Assessment of land movements from mining impacts on Mëzezi Region and Tirana-Durres highway -...
Transcript of Assessment of land movements from mining impacts on Mëzezi Region and Tirana-Durres highway -...
Minierat dhe Mjedisi
S. LIPO Fakulteti i Gjeologjisë dhe i Minierave 1
RAPORT I STUDIMIT
“VLERSIMI I LEVIZJEVE TE TRUALLIT
NGA NDIKIMET MINERARE
NE RAJONIN E MEZEZIT DHE SEGMENTIN E
AUTOSTRADES TIRANE – DURRES
PRANE KESAJ MINIERE”.
(Projekt i programit për kërkim shkencor në universitete dhe shkollat e larta)
(Tetor 2006 – Tetor 2007)
Drejtuesi i Projektit Bashkëpunëtorë shkencorë:
Prof. as. dr. Skënder Lipo Prof. dr. Reshat Kuka
Dr. Gafur Muka
Dr. Edmond Hoxha
Student Jeton Pekmezi
TIRANE 2007
Minierat dhe Mjedisi
S. LIPO Fakulteti i Gjeologjisë dhe i Minierave 2
HYRJE
Industria e nxjerrjes së mineraleve, si një industri globale dhe me një reputacion
jo shumë të lakmueshëm në qarqet e sotme ekonomike, po përballet vitet e
fundit me sfidën për mbrojtjen e mjedisit dhe rritjen e vlerave të shoqërisë. Kjo
sfidë ka detyruar shumë shtete të hartojnë ligje dhe rregulla mbi zhvillimet e
aktiviteteve minerare dhe ndikimet e tyre në mjedis. Sanksionet civile të
përcaktuara në këto ligje, i detyrojnë pronarët dhe operatorët teknikë të
minierave, të jenë të përgjegjshëm për parandalimin e impakteve në mjedis nga
aktiviteti minerar që ato kryejnë, të njohin mirë kërkesat për mbrojtjen e
mjedisit dhe të përshtatin aktivitetin prodhues me kërkesat mjedisore dhe
zhvillimet e rajonit ku punojnë.
Dukuria e mbylljes së një sërë minierash dhe mungesa e fillimit të
operacioneve të reja minerare është sot prezent në shumë vende që kanë qënë
lider të prodhimeve minerare për vite me radhë. Një dukuri e tillë, por me
përmasa edhe më të mëdha, takohet edhe në vendit tonë në vitet e fundit. Shumë
miniera janë mbyllur, kryesisht ato të hekurit, qymyreve, boksiteve dhe
pjesërisht te bakrit, ndërsa në minierat e kromit punohet me kapacitete
prodhuese te vogla. Edhe pse disa miniera kromi janë dhënë me konçension,
edhe pse në disa miniera bakri po punohet pjesërisht për saktësimin e rezervave
minerare, edhe pse në disa miniera hekur nikeli po prodhohen sasira të vogla
minerali për eksport, këto janë shumë pak për potencialet minerare të vendit.
Interesimi i shoqërive të huaja për mineralet e kromit, bakrit dhe nikel-
silikatit, në këto vitet e fundit, është një shpresë për rihapjen e industrisë së
nxjerrjes së mineraleve në vendin tonë. Duhet kujdes, që në rihapjen e këtij
Minierat dhe Mjedisi
S. LIPO Fakulteti i Gjeologjisë dhe i Minierave 3
aktiviteti, të mos bëhen gabimet që u bënë vite me radhë, në drejtim të ndikimit
të pakontrolluar të aktiviteteve minerare në mjedis.
Në këtë sfidë është thelbësore të shënohet që, përpjekja për minimizimin
e efekteve në mjedis të një aktiviteti minerar, fillon me trajtimin e plotë të
problemit të impaktit minerar në mjedis, si një komponente thelbësore e
projektit minerar. Zgjedhja e teknologjive për zhvillimin e punimeve minerare
me ndikime minimale në mjedis, dhe plani i mbylljes se minierës me
rigjenerimin e dëmeve të sjella, vlersohen që në fazën e projektimit të punimeve
mineare. Kostua e vlersuar për prodhimin minerar ngarkohet dhe me koston për
punimet e rigjenerimit të mjedisit të dëmtuar.
Shfrytëzimi i pasurive minerare në vendin tonë është konsideruar si një
nga degët e zhvillimit me përparësi të ekonomisë me drejtim të centralizuar,
pavarsisht nga efektiviteti ekonomik në prodhimin e mineraleve. Shfrytëzimi
instensiv i minierave, me një teknologji në përgjithësi jo bashkohore, krahas
problemeve të karakterit tekniko – minerar që shtroheshin për zgjidhje, është
ballafaquar dhe me probleme jo të vogla sociale, që lidheshin kryesisht me
dëmtimet fizike të terenit dhe ndotjen e mjedisit. Këto dukuri kanë qënë prezent
edhe në minierën e qymyrit Mëzes.
Punimet minerare në minierën e Mëzezit janë kryer në një vendburim
qymyri me kushte gjeologo – minerare specifike. Shtresat e qymyrit, me dalje
në sipërfaqe, kanë një pjerrësi mjaft të madhe ( rreth 80o
), dhe janë të mbuluar
nga disa shtresa të holla ronorësh pa vazhdimësi të qartë dhe mjaft të
paqëndrueshëm. Në përgjithësi mbulesa e shtresave të qymyrit është shumë e
paqëndrueshme, gjë e cila ka bërë që shfrytëzimi në këtë minierë të shoqërohej
me ndikime të dukshme në mjedis. Këto ndikime, kryesisht në dëmtimin e
rrjetit të ujrave nëntokësor, ndryshimet fizike të terenit, si rezultat i uljeve të
terenit mbi zonat e shfrytëzuara, dhe ndotjen e mjedist nga hedhja e mbetjeve
Minierat dhe Mjedisi
S. LIPO Fakulteti i Gjeologjisë dhe i Minierave 4
sterile të nxjerra nga nëntoka, janë evidentuar si të tilla, por masat e marra për
minimizimin e tyre kanë qënë minimale.
Thyerjet e terenit pranë daljes së shtresës në sipërfaqe, duke qënë se
sillnin probleme mjaft shqetësuese për banorët e kësaj zone, janë trajtuar me
mbushje me materiale të dala nga miniera. Dëmtimet e tjera të ujrave
nëntokësor e sipërfaqor, ndotjeve të mjedisit si dhe thyerje e çarje të terenit janë
konstatuar dhe rilevuar, por pa marrë ndonjë masë mbrojtëse.
Veçoritë gjeologo minerae të takuara në këtë minierë, mendojmë që
mund të sjellin një impakt negativ edhe në ditët e sotme. Ka shumë gjasa që
procesi i uljeve të tereneit mbi zonat e shfrytëzuara të ketë përfunduar. Masivi i
nënshfrytëzuar, në levizjen e tij drejt hapësirave të krijuara nga nxjerrja e
qymyrit, është ngjeshur në masën e duhur. Në kushte normale të zhvillimeve të
punimeve bujqësore mbi këtë sipërfaqe, nuk do të ngriheshin hipoteza mbi
mundësinë e lëvizjeve të mëtejshme të këtij masivi. Sot mbi këto sipërfaqe kemi
një bum ndërtimesh të objekteve të ndryshme, me një apo edhe më shumë kate.
Ndërtimet e shumta në këtë zonë duhet të orientohen për të mos lejuar
ndërtime shumë katëshe në zona ku mendohet se mund të kemi lëvizje të
terenit. Duke njohur lëvizjet e terenit në këtë zonë, disa ndërtues janë interesuar
dhe kanë marrë një mendim të specializuar për objektet që do ndërtonin. Në
përgjithësi janë kufizuar ndërtimet shumë katëshe, por kohët e fundit vihet re
një tendencë për të ngritur objekte të larta.
Evidentimi i zonave me qëndrueshmëri të ulët, një brez ky mjaft i gjërë
që kalon mbi punimet minerare dhe zonat e shfrytëzuar në këtë minierë, janë
hapi i parë i këtij studimi. Gjatë këtij materializimi do të evidentohen dhe
objekte të ndërtuara në këtë brez.
Monitorimi i problemeve të shfaqura në objektet e ngritura, gjëndja e
tyre aktuale dhe projektimi i stacioneve për monitorimi i lëvizjeve të pritëshme,
Minierat dhe Mjedisi
S. LIPO Fakulteti i Gjeologjisë dhe i Minierave 5
duke vendosur reperë markshajderik për vrojtimin e uljeve dhe çarjeve në këto
mjedise, janë një tjetër objektiv i këtij studimi. Më pas monitorimi do të
vazhdojnë edhe në kuadrin e praktikave mësimore që kryejnë studentët e
specialitetit markshajderi.
Rezultatet e këtij studimi, krahas vlerave në fushën mësimore dhe
shkencore, do të orientojnë edhe punimet e ndërtimit të objekteve të ndryshme
të infrastrukturës në këtë zonë.
DISA TERMA TE PERDORUR
Lëvizjet e terrenit – Lëvizjet vertikale dhe horizontale te terrenit si rezultat i
lëvizjeve te masivit shkëmbor te nen shfrytëzuar.
Mbrojtja e mjedisit – tërësia e masave statike dhe dinamike ne miniera për
ruajtjen e mjedisit nga ndotjet dhe përmirësimin e jetës shoqërore.
Mjedis – Bashkësia e jetës se gjalle, florës, faunës dhe jetës shoqërore të një
territori të caktuar.
Monitorim i mjedisit – krijimi kushteve për matjen e ndryshimeve fizike dhe
vlerësimin e përgjithësimin e te dhënave mjedisore për një territor te caktuar.
Mulda e uljeve – Pjese e ulur ne forme govate e sipërfaqes se tokës nga
ndikimi i shfrytëzimit nëntokësor te një blloku minerar.
Stacion vrojtimi – Një rrjet pikash gjeomatike te vendosura sipas një skeme te
caktuar, për matjen dhe vlerësimin e lëvizjeve te vogla te terrenit.
Minierat dhe Mjedisi
S. LIPO Fakulteti i Gjeologjisë dhe i Minierave 6
Përmbajtja
I. Hyrje --------------------------------------------------------------- 1
II. Disa terma te përdorur ----------------------------------------- 5
1. Dëmtime te mjedisit nga nxjerrja e qymyrit ne Mëzezit ------- 14
2. Gjendja e mjedisit sot ne këtë zone minerare ------------------ 27
2.1 Puset kryesore te minierës ---------------------------------------- 29
2.2 Pusi i ajrimit -------------------------------------------------------- 31
2.3 Grumbujt e sterileve ----------------------------------------------- 32
2.4 Zonat e daljes se hinkave dhe uljeve maksimale --------------- 35
2.5 Punimet minerare -------------------------------------------------- 40
3. Vlerësimi i lëvizjeve te mundshme te terrenit ne zonën minerare
Mëzes ------------------------------------------------------------------ 42
4.1. A janë shuar lëvizjet e masivit te sjella nga shfrytëzimi 43
4.2. A do te shemben punimet minerare --------------------- 46
5. Monitorimi i disa objekteve ne zonën e ndikimit minerar - 50
5.1 Monitorimi i lëvizjeve te pritshme pranë pusit kryesor -- 51
5.2. Monitorimi i lëvizjeve te pritshme pranë pusit te ajrimit 55
5.3. Monitorimi i disa ndërtesave ---------------------------------- 56
5.4. Monitorimi i lëvizjeve te mundshme ne dy objekte ------- 57
6. Plani i zhvillimit rajonal --------------------------------------- 62
6.1 Përgatitja e planit te punimeve ne përshtatje me mjedisin- 62
6.2. Marrëdhëniet legale pronareve miniere - komunitet ---- 66
7. Projekti mjedisor dhe miniera --------------------------------- 70
8. Përfundime Rekomandime -------------------------------------- 79
9. Referenca ------------------------------------------------------ 81
Minierat dhe Mjedisi
S. LIPO Fakulteti i Gjeologjisë dhe i Minierave 7
1. LEVIZJET E TRUALLIT GJATE SHFRYTEZIMIT MINERAR NENTOKESOR NE
SHTRESA TE PJERRTA
Një ndër veçoritë kryesore të minierës së qymyrit Mëzes është pjerrësia e
madhe e shtresave të qymyrit. Në këtë minierë shtresat kanë një pjerrësi që
luhatet midis këndeve 75o deri 85
o, pjerrësi kjo që ndikon dukshëm në dukuritë
e lëvizjeve të sipërfaqes mbi zonën e shfrytëzuar.
Në shtresat e pjerrëta, këndet kufizues (limit) dhe të thyerjes përgjatë
rënies (γ, β), në anën e poshtme të panelit ( γH, βH) dhe në anën e sipërme te tij
( γL, βL), ndryshojnë dukshëm në madhësi, krahasuar me vlerat e tyre në
shfrytëzimin e shtresave gati horizontale, ose me pjerrësi të vogël (Fig. 1). Nga
vrojtimet është e njohur që këndi kufizues (γH) në anën e poshtme të panelit,
krahu horizontal i të cilit fillon në tavan të shtresës (pika B), bëhet më i sheshtë
më rritjen e pjerrësisë së shtresës, ndërsa këndi kufizues γL në anën e sipërme
bëhet më i pjerrët. Kështu në minierën e Mëzezit, ku pjerrësia e shtresës është
rreth 75o, këndet kufizues janë përkatësisht γH = 30
o deri 45
o , γL = 80
o deri 85
o.
Në shtresat shumë të pjerrëta këto ndryshime në këndet kufizues të
uljeve arrijnë një pikë kulmore, dhe më pas fillojnë të bien përsëri, me rezultatin
që këndet kufizues për shtratimet horizontale dhe vertikale të jenë të barabarta.
Këndet kufizues dhe të thyerjes luhaten në madhësi edhe nga kompozimi i
qëndrueshmërisë të shtratimeve të mbivendosura mbi shtresën e qymyrit.
Dukshëm ndikon në madhësinë e këndeve edhe trashësia e mbulesës e
mbivendosur mbi shtratimet e pjerrëta karbonifere. Këndet limit γ, γH dhe γL të
ndërtuar nga pika e sipërfaqes “P” formojnë konin e sipërfaqes kritike të
nxjerrjes, i cili është praktikisht eliptik në planin e shtresës dhe planin
horizontal të projeksionit.
Minierat dhe Mjedisi
S. LIPO Fakulteti i Gjeologjisë dhe i Minierave 8
Në shtratimet e pjerrëta mulda e uljeve është gjithmonë jo-simetrike.
Pika më e ulët e saj zhvendoset drejt pjesës së sipërme të panelit me rritjen e
pjerrësisë së shtresës, ndërsa mbi skajin e poshtëm të panelit (pika B) mulda
bëhet më e sheshtë dhe shkon larg mbi shtresën akoma të pa shfrytëzuar. Pjesa e
sipërme e muldës nuk e kalon shumë kufirin e sipërm të panelit. Në minierën e
Mëzezit, edhe pse në panelin pranë sipërfaqes lihej një pjesë e shtresës e pa
shfrytëzuar, si rezultat i paqëndrueshmërisë së madhe të shtratimeve të sipërme,
kemi krijimin e hinkave me thellësi jo të vogël.
Kurba e zhvendosjeve tregon një zhvendosje të madhe mbi kufirin e
poshtëm të panelit (Vymax1) dhe një zhvendosje të vogël në kufirin e sipërm të
panelit (Vymax2).
Kurbat e tensioneve dhe ngjeshjeve të derivuara prej kurbës së
zhvendosjeve, tregojnë një tension të rritur në pjesën e poshtme të muldës, diku
mbi shtresën e pa shfrytëzuar, ku mulda ndërpritet nga këndi i thyerjes, dhe një
ngjeshje të rritur në gjysmën e sipërme të kurbës së uljeve. Tensionet në pjesën
e sipërme të panelit janë relativisht të vegjël, krahasuar me tensionet e pjesës së
poshtme të panelit. Në minierën e Mëzezit, thyerjet e sipërfaqes në pjesën e
poshtme të panelit, janë kapur mjaftë qartë dhe ndihmojnë në formimin e
këndeve të thyerjes në këtë minierë.
Minierat dhe Mjedisi
S. LIPO Fakulteti i Gjeologjisë dhe i Minierave 9
Figura 1 Lëvizjet e truallit mbi një shtresë qymyri të pjerrët (sipërfaqe nen kritike)
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 10
Në shtratimet e pjerrëta vihen re dhe lëvizje të masivit nën shtresën e
shfrytëzuar. Kjo sjell dëmtime të punimeve minerare të hapura në këto
horizonte. Një dukuri e tillë është vënë re edhe në minierën e Mëzezit.
Në rastet kur shtratimet e deluvioneve kanë trashësi të mëdha dhe kanë
një qëndrueshmëri shumë të dobët (të pa lidhur mirë me formacionet
rrënjësore), dukuritë e zhvendosjeve në sipërfaqe nuk pasqyrojnë si duhet
dukuritë e zhvendosjeve në formacionet rrënjësore (Fig. 2). Lidhja e dobët e
deluvioneve bën që ato të lëvizin më shumë sipas drejtimit vertikal, duke mos
pasqyruar drejt komponenten horizontale të madhësisë së zhvendosjeve.
Megjithatë është e vështirë që të përcaktohen elementët e saktë të një mulde për
shtratime shumë të pjerrëta, përmasa të ndryshme të hapësirës së shfrytëzuar
dhe përbërjes te ndryshme gjeologjike të formacioneve që vendosen mbi
shtresën e qymyrit që shfrytëzohet.
Ka raste në praktikë kur zhvendosjet e terrenit kanë qenë më të mëdha
në krahun e ngritur të panelit, krahasuar me zhvendosjet e krahut të ulur të
panelit. Edhe përmasat e hapësirës së shfrytëzuar ndikojnë dukshëm në
elementët e një mulde uljeje. Me rritjen e përmasave të hapësirës së shfrytëzuar,
përtej hapësirës kritike kemi lëvizje të këndit nadir që përcakton pikën me ulje
maksimale.
Në kushtet e minierës së Mëzezit, përmasat e hapësirave të krijuara nga
nxjerrja e qymyrit kanë qenë mjaft të kufizuara. Kjo ka sjellë që elementët e
plotë të një mulde uljeve të mos përftohen asnjëherë gjatë punës në këtë
minierë. Si do shohim në paragrafët e mëposhtëm, daljet e hinkave në sipërfaqe,
gjatë shfrytëzimit sidomos në horizontet e sipërm të minierës, largohen nga
njëra tjetra, duke treguar kështu edhe ndarjen e fronteve të punës në nëntokë.
