Kompilashon di Reportahe

di Ombudsman Nashonal

tokante 2015

PERSPEKTIVA DI SIUDADANO:

UN MANERA DI OPSERVÁ

2015

38.147 +4,9% 82% 71% 170

Un di e maneranan pa haña bista riba e perspektiva di e siudadano ta subi kaya, buska hende i papia ku nan. Nos mes ta konsiderá esey un kondishón pa por hasi nos trabou bon.

Gobièrnu ta bisa di un banda ku siudadano ta haña mas espasio, den kuadro di komunidát basá riba partisipashón, pa nan regla nan asuntonan nan mes. Di otro banda e ta limitá e espasio aki poniendo tur sorto di eksigensha i regla, i imponé kastigu pisá kaminda no ta sigui e reglanan. Esaki ta kontradesí otro totalmente i den práktika ta hiba na problema.

Komunidát ta inkreíbelmente kompliká i huntu kune trabou di gobièrnu tambe. Kometé eror ta parti di esaki. Pero ora algo bai robés, di tur manera e mester tuma akshón ainda. Al fin i al kabo, ta trata di un gobièrnu ku ta siñando.

“Nos t’ey pa pensa riba manera kon por otro i mihó, ku mas bista pa e

perspektiva pa e siudadano.”

Atenshón pa e perspektiva di e siudadano

Diagnóstiko 2015

Gobièrnu siñando

“Den nos trabou nos ta mira unda kos ta bai malu of ta menasá di bai malu entre siudadano i su gobièrnu.”

“Mayoría di e kehonan ku ta drenta serka nos a surgi pasobra

gobièrnu a pèrdè e siudadano for di bista.”

Kantidát di keho

Hopi siudadano ta desea un trato i solushón rápido, verbal di keho. E Ombudsman Nashonal a adaptá su maneho di keho riba esaki. E kantidát total di keho a oumentá ku 5% kompará ku 2014.

TRABOU NA SIFRA

24.992

7.712

3.644

24.976

9.420

3.751

38.14736.278

Mishón i vishón

Nos ta kere ku e perspektiva di siudadano mester ta garantisá den turkos ku gobièrnu ta hasi:

Yudando siudadano (na kaminda) si kos bai malu entre nan i gobièrnu. Nos ta mustra siudadano e kaminda pa e lokèt korekto. Nos ta yudanan ku konseho i hèrmènt, pa na por resolvé nan problema ainda nan mes. I nos ta hasi investigashón na un manera efektivo. (reaktivo)

Retando gobièrnunan pa mira servisio, proseso i innovashón di un manera diferente. Ku un tim di speshalista nos ta wak tur kos ku gobièrnu ta hasi. Nos ta reflekshoná riba manera kon por diferente i mihó. Nos tin mas bista pa e perspektiva di e siudadano, i ta mustra gobièrnu ku nan tambe mester hasi esey i mehora nan asuntonan. (proaktivo)

Komo Ombudsman Nashonal, kiko nos ta representa?

Alerta

E Ombudsman Nashonal ta un organisashón alerta, pashoná, di e tempu aki. Ku profeshonalnan ku ta komprondé kiko den e tempo aki ta e sentimentu i ekspektatíva di siudadano pa ku gobièrnu. Profeshonalnan ku for di nan idealnan ta reta gobièrnu pa introdusí mehorashón. Ku ta drenta den akshón ora ku e perspektiva di e siudadano ta no ta keda iluminá sufisiente. I ku no ta ría, pero ku en kambio ta perkura pa kosnan sosodé.

Komo Ombudsman Nashonal, kiko nos ta representa?

Por hasi kontakto ku Ombudsman Nashonal na diferente manera.

2014 2015

66% 25% 10%

Telefón Digital Post

Referí

E Ombudsman Nashonal ta outorisá pa trata keho tokante gobièrnu. Persona ku pregunta òf keho riba otro tereno nos ta guia lo mihó posibel pa bai na e instansha korekto.

2014 2015

23%

8.547 8.801

23%

Sifranan klave 2015

Kantidát di petishón: 38.147 Oumento ku 5% 176 rapòrt publiká 33 rekomendashón hasí

Envolvé

E Ombudsman Nashonal ta un organisashón ku ta estrechamente envolvé ku e relashón entre siudadano i gobièrnu. I ta p’esey ta señalá i risibi posibel konflikto entre siudadano i gobièrnu. E Ombudsman Nashonal ta hasi esaki ku atenshón maksimal pa e perspektiva di e siudadano. Siudadano ku ta akudí, ta eksperenshá un kontakto personal. Nan problema ta ser skuchá i tratá ku atenshón.

