DIASPORA AT PELIKULA: - CAS DSpace
-
Upload
khangminh22 -
Category
Documents
-
view
2 -
download
0
Transcript of DIASPORA AT PELIKULA: - CAS DSpace
Unibersidad ng Pilipinas MaynilaKolehiyo ng Agham at Sining
Ermita, Manila
DIASPORA AT PELIKULA: Pagsusuri ng Implikasyon sa kalagayan ng Migranteng Kababaihan
at ugnay nito sa Kamalayan at Kaunlaran
Iniharap sa Kagawaran ng Agham Panlipunan Kolehiyo ng Agham at Sining
Unibersidad ng Pilipinas Maynila
Ipinasa ni Precious Diane L. Virtucio
2013-37831
Bilang parsiyal na katuparan sa mg rekisito sa Batsilyer sa Sining Dalubhasa sa Araling Pangkaunlaran
(BA Development Studies)
Propesor Rommel F. Linatoc, PhD Tagapayo
Mayo 2017
iiDIASPORAATPELIKULA
Kolehiyo ng Agham at Sining Unibersidad ng Pilipinas Maynila
Padre Faura, Ermita Manila
PAHINA NG PAGPAPATIBAY
Ang pananaliksik na ito na pinamagatang: DIASPORA at PELIKULA: Pagsusuri ng
Implikasyon sa kalagayan ng Migranteng Kababaihan at ugnay nito sa Kamalayan at
Kaunlaran na inihanda at isinulat ni Precious Diane L. Virtucio bilang parsyal na katuparan sa
Development Studies 199.2 para sa antas ng Batsilyer sa Sining, Dalubhasa sa Araling
Pangkaunlaran, ay inirerekomenda upang tanggapin at pagtibayin.
______________________________ Propesor Rommel F. Linatoc, PhD Tagapayo Departamento ng Araling Panlipunan
Ang pananaliksik na ito ay tinanggap at pinagtibay bilang bahagi ng katuparan upang
makamit ang antas ng Batsilyer sa Sining, Dalubhasa sa Araling Pangkaunlaran.
______________________________ Propesor Jerome Ong, MA Tagapangulo Departamento ng Araling Panlipunan
iiiDIASPORAATPELIKULA
Maleta, Kahon, at Karatula1
ni Rommel ‘Pipoy’ Linatoc
Amoy-bagong-bago ang maletang pinili Bughaw ang kulay, may dilaw na palamuti
Pinaganda ang kalooban ng telang pula Tinahi ang bawat sulok ng sinulid na puti
Inilagay nang maayos ang mga kagamitan Pati mga ala-ala ng pamilya’t kabigan Bumukal ang luha, tumulo sa maleta
Agad pinahiran, nangibabaw ang pasya
Tatlumpu’t limang kilo, pinagpilitang magkasya Upang habulin ang pangarap,umahon sa hirap
Walo ang gulong , pinabilis ang paghila Sa pagragasa ng tunog, laman ay binulabog
Pagpasok sa paliparan, maleta ay pinabuksan Isa-isang sinuri , lahat ay binusisi
Ng bantay seguridad para sa kaligtasan Lahat ay kinalkal ng walang pakundangan
Walang nagawa kundi ang ayusin Mga kagamitan, muling sininsin
Gutay-gutay na balot muling binilot Kasama ang inis at pagkayamot
Maleta ay tinimbang sa gomang umuusad Nanginginig, gumagalaw ang etikitang taglay
Tila lumalaban sa lungkot at lumbay Dulot ng malayong pagkakawalay
Sa loob ng paliparan may malaking larawan Ng isang nilalang na nakangisi’t nagbubunyi
Tila nanghihikayat upang magmadali “Lungkot ay pawiin , dolyar ay hakutin !”
Mga kababayan, kaniyang pinagbibilinan, “Male-maletang salapi inyong iuwi Pambayad utang sa mga dayuhan
Upang tayo ay makautang na muli.”
1 Kopya mula sa Bulatlat.com; Inilagay ng mananaliksik ang politikal na tulang ito upang maging simulang-pangmulat at patikim sa mga kagyat na karanasan ng mga migrante; Itinanghal ng Teatro Ekyumenikal ang tula noong Pasinaya 2017 sa Cultural Center of the Philippines.
Mga maletang tinatakan ng Bagong Bayani Saan mang bahagi ng daigdig, handang mag-
alay Ng angking talino at lakas pag-gawa
Papasanin ang mabigat, upang pamilya’y maiangat
Anim na buwan ang dumaan, bumalik sa paliparan
Labis na nagtataka ang mga kapamilya Namumugto ang mga mata, Nangangatal ang mga panga
Sa babaan ng mga bagahe, Lumabas ang malaking kahon
Selyado ang lahat ng gilid Bawat kanto ay nakapinid
Itsura niya hindi na nila nakita Tanging pangalan ang pinagkakilanlan
Saad sa sulat ng kumpanya, nagpatiwakal siya Kinatawan ng embahada di man lang nagpakita
Inilagay ang kahon sa inarkilang sasakyan Palahaw at iyak ang nagsasalimbayan
Nakikipag-agawan sa ingay ng mga salimpapaw Habang nagpipiyesta ang mga peryodista
Sa di kalayua’y patuloy sa pagdagsa Ang maraming maletang puno ng pag-asa
Hinahabol ang tagumpay na hindi maibigay Ng abang lipunang pinaghahatian ng iilan
Tumakbo ang sasakayan , palabas ng paliparan Mga nagmamalasakit , nagtirik ng kandila
Bilang parangal at pagdakila Dala ang karatulang , sigaw ay hustisya!
vDIASPORAATPELIKULA
Pagsayaw sa ritmo ng Praxis (Ang aking kuwentong-DevStud)
Minsan ko nang pinangarap gumawa ng mga pelikula. Bagamat walang sinehan sa aming
probinsya, madalas na ang panonood ko ng mga luma man o bagong pelikula sa Cinema One. Ito
ang nagtulak sa aking pagnanais na kumuha ng kursong Film sa kolehiyo. Ngunit dahil sa usaping
pampinansyal, pumili ako ng kursong hindi magiging mabigat sa bulsa at bago sa aking pandinig.
Sa pagnanais na ito, nagsimula ang aking pagkilala sa kursong BA Development Studies o Araling
Pangkaunlaran. Bagamat wala akong kamuwang-muwang sa kung anong lalamanin at konteksto
ng kursong ito, isa ako sa iilang aplikante ng UPCAT na sadyang isinulat ang kursong BA
Development Studies sa application form.
Noon, hindi ko nakikita ang pagiging iba at prestihiyoso ng Unibersidad ng Pilipinas,
sapagkat kung titingnan ang mga gusali nito, tila wala naman itong pinagkaiba sa ibang
pampublikong kolehiyo maliban sa estatwa ng isang hubad na lalaki na tinatawag nilang ‘Oble’.
Naalala ko pa ang mala-naliligaw na pusa kong sarili sa loob ng unibersidad sa tuwing may pisikal
na eksaminasyon sa PGH at enrolment sa aming kolehiyo, sa Kolehiyo ng Agham at Sining. Lubos
na ginulat ako ng UP sa kaliwa’t kanang pagra-rally ng mga estudyante at ng mga propesor sa
kanilang husay sa pagtuturo, lalo’t higit ay ang una kong nakilalang propesor ng programa na si
Propesor John Ponsaran. Naaalala ko pa ang nag-iisang beses na na-Last Person Standing (LPS)
ako sa kanyang klase sa NSTP.
Noong unang taon, ramdam ko na agad ang saya kasama ang aking mga kaklase at tila
nahanap ko ang kalalagyan ko sa mundo ng kolehiyo. Nang mga panahong iyon, lingid pa sa aking
kaalaman na progresibo pala ang kursong Araling Pangkaunlaran. Bagamat noong una’y mayroon
pa rin akong agam-agam kung mananatili ba ako sa kurso dahil nagkukubli pa rin sa aking isipan
ang pagnanais na kumuha ng Film, natuldukan ang agam-agam na ito nang mapanood kong
magtanghal ang mga estudyante ng DevStud sa isang variety show noong 2014. Nakita ko sa
kanilang pagtatanghal kung ano ang programang ito at kung bakit natatanging pamantasan ang
UP.
viDIASPORAATPELIKULA
Nananatili ako sa kurso at patuloy na nag-aral sa ilalim ng mga propesor sa ekonomiya,
agham panlipunan, kasaysayan, agham pampolitika, at araling pangkaunlaran, na lahat ay may
karakter ng pagiging isang makabayan. Napatunayan kong malaking bahagi ang mga propesor sa
pagbubuo at pagpapanatili ng karakter at identidad ng UP. Ipinaliwanag ng mga kurso sa
ekonomiya kung paanong tumataas ang GDP ng bansa gayong salungat ito sa bilang ng pamilyang
Pilipinong nakatatamasa ng sapat at maayos na primaryang pangangailangan. Inilatag ng mga
kurso sa agham panlipunan at pampolitika ang mga pilosopo at kanilang mga akda na
nakapagpabago ng galaw ng lipunan sa mahabang panahon. Binigyang-linaw ng mga kurso sa
kasaysayan na dapat tingnan at aralin ang kasaysayan ng bansa batay sa perspektiba ng
mamamayang sinakop at hindi sa inilathala ng dayuhang mananakop. Ang Historico Dialectical
Materialism ang isa sa mga primaryang aral na nakuha ko sa kursong Araling Pangkaunlaran.
Batid nito na ang kasalukuyang estado ng lipunan ay may materyal na batayan at bunga ng
mahabang kasaysayan at nagpapatuloy na tunggalian sa lipunan. Ito ang nagbigay-daan kung
paano ko naunawaan ang esensiya ng mobilisasyon ng mamamayan.
Bagamat lumilitaw-litaw ang banggaan sa pagitan ng iba’t ibang disiplina, malinaw na
inihahayag ng Araling Pangkaunlaran na may pagkakaugnay-ugnay ang bawat isa kung kaya’t
walang disiplina ang mas nakaaangat sa iba.
Napakalaki ng ambag ng mga libro nina Engels, Freire, Marx, at Mao Ze Dong sa
pagpapalawak ng pang-unawa ko sa paglutas sa malawakan at sistematikong problema ng lipunan.
Ipinakita ng mga libro na hindi natatangi ang istruktural na kahirapang nararanasan ng Pilipinas
sapagkat pinagdaanan din ito ng maraming kolonyang bansa. Pinalitaw ng mga librong ito ang
kahalagahan ng pag-alam sa kasaysayan ng lipunan at sibilisasyon, kahalagahan ng masa,
partikular ay ang uring proletaryo, kahalagahan ng edukasyon naka-ugat sa pakikibaka, at cultural
revolution na patuloy na nagpapadalit sa mainit na apoy ng pakikibaka.
“Ang walang kinikilingan ay pagkaling sa nakapangyayaring lakas; Ang hindi pag-imik
sa isang partikular na isyu ay pagbibigay ng lehitimo sa makapangyarihang puwersa” – ito ang
maituturing kong pinakanagamit kong linya sa loob ng apat na taon ko sa kurso. Ito ang madalas
kong ginamit na bala upang depensahan ang kahalagahan ng pakikialam sa mga isyung panlipunan
viiDIASPORAATPELIKULA
at pakikisangkot sa mga gawaing-masa. Dagdag pa, ito rin ang tumutulak sa aking kumilos at
huwag abandonahin ang masa sa kabila ng mga panahon ng pag-aalinlangan.
Sa apat na taon sa programang ito, hindi ako binigong mulatin at hamunin ng Araling
Pangkaunlaran. Sa lahat ng panaho’t pagkakataon – maging sa entablado man o sa rural na
komunidad, itinanim ng kurso sa aking isipan na bawat gawain o praktika ay dapat nakasandig sa
teorya. Sa pagkamulat ko sa maraming isyung panlipunan at karahasang tinatamasa ng
mamamayan, nabuo sa aking isipan ang pagnanais na kumuha ng abogasya balang araw. Malaking
ambag ang Araling Pangkaunlaran sa propesyong nais kong tahakin sapagkat itnutuwid nito ang
mga baluktot na pilosopiya ng pagtingin at pag-analisa sa lipunan at binibigyang-diin nito ang
sagot sa tanong na “Para Kanino?”
Minahal ko ang programang DevStud dahil sa pagiging multidisiplinaryo nito. Sinusuyod
nito ang lahat ng dimensyon ng lipunan – ekonomiko, politikal, kultural, sosyal, at maging
salimbayan ng bawat dimension. Kinukuwestiyon at inaaral nito ang lahat ng aspeto ng pagkatao
– relihiyon, food systems at kalusugan, edukasyon, sakuna at kalamidad, migrasyon, atbp. Wala
itong iniiwang sektor sa pag-aaral ng kaunlaran – maging pesante, manggagawa, at petiburges
man.
Sa loob ng kurso, mas nakita ko ang kahalagahan ng pagpapakatao. Sinumang propesor at
anumang asignatura, palaging hindi iniiwan sa pag-aaral ang kapakanan ng marhinalisadong
mamamayan. Hinamon ako ng Araling Pangkaunlaran na lumabas sa aking kumportableng lungga
at kuwestiyonin ang kasalukuyang kalagayan ng lipunan. Iwanan ang pagiging makasarili at
makialam sa mga karahasang pinagdadaanan ng mga magsasaka, katutubo, manggagawa,
kababaihan, at kapwa estudyate – ito ang unang hakbang ng pagmumulat na itinanim ng programa
sa aking isipan.
Iniharap sa akin ng Araling Pangkaunlaran ang nagkukubling mukha ng burges na lipunan
sa perspektiba ng maralita at ipinatong naman ng UP sa aking mga balikat ang obligasyon ng
pagiging isang Iskolar ng Bayan. Magpapatuloy ang pagsayaw ko sa awit ng Praxis na hindi
hihinto hangga’t patuloy na lumalaban ang masang api at pinagsasamantalahan.
viiiDIASPORAATPELIKULA
Bagamat kumbinsido na ako sa pagnanais kong maging abogado, hindi nagmamaliw ang
hangarin kong makabuo pa rin ng isang pelikula – isang orihinal na obra na magpapalitaw ng tunay
na mukha ng kahirapan sa katauhan ng maralitang masa. Ginamit ko ang pagkakataon sa
pagsusulat ng aking thesis upang mapasok at maaral ang mundo ng pelikula at mailapat sa aking
interes ang itinurong pamamaraan ng pananaliksik ng Araling Pangkaunlaran.
Tila kalahati ng aking pagkatao ay hinubog ng UP at ng Araling Pangkaunlaran. Ang
pananatili sa programa ang maituturing ko na isa sa mga pinakamahahalagang desisyong ginawa
ko sa aking buhay. At ngayong nasa huling taon na ako sa programa, nais kong bumuo ng
natatanging pananaliksik. Nais kong ipakita ang mukha ng kababaihang migrante sa lente ng
alternatibong media. Nais kong bagtasin ang malikhai’t mapaglarong mundo ng pelikula habang
tinutuklas ang lalim ng karanasan ng mga kababaihang migrante.
Inaarmasan ng Araling Pangkaunlaran ang mga Iskolar ng Bayan ng mga pag-aaral at
makatotohanang pagsasanay upang ganap na maisagawa ang obligasyon nito sa lipunang Pilipino.
Hinamon ako ng UP at ng programa na makita’t maunawaan na ang ganap na tagumpay ng
pagiging isang estudyante ay hindi makakamit sa apat na sulok ng ating unibersidad. Mayroong
mas makatotohanang pagsubok sa atin ang akademya’t lipunan na siyang ganap na susukat sa ating
husay at kapasidad. Lubos ang aking pagsaludo sa aking mga naging propesor at sa masa na naging
daluyan ko ng kaalaman.
Nagsimula ako sa programa na puno ng katanungan, “Ano ba ang Devstud?, “Anong karir
ang puwede sa akin pagkatapos kong mag-aral?”, at “Paano ko ipapaliwanag sa iba kung ano ang
DevStud?”. Ngayon, lalabas ako ng unibersidad bitbit ang mga kasagutan at kaalamang hindi
ipagkakait sa masa, tapang na handang kumuwestiyon sa lipunan, at prinsipyong handang
maglingkod sa bayan. Padayon!
#
ixDIASPORAATPELIKULA
Pasasalamat
Sa loob ng isang taong pagbuo ng pananaliksik na ito, tila lahat ng emosyo’y naramdaman ko. Sa kabila ng hirap, napagtagumpayan ko ang lahat ng pagsubok dahil sa gabay, suporta, at inspirasyong walang maliw na ibinigay sa akin ng napakaraming tao: Sa masang Pilipino. Ang pagkakaisa, determinasyon, at prinsipyo ninyo ang patuloy na nagtutulak sa akin upang paghusayin ang pagsusulat na ito. Sa bawat sigaw at sama-samang pagkilos ninyo, na aking nakikita sa iba’t-ibang lansangan ng Kamaynilaan, ang patuloy na nagpapaalab ng aking panlipunang pakikisangkot. Utang ko sa inyo ang prinsipyong kinatatayuan ko ngayon. Sa migranteng kababaihan. Bakas sa inyong mga naratibo ang lupit ng mapaniil na lipunan. Lubos ang aking pasasalamat sa pagtitiwalang inyong ibinigay sa pagbabahagi ng malagim ninyong karanasan sa ibayong-dagat. Ang inyong naratibo ang puso ng pananaliksik na ito. Malaki ang utang ng bansang ito sa inyo. Patuloy sana kayong tumindig at magkaisa para matuldukan na ang eksploytasyon sa buong sektor ng manggagawa. Sa aking Tatay. Maraming salamat sa lahat ng pang-unawa sa tuwing hindi ako nakauuwi ng probinsya, sa pang-unawa sa lahat ng hindi nasagot na tawag sa telepono dahil kung hindi man may ginagawa sa paaralan, ay bagsak na sa pagod. Maraming salamat sa pagbibigay sa akin, at sa aking mga kapatid, ng buhay na may malawak na pagpipilian sa kabila ng kasalatan. Anumang karangalan sa akademiya’y hindi magiging sapat upang masuklian ko ang lahat ng iyong sakripisyo. Sa aking butihing tagapayo, Propesor Rommel Linatoc. Kayo ang lubid na nagtali sa akin sa poste ng thesis sa isang buong taon. Napakaraming beses kong naligaw sa pagsusulat sa paksang ito, ngunit sa pamamagitan ninyo’y bumabalik at bumabalik ako sa tamang konteksto. Ang higpit ng taling ito sa akin ang nag-udyok na sa lahat ng pagkakatao’y paghusayan ang pagsusulat at talasan ang isipan. Napakalaki ng aking utang na loob sa ibinahagi ninyo sa aming disiplina, kaalaman, pagmamalasakit ng gaya ng sa isang ama. Sa Migrante International, partikular kay Sir Lao at Kuya Arman. Walang panahon na hindi ako humanga sa tibay ng inyong kalooban sa pagharap sa kalunos-lunos na kalagayan ng mga kababayan nating OFW. Lubos ang aking pasasalamat, na sa kabila ng dami ng inyong gawain sa samahan, natulungan niyo pa rin ako sa pagkalap ng mga kinakailangang datos. Isang hindi malilimutang karanasan sa akin ang magdaos ng kaarawan sa komunidad ng mga kabataang anak
xDIASPORAATPELIKULA
ng mga OFW. Lubos ko kayong tinitingala, dinagdagan ninyo ang aking dahilan para pagsumikapang maging mahusay na abogado balang araw upang makapaglingkod sa masa. Sa mga propesor ng Kolehiyo ng Agham at Sining, partikular kay Propesor Rose Roque, Propesor John Ponsaran, at Propesor Ruth Legaspi. Sa kabila ng pagiging busy ninyo, lubos po akong nagpapasalamat sa mga pagkakataong tinulungan ninyo ako sa aking thesis. Kay Mam Roque, bagamat hindi ninyo ako naging estudyante, maraming salamat dahil kayo ang naging daan upang makilala ko ang isang napakahusay at progresibong alagad ng pelikula na si Bonifacio Ilagan. Maraming salamat sa pasensiya sa pagsagot sa mga katanungan ko sa Messenger sa kabila ng hindi natin personal na pagkakilala sa isa’t-isa. Kay Propesor John Ponsaran, sa pagbibigay ng mga suhestiyon upang mapagyaman ang aking thesis at sa walang humpay na paghimok sa aming aralin ang malawak na aspeto ng kaunlaran sa loob ng apat na taon. Kay Propesor Ruth Legaspi, maraming salamat po Mam sa pagsagot ng napakarami ko ring katanungan sa Messenger at sa pagbibigay ng panahon upang makapagpakonsulta ako sa Kay Mam Russel Contemplacion at Mam Alicia Dalquez. Salamat sa kumpiyansang ipagkatiwala sa akin ang naritibo ng mabigat na bahagi ng inyong buhay. Kay Mam Russel, isa kayo sa pinakamatatag na taong nakilala ko at nawa’y huwag magmaliw ang inyong pananampalataya dahil inspirasyon kayo sa maraming kababaihan. Salamat sa naging napakasaya at kumportableng interbyu na tila napakatagal na nating magkakilala. Kay Mam Alicia, sa kabila ng pagiging mainit na usapin ng magiging hatol kay Jennifer Dalquez sa mga panahong iyon, hindi ninyo ipinagkait sa akin ang pagkakataong ma-interbyu kayo. Lubos po ang aking pasasalamat na nakilala ko kayo na salamin ng isang matatag na ina at lola. Kay Propesor Roland Tolentino at Sir Boni Ilagan. Napakapalad kong nakilala ko kayo sa personal na natuto ako mula sa inyo. Kay Dr. Roland, sa kabila ng maikling panahon, lubos ninyo akong pinahanga sa inyong pagiging dalubhasa sa Pelikula. Salamat sa napakakumportable interbyu sa kabila ng pagod ko nang mga panahong iyon. Salamat din sa napakayayaman ninyong akda at mga artikulo na isa sa naging matibay na pundasyon ng pag-aaral na ito. Kay Sir Boni, napakarami ko pong dapat ipagpasalamat sa inyo - sa napakamalaman na interbyu at sa paggawa ng paraan upang makapanayam ko si Direk Joel Lamangan. Salamat din po sa pagsagot sa napakarami kong katanungan. Napakataas ng aking respeto sa inyo bilang tunay at makabayang alagad ng sining. Sa mga naging katugon ko sa sarbey. Bagamat kwantitatibo-kwalitatibo ang konsepto ng aking sarbey, nagpapasalamat ako at pinaunlakan ninyo ako – salamat sa matiyagang pagresponde sa mga katanungan na humihingi ng enumerasyon at personal na pananaw.
xiDIASPORAATPELIKULA
Sa aking mga propesor na sina Prof. Reggie Vallejos at Prof. Allan Mesina. Maraming salamat po sa moral support sa tuwing kinakamusta niyo ang estado ko sa pagsusulat ng thesis. Salamat po sa pakikinig at pagkumbinsing kayaning matapos ng maayos ang pananaliksik na ito. Sa napakarami kong kaibigang naging saksi sa mga pinagdaanan ko sa pagbuo ng pananaliksik na ito. Buong tiyaga ko kayong iisa-isahin sapagkat napakalaki ng suporta at gabay na ibinigay ninyo sa akin, lalo na sa mga panahon ng panghihina:
Kay Mark Manato, isa sa aking mga kaibigan sa hayskul, maraming salamat sa malaki mong naitulong sa pag-aaral na ito partikular sa pagsasaayos ng mga datos sa sarbey. Maraming salamat!
Sa aking barkada sa kolehiyo (sa loob at labas man ng inuman) – Jojo, Conchita,
Mikey, Renz, Steven, Jomer, Lala, Mika, Nash, Mark, Yna, Roma, Marco. Salamat sa pakikinig, moral support, at pagtawa sa lahat ng kahihiyang pinagdaanan ko sa pagkalap ng datos para sa thesis. Nakagagaan ng loob ang mga kapalpakang iyon kapag sabay-sabay nang tinatawanan ng barkada.
Kay Diego Fodulla at Tanic, ang aking mga kaibigan sa UP Diliman, na nagsilbing
kamay at paa ko sa UP Diliman para sa mga hinihiram at binabalik na mga libro, at pag-alam ng mga impormasyon. Mahal ko kayo!
Sa aking blockmates lalo na kina Karla, Jhayber, Jogie, Addie, Iza, at Rheyn -
padayon at napagtagumpayan natin ang hamon sa atin ng akademiya! Nawa’y manatili tayong nakatungtong sa prinsipyong makamasa sa pagharap naman sa hamon ng malawak na lipunan! At sa mga kakilala’t kaibigan ko sa UP Manila – kina Aries, Dave, Walter, MM, Harlon etc. na nagbigay ng tulong at compliment sa aking thesis, marami pong salamat!
Sa iyo Alex Falame. Ikaw ang nakasaksi ng mga pagtangis ko sa panahon ng panghihina.
Walang maliw ang aking pasasalamat sa pagsama sa akin sa lahat ng interbyu at porum, sa pag-edit ng mga kinakailangang larawan sa thesis, at higit sa lahat, sa pagtanggap ng mga sakripisyo para sa buong taon ng aking pagiging graduating student. Maraming maraming salamat! At higit sa lahat, sa Panginoong walang maliw na ipinamalas ang pag-ibig at dakila niyang plano para sa aking buhay. Mula sa iyo at hiram lamang ang lahat ng regalong ito, ibinabalik ko ito sa iyo Panginoon ng buong pagpupuri at pasasalamat!
Lahat kayo ay naging sandigan ko sa buong panahon ng pagbubuo sa pananaliksik na ito. Maraming maraming salamat! Nawa’y yakapin niyo ang tagumpay na ito na para na ring sa inyo.
xiiDIASPORAATPELIKULA
Mga Acronym
CTUHR - Center for Trade Union and Human Rights
DFA - Department of Foreign Affairs
DH - Domestic Helper
EPZ - Export Processing Zone
ILO - International Labour Standards
NI - National Industrialization
OCW - Overseas Contract Worker
OFW - Overseas Filipino Worker
OWWA - Overseas Worker Welfare Administration
POEA - Philippine Overseas Employment Administration
PSA - Philippine Statistics Authority
UNIFEM - United Nations Development Fund for Women
xiiiDIASPORAATPELIKULA
Abstrakto Sa pagbaybay sa kasaysayan ng pandaigdigang migrasyon ng kababaihan,
kasabay nitong sumibol ang kaliwa’t-kanang mga pelikulang nagtampok ng
pakikibakang ito. Higit pa sa enterteynment, naging bahagi na ang pelikula, mula
pa noong panahon ng Soviet Russia, sa pagpapalaganap ng progresibong kultura at
katotohanan. Nilalatag ng pag-aaral ang papel ng pelikula sa pagpapataas ng
panlipunang pakikisangkot ng mamamayan. Gamit ang Marxismong dulog,
napatunayan sa pamamagitan ng mga kwantitatibo at kwalitatibong datos na
mayroong ugnayan ang institusyonalisasyon ng mga labor export policies at ang
burukratisasyon sa industriya ng pelikula. Inilalantad ng kasalukuyang kalagayan
ng maraming OFW films at ng nagpapatuloy na forced migration ang oryentasyong
import-dependent at export-oriented ng ating bansa, ang malawakang kawalang-
empleyo at ang masidhing pangangailangan para sa industriyalisadong bansa.
xivDIASPORAATPELIKULA
Talaan ng Nilalaman Maleta, Kahon, Karatula …………………………………………………………………….…. iii Pagsayaw sa ritmo ng Praxis ………………………………………………………………… iv-vi Pasasalamat ………………………………………………………………………………..... vii-xi Mga Acronym ………………………………………………………………………………...... xii Abstrakto ………………………………………………...…………………………….……… xiii Talaan ng Nilalaman ………………………………………………………………....…… xiv-xv Mga Talahanayan at Larawan ………………………………………………………………… xvi KABANATA I: INTRODUKSIYON ……………………………………………………… 1-18 § Suliranin ng Pananaliksik …………………………………………………………..………. 2 § Layunin ng Pananaliksik …………………………………………………………….……... 5 § Konseptuwal na Balangkas ………………………………………………………………… 8 § Teoretikal na Balangkas …………………………………………………………………… 12 KABANATA II: MGA KAUGNAY NA LITERATURA ……………………...……….. 19-39 § Statistika at Propayl ng Kababaihang Migrante …………………………….………..…… 20 § Mga Pwersang Nagtulak sa Kababaihan sa Migrasyon …………………….……..……..... 22 § Financial Remittance: Bunga ng Panggagatas …………………………….……..……..... 24 § Diskriminasyon at Karahasan sa Migranteng Kababaihan ……………….…….……......... 25 § Pelikula bilang instrumento ng pagmumulat …………………………….……....………... 29 § Mukha ng Kababaihan sa Pinilakang-tabing …………………………….….…………..… 32 § Si Flor sa Kamera: Ang Kababaihang Migrante sa Pelikulang Pilipino .….…………….... 33 § Vaginal Economy – Seksuwalisasyon ng Pambansang Kaunlaran…...………………….... 36 § Tunggalian ng Imperyalista at Progresibong Kultura …………………..……………….... 37 KABANATA III: METODOLOHIYA ……………………………………………...…… 40-47 § Disenyo ng Pananaliksik …………………………………………………………….…...... 41 § Lugar at Panahon ng Pangongolekta ng Datos ……………………………….….…...…… 41 § Instrumento sa Pagkalap ng Datos ……………………………………….………………... 41 § Instrumento sa Analisis ng Datos ………………………………………………….……… 46 KABANATA IV: PRESENTASYON NG MGA DATOS ……………………………… 48- § Pakikibakang overseas – sa pelikula at kasaysayan ……………………………………. 49-57
o Mapa ng mga Migrante …………………………………………………………… 49 o Kasaysayan ng Migrasyon sa bansa ………………………………………………. 50 o Peminisasyon ng Pandarayuhan ……………………………………...…………… 52 o Kasaysayan ng Migranteng Pilipina sa lente ng Pelikula ……………………...…. 54
§ Ugnayan ng Pelikula at Lipunan sa usapin ng Migrasyon ……………………………..... 58-68
o Ang mga kababaihang migrante …………………………………………………….. 58
xvDIASPORAATPELIKULA
o Kuwentong-buhay ng mga migranteng Pinay ……………………………………..... 59 o Ang mga alagad ng Pelikula …………………………………………………...……. 63 o Dalubhasang Pananaw sa OFW films ………………………………………..……… 65 o Migrante Internasyonal at OFW films ……………………...…………………….…. 67
§ Pulso ng Masa sa Pelikula ……………………………………………………..………... 69-80 § Migrasyon at Pelikula: Panawagan at Polisiya …………………………...……..…...….. 80-82 KABANATA V: UGNAYAN SA KASAYSAYAN: PELIKULA, KRISIS, AT KARAHASAN ………………………………...…………….. 83-90 KABANATA VI: KRITIKAL NA PAGSUSURI ……………………………………… 91-101 § Analisis sa Pananaw ng Manonood sa Tatlong Pelikula ………………………………….. 92 § Ugnay ng datos ng sarbey sa mga kuwentong-buhay ……………………………….…….. 92 § Analisis sa mga Naratibo ng kababaihang migrante ……………………………….……… 95 § Papel ng Pelikula sa Pagsulong ng Migranteng Kababaihan …………………….……...… 97 § Sapilitang Migrasyon bilang Lumalalang Epidemya sa Lipunan ……………….………… 98 § Pelikula at Kababaihan: Globalisasyon at Karahasan …………………………………….. 100 § Mga Dinamikong Pananaw …………………………………………………………...….. 101 § Imperyalistang Kultura – pelikula’t merkado’y namamanipula ………………….…….… 103
KABANATA VII: KONKLUSYON ……………………………………………...…… 104-110 KABANATA VIII: REKOMENDASYON ………………………………………….…111-113 KABANATA IX: LIMITASYON NG PAG-AARAL …………………………...…… 114-115 Sanggunian ……………………………………………..……………..………………... xvii-xxii Mga Apendiks …………………………………………………………………………….. xxiii
xviDIASPORAATPELIKULA
Talaan ng Talahanayan at Larawan KABANATA I Talahanayan 1.1 Uri ng eksternal na migrasyon ayon kay 3
Sharon Lee Balangkas 1.1 Konseptuwal na balangkas ng pananaliksik 8 Balangkas 1.2 Balangkas ng analisis sa desisyong mirasyon 13
batay sa modelo ni Michael Todaro KABANATA II Talahanayan 2.1 Bilang ng mga Pilipinong migranteng may 19
kontrata sa iba’t ibang bansa Talahanayan 2.2 Bilang ng mga Pilipinong migrante sa 20
iba’t-ibang uri ng trabaho KABANATA III Balangkas 3.1 Paraan ng pagsusuri sa bawat pelikula sa 43
mga aspetong panlipunan KABANATA IV Imahe 4.1 Bilang ng mga OFW sa Top 10 destination 47
Countries ng overseas Filipino labor Imahe 4.2 10 klase ng trabaho sa abroad na mayroong 47
pinakamalaking bilang ng mga OFW Imahe 4.3 Timeline ng kasaysayan ng migrasyon sa Pilipinas 48 Imahe 4.4 Mga yugtong pinagdadaanan ng mga migrante at 64
mga nakaambang karahasan sa bawat yugto Graph 4.1 Bilang ng OFW na dine-deploy kada taon 49 Talahanayan 4.1 Mga pelikulang nagtampok sa Kababaihang Migrante 52 Talahanayan 4.2 Propayl Matrix ng mga Migranteng babae na umupo 56 sa Focus Group Discussion Diagram 4.1 Venn diagram ng karahasan sa kababaihan batay sa 68 tatlong pelikula Diagram 4.2 Venn diagram ng karahasan sa migrante batay sa 71 tatlong pelikula Talahanayan ng mga karahasan sa kababaihan sa bawat pelikula 66-67 Talahanayan ng mga karahasan sa migrante sa bawat pelikula 69-70 Talahanayan ng kwantitatibong resulta ng sarbey 71-72
1DIASPORAATPELIKULA
Kabanata I Introduksiyon
“Ang pelikula at lipuan ay hindi dapat magkahiwalay. Ang pelikula at lipunan ay dapat magkaugnay.
Walang pelikula kung walang lipunan.”
(Lamangan, J., 2017)
2DIASPORAATPELIKULA
Suliranin ng Pananaliksik
“Bakit ganoon, ang lalaki kapag binigyan niya ang pamilya niya ng pagkain, damit, agad sasabihin ng mga tao: ‘Aba! Mahusay siyang ama’. Pero kapag babae ka, kahit ibinigay mo na’ng lahat ng iyon sa mga anak mo, kasama pa pati puso mo, pati kaluluwa mo, parang hindi pa rin sapat na tawagin kang mabuting ina” – Anak, 2004
Isa lamang ito sa mga mabibigat na linyang binitawan ng karakter ni Vilma Santos
sa dekalibreng drama kanyang pinagbidahan. Ang daloy ng istorya ng buhay ni Josie
(karakter ni Vilma Santos sa Anak) at ng malaking porsiyento ng mga babaeng migrante
ay nagtatagpo sa iisang punto ng buhay – kapwa mga kababaihang manggagawang
nakipagsasapalaran at umaasa sa mataas na sahod sa ibayong-dagat.
Batid ni Rolando Tolentino sa kanyang artikulong Globalizing National
Domesticity sa Philippine Studies (2009), tila nakadikit na sa terminong ‘Filipina’ ang
imahe ng pagiging domestic worker sa maraming bansa. Sa Gresya, bahagi ng kanilang
diksiyonaryo ang salitang ‘Filipineza’ (Filipina) na ibig sabihin ay ‘domestic servant;
someone who performs nonessential auxiliary tasks’ at nagkaroon din ng mga ibinebentang
Pilipinang manika sa Hong Kong kung saan mayroon itong aksesoryang pasaporte,
kontrata, at balikbayan box (Ebron, 2002).
Inilatag ni Sharon Lee sa kanyang kabanatang Issues in Research on Women,
International Migration and Labor sa librong Asian Women in Migration (1996), ang iba’t
ibang uri ng sistema ng migrasyon (Tingnan ang Talahanayan 1.1). Ang sinasaklaw ng
pag-aaral ay ang mga migranteng nabibilang sa kategoryang Guest/Contract workers kung
saan wala sa plano ng mga ito na manirahan sa ibang bansa.
Lubos na dumarami ang mga pelikulang nagtatampok sa mga kababaihang
migrante – mula sa panahong naging matunog ang kaso ni Flor Contemplacion noong 1995,
3DIASPORAATPELIKULA
na siyang isinapelikula (The Flor Contemplacion Story2), hanggang sa makabagong
perspektiba sa mga babaeng migrante sa kasalukuyan. A Mother’s Story3, The Caregiver4,
Migrante: The Filipino Diaspora5, at iba pa – ilan lamang ito sa mga OFW films6 na
nagsentro ng mga karakter sa kababaihan. Iba’t ibang genre na ng mga OFW films at iba’t
ibang anggulo na rin ng mga naratibo ng migrante ang binigyang-pokus ng
pagsasapelikula. Ayon pa kay Rolando Tolentino, ang mga nilikhang pelikula na
nagtampok sa isyu ng mga kababaihang migrante ay ang pantapat diumano sa mga
pelikulang nagbibida ng kabayanihan ng kalalakihan. Ang mga overseas contract workers
(OCW) diumano ang nagiging target ng malalaking institusyon ng media na hindi
nahihiwalay sa interes ng estado usaping politikal at ekonomiko (Tolentino, 2009).
Ang patuloy na produksiyon ng mga ganitong uri ng pelikula sa ating bansa ay
sumasalamin at naglalantad sa nagpapatuloy na penomenon ng pandarayuhan ng malaking
bilang ng migranteng kababaihan. Sa Lebanon pa lamang, umaabot na sa 22, 860 ang
2 Ang pelikulang The Flor Contemplacion Story, na pinagbidahan ni Nora Aunor, ay hango sa kaso ng isang domestic helper sa Singapore na binitay noong 1995 sa kasong pagpatay sa kapwa Pilipinong domestic helper. 3 Ang A Mother’s Story, na pinagbidahan ni Pokwang, ay kuwento ng isang inang nag-illegal alien upang makapagtrabaho sa Amerika. 4 Ang The Caregiver ay pelikula ng Star Cinema na pinagbidahan ni Sharon Cuneta na nakasentro sa kuwento ng isang dating public school teacher na lumipad sa London upang maging caregiver. 5 Migrante ay pelikulang pinagbidahan ni Jodi Sta. Maria kung saan ang bidang karakter ay babaeng migrante dumanas ng kaharasan sa Jerusalem 6OFW films – terminong ginagamit ni Rolando Tolentino sa kanyang mga akda para tukuyin ang mga pelikulang nagsentro ng mga karakter sa mga migrante.
4DIASPORAATPELIKULA
kababaihang Pilipino na domestic worker noong Hunyo 2015 (Center for Migrant
Advocacy, 2016).
Talahanayan 1.1. Uri ng eksternal na migrasyon ayon kay Sharon Lee
Kakabit ng pagnanais na makamit ang isang tunay o ganap na kaunlaran (genuine
development) ay ang pagkamit sa isang tunay at pambansang industriyalisasyon. Hindi
iwinawaksi ng pambansang industriyalisasyon ang mahalagang papel ng kababaihan sa
lakas-panggawa, ngunit dahil sa globalisasyon, nagiging mukha ng pagsasamantala, imbis
na pagsasakapangyarihan, ang peminisasyon sa paggawa (IBON, 2002).
Sa kabila ng naiaambag ng eksportasyon ng lakas-paggawa sa ekonomiya, hindi
maitatangging napakataas din ng bilang at lebel ng karahasang natatamasa ng malaking
bilang ng mga migrante, lalo na sa kababaihang nakararanas ng double burden dahil sa
kanilang trabaho at kasarian. Patunay dito ang mga inilatag na pelikula kung saan iba’t-
ibang mga mukha ng karahasan at suliranin ang itinatampok sa bawat pelikula at
kadalasang makikita na babae ang bida sa mga pelikulang patungkol sa mga overseas
Filipino workers (OFW). Ang karanasan ng maraming Pilipinong migrante ay isa sa mga
naratibong nananatiling hindi lubusang nailalantad. Maging sa sari-sariling pamilya ng
maraming migrante, tila kagyat lamang ng kanilang pinagdaanan ang nasasabi nila sa mga
Uri Primaryang iskema
Sekondaryang iskema Halimbawa
Permanent Immigrant Settlement manirahan magtrabaho US, Canada,
Australia Long-term
establishment magtrabaho manirahan France, Sweden, Hong Kong
Guest/Contract Workers magtrabaho magtrabaho
Middle East, Germany, Singapore
Ethnic minorities o recent immigration
walang ispesipikong imigrasyon
manirahan o magtrabaho Japan
5DIASPORAATPELIKULA
ito dulot ng matindi at kakila-kilabot na karanasan na kinailangan nilang tawirin upang
tumawid naman sa gutom ang pamilyang naiwan sa Pilipinas. Kung pagbabatayan ang
Structuralist approach sa pagsuri sa karanasan ng mga migrante, inuugat nito ang
karahasang natatamasa ng mga migrante sa hindi pantay na relasyon sa pagitan ng mga
bansang nag-eeksport at nag-iimport ng manggagawa sa isang kapitalistang merkado, at
ang mga highly-developed na ekonomiya ng mga core nations ang pangunahing nagdidikta
ng magiging relasyon nito sa mga peripheral nations (Lee, 1996).
