PARTANGIANGAN BONATAON PPD XXVIII DEBOSKAB fileACARA PARTANGIANGAN BONATAON PPD XXVIII DEBOSKAB ......
Transcript of PARTANGIANGAN BONATAON PPD XXVIII DEBOSKAB fileACARA PARTANGIANGAN BONATAON PPD XXVIII DEBOSKAB ......
Ibadah bonataon ppd deboskab Hal. 1
PARTANGIANGAN BONATAON
PPD XXVIII DEBOSKAB
TEMA : “ PATUPA ULAON ASI NI ROHA TU ANGKA NA POGOS. “ (Lukas 4 :16 - 21) SUb TEMA : “ PAROMPUAN HKbP TARjOU jALA dISURU MARHObAS dIbAGASAN ULAON PARASINIROHAON “
HKBP DEPOK I
26 Pebruari 2019
Ibadah bonataon ppd deboskab Hal. 2
ACARA PARTANGIANGAN BONATAON
PPD XXVIII DEBOSKAB
I. PRA IBADAH
MC Caroline Hutabarat / Tobing
1. Registrasi
2. Prosesi
II. IBADAH
Liturgis : Pdt Marinda STh MPdk Khotbah ; Praeses hkbp Distrik XXVIII DEBOSKAB
Pdt Drs Berlin Tamba MDiv
III. SAMBUTAN
IV. MAKAN SIANG
V. TORTOR
VI. HIBURAN & PENYERAHAN SILUA
1. NAOMI , CIBINONG
2. Pengundian Kupon Berhadiah I
3. Pengundian Door Prize I
4. CINERE, BOGOR
5. Pengundian Door Prize II
6. Pengundian Kupon Berhadiah II
7. GLORIA, MELODI , GRACIA
8. Pengundian Door Prize III
9. Pengundian Kupon Berhadiah III
VII. DOA PENUTUP Pdt Ligat Simbolon Sth
Ibadah bonataon ppd deboskab Hal. 3
PRA IBADAH
Prosesi ❖ Jam 09.00 Wib, prosesi pandita, parhalado dohot pengurus mamasuhi
bagas parmingguon, jongjong ma sude ruas di iringi Musik !
❖ Jongjong ma sude rombongan prosesi pasahathon horas horas, dung i
hundul ma rombongan prosesi tu hundulanna be jala laos hundul ma
ruas.
❖ Hata patujolo sian Koordinator Parompuan HKBP DEPOK I :
Dr Rengsi Uli Barimbing/Simanjuntak
II. IBADAH
Liturgis : Pdt Marinda STh MPdk
1. JOUJOU MARSOMBA MAMUJI DEBATA:
P : Huria ni Tuhanta na hinaholongan di bagasan Goar ni Tuhanta Jesus
Kristus. Marpungu do hita sadarion mamuji dohot pasahathon hamauliate
on ni rohanta tu Debata parholong roha i. Di taon 2019 on, ima Taon
Parasinirohaon ni Hurianta HKBP hatopan. Na tarjou do angka parompuan
songon kategorial ruas ni huria na missioner di hurianta HKBP nang tu
humaliangna, jala mangolu dibagasan asi ni rohaNa. Tahirim do
naparsidohot parompuan manumpahi ulaon pararathon Barita Na Uli i
marhite na mangolu di ulaon parasinirohaon di luat on tarlumobi di Distrik
28 DEBOSKAB. Ala ni i do di las ni rohanta sadarion tapatupa do pesta
Partangiangan Bonataon Parompuan di distrikta laho manghamauliatehon
saluhutna pambahenan ni Debata di huriaNa manipat taon nasalpui, laos
songon i nang ditaon on
Antong sian tanda las ni rohanta tapuji ma ibana dibagasan las ni roha.
