ANG EL NIÑO Isang papel ng pananaliksik na isinagawa ni
-
Upload
independent -
Category
Documents
-
view
13 -
download
0
Transcript of ANG EL NIÑO Isang papel ng pananaliksik na isinagawa ni
TALAAN NG NILALAMAN
PAMAGAT PAHINA
Dahong
Pamagat.............................................
....................................................
.
1
Talaan ng
Nilalaman...........................................
.................................................
2
Panimula o
Introduksyon........................................
.............................................
3
Paglalahad ng
Suliranin...........................................
............................................
5
Pamamaraan..........................................
....................................................
6
2
...........
Kinalabasan ng Pag-
aaral...............................................
.....................................
7
Konklusyon..........................................
....................................................
...........
14
Rekomendasyon.......................................
....................................................
.......
15
Sanggunian..........................................
....................................................
............
16
3
PANIMULA O INTRODUKSYON
Madalas ay nagiging kasama sa mga usaping ukol sa pagbabago
ng pangkalahatang lagay ng klima at panahon ang terminong El
Niño. Kadalasan, kapag nababanggit ang salitang ito, pumapasok sa
ating kamalayan o pag-iisip ang isang mahabang tagtuyot at mainit
na panahon. Sa kabilang dako, nakakabit din sa salitang El Niño
ang La Niña na nangangahulugang kabaligtarang lagay ng El Niño at
nagdudulot naman ito na malawakan at mahabang pag-ulan at
pagbaha. Madalas kaysa hindi, nababanggit ng karamihan ang
terminolohiyang ito subalit wala pa silang sapat na kamalayang o
malinaw na pang-unawa sa tunay na kahulugan ng pagbabagong ito sa
lagay ng panahon at kapaligiran maging ng tunay na dahilan kung
bakit nagkakaroon ng ganitong pangyayari sa ilang mga bahagi ng
mundo.
Noong taong 2012 ang pinakabagong karanasan ng ating bansa
kaugnay ng El Niño. Batay sa ipinalabas na balita ng GMA News
noong September 2012, tinalakay ang paghahanda ng Pilipinas sa
pagpasok ng El Niño. Kasunod nito, lumabas din ang mga balitang
nagsasaad na aabot na sa 25 ektaryang ng palayan sa Kidapawan
4
City ang natuyo dahil sa mainit na panahon samantalang ipinalabas
din ang balitang inag-isipan na ng pamahalaan ng Bohol ang
pagsasagawa ng cloud seeding upang maisalba ang mga sakahang
natutuyot na. Ilan lamang ang mga ito sa mga patunay na ang
pagkakaroon ng El Niño sa ating bansa ay nagbibigay ng pinsala sa
maraming bahagi ng ating kabuhayan lalo na ng mga magsasaka. Ang
epekto ng El Nino sa agrikultura ay natutuyo ang mga halaman,
kulang ang tubig para madiligan ang mga halaman dahil dito
magkakaroon ng kaunting produksyon at maaaring maging dahilan ng
pagtaas ng presyo ng mga ito dahil sa kakulangan sa suplay. Ang
suplay natin ng bigas ay magiging kaunti na lamang dahil nga sa
kakulangan sa patubig sa mga palayan na nagbubunga ng higit na
mababang ani.. Sa mga rancho din, kumonti ang nakukuha nilang
gatas mula sa baka, kung noon ay 8 na litro nagiging hanggang
apat na litro na lamang sa panahon ng El Niño.
Magkaganunpaman, sa kabila ng lawak ng nagiging epekto ng
pagyayaring ito kabuhayan, ang mga tao ay mayroon pa ring
limitado o kaunting pagkaunawa ukol sa tunay na kahulugan at
pinagmulan ng El Niño. Layunin ng pananaliksik na ito na
makalikom na sapat na impormasyon mula sa mga dokumentaryo at
5
nakalimbag na mga lathalain ukol dtto upang makapaglahad ng
malawakang kapaliwanagan tungkol sa dahilan ng pagkakaroon ng El
Niño, mga epekto nito sa ating kapaligiran at mga kaparaanan
upang mapaghandaan ito at mapaunti ang mga pinsalang maaring
hatid nito sa pamumuhay ng mga tao.