Sinusuri ng pag-aaral ang mahalagang papel ng pelikula sa kalagayan ng mga
kababaihang migrante at ang ugat ng patuloy na produksiyon ng mga OFW films. Gayundin,
nais ng pag-aaral na matukoy ang iba’t-ibang pagkokoteksto sa pelikula ng kalagayan ng
mga babaeng migrante na direktang napapanood ng ordinaryong mamamayan at maaaring
makaapekto sa kanilang panlipunang pagtingin. Ang instrumentong panlibangan ay
maaaring maging instrumento ng panlilinlang na magbabaluktok sa pananaw ng
mamamayan sa usapin ng migrasyon ng kababaihan at magbibigay ilusyong nasa
pangingibang-bansa ang sagot sa kaginhawaang nais matamasa ng malaking bahagi ng
sektor ng manggagawa.
Layunin ng Pananaliksik
Pangunahing layunin ng pag-aaral ang masuri ang konteksto ng mga pelikulang
nagtampok ng karanasan ng mga kababaihang migrante batay sa perspektiba ng masang
manonood at matukoy ang panlipunang epekto at ambag ng mga ito.
Sa paghimay sa pangunahing layunin, inilalatag ang mga sumusunod na
sumusuportang layunin na bubuo sa balangkas ng pag-aaral:
1. Matukoy ang kalahagahan ng pelikula sa pagpapalaganap ng mga naratibo ng mga
kababaihang migrante mula sa perspektiba ng:
1.1 mga manunulat at direktor ng pelikula
1.2 masang manunood
6DIASPORAATPELIKULA
1.3 mga kababaihang migrante
1.4 mga kritiko at dalubhasa sa pelikula
1.5 pangmasang-organisasyong Migrante;
Ang patuloy na pagpoprodus ng mga pelikulang gaya ng ‘Anak’ at ‘A Mother’s
Story’, at ang walang humpay na pagpatok ng mga ito sa takilya ay sumasalamin sa
malaking papel na ginagampanan ng mga ganitong uri ng pelikula sa mundo ng sining,
komunikasyon, at realidad. Nais ng unang layunin ng pananaliksik na matukoy ang
kahalagahan ng mga ganitong obra mula sa limang perspektiba, upang mabigyang
kahulugan ang patuloy na pagtaas ng demand sa mga obrang tampok ang mga
kababaihang migrante.
2. Masuri ang konteksto ng tatlong pelikulang Pilipinong The Flor Contemplacion Story,
A Mother’s Story, at Migrante: The Filipino Diaspora
2.1 Mailatag ang mga porma ng karahasang naitatampok sa mga pelikula;
2.2 Mahambing ang mga perspektiba at pagsusuri ng mga manonood sa mga
pelikulang tampok sa pananaliksik;
2.3 Matukoy ang mga misrepresentasyong ipinakikita ng mga pelikula sa karanasan
ng kababaihang migrante;
Sa paglalatag ng mga porma ng karahasan, layunin nitong tukuyin ang mga limitasyon
ng pagsasapelikula bilang daluyan ng impormasyong makatotohana’t napapanahon.
Layunin din nitong suriin ang epekto ng iba’t ibang porma ng pagkokonteksto ng suliranin
ng karakter na babaeng migrante, sa pang-unawa ng mga manonood. Sa paghahambing sa
perspektiba ng mga manonood sa tatlong pelikula, layuning matukoy ang pagkakaiba-iba
ng mga suliraning tinatalakay at masuri kung paano nakikita o nauunawaan ng manonood
ang konteksto pelikula. Bilang panghuli, bahagi ng pagsusuri sa konteksto ng mga pelikula
ay ang pagtukoy sa mga inihaing misrepresentasyon sa kababaihan at sa kanilang
pakikibaka bilang mga migrante na maaaring makapagpabaluktot ng katotohanang dapat
inilalantad.
7DIASPORAATPELIKULA
3. Malaman ang posisyonalidad ng mga manunulat at direktor sa pagbubuo ng mga
pelikulang nagtatampok ng pakikibaka ng mga kababaihang migrante;
Nais ng pag-aaral na ugatin ang pinagmulan ng mga ideyang isina-obra ng mga
manunulat at direktor ng pelikula. Sa pag-alam ng mga naging motibasyon ng mga
pangunahing utak ng pagsasapelikula, masusukat ang pagiging epektibo ng mga obra sa
pagsasalamin ng kalagayan ng mga kababaihang migrante.
4. Mailatag ang mga naiaambag ng mga pelikulang tatalakayin sa pag-angat ng
kalagayan ng mga kababaihang migrante at sa kamalayan ng masang manunood;
Nais basagin ng pag-aaral na ang pelikula ay nililikha lamang bilang libangan.
Nananatili ang konotasyon na isang porma lamang ng eskapismo at indibidwalismo ang
pagtangkilik ng masa sa mga sine kung kaya’t kinonsidera ng pananaliksik ang hamong
mailatag ang ambag at papel ng pelikula sa lipunan ng peminisadong pandarayuhan.
5. Masuri kung paano sinasalamin ng mga pelikula ang iba’t ibang aspetong panlipunan:
5.1 politikal
5.2 ekonomiko
5.3 kultural;
Ang pagsibol ng mga OFW films ay hango sa makatotohanang konteksto ng buhay
ng mga indibidwal at ng lipunan. At ang walang mintis na paglikha at pagtabo sa takilya
ng mga ganitong uri ng pelikula ay repleksiyon ng isang nagpapatuloy na pakikibaka ng
mga kababaihang migrante sa realidad at mataas na pagtangkilik ng masa rito. Kung kaya’t
layunin ng pananaliksik na matukoy kung paano ipinakikita sa mga ganitong uri ng pelikula
ang istruktural na kahirapan ng lipunan sa pamamagitan ng paglalantad nito sa kalagayang
politikal, ekonomiko, at kultural na aspeto ng bansa, na sumusukat sa layunin nitong
magmulat.
6. Matukoy ang pananaw ng mga kababaihang migrante sa pagkokonteksto sa kanilang
pakikibaka sa loob ng pelikula;
8DIASPORAATPELIKULA
Karugtong ng pagsukat sa antas ng kahalagahan ng mga ganitong uri ng pelikula batay
sa mismong mga babaeng migrante ay ang pag-alam sa kanilang pananaw sa ganitong
midyum ng pagpapalaganap ng impormasyo’t kaalaman tungkol sa kanila.
9DIASPORAATPELIKULA
Konseptuwal na Balangkas
Nakasentro ang pag-aaral sa mga pelikulang Pilipinong nagtatampok ng pakikibaka
ng mga kababaihang migrante. Ikinakahon ng pananaliksik ang pagsusuri ng pelikula sa
mga aspeto ng laman, biswalisasyon, at kuwento (storyline). Samantala, nakakonteksto ang
pag-aaral sa kababaihang migrante sa mga aspetong pakikibaka ng mga OFW,
representasyon sa imahe ng kababaihan (women image representation), at mga karahasan
laban sa kababaihan (violence against women). Malinaw na inilalahad sa balangkas ang
ugnayan ng pelikula at kababaihang migrante na materyal na ipinapakita sa mga obrang
10DIASPORAATPELIKULA
*The Flor Contemplacion Story (VIVA Films:1995:Lamangan), A Mother’s Story (Star
Cinema:2008:Lazatin), at Migrante: The Filipino Diaspora (XITI
Productions:2012:Lamangan).
Bahagi ng pananaliksik ang pagtukoy sa kahalagahan ng OFW films batay sa
pananaw ng mga direktor at manunulat ng pelikula, mga kritiko at dalubhasa sa pelikula,
masang manunood, mismong mga kababaihang migrante, at ng Migrante International na
lahat ay kapwa maituturing na aspeto ng produksyon. Mahalaga na matukoy ang pananaw
ng mga direktor at manunulat sa kahalagahan ng mga nasabing obra dahil sa kanilang mga
isipan unang inihuhulma ang laman, biswalisasyon, at istorya ng mga pelikula. Bahagi ng
layunin ng pananaliksik ang malaman ang motibasyon ng mga direktor at manunulat sa
pelikula sa pagbuo ng mga natatanging obra – mula sa pagsusulat ng iskrip (script)
hanggang sa pagkuha ng bawat eksensa sa harap ng kamera. Sa labas ng isang production
staff ay mga kritiko at dalubhasa sa larangan ng Pelikula na sa kabuuan ay maituturing ding
bahagi ng obra dahil sa naiaambag nilang pag-aaral at kritikal na pag-aanalisa sa konteksto
at iba pang aspeto ng pelikula. Mahalagang makuha ang perspektiba ng mga kritiko’t
dalubhasa upang makakuha ng ibang anggulo ng paliwanag, na nakabatay sa malawak at
akademikong pananaw sa kahalagahan ng mga pelikulang tampok ang kababaihang
migrante.
Malaki ang partisipasyon ng masang manunood o audience ng pelikula sa pagsusuri
ng kahalagahan ng mga ipinalalabas sa pinilakang-tabing. Malinaw na sinasalamin ng
milyon-milyong kita sa takilya ng mga pelikula ang taas ng suporta at tindi ng pagtangkilik
ng masa. Ang pagtabo ng 24.8 milyong piso, sa loob lamang ng dalawang linggo, ng A
Mother’s Story (Star Cinema) ni John Lazatin (kung ikukumpara sa iba pang mga
pelikulang pinondohan ng mainsteam producers) ay manipestasyon ng pagtangkilik ng
masa na sumasalamin sa pagiging epektibo nito na mahamig ang manonood. Bagamat
bahagi ng masang manunood ang mismong mga kababaihang migrante, mahalagang
mabigyang pokus ang partikular nilang pananaw sa kahalagahan ng pagsasapelikula ng
kanilang mga karanasan. Sa tala ng Philippine Statistics Authority noong 2015, pumapalo
sa 51.1% ng kabuoang bilang na 2.4 na milyong Pilipinong migrante ang babae sa iba’t
ibang rehiyon ng mundo. Nakikita sa mga sandaling eksena sa ibang mga pelikula na ang
11DIASPORAATPELIKULA
karakter ng isang babaeng OFW o overseas Filipino worker ay may pagtangkilik din sa
mga pelikula’t teleseryeng gawa sa Pilipinas na kadalasa’y kilig ang emosyong ipinapakita
habang pinapanood ang mga loveteam na Pinoy. Ano kaya ang nagiging reaksyon ng mga
babaeng migrante habang nakikita ang sarili sa karakter ng isa ring babaeng OFW sa mga
pelikulang Pilipinong napapanood sa ibang bansa? Ang pelikulang The Flor
Contemplacion Story, na hango sa isang totoong pangyayari, ay mainam na halimbawa
para sa mga kababaihang migrante upang matukoy ang antas ng kahalagahan ng
pagsasapelikula para sa kanila – ‘nakikita ba nila ang kahalagahan at implikasyon ng
pagsasapelikula ng trahedyang nangyari sa buhay ni Flor Contemplacion bilang isang
migrante?’
May ilang mga pelikulang Pilipino ang nagtampok ng mga bidang babaeng OFW
gaya ng Milan (Star Cinema) ni Olivia Lamasan noong 2004. Sa pelikulang ito’y mas
nangibabaw ang romantisismo dahil ang primaryang uri ng pelikula ay romantiko-drama
at maliit na bahagi lamang ng mga eksena ipinakita ang hirap ng pagiging migrante ng mga
karakter. Kabilang din sa mga ganitong pelikula ay ang In the Name of Love (Star Cinema)
din ni Olivia Lamasan noong 2011 na na kinunan naman sa bansang Japan. Ipinakita rito
ang sakripisyo ng karakter ng bidang babae bilang danser sa Japan upang makalaya sa
bilangguan ang kasintahan. Bagamat mas nabigyang-empasis sa pelikulang ito ang bigat
ng trabaho’t sakripisyo ng babaeng migrante, mas nangibabaw pa rin sa buong pelikula ang
romantisismo.
Mahalagang bahagi sa pagsuri ng antas ng kahalagahan ng pagsasapelikula ng
pakikibaka ng mga kababaihang migrante ang perspektiba ng isang organisadong samahan
na araw-araw ay nahaharap sa iba’t ibang mukha ng karahasan at kuwento ng mga
Pilipinong migrante – ang Migrante International. Bagamat malaki ang papel ng Migrante
International maging ng ibang mga NGO sa pagtugon sa mga kaso at problema ng mga
Pilipinong migrante, hindi madalas na naipapakita ito sa mga pelikula, lalo’t higit ay sa
mga iprinodus ng malalaking korporasyon ng media. Mahalaga na makuha ang opinyon ng
Migrante sa pagtukoy ng kahalagahan upang matukoy kung epektibo ba ang mga uri ng
pelikulang pinoprodus sa pagpapataas ng diskurso ng masa sa realidad na kinahaharap ng
mga babaeng migrante.
12DIASPORAATPELIKULA
Nilalayon ng pag-aaral na masukat ang antas ng kahalagahan ng mga nasabing
pelikula upang mahimay ang mga naiaambag nito sa kamalayan at komunidad ng masang
manunood sa aspetong politikal, ekonomiko, at kultura.
13DIASPORAATPELIKULA
Sa tesis ni EJ Dela Cruz noong 2016 na may titulong ‘You Are What You Watch’, batid nito
na may epekto sa nabubuong identidad ng isang indibidwal at lipunan ang eksposyur sa mga uri
ng pelikulang napapanood at inihahain ng merkado. Bahagi ng pagbabagong-identidad ay ang
pagbabago ng antas ng kamalayan ng masang manunood. Bagamat may iba’t ibang uri o genre
ang pelikula – aksyon, pantasya, komedi, horror, musikal, historikal, drama kung saan nabibilang
ang mga obrang pokus ng pananaliksik, at iba pa – hindi mawawala ang panganganak ng mga
bagong kaalaman o personal na aral sa bawat pagtatapos nito. Nais bigyang pokus ng pananaliksik
ang mga pagbabago sa kamalayan ng masa sa aspetong politikal, ekonomiko, at kultural dahil
sumisibol mula rito ang pagbabago sa pagtingin ng masang manunood sa istruktura ng lipunan. Sa
bahaging ito’y nais suriin ng pag-aaral ang pagiging epektibo ng pelikula bilang midyum (medium)
ng pagpapataas ng panlipunang kamalayan sa mga manunood nito.
Karugtong ng pagbabago sa antas ng kamalayan ay ang pagbabagong hatid ng pelikula sa
lipunan. Bagamat maituturing na isang primaryang midyum ng komunikasyon at sining ang
pelikula, nananatiling malaking kuwestiyon kung may ganap bang ambag ang paglikha ng mga
pelikulang tampok ang mga panlipunang isyu sa komunidad o partikular na sektor na nagiging
paksa ng pagsasapelikula.
Kung titingnan sa imahe, mayroong putol-putol na linyang nakapalibot sa mga unang
tinalakay na bahagi ng balangkas at sa labas nito’y mga salitang ‘pagsusuri sa konteksto ng
pakikibaka ng migranteng kababaihan’. Ipinakikita ng bahaging ito na higit pa sa anim na layunin
ng pag-aaral ay ang kabuuang pagsusuri sa kinasasadlakang kalagayan ng migranteng kababaihan
na pagsisibulan ng tindig at panawagan ng buong pag-aaral. Nilalayon ng mananaliksik na sa
pagkakabuklod-buklod ng mga datos ay mabuo ang pagsusuri, na gaya ng pelikula, ay
makapagpapalinaw ng katotohanan at magbibigay-panawagan para sa sektor ng migrante at
kababaihan.
14DIASPORAATPELIKULA
Teoretikal na Balangkas
Nakasandig ang pag-aaral sa Marxismong dulog na kumikilala sa mga teoretikal na
konseptong ‘substructure’ at ‘superstructure’ ng lipunan kung saan itinuturing na base o
substructure ang aspetong pang-ekonomiko na mayroong mga pwersa at relasyon sa produksyon
na humuhubog sa katangian ng lipunang mayroon sa kasalukuyan. Mula sa ekonomikong base ay
sisibol ang superstructure kung saan ito ay mga aspetong panlipunan – kultura, politika, mga
panlipunang institusyon gaya ng media, edukasyon, relihiyon, at pamilya, na sumasalamin sa
interes ng naghaharing-uri (ruling class) na siyang kumokontrol sa ekonomikong base (Cole,
2016). Mas pinagtitibay ng teorya ni Karl Marx ang kahalagahan ng pag-aaral ng pelikula bilang
kultural na instrumentong sumibol at kasalukuyang pinagtitibay ang ekonomikong base ng
lipunan.
Sa pag-aaral ng migrasyon, gagamitin ng mananaliksik ang pinakaunang teorya sa
migrasyon na binuo ni Ernest Ravenstein noong 1889 kung saan ginamit nito ang datos sa census
ng England at Wales. Batid ng kanyang ‘Laws of Migration’ na ang migrasyon ay sinasakop ng
prosesong ‘push-pull’ kung saan ang hindi kaaya-ayang kondisyon sa isang partikular na lugar ang
nagtutulak (‘push’) sa mga taong umalis sa lugar samantalang ang mga paborableng kondisyon sa
labas ng kanilang lokasyon ang humihila (‘pull’) sa mga taong lumipat dito. Dagdag pa ng ‘Laws
of Migration’ ni Ravenstein, ang primaryang dahilan ng migrasyon ay ang mas maayos na
eksternal na ekonomikong oportunidad (Net Industries, 2016).
Batay sa modelo ng migrasyon ni Michael Todaro, Sa kabila ng malawakang kakulangan
sa trabaho sa mga urbang lugar, patuloy ang migrasyon ng mga mamamayan mula sa mga baryo
at rural na lugar. Isang ekonomikong penopenon diumano ang migrasyon kung saan pinipili ng
mga nandarayuhan ang lugar o merkado, urban o rural, kung saan namamaksimisa ang inaasahan,
at hindi aktwal, nilang kikitaing halaga (expected over actual gains). Sinusukat ang inaasahang
kita (expected gains) sa pamamagitan ng lamang ng halagang kikitain sa urban kaysa sa rural na
merkado at ang probabilidad na makakuha ng trabaho sa urban ang isang nandarayuhan. Ang
probabilidad na makakuha ng trabaho sa urbang merkado ay may baliktad na relasyon sa bilang
ng kawalang-empleyo sa urban (Economic concepts, 2016).
15DIASPORAATPELIKULA
Binibigyang paliwan ni Todaro kung bakit nagpapatuloy ang pagtaas ng bilang ng mga
lumilipat mula sa rural hanggang sa urban sa kabila ng mataas na bilang ng kawalang-empleyo sa
urban. Kung susuriin, bagamat sa migrasyong rural-urban nakapokus ang modelo ni Todaro, hindi
ito naiiba sa sitwasyon sa pandaigdigan migrasyon, maliban lamang sa usapin ng employment,
sapagkat nananatiling mataas ang demand para sa mga manggagawa sa ibang bansa. Dahil sa
mataas na probabilidad na magkaroon ng trabaho at malaking pagitan ng sahod sa Pilipinas at
destinasyong bansa, patuloy ang pagtaas ng bilang ng mga migrante. Ngunit batid ni Todaro, hindi
Imahe 1.1: Iskematikong balangkas ng analisis sa desisyong migrasyon. Mula sa Economicsconcepts.com (2016) sa http://economicsconcepts.com/michael_p_ todaro's_model_of_rural_urban_migration.htm
16DIASPORAATPELIKULA
sinusukat ng ganitong kaisipan ang bigat ng Psychic costs7 (Tingnan ang Imahe 1.1) na bahagi ng
halaga ng migrasyon (Cost of migration) kung saan isang napakalaking sugal ang pandarayuhan,
at ang taas ng probabilidad nila sa empleyo ay taas din ng probabilidad nilang makaranas ng mga
karahasan at diskriminasyon sa dayuhang bansa. Bilang pagsusuri, nakikita ng mananaliksik ang
papel ng media, partikular ng pelikula, bilang midyum na tagapagpalaganap ng mapanghamig na
kaisipan sa mga nagnanais mandarayuhan sa pamamagitan ng mas pagbibigay-diin sa usapin ng
mataas na sahod at empleyo sa kabila ng kawalang kasiguruhan sa kaligtasan.
Sa bahagi ng pag-aaral sa kababaihan, partikular sa aspeto ng karahasan at
misrepresentasyon, ginamit ng mananaliksik ang ‘Violence triangle’ ni Johan Galtung (1969),
batay sa paliwanag at pagtalakay ni Rajkumar Bobichand noong 2012 sa website ng Galtung
Institut, kung saan klinasipika ang tatlong uri ng karahasan: personal o direkta, hindi direkta o
istruktural, at kultural o simboliko.
Ang personal o direktang karahasan ay naka-ugat di umano sa kultural at istruktural na
karahasan. Kadalasan ay nasa porma ito ng pisikal na pananakit gaya ng rape, pagpatay,
pamamalo, at iba pang paraang direktang tinatamaan ang katawan. Ayon kay Galtung (1969),
nabibilang din sa ganitong porma ng karahasan ang berbal na pananakit at pananakot gaya ng
pagbabanta. Binigyang-kahulugan nito ang personal o direktang karahasan bilang porma na
bumabalakid sa isang indibidwal upang makamit nito ang mga pangangailangan at mataas na
potensiyal.
Kasabay na paglaki ng isang indibidwal ang pagsilang ng kultural na karahasan kung saan
mas namamayagpag ang mga makasaysayang kuwento ng giyera at tunggalian, na punong-puno
ng iba’t ibang mukha ng karahasan. Nabibigyang-atensyon lamang ang kaso ng pagpatay kung iisa
o iilang indibidwal ang naging biktima, ngunit sa usapin ng patayan sa mga giyera, mas
binibigyang-pokus ang pagkapanalo ng isang bansa o grupong umubos at pumatay ng daan-daan
7Psychic costs at Costs of migration – mga terminong ginamit ni Michael Todaro sa kanyang Migration model. Costs of migration ay laki at bigat ng isinaaalang-alang sa pandarayuhan gaya ng cost of living, transport costs, opportunity cost, at psychic costs. Ang Psychic costs ay sabset ng social cost kung saan nagiging insentibo ito o disbentahe sa pag-angat ng kalidad ng buhay (hal. stress at posibleng insidente).
17DIASPORAATPELIKULA
o libo-libong katao. Tila naging bahagi na ng kultura o pangkaraniwang kaalaman ang karahasang
iginuguhit sa kasaysayan (Bobichand, 2012). Ang istruktural na porma ng karahasan ay isang
bahagi ng pagsasalamin sa sistematikong kahirapan sa lipunan, kung saan isang partikular na
grupo, lahi, bansa, o sektor ang may monopolyadong kontrol sa mga rekursong na pinagmumulan
ng kanilang kapangyarihan sa ekonomiya at politika. Sa tatlong uri ng karahasang inilatag ni
Galtung (1969), maiu-ugnay ang pagtukoy sa ambag ng pagsasapelikula ng naratibo ng mga
babaeng migrante sa komunidad at kamalayan sapagkat ang unang hakbang sa paghahanap ng
solusyon at paggawa ng aksyon ay ang pag-uugat sa mga suliranin at pinagmumulan ng iba’t ibang
porma ng karahasang natatamasa ng paksa na sektor (Bobichand, 2012).
Sa tatsulok ng pag-aaral ni Galtung (1969), batid niya na ang direkta o personal na
karahasan ay naka-ugat sa isktruktal at kultural na karahasang laganap sa lipunan, na sa pag-igting
ng mga istruktural na pagpapanipula’y nagiging bahagi na ng kultural na porma ang mga tumitindi
at lumalalang direktang karahasan. Malaki ang ambag ng lohika ng ‘Violence triangle’ sa
pagsusuri sa karahasang natatamasa ng mga kababaihang migrante sa global na konteksto ng
migrasyon kung saan mula sa istruktural na aspeto, partikular sa manipulasyon at kontrol ng
malalaking bansa sa mga papaunlad na bansa, nagbunga ang paglago ng migrasyon na punong-
puno ng direktang karahasan sa mga migrante mula sa mga dayuhang amo. Nakararanas ng double
burden ang mga kababaihang migrante dahil maliban sa mga pisikal at berbal na pananakit, mas
bulnerable sila sa mga sekswal na karahasan. Sa kawalan ng aksyon at proteksyon sa mga
migrante, nanatili ang ganitong estado ng mga manggagawa sa abrod hanggang sa kasalukuyan
kung saan tinitingnan na lamang ang mga ganitong uri ng karasahan na bahagi ng buhay na pinasok
ng mga migrante. Dahil sa nahubog sa pagiging isang kultural na karahasan ang kalbaryo ng mga
kababaihang migrante, naging normal na rin ang pagsasapelikula ng kanilang pakikibaka, bagamat
sa loob ng mahabang panahon at marami nang nagdaang pagsasapelikula ay nananatiling sadlak
pa rin ang mga ito sa pare-parehong porma ng karahasan.
Iniuugnay ng mananaliksik ang konsepto ng ‘Violence triangle’ ni Galtung (1969) sa
peministang dulog (Feminist approach) sa karahasan kung saan isinasaad nito na ang karahasang
natatamasa ng kababaihan ay nakaugat sa patuloy na umiiral na patriarkal na katangian ng lipunan
o ang dominasyon ng kalalakihan sa lahat ng kasarian. Ang hindi pantay na pagkilala sa kasarian
at kapangyarihan ang mas nagpapaigting ng pagiging bulnerable ng kababaihan (Knowledge for
18DIASPORAATPELIKULA
Growth, 2011). Sa pagbibigay-diin sa kultural na porma ng karahasan ni Galtung, iniuugnay dito
ang peministang dulog kung saan ang mga pisikal na porma ng karahasan ay naka-ugat sa kultural
na kontekstong nagbibigay-permiso sa isang indibidwal upang gawin ang nasabing pananakit, na
naka-ugat sa pagtanggap ng lipunan sa loob ng mahabang panahon sa konsepto ng patriyarka na
nagbukas sa malawak na pagtanggap sa iba’t ibang porma ng karahasan (Ferraro & Pope, 2006).
Sa aspetong kultural, sasandalang dulog din ng pananaliksik ang Marxismo (Cultural
Marxism) kung saan mga kultural na analisis nina Antonio Gramsci (1985) at Walter Benjamin
(1969)8 ang pangunahing bibigyang-diin. Kinikilala ni Gramsci (1985) ang gahum (hegemony)
bilang instrumento ng nasakapangyarihang intelektwal at kultural na pwersa na nagbibigay sa
kanila ng kalayaan upang patuloy na magdomina. Malaki ang papel diumano ng mga institusyon
sa lipunang sibil – simbahan, media, eskuwelahan, pop culture, etc. – sa pagpapa-igting sa gahum.
Bahagi rin ng pinalalaganap ng mga ito ay ang pagsasakapangyarihan ng kalalakihan (male
supremacy) at partikular na lahi o etnisidad sa lipunan. Kombinasyon diumano ng hegemonya at
dominasyon o puwersa (ideological and repressive state apparata) ang pamamaraan ng
nasakapangyarihan upang mapanatili ang kasalukuyang porma ng lipunang pumapabor sa interes
ng iilan (Kellner, 2016).
Batid naman ni Benjamin (1969) na maaaring maghubog ng mga kritikal na indibidwal ang
kultura ng media na may kapasidad na suriin ang kanilang kultura katulad ng isang manonood ng
sports na kayang kilatisin at bigyang ebalwasyon ang mga atletikong aktibidad. Sa usaping
pampelikula, hinamon ni Benjamin ang mga progresibong manlilikha o alagad ng kultura na
baliktarin ang burges na layunin ng mga instrumentong pangkultura, partikular ang teatro at
pelikula, upang maging espasyo ng politikal na kamalayan at diskurso ang mga ito, at hindi lamang
maging pormang panlibang ng manonood (Kellner, 2016).
Ang ideya nina Gramsci at Benjamin ay magkaugnay sapagkat pinaliliwanag ni Gramsci
ang papel ng mga institusyon sa pagpapanatili sa kasalukuyang mapaniil na estado ng lipunan
habang pinupukaw naman ni Benjamin ang mamamayan na baliktarin at gamitin ang mga
institusyong ito, partikular ang media at pelikula, bilang negasyon sa mga ideolohiyang
pinalalaganap ng nasakapangyarihan. Malaking ambag ang mga kaisipang ito sa pananaliksik
8Batay sa paliwanag ni Douglas Kellner sa kanyang akademikong papel na Cultural Marxism and Cultural Studies (2016)
19DIASPORAATPELIKULA
sapagkat mas pinagtitibay nito ang pundasyon ng layunin ng pag-aaral sa pamamagitan ng
pagkilala sa kahalagahan ng pelikula sa pagpapataas ng panlipunang kamalayan.
Bilang panghuling teorya ng pananaliksik, nais nitong bigyang diin ang kahalagahan ng
konsentisasyon o Conscientization ni Paulo Freire mula sa Pedagogy of the Oppressed (1970) at
ang ‘V-effect’ o ‘Alienation effect’ ni Bertolt Brecht (1936). Nagmumula ang ideya ng
konsentisasyon sa isang mapagpalayang edukasyon o pagmumulat kung saan maaaring maging
midyum ang pelikula. Nakakamit ito sa proseso ng pakikipag-diskurso, repleksyon-aksyon-
repleksyon, at sintesis. Ayon kay Freire, nakakamit at mas napaiigting ang Conscientization sa
pamamagitan ng patuloy na pagharap sa mga sosyal, politikal, at ekonomikong kontradiksyon, at
ang patuloy na paggawa ng aksyon laban sa mga mapangahas na elemento ng lipunan. Mahalaga
ang papel ng pelikula, bilang daluyan ng impormasyon sa pagpapalaganap ng konsyentisasyon
sapagkat itinatampok nito ang iba’t ibang konteksto at isyu ng lipunan na nakapagbubukas-
kamalayan sa mga manunood. Ngunit bahagi lamang ang pelikula sa buong proseso sapagkat
upang mapalalim ang konsyentisasyon, nangangailangan ito ng mas kritikal na diskurso sa
pamamagitan ng mga mapagpalaya at hindi kolonyal na pang-akademikong pag-aaral.
Bagamat ginamit ni Brecht ang ‘V-effect’ sa konteksto ng teatro, mailalapat din ang
koseptong ito sa usaping pampelikula. Intensyon ng ‘V-effect’ na kumbinsihin ang mga manunood
na huwag lamang basta tanggapin ang mga nakikitang mga eksena kundi mag-isip at kritikal na
tingnan ito sa realidad na konteksto ng lipunan. Hinahamon ng ‘V-effect’ na basagin ng manunood
ang ilusyong nakikita at maunawaan na mayroong mas makatotohanang konsepto sa labas ng
teatro, o maging sa likod ng kamera. Malaki ang ambag nito sa pagbabago ng kamalayan ng
manunood ] sapagkat ginigising nito ang mga manunood na huwag magpakulong sa mga
problemang inihahain lamang ng bawat eksena sa sine kundi analisahin ang mas malawak at mas
malalim na ugat nito na hindi kadalasang bahagi ng mga ipini-frame ng mga pelikula. Dagdag pa,
binabasag ng ‘V-effect’ ang three-act scenario9 ni Aristotle na gaya sa mga pelikula hindi
9 Three-act-scenario ni Aristotle – pormang laganap sa mga naratibong pelikula kung saan nahahati sa tatlong akto ang pelikula. Sa unang akto ay ang pagpapakilala kung bakit dapat tunghayan ang pelikula, paglalakbay at pagpapakilala sa bida. Sa ikalawang akto nabibilang ang
20DIASPORAATPELIKULA
matatapos ito nang walang dumadating na solusyon sa mga suliranin ng bidang karakter.
Pinalalaganap ng konseptong ito ang pag-asa ng mga tao sa mga darating at panandaliang solusyon
sa lantad na problema. Mahalaga ang papel ng koseptong ‘V-effect’ dito sapagkat bahagi ng
binabasag nito ay ang pagsandal sa mga solusyon sa lantad na suliranin at ang kawalang bahid ng
pagsusuri at pagdiskubre sa mas kritikal na mga sulirani’t solusyon (Linatoc, 2016)10.
pinakamalalaking eksena ng pakikitunggali ng bida sa kontrabida. Ang huling akto ay pagbaba ng tama sa pelikula kung saan pinakikita ang kinahantungan at magandang pagwawakas ng pakikitunggali ng bida. 10Mula sa DS 122 (Alternative Development Models) lecture notes ng mananaliksik noong 2016
21DIASPORAATPELIKULA
Kabanata II Mga Kaugnay na Literatura
“I think it is a very serious indignant ng isang gobyerno na napapanatiling nakatayo ang ekonomiya dahil sa remittances ng mga mamamayan nitong alipin sa ibang bansa”
(Ilagan, B., 2017)
22DIASPORAATPELIKULA
I. Statistika at Propayl ng Kababaihang Migrante
Sa datos ng sarbey ng Philippine Statistics Authority (PSA) noong 2015, pumapalo sa 2.4
milyon ang bilang ng mga overseas Filipino workers (OFW) sa iba’t ibang bansa (PSA, 2016).
Ang OFW, ayon sa IBON, ay isang kolektibong terminong tumutukoy sa mga overseas contract
workers (OCW) at migranteng manggagawang walang kontrata, at tanging ang mga remittance na
napipiga sa mga ito ang pinakamalaking pinagmumulan ng foreign exchange ng bansa (IBON,
Enero 2006). 97.1 na porsyento ng mga OFW ang maituturing na OCW at 2.9 ang walang kontrata
(PSA, 2016). Kasalukuyang Pilipinas ang ikalawa sa mga bansang pinakanag-eeksport ng mga
migranteng manggagawa sa mundo. Mula sa 3,600 na OFW ang umaalis ng bansa araw-araw
noong 2009, pumalo na sa 6,000 manggagawa ang umaalis noong 2015 (CTUHR11, 2016).
Nananatiling Saudi Arabia pa rin ang bansang may pinakamaraming Pilipinong migrante batay sa
datos ng POEA noong 2014 (Tingnan ang Talahanayan 2.1). Samantalang nananatiling malaking
porsyento naman ng mga migrante ay service workers ang okupasyon sa ibang bansa (Tingnan
ang Talahanayan 2.2). 51.1 porsyento ng mga manggagawang nangingibang-bansa ay kababaihan
(PSA, 2016). Ayon kay Aida Santos sa kanyang sanaysay na The Philippines: Migration and
Trafficking in Women (2001), mas bata ang edad ng kababaihang sumasabak sa pagtatatrabaho sa
ibang bansa kumpara sa edad ng mga kalalakihan. Batay sa kanyang datos, 3 sa bawat limang
11 Center for Trade Union and Human Rights (CTUHR)
Talahanayan 2.1. Bilang ng mga Pilipinong migranteng may kontrata sa iba’t ibang bansa. Datos ng Philippine Overseas Employment Administration (POEA) noong 2014. Mula sa http://www.poea.gov.ph/ofwstat/compendium/2014.pdf
23DIASPORAATPELIKULA
babaeng OFW ang nasa edad 20 hanggang 34, habang 52.6% naman ng kalalakihang OFW ay
nasa edad 30-44 (Santos, 2001).
Sa sanaysay ni Sharon Lee na Issues in Research on Women, International Migration and
Labor sa librong Asian Women in Migration (1996), batid nito na nakararanas ng labor market
crowding o segementasyon ang mga kababaihang migrante kung saan narerekonsentra sa
limitadong industriya at trabaho ang mga ito. Ayon sa IBON, ang malaking bilang ng mga babaeng
migrante ay pumapatak lamang sa dalawang kategorya ng trabaho sa ibang bansa: (1) ang pagiging
domestic helper at (2) at pagiging entertainer (IBON, Agosto 2006).
Ayon kay Rolando Tolentino sa kanyang librong National/Transnational: Subject
Formation, Media, and Cultural Politics In and On the Philippines (2001), ang unpaid labor sa
bansang pinagmulan ay paid labor sa patutunguhang bansa kung kayat milyon-milyong
kababaihan ang tumangkilik sa trabahong ito. Bagamat malaking bahagi ng mga kababaihang ito
ay nakapag-aral, pinili ng mga itong iwan ang propesyon upang kumita ng mas malaki sa mga
menyal na trabaho (Tolentino, 2001).
II. Mga Pwersang Nagtulak sa Kababaihan sa Migrasyon
Naglatag ng 10 push and pull factors si Aida Santos, sa librong A Comparative Study of Women
Trafficked in the Migration Process (2001), na nagtataguyod ng female migration sa Pilipinas:
1. Ang mismong mga polisiya sa migrasyon ng gobyerno ng Pilipinas ay masiglang
isinusulong ang rekrutment ng kababaihan sa pamamagitan ng mga yunit ng pamahalaan
at ahensyang nagrerekrut;
Talahanayan 2.2. Bilang ng mga Pilipinong migrante sa iba’t ibang uri ng trabaho. Datos ng Philippine Overseas Employment Administration (POEA) noong 2014. Mula sa http://www.poea.gov.ph/ofwstat/compendium/2014.pdf
24DIASPORAATPELIKULA
2. Laganap ang gender stereotyping kung saan mas sinasadlak at kinukulong ang kababaihan
sa mga trabahong caregiving at enterteyment;
3. Ang paglala ng kahirapang nakakonteksto sa mga structural adjustment programs na
nagdudulot ng kawalan ng lupa ng mga rural na komunidad, na mas nagtutulak sa
kababaihan na maging manggagawa;
4. Ang pag-angat ng bilang ng mga female-headed households dulot ng pagbasag sa
tradisyonal na istruktura ng pamilya;
5. Kawalan ng oportunidad sa lokal na empleyo para sa mga kababaihan na nagtutulak sa
marami na pataasin ang antas ng kakayahan;
6. Papataas na pagsandig sa kababaihan sa usapin ng pagkakakitaan lalo na sa mahihirap na
pamilya;
7. Demand sa mauunlad na bansa para sa mga kababaihang migrante;
8. Pag-boom ng ekonomiya ng ilang bansa;
9. Pagsasarili ng ilang kababaihan sa usaping pampinansyal at personal sa mga bansang
pinagtatrabahuhan;
10. Ang pagiging normal na bahagi na ng lipunan ang prostitusyon at mga trabahong naka-
ugnay sa sex industry na kadalasang itinuturing na bahagi ng industriya ng enterteynment
Ang mga inilatag na push and pull factors ni Santos (2001) ay hindi lamang nakabatay sa
mga istruktural na kontektsto kundi mayroon ding personal na dahilan. Ngunit ang mga personal
na dahilan ay sekondarya lamang sapagkat nagmumula ang mga personal na pagnanais ng mga
migrante na magtrabaho sa ibang bansa dahil sa kahirapang kanilang kinasasadlakan na bunga ng
mga politikal at ekonomikong sistema.
Ayon pa rin sa A Comparative Study of Women Trafficked in the Migration Process (2001),
ang pagbagsak ng demand sa manggagawa kalalakihan sa Kanlurang Asya ang nagsilbing hudyat
sa mga manggagawang kababaihan na sumalang sa migrasyon. Dahilan din ang tradisyunal na
kaugaliang hindi dapat pinababayaan ng babae ang kanyang pamilya kung kaya’t dapat itong mag-
abroad kung saan mas malaki ang kita, ang natatamasang kalayaan ng kababaihang migrante sa
ibang bansa ay nakaiimpluwensya sa iba ring kababaihan (Raymond, 2001). Batid din ni Jean
D’Cunha, ang kinahinatnang kalagayan ng mga kababaihan bilang mga komoditing ineeksport ay
25DIASPORAATPELIKULA
dulot ng katangiang desentralisado, sab-kontraktwal ng produksyon, at export-oriented ng
globalisasyon at structural adjustment programs (Cunha, 2001). Malaki ang pakinabang ng
pamahalaan sa ganitong uri ng kalakaran sapagkat nakaaambag ito sa kabawasan ng utang
panlabas at nakapagpapataas ng remittance ng bansa. Ngunit ayon kay Raymond, hindi lamang
tipikal na kahirapan ang nagtutulak sa malawakang migrasyon ng mga kababaihan kundi dulot din
ng natural, ekonomiko, at politikal na kalagayan ng bansa kagaya ng mga interbensyong militar at
kalamidad (Raymond, 2001). Sinususugan ito ng datos ng IBON noong 2006 kung saan malaking
bahagdan ng mga kababaihang migrante sa Pilipinas ay mula sa mga rehiyon na biktima ng
militarisasyon, malawakang kawalan ng empleyo (massive unemployment), at labis na kahirapan
(abject poverty). Halos 23,154 babaeng migrante ang nagmula sa Maguindanao (IBON, Agosto
2006).
