Download pdf - Movie Corner Magazine

http://www.moviecornermagazine.com

KANMAGAZINE A

ADVERTISEMENTTI DUH TANCONTACT

THEIH RENGKAN

NI

contact:[email protected]

+91 8413959220

contentsFROM THE EDITOR’S DESK

M.RALTE

MIFF IN MIZORAM

KRISTIAN MOVIEHMUHNAWM KA TIH TE

ENGKIMA CHAWNGTHU

SHAKTIMAANH ZATE

CUISINESTANLEY

OPERAION DAYBREAKBIGDADDY HMAHMATEA

ZODINPUII(Movie Review)

FIAMTHU CORNERTSA KHUPCHAWNG

KEI LEH FOOTBALLABLE SMOOCHIE

KANTU EXPRESSMC ‘THE LAZIES’ INTERVIEW

GOOSH:A FASHION POINT OF VIEW

MC COMIC STRIP

FILM EDUCATIONDIDINI TOCHHAWNG

MIMY CHONGTHU INLAN VAWI HNIHNA(Covergirl Interview)

KA ṭHIANPALIES KUHMUMPARA

TSA KHUPCHAWNG

MC’S ACTRESS OF THE MONTH:ROONEY MARA

OMOMA VAJAZ

45

6

8

12

14

16

18

20

28

29

23

17

22

24

32

MOVIE CORNERM A G A Z I N E

EDITORIALEditor-in-Chief: U Manuna Hj

Creative Director: Maxeer Zach

Editor-At-Large: Muantea Cobain

Copy Editor : m.ralte

Columnist: Didini Tochhawng Able Smoochie Muantea Cobain

Cartoonist: Hriatpuia Cc

Photographer: Andrew Lalbiaknunga Ralte

Art Director: Oniisan Chawngthu

Contributors: Engkima Chawngthu TS-a Khupchawng H Zate Stanley Goosh Vangchhia Bigdaddy Hmahmatea

mov ieco rne rmagaz ine .com

http://www.moviecornermagazine.com

MC EDITORIAL

MOVIE CORNER • MAY 2013 | 4

-m ralte

Hun tiam awm lohna Movie Corner khawvel hmanhlel tak karah May Issue chu, hei, thla chawhnu her lamah kan peih fel thei ta hram a, chhiartute paw’n min hrethiamin, a lawmawm lamah kan ngai tlang dial dial a ni ang chu. Thufing paw’n, “Tih loha tlak ai chuan tlai pawh a pawi lo zawk,” a ti a ni lawm ni kha!–

Eng pawh ni se, tun issue thu leh hla zet zawng belhchian tlak tak an ni vek thung a ni. Mizo Feature Film kan nghahhlelh em em Zodinpuii belhchianna te, a Producer kawmna te, Mizoram Film Development Society (MFDS) Treasurer leh Movie Corner Magazine te’n Zoram lemchan khawvel boruak an thlir hona te, Kantu Express changtute kawmna bakah, kan Cuisine Columnist thar Stanley ziah, Ei leh In, siam awlsam leh tui bawk si te hi chhiar hmaih phal chi rual an ni lo. Kan Covergirl hmelṭha, zei leh fel tak mai hlimthla te hian in mit a titlai hle a nih bawk chuan Goosh’s Fashion Column hi chik tak leh hmaih nei miah lova en thlithlai ngei a ṭha bawk ang.

Chu mai a la ni lo! Zau zawk a lemchan khawvel leh a kaihhnawih luh chilh duh tan kan Film Education Columnist hlun, Didini ziah ‘German Expressionism’ leh thu leh hla khawvel a duai lo tak, BigDaddy Hmahmatea thai khawm ‘Operation Daybreak’ te hian in hriatna an tizau zual ngei ang. Kristian movies hmuhnawm leh thinlung vel thei te hriat in duh maw!? ‘Kristian Movies Hmuhnawm Ka Tih Te’ tih ngaihnawm tak a ziakin, Engkima Chawngthu-in a thlan khawm sak a che u alawm; a fel ṭhin a nia.

Panlai nun ngai a kur ruai, H.Zate ziah ‘Shaktimaan’ pawh hian tunlai Efibi nun leh tunhma nun thianghlimna thuruk ril tak mai a pai ru kiau bawk asin. Chawngkhum dan tlang huat loh ni hial awm khawp a mawi nuihpui ṭiah ṭiah i duh a nih paw’n Ts-a chawhchawrawi ‘Ka Thianpa Lies Kuhmumpara’ tih hian a chawk hlim khawp ang che. Kham khawp nuihna hmu lova i la inhriat cheu chuan, thu leh hla hlimawm tak a chei kual thiam, Able Smoochie tawn hriat ‘Kei Leh Football’ hi i cho sual lo bawk ang. Kan Music Director, Omoma Vajaj paw’n tun ṭum ‘Actress of the Month’ a rawn thawh ve tlat mai a, tu tak ni ang maw!?

A tawpna’n, Magazine Cover and Stylist Team, min thuam mawitute chungah lawmthu awm mawlh rawh se.

Intawn leh hma zawng, chhiar nuam ule!!

From the Editor’s Desk


-didini tochhawng

MC CLASS ROOM

Film EducationGerman Expressionism hi kum 1900 bawr chho vel a Germany-a creative art movement pakhat niin, painting, theatricals, architecture leh cinema-ah te pho chhuah a ni hlawm a. Kum 1920 chho, Indopui I-na leh Indopui II-na inkar vel kha a hun tawn san ber lai a ni.

German Expressionism hi visual style chikhat niin, an painting-ah te pawh colour nem lam hmang lovin, a tak ṭha ṭha hman a ni a. Thil a nihna (reality) ang a pho chhuak lovin, mihring rilru chhungril insukthlek dan an pho lang zawk a. Architectural design kalhmang pawh a pangai a building leh lines ngil tluangtlam tak kan hmuh ṭhin ang lo takin, awn dei duai, a tlu dawn emaw tih tur khawpa awn, angle hriam tak tak te’n an pho lang bawk a ni. Engvangin nge hetiang taka thil maksak hi an ngaihtuah chhuah theih dan hi han ngaihtuah chuan a hunlai a German mipui te rilru ipik lutuk, artist te’n an thiam ang zawng a an pho chhuah ve dan chikhat a ni ve tlat mai a. Kan hriat ṭheuh angin, he’ng hunlai 1910 chho bawr vel aṭang khan Germany leh Europe ram hran hran te chu inngeih lo chhovin, ram chhung inrelbawl danah pawh buaina a tam phah hle a, Indopui I-na chu kum 1914-ah a irhchhuak ta nge nge a. He indona rapthlak takah hian Germany ram chu thiam loh changin an ram politik inrelbawl dan leh sum pawh a buai phah ta vek a. Hei hian German mipui te nunkawng chu a nghawng buai ta vek mai a, German mipuite rilru chiai tak mai chu artist thiam tak tak te’n an talent neih aṭangin German Expressionism hmang hian an rawn pho lang ta hlawm a ni.

Cinema lamah pawh German Expressionism hi an uar hle a. He’ng film te hi German Expressionist film lar zual zinga mite chu an ni - The Student of Prague (1913), The Cabinet of Dr. Caligari (1920), The Golem: How He Came Into the World (1920), Destiny (1921), Nosferatu (1922), Phantom (1922), Schatten (1923), and The Last Laugh (1924). He’ng zinga khawvel pum huap a lar ber chu Robert Wiene-a direct, The Cabinet of Dr. Caligari (1920) hi a ni. German Expressionist film-ah te hian set designer an pawimawh zual em em a. A chhan chu studio-a shoot niin, khawvel hranpa hlawk, chu pawh nitin-a mit a kan hmuh ṭhin pangai mai ni lo siam chawp a ngai ṭhin a ni. Tin, an thawnthu reng reng kha thawnthu tluangtlam tak a ni thei hlawm lova, a thawnthu a maksak ang bawkin, a pho chhuah dan pawh kha thiam ve hle a ngai bawk. Art director pawimawh zia a lang chiangin, German ho an lo changkan hmasak zia pawh a lang a ni.

Kum 1930 chho aṭang khan Germany ram economy chuan tlak chhiat lam a pan zel a, hei hian film siamtute thlengin a nghawng buai tel a. Hetia film siamna tur sum a awm tak lovah chuan German filmmakers tam tak te chu United States lamah an pem thla ta hlawm a. Hollywood pawhin German mi, film siam lam a thiamna nei sang te chu a lo hlawkpuiin a lo chhawr ṭangkai zel mai bawk a. Cinema/Film history-a ‘horror film’ leh MC January issue-a kan lo chhuah tak ‘film noir’-te influence-tu bulpui ber an lo nih phah ta bawk a ni. Tin, kan hriat atan a pawimawh ve tak pakhat chu Kum 1900 chho bawr vel leh Indopui I-na & II-na lai vel khan Germany kha lo tal buai ta lo se chuan, German Expressionism hi a awm kher lo maithei. Lo awm ta tho pawh ni se, style dang an hmang ve leh daih thei bawk a ni.

RooneyMara

MC’s Actress of the Month

Bio-Data

Birth Name : Patricia Rooney MaraHeight : 5’ 3” BirthPlace : Bedford, New York, USADOB : April 17, 1985Years active : 2005–present.


MC REVIEW

-omoma vajaz


MC REVIEW

Rooney Mara hi mi tam zawkin kan hriat ṭanna ber chu THE GIRL WITH THE

DRAGON TATTOO-ah a title character a rawn chan aṭang khan a ni awm e. Hemi hma hian film langsar ve tak tak NIGHTMARE ON ELM STREET leh SOCIAL NETWORK te pawh a lo chang tawh a ni. Rooney Mara hi Bedford, New York, USA a piang a ni a. A nu leh pa te chu Kathreen McNulty leh Timothy Christopher Mara te an ni. U pahnih - mipa pakhat, Daniel leh hmeichhe pakhat, Kate a nei a, nau mipa pakhat, Conor a nei bawk. A u Kate Mara hi lemchang ṭhin ve tho niin, film chi hran hranah chang tawhin, mi hriat a hlawh ve tawh hle.

Rooney Mara hian ṭanpui ngai te ṭanpuina hna, “Charity work” lam te pawh a ti ve ṭhin a. Uweza Foundation enkawltute zing ami a ni. He foundation hian Africa ram a slum pakhat, Kibera tih, Nairobi, Kenya a awm khua a chhungkua awm te ṭanpuina hna an thawk a ni. Faces of Kibera tih charity organization pawh hi ama din a ni bawk.

Rooney Mara lan ve na hmasa ber film chu URBAN LEGENDS : BLOODY MARY a ni a, mahse hetah hi chuan extra mai mai chauhah a la ṭang a ni. Chumi hnuah TV serial LAW & ORDER : SPECIAL VICTIMS UNIT-ah chuan role langsar ve deuh hlek a rawn chang ve a. Hetah hian naupang thau tiduhdah (bully) ṭhin lemah a chang a ni. Chumi hnuah TV serials dang WOMEN’S MURDER CLUB leh THE CLEANER-ah te a inlan leh a. Feature Films pahnihah a inlan leh hnuin, TV show lar ve tak ER episode pahnihah a chang ve leh a ni. A changtunu anga a channa movie hmasa ber chu TANNER HALL a nia, New England boarding school pakhat a tleirawl rual chanchin a ni. Hetih lai vel hi chuan a lemchannaah te hian a hming hi “Patricia Mara” emaw “Tricia Mara” tih hlirin a la dah a. Hemi hnu deuhah hian a first name chu paihin, a middle name zawk chu hmangin Rooney Mara a inti ta zawk a ni. 2010-ah khan NIGHTMARE ON ELM STREET-ah a chang leh a, mahse beisei aiin he movie hi a hlawhtling lem lo a, Rooney pawh hian mi hriat a hlawh phah em em lo a ni. Hemi kum tho a movie chhuak SOCIAL NETWORK a role lian lem lo, mahse pawimawh tak si a chan ve avang khan mi hriat a hlawh phian a. A director David Fincher paw’n a film THE GIRL WITH THE DRAGON TATTOO-ah a changtunu berah a thlang ta a ni.

MC EXCLUSIVE


MIM

yC

hO

Ng

ThU

INLANVAWI HNIHNA

MC EXCLUSIVE

Zawlkhaw tleitir zawng zinga nula hmelṭha, fel bawk si leh hlimthla lak a zei namen lova zei, Mimy Chongthu, hi kan magazine chuan vawikhat mai ni lo, vawihnihna atan meuh Covergirl turin kan han sawm leh chu a ni a Han thlir keuh keuh ila, a chhan tur awmang chu kan hrethiam maiin a rinawm. Amah hi i’n kawm nghe nghe teh ang.

Q1. A hmasain enge i hmingpum min hrilh thei em?MC: Lalawmpuii

Q2. Kan magazine-ah vawihnih lai i inlan tawh a, hei, Covergirl tura sawmna i hmuh hian enge i rilruah lo lang?MC: A lawmawm ka tih rualin, ka phu lo khawp mai.

Q3. Tunah hian enge i zir/thawh mek?MC: Tunah hian B.Sc 3rd year result ka nghak mek a

Q4. Chhass lam te hi??MC: Chass lam hi chu, nula te kan nia, zawnglai te kan ni rih lem lo a, i hrethia mai em…huhu.

Q5. Modelling lam hi i tui ve reng reng nge, i chhe lo ve hrim2 ngei, i pianpui zei ve tawp?MC: Ka sawi thiam ngai reng reng loh te i rawn sawi a nih kha, ka va lawm em

Q6. Eizawnna atana i duh ber?MC: Hna lampang chu ka thawh tur awm tawk Pathianin min pe zel ang a, eng ang hna pawh thawk ila mi hlawhtling nih ka tum tlat :)

Q7. I hunawl a thil i tih nasat eng ngee? I hobby te?MC: Ka hunawl a ka tih tam ber chu lehkhabu chhiar te, thluak exercise-na lampang activities hrang hrang te ka ti nasa tlangpui.


