nazariyasiga muvofiq xossalarini oldindan ayta olish malakalarini shakllantirish.
Galogenlar kimyoviy elementlar davriy sistemasining VII guruh asosiy
guruhchasini tashkil qiladi.
Galogenlar atomlarida elektronlarning taqsimlanishi:
Ftor: + 9 F 2e7e 1s2/2s22p5
Xlor: + 17CI 2e8e7e 1s2/2s2/2p6/3s23p53d0
Brom: + 35 Br 2e8e18e7e … 3d10/4s24p54d0
Yod: + 53 J 2e8e18e18e7e … 4d10/5s25p55d0
Galogenlarning tashqi elektron qobig’ida 7 ta elektron mavjud.
O’ziga yaqin inert gaz atom tuzilishi holatini olish uchun galogenlarda bitta
elektron yetishmaydi. Galogenlarni shu davrdagi metallar bilan solishtirsak,
bularning yadro zaryadi katta, atom radiusida bittadan juftlashmagan elektron
mavjud. Shu sababli bitta elektronni tez qabul qilib, o’zining tashqi elektron
qavatini sakkiztaga yetkazib oladi.
Galogenlar juda kuchli oksidlovchilardir. Ularning oksidlovchilik xossasi
atom radiusining kichiklashib borgani sayin kuchayib boradi. Galogenlar kislorod
bilan musbat zaryadli birikma hosil qiladi.
«Xlor, uning xossalari, tabiatda uchrashi va ishlatilishi» mavzusida:
a). Darsda o’quvchilarga barcha galogenlar ichida ahamiyatlisi, xlor haqida,
uning davriy sistemadagi o’rni, olinishi, xossalari, oddiy va murakkab moddalar
bilan birikishi, tabiatda uchrashi va ishlatilishi haqida ma`lumot berish, xlorning
kimyoviy xossalarini xarakterlovchi reaksiya tenglamalarini tuzishni o’rgatish;
98
b). Laboratoriya ishlarini bajarishda asbob-uskunalardan to’g’ri foydalanish,
xlor moddasi bilan tajribalar o’tkazishda ehtiyot choralarini qo’llash kabi
xislatlarni tarbiyalash.
Mavzuni tushuntirishda D.I.Mendeleev elementlar davriy sistemasidan,
ladoratoriyada xlorid kislotadan xlor olishda ishlatiladigan asbob-uskuna va
reaktivlardan, xlorning natriy, mis va temir bilan birikishida qo’llaniladigan
laboratoriya asboblari va reaktivlardan, xlorning moddalar bilan birikishi va
ishlatilishiga doir chizmalardan foydalaniladi. O’quvchilarni xlorning xossalarini
uning davriy sistemadagi o’rni, atomlarning tuzilishiga asoslanib, oldindan
aytishga
o’rgatiladi. Xlorning xossalari, uning birikmalarining xossalarini bashorat qila
bilish bundan keyingi elementlar va ularning xossalarini shu metod bilan
o’rganish, ya'ni didaktikadagi diduksiya metodidan induksiya metodi tomon
borish prinsipiga o’quvchilarni tayyorlashda ahamiyati katta.
Bu darsda quyidagi ma'lumotlar o’quvchilarga singdiriladi.
1. Xlor tabiatda xloridlar tarkibida uchraydi. Natriy xlorid, kaliy xlorid,
silvinit,
karnallit, magniy xlorid hamda yer qobig’ida 0,45 foiz miqdorda uchraydi.
2. Xlorning laboratoriyada olinishi namoyish qilinib ko’rsatiladi va kimyoviy
reaksiya tenglamasi yozib, tushuntiriladi;
OHCIMnCIOMnCIH t
222
414
3. Xlorning fizikaviy xossalari - oddiy sharoitda sariq yashil tusli, o’tkir hidli
zaharli, gazsimon modda, u havodan 2,5 hajm xlor eriydi. Xlor 0,6
atmosfera bosimida uy temperaturasida suyuqlikka aylanadi. U ballon yoki
sisternalarda tashiladi.
