Khutbah idul adha 1436 h bugis

KhutbahIdulAdha ��H

Irfan Syamda Page 0

Phone: +6285299554705

Email: [email protected]

Blog: http://irfansyamd.blogspot.com

Mahasiswa STAIN Watampone

Jurusan Syariah dan Ekonomi Islam

Prodi Ekonomi Islam

Irfan Syamda

Khutbah Idhul Adha

Versi Bahasa Bugis

1436 H/2015 M

Forum Silaturahmi Pecinta Ekonomi Islam

(FSP-EKIS) AL-FALAH BONE


Irfan Syamda Page 1

السلم علیكم ورحمة هللا وبركا تھ

هللا اكبر كبیرا والحمد هللا كثیرا وسبحان هللا )x)9هللا اكبر

بكرة واصیال الحمد � الذي فرض الحج على عباده الى بیتھ

الحرم.اشھد ان الالھ اال هللا وحده ال شریك الھ. واشھد ان دمحما

عبده ورسولھ. اللھم صل وسلم وبارك على سیدنا دمحم وعلى

لمون اكرم اوصیكم الھ وصحبھ اجمعین.اما بعد. فیا ایھا المس

وایاي بتقوى هللا وطاعتھ لعلكم تفلحون. فقد قال تعالى اعوذ

با� من الشیطان الرجیم. ﷽��.

Kaum Muslin Dan Muslimat Yang Berbahagia

Rilalenna iye Essoe engkaritu esso marajata idi

umma sellenge, nasaba engkanai tampu siagae egana

Hikmah. Engkae manengi makkokkoe sininna Umma

Selleng paddupai tanra assedi-seddinna, pada papolei

Hari Raya Qurban 1436 H. Pada masseddi ada,


Irfan Syamda Page 2

masseddi ati, pakarajai Puang Allah Ta’ala, Puang

de’gaga wedding risompa sangadinna alenami matti.

Dengan Tahmid, Tasbih, dan Takbir Allahu Akbar,

pada mainge manekki paimeng pakabarui teppe’ta lao ri

Puang Allah Ta’alah, pada melo tobakengi sininna

dosa-dosata. Samannai iye essoe bosi pammase, lempe

addempeng, namali maneng sininna dosa-dosata,

bahkan Iye essoe, pa’pakedona ati matere’e,

pappalemmana ati matedde‘e, paburu’na ati matojoe.

Naelorekki Agamata situlung-tulung, simase-

masei, baek tokasi-asi, tausogi, ana-ana,tomatoa,

nenniya tomapparenta sibawa rakya’na, nasaba pura

ripahangi makkedae “ Naiya Puang Allah Ta’alah,

de’natangnga ri rupanna nenniya rioli’na atanna,

de’napasilaengengi nasaba waramparanna,

makkotoparo de’nanilai atanna nasaba pangka’na.

Makkedai Puang Allah Ta’alah:

ان أكرمكم عند هللا أتقا كم


Irfan Syamda Page 3

Bettuanna : Majeppu kaminang malebbi pole ri iko

Tummennang, risesena Puang Allah Ta’alah,

iyanaritu tau metau‘e (orang Muttaqin).

Jaji de’nasitinaja idi Umma Sellengge situnai-tunai,

sipandang-pandang enteng, siuja-uja, sisinggung –

singgung, enrenge sibenci-benci, nasaba seddimi nenek

iyamaneng-manengi, iyanaritu Neneta Adam, nenniya

pole komanemmi uwae sitetti,e namatunna, nenniya

lesui paimeng mancaji bakke makebbong namariawa.

Narimakkuannanaro asseddiki rigau engkata “Rebba

Sipatokkong, Mali Siparappeng, Malilu Sipakainge,

Sirui Menre Tessirui Nonno” bettuanna de’ nacinnai

waramparang tulunggi padanna rupa tauwe, labbi-

lebbipa narekko kepentingan agamata nenniya bangsata.

Allahu Akbar 3×

Hadirin Jamaah Idul Adha Yang Dimuliakan Allah.

Upeppaha, alabappaha, napunnai tau engkae

pasilennerengi pakasiwiyang Hajie, rigau engkana

Puang Allah Ta’alah nakkattai simata-mata.