MC EXCLUSIVE


Q8. Mipa i eat zawng? Pasal tur emaw, ngaihzawng tura i duh zawng?MC: Bialpa/pasal atan chuan landan eng ang pawh ni se Pathian ṭih mi hi a ṭha ber :)

Q9. Movie Corner Magazine i ngaihdan? MC: In fel, in fel. Tang zual sauh sauh rawh u. Q10. Nangmah star-tu leh chhe lo titu zawng zawng te chunga thu i sawi duh?MC: Ehemzzz…eng nge niang aw!? In ti lawmawm, ka lawm tak zet.

~~~~~~~~~~~~~~~~~~~~~~~~~~~~photography

andrew lalbiaknunga raltemakeup

zoe kholhringstylist

amy l fanaiart director

oniisan chawngthu~~~~~~~~~~~~~~~~

project directordidini tochhawng

accessorieskrimson (millennium centre)

closet fantasy (doris chhakchhuak)dresses

tlanzovi (khatla)laldinliani ralte (zarkwt)thani hnamte (chanmari)

~~~~~~~~~~~~~~~~~~~~~~~~~~~~

MC MASALA MIX


-engkima chawngthu

Tun ṭum chu Kungfu film lam ka hawi dawn emaw ni ka ti deuh a, mahse Kristian Movie lamah ka’n hawi daih teh ang.

AMISH GRACE: He film hi en lovin ka khawl (Computer)-ah ka lo kawl reng a. Ka en ṭum chuan ka rin aiin a lo hmuhnawm zek mai a. He film hi Amish (Kristian pawl pakhat) te hnen a harsatna leh chhiatna lo thleng, chumi an hmachhawn dan ropui leh mak tak a ni. He film ka en ṭum tluk a, film avang a ka ṭah nasat hi ka la hre lo hial awm e. Min hneh em emtu, ka mittui titlatu chu, chhiatna an tawh lai taka Kristian zia ropui tak an lantirna kha a ni. A changtu ber te chhungkhua aṭangin an fanu a thi tih an hria a, a thih thu an inhrilh dan, “A thi ta,” ti lova, “Lal Isua hnenah a awm ta,” an ti khan min hneh em a, min vel nasa ngang mai; ka insum zo thlawt lo a ni. Mahni room-ah, tumah venthawn tur awm lova en ka ni bawk a, ka inhnit hlawp hlawp a, towel ka la sauh sauh a, ka mittui ka hru kiang kiang mai mawle.

Zikpuii Pa (KC Lalvunga) khan Salvation Army din chhuaktu, William Booth-a chanchin ‘The Next General to God’ leh US Senate Chaplain ni ṭhin, Peter Marshall-a chanchin ziahna ‘A Man Called Peter’ tih a chhiar ṭumin a ṭah thu a sawi a. Film hi ka en ve nual tawh a, hnuk tiulh thei te hi chu an awm mai a, ka ṭahpui tak hi chu Amish Grace deuh chauh hi a ni mai awm e.

FACING THE GIANT: He film hi Sherwood Baptist Church Pastor, Stephen Kendrick-a siam, amah ngeiin a chan a ni a. He film pawh hi a hmuhnawm mai ni lovin, a thu ken pawh a ṭha khawp mai. School Football (American Football) Coach tlachhe ṭan tawhin Pathian thu hmanga an team a siam ṭhat chhoh dan leh State Champion lai a rawn nihpuina a ni. He film aṭang hian zir tur kan ngah hle a. Pathian nghah fan fan a ṭul zia te, Pathian a innghah a pawimawh zia te kan zir chhuak thei awm e.

Tin, Facing the Giant kan sawi chuan, hemi te bawkin an siam, Fireproof Marriage pawh hi en tlak tak a ni. Nupa intibuai, inṭhen tum mek tawh, a pa (a changtupa pa)-in Pathian thu hmanga a chhanchhuahna a ni. Lehkhabu-ah ni 40 chhung a tih tur a ziah sak a, chumi hmang chuan a changtupa hian a nupui hneh let leh a tum ta a ni. Ni 40 chhungin a hneh theih lova, mahse a beidawng chuang lo. He film-ah hian beidawn mai loh a ṭul zia nasa takin min zirtir a, nupa nunah hian (kan la dai ve loh ram chu a ni nain) ṭhat leh ṭhat inchhuah tawn a ṭulna te min zirtir bawk. Amaherawhchu, an film hmasa zawk Facing the Giant chu a tluk lo deuh em aw ka ti.

KRISTIAN MOVIEHMUHNAWM KA TIH TE

MC MASALA MIX


THE TEN COMMANDMENTS: 2007 kum a animation film an siam, The Ten Commandment pawh hi a en tlak khawp mai. He Film hi Mosia mimal film a ni zawk mah a. Mosia hi hruaitu ropui tak, leadership nei ṭha tak mai a nih avang hian ka ngaisang em em a. Khawvel thiamna leh finna nei tura Aigupta Lal inzir chhuak, chumi hnu a, thlaler a vakvai leh Beram vengtu ni kha Pathian-in a hnam thlan, hnam sual leh hel hmang te hruaitu tur a lo thlang kha, khatiang quality nei lo khan hruai se la, an hruai theih pawh a rinawm loh hial a ni. He film ka ngaihhlutna em em chu a siamtute hian Bible thu hi an pensan lo hlein ka hria a, a hmuhnawm ka ti viau.

BEN HUR: Ben Hur hi film hnumawm tak a nih avang nge maw ni, a film pawh hi a tam khawp mai a. Kum 1907-ah te, 1925-ah te, 1959-ah te leh 2003 khan animation-in an siam a. Ka sawi tum ber hi chu kum 1959 ami Academy Award pawh 11 lai latu hi a ni.

He film hi an chan hunlai nen a ngaihtuah hian an lo siam ṭha-in, an lo uluk hle mai a; Oscar 11 lai mai a la pawh hi a awm lo hran lo. A changtu te hian an chang thiam a, a hmuhnawm mai ni lovin a ngaihnawm tel a ni. Isua chanchin (A Tale of Christ) tih ni mah se Isua a

lang tam lo khawp mai. Vanduaithlak takin he film hi ka en chhuak ta chiah lova, a film ka lakah khan a lo kim lo hlauh mai a, mahse ka en chhunah na na na chuan a hnuhnawm ka ti tak zet a ni.

THE PASSION OF THE CHRIST: He film hi khawvel film star lar, Mel Gibson-a siam a ni a. He film hi kan hriat angin, Lal Isua tuarna leh thihna, hnehna a a thawhlehna film a ni a. A ti-original-tu atan an ṭawng pawh Aramaik an hmang vek reng a ni. An siam lai hian (a siamtu leh a changtu te hi) Roman Catholic an ni bawk a, Mass (sacrament) an nei ziah ṭhin a ni. A changtu ṭhenkhat te hi khawvel film star lar pangngai ve mai an ni nain, a siamtute’n an siam lain, an uluk em avang hi emaw ni vawiin ni thleng hian Krista tuarna tarlannaah chuan he film ami hi an la hmang nasa ber a. Facebook leh Music Video lamah pawh he film a Isua tuarna thla leh lem hi hman lar ber a ni ta hial a ni. A release lai khan thawm ri va a nei hat a, Juda te’n an duh lo avang khan khuavel a deng chhuak a, mahse kha thil kha Pathian-in he film tih larna tura a malsawmna pakhat ni tlatin ka hria. Khatia khuavel a than tak huai avang khan a film pawhin a lar phah em em a, a entute pawh khami avang khan an pun phahin ka ring ve tlat. A screen lian chiin, man to takin (theatre-ah), ka en ve ngei a, mahse na ka ti hran lo.


MC FRIEND

-ts-a

Hmanlai hian mi pakhat, a hming - Malsawmtluanga hi a awm a.

Chumi nen chuan inhmelhriat satliah kan ni mai a. Thian ti-a han sawi tlâk vak ni pawhin a lang lo; hun eng emaw chen chu - tun thleng hian. Chaw eikhawmna aṭang mai mai a ka chhar hi a ni ve a, a hmel han en reng reng pawhin a ril loh hmel ngawih ngawih a ni. A nêlawm loh em em a, la hre ngai lo tân phei chuan biak chawt ngamawm loh khawp a ni.

Pa sa ṭha pangngai tak a ni a; sa ṭha han tih lemah thau chhia te pawh a tel âwm e. Lu kâwng mêt mût hi a ni a, a hmai laili takah hnar bawng lian terh tawrh tak hi rem lo zetin a bet tui mai bawk a. Pa dulkiar ve lang mai, kal kâk deuh tui, inthazo lo zet, ṭawngkam erawh cheh thei fu si niin an sawi.

A kâ aṭangin Pathian thu a chhuak ngai lo a, chatthla luak erawh a chhuak ngun viau thung. Chutih rualin lut thei lo erawh a awm lo thung a, thil sakhat aṭanga a tuiril, a hang, thlum, khâ engkim chu a kâ hian a welcome reng a ni. A ṭhianpa fel tak pakhat (mahni insawi hi a nuam hauh lo a) avang liau liauvin a bengah Pathian thu leh thu ṭha tinreng a lût fo thung a.

A hetih vang ni hmiang, a hrisel lo vei reuh phian a. Thih ngama a nâ te, harsa ti taka a kal bai auh auh te, hrehawm taka natna khuma a mu bâm lai te chu

KA ṭHIANPA LIES KUHMUMPARA

a ṭhiante tân hmuhnawm a tling ṭhin thung si. A daidar ve reuh fu a, a tawn a tam phian bawk si a. Mizo ṭawng thiam ṭhathum lovin a râk mai mai emaw kan tih laiin English thu ṭha tak tak Mizo ṭawnga a lo leh ṭhin tawh thu min hrilh a. Biak in leh heti lam hawi zawng hrim hrimah a inrawlh hauh lo emaw tih laiin khawtlang leh kohhran velin an chhawr ve reuh fu lawi a.

Aizawl bazarpuia a dawr, bawlhhlawh paihna bulah a tawlh hret hret emaw tih laiin Bagha lamah vai zu a lo zu tlàn hem hem a. Silchar vel a ṭhiani te lane-ah a lerh chiam emaw tih laiin RV-a a accident thuin min han dêng leh rih a. Damdawi in a kan kan tum laiin in lamah a lo inenkawl leh daih a. In lam a che thei lova a inenkawl kan tum a, Chite kam kan zuk pan lahin a nula rîm tur bike khalh hi kan tâwk thei phian a - hrep tak a!

Ka hmuh tirh chuan tlangval, mi awm ṭha duh lo, mi intingêng ve tak mai hi a ni emaw ka ti a. Ka hmuh hmasak ber a chatthla lai a nih miau avangin ka rin tam tak chu a dik tih ka hre thei nghal a. Ka hre chiang telh telh a, tlangval ringawt chu a ni lo tih ka hre leh ta a. A bâk hriat ka han tum a, hma ka sâwn mawh khawp. An inah vawi tam ka kal tawh a, pa a nih lai nge tlangval a nih lai ka hre thei hauh lo; chî erawh a lo thlah dih diah tawh tih mai loh chu. Chumi a nih avang chuan pathlawi hmuhin ka hmu ta tawp mai a ni; tun thleng hian.


MC FRIEND

A ngainatawm hran loh a. Fiam a ngam em avangin ṭawngkam chhe tleuna’n tak kan hmang a, a lâwm thiam em em ṭhin. A zu ruih châng te, a hlim ruih châng te, a nula ruih châng te, a boruak ruih châng te hian theihpatâwpin min rawn intiṭhian a. Mi të ber pawh mi pangngai en a en thei han nih tâkah chuan tun thlengin a la zawngchhang niin a lang.

A damloh châng hi chuan a ṭhian neih chhun chhun te hian a ro khâwm kan inchuh fiam ṭhin a, chu chu ṭhian nei ta viau a inngaih phahin a lo dam leh mai ṭhin. Hrisel hmel takin a sen ṭul nâ a, a taksa chhûng lam hi a ṭawp ru phian a ni âwm e. Nâ a intih thu kan hriat tam hle laiin dam a intih thu hi kan hre ngai hauh lo. Chawhrualin na reng ang a ni a; a pumpui te, a taksa hrim hrim te hian thil zawng zawng a ngeih vek lo tih hriat phahna’na hman a tum der si lo.

Eizawnna chhete mai hi a nei a; chhete han tih lemah ama tâwk chuan a muk ve viau a ni âwm e. A zîm hrim hrim a, muk viau pawh ni se thil âwm lo tak a ni hran lo. A dawr chu nula kawngkal thlîrna’n a hmang hnem ber a, nula date-na’n a ni leh a, thatchhiatna’n leh hohna’n a ni leh bawk a. Sumdawnna’n a hmang meuh lo chung hian a vannei a, a ṭhiante kan lo fel hlauh va, chung lam te kan han auhpui lawp lawp a, tun thleng hian a la ti tâwp ta lo.

Facebook hi kan hnê em em hnuah a rawn tui chho thar a, common tawh kan tih hnuah mahni inzir mi tih takah ngeiawm a rawn inzir chho a. Hnê taka kan pension hnuah lerh dan rawn thiam chhoin account pahnih pathum a rawn nei a. A account zawng zawng te hi a active em em reng a, ama post te hi a account zawng zawngin a like a, a account zawng zawngin a comment a, a hlim tâwk em em ṭhin.

He’ng a account zawng zawngte hi a hmang thiam em em a, mi pangngai tân tluk rual a ni lo. A account pakhat hi amah tak tak a ni a, pakhat hi duh duha râkna a ni a, pakhat hi mi fel tak a ni a, pakhat dang leh hi ngaihzawng neihna, tun laia tleirawl chhuak tharte’n an uar em em, CK-na a ni bawk a. A dang dang erawh chu a ṭul remchang apiang tân a hmang mai ṭhin. Post kan han siam a, a account zawng zawng a ṭhahnem ngai taka a rawn like a, a rawn comment thliai thliai tawh hi chuan duhkhawp kan ngah thei mai zel a ni.

