Fungsi Keluarga dalam Memberikan Dukungan Sosial pada...

41

Transcript of Fungsi Keluarga dalam Memberikan Dukungan Sosial pada...

Page 1: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.
Page 2: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

Verbatim

Tabel 1: Wawancara dengan partisipan 1

Tanggal 6/6/2014

S Isi Percakapan K

P Selamat siang 1

H Selamat siang juga ade (sambil senyum)

P Perkenalkan kaka, beta Chelsea. Mahasiswa Fakultas Ilmu

Kesehatan dari Salatiga. Apakah kaka bersedia beta

wawancara?

H Iya, boleh ade 5

P Ini kak, ada informed consent atau surat persetujuan yang

menyatakan kalo kaka bersedia diwawancarai. Kaka baca ini

dolo kalo kaka bersedia, kaka bisa tanda tangan di bagian

blakang.

H Oke ade (sambil membaca) 10

P Kaka, jadi nanti wawancara beta rekam pake hp kaka.

H Iya ade. Rekam sa 15

P Sebelum mama masuk RS, yang kaka tau mama deng papa

ni, dong su melakukan peran sebagai orangtua deng maksimal

kablom kaka?

H Kalo peranan sebagai ortu, mama sudah. Tapi kalo papa baru

50%. Kenapa? Karna papa belum memberikan kasih sayang

itu semua untuk keluarga. Papa masih berpikir kebahagiaan itu

hanya di ukur lewat uang. Sehingga jarak itu terus pisahkan

papa deng keluarga. Sebelum bulan Februari 2014 ini ade,

papa hanya setahun sekali saat natal. Kadang jua dua tahun

sekali.

20

P Kalo bagitu komunikasi antara papa, mama deng anak-anak

bagaimana?

H Mengenai komunikasi, antara mama deng anak-anak baik.

Tapi papa deng mama ada jarak. Karna papa kerja di Ternate.

Papa deng anak-anak baik.

25

P Kaka kalo ada jarak antara mama deng papa bagini, dalam

pengambilan keputusan di dalam keluarga sapa yang lebih

berperan?

H Pengambilan keputusan dalam keluarga, kepala keluarga yang

berperan dalam pengambilan keputusan ade.

30

Page 3: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Berarti yang ambil keputusan par mama masuk RS ni papa

kah kaka?

H Iya ade. Tapi kan bicara deng kaka dong lai to deng ade-ade

lai, deng mama pung saudara laeng.

35

P Selama mama di RS cuma kaka sa yang datang jenguk

mama?

H Iya ade. Cuma beta sa yang datang lia mama disini. Ade-ade

dong jauh. Papa juga kerja. Jadi cuma beta sa

40

P Lalu mama pung saudara-saudara atau mama pung ipar-ipar

seng datang lia mama?

H Kalo dong samua ada di Ambon sini, pasti dong datang lia

mama. Cuma karna jauh makanya seng ada yang datang lia

mama.

45

P Kanapa sampe mama bisa ada disini kaka?

H Dolo tu katong keluarga jauh. Papa kan jauh, kamuka tu papa

karja di Ternate, mama tinggal sandiri di Taniwel deng ade-ade

trus beta lai tinggal di Ambon sini. Jadi salah satu faktor sampe

mama jadi bagini tu karna talalu pikiran. Makanya sampe jadi

kaya bagini.

50

P Menurut kaka, mama su ada di RS ni mama butuh kasih

sayang dari keluarga kaseng?

H Iya, kalo macam menurut beta pribadi sangat butuh. Karna

kalo seng berikan perhatian par mama takutnya jang sampe

mama lebe tambah pikiran lai.

55

P Dalam keluarga antara kaka, ade-ade, papa atau antara mama

pung saudara-saudara manakah yang memiliki hubungan

paling dekat deng mama?

H Kalo yang cukup dekat iya, soalnya beta anak pertama. Jadi

kaya tampa curhat bagitu. Yang laeng kan masih kacil to.

Makanya waktu beta kaluar kuliah ka Ambon sini mama seng

tau mau carita par sapa? Mama kan orangnya pendiam, rumah

di Piru sana jua amper seng talalu bergaul deng tetangga. Jadi

kalo macam antua pung masalah gitu simpan sandiri. Kalo

seng jaga telpon beta lalu katong carita.

60

P Lalu mama seng pernah carita par mama saudara?

H Jarang ade. Karna mama saudara-saudara perempuan su

meninggal semuanya.

65

P Mama seng coba telfon mama saudara yang lain saja kaka

trus carita bagitu.

Page 4: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

H Tergantung masalah apa dolo to ade. Kalo masalah keluarga

ada yang carita ada juga yang seng. Mama juga sudah

bekeluarga. Jadi mama jua kaya seng mau carita masalahnya

ke mama pung keluarga.

70

P Kasih sayang yang kaka dong kasih par mama seperti apa?

H Datang lia mama disini, bawa makanan par mama. Barang

mama seng suka makanan disini. Jadi mama mau makanan

apa beta bawa. Setiap hari beta datang lia mama, kalo seng

mama jaga bilang ana-ana ini dong dimana? Seng datang lia

mama.

75

P Kasih sayang yang papa kasih par mama sebagai seorang

suami itu apa saja kaka?

H Kalo papa tu kasih perhatian tapi seng full. Paleng lewat telfon.

Itu jua jarang. Karna kalo mau telfon harus ke tempat sinyal

dolo baru bisa telfon. Paleng satu atau dua kali saat natal saja

deng juga termasuk keuangan to ade.

80

P Kanapa papa seng datang liat mama saat mama sakit?

H Sakit pertama itu datang ade. Tapi setelah itu sampe papa

seng karja lai seng datang. Karna ijin cuti seng bisa tarus-tarus

ade.

85

P Bagaimana kaka bage waktu antara kaka pung kuliah deng

datang lia mama disini?

H Kalo macam beta skarang ni kebetulan su selesai kuliah, jadi

ada waktu full sambil tunggu ijasah kaluar jadi bisa lia mama.

90

P Jadi dalam saminggu atau sabulan bagitu, kaka datang lia

mama barapa kali?

H Mama saki yang ini ni beta kan balom pung pekerjaan, jadi

waktu pertama antua saki di rumah beta langsung pulang ka

Piru lia mama. Sedangkan kalo di rumah sakit sini, pagi deng

sore beta datang lia mama disini. Kalo dalam satu minggu tu

bisa setiap hari. Seng terhitung ade.

95

P Bagaimana keluarga mendorong mama supaya bisa

berinteraksi dengan orang lain?

H Waktu pertama kali maso bole, masih gabung deng orang gila

samua to, itu mama sadiki taku. Beta bilang mama bicara deng

dong supaya jang mama sandiri. Tapi mama seng mau bicara,

mama taku.

100

P Sebelum masuk RS, mama bergabung dalam perkumpulan di

sekitar lingkungan rumah seng kaka?

Page 5: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

H Kalo Ibadah mama aktif di Gereja. Mama masuk Ibadah

Minggu. Baru disana jua kan setiap hari tu di mama dong

Gereja disana, kebanyakan tu doa malam sama doa pagi hari

dong doa di Gereja. Barang kan masih balom kaya Kota jadi

balom luas, jadi mama bajalan saja.

105

P Kalo doa malam deng pagi tu biasa jam barapa saja kaka?

H Malam jam 07.00 pagi hari jam 05.00. Itu jemaat semuanya

doa di Gereja. Mama pi deng ade-ade.

110

P Lalu mama pung interaksi dengan warga sekitar bagaimana

kaka?

H Baik. Dong disana samua kanal mama baik. Tapi seng samua

kanal antua deng seng talalu menyatu deng dong yang seng

kanal to. Antua kan orangnya pendiam.

115

P Mama kan masuk Ibadah, pi berdoa pagi deng malam to kaka,

ada kaseng kaka, peran yang mama lakukan di masyarakat?

H Mama seng jadi apa-apa. Ibu rumah tangga biasa saja. 120

P Kalo mama sakarang su di RS bagini, bagaimana tanggapan

masyarakat disana dengan mama pung kondisi skarang?

H Beta seng tau skarang dong pikir bagaimana. Tapi pasti dong

pikir mama ni gila.

125

P Kaka dong ada barapa basudara?

H Kalo katong empat orang. Tapi beta yang paling tua. Yang

nomor dua masih SMA klas 1. Nomor tiga SMP klas 1. Yang

bongso masih klas 2 SD.

130

P Ada yang su menikah kaka?

H Beta yang tua saja balom apalai ade-ade lai (sambil tertawa) 135

P Sapa yang jadi tulang punggung keluarga?

H Papa to ade. 140

P Papa karja apa kaka?

H Papa sampe Februari kemarin tu karja di perusahan tambang

di ternate sana. Pas perusahan tambang tutup jadi skarang

ada su pulang di Piru jadi serabutan. Apa sa yang bisa par

karja, karja.

145

P Papa karja skarang ni, papa pung pendapatan brapa kaka?

H Sajuta tu bisa ade. Ada yang kurang ada yang lebih.

Tergantung pekerjaan to ade.

150

P Mama masuk RS ni bayar sandiri atau pake jamkesmas?

H Pake jamkesmas 155

P Dapa tau mama saki bagini pas kapan kaka?

Page 6: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

H Pertama kali tu akhir Mei tahun kamareng. Yang dapa tau tu

kaka pung ade nomor tiga karna dong yang tinggal deng

mama to ade.

160

P Akang pung gejala awal kaya bagaimana?

H Mama bicara sabarang-sabarang, tidor deng makan seng

teratur lae, aktifitas hari-hari pun terganggu kayak seng masak

deng bacuci lai.

165

P Pas tau mama saki bagini, pertama kali yang dilakukan apa

kaka.

H Bawa mama ka RS. Biar katong tau mama pung sakit to.

Daripada ditebak-tebak seng pasti.

170

P Kaka, katong sampe disini dolo e. Nanti beta hubungi kaka,

katong lanjut lai.