Mungesa e matjeve të plota markshajderike mbi dukuritë e lëvizjeve të
shtratimeve në horizonte të ndryshme të punës në nëntokë, nuk na lejon të
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 11
krijojmë një tablo të qartë mbi dukuritë e lëvizjeve të masivit dhe elementët e
muldave të uljes. Megjithatë në kohën e punës në minierë, ishte përcaktuar dhe
zona e ndikime në nëntokë.
Figura 2. Zhvendosjet në shtratimet e pjerrëta, duke vlerësuar dhe lidhjet midis
shkëmbinjve rrënjësor dhe mbulesës. (1) zhvendosjet në tavanin direkt, (2)
zhvendosjet në sipërfaqe pa marrë parasysh fërkimin e mbulesës - tavanin
direkt, (3) zhvendosjet që rezultojnë nga (1) dhe (2).
Vy
V
z
Hapësira e punes
Mbulesa e
punueshme H
1
3
2
P 1
P'
1
Y
Tavani Direkt
a
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 12
Ne punimet minerare qe avanconin ne drejtim te shtresave te qymyrit
ndiheshin lëvizjet e dyshemesë te punimeve pasi ato afroheshin pranë shtresave
te qymyrit (rreth 30 metra). Ne disa raste ka pasur dhe shembje te punimeve.
Kjo tregon që ndikimet në anën e shtruar të shtresave të qymyrit, kur shtratimet
janë shumë të pjerrëta nuk duhet të mos vlerësohen me kujdes.
Në figurën 3 jepet paraqitja e zonave të lëvizjeve gjatë shfrytëzimit në
një shtresa e trupa minerar me pjerrësi të madhe. Zonat e paraqitura në këtë
figurë japin një pamje të plotë të lëvizjeve të masivit, nga ndikim i hapësirave të
krijuara nga nxjerrja e qymyrit në dy horizonte.
Figura 3. Zonat e lëvizjeve të masivit gjatë shfrytëzimit në shtresa të pjerrëta
H
Zona e çarjeve Zona e përkuljeve Zona e shembjes
Niveli 400
Niveli 200
Kufiri Çarje - Përkulje
Kufiri Çarje - Shembje
1
2
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 13
Elementët e lëvizjeve të masivit, të sjella në këtë figurë, janë
përfaqësuese për trashësi shtrese të qymyrit nga 1 – 2 metra e më shumë, tavane
të qëndrueshme dhe hapësira pune mbi njëqind metra sipas shtrirjes dhe rënies.
Duket qartë që për shtresa me pjerrësi të madhe, zona e ndikimeve minerare
shtrihet kryesisht në anën e varur të shtresës, ku dallohen qartë zona e
shembjeve, zona e çarjeve dhe zona e përkuljeve. Edhe për këto kushte gjeologo
– minerare, zona e shembjeve ndodhet mbi daljen e shtresës në sipërfaqe, dhe
ka gjasa të mos zgjerohet me kalimin e shfrytëzimit në thellësi të mëdha (mbi
200 metra), dukuri e cila nuk vihet re në minierën e Mëzezit. Kjo ndodh pasi
qëndrueshmëria e masivit shkëmbor të nën – shfrytëzuar këtu është shumë më i
madh se qëndrueshmëria e shisteve argjilo – qymyrore që mbulojnë shtresat e
qymyrit në minierën Mëzes.
Në kushtet e minierës së Mëzezit, si do e shohim në paragrafin tjetër, ka
qenë e vështirë të përcaktohen saktë me matje këndet e thyerjes të sipërfaqes.
Në anën e shtruar të shtresës (pjesa e ngritur) kufijtë e ndikimit të shfrytëzimit
janë përcaktuar me kufijtë e shembjes së terrenit, ndërsa në anën e varur të
shtresë, shpesh janë takuar disa thyerje të terrenit, të ndodhura në kohë të
ndryshme, gjatë shfrytëzimit në të njëjtin panel. Kjo dukuri ka sjellë
pështjellime gjatë punimeve markshajderike në këtë minierë.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 14
2. DEMTIME TE MJEDISIT TE SJELLA NGA NXJERRJA E QYMYRIT
NE MINIEREN E MEZEZIT
Miniera e Mëzezit, e pozicionuar jo shumë larg qytetit të Tiranës, ka filluar
aktivitetin minerar në vitin 1964, dhe vetëm pas dy vitesh, në vitin 1966, në këtë
minierë filluan të shfaqen ndikimet e para në mjedis. E pozicionuar pranë rrugës
auto Durrës Tirane (sot autostrada), hekurudhës Tiranë – Durrës dhe lumit të
Lanës, u vlerësua si nevojë urgjente fillimi i punimeve matëse, për monitorimin
e ndikimeve të punimeve minerare në këto objekte, të rëndësishme për
ekonominë e atyre viteve. U ndërtuan stacionet e para për vlerësimin e lëvizjeve
të masivit të nën shfrytëzuar, dhe shumë shpejt u përcaktuan parametrat e
muldave të uljeve të sipërfaqeve. Mbështetur në këto parametra, u përcaktuan
kufijtë e shfrytëzimit, duke parashikuar lënien e një kolone qymyri të pa prekur,
për mbrojtjen e objekteve të mësipërme.
Kryerja e punimeve të shfrytëzimit në nivele jo shumë larg nga
sipërfaqja (40 deri 50 metra), shoqërohej me daljen e hinkave në sipërfaqe dhe
uljen e terrenit, pak ditë pasi përfundonte shfrytëzimi i një njësie prodhuese.
Dukuria e shfaqjes së hinkave dhe uljeve të terrenit, u bë një dukuri e
zakonshme në ato vite. Shërbimi markshajderik përcaktonte me saktësi të mirë
jo vetëm pozicionin e daljes së hinkave, por edhe kohën e shfaqjes së tyre. Po
kështu ishin përcaktuar dhe kufijtë e ndikimit në sipërfaqe, në anën e varur të
shtresave, ku shfaqeshin kryesisht ulje të vogla dhe zhvendosje horizontale.
Disa objekte në shërbim të minierës që ndodheshin në këto zona u larguan, dhe
uljet e terrenit të krijuara, mbusheshin me materiale shkëmbore të dala nga
punimet minerare që kryheshin në këtë minierë.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 15
Me fillimin e punimeve të nxjerrjes së qymyrit në nivelin e mëposhtëm
(rreth 50 metra më poshtë), u konstatua që hapësirat e mbushura me materiale
shkëmbore filluan të ulen përsëri, ndërkohë që u shfaqën dhe shqetësime në
rrugën auto Tiranë – Durrës dhe linjën hekurudhore që lidhte minierën me
linjën hekurudhore Tiranë – Durrës. Edhe pse ishte lënë një kolonë qymyri për
mbrojtjen e shtratit te rrugës, përsëri u vunë re plasaritje më gjerësi rreth 5 deri
7 centimetra. Shtrirja e ndikimit minerar përtej rrugës auto ishte e vështirë të
vlerësohej, pasi mungonin stacionet e vrojtimit dhe bimësia në tokat bujqësore
nuk lejonte vlerësimin e lëvizjeve të vogla. Në këtë zonë nuk ishin vendosur
reperë për vrojtimin e lëvizjeve, pasi nuk mendohej që ndikimi të shtrihej deri
në këto kufij. Këto dukuri çuan në vlerësimin edhe njëherë të këndeve kufij të
zhvendosjeve, duke dhënë një pamje përfundimtare të muldave të uljeve në këtë
minierë (Figura 4)
Duke studiuar me kujdes parametrat e muldës së uljeve në këtë minierë
(shih figurën 4), po shënojmë disa dukuri të shfaqura këtu, të rrjedhura si
rezultat i pjerrësisë së madhe të shtresë.
Së pari kurba e uljeve në këtë minierë nuk paraqitet me formën e asaj
klasikes. Pjerrësia e madhe e shtresës bën që masivi i shfrytëzuar, i vendosur
pranë kufirit të shtresës, të rrëzohet në formën e hinkave me një thellësi deri 1 –
1.2 metra, dhe gjerësi sipas rënies së shtresë 5 deri 6 metra, dhe sipas shtrirjes
së shtresës deri 20 metra (në varësi të përmasave të njësisë prodhuese). Mbas
kufirit të hinkës (sipas drejtimit kryq me shtrirjen e shtresës), vihej re një ulje e
vogël e terrenit (40 deri 60 cm.), ulje e cila ruhej pothuajse në të njëjtat përmasa
deri pranë linjës ku takohej thyerja e terrenit.
Ndërkohë zhvendosjet horizontale të terrenit janë në vlera të rritura (10
deri 20 cm) dhe vihej re një rritje e tyre duke ju afruar linjës së thyerjes. Në
disa raste, në linjën e thyerjes janë matur vlera të zhvendosjeve horizontale deri
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 16
në 30 centimetra. Mbas linjës së thyerjes ishte e vështirë të viheshin re ulje apo
zhvendosje të terrenit me përmasa të dukshme.
Sa më sipër krijohet mendimi që masa shkëmbore (shiste qymyri me
ranor e argjila) që mbulon suitën e shtresave të qymyrit, është shumë e
paqëndrueshme, dhe ka ndjekur lëvizjen drejt hapësirave të krijuar nga nxjerrja
e qymyrit. Vlerat e rritura të zhvendosjeve horizontale, tregojnë që masa
shkëmbore ka lëvizur drejt hapësirave të krijuara mbas shembjes së hinkave, në
zonën mbi hapësirën e njësisë prodhuese. Paqëndrueshmëria e lartë e kësaj
mase shkëmbore, tregohet dhe në shfaqjen e hinkave dhe muldave në sipërfaqe.
Edhe pse njësitë prodhuese, merreshin njëra mbas tjetrës, duke lënë mes tyre
një kolonë qymyri rreth 6 deri 8 metra, hinkat dhe uljet e sipërfaqeve ndërpriten
në hapësirat mbi këto kolona. Pra masa shkëmbore nuk ka krijuar konsola duke
u mbështetur mbi kolonat e lëna të qymyrit, por ka shoqëruar shembjen e
“tavanit direkt”, mbi hapësirën e krijuar nga nxjerrja e qymyrit, si një masë
shkëmbore e pa lidhur. Dalja e hinkave të veçuara u realizua gjatë shfrytëzimit
në nivelin e parë (kuota 0.0 m). Uljet e krijuara ne këto hinka së bashku me
muldat e krijuara nga ulja e terrenit u mbushën me materiale sterile të nxjerra
nga punimet minerare.
Shfaqja e hinkave, mjaft shqetësuese për formën dhe përmasat e tyre,
larguan vëmendjen nga kryerja e vrojtime markshajderike në zonën e uljeve të
qeta. Në këto vite të para të punës në minierë, nuk u morën të dhëna mbi
parametrat e muldave të uljeve, por vetëm kemi konstatime të lëvizjeve dhe
uljeve të rrugës auto që lidhte minierën me rrugën nacionale.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 17
Fushore V3
Fushore V2
Fushore V1
Shtresa 10
˜32°L
˜62°H
˜45°
Hekurudha Lumi Lanes Rruga
Tr. V1 (0.0 m)
Tr. V2 (-50 m)
Tr. V3 (-100 m)
+50 m
L
ZONA E ULJEVE
HINKA
ZONA E ULJEVE ZONA E ÇARJEVE
Kjo pjese e traverbankut
u demtua gjate punes ne
horizontet e meposhtem
Figura 4. Këndet kufizues të shfaqjeve të uljeve dhe hinkave në minierën Mëzes
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 18
Me fillimin e shfrytëzimit në horizontin e mëposhtëm (pas më shumë se dy
vitesh), hinkat u gjallëruan prapë, por tashmë përmasat e tyre ishin më të mëdha
në plan dhe më pak të thella. Si shihet dhe në figurë, hinkat e veçuara, të
shfaqura disa kohë më parë, u bashkuan me hinkat e reja, duke sjellë ndryshime
fizike të sipërfaqeve më të mëdha.
1
1
1
1
2
2
3
3
3
3
3
3
3
3
6.1
18.2
m
m
1 - Hinkat e krjuara nga
nxjerrja e qymyrit
ne nivelin 0.0 m
2 - Hinkat e krjuara nga
nxjerrja e qymyrit
ne nivelin - 50.0 m
3 - Kollonat e qymyrit
Galeri shtresore
Niveli 0.0 m
Traverbanku
Niveli - 50.0 m
Galeri shtresore
Niveli -50.0 m
Figura 5. Krijimi i hinkave të veçuara nga kolonat e qymyrit
Në hapësirat mbi traverbanget, ku përmasat e kolonave janë më të mëdha (rreth
20 metra), nuk vihen re shfaqje të hinkave, edhe pse tereni pëson një ulje të
lehtë.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 19
Një situatë e ngjashme si ajo e figurës 5, takohet pothuajse në të gjithë
gjatësinë e shtrirjes së punimeve të shfrytëzimit. Në ato vite, sipërfaqet e
dëmtuara nga uljet e terrenit, ishin toka bujqësore dhe ndonjë rrugë rurale, që
lidhte Mëzezin me rrugën Tiranë Durrës. Nuk kishte shtëpi banimi apo ndërtime
të tjera. Dëmtimet e sjella në këto toka bujqësore nuk vlerësoheshin si
problematike, ndërsa dëmtimet e rrugëve riparoheshin shpejt me mbushje me
material të përshtatshëm.
Po paraqesim disa nga dëmtimet e terrenit, të dokumentuara me foto
bardhë e zi në ato vite. Në figurën 6, jepet një pamje e pjesshme e një hinke të
krijuar, pranë daljes së shtresë, gjatë shfrytëzimit në nivelin e parë të kësaj
miniere.
Figura 6 Pamje e pjesshme e dalje e hinkës në sipërfaqe, foto 1970.
Si shihet dhe në foto, fillimisht tereni ulej pranë daljes së shtresës në
sipërfaqe, dhe më pas ulja vazhdonte për në drejtim të rënies së shtresës. Tereni
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 20
ulej në masën më të madhe për gjatë një periudhe 20 ditore, pas shfaqjes së
rrëzimit të terrenit (krijimit të hinkës). Më pas ulja vazhdonte në përmasa shumë
të vogla, për gjatë një periudhe kohe më shumë se 6 muaj. Mbushja e hinkave
dhe muldave të krijuara nga ulja me materiale shterpë, bëhej mbas periudhës së
parë të uljes.
Në figurën 7, tregohet linja e thyerjes së tereni, në krahun e varur të
shtresës, të sjellë nga shfrytëzimi në nivelin e dytë të kësaj miniere ( - 50
metra). Thyerja në këtë zonë shfaqej qartë dhe me përmasa të ndryshme. Në
këtë linjë thyerjeje janë matur zhvendosje të terrenit deri 30 centimetra dhe ulje
30 deri 40 centimetra. Mbas kësaj linje thyerjesh, uljet e terrenit ishin të vogla
dhe nuk trajtoheshin me mbushje nga miniera. Këto thyerje janë kapur edhe në
një linjë hekurudhore që lidhte minierën me stacionin e Kasharit. Këto thyerje
dëmtonin hekurudhën duke ndërprerë transportin deri në riparimin e shinave.
Figura 7, Linja e thyerjes së terrenit nga shfrytëzimi në nivelin e dytë të
minierës, foto e vitit 1976.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 21
Në figurën 8, tregohet dëmtimi i një godine nga uljet e terrenit në
pjesën e varur të shtresës. Edhe pse godina ndodhej jo afër linjës me zhvendosje
maksimale, vëmë re që çarjet e saj tregojnë për një zhvillim të theksuar të
lëvizjeve zhvendosëse. Kjo tregon që masa shkëmbore e paqëndrueshme, pas
krijimit të hinkës, tenton të lëvizë drejt hapësirave të krijuar nga formimi i
hinkës. Kjo shpjegon dhe çarjet e rrugës nacionale me gjerësi çarjeje 7 deri 9
centimetra, kur ulja në këtë pjesë rruge nuk e kalon vlerën e zhvendosjeve.
Një tjetër dukuri që tregon paqëndrueshmërinë e theksuar të masës
shkëmbore që mbulon suitën e shtresave të qymyrit, janë dhe disa shembje të
terrenit, në formë hinke, gjatë para shpënies së punimeve minerare.
Në këtë minierë janë takuar disa fenomene të tilla, ku më i rëndi ka qenë
shembja e punimeve fushore midis profileve 8 dhe 8a, ku u aksidentuan disa
punëtorë.
Figura 8, Objekt i dëmtuar nga lëvizjet e terrenit në minierën Mëzes.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 22
Edhe pse punimet minerare fushore, kryheshin në thellësi rreth 35 metra nga
sipërfaqja, shembja e terrenit u bë e menjëhershme. Vërshimet e ujërave të
grumbulluara në një zonë të ulur të sipërfaqes, mbas disa ditëve me shi, në
hinkën e krijuar nga shembja dhe më pas drejt punimeve minerare, dërguan në
frontin e punës një sasi të konsiderueshme uji dhe llurbe, që shkaktoi këtë
tragjedi. Nuk ka ndonjë foto të kësaj shembje, por e ngjashme me të është
shembja e një punimi fushor të treguar në figurën 9. Edhe pse punimi hapet në
thellësi rreth 35 metra nga sipërfaqja, tereni shembet duke krijuar një hinkë të
thellë.
Figura 9, Dalja e hinkës mbi traversë, degëzim nga galeria fushore V1.
Krahas dëmtimeve të mjedisit nga ndryshimet e theksuara fizike të
terrenit, si rezultat i shembjes së masivit shkëmbor të nën shfrytëzuar, janë
takuar dhe ndotje të mjedisit për shkaqe të tjera.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 23
Me fillimin e punimeve të minierës, materialet e nxjerra nga nëntoka
grumbulloheshin në sipërfaqet përreth minierës. Edhe pse një pjesë e
konsiderueshme e sterileve të nxjerrë nga nëntoka, përdoreshin në mbushjen e
hapësirave të krijuara nga shembjet, ose përdoreshin në shtrimin e rrugëve apo
shesheve që ndërtoheshin në atë kohë, përsëri një pjesë e mirë e këtij materiali
hidhej mbi tokat bujqësore. Shtogjet e materialeve krahas zënies së një
sipërfaqeje toke bujqësore, sillnin ndotje të mjedisit edhe për shkak të gazrave
që lëshoheshin nga shtogjet nën ndikimin e agjentëve atmosferik. Shpesh në
këta stogje, kur bashkë me sterilin hidheshin dhe mbetje qymyri, shfaqeshin
zjarre të vegjël që gjatë djegies lëshonin një erë shumë të keqe. Pamja aspak e
këndshme e tyre krijonte një mjedis të rrëmujshëm dhe të ndotur.