Maging mga propesyunal ay nahihila ng mataas na sahod at mas kompetetibong
pagsasanay sa ibang bansa. Sa tala ng IBON noong 2003, ang isang doktor sa Pilipinas ay naka-
iipon ng P50,000 kada buwan samantalang sumasahod and isang nars sa Estados Unidos ng $4,350
o P234,900 (P54 = $1) kada buwan (taong 2002-2005 nang magbukas ng kalahating milyong
oportunidad ang US para sa mga nars). Ngunit sa katotohanan diumano’y nakararanas ang mga
propesyunal ng ‘deskilling’ kung saan bumababa ang antas ng trabaho ng mga ito pagdating sa
ibang bansa (hal. ang nars sa Pilipinas ay nagiging caregiver sa Canada) (IBON, 2003). Ayon pa
kay Rolando Tolentino12, 100 milyong dolyar ang nareremit sa Pilipinas kada taon ng 50,000 mga
nars sa Estados Unidos. Batay diumano sa Alliance of Health Workers, ang diasporang ito ay dulot
ng tatlong istruktural na batayan: (1) kasalukuyang labor export policy ng gobyerno, (2) mahigpit
na istratehiya sa pagrerekrut ng mga lokal na internasyunal na ahensya, at ang (3) Kanluraning
oryentasyon ng edukasyong Nursing sa Pilipinas (Tolentino, 2001). Patunay lamang na hindi
lamang mga kababaihang may mababang natamong edukasyon ang umaasa sa magandang
oportunidad na inihahain ng migrasyon.
12 National/Transnational: Subject Formation, Media, and Cultural Politics In and On the Philippines (2001)
26DIASPORAATPELIKULA
III. Financial Remittance: Bunga ng Panggagatas
Tinalakay ng IBON sa kanilang isyu na Declining OFW Remittances ang pagiging
bulnerable ng mga papaunlad na bansa (developing countries) sa labis na pagsandal nito sa
remittance dulot ng mga krisis na nararanasan ng mga destinasyong bansa. Dahil sa krisis sa mga
mauunlad na bansa, naitalang nasa 210-239 milyon ang walang trabaho noong 2009 na sumalamin
sa 6.5% at 7.4% na pandaigdigang kawalan ng empleyo (global unemployment). Upang diumano’y
tugunan ng malalaking bansa ang resesyon, nagpatupad ang mga ito ng mga polisiyang ukol sa
paggagawa na nagpabawas ng kota sa mga tatanggapin at tuluyang nagtanggal ng mga migranteng
manggagawa (IBON, Hulyo 2009).
Sa ginawang sarbey ng Bangko Sentral ng Pilipinas noong 2009, lumalabas na halos 75% ng
mga pamilyang sumasandig sa remittance ay nagagamit lamang ang pera para sa mga primaryang
pangangailangan gaya ng pagkain, edukasyon, at medikal na gastusin, 11% ang napakikinabangan
ang pera upang makabili o makapagpaayos ng bahay, 6% ang nakapaglalagak pa sa investments,
at 5.5% ang nakabibili ng mga sasakyan. Lumalabas diumano sa resulta ng sarbey na hindi
nailalaan ang mga remittance sa pagpapaunlad ng agrikultura o industriyal na produksyon, kundi
ay bilang mga pambayad sa mga pampublikong serbisyong dapat ay tinutugunan ng pamahalaan
(IBON, Hulyo 2009).
Binigyang-diin din ng IBON sa isyung ito ang uri ng mga trabahong tinatanggap ng mga
OFW ay repleksyon ng desperasyon ng mga Pilipino na maka-ipon ng sapat na kita sapagkat 76.5%
ng mga ineksport na manggagawa noong 2007 ay mga low-skilled o unskilled workers (IBON,
Hulyo 2009).
Kontra sa dahilang walang sapat na trabaho sa Pilipinas, ayon sa Philippine Labor and
Employment Plan (2011-2016), job mismatch ang dahilan ng kawalan ng empleyo ng marami.
Kung kaya’t sa halip na gumawa ng mas maraming trabaho ang gobyerno, mas binibigyang-pokus
nito ang job facilitation kung saan nagsisilbing ahensya ng rekrutment ang pamahalaan sa mga
OFW. Malaking bahaging sinasaklaw ng 22-Point Agenda ni dating Pangulong Noynoy Aquino
ay nakapokus sa labor export policy na nagpapabilis ng pag-eeksport sa mga mangagawa. Hindi
nahadlangan ng tumataas na bilang ng pagpatay sa mga OFW, ng pagkalat ng malalalang sakit sa
27DIASPORAATPELIKULA
Middle East, at ang krisis sa ekonomiya ng mga bansa sa Europa ang pagsandig ng dating pangulo
ang labor export policy (CTUHR, 2016).
IV. Diskriminasyon at Karahasan sa Migranteng Kababaihan
Ayon kay Noeleen Heyzer at Vivienne Wee, sa Domestic Workers in Transient Overseas
Employment: Who Benefits, Who Profts sa librong The Trade in Domestic Workers: Causes,
Mechanisms, and Consequences of International Migration (1994), ang mga gawain sa bahay ay
itinuturing diumanong ‘dirty work’ na kusang kayang gawin ng kababaihan kahit walang
pagsasanay. Dulot ng ganitong pagtingin, itinuturing diumano ang empleyo sa domestikong
serbisyo bilang impormal na trabaho (informal work) at hindi ‘formal waged employment’ (Heyzer
& Wee, 1994).
Dagdag pa nina Heyzer at Wee, ang mga negosyong umunlad dahil sa pakikipagkalakalan
ng mga kababaihang kasambahay ay tumubo diumano mula sa debalwasyon ng domestikong
trabaho bilang gawaing-pangkababaihan, opportunity cost ng pagtalima ng mga kababaihan sa
edukasyon at alternatibong empleyo, at kakulangan ng legal na proteksyon ng mga manggagawang
komoditi ng pandaigdigang kalakalan ng paggawa (Heyzer & Wee, 1994).
Seryosong usapin sa mutinasyonalismo at transnasyonalismo ang pagiging bulnerable at
atrasado ng kondisyon ng kababaihan sa trabaho na tinalakay ni Rolando Tolentino sa kanyang
librong National/Transnational: Subject Formation, Media, and Cultural Politics In and On the
Philippines (2001). Isinalarawan ni Tolentino ang epekto ng multinasyonalismo sa pamamagitan
ng mga trabahong binuksan ng mga export processing zones (EPZs) sa mga kababaihan.
Nasasadlak sa murang lakas-paggawa (cheap labor) at manwal at tradisyunal na gawaing
pangkababaihan ang mga manggagawang babae dulot ng dibisyon sa trabaho batay sa kasarian
kung saan ang mabibigat na industriya (heavy industries) gaya ng pagmimina, pagmamanupaktura
ng mga makinarya at ekwipment ay sa mga lalaking manggagawa lamang napupunta, at ang
itinuturing na light industries naman gaya ng pagpoproseso ng pagkain, pagmamanupaktura ng
mga tela at damit, ang agad ibinibigay sa kababaihan. Ang mga trabaho diumanong ibinibigay sa
mga kababaihan ay paulit-ulit at tila iisang gawain (monotonous task) lamang na hindi
nakatutulong upang tumaas ang antas ng kaalaman at kakayahan ng kababaihan sa ibang trabaho.
28DIASPORAATPELIKULA
Dahil dito, nasasadlak sa kawalan ng alternatibong trabaho at mga dead-end jobs ang mga
kababaihan. Dagdag pa, ang bilang ng mga kababaihang may trabaho ay nahahati sapagkat mas
binubuksan ng mga employer ang oportunidad para sa mga hindi pamilyadong babae upang
mapanatiling mababa ang kaso ng absenteismo (absenteeism) at mas may lakas na kayanin ang
bigat ng trabaho (Tolentino, 2001).
Dagdag pa ni Tolentino na ang militarisasyon bilang isang manipestasyon ng
neokolonyalismo ay nagpapalala at nagpapasikip sa daan ng kababaihan tungo sa maayos at
makataong trabaho. Ang pagbubukas ng mga base militar ay nagbukas din ng mga komersiyal na
libangan para sa mga dayuhang sundalo na naging pintuan ng karahasan para sa mga kababaihan.
Deskripsyon dito ni Tolentino na tila mga magnet ang mga base militar na umaaakit sa
naghihikahos na mga katawang mula sa mga rehiyong pinakasadlak sa kahirapan. LBFM o ‘little
brown fucking machines’ ang taguri sa mga kababaihan ng mga dayuhang sundalo (Tolentino,
2001).
Sa ulat ng United Nations Development Fund for Women (UNIFEM) noong 2003 sa
Human Rights Protections Applicable to Women Migrant Workers, maraming kababaihang
migrante ang bagamat may kontrata ay hindi naman nauunawaan ang laman nito, hindi
nakatatanggap ng kopya nito, at hindi nakamamalay na napalitan na ang laman ng kontrata. Ang
kawalan ng akses sa kontrata ng mga kababaihang nasa impormal o ilegal na sektor ay hadlang sa
kanilang malayang pag-akses sa mga korte at institusyon ng hudikatura. Ayon din diumano sa
International Labour Standards (ILO), ang pangunahing dahilan ng eksploytasyon at sapilitang
paggawa (forced labor) ay ang hindi pagpapatupad ng mga ‘labour standards’ ng mga bansa.
Talamak diumano sa mga ilegal na ‘domestic worker’ ang kaso ng labis na seklusyon (Seclusion)
kung saan ginagamit na dahilan ng mga employer ang kanilang pagiging ilegal upang ikulong sila
sa loob ng bahay o pinagtatrabahuhan. Kadikit ng pagkukulong sa mga migrante ay ang
pagkukumpiska sa mga pasaporte at dokumento ng mga manggagawang ito upang hindi makatakas
diumano sa mga employer (UNIFEM, 2003).
Hindi garantiya ang legal na rekrutment o migrasyon upang maligtas sa sekswal na
eksploytasyon ang mga migrante. Ilan sa mga porma ng eksploytasyong inilatag ni Santos ay:
29DIASPORAATPELIKULA
sapilitang paggawa o serbisyo, labis na pang-aalipin, ilegal na pagkukulong o detensiyon,
pagkakait ng pera at pagkain, pagtatali sa kanila sa utang, pagkakait ng sosyalisasyon, lampas sa
oras na pagtatrabaho. Naharap din diumano ang mga biktima sa sekswal na ekspolytasyon upang
makabayad sa pagkakautang (Santos, 2001).
Sa pag-aaral ni Aida Santos (2001), inilatag nito ang anim na sitwasyon na mas
nagpabulnerable sa mga kababaihan sa seksuwal na trafficking at eksploytasyon:
(1) Kahirapan at kawalan ng ekonomikong oportunidad
(2) Mababang antas ng natamong edukasyon at kakulangan ng inpormasyong ibinibigay sa
proseso ng rekrutment
(3) Kasaysayan ng seksuwal na pang-aabuso
(4) bigat ng impluwensya ng pamilya
(5) Pagnanais ng kababaihan sa personal at ekonomikong pagpapasya
(6) Mga kuwento ng nagtagumpay na migrante sa ibang bansa (Santos, 2001).
Naglatag din si Santos na mga karahasan at pagmamaltratong nararanasan ng mga
kababaihang migrante sa ibang bansa: pagkakakulong, pagkahawa sa mga sexually-transmitted
diseases, pisikal at mental na karamdaman, pang-aabusong sekswal, maagang terminasyon ng
kontrata, pagtatrabaho ng lampas sa itinakdang panahon sa kontrata, pagtakas, kamatayan, at
problema sa pamilya.
Sa tala ng Migrante noong Hunyo 2015, 11 kababaihang Pilipino ang nakakulong sa ibang
bansa ang nasa ilalim nila kung saan dalawa ang nasa death row. Naglatag ang Migrante ng mga
suliraning kinahaharap ng mga migranteng Pilipinong nasa piitan na manipestasyon diumano ng
kakulangan sa serbisyo ng pamahalaan upang masiguro ang kaligtasan ng mamamayan nito. Ilan
sa mga suliranin ay ang (1) kawalan ng representasyon sa mga panahon ng pag-aresto at
imbestigasyon, (2) kawalan ng mga pribadong abogado sa panahon ng prosekusyon, (3)
pagsasantabi sa pamilya ng mga migrante sa panahon ng paglilitis sa kaso, at (4) hindi paghingi
ng pamahalaan ng ibang legal na aksyon upang magkaroon ng makatarungang paglilitis sa kaso
ng mga nasa death row (Migrante International, 2015).
30DIASPORAATPELIKULA
Talamak din sa mga migrante ang kaso ng misteryosong pagkamatay o mysterious deaths
kagaya ng ibinalita ng Pinoy Weekly noong Nobyembre 14 2016, namatay ang isang tatlong
buwan pa lamang na OFW sa Saudi na si Irma Jotojot dahil sa labis na pagdurugo at mga bugbog
sa katawan (Pinoy Weekly, 2016).
Sa usapin ng diskriminsyon sa kasarian, inihain din ng ulat ng UNIFEM (2003) ang tatlong
penomena sumasalim dito – (1) Gender Wage Gap, (2) Segregasyon sa merkado ng lakas-
paggawa (Labour Marker Segregations), at (3) Glass Ceiling. Sa ulat diumano ng ILO, kumikita
lamang ang kababaihan ng 20-30% ng kinikita ng kalalakihan. Mayroong uganayan ang gender
wage gap sa labour market segregation kung saan hinihiwalay batay sa kasarian ang trabaho sa
merkado at naiiwan sa kababaihan ang magagaang trabaho na may mabababang sahod (UNIFEM,
2003).
Tinalakay din ni Tolentino13 ang kalagayan ng mga sex worker sa Japan kung saan
entertainer ang oryentasyon ng trabahong iniaalok sa mga Pilipina ngunit isang iskema lamang
pala ito upang maabot ang demand sa sex market sa Japan (Tolentino, 2001). Ayon kay Judy
Taguiwalo sa kanyang librong Intensifying Working Women’s Burdens: The Impact of
Globalization on Women Labor in Asia (2005), isang eupemismo (euphemism) ng prostitusyon
ang industriya ng entertainment sa ibang bansa kung saan bagamat ipinasasailalim ang mga
kababaihan sa kultural na pagsasanay, sa mga bar din ang ibinabagsak ang mga ito. Laganap din
ang mga kaso ng human trafficking at white slavery sa ibang bansa kung saan maraming
kababaihan ang natulak sa prostitusyon sapagkat sila’y minsang pinangakuan ng trabaho
(Taguiwalo, 2005).
Ang pagsasapelikula ng pakikibaka ng kababaihang migrante at iba pang sektor sa lipunan
ay hindi isang bagong penomenon sapagkat ayon kay Denise Youngblood14 (1992), ginamit ng
Soviet Russia noong 1920s ang pelikula bilang midyum na makatutulong sa pagbasura ng burges
na ideolohiya sa kanilang sosyalistang lipunan. Naniniwala ang pamahalaan ng sosyalistang
13 National/Transnational: Subject Formation, Media, and Cultural Politics In and On the Philippines (2001) 14Movies for the masses: Popular cinema and Soviet sciety in the 1920s (1992)
31DIASPORAATPELIKULA
Russia na pelikula ang pinakabatang midyum ng sining kung kaya’t ito ang may pinakamaliit na
impluwensiya mula sa burges na kultura (Youngblood, 1992).
V. Pelikula bilang instrumento ng pagmumulat
Sa librong Cinematic Sociology, nakasaad na sa sosyolohikal na perspektiba,
nakakonteksto ang pagsusuri sa pelikula sa kung anong mga naratibo ang tinatalakay at kung paano
ipinakikita o isinasalaysay ito sa isang pelikula. Mayroong apat na tema sa sosyolihiya kung saan
maaaring ikonteksto sa pagsasapelikula: (1) identidad, kung saan nakasentro ang maraming
pelikula sa pag-unlad ng isang karakter; (2) interaksiyon, kung saan isinasalaysay sa pelikula ang
mga interaksiyong sosyal ng mga karakter maging ang pagkakahiwalay (isolation/separation) ng
isang karakter sa iba; (3) di pagkakapantay-pantay (inequality), kung saan dito naka-ugat ang
dayalektika na mga pelikula na makikita sa porma ng uring panlipunan, lahi, kasarian, etc.; at (4)
mga institusyon na humuhubog sa mga karakter sa pelikula na mas nagpapatibay ng kanilang
identidad (Sutherland and Feltey, 2010).
Batay din sa nasabing libro, ang paggamit ng conflict perspective sa pelikula ay pagkilala
na ang pelikula ay nabuo at ginawa na may pagsandig sa pang-ekonomikong relasyon ng
kapangyarihan (economic relations of power), at hindi lamang isang ordinaryong rekord ng mga
pangyayari sa lipunan (Sutherland and Feltey, 2010).
Ayon kay Peter Hopkinson (1971), ang pelikula kagaya ng ibang porma ng mass media ay
mahalagang instrument upang makapagpalaganap at magturo ng iisang wika tungo sa pambansang
pagkakaisa. Ang patuloy o walang humpay na pagpapalaganap sa bawat rehiyon ng bansa ng
impormasyon ay mahalagang hakbang upang makamit ng pamahalaan ang pampolitikang
partisipasyon ng mamamayan. Tulad ng mga peryodiko at radyo, maaari ring magpalaganap ng
mahabang ideya at kaalaman ang pelikula sa mga larangan gaya ng agrikultura at kalusugan. Ang
kakulangan diumano sa mga ahenteng mamamayan at social workers na gumagabay sa pagbibigay
ng instruksiyon at kaalaman sa mga mamamayan, ay maaaring punan ng partisipasyon ng pelikula.
Maging sa larangan ng edukasyon, malaki rin ang maiaambag ng pelikula sa pagtuturo ng mga
bagong kurikulum hanggang sa training. Sa bahagi naman ng katutubong kalinangan, makikita
32DIASPORAATPELIKULA
ang ambag ng pagsasapelikula sa pamamagitan ng pagrerekord at pagpapalabas ng mga kultural
na gawain ng mga katutubo upang hindi ito tuluyang makalimutan (Hopkinson, 1971).
Ayon kay Bienvenido Lumbera sa kanyang akdang PELIKULA: An Essay on the
Philippine Film: 1961-1992, malaking bagay sana ang pelikula bilang educational tool kung
maayos na pinalalakad ng gobyerno, sa pamamagitan ng mga polisya, ang industriya ng pelikula
at hindi tiningnan lamang ito bilang porma ng pagkakakitaan. Malaki diumano ang papel ng mga
pelikulang nilikha bilang porma ng pag-aklas noong panahon ng Martial Law sa pagpapalaganap
ng mga konseptong ‘isip-talangka’, pambansang pagkakakilanlan, at pambansang kalayaan.
Pinatutunayan ng naging pag-aaral ni EJ Dela Cruz sa kanyang ‘You Are What You Watch:
The Role of Film in Identity Formation and Development in the Philippines’ (2016), na nakalilikha
ng positibong aksyon ang eksposyur sa mga manonood ng mga pelikulang tumatalakay sa mga
isyung panlipunan. Batid nito ang kahalagahan ng Mirror Hypothesis kung saan mayroong
ugnayan ang pagiging makatotohanan ng laman ng mga pelikula sa positibong pananaw at aksyon
ng manonood. Pinatunayan din ng kanyang pag-aaral ang naiaambag ng politikal na mga pelikula
sa ekonomiya na maaaring kumumbinsi sa pamahalaan na suportahan ang industriya ng pelikula
(Dela Cruz, 2016).
Kinikilala ni Joel David sa kanyang librong Wages of Cinema: Film in Philippine
Perspective (1998), na malaki ang epekto sa pelikulang Pilipino ng mga nagdaang kolonisasyon
sa bansa. Ayon kay Nick De Ocampo, pelikula ang huling pabaon ng Espanya at isa sa pinalawak
ng Amerikano at Hapones na industriyang panglibangan sa bansa (De Ocampo, 2016). Sa labis na
impluwensya ng mga kolonyalistang bansa, ang pelikula ay isa sa pangunahing nagpalaganap at
natakda ng lingua franca ng bansa sapagkat itinatakda ito ng mga may kontrol sa pagpoprodus ng
pelikula. Binanggit ni David si Bienvenido Lumbera sa sinabi nitong ang eksploytasyon sa pelikula
ay may malaking ugnayan sa kolonyalismo na walang humpay na tinatanggap naman ng masa
bilang porma ng komunikasyon at libangan (David, 1998).
Isa mga puna ni Emmauel Reyes sa pelikulang Pilipino, sa kanyang librong Notes on
Philippine Cinema (1989), ay ang konsepto ng overt representation kung saan talamak sa mga
pelikula ang kawalan ng lalim at intelektwal na konsepto. Malaking bilang diumano sa bansa ang
33DIASPORAATPELIKULA
walang akses sa edukasyon kung kaya’t maaaring hindi maka-ugnay sa pelikula ang malaking
bahagdan ng manonood kung kaya’t mas ginugugol ang mahabang oras ng pelikula sa pagpapakita
ng eksahirasyon, repetisyon, at daykotomi na pumipigil sa naratibo ng pelikula na mas lumalim at
umunlad. Problema rin, ani niya, ang pagkain ng malaking bahagi sa pelikula ng mga digression
o mga eksenang walang mahigpit na relasyon sa primaryang suliranin na lalong humahadlang sa
malalim na pag-unlad ng naratibo ng mga mainstream na pelikulang Pilipino. Binanggit ni Reyes
sa bahaging ito ang kosepto ng ‘tranquilizing effect’ ng pelikula kung tawagin ni Renato
Constantino kung saan naliligo sa pantasya ang mga pelikulang Pilipino (Reyes, 1989). Bahagi ito
ng nilalayon ng pananaliksik – ang mabasag ang mga hindi makatotohanang aspeto sa mga
pelikulang primaryang itinitema ang isyu ng migrasyon ng kababaihang migrante.
Tinalakay ni Choy Pangilinan (2016), sa kanyang paksang ‘Problematisasyon sa ugnayan
ng bansa at pelikula sa konteksto ng pambansang pelikula: Tungo sa makabayan at partisanong
sine’, na upang maging malinaw kung ano ba ng kahulugan ng pambansang sinema ay dapat
malinaw muna kung ano ang kahulugan ng bansa sa mga mamamayan. Mula sa punto de bista ni
Pangilinan, kinikilala nito na ang Pilipinas ay nananatiling malakolonyal at malapyudal, at
nahaharap sa maraming krisis tulad ng kawalang akses sa batayang serbisyo, militarisasyon sa
kanayunan, labis na migrasyon, patuloy na paglabag sa karapatang pantao, etc.
Dagdag pa ni Pangilinan (2016), ang pelikula ay bahagi ng kultura na kung saan ang
kultura, na salamin ng lipunan at identidad, ay kinokonkretisa upang ipasok ang politikal at
ekonomikong layunin. May mahigpit na ugnayan ang may hawak ng dominanteng kultura sa may
hawak ng politika at ekonomiya. Ngunit malaking bagay din ang kultura upang pagmulan ng
panibagong bisyon at kritikong bansa at bilang espasyo ng pag-aklas at pagtutol.
Isang mahalagang punto ni Pangilinan sa usapin ng problema sa pagtatakda kung ano ang
pambansang sinema ay ang usapin ng kanonisasyon kung saan ang ideolohiya ng isang pelikula
ay nakasandig sa ideolohiya ng institusyong nagkanonisa sa mga pelikulang ito. Binigay niyang
halimbawa ang Cinemalaya ng Cultural Center of the Philippines (CCP) kung saan hindi diumano
maituturing na alternatibong sinema ang Cinemalaya sapagkat produkto ito ng isang elitistang
kultural na institusyon na kilalang anti-manggagawa at oligarkiya (Pangilinan, 2016). Ipinakikita
34DIASPORAATPELIKULA
ng kanyang paliwanag ang pagkaroroon ng power relations sa paggawa ng pelikula na
nakapagbibigay-lamat sa pagkakakilanlan ng lipunan sa pelikula sapagkat ang alternatibong
sinema ay nagpapalakas ng boses diumano ng pag-aklas ng mamamayan.
VI. Mukha ng Kababaihan sa Pinilakang-tabing
Sa bahaging The World on Her Shoulders ng librong Notes on Philippine Cinema (1989)
ni Emmanuel Reyes tinalakay nito ang pangkaraniwang kalagayan ng karakter ng bidang babae sa
isang pelikula. Ayon kay Reyes, kadalasang pinalalabas ng mga pelikula na ang sariling ambisyon
ng isang babae ang nagiging ugat ng pagdurusa nito. Sa apat na dekada diumano ng melodrama sa
pelikula, nananatiling umiikot sa tunggalian ng mayaman o mahirap ang sentral na suliranin sa
naratibo. Nilatag ni Reyes ang kadalasang pinatutunguhan o kapalaran ng karakter ng babaeng
bida, na inihambing niya sa karakter ni Sharon Cuneta sa ‘Pasan ko ang Daigdig15’: (1)
Nakatatagpo ng suwerte sa buhay ang karakter na tila ito ang nagpapa-angat sa kanya mula sa
kinasasadlakan nitong kahirapan; (2) ang tagumpay na nakakamit ay nakabatay sa materyal na
kayamanang nakukuha ng babaeng karakter; (3) sinususugan ng ganitong naratibo ang paniniwala
ng isang relihiyon na ang pagdurusa ay mabuti kung kaya’t walang humpay ang pagtitiis ng mga
karakter na babae sa pang-aapi; (4) Bahagi na ng buhay ang kahirapan kung kaya’t hindi
kinukuwestiyon ng mga karakter sa ganitong naratibo ang kanilang kalagayan bagkus ay aasa na
lamang sa kapalaran sa pag-ahon; at (5) laganap na ‘isip-talangka’ kung saan ang mga mahihirap
ay kanya-kanyang diskarte sa pag-ahon at paninira ng pag-ahon ng kapwa mahirap, nakikita nito
bilang kakumpitensya ang imbis na kapwa biktima ng kahirapang kanilang kinasasadlakan (Reyes,
1989).
VII. Si Flor sa Kamera: Ang Kababaihang Migrante sa Pelikulang Pilipino
Tinalakay ni Alice Guillermo sa kanyang sanaysay na The Filipina OCW in Extremis sa
librong Geopolitics of the Visible (2000) ni Rolando Tolentino ang naratibo ng mga kababaihang
migrante na kadalasang tinatampok sa mga pelikula. Ang pakikibaka ng mga kababaihang
migrante na naging biktima ng karahasan sa ibang bansa ay sinubaybayan sa balita ng maraming
15 Pasan ko ang Daigdig (1987): Lino Brocka (Direktor), Pablo Gomez (Manunulat)
35DIASPORAATPELIKULA
tao, anuman ang kanilang uring kinabibilangan. Agaran namang kinukuha ng mga produser ng
pelikula ang pagkakataong itampok ang mga naratibong ito oras na humantong sa pagwawakas
ang kani-kanilang mga kaso upang makalikom ng malaking tubo mula sa mainit na isyu at upang
ilantad ang kahirapang nararanasan ng mga OCW. Binigyang diin ni Guillermo dito bilang
halimbawa ang naratibo ni Flor Contemplacion, isang kasambahay sa Singapore na binitay noong
1995 dahil sa akusasyong pagpatay sa kapwa nito Pilipino at isang batang Singaporean.
Inihayag ni Guillermo na karaniwang tema sa mga naratibo ng mga manggagawa sa ibang
bansa ang pagpapahala ng mga ito sa edukasyon ng mga anak o miyembro ng pamilya bilang
solusyon sa kahirapan. Sa pagbibigay kritisismo nito sa tatlong pelikulang nagtampok kay Flor
Contemplacion16, sa iba’t ibang porma diumano ipinakita ang hirap na kinasadlakan ni Flor –
maaaring sa pagpapakita ng pamilyadong buhay nito at ang pagkasira ng relasyon nila ng kanyang
asawa, maaari ring sa pagpapakita ng hirap at bigat ng kanyang trabaho bilang domestic helper, o
sa pagpapakita ng aysolasyong naranasan nito habang nasa piitan sa Singapore habang naghihintay
ng araw ng kamatayan nito (Guillermo, 2000).
Ipinakilala rin ni Guillermo sa bahaging ito ang naratibo ni Sarah Balabagan, isang
dalagang Muslim na nakapaslang ng amo dahil sa tangkang panghahalay nito, at Delia Maga, ang
kaibigang domestic helper sa Singapore ni Flor Contemplacion na pinatay ng amo matapos
malunod sa banyo ang alagang may epileptic na kondisyon. Ang naratibo ng tatlong domestic
helper na ito ay may pagkakapareho kung susuriin ang panlipunang konteksto. Lumilitaw sa
kanilang mga istorya ang kanilang pyudal na kalagayan sa isang rural na lipunan na walang
kapasidad mapag-aral ang mga anak at matustusan ang iba pang primaryang pangangailangan.
Pinakikita sa mga pelikulang nagtampok ng naratibo ng buhay nina Flor Contemplacion at Delia
Maga ang oportunidad na makapagtrabaho sa ibang bansa bilang natatanging solusyon sa
kahirapan. Mas pinalilitaw pa ng mga naratibo ng mga migranteng ito ang kalagayan ng isang
16 Tatlong pelikulang nagtampok ng naratibo ni Flor Contemplacion: (1) The Flor Contemplacion Story (1995), Joel Lamangan (Direktor), William Leary (Produser), VIVA Films; (2) ‘Victim No. 1 Della Maga, Jesus Pray for Us!’ (1995), Carlo Caparas (Direktor), Regal Films & Golden Lions Films, (3) ‘Bagong Bayani’ (1995), Tikoy Aguiluz (Direktor), VIVA Films
36DIASPORAATPELIKULA
pesante sa kanayunan ang nararanasang hirap ng naiwang pamilya – ang maltratong nararanasan
ng mga anak mula sa mga pinag-iwanang kamag-anak, at ang pangangaliwa at labis na
alkoholismo ng kanilang mga asawa (Guillermo, 2000).
Tinalakay din ni Rolando Tolentino ang mga pelikulang nagtatampok ng mga kababaihang
migrante sa kanyang Globalizing National Domesticity: Female Work and Representation in
Contemporary Women’s Films (2009). Ayon sa kanya, naging bahagi na ng maraming
melodramang pelikula at serye ang maglagay ng mga karakter na babaeng migrante. Ilan sa mga
mayoryang halibawang pelikula na binanggit ni Tolentino ay ang Anak17 kung saan pokus
diumano ng pelikula ang implikasyon ng absentee mothering, at Milan18 na nakasentro sa isang
romantiko-dramang tema na pinagbidahan ng malalaking artista ng ABS-CBN. Ang paggamit
diumano ng malalaking artista at paksa ng mga migrante ng malaking korporasyong pampelikula
ay maituturing na malaking tabo para sa pelikula (Tolentino, 2009).
Sa pagsasalarawan ni Alice Guillermo sa karanasan sa ibang bansa ng mga biktimang
kababaihan, lumilitaw ang malaking agwat at pagtatangi sa uri sa pagitan ng mga domestic helper
at employer na pinakikita sa porma ng komunikasyon at pagkontrol ng amo sa sahod ng
kasambahay. Pinakikita sa suliranin sa komunikasyon, sa mga eksena sa pelikula, ang malaking
agwat at pagkakaiba ng kultura ng mga Pilipinong kasambahay at dayuhang employer. Litaw na
litaw din diumano, sa mga pelikula, ang mukha ng patriyarka kung saan pinakikita ng kalalakihan
– maging amo, bilanggo, o miyembro ng pamilya, ang pagdodominisa at pagtrato ng mga ito sa
kababaihan bilang mas mababang uri. Mas nabigyang-diin ang isyung ito sa pelikulang nagtampok
ng karanasan ni Sarah Balabagan. Ang labis namang melodrama sa mga OFW films ay nagpapakita
ng pinagdaan emosyonal at sikolohikal na depresyon ng mga biktima (Guillermo, 2000).
Tinalakay ni Rolando Tolentino, sa introduksyon ng librong A Reader in Philippine Film:
History and Criticism (2014) ang epekto ng pelikula bilang ideolohiya. Mayroong relasyon dito
17Anak (2000): Rory Quintos (Direktor), Trina Dayrit (Produser), Star Cinema 18Milan (2004): Olivia Lamasan (Direktor), Charo Santos-Concio & Malou Santos (Produser), Star Cinema
37DIASPORAATPELIKULA
ang naunang sinabi ni Pangilinan sa ugnayan ng ideolohiya ng pelikula at ng institusyong
nagtatakda. Batid ni Tolentino na mas madalas umaayon sa gahum ang mga pelikula kaysa
kumokontra ngunit sa pamamagitan ng pagbabasa at mga gawiang kultural maaaring ding
makapagluwal ng alternatibong sining. Nabubuo ang ideolohiya batay sa kung paano kinikilatis
ng indibidwal ang gahum na may pagpanig sa uri o kategoryang kinabibilangan nito (Tolentino,
2014).
Sa pananaw ni Alice Guillermo, mayroong nakakubling protesta sa mga pelikulang
nagtampok ng karanasan ng mga nasabing biktima na pumupuna sa polisiya ng gobyerno sa pag-
eeksport nito ng mga manggagawa bilang panakip-butas sa lumalalang krisis sa ekonomiya ng
bansa. Ang bansag diumano sa kanila bilang mga ‘bagong bayani’ ay nagpapataas lamang ng
kanilang moralidad at kasikatan ngunit walang katumbas na anumang institusyunal na suporta,
datapwat ang bansag na ‘bagong bayani’ sa kanila ay isang mukha ng ideolohikal na sabmisyon at
opresyon sa uri (Guillermo, 2000).
Batid ni Tolentino na ‘Female labor’ ang maituturing na pinakamalaking eksport ng bansa
sa global na merkado. Ang pagtatampok ng mga kababaihang migrante sa pelikula at melodrama
ay sumasalamin diumano sa ispektakularisasyon ng domestikong trabaho (spectacularization of
domestic work) kung saan mas instrumento ang malalaking artista upang mahamig ng estado ang
maraming manonood – na may potensyal na mga maging OCW – at patuloy na matangkilik sa
malalaking negosyong gumagatas sa mga naratibo ng mga migrante (Tolentino, 2009).
VIII. Vaginal Economy – Seksuwalisasyon ng Pambansang Kaunlaran
Sa artikulo ng Rappler noong Pebrero 13, 2012, ang buong industriya ng pelikulang
Pilipino, sa kabila ng dibisyon sa pagitan ng mga mainstream at local films, ay nakapag-aambag
lamang diumano ng 0.016% sa gross domestic product ng bansa samantalang ang mga foreign
films ay may kontribusyong 0.046%. Ito ay dahil halos 85% ng mga pelikulang ipinalalabas sa
mga sinehan sa bansa ay mga dayuhang pelikula. Sa kabila rin ng pagiging mas mahal ng tiket sa
sinehan ng mga foreign films, halos 74% pa rin ng lahat ng nabentang tiket sa mga sinehan ay
nahakot ng mga ito (Rappler, 2012).
38DIASPORAATPELIKULA
Sa isinulat na paksa ni Rolando Tolentino (2011) na ‘Vaginal Economy: Cinema and
Globalization in the Post-Marcos Post-Brocka Era’, ipinakita niya ang ugnayan ng penomenon
ng soft-porn films sa Pilipinas at ng diasporisasyon ng lakas-paggawa ng kababaihan. Batid niyang
ang dalawang penomenon na ito ay manipestasyon ng pagiging vaginal economic-dependent ng
Pilipinas kung saan lantad ang eksploytasyon sa katawan at kakayahan ng kababaihan upang
magsilbing capital accumulation.
Ang mga sex-oriented films o mas kilala bilang mga ‘bomba films’ ang nagpatili sa
pagkakatayo ng pambansang sinema. Batid ni Tolentino (2011) na naka-ugat sa usaping pang-
ekonomiko ang unti-unting pagbagsak ng industriya ng pelikulang Pilipino. Dahil sa nagpapatuloy
na globalisasyon, natatalo sa merkado ng mga dayuhang pelikula ang demand para sa mga local
films kung kaya’t sa patuloy na pagpasok ng mga dayuhang sine, unti-unting bumabagsak ang
bilang ng ginagawang pelikula sa bansa taon-taon. Bagamat nanghimasok na sa industriya ang
iba’t ibang pamantayan ng sensorsyip, nagpapatuloy ang produksiyon at pagtangkilik sa mga TT
films (‘titillating films’) na nag-iiba-iba lamang ng porma sa mga nagdaang panahon – mula sa
lantarang pagpapakita ng pagtatalik ng mga karakter noong panahon nina Gloria Diaz hanggang
sa pagpapakita na lamang ng ilang segundong frontal nudity ng mga karakter sa panahon nina
Rossana Roces.
Gaya ng mga sex-oriented films, ang penomenon ng transnasyonalisasyon ng lakas-
paggawa ng kababaihan ay nagsilbing iskema ng akumulasyon ng kapital para sa ekonomiya. Sa
mahabang panahon, ito ang nagpanatili sa ekonomiya ng Pilipinas sa pagkakatayo sa kabila ng
mga pandaigdigang krisis. Hindi lamang sa dayuhang teritoryo nagaganap ang
transnayonalisasyon ng lakas-paggawa, kundi laganap din ito sa loob ng bansa (dual
transnationalization of Philippine labor) kung saan 45% ng trabaho sa pangserbisyong sektor ay
nasa ilalim ng special economic zones o mula sa mga negosyong kontrolado ng malalaking
dayuhang korporasyon, at maging mga trabaho sa sektor ng turismo at enterteynment sa Pilipinas
ay kinakailangang may pamantayang ‘globally-competitive’. Bagamat naging institusyonalisado
na ang esportasyon ng lakas-paggawa, nagpapatuloy ang kakulangan na mabigyang-atensiyon ang
mga pangangailangan ng malaking bilang ng mga migrante. Noong 2001, sa P875 milyong
39DIASPORAATPELIKULA
ipinasok ng mga OCW sa bansa, tanging P91 milyon lamang ang inilaan ng OWWA para sa
benepisyo ng mga migranteng manggagawa (Tolentino, 2011).
IX. Tunggalian ng Imperyalista at Progresibong Kultura
Tinalakay ni Mailafiya Magaji sa kanyang papel na Cultural Imperialism and National
Development (2013) ang konsepto ng cultural imperialism at kung paano ito nagbabago. Ayon
dito, isang global na sitwasyon ang cultural imperialism kung saan nadodomina ng
makapangyarihang Kanluranin, sa pamamagitan ng kultural nitong industriya ang lokal at
pambansang kultura ng ibang bansa. Kinikilala dito ang kontribusyon ng hindi pantay na ugnayan
ng dalawang bansa sa kasaysayan sa usapin ng pampolitika at ekonomikong kapangyarihan.
Dalawang konsepto sa ilalim ng cultural imperialism ang binigyang-pokus ni Magaji: media
imperialism at ‘Americanisation’. Ayon kay Julia Galeota, ang Amerikanisasyon ng dayuhang
kultura ay ang labis na pagpapalaganap ng prinsipyo ng Amerika na nagdudulot ng pagkalaho ng
maraming kultura sa mundo. Naka-ugnay ang Amerikanisasyon ng kultura sa imperyalismong
pinalalaganap ng Estados Unidos – pagnanais na makakuha ng akses sa dayuhang merkado at
pagtingin sa Estaods Unidos bilang superyor na kultura sa lahat. Samantala, binigyang kahulugan
naman ang konseptong media imperialism bilang sitwasyon kung saan ang pokus ng sistema ng
media ng isang bansa ay dinidikta ng sistema ng media ng ibang bansa. Ayon kay Boyd-Barrett,
ito ay kalagayan kung saan ang pag-aari, istruktura, at distribusyon ng nilalaman ng media ay may
patong na panggigipit ng interes ng ibang bansa.