H Ok ade. 175

P Danke kaka

H Sama-sama ade 180

Tabel 2. Wawancara dengan partisipan 1

Tanggal 12/6/2014

S Isi Percakapan K

P Selamat sore kaka

H Selamat sore juga ade 185

P Kaka katong lanjut wawancara lai e

H Iya ade. 190

P Apakah keluarga selalu meluangkan waktu berikan perhatian

par mama?

H Kalo perhatian diberikan. Tapi seng selalu. Papa jauh di

Ternate. Keluarga lainnya juga jauh-jauh semuanya.

Sebelumnya mama di Taniwel tinggal deng ade-ade saja.

195

P Perhatian kaya apa yang kaka dong kasih?

H Kaka jaga datang lia mama tiap hari to ade. Biar cuma

sebentar yang penting kaka datang lia mama.

200

P Menurut kaka, kaka deng keluarga su kasih perhatian par

mama dengan maksimal kablom?

H Kaka dong kasih ya semampu kaka kasih saja. Datang lia 205

Page 7: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

mama, bawa makanan par mama. Yang mama mau, kaka

kasih ade.

P Selain dari pihak RS yang mengingatkan mama untuk

membersihkan diri, apakah keluarga juga mengambil bagian

mengingatkan mama selalu untuk membersihkan diri?

H Soal bersih-bersih diri, mama itu orangnya paling bersih.

Saling mengingatkan untuk mandi pun beta jaga kas inga

mama.

210

P Untuk minum obat, kaka juga rajin kasih ingat mama kaseng?

H Kalo obat pasti dan itu penting e ade. Karna kalo mama lupa

minum obat saja, kemungkinan besar akan kambuh lagi. Jadi

beta slalu kasih inga mama soal apapun ade. Beta mau mama

cepat sembuh. Jadi apapun beta lakukan par mama. Kas inga

antua segala macam. Dari yang tadi ade tanya itu, makan,

obat, mandi, samua beta kasih inga mama.

215

P Dari keluarga ada yang mengingatkan mama par hal-hal yang

menyenangkan kaseng kaka?

H Kalo soal itu mungkin yang selama ini kaka kurang biking

akang. Ade-ade dong telfon sampe kadang-kadang kaka yang

jadi pastiu lai (sambil tertawa). Hampir tiap jam telfon tarus.

Tapi ade-ade dong jua jarang kasih inga mama tentang hal-hal

yang menyenangkan. Tapi lebih sering tanya kapan mama

pulang? Karna maklum jua ade seng ada orang yang lia ade-

ade dong. Ada papa juga tapi ade-ade seng talalu nyaman to.

Dimana-mana mama tetap mama saja.

220

P Kanapa sampe ade-ade dong seng talalu nyaman deng papa?

H Itu karna papa pi karja diluar pas ade-ade dong masih kacil.

Dong hanya tinggal deng mama. Jadi dong tiga tu kurang

nyaman deng papa.

225

P Sebelum mama sakit dan saat mama ada di RS sampe

skarang, pernah keluarga mengenalkan mama dengan orang

lain diluar sebagai bagian dari keluarga kaseng kaka?

H Mama sebelum sakit itu mama juga harus kanal setiap orang

yang kaka kanal to ade. Kaya tamang-tamang, dosen-dosen

atau siapapun itu, mama harus kanal. Saat mama sakit, untuk

kaka pribadi kalo ada yang datang, kenalkan saja. seng perlu

malu deng mama pung sakit. Kalo sebagian keluarganya kaka,

dari pihak mama ada yang malu ade. Tapi kalo samua orang

malu deng mama, sapalai yang mau lia mama.

230

Page 8: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Bagaimana papa deng ade-ade? Apakah papa deng ade-ade

juga kasih kanal mama par orang lain? Atau biasanya ada

yang tanya tentang mama par papa deng ade-ade, dong

tanggapi bagaimana kaka?

H Kalo papa beta kurang tau e ade papa tanggapi akang

bagaimana? Soalnya papa seng carita-carita par beta. Tapi

yang beta tau ade-ade dong tu, kalo ada yang tanya mama,

dong bilang mama ada di Ambon ada saki. Dong seng malu

deng mama pung kondisi sakarang ini. Yang kamareng-

kamareng tu beta ada pulang ka Piru lia ade-ade dong, lalu

dong tanya beta kapan mama pulang? Sebelum beta jawab

dong, beta bale tanya dong, dong malu kaseng deng mama

pung kondisi sakarang ini. Lalu beta pung ade nomor dua

jawab, kanapa musti malu deng mama pung kondisi? Beta

pung mama, beta sayang antua. Jadi beta seng mau malu par

beta pung mama sandiri. Lalu beta ade nomor tiga bilang,

katong sayang mama. Bilang mama capat pulang jua. Bagitu

ade. Lalu kaka bilang, nanti mama pulang par dong. Serahkan

par dokter yang tangani mama deng jang lupa berdoa par

mama.

235

P Lalu bagaimana deng ade yang bongso?

H Kalo dia kan masih kacil, jadi balom tau apa-apa. Kalo ada

yang tanya mama dari dia, dia cuma jawab mama ada di

Ambon.

240

P Kalo mama pung saudara-saudara deng mama pung ipar-ipar

bagaimana kaka, apa dong jua bagitu kasih kanal mama par

orang laeng?

H Yang tadi kaka su bilang, ada sebagian mama pung keluarga

yang malu deng mama. Apalai mama pung sudara laki-laki

yang seng pernah datang lia mama, seakan-akan

mengasingkan mama dari keluarga. Jadi kemungkinan yang

malu deng mama sa kapa yang seng mau kas kanal mama par

orang laeng. Tapi kalo yang sayang mama, beta yakin ada

yang tanya mama, dong pasti akan kasih kanal to. Biar mau

bilang apalai, busu-busu orang sudara tu sudara jua ade. Kalo

mengenai mama pung ipar-ipar, beta seng tau e ade. Karna

dong jua dari dolo seng suka mama. Puji Tuhan, kalo dong

anggap mama ni bagian dari dong, lalu ada yang tanya mama

dong akan jawab to. Tapi kalo seng jua, seng apa-apa ade

245

Page 9: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

(sambil tersenyum).

P Kalo dengan keadaan keluarga yang seng nyaman seperti ini,

bagaimana dari kaka dong membuat mama nyaman

berkumpul deng keluarga lainnya?

H Kayanya seng lai kapa ade. Dari papa pung keluarga mama

seng nyaman, mama deng ipar-ipar deng mama mantu seng

cocok. Beda pendapat deng beda prinsip. Jadi mama su seng

nyaman lai. Kalo dari mama pung sudara-sudara kalo katong

ada bakumpul pasti mama nyaman sa ade. yang tadi kaka

bilang, busu-busu orang sudara tetap sudara jua.

250

P Kaka dong pernah tanya mama pung perasaan seng kaka?

H Kalo soal perasaan tu, beta tanya ade. katong lebih banyak

pikir mama perasaan. Makanya selain ada penjelasan dari RS

tantang pasien-pasien beta juga jelaskan par mama. Pertama

tentang image RS yang awalnya adalah RSJ skarang su jadi

RSKD.

255

P Kalo kaka tanya mama perasaan, mama biasanya bilang apa?

H Mama bilang, mama seng saki. Mama mau pulang lia ade-ade

dong. Mama kalo bilang bagitu, katong perasaan su sedih lai

to ade. Seng tega lai dengar mama bilang bagitu. Tapi demi

kesembuhan mama, dokter lebih tau to ade. Mama memang

harus nginap katong mau bilang apa?

260

P Bagaimana keluarga memberikan informasi mengenai

penanggulan mama pung sakit sakarang ini?

H Kalau dari keluarga papa, dong bilang orang biking mama,

bulan baru lah, mengingat katong kan masih tinggal di

kampong to ade. Jadi kepercayaan itu masih ada. Tapi kalo

dari kaka pribadi, kaka cuman mau bawa mama ke RS. Karna

kaka sandiri su seng percaya bagitu-bagitu lai. Kalo dari

keluarga mama, ada yang berpikir mungkin ada kesalahan dari

orang tua dahulu yang harus di cari tau, diakuin dan

sombayang kasih selesaikan akang to ade. Jadi

pengobatannya selain dari dokter, juga koreksi katong pung

kehidupan dan minta ampun ke Tuhan.

265

P Ada hal-hal yang keluarga sampaikan par mama berkaitan

deng mama pung kesehatan kaseng?

H Ada to ade. Kaka bilang jang pikiran-pikiran. Hidup itu santai

saja. Kalo mama pikiran nanti mama seng sembuh-sembuh

deng mama harus rajin minum obat.

270

Page 10: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Kaka bilang bagitu trus mama pung respon bagaimana?

H Mama cuma bilang iya saja 275

P Apakah dari keluarga megingatkan mama untuk belajar hal-hal

yang baru atau menyarankan mama untuk menonton, baca

koran atau sebagainya?

H Kaka juga bilang buat mama seperti itu, cuma tidak ada tv

untuk pasien-pasien jadi dong seng bisa nonton tapi ada juga

kan rehabilitas yang dilakukan dari pihak RS to. Keluarga juga

dilarang jenguk pasien sering-sering. Karena mereka bukan

seperti orang sakit pada umumnya, mereka masih bisa

beraktifitas sendiri. Kadang juga katong datang besuk, seng

dapa lai. Karna mama dong ada iko rehabilitasi. Kalo ade jaga

dapa kaka di RS itu karna kaka yang bandel. Kaka seng mau

mama berpikir kalau katong su lupa mama. Makanya setiap

hari kaka usahakan datang lia mama, biar capat-capat saja

lalu pulang.

280

P Dari keluarga ada yang menyediakan fasilitas par mama

kaseng?

H Seng ade. Itu keterbatasan finansial. 285

P Lalu bagaimana deng mama pung peralatan membersihkan

diri?

H Peralatan membersihkan diri, seng perlu ditanya lai ade. itu

wajib disediakan. Bukan wajib lagi, kebutuhan samua tu ade.

Kalo pakaian bersih, kaka jaga bawa mama pakaian ganti itu.

Pakaian kotor kaka bawa pulang cuci dirumah ade.

290

P Keluarga suka bali mama pung barang yang paling mama

suka seng kaka?

H Kalo bali, biasanya bali mama pung kalung kaseng anting.

