ACARA PAMIKUKUH PRAJURU BANJAR PELASA DESA ADAT KUTA LAN PELANTIKAN KELOMPOK PKK LINGKUNGAN PELASA KUTA

SENGKER WARSA 2013-2018

RAHINA SANISCARA KLIWON , WUKU LANDEP PINAGGAL MASEHI 24 AGUSTUS 2013

PRA PARIKRAMA

PARIKRAMA

I PEMAHBAH

- TARI PENDET

II DOA ( BHAKTI PANGERASTITI )

III PAMIKUKUH PRAJURU BANJAR PELASA, DESA ADAT KUTA SENGKER WARSA 2013-2018, OLIH BENDESA ADAT KUTA

PELANTIKAN PENGURUS KELOMPOK PKK LINGKUNGAN PELASA KUTA MASA BHAKTI 2013-2018

NYUKSERAHANG LENCANA OLIH KELIHAN SUKA DUKA SANE LAMI MAJENG RING KELIHAN SUKA DUKA SANE ANYAR

- TABUH ALIT-ALIT OLIH SEKAA TABUH KUMARA WERDHI BUDAYA BANJAR PELASA KUTA

IV SAMBRAMA WECANA SAKING KELIHAN SUKA DUKA SANE LAMI

VII SAMBRAMA WECANA SAKING JRO BENDESA , DESA ADAT KUTA

VIII SAMBRAMA WECANA SAKING BAPAK CAMAT, KECAMATAN KUTA

IX M E S A N E K A N

- TARI BARIS

- TABUH ALIT-ALIT OLIH SEKAA TABUH KUMARA WERDHI BUDAYA BANJAR PELASA KUTA

X P A M U P U T

ACARA PAMIKUKUH PRAJURU BANJAR PELASA DESA ADAT KUTA LAN PELANTIKAN KELOMPOK PKK LINGKUNGAN PELASA KUTA

SENGKER WARSA 2013-2018

RAHINA SANISCARA KLIWON , WUKU LANDEP PINAGGAL MASEHI 24 AGUSTUS 2013

PEMAHBAH

Ratu Ida Dane para atiti lan uleman sami sane wangiang titiang, tunasang titiang ulatiannyane, santukan sampun panumaya galah, acara Pamikukuh Prajuru Banjar Pelasa Desa Adat Kuta sengker warsa 2013-2018 ( kalih tali telulas nyantos kalih tali wolulas ) lan Pelantikan Pengurus Kelompok PKK Lingkungan Pelasa masa Bhakti 2013-2018 pacang kawitin titiang.

OM Swastyastu...

Melarapan antuk asung kertha wara nugraha Ida Sang Hyang Widhi Wasa , pinaka prabawan bhatara sane melingga melinggih ring Pura Pengulun Banjar, acara Pamikukuh lan Pelantikan puniki prasida memargi sakadi mangkin puniki.

Jero pemangku sareng sami sane suciang titiang.

Bapak camat kuta sane mustikayang titiang.

Bapak lurah kuta, Ibu ketua tim penggerak PKK kelurahan kuta, bapak I Gusti Anom Gumanti, SH pinaka anggota DPRD badung, kesarengin Bapak ketua LPM kelurahan Kuta sane mustikayang titiang.

Jero bendesa adat kuta sane wangiang titiang, punika taler bapak kepala lingkungan se-kelurahan Kuta, dane kelihan suka duka se-desa adat kuta, kelihan sekaa teruna se-desa adat kuta, bapak kepala LPD desa adat Kuta, taler nenten lali mantuke ring Krama Ageng banjar Pelasa Kuta sareng sami sane tresna asihin titiang.