Komo Ombudsman Nashonal, kiko nos ta representa?

Konsehá i informá Den alrededor di 85% di e petishónnan tokante gobièrnu e Ombudsman ta aktuá konsehando i informando. Den hopi kaso esey ta sufisiente. Hende mes sa después kon pa haña e instansha korekto.

2014 2015

83%

23.221 24.895

85%

Gobièrnu sentral di Hulanda i e gobièr-nunan desentral Mas di tres kuarto di e petishónnan ta trata di gobièrnu. Di esakinan mayoría ta trata di gobièrnu di Hulanda.

2014 2015

77%

63%14%

28.194Total

Sentral

Desentral

61%16%

29.167

77% Pa kua munisipio e Ombudsman Nashonal ta traha?

Munisipio por skohe si, pa trato eksterno di keho, nan ta krea relashón ku Ombudsman Nashonal òf nan ta kuminsa nan propio servisio di ombudsman.

(Bonaire, Saba, Sint Eustatius)

280 munisipio ta relashoná ku Ombudsman Nashonal.

Investigashón riba propio inisiativa

Promé ku inisiá un investigashón riba propio inisiativa hopi biaha ta haci un análisis preliminar promé. No tur análisis ta kondusí na un investigashón. Na 2015 a hasi 32 análisis preliminar, di kual 8 a kondusí na un investigashón. Den total 19 investigashón riba propio inisiativa a keda kompletá. Den 11 di nan a skirbi un rapòrt públiko, 7 a keda terminá ku un karta na e mandatario envolvé òf Tweede Kamer i un a keda kompletá ku un kongreso.

Aksesíbel

E Ombudsman Nashonal ta aksesíbel i habrí pa kontakto. Tur hende ku un konflikto ku gobièrnu mag i por akudí. E tim di Ombudsman Nashonal ta pará klá pa yuda siudadano (riba nan kaminda) den resolvé nan problema. E Ombudsman Nashonal ta komuniká na un manera komprendibel.

Inventivo

E Ombudsman Nashonal ta reta gobièrnu pa kontemplá nan dunamento di servisio for di un otro bista. E 170 profesionalnan ta entama diskushón riba kasonan i ta buska huntu ku gobièrnu solushón i punto di mehorashón innovativo i kreativo. Den esaki nan no ta permití ku ta stroba òf spantanan, pero ta keda buska kaminda nobo pa realisá mehorashón.

Komo Ombudsman Nashonal, kiko nos ta representa?

Kon ta atendé e kehonan?

2014 2015

3.939

56

231

82

538

4.846

3.506

24

176

111

454

4.271

Solushón pa medio di intervenshón

Intermediashón

Investigashónku rapòrt

Investigashónku karta

Solushoná òf terminá durante

tratamento

Total

280 munisipio ta relashoná ku Ombudsman Nashonal.

Opinión den rapòrtnan

71% 24% 5%

(Parsialmente) fundá

No fundá

No tin opinión

Rapòrtnan tresé bou atenshón

Sekuestrá pa e sistema (2015/160): Hende ku no por a paga but pasobra nan no tin plaka, a keda robá di nan libertát inhustamente, tambe yamá sekuestro (‘gijzeling’). E sekretario di estado ta rekonosé e puntonan di atenshón ku e Ombudsman Nashonal ta menshoná den esaki. E ta enfoká riba medida na inisio di e trayekto di kobransa.

‘Pgb-trekkingsrecht’ i gobièrnu ku (no) ta siña (2015/123): Gobièrnu mester siña di problema grandi den implementashón manera den introsukshón di e ‘pgb-trekkingsrecht’. Den esaki tempu di su introdukshón, manera promé ku esey den introdukshón di e kuenta di banku úniko na Belastingdienst, a pèrdè interesnan di siudadano vulnerabel i di dunadónan di kuido for di bista.

Por fabor (no solamente) digital! (2015/179): Asosiashón di Konsumidó Unkobon ta keha ku Belastingdienst Caribisch Nederland (BCN) a eliminá e funshón di kaha na Boneiru. Despues ku e Ombudsman Nashonal a hasi un investigashón, ela jega na e konklushón ku BCN no por sera e kahanan sin ofresé un alternativa banda di pago online. E keho kontra BCN ta fundá.