Bukan mama saja tapi beta juga dengan ade-ade, itu waktu

papa masih kerja di Ternate di perusahan tambang. Tapi pas

papa stop kerja empat bulan terakhir ini dan sekarang sudah

jadi serabutan, su seng bali barang-barang berharga lai.

295

P Keluarga sering mengajak mama berinteraksi dengan orang

lain seng kaka?

H Oh, waktu di RS yang tadi kaka bilang kalo sampe masuk RS

yang mempunyai peranan dan waktu lebih banyak kan bukan

keluarga lae to ade. Jadi rehabilitasi tu mencakup semuanya.

Membangun kepercayaan dari pasien, buat mereka untuk tidak

minder, dan sebagainya.

300

Page 11: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Setiap hari kaka juga bawa pakaian par mama?

H Iya, ade. kaka jaga bawa mama pakian bersih trus. 305

P Adakah keluarga yang mengasingkan mama dari keluarga

pung kehidupan seng kaka?

H Hanya mama punya ade laki-laki tu saja yang seng pernah

jenguk mama to ade. Bisa dibilang antua asingkan mama. Tapi

keluarga yang laeng seng ade.

310

P Apakah keluarga menganggap bahwa mama sakit seperti ini

merupakan aib bagi keluarga?

H Iya ade. Ada keluarga yang menganggap kalo mama ini biking

malu-malu dong ade. Seng samua keluarga e, tapi ada.

315

P Kalo mama minum obat teratur, kaka dong biasanya

memberikan pujian par mama kaseng?

H Beta selalu bilang mantap. Minum obat biar mama istirahat

teratur deng seng talalu banya pikiran, mama juga bisa tenang

supaya mama cepat bae, lalu mau pulang.

320

P Keluarga ada yang menyemangati mama seng disaat mama

sedih?

H Itu pasti. Kalo lia mama muka su seng enak, beta pasti tanya,

mama ada kanapa? Nanti mama bilang mama inga ade-ade

dong.

325

P Bagaimana keluarga menanggapi mama pung keluhan saat

berada di RS?

H Yang tadi kaka su bilang. Kaka dong samuanya seng tega lai

pas dengar mama bilang mau pulang. Kaka sandiri saja

datang jenguk mama lalu mau pulang pi kasih tinggal mama

sandiri di RS saja berat. Tapi demi kesembuhan mama, dokter

lebih tau to ade. Mama memang harus nginap, katong mau

bilang apa? Yang pasti semuanya sedih tapi katong

percayakan semuanya ke dokter.

330

P Apakah keluarga memberikan dorongan par mama supaya

cepat sembuh?

H Soal dorongan pasti to ade. Sapa juga yang seng mau dia

mama cepat sembuh. Apapun kaka lakukan ade, supaya

mama bae capat. Datang di RS ada suster yang marah, karna

datang su lewat jam berkunjung kaka seng pastiu lai ade yang

penting kaka datang lia mama (sambil tertawa). Apalae

skarang ni kaka balom dapa karja to, jadi kaka waktu full

samua par mama saja. Supaya jang mama pikir katong lupa

335

Page 12: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

mama. Kalo seng datang lia mama sahari saja, mama su pikir

kalo katong su seng pastiu deng antua lai (sambil tertawa).

P Kaka, beta rasa cukup untuk hari ini kaka. Nanti beta hubungi lai kaka kalo beta masih membutuhkan data.

H Iya ade, nanti sms saja. 340

P Danke banya kaka. Tuhan Yesus Memberkati

H Sama-sama ade. Sukses buat skripsi. Tuhan Yesus Memberkati juga.

345

Tabel 3. Wawancara dengan partisipan 2

Tanggal 7/6/2014

S Isi percakapan K

P Hallo kak, selamat siang

E Iya, selamat siang 350

P Kaka, sesuai dengan yang tadi sudah dijelaskan kepala ruangan bahwa beta sementara melakukan penelitian disini, dan beta sedang memerlukan data dari kaka sebagai keluarga dari Y, beta minta kesediaan kaka untuk beta wawancarai. Apakah kaka bersedia?

E Iya ade. Bisa 355

P Jadi kaka, sebelum beta mulai. Beta minta waktu sebentar kaka baca informed consent atau surat persetujuan ini lebih dulu kak, kalo kaka bersedia bisa kaka tanda tangan di bagian belakang sebagai bukti bahwa kaka setuju untuk melakukan wawancara dan wawancara ini akan direkam menggunakan handphone.

E (Diam dan membaca). Boleh ade, Cuma beta seng ada pena. Kasih pena lah beta tanda tangan.

360

P Ini kaka (sambil memberikan pena).

E Ade mau mulai darimana? 365

P Oke kak. Begini, Y saki ni papa deng mama datang lia kaseng kaka?

E Papa deng mama seng pernah datang lia. Dong tinggal di Dobo sana.

370

P Papa deng mama tau kaseng kalo dong pung ana (Y) saki kaya bagini?

E Dong tau ade. 375

P Lalu kanapa, papa deng mama seng bisa datang?

E Ade, beta seng tau lai deng papa mama. Tapi ini tampa tinggal jauh dan juga faktor ekonomi lai to ade.

380

Page 13: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Menurut kaka, papa deng mama su melakukan peran sebagai orangtua dengan maksimal kablom?

E ade, kaka tau ini faktor ekonomi juga yang biking papa deng mama seng bisa datang lia Y disini. Tapi dong pung ana yang saki kaya bagini saja dong seng datang lia, bagaimana mau bilang maksimal? Kalo bilang maksimal tu, ana ada saki datang lalu lia. Usaha bagaimana kah supaya dapa uang, lalu datang lia Y disini bukan tinggal disana tarus saja. Y juga kan butuh perhatian dari orangtua, apalai su masuk RS ni yang par katiga kali.

385

P Lalu bagaimana komunikasi antara kaka deng papa mama deng Y?

E Kalo Y ni kan ana bongso to ade. Kalo papa deng mama seng ada kabar, seng telfon nanti Y yang jaga telfon papa deng mama.

390

P Lalu komunikasi antara kaka deng papa mama bagaimana?

E Kalo deng kaka, kadang-kadang sa baru katong telfon-telfon lalu bacarita.

395

P Tapi kaka deng Y pung hubungan antara mama deng papa baik-baik saja to kaka?

E Iya ade, sebenarnya bae-bae saja. Cuma kadang-kadang emosi lae to ade. Ana parampuang ada saki, masuk RS sampe su katiga kali, seng datang lia bagaimana lai? Seng bisa usaha bagitu kah par dapa uang lalu datang lia ana parampuang yang ada saki ni. Padahal kaka kalo ada labe, kaka kirim par papa deng mama lai, biar cuma sadiki. Itu sa yang sebenarnya kaka seng suka dari papa deng mama.

400

P Lalu yang ambil keputusan bawa Y ka RS ni sapa kaka?

E Beta, beta pung ade laki-laki, beta pung laki, deng beta pung ipar karna katong tinggal sarumah to ade. Lalu bilang papa deng mama, papa deng mama setuju lalu bawa kasini. karna Y ni hanya stres deng dia pung skrpisi saja jadi biking dia kaya pikiran bagitu lalu mulai marah-marah yang seng jelas dalam rumah. Pembimbing putar-putar Y lai jadi biking Y emosi, akhirnya jadi bagini ade.

405

P Sejak kapan Y jadi seperti ini?

E Tahun lalu ade, sekitar bulan Januari Y bagini. 410

P Ada keluarga lain yang menderita gangguan jiwa sebelumnya kaka?

E Seng ada ade. Ini hanya karna skripsi saja ni, lalu seng kuat tahan banting deng akang, lalu biking Y jadi bagini.

415

P Kalo Y dalam keadaan seperti ini, menurut kaka Y butuh kasih sayang kaseng?

E Menurut beta, Y butuh kasih sayang. Bukan Y saja, samua orang juga butuh kasih sayang. Beta pikir Y saki sampe katiga

420

Page 14: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

kali ni karna seng ada perhatian dari papa deng mama to karna jauh. Faktor ekonomi juga yang biking papa deng mama seng bisa datang lia Y. Pas ada dapa masalah kaya bagini, seng tau mau lari kamana lai, lalu simpan sandiri akhirnya pikiran lalu mulai marah-marah.

P Kasih sayang yang kaka kasih par Y seperti apa?

E Katong harus jaga Y deng bae-bae. Katong harus jaga Y supaya jang saki kombali lai. Datang jenguk Y tiap hari. Katong berdoa supaya Y cepat keluar, supaya bisa sama-sama deng katong lai.

425

P Berarti dalam sahari, berapa kali datang besuk Y kaka? Dua hari sakali pagi deng sore saat jam besuk atau sahari sakali saja?

E Kalo beta datang besuk tu pagi hari. Pulang antar beta ana pi skolah, langsung beta pi pasar, pulang beta mamasa beta kasi siap Y makanan skali to. Kalo beta pung laki seng bisa datang, karna ada karja di ACC dari pagi sampe malam, nanti kadang-kadang minta ijin seng masuk karja, baru katong dua pi besuk Y. Nanti sore baru beta pung ade laki-laki deng dia pung bini datang. Ade laki-laki ini Y pung sudara kembar. Katong bage waktu to ade. Soalnya kaka seng bisa datang sore karna harus manyimpang dalam rumah sore-sore to, kaka ada biking kue juga par bajual tambah-tambah penghasilan, kaka harus mamasa par katong makan malam, jadi seng bisa datang. Beta pung ade laki-laki deng bini, dong hanya bisa datang sore, tapi bini seng bisa datang setiap sore karna dia ada kesibukan kampus lae to. Kalo ade laki-laki dia karja dari pagi sampe sore abis itu baru dia bisa pi ka RS lia dia sudara kembar.

430

P Lalu keluarga yang laeng seng datang besuk?

E Katong basudara kandung yang di Ambon cuma tiga orang saja deng Y ni tamba beta pung laki deng ana deng katong pung ipar saorang saja. Y pung sudara kembar pung bini. Yang laeng samua seng di Ambon. Yang besuk, katong yang di dalam rumah sa. Baku ganti datang par lia Y disini.