A nula mî em em a, engtin tin emaw a lo ti leh mai ṭhin; engtin nge a tih pawh kan hre lo. Duhthu ka lo sâm mai mai ṭhin a - amah hi hmeichhia ni se, a ze ngai angin lerh em em sela, Isua hi a ngaihven phah deuh mai ang em, tih chu. A chhûngte’n engtin nge an ngaih ka hre lo a, lerh theia a la awm hi an lâwm phian zawk a nih te ka ring ta rum rum zawk a. An ina kal palh chânga a hraite han hmuh châng chuan an lainatawm hi ka ti ngawih ngawih ṭhin.

Chuti chung chuan ngaihawmna riau a nei ve tlat a. Pheikhawk mamawh châng hian a dawr, amah ngei pawhina a awmzia a hriat loh, hnam dang ṭawng a nih vanga a phuah ni hmiang ka ti mai, Vinca hi ka pan vang vang a, ka dawr leh nge nge ṭhin. A dawr bungruate hi a nalh a, a to va, a chhe hma thung. Hei hi a sumdawnna thuruk tiin a sawi theih ang. Amah kan dawr dawn tho tih hi a hre ve kar a, a chhiat vat chuan a inhralh leh vat dawn tih hi a hre ve tlat niin a lang.

A ṭhian ṭhenkhatte hian an palzam lutuk a, an batsak mai mai a, a thil phal vang nge ui nachang pawh a hriat loh vang hriat ni suh, ṭhìn nachang a hre ngai lo. An batsak chamah a man zatve te an pe a,

a lâwm thiam em em a; chuvangin amah tihlâwm kan duh châng chuan a bungrua kan batsak mai ṭhin a ni.

A eng emaw ti lâr vei reuh phian a. Êk chhe lâr an lo tih ṭhin ang hi a ni âwm e. Amah hretute erawh chu zâna Zodin vela tam em em te an ni hlawm a, tluk loh rim a nam chem chem mai ṭhin a; zân hi a vawk lal lênna hun a ni. Tin, a veng ang zâwng pawhin hriat lâr a hlawh hle; lârna veng a nei tihna a nih ber chu.

A vannei kan tih tawh kha. Veng leh khawtlang tân ṭangkaina em em a neih loh ang bawkin a hnawksak em em lo; chu chu an venga a awm tlêm vang niin amah hre chiangtu ṭhenkhatte’n an sawi. Chutih laiin veng ṭhenkhatte tân erawh most wanted a ni thung a. Nu lah pate tân phei chuan râl hlauhawm tak tak a tling a, an fanu kum 5 mi atanga kum 30 mi thleng hian an zilhna chu ‘Malsawmtluanga lakah invêng fimkhur rawh aw’ tih hi a ni. Hmeichhia kum 5 mi awanga kum 30 mi thlenga zilhna thu inang vek dawntir theitu chu amah a ni a, a fakawm tih loh rual a ni lo. Hemi avang ni hmiang, Mizoram-ah naupang sikul kal lam leh haw lam thlaha hruai haw an lo chîn chhoh tâk ni.

A chanchin hi ka tân chuan thawnthu ngaihnawm tak a tling a, a khawsazia leh a nitin nun hi ka tân chuan movie hmuhnawm tak ang a ni. A damloh thu ka hriat te hian ngaihnawm ka ti em em a, a nâ tuar lai te hi hmuhnawm ka ti ṭhin. Chuti taka ka tâna a hlut avangin damlo reng sela, dam reng rawh se!

Chu ka ṭhianpa, ka lainat avanga ka ngainat der ve em em chu hming lemah Lies Kuhmumpara tiin ka vuah a ni.

MC PLAyS


KEI leh FOOTBALLbawhchhiat a ngai. Vairamah vai lo awm hek lo, duhthlan tur nei hek lo le, ka zawt ta a. An hre lo tlangpui. Zaizirin kut leh ke nen ka’n ti ngial a, kan invarpawh zo chuang lo. A tawpah pakhat hian hre awm deuhin min hrilh. Ka hriatthiam theih dan chuan, “dinglamah peng la, dawr pahnihna a ni mai!” tih a ni.

PART II: THE CHASE. KA BO TA.

A hre chhun ni a lang thu han zawm loh kha a ni mang si lova, a sawi dan ka hriatthiam dan khan ka kal ta alawm le. Peng lo awm hmasa berah chuan ka peng ta nghat a. Dawr pahnihna velah chuan lian pui hian “Sanjay Sports Goods” tih a lo intar...lo. Ka va beidawng tak. Khua a lum si, rilru a beiseina chhe te ka la neih ve chhun chu, ‘kal deuh ila, a lo awm mai thei asin’ tih zawng a ni. Ka kal deuh a, ka kal zel a, ka la hmu ta chuang lo. Dawr a khat telh telh a, kawng pawh a zim ve tawlh tawlh mai. Hlauthawng rilru deuh tak chungin, hmel a tih lan hlau si-in ka kal leh ta zel a…

Chutia kal zel ta na na na chu khawiah emaw ni hian ka chhuak hlawl a; mi an lo phu mur mur mai. Kawng chu lian vak lo mah se dawr a awm ve zel a, thla a muang leh deuh. An thil zawrh te chu mak tak tak a ni hlawm leh nghal a; ka chau tawh kher mai. Kawng chep, bazaar ni bawk-ah chuan bike leh cycle rickshaw a rawn tlan ve sek leh nghal a. Khatih lai kha chuan ‘football aiah cricket te lo khel ta mai mai zawk ila’ ka ti rilru kher mai.

Ka vak zel a, kawng pui thlen mawlh ka chak tawh. Chutih lai tak chuan nula hmelṭha em em mai hi a lo kal a, ka hah a dam sawng sawng mai. Hmeichhia hi hmelṭha ti zawngin ka en ngai zen zen lo, mahse khami ṭum zet khan chuan min chhawk hahdam chiang a ni. Han zui mai ka duh deuh a. A kal danah te reng reng chuan mi hneh theihna riau hi a awm reuh a. A ban han vai dan te reng reng chuan ka lung hi a tiawi hliah hliah mai. Ka lo zawn rilruk ṭhin ngei chu a nih dawn hi... Awh khaih! Ball boot kan zawng a ni tak e! Chuti chung chuan football boot lei ai pawha tih tur pawimawh ka nei – ram chin hriat thlen vat vat!!! Ni, ka bo chiang em a ni.

PART III: KA HAW TA.

Han kal han kal takah chuan kawng pui ka han chhuak hlawl mai a; ka lawm zia kha. Ka chhuahna lai ka lo la hre zui! Ka luhna aṭang kha chuan km 4 vel lai a ni ngei ang. A pawi pawh ka ti lo. Tunah chuan haw thuai thuai ka duh ber. Kawng sir a dawnfawh an zawrh lai chu kg 5 vel lai ka lei a, ka haw ta thuai mai. Room ka thlen veleh dawnfawh ei pahin ka thil tawn te ka ngaihtuah a. ‘Lo thi palh ta ila’ tih thlengin ka ngaihtuah a!!! “Football nena kan inlaichinna chu chanchin ropui inzep tel hauh lovin a tawp ta der mai, thih ai chuan ka duh zawk tho tho,” tiin ka ngaihtuah a. Tukverh a dah vauh vauh pahin ‘ka ṭhamawl tawp dawn a nih hi’ ka ti ta a.

-able smoochie

TUM LOH RAMAH.

Ka thiam lo, ka khel ngai lo bawk. Vai rama han awm takah chuan mizo tlangval ka tawmsen reng thei lova, cricket khelh thlawt ai chuan football ngei mai khelh zai ka rel ve ta.

PART I: BUL TANNA.

A hmasa berah boot ṭha tawk neih a ngai. Dawr ka hmuh theih chuan jersey vel chu a awm tel ngei ngei bawk ang; ka lei mai dawn a ni. Dawr zawng chuan ni sa, khawlum huam huam hnuaiah ka chhuak ta a nih chu. Ka thlan luang zawih zawih te chu ka suangtuahna khawvel vang chuan ka ngai pawimawh lo lui hram hram a. Khaw lum tluk bawka lung tizing chu dawr ka hmu thei lawk lo chu a ni. Val ka buai ngei mai.

RULE No. 1: DON’T TRUST INDIAN.

Ka Rule No.1 hi a theih ang chen chenah chuan ka vawng hram hram ṭhin; ka him phian bawk. Loh theih loh thilah hian bawhchhiat a ngai leh ta ṭhin a, ka bawhchhiat apiang hian ka che chhe ziah bawk. Mahse, khaw lum, ni sa hnuaia vah hrep hnuah chuan thil chi hrang hrang kan lo ngaihtuah a, chutiang hunah chuan ka bawhchhe leh nge nge ṭhin.

RULE No. 2: ASK WHAT YOU WANT.

Ka dan pahnihna hian ka thiam loh te, ka hriat loh te, ka duh te zawt a, dil ṭhin turin min phut a. Chuti a nih chuan dan pakhatna ka


FIAMTHU CORNER-Tsa Khupchong

• An fridge thar nei pawh khan an hawng ngun lutuk a, an hritlang vek.

• An Silchar zin pawh kha a’n inhmang da mai mai asin. Vairengte an rawn thlen cuan zozial loose te an zawng vel mai mai tawh.

• A haihawt ve hrim hrim a! A bialnu khan a then a, zanah a zu leng leh thurh…a thu kha a hawi vual vual a, a hre chhuak thut a! “E.. Ni dawn tak e!” tih pahin a chhuak leh vut.

• A nula rimnaah a ke vung pum ul kha a hlim lang vei zuk thin a. Nula chuan, “Uai…! Nang chu tubeles hmang chi elo i nih?” a’n ti mai chu a haw nal nal.

• Vaipa pakhat paw’n, “Chawhmehah chuan chingit tui ber. Mahse, vawksa awm chuan ei lo vang,” a ti vel.

• Damdawiina damlo pahnih khan mutna an inthleng vei rawk a, nurse-in damdawi a rawn sem! An ei hnu lawkah pakhat chu meng tang hruin khum hnuaiah a vak lut, pakhat zawk lah chak zet zetin a vei fua fua! Nurse a mangang rap maw le.

• Company-in an rawn phone zing ning lutuk khan, “Bandar…ban-dar!” tiin a chhang a, a sim card kar khat an rawn ti thi hmaks.

• Cowboy bu a ziak ve a… Bung khatnaah a lukhum a thui kuit.. Bung hnihnaah a sakawr a um kuit leh.. Bung thumnaah a um hlum thei hram!

• Sialsuk pa pakhat pawh a kezungpui a cheh chhan an han zawh chuan, “Ka lek kan lai tak khan a lo che hrut a, ka chek ta alawm le…” a ti.

• An veng VDP khan an man a, “Zep nei miah lovin chipchiar deuhvin engkim sawi vek rawh,” an tia, ani rui phur tawh khan, “A hmasain kan VDP President zahawm tak leh ka memberpui, tiang keng leh keng lo te, hah taka min um hreptu te.. NLUP dawng leh dawng lo te, sum senga Bawngkawn police lo zu phone-tute, hawkdak vang hrim hrima lo kalte chibai vek u!” A ngawi vung vung a. “Zanin chu Pa Mawia hmel a va lang lo ve?” a ti vel ham ham. A let leh chu na mai mai!

MC LAUghS

1. Fast & Furious 6 $97.4M

TOPBOXOFFICE

2. The Hangover Part III $41.7M

3. Star Trek Into Darkness $37.3M

4. Epic $33.5M

5. Iron Man 3 $19.3M

6. The Great Gatsby $13.5M

7. Mud $1.9M

8. 42 $1.3M

9. The Croods $1.2M

10. Oblivion $0.9M

www.mizofiamthu.com

-able smoochie

Films Division, Government of India leh Directorate of Information & Public Relations, Government of Mizoram te

buatsaih “MIFF in Mizoram” (25th – 27th April, 2013), I & PR Auditorium, Treasury Square, Aizawl a neih chu, a khar niin Movie Corner Magazine Editorial Board te’n kan va chhim ve a, khamawm loh kan ti tlang hle. Film festival-ah hian kum riat kalta chhung a, khawvel pum huap a, lemchan ṭha zual thlankhawm (documentary, short leh animation) 17 lai chhuah niin, Zofa kutchhuak ngei “Zodinpuii” pawh a kharna’n chhuah a ni nghe nghe a ni.

Rin aiin Film Festival hian mipui hlut a hlawh a. I & PR Auditorium chhung a ṭhutna awm te paw’n daih zo lovin, chhuat a ṭhu pawl te pawh an kat nuk hlawm a ni. A tawp ni hian Zodinpuii bakah short animation pathum chhuah a ni bawk a, chu’ng te chu:

1. Good Morning Mumbai.Duration: 10 minutes.Director: Rajesh Thakare & Troy Vasanth.Synopsis: Veng chhengchhe tak pakhat a cheng Pa pakhatin varṭian a tih tur ṭul ang ang te hlenchhuah a tum dan leh hlenchhuak hlei thei lova harsatnain a tlakbuak dan chanchin.

2. Ukadi Pukadi.Duration: 5 minutes.Director: Anuj, Avinash, Jaikar, Swarup Deb, Dhruv Rao.Synopsis: Hmeichhe naupang ke bulin a ke a lo chawr leh theihna tura beiseina a neih dan chanchin.

3. Raah (Wait).Duration: 7 minutes.Director: Sanjay Jangir.Synopsis: Thingtlang ralthawr, rualban lo, pakhatin eng emaw hlawhtlinpui ve ngei tum a, hun lo la awm tura a zin veivah dan chanchin.

Hemi ni hian Mizoram Film Development Society (MFDS) Treasurer - Pu Lalzidinga, Zondinpuii Producer -Pu Hmingthanga leh MIFF Ex. Asst. Br. Manager - Pu Mrinmay Mukhopadhyay te pawh kawmna hun ṭha tak kan nei thei a. Mizoram lemchan khawvel boruak, an ngaihmawh zawng te, hmasawnna tur ni a an hriat te leh an hmachhawp min hrilh te kimchang tak a tarlan kan tum dawn a ni. Zodinpuii Belhchhianna pawh Movie Review column, page 23-ah tih lan ni tho mah se, a thlirtu leh siamtute kawmna aṭangin bul i’n ṭan phawt teh ang.