R : (mangendehon) BE. No. 565: 11 “Las Rohangku Lao Mamuji”
♫ Las rohangku lao mamuji Debata Parholong i
Songon bunga na mangerbang di na binsar ari i
Arsak, dosa, haporsuhon mago dibaen asiMi
Las ni roha na manongtong lehon di au Tuhanki
Ibadah bonataon ppd deboskab Hal. 4
P : Sadarion di Pesta Partangiangan Bonataon Parompuan HKBP Distrik 28
DEBOSKAB, na ro do sude utusan angka parompuan ni hurianta di Distrik
DEBOSKAB asa rap do hita dohot angka naposo ni Tuhanta na marhalado
di hurianta. Asa las ni roha bolon do na itajalo sadarion, boi hita marsada
jala mangolu dibagasan holong ni roha. Antong tapuji ma Ibana.
R : (mangendehon) BE.No. 565: 2+ 4 “Las Rohangku Lao Mamuji”
♫ Sude jadijadianMu, laut, tano, langit i
Angka bintang dohot bulan nang mata ni ari i
Hauma, ladang, nang harangan, rura dohot dolok i
Saluhut na mangendehon sangap di Tuhanta i
--------- J o n g j o n g --------
♫ Rap ma hita mangendehon, sangap di GoarNa i
Tapangiar soaranta lao mamuji Tuhan i
Sun do holong ni rohaNa na so marnamontok i
I do pasadahon hita salelenglelengna i
2. V O T U M– I N T R O I T U S:
P : Dibagasan las ni roha di Pesta Bonataon Parompuan HKBP Distrik 28
DEBOSKAB on, tapungka ma partangianganta dibagasan Goar ni Debata
Ama, dohot Goar ni AnakNa Tuhan Jesus Kristus dohot Tondi Parbadia.
Amen! Songon on ninna Tuhan Jahowa: Ianggo halak partigor i mangolu
do binahen ni parsihohotna marhaporseaon; alai anggo di halak parjahat
ndang adong hasonangan. Haleluya!
R : (mangendehon) Haleluya! Haleluya ! Haleluya!
P : Martangiang ma hita!Ale Tuhan Debata jala Amanami ! Mauliate
dipasahat rohanami di sude denggan ni basaM dipangaramotionMu di
huriam manipat taon na salpui. Suang songon ima nang ditaonon huhirim
hami do asi ni rohaM mangihutihut ngolunami. Sai urupi ma hami, asa
unang mandele hami, uju ro hapogoson tu hami, jala asa unang magopo
hubahen hami silehonlehonMu na denggan i, uju ro pasupasuM tu hami.
Ramoti hami, asa unang marpos ni roha hami tu arta na di hasiangan on.
Lehon di hami haporseaon asa dohot hami parjambar di siteanon ni angka
na porsea di Ho marhitehite Tuhan Jesus Kristus, Tuhannami. Amen
---------H u n d u l---------
Ibadah bonataon ppd deboskab Hal. 5
3. K O O R :
a. NaomiI : Jesus Parholong Roha Ny Hutayruk/Oppusunggu
b. Keluarga Pendeta : Nasangap Nabadia do Debata
Ny Pdt Manalu Biv M br Hutapea
4. MARENDE BE. No. 559 : 1 “Debata na songkal jala na badia”
♫ Debata na songkal Sitolu sada Di songot ni ari hupuji GoarMi,
Debata na songkal Siparasi roha; Si Tolu sada, Na badia i. A m e n.
5. TANGIANG MANOPOTI DOSA :
P : Hamuna na hinaholongan di bagasan Jesus Kristus! Sadarion
tahamuliatehon do Pesta Partangiangan Bonataonn Parompuan HKBP
Distrik 28 DEBOSKAB. Alai ingkon taparhatopot do dirinta angka halak
pardosa. Ala ni i dibagasan unduk ni roha tatopoti ma dosanta na godang i
tu adopan ni Debata.
: (mangendehon) BE. No. 683: 1 “DiadopanMu Jesus”
♫ Di adopanMu Jesus lea tutu do diringkon
Dibaen godang ni dosangkon di adopanMu Jesus
P : Ale Amanami jala Debatanami na di Banuaginjang. Parasiroha na
sumurung mida hami! Huparhatutu jala hutopoti hami do dosa dohot
pangalaosionnami na godang i di joloM. Tatap hami marhitehite asi ni
rohaM, jala sesa ma dosanami saluhutna, ala ni panghophop ni Anak
haholongan ni rohaM, Tuhan Jesus Kristus, Sipangolu hami.Amen!