435

P Dari kaka basudara kandung, mana yang pung hubungan paling dekat dengan Y?

E Katong samua yang dirumah. Tapi yang paling dekat deng Y itu dia sudara kembar. Sudara kembar ni biar bagaimana lai biar cape apalai ade, kalo pulang karja bagitu tetap harus datang ka RS sini lia Y.

440

P Bagaimana kaka membagi perhatian, bagi kasih sayang antara kaka pung suami, anak, deng Y?

E Kaka itu yang penting pagi-pagi urus kaka pung ana dolo to, dia kan harus pi skolah. Kaka pung suami juga harus pi kerja,

445

Page 15: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

jadi kaka harus lia samua dolo, baru kaka bisa datang lia Y disini. Sambil urus samua-samua yang ada dirumah, kaka tunggu jam besuk lai to baru kaka datang.

P Berapa banyak waktu yang kaka habiskan dengan Y?

E Ade, tiap hari kaka datang lia Y disini. Karna kaka pikir, papa deng mama kurang kasih perhatian par Y jadi kaka abiskan waktu di RS saat jam besuk deng Y ade. Katong dudu carita-carita sampe jam besuk abis baru kaka pulang.

450

P Lalu, hal-hal yang kaka lakukan untuk mendorong Y berinteraksi dengan orang lain seperti apa?

E Y ini kan kalo orang yang lebih tua Y paleng menghargai bagitu. Sebelum masuk RS, Y pung interaksi deng orang-orang itu baik. Kadang-kadang sa baru dudu carita deng katong dirumah. Karna Y sibuk deng urusan kampus deng skripsi to. Sedangkan Y pertama kali masuk RS tu bole ade, bulan Januari tu Y Marah-marah seng jelas. Itu kalo kaka datang besuk lalu kaka lia Y tu kaka kasihan skali ade. Kaka bicara deng Y, tenangkan Y supaya bisa berinteraksi dengan orang lain. Jang sampe ada pasien laeng datang dekat Y, bisa-bisa Y marah lalu pukul lai. Nanti tambah masalah lai to ade.

455

P Jadi Y masuk RS sampe katiga kali ni, dengan alasan Y biasa marah-marah sandiri bagitu kaka?

E Iya ade, banting barang-barang yang ada di kamar, banting piring deng gelas yang ada di dapor. Kaka mau dekat deng Y jua kaka jadi takut lai. Cuma kalo seng tenangkan Y barang-barang dirumah tu bisa ancor.

460

P Di lingkungan sekitar kaka pung tempat tinggal, Y biasa masuk perkumpulan kaseng?

E Y seng pernah masuk ade. Sebelum sakit itu, kalo pulang kampus su lalah langsung masuk kamar. Kalo lapar baru Y kaluar makan, karja basar cuma bagitu sa ade. Jadi seng pernah pi perkumpulan-perkumpulan disekitar rumah.

465

P Ok kaka. Berhubung Y masuk RS sampe su katiga kali, pertama Y masuk dan trus keluar RS, bagaimana keluarga berperan mendorong Y untuk berinteraksi lagi dengan orang lain?

E Kaka dong bicara deng Y, seng usah malu deng seng usah pikir kalo ada yang bicara tentang se diluar. Jang pikir akang. Kalo ada yang datang dudu carita deng se, se dudu lai lalu carita deng dong.

470

P Lalu kaka, pas kaka bilang bagitu Y bilang apa?

E Y seng bilang apa-apa, hanya bilang iya kaka. 475

P Bagaimana tanggapan warga sekitar rumah dengan kondisi Y skarang?

Page 16: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

E Yang dong tau Y ada saki saja. Tapi kaka seng tau dong pung tanggapan selanjutnya bagaimana to ade, yah terserah saja ade orang mau bilang apa dengan Y pung kondisi. Ini Tuhan pung jalan, katong mau biking apa ade.

480

P Kaka, Y ada pung brapa saudara kandung?

E Katong samua ada enam orang. Yang nomor satu sampe tiga ada di Papua, Seram, deng di Tual. Kaka yang nomor empat lalu terakhir dong dua kembar ni ade.

485

P Ada yang su menikah kaka?

E Katong lima orang su menikah ade. Tinggal Y saja, karna dari awal dia mau kuliah jadi dia seng mau menikah dolo to, dia bilang abis kuliah baru dia menikah, padahal blom abis kuliah lai Y su jadi bagini.

490

P Brapa jumlah anggota keluarga dalam kaka dong pung keluarga?

E Sebelumnya hanya katong lapan saja ade, katong enam tambah papa deng mama. Tapi karna katong lima su menikah jadi katong su banya orang, beta pung suami, ipar deng dong pung ana-ana. Cuma katong samua tinggal tapisah to. Samua cari hidop masing-masng diluar.

495

P Trus kaka, dalam keluarga sapa yang menjadi tulang punggung keluarga?

E Papa deng mama to ade. Kalo par katong yang su menikah ni, nanti katong pung suami yang tanggung jawab par katong to. Tapi kalo untuk Y papa deng mama pung tanggung jawab apalai Y masih kuliah. Kadang kalo papa deng mama seng kirim uang par Y, nanti beta deng Y pung sudara kembar yang biayai Y par uang kuliah. Beta jaga biking kue juga par bajual tambah-tambah penghasilan saja to ade. Suami karja di ACC, gaji besar brapa talalu deng biaya hidup di Ambon mahal bagini, kalo seng pintar-pintar cari uang katong seng makan to ade.

500

P Kaka, papa di Dobo sana pung pekerjaan apa?

E Papa pung pekerjaan tu, dong pake antua par kerja di skolah saja. Kerja apa saja papa kerja to, mau jadi tukang sapu juga bisa, tukang bangunan juga bisa. Mama hanya ibu rumah tangga saja.

505

P Penghasilan yang papa dapat berapa kaka?

E Kalo kerja di sekolah papa dapat penghasilan itu paling tinggi empat ratus ribu ade. Kalo ada yang panggel karja bangunan-bangunan juga dapa to ade, tapi kaka seng tau dapa brapa karna ada yang kasih lebe ada yang kasih kurang. Nanti uang itu papa deng mama kirim par Y pung biaya kuliah.

510

P Berarti kalo papa deng mama seng datang lia Y disini, kemungkinan karna faktor ekonomi atau bagaimana kaka?

Page 17: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

E Iya ade. Itu yang kaka pikir lai, kadang-kadang kalo kaka ada uang lebih kaka kirim par papa deng mama.

515

P Y masuk RS ini, keluarga menggunakan biaya sendiri atau jamkesmas kaka?

E Jamkesmas ade. 520

P Apakah keluarga merasa terbeban dengan Y masuk disini?

E Katong terbeban lai to, katong pikiran lai ada keluarga yang masuk RS sini, nanti orang lain pung pendapat su laeng lai. Cuma yang selalu dalam kaka pung pikiran Tuhan pung jalan par Y par katong keluarga bagini sudah. Jadi serahkan kembali samua par Tuhan saja ade.

525

P Bagaimana kaka menangani semua keuangan yang kaka gunakan par kaka pung rumah tangga, par Y, deng yang tadi kaka bilang kalo ada lebih kaka kirim par papa deng mama?

E Yang kaka tau berkat itu dari Tuhan to ade, jadi kalo kurang katong hidup seadanya saja, kalo lebih Puji Tuhan to ade bisa kirim par papa deng mama, bisa kasih par Y. Kaka juga kan ada biking kue bajual par tambah penghasilan lai to, untung sa kaka pung suami mangarti katong pung keadaan jadi kaka masih bisa lia Y kaka masih bisa kirim uang par papa deng mama biar sadiki. Ada ade laki-laki juga karja, kalo kaka ada kurang nanti ade laki-laki jua bisa bantu kaka. Jadi katong baku bantu dalam rumah ade.

530

P Yang dapa tau Y saki kaya bagini sapa kaka?

E Kaka yang dapa tau ade. 535

P Kaka bisa jelaskan lebih rinci sadiki kaka, pas kaka dapa tau tu bagaimana dan apa yang kaka lakukan?

E Jadi akang carita bagini. Pas Y pulang kampus, kaka ada mamasa di dapor kaka seng tau kalo Y su pulang kuliah. Kaka kaget pintu babunyi kuat. Kaka kira su terjadi apalai ade, lalu kaka masuk bagini, kaka panggel-panggel Y, Y ose kanapa banting pintu kuat-kuat? Dia seng manyau dari dalam. Kaka pikir itu biasa to ade, mungkin ada masalah sadiki di kampus lalu ada emosi dosen ka atau masalah deng tamang-tamang ka bagitu to, kaka bale pi mamasa lai. Kaget bagini pas kaka pung ana pulang skolah par jam 12 lewat, dengar lai su banting barang-barang dalam kamar. Kaka kasi mati kompor, kaka lari masuk kadalam kaka marah-marah Y lai karna kaka su dengar barang-barang pica ni to ade, kaka bilang ose biking rusak barang-barang dalam kamar tu, buka pintu ni. Y diam dari dalam ade. Seng lama Y buka pintu, kaka lia bagini gelas minum teh yang ada dalam kamar su pica, kaca su pica, jam dinding su banting di tanah, dia pung bantal-bantal su buang akang samua di tanah, pokoknya saat itu kamar talamburang. Kaka bilang ose kanapa? Y diam kombali. Kaka bilang kalo

540

Page 18: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

ada masalah carita lah katong cari jalan kaluar. Lalu Y cuma bilang mau makan. Kaka batamang pi makan. Seng hitung menit lai ade, su banting piring-piring deng galas-galas di dapor, amper lempar kaka deng piring. Kaka ambe kaka pung ana lari kaluar minta tolong dari tetangga. Dong datang langsung loko Y ika di tampa tidor bagitu saja, lalu kaka kasihan Y to kaka pi ambe makan kasi makan tapi Y seng mau makan. Pas sore ade laki-laki datang, Y pung sudara kembar ni lia Y ada dapa ika. Lalu kaka ada carita samua to, cuma ade laki-laki seng tega lia Y bagitu, lalu dia lapas tali. Pas lapas tali Y hanya diam saja dalam kamar, mungkin tambah pikiran lai, akang pung malam katong panggel makan, su seng mau makan lai, bawa makanan ka kamar Y banting itu piring deng makanan-makanan. Lalu su marah-marah seng jelas dalam rumah. Katong dalam rumah ambe keputusan bawa Y ka RSKD lalu kalo dokter suruh tinggal ya mau biking apa. Lalu akang beso pagi, kaka deng suami deng ade laki-laki deng Y datang ka RS deng alasan mau bawa Y jalan-jalan supaya dia mau pi iko katong to. Lalu katong bawa Y ka RSKD, ternyata dokter bilang dia harus tinggal. Jadi katong setuju kasi tinggal Y di RS sini ade. Supaya dapa pengobatan lebih lanjut.