4. Xlorning kimyoviy xossalari (chizma yordamida, laboratoriyada namoyish
tajribalari o’tkazilib, tushuntiriladi), xlorning oddiy moddalar bilan
birikishi. Masalan, barcha metallar bilan birikib, tuz hosil qilishi.
CINaCINa 22 2
0
Bunda natriy metali qaytaruvchi - oksidlanadi, xlor esa oksidlovchi -
qaytariladi.
b). xlor vodorod bilan birikadi: CINaCIH 20
2
0
2
Xlor molekulasidagi kovalent bog’ uzilgach, atom holidagi xlor molekula
holidagi xlorni parchalab boraveradi. (Shu o’rinda zanjir reaksiyalar haqida
tushuncha berish mumkin). Hosil bo’lgan xlorid suvda eritilib, xlorid kislota
hosil qilinadi.
Xlorning murakkab moddalar bilan birikishi:
a). xlorning suv bilan birikishi:
CI2 + H2 O → HCI + HCIO
xlorid kislota gipoxlorid kislota
Gipoxlorid kislota kuchli oksidlovchi
99
HCIO → HCI + O
b). xlor ishqorlar bilan birikadi:
2KOH + CI2 → KCIO + KCI + H2O
6KOH + 3CI2→ KCIO3 + 5KCI + 3H2O
v) xlor tuzlardan brom va iodni siqib chiqaradi:
2 KBr + CI2 → 2 KCI + Br2
2 KJ + CI2 → 2 KCI + J2
Vodorod xlorid. Avogadro qonuni (gazlarning molyar hajmi)" mavzusida:
a). O’quvchilarda vodorod xloridning formulasi, molekulyar tuzilishi,
sanoat va laboratoriyada olinishi, fizikaviy va kimyoviy xossalari, ishlatilishi
haqida ma'lumot berish, vodorod xlorid misolida gazlar haqidagi Avogadro
qonunining mohiyatini tushuntirish, gazlarning molyar hajmi xususida bilim
berish;
b), v). Vodorod xlorid bilan ishlashda, uni hosil qilishda texnika xavfsizligi
qoidalariga rioya qilish, gazlarni hisoblash bo’yicha olib boradigan hisob -
kitoblarni amalga oshirish malakalarini tarbiyalash:
Darsni suhbatdan boshlab, o’quvchilarni xlorning vodorod bilan birikish
imkoniyati, uning borish mexanizmi, xlorning suv bilan birikish reaksiyasi haqida
savol-javob o’tkazish, muhokama yuritish kerak.
Shuningdek, vodorod xlorid molekulasi hosil bo’lishidagi kimyoviy
bog’lanish va kristall panjaralar tipi, vodorod xloridning suvda erishi va hosil
bo’lgan eritma haqidagi bilimlarni yuzaga chiqarish lozim.
O’qituvchi reja asosida quyidagilarni tushuntiradi:
1. Vodorod xloridning galogen vodorodlar ichida eng muhimi suvdagi eritmasi
xlorid kislotadir, uning formulasi HCI elektron (H :CI) qutbli kovalent
bog’lanishdagi modda.
2. Vodorodning xlorda yonishi, H2 + CI2 → 2 HCI
Vodorod xlorid laboratoriyada osh tuziga sulfat kislota qo’shib qizdirish natijasida
olinina
3. Vodorod xloridning fizikaviy xossalarini tushuntirishda uning rangsiz,
havodan og’ir, o’tkir hidli, suvda juda yaxshi eriydigan gaz ekanligi alohida
aytiladi.
4. Vodorod xlorid gazsimon modda bo’lganligi sababli oddiy sharoitda
metallar va oksidlar bilan reaksiyaga kirishmaydi.
5. Vodorod xlorid asosan xlorid kislota hosil qilish, plastmassa va kauchuk
ishlab chiqarish uchun ishlatiladi.
6. O’qituvchi vodorod xlorid gazi misolida har qanday gazning bir moli
normal sharoitda 22,4 l.hajmni egallashi haqidagi Avogadro qonunining kashf
etilishi, uning mohiyati, ahamiyati hamda bu qonun yordamida olib boriladigan
hisoblash ishlarini tushuntiradi.