Edhe stogjet e qymyrit të nxjerrë nga nëntoka ishin një tjetër burim i
ndotjes së mjedisit pranë kësaj miniere. Në kohën e verës nga stogjet e qymyrit
shpërndaheshin re pluhuri shumë të dëmshme për shëndetin e banorëve të kësaj
zone. Kur stogjet qëndronin për një kohë relativisht të gjatë në sipërfaqe, në
qiell të hapur, shfaqeshin zjarre që shpërndanin re tymi dhe një erë shumë të
keqe. Mungesa e kapanonëve për grumbullimin e stogjeve të qymyrit sillte
shpesh situata të tilla të pakëndshme për banorët e kësaj zone.
Krahas problemeve të mësipërme vihej re dhe një prishje e ekuilibrit të
ujërave sipërfaqorë dhe nëntokësor në rrethinat e kësaj minierë. Edhe pse nuk
ka studime të kryera mbi dëmtimet e rrjetit të ujërave natyral në këtë zonë, vihej
re që, në periudhën e verës, shume toka bujqësore nuk kishin lagështinë e
nevojshme. Kjo ndodhte pasi ujërat e sipërfaqes largoheshin nëpërmjet të çarave
të terrenit, drejt galerive të nëntokës. Ndërsa në periudhën e dimrit, në muldat e
krijuara nga uljet e terrenit, kishim grumbullime ujërash dhe një lagështirë të
rritur për bimësi e këtyre sipërfaqeve.
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 24
Në ditët e sotme është vështirë që me një vështrim të shpejtë të dallosh
ndikimet minerare në këtë zonë. Nuk duken më gjurmët e hinkave të krijuara, as
gjurmët e sipërfaqeve të ulura, as stogjet e materialeve sterile, dhe as objektet e
dëmtuara. Vetëm një ulje jo normale e autostradës mund të kapet me një
vështrim të kujdesshme. Fotoja e sjellë ju kujton specialisteve të kësaj fushe
uljet e terrenit në këtë zonë shumë vite më parë.
Problemet e ndotjes së mjedisit, të renditura më lart, janë takuar në
shumicën e minierave të vendit. Edhe pse këto dukuri negative evidentoheshin,
nuk merreshin masat e duhura teknike minierave për minimizimin e tyre.
Mungesa në projektet e shfrytëzimit minerar, i pjesës mbi dëmet e pritshme në
mjedis dhe mundësitë e rigjenerimit të sipërfaqeve të dëmtuara, sillte në një
vlerësim të pjesshëm të dëmeve në mjedis dhe një veprimtarie të munguar për
minimizimin e dëmeve të sjella.
Figura 10, Foto e autostradës Tiranë Durrës pranë stacionit Kashar
Minierat dhe Mjedisi
_____________________________________________________________________
S. Lipo Fakulteti i Gjeologjisë dhe i Minierave 25
Edhe sot në shumë miniera të vendit, edhe pse ka vite që nuk punohet,
gjurmë të këtyre dëmtimeve në mjedis janë akoma të dukshme. Shpesh këto
dëme të sjella vite më parë, vazhdojnë të ndikojnë negativisht mbi mjedis.
Ndërmarrja e një studimi të plotë, për evidentimin e dëmeve të tilla dhe rrugët e
mundshme për minimizimin e tyre, duhet të jetë një detyrë jo e largët e
shoqatave mjedisore dhe punonjësve të këtij fakulteti.
Në figurën e sjellë më poshtë, jepet një pamje e zonës të marrë në
studim, marrë nga interneti. Aty gjejmë të shënuar dhe disa nga objektet
kryesore që lidhen me punimet minerare dhe dëmtimet në mjedis.
Minierat dhe Mjedisi
S. Lipo Fakulteti i Gjeologjisë dhe i Minierave 26
Figura 11, Pamje e zonës minerare Mëzes dhe disa objekteve të marrë në studim
4
2
6
1
3
2
12
6 5
10
11
9
7
7 6
8 9
OBJEKTET KRYESORE 1 - Puset e Minieres 2 - Pus Ajrimi 3 - Sheshi grumbullimit te qymyrit 4 - Bunkerat 5 - Autostrada 6 - Hekurudha e minieres 7 - Lumi Lana 8 - Stacioni Kashar 9 - Hekurudha Tirane - Durres 10 - Rruga Mezez 11 - Rruga Yrshek 12 - Shembja mbi punim
Minierat dhe Mjedisi
S. Lipo Fakulteti i Gjeologjisë dhe i Minierave 27
3. GJENDJA E MJEDISIT SOT NE KETE ZONE MINERARE
Miniera e Mëzezit vazhdoi aktivitetin minerar deri në vitet 1993. Mbas këtij
viti, përgjysmohet numri i punëtoreve, reduktohet ndjeshëm nxjerrja e qymyrit
dhe miniera ngadalë po mbyllte aktivitetin e saj. Mbas disa viteve në
konservim, miniera mbyllet plotësisht. Ne vitet e fundit është vene re mungesa e
rilevimeve te shërbimit te matjeve. Nxirren nga nëntoka ajo pjesë e materialeve
që ishte vlerësuar se mund të përdorej diku dhe, sipas një projekti, mbyllen
grykat e dy puseve kryesor.
Mbas mbylljes së nëntokës, privatizohen edhe ato pak ambiente në
sipërfaqe që nuk ishin privatizuar akoma. Materialet e zyrave u morën jo me
procedura te përcaktuara mirë, dhe sot është e vështirë të gjesh një planimetri të
plotë të punimeve të kësaj miniere. Mungojnë sidomos punimet e kryera mbas
viteve 92, pasi nuk ka rilevime dhe hartografim nga shërbimi markshajderik.
Edhe pse miniera nuk ekzistonte më si një aktivitet, ajo ishte aty dhe
vazhdonte të ndikonte në mjedis dhe jetën e një pjesë të banorëve që u afruan të
ndërtonin mbi sipërfaqet e ndikuara nga shfrytëzimi minerar. Privatizimi i
sipërfaqeve pranë minierës, u shoqërua edhe me shitjen e parcelave të veçanta
për ndërtim. Fillimisht të interesuarit për ndërtime konsultoheshin me
inxhinierët e kësaj miniere, për të parë nëse objekti i ndërtuar do të dëmtohej
nga ndikimet e minierës. Kështu filluan te ndërtoheshin objekte të reja, të
shpërndara në zona të vlerësuar si më të sigurta.
Më pas ndërtimet filluan të mbulojnë gjithë sipërfaqen edhe pse disa
ndërtime pësuan dëmtime jo të vogla. Sot nga gjithë ajo sipërfaqe e ndikuar nga
aktiviteti minerar, vetëm disa zona të vogla vlerësohen si të rrezikshme për
ndërtime objektesh. Këto zona lidhen me disa punime minerare që janë shembur
vite më parë, apo pranë puseve kryesor dhe një pusi ajrimi, që janë sot prezent
ne sipërfaqe dhe ju kujtojnë banoreve te rinj se pranë dhe nen shtëpitë e tyre
Minierat dhe Mjedisi
S. Lipo Fakulteti i Gjeologjisë dhe i Minierave 28
është një miniere e mbyllur. Pronarët e këtyre trojeve nuk rrezikojnë të
ndërtojnë mbi këto sipërfaqe, pasi presin ulje të terrenit nga aktiviteti minerar i
mbyllur vite më parë.
Ndërtimet e objekteve të ndryshme, sidomos në të dy anët e autostradës,
mbulojnë sot gati gjithë sipërfaqen e ndikuar nga shfrytëzimi nëntokësor. Pamja
e marrë nga googel earth (fig. 11) tregon qartë për ndërtimet e shumta në këtë
zonë. Gjithashtu në këtë pamje, tregohen dhe disa nga objektet kryesore që
lidhen me aktivitetin e kësaj miniere. Sot është e vështirë me një vështrim të
vetëm, të vlerësosh ndikimet negative në mjedis, të sjella vite më parë, nga
ndikimi minerar. Po sjellim më poshtë shkurtimisht, gjendjen e punimeve
minerare sot dhe ndikimet e tyre në mjedis.
Minierat dhe Mjedisi
S. Lipo Fakulteti i Gjeologjisë dhe i Minierave 29
3.1 PUSET KRYESOR TE MINIERES
Miniera e qymyrit në Mëzes, në përshtatje me terrenin ku kryhen aktivitetin,
është hapur me dy puse kryesor, pranë njëri tjetrit. Puset fillojnë në kuotën + 50
metra dhe shkojnë deri në kuotën – 150 metra. Gjithë aktiviteti i minierës është
kryer nëpërmjet këtyre dy puseve, si dhe disa pusëza ajrimi të hapura në mesin e
fushës minerare.
Me mbylljen e minierës, sipas një projekti të realizuar vite më parë,
kullat e dy puseve u prishën, ndërsa grykat e tyre janë mbyllur me disa mbulesa
metalike. Para kësaj mbylljeje, nga miniera u larguan të gjitha materialet që
mund të përdoreshin diku tjetër. Puset nuk u çarmatosën, por vetëm u larguan
disa nga tubacionet dhe kabllot që kalonin nëpërmjet tyre.
Fig. 12. Pamje e grykës të pusit kryesor (maj 2007).
Minierat dhe Mjedisi
S. Lipo Fakulteti i Gjeologjisë dhe i Minierave 30
Si shihet dhe nga fotot, mbulesat e grykave të puseve janë dëmtuar, dhe
duhet të riparohen. Nga të çarat e krijuara, mund të hidhen objekte të madhësive
të ndryshme. Duhet të bëhet kujdes, pasi këto të çara, mund të jenë burim
rreziku dhe për njerëzit apo kafshët.
Nga vrojtimet e kryera mbi këto mbulesa, vihet re që kolonat e puseve
janë mbushur me mbeturina dhe ujë. Nuk kemi rrjedhje të ujërave nga grykat e
puseve, pasi ujërat e minierës dalin në disa pika më kuotë më të vogël. Edhe në
rastet e ditëve me shi, në periudhën e dimrit, nuk kemi rrjedhje te ujit nga këto
gryka pusesh.
Theksojmë edhe njëherë që mbulesat e grykave të puseve të kësaj
miniere duhet të mirëmbahen. Nuk vihen re çarje në zonën përreth pusit, por
ndoshta një ditë, kolona e pusit mund të lëvizë dhe të krijojë çarje në sipërfaqe.
Mbushja e kolonës së pusit me ujërat e minierës, ndihmon në ruajtjen e një
ekuilibri të presioneve që ushtrohen mbi kolonë.
Fig. 13. Pamje e grykës të pusit ndihmës (maj 2007).
Minierat dhe Mjedisi
S. Lipo Fakulteti i Gjeologjisë dhe i Minierave 31
3.2 PUSI AJRIMIT
Për përmirësimin e ajrit në punimet minerare, në këtë minierë janë hapur disa
shpime me sonda, me diametër të madh (0.4 deri 0.6 metra). Këto shpime
hapeshin nga sipërfaqja dhe takonin një nga punimet minerare fushore të
minierës. Krahas hapjes së disa shpimeve, u hap dhe një pus ajrimi, pus i cili
përmirësoi dukshëm ajrin e kësaj miniere.
Me mbylljen e punimeve të minierës, ashtu si dhe puset kryesore, gryka
e këtij pusi u mbyll me një mbulesë hekur betoni. Pamje e gjendjes se mbulesës
të këtij pusi jepet në foton e mëposhtme.
Fig. 14. Pamje e pusit të ajrimit (qershor 2007).
Minierat dhe Mjedisi
S. Lipo Fakulteti i Gjeologjisë dhe i Minierave 32
Pusi i ajrimit është marrë në pronësi nga pronari i tokës, dhe pranë tij
është ngritur një lavash makinash. Sipas të dhënave të marra nga biseda me
pronarin e këtij pusi, gjatë gjithë vitit nga ky pus ka rrjedhje të lirë të ujit. Në
ditët e verës merret ujë me ndihmën e një pompe. Në periudhat me reshje,
prurjet nga ky pus rriten jo shumë.
Uji që del nga ky pus nuk ka ndotje të dukshme edhe kur kemi periudha
me rreshje. Uji përdoret për larjen e makinave, për vaditjen e tokave aty pranë
dhe si përdorim për punët shtëpiake. Uji nuk konsumohet për tu pirë. Nuk janë
bërë analizat e këtij uji, por uji duket i pastër dhe pa ndonjë erë karakteristike.
Në zonën përreth pusit të ajrimit nuk vihen re çarje të tokës, edhe pse
armatura e grykës së pusit është e dëmtuar. Në afërsi të pusit kalon rruga që lidh
fshatin Mëzez më autostradën, një rrugë që vite më parë, ka pësuar dëmtime
pikërisht në zonën pranë këtij pusi. Nuk ka objekte përreth pusit, pasi pronari i
tokës nuk është ende i bindur që në këtë zonë nuk do të këtë zhvillime të uljeve
dhe zhvendosjeve të terrenit.
Duhet të theksojmë këtu që në thellësi jo shumë të madhe (≈ 40 m) nga
sipërfaqja shtrihen disa punime minerare. Edhe pse nuk dihet gjendja e tyre, nuk
përjashtohet mundësi që shembja e këtyre punimeve të sjellë edhe lëvizje të
sipërfaqes në këtë zonë.
3.3 GRUMBUJT E STERILEVE (stogjet)
Ashtu si dhe në shumë miniera të tjera, materialet shkëmbore të nxjerra nga
nëntoka, gjatë para shpënies së punimeve minerare, grumbulloheshin në sheshe
jo shumë larg puseve të minierës. Edhe në këtë minierë kemi pasur disa stogje
materialesh sterile. Një pjesë e materialeve të këtyre stogjeve, janë hedhur në
hinkat e krijuara nga shembjet e sipërfaqeve nën ndikimin e shfrytëzimit
minerar. Disa stogje mbetën aty edhe sot. Me një vështrim të shpejtë është e
Minierat dhe Mjedisi
S. Lipo Fakulteti i Gjeologjisë dhe i Minierave 33
vështirë që këto stogje të evidentohen. Disa pjesë të stogjeve janë sheshuar dhe
sistemuar nga pronarët e trojeve ku ndodhen këta stogje. Shpesh këto stogje
janë ushqyer dhe me toka të mira, dhe mbi to sot kultivohen pemëtari, kryesisht
agrume dhe vreshta.
Materiali i stokut paraqitet shumë kompakt, pasi është ngjeshur nga vetë
pesha e tij për disa vite. Në afërsi të stokut të sterileve janë ndërtuar shtëpi
banimi me dy kate, ndërsa mbi sipërfaqen e stogjeve takohet dhe ndonjë
ndërtesë me një kat. Nga vrojtimet e kryera në një shtëpi të ndërtuar mbas
gërmimit të stokut, nuk vihen re presione të stokut mbi muret e shtëpisë.
Fig. 15. Pamje nga anash e një stoku të veshur me bar (qershor 2007).
Minierat dhe Mjedisi
S. Lipo Fakulteti i Gjeologjisë dhe i Minierave 34
Mbulesa e sipërfaqeve të stogjeve me bar dhe pemë të ndryshme, ka
bërë që jo vetëm ndikimi i tyre në mjedis të jetë minimal, por edhe pamja e
afruar nuk të le ndonjë shije të keqe. Ndikimi i mëvonshëm i këtyre stogjeve në
mjedis nuk pritet të jetë me probleme. Nuk janë bërë analiza mbi ndikimet në
mjedis të materialeve që përbëjnë stogjet, por dihet që shistet qymyrore dhe
ranorë të përzierë me argjila, janë përbërësit kryesor të materialit në stogje.
Edhe ndonjë zjarr i mundshëm i shisteve qymyrore, të hedhura në këto stogje,
tashmë duket i përjashtuar. Për gjithë 10 vitet e fundit nuk janë vënë re dalje
tymi apo zjarri nga materialet e stogjeve, dukuri të cilat ndodhnin jo rrallë gjatë
viteve të punës në këtë minierë.
Me privatizimin e pronave, edhe sipërfaqet e stogjeve janë bërë pronë e
disa pronarëve. Aty duhet të bëhet kujdes që mos kërkohet të ngrihen objekte të
ndryshme pa bërë pastrimin më parë të materialit të stokuar.
Fig. 16. Pamje nga lart e një stokut (qershor 2007).
Minierat dhe Mjedisi
S. Lipo Fakulteti i Gjeologjisë dhe i Minierave 35
Theksojmë që thellësia e materialit të stokuar shkon deri në disa metra (rreth 4
deri 10 metra), dhe ndërtimi i një objekti mbi këtë material do të dëmtohej nga
lëvizjet e materialit të stokuar.
3.4 ZONA E DALJES SE HINKAVE DHE ULJEVE MAKSIMALE.
Si e theksuam dhe më lart në këtë punim, zona e shfaqjes së hinkave shtrihet
gati për gjatë gjithë gjatësisë së kryerjes së punimeve. Ndërprerje të shfaqjes së
hinkave ka vetëm në zona të ngushta, ku janë lënë dhe kolonat e qymyrit për të
ndarë njësitë prodhuese (blloqet apo panelet) nga njëra tjetra. Në figurën e sjellë
zona e shembjeve (daljes së hinkave në sipërfaqe) është shënuar me një shirit të
dukshëm.
Edhe disa shembje të sipërfaqes, në formën e hinkave, të krijuara gjatë
para shpënies të punimeve minerare fushore, tashmë është e vështirë të dallohen
Fig. 17. Foto e një tereni ku kalon galeria fushore (qershor 2007)
Minierat dhe Mjedisi
S. Lipo Fakulteti i Gjeologjisë dhe i Minierave 36
Në figurën e sjellë jepet sipërfaqja e një toke private ku vite më parë shikonim
një shembje mbi një punim fushor (shigjeta tregon pikën markshajderike mbi
këtë shembje).
Galeria me seksion normal hapej për qëllime ajrimi. Nga kjo galeri do të
hapej një pus ajrimi, i cili e kishte daljen larg shtëpive të fshatit. Mbas rreth 100
metra para shpënie, galeria u shemb, dhe mbas disa ditësh, shembja doli deri në
sipërfaqe. Edhe pse disniveli midis tavanit të galerisë dhe sipërfaqes ishte më
shume se 35 metra, shembja e galerisë arriti të dalë në sipërfaqe në formë hinke.
Në vendin ku dikur ishte shembja, sot kemi vendosur një bllok betoni për të
monitoruar uljet e mundshme të terrenit.