Atur suksman titiang majeng ring Ida Dane para Uleman lan atiti maka sami, santukan sampun parama ledang nagingin uleman titiang, sane jagi iring titiang nyaksiang tur ngicenin pangestu ring acara Pamikukuh Prajuru Banjar lan Pelantikan PKK Lingkungan Pelasa Kuta, wengi ne mangkin puniki. Antuk kaledangan Ratu Ida dane sekadi punika, sane mangkin ngiring sareng-sareng nyaksiang sesolahan : tari pendet pinaka panyembrahma titiang ring ratu Ida Dane para uleman lan atiti makasami.

Mantuka ring penabuh lan penari durusang.....

Ida dane makasami sane wangiang titiang, sane mangkin acara jagi kalanturang ingih punika: doa utawi bakti pangrastiti, tunasang titiang para uleman makasami mangdane prasida ngadeg, tur mantuka ring dane jero mangku sane ngewacen doa, durusang...

Tunasang titiang majeng ring para uleman mangda mawali malinggih, suksma.

Acara sane kaping tiga inggih punika: atur puning saking prawartaka karya utawi saking ketua panitia, mantuka ring prawartaka karya, galah kaatur, durusang .....

Suksma atur titiang majeng ring dane prawartaka karya utawi ketua panitia.

Ida Dane para atiti sane mangkin tincapang kaacara kaping tiga inggih punika Pamikukuh Prajuru Banjar Pelasa Kuta ayahan warsa 2013 (kalih tali telung welas) nyantos 2018 (kalih tali plekutus) lan pelantikan pengurus PKK lingkungan pelasa Kuta, masa bakti 2013-2018 majeng ring pengurus banjar taler pengurus PKK lingkungan pelasa Kuta durusang munggah.

Suksma aturang titiang majeng ring dane jero bendesa, dane prajuru banjar makasami durusang mawali.

Suksma kaatur ring Ibu lurah pinaka ketua tim penggerak PKK kelurahan Kuta

Mantuka ring ibu pengurus PKK sane sampun kalantik durusang mawali.

Acara kaping papat inggih punika nyukserahang cendera mata olih para dane utawi para darmawan majeng ring dane kelihan suka duka sane sampun kagentosin. Mantuka ring para dana lan para dermawan durusang.

Suksma kaatur majeng ring para dana utawi para dermawan .

Inggih ratu Ida dane para atiti sareng sami sane mangkin tincepang titiang ring acara kaping enem inggih punika sambrama wacana saking kelihan suka duka sane lami, majeng ring dane kelihan suka duka durusang.

Suksma kaatur mantuka ring dane kelihan suka duka sane lami.

Sedereng acara kaping pitu pacang kamargiang ngiring ratu Ida Dane para atiti sareng sami pacang iring titiang nyaksiang keririhan alit-alite sekaa gambelan werdi wedaya nabuh. Mantuka ring penabuh werdi wedaya durusang.

Inggih ida dane para atiti acara kaping pitu dharma wacana saking jero bendesa adat kuta, mantuka ring jero bendesa adat galah kaatur, durusang.

Suksma atur titiang majeng ring jero bendesa adat.

Sane mangkin sambrama wacana saking bapak camat kecamatan Kuta. Mantuka ring bapang camat galah kaatur durusang....

Suksma atur titiang majeng ring bapak camat kecamatan Kuta.

Acara sane kaping kutus inggih punika acara masanekan.

Ring acara puniki pacang aturang titiang ida dane nyaksiang keririhan alit-alite mesolah nari baris. Majeng ring penari baris durusang.

Penabuh werdi wedaya banjar pelasa durusang....

Pamuput

Ratu ida dane para atiti lan uleman sareng sami sane wangiang titiang kadi asapunika acara pamikukuh prajuru banjar lan pelantikan pengurus PKK lingkungan pelasa kuta mewasta puput. Titiang pengenter acara nenten lali nunas agung pengampura menawita wenten atur titiang sane wenten menggah ring pekayunan ida dane sareng sami.

Badung-mangupura kadi asapunika kawentenan titiang kirang langkung titiang nunas sinampura.

Maka wasananing atur titiang, puputang titiang antuk nguncarang paramashanti.

Om shanti shanti shanti om.