6
PAGLALAHAD NG SULIRANIN
Hangad ng mananaliksik na makapagbigay ng mahahalagang
impormasyon tungkol sa paksang El Niño. Kaugnay nito, hangarin
niyang makapagbigay ng malinas na sagot sa mga katanungang:
1. Ano ang El Niño?
2. Ano ang dahilan ng pagkakaroon ng El Niño?
3. Anu-ano ang mga epekto ng El Niño partikular sa kabuhayan at
sa agrikultura?
4. May posibilidad bang matukoy kung kalian magkakaroon ng El
Niño?
5. Maari bang maiwasan ang pagkakaroon ng El Niño sa isang
lugar? Ano ang mga dapat gawin upang maiwasan ito?
7
PAMAMARAAN
Upang magkahanap ng maliwanag na kasagutan para sa mga
suliraning inilahad sa pananaliksik na ito, ginamit ng
mananaliksik ang pamamaraan dokumentaryong pagsusuri (documentary
analysis) kung saan nangangailangan ito ng masusing pagkalap ng
mga impormasyon sa pamamagitan ng pagsusuri sa mga nasusulat na
record at mga dokumento upang malutas ang mga suliranin. Ang isa
pang katawagan ng uri ng palarawang pag-aaral ay pagsusuri ng
nilalaman o content analysis.
Ginamit ng mananaliksik bilang batayan ng kanyang pag-aaral
ang mga dokumentaryong nakasulat o nakalathala. Maliban sa mga
ito, sinuri at pinagaralan din ng mananaliksik ang iba’t ibang
mga dokumentaryong tungkol sa nakalahad ng paksa at mga suliranin
sana matatagpuan sa internet.
Pagkatapos ng pagkalap ng mga mahahalagang impormasyon para
sa pananaliksik na ito, masusing pinag-aral at sinuri ang mga
datos upang magkaroon ng sapat na kasagutan sa mga suliranin ng
paksang nabanggit.
8
KINALABASAN NG PAG-AARAL
Ang El Niño ay isang katawagang naglalarawan sa isang
likas na kaganapang nagyayari sa Karagatang Pasipiko. Ang El Niño
ay isang gawi ng klima na nagyayayari sa kahabaan ng tropikal ng
Karagatang Pasipiko na karaniwang nangyayari sa pagitan ng tatlo
o hanggang pitong taon samakatwid malawak at makabuluhan, kilala
bilang kuwasi peryodiko. Ang El Niño ay pinakakilala sa
pagsasama-sama nito ng mga baha, tagtuyot at ibang pag-iiba ng
kalangitan sa maraming mga rehiyon ng mundo na nag-iiba-iba ang
bawat pangyayari. Sa mga ganitong pangyayari, ang mga bansang
malapit sa Karagatang Pasipiko ang siyang pinakaapektado.
Ang El Niño ay ang katayuang nagaganap kapag ang temperatura
ng tubig sa dagat ay tumataas sa mga kalatagan ng mga tubig ng
tropikal ng Karagatang Pasipiko. Bawat dalawa hanggang limang
taon, ang Karagatang Pasipiko ay may kaganapang tinatawag na
Oskilasyong Pantimog ng El Niño. Isa itong mahina at mainit-init
na daloy na nagsisismula bawat taon sa bandang panahon ng Pasko
sa kahabaan ng dalampasigan ng Ekuwador at Peru. Nagtatagal ito
ng ilang mga linggo lamang hanggang sa isang buwan o mahigit pa.
10
Bawat tatlo tatlo hanggang pitong mga taon, ang pangyayaring El
Niño ay maaring tumagal ng ilang mga buwan. Maari nitong baguhin
ang timpla ng panahon at magkaroon ng epekto sa mga ekonomiya o
kabuhayan sa buong mundo. Ang Australya at Timog-Silangang Asya
ay maaring magkaroon ng tagtuyot subalit ang mga disyerto ng Peru
ay magkakaroon ng napakalakas ng pag-ulan.