Sot është e vështire të dallohet edhe një element i vetëm që të tregojë se
në këtë shirit toke, dikur janë shfaqur hinkat e krijuara nga nxjerrja e qymyrit.
Pronarët e vjetër të tokave i mbajnë mënd këto hinka dhe të tregojnë me saktësi
të mirë se ku kanë qenë ato. Në kalimin që bëmë mbi këtë shirit toke, e vetmja
gjë që mundëm të vinim re ishte tereni pak më i ulur. Kjo dallohej më mirë në
zona ku nuk janë bërë punime ndërtimi apo punime bujqësore.
Ndërtimet e bëra në këtë zonë, ku mendojmë se mund të priten lëvizje të
vogla të tokës, për arritjen e një ekuilibri të plotë natyror, mund të pësojnë
dëmtime të vogla. Kjo na obligon që disa nga këto ndërtime të mbahen në
monitorim edhe për disa vite. Edhe pse ishte e vështirë të merreshim vesh me
gjithë pronarët e këtyre objekteve, disa na lejuan të vendosnin disa reperë në
këto ndërtesa. Si do shpjegojmë më poshtë në këtë punim, këto reperë u lidhën
me matje në lartësi me reperë të vendosur në zona me të qëndrueshme.
Minierat dhe Mjedisi
S. Lipo Fakulteti i Gjeologjisë dhe i Minierave 37
Fig. 18. Objekti që ka pasur probleme në ne fazën e parë të ndërtimit të tij.
Disa objekte të vendosur në këtë zonë, të ndërtuar disa vite më parë, kanë
pësuar çarje të ndryshme, që mendojmë se kanë ardhur nga lëvizjet e terrenit
drejt një rikompaktësimi, pas marrjes së ngarkesës nga objekti i ndërtuar mbi të.
Kjo ka ndodhur me objektin e paraqitur në foto.
Gjatë ndërtimit të këtij objekti, u vunë re ulje të kolonave të ndërtesës në
një masë rreth 0.10 deri 0.15 metra. Kjo detyroi ndërtuesin të konsultoi
specialistët markshajder që kishin punuar në këtë minierë. Mbas disa
verifikimeve, u konstatua që ndërtimi ngrihej mbi zonën me ulje maksimale të
terrenit. Edhe pse miniera kishte më shumë se 4 vite që ishte mbyllur, ngarkesa
e kolonave të ndërtesë solli një ri lëvizje të terrenit të gjendur në një ekuilibër jo
përfundimtar.
Në një pjesë të madhe të kësaj zone, që janë në pronësi të personave që e
njohin fenomenin e uljeve të sipërfaqes nga ndikimi minerar, akoma nuk janë të
Minierat dhe Mjedisi
S. Lipo Fakulteti i Gjeologjisë dhe i Minierave 38
bindur për kryerjen e ndërtimeve. Këto toka janë përdorur kryesisht për
mbjelljen e kulturave bujqësore.
Objektet më të mëdha janë ndërtuar në të dy anët e autostradës. Si shihet
dhe në foton e sjellë, pranë rrugës për në stacionin e Kasharit, janë ngritur disa
objekte, për qëllime komerciale. Shumica e objekteve janë jo me shumë kate
dhe me një shtrirje të konsiderueshme, elementë këta që minimizojnë ndikimet
e sjella nga uljet e vogla të terrenit.
Ndër objektet e ndërtuar, të cilët janë të shumtë, përzgjodhëm për
monitorim vetëm disa objekte, të ndodhur në zona ku dikur kemi pasur ulje të
mëdha të terrenit.
Minierat dhe Mjedisi
S. Lipo Fakulteti i Gjeologjisë dhe i Minierave 39
Fig. 19, Pamje e zonës minerare ku tregohet dhe zona me ulje maksimale dhe daljes së hinkave
4
2
6
1
3
2
12
6
5
10
11
9
7
7 6
8 9
OBJEKTET KRYESORE 1 - Puset e Minieres 2 - Pus Ajrimi 3 - Sheshi grumbullimit te qymyrit 4 - Bunkerat 5 - Autostrada 6 - Hekurudha e minieres 7 - Lumi Lana 8 - Stacioni Kashar 9 - Hekurudha Tirane - Durres 10 - Rruga Mezez 11 - Rruga Yrshek 12 - Shembja mbi punim
Minierat dhe Mjedisi
S. LIPO Fakulteti i Gjeologjisë dhe i Minierave 40
3.5 Punimet minerare
Eshtë e vështirë të flitet me siguri për gjendjen e punimeve minerare sot, 10 vite
mbas braktisjes së minierës. Mbas mbylljes së grykave të puseve, si të vetmet
hyrje në këtë minierë, nuk kemi asnjë informacion mbi gjendjen e punimeve
minerare. Deri në vitet kur kjo minierë punonte (1997), gjendja e punimeve të
vjetra ka qenë relativisht e mirë. Në përshkrimet që jepen në projektin e
mbylljes së punimeve, flitet për punime minerare në gjendje të mirë.
Kujtojmë që punimet fushore në këtë minierë mbaheshin me armatura
hekur betoni të para-tensionuara, të vendosura në distancë 20 deri 40 cm. larg
njëra tjetrës. Punimet fushore më të vjetra, sipas bisedave me inxhinierë të kësaj
miniere, edhe pse të braktisura për vite me radhë, mbaheshin në gjendje të mirë.
Punimet e braktisura, kryesisht punimet fushore të nivelit të parë, në pjesën më
të madhe të tyre, janë në gjendje të mirë. Në sektorë të veçuar vihen re
shtrembërime të armaturave, si rezultat i kalbjes së mbështetësve prej druri që
lidhnin armaturat me njëra tjetrën. Edhe pse materiali shkëmbor nuk ishte
shumë i qëndrueshëm, mbi armaturat krijohej një qemer natyral, me lartësi rreth
3 deri 5 metra në qendër të qemerit, që ruante në gjendje të mirë armaturat e
punimeve minerare.
Sot këto punime minerare janë të mbushura me ujë, dhe është e vështirë
të gjykohet se kur këto punime do të shemben. Nga disa punime shpimi me
sondë nga sipërfaqja, të kryera nga persona privatë, për qëllime të marrjes së
ujit nga miniera, ka rezultuar se shpimi ka takuar hapësirën e punimit, afërsisht
në atë kuotë që pritej. Kjo tregon se këto punime janë akoma të pa shembur.
Në rast se këto punime do të shembeshin, kemi mendimin se kjo
shembje do të vinte deri në sipërfaqe, dhe mund të ishte me pasoja shumë të
rënda për objektet e ngritura pikërisht mbi këto shembje. Bëhet fjalë kryesisht
Minierat dhe Mjedisi
S. Lipo Fakulteti i Gjeologjisë dhe i Minierave 41
për shembjen e punime fushore të nivelit të parë, pasi punimet e niveleve të
tjera, me thellësi më të madhe se 80 metra nga sipërfaqja, ka shumë gjasa të
mos ndikojnë në objektet e sipërfaqes.
Punimet e nivelit të parë, me mundësi më të mëdha për të ndikuar në
sipërfaqe, janë ato të shpërndara më afër rrugës auto Tiranë – Durrës, ku dhe do
të vendosim disa reperë markshajderike, për monitorimin e lëvizjeve. Kjo zonë
është me e ndikuar nga këto punime, pasi disniveli midis tavanit të punimeve
dhe sipërfaqes zvogëlohet në kufijtë e 30 metrave. Kjo vjen pasi kuota e
punimeve ngrihet, ndërsa kuota e terrenit bie në këtë zonë.
Sollëm kështu disa nga ndikimet në mjedis në zonën minerare të
Mëzezit. Thamë që është e vështirë që me një vështrim të shpejtë të dallosh këto
ndikime. Duke përjashtuar pamjen jo të këndshme që të afrojnë dy puset
kryesor dhe pusi i ajrimit, si dhe terrenet e ngritura të stogjeve të sterileve,
duket sikur këtu nuk ka pasur ndonjëherë aktivitet minerar. E megjithatë duhet
të japim një përgjigje për dy probleme që lidhen me këtë aktivitet minerar:
A do të kemi më ulje të terrenit, si rezultat i mbushjes së hapësirave
nëntokësore, të krijuara nga nxjerrja e qymyrit?
A do të shemben punimet minerare të nivelit të parë, dhe a do të përcillet
kjo shembje deri në sipërfaqe?
Minierat dhe Mjedisi
S. Lipo Fakulteti i Gjeologjisë dhe i Minierave 42
4. VLERSIMI I LEVIZJEVE TE MUNDESHME TE TERENIT
NE ZONEN MINERARE MEZEZ
Zhvillimi i procesit të lëvizjeve të masivit shkëmbor të nën shfrytëzuar, është
një proces i njohur dhe i studiuar mirë. Në literaturën e gjerë të botuar në këtë
fushë, lexon për parametra të ndryshëm të muldave të uljeve, për fazat e
zhvillimit të uljeve e zhvendosjeve të terrenit, kohëzgjatjen e secilës fazë, dhe
shumë dukuri të tjera që lidhen me këtë fenomen (1).
Veçorit gjeologo minerare të takuara në vendburime të ndryshme dhe
parametrat teknik të sistemeve të shfrytëzimit të përdorur, ndikojnë kryesisht
në elementët e mësipërm të këtij fenomeni. Por gjithmonë në morinë e
ndryshimeve, dallohen edhe shumë pika takimi (ngjashmëri) të këtij zhvillimi.
Mbështetur në këto veçori dhe pika takim, janë ndërtuar klasifikime për
parametrat e pritshëm të uljeve e zhvendosjeve të masivit shkëmbor, nën
ndikimin e shfrytëzimit nëntokësor të mineraleve, ku mund të gjejnë hapësirë
edhe dukurit e shfaqura në minierat e vendit tonë.
Miniera e Mëzezit, si e kemi theksuar edhe më sipër në këtë punim, bën
pjesë në grupin e minierave të vështira për tu studiuar nga pikëpamja e uljeve të
masivit të nën shfrytëzuar. Pjerrësia e madhe e shtresave të qymyrit, përbërja jo
homogjene e pakos shkëmbore të vendosur mbi këto shtresa, trashësitë e vogla
të shtresave të qymyrit, thellësia e vogël e zhvillimit të punimeve të
shfrytëzimit, dhe veçorit e metodës së nxjerrjes së qymyrit, janë disa elementë
që nuk takohen së bashku në miniera të vendeve të tjera.
E me gjithë këto vështirësi, monitorimet e uljeve të terrenit, të kryera për
vite me radhë nga shërbimi markshajderik, kanë sjellë një pamje pothuajse të
plotë të dukurive të lëvizjeve të masivit edhe në këtë minierë. Njiheshin mirë
pozicionet e kufijve të hinkave dhe muldave në sipërfaqe. Dihej koha e shfaqjes
së tyre në sipërfaqe. Ishin përcaktuar përmasat e kolonave mbrojtëse për të
Minierat dhe Mjedisi
S. Lipo Fakulteti i Gjeologjisë dhe i Minierave 43
shmangura daljen e hinkave dhe uljeve pranë një objekti në sipërfaqe. Njiheshin
metodat për rigjenerimin e dëmeve të sjella në mjedis. Pra duket se monitorimet
e kryera kishin shpënë në një tablo të qartë të zhvillimit të dukurive të
mësipërme.
4.1 A janë shuar lëvizjet e masivit të sjella nga shfrytëzimi në minierën
Mëzez?
Krijimi i hapësirave në nëntokë, nga nxjerrja e qymyreve, kur përdoret
sistemi i shfrytëzimit me rrëzim të tavanit direkt, detyrimisht shoqërohet me
mbushjen e tyre me materiale që vijnë nga shembja e shtratimeve të vendosura
mbi shtresën e qymyrit qe nxirret. Më pas kemi prishjen e ekuilibrave natyror të
materialeve shkëmbor që formojnë tavanin kryesor, lëvizjen e këtij masivi drejt
hapësirave të krijuar, deri në vendosjen e një ekuilibri të ri dhe të qëndrueshëm.
Në varësi të përmasave të hapësirave të krijuara, thellësisë së kryerjes së
punimeve minerare, sistemit të shfrytëzimit, dhe qëndrueshmërisë të masivit
shkëmbor të nën – shfrytëzuar, lëvizja e masivit mund të vazhdojë deri në
sipërfaqe. Kemi kështu krijimin e muldave (uljeve në formë govate) të uljeve,
që më rrallë shoqërohen edhe nga shembje në formë hinke.
Mbështetur në matjet markshajderike të kryera në stacione vrojtimi, dhe
në një sërë faktorësh gjeologo – minerar, jepen kohët e shfaqjes së muldave të
uljeve, dhe koha kur kjo lëvizje fillon të shuhet (1). Parë në dritën e të dhënave
të literaturës dhe kohën kur punimet minerare në minierën Mëzez kanë
përfunduar, duhet të themi me siguri të plotë që uljet e terrenit, të sjella nga
nxjerrja e qymyrit në njësitë prodhuese të kësaj miniere, janë shuar plotësisht.
Minierat dhe Mjedisi
S. Lipo Fakulteti i Gjeologjisë dhe i Minierave 44
Edhe pse duhet të besojmë që uljet e terrenit në këtë minierë janë shuar,
duhet të shpjegojmë pse disa objekte, të ngritura në zonën e muldës së uljeve,
kanë pësuar dëmtime në strukturën e tyre. Eshtë konstatuar se mbasi janë
ngritur strukturat e disa objekteve, kemi pasur lëvizje të tyre, të ardhura nga
uljet e themeleve. Kjo ishte dhe një nga arsyet që në vitin 1997 – 1998 kur u
realizua studimi “Riaktivizimi i truallit dhe i objekteve të infrastrukturës të
dëmtuara në zonat minerare të Tiranës dhe Shqipërisë”, problemet e uljeve në
minierën Mëzez zinin një vend të konsiderueshëm ( 3 ).
Në këtë studim u ngrit dhe një stacion vrojtimi për të monitoruar lëvizjet
e mundshme të terrenit në këtë zonë minerare. U fiksuan një seri reperësh, sipas
dy linjave kryesore. Njëra linjë sipas aksit të autostradës Tiranë – Durrës, dhe
linja tjetër sipas rrugës hekurudhore që lidhte minierën me stacionin hekurudhor
Kashar. Mbas fiksimit të pikave, u kryhen dhe disa seri matjesh.
Meqenëse po ngrihej një stacion vrojtimi, për monitorimin e një procesi
uljeje në shuarje, largësia midis reperëve u zgjidh 50 metra. Reperët e linjës së
parë (sipas aksit të autostradës), u vendosën nga ish karburant “Shkumbini” deri
70 metra mbas rrugës që lidh autostradën me stacionin hekurudhor të Kasharit.
Reperët u fiksuan me pllaka metalike, të betonuara në fole të hapura në aksin e
autostradës.
Nga matjet e nivelacionit të kryera në këtë stacion vrojtimesh, gjatë
periudhës shtator 1997 deri janar 1998, u vu re që, për një periudhë 5 mujore,
nuk kishim ulje të kuotave të reperëve të fiksuar. Matje të tjera nuk u kryen mbi
këtë stacion vrojtimesh, pasi projekti u ndërpre për arsye fondesh. Edhe pse nuk
u kryen matje të tjera, u vlerësua që për një periudhë 5 mujore nuk kishim
lëvizje të reperëve të monitoruar.
Sot, mbas gati 10 viteve, kërkuam të vlerësonim përsëri gjendjen e
reperëve të ngritur vite më parë. Konstatuam se të dy linjat janë dëmtuar
Minierat dhe Mjedisi
S. Lipo Fakulteti i Gjeologjisë dhe i Minierave 45
pothuajse plotësisht. Linja e reperëve sipas aksit të hekurudhës, është dëmtuar e
gjitha dhe nuk mund të gjendej asnjë reper, pasi aksi i hekurudhës që lidhte
stacionin e Kasharit me minierën e Mëzezit nuk funksionon më. Edhe linja
sipas aksit të autostradës është dëmtuar pothuajse plotësisht. Arritëm të gjenim
vetëm një reperë të vendosur në këtë linjë, ndërsa reperët e tjerë janë dëmtuar,
nga disa punime që janë bërë pranë aksit të kësaj autostrade. Reperi i gjetur nuk
na krijon asnjë mundësi për të realizuar matje mbi ndonjë ndryshim të
mundshëm të kuotës së këtij reperi. Shënojmë qe në projektin e realizuar vite
më parë, nuk është punuar me kuotat absolute të reperëve, por janë vlerësuar
disnivelet midis reperëve të njëpasnjëshëm.
Gjetja e reperëve të vendosur në këto stacione vrojtimesh, do të ishte një
ndihmesë e madhe për të vlerësuar nëse aktiviteti i uljeve të terrenit, nga
ndikimi i shfrytëzimit minerar ka vazhduar për një kohë të gjatë. Edhe nëse me
matje mbi këtë stacion, do të konstatonim se nuk kemi pasur lëvizje të terrenit,
përsëri edhe kjo do të ishte një rezultat jo pa vlera shkencore.
Para këtij fakti vrojtuam me kujdes aksin e kësaj rruge. Vihen re çarje të
vogla të asfaltit, të orientuara jo sipas një rregulli, dhe me përmasa të tilla që
nuk të bëjnë të dyshohet për një vazhdimësi të procesit të uljeve në këtë zonë
minerare. Nuk mund të jemi plotësisht të sigurt për shuarjen e plotë të lëvizjeve
të masivit në këtë zonë, por jemi të bindur se lëvizjet mund të jenë në përmasa
të tilla që nuk mund të përbëjnë një problem serioz për ndërtimet e realizuara në
këtë zonë minerare.
Pra mund të arrijmë në konkluzionin që procesi i uljes së sipërfaqes nga
ndikimi minerar në këtë zonë është shuar.
Ndërtimi i objekteve të reja mbi këtë zonë, qofshin këto rrugë apo
ndërtesa me disa kate, mund të sjellë një gjallërim të lëvizjeve të truallit ku
ndërtohet, për të vendosur një ekuilibër të ri mbas marrjes së një ngarkese jo të
Minierat dhe Mjedisi
S. Lipo Fakulteti i Gjeologjisë dhe i Minierave 46
vogël. Kjo duhet të kihet parasysh nga ndërtuesit për zgjedhjen e formës më të
përshtateshe të konstruksionit të themeleve.
4.2 A do të shemben dikur punimet minerare fushore të kësaj miniere dhe
a do përcillet kjo shembje deri në sipërfaqe?