Irfan Syamda Page 4

Makkedai Nabita Muhammad Saw :

الحج المبرور, لیس لھ جزاء اال الجنة

Bettuanna : Naiya Hajji ritarimae, de’gaga pamale’na

sangadinna suruga pammasena Puang Allah Ta’alah.

Hati siapakah yang tak tertarik, perasaan siapakah

yang tak bahagia, manusia siapa yang tak bercita-cita

untuk muncapai keistimewaan itu. Belo-belo tennapaja,

manniya temmapettu, mannawa-nawa temmagangka,

mamminasa ri mekka, mattinja ri madinah, sapui

Baetullah, bau’i Hajratul Aswad. Naikiya makkedai

Nabitta Saw, mega matu tau ri esso rimunrinna Puang

Allah Ta’lah pada sappai appalanna Hajjina, naikiya

de’igaga nalolongeng, sangadinna paccallannami Puang

Allah Ta’alah, nasaba menrei Hajji Tania Puang Allah

Ta’alah simata nakkattai, naikiya maelomi riaseng tau

sogi,tokepangka, Acilakappaha nenniya arogippaha tau

makkamala’e taniya karana Allah Ta’alah nakkatai.

Nari makkuannanaro na ma’pangaja Nabita Saw:

انما األعمال بالنیات, وانما لكل امرئ ما نوى


Irfan Syamda Page 5

Betuanna:

Tungke-tungke amalae engkapi nasibawai nia,

neniya majepunnani tungke-tungke amala’e

ilolongengi sesuai aga iniyakeng.

Jaji engka laloki pakessingi niatta nasaba agatona

gunana amalae narekko de’natarimai puang Allahu

Taala, engka bawammi sia-sia, bellang linro

makkaddaroo uttue, cappu warang-parangge de’ gaga

naruntu, sangadinna saisai tau pille atau rugi. Jadi pada

tanekki deceng, “risappoi nasaba 2 kalimat syahadat,

narialitutui nasaba sempajang 5 wettue, ribajai nasaba

sekke, ribollo nasaba puasa, mabbua nasaba suruga,

rienggalai nasaba pammasena puang Allahu Taala.

Nainappa rinasui rioring mappesonae, rigarui nasaba

sinruu akkalitutu, risappoi nasaba cenning ati

kininnawa, narijagai aja nanrei balawo sereati,

nallekkeki cicca puji ale, nabboloanggi 5

atakabborokeng nato saju ritengga laleng sapu ripale,”

makkedai nabitta Saw.


Irfan Syamda Page 6

جنة من كان مثقال زرة فى قلبھ من كبرالید خل ال

Bettuanna: de’nauttama suruga tau engkae tokabboro ri

laleng atinna mauni pappada kumu-kumu.

Allahu Akbar (3x) Kaum Muslimin Muslimat

Rahimakumullah.

Iyyae essoe ripadang Arafah majjuta-juta jamaah

hajji pada passokui rokong paccapurenna agamae, pada

nasalai kaluargana, warang-paranna, kamponna.

Masseddi pakaiang, mapute sassa de gaga pajjaina,

gangkanna de’ narisseng pasilaingenggi tau sogie, tau

kasi-asi, rakyat biasa, engkapangka’na pada-pada

maneng, seddi ada, seddi ateka, seddi pangkaukeng.

Lila mappuada, ati mappattongeng, lanro ale mappegau,

seddimi tujuanna, de’gaga nakkatai sangadinna

pagobbina Puang Alla Taala iyanaritu:

لبیك اللھم لبیك, لبیك الشریك لك لبیك,ان الحمد والنعمة لك

والملك الشریك لك.

Engka manenni makkokoe mancaji tanrang nenniya

bukti makkedai. Topeddi, tau sogi, anak-anak, tomatoa,


Irfan Syamda Page 7

rakyat atau tau engka pangka’na, de’ gaga silaingenna,

rook pada rroko, suju pada ssuju, tudang padattudang,

pada marenggerang massompa lao ri Puang Alla taala.

كروني أذ كركم واشكرو لي وال تكفرونفاذ

Bettuanna: Nigi-nigi maringgerang lao ri puang Allahu

taala, puang Allahu taala menggerang toi, nigi-nigi

takkalupa, majeppu riallupai toi ri puang allahu taala

(QS. Al-Baqarah:152)

De’gaga puang maraja sangadinna puang Allahu

Taala, de’gaga wedding rionroi massompa sangadinna

puang sewwae. Nakkanre paku jembatang seppipi

namalara, singkerru silariang teddeng pabbukkanna.