R : Ala jotjot do hami manimbil sian dalanMu na sintong i. Sipata maol do
hami patuduhon holong na sian Ho. Jotjot do hami mangulahon dosa.
Hupangasahon hami do utohutok nami sandiri. Sipata mandao do hami
sian dalanMu. Lupa do hami di sude pasupasu na nilehonMi tu hami, ai
jotjot do hulupahon hami hataM. Ale Tuhan, nunga mardosa hami, asi ma
rohaM, sesa dosanami, :
(mangendehon) BE. No. 683: 2 “DiadopanMu Jesus”
♫ Di adopanMu Jesus marsomba au huhut tungki
Lao manopoti dosangki diadopanMu Jesus
P : Dipajongjong Debata do huriaNa tu tongtonga ni portibion na mansai gok
dosa dohot hajahaton. Marhite angka parompuan songon ruas di huriaM
Ibadah bonataon ppd deboskab Hal. 6
HKBP di Distrik 28 DEBOSKAB on, di suru Ho hami pararathon hataM
asa lam tamba bilangan ni angka parompuan nang halak na porsea jala
marsihohot tongtong tu Ho. Marhite HataMi, naeng mangolu hami ganup
ari di ngolu na imbaru. Bagasna i, antong, hamoraon, hapistaran dohot
parbinotoanMu. Na so hasigatan do angka uhumMu jala na so habogasan
do angka dalanMu.
R : Jotjot do ndang huhaporseai hami HataM na gabe sitiopon nami. Asa gabe
madabu do hami tu hajahaton, hatop do hami mandele dohot mabiar.
Lemba do hami ro tu angka parpunguan ni HuriaM, sipata bangkol do
rohanami ro tu parmingguan laho manangihon hataM i. Asa gabe
gumodang do hami dipengaruhi angka teori teori jaman na lam maju on.
Lupa do hami di habisukon na sian Ho i. Ndang huhamauliatehon hami
hataM na hubege hami, asa lam hurang do holong nami nang tu angka
naposoM. Gabe hubereng hami do angka ulaon nasida i, songon kewajiban
sambing. Lupa do hami manghamuliatehon saluhutna tu adopanmu.
Ale Tuhan asi ma roham di hami.
: : (mangendehon) BE. No. 683: 3 “DiadopanMu Jesus”
♫ Di adopanMu Jesus tarsolsol bagi rohangkon
Muba ma au tu jolo on di adopanMu Jesus
P : Hadirion ni Huria songon pamatang ni Kristus di portibion, ima laho
pasauthon panjouon ni Debata. Di suru do hita tu portibi na gok angka
sahit, isarani sahit sosial na lam ragatna di masyarakat. Asa tarjou do hita
mamboan las ni roha tu angka halak, gabe parasiroha songon Ibana
parasiroha i! Hita do parhitean ni Debata laho pasahathon sangkapNa laho
mangurupi angka na marsahit, na pogos, na dangol dohot angka na
marsitaonon. Aha do naung tabahen? Tarlumobi angka parompuan ni
hurianta HKBP di Distrik 28 DEBOSKAB on? Ingkon jujur do hita, mansai
godang dope na so boi taulahon. Ndang marsitutu hita di panjouonta i.
R : Ale Tuhan, nunga mardosa hami. Marpamuati ma rohaM dihami, sesa ma
dosanami i, ai jotjot do hami holan hata di ngolu nami. Pargogoi ma hami
jala jangkon ma hami gabe siseanMu. Ramoti HuriaMi asa gabe pasu pasu
i tu humaliang hami.
: (mangendehon) BE. No. 683: 4 “DiadopanMu Jesus”
♫ Di adopanMu Jesus lea tutu do diringkon
Dibaen godang ni dosangkon di adopanMu Jesus
Ibadah bonataon ppd deboskab Hal. 7
P : Tabege ma hata bagabaga taringot tu hasesaan ni dosa! Munsat pe angka
dolok, jala humuntal angka robean, alai anggo parasi ni rohangKu na so
tupa munsat sian ho, jala padan ni hadameonKu na so tupa humordit, ninna
Jahowa Siasii ho. Hasangapon ma di Debata na di ginjang!