Ang Pangkatimugan Oskilasyon ay natuklasan ni Sir Gilbert
Walker noong 1923. Isa itong "seesaw" (larong lawin-lawinan) ng
presyong atmosperiko sa pagitan ng mga Karagatang Pasipiko at
Karagatang Indiyano. Mayroong ugnayang inberso (taliwasan o
baligtaran) sa pagitan ng presyon ng hanging sinusukat sa
dalawang mga lugar: sa Darwin, Australia, sa Karagatang Indiyano
at sa pulo ng Tahiti sa Timog Pasipiko. Ang Talatuntunan ng
Oskilasyong Pantimog o Southern Oscillation Index (SOI) ay ang
diperensiya o kaiban sa presyon na nasa antas ng dagat doon sa
Darwin at Tahiti. Ang Talatuntunan ng Malamig na Dila o Cold
Tongue Index (CT) ang sumusukat kung gaano karami ang
pangkaraniwang temperatura ng ibabaw ng dagat sa panggitna at
pansilangang Pasipiko na malapit sa ekwador (equator, hindi ang
bansang Ekuwador) na nagpapabagu-bago mula sa mga paikot na
11
panahunan taun-taon. Ang dalawang mga sukat ay may antikorelasyon
o nagtataliwasan ang pagiging magkaugnay, kaya't ang negatibo SOI
ay pangkaraniwang may kasamang mainit-init na hanging pangdagat
na kilala bilang El Niño.
Sa pagsapit ng kaagahan ng dekada 1980, malinaw na ang El
Niño at ang Oskilasyong Pangtimog ay magkaugnay, at ang
akronimang ENSO ay ginamit upang ilarawan ang malakihang
kaganapang ito.
Ayon sa Watchtower ONLINE LIBRARY “Ang El Niño, sa tuwirang
salita, ay ang mainit na daloy lamang ng tubig na lumilitaw
malapit sa baybayin ng Peru tuwing dalawa hanggang pitong taon,”
ang sabi ng magasing Newsweek. Sa loob ng mahigit na sandaang
taon na, napansin ng mga magdaragat sa kahabaan ng baybayin ng
Peru ang gayong pag-init. Yamang ang mainit na mga daloy na ito
ay karaniwan nang dumarating kapag magpapasko, pinanganlan ang
mga ito na El Niño, ang katagang Kastila para sa sanggol na si
Jesus.
Ang pag-init ng katubigang malapit sa baybayin ng Peru ay
nangangahulugan ng mas maraming pag-ulan sa lupaing iyan.
Pinangyayari ng ulan na mamulaklak ang disyerto at dumami ang mga
12
hayupan. Kapag malakas ang buhos, ang mga pag-ulan ay nagdudulot
din ng mga pagbaha sa rehiyon. Bukod dito, hinahadlangan ng
mainit na tubig sa bandang ibabaw ng dagat na pumaitaas ang
masustansiyang tubig na mas malamig na nasa ilalim. Bunga nito,
ang maraming nilikha sa dagat at maging ang ilang ibon ay
lumilipat sa ibang lugar upang maghanap ng makakain. Pagkatapos
ay mararamdaman ang mga epekto ng El Niño sa iba pang lugar na
malayo sa baybayin ng Peru.
Ano ang dahilan ng pagkakaroon ng El Niño? Kung ito ay
nagsisimula sa di-karaniwang pagtaas ng temperatura ng karagatang
malapit sa baybayin ng Peru, ano ang tunay na sanhi ng
pangyayaring ito? Upang maunawaan ito, isaalang-alang muna ang
higanteng sirkulasyon ng siklo, kilala bilang ang Walker
Circulation, na umiiral sa atmospera sa pagitan ng silanganin at
kanluraning bahagi ng Pasipiko sa tropiko. Habang pinaiinit ng
araw ang bandang ibabaw na katubigan sa kanluran, malapit sa
Indonesia at Australia, ang mainit at mahalumigmig na hangin ay
pumapaitaas sa atmospera, na nagiging sanhi ng sistema ng
mababang-presyon malapit sa pinakaibabaw ng katubigan. Ang
pumapaitaas na hangin ay lumalamig at pinakakawalan ang
13
halumigmig nito anupat nagdudulot ng mga pag-ulan sa lugar na
ito. Ang tuyong hangin ay tinatangay pasilangan ng mga hangin na
nasa mas mataas na atmospera. Habang ito ay naglalakbay
pasilangan, ang hangin ay lumalamig at bumibigat at nagsisimulang
bumaba pagdating sa Peru at Ecuador. Nagiging sanhi ito ng
sistema ng mataas na presyon malapit sa pinakaibabaw ng
karagatan. At, sa mababang altitud, ang mga takbo ng hangin na
kilala bilang mga trade wind (hangin na kalimitan ay humihihip sa
iisang direksiyon) ay humihihip naman pabalik sa kanluran
patungong Indonesia, sa gayon ay nakukumpleto ang siklo.