Sa isang porum ni Jose Ma. Sison noong Abril 25 1986 sa UP Diliman ukol sa Crisis of
Philippine Culture (1946-Present), batid ni Sison na ang kultura ay ang ideolohikal na repleksyon
ng mga dominante at papausbong na pwersa ng ekonomiya at politika. Kontrolado ng
imperyalismong US, ang dominanteng pwersa, ang iba’t ibang porma ng mass media sa bansa –
mula sa mga iniimprentang mga publikasyon hanggang mga programa sa radyo, telebisyon, at
pelikula na nagpapalaganap ng reaksyunaryong propaganda at nagtutulak sa mga Pilipino na mas
tangkilikin ang panlasang dayuhan. Pinalawig ni Julie de Lima Ma. Sison, sa kanyang talumpating
On the Imperialist Cultural Offensive noong 2015 sa UP Diliman, ang kahulugan ng kultura kung
saan sinasaklaw din nito ang lenggwahe at mga simbolo ng komunikasyon, libangan, kaugalian,
40DIASPORAATPELIKULA
idelohiya, etc. Batid din nito ang limang tema na pinalalaganap ng kultura ng mapangahas na
imperyalismong US – ang neoliberalisasyon, globalisasyon, ang kapitalismo bilang pinakahuling
uri ng sistemang panlipunan, gyera at terorismo, at eksepsiyonalismo ng Amerika. Binanggit ni
Julie de Lima ang mga overseas contract workers bilang halimbawa ng mga tagatawid ng
mapangahas na kultura sa pamamagitan ng mga ipinadadalang pasalubong, na lingid sa kanilang
kaalaman ay nagpapalaganap diumano ng istilo ng pamumuhay na itinatakda ng pandaigdigang
kapitalismo (global capitalism) (De Lima Ma. Sison, 2015).
Nilatag din ni Julie de Lima ang mga ideolohiyang pinalalaganap ng imperyalistang
kultura: (1) Labis na indibidwalismo bilang paraan ng paglaya na nakakonteksto sa
monopolistikong kapitalismong nakasentro sa pag-angat ng iilan lamang; (2) ang interes sa labis
na pagyaman sa pamamagitan ng pagsakay sa mga iskema ng pagkitang pinalalaganap ng
kapitalismo o paggamit ng social media sa upang sumikat; (3) labis na konsumerismo na
nakapokus sa pagtustos sa pansariling luho o interes na naghihiwalay sa masa sa mga panlipunang
obligasyon ng mga ito upang matugunan ang pangmatagalang pangangailangan ng mahihirap at
atrasadong sektor; (4) labis na obsesyon sa mga piksyonal na bayani, karakter, at mundo na
humahadlang sa masa upang bukas-isip na harapin ang makatotohanang kalagayan at mga
suliranin ng lipunan at maka-isip ng mga solusyon at alternatibo sa kasalukuyang dominanteng
sistema; (5) pagpapalaganap ng rasismo na mas nagpapaigting sa kulturang puti (white supremacy)
na kadalasang pinalalaganap sa mga pelikulang mula sa Kanluran; at (6) ang glamorisasyon ng
giyera (Glamorization of war) na lumalaganap sa mga pelikulang nagtatampok ng imperyalistang
dominasyon at tagumpay na walang pagkilala sa mga uri sa lipunan (De Lima Ma. Sison, 2015).
41DIASPORAATPELIKULA
Kabanata III Metodolohiya
“Sinasabi nga natin na tayo ang nagpaunlad ng Saudi kasi sino bang nagtayo ng mga building diyan? Yung mga welder,
construction worker, engineer, at arkitektong Pilipino. Kung ang Saudi kaya nating paunlarin, bakit hindi natin magawa sa bansa
natin?” (Hernando, A., 2017)
42DIASPORAATPELIKULA
Disenyo ng Pananaliksik
Dalawang disenyo sa pananaliksik ang gagamitin sa pag-aaral: Descriptive at Exploratory.
Ang disenyong deskriptibo ay nakatutulong sa pagsagot sa mga tanong na: sino, ano, saan, kailan,
at paano. Makatutulong ang ganitong disenyo ng pananaliksik sa pagkalap ng mga kasalukuyang
estado ng isang penomenon (University of South California, n.d.).
Ang disenyong eksploratori naman ay kadalasang ginagamit sa mga pag-aaral na wala o
may iilan lamang na naging pag-aaral at hindi madaling malaman ang magiging resulta (University
of South California, n.d.). Ang Exploratory Research ay naglalayong magpalitaw ng mga
inpormasyon na maaaring makaambag sa pormulasyon ng haypotesis (Linatoc, 2016).
Dahil kwalitatibo at kwantitatibo ang inaasahang makakalap na datos sa pananaliksik,
gagamitin sa pag-aaral ang dulog na ‘Mix-method approach’. Ang dulog na ito ay kumikilala sa
ugnayan ng dalawang uri ng datos kung saan ang materyal na datos ay mabibigyang interpretasyon
o paliwanag ng mga makakalap mula sa kwalitatibong proseso (Bulsara, n.d.).
Lugar at Panahon ng Pangongolekta ng Datos
Isasagawa ang pangongolekta ng datos sa sa loob ng Disyembre 2016 hanggang Pebrero
2017 sa loob at labas ng Unibersidad ng Pilipinas Maynila. Mayroong mga partikular na lokasyon
ang bawat instrumentong gagamitin sa pagkalap ng datos.
Instrumento sa Pagkalap ng Datos
Gagamitin sa pag-aaral ang mga instrumentong Key Informant Interview (KII), Focus
Group Discussion (FGD), Survey Questionnaire, Documentary Research, at Case study.
Samantalang isinasaalang-alang din sa ilang mga instrumento ang paggamit ng Case control.
Key Informant Interview
Layunin ng Key Informant Interview na kumalap ng impormasyon mula sa mga taong may
primaryang kaalaman sa paksa sa isang komunidad kagaya ng mga lider ng komunidad, mga
43DIASPORAATPELIKULA
dalubhasa, at ilang partikular na residente. Mahalaga ang pagpili sa mga indibidwal na
kakapanayamin sapagkat malaking bagay ito upang makuha ang ugat ng suliranin sa komunidad
at makapaglatag ng makatotohanang rekomendasyon ang mga ito. Mayroong dalawang uri ng KII
– telephone at face-to-face (UCLA Center for Health Policy Research).
Isasagawa ang KII sa mga sumusunod na tao – Direktor Joel Lamangan; Bonifacio Ilagan,
manunulat sa pelikula at libro; Dr. Rolando Tolentino, dalubhasa sa Araling Pampelikula;
Laorence Castillo mula sa Migrante International; Ms. Nora Aunor, ang binansagang ‘The
Superstar’ na gumanap sa karakter ni Flor Contemplacion.
Si Direk Joel Lamangan, bilang direktor ng pelikulang Migrante at The Flor
Contemplacion Story na bahagi ng pag-aaral, at si Bonifacio Ilagan, kilalang manunulat sa pelikula
na sumulat ng Anak, ang magsisilbing representante ng mga manunulat at direktor sa pelikula ng
pananaliksik. Layunin ng hiwalay na KII sa kanila ang masagot ang dalawang layunin ng pag-
aaral – (1) ang masukat ang antas ng kahalagahan ng mga pelikulang tampok ang isyu ng
kababaihang migrante at (2) ang matukoy ang motibasyon ng mga manunulat at direktor sa
paggawa ng mga obrang nasa ganitong tema. Layunin ng pananaliksik na matamo ang isang face-
to-face na KII sa dalawang alagad ng pelikula.
Si Dr. Rolando Tolentino, propesor sa pagpepelikula sa UP Diliman ang magiging
representante ng mga kritiko’t dalubhasa sa pelikula ng pananaliksik at samantalang si Laorence
Castillo naman sa Migrante International. Layunin ng KII sa kanila na masagot ang – (1) antas ng
kahalagahan ng pagsasapelikula ng naratibo ng mga kababaihang migrante, at (2) ambag ng
pagsasapelikula ng mga ganitong naratibo sa kamalayan at komunidad ng masang manonood. Nais
suriin ng pananaliksik kung paano tinitingnan ng mga eksperto at ng pangmasang-organisasyon
ang usapin ng kontribusyon ng mga ganitong pelikula sa lipunan, na humahantong sa panganganak
ng mas marami pang mga obra. Sasailalim din sa face-to-face KII ang mga nasabing personalidad.
Isang espesyal na KII ang isasagawa kasama si Nora Aunor, bilang gumampan sa karakter ni Flor
Contemplacion sa pelikula at maituturing ding aktibo sa mga mobilisasyon.
Ginagamit ang KII sa maraming pampelikulang pag-aaral. Ginamit ito ni EJ Dela Cruz sa
kanyang pananaliksik na pamagat na ‘You Are What You Watch’ noong 2016 kung saan sinasabing
44DIASPORAATPELIKULA
nakaiimpluwensya ang mga pelikulang inihahain sa merkado at napapanood ng mga tao sa
pagtingin ng mga ito sa mga isyung panlipunan. Isa sa mga nakapanayam nito ay si Petersen
Vargas, direktor ng Lisyun Qng Geografia (2014) at hinirang na pinakamahusay na direktor noong
2015 Cinemalaya Film Festival.
Focus Group Discussion
Ang Focus Group Discussion (FGD) ay bubuoin ng grupo ng anim hanggang sampung
katao na pinamumunuan ng isang tagapagpadaloy o moderator. Umaabot lamang dapat sa 65-90
minuto ang pagsasagawa ng FGD. Bagamat hindi magkakapareho ng ideolohiya ang mga nasa
isang FGD, mahalagang mayroon silang ugnayan sa isang paksa na siyang pokus ng FGD.
Maluwag ang daloy ng mga opinyon sa FGD na nakabalangkas sa pinkamarami na ang sampung
katanungan. Layunin ng tagapagpadaloy na kumalap ng malawak na baryasyon ng mga opinyon
at ideya, at mas malalim na pagtatalakay sa isyu sa loob ng limitadong oras (Eliot and Associates,
2005). Karaniwang daloy ng isang FGD ay ang (1) pagtanggap sa mga dumalo, (2) pagbibigay ng
hapyaw na pagpapaliwanag sa magiging daloy ng paksa, (3) pagsi-set ng mga guidelines at ground
rules, (4) pagtatanong, (5) pagsasara ng usapan (Krueger, 2002).
Isasagawa ang mga Focus Group Discussion na kapapalooban ng mga aktwal na
kababaihang migrante. Layunin ng FGD na masuri ang antas ng kahalagahan ng pagsasapelikula
ng isyu ng mga kababaihang migrante batay mismo sa perspektiba ng sektor na mismong paksa
ng pananaliksik at upang mapalalim ang pagtatalakay sa kanilang opinyon ukol sa porma ng
representasyon nila sa mga nilikhang pelikula. Mula sa rekord at listahan ng Migrante International
magmumula ang mga magpapartisipang mga migrante. Gagamitin ang Purpose Sampling sa
pagpili ng mga magiging bahagi ng FGD sapagkat isinaaalang-alang ng mananaliksik ang
lokasyon ng mga kababaihang migrante at limitadong oras bilang mga pamilyadong mamamayan.
Kadalasang ginagamit ang FGD sa mga pag-aaral na mayroong espesipikong sektor na
tinatalakay gaya ng pananaliksin ni Monesa Carpon noong 2015 sa kanyang ‘Buhay Drayber at
Asosasyon ng mga Tsuper at Ruta ng Santa Ana—Padre Faura: Salamin ng Kaunlarang
Panlipunan’ kung saan nagsagawa dito ng impormal na FGD kasama ang ilang drayber ng dyip.
45DIASPORAATPELIKULA
Survey Research at Case Control
Bahagi rin ng pagkalap ng datos ang Survey Research kung saan mga indibidwal na
nakapanood na ng isa sa tatlong pelikula ang naging mga katugon o survey respondents. Mahalaga
ang Case control sa aspetong ito upang maipakita ang baryasyon ng mga opinyon ukol sa paksa
(Linatoc, 2016). Nilalayon ng pagsasarbey na: (1) masukat ang antas ng kahalagahan ng
pagsasapelikula sa isyu ng kababaihang migrante batay sa perspektiba ng masang manunood, (2)
mailatag ang mga porma ng karahasan at misrepresentasyong ipinakita sa mga pelikula, (3)
mailatag ang sari-sariling analisis ng mga manonood sa pelikula at kung paano sinasalamin ng
pelikula ang aspetong politikal, ekonomiko, at kultural ng bansa, at (4) matukoy ang ambag ng
pagsasapelikula ng mga naratibo sa kamalaya’t komunidad ng masa.
Upang masuri ang konteksto ng mga itinatampok na pelikula, isasagawa ang Content
Analysis sa mga obrang A Mother’s Story, The Flor Contemplacion Story, at Migrante. Katuwang
nito ang Survey research kung saan magmumula ang mga datos ng pagsusuri sa mga katugon
(respondents) na minsan nang nakapanood ng isa sa mga nasabing pelikula.
Bagamat unang plano ng mananaliksik na magpanood sa mga klase ng bawat isa sa mga
pelikula, minabuti na lamang nitong humanap ng mga indibidwal na minsan nang nakapanood ng
isa sa mga pelikula dahil sa kawalan ng sapat na rekurso (lalo na ng lehitimong kopya ng pelikula)
upang isagawa ito. Sa limitadong panahon at lokasyon ng paghahanap, mga indibidwal sa Metro
Manila ang sinaklaw ng naging pagsasarbey.
Kung babalikan ang ikalimang layunin ng pag-aaral, susukatin din sa bawat pelikula ang
tatlong panlipunang aspeto: politikal, ekonomiko, at kultural. Kung kaya’t sa ikalimang bahagi ng
sarbey ay maaaring magkakaiba ang katanungan bagamat parehong pelikula ang pinanood ng mga
katugon (Tingnan ang Imahe 3.1).
Ginamit ni Dianne Lopez ang metodong sarbey sa kanyang pananaliksik na ‘Kalsada at
Kababaihan: Kritikal na Pagsusuri sa mga Pagbabagong Idinulot ng Pagpapagawa ng mga Farm
to Market Roads sa Sosyo-ekonomikong Kalagayan at Pampulitikang Kamalayan ng Sektor ng
46DIASPORAATPELIKULA
Kababaihan’ noong 2016, kung saan naging katugon nito ang piling kababaihan na nakatira
malamit sa mga farm-to-market roads at binubuo ng anim na bahagi na may 48 katanungan ang
buong sarbey. Sa kabuuan, binubuo ng 18 kwantitatibong katanungan at tatlong kwalitatibong
katanungan ang sarbey ng pag-aaral.
Case study
Bahagi ng Exploratory Research na isasagawa sa pananaliksik ay ang Case study. Ang
Case study ay kadalasang ginagamit upang masuma ang nagtutugmang karanasan ng mga
indibidwal na kaso. Nais palitawin ng paggamit ng case study ang mga tinatawag na ‘patterns of
behavior’ ng isang partikular na populasyon. Makatutulong ang Case study upang mas magkaroon
ng matalas na kamalayan sa mga espesyal na problema at malawak na pananaw ang mananaliksik
(Fidel, 1984).
Isasagawa ang dalawang Case study kung saan primaryang pokus ang karanasan ng mga
pamilya ng dalawang pamilya ng mga migranteng naging biktima ng hindi makaturungang hatol
sa ibang bansa – ang pamilya ni Flor Contemplacion sa San Pablo, Laguna at pamilya ni Jennifer
Dalquez sa General Santos City. Sa bahaging ito, mas malalim na tatalakayin ang mga suliraning
kinahaharap ng mga ito at ang indibidwal na epekto nito sa bawat naiwang miyembro ng pamilya
– asawa, anak, magulang, kapatid, etc. Sa pamamagitan ng isasagawang Case study maikukumpara
ang karaniwang daloy ng pakikibaka ng mga kababaihang migrante sa pelikula sa daloy ng
kanilang karanasan sa totoong buhay.
Imahe 3.1. Pagsasalarawan kung paano sasagutin ang ikalimang layunin ng pananaliksik sa pamamagitan ng survey research. Larawan ay orihinal na ginawa ng mananaliksik
47DIASPORAATPELIKULA
Ginamit din ni Dianne Lopez ang Case study sa kanyang pananaliksik ukol sa farm-to-
market roads at kababaihan noong 2016 kung saan kumalap siya ng kuwentong-buhay (case study)
ng mga kababaihan sa mga lugar ng Tarlac at Bulacan (Lopez, 2016).
Mahalaga sa lahat ng aspeto ng pangongolekta ng mga datos ang malinaw na paghingi ng
kumpormiso (informed consent) mula sa mga magpapartisipang indibidwal upang mapanatali ang
pagiging lehitimo ng mga nakalap na datos partikular sa isasagawang Survey Research. Isasagawa
ito sa pamamagitan ng paglagda ng mga indibidwal sa isang katibayang papel na dapat na
maipaliwanag ng mananaliksik na may kalayaan ang indibidwal na itigil ang partisipasyon sa
kalagitnaan ng pananaliksik bago magsimula ang sarbey o panayam.
Instrumento sa Analisis ng Datos
Descriptive Statistics
Ang Descriptive Statistics ay ginagamit upang isuma ang datos ng buong populasyon o
sample ng mga survey respondents. Sa ilalim ng Descriptive Statistics ay ang Measures of Central
Tendency kung saan bahagi nito ang Mean (x̄) na gagamitin sa pag-aaral. Layunin ng Measures of
Central Tendency na tukuyin ang score kung saan nakasentro o nakakonsentra ang mga datos
(Investopedia, 2017).
Ginamit ang Descriptive Statistics, partikular ang Mean (x̄) sapagkat walang hinihinging
korelasyon ng mga kwantitatibong datos ang layunin ng sarbey at konsentrasyon ng mga scores
ng mga katugon ang kinakailangan upang masagot ang layunin ng pag-aaral. Ang paghanap ng
Mean score ay batay sa pormulang:
x = Σ𝑥𝑛 𝑜x =
𝑥( + 𝑥* + ⋯+ 𝑥,𝑛
Thematic Coding
Ito ang instrumentong ginamit upang tasahin ang mga kwalitatibong datos. Ang Thematic
Coding ay paglalatag ng mga larawan o mga salitang na pinag-uugnay ng isang partikular na tema
48DIASPORAATPELIKULA
o ideya na makapagbubuo ng balangkas ng mga ideyang nakasandig sa iisang ideya (Better
Evaluation, 2016).
Ginamit ang Thematic Coding sa pag-aanalisa ng mga makukuhang datos mula sa mga
Focus Group Discussions, Content analysis, at Case study. At maliban sa sa paglalatag sa
talahanayan, ginamit din ng mananaliksik ang Thematic Coding sa porma ng Venn diagram
kung saan mga inilatag na karahasan sa tatlong pelikula ang inilagay sa dayagram at makikita
ring iniugnay ang pagkakapareho ng tatlong pelikula sa mga isinalaysay na karahasan ng
mismong mga migranteng babae na sumalang sa Focus Group Discussion.
49DIASPORAATPELIKULA
Kabanata IV Presentasyon ng mga Datos
“Hindi naman kailangang mangibang-bansa ng babae
kung talagang may trabaho dito sa Pilipinas…”
(Pinay DH, 2017)
50DIASPORAATPELIKULA
Pakikibakang overseas – sa pelikula at kasaysayan
Mapa ng mga migrante
Gaya ng Talahanayan
2.1 sa Ikalawang Kababanta,
Saudi Arabi ang nananatiling
mayroong pinakamalaking
bilang ng mga idinedeploy na
Pilipinong manggagawa kada
taon. Ang mga bansang
kabilang sa Top 10 destination
countries ng mga Pilipinong
migrante ay mula lahat sa
Asya partikular ay sa mga
Gulf countries at Tiger
economies.
Ipinakikita ng Imahe 4.2
na nananatiling mayorya sa mga
uri ng trabahong napupuntahan ng
mga OFW ay blue-collar jobs at
ayon sa Migrante International,
maituturing na 4D – Dirty,
Dangerous, Difficult, at
Dehumanizing19.
19 Mula sa pagtalakay ni Arman Hernando sa porum ng Migrante: Krisis ng Migrasyon at ang Pagbangon ng Pamilyang Migrante (Pebrero 2017)
Imahe 4.1. Bilang ng mga overseas Filipino workers sa Top 10 destination countries ng overseas Filipino labor sa tala ng POEA noong 2015. (Orihinal na Imahe mula sa Rappler)
Imahe 4.2. Sampung klase ng trabaho sa abroad na mayroong pinakamalaking bilang ng mga OFW. (Orihinal na Imahe mula sa Rappler)
51DIASPORAATPELIKULA
Kasaysayan ng Migrasyon sa bansa
Ayon sa Center for Migrant Advocacy (2017), dumaan na sa apat na sigwa (waves) ang
migrasyon sa paggawa ang Pilipinas. Mauugat pa sa panahon ng kolonyalismo ng España sa bansa
ang unang sigwa kung saan sa kalakalang Maynila- Acapulco noong ika-16 na siglo, mayroong
mga Pilipinong mandaragat (seafarers) ang kasama sa mga galyong bumabyahe patungong
Mexico. Ilan sa mga Pilipinong mandaragat diumano ay nanatili na sa Louisiana samantalang ang
ilan nama’y nagtrabaho bilang mamimitas ng mga prutas sa California. Sa pagtatapos ng ika-19
na siglo, marami nang Pilipino diumano ang mga propesyunal o estudyante sa Europa.
Hudyat ng ikalawang sigwa ng pandarayuhan ng mga Pilipino ang panahon ng
kolonyalismong Amerikano kung saan taong 1906 nang magtrabaho bilang mga sakada ang mga
Pilipino sa malalawak na plantasyon ng tubo sa Hawaii. Karamihan diumano sa mga unang
sakadang dinala sa Hawaii ay mga kalalakiyang Bisaya at Ilokanong nasa 16-22 ang edad at
nakapag-aral kahit hanggang sa ikawalong lebel. Dahil sa nagbabagong kalagayan sa Amerika,
mayroong mga sakada ang naghanap ng panibagong trabaho gaya ng sa mga konstraksiyon ng
riles, restaurants, at mga hotel. Marami na rin sa panahong ito ang lumipat patungo sa fish canning
industry sa Alaska.
Imahe 4.3. Artistikong paglalatag sa 5Pilipinas (Orihinal na mga imahe mula sa Rappler. Layout ni Alex Falame).
52DIASPORAATPELIKULA
Sa panahon ng ikatlong sigwa, 1950s hanggang 1960s, naging limitado para sa mga
Pilipinong nais sumama sa hukbong pandagat ang migrasyon sa Estados Unidos noong panahon
ng Ikalawang Digmaang Pandaigdig. Dahil dito, marami ang nagsimulang pumunta sa mga bansa
sa Asya at maghanap ng trabaho sa mga bansa gaya ng Iran at Iraq, na may mataas na demand
noon para sa mga engineer at technician, at sa Sabah, Malaysia, at Thailand na may demand ng
empleyo sa mga logging camps. Maraming Pilipino ang naging bahagi ng mga armadong base ng
Estados Unidos sa Vietnam, Thailand, at Guam noong Digmaang Indochina. Nagsimula na rin
dumayo sa mga panahong ito sa Amerika at Kanlurang Europa ang mga Pilipinong nars at domestic
worker. Sa ikatlong sigwa sinasabing nagsimula ang pagpasok ng mga Pilipino sa mga white-
collar jobs sa Amerika dahil sa mga Pilipinong propesyunal at nakapagtapos ng post-graduate
dito.
Sa ikaapat na sigwa (1970s) ng migrasyon nagsimulang maging lehitimo ang pag-eeksport
ng lakas-paggawa sa bansa. Panahon ito ng paghihikahos ng ekonomiya ng Pilipinas sa ilalim ni
Graph 4.1. Nakasaad sa graph ang bilang ng mga OFWs na dinedeploy kada taon. Makikita na patuloy na tumataas ang bilang sa bawat nagdaang administrasyon. Sa datos ng POEA, sa administrasyon ni dating Pangulong Noynoy Aquino pumalo na sa dalawang milyon ang bilang ng mga OFW na dinedeploy kada taon. (Datos mula sa POEA. Layout ni Alex Falame)
53DIASPORAATPELIKULA
dating Pangulong Ferdinand Marcos. Nagsimula ito sa panahon ng oil crisis kung saan labis na
tumaas ang halaga ng langis sa maraming bansa, maging sa Pilipinas, na nagpalala ng kahirapan.
Ito ang nagsilbing ‘push factor’ diumano upang mag-eksport ng lakas paggawa sa mga Middle-
East countries na nagailangan ng mga manggagawang magtatayo ng mga kinakailangang
imprastraktura para sa industriya ng langis. Pumasok din sa panahong ito ang papel ng kababaihan
sa overseas work kung saan marami ang naging domestic worker sa mga booming economies sa
Middle East (Saudi Arabia at Kuwait) at sa Asya-Pasipiko (Hong Kong, Singapore, Taiwan,
Malaysia). Tumaas din ang bilang ng mga medikal na propesyunal sa Europa at Amerika.
Ayon sa artikulo ni Stephen Castles at Mark Miller (1998)20, mayroong mga eksperto na
kumikilala sa kasalukuyang panahon bilang ‘The Age of Migration’ dahil sa limang penomenang
tumutukoy dito: 1) globalisasyon (kung saaan napakaraming bansa ang naapektuhan at involve sa
pandarayuhan), 2) akselerasyon (walang humpay na pagtaas ng bilang ng mga nandarayuhan), 3)
differentiation (pagkakaiba-iba ng etnisidad ng mga migranteng lumilipat sa isang malaking
bansa), 4) politisasyon (mayroong ang migrasyon sa mga lokal, pambansa, at bilateral na polisiya
ng estado), 5) at peminisasyon (kung saan hindi maitatanggi ang papataas na bilang ng kababaihan
nandarayuhan sa buong mundo).
Peminisasyon ng Pandarayuhan
Ang peminisasyon ng pandarayuhan (feminisation of migration) ay sumasalamin sa
dalawang transpormasyong mayroong epekto sa kababaihan: ang peminisasyon ng kahirapan
(feminisation of poverty) at ang peminisasyon ng paggawa (feminisation of work) (Caritas
Internationalis, 2017).
Itinuturing na ‘coping mechanisms’ ang kababaihan, partikula sa mga nasa Ikatlong
daigdig, kung saan maliban sa kanilang unpaid work sa loob ng bahay, napipilitang maging
20The Age of Migration: International Population Movements in the Modern World mula sa librong The Feminisation of Migration: Dreams and Realities of Migrant Women in Four Latin American Countries ni Cecilia Lipszyc
54DIASPORAATPELIKULA
labandera at plantsadora diumano ang maraming kababaihan sa oras na masadlak sa mahirap na
kondisyon ang pamilya (IBON, 2002)21. Sa eksternal o pandaigdigang migrasyon naman,
nananatiling mayorya ng mga trabahong napupunta sa kababaihan ay sa pang-serbisyong sektor
na kadalasang lantad din sa mga bulnerableng sitwasyon ng sistema ng pandaigdigang
produksiyon (global production system) gaya ng komersiyalisasyon sa migrasyon ng kababaihang
namamasukan bilang mga domestic worker at caregiver na kadalasang nagreresulta sa pagiging
biktima nila sa trafficking at seksuwal na eksploytasyon.
Itinuturing na ‘dead-end’ ang mga trabahong domestiko (domestic work) sapagkat hindi
ito nangangailangan ng ispesipikong kakayahan, hindi nagbibigay-daan para sa mas malawak na
oportunidad sa ibang linya ng trabaho, at hindi ito nanghihikayat sa mga kababaihan na kumuha o
magtuloy ng pormal na edukasyon (Caritas Internationalis, 2017).
Ang pagtaas naman ng demand para sa lakas-paggawa ng kababaihan sa mga dayuhang
bansa ang nagiging seguridad ng kanilang mga pamilya upang mabuhay ng matiwasay. Kinikilala
din ng United Nations ang penomenong ‘care drain’ kung saan sa pandarayuhan ng isang babae
sa pamilya, sinasalo ng naiiwang babae (gaya ng anak o kapatid) ang mga obligasyon sa tahanan
na minsa’y humahantong sa kanilang paghinto sa pag-aaral. Laganap ang ‘deficit care’ ng mga
inang hindi nagagampanan ang pormatibong pangangalaga (formative care) sa kanilang mga anak
– mga anak na dumaan o sumailalim sa ‘grandmothering’ na penomenon. Hindi lamang din
financial remittances ang nakapagtutulak ng mga sosyo-ekonomikong pag-unlad sapagkat
mayroon ding social remittances (gaya ng ideya, kaalaman, at kakayahan) ang mga migranteng
kababaihan na nakapagtutulak ng pagkakapantay-pantay ng kasarian, sosyo-ekonomikong pag-
unlad, at karapatang-pantao (Caritas Internationalis, n.d.). Ngunit binabangga ng pagtalakay ng
IBON (2002) sa peminisasyon ng paggawa (Labor feminization) ang argumentong ito.
Ayon sa IBON (2002), sa konteksto ng globalisasyon, ang aktibo at pagtaas ng
partisipasyon ng kababaihan sa lakas-paggawa ay hindi katambal ng pagtaas ng antas ng kanilang
pagsasakapangyarihan (empowernment). Inaatake ng globalisasyon ang kababaihan sa dalawang
porma – ang pagsasamantala sa atrasadong kalagayan ng mga ito upang makamaksimisa ng tubo,
at pagpapalala sa kinasasadlakang kahirapan ng kababaihan dulot ng pagkasara ng mga lokal na
21IBON Journal:Labor Feminization in the context of Crisis and Globalization (Marso 31, 2002)
55DIASPORAATPELIKULA
negosyo, pagtaas ng kakulangan sa trabaho (job scarcity), at paglala ng labis na kawalan ng lupa
na mas nagtutulak sa mga kababaihan upang maging mga ‘coping mechanisms’ na pangunahing
nag-a-adjust para sa pamilya (IBON, 2002).
Kasaysayan ng Migranteng Pilipina sa lente ng Pelikula
Ang mga pelikulang nasa Talahanayan 4.1 ay ilan lamang sa napakaraming mga OFW
films o mga pelikulang nagtampok ng naratibo ng mga oversas Filipino workers. Makikitang
kababaihan ang kadalasang bida sa mga pelikula:
Talahanayan 4.1. Mga Pelikulang nagtampok sa Kababaihang Migrante
Pelikula Taon inilabas Direktor Manunulat Kompanyang
nagprodus
Miss X 1980 Gil Portes Ricky Lee Sining Silangan Productions
‘Merika 1984 Gil Portes Clodualdo Del Mundo Jr., Gil
Quito Adrian Films
The Flor Contemplacion Story 1995 Joel Lamangan Ricky Lee,
Bonifacio Ilagan Viva Films
The Sarah Balabagan Story 1997 Joel Lamangan -- Viva Films
Anak 2000 Rory Quintos Ricky Lee Star Cinema
Milan 2004 Olivia Lamasan
Olivia Lamasan, Raymond Lee Star Cinema
Dubai 2005 Rory Quintos Ricky Lee Star Cinema
Apat Dapat, Dapat Apat: Friends 4 Lyf and
Death 2007 Wenn V.
Deramas Mel Mendoza- Del
Rosario Viva Films
Caregiver 2008 Chito S. Roño Chito S. Roño, Chris Martinez, Jewel C. Castro
Star Cinema
In My Life 2009 Olivia Lamasan
Raymond Lee, Olivia Lamasan Star Cinema
A Mother’s Story 2011 John D. Lazatin Senedy Que Star Cinema
Migrante: The Filipino Diaspora 2012 Joel Lamangan Bonifacio Ilagan Xiti Productions
56DIASPORAATPELIKULA
Parehong pelikula ni Gil Portes ang Miss X at ‘Merika na pinagbidahan nina Vilma Santos
at Nora Aunor. Itinampok ng Miss X ang kalagayan ng isang Pilipinang biktima ng ilegal na
rekrutment at nagtrabaho bilang prostitute sa Amsterdam. Nakaranas ang karakter ni Vilma
Santos, bilang si Miss X, ng iba’t ibang pang-aabuso na sumalamin diumano sa kalagayan ng mga
Pilipinang entertainer sa Japan. Ipinakita naman ng pelikulang ‘Merika ang personal na pakikibaka
ng karakter ng isang Pilipinang nars sa Amerika na nagnanais makauwi ng bansa, ngunit nakatali
sa magandang oportunidad na inihahain ng dayuhang lupain. May ugnay ang paggamit ng karakter
na nars sa pelikula sapagkat mahaba na rin ang kasaysayan ng migrasyon ng mga Pilipinang nars
sa Estados Unidos na maaari pang ugatin mula sa panahon ng 1900s.
Ang mga pelikula ni Joel Lamangan na The Flor Contemplacion Story at The Sarah
Balabagan Story ay hinango mula sa isang makatotohanang karanasan na naging mainit na isyu
sa bansa noong dekada 90’s. Si Flor Contemplacion at Sarah Balabagan ay parehong nahatulan ng
kamatayan dahil sa kasong pagpatay. Inilantad ng dalawang kaso ng mga babaeng OFW ang
pagiging bulnerable ng mga kababaihan sa iba’t ibang karahasan, inhustisya, at kapabayaan ng
pamahalaan. Ang kahalagahan ng isang institusyonalisadong legal assistance mula sa pamahalaan
ay pinagtibay ng kinahinatnan ng mga kaso ni Flor Contemplacion at Sarah Balabagan. Dulot ng
kawalan ng agarang pagresponde at pagbibigay ng serbisyong legal kay Flor Contemplacion sa
Singapore, tuluyang nabitay ang domestic helper na tubong San Pablo, Laguna. Samantala, dahil
sa naging isang malaking sampal sa administrasyong Ramos noong 1995 ang pagkakabitay kay
Flor Contemplacion, agad na rumesponde ang pamahalaan sa kaso ni Sarah Balabagan at naligtas
mula sa hatol na kamatayan sa United Arab Emirates ang domestic helper na tubong Maguindanao.
Sa pagtabo sa takilya ng ganitong mga uri pelikula, sa iba’t-ibang anggulo at sa iba’t-ibang
pamamaraan na rin itinampok sa sinema ang naratibo ng mga kababaihang migrante. Patunay ang
mga pelikulang Milan (Star Cinema:Lamasan:2004), Dubai (Star Cinema:Quintos:2005), Apat
Dapat, Dapat Apat: Friends 4 Lyf and Death (Viva Films:Deramas:2007), na kapwa mga produkto
ng malalaking kompanya, ng paglaganap ng ‘romantization of OFW films’. Hindi lamang sa istilo
ng bawat eksena, kundi sa kabuoang konteksto ng mga pelikulang ito nanuot ang romantisismo.
Bagamat kapwa OFW ang primaryang karakter sa mga nasabing pelikula, nangibabaw ang temang
romantic love at komedya sa mga nabanggit na pelikula.
57DIASPORAATPELIKULA
Samantala, inilantad ng pelikulang Caregiver (Star Cinema:Roño:2008) ang
makatotohanan at kalunos-lunos na kalagayan ng maraming propesyonal sa bansa – napilitang
lumipat sa mas mababang propesyon o trabaho upang kumita sa abroad. Ipinakita ito ng karakter
ni Sharon Cuneta sa pelikula kung saan mula sa pagiging public school teacher sa Pilipinas ay
nagdesisyong maging caregiver sa London para sa mas malaking sahod. Ipinakita rin ng pelikula
ang pagbabago sa uri ng pandarayuhan ng karakter na OFW kung saan mula sa pagiging
Guest/contract workers ay nagsusumikap maging Permanent settlers sa dayuhang bansa.
Bagamat nakapokus din ang pelikulang A Mother’s Story (Star Cinema:Lazatin:2011), na
pinagbidahan ni Pokwang, sa social cost ng migrasyon, ipinakita rin ng pelikula ang
diskriminasyong narararanasan ng mga undocument workers o TNT sa ibang bansa, partikular sa
Amerika. Tinatayang nasa 200,000 ang bilang ng mga undocumented workers na Pilipino sa
Estados Unidos noong panahon ni Barack Obama (Bernal, 2014), at patuloy pa rin ang pagtaas ng
bilang na ito sa bawat taon. Inilalantad ng pelikula ang tunggalian ng kapwa Pilipino sa abroad
kung saan ito ay sa pagitan ng mga Pilipinong permanent settlers (maaari ring mga contract
workers) at mga undocumented workers, na maiikukonsidera bilang diskriminasyon batay sa
legalidad ng migrasyon.
Isang malagim na realidad ang inilantad ng pelikulang Migrante: A Filipino Diaspora
(XITI Productions:Lamangan:2012) na nagpapahiwatig ng pananatili ng karahasan at kawalang-
proteksyon sa mga migrante, partikular sa kababaihan. Malawak ang sinaklaw na konteksto ng
pelikula sapagkat hindi lamang pamilya at employer ang naging bahagi ng naratibo, kundi maging
ang embahada ng Pilipinas at organisasyon ng mga OFWs - Migrante International. Bahagi rin ng
malawak na saklaw ng pelikula ang iba’t ibang suliraning inilantad dito– mula sa personal na
suliranin, suliranin sa sistema ng empleyo, karahasan at diskriminasyon sa mga migrante,
hanggang sa kapabayaan ng pamahalaan. Pinatototohanan ang pelikula ng napakaraming kaso ng
pang-aabuso sa mga kababaihang OFWs, partikular ng kaso ni Jennifer Dalquez, isang domestic
helper sa Saudi Arabia. Pinatawan ng sintensiyang kamatayan si Jennifer Dalquez noong 2015
matapos nitong mapatay ang among nagtangkang manggahasa sa kanya. Hindi lamang isang beses
nakaranas ng tangkang pang-aabuso ang domestic helper na tubong General Santos City.
Maiuugnay ang mg konteksto at panahong ginawa ang mga nabanggit na mainstream OFW
films, sa tinalakay ni Rolando Tolentino (sa personal na panayam) ang periodisasyong naganap sa
58DIASPORAATPELIKULA
mga OFW films. Una diumanong itinampok ang naratibo ng mga OFW sa pamamagitan ng mga
historical at traumatic films kung saan batay ang pelikula sa isang totoong pangyayaring mayroong
kalunos-lunos na sinapit. Halimbawa nito ay ang The Flor Contemplacion Story (VIVA
Films:1995) at The Sarah Balabagan Story (VIVA Films:1997) ni Joel Lamangan.
Ang pagpasok ng romantisismo22 sa mga OFW films ay hudyat ng ikalawang yugto ng
periodisasyon nito kung saan kabilang diumano ang mga romantiko at melodramang pelikula gaya
ng Milan (Star Cinema:2004) ni Olivia Lamasan at Anak (Star Cinema:2000) ni Rory Quintos.
Naglaho sa yugtong ito ang historikal na aspeto ng mga OFW films. Ang pelikulang Anak, na
pinagbidahan din ni Vilma Santos at Claudine Baretto, ang tila nagsimula ng melodramang porma
ng mga OFW films kung saan sentro ng pelikula ang suliranin sa ugnayan ng pamilya, partikular
ng ina at anak. Samantala, naglaho naman sa ikatlong yugto ang realidad ng kahirapang natatamasa
ng mga migrante sa dayuhang bansa kung saan ibinibida sa mga pelikula ang isang komersyalisado
at fictionalized version na may pinaghalo diumanong ‘glamour at romanticism’. Primaryang
halimbawa rito ang mga romantic-comedy na pelikula gaya ng In My Life (Star Cinema:2009) ni
Olivia Lamasan kung saan itinampok ang kuwento ng dalawang klase ng relasyon – relasyon ng
dalawang lalaking magkasintahan at ng anak sa ina. Nangibabaw ang komedya dahil sa matandang
karakter na ginampanan ni Vilma Santos at drama dahil sa karanasan ng mga karakter nina Santos,
John Lloyd Cruz, at Luis Manzano.
22Romantisismo (Villafuerte at Bernales,2008): kaisipang ibinabandila ang indibidwalismo kaysa kolektibismo, imahinasyon kaysa katwiran,… pagpapalutang ng damdamin kaysa isipan at pagkahirati sa internal na tunggalian.
59DIASPORAATPELIKULA
Ugnayan ng Pelikula at Lipunan sa usapin ng Migrasyon
Ang mga kababaihang migrante
Nakalatag sa Talahanayan 4.2 ang impormasyon ng anim na babaeng OFW na naging
bahagi ng isinagawang Focus Group Discussion sa opisina ng Migrante International noong Marso
27, 2017. Makikita na lahat ay mga naging Domestic Helper (DH) sa Hong Kong o Saudi Arabia,
mga bansang kabilang sa Top 5 destination countries ng mga OFW, batay sa ulat ng POEA noong
2014 (balikan ang Talahanayan 2.1 sa Ikalawang Kabanata para sa kumpletong listahan ng mga bansa).
