Wakil Gubernur DIY Ngrepyakaken Tugu Warnasari Liwat Buku WarnasariPara panulis buku Warnasari nganakake pepanggihan kalihan juruwarta Kemis siyang ing Pura Pakualaman Yogyakarta. Pepanggihan kasebut dianakaken kangge nglestarekaken kagungan budaya ing Pura Pakualaman Yogyakarta dhateng warga. Tanggal 14 Januari 2012, wakil gubernur DIY badhe ngrepyakaken Tugu Warnasari ingkang wonten bangsal Sewatama. Juruwarta ngemot titikan kabudayan ing ngrika, antawisipun: kaprentahan, arsitektur, kagungan seni, upacara adat, lan maneka dhaharan ing kana. Pamarentah kepengin supaya warga mangertos maneka warna kabudayan ing Pura Pakualaman, antawisipun dhaharan, pamong, ugi pranata ancas kagungan seni ing Pura Pakualaman. Buku menika kandelipun 291 kaca, dipunserat dening 10 panulis, antawisipun Dosen Fakultas Ilmu Budaya UGM, Sudibyo, Arsitektur Pascasarjana Atmajaya, Sumardiyanto, lan dosen jurusan sastra Basa Jawa UGM, Ratna Santimulya, kanthi 16 narasumber saking sajroning Pura Pakualaman.

Relokasi Paguyuban PKL Gotong Royong

Paguyuban PKL Veteran cacah 104 dipunrelokasi bebarengan ing 2 panggenan. 30 PKL dipunrelokasi wonten Peken Gading, dene PKL cacah 74 wonten Notoharjo. Para PKL dipuntumpakaken truk saha mobil satpol PP ingkang dicumapakaken Pemkot. Relokasi dipunanakaken sabibare sosialisasi kaping kalih. Ketua Paguyuban Gotong Royong, Priyanto, ngemanaken dereng wonten toya lan MCK ing Notoharjo. Piyambakipun nyuwun supaya pamarentah njangkepi fasilitas minangka konsekwensi relokasi marang para bakul. Kepala DPP Surakarta, Subagyo nyethakaken manawi saking 130 PKL ing Veteran, cacah 119 sampun dipunpindah ing shelter Notoharjo, dene bakul kuliner cacah 11 badhe dipuntata ing Veteran ngagem kios permanen.