Miniera e Mëzezit është hapur me dy puse qendror, prej nga janë hapur
punimet fushore, në katër nivele të ndryshëm. Disniveli midis niveleve është
marrë rreth 50 metra. Miniera ka realizuar nxjerrjen e qymyrit nga tre nivelet e
sipërm, ku në nivelin e parë dhe të dytë, punimet e shfrytëzimit kanë shkuar deri
në fund të fushës minerare. Në nivelin e tretë është punuar në pjesën më të
madhe të tij, ndërsa niveli i katërt ishte në fillimet e tij kur miniera u mbyll.
Punimet minerare fushore janë hapur në anën e varur të shtresave, në
largësi rreth 50 metra nga shtresa kryesore që është shfrytëzuar. Punimet
fushore, në pjesën më të madhe të tyre, janë të armatosur me armatura betoni të
para tensionuara, të vendosura në largësi 20 deri 40 centimetra larg njëra tjetrës.
Armaturat mbështeten tek njëra tjetra me tako druri, të vendosura në dhëmbin e
sipërm të secilës armaturë. Në pjesë të veçanta, kur viheshin re shembje të
tavanit, armaturat vendoseshin njëra pas tjetrës.
Punimet fushore janë hapur në shkëmbinj ranorë me qëndrueshmëri të
dobët, shpesh të ndërthurur me argjila dhe shiste qymyrore. Hapja e punimeve
nuk përcillte probleme shembjesh, dhe me kalimin e kohës nuk viheshin re rritje
të presioneve mbi armaturat. Krijimi i qemerëve natyral mbi punime, lehtësonte
mjaft mbajtjen e tyre, dhe nuk kishte probleme me mirëmbajtjen e tyre, ashtu si
rëndom ndodhte në disa miniera të tjera qymyri. Pra e thënë qartë, punimet
Minierat dhe Mjedisi
S. Lipo Fakulteti i Gjeologjisë dhe i Minierave 47
minerare fushore në këtë minierë dukeshin se do të qëndronin në këmbë për një
kohë të gjatë.
Lëvizja e masivit nga shfrytëzimi i shtresave të qymyrit nuk ndikonte
pothuajse fare në punimet fushore te pozicionuara larg shtresave te qymyrit..
Kjo favorizohej nga pjerrësia e madhe e shtresave të qymyrit, dhe shpërndarje të
lëvizjeve të masivit jo shumë larg kufijve të shfrytëzimit. Në përmasat jo të
mëdha të shpërndarjes së zonës së lëvizjeve ndikon edhe qëndrueshmëria e
dobët e shkëmbinjve të tavanit të shtresës.
Traverbanget (traversat) që hapeshin nga punimet fushore për në kontakt
me shtresën, në pjesën afër shtresës (rreth 20 metra larg shtresës), merrnin
presione të mëdha mbas shfrytëzimit, dhe shpesh ishte e vështirë të mbaheshin
në gjendje pune. Me mbarimin e shfrytëzimit të panelit që i shërbenin, këto
punime, në metrat e fundit të tyre, mbylleshin nga presionet që merrnin nga
lëvizjet e masës shkëmbore të nën shfrytëzuar.
Në këto kushte, mbetet të vlerësohet nëse punimet fushore në këtë
minierë, do të shemben një ditë, dhe nëse kjo shembje do të arrijë deri në
sipërfaqe?
Pjesa e parë e kësaj pyetjeje duhet të marrë një përgjigje pozitive.
Punimet minerare fushore, edhe pse mbas krijimit të qemerëve natyral, provojnë
mbi armaturë një presion jo të konsiderueshëm, do vijë një ditë që, me kalbjen e
mbështetësve (takove) prej druri, armaturat do të humbasin ekuilibrin dhe do të
rrëzohen. Kjo do të ndodhë në segmente të ndryshëm të galerive fushore, dhe
më pas do të shpërndahet në të gjithë galerinë. Hapësirat e këtyre punimeve një
ditë do të mbyllen. Koha e mbylljes së punimeve mund të zgjasë një ose disa
vite, kjo është e vështirë të përcaktohet.
Minierat dhe Mjedisi
S. Lipo Fakulteti i Gjeologjisë dhe i Minierave 48
Theksojmë që punimet minerare fushore nuk do të shemben
njëkohësisht në të gjithë gjatësinë e tyre. Ato do të shemben në sektorë të
veçuar, aty ku do të kemi elementë tektonikë dhe rritje të ngarkesave mbi
armaturë.
Fakti që disa punime shpimi me sonda, për marrjen e ujit nga miniera,
janë drejtuar mbi punimet minerare fushore, dhe i kanë takuar ato në kuotat e
pritshme, tregon që këto punime akoma nuk janë shembur. Kanë kaluar disa
vite dhe këto punime janë akoma në këmbë. Armatimi i mirë, krijimi i
qemerëve natyral dhe mbushja e tyre me ujë, mund të zgjasin jetën e këtyre
punimeve edhe për vite të tjera, por një ditë këto punime do të shemben.
Pjesa e dytë e pyetjes të ngritur më lart, nëse kjo shembje e punimeve do
të përcillet deri në sipërfaqe, është dhe një nga problemet me të mëdha për
mbrojtjen e mjedisit dhe jetës së qytetarëve në këtë zonë minerare. Përcjellja e
mundshme e shembjes së punimeve deri në sipërfaqe, do të sillte probleme
serioze për çdo ndërtim të vendosur mbi këto punime.
Në pikën më të afërt të tavanit të punimeve fushore me sipërfaqen
merren vlerat e disnivelit prej jo më pak se 35 metra. Ky disnivel arrihet vetëm
nga pjesa fundore e punimeve fushore të nivelit të parë, pra për pjesën e
punimeve nga pusi i ajrimit deri në kufijtë e shfrytëzimit të shtresave të
qymyrit. Pra shanset që shembja e punimeve fushore të përcillet deri në
sipërfaqe janë, dhe do të takoheshin vetëm për punimet fushore të nivelit të
parë.
Në konsultim me literaturën minerare dhe specialistë të fushës së
minierave, u përpoqëm të nxirrnim një përfundim të saktë nëse shembja e
punimeve minerare të nivelit të parë, do të përcillet deri në sipërfaqe. Mbas disa
konsultime u arrit në përfundimin që, për kushte normale tekniko minerale,
Minierat dhe Mjedisi
S. Lipo Fakulteti i Gjeologjisë dhe i Minierave 49
shembja e punimeve minerare të nivelit të parë mund të arrijë deri në sipërfaqe,
por ndikimi i kësaj uljeje do të ndihej lehtë në sektorë të ndryshëm.
Në kushtet kur punimet minerare janë të mbushura me ujë, dhe kur ky
ujë është gjithmonë në lëvizje, shfaqen një sërë problemesh që lidhen me rritjen
e lartësisë së qemerit dhe përmasave të hapësirave të punimet në zonat ku do
kemi shembjet e para të armaturave. Në sektorë të veçuar, shembja e punimeve
minerare do të përcillet në sipërfaqe në mënyrë problematike, me ulje të
ndjeshme të terrenit. Kjo do të ndodhë në ato zona, ku pas krijimit të një
qemeri të lartë mbi punim, materiali i rrëzuar do të largohet nga ujërat që
rrjedhin sot nëpër punimet minerare. Kjo do të sjellë që lartësia qemer -
dysheme punimi të jetë e konsiderueshme. Në të njëjtën kohë mund të kemi dhe
zgjerim të bazamentit të punimit nga rrjedhja e ujërave minerarë. Për pasojë
shembja e qemerit mund të jetë e menjëhershme dhe të arrijë deri në sipërfaqe,
në formë të një hinke. Një situatë e tillë do të sillte dëmtime serioze në çdo
strukturë të ndërtuar mbi këtë punim.
Në praktikën e punimeve minerare fushore në këtë minierë, kemi pasur
edhe disa dukuri, që përforcojnë përfundimet e sjella më lart. Kemi disa raste,
kur gjatë para shpënies të punimeve fushore të nivelit të parë, kemi pasur
shembje të punimit, dhe përcjelljen e kësaj shembje deri në sipërfaqe. Më tipike
është shembja e një galerie fushore të nivelit të parë, dhe krijimi i hinkës në
sipërfaqe me përmasa jo të vogla (shiko figurën 9).
Ky rast nuk mund të përgjithësohet, pasi punimi u ndërpre në pikën e
shembjes nga një prishje e pastër tektonike, e orientuar tërthor aksit të punimet
dhe me një amplitudë rreth 0.8 metra. Zhvillimi i kësaj prishjeje, që dallohej
edhe në sipërfaqe, krijoi kushte shumë të favorshme që shembja e punimit
minerar të përcillej në formë hinke deri lart në sipërfaqe.
Minierat dhe Mjedisi
S. Lipo Fakulteti i Gjeologjisë dhe i Minierave 50
Mbetemi të mendimit që punimet minerare fushore të zhvilluara në këtë
minierë do të shemben një ditë, dhe ndikimi i kësaj shembje në sipërfaqe do të
përcillet në një masë jo të vogël. Do te theksojmë që pikërisht mbi këto punime
nuk duhet te ndërtohen objekte banimi, apo të kryheshin punime të tjera
industriale. Nëse ka objekte banimi, tashme te ndërtuara mbi këto punime, ato
duhet te monitorohen dhe mbase duhet te largohen nga këto zona te rrezikshme.
Mbështetur në materialet grafike markshajderike, të ruajtura në
departamentin e minierave, pranë ish Institutit të Teknologjisë Minerare, duhet
të punohet për evidentimin e punimeve minerare të nivelit të parë, në të gjithë
minierën. Në një hap të dytë duhet të materializohen në sipërfaqe pozicionet e
këtyre punimeve. Pikërisht mbi këto gjurmë të punimeve në sipërfaqe, duhet të
kryhen monitorime mbi objektet e ngritur dhe duhet të ketë një kufizim të rreptë
të ngritjes së objekteve të reja.
Do të propozonim këtu një vlerësim të gjendjes së punimeve minerare
me ndihmën e matjeve gjeofizike.
5. MONITORIMI I DISA OBJEKTEVE TE NDERTUARA NE ZONEN E NDIKIMIT
MINERAR
Miniera e qymyrit Mëzez tashmë ka mbyllur jo vetëm aktivitetin e saj prodhues,
por edhe ndikimin intensiv në mjedisin përreth. Kudo në këtë zonë, që dikur
quhej zonë e rrezikshme nga ndikimi minerar, punohet në ngritjen e një
infrastrukture të re, rrugë e ndërtesa dhe rritjen e kulturave bujqësore.
Nuk flitet më për aktivitet minerar, dhe nuk kemi më stacione vrojtimi
për monitorimin e lëvizjeve të terrenit. Në këto kushte, mbështetur dhe në
vlerësimin që ju bë në paragrafin e kaluar, lëvizjeve të mundshme të terrenit në
këtë zonë minerare, stacionet e monitorimit të lëvizjeve të mundshme të terrenit
Minierat dhe Mjedisi
S. Lipo Fakulteti i Gjeologjisë dhe i Minierave 51
marrin një formë tjetër. Nuk do të ketë stacione vrojtimi klasik, pasi edhe
aktiviteti minerar është larguar nga skema klasike, por do të përshtaten disa
skema me reperë të veçuar, ku dhe priten këto lëvizje.
Folëm më sipër për shumë ndërtime në terrene që dikur kanë qenë nën
ndikimin minerar, dhe për zona apo linja ku priten lëvizje të terrenit. Edhe
stacionet e vrojtimit që do të ngrihen, në përshtatje me këto kushte, do të
monitorojnë pikërisht këto zona. Veçojmë monitorimin e disa objekteve që
ndodhen në zona me ndikim minerar, monitorimin e një linjë ku priten uljeve të
terrenit mbi një galeri fushore, të hapur në nivelin e parë të punimeve minerare,
si dhe zonat përreth puseve kryesor dhe pusit të ajrimit. Për secilën zonë, në
varësi të elementëve të lëvizjeve të terrenit që mendohet të monitorohen, do të
përshtaten dhe skemat e stacioneve të vrojtimit dhe metodikat e matjeve.
Meqenëse lëvizjet e terrenit që priten të ndodhin do të jenë funksion i
një kohe relativisht të gjatë, edhe monitorimi i tyre do të shtrihet në kohë.
Stacionet e vrojtimeve që do të ngrihen në këtë fazë të parë të këtij projekti, do
të monitorojnë lëvizjet e terrenit në afërsi të puseve të minierës, dhe në disa
objekte që ndodhen në anë të autostradës. Mbi këto stacione, që do të shërbejnë
dhe për zhvillim të praktikave mësimore të studentëve të departamentit të
inxhinierisë të gjeoburimeve, do të kryhen vazhdimisht matje, në intervale të
gjatë kohorë (tre dhe më shumë muaj). Kur të vlerësohen lëvizjet e para, atëherë
do të shpeshtohen matjet, për një shpjegim më të mirë të dukurive të tilla.
Në një fazë të mëvonshme të këtij projekti, do të ngrihen dhe stacione të
tjerë për monitorimin e lëvizjeve të terrenit me origjinë minerare.
5.1 Monitorimi i lëvizjeve të pritshme të terrenit në afërsi të puseve
kryesor.
Minierat dhe Mjedisi
S. Lipo Fakulteti i Gjeologjisë dhe i Minierave 52
Grykat e puseve kryesor të minierës, si u theksua me lart në këtë punim, janë
mbyllur me pllaka metalike. Sot puset janë të mbushur me ujë deri afër grykave
të tyre (rreth 15 metra poshtë nivelit të grykës së pusit). Sot vihen re prishje të
armaturave metalike që mbyllin grykat e puseve, si dhe disa çarje jo të vogla në
blloqet e betonit të armaturave të puseve. Edhe pse armaturat e kolonave të
puseve nuk janë çmontuar, mendojmë se do të kemi lëvizje të vogla të terrenit
përreth puseve.
Edhe pse këto lëvizje do të përfshijnë një sipërfaqe jo të madhe, edhe
pse do të jenë lëvizje me përmasa të vogla, pra pa pasoja për objektet që mund
të ngrihen në këtë zonë, mendojmë ti monitorojmë për të parë sjelljen e
armaturave të puseve në kushte të tilla. Kryesisht pritet të kemi lëvizje vertikale
dhe më pak lëvizje horizontale. Disa çarje të armaturave të puseve dhe terrenit
përreth, na japin të drejtë të mendojmë që kemi pasur lëvizje të vogla
horizontale gjatë këtyre 10 viteve kur miniera ka mbyllur aktivitetin.
Lëvizjet e terrenit përreth kolonave të dy puseve kryesor do të jenë më
tepër lëvizje vertikale dhe më pak lëvizje horizontale. Për monitorimin e
lëvizjeve të tilla, duke vlerësuar dhe rëndësinë jo të drejtpërdrejtë të këtyre
lëvizjeve në mjedisin përreth, ngritëm një stacion të thjeshtë vrojtimi. Sipas
linjës që lidh akset e dy puseve u vendosën dy pika vrojtimi, dhe dy pika të tjera
u vendosën jashtë “zonës së ndikimit”. Pikat nr. 1 dhe nr. 2, u fiksuan mbi
blloqet e betonit të armaturave të dy puseve, pranë akseve të puseve. Pika e
centrimit nr. 3 është fiksuar me bllok betoni, në një linjë gati pingul me linjën e
dy pikave të para. Nga pika nr. 3, ku do të centrohet instrumenti për matjen e
këndeve dhe distancave, vizohet fillimisht në pikën nr. 4, një bllok betoni i
vendosur larg zonës së ndikimit.
Minierat dhe Mjedisi
S. Lipo Fakulteti i Gjeologjisë dhe i Minierave 53
Skema e zgjedhur është e thjeshtë (shiko figurën 20) dhe do të
evidentonte çdo lëvizje të mundshme të pikave markshajderike të vendosura në
këtë skemë.
Për vrojtimin e lëvizjeve horizontale, në skemën e ndërtuar të stacionit
të vrojtimit u parashikua dhe matja e dy këndeve. Skema e reperëve është e tillë
që të lejon matjen e këndeve me një saktësi të mirë. Në rast të ndryshimeve në
këndet e matur, do të vlerësohen dhe lëvizjet e mundshme horizontale. Matja e
këndeve u realizua me teodolit me lexim të këndeve deri 1 sekonda. U matën
vetëm dy këndet që formohen në skemë, me dy seri të plota. Matja e parë u
realizua në fillim të qershorit 2007, dhe matja e dytë u realizua në tetor 2007.
Nga këndet e matur në dy periudha të ndryshme nuk u vunë re ndryshime në
pozicionin e pikave.
88°31'19"
27°51'45"
Pusi ndihmes
Pusi kryesorReperi nr. 4
Reperi nr. 3
Reperi nr. 1 Reperi nr. 2
Figura 20. Skema e matjes së këndeve në stacionin pranë puseve kryesor
Theksojmë që gjatë matjeve në muajin tetor u vunë re dëmtime serioze të
mbulesave të puseve. Mbulesa e pusit kryesor, si dhe një pjesë e bazamentit të
pusit, janë dëmtuar seriozisht. Banorët e kësaj zone janë munduar të mbulojnë
zgavrat e hapura me mjete rrethanore (shih figurën 22 ), por vlerësojmë që aty
duhet të ndërhyhet nga specialistët e fushës së minierave.
Minierat dhe Mjedisi
S. Lipo Fakulteti i Gjeologjisë dhe i Minierave 54
Krahas matjes së këndeve u realizuan dhe matjet e disniveleve midis
reperëve nr. 1 dhe nr. 2.
Figura 21. Matja e disniveleve midis reperëve nr. 1 dhe nr. 2 (tetor 2007)
Matjet u kryen me nivelën vetë horizontuese Ni – 040, me pozicion të nivelës
midis dy reperëve. Matjet u kryhen për dy lartësi të nivelës. Në të dy matjet e
nivelacionit, të kryera në dy periudha të ndryshme, rezultoi se disniveli midis dy
reperëve (Δh = 135 mm) mbetet i pa ndryshuar.
Shënojmë që akoma nuk vihen re lëvizje në kolonat e puseve edhe pse
vihen re disa dëmtime të një krahu të mbulesës natyrore të pusit kryesor dhe
mbulesës metalike.
Nga fotoja e paraqitur në figurën 22 duken qartë dëmtimet e terrenit në
drejtimin jugor të armaturës së pusit. Aty është krijuar një hinkë me përmasa në
pjesën e sipërme 3.5 me 2.5 metra dhe e pjerrur në drejtim të trungut të pusit.
Masat e marra, nga banorët e kësaj zone, për mbushjen e kësaj hinke me
materiale rrethanore, nuk ka dhënë rezultat.