Talahanayan 4.2. Propayl Matrix ng mga Migranteng babae
na umupo sa Focus Group Discussion
Tagasubaybay din ang mga babaeng OFW ng mga pelikulang nagtatampok ng kanilang
naratibo. Sa katunayan, ang pelikulang Anak (Star Cinema:2000) ni Rory Quintos ang pinakakilala
ng mga katugon ng FGD. Ayon sa kanila, lubos na makatotohanan ang ipinakita ng nasabing
pelikula lalo na sa bahagi ng pangungulila’t pag-aalala sa mga anak sa tuwing kakain sila sa ibang
bansa:
“Hindi mo siya kayang minsang kayang lunukun kasi minsan ang pagkain mo medyo masarap, iisipin mo ay yung mga anak mo; kung ang pagkain ba nila totally is yung
pagkain mo din o kaya nagdidildil lang ba sila ng asin?”
Nakikita diumano ng mga respondents ang kagandahan ng mga ganitong uri ng pelikula
sapagkat nalalaman diumano ng mga tao kung gaano kahirap ang buhay ng isang OFW at upang
Trabaho sa ibang bansa
Bansang pinagtrabahuhan
Probinsyang pinanggalingan
Tagal ng paninilbihan sa
abroad Domestic Helper Hong Kong Isabela 4 na buwan Domestic Helper Saudi Arabia Cavite 4 na buwan, 19 na araw Domestic Helper Saudi Arabia Nueva Ecija 3 buwan Domestic Helper Saudi Arabia - 5 taon Domestic Helper Saudi Arabia - - Domestic Helper Hong Kong - -
60DIASPORAATPELIKULA
magbigay-aral sa mga kapamilyang naiiwan sa Pilipinas na pahalagahan ang perang pinadadala sa
kanila.
Samantala, nang tanungin naman kung anong bahagi ng kanilang personal na karanasan
ang hindi naipakita sa pelikula, ginamit nilang halimbawa muli ang pelikulang Anak (Star
Cinema:Quintos:2000). Suhestiyon ng isang respondent na dapat sana maipakita pa ang paraan ng
pagtrato sa mga OFW sa pelikulang Anak sapagkat tila ang pinakamahirap na suliraning ipinakita
sa pelikula ay ang pagkamatay ng kanyang asawa at paglayo ng loob sa kanya ng mga anak niya.
Batid ng isang respondent na napakaraming hindi makataong pagtrato ang naranasan at
nararanasan ng mga babaeng OFW na dapat sana’y mas ilantad pa sa pelikula.
Ayon din sa kanila, ang pagkakawalay sa mga anak at pagkatagpo ng malupit na amo ang
maituturing nilang pinakamabigat na karanasan bilang migrante. Sinuma ng mananaliksik ang
naging karanasan ng lima sa anim na OFW na naging bahagi ng diskusyon. Para sa kanilang
personal na seguridad, hindi ilalantad sa mga sumusunod na detalye ang tunay na pangalan ng mga
respondents:
Kuwentong-buhay ng mga migranteng Pinay
1. Dating video operator ang DH sa Saudia Arabia na tubong Cavite. Labis na
pagtatrabaho ang kanyang naranasan kung saan iba’t ibang bahay ang pinalinis sa
kanya ng kanyang amo. Walang pahinga at day-off ang kanyang pagtatrabaho sa mga
Arabong employer. Nang tanungin nito ang amo kung nabasa ang kanyang kontrata,
ang sagot ng kanyang amo ay “No! Your contract is XXX!”. Bodega ang kanyang
naging tulugan kung saan kadalasang playground din ng mga bata at kahit dis-oras
na ng gabi, may papasok at biglang ibabagsak ang pinto. Nakaranas din ng mga
aksidente ang OFW kung saan nabagsakan ng mabigat na furniture ang paa ngunit
walang inialok na tulong ang employer. Dagdag pa, nilimitahan ng employer sa isang
beses kada linggo lamang maaaring tumawag sa cellphone ang DH. Labis na gutom
din ang kanyang sinapit sapagkat pinagbawalan siyang kumain hangga’t hindi pa
nakakakain ang kanyang mga amo samantalang huli sa oras ng pagkain kung kumain
ang mga ito.
61DIASPORAATPELIKULA
Nang makaramdam ng pananakit ng paa, humingi siya ng dalawang oras na
pahinga ngunit hindi ito napagbigyan. Maghapong nakatayo, nagkukuskos, at hindi
pa pinakakain ang mga mga domestic helper na inatasang maglinis ng isang
abandonadong bahay. Dahil umaga na nang matapos ang paglilinis, dalawang oras
lamang ang kanyang naging tulog sapagkat kinailangan na nitong mag-intindi ng mga
estudyanteng anak ng kanyang amo. Tanghali nang humingi ng pahinga ang DH dahil
sa pananakit ng paa. Kinabukasan, pinalayas na siya sa trabaho at ibinalik sa agency.
Pinilit kunin ng amo ang cellphone at sahod, ngunit ipinaglaban ng domestic helper
ang kanyang sahod. Pagdating sa agency, dinahilan ng amo sa ahensya na ayaw na
nitong magtrabaho kaya nila ibinalik.
Nais ng agency na magpalit ng employer ang DH dahil nais mabawi ng dating
employer ang binayad sa ahensya. Hindi siya pumayag sapagkat ibang employer ang
nakapirma sa kanyang kontrata at wala siyang magiging seguridad sa bagong amo,
kung kaya’t nagdesisyon na lamang siyang umuwi.
2. Para sa isang Pinay DH na galing Hong Kong, ang pinakamabigat na karanasan para sa
kanya ay ang mawalay sa mga anak at ang pangangaliwa ng kanyang asawa. Ayon sa
kanya, ang depresyong naranasan niya matapos malaman ang na mayroong babae ang
kanyang asawa ang nagtulak sa kanyang mga amo na i-terminate siya. Labis na stress at
pamamayat ang pinagdaanan niya.
Gutom din ang daing niya sa kanyang mga employer ngunit malaking bagay para
sa kanya ang kanyang lingguhang day-off sapagkat napababaunan siya ng kanyang kapwa
mga Pinay domestic helper sa Hong Kong ng pagkain sakaling magutom siya sa trabaho.
3. Illegal detention naman ang pinakamalagim na sinapit diumano ng Pinay DH sa Saudi
Arabia. Walo silang kasambahay sa bahay ng kanyang employer kung saan mayroon
siyang mga kasamang domestic helper mula India at Sri Lanka. Isang linggo diumano
silang ikinulong, pinagpapalo, at hindi pinakain ng amo nang nakawin ng isang Sri Lankan
DH ang isang bra ng amo nilang babae.
62DIASPORAATPELIKULA
Naging ugali na ng mga kasamahan niyang DH na isukat ang mga damit, sapatos,
at alahas ng kanilang amo kung kaya’t nang makita ito ng anak ng kanilang employer, agad
silang isinumbong. Suwerte na lamang daw sila at palihim na inaabutan sila ng pagkain ng
drayber sa tuwing magbabanyo ang mga domestic helper.
Naranasan din niya ang labis na pagkagutom sapagkat hindi niya kinakain ang
anumang lutuin ng mga kasamahan niyang DH dahil sa nalaman nitong hinahaluan ito ng
mga kasamahan niya ng sarili nilang regla. Ito raw ang ganti ng kanyang mga kasamahan
sa pagiging salbahe ng kanilang employer. Dahil sa takot na magkasakit, tiniis niyang
kainin ang Cerelac (pagkain ng bata) at gatas ng kanyang alagang bata.
4. Pangbibintang ng pagnanakaw ng isang litrato naman ang pinakamalaking dagok sa buhay-
OFW ng isa sa mga respondent. Matapos ang halos tatlong taong pagiging domestic helper
sa kanyang employer, tatlong araw na lamang ang hihintayin niya at makakauwi na siya
ng Pilipinas. Ikinulong siya ng kanyang amo ng sampung araw, binugbog, at pilit pina-
inom ng tubig na may halong asin at cologne habang pinipilit siyang paaminin sa
ibinibintang na pagnanakaw. Matapos ang sampung araw, dinala ng employer sa presinto
ang OFW at sinampahan ng kasong pagnanakaw. Pitong buwang siyang nakakulong ng
walang naganap na imbestigasyon.
Matapos ang Ramadan, nagkaroon ng tatlong sunod-sunod na imbestigasyon at
pagkatpaos, iniharap agad siya sa korte. Batid ng Pinay DH na wala siyang nakasamang
abogado, bagamat nangakong magpapadala ang embahada ng Pilipinas. At bagamat hindi
pa siya nakapagsasalita sa hearing, agad siyang binasahan ng sintensiya na makulong muli
ng 10 buwan.
Dahil sa pressure at stress, naisip na niyang magpakamatay sa loob ng loob ng selda
habang natutulog ang mga kasama sa loob. Inisip daw niya ang kahihiyang sinapit ng
kanyang mga anak dahil nagkaroon ng ibang asawa ang kanilang ama at nakulong naman
sa abroad ang kanilang ina, ngunit naisip din niya na ang pera ay maaaring ibalik, ngunit
ang buhay niya ay hindi na.
Matapos makulong, umuwi ang Pinay DH sa Pilipinas na tanging abaya at pajamas
lamang ang suot at walang kahit anong dalang pera at personal na gamit.
63DIASPORAATPELIKULA
5. Labis na gutom at hindi makataong pagtrato rin ang dinanas na isa pang respondent na
nagtrabaho sa Hong Kong. Ayon sa kanya, expired na mga tinapay at biscuit ang
pinakakain sa kanya ng kanyang amo. Wala rin siya diumanong pahinga sapagkat madalas
umabot sa alas dos ang kanyang pagtatrabaho. Nakaranas din siya ng berbal na abuso kung
saan sinasabihan siyang ‘tanga’ at ‘siraulo’ ng amo sa tuwing nagsusuot ng jacket sa
malamig na bahagi ng Hong Kong. Muntik na rin siyang mahulog sa pagkikiskis ng labas
na bahagi ng bintana dahil sa dulas ng yero.
Ang ikaanim na respondent ng isinagawang FGD ay si Celia Veloso, ina ni Mary Jane
Veloso na kasalukuyang nasa death row sa Indonesia. Dati ring naging OFW si Nanay Celia sa
Saudi Arabia. Kagaya ng ibang respondents, nakaranas din siya ng pangmamaltrato ngunit para sa
kanya, wala ang kanyang sinapit sa bigat ng pinagdadaanan ng kanyang anak.
“Hindi na!” – ito ang naging sagot ng anim na babaeng migrante nang tanungin kung
pipiliin pa rin nilang magtrabaho sa abroad kung mayroon namang matinong trabaho na may
nakabubuhay na sahod sa Pilipinas.
Pinuna ng ilang respondents ang P10, 000 dapat ibinibigay ng Overseas Workers Welfare
Administration (OWWA), kung saan P5,500 na lamang ang naibibigay sa kanila dahil kinakaltasan
ito ng mga nagastos diumano sa tatlong araw na training. Dagdag pa, napakatagal daw ibigay ng
OWWA ang tseke na hanggang sa kasalukuyan ay hindi pa rin nila natatanggap.
Ang mga alagad ng pelikula
Nakapanayam ng mananaliksik sina Joel Lamangan at Bonifacio Ilagan, mga batikang
manunulat at direktor sa pelikula at kapwa naging bahagi ng unang sigwa (first quarter storm)
noong panahon ng Martial Law, upang kumatawan sa boses ng mga alagad ng pelikula sa pag-
aaral na ito.
64DIASPORAATPELIKULA
Para kay Joel Lamangan, ang pelikula ay mayroong katangiang politikal sa lahat ng
panahon sapagkat nagpapakita ito ng ugnayan sa lipunan – tao sa tao, tao sa sistema, tao sa
gobyerno, etc. Binigyang-linaw din ni Lamangan ang kahalagahan ang pelikula sa mga isyung
panlipuan kung saan ayon sa kanya, ang pelikula ay isang artistikong ekspresyon na maglalantad
ng katotohanan – katotohanang batay sa tao o grupong gumawa ng partikular na pelikula, at
katotohanang nagpapakita ng malinaw na kontradiksyon sa lipunan:
“Ang pelikula at lipuan ay hindi dapat magkahiwalay. Ang pelikula at lipunan ay
dapat magkaugnay. Walang pelikula kung walang lipunan.” (Lamangan, J., 2017)
Nakikita naman ni Bonifacio Ilagan ang kahalagahan ng pelikula sa pagpapalaganap ng
naratibo ng mga kababaihang migrante sapagkat malaki ang papel diumano ng pelikula upang
mabuhay sa kamalayan o consciousness ng mga tao sa mga usaping nais bigyang-buhay. Ginamit
na halimbawa ni Ilagan ang pagiging matunog ng kaso ni Flor Contemplacion noong 1995 upang
maipaliwanag ang punto niya sa kahalagahan ng pelikua:
“Dati-rati, yung tungkol kay Flor, front page ‘yan. Pero dahil sa madalas nang
nangyayari, nagiging karaniwang balita na lang to the point na sa karaniwang tao, hindi na iyan kagila-gilalas… and even the media treat such news as an ordinary event at nilalagay na nga lang sa inside pages which brings me to my point na sa ganiting kalagayan… yung pelikula ang mas magda-dramatize noong isang usapin na otherwise ay hindi na pinapansin.”
Samantala, detalyadong ipinaliwanag ni Lamangan ang papel ng pelikula sa pagpapabago
ng lipunan. Ayon sa kanya, hindi direktang makapag-aambag sa panlipunang pagbabago o pag-
unlad ang pelikula sapagkat hindi ito pampolitikang pwersa, kundi ito ay artistikong ekspresyon
na naglalantad ng katotohanan, sa paningin ng lumikha ng pelikula, na magmumulat sa taumbayan
upang kumilos, at kinakailangan ng lakas ng isang pampolitikang pagkilos (political movement)
upang magkaroon ng pagbabago sa lipunan. Ayon nga kay Bonifacio Ilagan:
“Ang kailangan ay mga pelikula, mga obra ng sining na magtutulak sa tao upang kumilos.”
65DIASPORAATPELIKULA
Ngunit madiing nilinaw nina Lamangan at Ilagan na hindi lamang iisang bersiyon ang
katotohanan at hindi lahat ng pelikulang naglalantad ng katotohanan ay naglalayong magmulat sa
manonood upang kumilos. Batid ni Lamangan na ang katotohanang ipinapakita sa pelikula ay
batay sa katotohanang sinasandigan ng gumawa ng pelikula – direktor, manunulat, o produser –
na sumasalamin sa interes ng isang grupo ng tao sa isang partikular na panahon. Sinususugan ito
ni Ilagan kung saan batid niya na ang pagpanig ng isang pelikula ay nakabatay sa punto de bista
ng tao o grupong lumikha ng obra.
“Truth favors whose interest you’re protecting.” (Lamangan, J.,2017)
Ani nila’y hindi rin sapat na mailantad lamang ang katotohanan sapagkat mahalagang
layunin din ng pelikula ang mapag-isip ang manonood at makabuo ng kritikal na analisis batay sa
napanood. Ayon kay Ilagan, hindi dapat nakasara sa emosyonal na aspeto lamang ang mga pelikula
sapagkat dapat nagbubunga ang mga ito ng pagkamulat at nagtutulak sa mamamayan upang
kumilos. Batid niya na anuman ang maging pagsusuri ng mga manood, mahalaga na dapat
mayroong mabuong desisyon sa kanila bilang bahagi ng lipunang inilantad sa pelikula:
“… at the end of the day, after having seen a film or a theater production, napaiyak mo, napatawa, kailangan may isang desisyon na nabuo sa tao. It’s either uunawain niya pa yung usapin or kikilos na siya upang tumulong na malutas yung problema.”
Para kay Joel Lamangan, ang konsepto ng isang maunlad na lipunan at mamamayan ay
hindi dapat ‘exploitative’, hindi dapat tao ang tila numero unong produktong ineeksport upang
pagyamanin ang bansa. Payo rin niya sa mga nag-aasam maging mga alagad ng pelikula (sa isang
forum sa Film Development Council of the Philippines) na nawa’y piliin nila ang katotohanang
magsisilbi sa interes ng nakararami:
“Ako naniniwala akong my truth should serve the interest of the many. If the many is the oppressed, then my truth should serve the interest of the oppressed. I will never serve the interest of the oppressor… And I will fight with them so that they will not be oppressed anymore, by means of my art, by means of the movie(s) I create.” (Lamangan, J., 2017)
Samantala, binigyang-diin naman ni Bonifacio Ilagan ang bigat ng social cost ng
migrasyon sa pamilya ng mga OFW – kadalasang pagkakapariwara ng anak at pangangaliwa ng
66DIASPORAATPELIKULA
asawa. Bagamat kinikilala niya na mayroong mga OFW na umasenso dahil sa trabaho sa abroad,
binigyang-diin niya na ang mga kasong ito ay eksempsiyon sa tunay na batas o kalakaran ng
migrasyon sapagkat mas marami pa ring OFW ang biktima ng karahasan sa ibang bansa.
Naninindigan siya para sa mas malawak na oportunidad sa trabaho sa Pilipinas na siya ring mariing
panawagan ng organisasyong Migrante International:
“Kailangan ng lipunan na nagbibigay ng pagkakataon sa mga mamamayan nito na
mabuhay nang disente at normal sa sariling bayan.” (Ilagan, B., 2017)
Dalubhasang Pananaw sa OFW films
Kinapanayam ng mananaliksik si Dr. Rolando Tolentino, dating dekano ng College of
Mass Communication sa UP Diliman, upang makuha ang pananaw ng isang dalubhasa sa Pelikula
ukol sa OFW films na kadalasan ding paksa ng kanyang mga artikulo at akda.
Ayon kay Dr. Tolentino, ang overseas work sa Pilipinas ay isang penomenon kung saan
hindi maganda ang kalagayan ng mga Pilipino at nananatili diumano sa construction boom ang
kalakhang bilang ng mga OFW. Nakikita niya ang kahalagahan ng ugnayan ng pelikula at
kalagayan ng mga migrante sapagkat mas nangingibabaw na diumano sa kasalukuyang panahon
ang visual arts culture gaya ng pelikula kaysa sa reading culture at dahil sa nilikha ang pelikula
ng may sinasandigang realidad sa partikular na panahong inilabas ito na may inilalantad diumano
ng mga seryosong OFW films.
Kung babalikan ang naging pagtalakay ni Tolentino sa periodisasyon ng OFW films (balikan
sa pahina 64), ang paglabas ng mga komersiyalisado at fiksiyonalisadong OFW films ay mapanganib
dahil mayroong posibilidad na ang manonood ay naghahangad ding mangibang-bansa kung saan
madaling ibenta sa manonood na makipagsapalaran din sa ibayong-dagat kapag naromantisa ang
pagtingin nila sa kalagayan ng mga OFWs sa pamamagitan ng mga pelikula.
Pinaliwanag din ni Tolentino ang pagiging ‘economically-rooted’ ng pagbaba ng bilang ng
mga napoprodus na pelikulang Pilipino sa kabuuan, na binanggit niya sa kanyang tekstong Vaginal
Economy. Batid niya na taong 1990s, panahon din diumano nang naganap ang World Trade
Organization (WTO) gap, nang labis na bumagsak ang bilang ng mga napoprodus na pelikula sa
bansa – mula 200 pelikula noong 1970s hanggang 30 pelikula na lamang kada taon noong 1980s.
Dahil sa WTO gap, mas naging bukas din sa pandaigdigang kompetisyon maging ang industriya
67DIASPORAATPELIKULA
ng pelikula ng iba’t ibang bansa. Maging pelikula ng malalaking kompanya ay umaatras kapag
ipinapasok sa bansa ang mga Hollywood films sapagkat napakataas diumano ng probabilidad na
tumiklop ang mga lokal na pelikula kung kaya’t sa mga panahong walang Hollywood films sa
malalaking sinehan na lamang ipinapasok ang mga pelikulang Pilipino na kadalasan pa’y mga
komersiyalisadong pelikula.
Para kay Dr. Tolentino, hindi makatotohanan ang konsepto ng pambansang kaunlaran o
national development sa konteksto ng kasalukuyang labor export policy ng bansa sapagkat ang
remittances mula sa overseas employment ay isang stopgap measure lamang. Sa panahon ng
pandaigdigang krisis, partikular ay ang 2007 Global Financial Crisis, ang nagligtas diumano sa
ekonomiya ng Pilipinas ay ang remittances ng 11 milyong Pilipinong patuloy na nagpapadala sa
kanilang mga pamilya sapagkat, kumpara sa ibang industriya, hindi naaapektuhan ng
pandaigdigang krisis ang walang humpay na remittance ng mga OFW.
Migrante International at OFW films
Kinapanayam ng mananaliksik si Ginoong Arman Hernando, tagapagsalita ng Migrante-
Youth upang hingin ang pananaw ng pangmasang-organisasyong Migrante International ukol sa
mga pelikulang nagtatampok ng kalagayan ng mga kababaihang migrante.
Kinikilala ni Hernando ang kahalagahan ng mga OFW films sapagkat batid niya na sa
kasalukuyang panahong babad ang mamamayan sa mga iskrin – iskrin ng cellphone, computer,
etc., mas nangingibabaw na diumano ang biswal kaysa sa tekstong pamamaraan. Dahil dito,
pelikula ang isa sa pinakamadaling paraan para ipaabot sa mamamayan ang kalagayan ng mga
migranteng Pilipino. Ayon pa sa kanya, malaking bagay ang mga ganitong pelikula para sa mga
pamilyang migrante upang makita at maramdaman ng mga kapamilya ang totoong pinagdadaanan
ng kanilang mga kaanak na OFW sapagkat kadalasa’y ang masasayang karanasan lamang ang
ipinakikita ng mga ito sa mga larawan sa takot na mag-alala pa ang pamilya.
68DIASPORAATPELIKULA
Gayundin, inilatag ng Migrante International ang mga porma ng karahasan at suliraning
natatamasa ng kalakhan sa mga migrante sa bawat proseso ng kanilang pandarayuhan (Tingnan ang
Imahe 4.4). Mula pre-employment, kung saan napakarami na agad ang nahuhulog sa patibong ng
mga ilegal na rekruter, hanggang sa reintegration, kung saan mayorya sa mga nabigong OFW ay
nabaon sa utang dahil sa maraming dahilan gaya ng tambak na utang ng pamilya, pagkumpiska ng
employer sa sahod, hindi pagpapasuweldo, at panlilinlang ng agency o kapwa OFW.
Ayon pa sa porum na isinagawa ng Migrante (Pebrero 2017), mauugat ang
institusyonalisasyon ng eksportasyon ng lakas-paggawa ng bansa noong panahon ni dating
Pangulong Marcos kung saan ipinaloob sa Presidential Decree 442 o Labor Code ang Overseas
Employment Program na nagtayo ng mga ahensya ng gobyernong naatasang maghanap ng mga
manggagawang maaaring i-eksport. Kung kaya’t imbis na lumikha ng maraming trabaho sa bansa
at paunlarin ang industriya nito, gumawa na lamang ito ng mga mangagawang may angkop na
kakayahan sa trabahong inihahain ng malalaking bansa.
Para kay Arman Hernando, nakikita niya ang papel ng isang istruktural na lipunan sa
pagpoprodus ng mga OFW films na may politikal na konteksto. Kung ang ekonomiya diumano
ang nagdidikta ng politikal at kultural na sitwasyon ng bansa, dapat salaminin ng kalagayan ng
Imahe 4.4. Mga yugtong pinagdadaanan ng mga migrante at mga nakaambang karahasan sa bawat yugto (Orihinal na Imahe mula sa ulat ng Migrante International).
69DIASPORAATPELIKULA
mga migrante sa pelikula ang mukha ng ekonomikong base kung saan sila ay marhinalisado,
pinagkakaitan, at biktima ng mga labor export policies – mga polisiyang labis na pinakikinabangan
ng malalaking recruitment agencies at malalaking negosyante. Dapat diumanong ipakita ang ugat
ng ganitong kalagayan ng mga OFW, pagsasamantala ng mga negosyante at maging ng
pamahalaan at bansang nananamantala sa kanila. Mahalaga rin diumanong ipakita ang epekto ng
pandarayuhan sa mga pamilya at ang pinakamahalaga’y makapaglatag ng solusyon sapagkat hindi
sapat diumano ang maglantad lamang ng mga suliranin. Naniniwala siyang makapagmumulat
lamang at masasabi niyang kumpleto ang isang pelikula ng OFW kung mayroong konkretong
solusyon itong ihahain sa mamamayan.
Pulso ng masa sa Pelikula
Layunin ng sarbey na masuri ang konteksto ng mga pelikulang sentro ng pag-aaral mula sa
perspektiba ng mga manonood. Sinuri ang konteksto sa pamamagitan ng kwalitatibo at
kwantitatibong uri ng pagtatanong. Tatlong pelikula ang isinailalim sa pagsasarbey – The Flor
Contemplacion Story, A Mother’s Story, at Migrante: The Filipino Diaspora.
Inilatag ng kwalitatibong datos ng sarbey ang mga porma ng karahasan, diskriminasyon, o
suliranin ng kababaihang OFW na ipinakita sa bawat pelikula. Sa dalawang aspeto binalangkas
ang mga porma ng suliranin – bilang overseas worker at bilang babae.
Karahasan sa kababaihan
1. The Flor Contemplacion Story
Porma Detalye Bilang ng sumagot
70DIASPORAATPELIKULA
Pambababae ng asawa (Bigamy)
Pagbabahay ng asawa sa kabit habang nasa ibang bansa si Flor 10
Kawalang-oportunidad na magampanan ang obligasyon sa mga anak
Pagkakait sa ina ng pagkakataong magabayan ang mga anak 7
Peminisasyon ng paggawa at kahirapan (Feminization of labor and poverty)
Peminisasyon ng mga overseas workers 4
Kawalang representasyon Kawalang-boses sa sa pamahalaan sng ibang bansa at sa patriyarkal na lipunan, kawalang kapangyarihang ipagtanggo ang sarili
4
Pang-aabuso Pisikal na pang-aabuso, torture upang mapilitang umamin sa kasalanang hindi ginawa
4
Diskriminasyon sa kasarian (Gender discrimination)
Babae bilang “yaya” sa ibang bansa 3
Emosyonal na istres (Emotional stress)
Pangungulila sa mga anak 3
Kakulangan o kawalang proteksyon
Pambubugaw ng pamahalaan, bulnerabilidad na maakusahan sa krimeng hindi ginawa 3
Diskriminasyon sa lahi (Racial discrimination)
1
2. A Mother’s Story
Porma Detalye Bilang ng sumagot
Pang-aabuso
Pisikal (pamamalo), Emosyonal, Berbal na maltrato, Ekonomiko (labis na paggasta para sa bisyo ng asawa), kawalang-kalayaan, overwork, pangmamaliit ng amo
27
Diskriminasyon sa kasarian (Gender discrimination)
Hindi maaaring magtrabaho ang babae sa abroad, pagtrato sa kababaihan bilang mas mababang uri, mas magandang oportunidad ang binibigay sa kalalakihan, pagkulong sa kababaihan sa mga pambahay na trabaho
12
Pambababae ng asawa (Bigamy)
6
Victim blaming Sinisisi ang babae dahil sa pagkakawatak-watak ng pamilya 5
Paninirang-puri Pinagchichismisan ang babae na nanlalaki sa ibang bansa 3
71DIASPORAATPELIKULA
Hindi makatarungang pagbabawas ng sahod
Pagbibigay ng mababang sahod ng amo, pandaraya sa sahod ng kapwa ng Pilipino 2
Sapilitang pandarayuhan (Forced migration)
1
3. Migrante: The Filipino Diaspora
Porma Detalye Bilang ng sumagot
Rape at sexual harrasment Mula sa sekswal na pagbabanta hanggang sa pagdadalang-tao ng ginahasang biktima 26
Pisikal, berbal, at emosyonal na pang-aabuso
Tinatawag na ‘slave’, pambubugbog ng amo 12
Kawalang-boses at representasyon
Hindi pagkilala sa karapatan, Walang boses upang magreklamo, pagtanggi ng among
babae na paniwalaan ang sumbong ng OFW, hindi pantay na pagtingin ng ibang
bansa at batas sa mga kababaihan
7
Diskriminasyon sa trabaho
Hindi pagpapasweldo, tinuturing na alipin, sapilitang pagtatrabaho sa hindi maayos na
kondisyon kung saan mas naging bulnerable sa seksuwal na karahasan ang kababaihan
7
Gender stereotyping
Palaging domestic work ang ibinibigay na trabaho sa kababaihan, kawalang
oportunidad umunlad sa ibang uri ng trabaho
3
Trauma at kahihiyan Dulot ng naging marahas na karanasan at pagkakabuntis 2
Biglaang pagpapalit ng trabaho Kawalang-bisa ng kontrata dahil sa biglaang pagpapalit ng employer 1
Forced migration / feminization of overseas work
Sapilitang pag-alis dahil mas mataas ang demand sa kababaihan sa ibang bansa 1
Pangangaliwa ng asawa (Bigamy)
1
Diskriminasyon sa uri (Racial discrimination)
1
Isolation 1 Kakulangan sa oportunidad magampanan ang pagiging ina
1
72DIASPORAATPELIKULA
Bilang pagsusuma sa mga talahanayan, ginamit ng mananaliksik ang Venn diagram upang
makita ang mga karaniwang isyung pare-parehong inilantad ng mga pelikula at ang mga isyung
ispesipikong tinalakay at binigyang-diin sa partikular na pelikula. Layunin din ng paglalatag na ito
na maiugnay ang mga inilantad na karanasan sa pelikula sa aktuwal na karanasan ng mga OFW sa
pamamagitan ng naganap na focus group discussion.
Makikita sa Venn diagram, na Bigamy o pangangaliwa ng asawang lalaki ang isa sa
primaryang isyu na inilantad ng tatlong pelikula. Sinususugan ng mga babaeng migranteng naging
bahagi ng focus group discussion, na ito ang isa sa pinakalaganap na suliranin ng mga kababaihang
migrante. Apat sa anim na naging respondents ang biktima ng pangangaliwa at tuluyang
nakipaghiwalay sa asawa. Pang-aabuso (pisikal, emosyonal, berbal, at ekonomiko) rin ang
pinakalaganap na karahasan na inilantad ng tatlong pelikula at pinatototohanan din ng naging
usapin sa focus group discussion. Ang anim na OFW na umupo sa diskusyon ay lahat nakaranas
ng pangmamaltrato sa iba’t ibang porma at lahat din ay nagtrabaho bilang domestic helper sa Saudi
Arabia at Hongkong na nagpapatunay sa ipinakitang isyu ng gender stereotyping sa tatlong
pelikula
Diagram 4.1. Karahasan sa Kababaihan. Sinusuma ng Venn diagram ang mga pagkakahintulad at malawak na baryasyon ng mga porma ng suliranin at karahasan sa kababaihan na ipinakita sa bawat pelikula.
73DIASPORAATPELIKULA
Karahasan bilang overseas worker
1. The Flor Contemplacion Story
Porma Detalye Bilang ng sumagot
Kapabayaan ng pamahalaan
Hindi paggampan ng embahada sa tungkulin nito sa kaso ni Flor Contemplacion, pagiging pasista ng gobyerno, kakulangan ng suporta mula sa gobyerno, dahil sa labor export policy ng bansa
14
Inhustisya Walang pantay na paglilitis, kabulukan ng sistema ng korte sa Singapore 13
Pang-aabuso Sapilitang pagpapaamin, pangba-blackmail, pisikal na abuso, pananamantala sa kahinaan ng migrante
5
Diskriminasyon sa trabaho
Mababang tingin sa mga trabahong pambahay tulad ng mga DH, Hindi pantay na turing sa mga migrante sa ibang bansa
4
Sapilitang migrasyon dulot ng kahirapan at kawalang-empleyo 3
Brain drain Mentalidad na aayos ang buhay sa pangingibang-bansa 1
Diskriminasyon sa lahi (Racial discrimination)
1
2. A Mother’s Story
Porma Detalye Bilang ng sumagot
Diskriminasyon sa trabaho dahil sa undocumented o ilegal na istatis
Pangmamata, hindi maayos na pakikitungo ng amo, itinuturing na ‘cheap labor’, pagbabawas at pandaraya sa sahod, hindi pantay ang karapatang ibinibigay
23
Pisikal, Berbal, Emosyonal, at Ekonomikong Pang-aabuso
22
Kawalang seguridad, kalayaan, at oportunidad
Pagkumpiska sa pasaporte at ibang dokumento, illegal detention, pangba-blackmail, madalas napagbibintangang nagnanakaw
14
Panlilinlang ng kapwa Pilipino Pagbabawas ng sahod 5
74DIASPORAATPELIKULA
Pangbibintang ng pamilya Inaakusahang masamang ina dahil sa pagtatrabaho sa abroad 1
Diskriminasyon sa lahi 1
Diskriminasyon sa kasarian Inaasahang bilang babae at ina na manatili lamang sa bahay upang asikasuhin ang pamilya
1
3. Migrante: The Filipino Diaspora
Porma Detalye Bilang ng sumagot
Diskriminasyon sa trabaho
Underpaid labor, alipin at bayaran ang tingin sa mga OFW, hindi pagpapasweldo, hindi pantay na turing sa mga migrante
13
Sekswal, pisikal, at mental na abuso Pangmamaltrato sa mga naarestong OFW, panggagahasa ng kapulisan sa OFW na humihingi ng tulong, trauma
13
Pang-aakusa ng mga gawa-gawang krimen/ victim blaming
10
Kawalan ng kalayaan at karapatan
Pagkumpiska ng pasaporte at ibang dokumento, Isolation, hindi makapagpagamot ang mga nabugbog na OFW dahil sa takot na mahuli
9
Pag-abandona ng embahada at pamahalaan
Kawalang-proteksiyon mula sa pamahalaan, pagpabor ng embahada sa akusasyong ibinibintang ng employer sa OFW, labor export policies ng bansa
9
Kawalan ng boses at proteksiyon Sa pagkakadakip, sa bantang deportasyon, sa mga awtoridad na nakabangga ng biktima
6
Diskriminasyon sa lahi 4
Biglaang pagpapalit ng employer/trabaho
Kawalan ng seguridad sa trabaho, mula sa pagiging caregiver ay naging kasambahay
3
Pagkakawalay sa pamilya 1
75DIASPORAATPELIKULA
Liban pa sa pang-aabuso, mga isyu din ng diskriminasyon sa trabaho (sa iba’t ibang porma)
at diskriminasyon sa lahi (racial discrimination) ang inilantad ng tatlong pelikula sa aspeto ng
pagiging migrante. Kadikit ng pang-aabuso ang hindi pantay na trato at karapatang ipinapataw sa
mga migranteng babae. Sa isang pagbabahagi, batid ng isang OFW na hindi lamang labis na
pagtatrabaho kundi pagkakait ng karapatang makapagpahinga ang naranasan nito sa mga amo sa
Middle East. Ang malala pa, ang paghingi nito ng ilang oras na pahinga mula sa mga amo ang
naging mitsa ng kanyang kontrata at trabaho, at ayon nga sa kanya, hindi na tao ang turing sa mga
migrante sa ibang bansa.
Nilayon namang masuri ng kwantitatibong bahagi ng sarbey ang – kahalagahan, pagiging
makatotohanan, kabuuang konteksto at panawagan, at papel ng mga aspetong panlipunan sa
pelikula. Nahati sa limang sab-kategorya ang sarbey at ang mga sumusunod ang nagsuplay ng
kwantitatibong datos:
Diagram 4.2. Karahasan bilang mga Migrante. Sinusuma ng Venn diagram ang mga pagkakahintulad at pagkakaiba ng mga porma ng suliranin at karahasan bilang mga migranteng manggagawa na ipinakita sa bawat pelikula.
76DIASPORAATPELIKULA
I. Pagsusuri sa mga karahasang itinapok at pagiging makatotohanan ng pelikula
Mean
The Flor Contemplacion Story 3.52
A Mother’s Story 3.09
Migrante: The Filipino Diaspora 3.81
Sa tatlong pelikula, Migrante: The Filipino Diaspora ang pelikulang nakakuha ng
pinakamataas na mean sa unang sab-kategorya. Samakatwid, batay sa perspektiba ng mga naging
respondents, ito ang pelikulang pinakanagpakita sa pelikula ng malawak na saklaw ng mga
karahasan at ng pagiging dobleng bulnerable ng kababaihang migrante.
II. Pagsusuri sa kabuuang konteksto at panawagan ng pelikula
Mean
The Flor Contemplacion Story 3.25
A Mother’s Story 2.82
Migrante: The Filipino Diaspora 3.59
Ang pelikulang Migrante: The Filipino Diaspora, na may mean na 3.61, ang nakakuha ng
pinakamataas sa ikalawang sab-kategorya. Batay sa perspektiba ng masang manonood, ang
pelikulang ito ang pinakanagpalitaw sa migrasyon bilang isang istruktural na isyu na naka-ugat sa
malawakang kawalang-empleyo sa bansa at pinakanagbitbit ng panlipunang panawagan at hamon
sa mga respondents.
IV. Pagkilala sa papel ng mga aspetong panlipunan sa pelikula
77DIASPORAATPELIKULA
Mean
Politikal
The Flor Contemplacion Story 3.0
A Mother’s Story 2.58
Migrante: The Filipino Diaspora 3.44
Ekonomiko
The Flor Contemplacion Story 3.56
A Mother’s Story 2.72
Migrante: The Filipino Diaspora 3.24
Kultural
The Flor Contemplacion Story 3.44
A Mother’s Story 2.42
Migrante: The Filipino Diaspora 3.64
Migrante: The Filipino Diaspora ang pelikulang pinakasumalamin sa politikal at kultural
na aspeto ng lipunan samantalang The Flor Contemplacion Story, na may mean na 3.56, ang
pinakanagpalitaw sa pelikula ng ekonomikong usapin ng lipunan.
V. Pagkilala sa kahalagahan ng pelikula bilang midyum ng pagmumulat
Mean
The Flor Contemplacion Story 3.72
A Mother’s Story 3.35
Migrante: The Filipino Diaspora 3.68
Sa mean na 3.72, ang pelikulang The Flor Contemplacion Story ang pinakanagpakita at
malawak na nagtalakay ng kahalagahan ng pelikula bilang epektibong midyum sa pagpapalaganap
ng isyu ng kababaihang migrante.
78DIASPORAATPELIKULA
Sinusuma ng mga sumusunod na talata ang mga puntong ninais bigyang-diin ng mga
manonood sa pelikulang naging sentro ng kanilang sarbey:
The Flor Contemplacion Story
Inilantad ng pelikula ang lihim ng pamilya Contemplacion – ang pagkakaroon ng
karelasyon ni Efren Contemplacion, ngunit hindi diumano masyadong naipakita ang kalagayan ni
Flor Contemplacion bilang overseas Filipino worker (OFW). Ipinakita rin ng pelikula ang
malaking epekto ng migrasyon sa isang pamilya, ngunit hindi naman diumano nabigyang-diin ang
iba pang isyung kinasasangkutan ng kababaihang migrante. Ayon sa ilang mga naging
respondents, may malinaw na pagpanig kay Flor Contemplacion ang kabuuang naratibo bagamat
mayroong nagsabi na dapat mas ipinakita pa ang ugat ng suliranin sa pelikula, at bagamat
nakasandig sa emosyonal na aspeto ang pelikula, nangibabaw din diumano ang pagtalakay sa kaso
ni Flor bilang isang panlipunang isyu.
Sa kabuuan, inilantad ng pelikula ang laganap na diskriminasyon at pagiging bulnerable
ng kababaihang migrante, ang kapalpakan ng gobyerno – ang kabulukan ng hustisya noong
administrasyong Ramos at ang kawalan nito ng malinaw na solusyon, at ang malawakang
kakulangan sa trabaho sa bansa. Panawagan ng masang manonood, kailangan diumanong
matugunan ng pamahalaan ang pangangailangan ng mga migrante at hindi epektibong solusyon
para sa lahat ang pandarayuhan upang umangat mula sa kahirapan.
