snpsis b.jw
-
Upload
afroh-mahfudoh-alatif -
Category
Documents
-
view
181 -
download
8
Transcript of snpsis b.jw
SEPISAN LAN PUNGKASAN
Penulis : Geraldine Mariauli Banurea
Tahun : 2011
Sumber : http://kafeilmu.com/2011/02/contoh-cerpen-bahasa-jawa-sepisan-lan-
pungkasan.html#ixzz1jWADk36s
Sinopsis :
Olin wektu iku munggah kelas 5. Sawektu unggah-unggahan, ning kelas Olin ana
bocah anyar sing awake cacat jenenge kuwi Adri. Sikil tengene sengkleh ora bisa kanggo
mlaku, awake gering, lan rambute nyaris gundul. Ing kelas, saben murid ngenalkake awake
dhewe-dhewe, namung pas giliran Adri ngenalkake awake, bocah-bocah padha nggeguyu lan
ngenyek bocah cacat kuwi mau. Olin ngrasa melas karo Adri, sebabe Adri saliyane cacat uga
gagap mature.
Sawektu dina Olin ndeleng Adri dienyek lan diusili kanca-kancane Olin. Olin gagain
nulungi Adri mberesi buku-bukune sing tiba, Adrine ngresiki klambine sing reged. Sawise
prastawa iku, Adri nyedhaki Olin amarga ora ana sing gelem dadi kancane Adri. Olin ya
nanggepi adri kaya kanca biasa, nanging sawektu-wektu Olin ngrasa Adri kuwi nganggep
Olin luwih saka kanca. Olin ngrasa ora kepenak akhire ngusir Adri kanggo cara sing alus.
Patang wulan sabanjure prastawa Olin ngadohi Adri ..
Saminggu kuwi ing sekolah, Adri laka kabare, dheweke ora mangkat sekolah, akhire
Olin lan kanca-kanca mutusake kanggo njenguk maring omahe Adri. Nganti tekan omahe
Adri, Olin lan kanca-kanca kaget jebul umahe Adri gedhe lan megah. Ibune Adri mbukakna
lawang umah, Olin lan kanca-kanca padha kesengsem ndeleng Ibune Adri sing ayu, namung
mripate kethok bar nangis. Olin lan kanca-kanca dimanggakake mlebu.
Ing njero umahe Adri, Olin lan kanca-kancane dicritakake kahanane Adri sing
sabenere. Pas Olin takon Adri lagi ing endi, ibune Adri ngendika yen Adri kuwi wis ninggal
amargi penyakite sing tambah parah lan ora bisa diobati. Sakbanjure crita kuwi, ibune Adri
menehake lipetan surat kanggo Olin sing isine kuwi Adri ngucapna maturnuwun karo Olin
sebabe Olin wis gelem dadi kanca sepisan lan pungkasane, malah Adri kuwi wis nganggep
Olin kuwi sahabate. Ing batine Olin banjur njaluk ngapura marang Adri.
DADI JURAGAN BARANG BEKAS
Penulis : Budi Wahyono
Tahun : 2009
Sumber :http://planetdemam.blogspot.com/2009/12/dadi-juragan-barang-bekas cerkak-
cerita.html
Sinopsis :
Mugiman nduwe kekarepan mbiyantu bapake sing mbutuhake paitan maneka warna
kanggo gawe terompet. Umume gawe terompet-terompetan kuwi saka dluwang, kerdhus lan
lim. Dluwang ana sing isih sisa lan lem saka pathi kanji ya isih ana sisa, nanging sawektu
bapake Mugiman nggawe terompet kerdhuse isih kurang. Banjur Mugiman ngendika karo
bapake yen Bapak Kepala Sekolahe Mugiman nawani kerdhus akeh kanggo dhewe amargi
Mugiman sering dadi juara kelas lan uga juara karate nalika Porseni tingkat kecamatan.
Nanging bapake Mugiman lan Lik Min isih ora percaya karo apa sing diomongkake
Mugiman.
Bubar sarapan Mugiman lan Lik Min lunga maring sekolah kanggo njupuk kardhus,
kabeneran dina iku sekolah lagi prei lan pak kepala sekolah lagi piket. Banjur Mugiman teka
ing sekolahan, dheweke pamit karo Pak Kepala Sekolah arep njupuk kerdhus-kerdhus,
namung Pak Kepala Sekolah nyarankake mbok menawa sing teka iku bapake Mugiman wae
sing nggawa kerdhus kanggo gerobak cilik sing ana ing gudhang kerdhus. Mugiman
ngucapna maturnuwun karo bapak kepala sekolah, nanging tetep wae dheweke lan Lik Min
sing arep mbongkoki tumpukan kerdhus. Kerdhus sing diparingake jebule akeh nemen, ujare
pak sekolah kuwi kanggo hadhiah Mugiman, sebabe sekolah durung bisa maringake hadhiah
sing pantes kanggo Mugiman. Pak Mus, bapak kepala sekolahe Mugiman kuwi ngujar kaya
kuwi karo ngguyu.