ان الصالة ونسكي ومحیا ي ومما تي � رب ا لعا لمین

Bettuanna: Nennniya sempajakku,

pakkasiwiakku/perjuanganku, tuoku nenniya mateku,

engka maneng nappunai puang Allahu Taala paung

risininna alangge.


Irfan Syamda Page 8

Allahu Akbar (3x) Walillahil Ham

Jamaah yang berbahagia

Saisa topi peristiwa maraja natampu iyyae essoe,

hari raya kurban yanaritu peristiwa yang pernah terjadi

lao ri Nabi Ibrahim As, riwettunna riparentang ri puang

Allahu Taala makkarobanggi ana’na, iyyae mancaji

ujian puang Allahu Taala patanrei derajaanna seddie

atanna nawerenggi siagae egana paccoba nenniya ujian,

nabi Ibrahim ritellai ambonna tau malaboe, bahkan

Ibhim As pura makkaroba 1000 bembe, 300 sapi, 100

unta, nalolongenna pengakuan pole ripuang Allahu

Taala, ata kaminag Malabo tou ri lebo’na linoe,

iyyenaro wettua makkedai Ibrahim bennenggi

nawerengka anak puang Alaahu Taala, namuni anakku

melo tokka makkarobanggi.

Rirampei rilalenna akurang malebbie makkeda

Nabi Ibrahim As mappulo taunni purana botting, de

gaga wijanna, nassabari natuli mellau doang esso wenni

makkedae:

رب ھبلي من الصا لحین


Irfan Syamda Page 9

Bettuanna: Eh Puang, awerengga dale kasi wija-wija

yang saleh.

Aga ritarimai togenni hajanna parellau doagenna

Ibrahim, namario rennunna, nasaba riwereng ana

sabbara, mengkalinga ada, matturu riparentae,

ana’ripominasae mappulo-pulo taung, cayyana

matanna, buana atinna, aruddani temmapettunna,

angolong temmabokkona tubunna, siang jadi harapan

malam jadi dambaan.

Agana melonna puang Allahu Taala mitai, gangka

tegai teppe’na nenniya lemmuna nyawana Ibrahim de’

toga na ada-adami bawang. Jaji naperenggeranggi

puang Allahu Taala rilaleng tinrona tellummpenni

sidappi-dappi ada-ada purae napau melo nakkarobanggi

ana’na. Riwettu purana mannippi, naobbini ana’na

naenappa maellau tanggana.

یا بني اني اري فى المنام, أني اذبحك فا نظر ما ذا تري

Bettuanna: eh…anakku, majeppu uwitaitaki rilaleng

tinroku, majuppu ugerekki ana, pekkogai tanggamu ana.

Makkedai Ismail


Irfan Syamda Page 10

یا ابت افعل ما تؤمر ستجد ني ان شاء هللا من ا لصا برین.

Bettuanann: eh ambo tapaddupai aga napparentang

puang alla taala, rimunripi natosiruntu matturuu na

sabbara.

De’gaga tauna nabi Ismail melo rigere, nasaba

nataneng memettoi ri atinna makkeda mauni Ulukku

ripalenne ri tanae watakkaleku penno darah majeppu

relaka ikhlaskan narekko elo’na Puang Allahu Taala.

Makkotoparo nabi Ibrahim nasaba megana teppena lao

puang Allahu Taala, na maelo nagere ana’na. Sisebbu

ada seddi gau, nalebbi mupi seddi pangkaukeng

buktikanggi pappojinna lao ri sese arajanna puang

Allahu Taala. Nasaba de’ gaga pappoji malebbi

namatanre sangadinna pappojie lao ri puang Allahu

Taala.

Allahu Akbar (3x)

Jamaah yg berbahagia, ri sewwae wettu nabi

Ibrahim, nasuroi baenena riaseng sitti Hajar

pangujulempui ana’na malanggi pakeang kaminang

makessingge, nainappa bangkung kaminang



matarengge sibawa tulu. Nobbini kasi ana’na ri onrong

masinoe ri empanna sewwae bulu ri Mina. Riwettu

lettu’na, engkanitu Iblis’e nagombal’i Ibrahim

makkedai: eh Ibrahim magi mumelo ggerei ana’mu, de

ga muitai temmaka kessina sipanna nenniya ampena.