Nazorat savollari
100
1. Galogenlar deb qanday elementlarga aytiladi?
2. Galogenlarning tartib raqami ortishi bilan:
a). Oksidlovchilik (qaytaruvchilik) xossalari qanday o’zgaradi.
b). Vodorodli birikmalarining xossalari qanday o’zgaradi?
36-ma’ruza
Mavzu: Xlorid kislota va uning xossalari, uning tuzlari. O’zbekistonda osh
tuzining olinishi.
Ma’ruza rejasi:
1. Xlorid kislotaning maktab kimyo kursida o’qitilishining maqsad va
vazifalari.
2. Xlorid kislotaning olinishi, fizikaviy va kimyoviy xossalari.
3. Xlorid kislotaning tuzlari, tuzlarning O’zbekistonda olinishi.
a) O’quvchilar xlorid kislotaning olinishi, fizikaviy va kimyoviy xossalari,
ishlatilishi haqidagi, uning tuzlari, tuzlarning ishlatilishi xususida bilimga ega
bo’lishi bilan boradigan kimyoviy reaksiyalarning tenglamalarini tuza bilish kabi
o’quv va malakalarni egallashlari lozim;
b), v) O’quvchilarda xlorid kislota bilan ishlashda ehtiyot choralari
ko’rish, xlorid kislota va uning tuzlari xalq xo’jaligida ko’p ishlatilishi misolida
ularni asrash va tejab - tergab ulardan foydalanish xislatlarini tarbiyalash.
Yangi material mazmunini quyidagi reja asosida bayon etish mumkin:
1. Olinishi. Xlorid kislota vodorod xloridning suvdagi eritmasidir, darslikda
ko’rsatilganidek asbob yig’ib, laboratoriyada xlorid kislota olish ko’rsatiladi.
Sanoatda esa vodorod xloridni vodorodning xlorda yonishidan hosil bo’lgan
mahsulotni suvda eritib olinadi.
Xlorning (-1) oksidlanish darajasi birikmalari xloridlar deyiladi.tarkibiga
ko’ra ularni metallar va metallmaslarning xloridlariga ajratish mumkin.
Element Na Mg AI Si P S
Xlorid NaCI MgCI2 AICI3 SiCI4 PCI5 SCI6
xloridning
tarkibi
asosli amfoter Kislotali
Jadvaldan ko’rinib turibdiki, elementlarning davrlar bo’yicha tartib raqami
ortishi bilan xloridlarning xossasi asoslidan kislotaliga o’zgaradi.
2. Vodorod xloridni suvda eritib 40 %, zichligi 1,19 g/sm3 li xlorid kislota
olish mumkin.
Konsentrasiyali xlorid kislota rangsiz, nam havoda "tutun" hosil qiluvchi,
kuchli hid tarqatuvchi moddadir. Bundagi "tutun" kislotadan ajralib chiqayotgan
vodorod xloridning havodagi suv bug’lari bilan hosil bo’lgan tomchilardan
iborat.
3. Kimyoviy xossalari - xlorid kislota ham boshqa kislotalarda uchraydigan
umumiy xossalarga ega. Xlorid kislotaning metallar, metall oksidlari, asoslar,
101
tuzlar bilan o’zaro ta'siri jadval yordamida kimyoviy tajribalar ko’rsatib, kimyoviy
tenglamalar yozib tushuntiriladi
Xlorid kislota va uning tuzlariga xos xususiyatlarni reaksiya tenglamalari
yozib tushuntiriladi.
HCI + AgNO3 → AgCI + HNO3 kumush nitrat oq cho’kma
Xlorid kislota va uning tuzlariga kumush nitratni ta'sir ettirsak, suvda va
kislotada erimaydigan oq cho’kma hosil bo’ladi. Xlorid kislotaga
oksidlanuvchilarni ta'sir ettirsak zaharli gaz - xlor ajralib chiqadi.
6HCI + KCIO3 → KCI + 3H2O + 3CI2
4. Xlorid kislotaning ishlatilishi hamda osh tuzining ishlatilishi chizmalar
yordamida tushuntiriladi..