A Mother’s Story
Malawak diumano ang naging pagtalakay ng pelikula sa kalagayan at suliranin ng mga
kababaihang migrante. Maliban sa kaso ng illegal status, ipinakita rin ng bahagya ang karanasan
ng Pilipinang produkto ng ‘green card marriage’ na, kabaliktaran ng tipikal na mga OFW, ay
nanlilinlang ng kapwa Pilipinong migrante. Nakita ng manonood ang kahalagahan ng
pagkakatampok sa kaso ng passport confiscation kung saan maituturing na porma ng banta sa
karapatan at kalayaan ng mga migrante.
Naging malawak din diumano ang pagtatampok ng pelikula sa usapin ng kasarian at
pamilya sa kaso ng mga OFW. Kinilala ng mga respondents ang mga diskriminasyon sa kasarian
bilang produkto ng isang patriyarkal na lipunan samantala ang yunit na pamilya bilang payak na
79DIASPORAATPELIKULA
mukha ng isang lipunan. Nangibabaw diumano sa aspetong pampamilya ang kahalagahan ng isang
ina at papel ng mga kamag-anak sa pagpapaunawa ng tunay na kalagayan ng mga OFW sa ibang
bansa. Samantala, batid ng mga respondents na dapat sana’y mas ikinumpara ng pelikula ang
kalagayan ng babae at lalaking migrante at mas ipinakita rin ang hirap na nararanasan ng naiwang
pamilya.
Mula sa mga naging punto, mayroong mga respondents na hindi naniwala sa ipinakita ng
pelikula. Batid ng ilan na hindi naman daw lahat ng amo ay masama, at hindi rin lahat ng pamilya
ay masama ang tingin sa kamag-anak na OFW. Samantala, mayroon ding ilan na nakita ang
konteksto ng pelikula na mas magaan kumpara sa tunay na karanasan kagaya ng naging mabuting
pakikitungo ng ilang Amerikano sa mga Pilipino sa pelikula na hindi sinasang-ayunan ng ilang
manonood. Dagdag pa, binigyang-diin ng ilang respondents na sa pagtatapos, ipinakita ng pelikula
na tila pangingibang-bansa pa rin ang solusyon upang umangat mula sa kahirapan dahil nag-
abroad din sa huli ang anak ng OFW. Puna ng ilang manonoodd na masyadong naging personal
ang naratibo ng pelikula at naisantabi ang relasyon ng migrasyon sa lipunan. Hindi diumano
masyadong nabigyang-diin ang malawakang kakulangan sa trabaho sa bansa na nagsisilbing push
factor sa mamamayan. Hindi rin gaanong naipakita sa pelikula diumano ang papel ng gobyero at
ibang organisasyon sa kaso ng migrasyon.
Inangat ng ilang respondents ang kahalagahan ng serbisyong pangkalusugan para sa mga
OFW, ang pangangailangang maisabatas ang Divorce sa bansa, at ang kahalagahan ng family
planning. Kinilala naman ng mga manonood ang kahalagahan ng pelikula sa pagtalakay sa isyu
ng mga OFW. Panawagan ng masang manonood ng A Mother’s Story na ang pagbibigay-empleyo
sa mamamayan sa loob ng bansa ang siyang tunay na lalagot sa kahirapang kanilang tinatakasan.
Migrante: The Filipino Diaspora
Ayon sa mga naging manonood, makatotohanan at nakapupukaw ang ipinakitang
karanasan ng mga kababaihang migrante. Naging malawak ang paglalatag diumano ng pelikula sa
usapin ng migrasyon – kapalpakan ng embahada at pamahalaan na magbigay ng legal na suporta
at tila ang mga OFW ang sumasalo sa pagbibigay-serbisyo sa bansa na hindi nagagawa ng
pamahalaan. Ipinakita rin ng pelikula ang papel ng mga progresibong samahan at non-government
organizations (NGOs) sa pag-agapay sa mga kaso ng mga OFW.
80DIASPORAATPELIKULA
Ayon sa isang respondent, diniin ng pelikula ang mukha ng Pilipinas bilang ‘land of the
slaves’. Iba’t iba ring kalagayan ng mga OFW ang inilantad ng pelikula – pagiging undocumented,
homosexual, at mga nagbabalak pa lamang mangibang-bansa. Tinalakay ng pelikula ang malawak
na porma ng mga karahasan at pang-aabuso sa mga OFW, hirap na pinagdadaanan ng pamilya ng
OFW, ang kaso ng brain drain at sa ilang bahagi rin diumano’y ang glamorisasyon sa mga OFW
(glamorization of OFWs). Nakita ng ilang respondents ang pagiging istruktural ng pagtalakay sa
kaso ng mga migrante sapagkat pinalitaw diumano ng pelikula ang problema sa kultura ng ibang
bansa at power relations sa pagitan ng Pilipinas at Middle East.
Puna naman ng ilan na nawa’y mas natalakay pa ang naging pangyayari sa kaso ni Frida
(bida sa pelikula) sapagkat naging ‘open-ended’ ang pelikula. Dagdag pa, dapat diumano’y
ipinakita kung saan maaaring tumungo ang mga OFW sa oras ng kapahamakan at dapat ring
inilantad ang papel ng media sa pagpapagaan o pagpapalala sa mga kaso ng OFW. Sa bahagi
naman ng pamilya, batid ng isang respondent na dapat mas nabigyang-diin ang suliranin sa
development aggression sa lupa ng pamilya ni Frida na isa sa mga sitwasyong nagtulak sa bidang
babae upang mangibang-bansa.
Panawagan ng mga manonood ng Migrante: The Filipino Diaspora na dapat magkaroon ng
masusing pagmomonitor sa kalagayan ng mga OFW upang mabigyang-proteksiyon ang mga ito.
Batid din ng mga manonood na nawa’y marami pa ang makapanood ng pelikulang ito, at dapat
ipaglaban ang karapatan ng ating mga migrante at kilalanin ang kahalagahan ng sama-samang
pagkilos (collective action) para maisulong ang kanilang mga hinaing.
Migrasyon at Pelikula: Panawagan at Polisiya
Hamon ng mga manunulat at direktor ng pelikula sa mga manonood na kumawala sa
nakasanayang pag-iwas o pagtalikod sa mga pelikulang Pilipinong mayroong adbokasiya,
partikular ay ang mga independent films. Sa laki diumano ng ginagastos sa mga pelikula – mula
sa mga artistang gaganap hanggang sa pag-a-adverstise sa mga telebisyon at print media,
nahihirapan ang maraming independent filmmakers na mabawi ang kanilang gastos dahil sa
mahinang pagtangkilik ng mga Pilipino sa mga ganitong uri ng pelikula. Batid ni Bonifacio Ilagan,
na mahalaga ang papel ng mamamayan upang mapanatili sa merkado ang mga ganitong uri ng
81DIASPORAATPELIKULA
pelikulang Pilipino at ayon nga kay Joel Lamangan, dapat panoorin ng mamamayan ang isang
pelikula batay sa konteksto nito. Samantala payo rin niya sa mga naghahangad na maging direktor
balang araw na piliin nila ang katotohanang nagsisilbi sa interes ng nakararami.
Hamon ni Ilagan sa mga kapwa niya alagad ng sining na mag-organisa ng samahan upang
makapagtulungan sa mga suliranin gaya ng pinansiyal at audience, at upang lubos at epektibo pang
mailapit sa mamamayan ang mga pelikulang may itinatampok na adbokasiya.
Hindi man daw numero unong layunin ng mga ganitong pelikula ang kumita ng malaki,
makatotohanan pa rin diumanong isipin na kahit papaano’y kinakailangang mabawi ang puhunan
sa pelikula, kung kaya’t panawagan din niya sa mga institusyong pampelikula ng pamahalaan na
magkaroon ng institusyonalisadong pampinansiyal na suporta para sa mga pelikulang nagsusulong
ng mga adbokasiya. Dahil kung hindi, magpapatuloy ang ‘beg, steal, and borrow’ na sistema para
sa mga maliliit na Pilipinong filmmakers.
Panawagan ng mga kababaihang migrante sa pamahalaan na bigyan ang kababaihan ng
trabaho sa Pilipinas, tanggalin ang age limit sa pagtatrabaho at bigyan ng legal assistance ang mga
may kasong Pilipino. Batid naman ni Celia Veloso na iligtas ang mga nasa death row at bigyan ng
pantay na paglilitis ang mga Pilipino bago hatulan ng bitay. Dapat din diumanong huwag gawing
basehan ang antas ng pinag-aralan ng mga naghahangad maging OFW sapagkat ang pagiging
mahirap nila ang siya mismong nagtulak sa kanilang maghanap ng trabaho sa ibayong-dagat, at
marami ang nahihirapan sa dami ng requirements na hinihingi sa kanila.
Ang Migrant Workers Act of 1995
Hunyo 05, 1995 – tatlong buwan matapos bitayin si Flor Contemplacion sa Singapore,
ipinatupad ni dating Pangulong Ramos (1992-1998) ang Republic Act 8042 o ang Migrant
Workers Act upang mabuhusan ng malamig ng tubig ang nagbabagang galit ng mamamayan dahil
sa pag-abandona ng pamahalaan kay Flor Contemplacion. Malaki ang pagpupuna ang pagtutol ng
organisasyong Migrante International sa batas na ito sapagkat
Binansagan ito ng Migrante International bilang ‘ticking bomb’ dahil sa malinaw na
probisyon nito na nagpakomplika sa mekanismo ng paghahatid-tulong, pag-alis ng direktang
responsibilidad ng gobyerno sa mga OFW, at ibayong pagpapalala ng labor export policy (LEP).
82DIASPORAATPELIKULA
Inilarawan din ang polisiya ni Ramos na ‘midnight law’ kung saan ginamit ni Ramos ang ugnayan
sa hudikatura upang linisan ang pangalan sa kaso ni Contemplacion at upang magsimula ng
panibago at payapang diplomatikong relasyon sa pagitan ng Pilipinas at Singapore.
Ipinangako pa diumano ng dating pangulo na sa pamamagitan ng nasabing batas, wala nang
susunod pang Flor Contemplacion sapagkat lahat ng migrante ay protektado na ng Migrant
Workers Act of 1995. Huwad diumano ang proteksiyong inihahain ng batas sapagkat batay sa
Comprehensive Deregulation on Recruitment Activities, binibitawan ng gobyerno ang obligasyong
proteksiyunan sa ibayong-dagat ang mga migrante kung saan sakop ng pagbibigay-proteksiyong
ito ay ang pagba-background check sa mga employer na pagtatrabahuhan ng mga Pilipinong
manggagawa. At dahil dito pinapasa ng gobyerno ang trabahong ito sa mga recruitment agencies,
mga pribadong negosyong ang primaryang layunin ay kumita.
Dagdag pa, pinagulo diumano ng nasabing batas ang sistema ng pagkonsulta ng mga
migrante o mga pamilya sa panahon ng sakuna at insidente. Kadalasang pinagpapasa-pasahan
diumano ng DFA, OWWA, at POEA ang mga pamilya sa tuwing lalapit sa kanila upang humingi
ng update o tulong. Kadalasan pa, tumatangging tumulong ang mga ahensiya ng pamahalaan kapag
ang OFW na nagrereklamo ay may ilegal na istatus. Dahil dito, hindi agad narerespundihan ang
mga pangangailangan ng mga migranteng nasa panganib at naiisang-tabi ang papel ng pamilya ng
mga migrante sa mga kaso. Para sa Migrante International, sa dami na ng nabitay na OFW sa
abroad matapos si Flor, bigo ang RA 1842 na proteksiyonan ang mga migranteng Pilipino, at sa
halip lalo pa nitong pinalala ang sistema ng labor export policy ng bansa.
83DIASPORAATPELIKULA
Kabanata V Ugnayan sa Kasaysayan: Pelikula, Krisis, at
Karahasan
“The camera is a sociologist”
(Brecht, B., 1930)
84DIASPORAATPELIKULA
Hindi mabilang ang dami ng kaso ng karahasan sa mga babaeng migrante. Batay nga sa
karanasan si Bonifacio Ilagan sa pagsusulat sa pelikulang Migrante: The Filipino Diaspora
(XITI:Productions:2012:Lamangan), hindi siya nahirapang isulat ang istorya ng pelikulang ito
sapagkat napakarami ng accounts ng mga Pilipinong migranteng pinagsasamantalahan sa Middle
East na hindi lubusang nailalantad ang kalagayan.
Layunin ng kabanatang ito na pag-ugnayin, gamit ang timeline, ang mga pelikula, aktuwal
na mga kaso, krisis, at penomenong mayroong ugnayan sa kababaihang migrante. Layon nitong
maipakita ang mga pagbabagong nagaganap sa kalagayan ng migranteng kababaihan at
maikumpara ang dalawang mabigat na kasong 20 taon ang pagitan – ang kaso ni Flor
Contemplacion at ang
kaso ni Jennifer
Dalquez, mula sa
perspektiba ng
kanilang pamilya.
85DIASPORAATPELIKULA
Ugnay ng Penomenon, Krisis, at Pelikula
Kung titingnan ang timeline, makikita na may jastipikasyon ang mga paksa ng mga pelikula
mula sa Miss X noong 1980 hanggang sa Anak noong 2000. Ang pelikulang Miss X ay patungkol
sa isang Pilipinang enterteyner sa Japan. Napapanahon ang paksang ito noong mga 1980s sapagkat
sa panahong iyon, mataas na ang bilang mga enterteyner o ‘japayuki’ na Pilipina. Samantala noong
1965, pumasok na ang ikatlong sigwa ng migrasyon ng mga Pilipinong nars kung kaya’t
napapanahon din noong 1984 na gamiting paksa sa OFW film na ‘Merika ang pakikibaka ng
Pilipinang nars sa ibayong-dagat.
Maituturing na historic/traumatic OFW films ang mga pelikulang Maricris Sioson
Japayuki, The Flor Contemplacion Story, at The Sarah Balabagan Story sapagkat hango sila sa
mga totoong kaso ng mga babaeng migrante. Samantala, ang pagiging lehitimo ng eksportasyon
86DIASPORAATPELIKULA
ng lakas-paggawa noong panahon ni dating Pangulong Marcos, na siya namang nagbukas ng
malaking oportunidad para sa mga Pilipinang domestic helper sa Hong Kong, ang naging
jastipikasyon sa paggamit ng Hong Kong DH bilang bidang karakter sa pelikulang Anak. Kumpara
sa mga historic/traumatic films, nilantad naman ng pelikula ang social cost ng pandarayuhan sa
pamilya.
Ngunit noong pagpatak ng 2004, nawalan na ng korelasyon sa mga penomenon sa lipunan
ang mga paksa ng mga OFW films. Milan, Dubai, at Apat Dapat, Dapat Apat – mga pelikulang
produkto ng romantisismo – na imbis na ilantad ang kaso ng Gang rape sa isang Ifugao na DH sa
Middle East, ang tanging OFW film na inilabas noon ay ang komedyang pelikulang Apat Dapat,
Dapat Apat.
2008 hanggang 2010, napakaraming Pilipinang migrante ang pinaslang at naging biktima
ng karahasan. Sa pagitan ng panahong iyon, umusbong ang krisis sa langis sa Saudi Arabia kung
saan bumaba ang presyo ng langis na nakaapekto sa ekonomiya ng Middle East. Dahil dito,
maraming Pilipinong manggagawa doon ang natanggalan ng trabaho. Sa kabila ng mga krisis at
karahasang ito, hindi sinalamin ng mga pelikulang In My Life at Caregiver ang napapanahong
suliranin ng mga migrante sa ibayong-dagot.
Sa pagpasok ng 2011 hanggang sa 2017, iilan na lamang ang OFW films na inilalabas sa
merkado. Sa kabila ng mainit na isyu sa nagpapatuloy na krisis sa Saudi at mga kaso nina Mary
Jane Veloso at Jennifer Dalquez, sa kabila ng nagpapatuloy na kaso ng misteryosong pagkamatay
kung saan naging biktima si Irma Jotojot, at sa kabila ng patuloy na pagbitay sa mga Pilipinag
migrante kung saan biktima si Jakatia Pawa, bilang na lamang sa kamay ang mga OFW films na
patuloy na sumasalamin at nagpapalaganap ng makatotohana’t kalunos-lunos na kalagayan ng
migrante kababaihan.
87DIASPORAATPELIKULA
Ugnay ng Karahasan sa Kasaysayan
Kung babalikan ang timeline, makikita na 22 taon na mula nang mabitay sa Singapore si
Flor Contemplacion, ang pangyayaring nagtulak sa pamahalaan na ipatupad ang Migrant Workers’
Act of 1995 – isang pangako diumano ng administrasyong Ramos na wala nang susunod pa sa
naging kapalaran ni Flor Contemplacion. Ngunit sa 22 taon na ito, napakaraming kababaihang
migrante na ang napatay, naabuso, at nakulong sa ibayong-dagat. Ilan lamang ang mga pangalang
nasa timeline sa mga babaeng migrante dumanas ng hagupit ng pandarayuhan (datos mula sa
Bulatlat.com):
o Rowena Peremne Arceo (33) mula Cordillera, biktima ng misteryosong pagkamatay sa Saudi Arabia noon 2008.
o Joy Cabansi Sarto (28) mula Isabela, pinaslang ng Arabong employer noong 2009. o 33 taong gulang na babaeng OFW mula Isabela, ginahasa sa Saudi Arabia noong 2009. o Clair (hindi tunay na pangalan) mula Ifugao, biktima ng panggagang-rape ng mga Arabo
sa bahay ng employer noong 2007. o Marilou Macam Ating (37) mula Lingayen, Pangasinan, iniulat na aksidente ang
pagkakahulog sa ikaapat na palapag ng bahay ng employer noong 2008. Ngunit may hinala ang pamilya na hindi basta aksidente ang nangyari sa kaanak.
o Romilyn Eroy-Ibanez (22) tubong Kidapawan, Cotabato, namatay sa mga saksak at acid ingestion sa Saudi Arabia noong 2010.
20 taon ang pagitan ng pangyayari kay Flor Contemplacion at Jennifer Dalquez. Hindi lamang
mismong mga babaeng migrante ang naaapektuhan ng karahasang pinagdaanan at pinagdadaanan
nila, kundi pati na rin ang mga pamilya nilang naiwan. Sa pamamagitan ng isinagawang case study
kina Russel Contemplacion (anak ni Flor Contemplacion) at Alicia Dalquez (ina ni Jennifer
Dalquez), inilatag ng mananaliksik ang kalagayan at saloobin ng kanilang pamilya ukol sa
trahedyang sinapit ng kanilang kaanak:
Pamilya Contemplacion
Nagdesisyon si Flor Contemplacion na magtrabaho sa dayuhang bansa upang mapagtapos
ang mga anak sa pag-aaral. Drayber ng jeep ang kanyang asawa at apat ang kanilang anak kung
kaya’t hindi sapat ang kita ng pamilya upang matupad ang hangaring edukasyon para sa mga anak.
88DIASPORAATPELIKULA
Nang pumutok ang balitang ikinulong ang isang Pinay DH sa Singapore sa salang
pagpatay, hindi agad natulungan ng pamahalaan ang pamilya Contemplacion. Ayon kay Russel
Contemplacion, isang guro lamang niya noong high school ang tumulong sa kanya upang
makapunta ng Maynila at humingi ng tulong sa radyo. Lumapit din diumano sila kay Senador Tito
Sotto noon, ngunit wala silang natanggap na tulong.
Sa Singapore, noong una lamang daw mayroong abogado si Flor habang nasa kulungan at
nang mawala ito’y isang madre ang tumulong sa kanya upang makahanap ng abogado. Inilantad
ni Russel ang kawalang-pakialam ng embahada ng Pilipinas sa tuwing susulat ang kanyang ina sa
embahada upang humingi ng suporta sa gaganaping hearing sa korte. Kadalasan diumano’y tapos
na ang pandinig sa tuwing dumarating ang tulong at direkta siyang tinuturuan kung ano ang dapat
gawin at sabihin sa korte, na siya namang ikinalala pa ng kaso niya. Sinabihan diumano si Flor
Contemplacion na magpanggap na baliw upang mapawalang-bisa ang kanyang kaso, ngunit
lumala lamang ito sapagkat nang tingnan siya ng doktor ay wala naman talagang sakit sa pag-iisip
si Flor. Batid ni Russel na kahit noong pumutok na ang balitang bibitayin ang kanyang ina, tanging
tulong lamang mula sa lokal na pamahalaan ng Laguna ang natanggap nila upang makapunta sila
sa Singapore.
Matapos ang insidente, sunod-sunod din ang trahedyang sinapit ng pamilya
Contemplacion. Bigla ring naglaho ang mga ipinangako ng pamahalaan sa pamilya habang unti-
unting naglalaho ang isyu ni Flor Contemplacion sa publiko. 16 na taong naghirap sa sakit na
Cerebral Palsy ang anak ni Russel at pumanaw ito sa sakit na Sepsis Impetigo. Hindi nakatapos
ng pag-aaral ang tatlo niyang kapatid na lalaki at noong 2007, nakulong sila at nahatulan ng
habambuhay na sintensiya dahil sa paggamit at pagtutulak diumano ng droga. 2012 nang mamatay
ang panganay nilang kapatid. Bagamat nasa piitan sa Muntinlupa, namatay diumano ito sa sakit,
bagay na ikinaduda ng pamilya. 2008 naman nang nakulong din ang ama nilang si Efren
Contemplacion dahil diumano sa droga at nakalaya matapos ang limang taon. Sa kasalukuya’y
mayroong tatlong anak si Russel Contemplacion, at hiwalay sa asawa.
Nang tanungin din si Russel kung may sinisisi ba siya sa trahedyang sinapit ng kanilang
pamliya, malaki diumano ang sisi niya sa gobyerno, partikular ay noong panahon ni dating
89DIASPORAATPELIKULA
Pangulong Ramos kung saan bagamat sinabi ng pangulo na nakausap at siniguro nito ang
kalagayan ni Flor sa Singapore, walang miski isang dumalaw diumano kay Flor na mula sa
gobyerno ng Pilipinas.
Batid ni Russel na kung nagkaroon lamang ng maayos na trabaho ang kanyang ina sa bansa,
hindi na nito pipiliin pang mangibang-bansa at hindi ganito ang sinapit ng kanilang pamilya.
Marahil hindi raw naging masaya ang kaluluwa ng kanyang ina sa kabilang-buhay dahil sa naging
takbo ng buhay ng kanyang mga kapatid, na hindi siya nagsakripisyo sa ibang bansa upang
makulong lamang ang kanyang mga anak.
Pamilya Dalquez
Dahil sa magsasaka lamang ang napangasawa ni Jennifer Dalquez at hindi naging sapat
ang kita ng pamilya upang matustusan ang pangangailangan ng kanilang dalawang anak, sumugal
si Jennifer Dalquez sa oportunidad sa Middle East.
Batid ng ina ni Jennifer na sadyang napakabagal kumilos at tumanggap ng balita ng
pamahalaan. Nalaman lamang ng pamilya na ikinulong si Jennifer dahil sa balita ng kasamahan
nitong OFW. Kadalasang ‘walang update’ diumano ang Department of Foreign Affairs ngunit
nakapagbalita na sa pamilya si Jennifer. Dahil dito, hindi agad natugunan ang mga pangangailan
ni Jennifer sa piitan. Maging lokal na gobyerno ng kanilang probinsya’y walang naibigay diumano
na tulong sa pamilya miski panghanap-buhay man lang. Sa kasalukuya’y (Mayo 2017) patuloy
ang pakikiisa ng pamilya sa Migrante Internationale upang tuluyang maalis sa death row ang
kanilang kaanak na biktima ng hindi pantay na katarunga’t paglilitis sa dayuhang bansa.
Pinatutunayan lamang ng tala ng pagkamatay at karahasan sa mga migranteng kababaihan,
at ng mga testamento ng pamilya ni Contemplacion at Dalquez, na palpak ang Migrant Wokers’
Act of 1995 na proteksiyonan ang mamamayan nito. 22 taon ngunit nagpapatuloy pa rin ang
mabagal at mapaniil na sistema ng pamahalaan sa nagbabalat-kayong proteksiyon sa mga
migrante. Kaugnay nito ang mga detalyeng inilatag ng Migrante International kung saan ipinapasa
ng pamahalaan, sa pamamagitan ng batas na ito, sa mga recruitment agency ang obligasyon tiyakin
ang ligtas na pagtatrabahuhan ng mga Pilipinong manggagawa.
90DIASPORAATPELIKULA
Mula sa panahon ni Flor Contemplacion hanggang sa panahon nina Jennifer Dalquez at
Mary Jane Veloso, nananatil at nagpapatuloy ang mapaniil na labor export policy sa bansa –
nagpapatuloy ang nagbabalat-kayong oportunidad, ang laganap na karahasan sa mga migrante,
partikular sa kababaihan, ang bulok na sistema ng serbisyo sa sariling bansa, ang bulok na sistema
ng hustisya sa dayuhang bansa, at ang bigat at pangmatagalang pasanin ng pamilya ng mga
migrante. Ito ang katotohanang dapat inilalantad sa pelikula at dapat ikinikitil sa isip ng masa.
91DIASPORAATPELIKULA
Kabanata VI Kritikal na Pagsusuri
“Ang kailangan ay mga pelikula, mga obra ng sining na magtutulak sa tao upang kumilos.”
(Ilagan, B.,2017)
92DIASPORAATPELIKULA
Analisis sa Peryodisasyon ng OFW films
Ang peryodisasyong naganap sa mga OFW films ay pumasok na sa ikaapat ng sigwa ng
migrasyon sa bansa. Sa kabila ng napakaraming rekord ng karahasan sa mga migrante, partikular
sa kababaihan, sumibol at namamayagpag pa rin sa merkado ang mga komersiyalisado at
fiksiyonalisadong bersiyon ng mga OFW films. Kung titingnan ang mga taon na ginawa ang mga
pelikulang ito, A Mother’s Story at Migrante:The Filipino Diaspora lamang ang dalawang
pelikulang umiwas sa fiksiyonalisadong karakter ng babaeng OFW mula nang pumasok ang mga
romantisadong bersiyon noong taong 2000.
Bagamat inilantad ng pelikulang A Mother’s Story ang hirap na nararanasan ng babaeng
karakter – mula sa pamilya hanggang sa trabaho sa abroad, bigo naman itong maipakita ang kritikal
na katangian ng pelikula dahil sa dalawang hadlang – kawalan ng pag-uugat sa suliraning
nararanasan ng pamilya ng karakter, kung saan kinilala lamang nila ang kanilang suliranin bilang
personal na problema, at ang kawalan ng malinaw na panawagan at solusyon ng pelikula, kung
saan isang suwerteng pagkakataon ang naging daan sa karakter upang masolusyonan niya ang
kanyang mga suliranin.
Hindi humihinto ang karahasan sa kababaihang migrante, ngunit tila ang papel ng pelikula
bilang tagapagpalaganap ng tunay nilang kalagayan ay nabaluktot dulot ng komersiyalisasyon.
Napakalaking banta nito sa kamalayan ng manonood sapagkat hindi lamang pamilya ng mga OFW
ang naaapektuhan ng pelikula kundi maging ang malawak na reserve army of labor ng bansa.
Analisis sa Pananaw ng Manonood sa Tatlong Pelikula
Inilatag ng mananaliksik sa Ikaapat na Kabanata ang kwantitatibong datos ng sarbey na
sumukat sa pananaw ng masang manonood sa konteksto ng tatlong pelikula (The Flor
Contemplacion Story, A Mother’s Story, at Migrante:The Filipino Diaspora). Susuriin sa bawat
sab-kategorya ng sarbey ang naging pananaw ng manonood:
93DIASPORAATPELIKULA
I. Pagsusuri sa mga karahasang itinapok at pagiging makatotohanan ng pelikula
Sa kontekstong ito, Migrante: The Filipino Diaspora ang pelikulang nakakuha ng
pinakamataas na mean. Batay sa mga manonood, ito ang pelikulang pinakanagpakita ng malawak
na porma ng karahasan sa migranteng kababaihan.
Inugat ng pelikulang ito ang dahilan ng pangingibang-bansa ng bidang babae – mula sa
pagkakasakit ng anak at magulang, hindi sapat na kinikita ng asawa bilang drayber, at suliranin sa
lupa. Ang pangangaliwa at rape, dalawa sa talamak na karahasan sa kababaihan, ay ipinakita rin
sa pelikula. Mga suliraning gaya ng biglaang-pagpapalit ng employer at hindi paniniwala ng
among babae sa mga sumbong ng babaeng domestic helper ay partikular na itinampok sa pelikula.
Dagdag pa, ipinakita ng pelikula ang mahabang panahon ng recovery ng bida mula sa trauma ng
pagkakagahasa at karahasan.
II. Pagsusuri sa kabuuang konteksto at panawagan ng pelikula
Migrante: The Filipino Diaspora ang pelikulang nakakuha ng mataas na mean. Ang
pelikulang ito ang kinikilala ng mga manonood bilang obrang umuugat sa istruktural na
suliranin ng migrasyon at may bitibit na panlipunang panawagan.
Malaki ang naitulong ng partisipasyon ng Migrante International sa pelikula kung saan
binibigyang-diin ng samahan ang panawagan ukol sa mga isyu ng mga migrante. Sabi nga ni
Arman Hernando at Bonifacio Ilagan, mahala ang panawagan sa isang pelikula upang
magabayan ang mamamayan sa kung anong hakbang ang kanilang sasandigan. Naipakikita rin
sa pelikula, sa pamamagitan ng partisipasyon ng pangmasang samahan, ang mga hakbanging
legal at metalegal upang mas mapalawig ang kaalaman ng mamamayan sa kung paano sila
magiging bahagi ng pagkilos.
VI. Pagkilala sa papel ng mga aspetong panlipunan sa pelikula
Migrante: The Filipino Diaspora ang pelikulang pinakasumalamin sa politikal at kultural
na aspeto ng lipunan samantalang The Flor Contemplacion Story, na may mean na 3.56, ang
pinakanagpalitaw sa pelikula ng ekonomikong usapin ng lipunan.
Dahil sa mahaba ang panahong ginamit sa pelikulang Migrante: The Filipino Diaspora
upang maipakita ang karahasan natamasa ng karakter na migrante sa pelikula, mas nabigyan
94DIASPORAATPELIKULA
ng jastipikasyon ang nananaig na kultura ng karahasan (culture of violence) ng
makapangyarihang bansa sa mamamayan ng maliliit na bansa. Isiniwalat din nito ang politikal
na kalagayan ng lipunan kung saan iba’t-ibang tunggalian ang pinakita ng pelikula – pamilya
laban sa negosyanteng nangangamkam ng lupa, pamilya laban sa mga pinansiyal na suliranin,
babaeng migrante laban sa patriyarkal na lipunan (pangangaliwa ng asawa at panggagahasa),
babaeng migrante laban sa makapangyarihang employer, Migrante International laban sa
embahada at inhustisya, etc.
Samantala, The Flor Contemplacion Story ang pelikulang pinakasumalamin sa
ekonomikong kalagayan ng lipunan kung saan sa pamamagitan ng partisipasyon ng mga
pangmasang organisasyon sa pelikula, labis na napalitaw ang usapin ng labor exportation ng
bansa kung saan inuugat ng mga samahan na si Flor Contemplacion ay biktima ng kawalang-
oportunidad sa sariling bayan at ng patibong na labor export policy ng pamahalaan. Dahil sa
kaso ni Flor Contemplacion, naungkat hindi lamang ang kawalang-proteksiyon sa mga
migrante kundi pati ang lumalalang puwersahang migrasyong bumibiktima ng mga Pilipinong
napagkakaitan ng pagkakataong mabuhay ng marangal sa sariling bayan.
VII. Pagkilala sa kahalagahan ng pelikula bilang midyum ng pagmumulat
The Flor Contemplacion Story ang pelikulang kinikilala ng mga manonood na
pinakanagpalitaw ng kahalagahan ng pelikula bilang midyum ng pagmumulat at
pagpapalaganap ng isyu ng kababaihang migrante. Dahil sa hango sa tunay na karanasan ang
naratibo ng pelikula, nakita ng mga manonood ang isang makatotohanang mukha ng karahasan
sa kababaihang migrante. Malinaw din ang naging pagpanig ng mga gumawa ng pelikula ukol
sa kaso ni Flor Contemplacion kung saan naniniwala ito na si Flor Contemplacion ay biktima
ng inhustisya sa Singapore at ng pamaniil na polisiya ng pamahalaan. Sa pamamagitan ng
pelikulang ito, patuloy na maipapaalala sa mamamayan ang kabulukan ng eksportasyon ng
lakas-paggawa sa bansa at ang nagpapatuloy na karahasan sa migranteng kababaihan.
Mula sa datos ng sarbey, pinakanabigyang-pansin ang isyu ng Bigamy sa pelikulang The
Flor Contemplacion Story. Ito ay ipinakita bilang isang seryosong mukha ng pangangaliwa kung
saan ibinabahay ng asawang lalaki ang kirida habang nasa Singapore ang asawa. Malaki rin ang
95DIASPORAATPELIKULA
naging karakter ng kirida sa pelikula – lumabas sa maraming eksena at may bahaging nagsalaysay
pa ito ng kanyang naratibo – kung kaya’t ito ang pinakanabigyang-pansin ng mga manonood. Apat
sa anim na mga umupo sa focus group discussion ay naging biktima ng pangangaliwa ng asawa.
Samantala sa pelikulang A Mother’s Story, iba’t-ibang porma naman ng pang-aabuso ang
pinakanabigyang-pansin – pisikal, berbal, emosyonal, at ekonomiko kung saan nauubos na lang
basta-basta ang ipinadadalang pera ng babaeng OFW dahil sa mga bisyo ng asawa. Lahat ng
migranteng kababaihan na umupo sa FGD ay biktima ng iba’t-ibang mukha ng karahasan at
eksploytasyon sa dayuhang bansa.
Sa pelikulang Migrante: The Filipino Diaspora, bagamat iba’t-ibang porma ng pang-
aabuso ang pinakanapansin ng mga katugon, mahalagang bigyang-pansin din ang isyu ng
‘biglaang pagpapalit ng employer’ kung saan ito ang inihaing solusyon sa isa sa mga Pinay DH ng
kanyang agency upang diumano’y mabayaran ang dati nitong employer.
Analisis sa mga Naratibo at Pananaw ng Migranteng Kababaihan
1. Malinaw na inilantad ng unang naratibo ng dating DH sa Saudi Arabia ang kawalang-
pagpapahalaga ng employer sa kanyang kontrata – ang natatanging legal na dokumentong
magbibigay-proteksiyon sa kanyang kaligtasan at karapatan sa dayuhang lugar.
Pinatotohanan nito ang ulat ng UNIFEM (2003) at isinulat ni Aida Santos (2001) kung
saan hindi garantiya ang kontrata at legal na istatus upang makaligtas sa karahasan.
Ipinakita rin nito ang mataas na bulnerabilidad ng OFW sa mga karahasan dahil sa kawalan
ng pribadong espasyo sa loob ng bahay gaya ng sariling kuwarto o silid-tulugan, at hindi
bodega. Lantad din sa iba’t-ibang panggigipit ang OFW gaya ng kalayaang magpahinga,
makipag-usap sa telepono, at at kumain ng ayon sa oras. Tila pinagsawaang komoditi ang
OFW nang ninais ng employer nito na ibalik sa agency ang OFW dahil sa gawa-gawang
dahilan. Ipinakita rin ng naratibong ito ang kawalang-pagkilala ng ilang mga agency sa
mismong kontrata nang gustuhin ng agency na magpalit na lamang ng employer ang OFW
upang hindi nila sagutin ang bayad na kinukuha pabalik ng dating employer ng Pinay DH.
96DIASPORAATPELIKULA
Ipinapasa ng ilang ahensiya ang bigat ng bayarin sa mga OFW kung saan ang biglaang
pagpapalit ng employer sa dayuhang bansa ay maaaring magtulak sa mga kababaihang
migrante na mas maging bulnerable sa karahasan.
2. Ang bigamy o ang pangangaliwa ng asawa ay isa sa mga karaniwan ngunit mabigat na
social cost na hinaharap ng mga migrante. Katunayan apat sa anim na katugon sa diskusyon
ay naging biktima ng pangangaliwa. Ipinakita rin ng naratibo ito ang kultura ng mga Pinay
DH na mula Hong Kong kung saan nagkikita-kita ang mga ito tuwing Linggo upang
kumain o magsaya. Ipinakita ang kulturang ito sa pelikulang Sunday Beauty Queen23 (Solar
Entertainment Corporation:2016:Villarama)
3. Isang manipestasyon ng pagiging makabagong alipin ng mga migrante ay ang illegal
detention o puwersahang pagkukulong sa mga migrante. Bagamat ang itinuturong dahilan
ay isang inaming kasalanan, paglabag pa rin sa karapatang-pantao ng mga migrante ang
illegal detention at pamamalo ng amo. Ipinakita rin ng naratibong ito ang pagiging
bulnerable ng mga Pilipinang DH sa mga hakbang ng mga DH ng ibang lahi kung saan
banta sa kanyang kaligtasan at kalusugan ang mga lihim at masahol na pagganti ng mga
kasamahan niyang domestic helper.
4. Ang mga gawa-gawang kaso ang isa rin sa pinakahinaharap ng mga migrante sa dayuhang
bansa. Torture nang maituturing ang sinapit ng isa ring Pinay DH sa Saudi kung saan
ikinulong ito sa bahay, binugbog, at pinainom ng tubig na may halong asin at pabango.
Bago pa man dalhin sa kapulisa’y, nakaranas na ng panghaharas sa amo ang OFW.
Ipinakita rin ng kasong ito ang mental depression na nararanasan ng maraming migranteng
sadlak sa kahirapan at karahasan sa abroad. Lumitaw ang kabulukan ng sistema ng
hudikatura sa dayuhang bansa nang masintensiyahan at mahatulang guilty ang OFW kahit
23Ang pelikulang Sunday Beauty Queen ay tungkol sa mga Pinay DH sa Honk Kong na nagsasagawa o naghahanda tuwing Linggo para sa mga beauty pageants kung saan mga Pinay DH ang kandidato at organizers. Pelikula ni Baby Ruth Villarama, Prinodus ni Chuck Gutierrez
97DIASPORAATPELIKULA
wala pang paglilitis sa kaso. At ang pinakamalaking kapabayaang inilantad ng naratibong
ito ay ang kapabayaan ng embahada na bigyan ng tulong-legal ang mga migranteng
mayroong kaso at primaryang pangangailangan gaya ng damit at pagkain para sa mga OFW
na lumaya mula sa bilangguan at uuwi ng Pilipinas. Pinatototohanan ng testamentong ito
ang hinaing ng Migrante International sa pamahalaan kung saan walang iniaabot na tulong-
legal sa ang embahada sa mga migranteng may kaso sa ibang bansa.
5. Ang berbal na abuso, na dinanas ng Pinay DH sa Hong Kong, ay manipestasyon ng
diskriminasyon, hindi lamang sa trabaho kundi sa lahi. Ipinakita ng kasong ito ang
kawalang-limitasyon ng kanilang pagtatrabaho bilang mga DH kung saan kasagsagan ng
taglamig ng pagkiskisin siya ng bintana sa labas ng bahay.
Papel ng Pelikula sa Pagsulong ng Migranteng kababaihan
Sinususugan ng mananaliksik ang paniniwala ni Lamangan kung saan iba’t-ibang
‘katotohanan’ ang maaaring ipakita ng pelikula. Ang katotohanang inilalantad ng pelikula ay
batay sa katotohanang pinaniniwalaan ng lumikha nito – direktor, manunulat, o produser.
Malaki ang papel ng katotohanang ito sapagkat dito ibinabatay ng pelikula ang ugat ng
suliranin at karahasan sa migranteng kababaihan at ang panawagan at solusyong inihahain nito
sa masang manonood. Sinususugan din ng mananaliksik ang paniniwala ni Lamangan na
kinakailangang magbunga ng mulat at organisadong masa ang pelikula upang ganap na
makapag-ambag sa pag-angat ng kalagayan ng migranteng kababaihan.
Upang makamit ang ‘katotohanang’ magmumulat sa mamamayan, batid ni Ilagan na
kinakailangang maging mulat at organisado rin ang mga lumilikha ng pelikula. Nakikita ng
mananaliksik ang kahalagahan ng organisado at mulat na mga alagad ng sining upang
mapalakas ang puwersa ng mga mapagpalayang pelikula sa lokal at pambansang merkado o sa
mga sinehan sa buong bansa. Kinakailangang mayroon palaging alternatibong pelikula sa
merkado na tatapat sa mga dayuhan at mainstream na sine, at upang mamulat at masanay ang
mamamayan sa kultura ng alternatibong pelikula. Gaya ng sinabi ni Tolentino, maigting ding
nananalaytay sa mga dayuhan at mainstream na pelikula ang imperyalistang kultura na
naglalayong pataasin ang burges na konsumerismo ng manonood. Kakabit ng mga ganitong
98DIASPORAATPELIKULA
uri ng sine ang pangangapital gamit ang mga dayuhang produkto na ikinokomersiyalisa sa mga
pelikula. Dahil dito, kinikilala ng mananaliksik ang papel din ng alternatibong sine upang
mabigyang-pokus ang mabasag ang ganitong kaisipan sa manonood na humahadlang sa
kanilang pagkamulat at pagbubukas sa kritikal na diskurso.