P Lalu kaka dong seng cari tau penyebabnya apa?

E Saat itu kaka dong cari tau Y ni ada masalah apa, dari dia tamang-tamang to, yang tadi kaka sampaikan tu kalo ternyata dia pembimbing ni ada tinggal putar-putar dia, sudah musti ujian proposal tapi pembimbing seng mau, harus bayar dolo. Lalu biking akang par pikiran jadi stres to emosi lah akhirnya marah-marah seng jelas. Jadinya seperti ini ade.

545

P Kalo ada anggota keluarga yang sakit, pertama kali yang dilakukan apa kaka?

E Kalo saki yang su parah baru bawa datang ka RS ade. Tapi kalo yang biasa-biasa bali obat sandiri.

550

P Upaya yang kaka lakukan saat ini deng keluarga par Y seperti apa?

E Katong banyak berdoa saja, supaya Y cepat sembuh to ade. Jang akang kambuh lai. Kasihan Y juga deng keadaan kaya bagini.

555

P Terus kak, bagaimana dengan pemilihan pengobatan untuk Y?

E Pas dapa tau itu, langsung besoknya bawa ka RSKD sini supaya dia dapa obat deng perawatan yang lebih lai to. Kalo dirumah kan terbatas, mau kasi obat apa deng dia pung saki bagini. Jadi bawa ka RS biar dokter yang tangani saja.

560

P Kaka, beta rasa katong wawancara sampe disini dolo kapa? Nanti baru beta datang di rumah katong lanjut wawancara lai.

E Oia ade, kalo mau datang sore saja. Supaya kaka bersih- 565

Page 19: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

bersih rumah dolo baru ade datang (sambil tertawa).

P Kaka seng usah repot-repot. Sekitar sore jam brapa kaka beta bisa datang?

E Jam 5 bagitu sa jua ade. 570

P Oke kaka. Berarti lusa jua baru beta datang sore jam 5. Danke banya e kaka.

E Sama-sama ade 575

Tabel 4. Wawancara dengan partisipan 2

Tanggal 9/6/2014

S Isi percakapan K

P Selamat sore kaka

E Eh ade nona, selamat sore. Mari masuk sini ade 580

P Kaka, katong lanjut e.

E Iya, lanjut sudah ade. 585

P Apakah keluarga selalu kasi ingat Y untuk membersihkan diri setiap hari?

E Katong jaga bilang Y mandi tapi samua tergantung Y saja to. Katong bilang, tapi kalo Y seng mau iko jua katong seng bisa paksa to, apalai deng kondisi kaya bagini. Jadi semua terpulang par Y saja. Nanti selanjutnya dari pihak RS yang urus Y to ade.

590

P Apa kaka juga selalu mengingatkan Y minum obat secara teratur?

E Kasi inga tarus ade, supaya Y cepat sembuh to. Kalo seng minum kan nanti seng sembuh-sembuh.

595

P Lalu biasanya keluarga mengarahkan Y supaya selalu menjaga kesehatan kaseng kaka?

E Kalo di RS katong pasti kasi inga to ade. Tapi kalo su dirumah, kan su sembuh jadi Y su tau diri par jaga kesehatan. Tapi kadang-kadang kalau lia jam su mau galap sadiki, lalu dia blom mandi kaka langsung bilang dia mandi.

600

P Kaka selalu datang besuk disini apakah kaka selalu mengingatkan Y dengan hal-hal yang menyenangkan kaseng kaka?

E Kasih inga ade, supaya Y jang pikir apa-apa. Kalo kaka datang lia Y, katong dudu carita yang sanang-sanang saja sampe jam besuk abis kaka baru kaka pulang.

605

P Lalu keluarga selalu mengenalkan Y par orang lain?

E Seng pernah ade. 610

Page 20: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Kanapa seng pernah kasih kanal Y par orang diluar, supaya Y bisa interaksi lebih baik lagi kaka selepas Y keluar dari RS waktu pertama kali keluar dan kemudian masuk RS lagi?

E Kalo soal interaksi, Y ini interaksi dengan orang baik skali. Kaka juga bilang, kalau orang-orang di luar ada carita se seng usah malu deng jang dengar dong. Kalo ada yang datang, dudu carita deng dong. Tapi untuk memperkenalkan Y ke orang lain katong seng perlu kasih kanal katong pung ade parampuang, katong pung sudara par orang to. Jang sampe orang berpendapat, katong kasi kanal Y par orang laeng karna ada maunya. Jadi kaka dong disini seng perlu dan seng pernah mau kasi kanal Y par orang laeng, apalae Y ini kan masuk kaluar RSKD sampe su katiga kali ni. Pasti orang akan berpendapat yang seng bae tentang katong.

615

P Begini kaka, bukan maksud beta untuk menyinggung kondisi Y disini, tapi ada baiknya setelah Y keluar RS Y harus bisa berinteraksi lagi dengan orang lain, paling tidak ada yang bisa biking Y sanang, apalai sesuai yang kemarin kaka sampaikan kurang adanya perhatian dari papa deng mama. Jangan sampe kaka dirumah samua pada sibuk, Y sandiri bisa biking Y inga masalahnya ulang, lalu biking Y jadi kambuh lai to kaka? Apalai Y masuk RS ini sampe tiga kali ni juga kan dengan alasan yang sama yaitu kambuh lagi. Artinya kurang ada perhatian dari keluarga sehinga kekambuhan itu muncul lagi.

E Oia ade (sambil mengangguk kepala) kaka su bilang kalo ada yang datang saja lalu mau bicara deng se, se dudu lalu bicara deng dong saja.

620

P Kaka selalu membuat Y nyaman berkumpul deng kaka dong seng?

E Kalo sebelum sakit tu, karna talalu sibuk deng kuliah deng skripsi Y jarang berkumpul dudu carita-carita deng katong. Pulang kampus su lalah langsung masuk ka kamar.

625

P Lalu bagaimana pas pertama kali masuk dan trus keluar, apakah kaka membuat Y tetap nyaman berkumpul deng kaka dong?

E Yang namanya keluarga pasti akan tetap nyaman to ade. 630

P Saat Y di RS adakah keluarga yang menanyakan Y pung perasaan kaka?

E Pasti tanya to ade, seng mungkin seng. 635

P Kalo kaka tanya, apa yang Y sampaikan kaka?

E Y cuma bilang kalo Tuhan sayang Agusutus ni Y su wisuda. 640

P Saat Y bilang bagitu apa tanggapan kaka?

E Kasihan skali ade. Y dari dolo mau kuliah tapi su di akhir seng abis bagini kan, sapa yang seng kasihan to ade. Apalai kaka

645

Page 21: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

pung ade parampuang sandiri ni.

P Apa yang kaka sampaikan par Y pas Y bilang bagitu?

E Kaka seng bilang apa-apa, kaka hanya senyum saja. Lalu kaka mulai carita yang laeng, alihkan pembicaraan to ade, kaka seng mau Y inga-inga saat kuliah, skripsi deng kampus to jang sampe biking Y tambah pikiran lai.

650

P Dari keluarga ada yang memberikan informasi mengenai penanggulangan Y pung sakit ni seng kaka?

E Katong dalam rumah langsung bawa ka RS saja biar Y ditangani dokter langsung to.

655

P Adakah keluarga yang memberitahukan hal-hal yang berkaitan tentang Y pung kesehatan?

E Kalo dari awal kan katong tau jang sampe Y ni gila karna marah-marah dalam rumah, banting barang-barang, tapi katong seng langsung bilang par Y, takutnya Y lebe tamba marah lai. Jadi katong alasan jalan-jalan deng Y lalu bawa langsung RS. Biar kepastian mengenai Y pung kesehatan kan langsung dari dokter. Setelah itu baru kaka dong kasi penjelasan par Y bahwa Y harus tinggal di RS.

660

P Saat itu Y punya respon bagaimana pas tau harus tinggal di RS ini?

E Awalnya memang seng tarima to ade, Y memberontak mau lari kaluar dari ruangan par pulang. Y su marah-marah, bataria kalo seng mau tinggal disini. Kalo seng salah saat itu dapa suntik, lalu Y tenang trus suster deng mantri bawa Y pi ka ruangan.

665

P Apakah kaka selalu memberikan nasihat kepada Y agar makan dan minum obat secara teratur?

E Iya ade. Kaka bilang par Y, makan itu yang banyak abis makan minum obat teratur. Kalau rajin minum obat, bisa bae capat. Lalu bisa pulang ka rumah. Kalo seng minum obat, nanti tinggal di RS lebih lama lai.

670

P Adakah keluarga selalu mengingatkan Y belajar hal-hal yang baru, menonton tv atau membaca koran?

E Kalo soal ini kaka seng pernah kasi ingat karna jang sampe ada hal-hal baru yang biking Y tamba pikiran lai. Kalo nonton tv deng baca koran kaka jaga bilang. Tapi kalo Y suka-suka saja baru baca koran deng nonton tv.

675

P Dengan kondisi Y yang suka marah-marah, bagaimana keluarga mendorong Y bisa berinteraksi dengan pasien yang lain di RS?

E Kaka bicara dengan Y, tenangkan Y bae-bae dolo to. Kaka jaga bilang kalo dong itu Y pung tamang-tamang, jadi seng bole marah-marah. Kalo marah-marah nanti suster deng mantri bale marah se. Harus bae-bae deng dong, masa jadi

680

Page 22: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

perempuan harus marah-marah tarus, itu kan seng bagus.