Pu MRINMAY MUKHOPADHYAY KAWMNA

“MIFF in Mizoram” chu Zoram pawn lam mi te ngaihdan hriat tum ranin state dang aṭanga lo kal te kawmna hun remchang kan melh ru reng a. Vanneihthlak takin, Zodinpuii lemchan en zawh a nih hnu chuan Pu Mrinmay Mukhopadhyay kan kawm fuh thei ta hlauh a. Ani hi Kolkata lam chhuak niin, MIFF-ah pawh Assistant Branch Manager lo ni tawh ṭhin a ni nghe nghe a ni. Pa ti ti duh tak leh phawk ve ang reng tak chuan, “Hei lo hi Mizote’n film siam in nei tawh em?” ti a min zawhna paw’n ngaihtuah a tithui hle.

Film Festival chu nuam a tih thu min hrilh hnuah Zodinpuii lemchan chungchanga a ngaihdan kan zawhna te min chhan dan ang angin i’n tarlang dawn teh ang:

MCM: Are the actors good?Pu MM: Actress is superb. The actor, though, needs to learn acting.

MCM: What’s your overall view-point about the film?Pu MM: Good acting, eastern faces, eastern quality, good sceneries, excellent videography; however, the music is too loud and there are many unnecessary scenes which can be omitted.

Pu HMINGTHANGA KAWMNA

Mizoram lemchan khawvel a ram pum hriat leh Zodinpuii Producer ni bawk, Pu Hmingthanga pawh kawm a nuam khawp mai. Mi rilru zau, lemchan khawvel atchilh tak leh mi tumruh a nihzia chu kan inkawmnaah hian a langchiang thawkhatin a hriat.

MCM: Zodinpuii lemchan atan hian sum engzat nge in sen? Mizoram Film Development Society lam aṭangin ṭanpuina dawn in nei em?Pu HT: Vawiin ni (27th April, 2013) thleng hian nuai riat (8) kan seng tawh. Lemchan siamna bakah veng leh khaw hran hran a show neihna’n, a hranpa liau liauin, Laptop pahnih (2) leh Projector pahnih (2) kan lei bawk. MFDS lam aṭang chuan ṭanpuina sum leh pai kan dawng hran lo. Vawiina screening kan neih avang hian MIFF hian Certificate min hlan ang.

MC EXCLUSIVE

MUMBAI INTERNATIONAL

FILM FESTIVAL

in MIZORAMLEh

AKAIhhNAWIh



MCM: A script hi eng chen nge in buaipui? Khawi hmunah te nge shooting in neih?Pu HT: A script hi kan duh uluk hle e, kar hnih lai chu kan buaipui. Shooting tur hian Shillong, Champhai, Rih khaw dai leh Aizawl kan kar tawn zak zak ṭhin.

MCM: Shooting neih hun chhung a rei em? Editing eng anga rei nge in tih?Pu HT: Thla li (4) zet chu shooting neihna’n hian hun kan hmang. Editing erawh chhun, zan zawmin ka bei a, ni sawmthum pakua (39) chhungin ka zo hman. Shooting kan neih lai hian kan zin kual reng bawk nen, shoot zawh hnu zan lamah ka ennawn chhuak leh vek zel bawk nen, ka taksain a chauh phah nasa ngang mai a, khum betin eng emaw chen chu ka awm phah nghe nghe.

MCM: Lemchan khawvelah Zofate pawh kan ṭhangharh nasa ve tawh hle a. Zodinpuii soundtrack leh background music te hi nangmahni kutchhuak vek a ni em? Nakinah midangin an rawn sawi buai thei ang em?Pu HT: Aw. Background music leh soundtrack te hi chu, ‘Ka hmangaih che’ tih hla tiam lohin, keimahni kutchhuak vek a ni. A ambience, thereng hram ri te, rannung hram ri neuh neuh te pawh hi kan record chawp vek. An aw (voice) tam zawk pawh hi kan editing studio-ah kan thun (dub) ṭha leh deuh vek bawk.‘Ka hmangaih che’ tih erawh hi chu T-Melody te kan dil a, anni paw’n phal takin min hman tir a, kan lawm tak zet. A video ngei pawh hi keima’n laptop-ah a original ka kawl a, chu bak chu tuma’n kawl an nei lo.

MCM: Engtikah nge vantlang lei theih turin tlangzarh (release) in tum?Pu HT: Mizoramah hian show neih theihna hmun apiangah show chhuak vek phawt ila, kan sum sen (budget) te hmuchhuak phawt ila, chumi hnulamah chuan kan tlangzarh chauh ang.

MCM: Khawi hmunah te nge show chu in neih tawh? Engtin nge a man (rate) in inchhiar?Pu HT: Vawiin ni (27th April) thleng hi chuan

Aizawl veng 13-ah leh Lunglei, Saiha, Mamit, Lungdai, Sesawng, West Phaileng

(vawi 2), Kawrte, Dampui, Dapchhuah leh Champhai-ah te kan nei tawh.

Aizawl chhungah chuan show vawi khatah cheng 10,000 leh 15,000

inkarin kan insiam rem ṭhin a. Aizawl pawnlamah chuan

70% : 30%-in rem kan insiam mai ṭhin.

MCM: Zodinpuii anga lemchan pui hmachhawp emaw ruahman lawk te in nei em?Pu HT: Aw, nei e. Hman a kan script neih sa, siam tura kan ruahman lawk reng ‘Khuanu Samsuih’ tih chu, kan production FADYO Pictures hmalaknain, kumin September thla hian shooting neih ṭan kan tum a, nakum March thla a peih fel hman ngei kan rilruk bawk.

MCM: A tawpna’n Zoram lemchan khawvel boruak hi eng nge i ngaihdan min han hrilh teh.Pu HT: Sawi tur a tam khawp mai. Lemchan siam lam a graduate hi kan tam loh avangin a basic course tal hi chu zir thei hlawm ila a ṭha ngawt ang. Tun dinhmunah hi chuan bul kan la ṭan dawn ek ek chauh niin a lang. Duh angin Producers te kan inṭawiawm ṭha lo ṭhin. Hei, vawiinah pawh, Zoram chhungah Producers 50-60 vel zet kan awm a, mahse pathum vel chauh an rawn kal a, lung a awi chiah lo.

Chuan, National Film Festival-ah te pawh Feature Film la pho chhuah ve ngei ka tum. Zodinpuii pawh hi PVR, Delhi lamah chhuah tir ve ngei tumin hma kan la nasa khawp mai a, biak te pawh kan inbe fel vek tawh. Mahse, rokhawlna a awm avangin kan puitlin leh thei ta lo a ni.

MCM: A nih chu mawle, a pawi hle mai. Inkawmna hun ṭha min siam sak avangin kan lawm tak zet. Duhsakna kan hlan bawk a che.

Pu LALZIDINGA KAWMNA

‘Mizoram Film Development Society hi belhchian tur a ni, hruaitute pawh kawm ila a ṭha ang’ kan ti fo a. Film Festival chu hun remchangah lain, biak hlatna hmangin, MFDS President kan be tawp a. A awm remchan tak lovah leh, “Kan Treasurer kha ka ring ngam,” a tih bawk avangin, Pu Lalzidinga, MFDS Treasurer chu kan kawm ta bawrh bawrh a. Kawm a nuamin, a thusawi te’n beng a tivar khawp mai.

MCM: Zawhna khirhkhan deuh deuh kan zawt maithei che a, min chhang hram hram dawn nia aw.Pu ZD: Ni e. Ka theih ang angin ka chhang dawn che u nia.

MCM: MFDS hian hmalakna in nei tawh em? Tunah hian eng nge in dinhmun?Pu ZD: Hmalakna han sawi tur em em kan la nei lo. Tun a “MIFF in Mizoram” bakah hian June ni 8 leh ni 9 hian, Vanapa Hall-ah Film Workshop buatsaih kam tum a, chu chu a la ni deuh mai.

MCM: Office te in nei tawh em? MFDS hruaitu thlanna hi engtik khan nge neih a nih? Kum engzat term tur nge?

Pu ZD: Office pawh kan la nei lo. Nakum lamah kan la ngaihtuah ve ang chu. Nikum, September ni 30 (2012) khan kan inhlang a, kum hnih (2) term zel tur a ni.

MCM: MFDS member ni tur hian eng ang mi nge nih ngai?Pu ZD: Directorate of Information & Public Relations (DI&PR), Government of Mizoram dan siam ang a inrelbawl a nih angin sorkar zem zen lo nih a ngai.

MCM: MFDS hnuaiah Producers engzat nge in register tawh? Committee Member engzat nge awm che u?Pu ZD: Producers in register tawh hi chu awn awm nual mai, mi 50-60 inkar vel an ni. Annual Fee atan cheng 100 an pe bawk. Committee Member pawh 20 lai an awm.

MCM: Engtia hmalak zel nge in tum? Film siam te hi a hautak ang reng si a, produce te hi in tum em?Pu ZD: Produce lam hi chu kan tum lo. Lemchan siam lam a mithiam te chah chhuah a, zir ngai ang ang te zir ho a, workshop, competition leh festival te buatsaih hi kan tum ber zawk chu a ni.

MCM: Zoram hian Theater/Cinema Hall puitling kan nei ta miah lo ang a ni a. Hei hi eng nge in ngaihdan?Pu ZD: Nia. Theater chungchang chu department hnenah kan thlen ṭhin a mahse tih ngaihna a awm rih lo. Bul ṭanna’n sorkarin cheng nuai 10 min pe a, sum hmanna tur a tam khawp mai; kan indaih lo zawk a ni.

MCM: MFDS hruaitute zingah hian film siam zir chhuak emaw thiamna nei in awm reng reng em?Pu ZD: Tumah kan awm lo. Thlan tlin kan nih angin kan theihtawp kan chhuah ve tawp mai a ni.

MCM: In hmachhawp tlangpui te?Pu ZD: Sawi tawh ang khan, office pangngai tak neih te, department/wing hrang hrang neih te leh lemchan siam lam a mithiam te chah chhuah a, zir ngai ang ang te zir ho a, workshop, competition leh festival buatsaih te hi kan tum ber a ni.

MCM: In kawmna hun ṭha tak min siam sak theih avangin kan lawm e. MFDS te duhsakna kan hlan bawk a che u.

Mizoram Budget Report 2012 – 2013, Mizo Year Book 2013, phek 218-a a inziah dan chuan film chan leh lencham lam hawi Visual Arts tih hmasawnna tura ruahman chu cheng nuai 20.00 a ni a. MFDS te hian tun dinhmunah chuan nuai 10.00 chiah an la dawng a, nuai 10.00 dang an dawn leh hunah phei chuan Zoram lemchan khawvel hian hmasawnna tam tak kan hmuh ngei i beisei ang u.

MC EXCLUSIVE


MC hERO

Pathianni a ni a, sande sikul kan bang a, hmanhmawh baklengin kan tlan a, TV nei te inah kan lut ṭhap a, ṭhutna chan loh hlau reng rengin kan hmanhlel ṭhin. ṭhiante, kan ṭhutna ṭhina an lo ṭhut chuan intihbuai kan hmabak hi a ni ringawt ṭhin. He thil hi en tur chuan nimin lam (inrinni) khan, hah pawh sawi lovin kan lo thawk a, TV neitute kan lo pui lawp lawp ṭhin. TV nei awmchhun an nih avangin kan duh emaw, duh lo emaw kan tih a ngai tlat zel.

He thil avang hian retheihna hi ka haw em em ṭhin. TV neih ve theih hi ka

chak em em ṭhin. Mi tui chawi emaw, thing eh sak reng mai hi ka ning ve thin. Ning teh mah ila, ka neihin tlin hek lo le, ka tih leh nge nge chu a ngai ṭhin si a. A chhan chu ka duh an nei tlat atin a ni. Kan thawh hnem deuh leh ṭhutna ṭha kan chang kha a ni mai a. TV hnaih a awm theihna a nih phawt chuan TV neitute malis chung pawhin kan duh tho zel zawng a lo nih kha maw!

Inchhung a leng zawng kan inhnawh khawm a, a chang chuan rem kan ngai hial ṭhin. Chutah, inchhung a leng lo te chuan pawnlamah, tukverh aṭangin an rawn en ṭhin. Kan han inrem fel ta a le, TV chu an han hmet a; TV neitu chuan a hmet duh lo, midang a hmeh tir kher zel bawk. A hmet thei nih pawh kha intihtheihnaah kan la hmang ṭhin zui mawle. TV a rawn pawl phût a, a mur chem chem a, a rawn éng ta pup mai le. Chutah, kan phusa tuau tuau tawh mai le! Hmanhmawh tawh nen, pawnlam a entute khan an lo khawih che chu niin, kan han herh leh te te a, a fiah, fiah lo, chhaklamah, thlanglamah, tih te kha chu ka hre bel han tawh mai. Sande sikul kum tawp ekzamah chhuak se chu, Pi Zailehlo-i medal thlengin ka dawng thei tawh ang. Kan han siamṭha ta ngei a le. Kan han en ta vang vang a, kan nghakhlel lutuk kha kan chil hi kan lem tlawk tlawk a ni ber e. Tawng an han phal lo ngei a, kan ngawi ṭhap tawh mai. Rim inang lo tak tak kan han ṭhu khawm chu a boruak

a dangdai thei khawp mai. Nghapih bai a dangpuithu pawlh leh rim te pawh a rawn chhuak lek lekin ka hre ṭhin. A ṭhen nghawng a ṭaibal ṭhi lo awrh tawk te, a ṭhen kekawr kap ṭet te, a ṭhen kawrzak ṭet te nen, a ṭhen hnap tawlh phungin kan ṭhu ṭhap a.

Tlem a changkang deuh leh thluak hmang deuh chuan thei ei tur an rawn keng a, a neitute an han pe a. A chang chuan, keini, a thawkrim te ai khan ṭhuthmun ṭha zawk an chang leh ṭhin. A ṭhenin chithak an rawn keng bawk a. Chithak leh theihai kan han ei a; kut lehlamah chi, lehlamah theihai kan han keng a. Khua a lo lum bawk nen, a tui pur mai a. Hnaptui nen, thlantui nen, chilthli nen kan awm ho nuaih tawh mai ṭhin a, a chhangchhiatthlak aiin a hunlai chuan nuamah a kal a. Tun hnu a nuih tiza tur a ni ang tih ngaihna reng reng kan hre lo.