Sapilitang Migrasyon Bilang Lumalalang Epidemya sa Lipunan
Kahirapan – ito ang nag-iisa at sabay-sabay na sagot ng mga nakapanayam na babaeng
OFWs sa kung ano ang dahilan ng kanilang pangingibang-bansa. Hindi masama ang
migrasyon, nagiging mali na lamang ito kapag ito na lamang ang natitirang opsiyon para
mabuhay ng disente ang mamamayan ng isang bansa – ito ang paliwanag ni Arman Hernando,
tagapagsalita ng Migrante-Youth, tungkol sa sapilitang migrasyon o forced migration.
Kung babalikan ang kasaysayan ng migrasyon sa bansa, ang remittance na ibinunga ng
eksportasyon ng lakas-paggawa ang lumagot sa naghihingalong ekonomiya ng Pilipinas noong
panahon ni dating Pangulong Marcos (1960-1980s). Imbis na naging panandaliang solusyon
ay nanatili hanggang ngayon at naging institusyonalisado ang pagsandal ng pambansang
ekonomiya sa remittances na pinipiga ng mga labor export policies ng pamahalaan.
Iniuugnay din ni Hernando ang atrasadong kalagayan ng agrikultura at malawakang
kakulangan sa trabaho sa bansa, bilang mga ugat o push factors ng pwersahang migrasyon.
Atrasado ang agrikultural na ekonomiya ng Pilipinas kung saan nananatiling hindi
mekanisado ang sistema ng produksyon. Dahil sa pang-aabuso at pananamantala sa lupa,
nasasadlak sa labis na opresyon at kahirapan ang mamamayang nakasandig sa agrikultura. Ang
katotohanang iilang malalaking tao lamang ang nagkokontrol sa malalaking agrikultural na
lupain ng bansa ang pinakamalaking pasanin ng mga magsasaka sa kanayunan. Iba’t-ibang
karahasan at paglabag sa kanilang karapatang pantao ang ibinubunga ng pangangamkam ng
lupa ng mga elite – sapilitang pagpapaalis, pagsira sa kanilang mga tanim, panggigipit sa usura,
pananakot, pagpatay, etc. Malaking bagay para sa mga elite ang mga lupaing mayroong
malaking potensyal sa komersyalisasyon. Ang mga dating lupang agrikultural ay unti-unting
tinatayuan ng mga komersyal na gusali, partikular ng mga shopping malls. Paliwanag ni
Hernando, bagamat mukhang nakatutulong ang mga shopping malls na ito sa pagbibigay-
99DIASPORAATPELIKULA
trabaho, hindi ito tuwirang nakapag-aambag sa pag-unlad ng ekonomiya ng bansa, sapagkat
ang kailangan ay mga industriyang lumilikha ng produkto at nagpapaunlad ng manggagawa.
Sa patuloy na kawalang-seguridad sa lupa at abot-kayang serbisyong pang-agrikultura ng
kalakhan ng mahihirap na magsasaka, mas tumitindi ang kahirapang kanilang kinasasadlakan
at mas umiigting ang pagnanais ng karamihan na humanap ng ibang trabahong pagkakakitaan.
Samantala, bagamat mayroong mga nagbubukas na trabaho sa kalunsuran, nananatiling
kontraktwal, mababa ang sahod, at kadalasang walang kalayaang magtayo ng unyon ang mga
mangaggawa.
Dahil sa kasalukuyang materyal na kondisyon ng bansa – sa rural o urban mang komunidad,
malinaw na naka-ugat ang kahirapan sa kawalan ng maayos na trabaho at seguridad sa sariling
lupa para sa dalawang pinakamalaking sektor sa ating lipunan. Dahil dito, ang nakabubulag na
alok na trabahong may tripleng kita sa abroad ang nagiging madaliang solusyon ng maraming
mamamayan upang matustusan ang pangangailangan ng pamilya. Ipinakikita ng kalagayang
ito ang makatotohanang ‘push and pull factors’ sa migrasyon sa teorya ni Ravenstein (1889).
Dagdag pa, sa kabila ng hindi kasapatan ng sinasahod (balikan ang datos ng IBON 2009 sa
ikalawang kabanata) at nagpapatuloy na karahasan sa mga migrante, pikit-matang
nagpapatuloy ang kalakhan ng mga Pilipino sa pandarayuhan dahil sa pag-asa sa posibilidad
na umunlad. Kaugnay nito ang sinasabi ni Michael Todaro sa kanyang modelo ng migrasyon
kung saan mas kinokonsidera ng mga nagbabalak mangibang-bansa ang expected gains kaysa
actual gains at mataas na costs of migration (transport costs + cost of living + opportunity
costs + psychic costs). Ang ganitong porma ng pag-iisip ay hinuhubog ng mga ‘push and pull
factors’ ng pandarayuhan.
Pelikula at Kababaihan: Globalisasyon at Karahasan
Kinikilala ng mananaliksik ang epekto ng Hollywoodization sa pagbagsak ng bilang ng
napoprodus na pelikulang Pilipino kada taon. Kapwa industriya ng pelikulang Pilipino at lakas-
paggawa ng bansa ay apektado ng globalisasyon. Bilang komoditi rin ang mga ginagawang
pelikula, kasama ang mga ito sa mga produkto sa pandaigdigang merkado na inaangkat ng mga
import-dependent na bansa gaya ng Pilipinas. Ibat’-ibang pelikula, kadalasan ay
100DIASPORAATPELIKULA
komersiyalisado at mainstream, na mula sa malalaking bansa ang pumasok sa Pilipinas at
nakipagkompetisyon sa mga lokal na pelikula – mainstream at independent. Ayon nga kay Dr.
Rolando Tolentino, kahit ang mga pelikula ni Vice Ganda (artista ng Star Cinema), na
malaking humakot sa takilya, ay hindi ilalabas sa merkado o mga sinehan kapag pumasok sa
bansa ang mga dayuhang pelikula gaya ng Batman vs. Superman dahil alam nitong mas
tatangkilikin ang kanluraning pelikula. Dahil dito, ang mga independent films na isinasantabi
sa tuwing dagsa ang mainstream films ay mas lalong nawawalan ng espasyo at naisasantabi sa
merkado. Nakikita ng mananaliksik ang mahalagang papel ng mga independent films upang
magpalaganap at maglantad ng mga isyung panlipunan. Ngunit dahil sa labis na
pinagkakagastusan ang malalaking pelikula at nakasanayan nang umiwas sa mga pelikulang
may adbokasiya o panawagan, mas nagiging kaaya-aya sa malaking bilang ng manonood na
tangkilikin ang foreign at mainstream films. Dagdag pa, profit-driven ang katangian ng
mayorya sa mga sinehang pinagmamay-arian ng malalaking korporasyon sa bansa kung kaya’t
pipiliin nitong mamaksimisa ang kita sa pamamagitan ng pagbibigay-prayoridad sa mga
pelikulang lubos na tatangkilikin ng maraming manonood.
Sinususugan ng pananaw ni Jean D’ Cunha (2001) ang ugat ng sapilitang migrasyon kung
saan batid niya sa ikalawang kabanata na ang kinahinatnang kalagayan ng mga kababaihang
migrante bilang mga komoditing ineeksport ay dulot ng katangiang desentralisado, sab-
kontraktuwal na produksiyon, at export-oriented na structural adjustment programs (SAP)
dulot ng globalisasyon – mga SAP na humahadlang sa pagkamit ng uring magsasaka sa
karapatan sa lupa dahil sa komersiyalisasyon sa lupa at ang patuloy na pagdomina ng mga
dayuhan at malalaking korporasyon sa pambansang merkado na pumapatay sa anumang
umuusbong na industriya sa bansa. Mananatiling tagatustos lamang ng hilaw na materyales at
murang lakas-paggawa ang bansa at kailanma’y hindi makukuhang mabalanse ng ekonomiya
ang kanyang kalakal at pinansiya. Bunga nito’y patuloy na lolobo ang utang-panloob at -
panlabas ng bansa, patuloy na hahambalos ang implasyon, bababa ang halaga ng piso, tataas
ang presyo ng mga bilihin, kukulangin ang kita ng pamahalaan sa kanyang badyet at
pangangailangan, tataas ang buwis, at hindi hihinto ang pamahalaan sa pagtutulak ng mga
manggagawa palabas ng bansa. Dahil sa komodipikasyon sa mga manggagawa, naisasantabi
101DIASPORAATPELIKULA
ang mga pangangailan at proteksiyon kailangan ng mga ito na yumuyurak sa kanilang mga
karapatang-pantao sa dayuhang bansa.
Mga Dinamikong Pananaw
Social Dynamics
Hindi mabilang ang dami ng kababaihang naging biktima ng karahasan sa ibang bansa.
Testigo rito ang opisina ng Migrante International kung saan araw-araw ay mayroong biktima o
pamilyang darating sa opisina upang humingi ng tulong. Nasaksihan ito ng mananaliksik sa lahat
ng araw na nakipag-ugnayan siya sa opisina ng samahan.
Kinikilala ng mananaliksik ang konseptong Idiotization of media sa pagpapataas ng papel
ng mga pelikula sa pagtalakay sa isyu ng migrasyon ng kababaihan. Magkaugnay ang naging
paliwanag nina Bonifacio Ilagan at Dr. Roland Tolentino ukol sa usapin ng media kung saan
nagiging magkasing-halaga ang balitang showbiz at balita tungkol sa OFW na nasa death row o
kaya nama’y itinatrato ng media ang balita tungkol sa OFW na isang ordinaryong penopenon na
lamang kung kaya’t nasa inside pages na lamang ito sa mga dyaryo. Sa mga telenovela naman sa
mga telebisyon, nakasanayan na ang pagpapahaba sa mga dramatikong senaryo (kung patungkol
man sa OFW) upang mas humaba ang buong palabas at mas kumita ang TV network sa mga
patalastas.
Economic Dynamics
Kinikilala ng pag-aaral ang diaspora ng mga Pilipino, ang migrasyon, bilang produkto ng
transnasyonal at globalisadong kapitalismo. Sa paglaon ng panahon, mas tumitindi ang pagsandig
ng ekonomiya ng Pilipinas sa isang stopgap measure, ang remittance ng mga OFW, at tumindi rin
ang labor export policies ng pamahalaan. Tunay na ang ekonomikong base ang siyang nagdidikta
sa pampolitika at pangkulturang sitwasyon ng bansa.
Cultural Dynamics
102DIASPORAATPELIKULA
Kinikilala rin ng pag-aaral ang ugnayan ng institusyonalisasyon ng labor export policy
(LEP) ng bansa at ng burukratisasyon sa industriya ng pelikula. Bilang ang ekonomikong base ang
humuhubog sa ibang aspetong panlipunan, kinukondisyon nito ang produksiyon ng mga partikular
na pelikula upang mas maging magaan ang pagtanggap ng ordinaryong mamamayan sa realidad
na kinahaharap ng malaking bilang ng mga migrante. Samantala, ang mga OFW films na walang
inihaing pagsalungat sa kasalukuyang LEP ng bansa, ay nagbibigay ng lehitimo at pagsandig sa
umiiral na kalagayan ng mga migranteng biktima ng sapilitang migrasyon.
Political Dynamics
Ang mga OFW films ay malinaw na manipestasyon ng patuloy na pagsandig na pamahalaan
sa pag-eeksport ng lakas-paggawa ng mamamayan nito. Ang mga polisiya at batas na nagbabalat-
kayong proteksiyon diumano sa mga manggagawa sa dayuhang lupain ay siyang nagbibigay-
lehitimo sa pagkita at pagtakas ng pamahalaan sa mga obligasyon nito sa mga manggagawang
itinulak pinalabas ng bansa upang isalba ang ekonomiya.
Imperyalistang Kultura – Pelikula’t merkado’y namamanipula
Gaya ng paliwanag ni Julia Galeota sa cultural imperialism at Americanisation sa
ikalawang kabanata, layon ng konseptong ito na magamit ang kultura upang makakuha ng akses
sa dayuhang merkado at gawing superyor ang pagtingin sa kultura ng Amerika at ibang dayuhang
bansa. Kaugnay ng paliwanag ni Galeota ang paliwanag ni Dr. Tolentino tungkol sa laganap na
cultural imperialism sa mga pelikula. Gamit ang pelikula, naitatampok ang iba’t ibang mga
dayuhang produkto gaya ng cellphone, sapatos, etc. Hindi lamang simpleng advertisement ang
pagtatampok ng mga produktong ito sapagkat ipinakikita sa mga pelikula ang pagtatakda ng
mataas na pamantayan ng pamumuhay ng Kanluraning kultura. Dahil sa istratehiyang ito, tataas
ang demand sa mga Kanluraning produkto at doble ang pagkita ng bansang gumawa ng pumatok
na pelikula at nagmamanupaktura ng produktong itinapok dito. Batid nga ni Julie De Lima Ma.
Sison sa ikalawang kabanata, maging mga migrante diumano sa ibang bansa’y nagiging
tagapaghatid ng pandaigdigang kapitalismo dahil sa mga inuuwing mga dayuhang produkto bilang
103DIASPORAATPELIKULA
mga pasalubong na nakapagpapalaganap ng istilo ng pamumuhay na itinatakda ng mga
korporasyong kumikita sa mga produktong ito.
104DIASPORAATPELIKULA
Kabanata VII Konklusyon
“Truth favors whose interest you’re protecting” (Lamangan, J., 2017)
105DIASPORAATPELIKULA
Tinatawid ng pelikula sa ibang dimensiyon ng buhay ang mga manonood. Ang lente ng
kamera ay animo’y nagiging mata ng masa sa mga nakakubling panlipunang realidad. Kadalasang
maituturing ng marami ang panonood ng pelikula bilang porma ng eskapismo na pansamantalang
magsasara ng kani-kanilang maiingay na mundo, ngunit maaari rin nitong buksan sa mga
manonood ang isang mas maingay, mas malawak, at mas magulong mundo na magsisilbing
pintuan para sa kanilang pagkamulat. Maaaring pakalmahin ng pelikula mula sa mga personal na
problema ang manonood at maaari rin nitong basagin ang katahimikan ng kanilang panlipunang
pakikisangkot.
Mga Hadlang sa Pagkamit ng Panlipunang Kamalayan sa Pelikula
Ang layunin ng pelikula ay maglantad ng katotohanan, ngunit ang layunin ng isang kritikal
at mapagpalayang obra ay maglantad, kritikal na mag-analisa, at maghain ng solusyon. Bagamat
ipinakikita ng mga OFW films ang kalagayan ng migrante, maraming pelikula ang bigong
mairepresenta ang makatotohanang kalagayan ng mga babaeng OFW dahil sa laganap na
romantisismo sa pelikula – kinikilala ito ng mananaliksik bilang unang hadlang sa pagpapataas ng
kamalayan ng mamamayan uko sa kalagayan ng mga kababaihang migrante. Samantala, bagamat
mayroong mga pelikulang konkreto at makatotohanan ang kalagayang inilalantad sa mga OFW
films, bigo naman ang ilan na analisahin ang kalagayan at ugatin ang suliraning pinagdadaanan ng
mga karakter sa pelikula. Maraming pelikula ang nililimita ang mga suliraning ito bilang mga
personal na kalbaryo lamang at bigong maipakita ang pagiging istruktural ng sigalot na kanilang
pinagdadaanan – ito ang ikalawang hadlang. Mahalaga ang isang kritikal na analisis sapagkat dito
lumilitaw ang pagpanig ng pelikula o kung kaninong interes ang pinagsisilbihan nito. Ang ikatlong
hadlang ay ang pagiging bigo ng pelikula na maghain ng makatotohanan at pangmatagalang
solusyon. Sa solusyong inihahain ng pelikula nakasalalay ang magiging papel ng manonood at
mamamayan sa pampolitikang pagbabago na magsusulong ng interes ng sektor na pinapanigan.
Hindi dapat basta maging neutral ang pagtalakay sa pelikula upang hindi rin maging neutral ang
pananaw at pagkilos ng mamamayan sa mga isyung panlipunan.
106DIASPORAATPELIKULA
Kinikilala ng mananaliksik ang pelikula bilang isang midyum na maaaring maging daluyan
ng edukasyon. Hindi lubusang makakamit ang Conscientization (Freire, 1968) sa pamamagitan ng
pelikula kung nakakubli lamang ang katotohanang dapat inilalantad nito at kung walang sintesis
(tesis + antitesis = sintesis) na bunga ng isang neutral na pananaw. Mapagpalaya dapat ang
pelikula, na nakahanay sa ilalim ng mapagpalayang edukasyon, upang makamit ng manonood ang
Conscientization.
Malaki ang papel ng kritikal na pagsusuri at solusyon sa isang pelikula sa pagtulak sa
manonood na kritikal ding tingnan ang mga eksena sa konteksto ng kasalukuyang lipunan – ito
ang mahalagang papel ng V-effect ni Brecht (1936). Binabasag ng V-effect ang pagkilala sa
inilalantad ng pelikula bilang personal na suliranin lamang. Isang mahalagang katangian ng
pelikula ang pagkakaroon ng V-effect upang mapataas ang antas ng kalamayan at pagkilos ng
manonood at mamamayan. Hindi fiksiyonal ang kalbaryo ng mga migranteng babae kung kaya’t
dapat ding maramdaman ng manonood na hindi fiksiyonal ang mga eksenang nakikita nila
Sa gabay ng konseptwal at teoretikal na balangkas, tinutugunan ng mga sumusunod na
pagsusuma ang mga layunin ng pananaliksik:
Kahalagahan ng Pelikula
Mula sa perspektiba ng masang manonood, manunulat at direktor, dalubhasa sa Pelikula,
kababaihang migrante, at Migrante International, napakahalaga ng pelikula sa paglantad ng
katotohanan sa kalagayan ng kababaihang migrante – mahalaga ang pelikula para sa kanilang
pamilya upang mapahalagahan ang pinagtatrabahuhang pera ng kanilang mga kaanak, at para sa
mamamayang naghahangad makipagsapalaran sa ibang bansa o kaya nama’y sa ordinaryong
mamamayan upang mamulat sa realidad at tumindig sa panig ng sektor na biktima ng isang export-
oriented na ekonomiya. Mahalaga ang patuloy na produksyon ng mga OFW films upang ilantad
na isang penomenon ang karahasang natatamasa ng mga kababaihang migrante sa ibang bansa, at
hindi lamang mga isolated cases. Mahalaga ang papel ng pelikula sa paglalantad kung ano ang
mali sa migrasyon – ang pagiging sapilitan nito.
107DIASPORAATPELIKULA
Pagsusuri sa mga Pelikula
Lumabas na Migrante: The Filipino Diaspora ang pelikulang pinakanaglantad sa kalagayan
ng mga kababaihang migrante bilang istruktural na kondisyon at ang may pinakamalinaw na
inihahaing panawagan, samantalang ang pelikulang The Flor Contemplacion Story naman ang
nagpakita sa manonood ng kahalagahan ng pelikula bilang midyum ng pagmumulat.
Bilang overseas worker, diskriminasyon sa trabaho, diskriminasyon sa lahi, at iba’t ibang
mukha ng pang-aabuso ang mga porma ng karahasan at suliraning pinaka-itinampok ng tatlong
pelikula. Samantalang bilang babae, Bigamy, diskriminasyon sa kasarian, at pang-aabuso naman
ang pinaka-itinampok na porma ng karahasan at suliranin ng mga kababaihang migrante.
Nailatag sa Ikaapat na Kabanata ang mga pananaw ng mga manonood sa bawat pelikula.
Samantala, romantisismo sa mga OFW films ang pinakalaganap at lantad na porma ng
misrepresentasyon ng kalagayan ng mga kababaihang migrante sa pelikula. Isang malaking
panganib sa hangarin ng pelikula na magmulat ang patuloy na trend sa mga fiksiyonalisado at
komersiyalisadong mga sine.
Posisyonalidad ng Manunulat at Direktor
Napakahalagang katangian ng isang pelikulang may layuning magmulat ang pagkakaroon
ng malinaw na pagpanig sa mga isyung itinatampok nito. Para kay Bonifacio Ilagan at Joel
Lamangan, ang katotohanang kanilang inilalantad sa pelikula ay may malinaw na bias sa
mayoryang bilang ng lipunan – ang uring pinagsasamantalahan. Binabasag nila ang paniniwalang
neutral sapagkat kailanma’y hindi ito hahantong sa pagkamulat ng mamamayan. Hindi sapat ang
maglantad lamang, kundi kinakailangan din ang kritikal na pagsusuri na magpapalitaw sa isyu ng
kababaihan bilang epekto ng malawakang problema sa sistema ng industriyalisasyon sa bansa.
Ambag ng Pelikula sa Pag-unlad
Ang pelikula ay isang porma ng sining at midyum ng biswal na kultura na may obligasyong
maglantad ng katotohan sa manonood sapagkat sa pagkamulat sa katotohanan nagsisimula ang
panlipunang pakikisangkot ng mamamayan. Napakalaki ng papel ng pelikula sa pagpapaalala sa
108DIASPORAATPELIKULA
mamamayan ng mga isyung ikinukubli ng burukratikong sistema ng media. Hindi dapat
nakukulong lamang sa media ang pag-alam sa mga isyung panlipunan sapagkat ito rin ang
magiging mapagpasya sa hangganan ng dapat malaman ng mamamayan.
Mula sa pagkamulat ng mamamayan magsisimula ang desisyong makiisa sa politikal na
hakbangin – pag-aaral ng lipunan, pag-oorganisa, at kolektibong pag-aksiyon. Kinikilala ng pag-
aaral ang malaking papel ng organisadong masa upang makapaghatid ng pangmatagalan at
makatotohanang pagbabago sa sistematikong kalagayan ng kababaihang migrante.
Pelikula at mga Aspetong Panlipunan
Sa pagsandig sa Marxismong dulog, sinasalamin ng mga OFW films ang labis na pagsandal
ng bansa sa vaginal at labor-export economy. Lakas-paggawa ng kababaihan ang isa sa primaryang
komoditing binebenta ng pamahalaan sa malalaking bansa. Dahil sa ganitong kalagayan ng
ekonomiya, ito ang nagiging sandigan ng mga polisiyang ipinatutupad ng pamahalaan. Iniluluwal
ng export-oriented na ekonomiya ang mga labor export policies na tinuligsa ng kalakhan ng
migranteng biktima ng karahasan sa ibayong-dagat. Manipestasyon ang patuloy na pag-abandona
at hindi sapat na proteksyon at tulong-legal sa mga biktima ng inhustisya.
Hindi maikakailang nakadikit na sa kultura ng migrasyon ang kultura ng karahasan at
diskriminasyon hindi lamang sa malalaking bansa kundi sa sariling bansa. Isang manipestasyon
ng kultura ng karahasan at diskriminasyon ay ang pag-iisang-tabi ng pamahalaan sa mga hinaing
ng malaking bilang ng mga migranteng nasa kapahamakan, partikular ay sa kababaihan.
Pananaw ng Kababaihang Migrante
Kinikilala ng kasalukuyang mga babaeng migrante ang kahalagahan ng mga pelikulang
nagtatampok ng kanilang kalagayan. Partikular na importansiya para sa kanila ng pelikula ay
upang maunawaan ng kanilang pamilya ang tunay nilang kalbaryo sa ibayong-dagat sapagkat
napakalaki ng social cost ng migrasyon sa pamilya ng mga OFW.
109DIASPORAATPELIKULA
Para sa kanila, kinakailangan sa isang pelikula na mailantad ang iba’t ibang porma ng
karahasan na talagang dinadanas ng mga babaeng OFW. Napakarami pa ang mga kasong hindi
lubusang nailalantad at mananatili ang pikit-matang magtanggap ng kababaihang migrante sa
mapanganib nilang kalagayan kung hindi sila sasandigan ng mamamayan dahil sa kakulangan ng
kaalaman sa kanilang madilim na kalagayan.
Mananatiling mga larawan ang mga panawagan at paglalantad ng karahasan sa pelikula
kung hindi ito magbubunga ng isang kolektibong pagkilos at kritikal na diskurso mula sa
mamamayan. Malaki ang papel ng pelikula sa paglalantad ng karahasan sa kababaihang migrante
na siyang ikinukubli ng media, malaki ang papel nito sa pagtutulak sa mamamayan na makisangkot
sa panlipunang karahasan. Ngunit higit pa sa pagpapalaganap ng pelikula, malaki ang
pangangailangan para sa mamamayan na isulong ang nagsasariling polisiya ng bansa na walang
kontrol ng pandaigdigang kapitalismo at kultural na imperyalismo.
Ang karahasan sa kababaihang migrante ay naka-ugat sa power relations sa pagitan ng
developed at developing countries. Hindi hihinto ang iba’t –ibang porma ng karahasang ito
hangga’t nakakapit ang Pilipinas sa polisiyang idinidikta ng malalaking bansa. Ang pagbibigay-
prayoridad sa industriyalisasyon na kayang isulong ng bansa ang magbubukas ng pantay na
oportunidad sa trabaho para sa kalalakihan at kababaihan. Marapat lamang na matuldukan ang
pag-unlad na nakasandig sa eksploytasyon ng mamamayan nito – ang kaunlarangan nakatuntong
sa karahasan sa kababaihan at eksploytasyon sa manggagawa ay hindi ganap na kaunlaran.
Kinikilala ng pag-aaral ang kahalagahan ng pandarayuhan bilang bahagi ng kalayaan ng
mamamayan, ngunit mariing tinututulan ng pag-aaral na ito ang patuloy na pwersahang migrasyon
sa mga manggagawang Pilipino, partikular sa kababaihan na biktima ng dobleng diksriminasyon
sa dayuhang bansa. Hindi matutuldukan ang bilang ng mga kababaihang biktima ng pasistang
kultura sa dayuhang bansa hangga’t mayroong push factor sa sariling bansa na sumisipa sa
kababaihan palabas upang makipagsapalaran. Samantala, isinusulong din ng pag-aaral ang
proteksiyong dapat na natatamasa ng mga migrante – mula sa pre-employment hanggang sa
reintegration. Tanging ang nagsasariling bansa ang makalalagot sa sapilitang migrasyon –
110DIASPORAATPELIKULA
bansang nagsusulong ng kaunlarang nakabatay sa interes ng mayoryang mamamayan, ang
pagsusulong ng tunay na reporma sa lupa at pambansang industriyalisasyon, at ang pagtakwil sa
foreign-dominated na merkado ng bansa.
Sinasalamin ng pelikula ang lantad at nakakubling katotohanan subalit katulad ng ibang
porma ng media, sa lakas ng impluwensya at pagtangkilik dito ng masa bilang porma ng
eskapismo, nagiging midyum ng paglilimita at misrepresentasyon din ang mga obra sa pinilakang-
tabing na humahadlang sa kritikal na kamalayan ng masa at nagiging salik upang patuloy na
mahamig ang mga kababaihan sa nagbabalat-kayong oportunidad ng empleyo sa ibayong dagat.
Ang pelikula ay salamin ng katotohanan, katotohanang nakabatay sa pinaniniwalaan ng
gumawa nito. Ang pelikulang walang sinasandigang katotohanan at panawagan ay mga pelikulang
nagbibigay ng lehitimo sa mapaniil na labor export policy at pandaigdigang kapitalismo. Ang
pelikulang may ganap na layuning sumandig at maglingkod sa masa ay pelikulang nagmula at
nagsisilbing boses ng masa.
111DIASPORAATPELIKULA
Kabanata VIII Rekomendasyon
“Kailangan ng lipunan na nagbibigay ng pagkakataon sa mga mamamayan nito na mabuhay nang disente at
normal sa sariling bayan.”
(Ilagan, B., 2017)
112DIASPORAATPELIKULA
Upang mas mapaunlad ang pag-aaral sa ugnayan o aspeto ng migrasyon at pelikula, at upang
maisulong ang kaunlaran nagmumula sa sa pagmumulat ng masa, inihahain ng mananaliksik ang
sumusunod na mga rekomendasyon:
1. Kailangan ng mga pelikulang nagtutulak sa mamamayan upang kumilos
Malaki ang hamon sa mga alagad at sining na lumikha ng mga obrang magbibigay-linaw
sa katotohanang sa mga pelikula- katotohanang nakabatay sa interes ng mayorya sa lipunan,
partikular sa interes ng mayorya ng mga kababaihang migrante. Gayundin, malaki ang hamon sa
mamamayan na tangkilikin at huwag matakot mamulat sa mga pelikulang mayroong bitbit na
adbokasiya.
2. Dinggin ang hinaing ng mayorya ng mga kababaihang migrante
Dapat nang matuldukan ang imahinasyon ng magandang oportunidad na na inihahain ng
pandarayuhan. Hindi ito ang batas ng migrasyon. Ang realidad sa likod ng kamera ay malaking
bilang ng mga kababaihang migrante ang biktima ng sapilitang migrasyon na nagluwal ng iba’t
ibang porma ng karahasan sa kababaihan bilang overseas worker at bilang babae. Nararapat
lamang na tupdin ng pamahalaan ang obligasyon nito sa mamamayan niyang alipin sa ibang bansa
na mabigyan sila ng sapat na proteksyon sa tulong-legal. Sa dami nang migranteng biktima ng
mapaniil na batas sa dayuhang bansa, matindi ang panawagan na huwag abandonahin ng
pamahalaan ang mga Pilipinong nangangailangan ng tulong-legal upang maligtas sila sa anumang
kaparusahan nakapatong sa kanilang mga balikat.
3. Ibasura ang labor export na katangian at polisiya ng pamahalaan
Dapat lamang na ibasura na ang mga polisiyang nagtutulak sa mamamayan na humanap
ng magandang oportunidad sa empleyo sa ibayong-dagot sapagkat karapatan ng bawat
mamamayan ang mabuhay ng disente at normal sa sariling bansa – isang lipunang nagbibigay ng
oportunidad sa bawat mamamayan na umunlad at umahon mula sa kahirapan sa pamamagitan ng
trabahong nagmula sa mga industriya ng sariling bansa. Kinakailangan ng isang nagsasariling
polisiya ng bansa upang hindi tuluyang malamon ng globalisasyon ang hilaw na materyales at
113DIASPORAATPELIKULA
lakas-paggawa ng bansa. At sa pagkamit nito’y malaki ang papel ng organisadong masa upang
makamit ang kaunlarang dapat na sa kanila.
4. Lumikha ng trabahong magpapaunlad sa bayan at mamamayan
Napakalaki ng sugal sa pandarayuhan at higit sa remittance, hindi nakapagsasariling pag-unlad
ang inihahain nito sa bansa, bagkus ay ang patuloy na pagkapit nito sa malalaking bansa.
Mananatili ang ganitong kalakaran kung mananatili ang kawalan ng industriya sa bansa –
industriyang kontrolado ng pamahalaan at hindi ng dayuhan. Sa pagsusulong ng pambansang
industriyalisasyon, nakapagsasarili at pangmatagalan ang kaunlarang inihahain nito. Dagdag pa,
tataas ang bilang ng trabaho sa bansa at unti-unting mababawasan ang bilang ng mga Pilipinong
biktima ng sapilitang pandarayuhan.
5. Mangahas mag-aral ng higit pa sa teknikal na porma ng edukasyon
Kabataan, mangahas mag-aral sa labas ng pamantasan. Hindi lamang nakukulong sa
teknikal na usaping ekonomiko at pampolitika masusuri ang kalagayan ng bawat sektor sa lipunan.
Kritikal na mag-isip sa bawat isyung ibinabato ng kasalukuyang sigwa ng mga suliraning patuloy
na gumigipit sa malaking bilang ng mamamayang Pilipino. Huwag matakot tuklasin at pag-aral
ang papel ng sining sa isang kritikal na lipunan. Sumandig sa kaalamang inihahain ng mga
pangmasang organisayon gaya ng Migrante International sapagkat higit sa Internet at datos ng
pamahalaan, hindi mapanlinlang ang datos ng mamamayan. Napakalawak ng pag-aaral sa
migrasyon at kultura, suyudin ang mga isyung lubos na makatutulong sa masa.
114DIASPORAATPELIKULA
Kabanata IX Limitasyon ng Pag-aaral
“The camera is a sociologist”
(Brecht, B., 1930)
115DIASPORAATPELIKULA
Inilalatag ng mananaliksik ang mga limitasyon ng pag-aaral upang maging malinaw ang
naging saklaw at mga paksang maaaring mapa-unlad sa mga susunod na pag-aaral:
1. Limitado sa mga residente sa Metro Manila ang naging pagsasarbey
15 lamang ang naging katugon para sa The Flor Contemplacion Story (1995),
kumpara sa 28-30 katugon sa dalawang pelikula, dahil sa iilan na lamang ang minsan nang
nakapanood ng pelikula. Ito rin kasi ang pinakalumang pelikula sa tatlo kung kaya’t ito ang
may pinakamaunting naging katugon.
2. Limitado ang bilang ng mga naging katugon para sa Focus group discussion
Dahil sa walang partikular na lugar sa bansa mayroong posibilidad na makalikom
ng sampung migranteng kababaihan sa partikular na panahon, nalimita sa anim lamang ang
mga umupo sa FGD, mga babaeng migranteng nakikipag-ugnayan sa opisina ng Migrante
International noong mismong araw ng diskusyon. Dagdag pa, naging limitado rin ang
panahon ng FGD dahil hindi napaghandaan ng mga katugon ang mahabang oras ng
diskusyon.
3. Naudlot ang pakikipag-ugnayan ng mananaliksik sa ilang pampelikula’t kultural na
institusyon
Bagamat kinikilala ng mananaliksik ang papel ng mga pampelikula’t kultural na
institusyon gaya ng Film Development Council of the Philippines, hindi nakapagbigay ng
panahon ang ahensya upang makapagbigay ng datos o anumang ulat ukol sa layunin nilang
paunlarin ang industriya ng pelikulang Pilipino.
xviiDIASPORAATPELIKULA
Sanggunian
Mga Libro Castles, S. & Miller, M. (1998). The Age of Migration:International Population Movements in the
Modern World.The Guiford Press, New York, in The Feminisation of Migration:Dreams and Realities of Migrant Women in Four Latin American Countries, by Cecilia Lipszyc, p.8.
David, J. (1998). Wages of Cinema: Film in Philippine Perspective.
Feltey, K., & Sutherland, J. (2010). Cinematic Sociology: Social Life in Film (Ed.). California: SAGE Publications Co.
Freire, P. (1970). Pedagogy of the Oppressed. New York: Herder and Herder.
Guillermo, A. (2000). The Filipina OCW in Extremis. In Tolentino, R. (Ed.), Geopolitics of the Visible (pp.107-117). Quezon City: Ateneo De Manila University Press.
Heyzer, N., Wee, V. (1994). Domestic Workers in Transient Overseas Employment: Who Benefits, Who Profits. In Heyzer, N., Nijeholt, G., Weerakoon, N. (Eds.), The Trade in Domestic Workers: Causes, Mechanisms and Consequences, of International Migration (pp. 31-33). Kuala Lumpur, Malaysia: Asia and Pacific Development Centre.
Hynes, H.P., D’ Cunha, J., Dzuhayatin, S.R., Raymond, J., Rodriguez, Z.R., & Santos, A. (2001). A Comparative Study of Women Trafficked in the Migration Process: Patterns, Profiles, and Health Consequencess of Sexual Exploitation in Five Countries (Indonesia, Philippines, Thailand, Venezuela, and the United States). Coalition Against Trafficking in Women.
Lee, S. (1996). Issues in Research on Women, International Migration and Labor. In Battistella, G., & Paganoni, A. (Eds.), Asian Women in Migration (pp. 2-5). Quezon City: Scalabrini Migration Center.
Lumbera, B. (1992). PELIKULA: An Essay on the Philippine Film (1961-1992). Manila: Cultural Center of the Philippines Special Publications Office.
Reyes, E.M. (1989). Notes on Philippine Cinema. Manila: De La Salle University Press.
Taguiwalo, J. (2005). Intensifying Working Women’s Burdens: The Impact of Globalization on Women Labor in Asia (Ed.). Asia Pacific Research Network.
Tolentino, R. (2001). National/Transnational Subject Formation, Media, and Cultural Politics In and On the Philippines. Quezon City: Ateneo de Manila University Press.
xviiiDIASPORAATPELIKULA
Tolentino, R. (2014). Introduksyon: Sinema ng Milenyo: Kritisismong Pampelikula, Kritisismong Pambansa. In Chua, J., Lucero, R., & Tolentino, R. (Eds.). A Reader in Philippine Film: History and Criticism. Quezon City: University of the Philippines Press.
Villafuerte, P. & Bernales, R. (2008). Pagtuturo ng/sa Filipino: Mga Teorya at Praktika. Valenzuela City: Mutya Publishing House, Inc.
Youngblood, D. (1992). A historical overview “from below”. Movies for the Masses: Popular cinema and Soviet society in the 1920s. New York: Cambridge University Press.
Journals Del Rosario-Malonzo, J. (2006). Economic Role of OFW Remittances. IBON Facts and Figures,
29(1), pp. 3-4.
Del Rosario-Malonzo, J. (2006). Migration: Dominantly Female. IBON Facts and Figures, 29(16), pp. 2-5.
Guzman, R. (2002). Labor Feminization and Genuine Development. IBON Facts and Figures, 25(6), p. 10.
Guzman, R. (2003). The Migrant Workers’ Exodus. IBON Facts and Figures, 26(9), pp. 2-3.
Guzman, R. (2009). Declining OFW Remittances. IBON Facts and Figures, 32(14), pp. 3-9.
Tolentino, R. (2009). Globalizing National Domesticity: Female Work and Representation in Contemporary Women’s Films. Philippine Studies, 57(3), pp. 422, 426, 436.
Other Published Documents & Sources
_____________. (2016). Death amid Growth for a Few, Destitution and Resistance: A Report Assessment of Workers’ Situation under the Aquino Administration. Quezon City: Center for Trade Union and Human Rights (CTUHR).
Caritas Internationalis (2017). The Female Face of Migration (Background paper). Retrieved April 11, 2017 from http://www.caritas.org/includes/pdf/backgroundmigration.pdf
Carpon, M. (2015). Buhay Drayber at Asosasyon ng mga Tsuper at Ruta ng Santa Ana—Padre Faura: Salamin ng Kaunlarang Panlipunan. Undergraduate Thesis. Unibersidad ng Pilipinas Maynila, Manila.
Dayrit, T. (Produser), & Quintos, R. (Direktor). (2000). Anak (Pelikula). Philippines: Star Cinema.
xixDIASPORAATPELIKULA
De Jesus, O., Lopez, R., Santos-Concio, C. (Produser). & Lazatin, J. (Direktor). (2011). A Mother’s Story (Pelikula). Philippines: Star Cinema.
De Lima Ma. Sison, J. (2015). On the Imperialist Cultural Offensive. Transcript of speech during the Commission 14 Workshop. UP Diliman, Quezon City.
Dela Cruz, E. (2016). You Are What You Watch: The Role of Film in Identity Formation and Development in the Philippines. Undergraduate Thesis. Unibersidad ng Pilipinas Maynila, Manila.
De Ocampo, N. (2016). Charting the Evolution of ‘National Identity’ in Philippine Cinema, Proceedings of the Quezon City International Film Festival: Perspectives on National Cinema forum. Quezon City.
Gray, M. (2003). Human Rights Protections Applicable to Women Migrant Workers. United Nations Development Fund for Women Briefing Paper. New York, USA.
Hopkinson, P. (1971). The role of film in development. France: UNESCO.
Lamangan, J. (2012). Migrante (Pelikula). Philippines: XITI Productions
Leary, W. (Produser), & Lamangan, J. (Direktor). (1995). The Flor Contemplacion Story (Pelikula). Philippines: Viva Films.
Linatoc, R. (2016). Bertolt Brecht’s Alienation Effect (Notes on Development Studies 122 class).
Linatoc, R.F. (2016). Thesis notes on case control
Lopez, D. (2016). Kalsada at Kababaihan: Kritikal na Pagsusuri sa mga Pagbabagong Idinulot ng Pagpapagawa ng mga Farm to Market Roads sa Sosyo-Ekonomikong Kalagayan at Pampulitikang Kamalayan ng Sektor ng Kababaihan. Undergraduate Thesis. Unibersidad ng Pilipinas Maynila, Manila.