P Kaka dong pernah mengajak Y ke tempat ramai seng kaka?

E Seng ade. Kalo ada tetangga-tetangga yang ajak pi natsepa katong pi rame-rame kalo seng katong di dalam rumah saja.

685

P Keluarga menyediakan fasilitas yang nyaman par Y kaseng kaka?

E Kalo di RS, nanti RS yang sediakan samua to. Tapi kalo dirumah samua terbatas, keuangan juga jadi seng bisa kasi fasilitas yang labe par Y.

690

P Ada barang-barang yang Y paling suka lalu kaka dong biasa bali par Y seng kaka?

E Ada ade, pernah kaka bali Y boneka. Karna dia paleng suka dengan boneka.

695

P Bagaimana dengan peralatan membersihkan diri? Apakah kaka juga menyediakannya untuk Y?

E Pasti itu ade, kaka siap peralatan mandi samua, sabong mandi, odol gigi, sikat gigi. Kaka bawa datang ka RS. Tapi Y mau membersihkan diri samua tergantung Y to, katong seng bisa paksa.

700

P Lalu kalo pakaian yang bersih? Kaka bawa juga tiap hari?

E Seperti yang ade liat kamareng, kaka datang ka RS bawa pakaian bersih par Y. Nanti Y pakaian kotor, kaka bawa pulang cuci nanti bawa yang laeng lai yang bersih. Karna suster-suster bilang Y ni tiap saat ganti baju tarus (sambil tertawa).

705

P Dengan Y ada di RS seperti ini apakah kaka dong mengasingkan Y dari kaka dong pung kehidupan keluarga?

E Seng pernah ade. Katong selalu dekat dengan Y. Kalo katong mengasingkan Y dari katong pung kehidupan, katong seng mungkin datang besuk Y tiap hari di RS to. Mungkin katong akan kasi tinggal Y di RS saja. Tapi karna su masuk RS bagini, katong harus lia tarus, harus datang jenguk to.

710

P Dari keluarga, ada yang menganggap bahwa Y ni merupakan aib dari keluarga?

E Katong seng anggap Y ni aib dari kaluarga, yang katong tau Y katong pung sudara parampuang, itu saja ade.

715

P Apakah keluarga memuji jika Y minum obat dengan teratur?

E Kaka jaga tanya suster Y su minum obat kablom? Kalo suster bilang sudah, kaka bilang par Y hebat su minum obat. Minum obat yang teratur supaya cepat sembuh lalu mau kaluar dari RS.

720

P Kalo misalnya Y melakukan hal yang benar seperti minum obat teratur atau yang lainnya terkadang kaka kasi hadiah kaseng kaka?

E Seng pernah ade, kaka cuma bilang hebat saja. Kalo bilang bagitu Y cuma tatawa saja.

725

Page 23: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Kalo Y sedih, kaka dong menyemangati Y kaseng?

E Kasi semangat to, jang talalu sedih deng jang talalu pikiran. 730

P Apa kaka dong jaga bawa datang makanan yang paling Y suka?

E Y tu suka biskuat, susu ultra, makanan-makanan ringan saja, minuman-minuman kaka jaga bali lalu bawa datang deng Y pung makanan siang skali.

735

P Bagaimana kaka menanggapi keluhan-keluhan yang Y sampaikan par kaka?

E Kaka kasihan lai to ade, karna kaka kan orang saudara. Dengar Y bilang mau wisuda agustus, kaka mau biking apa. Kaka hanya bisa kasi saran saja, jang pikiran supaya cepat kaluar dari RS.

740

P Adakah dorongan dari keluarga par Y supaya cepat sembuh?

E Pasti kasi dorongan ade. kaka hanya bilang jang pikiran, kalo ada yang bilang bagini deng bagitu, Y jang percaya, jang dengar orang, dengar katong saja, dengar dokter, suster deng mantri dong bilang apa, baru iko. Kalo lain dari itu, jang dengar.

745

P Oke kaka, katong sampe disini dolo. Kalo beta masih membutuhkan nanti beta datang lai kaka.

E Iya ade, nanti hubungi kaka saja. 750

P Iya kaka, Trima kasih banya kaka. Tuhan Yesus Memberkati

E Sama-sama ade. Tuhan Yesus Memberkati lai 755

Tabel 5. Wawancara dengan partisipan 3

Tanggal 8/6/2014

S Isi percakapan K

P Hallo om

B Iya nona 760

P Om, perkenalkan beta Chelsea. Mahasiswa Fakultas Ilmu Kesehatan dari Salatiga. Sesuai yang sudah dijelaskan kepala ruangan tadi om, beta ada butuh data par beta pung skripsi ni om. Om bersedia beta wawancara? Sekalian wawancara ini beta akan rekam menggunakan handphone om.

B Iya nona. 765

P Om, sebelumnya ini ada surat persetujuan om. Beta kira om baca ini dolo. Setelah itu, om bisa tanda tangan di bagian blakang.

B Oia nona (sambil membaca dan setelah itu menandatangani surat persetujuan).

770

Page 24: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Om katong mulai e

B Iyah nona, mulai sa. 775

P Ok om. Menurut om apa saja peran sebagai orangtua?

B Mencari nafkah untuk keluarga. Kasi sekolah anak-anak. 780

P Kalo N dalam kondisi seperti ini, apa peran om sebagai orangtua?

B Datang lia N tiap hari nona. 785

P Menurut om, apakah om deng tanta dirumah sudah melakukan peran sebagai orangtua dengan maksimal kablom?

B Sudah nona 790

P Peran yang bagaimana om?

B Mencari nafkah, kasi skolah anak-anak, bahagiakan istri deng anak-anak.

795

P Trus bagaimana komunikasi antara om, tanta deng anak-anak terlebih par N di RS?

B Baik, biasa-biasa saja. Kalo N, om datang lalu bicara-bicara deng dia.

800

P Bicara apa om?

B Om bilang rajin minum obat, dengar suster deng mantri. Kalo suruh minum obat tu minum obat. Karna N ni paleng seng suka minum obat. Kalo suster deng mantri seng lia dia minum obat, dia seng akan mau minum obat tu lai. Jadi om kasi ingat minum obat tarus.

805

P Lalu yang mengambil keputusan untuk bawa N ka RS ini sapa om?

B Om deng istri yang ambil keputusan sepakat bawa N ka RS, kemudian baru bicara dengan keluarga besar.

810

P Selain N adakah anggota keluarga lain, yang menderita gangguan jiwa?

B Seng ada, baru N saja. Baru pernah ini, om punya anak. 815

P Menurut om, apakah N membutuhkan kasih sayang seng?

B Iya, butuh kasih sayang. Om pung anak-anak samua om sayang.

820

P Kasih sayang yang bagaimana yang om kasi?

B Kalo untuk N disini, om datang tiap hari liat dia pagi deng sore, bawa makanan. Tunggu sampe dia makan deng minum obat baru om pulang. Untuk anak-anak dirumah, minta apa saja om kasi asalkan harus dengar-dengaran deng rajin belajar. Om punya anak-anak itu, om paling sayang semua.

825

P Apakah om punya hubungan yang paling dekat dengan N atau tanta dengan N, atau kedua-duannya yang punya hubungan paling dekat dengan N?

B Iya, om deng tanta deng samua anak-anak itu punya hubungan paling dekat. Seng ada yang labe deng seng ada yang kurang, samua sama.

830

Page 25: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Trus om, bagaimana cara membagi waktu, memberikan perhatian dan kasih sayang kepada anggota keluarga yang lainnya om?

B Yang tadi om su bilang, samua om pung anak-anak om sayang, perhatian samua om kasi, seng ada yang kurang seng ada yang labe. Jadi kalo om bage waktu untuk semua anak-anak itu sama, kecuali N karna ada aturan jam besuk to. Om kalo pulang kerja, malam-malam tu om jaga bilang sombayang selalu to, pi ngaji, istirahat, rajin belajar, selalu dengar-dengaran par papa deng mama.

835

P Jadi waktu yang om habiskan dengan N disini setiap hari? Pagi deng sore kah om?

B Iya, om kalo deng dia selama ini tu setiap hari ada disini. Yang tadi om su bilang, pagi deng sore om datang lia N bawa makanan. Karna om sayang anak-anak samua.

840

P Hal-hal yang om lakukan untuk mendorong N berinteraksi dengan orang lain tu apa saja om?

B Dia kalo dudu dengan perawat-perawat, om kasi dia bicara dolo dengan perawat-perawat bertukar pikiran, kasi waktu supaya bisa bicara dengan orang lain.

845

P N masuk dalam perkumpulan-perkumpulan disekitar rumah kaseng om?

B Oh ada. Dia ada iko kumpulan juga. 850

P Perkumpulan seperti apa om?

B Ikut pemuda to, pengajian juga. 855

P Trus apa saja yang om lakukan supaya N dapat berpartisipasi dengan lingkungan sekitar?

B Om kasi nasihat, kalo ada acara apa-apa ikut, kegiatan apa-apa di kampung ikut to, supaya interaksi dengan orang lain itu baik.

860

P Acara deng kegiatan apa om yang ada di kampung?

B Misalnya pengajian, Sholat di Mesjid apapun kegiatan ikut. 865

P Lalu bagaimana interaksi antara N dengan warga sekitar lingkungan om?

B Baik-baik saja nona. 870

P Adakah peran yang N lakukan di masyarakat om?

B Dia biasa kalo disana tu kan ada dia pung tamang bidan desa dua orang, kalo ada acara-acara, kegiatan-kegiatan di puskesmas bagitu sering dong panggel dia catat-catat ambel data.

875

P Bagaimana tanggapan masyarakat dengan kondisi yang dialami N sekarang om?

B Ada yang merasa perhatian, kasihan bagitu. Karna, selama dia hidup kan dia tidak pernah mendapat sakit ini, om pung keluarga deng tanta juga seng ada yang dapat sakit seperti ini.

880

Page 26: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

Tiba-tiba dia dapat itu ya kasihan lia dia seperti ini.

P Om pung ana-ana ada brapa om?

B Ada empat nona. 885

P Dari keempat orang itu ada yang sudah menikah om?