Le…ṭen ṭen a inṭan tawh dawn e! Meialh a rawn thlawk phei fuaih a. Chutah, vai pathian om lem leh mihring lem a rawn lang leh a. A hnuaiah, chiang kelh kawlhin BHEESHM INTERNATIONAL PRESENTS a rawn inziak a. Kan duh tak mai kha a rawn lang tawh dawn; engnge rawn lang leh dawn tih pawh kan sawi lawk thei vek tawh. Chutah, mihring thuamsen inbel hi a rawn lang a, Mukhesh Khanna a rawn inziak kalh mai le. Meipui leh vanthengreng arsi thlawk angreng hi a lo lang a. Vai ṭawng leh Arabic ni awm tak a thil inziak hi a rawn lang leh ta a; kan mur chuai chuai tawh mai. Chutah zet zawng, kan awm hle hle thei tawh lo, kan za

-h zate


MC hERO

cheng tawh mai. Kan hawrawp ngei maiin SHAKTIMAAN a rawn inziak ta kalh mai a. Kan en zel a, a rawn inṭan ta. A chhungmu tak a rawn phawrh hma a, a khuhhawnna te pawh kha kan hre belin kan vawng zo tawh. Tichuan, a chhuak ta a, hmuhnawm ti takin Shaktimaan kha kan lo en ve ṭhin a ni.

Tunhnu a a inṭan dan ka han en leh hian lung a tileng a, a hunlai ngaihtuah chuan nula, tlangval paw’n an lo en duh hle ṭhin a nih kha. Shaktimaan vang hian Seventh Day nih ve mai kha kan duh rum rum ṭhin. Anni chuan hmanhmawh miah lo leh tlan hah ngai miah loin an en thei bik; mahse, inrinni a chhhuak KARMA leh JUNIOR G an chân ve thung ṭhin. Keini’n nuamsa taka JUNIOR G kan en lai khan anni chu an inkhawm tlat zel.

Thil hi a hunlai te te hi a awm ve a, a hunlai leh a vanglai na na naah chuan SHAKTIMAAN kha khumzo an awm kher awm love. Kasauti leh tunlai a Kawrian kan tih vel te hi chuan a khan lo lutuk. Kha SHAKTIMAAN ngei mai kha chu VANLALSAILOVA thlipui pawh khan a ngam kherin ka ring lo.

Hmuhnawm ti takin kan han en a, a rawn tawp a, kan han chhhuak leh hlawm mai chu silipar inkhing lo te, mahni silipar hmu tawh lo te, ke-mu te, tho thei tawh

lo te leh thawmhnaw bal kha kan awm nuk zel. Silipar kim lo hi chu pawnlam ho tih a ni tlangpui ṭhin a. TV en duh, enna chang lo thinrim khan midang silipar an lo thuhrûk sak ṭhin kha a lo ni a, kan kim thei khawp mai.

Tunah zawng kha’ng hun te kha thawnthu mai an chang tawh si a. Sawi sawi mah ila, a tawng ve lo kha chuan an hrethiam kher lovang. In tinah TV a awm deuh vek tawh a. TV mai ni lovin, kawmpiutar kan hung fur tawh a. Kan ṭhang lo emaw kan lo ti a, kan lo ṭhang ngei zawng a ni e. Kan rinphak ngai loh, kut tiat lek kawmpiutar an lo sawi fo ṭhin pawh, hei, kan kutah kan hum far tawh a. Intarnet kan ti, Efibi kan ti thul, dawmen kan ti emawni, Ebesait te kan la ti leh zel nen, kan changkang tawh lutuk hi a buaithlak zawk tawh a nih hi.

Hman deuh kha chuan Champhaiah mi pakhat a in awhhlum paw’n, kan rampum a deng chhhuak a, kan ṭih em em a nih kha. Tunah chuan kan khawmthlangah mi an pawngsual paw’n engah vak mah

kan ngai lo. Inawkhlum an awm paw’n rap a hnekin a thla kan la a, Efibi-ah kan paws tawh zawk chu a nih hi. Tunhma a, tuikhur a puan nen kan inbual a lo lang palh pawh kan sawi huai huai ṭhin kha a ni a. Tunah zawng, naute siamlai vidiaw pawh hmuhnawm a ni tawh zawk a; saruak thlalak lah a tam ta em em mai. Shaktimaan hunlai pawh khan nupui pasal an inhmu zo tho a, saruak thlalak an inthawn kher hlei nem! Engah kher nge he hmasawnna hian kan ram hi min rawn hrut ve a, kan zawh loh nghawngkawl min han bah/ban teh tlat chu ni maw! Hman a a puanfen mawi kan tih ṭhin kha, tunah chuan a saruak mawi kan ti tawh zawk ni te pawhin a lang.

Thil engkim hi hman thiam chuan sual a awm lo. Ebisait kan tih pawh hi Maikal pui roh hi chuan Efibi siamna’n a hmang a, a hlawkpui em em mai chu a nih hi. Keini’n a thil siam kan lo chhiatpui thung a. Mi tam takin intarnet kaltlangin zirna an dawng a, an tan malsawmna a nih teh lul nen. Keini, hnam hmingah pawh Kristian ziak duh lek lek tawh ho, hian kan chhiatpui tlat lawi si. A mak teh nuaih a nih hi, khawvel hi chu….

(H.Zate | Hmar Run | lenruolkhawvel.worpress.com)

MC LAZIES


nuihpui nasa khawp asin, kawmna hun te han nei tel thei ila a ṭhat dawn nen.. Film lamah khan inngaizawng deuh reuh ang te khan in lang sia, hei, a tak lamah te hian vacancy a awm em kan hre chak teh a nia!! :DCindy: (clntzz) Kei chu ka hre lo, keimah pawh hi ka chiang lo!!Bena: (nkk) Chhan thiam a har khawp mai!!

Lazies: A nih chuan Facebook lamah te pawh friend request lam te a pung chak viauin kan ring a. Hmanni lawkah pawh “Bqna Bena is now friends with .... and 1000+ people” tih te a lo awm a ni awm a... Harsatna te in tawh phah em??Bena: Niaaaaa..... Harsatna te chu tawh phah em lo mah ila khawlaiah hian min lo nuih pawt pawt ṭhin aa!!! :DCindy: Naupang ho te hian min lo chhaih nasa ṭhin khawp mai, “Mami! Mami!” min lo ti ṭhin aa... :D

Lazies: Hmanni, Chhinga Veng Branch KTP ten thisen in pek ṭum khan Bena hian a pe ve lo niin kan hria a, a dik em?? A pek lohna chhan kha kan rin ang ngei a ni em?? :)Bena: Nia, biak in kan hnaih tho e ka tia ka lo va kal hma a, mahse vanduaithlak takin weight-ah ka tla aaa!!!! (clntttzzzzzz)

Lazies: Kantu Express avanga thlarau lam leh khawvel lama hlawkna in chan te min hrilh thei em??Cindy: Kan zavaiin testimony thar neiin, midang tan a hlawkna awm theihna tur a nih chuan a tuartu an awm a ṭul tih te kan hriatchhuah thar phah a, mi tan a malsawmna kan nih ve-na kawngah ngaiin kan hlawkpui tlang hle a ni.Bena: Cindy hian ka sawi tum chiah a lo sawi aaa... Film cast leh crew te inkarah boruak ṭha a awm a, kan inkawmngeih zual phah a, thlarau lamah chauh lo pawh hlawkna tam tak kan chharin ka hria..

Lazies: Vawiinah in hun hlu tak te sengin inkawmna hun ṭha min pek avangin kan lawm e.Bena & Cindy: Keini pawh kan lawm e :)

KANTU EXPRESSMay 22, 2013: Movie Corner Magazine hnuai a member outreach program atan a din “The Lazies” te chuan Kantu Express film a changtunu leh changtupa te kawmna hun kan nei thei hlauh mai a. Anmahni vengah ngei kal chilhin Kantu Express fans te hriat chak thil tam tak kan zawt a. Kan inkawmna video te pawh Movie Corner Magazine Channel Youtube lamah kan rawn pho chhuak tawh a. In lo nghahhlelh em em Benjamin Lalhmachhuana (Sawma) leh Cindy Lalrinmawii (Mami) te kawmna chu hei le..!!

Lazies: Ekhai!! Rin aiin a takah in lo ṭha daih zawk a nih hi mawle!! In film hit em emna chhan chu, hei, a chiang reng mai alawm!!Cindy: (nvv) Chuti em mawni le?? Pathian zar a hlawhtling alawm kan nih, kan lawm lutuk e!!

Lazies: Kantu Express kha in buaipui rei em?Bena: Shooting kha kar hnih chhung vel kan nei a, buaina em em awm lovin kan zo fel thei a. Chuan, editing lam kha Lungleiah tih chhunzawm a ni a, Pathian hruaina zarah, hei, tun dinhmun thlengin hlawhtlinna kan hmu chho a ni.

Lazies: A nih leh in film chan laiin harsatna te in tawk em? Eng emaw lai chan har riau te a awm em?Cindy: Kei chu accident scene, brake fail chho a mangang leh buai hmel han put vel kha a harsa ka ti ang reng a. Khalai bikah khan sumo a chuang zawng zawng te kha min close up vek avang khan a zamawm reuh lutuk a, hmel han siam danglam vel kha a har ve khawp mai ;)Bena: Kei chu eng dang zawng aiin Pi Thanpuii duah hluah a a han ṭawngṭai kha insum har ka lo ti ṭhin a, nuih loh a har duh khawp mai. Keimah vangin khami scene kha vawi hnih vel chu kan shoot ṭha a, a inthlahrunawm ang reng khawp mai :D

Lazies: Keini pawhin Pi Thanpuii scene kha chu kan

ZODINPUII belhchianna

MC REVIEWS

Mizo te’n film lamah hmasawnna rahbi kan pen zel a. Film kher ni lo, music video kan siam reng reng pawh a changkang hlawm tawhin a ṭhen phei chu international standard-ah pawh zahpuiawm loh khawpin a ṭha ve tawh hlawm a. Tualchhuak kuthnu a ṭhat hian Mizo nih pawh a nuam

zual ṭhin. Zodinpuii (directed by Lalzidinga)film pawh tunlai hian rawn lar chhoin, Mumbai Internation Film Festival thlengin screening turin an thlang ve a, Movie Corner Magazine pawhin kan lawmpui hle a ni. He screening hi remchangah lain, MC team chuan Zodinpuii film hi fakselna neih a ṭul kan ti a, a hnuaiah hian kan han tarlang diat diat hlawm ang e.

MOVIE REVIEW


Fakna:

1. Zodinpuii hi Lalchhantluanga lehkhabu ziah behchhan (adaptation) a siam niin, kum 2011 Mizo Academy of Letters (MAL) Book of the Year dawngtu a ni nghe nghe a. A film entu tam zawk hian a bu hi an la chhiar kher lova, mahse la chhiar lo tan pawh a film hian a story chu a phochhuak ṭha hle tih a hriat theih.

2. A changtute, a leading characters te’n anmahni chanpual an hnehsawh hle a, a bikin a changtunuin a character mizia a chang chhuak thiam hle a, a tih hmuhnawm phah hle bawk.

3. Camera work pawh a ṭha pangngai.

4. Sakhuana lam hawiah pawh, ‘Christian values and ethics’ ṭha takin a pho chhuak a, Christian film ang zawnga lak pawhin zirtir a nei ṭha hle a ni.

5. ‘Mahni thutiam a rinawm a pawimawh

zia’ he film hian a tarlang a; Movie Cornerites zawng zawng te paw’n en ve vek turin kan inchah nawn leh bawk a ni e.

Selna:

Tunhnai Mizo film-a huhang ngah a nih avangin beiseina pawh a sang lo thei lova, mahse a ruh langa sawi loh thei loh chu hei hi a ni – ‘beisei a pha lo tlat’. Film siam hi thil hautak lutuk mai a ni a, Zodinpuii production team te paw’n feature film puitling an siam thei hi an fakawm hle a ni. Zan tam tak mutmu tuah mang lova hun hman an ngah ang tih pawh a chiang sa reng bawk. Mahse, entu (viewer) nihna ang leh a film siamtute duhsakna avangin sawiselna a awm lo thei lova, selna ṭawngka tlem azawng kan han tarlang ve ang e.

1. A thawnthu a ṭhat ang aiin a film hi a hmuhnawm dan tur angin a hmuhnawm lo a, duh aiin a rei hret. Screenplay-in duhthu a sam lova, scene ṭhenkhat duh aiin a rei hret

ṭhin a, a hmuhnawmna bo chuang lova scene ṭhenkhat paih bo theih emaw kaih tawi theih a awm nual. Scene rei deuh hlek a awm ṭhin avangin boring ṭep lai a awm leh zeuh zeuh ṭhin.

2. Music leh sound dubbing a ṭhat rualin, scene ṭhenkhatah chuan a thawnthu mood tibo thei khawp a music inawm/intu chiah lo hman kha a awm zeuh zeuh. Mahse, a tlangpuiin music leh sound chu a ṭha.

3. Camera-in subject focus fuh loh zeuh zeuh a nei hlawm a, scene ṭhenkhat subject focus ngei ngei turah background focus a awm leh zeuh zeuh ṭhin.

4. Colour temperature hman fuh loh a awm leh zeuh zeuh ṭhin bawk a, a technical side chik deuh tan chuan a ngaimawhawm leh ṭhin. Scene ṭhenkhat duh aia pawl deuh phut a awm leh ṭhin.

5. A film-ah hian inbiakhlatna (phone) atan landline la hman a ni a, tunlai film ang a siam a nih avangin a thawnthu ami ang a nih kher loh pawhin mobile phone hman ni ta zawk se, kan tunlai lifestyle nen a va inrem zawk dawn em!

6. A changtunu make-up fuh loh deuh lai a awm leh bawk a, scene ṭhenkhatah a nunkawng a buai deuh lai angah te khan a mit leh a hmui lo chei deuh te kha a awm a. Kha’ngah te khan lang mang lo, damsam lo hmel da bui pu hmel a siam te ni zawk se, a entu lam tan pawh a awihawm leh zual dawn a ni.