P+R: Amen! --------H u n d u l--------
6. K O O R :
a. Wilayah IV : Jesus Aek Namangolu St Tio br Simanjuntak
b. Wilayah I : Bahen ma Ahu Parhitean ni PasupasuM
St Bermin Napitupulu
6. MARENDE BE. No. 411: 1 “Nang pe rara dosamu” BL. 274
♫ Nang pe rara dosamu ias dibaen mudarhu (2x)
Na dapdap songon hasumba songon itak do
Nang pe rara dosamu, nang pe rara dosamu
ias dibaen mudar hi, ias dibaen mudarhu
7. E P I S T E L : 1Yohanes 4 : 1 - 11
P : Turpuk epistel (PHD) di pestanta sadari on ima 1 Johanes 4 : 1 - 11 , tajaha
ma marsingkat sorin: Hamu angka haholongan, unang ma ganup tondi
haporseai hamu; unjuni hamu ma manang na sian Debata tondi, ai nunga
borhat torop panurirang pargapgap tu portibion.
R : Sian on ma tanda hamu tondi ni Debata : Na marhatopothon Jesus Krists,
naung ro dibagasan daging, I ma sian Debata.
P : Ganup tondi namarhatopothon Jesus I, I ma na so sian Debata, I ma
pangalaho ni antikristus, na naeng ro I, songon naung binegemuna ; jala
nunga diportibion ibana nuaeng.
R : Sian Debata do anggo hamu, angka anaha; jala nunga ditaluhon hamu
nasida, ai umbalga do Ibana nadibagasan hamu asa nadibagasan portibion
P : Sian portibion do anggo nasida; dibahen I; sian portibion do hata nasida,
jala ditangihon portibion do nasida.
R : Sian Debata do ia hita. Halak natumanda Debata, I ma natumangihon hita.
Halak na so sian Debata, I ma na so tumangihon hita Sian I do tatanda
tatanda Tondi hasintongan dohot tondi sipaototo.
P : Hamu angka haholongan masihaholongan ma hitaai sian Debata do
haholongon I, jala ganup na marholong roha, I ma naung tubu sian Debata,
jala ditanda do Debata.
Ibadah bonataon ppd deboskab Hal. 8
R : Halak na so marholong ni roha, I do na so tumanda Debata, ai haholongon
do Debata.
P : Sian on do gabe patar holong ni roha ni Debata na tu hita; Sian naung
sinuruNa I anakNa na sasadai tu portibion, asa mangolu hita marhitehite
Ibana.
R : Dibagasan on do holong ni roha I ; Ndada hita manghaholongi Debata;
Ibana do manghaholongi hita jala disuru do anakNa, bahen pardenggana
pasaehon dosanta.:
P : Hamu angka haholongan, anggo songon I holong ni roha ni Debata di hita,
tama nang hita masihaholongan.
Ido sahatna ! Martua do angka na tumangihon Hata ni Debata, jala na
umpeopsa.
P+R: A m e n !
8. K O O R :
a. Wilayah II : Persaudaraan Yang Rukun : drG Adelina Napitupulu b. Wilayah III : Yesusku Juruselamatku : Ny Doris Pardede
c. GRACIA : DAME DOHOT HOLONG : drG Adelina Napitupulu
9. DOA SYAFAAT Pdt NM. Simanjuntak MTh 10. K O O R : a. PPH DEPOK I : Ucap Syukur Pada Tuhan : Ny Emmy Gultom b. Mars Parasinirohaon : Gabe Parasiroha ma Hamu : St Martha Hutahaean
11. MARENDE BE. No. 826 : 1 – 3 “Gohi Au Tuhan” (P.Pelean) ♫ Gohi au Tuhan marhite HataMi; Gohi au Tuhan marhite HataMi, Songon hudon na rumar do au Tuhan di sumurMi; Gohi au Tuhan marhite HataMi.
♫ Gohi au Tuhan marhite HataMi; Gohi au Tuhan marhite HataMi Na mauas do tondingku O Tuhan di HataMi; Gohi au Tuhan marhite HataMi.