B Belum ada nona 890

P Jadi jumlah anggota keluarga dalam om pung keluarga ada brapa om?

B Ada anam sa nona. Om pung anak ampa orang, istri deng om saja.

895

P Dalam keluarga siapa yang menjadi tulang punggung keluarga om?

B Om nona. Tapi tanta juga bantu-bantu biking jualan. 900

P Jadi om karja apa?

B Om karja jadi kuli bangunan nona 905

P Om pung pendapatan brapa kalo kerja jadi kuli bangunan?

B Kadang-kadang juga kalo kerja di bangunan kalo katong pi karja sahari anam puluh adakalanya juga lima puluh.

910

P Lalu tanta sahari bajual dapa barapa om?

B Sahari tu lima puluh saja 915

P Dengan penghasilan kecil yang didapat itu, pake untuk apa saja om?

B Pake untuk bayar uang sekolah anak-anak, untuk keperluan dalam rumah, makan tiap hari juga nona.

920

P Apakah dengan penghasilan yang kecil, membayar uang sekolah anak-anak, keperluan dirumah dan untuk makan tiap hari, om merasa bahwa itu cukup kaseng?

B Dengan penghasilan kaya bagini nona, cukup deng seng cukup harus cukup. Yang penting anak-anak bisa makan, bisa sekolah.

925

P N masuk disini menggunakan jamkesmas atau biaya sendiri om?

B Pake jamkesmas nona 930

P Dengan N masuk disini, keluarga merasa terbaban kaseng om?

B Seng ada, karna su ada jamkesmas itu. 935

P Apa yang pertama kali dilakukan jika ada anggota keluarga yang sakit om?

B Harus memberikan pertolongan buat dia to. 940

P Pertolongan seperti apa om?

B Langsung bawa ke puskesmas. 945

P Sejak kapan om ketahui N sakit seperti ini?

B Om ketahui dia itu waktu ada dirumah dia diam dudu carita sandiri-sandiri.

950

P Om bisa jelaskan kronologis sampe N bisa ada disini om?

Page 27: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

B N saki ini sudah dua tahun yang lalu, itu saat dia masih SMA. Seng tau sampe kanapa nona. Dia hanya diam, dudu carita sandiri-sandiri lalu marah om bawa ka dokter umum, tapi om seng tau kalo itu sakit jiwa. Om su bawa ka dokter umum tapi abis itu dia masih marah-marah, om ambe keputusan deng istri bawa ka RSKD sini.

950

P Adakah upaya yang om deng keluarga lakukan par N skarang ini?

B Ya katong berikan dukungan par dia supaya dia minum obat, supaya sehat, supaya cepat pulang. Katong juga berdoa buat dia.

955

P Baik om, beta rasa wawancara skarang ini sampe disini dolo om. Nanti beta lanjut ketemu om dirumah dengan tanta jua kalo tanta ada dirumah.

B Iya nona. Mau datang kapan? 960

P Om beta datang lusa jua. Om ada dirumah seng?

B Iya nona, om dirumah siang-siang 965

P kira-kira jam brapa beta bisa datang ka rumah om?

B Sekitar jam 2 bagitu saja jua nona. 970

P Oke om, nanti beta datang lusa ka rumah e. Danke banya om

B Iya nona, sama-sama. 975

Tabel 6. Wawancara dengan partisipan 3

Tanggal 10/6/2014

S Isi percakapan B

P Selamat siang om

B Selamat siang nona 980

P Om jang marah su ganggu siang-siang.

B Seng apa-apa nona, su buat janji tu. Jadi om seng merasa di ganggu.

985

P Danke lai om.

B (sambil tertawa) iya nona. 990

P Jadi om, bagaimana keluarga meluangkan waktu untuk memberikan perhatian par N?

B Tiap hari nona. Yang om su jelaskan kamareng tu. Bawa makanan par dia tiap pagi deng sore. Keluarga yang lain juga sering datang.

995

P Lalu om dengan keluarga lain yang sering datang mengunjungi N apakah N merasa senang atau bagaimana om?

B Iya dia senang kalo ada yang datang lia dia. 1000

Page 28: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Trus bagaimana deng tanta? Tanta seng datang lia N di RS om?

B Tanta ada urus N pung adi-adi lai, dong kalo pulang skolah kan harus ada makanan par dong makan, tanta harus lia dong. Tanta juga harus bajual tiap hari to, jadi kalo ada waktu tanta datang lia N di RS.

1005

P Apakah N seng merasa iri bahwa kanapa cuma papa yang datang tiapa hari lalu mama seng pernah datang lia N disini, mama sering dirumah deng ade-ade. Adakah N punya pikiran seperti itu om?

B Seng pernah nona, karna N jua sayang dia pung adi-adi to. Om yakin, pasti dia mangarti kalo dia mama seng bisa datang karna memang ada urus adi-adi deng harus bajual juga to.

1010

P Dalam memberikan dukungan untuk N apakah om merasa bahwa sudah memberikan yang terbaik?

B Iya. Memberikan dukungan om merasa sudah berusaha memberikan yang terbaik.

1015

P Apakah om sering mengingatkan N untuk membersihkan diri dua kali sehari om?

B Iya. Selalu nona, setiap kali om jenguk N om selalu kasih ingat untuk mandi, sisir rambut deng pake baju yang bersih.

1020

P Apakah keluarga juga mengingatkan N minum obat secara teratur kaseng om?

B Iya nona. Om kalo datang om tanya su minum obat kablom. Kata sudah. Om jaga tanya mantri, suster kalo N ni su minum obat batul kaseng.

1025

P Om selalu mengarahkan N untuk selalu menjaga kesehatan dengan berpola hidup bersih kaseng om?

B Iya. Om itu jaga bilang mandi, sisir rambut pake baju yang bersih yang om su bilang tadi.

1030

P Apakah om selalu mengingatkan N dengan hal-hal yang menyenangkan om?

B Iya, om bilang minum obat supaya sehat, keluar lalu papa beli se hape.

1035

P Pas om bilang seperti itu, bagaimana respon dari N om?

B Dia senang nona. Dia bilang papa batul e, kalo beta kaluar papa bali beta hape.

1040

P Om sering mengenalkan N dengan orang lain diluar seng om?

B Iya, om juga sering bilang buat suster deng mantri tolong lia dia dolo, kalo malam-malam dia minta apa-apa tolong kasi. Nanti beso om datang, om ganti apa yang dia minta dari suster deng mantri.

1045

P Apakah om selalu membuat N merasa nyaman berkumpul dengan anggota keluarga lainnya?

B Iya, kalo misalnya katong samua ada datang rame-rame, om 1050

Page 29: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

pung keluarga atau tanta pung keluarga ada yang datang lia, om bilang mari dudu dekat sudara-sudara deng tanta deng om disini. Pasti dia sanang. Lalu datang dudu, trus mulai carita sabarang-sabarang lalu om pung keluarga deng tanta su tatawa nanti dia ikut tatawa lai.

P Dari om, tanta deng keluarga besar ada yang menanyakan N pung perasaan saat ini kaseng om saat berada di RS?

B Iya om sering tanya deng om sering kasi kuat dia pung perasaan supaya dia cepat sembuh, supaya cepat pulang, jangan pikir-pikir kasana kamari, bagitu nona.

1055

P Saat om tanya N punya perasaan, N jawab apa om?

B Dia bilang beta mau pulang, mau lebaran deng keluarga, nanti su bicara laeng lai nona, su bilang beta su cantik kablom, beta su mirip Nikita Willy kablom? Bagitu-bagitu tarus nona.

1060

P Adakah dari keluarga atau om atau tanta pung keluarga besar yang memberikan informasi sederhana mengenai penanggulan N punya sakit ini om?

B Iya nona. 1065

P Kaya apa saja om?

B Kaya orang bilang buat om bahwa bawa kasana supaya dokter kasi obat buat dia, supaya dia bisa tenang.

1070

P Tadi om bilang bawa kasana ini bawa kamana om? Bawa ka dokter umum yang tadi su disampaikan atau bawa langsung ka RSKD.

B Bawa ka RSKD nona. Karna tadinya su bawa ka dokter umum tapi abis itu dia marah-marah lai. Jadi bawa ka RSKD supaya dia bisa tenang.

1075

P Apakah keluarga memberitahukan hal-hal yang berkaitan dengan N punya kesehatan om?

B Iya nona. 1080

P Seperti apa om?

B Om hanya kasi ingat tarus supaya mandi setiap hari pagi deng sore, rajin minum obat supaya cepat sembuh lalu mau kaluar.

1085

P Ada yang dari keluarga selalu mengingatkan N belajar hal yang baru atau menonton tv kah atau membaca koran?

B Iya nona, cuma seng ada tv untuk pasien mau nonton, hanya ada di ruang suster deng mantri di dalam saja. Dan om pung keluarga besar juga mereka bilang buat om kalo malam-malam itu jaga tidor skali-skali di RS, supaya lia-lia dia. Ini kan RS ada apa-apa dia bataria ka lalu seng ada yang lia dia juga kan kasihan. Makanya om minta tolong suster deng mantri, jaga lia dia malam-malam, dia ada minta sesuatu kasi saja, nanti beso om datang baru om ganti to. Tapi kalo mau tinggal di RS itu seng mungkin karna samua sudah ada jadwal jenguk to, jadi kalo mau tidur kayanya seng bisa.

1090

Page 30: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Apakah keluarga memberikan nasihat kapada N supaya makan dan minum obat secara teratur om?

B Iya, om selalu kasi ingat. Om bilang kalo minum obat, sembuh dan kaluar RS om bali hape. Om bilang bagitu supaya dia sanang to, lalu rajin makan deng minum obat teratur.

1095

P Pernahkah om dan keluarga mengajak N pergi ketempat ramai untuk berinteraksi dengan orang lain?

B Yang om su pernah bilang kalo N ini sebelum sakit, di desa itu jaga ikut dia pung teman yang bidan desa itu untuk catat-catat ambel data, jadi dia pung interaksi dengan warga, om kira baik sekali e nona.

1100

P Om menyediakan fasilitas yang menyenangkan par N kaseng om?

B Kalo itu seng nona, karna samua RS yang su sediakan to. 1105

P Lalu bagaimana dengan peralatan membersihkan diri bagi N om?