Aga pappebalinna Ibrahim, temmakaharo upojinna

anakku, naekiyya passurona puang Allahu Taala, na

ulebbirenggi paddioloi parenta puakku daripada

pappojikku lao ri anakku. Aga laosi iblis’e pengarui siiti

Hajar indo’na Ismail, makkedai iblis’e eh. Sitti Hajar

magi muonro maddongo-ddongo kotu, engkai

lakkaimmu melo ggerei anakmu, nasenggi alena

riparentang ri puang Allahu Taala. Makkedai Sitti Hajar

namuni iyya relatokka digere rekko parentana puang

Allahu Taala. Aga nalaosi ri Ismail makkeda: Eh Ismail

magi mumelo muacceriwi Ambo’mu, de’ga muissenggi

melokko rigere. Makkedai Ismail:

وأطعنا ألمر ربناسمعنا

Bettuanna: kuengkalingani, nenniya kuturusuni

parentana puakku.



Naiyya iblis’e maelo mupi makkuraga pengarui

Ismail, naekiyyah Ismail narempei medde iblis’e. Iyya

tonaro passabarenna nariwajikenggi jama hajjie

maddempe di onrongge Mina, supaya makkacue ri

Ibrahim, Sitti Hajar dan Ismail rempe I setangge.

Riwettu melona rigere Ismail engka pappaseng

paccapurenna lao ri Ambonna makkedae:

1. Eh ambo, riolo de’napa tagereka kasi tasio’i

jarikku, supaya aja urapa-rapa

2. Eh ambo riolo de napa tagereka kasi tapangoloi

rupakku ritanae sarekkoammeng de tatuju pakkitai

matakku nassabari napoleiki essi babua.

3. Eh ambo riolo de napa tagereka kasi talulunggi

limanna wajutta supa aja natabbesi daraku,

nassabari naitasi indokku

4. Eh ambo riole de tagereka kasi tatutu laloi matakku

bara aja uwitai bangkung paggereta

5. Eh ambo narekko tagerekka matu tapagattiri

gettenna bangkutta, bara malomoi amatenge

riseseku



6. Eh mabo, narekko purani tagereka, tasalaini

magatti iyyae onrongge, nainappa tatiwirenggi

indokku wajukku, supaya mancaji

kenang-kenangan ri alena

7. Eh ambokku tapalettukekka parellau addampenkku

nenniya selling pappakarajaku lao ri indokku kasi

supaya nahalallakenggi uwwae susu sitettina purae

winung ninniya patungkana ri iyya riwettu

baeccukku, nasaba tenmaka meloku mpalei roja-

roja siweninna, naekiya tenna elorenggi puang

Allahu Taala.

Allahu Akbar (3x)

Rimunri purana mappaseng Ismail ri indo’na, aga

napatadangni bangku tarenna ri ellonna ana’na. naiyya

riwettu nasoronna bangkunna Nabi Ibrahim Ri ellonna

Ismail tea makkanre bangkunna, ulii de naelo sape, ure

tea pettu, dara tea massolo, juku temmalara, nasaba

elo’na puang Allahu Taala. Makkumemenniro totoe

temmakkanrei anu matarengge de gaga gunana namuni

matareng, temmakangui apie narekko tenna pueloi



puang Allahu Taala. Makkedai Ismail eh ambo

makunritu bangkutta na tea makkanre, nabbettanggi

nabi Ibrahim bangkunna ri batue namapue dua batue

tanrang tarenna. Nasorossi paimeng bangkunna, tapi

teasi makkanre, nabbetassi ri batue mapue duwwasi

batu gangkanna wekka tellu mapue batue. Aga di utusni

malaikat jibril tiwi Kibas pole ri suruga gangkanna gene

wekkatellu nasorong bangkunna nainappa makkanre

nakennai ritu kibas’e tabboncini darana. Sehingga

salamanna Ismail pole ri tarenna bangkungge. Aga

namakkeda puang Allahu Taala:

یا ابراھیم قد صد قت الرؤیا, انا كذالك نجزي المحسنین.

