.. sa~NkarakR^ita annapUrNASTakam ..nityAnandakarI varAbhayakarI saundaryaratnAkarInirdhUtAkhilaghorapAvanakarI pratyakSamAheshvarI.prAleyAcalavaMshapAvanakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 1 ..nAnAratnavicitrabhUSaNakarI hemAmbarADambarImuktAhAravilambamAna vilasadvakSojakumbhAntarI.kAshmIrAgaruvAsitA~Nga rucire kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 2 ..yogAnandakarI ripukSayakarI dharmArthaniSThAkarIcandrArkAnalabhAsamAnalaharI trailokyarakSAkarI.sarvaishvaryasamastavA~nchhitakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 3 ..kailAsAcalakandarAlayakarI gaurI umA shaMkarIkaumArI nigamArthagocarakarI o~NkArabIjAkSarI.mokSadvArakavATapATanakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 4 ..dR^ishyAdR^ishya vibhUtivAhanakarI brahmANDabhANDodarIlIlAnATakasUtra-bhedanakarI viGYAna dIpAMkurI.shrIvishveshamanaH prasAdanakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 5 ..urvIsarvajaneshvarI bhagavatI mAtA.annapUrNeshvarIveNInIlasamAnakuntaladharI nityAnnadAneshvarI.sarvAnandakarI sadAshubhakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 6 ..AdikSAntasamastavarNanakarI shambhostribhAvAkarIkAshmIrA trijaleshvarI trilaharI nityA~NkurA sharvarI.kAmAkA~NkSakarI janodayakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 7 ..devI sarvavicitraratnaracitA dAkSAyaNI sundarIvAme svAdupayodhara-priyakarI saubhAgya mAheshvarI.bhaktAbhISTakarI sadAshubhakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 8 ..candrArkAnala-koTi-koTi-sadR^ishA candrAMshu-biMbAdharIcandrArkAgni-samAna-kuntaladharI candrArkavarNeshvarI.mAlA-pustaka-pAsha-sAMkushadharI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 9 ..kSatratrANakarI mahA.abhayakarI mAtA kR^ipAsAgarIsAkSAnmokSakarI sadA shivakarI vishveshvarI shrIdharI.dakSAkrandakarI nirAmayakarI kAshIpurAdhIshvarIbhikSAM dehi kR^ipAvalambanakarI mAtA.annapUrNeshvarI.. 10 ..annapUrNe sadApUrNe shaMkaraprANavallabhe.GYAna-vairAgya-siddhyarthaM bhikSAM dehi ca pArvatI.. 11 ..mAtA ca pArvatI devI pitA devo maheshvaraH.bAndhavAH shivabhaktAshca svadesho bhuvanatrayam.. 12 .... iti shrImatparamahaMsaparivrAjakAcAryasya shrIgovindabhagavatpUjyapAdashiSyasya shrImacchha~NkarabhagavataH kR^itau annapUrNASTakam ..