Orang Samariayang hati mas

Lukas 10:25-37

UBB Seri Cerita AlkitabBahasa Kupang

Orang Samariayang hati mas

Lukas 10:25-37

Unit Bahasa dan Budaya (UBB)Seri Cerita Alkitab

Bahasa KupangKupang, NTT, Indonesia

Copyright © 2017, 2018, Unit Bahasa dan Budaya (UBB), Jl. S.K. Lerik,Kota Baru, Kupang, NTT, Indonesia

http://creativecommons.org/licenses/by-nc-sa/4.0/Anda tidak boleh menggunakan karya ini untuk keperluan komersial.Anda dapat menyesuaikan dan menambahkan ke karya ini, namun Andahanya dapat mendistribusikan hasil karya tersebut di bawah lisensi yangsama atau serupa dengan yang ini. Anda harus menghargai hak cipta danpengakuan untuk para penulis, ilustrator, dsb.

Text asli diambil dari ‘Tuhan pung Kata-Kata: Janji Lama (pilihan) dengJanji Baru’, © 2016 Unit Bahasa dan Budaya. Dipakai atas izin.

Images courtesy of © Sweet Publishing (www.distantshores.org)

Bahasa Kupang   (Lukas 10:25-37)Orang Samaria yang hati mas

Cesarina Fernandes, S.S.Yang susun buku ini:Dewan Redaksi UBB Seri Cerita Alkitab:    (Prof.) Dr. Charles E. Grimes    Pdt. R. Bobie Mengi    Pdt. Adriana Dukabain-Tunliu    Ben Grimes

Untuk kalangan sendiri

1

Satu kali, ada satu ahli hukum Yahudibadiri ko mau hiki sang Yesus.Dia tanya bilang, “Bapa Guru! Tolong kasitau doo! Beta musti bekin apa, ko biar betatau beta bisa dapa idop tarús sama-samadeng Tuhan di sorga?”

2

Yesus manyao bilang, “Ba'i Musa tulis apaso'al ini hal? Lu pung mangarti karmanasang dia?”

3

Itu orang kasi tau bilang, “Dia ada tulisbilang, ‘Lu musti sayang sang Tuhan Allah

dari samua,lebe te Dia yang hak parentasang lu. Tagal itu, lu musti salalu rindusang Dia, karjá karás ko iko Dia pung mau,deng mangarti sang Dia.’Ju ada tulis bilang, ‘Lu musti sayang lupung sodara, sama ke lu sayang lu pungdiri sandiri.’”

4

Yesus balas bilang, “Batúl! Kalo lu bekiniko bagitu, lu idop deng Tuhan tarús-tarús.”Ma itu orang ada mau bekin diri ke orangalim sa. Ais dia tanya sang Yesus bilang,“Ma beta pung ‘sodara’ tu, yang mana?”

5

Ju Yesus manyao bilang, “Bagini! Beta maukasi satu umpama. Nanti lu kasi tau, manayang batúl-batúl ‘sodara’.Dia pung carita bagini: ada satu orangYahudi barangkat dari kota Yerusalem,jalan turun pi Yeriko.

6

Ma takuju sa, ada tukang rampok dongdatang korfei barmaen sang dia. Dongpapoko sang dia, ais rampas ame dia pungdoi deng dia pung pakean samua. Tarúsdong lempar buang sang dia di pinggirjalan, ais jalan kasi tenga sang dia. Ituorang su amper mau mati sa.

7

Ma sonde sangka-sangka, te ada satukapala agama Yahudi yang jalan turunlewat di situ ju.Ma waktu dia dapa lia ada orang luka-lukayang talempar di pinggir jalan, dia sondebarenti ko tolong sang dia. Dia serong pisablá ko jalan tarús sa.

8

Sonde lama, ju ada satu orang laen yanglewat di situ. Dia tu, orang dari suku Lewiyang biasa bantu di Tuhan Allah pungRuma Sambayang Pusat. Waktu dia dapalia itu orang talempar di pinggir jalan, diapi lia deka-deka sa, ma sonde tolong sangdia. Tarús dia serong pi sablá ko jalantarús.

9

Sonde lama lai, ada satu orang dari da'eraSamaria lewat di situ deng dia pungbinatang keledai. Kotong samua tau bilang,orang Yahudi biasa lia deng sablá matasang orang Samaria dong.Naa, waktu ini orang Samaria lia itu orangyang kaná rampok tu, ju dia jato kasiansang dia. Dia datang deka-deka ko mautolong itu orang. Dia po'a anggor ko kasibarisi itu orang pung luka-luka dong, aisdia taro minya pi.

10

Tarús farbán bae-bae sang dia, ju angkakasi nae pi atas dia pung keledai. Ais diabawa itu orang pi sampe di kota. Tarús diakasi manumpang itu orang di losmen, dengurus bae-bae sang dia.

11

Dia pung beso, itu orang Samaria pi kasipanjar doi, dua perak di tuan losmen, dengkasi tau bilang, ‘Pake ini doi ko urusbae-bae itu orang saki sampe bae. Kalosonde cukup, na, tolong pake tahan bapapung doi doo. Waktu beta bale lai, nantibeta ganti bapa pung doi samua.’”

12

Yesus pung umpama sampe di situ sa. AisDia tanya sang itu ahli hukum bilang, “Ikolu, mana yang batúl-batúl ‘sodara’ buat ituorang yang kaná rampok tadi tu?”Itu orang manyao bilang, “Tantu sa, ituorang yang jato kasian sang dia.”Yesus bilang, “Batúl, bu! Pi su, ko bekiniko.”

13

14