5,6 litr (n.sh.) vodorod hosil qilish uchun alyuminiyga ortiqcha olingan
holda qancha miqdor xlorid kislota sarf bo’ladi?
6 HCI + 2 AI → 2 AICI3 + 3 H2
219 67,2 l
67,2 l vodorod olish uchun 219 g xlorid kislota kerak.
gX 33,182,67
2196,5
xlorid kislota
"Galogenlarning chog’ishtirma tavsifi" mavzusida:
a). Galogenlar xossalarining bir-biriga nisbatan farq qiluvchi aktivligini
ochib berish, o’quvchilarning galogenlar haqidagi bilimlarini ularga chog’ishtirma
tavsif berish orqali umumlashtirish:
b), v). O’quvchilarda galogenlarning xossalari asosida ularni tavsiflay olish,
davriy sistema, atom tuzilishi nazariyasiga tayanib guruhlari xossalarini oldindan
ayta bilish qobiliyatlarini o’stirish.
Yangi material mazmunini yuzaga chiqarishga avvalgi materialni tayanch
qilib olib, yangi material o’quvchiga quyidagi reja asosida yetkaziladi:
1. Xlorid kislotaning olinishi, fizikaviy va kimyoviy xossalarini ayting.
2. Xlorid kislotaning tuzlari, tuzlarning O’zbekistonda olinishi haqida nimalarni
bilasiz?
Respublika tosh tuzi konlariga boy. Aniqlangan 5 ta tosh tuzi konlarida –
taxminan 90 milliard tonna xom ashyo bor. Hozirgi vaqtda Borsakelmas konining
tuzlaridan kalsiy va kaustik soda ishlab chiqarish uchun xom ashyo sifatida
foydalanish ko’zda tutilmoqda. (I.A.Karimov. O’zbekiston XXI asr bo’sag’asida:
xavfsizlikka taxdid, barqarorlik shartlari va taraqqiyot kafolatlari. 244-245 betla.r)
3. Galogenlarning ishlatilishi. Bu o’rinda o’quvchilarga oldindan tanish bo’lgan
xlorning ishlatilishini esga solish kerak. Galogenlar ichida xlor va uning
birikmalari eng ko’p ishlatiladi. Odam bir kecha-kunduz davomida qariyb 10g osh
tuzi iste'mol qiladi. Bu bir yilda 3,5 kg natriy xlorid degan gap.
Agar biz bu raqamlarni yer kurrasidagi barcha odamlarga nisbatan olsak,
17,5 mln tonna bo’ladi. Shuncha tuzni vagonlarga yuklansa, bu sostavning
uzunligi 5000 km ga yetadi. Shu misolning o’zi inson hayotida galogenlar va ular
birikmalarining naqadar ahamiyatli ekanligini bildiradi. Galogenlarda xlor va
102
uning eng muhim birikmalari orasidagi genetik bog’lanish qo’shimcha material
sifatida quyidagicha
beriladi.
a). galogenlarni erkin holatda olish usullarini izohlang.
b). galogenlarning atom massalari kattalashishiga qarab ularning fizikaviy
va kimyoviy xossalari o’zgarishini tushuntiring;
Quyidagi o’zgarishlarni amalga oshirishga imkon beradigan reaksiya
tenglamalarini yozing:
CI2→ CuCI2→ Cu(OH)2 → CuO→ CuCI2→ Cu
d) xlor va xlorid kislota xossalarini quyidagi jadval asosida izohlang.
Xlor xlorid kislota
1. Umumiy tavsif
2. Tabiatda uchrashi
3. Olinishi
a) laboratoriyada
b) sanoatda
4. Fizikaviy xossalari
5. Kimyoviy xossalari
6. Ishlatilishi
Nazorat uchun savollar
1. Xlorid kislota tuzlari O’zbekistonning qaysi tumanlarida uchraydi va ular
qaysi maqsadlarda ishlatiladi?