Siguridát promé – e papel di polis den areglonan di bishita (2015/096): Ombudsman Nashonal i e Ombudsman Infantil ta boga pa klaridát enkuanto papel di polis ora no ta respetá un areglo di bishita después di un divorsio. Di nan investigashón ta resultá ku tin diferente ekspektativa di e papel di polis. E ombudsmannan ta mira prinsipalmente un papel pa polis ora ku siguridát di mucha i/òf otro persona envolvé ta na peliger.

I después a bira ketu... (2015/143): E Ombudsman Nashonal ta haña ku Openbaar Lichaam Bonaire (OLB) a faya den su komunikashón ku siudadano. Den e rapòrt e ta trata sinku diferente keho. E ta konstatá ku ta después di hopi tempu a bin un reakshón di parti di OLB òf ku kasonan a kuminsá kana después di su intervenshón so. OLB ta rekonosé e señal di Ombudsman i ta traha duru riba un mihó manera di traha.

Ombudsman Nashonal komo partisipante den un reda internashonal

Bishitanan di delegashón na Hulanda Bishita di trabou i proyekto

Bo Ombudsman Nashonal serka di bo

E Ombudsman ta bai den interior di país ku su trahadónan pa asistí siudadano den nan problemanan ku gobièrnu. Na 2015 nos a bai entre otro na:

Resto VanHarte Utrecht Voedselbank Amersfoort Veteranenhuis Amsterdam Ombudsvoorziening Gooi- en Vechtstreek Sociaal loket Enschede Noodopvang vluchtelingen Leiden Hacking Habitat Ombudscafé Utrecht

Empleadonan públiko den implementashón ta forma e vanguardia di gobièrnu. Nan ta den kontakto direkto ku siudadano. Nan tin hopi konosementu di, i experensha ku e siudadano ku ken nan tin kontakto i konosé e perspektiva di e siudadano. E konosementu i eksperensha aki ta resulta efektivo solamente ora e empleadonan aki haña e espasio pa pone nan konosementu na disposishón di diseñadónan di maneho i ta liber pa desviá di regla, maneho i legislashón for di Den Haag òf di e munisipio.

Empleado públiko den inplementashón

Dossiernan ku ta resaltá

DebeDebe grandi por kondusí na un montón di problema kaminda diferente organisashón gubernamental ta envolvé. Un parti substanshal di e hogarnan ku debe problemátiko ta keda lidia ku esaki nan mes. E instanshanan gubernamental envolvé mester ahustá nan servisio na nesesidat di e grupo di siudadano aki.

Refugiado Gobièrnu na 2015 mester a regla den purá akomodashón pa refugiado i nan yunan ku a bin Hulanda. Na mesun momentu e gobièrnu ey mester atende preokupashón ku sierto siudadano tin tokante e ubikashón di un lokalidat pa refugiado grandi den nan bisindario. E Ombudsman Nashonal den aña ku a pasa mester a atendé ambos aspekto.

Digitalisashón Digitalisashón ta un hecho i miyones di hende – nos mes tambe – ta probecha di e komodidát ku komunikashón digital ta trese kune. Ombudsman Nashonal tampoko ta kontra digitalisashón. Hende ku no por òf no ta desea di traha ku computer, ku esey tambe gobièrnu mester tene kuenta. Esey tambe ta nifiká tene e perspektiva di siudadano na bista.

Decentralisashón Gobièrnu sentral di Hulanda a skohe pa pasa un kantidát di tarea grandi (kuido, hubentut i trabaou i entrada) pa e munisípionan. Na 2015 nos a organisá un kongreso pa papia ku tur funshonário di keho di e munisípionan tokante e perspektiva di siudadano den nan munisipio i pa reforsá e trato lokal di keho.

E relato anual kompletu di Ombudsman Nashonal bo por haña riba nos website www.nationaleombudsman.nl. Bo ta haña ey e Relato na Tweede Kamer, sifra, kartanan anual i un kronología ku evento resaltante di 2015.

Ombudsman NashonalPO Box 931222509 AC Den HaagTelefón +31 (0)70 356 35 63

www.nationaleombudsman.nl/caribisch-nederlandFacebook: facebook.com/nationaleombudsmanTwitter: @nat_ombudsman

Kolofon

Edita pa: Officina di Ombudsman Nashonal, Den HaagTradukshon: DBF Communicatie, Alphen aan den Rijn Diseño i imprenta: Xerox/OBT, Den Haag

Aprel 2016

“Nos ta traha ku 170 hende pa 17 miyón siudadano. Esey ta nifika ku nos no por resolve

tur kos ku ta bai robes entre siudadano i gobièrnu, ni ku nos tabata desea esey.”