Fakselna dang tam tak te chu la awm mah se, he’ng a langsar zual ho te hi kan han tarlang phawt a ni a. Movie Corner Magazine lo chhiartute paw’n a theih hram chuan Zodinpuii hi en vek turin kan chah nawn ṭheuh che u a. Tin, Zodinpuii siamtute pawh he film an promote zelnaah leh hun lo la kal tura film an siam leh zelna turah te Movie Corner Magazine chuan duhsakna kan hlan nghal bawk a ni.


ALEXANDER McQUEEN

Alexander McQueen (17th March 1969 – 11th February 2010) created high-end art form which will

never be topped by anyone. Well, at least that’s what I want to believe. His fashion inspiration seemed to know no boundaries right from his first collection entitled “Jack the Ripper Stalks his Victims” from Central Saint Martin’s Graduation show, all of which were bought by the late dame, Isabella Blow. He not only created clothes, but also in the process, created an art that flowed out from the deep trenches of his core. His reign in the Fashion Industry was not as long as Lagerfeld’s or Yves Saint Laurent, but the footprints that he left behind will always remain unforgotten.

-goosh vangchhia

His inspiration was mainly inclined towards the movement of ‘Dark Romanticism’ as can be witnessed from most of his works especially from the runways and how they had been set and created. Most of all, the clothes that he created reflect more of the grotesque nature of life and at the same time, connecting beauty which is quite a unique feature of McQueen. The essence of fashion as seen from McQueen’s eyes and mind must have been really deep because a layman will not get the depth to which his creations penetrate. In fact, he clearly stated the following lines:

“It’s usually only the intellectual ones who understand what’s going on in what

I do.”

“It’s a new era in fashion, there are no rules.” – McQueen

His works can be seen and his life can be read on the internet. The documentary “McQueen and I” is a must-watch for fashion aficionados. A book by Solve Sundsbo entitled “Alexander McQueen: Savage Beauty (Metropolitan Museum of Art)” was published to coincide with an exhibition at The Metropolitan Museum of Art organized by The Costume Institute. “Alexander McQueen: Genius of a Generation” by Kristin Knox and “Alexander McQueen: Evolution” by Katherine Gleason, and “Love Looks Not with the Eyes” by Anne Deniau are also worthy of reading.

I love his creations and I wonder what kinds of mystery must have been left unsung inside that artist, that iconic Lee Alexander McQueen. May his disastrously beautiful soul rest in peace!

NIHILISM: McQueen’s spring 1994 collection hit the stage in the fall of 1993 and featured models strutting down the runway splattered in blood and dirt. The designer received endless press for his ‘bumster’ pants that revealed more than a little bottom cleavage.

BANSHEE: McQueen’s 1994 fall/winter collection was inspired by “Irish folklore about banshees heard wailing when a boat sank”. Moulded plaster breastplates and eerie gothic pieces came down the runway. Most controversial was an Elizabethan piece which was modelled by a pregnant skinhead.

THE BIRDS: Inspired by Alfred Hitchcock’s classic flick The Birds, McQueen’s 1995 spring/summer collection featured numerous pieces that were covered with bird silhouettes or feathers. The designer once again shocked when models came down the runway bound in scotch tape... they also had their tops open to reveal tire marks across their chests.HIGHLAND RAPE:

McQueen’s infamous “Highland Rape” collection was based on the exploitation of Scotland at the hands of the British empire. Dresses in traditional tartans and lace were torn to expose model’s breasts and editors were furious. The press perceived the fall/winter collection to be a misogynistic treatment of women. Later McQueen fired back saying: “People were so unintelligent they thought this was about women being raped – yet ‘highland rape’ was about England’s rape of Scotland”.

THE HUNGER: McQueen’s 1996 spring/summer collection was

inspired by vampires. The pieces that came

down the runway were trademark early McQueen... they were

dark, decadent and heavily sexual. Nothing

was “pretty”... in fact some pieces featured

prints that looked like bulging veins and a

plastic bustier had live worms trapped beneath.

gOOSh | A FAShION POINT OF VIEW



DANTE: McQueen’s theatrical “Dante” collection was staged at a church in Spitalfields in 1996. The show opened with organ music filling the church that was soon drowned out by gunfire. Models walked the runway looking wearing wore crucifix masks, denim splashed with bleach and lots of lace. McQueen commented that the collection was “not so much about death, but the awareness that it’s there”.

LA POUPEE: McQueen’s “La Poupee” runway presentation featured models walking through a 100ft water catwalk. According to the designer the collection was “based on the work of a photographer called Hans Bellmer who dissected dummies and reconstructed them... it was the idea of the body reconstructed like a doll-like puppet”. The image of black model Debra Shaw shackled to a large piece of jewellery remains one of McQueen’s most controversial to this day.

IT’S A JUNGLE OUT THERE: McQueen’s next collection was shown in Borough Market in 1997. The backdrop was a screen of corrugated iron, which was covered in bullet holes. Models with horns and painted faces walked around car wrecks wearing cowboy boots and traditionally tailored pieces made out of hides and leathers.

THE GOLDEN SHOWER: McQueen’s 1998 spring collection was originally name “The Golden Shower”... that quickly changed after the sponsor, American Express, felt it was far too risqué. The show took place in a bus depot in Victoria and it made headlines when halfway through the production rain poured from the ceiling. White clothes were instantly see-through. A controversial ribcage corset worn by model Shaun Leane, was cast from a human skeleton and definitely one of the designer’s most memorable pieces.

JOAN: McQueen’s next collection was inspired by the brutal murders of the Romanov dynasty. Models walked the runway wearing chain mail ensembles and red leather suits. Sequinned dresses with prints of the Romanov children even made an appearance. The dark production ended with a model trapped inside a satanic ring of fire around the runway.

THE OVERLOOK: McQueen’s “The Overlook” fall/winter collection was based on Stanley Kubrick’s 1980 film The Shinning and featured models ice-skating wearing elaborate pieces. The artificial snow landscape was the perfect backdrop to show off luxurious furs, soft knits, shiny bustiers, trapeze and swing skirts and floor length coats.

NO. 13: McQueen’s 1999 spring/summer collection opened with physically handicapped athlete Aimee Mullins walking the runway wearing prosthetic legs, a rigid leather bodice and a delicate lace skirt all designed by McQueen. The show ended with Shalom Harlow strutting the runway wearing a white trapeze dress that was suddenly spray painted by two robots live on the runway.

UNTITLED: McQueen’s 2000 spring/summer show marked his first showing in New York and it was met with mixed reviews. Fashion’s “enfant terrible” turned the runway into a terrifying bed of metal spikes and nails and models were lifted into the air showing off sheer knits, body hugging jerseys and a re-working of the burka.

ESHU: McQueen’s fall/winter “Eshu” collection was shown in an industrial warehouse in Paris and inspired by the Yoruba people of West Africa. The collection was elaborate and tribal details were mixed with luxurious fabrics for an incredibly dramatic collection.

WHAT A MERRY GO ROUND: McQueen’s next collection was essentially a nightmare circus set on a roundabout carousel. The fall/winter

collection featured sinister model clowns who wore striking flapper dresses that were trimmed

with feathers, cocktail suits and elaborate evening gowns.


VOSS: For the 2001 spring/summer “Voss” collection McQueen seated the audience around a giant mirrored cube. The show was late (on purpose) and the audience was forced to stare at themselves until finally the cube lit up revealing a mental-hospital setting. The set was disturbing but the frocks were theatrical. Kate Moss and Erin O’Connor were trpped inside the cube as was a naked Michelle Olley who reclining on a couch breathing through a tube. The elaborate show that cost £70,000 to produce and set actually took seven days to construct.

THE DANCE OF THE TWISTED BULL: McQueen’s 2002 spring/summer show was filled with Spanish-inspired pieces including flamboyant flamenco dresses and sexy Matador suits. The designer flirted with controversy once again sending impaled models down the runway shocking the audience.

SUPERCALIFRAGILISTIC: The “Supercalifragilistic” collection was presented in the eerie medieval hall of the Conciergerie, the spot where Marie Antoinette is thought to have died. McQueen later described the creepy collection saying: “It was kind of Tim Burton, about little girls, a macabre Walt Disney kind of thing. And I had Little Lilac Riding Hood, with the wolves, but the wolves were her pets!”

IRERE: 2003 was the beginning of a whole new era for McQueen. After joining Gucci Group and losing 30 pounds the designer showed off his very pretty spring/summer “Irere” collection. The runway show featured a traditionally creepy backdrop projection of a girl underwater and a terrifying woods but the runway was filled with romantic creations that simply dazzled. A memorable rainbow-colored gown with tulle ruffles closed the show.

SCANNERS: McQueen’s “Scanners” collection was presented in an elaborate presentation... runway models dramatically walked along a huge industrial wind tunnel. McQueen claimed that he the show to be like a “nomadic journey across the tundra”. Mission accomplished.

DELIVERANCE: For his 2004 spring/summer presentation McQueen had models dancing and running around the stage wearing simple, more sophisticated pieces. Michael Clark choreographed the presentation based on the dance marathon in Sydney Pollack’s film They Shoot Horses Don’t They.

PANTHEON AS LECUM: This season McQueen announced that he wanted to forget the theatrics and “focus purely on design”. Still... there was drama on the stage. Models walked from a spaceship onto a huge glowing landing pad wearing gorgeous pale frocks. An elaborate feathered gown with illuminated neckpiece closed the show.

UNTITLED: Alexander McQueen launched its first menswear collection in spring/summer 2005. He sent an eclectic selection down the runway including: army uniforms, parachute jumpsuits, traditional Eastern tie-dyed garments and mirrored body stockings. The designer explained: “It is a political statement as well as a sartorial one - a mixture of two cultures that are separate but, here, can be mixed harmoniously”.

IT’S ONLY A GAME: For his 2005 spring/summer collection Alexander McQueen transformed the runway into a giant chessboard. 36 models took their places and then fought against each other like an actual game of chess. Some of the styles from the collection were inspired by the film Picnic at Hanging Rock.

THE MAN WHO KNEW TOO MUCH: Inspired by multiple

Hitchcock films Alexander McQueen’s fall/winter “The Man Who Knew Too Much”

collection featured sexy pieces that were cut to a

feminine 1940s silhouette. The collection was one of the designer’s most tame.



NEPTUNE: McQueen’s 2006 runway presentation was arguably his most traditional runway presentation. There were no theatrics... only models walking the runway wearing striking Grecian styles.

WIDOWS OF CULLODEN: According to McQueen the “Widows Of Culloden” presentation was tribute to the women who lost their husbands in the bloody battle of Culloden. Scotland may have provided some of the inspiration for the collection but it will always be remembered for the haunting holographic video starring Kate Moss that was shown.

SARABANDE: McQueen’s 2007 spring/summer show was inspired by the 1975 film Barry Lyndon and iconic eccentric Marchesa Casati. The most memorable piece to come down the runway at the Cirque D’Hiver in Paris? The elaborate dress worn by model Tanya Dziahileva that was created with real flowers. McQueen later said: “Things rot. It was all about decay. I used flowers because they die”.

IN MEMORY OF ELIZABETH HOW, SALEM 1962: McQueen’s fall 2007 collection of Grecian dresses and warrior-like moulded bustiers came to life after the designer’s mother (Joyce) traced the McQueen family tree back to one of the victims of the Salem witch hunts in 1692.

LA DAME BLEUE: McQueen’s 2008 spring/summer collection was in remembrance of his dear friend and muse Isabella Blow [1958 – 2007]. The “La Dame Bleue” collection was based around Isabella’s personal wardrobe... much of which was obviously by McQueen. Model’s walked the runway wearing fitted cocktail dresses and divine silk chiffon and organza gowns while lights shone from the large, metal angels’ wings structure behind the runway.

THE GIRL WHO LIVED IN THE TREE: Alexander McQueen explained that his 2008 fall collection was inspired by the Indian Empire and a story that he simply made up. “I’ve got a 600-year-old elm tree in my garden and I made up this story of a girl who lives in it and comes out of the darkness to meet a prince and become a queen”.

NATURAL DISTINCTION, UNNATURAL DISTINCTION: McQueen’s “Natural Dis-tinction, Un-natural Selection” collection was inspired by the global issues of climate change and industrialisation. The garments that came down the runway featured politically inspired prints that made a heavy statement. McQueen lightened the mood when he walked the runway at the end of the show wearing a giant bunny costume.

THE HORN OF PLENTY: Alexander McQueen presented his extravagant “Horn of Plenty” collection in Paris in March 2009. Models walked the scrap yard runway which was created with props from past shows to Marilyn Manson’s song “Beautiful People” looking anything but beautiful. Bold stripes, prints and colours dominated as did clown-like make-up. The runway show was a celebration of the best moments of his career.

According to McQueen the “Plato’s Atlantis” collection was an apocalyptic forecast of the future ecological meltdown of the world. It was genius. Arguably his most creative collection... models stomped down the runway wearing digitally printed reptile-patterned dresses and over-the-top shoes. A video (by Nick Knight) of Raquel Zimmermann lying naked in the sand with snakes writhing across her played in the background while 2 robotic arms with video cameras flew up and down the runway. News of the premiere of Lady Gaga’s new single crashed the show’s web broadcast but the singer gave McQueen incredible coverage by wearing much of the collection in her music video that debuted shortly after.


-stanley


MC ChEF

CUISINEEi leh in danglam, tui leh siam awlsam si.

Mizoram a kan hmuh theih leh ei theih hi a la tam lova. A tam loh mai bakah, kan siam thiam dan hian a la tlin tawk loh vang pawh a ni thei ang. Restaurant han kal a, a ngai leh ngai hmu hne tan chuan han ei kual a, ‘thil dang deuh hlek ka ei ve tawh’ tih a chakawm ṭhin. Hei hi kan changkanna niin, hmun dang a kan kal a nih paw’n kan survival-na atan pawimawh tak a ni.