Banjur Mugiman teka umah karo kerdhus sing mau diparingake. Omahe katon ora
tata lan ndadekake sesawangan sing ora kepenak menyang mripat. Pirang jam bacute Yu Yah
tukang dodol rongsokan liwat ing ngarep omah Mugiman. Yu Yah kuwi pan tuku kerdhus-
kerdhuse Mugiman, rega seket ewu. Mugiman nawar yen ditambah maning sebabe kanggo
Mugiman paitan dodol dluwang rongsokan. Akhire kerdhus-kerdhus kuwi didol sewidak
ewu.
Banjur Mugiman olih paitan, dheweke luruh dluwang rongsokan ing umahe kanca-
kancane lan mubeg kampungan. Sawise olih dluwang kuwi, dluwang kuwi didol maneh. Ora
mung dluwang, nanging ana kerdhus lan plastik. Bapake Mugiman balik omah kaget kok ana
akeh maneka werna barang sing ngebaki omah. Mugiman ngendika iki modhale saka
paringane Pak Kepala Sekolah kanggo dodolan. Bapake trenyuh lan mesem. Iki pancen dalan
kanggo paitan urip sing luwih mbejaji. Tinimbang dalan sing liyane nggawa pangarahan sing
negatif.
PANGLARIS
Penulis :
Tahun : 2010
Sumber :http://sanggarseo.blogspot.com/2010/06/kumpulan-cerpen-bahasa-jawa.html
Sinopsis :
Sore iku ing sawijining angkringan ing padesaan, Paimin lagi ndingkluk ngantuk-
antuk namung tiba-tiba ana bapak-bapak sing takon karo Paimin. Paimin langsung nanggep
pitakone bapak kuwi sing lagi mangan cakar. Manurut bapak kuwi cakar ing angkringane
Paimin rasane enak tenan lan bisa dadi sebab ngramekake angkringane Paimin. Paimin
nganggep bapak kuwi ngarani cakar dadi panglaris, nanging bapake njelasake maning
maksude sing sabenere. Bapak kuwi awit cilik senenge mangan cakar, ibune biyen ngendika,
anggere mangan cakar sikile bakal pengkuh. Namung iku ora bener, nyatane kuwi ibune
bisane nukokake lawuh mung sikil pithik kaya ngono iku. Paimin seneng ngrungokake
guneme bapak kuwi mau sebabe isi lan sajake wong pinter, uga tindak tandhuke kuwi apik.
Bapak mau matur karo Paimin bakal njlentrehake panglaris sing sabenere namung ora
sepisanan wengi iku, bapak kuwi bakal omongna sethithik-sethitik banjur kolakonana Paimin.
Bapak kuwi njamin angkringan Paimin bakal rame, Paimin manut lan saguh karo omongane
bapak kuwi. Wengi iku bapake aweh pitutur marang Paimin. Syarat sing sepisan kuwi Paimin
angger bakulan kudu rapi klambine, nganggo sepatu, rambute kudu dirapikna lan diminyaki,
tambah uga wewangenan, iku syarat sepisanan meh wong ora males mampir marang
angkringane Paimin.
Esuke Paimin nglakokake syarat sepisanan kuwi. Klambine sing pan dienggo mengko
sore dikumbahi, disetlika, sepatune diresiki nganggo banyu. Bapak sing wingi aweh pitutur
marang Paimin arep teka maneh, anggone menehi syarat panglaris liyane karo Paimin. Sore
iku bar maghrib, bapak sing aweh pitutur kuwi teka maneh karo wong loro yaiku kancane
bapak kuwi. Wong loro kuwi nyawang Paimin anggone nyandhang, wong loro iku padha
kagum lan seneng ana bakul sing rapi lan resik kaya Paimin iku. Paimin mesem-mesem lan
wangsulan, iku sabenere nampi panglaris saking kancane wong loro iku yaiku bapak sing
aweh pitutur marang Paimin.
Sawise bapake mangan sate, bapak kuwi matur karo Paimin panglaris sing kaping
loro kuwi yaiku panganan ing angkringan, piring, lan piranti liyane iku supaya diresiki kabeh
lan ditatani sing apik. Sesuke, angkringane Paimin resik tenan. Bapak sing aweh pitutur kuwi
teka maneh karo nggawa kanca-kancane sing luwih akeh. Paimin seneng sebabe dodolane
bisa cepet enthek.
Bapak sing aweh pitutur karo Paimin kuwi ngendika maneh marang Paimin,
angkringane esuk kuwi bakal rame, Paimin kudu luruh papan sing luwih jembar kanggone
dodolan, uga nggawa klasa kanggo lesehan wong tuku, karo bapake tetembungan karo
nduduhi panggonan sing dikarepake. Paimin karo bapake isih tetembungan nanging
omongane ngalor-ngidul. Tiba-tiba Paimin takon kapan dheweke nampi panglaris saking
bapak kuwi. Bapake sajak kaget, banjur ngguyu kepingkel-pingkel. Banjur bapak kuwi
ngendhika sing dimaksud panglaris kuwi ya iku kabeh omongane bapak kuwi wiwit wingi-
wingine.