Kung magkaganon, maaring maging katanungan naman natin
ngayon kung paanong naaapektuhan ng mga trade wind ang
temperatura sa pinakaibabaw ng bahagi ng Pasipiko sa tropiko?
“Ang mga hanging ito ay karaniwan nang kumikilos na gaya ng mga
simoy ng hangin sa isang maliit na lawa,” ang sabi ng Newsweek,
“anupat itinutulak ang mainit na tubig patungo sa kanlurang
bahagi ng Pasipiko kung kaya’t ang kapantayan ng dagat doon ay
mas mataas ng 60 sentimetro at mas mainit ng 8 antas ng Celsius
kaysa sa kapantayan ng dagat, bilang halimbawa, sa Ecuador.” Sa
silangang bahagi ng Pasipiko, ang masustansiyang tubig na mas
14
malamig mula sa ilalim ay pumapaitaas, na nagiging sanhi ng
pagdami ng mga buhay sa dagat. Kaya, kapag normal na mga taon, o
kapag walang El Niño, ang temperatura sa pinakaibabaw ng dagat ay
mas malamig sa silangan kaysa sa kanluran.
Anong pagbabago sa atmospera ang nagiging sanhi ng El Niño?
“Sa mga kadahilanang hindi pa rin natatalos ng mga siyentipiko,”
ang sabi ng National Geographic, “tuwing lilipas ang ilang taon ay
humihina o naglalaho pa nga ang mga trade wind.” Habang humihina
ang mga hanging ito, ang mainit na tubig na naipon malapit sa
Indonesia ay humuhugos pabalik sa silangan, na nagiging sanhi ng
pagtaas ng temperatura sa pinakaibabaw ng dagat sa Peru at sa iba
pang lugar sa silangan. Ang pagkilos namang ito ay may epekto sa
sistema ng atmospera. “Ang pag-init ng silangang bahagi ng
Karagatang Pasipiko sa tropiko ay nagpapahina sa Walker
Circulation at nagiging sanhi para kumilos pasilangan ang siklo
ng malalakas na pag-ulan, mula sa kanluran tungo sa gitna at
silangang bahagi ng Pasipiko sa tropiko,” ang sabi ng isang
akdang reperensiya. Kaya naman apektado ang takbo ng lagay ng
panahon sa kahabaan ng buong bahagi ng Pasipiko sa gawing
ekwador.
15
May posibilidad bang matukoy kung kalian magkakaroon ng El
Niño? Matutukoy ba ang pangyayaring ito katulad ng bilis ng
pagtukoy n gating mga siyentista sa babala ng pagdaing ng isang
bagyo? Hindi. Sa halip na nagsasangkot lamang ng maiigsing
pangyayari sa lagay ng panahon, sangkot sa mga patiunang pagtaya
hinggil sa El Niño ang abnormal na mga kalagayan ng klima sa
malalaking rehiyon na kung minsan ay tumatagal ng ilang buwan. At
ang mga mananaliksik sa klima ay nagtamo ng isang antas ng
tagumpay sa patiunang pagtaya hinggil sa El Niño.