Indian Food hi chu kan eiin kan in deuh reng chu a nia, mahse Movie Corner-ah hi chuan ei leh in tharlam leh Indian ni lo duh tan leh thil thar chin duh tan hun kan hmang ṭhin ang; Indian Cuisine chu kan thlauh thla tawp dawn chang lo e. Tun ṭum atan chuan, a khuh hawnna’n, recipe tui si awlsam bawk si kan tarlang ang.

Mamawh te:

• Sago leh Watermelon (Origin Melaka Malaysia)• ¾ cup Sago• 7 cups Water• 1 cup Cream• 1 cup Sugar• ½ cup Water• ¾ water Melon

Siam dan:

1. Sago kha tui no 2-ah minute 30 i chiah ang a, chuan, i thli hul ang.

2. Tui no 5 dang i chhuang so leh ang a, chuan Sago chu i telh ang; langtlang thei a nih hun thleng i chhuang dawn nia. Chumi hnuah tui chu paih la, Sago chu tihulin, i tidai ang.

3. Sugar (chini) chu tui no ½ (chanve)-ah chhuang tuiin Syrup i siam ang a, i dah dai leh dawn nia.

4. Chumi hnuah, Watermelon chu i chan ang a; a ṭhen a lianin, a ṭhen sawm vekin. Sago, Cream leh Syrup nen chuan chawhfin vek la, fridge-ah dah leh la, a vawtin i ei dawn nia.


A film entu apiang te hnuk a tiulh ṭhin. Indopui pahnihna lai a German Nazi Officer nunrawng thahna leh a nghawng rapthlak chu... Khaw’nge tun ṭum chu indopui pahnihna lai bawr film an siam zawng zawng zing a touching ber maia an sawi ṭhin, tun thleng a khawvel a mi en la hlawh ‘Operation Daybreak’ chanchin hi i lo sawi chho ve thung dawn teh ang. THUHMA: Kan naupan lai kha chuan Aizawlah hian Cinema Hall hi a la awm ve nual ṭhin a. Zodin te, JL Cinema Hall te, Galaxy te. Tin, Bawngkawnah Brigade hovin an chhuah bawk a. Lammual sirah Assam Rifles ho Cinema Hall te kha a awm bawk ṭhin a. Galaxy (Tuikual) leh Zodin kha film hi a chhuak ṭha thei hle mai a, a hunlai a film lar kha chu an rawn chhuah ve vat zel ṭhin. Kha’ng hunlai kha chuan TV, Video tih vel te kha la awm hek lo le, film ṭha deuh a chhuah kha chuan chhungkua hian kan en mai ṭhin a. Film ṭha deuh kha chu en duh an tam ṭhin avangin ticket kha chan a har em em mai a, ticket blackers ho kha an awm a, anni kha cinema hall a thawk te nen khan an inthurual a, awlsam te khan ticket kha an la a tichuan a let thum vel a to te khan an hralh leh thin a ni. Ticket lak a har avangin kan lei sak lo thei loh a, ticket black-na aṭang ringawt a in ṭha tak sa thei te pawh kha an awm hial a ni. Khatih hunlai, 70s chho a film lar em em mai chu ‘Operation Daybreak’ tih kha a ni a. Galaxy-ah a rawn chhuak phawt a, a hnuah Zodin-ah a rawn chhuak ve leh a. Naupang te kan la ni a, chhungte nen kan va en ve ngei a, a hunlai kha chuan a hmuhnawm dan pawh kha kan hrethiam chiah lo. Mahse, tun hnuah ka han en ṭha leh a, a lo hmuhnawm zia ka hrechhuak thar a, tun thleng hian he film hi ka la en ning thei lo a ni. OPERATION DAYBREAK CHU: Operation Daybreak, indopui pahnihna lai a Reinhard Heydrich-a Prague a thah tuma an beihna chanchin, Alan Burgess lehkhabu ziah ‘Seven Men at Daybreak’ behchhan a film siam Anthony Andrews, Timothy Bottoms leh Martin Shaw te ho channa a ni a. A tak takah he operation hming hi Operation Daybreak tih a ni lo a, ‘Operation Anthropoid’ tih a ni thung. Tin, he film hi US lamah chuan ‘The Price Of Freedom’ tih a ni ve thung bawk. Thawnthu ni lovin a tak ngei a thil thleng a ni a, mi tam tak chuan World War ll film-ah chuan a ṭha ber ti hialin an sawi ṭhin a ni. A film chungchang hi chu sawi thui vak ka tum lem lo a, a tak taka an rawn behchhan Operation Anthropoid lam hi rawn sawi chian ka tum thung dawn a ni.

OPERATION ANTHROPOID CHU: Reihard Heydrich hi September 1939 aṭang khan Chief of the SS-Reichssicherheitshauptamt (RSHA) a ni a. September 1941 aṭang khan Konstantin von Neurath-a thlakin, Acting Protector of Bohemia and Moravia atan ruat a ni leh a. Tin, Juda ho nuai chimihna ‘Final Solution’ an tih mai ‘Holocaust’ an tih bawkah khan a thunei ber atan ruat a ni bawk a. Amah hi Hitler-a mi rin zawng tak mai niin, an rilru puthmang pawh a inang hle mai a. Mi ṭhenkhat sawi dan phei chuan ‘Hitler-an Germany a awp theihna chhan pawh kha Heydrich-a vang hi a ni e’ an ti hial a ni. Hitler-a ang tho a German hnam hi khawvel hnam dang te ai a chungnung zawk an ni tih ngaihdan nei chi a ni a. Tin, Hitler-a pawhin Anti-German Movements awm ṭhin hmet mit tur bik atana a ruat niin hemi chungchangah hian Prague-ah hian tirh luh a ni. Prague a a awm lai hian a che rawng thei viau ni tur a ni a. A hming lemah pawh ‘The Butcher of Prague’ tih te, ‘The Blond Beast’ tih te leh ‘The Hangman’ tih te an phuah sak hial a ni. Amah pawh hi a inring tawk bawk a, khawlai a len vel pawhin car chung nei loah ngat hian a chuang vang kher ṭhin. Hetianga hleihluak tak mai leh rawng tak mai a che ṭhin ho hian British sawrkar leh Chekoslovakia sawrkar raltlan ho mit an tikham ta tlat mai a. Tichuan, SS-Obergruppenführer-a leh Reinhard Heydrich te chu, Greman ho hi khawih theih loh an ni bik lo tih entirna’n, British Special Operation Executives ho rem tihnain thah tur thu an chhuah ta a. He, an operation hmingah hian ‘Operation Anthropoid’ an vuah a. Hei hi a ni keiniin a film vel a ‘Operation Daybreak’ ti a kan lo hriat lar tak chu. Operation hi Prague-ah May ni 27, 1972 khan neih a ni a. Heydrich hi a tirin a thi nghal mai lo a, mahse a hliam tuar loin June ni 4, 1942 khan a thi zui ve leh ta tho a ni. He thil thleng avang hian German sipai ho chuan civil mi sang tam tak manin an tihlum a. Tin, thingtlang khua a lo ṭanpuitute ni a an hriat te pawh an bomb darh vek bawk a ni. INPUAHCHAHNA: He operation hi a code name atan ‘Anthropoid’ tih vuah a ni a. Warrant Officer, Jozef Gabčík leh Staff Sergeant, Karel Svoboda te chu thlan chuah an ni. Tichuan, October ni 20, 1941 khan training an ṭan ta a. He operation hun atan hian 28th October 1941 (Czechoslovakia’s Independence Day) ruat a ni a, mahse Svoboda chu an training-naah a lu a

-bigdaddy hmahmatea(r.lalhmangaiha)

kulikawn

OPERATIONDAYBREAK

MC ESSAy

http://en.wikipedia.org/wiki/Anthony_Andrews

http://en.wikipedia.org/wiki/Timothy_Bottoms

http://en.wikipedia.org/wiki/Timothy_Bottoms

http://en.wikipedia.org/wiki/Martin_Shaw

http://en.wikipedia.org/wiki/Obergruppenf%C3%BChrer

http://en.wikipedia.org/wiki/Warrant_Officer

http://en.wikipedia.org/wiki/Warrant_Officer

http://en.wikipedia.org/wiki/Staff_Sergeant

Gun ken chu lek chuakin, hmun leh hmunah chuan Heydrich-a leh a driver te lamah chuan a hmet ta...mahse a silai chu a puak ta hauh lo mai le..a jam ta tlat mai. Heydrich-a chu reilote a hamhaih ve deuh a. Chutah, a driver SS-Oberscharführer Klein chu a car tiding tur chuan a hrilh a. Car a din rual chuan a pistol pai phawrhin car aṭanga ding chhuak chung chuan Gabčík-a chu kah a tum ve ta. Chutih lai tak chuan Kubiš-a chuan tank vawmna’na an hman ṭhin grenade an modify chuan Heydrich-a te car hnunglam aṭangin a rawn vawm ta a. Grenade hi car chhungah chiah chuan lut lo mah se a hnunglamah a puak ta tho a. A puak them vel chuan Heydrich-a car hnunglam leh a seat vel chu tawn tlangin Heydrich-a chu hmun engemaw zatah a hliam ta tho a. Heydrich-a hi a tir chuan, a sar-hu lai a ni bawk nen, a car aṭanga chuakin amah beitute chu kap let ve nghalin umzui a tum a, mahse a tlu ta... A driver Klein-a chuan Kubiš-a chu thui vak lo a umzui a, mahse a pu buaipui tur chuan a rawn let leh a. Chutah, a puin Gabčík-a umzui tura a tih avangin a umzui ve leh a, mahse Gabčík-a hian vawi hnih lai a lo kah ve avangin a tlu ve leh ta. Gabčík-a te ho hian, a tirah chuan, Heydrich-a thah an tumna chu an hlawhchham ta ni ngeiah an inngai nghe nghe a ni.

MC ESSAy

tih hliam palh avangin Jan Kubiš an a thlak a, Kubis hi a hran a training pek ve leh a ngai si a, lehkha pawimawh a ken tur te a hran vek a buaipui leh a ngaih bawk avangin operation chu an tum ang hunah an neih theih loh phah ta a. British Special Operation Executives hnuaiah uluk takin trainaing an nei chho leh ta a ni. AN THAWK CHHUAK TA: Jozef Gabčík leh Jan Kubiš te chu Czechoslovakia sipai Britain a raltlan pasarih dang te nen Royal Air Force Halifax, No 138 Squadron ho tain Czechoslovakia-ah December ni 28, 1941 zan dar 10-ah phurh luh an ni ta a. An rual hian group dang pahnih ‘Silver A’ leh ‘Silver B’ te pawh phurh luh tel ve an ni a, mahse he’ng group pahnih dang te hi chu tih tur hran nei an ni thung. Gabčík leh Kubiš te hi Prague aṭanga khawthlang lam deuh Nehvizdy-ah an ṭum lut a. An tum dan tak chuan Pilsen khua a ṭum lut tur an ni a, mahse boruakin a zir loh avangin Nehvizdy-ah hian an ṭum lut ta a ni. Heta ṭang hian Prague-ah lutin an thurualpuite an va fin a. Tichuan, ‘Operation Anthropoid’ kalpui dan tur chu an rel ta a ni. OPERATION RUAHMANNA CHU: An team ho hian Prague-ah hian an mahni lamṭang chhungkua te leh Anti-Nazi pawl ho te be pawpin, anni ho hian a theih dan ang angin an lo ṭanpui ve a. An tum dan tak chuan Heydrich-a hi rel a a chuang lai thah an tum phawt a, mahse an han zir chian chuan rel a thah chu thil theih loh tluk a ni tih an hre ta a. Tichuan, ruahmanna dang an siam leh ta a. A headquarter aṭanga Prague lam pan a car a chuan laiin kawng tan zawnga thir hrui lo pawh a, chumi a an din chhung chuan kah hlum an tum leh a, mahse reife an nghah hnu pawh a a rawn kal theih tak loh avangin an commander, Lt. Adolf Opálka (Out Distance tih group ami) chuan Prague lamah a rawn ko let leh ta a. Hemi hnu hian Heydrich-a chu Prague khaw chhung ngei a thah chu ṭha berin an hre ta a. PRAGUE A INBEIHNA CHU: An beih ni tura an ruat May ni 27, 1942 chu a rawn thleng ta a. Heydrich-a Panenské Břežany aṭanga a hna a a kal haw lam Prague Castle a pan lai chu Tram dinna ṭhin Bulovka Hospital bul kawng kual lai takah chuan Gabčík-a leh Kubiš-a te chuan kawng sir a ṭhu chungin an lo chang ta a. Helai kawng kual lai tak hi an thlan kher nachhan chu kawng kual laiah chuan car chu a tlanchak thei lo a, a tlan muan deuh an beisei vang a ni. Valčik-a chu Gabčík-a leh Kubiš-a te awmna hmar lam hret metre 100 a hlaah a awm a, Heydrich-a car chu a rawn kal em tih a lo enthla ve thung a. Chawhma Dar 10:30 pelh hretah chuan Heydrich-a car, a chung hawn theih Mercedes 320 Convertible B chu a rawn lang ta... Valčik-a chuan a ṭhiante chu a signal zauh a. Tichuan, kawng kual laia a tlan muan lai tak chuan Gabčík-a chu kawngpuiah chuan car hmaah rawn pen chuakin, a coat a a khuh Sten