2. HCI formulasini qaysi holatda vodorod xlorid, qaysi holatda xlorid kislota
deymiz? Nima uchun xlorid kislota solingan idish og’zi ochilsa tutaydi?
3. Bu mavzu bo’yicha tematik reja tuzing.
4. Bu mavzu bo’yicha reja konspekt yozing.
5. Bu mavzuda bilimni tekshirishning qaysi nazorat turini taklif qilasiz?
6. Bu mavzu bo’yicha laboratoriya ishlari uchun vazifalar tayyorlang.
103
O’quvchilar foydalanishlari uchun qo’shimcha tavsiya
etiladigan adabiyotlar ro’yxati
1. I.A.Karimov. O’zbekiston XXI asr bo’sag’sida: xavfsizlikka taxdid,
barqarorlik shartlari va taraqqiyot kafolatlari.---T.: O’zbekiston, 1997
2. I.A.Karimov. “Barkamol avlod O’zbekiston taraqqiyotining poydevori”
--T.: O’zbekiston, 1997
3. Umumiy o’rta ta’lim davlat ta’lim standarti va o’quv dasturi. Toshkent,
1999, 3-son
4. I.R. Asqarov. Organik birikmalar nomenklaturasi va izomeriyasi.- T.:
O’qituvchi, 1995.
5. I.R. Asqarov., K. G’ofurov., va boshqalar. Kimyodan test. T.:
O’qituvchi, 1997.
6. A.G. Muftaxov. Organik kimyodan olimpiada masalalari va ularning
yechimlari. O’rta umumta’lim maktablari uchun qo’llanma.- T.:
O’qituvchi, 1997.
7. I.R. Asqarov., va boshqalar. Martabda kimyodan amaliy mashg’ulotlar.
T.: O’qituvchi, 1992.
8. T. Gulboyev. Ta’lim jarayonining tayanch bilimlari. T.: Fan, 1996.
104
9. T. Gulboyev. Ta’lim jarayonida tayanch bilimlarni rivojlantirishning
didaktik asoslari. T.: Fan, 1998
Foydalanilgan adabiyotlar ro’yxati
Asosiy adabiyotlar
1. И.А.Каримов. Ызбекистон XXI аср быса\асида: хавфсизликка тахдид,
бар=арорлик шартлари ва тара==иёт кафолатлари.T.: Ызбекистон,
1997
2. И.А.Каримов. “Баркамол авлод Ызбекистон тара==иётининг
пойдевори”. T. Ызбекистон, 1997
3. Умумий ырта таълим давлат таълим стандарти ва ы=ув дастури.
Тошкент, 1999, 3-сoн
4. И. Н. Борисов. Химия ы=итиш методикаси. Тошкент, 1958.
5. З.Азимова. “Кимё дарсларида ы=увчиларга экологик таълим-тарбия
бериш” Т.: 1995.
6. “Хал= таълими журнали” Т.1998-2005 й.
7. Х.Т.Омонов., М.Н.Мирвохидова. “Кимё ы=итиш методикаси”
маърузалар матни. 2001
105
8. В.Н.Верховский. “Мактабда химия эксперименти
техникаси ва методикаси” 1-2 том. Т. Ы=итувчи, 1964
9. И. Мирзаев. “Дарс тащлили” Т. Ы=итувчи,1980
10. Л.Н. Глинка. Умумий химия Т.1968
11. Г.Щакимов. “Химиядан олимпиада масалаларини ечиш”.Т.1992.