Halimbawa, ang patiunang pagtaya sa 1997-1998 na El Niño ay
ipinalabas noong Mayo ng 1997—mga anim na buwan bago ang
pagdating nito. Nakakalat ngayon sa bahagi ng Pasipiko sa tropiko
ang 70 nakaangklang palutang na siyang sumusukat sa mga kalagayan
ng hangin sa pinakaibabaw ng karagatan at sa temperatura ng
karagatan hanggang sa lalim na 500 metro. Kapag ito ay ipinasok
sa mga computer na may sistema ng paglalarawan sa klima, ang mga
impormasyong ito ay naglalabas ng mga pagtaya sa lagay ng
panahon.
Ang maagang mga babala hinggil sa El Niño ay tunay na
makatutulong sa mga tao na maghanda para sa inaasahang mga
16
pagbabago. Halimbawa, mula noong 1983, ang mga patiunang pagtaya
hinggil sa El Niño sa Peru ay humimok sa maraming magsasaka na
mag-alaga ng baka at magtanim ng mga pananim na angkop sa maulang
klima, samantalang ang mga mangingisda naman, sa halip na
manghuli ng isda ay nanghuli na lamang ng hipon na sagana sa
maiinit na katubigan. Oo, ang tumpak na patiunang pagtaya kalakip
ang patiunang paghahanda ay maaaring makabawas sa pinsala ng El
Niño sa tao at sa kabuhayan.
Kung susuriin ang mga dokumento at kasaysayan, mahihinuhang
ang pagkakaroon ng El Niño ay nagkakaroon ng malawakang hindi
kanais-nais na epekto sa agrikultura, buhay at kabuhayn ng mga
tao. Mula sa artikulong “Ano ba ang El Niño?” na inilathala sa
Watchtower ONLINE LIBRARY, Mga Publikasyon sa Tagalog (2000-2014)
naitala ang mga sumusunod na pinsalang nagawa ng El Niño:
■ 1525: Ang pinakamaagang ulat sa kasaysayan tungkol sa isang
kaganapan ng El Niño sa Peru.
■ 1789-93: Ang El Niño ang dahilan ng pagkamatay ng mahigit na
600,000 sa India at naging sanhi ng matinding taggutom sa
timugang Aprika.
17
■ 1982-83: Ang pangyayaring ito ang dahilan ng pagkamatay ng
2,000 at mahigit na $13 bilyong pinsala sa ari-arian, pangunahin
na sa mga rehiyon sa tropiko.
■ 1990-95: Tatlong sunud-sunod na pangyayari ang nagsama-sama na
naging isa sa pinakamahabang yugto ng El Niño na naitala.
■ 1997-98: Sa kabila ng unang malawakang tagumpay sa mga rehiyong
may kinalaman sa patiunang pagtaya hinggil sa mga pagbaha at
tagtuyot bunga ng El Niño, mga 2,100 buhay ang nasawi, at
nagdulot ito ng mga pinsala sa buong daigdig na nagkakahalaga ng
$33 bilyon.
Samantala, hindi lahat ng mga budoy ay nagaganap sa
Silangang Pasipiko. Sa loob ng kamakailang mga dekada, natuklasan
ang mga Panggitnang Pasipikong mga El Niño. Kapag nagaganap ito,
ang mga epekto mula sa El Niño ng Gitnang Pasipiko ay napaka
kaiba mula sa tradisyunal na mga El Niño. Nangyari ang mga
Panggitnang Pasipikong El Niño noong 1986-1988, 1991-1992, 1994-
1995, 2002-2003, 2004-2005, 2006-2007 at 2009-2010.