Ibadah bonataon ppd deboskab Hal. 9
12. J A M I TA : Praeses hkbp Distrik XXVIII DEBOSKAB
Pdt Drs Berlin Tamba STh MDiv
13. MARENDE BE. No. No. 361 : 1- 8 “Na Denggan Situtu Do” BL.157
; Papungu.Pelean : 12 Orang Sintua Parompuan Utusan Resort
♫ Na denggan situtu do mamuji Debata Jahowa na tumimbo Na sai tongtong basa Denggan do paboahon Manogot asiMi;
Bodari mangendehon BurjuM nang sintongMi
♫ Mardongan sipiltihon Na denggan situtu;
Naeng ma tongtong pujion Ni nasa na burju
Ho Tuhan Debatangku Ai las ni rohangki;
Do na tongtong binaenMu Di pambahenanMi
-------- M u s i k --------
♫ Ai jadijadianMu Mansai balga do i;
Nang angka pingkiranMu mansai bagas do i
Ndang dapot i tandaon Ni baoa na bodo;
Ai holan sibotoon Ni na porsea do.
♫ Martumbur pe parjahat Di atas tano on;
Sobokkon duhutduhut Ndang mian i tongtong
Tompu do disiaphon Ho saluhutna i;
Alai Ho do manongtong Ho na tumimbul i. -
------- M u s i k --------
♫ MusuM, O Debatangku Sibaen na jahat i;
I ma siaphononMu Marserak ma sude
Alai patimboonMu Ma au naposoMon;
Huhut pargogoanMu Mamuji Ho tongtong.
♫ Pamereng ni matangku Sombu ma baenonmi;
Marnida hadadabu Ni angka alongki
Au naeng agohononNa Hape na sundat do;
Tinahi ni rohana O Tuhan dibaen Ho.
Ibadah bonataon ppd deboskab Hal. 10
14. P A R S U R U O N: --J o n g j o n g --- Praeses: Hamu angka nahinongkop ni Tuhanta, nunga di jalo hamu Hata ni Debata na
gabe bohal di partondion. Debata do mamillit hita jala marpadan Ibana dohot hita. Antong marpangalaho sisean ma hita angka na marpadan dohot Debata laho patuduhon holongNa tu ganup halak. Ai dilehon Debata do angka pasupasu na godang molo sai taulahon hataNa jala molo sai tatangihon Ibana.
Ruas : (mangendehon) BE. 792:1 “Pasu-pasu hami O Tuhan” ♫ Pasu-pasu hami O Tuhan sai usehon dameMi Sai ampehon tanganMi Tuhan, lehon tu au gogoMi Di portibi on baen ma au Tuhan habaoran ni las ni roha Tu na marsak i tu na dangol i gabe pangapuli i Pasu-pasu hami O Tuhan sai usehon dameMi Sai ampehon tanganMi Tuhan, lehon tu au gogoMi
Praeses: Hamuna angka na hinaholongan, Ruas ni Huria tarlumobi angka parompuan; Mangolu ma hamu dibagasan holong dohot sada ni roha! Patuduhon ma haporseaonmuna laho mangaradoti haholongon huhut pajongjong hatigoran marhitehite ulaon parasinirohaon. Laho ma hamu gabe panondang dohot sira tu tongatonga ni portibion mamboan haluaon tu ganup halak.
Ruas : (mangendehon) BE. 792: 5 “Pasu-pasu hami O Tuhan” ♫ Pasu-pasu hami O Tuhan sai usehon dameMi Sai ampehon tanganMi Tuhan, lehon tu au gogoMi Diportibion baen ma au O Tuhan, sipajongjong hatigoran Pargogoi ma au, raphon HuriaM, patupahon na denggan Pasu-pasu hami O Tuhan sai usehon dameMi Sai ampehon tanganMi Tuhan, lehon tu au gogoMi
23. TANGIANG PELEAN + PASUPASU
Ibadah bonataon ppd deboskab Hal. 11
Ibadah bonataon ppd deboskab Hal. 12
SELURUH PENDETA, PARHALADO &
PENGURUS PAROMPUAN
MENGUCAPKAN
SELAMAT TAHUN BARU !!!