Minierat dhe Mjedisi
S. Lipo Fakulteti i Gjeologjisë dhe i Minierave 55
Figura 22. Dëmtimi i mbulesës së pusit kryesor dhe shembje e një pjese të
bazamentit të shinave
Materialet e hedhura kanë humbur në hapësirën e pusit. Duhet që të
ndërhyhet me ndërtimin e një mbulese të re hekur betoni, me përmasa edhe më
të mëdha se mbulesa e parë, një kërkesë kjo nga banorët e kësaj zone. Rrethimi i
zonës përreth puseve kryesor dhe pusit të ajrimit duhet të vlerësohet me kujdes
dhe sa më shpejt.
5.2 Monitorimi i lëvizjeve të pritshme të terrenit pranë pusit të ajrimit
Situata pranë pusit të ajrimit paraqitet më e ndërlikuar. Vetë trungu i pusit të
ajrimit lidh horizontin e dytë të minierës me sipërfaqen. Traverbangu nga është
hapur pusi i ajrimit, ka qenë nën ndikimin e punimeve të nxjerrjes së qymyrit,
DEMTIMI
MBULESES
Minierat dhe Mjedisi
S. Lipo Fakulteti i Gjeologjisë dhe i Minierave 56
dhe është dëmtuar pjesërisht që në ato vite. Kjo ka sjellë dhe dëmtimin disa herë
të rrugës auto, që lidh autostradën me fshatin Mëzez. Sot rruga, mbas zgjerimit
dhe asfaltimit në vitin 2006, paraqitet në gjendje shumë të mirë (shiko figurën
23).
Figura 23. Foto e rrugës së Mëzezit pranë pusit të ajrimit.
Në krah të rrugës janë ndërtuar vite më parë, disa mure me blloqe betoni, që ju
shërbejnë ndarjes së pronave. Në muret e ndërtuar vërehen shumë çarje, të cilat
mendojmë që mund të kenë ardhur edhe nga lëvizjet e terrenit, por mund të jenë
edhe si rezultat i ndërtime jo cilësore (shih disa foto në shtesën e projektit).
Në afërsi të pusit të ajrimit është duke u ndërtuar një kompleks sportiv
me disa fusha futbolli. Kjo na e vështirëson ndërtimin e një stacioni vrojtimi në
këtë zonë. Fillimisht po mjaftohemi me vendosjen e tre reperëve pranë pusit të
ajrimit. Një reper është vendosur pranë pusit dhe dy reperë në anë të rrugës.
Pusi ajrimit
10 metra
Minierat dhe Mjedisi
S. Lipo Fakulteti i Gjeologjisë dhe i Minierave 57
Edhe në zonën përreth këtij pusi vihen re çarje të truallit dhe dëmtime
serioze të mbulesës së pusit. Duhen marrë masa me ndërtimin e një mbulese të
re dhe rrethimin e zonës përreth këtij pusi.
5.3 Monitorimi i disa ndërtesave
Disa nga ndërtimet e shumta të ngritura në këto 10 vitet e fundit, në të dy anët e
autostradës, janë vendosur mbi sipërfaqe toke që dikur kanë qenë nën ndikimin
minerar. Kur i pyet sot pronarët e ndërtimeve të reja, të ngritura mbi këto truaje,
nëse e dinë që poshtë ndërtesave të tyre janë disa punime minerare, përgjigja
është jo. Eshtë e vështirë sot të marrësh një informacion mbi problemet që kanë
pasur ndërtuesit me qëndrueshmërinë e tokës dhe themeleve. Disa nuk
dëshirojnë të japin informacion, ndërsa disa tregojnë se nuk kanë pasur asnjë
problem me qëndrueshmërinë e objektit, as në fazën e ndërtimit, as më vonë.
Të ndodhur para një mungese gati të plotë të një informacioni të tillë,
përzgjodhëm për monitorim disa objekte, të vendosur në sipërfaqe, dikur të
ndikuara nga aktiviteti prodhues i minierës.
Monitorimi i objekteve të përzgjedhura do të konsistojë në vlerësimin e
uljeve të mundshme të ndërtesave, duke vendosur disa reperë në strukturat
kryesore të objekteve. Mendojmë që objektet do të monitorohen kryesisht për
kapjen e lëvizjeve në planin vertikal, si dhe do të maten disa kënde, për
vlerësimin e lëvizjeve horizontale. Në varësi të konstruksionit të objekteve, do
të përzgjidhen dhe format e reperëve për monitorim.
5.4 Monitorimi i lëvizjeve të mundshme në dy objekte pranë autostradës.
Objektet e paraqitura në figurë, janë ndërtuar mbi sipërfaqe, që dikur kanë
pësuar ulje dhe zhvendosje horizontal, të sjella nga ndikimi minerar. Në këtë
Minierat dhe Mjedisi
S. Lipo Fakulteti i Gjeologjisë dhe i Minierave 58
zonë uljet dhe zhvendosjet e terrenit kanë qenë në parametra nën mesatarë të
kapura me matje gjatë punës në minierë.
Sipas një projekti të hartuar, për mbrojtjen e rrugës auto nga ndikimet
minerare, u bënë disa ndryshime në parametrat e shfrytëzimit për panelet e katit
të parë. Në panelin e katit të dytë parametrat e nxjerrjes së qymyrit nuk u
ndryshuan. Kjo bëri që ndikimet e shfrytëzimit në sipërfaqe të shfaqeshin vetëm
me disa ulje dhe zhvendosje të terrenit, pa u krijuar hinkat e shembjes.
Figura 24 Objektet e marrë në monitorim
Për të mbrojtur rrugën auto, në katin e parë, panelet e nxjerrjes së
mineralit merreshin me shirita me gjerësi 20 metra, duke lënë mbas secilit shirit
nga një kolonë 10 deri 15 metra. Lënia e kolonave të tilla ka shmangur daljen e
disa hinkave në sipërfaqe dhe zonat e uljeve (muldat e uljeve) kishin shtrirje
dhe thellësi më të vogla. Monitorimet e uljeve dhe zhvendosjeve në këtë zonë
janë bërë vetëm me disa reperë markshajderik, ku vlerësohen se uljet maksimale
Minierat dhe Mjedisi
S. Lipo Fakulteti i Gjeologjisë dhe i Minierave 59
kanë kapur vlera rreth 0.3 metra, ndërsa nuk jepen të dhëna për vlerat e
zhvendosjeve.
Gjatë punimeve të shfrytëzimit në nivelin e dytë, përsëri janë vënë re
ulje të terrenit, por mungojnë të dhënat për parametrat e muldave të uljeve.
Gjatë kësaj faze pune, nuk ka pasur shfaqje të hinkave në sipërfaqe.
Figura 24 Marrja e leximeve mbi vizoren e vendosur në reverin nr.1
(27 tetor 2007, seria e dytë e matjeve)
Mbështetur në këtë informacion jo të plotë, vendosëm të monitorojmë
objektet e më sipër, në drejtim të uljeve të mundshme të terrenit. Monitorimi i
këtij objekti do të bëhet vetëm për parametrin e lartësisë. U vendosën dy reperë
në objektin majtas (reperët 1 dhe 2), një reper (nr. 3) në objektin afër tij
(djathtas ) dhe një reper (nr. 4) në aksin e autostradës (shih fig. 24).
Reperi nr. 1
VIZORE
Minierat dhe Mjedisi
S. Lipo Fakulteti i Gjeologjisë dhe i Minierave 60
Konstruksioni i objektit mbështetet në kolona, ku kolonat anësore janë
dhe më të qëndrueshmet. Pikërisht mbi këto kolona vendosëm reperët, me
ndihmën e disa kunjave metalike në trupin e kolonave anësore.
Monitorimi i lëvizjeve të mundshme të terrenit, pra dhe kolonave të
objekteve, do të bëhet me vlerësimin e ndryshimeve të disniveleve të reperëve
të vendosur mbi këto objekte, mbështetur në disa seri matjesh në kohë të
ndryshme. Njëkohësisht do të vrojtohen dhe muret e këtij objekti, për të
vlerësuar ndonjë çarje mbi to. Koha e kryerjes së matjeve niveluese të reperëve
do të jetë çdo tre muaj, dhe periudha e monitorimit do të zgjasë dy vjet.
Mbas fiksimit të reperëve në të dy objektet u realizua nivelimi midis
kokave të reperëve për të llogaritur disnivelin midis tyre. Matjet u realizuan me
një nivelë vetë horizontuese me saktësi teknike, të tipit NI – 040. Para pune
nivela ishte e kontrolluar për kushtet kryesore të saj. Për të marrë një rezultat sa
më të mirë, nivelacioni u krye me pozicion të nivelës në mes të reperëve. Mbi
reperët u vendos një vizore e shkallëzuar, ku u morën dhe leximet deri në kufijtë
e milimetrit. Largësia e vogël nivelë – vizore krijoj mundësinë që leximet të
dukeshin qartë, ku mund të dalloje dhe hapësirën e mjaftueshme midis vijave
ndarëse të milimetrave.
Në figurën e sjellë dallohet pozicioni i reperit dhe vizorja e vendosur
mbi të, ku janë marrë dhe leximet me nivelë. Gjithashtu në anë të ndërtesës
dallohet dhe rruga që të shpie tek stacioni i trenit Kashar.
Seria e parë e matjeve u krye gjatë muajit gusht, ndërsa seria e dytë e
matjeve u krye gjatë muajit tetor. Rezultatet e matjeve jepen në tabelë.
Si shihet dhe nga tabela leximet në tre reperët e parë janë marrë mbi një
vizore të vendosur mbi secilin reper. Leximet janë marrë në milimetra. Në
reperin nr. 4, i pozicionuar mbi autostradë, leximi është marrë në latën e
vendosur mbi reper. Duke pranuar lartësinë e vizurës në kuotën 10.000 metra,
Minierat dhe Mjedisi
S. Lipo Fakulteti i Gjeologjisë dhe i Minierave 61
janë llogaritur kuotat e reperëve sipas leximeve të marra. Gjatë matjeve të serisë
së dytë, reperi mbi autostradë është dëmtuar dhe nuk mund të bënim matje (shih
fig. 25).
Nga vlerat e dhëna në tabelë, vlerësohet se disnivelet midis reperëve
janë të pandryshuar në të dy seritë e matjeve të kryera. Kjo tregon se gjatë kësaj
periudhe nuk kemi pasur zhvillime të lëvizjeve të terrenit.
Tabela nr 1. Rezultat e matjeve në dy seritë e para në dy objektet anës autostradës
REPERET
SERIA E PARE E MATJEVE
(15 KORRIK 2007)
SERIA E DYTE E MATJEVE
(15 KORRIK 2007)
LEXIMI NE
VIZORE
KUOTA
LEXIMI NE
VIZORE
KUOTA
REPERI
NR. 1
181 mm
10.181 mm
173 mm
10.173 m
Disniveli Nr.1 – nr.2 294 mm 294 mm
REPERI
NR. 2
475 mm
10.475 mm 467 mm 10.467 mm
Disniveli Nr.2 –nr.3 372 mm 372 mm
REPERI
NR. 3
103 mm 10.103 mm 95 mm 10.095 mm
REPERI
NR. 4
0.875 mm 9.125 mm Reperi është dëmtuar
Matjet mbi këtë stacion monitorimi të lëvizjeve të terrenit, do të
vazhdojnë për një periudhë disa vjeçare, duke shërbyer dhe si poligone
praktikash për studentët e departamentit të inxhinierisë së gjeoburimeve.
Aktiviteti minerar i zhvilluar në këtë zonë, por edhe në zona të tjera të
vendit, ka sjellë një seri problemesh në mjedis, probleme të cilat janë evidente
edhe sot. Krahas kësaj, hapja e një numri të madh aktivitetesh minerare, në
Minierat dhe Mjedisi
S. Lipo Fakulteti i Gjeologjisë dhe i Minierave 62
shërbim të prodhimit të materialeve inerte, po krijon probleme jo të vogla në
mjedisin përreth.
Figura 25. Foto e një reperi të dëmtuar në autostradën Tiranë – Durrës
Në këto kushte del e nevojshme përgatitjen e një kuadri ligjor, ku të detyrohen
projektuesit që në projektin minerar të marrin parasysh dëmtimet e mundshme
të mjedisit dhe të përcaktojnë rrugët dhe fondet për rigjenerimin e dëmeve të
pritshme në mjedis.
6. PLANI I ZHVILLIMIT RAJONAL
Si shënuam dhe në fillim të këtij studimi, industria e nxjerrjes së mineraleve, si
një industri globale dhe me një reputacion jo shumë të lakmueshëm në qarqet e
sotme ekonomike, po përballet vitet e fundit me sfidën për mbrojtjen e mjedisit
REPERI I
DEMTUAR
Minierat dhe Mjedisi
S. Lipo Fakulteti i Gjeologjisë dhe i Minierave 63
dhe rritjen e vlerave të shoqërisë. Kjo sfidë ka detyruar shumë shtete të hartojnë
ligje dhe rregulla mbi zhvillimet e aktiviteteve minerare dhe ndikimet e tyre në
mjedis. Sanksione civile të përcaktuara në këto ligje, i detyrojnë pronaret dhe
operatorët teknike të minierave, të jenë të përgjegjshëm për parandalimin e
impakteve mjedisore nga aktiviteti minerar që ato kryejnë, të njohin ne mënyrë
perfekte kërkesat për mbrojtjen e mjedisit dhe të përshtatin aktivitetin prodhues
me kërkesat mjedisore dhe zhvillimet e rajonit ku punojnë.
Ne këtë sfidë është thelbësore të shënohet që, përpjekja për minimizimin
e efekteve mjedisore të një aktiviteti minerar, fillon me trajtimin e plotë të
problemit të impaktit minerar në mjedis, si një komponente thelbësore e
projektit minerar. Zgjedhja e teknologjive për zhvillimi e punimeve minerare
me ndikime minimale, dhe plani i mbylljes së minierës me rigjenerimin e
dëmeve të sjella, vlerësohen që në fazën e projektimit të punimeve minerare.
Kostua e vlerësuar për prodhimi minerar ngarkohet dhe me koston për punimet
e rigjenerimit të mjedisit të dëmtuar.
6.1 Përgatitja e planit të punimeve minerare në përshtatje me kërkesat e
mjedisit.
Çdo aktivitet minerar konsiston në nxjerrjen e mineraleve të dobishme duke
kaluar ne tre stade, ndërtimin e minierës, nxjerrjen e mineralit dhe mbylljen e
aktivitetit minerar. Në çdo stad të veprimtarisë minerare takohen transformime
negative të mjedisit natyral dhe atij të krijuar nga aktiviteti i njeriut. Fusha e
veprimtarisë dhe amplituda e këtyre transformimeve varet nga zhvillimet
sociale të rajonit, tipi i vendburimit, mënyrat e përgatitjes, nxjerrjes e
përpunimit të mineralit, monitorimi i dëmeve të shkaktuara dhe masat që
merren për minimizimin e tyre (1).
Minierat dhe Mjedisi
S. Lipo Fakulteti i Gjeologjisë dhe i Minierave 64
Kërkesat në rritje për mbrojtjen e mjedisit nga këto transformime
negative, detyrojnë përgatitjen e planit rajonal të zhvillimit të shoqërisë dhe
aktiviteteve minerare. Në planin e zhvillimit të rajonit vlerësohen ndërtimet e
kategorisë së pare, si autostradat dhe rrugët hekurudhore, stacionet e prodhimit
të energjisë, tubacionet kryesore të linjave të gazit, energjisë elektrike dhe ujit,
ndërtesa të mëdha e historike dhe rrjetet ujore natyrale. Prioriteti i mbrojtjes së
këtyre ndërtimeve, detyron grupin projektues që të planifikojë zhvillimin e
punimeve minerare duke mos penguar aktivitetin e tyre. Ndërkohe vlerësohen
dhe zhvillimet e ndërtesave të banimit, rrugët e brendshme, parqet, tokat
bujqësore, pyjet e kullotat, të cilat pranojnë dëmtime të shkalleve të ndryshme
dhe mund të riparohen apo zëvendësohen me ndërtime të tjera.
Mbas njohjes së planit rajonal të zhvillimit, grupi i specialistëve harton
projektin e punimeve minerare dhe e paraqet atë për leje në institucionet
minerare përkatëse. Mbështetur në studimet e kryera, në fushën e zhvillimit
perspektive të rajonit dhe aktivitetit minerar, organet kompetente japin lejen e
zhvillimit të aktivitetit minerar, duke botuar dhe planin e përdorimit të tokës për
gjithë rajonin. Duke pranuar prioritetin e nxjerrjes së mineraleve, si një pasuri
kombëtare e papërsëritshme, zhvillimi i rajonit i përshtatet planit të përdorimit
të tokës të botuar nga organet kompetente. Skema e hartimit të planit të
zhvillimit rajonal jepet ne figurën nr. 26.
Për të mbrojtur ndërtimet në sipërfaqe, grupi i inxhiniereve projektues
duhet të hartojë planin e punimeve dhe radhën e kryerjes së tyre, me qëllim që
efekti i minierës të ndihet pak, ose çdo dëmtim i shkaktuar të jetë lehtë i
riparueshëm. Në rastin e instalimeve industriale, kërkohet që efekti i minierës të
mos pengojë funksionimin e tyre apo prodhimin (demi minerar indirekt).
Mbështetur në kërkesat e objekteve që kërkojnë mbrojtje, dhe kërkesës për
parametra teknike dhe ekonomike të pranueshëm për një aktivitet minerar, grupi
Minierat dhe Mjedisi
S. Lipo Fakulteti i Gjeologjisë dhe i Minierave 65
projektues ju jep zgjidhje një seri pyetjesh me karakter minerar dhe
markshajderik:
Si do drejtohet tavani me mbushje apo me shembje?
Sa duhet të jenë përmasat e kolonave dhe mundësia për një shfrytëzim të
pjesshëm të tyre?
Do punohet me ritme të larta apo të ngadalta në frontin e nxjerrjes së
mineralit?
Punimet nxjerrëse do përqendrohen në një panel apo do shpërndahen në
disa panele?
Si do të mbahet pozicioni hapësinor i objekteve që kërkojnë mbrojtje, në
raport me frontet e nxjerrjes së mineralit dhe vijueshmërinë e operacioneve
minerare individuale?
Për t’ju përgjigjur saktë këtyre pyetjeve është e rëndësishme të përcaktohen
fillimisht, me studime markshajderike, çfarë është më e mirë për strukturat
konkrete që kërkojnë mbrojtje:
Lëvizja e truallit (ulje, pjerrje, zhvendosje), apo deformim i truallit
(ndryshime lineare, përkuljet)?