Dahil sa ang El Niño ay isang natural na kalamidad at
nagyayari ito bunga ng pagkilos ng mga natural na sistema ng
ating klima at kapaligiran, masasabing hindi possible na maiwasan
18
natin ang pagkakaroon nito. Magkaganunpaman, sa dahilang ang
ating mga siyentista at dalubhasa sa pag-aaral sa lagay ng
panahon ay mayroong kakayahang matukoy ang posibilidad ng
pagkakaroon ng El Niño sa isang lugar, nakapagbibigay na ito ng
paunang babala upang mapaghandaan ang pagdating nito. Sa ganitong
paraan, hindi man maiwasan ang pagkakaroon nito, napapababa naman
ang pinsalang maaring dulot nito sa buhay at kabuhayan ng mga
tao. Sa kabilang banda, dahil sa ang pagkilos ng El Niño ay
naapektuhan ng mga pagbabagong nagaganap sa ating atmospera dulot
ng tinatawag nating global warming, maari ring makatulong bilang
pangmatagalang solusyon ang patuloy na pag-iingat sa ating
kapaligiran kasama na ang malawakang pagtatanim ng mga puno,
pagpapababa n gating gamit at pagbuga ng karbon sa hangin, pag-
iiwas sa pagsusunog nga mga plastic upang mapababa ang polusyon
sa hangin, pag-iingat sa gamit ng fuel o langis sa mga sasakyan
at iba pang makinaryang nangangailangan nito, pagtangkilik sa
paggamit ng mga tinatawag na renewable fuels and energy,
pagtitipid sa gamit ng enerhiya at ang iba pang mga gawaing
naglalayong maibalik ang dating sitwasyon at takbo n gating
normal na kapaligiran. Sa ganitong pamamaraan, maibabalik ang
19
dating sigla ng ating natural na kapaligiran at mapapakinabangan
ng wasto ang ating likas na yaman. Inaasahan na sa pamamagitan
nito, mababawasan ang pagkakaroon ng mga abnormalidad sa ating
klima at kapaligiran tulad ng El Niño.
20
KONKLUSYON
Batay sa isinagawang pag-aaral at pagsusuri sa mga nakalap
na impormasyon, inilalahad ng mananaliksik ang mga sumusunod na
konklusyon:
Ang El Niño ay nagyayari bunga ng natural na pagkilos ng
system ng hangin sa ating kapaligiran at nagdudulot ng mainit na
daloy lamang ng tubig na lumilitaw malapit sa baybayin ng Peru
tuwing dalawa hanggang pitong taon. Ang pinagmulan ng El Nino ay
ang habagatang pabago bago ng klima sa karagatang pasipiko na sa
gayun ay naapektuhan ang mga karatig na baybayin malapit sa
pasipiko dahil dala rin nito ang maiinit na hangin mula sa
pasipiko.
Ang El Nino ay nangyayari kapag ang isang klima sa isang
bansa ay lalong tumataas o nagbabago ang kalagayan ng
temperatura.
Ang pangyayaring tulad ng El Niño, bagamat natutukoy kung
kalian maaring dumating ay hindi maiiwasan ang pagdating o kaya
ay mailihis ang lugar na maaring daanan nito. Kung gayon,
maituturing itong isang natural na kalamidad at marapa na
21
paghandaan upang maiwasan ang pagdulot nito ng malawakang pinsala
sa buhay at kabuhayan ng mga tao sa isang lugar.
Ang kamalayan sa mga pangyayaring tulad ng El Niño tulad ng
dahilan ng pagkakaroon nito, kailan ito maaring mangyari at anu-
ano ang mga pinsalang maaring dulot nito ay nakatutulong ng
malaki upang mapaghandaan ang pagdating nito.
22
REKOMENDASYON
Pagkatapos ng mga impormasyong nakalap at napag-aralan,
inirerekomenda ng mananaliksik ang mga sumusunod:
1. Pagkakaroon ng malawakang kampanya upang higit na maipaunawa
sa mga tao kung ano ang El Niño, saan ito nanggaling, bakit
ito nagyayari, anu-ano ang mga pinsalang maaring idulot nito
at kung paano makatutulong ang isang ordinaryong tao pang
maiwasan o mapaunti ang mga pinsalang dulot nito;
2. Hikayatin ang bawat isa ma makiisa sa pangmalawakang gawaing
nauukol sa pagbabalik ng dating sigla at lagay ng ating
kapaligiran upang maiwasan ang pangyayaring nagdudulot ng
abnormalidad sa kilos at sistema ng ating kapaligiran.
3. Pagkakaroon ng iba pang masusing pag-aaral na naayon sa
pananaliksik na ito upang higit na mapagtibay ang mga
impormasyong natuklasan mula rito.
23
MGA SANGGUNIAN
1. ANO ANG EL NIÑO?, Watchtower ONLINE LIBRARY, wol.jw.ord/en/wol/r/r27/lp-
tg/102000207
2. EL NIÑO, www.wikipedia.com
25