THE BUTCHER OF PRAGUE A FAM TA: Heydrich-a chu Bulovka Hospital hnai berah tlan luh pui nghal a ni a. Hetah hian Silesian German doctor Professor Hollbaum a’n a lo zai nghal a. A lung thep vek tawh te chu tipuar ṭha lehin a nakruh keh them te pawh a la chhuak a. Tin, a taksa chhung a grenade them nawi awm ang ang te chu a paih fai bawk a; darkar khat chuang lai mai an zai nghe nghe a ni. Chutah, Heydrich-a direct superior Reichsführer-SS Heinrich Himmler chuan ama personal doctor Karl Gebhardt, chu chahin, tlai lamah a rawn thleng nghal a. Tichuan, ani hian a enkawl zui ta a. SS Doctor hoin an enkawl hian nachhawkna atan morphine tam tham tak mai an pe ṭhin a. Tin, a hnu a an sawi leh danin antibiotics lam engmah an pe hauh lo bawk a ni. Ni 7 zet hnuah chuan rawn ṭha chho viauin a lang a, chawhnu lamah chaw te pawh a rawn ei ve a. Hetia chaw te a ei hnu hian khuma a ṭhut laiin a chau leh thut a, a tuk maiah chuan a chatthla ta mai a. ‘Operatin Anthropoid’ chu a hlawhtling ta a ni. MEDICAL REPORT CHU: Heydrich-a thih chhan berah hian Nazi Headquarters lam chuan a hliam a septicaemia luh vanga thi niin an sawi a. Mahse, hei hi ni berin a lang lo tlat mai. Heta grenade a an vawmna ang chi hi Type 73 Anti-Armour Grenade an tih ang chi, thawk na zet mai, tank kal lai te pawh tiding thei hial tur a siam a ni a. He’ng Type 73 an hman hi botulinum toxin pai tel tur a modify a ni an ti tlat mai a. Hetiang a nih avang hian grenade puak them leh car them vel a taksaa a luh khan a thisenah chemicals, tur pai chu a kai ta a, hei hian zawi zawiin amah chu ei chhiain a thih phah ta a ni an ti ve tlat mai a. A medical report-ah leh a thih hnu a autopsy an neihna report-ah te chuan septicaemia ti a ziah ni mah se Type 73 Grenade modified chungchang hrechiangtute chuan a thih chhan medical report hi an pawm thei meuh lo a ni. Chutih lai erawh chuan grenade vawm tupa ber Kubiš-a leh a bulhnai a mi lo ding ve, grenade puak keh themin a a per hliam an awm ve tho a, mahse anni hian botulinum poisoning hnuhma an mahniah engmah a lan loh avangin mi ṭhenkhat chuan an hmanrua a tur telh ang a inpuh hmingchhiat tumna mai mai angah an ngai ve thung. Tin, hemi ṭum a an grenade modify hi botulinum lam telh duh vang a khawih danglam ni loin, a ken vel tizangkhai tur a an modify a ni e an ti ve thung bawk. A RAH CHHUAH CHU LE: Hetia Heydrich-a an beih tuk aṭang hian Hitler-a thinrim chuan phuba lak let ve-na tur order a chhuah ta nghal rup mai a. Mipui pawi sawi lo 13,000 chuang an man a. Jan Kubiš-a bialnu Anna Malinová, anmahni ṭanpuitu pawh manin, Mauthausen-Gusen concentration camp-ah an tihlum ve nghal a. Tin, Lieutenant Adolf Opálka ni, Marie Opálková chu Mauthausen-ah tho hian


http://en.wikipedia.org/wiki/Oberscharf%C3%BChrer

http://en.wikipedia.org/wiki/Jan_Kubi%C5%A1

http://en.wikipedia.org/wiki/Adolf_Op%C3%A1lka

http://en.wikipedia.org/wiki/Out_Distance

http://en.wikipedia.org/wiki/Panensk%C3%A9_B%C5%99e%C5%BEany

http://en.wikipedia.org/wiki/Prague_Castle

http://en.wikipedia.org/wiki/Reichsf%C3%BChrer-SS

http://en.wikipedia.org/wiki/Reichsf%C3%BChrer-SS

http://en.wikipedia.org/wiki/Karl_Gebhardt

http://en.wikipedia.org/wiki/Botulinum_toxin

http://en.wikipedia.org/wiki/Mauthausen-Gusen_concentration_camp

http://en.wikipedia.org/wiki/Mauthausen-Gusen_concentration_camp

24th October 1942 khan tih hlum a ni ve leh bawk a. A pa Viktor Jarolím pawh an tihlum ve leh bawk a. He thil thleng avang hian mipui nunau pawi sawi lo 5,000 chuang an tih hlum phah a ni. Nazi intelligence report chuan Lidice khua leh Lezaky khua te chuan he’ng Heydrich-a beitute hi an ṭanpui angin report an pe leh ta tlat mai a. Tin, Czech Army Officer ho England lam a raltlan ho tam tak chu Lidice khaw chhuak an ni tih an hre chhuak ve leh ta bawk a. Chu a chhapah, Leazky khuaah hian Nazi lak a hel pawl ho radio transmitter an hmuchhuak ve leh hlauh mai bawk a. He’ngte hi a khua chuan an tawrh phah ta a ni. June ni 9, 1942 khan Lidice khua chu laipuiin an kap darh chhe vek a (a film ah pawh a lan nghe nghe kha). Chutah a khaw pa ho 199 te chu an tihlum a. Tin, naupang 95 an la hrang a, he’ng zinga 81 te chu Chełmno extermination camp a gas chamber-ah aboruak chhiain an ur hlum leh bawk a. Naupang an lak hran ho zinga 8 te erawh chu German chhungkua, fa nei thei lo te, hnenah an hlan a. Tin, hmeichhia 195 chu to Ravensbrückconcentration camp lamah an thawn bawk a. Concentration camp a inthawn hi chu thih ai pawhin a hrehawm zawk an lo ti hial ṭhin a ni. Tin, Lezaky khua a puitling hmeichhia leh mipa - awm zawng zawng an that chimit vek bawk a; a khua pawh an hal darh vek a ni. Lidice leh Lezaky khua hi khawvel map aṭangin an nuai reh hiah mai a ni. Heti khawp a nasa hian German ho hian phuba an la duh ang tih hi British sawrkar leh Czech mi leh sa raltlan ho te pawhin an ring pha bik lo a. Winston Churchil-a phei kha chuan German ho chet dan a hriat tirh chuan a thinrim lutuk a, “German hoin Czech khua pakhat an tih chhiat zelah German khua pathum kan tichhe ve ang.” a ti hial reng a ni.

IN PHATSANNA CHU: Heydrich-a beitute hi a tirah chuan Paruge a anmahni ṭanpuitute chungkaw pahnih inah an biru phawt a. Mahse, German ho chuan in tin mai an dap hneh tak em avangin Prague a Orthodox Church pakhat ho biakin, Karel Boromejesky Church-ah chuan an biru ta a. German ho hian a tir chuan an bihrukna hmun hi an hre mai lo a. He hmun aṭanga an tlanchhuah dan tur te pawh an rel fel vek tawh a, mahse an zing ami pakhat Karel Čurda chu an man hlauh mai a. Tichuan, an birukna vel leh anmahni ṭanpuitu te vel puang turin German pawisa 500,000 Reichsmarks-in an thlem thlu ta tlat mai... A mantute ho hi Gestapo an tih ho an ni a. An special police ve te niin an che rawng thei bawk a, Karel Čurda pawh hi an thlem satliah mai lo deuh ni a sawi a awm bawk. Karel Čurda chuan a ṭhiante chu a phatsan ta le! IN LUH-CHHUAHNA: Karel Čurda hian a ṭhiante ho bakah anmahni ṭanpuitute zawng zawng pawh a puang ta vek mai a. Resistance

pawl a anmahni group bik ‘Jindra Group’ mi leh sa zawng zawng te chu a puang ta a. Zizkov a Moravec chhungkua te pawh a puang tel ve a. Tichuan, German ho chuan June ni 17, zing lam dar 5-ah chuan Moravec chhungkua te in chu an dap ta thut mai a. An chhung chuan corridor-ah an dintlar tir a. Hetih lai hian an nu ber Mrs Moravec chu inthiar tura bathroom a kal an phal sak hlauh mai a. Tichuan, ani chu bathroomah chuan tur ‘Cyanide’ eiin a va intihlum ta a. An chhungkhua chuan an dawp ta char char mai a. An fapa Ata Moravec chu an dawp nasa zual a, a nu lu an tan bun te an en tir a. Zu an pe rui nghek bawk a. Tichuan, a ruih laiin midang ho birukna chu a puang ta a ni.

chuan la dam chhun Gabčík-a leh midang pakhat chuan German ho kut a thih ai chuan tiin anmahni an inkaphlum ta a ni. Hetia an thih dan hi a chiang chiah lo a, a film-ah kha chuan an inkuah a, pakhat zawk ve ve kha an luah pistol inchuktuahin a rualin an inkap kha a ni a. Mahse, a tak takah chuan he leihnuai pindan chhungah hian ruang 4 a awm a. An thih vek tawh avangin engtiang chiahin nge anmahni an intih hlum dan hi hriat theih a ni ta lo a ni. He inkahnaah hian SS sipai 14 thiin, 21 hliam angin German ho chuan an record na a, hei ai hian thi leh hliam hi an tam fe zawk niin an sawi bawk. A HNU LAM THIL: He biak in a an puithiam Bishop Gorazd-a leh an kohhran hruaitu ṭhenkhat te chu June ni 27, 1942 khan man an ni a. September ni 4, 1942 khan Prague dai a Kobylisy Shooting Range-ah Nazi Firing Squad hoin an kaphlum ta a ni. Bishop Gorzad-a hi Eastern Orthodox church chuan martyr nihna an hlan nghe nghe a ni. Heydrich-a thahna avang hian Munich Agreement an tih mai Britain leh France leh Germany-in a an sign chu an cancel nghal a. Britain leh France chuan indo a lo tawp hnu pawh khan German-in a Czechoslovakia ram an lak zawng zawng chu pe let leh vek tur a ni tih thutlukna an siam phah ta a ni. Heydrich-a hi hmun hnihah a vuina hun hman a ni a. Pakhat chu Prague-ah hman niin, Prague Castle kawng tluanin SS sipai te an intlar khat vek a ni. Tin, a vuina pakhat leh chu Berlin khawpuiah hman a ni a, hetah hian Nazi hruaitu lian zawng zawng chu an tel vek a. Hitler-a’n a kuang chhunga a lukhamah Nazi ho chawimawina sang German Order leh Blood Order a dah nghe nghe a ni. Indo a lo tawp hnu khan anmahni phatsantu Karel Čurda chu a chungthu ngaihtuah niin, ram leh hnam phatsantu a puhin 1947 khan khai hlum a ni ve ta a ni. Operation Anthropoid hi Biritish hoin a Nazi Officer lian thah an tumna lian tham hlawhtling awm chhun a ni a. Heydrich-a an thah hnu kum hnihnaah hian Hitler-a thah an tum ve leh a. He operation hming tur pawh hi phuah fel vek tawh niin ‘Operation Foxley’ tih an phuah a, mahse British sawrkar chuan a approve ta lo a ni. Hemi bakah hian Polish underground hoin SS officers senior pahnih ‘Operation Kutschera’ tih leh ‘Operation Bürkl’ tih hming puin an that ve bawk a. Tin ‘Operation Blow-up’ tihah General-Kommissar of Belarus, Wilhelm Kube chu Soviet partisan Yelena Mazanik, Belarusian hmeichhia-in, a inah a awmpui ang a reife a awm hnuah, a that ve leh bawk a. He’ng ho te hi indona a kah hlum ni lo a, a hranpa ngat a Nazi Officer lian an thah ho zawng te chu an ni (-in ka hria...wehehe)

*Source: Seven Men At Daybreak/ Operation Anthropoid/ Wikipedia

Chutah le, SS Troops ho chuan an biak in tawm rukna chu luhchhuah an tum ta a. SS sipai 700 rual the meuh mai an rawn thawk chuak ta. An silai neih ṭhat ber ber nen, machine gun te nen an rawn thawk ta rup mai a. Mahse, anni paratroopers tlem te chu chuti maiin an luh chuak thei ta bik hauh lo. Biak in kawngkhar rawn lut hmasa apiang chu an lo kap thlu hmiah hmiah mai le. A tamin an tam hneh hrim hrim a le, biak in chunglam a awm ho chu an ṭang zo ta lo, an kap hlum zo ta. Biak in hnuai pindanah chuan mi pali an la awm. Chu’ng ho chu luhchhuah an tum leh ta. An luh thlakna lai ber chu lunghalnain an han hal chhe phawt a, mahse luh thlak ngamna chi a ni tlat lo. A rawn lang det det hmasa apiang mai chu an lo kap hlum hmiah hmiah mai si. An ṭhianpa ber, anmahni phatsantu, Karel Čurda chu inpe mai turin German ho chuan an han thlem tir ve ngial tak na a, anni chuan inpek chu an lo tum lo nasa mai si. Tichuan, pawn lam boruak luhna aṭang chuan meikhu a ur chhuah an tum leh ta. Hei pawh an meikhu dawt chu an lo paih chhuah zel avangin an hlawhchham titih leh ta tlat mai. Chutah le, tui hmang a birh chhuah an tum leh ta. Kangṭhelh motor pali, panga lai mai an chah a. An boruak luhna aṭanga pawn lam an dah chhuahna ber, an leihlawn hman chu an lak sak thei ta hlauh mai a, tui chu an phuh lut ta hem em mai. An tan tih ngaihna a awm ta lo. Silai leh a mu nei ringawt mah se tui chuan a chim pil anga an thi tho tho dawn si a. A tawpah


MC ESSAy

http://en.wikipedia.org/wiki/Che%C5%82mno_extermination_camp

http://en.wikipedia.org/wiki/Che%C5%82mno_extermination_camp

http://en.wikipedia.org/wiki/Ravensbr%C3%BCck

http://en.wikipedia.org/wiki/Karel_%C4%8Curda


http://en.wikipedia.org/wiki/German_reichsmark





http://en.wikipedia.org/wiki/Kobylisy_Shooting_Range

http://en.wikipedia.org/wiki/Operation_Kutschera

http://en.wikipedia.org/wiki/Operation_Kutschera

http://en.wikipedia.org/wiki/Operation_B%C3%BCrkl

http://en.wikipedia.org/w/index.php?title=Operation_Blow-up&action=edit&redlink=1

http://en.wikipedia.org/wiki/Commissioner

http://en.wikipedia.org/wiki/Belarus

http://en.wikipedia.org/w/index.php?title=Yelena_Mazanik&action=edit&redlink=1

http://en.wikipedia.org/w/index.php?title=Yelena_Mazanik&action=edit&redlink=1

http://en.wikipedia.org/wiki/Belarus


Download pdf - Movie Corner Magazine

Documents

Transcript of Download pdf - Movie Corner Magazine