Cili nga këto parametra duhet të mbahet në vlera minimale në zonën e
objektit që duhet mbrojtur?
Ose nëse vetëm një lloji i caktuar i deformimit të truallit (zgjatje, ngjeshje,
përkulje konkave ose konvekse) mund të lejohet në një objekt të caktuar?
Minierat dhe Mjedisi
S. Lipo Fakulteti i Gjeologjisë dhe i Minierave 66
Efektet dëmtuese të parametrave të muldës së uljeve në raport me strukturat që
kërkojnë mbrojtje, janë të studiuara dhe mund të përdoren me sukses në kushte
konkrete të operacioneve minerare (8).
Figura 26. Skema e planit të zhvillimit rajonal
Zgjidhja e parametrave të mësipërm do të sigurojë një shfrytëzim të
vendburimet me parametra teknike dhe ekonomikë të justifikuar dhe në
Minierat dhe Mjedisi
S. Lipo Fakulteti i Gjeologjisë dhe i Minierave 67
përshtatje me kërkesat për një dëmtim të kontrolluar të mjedisit brenda kufijve
të lejuar.
6.2 Marrëdhëniet legale mes pronarëve të minierës dhe komunitetit
Mbas botimit të planit të zhvillimit rajonal dhe planit të përdorimit të tokës,
fillojnë negociatat për detyrimet që pronari i minierës ka ndaj dëmeve që
shkakton në rajonin ku kryhet aktiviteti minerar. E drejta minerare për
shfrytëzimin e pasurive kombëtare nuk përjashton detyrimet e pronarëve të
minierave, për kompensimin e vlerave të humbura të ndërtimeve dhe tokave të
ndikuara nga shfrytëzimi minerar. Deri ne vitet 1980, në legjislacionet minerare
të vendeve të ndryshëm, pronari i minierës nuk “kufizohej” në dëmet që sillte
aktiviteti i tij minerar, por detyrohej të paguante për të gjitha dëmet e sjella.
Një praktikë e tillë vështirësonte zhvillimin normal të aktiviteteve të pronareve
të tokave, sidomos ne rastet e përdorimit të tokave të dëmtuara për qëllime
ndërtimi. Më pas, mbështetur ne zhvillimet sociale dhe me kërkesën e pronarëve
të tokave e shoqatave ambjentaliste, u vunë kufizime të dëmeve që pengojnë
zhvillimin e zonës dhe eliminimin e atyre dëmeve që cenojnë vlerat e
ndërtimeve publike të kategorisë së pare.
Eshtë rregulluar me ligj që ndërtimi i instalimeve publike të komunikacionit,
të gëzoje të drejtën të mos ketë pengesa nga aktivitete të tjera private, qofshin
këto edhe punime minerare. Drejtuesit e minierës njoftohen paraprakisht për
kalimin e traseve të rrugëve publike, hekurudhave, dhe kanaleve kryesore pranë
zonës minerare. Mbi këtë bazë, inxhinieret e minierës bëjnë vlerësimin e dëmit
ekonomik minerar për masat shtrënguese që duhen marrë për mbrojtjen e
sipërfaqes, pa pasur të drejtën e vetos për ti ndaluar ato, apo kompensohen për
këtë dëm. Përjashtohen raste të veçanta që vështirësojnë mjaft procesin e
Minierat dhe Mjedisi
S. Lipo Fakulteti i Gjeologjisë dhe i Minierave 68
prodhimit. Këto kompensime jepen kur, për arsye të ndryshme, kërkohet
devijimi i trasesë së veprës së komunikacionit për arsye publike, nga pozicioni i
para vlerësuar nga shërbimi minerar, duke rritur kështu masat shtrënguese në
minierë. Përcaktimi i kompensimit bëhet mbi koston shtesë të prodhimit, si
rezultat i masave të reja shtrënguese minerare, për mbajtjen e hapësirave të
krijuar nga shfrytëzimi, për të mbrojtur trasenë e re të rrugës. Shënojmë që këto
kompensime nuk jepen në rast se traseja e instalimeve të komunikacionit ka
qenë përcaktuar përpara fillimit të aktivitetit minerar.
Eshtë me rendësi të vlerësohet që mbrojtja e instalimeve publike të
komunikacionit, nuk rekomandohet të bëhet me lënien e kolonave minerare të
pa nxjerra. Pronarët e minierave janë të detyruar të nxjerrin pasuritë
nëntokësore me humbje sa më të vogla, pasi ajo është një pasuri kombëtare e
papërsëritshme e një vendi. Në rastet kur mbrojtja e objekteve të rëndësishme të
komunikacionit, duhet të behet me lënien e kolonave minerare, atëherë
pronareve të minierave nuk ju jepen kompensime për rritjen e kostos së
përgatitjes së minierës, si rezultat i rritjes së humbjeve, pasi kjo është një
humbje kombëtare (5).
Pronarët e tokave ku zhvillohen aktivitete minerare, janë të detyruar të
pranojnë dëmet e pasurive të tyre, përkundrejt një kompensimi në vlerat e
humbura. Ata kërkojnë të njihen me demet e pritshme, që me fillimet e
punimeve minerare dhe, kanë të drejtë të kërkojnë që masa e dëmit të mos
kaloje kufijtë e planifikuar. Për të ushtruar kontrollin mbi aktivitetin minerar të
planifikuar, organet kompetente kërkojnë nga shërbimet inxhinierike të
minierës, hartat e uljeve të terrenit dhe të dhëna të tjera mbi veprimtarinë
minerare. Gjithashtu, këto organe kanë të drejtë të ushtrojnë kontrolle në
minierë dhe, të mbrojnë çdo të drejtë të pronareve të tokave të prekura nga
ndikimi i veprimeve minerare të pa parashikuara.
Minierat dhe Mjedisi
S. Lipo Fakulteti i Gjeologjisë dhe i Minierave 69
Meqenëse dëmtimet minerare vazhdojnë edhe mbas braktisjes së aktivitetit
minerar, pronarët e minierave janë të detyruar të ngrijnë një fond rezervë për të
gjitha dëmet e pritshme në vitet e ardhshme. Ky fond menaxhohet nga organe
kompetente, dhe në rastet kur ky fond nuk harxhohet, ai ju kthehet ish
drejtueseve të minierave.
Zgjidhja me e mirë konflikteve midis pronarëve të minierave dhe pronarëve
të tokave është kur, pronarët e minierave arrijnë të blejnë, me shitje të lirë, tokat
që do të dëmtohen nga veprimtaria minerare. Plani i zhvillimit të minierës dhe
ndikimet minerare në mjedis, përsëri ndjekin rrugën e mësipërme, vetëm se
detyrimet e minierës për kompensimet e pronarëve të tokës, tani nuk paraqesin
probleme për ushtrimin e kontrollit nga një palë e tretë. Në këto raste, pronarët e
minierave ju nënshtrohen përsëri kërkesave për mbrojtjen e mjedisit, dhe
detyrimit për nxjerrjen e rezervave minerare me sa me pak humbje.
Metodikat e monitorimit të dëmeve në mjedis, dhe mënyrat e shlyerjes të
dëmeve të sjella janë të njohura, vetëm se kërkohet një bazë ligjore që
marrëveshjet e arritura të zbatohen me rigorozitet. Kërkohen përmirësime në
ligjin tonë minerar, ku problemet e mësipërme të shprehen qartë. Kompetencat e
njësive vendore duhet të ngrihen në një shkallë më të lartë, duke kërkuar
ndërtimin e një plani zhvillimi, ku të merren parasysh prioritet e zhvillimit të
rajonit dhe përmirësimi i jetës së komunitetit.
Fuqizimi i njësive vendore me specialistëve nga fusha e mjedisit dhe atij
minerar, duhet të jetë detyrë parësore në zona ku kemi pasur, apo pritet të kemi
zhvillime të aktiviteteve minerare.
Të gjitha këto marrëdhënie pronar miniere – njësi vendore – komunitet,
trajtohen me kujdes nga organe kompetente, sipas procedurave të përcaktuara
në Ligjin Minerar të një vendi. Ligji ynë minerar ka nevoja të mëdha për tu
plotësuar dhe përshtatur me aktivitetet e sotme minerare, kur vihet re dhe një
Minierat dhe Mjedisi
S. Lipo Fakulteti i Gjeologjisë dhe i Minierave 70
bum në hapjen e minierave për nxjerrjen e materialeve të ndërtimit (7) . Me
gjithë disa masa të marra për dhënien e lejeve për fillimin e një aktiviteti
minerar, vihen re mangësi të mëdha, më pak në legjislacion, dhe më shumë në
zbatimin e atyre ligjeve që sot janë në fuqi.
7. Projekti mjedisor minerar
Në të gjitha kohërat, punimet minerare për nxjerrjen e mineraleve, edhe pse
kanë dhënë një ndihmesë të madhe në zhvillimin e shoqërisë njerëzore, kanë
sjellë vazhdimisht edhe ndikime negative në mjedis. Shkalla e ndikimit minerar
në mjedis dhe vlerësimet negative të tyre në zhvillimin e shoqërisë, janë
vlerësuar ndryshe në kohë të ndryshme.
Ne ditët e sotme nevoja për lenden e pare minerare, edhe pse dekadat e
fundit për disa lloje mineralesh ka tendence te lehte uljeje, është akoma e
madhe. Aktivitetet minerare për nxjerrjen dhe përpunimin e lendeve te para,
krahas vështirësive teknike ne rritje për menaxhimin me sukses te aktivitetit, i
është shtuar sot edhe sfida për mbrojtjen e mjedisit dhe rritjen e vlerave te
shoqërisë. Projekti mbi mbrojtjen e mjedisit ne një aktivitet minerar është bere
pjese integrale e projektit minerar ku parashikohen fondet, mjetet dhe
teknologjitë e nxjerrjes se mineralit për marrjen e një sere masash qe lidhen me:
Promovimin e gjithë ndikimeve te pritshme ne mjedis ne fazën e
aktivitetit minerar dhe mbas mbylljes se minierës
Përmirësimi i vazhdueshëm ne teknikat e punës ne miniere për një
performancë sa me te mire mjedisore.
Parandalimi i dëmeve te pa riparueshme gjate aktivitetit minerar, pra
përputhshmëri te plote te projektit minerar me te gjitha detyrimet
mjedisore
Minierat dhe Mjedisi
S. Lipo Fakulteti i Gjeologjisë dhe i Minierave 71
Përdorimi optimal i te gjitha mbetjeve qe gjenerohen nga nxjerrja dhe
përpunimi i mineraleve
Ndikimet e pritshme ne mjedis pasi miniera te mbyllet dhe monitorimi i
tyre
Për te arritur performancën e kërkuar mjedisore, projektuesit e minierës duhet te
punojnë me shume përgjegjësi qe ne fazën fillestare te fillimit te projektit
minerar.
Përgatitja e një projekti mjedisor duhet te realizohet nga specialiste te
fushës se minierave, pasi ndikimet e pritshme ne mjedis nga impakti minerar
nuk mund te vlerësohen dhe mbahen nen kontroll, nëse nuk njohim ne detaje
projektin minerar dhe masat për minimizimin e dëmeve ne mjedis. Po sjellim
me poshtë shkurtimisht çfarë duhet te përmbajë një projekt mjedisor qe
përgatitet ne baze te një projekti minerar.
7.1 Kërkesat mjedisore gjate përgatitjes se projektit minerar
Ne çdo aktivitet minerar, kërkesa e pare është minimizimi i sipërfaqes se truallit
qe do te përdoret nga aktiviteti minerar dhe sipërfaqes qe do te ndikohet nga ky
aktivitet. Ne studimet e shumta ne fushën minerare shënohet qe minierat
nëntokësore janë me te pranueshme nga pikëpamja mjedisore. Pra pyetja e pare
qe ngrihet ne një projekt mjedisor minerar është:
a) A mund te shfrytëzohet një vendburim konkret me punime
minerare nëntokësore? Nëse po atëherë kjo metode shfrytëzimi
duhet te zbatohet.
Marrja e këtij vendimi nuk është e lehte pasi ai lidhet me një numër te madh
faktorësh objektiv dhe subjektiv ku me kryesoret janë sasia e rezervave te
shfrytëzueshme te mineralit, pozicioni e tyre hapësinor ne plan dhe lartësi
(thellësia e trupave xeheror), mjedisi gjeologjik ku vendosen trupat mineral,
vlera mesatare e mineralit ne treg, kostua për nxjerrjen e tij si dhe mjedisi ku do
te zhvillohet ky aktivitet minerar.
Minierat dhe Mjedisi
S. Lipo Fakulteti i Gjeologjisë dhe i Minierave 72
Mbas marrjes se këtij vendimi projekti mjedisor kërkon nga grupi i
projektimit te minierës te dhëna mbi përmasat e dëmeve te pritshme ne mjedis
qe lidhen me:
b) Sipërfaqet qe do te përdoren nga miniera për vendosjen e punimeve te
hapjes se minierës, për stokimin e mineralit dhe mbetjeve, për ndërtimin e
fabrikës se pasurimit, dambën e sterileve, për ndërtimin e objekteve te
shërbimit, rrugët e minierës, etj.
c) Ndryshimet fizike te sipërfaqes nga shfaqja e muldave apo hinkave ne
sipërfaqe si rezultat i lëvizjeve te masivit mbas fillimit te shfrytëzimit. Nëse
fenomene te tilla pritet te shfaqen, ne bashkëpunimin me shërbimin e matjeve,
vlerësohen përmasat e ndryshimeve fizike te sipërfaqes dhe pozicioni i tyre ne
sipërfaqe.
d) Ndotja e pritshme e ajrit nga aktiviteti minerar.
e) Ndotja e ujërave nëntokësor dhe sipërfaqësor nga aktiviteti minerar
f) Niveli i zhurmave gjate punës ne miniere dhe lëkundjet e tokës nga
shpërthimet masive ne nëntokë apo sipërfaqe.
Mbas njohjes se dëmeve te pritshme ne mjedis dhe krahasimit te tyre me normat
e lejuara fillon diskutimi i këtij projekti me komunitetin qe jeton pranë minierës,
kërkohet leja ne organet kompetente për fillimin e këtij aktiviteti, si dhe bëhen
pagesat (fonde te ngrira) për riparimin e dëmeve te sjella gjate aktivitetit
minerar dhe mbas mbylljes se këtij aktiviteti. Mbas dhënies se lejes minerare
për fillimin e aktivitetit vazhdon bashkëpunimi midis organeve kompetente te
mbrojtjes se mjedisit dhe drejtueseve te minierës.
7.2 Marrëveshjet e nënshkruara për fazën e aktivitetit minerar
Fillimi i një aktiviteti minerar mbështetet mbi një projekt minerar te plote dhe te
miratuar. Ne këtë projekt janë parashikuar dhe masat për mbrojtjen e mjedisit
sipas kërkesave te projektit mjedisor. Por objekti i një aktiviteti minerar janë
Minierat dhe Mjedisi
S. Lipo Fakulteti i Gjeologjisë dhe i Minierave 73
trupat minerare te vendosur ne një mjedis gjeologjik te studiuar dhe gjithë
punimet minerare qe do te hapen për nxjerrjen e mineralit dhe përgatitjen e
produktit përfundimtar. Prishja e ekuilibrave te masivit shkëmbor nga rrëzimi
dhe nxjerrja e mineralit, edhe pse te studiuara mire, shpesh mund te sjellin te
papritura qe kërkojnë rivlerësim te elementeve te projektit minerar, pra edhe
ndikime te pa parashikuara ne impaktin ne mjedisi. Për te përballuar situatat qe
do te krijohen gjate aktivitetit minerar lidhen një sere marrëveshjesh ku me
kryesoret janë:
Nënshkrimi i një marrëveshjeve midis drejtuesve te minierës dhe
organeve kompetente te mbrojtjes se mjedisit për një auditim te
vazhdueshëm (zakonisht vjetor) te aktivitetit minerar.
Monitorimi i vazhdueshme i lëvizjeve te terrenit nga ndikimi i punimeve
minerare dhe reklamimi i lëvizjeve ta pa parashikuara ne projektin e
minierës.
Monitorimi mjedisor i ajrit, ujit dhe nivelit te gazrave që çlirohen nga
miniera dhe përgatitja e raporteve nga organet kompetente.
Monitorimi nëpërmjet teknologjive satelitore për të mbështetur
reklamimin biologjik te sipërfaqeve te dëmtuara.
Monitorim i kujdesshëm i lëvizjeve te ujërave qe përdoren ne miniere,
përdorimit te materialeve te rrezikshme, lëvizjeve te solucioneve kimike
qe përdoren dhe baterive.
Reklamimi teknik i vazhdueshëm i gjendjes se dampave.
Një raportim çdo gjashte muaj mbi gjendjen mjedisore ne miniere dhe
rajonin ku impakti mjedisor është i vlerësueshëm.
Plotësimi i vazhdueshëm i projektit mjedisor ne raport me dukuritë e
reja te shfaqura gjate aktivitetit minerar.
7. 3 Monitorimi i ndotjes se ajrit.
Ndotja e ajrit nga aktivitetet minerare është i pashmangshëm dhe shkalla e
ndotjes lidhet kryesisht me llojin e mineralit te prodhuar dhe teknologjinë e
Minierat dhe Mjedisi
S. Lipo Fakulteti i Gjeologjisë dhe i Minierave 74
shfrytëzimit. Operacionet minerare si shpimi i birave, shpërthimet e minave dhe
lëvizjet e masave te mëdha minerare, lëvizja e makinerive ne punimet minerare
ne nëntoke dhe sipërfaqe, proceset e ngarkimit dhe shkarkimit, proceset e
mesatarizimit te mineraleve, proceset e thyerjes dhe perpunimit te mineraleve, e
shume aktivitete te tjera shoqërohen me çlirimin e gazrave dhe ndotjen e
atmosferës. Shpërthimet e zjarreve kryesisht ne minierat nëntokësore te
qymyreve, janë një tjetër burim i rëndësishëm i ndotjes se atmosferës.
Shënojmë qe nga monitorimet e vazhdueshme të ndotjeve të ajrit nga aktivitetet
minerare është vërejtur qe ndotja e ajrit nga aktivitetet qe lidhen me
teknologjinë e nxjerrjes se mineralit janë shume me te mëdha krahasuar me
çlirimin e gazrave te metanit, te dyoksidit te sulfurit dhe oksideve te nitrogjenit,
e krahasuar kjo ne minierat me regjim gazi.