Bettuanna: eh Ibrahim muduppaitu nippimmu majeppu

ikkeng nakiwalenna tau madecengge

Allahu Akbar (3x)

Makkedai to riolota “sabbarakko musukkuru

musikki biritta madeceng muallongi-longi sehingga

benggai tau egae”. Naiyya tau sabbarae lolongenggi

deceng lao ri puang Allahu Taala. Makkoniro Nabitta

saw, napatuoi laleng malebbie mappammulai iyye essoe



rimunri pura ribaca katobbae, nenniya tellunggessso

rimunrinna. Rianjurkan lao ri tomasagenae. Supaya

makkarobai nainappa nabage lao ri tau megae,

sarekkuammenggi ri tau kasi-asie nasaba makkedai

nabitta Muhammad Saw: Naiyya tau makkarobae

riwereng ri puang Allahu Taala tungke-tungke seddie

bulu-bulu seddito deceng.

Sehingga nappasengi Nabitta ri haddese’na makkedai:

ومن وجد سعد فلم یضح فال یقر بن مصال نا

Bettuanna : nigi-nigi lolongeng asagenangeng nade’

nakkaroba, aja’lalo naddepeeriwi onrong

massempajangge.

Sehingga aja laloki naengka ka’betti tanru tedong,

bettuanna nassekkeekanggi aleena, nasaba tau

masekke’e mabelai pole ripadanna rupa tau, lebbi-

lebbipa belana pole ri surugana Puang Allahu Taala.

Naiyya tosi tau malaboe, nagambarakanggi Nabitta

Saw:



السخي قریب من النا س, وقریب من الجنة وقریب من هللا,

وبعید من النا ر

Bettuanna:

Naiyya tau malaboe, macawe ri padanna rupa tau,

macawe pole ri Suruga, nenniya macawe toi pole ri

Puang Allahu taala enrengge mabelai pole ri ranaka

paccallanna Puang Allahu Taala.

Jamaah yang berbahagia, Akkalebarakki ri

pangulutta Nabi Ibrahim as, de’ nacarinnai warang-

paranna, bahkan relai nakkarobang Ana’na nasaba

parentana Puang Allahu Taala. Naiyyamua idi

waramparattami nassurunag engka ripunnai sesuai

kemampuan dan keikhlasatta. Makkotoparo idi

taumatoae makkunraiyye alani contoh ri St. Hajar, de’

nahalang-halangi lakkenna pegau parentana puang

Allahu Taala, bahkan menjadi dorongan lao ri lakkainna

paddupai parentana Puanna. Mancaji toni pangaja lao ri

idi silessurekku maloloe burane makkunrai pole ri

pangulutta Ismail seddi ana matturu lao ri tomatuanna,

kallolo matanre atturuna lao ri Parentana puanna,



punnai sipa malebbi nasabbara, walau maut

menghadangya, takkan mundur sejengkalpun, sebelum

mendapat cita-citanya mendapat ridho dari Allah.

Magana anrasa-rasanna tomatuatta mappamula

natampukki, ganggkanna najajiakki, seddi ajena ri Lino,

seddi ajena ri Ahera. Riwettu salama lempuna

memmaana. Napiara madeecekki, napakkuru sumange

malampe sunge. Napatuntukki mappamula beccutta,

turumpali puse’na massapa dalle hallala, temmaka

pellana essoe, temmaka kecce’na bosie, naengka

riwedding rianre, naengka wedding ripake marongkoso,

siang jadi harapan malam jadi dambaan, bahkan roja

siwenninna tomatuwata nade taullemmpalei mauni

risoppo wekkapitu menre tana marajae de topa

nasiwaja.

Peddipaha kasi to matua punnai ana ma’bali-bali,

ripangajari tennangkalinga, naengkalingasi matu de’si

napegau’i, napegau’si temallaku-laku. Makkedai

adanna tau riolota “ Nigi-nigi ana madoraka ri tau duae

pajajianna, makkatenninggi namaruttung, makkelai



namaruttung, luppe’i namapolo pinceng pute,

teccokkoo temmaccolli, de’ naulle runtui cenninna

atuo-tuogeng Lino, lebbipiha ri Ahera matti.” Jaji idi

engkae mopa tau duae pajajiatta, appedece llaloki lao ri

alena, nasaba makkedai Nabitta Saw:

أل مھا ت.الجنة تحت اقدام ا

Bettuanna: Naiyya suruga koi riyawana palaka ajena

Indo’Ta.