Magaji, M. (2013). Cultural Imperialism and National Development. Nigeria: University of Jos
Malubay, M. (2016, Nobyembre 13). Ang misteryosong pagkamatay ni Irma Jotojot. Pinoy Weekly, pp. 4-5.
Ma. Sison, J. (1986). Crisis of Philippine Culture (1946-Present). Transcript of speech lecture on Philippine Crisis and Culture (1946-Present). UP Diliman, Quezon City.
Migrante International. (2017). Krisis ng Migrasyon at ang Pagbangon ng Pamilyang Migrante [Powerpoint slides].
xxDIASPORAATPELIKULA
Naco, J. (2015). Kamera at Kalamidad: Kritikal na Pagsusuri ng Representasyon ng Media sa mga Masang Nasalanta ng Bagyong Yolanda at ang Implikasyon nito sa kanilang Panlipunang Pagsasakapangyarihan. Undergraduate Thesis. Unibersidad ng Pilipinas Maynila, Manila
Pangilinan, C. (2016). Problematisasyon sa ugnayan ng bansa at pelikula sa konteksto ng pambansang pelikula: Tungo sa makabayan at partisanong sine, Proceedings from Quezon City International Film Festival: Perspectives on National Cinema forum. Quezon City.
Santos, M., Santos-Concio, C. (Producer), & Lamasan, O. (Direktor). (2004). Milan (Pelikula). Philippines: Star Cinema
Santos, M., Santos-Concio, C. (Producer), & Rono, C. (Direktor). (2008). Caregiver (Pelikula). Philippines: Star Cinema
Samson-Martinez, M. (Producer), & Lamasan, O. (Direktor). (2011). In the Name of Love (Pelikula). Philippines: Star Cinema
Internet sources Bernal, B. (2014 November 26). 40K Filipinos now eligible for Obama's deportation shield –
study. Retrieved April 20, 2017 from http://www.rappler.com/move-ph/balikbayan/76106-filipinos-eligible-us-deportation-shield
Better Evaluation. (2016). Thematic Coding. Better Evaluation. Retrieved November 16, 2016 from http://betterevaluation.org/en/evaluation-options/thematiccoding
Bulsara, C. (n.d.). Using a Mixed Methods Approach to Enhance and Validate your Research. Retrieved November 15, 2016 from https://www.nd.edu.au/downloads/research/ihrr/using_mixed_methods_approach_to_enhance_and_validate_your_research.pdf
Ebron, G. (2002 October). Not Just the Maid: Negotiating Filipina Identity in Italy. Retrieved November 14, 2016 from http://intersections.anu.edu.au/issue8/ebron.html
Center for Migrant Advocacy. (2016). Replies to LOI for the Philippines with a focus on Women Migrant Workers. Retrieved November 3, 2016 from http://tbinternet.ohchr.org/Treaties/CEDAW/Shared%20Documents/PHL/INT_CEDAW_NGO_PHL_24247_E.pdf
Center for Migrant Advocacy. (2017). History of Philippine Migration. Retrieved March 02, 2017 from https://centerformigrantadvocacy.com/history-of-philippine-migration/
xxiDIASPORAATPELIKULA
Eliot and Associates. (2005). Guidelines for Conducting a Focus Group. Retrieved September 20, 2016 from https://assessment.trinity.duke.edu/documents/How_to_Conduct_a_ Focus_Group.pdf
Ellao, J. (2011 June 06). Family demands the truth about mysterious death of OFW. Retrieved May 02, 2017 from http://bulatlat.com/main/2011/06/06/family-demands-the-truth-about-the-mysterious-death-of-ofw/
Fidel, R. (1984). The Case Study Method: A Case Study. Retrieved September 22, 2016 from http://faculty.washington.edu/fidelr/RayaPubs/TheCaseStudyMethod.pdf
Gavilan, J. (2016 December 19). What you need to know about overseas Filipino workers. Retrieved February 4, 2017 from http://www.rappler.com/newsbreak/iq/114549-overseas-filipino-workers-facts-figures
Krueger, R. A. (2002, October). Designing and Conducting Focus Group Interviews. Retrieved on September 22, 2016 from http://www.eiu.edu/ihec/Krueger-FocusGroupInterviews.pdf
Philippine Statistics Authority. (2016). Total Number of OFWs Estimated at 2.4 Million (Results from the 2015 Survey on Overseas Filipinos). Retrieved on October 18, 2016 from https://psa.gov.ph/content/total-number-ofws-estimated-24-million-results-2015-survey-overseas-filipinos
Net Industries. (2016). Migration-Theories of Migration. Retrieved on September 5, 2016 from http://family.jrank.org/pages/1170/Migration-Theories-Migration.html#ixzz4Jffopgbp
Bobichand, R. (2012). Understanding Galtung’s Violence Triangle and Structural Violence.
Retrieved on September 6 2016 from https://www.galtung-institut.de/en/network/groups/anything-galtung/forum/topic/understanding-galtungs-violence-triangle-and-structural-violence/
Afzaal, A. (2012). The Violence Triangle. Retrieved September 6 2016 from https://ahmedafzaal.com/2012/02/20/the-violence-triangle/
Cole, N. (2016). Understanding Marx's Base and Superstructure. About.com Education. Retrieved
15 November 2016, from http://sociology.about.com/od/Key-Theoretical-Concepts/fl/Base-and-Superstructure.htm
Explaining Domestic Violence using Feminist Theory. (2016). Knowledge For Growth. Retrieved
15 November 2016, from https://knowledgeforgrowth.wordpress.com/2011/03/21/explaining-domestic-violence-using-feminist-theory/
Ferraro, K., Pope, L. (2006). The Duluth Power and Control Model. Retrieved 10 November 2016,
from http://vawresources.org/index_files/powercontrolmodel.pdf
xxiiDIASPORAATPELIKULA
Investopedia LLC. (2017). Descriptive Statistics. Retrieved April 2, 2017 from http://www.investopedia.com /terms/d/descriptive_statistics.asp
Kellner, D. (2016). Cultural Marxism and Cultural Studies. Retrieved 15 November 2016, from
https://pages.gseis.ucla.edu/faculty/kellner/essays/culturalmarxism.pdf Makilan, A. (2007 March). Stories of Abuse and Courage of Women OFWs. Retrieved May 02,
2017 from http://www.bulatlat.com/news/7-6/7-6-ofws.htm Michael P. Todaro's Model of Rural-Urban Migration - Definition and Explanation - Assumptions
- Diagram/Figure of Schematic Framework - Characteristics - Economicsconcepts.com. (2016). Economicsconcepts.com. Retrieved 15 November 2016, from http://economicsconcepts.com/michael_p_todaro's_model_of_rural_urban_migration.htm
Migrante International. (2015). Executive Summary of Death Row/Candidates for Death
Row/Jailed Cases of OFWs being hanled by Migrante International. Migrante International. Retrieved from https://migranteinternational.org/category/services/
Philippine Overseas Employment Administration. (2014). 2010-2014 Overseas Employment Statistics. Philippine Overseas Employment Administration. Retrieved on November 10, 2016 from https://migranteinternational.org/category/services/
Philippine Statistics Authority. (2016, April). Total Number of OFWs Estimated at 2.4 Million (Results from the 2015 Survey on Overseas Filipinos). Retrieved on October 18, 2016 from https://psa.gov.ph/content/total-number-ofws-estimated-24-million-results-2015-survey-overseas-filipinos
Rappler. (2012, February 13). Movie spending contribute to 0.06% to GDP – NSCB. Retrieved on October 20, 2016 from http://www.rappler.com/business/1505-movie-spending-contribute-0-06-to-gdp-–-nscb
Santos, A. (2014 July 06). Philippines: A History of Migration. Retrieved March 05, 2017 from http://pulitzercenter.org/reporting/philippines-history-migration
UCLA Center for Health Policy Research. (n.d.). Section 4: Key Informant Interviews. Retrieved
on September 19, 2016 from http://healthpolicy.ucla.edu/programs/health-data/trainings/documents/tw_cba23.pdf
University of South California. (n.d.). Organizing Your Social Sciences Research Paper: Types
of Research Designs. USC Libraries. Retrieved on October 30, 2016 from http://libguides.usc.edu/writingguide/researchdesigns
Tolentino, R. (2011). Vaginal economy: Cinema and Globalization in the Post-Marcos Post-
Brocka Era. Retrieved March 05, 2017 from http://journals.upd.edu.ph/index.php/humanitiesdiliman/article/download/1988/1875
xxiiiDIASPORAATPELIKULA
Apendiks
Gabay sa Apendiks
Sample survey form …………………………………………………………………. xxiv-xxv
Tala ng mga pangalan ng lahat ng nakapanayam ………………………………………… xxvi
Transcribed interview (Bonifacio Ilagan) …………………………………………… xxvii-xxxiii
Legends para sa Survey forms:
Color code Pelikula Number code Aspeto The Flor Contemplacion Story
1-10 Politikal
A Mother’s Story 11-20 Ekonomiko
Migrante: The Filipino Diaspora 21-30 Kultural
** Sa mambabasa, minarapat ng mananaliksik na ilagay sa hiwalay na bind ang ibang bahagi ng Apendiks para protektahan ang konpidensiyal na identidad o datos *Mayroong mga kasunduan sa mga Pahina ng Pagpapatibay ng mga katugon sa sarbey na hindi nasunod sa ilalim ng sab-kategorya ng ‘Proseso’ at ‘Durasyon’ sapagkat nabago sa kalagitnaan ng koleksiyon ng datos ang proseso ng sarbey.
xxviDIASPORAATPELIKULA
Listahan ng mga Nakapanayan Key Informant Interview
• Arman Hernando • Bonifacio Ilagan • Joel Lamangan • Dr. Rolando Tolentino
Case Study
• Russel Contemplacion • Alicia Dalquez
Focus Group Discussion
• Marie Fe Delos Reyes • Merisa Durigo • Lalaine Ladia • Rosemarie Rondon • Celia Veloso • Lorna Lumapang
xxviiDIASPORAATPELIKULA
Panayam kay Bonifacio Ilagan Enero 21, 2017 | Quezon City Diane: So ‘yong start po ay, pwede n’yo po bang i-discuss ‘yong background n’yo, simula ‘yong buong journey n’yo talaga sa film industry? Boni Ilagan: Ah, ‘yong sa akin? Diane: Sa inyo po muna… Boni Ilagan: Sige. Oo. Nagsimula ako… sa pag-arte… sa teatro, mula sa pag-arte ay nagsulat na ako ng script. Ahm… may dahilan kasi… medyo matagal na ‘to, ‘no? 1970’s. Ahm… kailangan namin ng mga script na maipapalabas sa teatro na bagay d’on sa aming gustong sabihin. Ah, tungkol sa problema ng mga taong-bayan. Eh walang script, so… napilitan akong magsulat kahit na hindi naman ako nag-aral ng pagsusulat ng script. Nakatulong nang malaki ‘yong… naging artista ako sa teatro kaya hindi ako unfamiliar doon sa… daigdig ng, ng ah… teatro. Ah… dahil… palaging nagsusulat, ah… naipalalabas naman kaagad ‘yong mga isinusulat, nakikita ko ‘yong resulta. At dahil doon, ah… natuto na rin ako kung alin ang maganda, alin ang hindi maganda. Ah… s’yempre nagbasa na rin ako ng tungkol sa pagsusulat at nagsama-sama ‘yon, yuong aktwal na pagsusulat at yuong mismong pagtatanghal at yuong reaksyon ng mga tao hanggang… before I knew it eh marami na akong alam sa pagsusulat. Dahil kulang din ng direktor, napilitan din akong maging direktor eh wala rin akong alam d’yan. Kasi sa totoo lang, ang kurso ko n’ong panahong ‘yon ay Political Science at kahit elective, kahit cognate, walang tungkol sa teatro. So talagang ano ‘yan eh, ah… yuong bunga ng pangangailangan at saka interes na rin kasi interesado talaga ako sa teatro. Sa madaling sabi, maraming taong ginugol ko sa teatro hanggang… kailangan kong… magtrabaho nang may kita. Kasi ‘yong teatro, sinasabi ko sa ‘yo, walang kita ‘yon. Nag-apply ako ngayon sa television, at ah… naging manunulat ako sa television. Uhm, bagong larangan ‘yon, dahil… iba ‘yong form, format ng writing for television at saka ng writing for live theater pero madali akong nakapag-adjust and eventually, ah… humility aside, naging maganda ang… takbo ng aking ah… trabaho sa TV. Eh dahil palaging umaattend ng mga shoot, ng taping, taping pa ang tawag n’on sa TV dahil tape ang ginagamit eh. Ngayon hindi na tape, hindi ko alam kung ano na ang tawag ‘pagka nagshu-shoot, ano. Nalaman ko na rin yuong… paano ang trabaho ng direktor. So… nabigyan din ako ng trabaho bilang direktor sa TV, so… that’s the long in the short of it. Eh from TV writing and TV directing, ‘yon na ‘yon, pelikula na ang logical na… kahahantungan. So when the time came na ako ay nabigyan ng offer na magsulat sa pelikula, nagsulat na ako sa pelikula and until now, iyon na ang aking pinagkakaabalahan. Diane: Eh ‘yong ano n’yo po, ‘yong… journey n’yo po sa… progreso po… Boni Ilagan: ‘Yong binanggit ko sa iyong karanasan ko ay progressive lahat ‘yan. Ah… ‘pagka may mga ino-offer sa akin na writing or directorial jobs na hindi ko gusto, dahil hindi umaayon d’on sa aking progresibong consciousness, dini-decline ko. Diane: Sa Diliman din po kayo nag-start? Boni Ilagan: Oo, oo. Oo. Diane: Ako din po, sa UP po. Boni Ilagan: Ah… okay. Diane: So ahm, pwede n’yo po bang ‘yon nga po, i-k’wento n’yo po ‘yong karanasan n’yo po kung paano n’yo po nabuo ni Sir Ricky Lee ‘yong k’wento n’ong sa kay Flor Contemplacion story po.
xxviiiDIASPORAATPELIKULA
Boni Ilagan: Oo. Ahm, hindi ko makakalimutan ‘yong pelikula na ‘yan dahil… ‘yon ang, that was my first writing assignment after I was released from prison. Ako ay ahm, nahuli n’ong 1994. (Hi… Yah, mamaya. Okay, okay.) Ah, nahuli ako n’ong 1994, second na pagkahuli ko ‘yon kasi nahuli na, ah, naaresto na ako n’ong 1974, n’ong Martial Law. Na-release ako, naaresto ulit ako n’ong 1994. Right after my release from prison in 1994, na-offer sa akin ‘yong… ah… anon a ‘yan, ‘yong pagsusulat. Ah… at ah… dal’wa kami ng Ricky na… nagsulat. Ang maganda d’yan, si Ricky naman kasi eh matagal ko nang kasama, kaibigan. Kasi aktibista rin si Ricky eh, n’on 70’s, nakulong din ‘yan. Hindi naging mahirap para sa amin dalawa ‘yong pagtatrabaho. Alam mo, ah… ano ‘yon eh, putok na putok ‘yong issue ng Flor Contemplacion eh, n’ong panahon na ‘yon. In fact, kung natatandaan ko, halos isang b’wan, araw-araw front page ‘yang balita tungkol kay Flor Contemplacion. So nakatulong din ‘yon sa kumpanya ng pelikula, sa Viva Films kasi ano na, ah… yu--, kumbaga ‘yong publicity, ‘yong promotions ng pelikula ay hindi na nila problema at ah, dinumog talaga ng tao. Anyway, ahm… ginawa naming ‘yong lahat ng kailangan, preliminary interview, everyone and anyone na related d’on sa kaso. S’yempre ‘yon pi--, ‘yong pamilya, except Flor, kasi si Flor, nakakulong, ano, hindi naman naming p’wedeng interview-hin sa Singapore. In-interview naming ang kanyang asawa, ‘yong lahat ng anak n’ya, mga malalapit na kaibigan, ‘yong abogado n’ya, s’yempre, even the Philippine government, ah ‘yong sa Embassy, lahat ‘yan ay ah, in-interview namin. Nakaipon kami ng napakaraming research materials plus ‘yong aming nire-research sa mga d’yaryo, ah, lahat ng lumalabas tungkol sa, sa kaso. Si Ricky, he was very meticulous, s’ya ‘yong nag-organize n’ong research eh. Ah… dahil Viva fims ‘yan, may budget, talagang may binayaran na researchers, kumpleto. So hindi, hindi naging mahirap sa ‘min ‘yong, ‘yong proseso. Nakatulong din s’yempre na kaming dalawa ni Ricky ay interested at very much active d’on sa… sa kilusan, ah, especially ‘yong sa kapanan ng mga manggagawa. Ah… after having made the research, ah, dalawa kami Ricky na gumawa ng outline. Chronological n’ong una para maging malinaw ‘yong, ‘yong flow ng istorya saka namin ah, jinumble-jumble, ano. So yuong kinalibasan--, kinalabasan in terms of structure, hindi na s’ya chronological, ano, flashbacks, etc. What is interesting in our research and eventually we thought we should include in the film was the secret. And the secret was, may number two si Efren Contemplacion, na s’yempre hindi ‘yan lumalabas sa, sa balita. Nagtaka lang kami na everytime na mag-iinterview kami sa family, nand’on ‘yong babae, tapos, very outspoken s’ya. S’ya ‘yong articulate eh, ah, in fact, more than Efren, more than the husband, s’ya ‘yong articulate. So, tinanong naming ni Ricky, ‘Kamag-anak n’yo ba s’ya?’ N’ong una, hindi sila nakasagot kaagad… Diane: Oo nga po… Boni Ilagan: Siguro nahirapan sila until eventually, they had to tell us na hindi kamag-anak kundi… ah… girlfriend,… Diane: Parang po ‘yong sa pelikula… Boni Ilagan: Girlfriend ni… ni Efren. S’yempre naging problema sa amin ‘yon dahil s--, sikreto nila, hindi namin alam kung p’wede naming isama sa pelikula. Pero umano naman sila, pumayag sila na isama. Ang malungkot dito, n’ong matatapos na ‘yong pelikula, hinabla kami, hinabla kami n’ong… Diane: N’ong babae… Boni Ilagan: Nakalimutan ko na ‘yong pangalan eh, ah… kasi matagal na ‘yon eh, 1994 eh. Anyway, hinabla kami, kami ni Ricky, ‘yong director, ‘yong Viva Films dahil… eto nagfa-flash forward na ako. Ang gusto n’ong babae ay gumawa rin kami ng pelikula tungkol sa kanya.
xxixDIASPORAATPELIKULA
Parang ang pagkakahabla ay, hindi n’ya ibinibigay sa amin ang permiso para gamitin ang kanyang istorya d’on sa pelikula. Nire-recall ko kasi matagal na ‘yan eh. So nagkaroon nga ng court proceedings ah, may dumating sa ‘ming subpoena pero naayos naman. I think, ah, Viva Films had to settle for an amicable ah… condition, so, parang may bin--, may ibinigay doon sa babae. Ayon, ang the long in the short of it. Do’n naman sa content mismo, mas, mas naging malinaw sa amin ni Ricky na director, ‘yong usapin ng Overseas Filipino Workers, and in particular, ‘yong, ‘yong issue ng kababaihan. Ah, s’yempre ‘yong bias ng pelikula, malinaw na malinaw, ano. Ahm, ang isang pianag-uasapan pa nga namin nang medyo matagal, papa’no naming ipi-present ‘yong legal, legal case kasi ang Singapore ay nagsasabing guilty pero tayo, sinasabi natin na hindi guilty. We took the position ng Pilipinas at ni Flor. Bagaman si Flor, sa simula ay umamin, eventually, ni-retract n’ya ‘yon eh. Although, ‘yon ang naging problema kasi, may una s’yang admission na later na lang kinailangang baguhin. Tapos, iba s’yempre ‘yong judicial system sa Singapore kaya nahirapan din tayo. Ahm, nga pala… ang natatandaan ko, wala pang Migrante n’on eh. Walang organisasyong Migrante ang pangalan. Wala pang organisasyon ang kilusan noon na para sa OFW, kaya ang nag--, the one, the one organization that took up the case was Bayan. So Bayan talaga ang pumapapel d’yan. Yuong Migrante ay ipinanganak ng kaso ni Flor Contemplacion. After the Flor Contemplacion case, nabuo ang ah, Migrante International. So if only for that, malaking bagay ‘yong usapin ni Flor. Diane: So, Sir, ahm, sa tingin n’yo po, s’yempre bilang manunulat at director, gaano po kahalaga ‘yong pelikula sa pagmumulat sa mga mamamayan ng ganitong mga kalagayan, ganitong mga isyung panlipunan sa atin. Boni Ilagan: Ah, lalo na ngayon, kapag may mga usapin ng OFW hanggang sa puntong nabitay, ang balita ay nasa inside pages na lang eh. Kasi ngayon, may lumabas eh, ‘di ba? Diane: Opo, ‘yong… Boni Ilagan: Ah, sa Sau--, Sau--, sa Middle East ito, ‘no? Diane: Opo, sa Middle East. Boni Ilagan: Sa Middle East. Ah… domestic helper. Parang… muslim dahil ang pangalan n’ya ay from the south eh. Nabitay s’ya, pinagbintangang pinatay n’ya ‘yong anak ng employer pero tingnan mo, nasa inside pages na lang. Dati-rati, gaya ng sinabi ko ‘di ba ‘yong tungkol kay Flor, front page ‘yan. Pero dahil sa madalas nang nangyayari, nagiging karaniwang balita na lang to the point na ang karaniwang tao, ano na, hindi na ‘yan kagila-gilalas, hindi na ‘yan nakakabigla and even the media treat such news as an ordinary event at nilalagay na nga lang sa inside pages which brings me to my point na ang, sa ganiting kalagayan, ang pelikula eh napakahalaga kasi ‘yong pelikula ang mas magda-dramatize eh, noong isang usapin na otherwise ay hindi na pinapansin. Kaya doon sa tanong mo, napakahalaga ng pelikula and for that matter, kahit teatro, napakahalaga ng mga anyo na ‘yan ng sining para yuong mga usapin na gusto nating mabuhay sa consciousness ng tao ay mabuhay, oo. Diane: Sa, ‘di ba po, sa pagtagal ng panahon mula no’ng nailabas ‘yong pelikula ng Flor, andami na rin pong nailabas na mga ibang pelikula, mga, mga mother story… Boni Ilagan: Sarah Balabagan… Diane: Si Sarah Balabagan, Sir. Boni Ilagan: Oo, oo. Diane: Ano po, ano po sa tingin n’yo ‘yong ibang puna sa mga pelikulang ‘yon? Boni Ilagan: Well, s’yempre ‘pagka ikaw ay artista at gumawa ka ng isang obra, isang likha, dala-dala mo ang iyong point-of-view, d’on may problema. Kasi kung tungkol nga sa OFW,
xxxDIASPORAATPELIKULA
tungkol nga sa Migrante, tungkol nga sa kababaihan ‘yan pero hindi naman malinaw ang iyong panig, magiging ano lang s’ya, entertainment, ah… kaya, mahalaga para sa mga lumilikha ng pelikula at ng sining, in general na maunawaan din nila ‘yong milute, ‘yong usapin, ‘yong kaso hindi lamang sa puntong factual, o quote-unquote objective. Ah, mahalaga rin na angkinin nila ‘yong subjective factor which is ‘Nas’an ang iyong pagpanig?’ ahm… halimbawa, kung isang kumpanya ng pelikula na gustong paksain ang kababaihan o ang Migrante, kung simpleng kompanya ng pelikula lang s’ya, iiwas s’ya d’on sa… political, gagawin n’yang commercial, and by commercial, entertaining and by entertaining, feel good, ibig sabihin, ah… p’wedeng may iyakan pero… alam mo na, para lang ma-titillate, para lang makiliti ‘yong emotion na hindi naman magbubunga ng pagkamulat. Diane: Walang kritikal na pagsusuri. Boni Ilagan: Exactly. So… ‘yon ang, ‘yon ang isang usapin d’yan. Sunod ay, sinabi mo nga andami, andami na n’ya. Puro babae, puro Migrante pero nauuwi lang sa love story eh, ‘di ba? Diane: Naro-romanticize. Boni Ilagan: Gan’on lang. Hindi ko sinasabing mali ‘yong love story, in fact kailangan ang love story kahit nga ‘yong Flor Contemplacion, may live--, may love story, la--, ano nga eh, triangle nga eh, ‘di ba? Sa tagal ko na sa pagsusulat, sa pagdidirek, obligatory na mayroong love angle pero hindi dapat ‘yon ang mag-define. Ang dapat pa ring mag-define, ‘yong social context at ‘yong esens’ya ng pelikula sa lipunan in terms of… interest ng, ng higit na nakararami. Diane: Sir, sa kasalukuyan po, ano po ‘yong pananaw ninyo sa patuloy na pagtaas ng bilang ng nagiging migranteng kababaihan po? Boni Ilagan: I, I did together with Direk Lamangan another film on migra--, on migrants. Ang title ay ‘Migrante’. Diane: Oo nga po. Boni Ilagan: Okay. Doon namin nalaman na ang mas preference pala ngayon ng employers abroad ay babae. Nakalimutan ko na ‘yong prosyento eh pero mukhang 80%. I’m not sure about this ha, 80% yuong sinasabing 12 million na mi--, migrante ay babae, babae. Ah… ayon ang, iyon ang isang, risk ‘yon kasi mas, mas nae-expose ‘yong kababaihan sa mga panganib. Like do’n sa aming ginawang pelikulang ‘Migrante’, ang aming ahm, bida… Diane: Si Jodi. Boni Ilagan: …ay si Jodi Sta. Maria. Hindi ako as a writer, hindi ako nahirapan na… palam’nan ‘yong pelikula dahil lahat ng detalye ay… galing d’on sa ano eh, sa mga accounts, ah, kung papa’no minomolest’ya ang kababaihan. At marami ang… hindi na ‘yan nalalaman eh, hindi nalalaman, oo, ‘yon ang isang nakakalungkot d’on. Diane: So, sa inyo pong palagay, ano po ‘yong p’wedeng material or ‘di material na naia-ambag ng pagsasapelikula ng mga ganitong isyung panlipunan? Boni Ilagan: Ano ang, material… Diane: o ng non-material na naia-ambag po ng mga ganitong pelikula sa mga, sa pagpapalaganap ng mga gan’tong isyung panlipunan. Boni Ilagan: Pa’nong ibig mong sabihin? Anong… Diane Virtucio: Ano po ‘yong mga, ay anon a lang po, ano po ‘yong mga, ‘yon nga, ‘yong mga naia-ambag po nila sa mga mamayan, sa mga particular sector? Boni Ilagan: Ah okay. Well, definitely, ah… ang, ang, ang bias ng pelikula ay nasa realm ng consciousness, nasa realm ng pag-iisip at ah, ‘yon naman ang mahalaga upang yuong, ang mga tao ay kumilos. First, I have to affect their consciousness, bilang writer, malinaw sa akin na you
xxxiDIASPORAATPELIKULA
can only have an impact on the consciousness of the people, manonood kung pelikula ‘yan if you are able to go through their emotions. ‘Pagka hindi mo naabot ang kanilang emos’yon, hindi ‘yan magbubunga ng… ideya. So, go though their emotions, get through their emotions and then you are able to affect their consciousness. Ang mahirap, kung isasara mo lang sa emoption kasi p’wedeng very emotional na ang iyong obra pero hindi nagbunga ng pagkamulat at hindi nagtulak sa tao para kumilos. So what I’m trying to say is, ang naia-ambag ng pelikula ay ang pag-antig ng damdamin upang sa gan’on, ang tao ay… ah, mamulat. To make a long story short, ang kailangan ay mga pelikula, mga obra ng sining na magtutulak sa tao upang kumilos, upang maunawaan nang tama ang nasa kanilang kahinaan. And I’m talking about the common people. Sa kanilang kahinaan ay may pagkakaisa at kung may pagkakaisa sila, merong lakas. ‘Yon lang, so parang ah… at the end of the day, aftyer having seeing film or a theather production, napaiyak mo, napatawa, kailangan may isang desisyon na nabuo sa tao. It’s either uunawain n’ya pa ‘yong usapin or kikilos na s’ya upang tumulong na malutas ‘yong, ‘yong problema. Diane Virtucio: So, tama pop ala. Kasi ‘yong part po n’ong thesis ko ay magpapalabas ako ng pelikula sa mga estud’yante. Susuriin po nila, gan’yan, gan’yan. Ta’s napili ko po, ‘yong tatlong pelikula ay ‘yong ‘Migrante’ ta’s ‘yong Flor Contemplacion. So ta’s ah, ‘yong pangatlo po ay ginawa ko pong galing sa mainstream para maikumpara po nila ‘yong, gaya nga po n’ong ‘A Mother’s Story’. Ah… ay, so meron ka na ng pelikula, may kopya ka na ng mga ‘yan? ‘Yong sa ‘Migrante’ po ay nakahanap na po ako sa kaklase ko. ‘Yong Flor Contemplacion po ay manghihiram po ako ng bala sa Diliman. Boni Ilagan: Okay. Ah nakakuha ka ng ‘Migrante’? Aba okay ah, pirated ‘yan, sigurado ako kasi hindi pa ‘yan available sa ano, hindi pa ipinagbibili. Kahit ako, ang kopya ko n’yan ay rough, wala ako no’ng clean, n’ong clean copy. Diane Virtucio: Siguro po. ‘Yon nga po eh. Sir, ‘yong sunod ko pong tanong ay ‘yong ano, Pa’no n’yo po tiniti--, sa ganitong kalagayan ng mga kababaihang migrante natin, pa’no n’yo po tinitingnan ‘yong suliranin sa pampulitika at ang pang-ekonomikong kalagayan ng bansa natin? Boni Ilagan: Ano… ah, well, in general, Ke nanay o ke tatay ang mawala sa pamilya, ‘yong social cost ay napakalaki. Alam naman natin ‘yong dahil sa pagkakahiwalay ng pamilya, nagkakaro’n sa family. So ang mga anak ay napapariwara. Ang lalaki, ‘pag naiwan ditto ay nagkakaro’n ng affair at kahit na ‘yong babae, nagkakaro’n din ng, nagkakaro’n din ng affair. So it’s really that toll, ang, ang epekto talaga ay sa family. Alam mo, no’ng kami ay nag-screen ng ‘Migrante’ abroad, i--, nag--, nag-iisa lang ‘yong sagot no’ng mga Pilipinong nandodoon. Sabi nila, kung may trabaho lang sa Pilipinas na nakakabuhay, hindi sila… aalis ng, ng bansa. Kaya ang panawagan nga ng Migrante, napakaganda. Kailangan ng lipunan na nagbibigay ng pagkakataon sa mga mamamayan nito na mabuhay nang disente at normal sa sariling bayan para hindi kailangang maghanap ng so called greener pasteurs or ‘yong ginto sa dulo ng ah, bahaghari, ano. The golden pot at the end of the rainbow, dahil in the final analysis, there’s no such gold in pot at walang greener pasteurs. Ang hirap ng buhay ng mga migrante. No’ng kami nag-screen abroad, mas nagustuhan ko ‘yong arrangement na nakikitira kami sa mga migrants, do’n sa kanilang apartment, sa mga inuupahan nila at napakahirap. Ofcourse, may mga Pilipinong maase--, maasenso na rin, maganda na rin ‘yong buhay pero hindi ‘yon ‘yong rule eh, hindi ‘yon ‘yong rule. Exception ‘yon eh. Eh dahil may mga gano’ng pangyayari, s’yempre, lalo na kung wala namang mataas na political consciousness, palaging ambisyon ng mga Pilipino, marating nila ‘yong ganoong exception. In the process, ayon, nagkakaro’n na ng breakdown sa family and so on and so forth. And in general, I think it is a very serious enditement ng isang
xxxiiDIASPORAATPELIKULA
gobyerno na napapanatiling nakatayo ang ekonomiya dahil sa remittances ng mga mamamayan nitong alipin sa ibang bansa, ‘di ba? Eh sige, and’yan na, nakatayo ang ekonomiya mo eh dahil naman sa nag--, ‘yong modern slavery, ‘di ba? So, hindi magan--, sa tingin ko, dapat second thinking ang gobyerno kapag ina-anunsyo nito na ang mga Pilipino abroad ay mga makabagong bayani, ‘di ba sabi nila, sapagkat sa totoo ay, sila ay makabagong alipin. So ‘yon ‘yong social and political na ano… Diane Virtucio: So ito, sa industriya po ng pelikula, ano po ‘yong maihahain n’yong hamon sa mga ahensya, o sa mga institusyong pampelikula natin na, ayon, sa kasalukuyan, ‘di ba po, nag-evolve naman po ang MMFF ngayon pero kagaya po sa ibang pong mga institusyong pampelikula, ano po ‘yong maihahain n’yong hamon para mas ipalaganap nila ‘yong mga pelikulang may panawagan para a-angat ‘yong ??? ng mga nasa laylayan? Boni Ilagan: Ah… I’ve done ah… five indie films, ibig sabihin, of course, sabi ng iba, ‘wag na nating paghiwalayin ‘yong indie at saka ‘yong mainstream, ano? Pero whether we like it or not, there’s a dichotomy. May mga pelikula talagang pino-produce primarily para kumita; may mga pelikulang pino-produce na sa--, hindi ‘yon ang primary consideration, pero kahit ‘yong mga pelikulang ang pangunahing konsiderasyon ay makalikha ng sining at hindi na baleng hindi kumita, kelangan ding kumite at the very least, kailangan mabawi yuong kikitain. Why have I been out of job as a film maker doing indie film? Because, this is the simple reason, ‘yong mga nag-produce ng mga indie films namin ay hindi nakabawi sa kanilang investment at dahil nalugi sila, papa’no ba sila magkakaro’n ng susunod na investment? So it’s matter of realizing that indie films need to, at the very least recoup ‘yong kanilang gastos, otherwise, magiging beg, steal and borrow ‘yong mga film makers. Ayaw man natin at gustong aminin, we need money. Of course, sasabihin ng iba, oo pero hindi naman kailangan ng 75 million, kasi ‘yon ‘yong laki ng ano, ano? Kailangan lang namin ng konti. How much is that konti? Realistically, you cannot produce a film that would come up to the standards if you only have 200,000. Kahit na ‘yong mga festivals eh, Cinemalaya, magkano baa ng binibigay? Last I heard, it’s 500,000. ‘Yon namang mga sumasali d’yan, naghahanap pa sila ng mga investors eh, kasi hindi sila makakabuo ng pelikula kapag 500 thousand lang, kailangan may pandagdag. So the reality is this: There has to be an institutionalized support for films that advocate causes. And that is the challenge, ‘yon ‘yong hamon. Ang hamon ay naka-address sa government, ang hamon ay naka-address sa mga film makers din. And para do’n sa mga pelikulang may advocacies, ang mga film makers ng mga ito should get organized. Dahil hangga’t hindi sila organized, hangga’t nagkakanya-kanya sila, hindi magkakaroon ng malinaw na sistema ng distribution, ng marketing. Alam mo ‘yong mga ginawa naming pelikula, ito sasabihin ko na, writer ako, direktor ako, hindi ako marketer, hindi ako… alam mo na pero ginawa ko ‘yan. ‘Yong mga pelikula namin, ibinebenta ko ‘yan sa mga eskwelahan. Totoo ‘yan. Kinakausap ko ‘yong administration, mga organizations ng estudyante, nagpopro--, nagbibigay ako ng proposal para ma-screen ‘yong mga pelikula naming. Okay naman, siguro mahusay-husay naman akong salesman ‘no? So nakakapag-screen kami. Pero after almost a month of negotiation, maipapalabas ang pelikula, kikita lang ng 30,000. Almost a month of negotiations. Ang ginastos ay 4,000,000. Kung sa isang b’wan, 30,000 lang ang kikitain, papa’no mo mababawi ‘yong 4,000,000? Ilang taon. Samantalang ‘yong mga commercial films, ‘di ia-anunsyo nila. Now showing in 150 cinemas nationwide, ‘di ba? Tapos sa loob lang ng isang linggo, ‘yong 75 million, aba, nabawi na. Kasi first week palang, naka-35 million na, ‘di ba? So that is the word, the discrepancy lies. So the challenge is, ‘yon na nga, kailangan may support, kailangan na may organization and kailangan din tumulong ang ating
xxxiiiDIASPORAATPELIKULA
mamamayan kasi may, may habit ang mga Pilipino eh. Una, ‘yong kapag nalaman nilang may advocacy, hin--, hindi nila gusto, eh kami nga, ‘yong ginawa na nga namin, puro sikat na artista na eh. There’s one film that we did na dalawang generation ng mga artista ‘yong si k’wan, I don’t know if its ‘yong isang generation, sila ah… nakalimutan ko na… ahm, Oh my God. Basta two generations of, of artists, ano, ‘yong second generation ay mga bata, at lea--, at least bata pa sila no’ng ginawa namin pero ngayon, may mas bata na sa kanila eh, sila Lovie Poe, sila Pauline Luna, sina Marvin Agustin, ano. Ah… tapos ‘yong isang generation, itong… asawa ni Dolphy, sino ba ‘tong? Diane Virtucio: Si Zsazsa… Boni Ilagan: Si Zsazsa, ah, Gina Alajar, Robert Arevalo. Ibig sabihin, in terms of ah… audiences, makikinig ‘yong mga may edad sa may edad, ‘yong mga bata sa may bata. Alam mo, it took a long time bago nabawi ‘yong, yuong investment eh mga artista na ‘yan. Kasi kulang ng promotions. Kailangan kasi i-promote mo sa radyo, sa TV saka sa print. Eh magkano kapag ikaw ay nag-advertise sa TV? Ang primetime na 30-seconder sa TV, alam mo kung magkano? Mga 250,000. 30 seconds. One 30-seconder lang ‘yan eh kailangan mong i-promote nang isang linggo, dalawang linggo, nang kung ilang beses. Para pumasok sa consciousness ng, ng tao, do’n na lang din, do’n nila ‘yan bino-bombard eh, sa advertisement. So, ‘yong sinabi kong ang hamon ay sa mga mamamayan din, na tangkilkin ‘yong mga pelikulang may adbokasiya at ah… so ang first na… depekto ng ating audiences, ‘yong, ‘yong gano’n… they shy away from films that have a message. Second, ‘yong kung nakakapanood nang libre, ‘di mas maganda, libre. Mas mura, ‘di mas mura. Kailangan may konkretong suporta din sa audience. Kaya ang NCCA, alam ko meron tinatawag silang Audience Development Fund. Ano ‘to eh, this might be an aside, pero baka mai-connect mo eh, this is an attempt of the government through the NCCA to meet up with the challenge of quote-unquote, educating or raising the consciousness of audiences. Simple lang ‘yan, ikaw ay mayroong pelikula or meron kang theater production, lalapit ka sa NCCA, sasabihin mo sa NCCA, ‘Gusto po naming humingi ng tulong, at ang gusto po naming i-access, ‘yong Audience Development Fund.’ So ang gagawin ng NCCA, magbibigay sa inyo ng I don’t know how much now, 30,000 or 50,000, around those figures. Ibibigay nila ‘yan sa ‘yo, ang kapalit lang, ‘yong mga manonood, pipirma. In other words, p’wede mong sabihin sa isang urban-poor community, manood kayo, libre ‘to, pipirma lang kayo. So, nae-educate ‘yong mga manonood na… ‘Uy, maganda pala ‘to!’ So eventually, siguro, after na ma-expose na sila sa isa, dalawang palabas na may sinasabi, baka sa susunod p’wede na silang bumili ng 50 pesos na ticket, ‘no? At wala nang libre eh, kailangang bumili na, ‘di ba, bumili na kayong ticket. Dapat may gano’n ding (Attorney! Ba-bye!), dapat may ganoon ding klase ng… so, kailangang magtagpo at makakatulong sa aking palagay ‘yong … organizations kasi ito, they are organized eh. ‘Pagka nagpaliwanang ka tungkol sa ah… necessity ng ah, pagsuporta ng taong-bayan sa mga ganitong pelikula, ma--, mauunawaan nila ‘yan. Kesa do’n sa… ‘yong pupun--, nando’n ka sa isang kanto tapos magpapaliwanag ka, wala naman makikinig sa ‘yo, ‘di ba? You start small but eventually, ano ‘yan, ah, lalaki ‘yong effort. Diane Virtucio: So, ‘yon lang po, Sir. Boni Ilagan: Oh, sige. Diane Virtucio: At… maraming salamat po sa… ano