12. Ёш химик энциклопедик лу\ати – Т. 1990
13. Т.Гулбоев. Таълим жараёнининг таянч билимлари. Т. Фан, 1996
14. Т.Гулбоев. Таълим жараёнида таянч билимларни ривожлантиришнинг
дидактик асослари. Т. Фан, 1998
15. Т.Гулбоев. Кимё таълими назарияси ва методикаси. Навоий,2001
MUNDARIJA
1. So’z boshi-------------------------------------------------------------------------------------------3
2. Kirish-------------------------------------------------------------------------------------------------4
3. Kimyo ta’limi metodikasi fani va o’quv predmeti. Yangi pedagogik texnologiyaning
vazifalari.---------------------------------------------------------------------------------------------5
4. Kimyo ta’limining maqsad va vazifalari----------------------------------------------------------7
5. O’zbekiston Respublikasining Ta’lim to’g’risidagi qonuni va O’zbekiston
maktablaridagi kimyo ta’limining konsepsiyasi.------------------------------------------------10
6. Hozirgi didaktik talablar asosida maktab kimyo kursining tuzilishi va mazmuni---------13
7. Anorganik kimyo bo’yicha o’quvchilarning bilim va ko’nikmalariga
qo’yiladigan asosiy talablar (VIII sinf misolida).-----------------------------------------------17
8. Kimyo o’qitish jarayonida o’quvchilarni tarbiyalash.------------------------------------------20
9. Kimyo o`qitish jarayonida o`quvchilarni bilim va ko’nikmalaini rivojlantirish.-----------22
10. Kimyo darslarida o’quvchilarga ekologik ta’lim-tarbiya berish.-----------------------------27
11. Kimyo o`qitishning metodlari va uslublari haqida tushuncha--------------------------------30
12. Kimyo ta’limining og’zaki, ko’rgazmali, amaliy metodlari.
(Monologik va diologik metodlar)-------------------------------------------------------------32
13. Kimyo o’qitish metodikasida masalalardan foydalanish usullari.---------------------------36
14. O’quvchilar bilimini nazorat qilishning nazariy asoslari.-----------------------------------38
15. Test asosida tekshirish. Komp'yuter asosida test olish uslubi---------------------------------41
16. O’quvchilar bilmini tekshirishda reyting tizimi.------------------------------------------------44
17. Kimyo ta’limining tashkiliy shakli bo’lgan –d a r s, va uning xususiyatlari.-------------46
18. Dars tiplari va tuzilishini aniqlash --------------------------------------------------------------50
19. Kimyo o`qitishning ta`minot tizimi-------------------------------------------------------------55
20. Kimyo fanida komp’yuter dasturi.--------------------------------------------------------------58
106
21. Kimyodan sinfdan tashqari ishlar. Sinfdan tashqari ishlarning
ta’lim va tarbiyaviy ahamiyati.------------------------------------------------------------------59
22. Kimyo ta’limida dastlabki kimyoviy tushunchalarni
shakllantirishning nazariy asoslari---------------------------------------------------------------62
23. Umumta`lim maktablari anorganik kimyo kursida moddaning tuzilishini o’rganish.
Moddaning tuzilishining o`rganishning maqsad va ahamiyati.-------------------------------65
24. O’rta maktabda D.I.Mendeleevning kimyoviy elementlar davriy qonuni va davriy
sistemasi, davriy tizimi hamda atom tuzilishini o’rganish.-----------------------------------68
25. Kimyo kursida kimyoviy bog’lanish moddalarning
tuzilish nazariyasini o’rganish.------------------------------------------------------------------74
26. O’rta maktab kimyo kursida elektrolitik dissosiasiya nazariyasi.
Elektrolitik dissosiasiya nazariyasi mavzusining o`rni va ahamiyati------------------------79
27. Organik moddalar tuzilish nazariyasini o`rganishning ahamiyati.----------------------------82
28. Kimyoviy ihlab chiqarish.-------------------------------------------------------------------------85
29. Qishloq xo’jaligini kimyolashtirish asoslari haqidagi tushunchalarni o’rganish-----------89
30. Anorganik birikmalarning asosiy sinflari haqidagi tushunchalarni shakllantirish.------91
31. Galogenlar mavzusini o’rganishda atom tuzilishi haqidagi bilimlarni
qo’llash va rivojlantirish--------------------------------------------------------------------------97
32. Xlorid kislota va uning xossalari, uning tuzlari
O’zbekistonda osh tuzining olinishi.--------------------------------------------------------100
33. O’quvchilar foydalanishlari uchun qo’shimcha tavsiya etiladigan
adabiyotlar ro’yxati---------------------------------------------------------------------------- 103
34. Foydalanilgan adabiyotlar ro’yxati------------------------------------------------------------104