Ne gjithë aktivitete minerare duhet te kryhen monitorime te vazhdueshme ne :
Vlerësimi i sasive te pluhurave te ngritura nga aktivitete minerare (me
problematike kjo ne minierat sipërfaqësore).
Vlerësimi i gazrave dhe pluhurave të çliruara nga makineritë që lëvizin
ne një aktivitet minerar (me shumë sipërfaqësor).
Monitorimi i gazrave qe dalin nga punimet minerare
Ne punimet e sjella mbi këtë teme vlerësohet si problem kryesor çlirimi i
gazrave nga makineritë qe punojnë ne një miniere sipërfaqësore. Modelimi i
cilësisë te ajrit është një mjet i rëndësishëm për parashikimin, planifikimin dhe
vlerësimin e aktiviteteve te kontrollit te ndotjes se ajrit. Ai ndihmon dhe ne
identifikimin e kërkesave te masave te kontrollit për te siguruar standardet e
pranuar te ajrit.
7. 4 Ndotja e ujit dhe kontrolli
Aktivitet minerare te vendosura ne minierat nëntokësore apo sipërfaqësore
sjellin një impakt negativ ne dëmtimin e rrjetit ujor natyral dhe cilësinë e ujit.
Impakti minerar ne rrjetin ujor dhe cilësinë e ujit vlerësohet ne dy
këndvështrime kryesore:
Minierat dhe Mjedisi
S. Lipo Fakulteti i Gjeologjisë dhe i Minierave 75
Dëmtimi i rrjetit ujor natyral sipërfaqësor dhe nëntokësor nga aktiviteti
minerar
Dëmtimi i cilësisë se ujit nga ndotja e rrjeteve ujore sipërfaqësorë dhe
nëntokësorë nga ujërat qe dalin nga miniera.
Gërmimet ne minierat sipërfaqësore dhe nëntokësore krijojnë një sistem
çarjesh ne gjithë mjedisin gjeologjik përreth minierës duke dëmtuar te gjitha
burimet ujore dhe drejtimet e rrjedhjes te ujërave natyral. Vetëm nga
shpërthimet masive qe kryhen ne miniera kemi një tronditje te rrjetit ujor qe
shoqërohet me tharjen e burimeve ne sipërfaqe. Niveli i ujërave natyral lidhet
tashme me nivelin e punimeve minerare. Kjo është me e dukshme ne minierat
ku kemi lëvizje te masës shkëmbore dhe sipërfaqes drejt hapësirave te krijuara
nga nxjerrja e mineralit (krijimi i muldave te uljeve apo hinkave ne sipërfaqe).
Dëmtimet e rrjeteve ujore natyrale nga impakti minerar është përgjithësisht i pa
riparueshëm dhe me pasoja shume negative ne mjedisin përreth zonave
minerare.
Dëmtimi i cilësisë se ujit si rezultat i përzierjes se ujërave qe dalin nga
miniera me ujërat e pastra qe rrjedhin ne sipërfaqe është me pasoja të renda për
mjedisin. Ujërat nëntokësore që dalin nga miniera janë të ndotura me mbetje
acide apo sulfite ne varësi kjo te mjedisit gjeokimike që ato shpëlajnë ne
rrjedhjen e tyre neper miniere. Ne projektin e mbrojtjes se mjedisit nga një
aktivitet minerar gjithmonë duhet te jepet (mbas studimeve përkatëse) mënyra e
trajtimit e pastrimit te ujërave qe dalin ne miniera, ne varësi kjo te mjedisit
gjeologjik ku punohet.
Aktivitetet minerare krijojnë një prishje te ekuilibrave ne sistemin e regjimit
te ujërave natyrale. Rrezja e këtij impakti është e gjerë dhe mund të varjojë nga
50 metra deri 500 metra nga kufijtë e karierës apo ndikimit te punimeve
minerare nëntokësore. Me fillimin e një aktiviteti minerar duhet te ngrihen
stacione monitorimi te nivelit te ujërave natyrale, pasi është e vështirë te
parashikohen aftësitë e shtratimeve gjeologjike në ruajtjen e niveleve te ujerave
nëntokësorë. Matjet e kryera ne shpimet e hapura për këtë qellim japin
mundësinë për modelimin e nivelit te ujërave ne shtratimet rreth fushës
Minierat dhe Mjedisi
S. Lipo Fakulteti i Gjeologjisë dhe i Minierave 76
minerare. Megjithatë ndërhyrjet ne rregullimin e regjimit te ujërave nëntokësor
janë te vështira dhe shpesh te pasuksesshme, sidomos kur kërkohet rritja e
nivelit te ujërave nëntokësor.
7. 5 Monitorimi i zhurmave dhe lëkundjeve të tokës
Zhurmat në minierat janë të pashmangshme, sidomos ne minierat sipërfaqësore.
Për te minimizuar dëgjimin e këtyre zhurmave zona minerare rrethohet me një
brez te gjelbër dhe ne disa raste dhe me mure te ngritur me materiale te nxjerra
nga miniera. Edhe brenda territorit te minierës ngrihen breza te gjelbër dhe
mure përgjatë rrugëve te transportit për te minimizuar zhurmat dhe përhapjen e
pluhurave.
Për operatoret qe punojnë ne ambiente me zhurme ndërtohen gabina te
vogla për të minimizuar nivelin e zhurmave. Te gjithë punëtoret qe punojnë ne
mjedise me zhurma e pluhura janë te pajisur me mbrojtëse personale nga
zhurmat dhe pluhurat.
Shpesh ne miniera, sidomos në minierat sipërfaqësore, kryhen shpërthime
masive qe shoqërohen me tronditje te tokës dhe shpërndarjen e një vale goditëse
ajri, duke sjelle dëmtime te strukturave, çarje te mureve e thyerje te xhamave të
objekteve qe ndodhen ne territorin e minierës ose pranë tij. Për të kontrolluar
ndikimet negative të shpërthimeve masive merren një sere masash ku do te
veçonim:
Përdorimin e teknikave te kontrolluar te shpërthimeve masive
Sasia dhe cilësia e eksplozivit dhe skemat e shpërthimeve masive
kontrollohen nga organet kompetente te ngritura nga Drejtoria qendrore
e minierave. Për çdo shpërthim masiv përgatitet një material i detajuar
dhe dërgohet për kontroll dhe miratim ne këto organizma.
Përdorimi i rërës si material mbushës
Përdorimi i detonatorëve me vonesa mili sekondare.
Minierat dhe Mjedisi
S. Lipo Fakulteti i Gjeologjisë dhe i Minierave 77
7. 6 Masat mbrojtëse për degradimin e tokës
Aktivitetet minerare zënë sipërfaqe te mëdha toke dhe shoqërohen me
dëmtime fizike te sipërfaqes, dëmtime te rrjetit ujor dhe dëmtime te florës dhe
faunës. Ne minierat sipërfaqësore është problem dhe kërkesa për sipërfaqe
shtese për grumbullimin e materialeve shkëmbore qe largohen gjate zbulimit te
trupave minerar. Edhe pse behën përpjekje qe ky material te grumbullohet
brenda kufijve te karierës, ne shkallet e mbyllura, kjo nuk është gjithmonë e
mundur.
Ne kërkesat e sotme mjedisore kërkohet qe zonat pyjore qe dëmtohen
nga aktiviteti minerar, duhet te rikuperohen me mbjelljen e pemëve te reja ne
ato sipërfaqe ku kjo është e mundur. Dendësia e pemëve ne zonat e rikuperuara
duhet te jete me e madhe për te balancuar zonat e gjelbëruara te dëmtuara.
Degradimi i tokave ne zonat minerare mund te minimizohet duke marre një sere
masash për rigjenerimin e tyre.
Me fillimin e punësimeve te gërmimit ne minierat sipërfaqësore duhet te
tregohet kujdes ne ruajtjen e tokave te mira të pasura me humus, për tu përdorur
me vonë ne mbulimin e zonave te mbushura me materiale shkëmbore. Tokat e
mira ne fazën e fillimit te zbulimit ne kariera ruhen ne depozita te mbrojtura dhe
përdoren me vonë për krijimin e sipërfaqeve te reja te gjelbëruara.
Brezat e gjelbër ne sipërfaqe te tjera ndërtohen për qëllime estetike,
mbrojtjen nga zhurmat dhe kapjen e pluhurave. Ne këto breza mbillen peme dhe
shkurre te zonës qe kane një sinteze ekologjike te mire ne ato kushtet
klimaterike. Mbillen gjithashtu peme dekorative, peme qe shërbejnë si ushqim
për kafshët, peme frutore te zonës dhe bime medicinale. Sipërfaqet ku mbillen
këto peme janë rreth objekteve industriale apo shtëpive te banimit, ne rrugët e
transportit dhe kudo ku ka hapësira te lira.
Denduria e pemëve te mbjella është me e madhe se ajo natyrale, duke
krijuar një brez te dendur gjelbërimi. Behet një kombinim i pemëve te gjata,
pemëve me gjatësi mesatare dhe pemëve te shkurtëra ose shkurret. Ky
Minierat dhe Mjedisi
S. Lipo Fakulteti i Gjeologjisë dhe i Minierave 78
kombinim krijon një mur te gjelbër te dendur për pengimin e zhurmave dhe
kapjen e pluhurave. Ne projektet e rigjenerimit te zonave te dëmtuar synohet qe
sipërfaqja e gjelbër e krijuar te jete sa dyfishi ose trefishi i sipërfaqes ekzistuese
para fillimit te punimeve minerare.
7. 7 Mbyllja e minierave.
Ne përputhje me raportin e Komisionit Botëror mbi Mjedisin dhe
Zhvillimin 1987, “zhvillimi i qëndrueshëm” është bere një konsiderate parësore
për arritjet ekonomike te një vendi. Mbyllja e minierave, një koncept qe është
sjelle ne vëmendjen e komunitetit minerar ne këto 30 vitet e fundit, është bere
pjese thelbësore ne planifikimin dhe zhvillimin e një aktiviteti minerar te
suksesshëm.
Mbyllja e minierave përmbledh procesin e rehabilitimit si një program
pune ne vazhdim te projektit minerar për rigjenerimin fizik, kimik dhe biologjik
te mjedisit te dëmtuar nga aktiviteti minerar ne një nivel te pranueshëm nga
gjithë te prekurit nga ky projekt. Qëllimi i tij është lënia e sipërfaqes te ndikuar
nga aktiviteti minerar ne një gjendje te tillë që rigjenerimi i dëmeve te sjella jo
vetëm nuk është një problem i pa realizueshëm, por asetet e krijuara mund te
vihen ne shërbim te një zhvillimi te qëndrueshëm te komunitetit lokal.
Plani i mbylljes se minierave ka dy komponente kryesore:
Mbyllja e minierave pasi është realizuar me sukses përvetësimi i
rezervave minerale te një vendburimi.
Mbyllja e minierave për shkaqe te ndryshme sociale apo mjedisore, pra
ndërprerja e një projekti minerar pa përfunduar detyrën e dhënë.
Ne rastin e pare ne projektin e minierës është parashikuar dhe faza e
mbylljes se minierës. Për këtë faze te mbylljes se minierës janë parashikuar
proceset e punës qe do te zhvillohen për rigjenerimin e mjedisit, pra janë
parashikuar fondet e nevojshme për këtë faze te projektit minerar.
Minierat dhe Mjedisi
S. Lipo Fakulteti i Gjeologjisë dhe i Minierave 79
Ne rastin e dyte flitet për një projekt te ndërprerë si kërkesë e pa parashikuar
ne projektin e minierës. Një ndërprerje e tille e aktivitetit minerar duhet
minimalisht te parashikohet 5 vite para mbylljes se aktivitetit minerar. Ne këtë
faze përgatitore për mbylljen e minierës, krahas nxjerrjes se mineralit,
përcaktohen fondet qe do te shoqërojnë mbylljen e minierës dhe hartohet
projekti i mbylljes ne kushtet e reja ku vlerësohen një sere aktivitetesh qe duhet
te kryhen ne vazhdimësi.
8. PERFUNDIME DHE REKOMANDIME
Mjedisi pranë minierave të mbyllura ndihet akoma i rrezikuar nga ndikimet
minerare të sjella në vite. Studimi i ndikimeve të tilla, specifik për çdo zonë
minerare, është një detyrim i shoqërisë sonë dhe specialistëve të kësaj fushe.
Gjurmët e ndikimeve negative minerare në mjedisin pranë minierës Mëzes
janë të dukshme dhe kërkojnë një trajtim më të plotë nga organet
kompetente.
Rimbyllja e puseve kryesore të minierës dhe rrethimi i zonës përreth tyre
është një detyrë urgjente për tu realizuar me cilësi dhe siguri. Gjendja e
pusit kryesor sot paraqitet e rrezikshme për jetën e banorëve të kësaj zone
Vihen re lëvizje të terrenit pranë puseve kryesor dhe pusit të ajrimit. Duhet
të vlerësohen këto lëvizje me shumë kujdes dhe duhen rindërtuar elementët
mbyllës të këtyre puseve.
Minierat dhe Mjedisi
S. Lipo Fakulteti i Gjeologjisë dhe i Minierave 80
Ngritja e objekteve industrial në këtë zonë duhet të marrë më mirë parasysh
ndikimet e truallit të pa stabilizuar nga ndikimet minerare. Njohja e kësaj
gjendje duhet të pasqyrohet në përshtatjen e konstruksioneve të themeleve
për çdo objekt që do të ngrihet në këtë zonë.
Eshtë më se e nevojshme materializimi në teren i pozicionit të punimeve
minerare fushore të nivelit të parë dhe mos lejimi i zhvillimit të ndërtimeve
në këtë zonë, ku mund të priten zhvillime të hinkave të shembjeve mbi këto
punime.
Monitorimi i objekteve të përzgjedhura në këtë punim, si dhe monitorimi i
objekteve të tjera, duhet të jetë një detyrë e vazhdueshme e specialistëve të
Departamentit të Inxhinierisë të Gjeoburimeve.
Hartimi i projekteve për aktivitete të reja minerare, duhet të paraprihet nga
përgatitja e planit rajonal të zhvillimit. Të përgatiten hartat dhe planet e
zhvillimeve të punimeve minerare dhe lëvizjeve të truallit nën ndikimin e
punimeve të nxjerrjes. Të përcaktohen masat minerare dhe ekonomike për
mbrojtjen e mjedisit dhe planin e rigjenerimit të dëmeve të sjella.
Monitorimi i lëvizjeve të truallit me matje markshajderike, në stacione
vrojtimesh të përgatitur me kujdes, duhet të finalizohet me botimin e hartave
të uljeve të truallit dhe përcaktimin e treguesve të tjerë të muldës së uljes në
kohë dhe hapësirë.
Minierat dhe Mjedisi
S. Lipo Fakulteti i Gjeologjisë dhe i Minierave 81
Hapja e një numri të madh aktivitetesh minerare për nxjerrjen e materialeve
të ndërtimit, si dhe hapja vitet e fundit të disa aktiviteteve minerare për
nxjerrjen e kromit, hekur nikelit dhe bakrit, po shoqërohet me dëmtime të
tjera të mjedisit. Në këto kushte është e nevojshme ndërmarrja e një projekti
afatgjatë për studimin e ndotjeve në këto zona dhe përcaktimin e rrugëve për
rigjenerimin e mjedisit të dëmtuar.
Eshtë e domosdoshme kryerja e një serie matjesh gjeofizike për vlerësimin e
gjendjes së punimeve minerare të nivelit të parë. Matje të tilla do të
përcaktojnë më qartë gjendjen e këtyre punimeve, mbi të cilat do të gjykohet
mbi zhvillimet e mundshme të uljeve dhe lëvizjeve të terrenit.
Projekti mjedisor duhet te jete pjese integrale e projektit te minierës.
Ndryshimet ne projektin minerar te sjella për shkaqe te ndryshme natyrale
dhe teknologjike duhet te reflektohen dhe ne projektin mjedisor.
Monitorimi i ndikimeve minerare ne mjedis është një pune e specializuar
dhe me kosto, prandaj duhet te kryhet nga shërbimet e matjeve ne miniera
dhe te raportohen ne organet kompetente mjedisore. Organet mjedisore
mund te ushtrojnë kontrolle mbi raportimet e kryera, por nuk mund te
monitorojnë ne vazhdimësi impaktin minerar ne mjedis.
Sot ne vendin tone ka një numër te madh minierash te mbyllura. Monitorimi
i impaktit ne mjedis te minierave te mbyllura duhet te vlerësohet me shume
nga organet kompetente mjedisore dhe te ndërmerren projekte për
minimizimin e ndikimit te tyre ne mjedis.
Minierat dhe Mjedisi
S. Lipo Fakulteti i Gjeologjisë dhe i Minierave 82
9. REFERENCA
1. Kratzsch. H. Mining subsidence engineering. New York 1983.
2. Zoto V. 1987, Ligjësitë e dëmtimit të truallit të tokës nga shfrytëzimi në
Minieren e Valiasit. (punim doktorature). Tirane 1987.
3. Grup Autoresh “Riaktivizimi i truallit dhe i objekteve të infrastruktures
të demtuara në zonat minerare të Tiranës dhe Shqipërisë”. Projekt shkencor,
Fakulteti i Gjeologjise dhe i Minierave, 1998, Tiranë
4. Ostrowski J. “The problems of mining areas protection in actual situation
of mining industry in Poland”, ISM Congress, 1999.
5. S. LIPO, A. Bakiu, V. Jorgji: “Transformimet e mjedisit të shkatuara nga
aktiviteti minerar dhe rigjenerimi i tyre”. Tiranë, Dhjetor 2000.
6. Popiolek E. & others. “The impact of a strong mining tremour on the
subsidence of the area surface in the Legnica-Glogow Copper mine”.
California USA 2001.
7. V. Jorgji, S. Lipo, A. Bakiu: “The monitoring of damaged areas affected by
mining activity and the possibilities for regeneration” Ankara, 2001.
8. Hoxha E. “Demtimi i objekteve të infrastrukrurës, tokave bujqësore dhe
pyjeve të ndikuara nga shfrytëzimi minerar në rajonin Rehovë, Korçë,
Minierat dhe Mjedisi
S. Lipo Fakulteti i Gjeologjisë dhe i Minierave 83
përspektiva e rigjenerimit të dëmeve të sjella”. (punim mikroteze). Tiranë,
2003.
9. Lipo S. Hoxha E. Ndikimet negative të aktiviteteve minerare në mjedis,
kontrolli dhe vlersimi i dëmeve të pritëshme. Konferenca Kombëtare
“Degradimi dhe mbrojtja e tokës në Shqipëri”, Tiranë, 22 – 23 Prill 2003.