B Peralatan membersihkan diri itu om bawa dari rumah kasi par dia di RS. Supaya dia rajin mandi, rajin sisir rambut, deng om suruh pake pakaian yang bersih.

1110

P Jadi om juga bawa N pung pakaian yang bersih kah om?

B Iya nona. Om bawa pakaian par dia. Nanti dia pakaian kotor om bawa pulang par tanta dirumah bacuci.

1115

P Keluarga sering mengajak N berinteraksi dengan orang lain kaseng om?

B Sebelum N saki jiwa, tadi om su bilang dia pi iko dia tamang yang bidan desa itu baku bantu, pi pengajian, acara-acara deng kegiatan desa juga ikut jadi interaksi baik dengan warga. Kalo yang sakarang ini, om jaga datang lia dia dudu carita deng suster deng mantri, om kasih tinggal saja supaya bertukar pikiran deng pendapat to.

1120

P Dengan N ada di RS, apakah keluarga mengasingkan N dari om dong pung keluarga?

B Seng ada nona. Om sayang om pung ana-ana samua. Jadi om seng pernah mengasingkan sapa-sapa. Om pung keluarga deng tanta pung keluarga kalo datang lia dia jua, dong sayang dia. Dong seng mengasingkan dia dari dong pung kehidupan keluarga. Kalo katong mengasingkan dia, seng mungkin katong datang jenguk dia di RS to. Apalai om yang datang jenguk dia tiap hari ni nona.

1125

P Atau om, ada yang menganggap N ini merupakan aib dari om pung keluarga, entah itu om pung keluarga besar atau tanta pung keluarga besar.

B Seng nona. Om deng tanta sayang dia, keluarga lain juga sayang dia. Seng ada yang anggap kalo dia itu aib dari keluarga kami. Seng ada.

1130

Page 31: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Kalo N minum obat teratur, biasanya om memuji N kaseng?

B Om bilang N pintar, kalo minum obat, sembuh, kaluar om bali hape. Itu saja nona

1135

P Atau saat N melakukan hal yang benar, om dong memberikan hadiah par N kaseng?

B Iya nona. Kalo melakukan hal yang benar kaya minum obat teratur, makan teratur, semuanya teratur om bilang beso om bawa makanan yang paling N suka.

1140

P Apakah om selalu mengenalkan N untuk orang lain bahwa N itu bagian dari om pung keluarga?

B Iya nona, om kasi kanal. Kalo ada yang datang bertamu dirumah lalu tanya-tanya N kondisi, om jelaskan par dong. Tapi kalo om mau pi kasi kanal dia par orang tanpa orang tanya dia jua kan seng mungkin to nona. Nanti dong bilang bapa deng ana sama-sama saki jiwa lai (sambil tertawa), seng ada yang tanya, datang kasi kanal. Jadi om kasi kanal dan jelaskan kalo ada yang datang bertamu lalu tanya-tanya N saja.

1145

P Apakah keluarga selalu menyemangati N saat N sedang sedih om?

B Iya. Saat dia sedih pasti om tanya kanapa. Om kasi semangat dia, supaya jang sedih jang nanti biking dia par tamba pikiran lai to.

1150

P Om bawa makanan par N setiap hari pagi dan sore, apakah itu makanan yang paleng N suka om?

B Kadang-kadang sa nona, baru om bawa makanan yang dia suka. Tapi setiap hari om bawa makanan yang biasa-biasa saja untuk dia punya makan siang dan sore.

1155

P Bagaimana keluarga menanggapi keluhan yang N rasakan saat berada di RS?

B Katong pasti kasihan. Apalai ini om pung ana yang pertama nona yang seharusnya nanti yang akan lia dia pung adi-adi kedepan. Dengan kondisi seperti ini, om mau bilang apa nona, cuma om selalu bilang rajin minum obat, sembuh supaya mau kaluar dari RS.

1160

P Apakah keluarga memberikan dorongan buat N supaya cepat sembuh om?

B Iya nona. Itu pasti. Karna om juga mau dia cepat keluar dari RS. Sudah dua tahun ini skarang dia ada di RS. Om deng tanta juga berdoa par dia selalu.

1165

P Tapi om, tanta ada dimana ni sampe beta seng lia daritadi?

B Ada kaluar nona. 1170

P Oia om, katong wawancara sampe disini dolo kapa om? Kalo beta masih butuh data lai nanti beta hubungi om, beta datang ka rumah saja jua e om.

B Iya nona, datang saja. Seng apa-apa. 1180

Page 32: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

P Oke om, danke banya-banya su bantu beta. Semoga N cepat sembuh. Tuhan Memberkati.

B Sama-sama. 1185

Keterangan:

S: Subjek

P: Peneliti

K: Kode

Page 33: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

LEMBAR PERSETUJUAN PARTISIPASI

DALAM PENELITIAN

(Informed Consent)

Judul Penelitian:

“ Fungsi keluarga dalam memberikan dukungan sosial pada pasien

yang mengalami gangguan jiwa di RSKD Ambon”

Undangan:

Peneliti ingin meminta kesediaan keluarga untuk berpartisipasi dalam

penelitian ini sebagai partisipan penelitian. Silahkan membaca lembar

persetujuan ini. Jika ada pertanyaan, jangan sungkan atau ragu untuk

menanyakannya.

Tujuan Penelitian:

Tujuan dari penelitian ini adalah Mengetahui fungsi keluarga dalam

memberikan dukungan sosial pada pasien yang mengalami gangguan jiwa.

Keterlibatan Partisipan:

Selama penelitian ini, peneliti membutuhkan kesedian keluarga untuk

meluangkan waktu. Peneliti akan menemui anda dengan maksud:

1. Meminta anda membaca dan menandatangani lembar persetujuan

partisipasi dalam penelitian.

2. Melakukan wawancara.

3. Meminta anda untuk membaca hasil transkrip (hasil ketikan)

wawancara dan memberikan pengesahan atau persetujuan.

4. Melakukan observasi (pengamatan) saat anda melakukan aktivitas.

5. Melakukan wawancara dan observasi lanjutan untuk melengkapi

informasi.

Penjelasan Prosedur:

Peneliti akan mewawancarai anda, mengobservasi dan merekamnya.

Rekaman ini akan peneliti jaga kerahasiaannya. Dalam wawancara, peneliti

Page 34: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

akan mengajukan pertanyaan tentang fungsi keluarga dalam memberikan

dukungan sosial pada pasien yang mengalami gangguan jiwa; keluarga

yang anggota keluargannya mengalami gangguan jiwa. Untuk menjaga

kebenaran dalam penelitian ini, anda bisa melihat hasil ketikan wawancara

untuk mengetahui apakah transkrip itu sesuai dengan yang telah anda

katakan atau tidak. Anda bisa memberikan koreksi atau perbaikan jika data

yang disajikan tidak sesuai dengan yang telah anda sampaikan atau

lakukan. Semua informasi yang ada anda berikan benar-benar dijaga

kerahasiaannya.

Manfaat dan Resiko:

Peniliti mengharapkan ketulusan anda untuk berpartisipasi. Penelitian ini

nantinya diharapkan bermanfaat untuk:

1. Teoritis

Penelitian ini diharapkan dapat menambah wawasan atau

pengetahuan dalam bidang keperawatan keluarga dan keperawatan

jiwa yang berkaitan dengan dukungan sosial.

2. Praktis

Hasil penelitian ini diharapkan dapat menjadi masukan yang berarti

bagi setiap perawat yang berada di rumah sakit jiwa dalam

melakukan asuhan keperawatan pada pasien gangguan jiwa yang

tidak hanya berfokus pada perawatan di rumah sakit tetapi juga

dukungan sosial dari keluarga.

3. Keluarga

Hasil penelitian ini diharapkan dapat menjadi pembelajaran nyata

kepada keluarga bahwa pasien gangguan jiwa harus mendapatkan

dukungan sosial dari keluarganya.

Penelitian ini tidak memiliki resiko yang akan membahayakan keluarga

secara fisik.

Jaminan Kerahasiaan:

Kerahasiaan anda akan peneliti jaga. Peneliti tidak akan menyebutkan

nama anda. Peneliti hanya akan memberikan nama samaran atau inisial.

Semua informasi yang anda berikan akan dijaga kerahasiaannya sehingga

identitas anda tetap terlindungi. Wawancara akan direkam dan kemudian

diketik. Hasil observasi akan dituliskan dengan metode penulisan deskriptif.

Semua informasi menjadi rahasia peneliti. Hasil penelitian ini akan

dipublikaskan sebagai skripsi.

Page 35: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.

Hak untuk Berpartisipasi dan Mengundurkan Diri:

Anda dengan sepenuhnya bersedia berpartisipasi dalam penelitian ini.

Tetapi sewaktu-waktu anda bisa menarik diri untuk tidak terlibat dalam

penelitian ini. Jika ada pertanyaan, anda tidak perlu sungkan atau ragu

untuk bertanya. Salinan dari surat persetujuan ini akan menjadi milik anda

untuk disimpan.

Partisipan memahami semua informasi di atas dan dengan ini menyatakan

kesediaan untuk berpartisipasi dalam penelitian ini.

Tanda tangan partisipan Tanggal

Inisial: partisipan menyetujui perekaman wawancara

Peneliti telah menjelaskan penelitian ini kepada partisipan diatas sebelum

meminta persetujuannya untuk terlibat dalam penelitian ini.

____

Tanda tangan peneliti Tanggal

Mahasiswa Peneliti: Dosen Pembimbing

Chelsea F. Wenno Pembimbing I:

Mahasiswa Fak. Ilmu Kesehatan UKSW Ratriana.Y. E.Kusumiati, M.si., Psi

Email: [email protected] Pembimbing II:

Suszallina Allo Posende, S.Kep., Ns

Page 36: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.
Page 37: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.
Page 38: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.
Page 39: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.
Page 40: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.
Page 41: Fungsi Keluarga dalam Memberikan Dukungan Sosial pada …repository.uksw.edu/bitstream/123456789/9048/8/T1_462010007... · di Piru sana jua amper seng talalu bergaul deng tetangga.