Makkedai pappasenna tau riolota:

“Eh…sininna Kalloloe nenniya ana darae, aja

muonro sawe riwirinna lalengge narekko de’ gaga

parellutta, jokka-jokkaki ripasae mengkalinga ada

pabbalu supaya maccaki massapa dalle hallala,

akka-akkai ajeta lao ri barugae colinggi ada

pakkiade’e,jopa-joppaki lao ri tau mate’e

sarekkuammengi magattiki sadar, nenniya soenggi

limatta lettu ri Masigi’e marengkalinga ada-ada

pappangaja supaya engkaki mainge.”



Allahu Akbar 3x

jamaah yang dirahmati Allah Swt

upuminasai tutui Katobbaku nasaba dua tellu

pappaseng:

1. Risappai deceng mappedecengge ri padatta rupa

tau, sarekkoammenggi namadeceng wali-wali

2. Siri’na padatta rupa tau’e siri’ ta’to temmpeddinggi

idi nassabari natassanra siri’na silessuretta, nasaba

tau de’ naissenggi taro siri’na silessurenna

riasenggi tau massebbo timpo.

3. Akkatennimmassekki lao ri agama, nasaba tau de’

gaga agamana pada laona mattekeng larungeng

de’gaga abbenninna.

4. Aja tapabbiasanggi aleeta ri ja’e, nasaba lele bulu

tellele abiasangeng, pinra bulu teppinra sipa, pinra

mua abbiasangge nasaba abiyasangeng

5. Tettongi nasaba lemmpu’e, ta abbessing kelling

nasaba getteng, akkawaliki nasaba ada-ada

tongeng, tasanreng Indo’ ambo

temmappasilaingngge, tapusipai sipa’na uwwaiyye



naala mariawae, namaladde makkeguna ripadanna

anu ripancajie.

Jamaah Idul Adha Yang Berbahagia

“Mamuarei simata riakkatenning masse’ni Agama

sellengge, riwarekkeng temmalerei bokong

ampikale, natattimpa minasae, nasi ruju-rujukeng

assisompunngeng loloe, natuju pallolang pennie

muttama ri masigi’e, natakkatoro pabbanuae,

namadeceng pulaanai wassele’na pallaong rumae,

nattuju laleng generasi mudae, naengkaki malomo

bangunggi kampotta.”

Eh….Puang engkaki mai pura pasilennerenggi

alleppereng karobae, de’ gaga lain riakkatai sangadinna

riota’mi lollong pammaseta sarekkoammenggi engkaki

pada lolongeng coppo’na atuo-tuongeng deceng,

sanreeseng pulanai assipabbinru-binrusengge, pattimpa

malessinna pakkalinongge, pabburu’na ati matojoe,

nasaba engkani mattugengkeng teppe’e nenniya tau’e

lao ri idi Puang. Eh....Puang makkukkue punnaika dosa

temmaka egana idi’mi mitai sininna ja’ana ampeku,



biasamupi nompori atakabborokeng, nasaba

waramparakku, pangkakku, nasaba abbatirekku,

sehingga uwitai mariawai padakku rupatau.

“E...Puang addampengenggi sininna dosana atatta

warga Kecamatan Ponre Desa ............. Ya..karim,

hilangkanlah aib-aibnya ya Allah, narekko engka

hadere makkokkoe tau de’e nattongeng-ttongeng suju

lao ri iidi e..puang taputtamai mancaji golongan

supaya narasakenggi kessinna suju lao ri iidi,

narekko engka hadere makkokkoe tau madorakae ri

tomatoanna Ya...Rab ampunilah ya karim, pancajiwi

tau mappedeceng lao ri tomatoanna, narekko engka

tau warga Desa ............. pura manre harta haram,

nanre haram, ampunilah e...Puang, sullei dalle’na

mancaji hallala, malomo namakessing, narekko

mabelai dalle’na pacaweki, narekko macipi

palowangi, narekko maressai palomoanggi, narekko

haram hallalaakanggi, Ya Allah yang maha Agung

narekko ajjalenna atatta de’na namaetta rijempu

pancaajiwi sesana umuruna mancaaji mattongeng-



tongeng narasakang kessinna mateppe riidi,

narasakenggi manyameng makkasiwiang lao riidi,

jagai sisa umuru’na pole atassalangge

ya..Arhamarrahimin.

E...Puang ampuni makkotoparo tapassalamai tau

pajajianna atatta, tau riolona atatta, pancaajiwi sisa

umuru’na mabbarakka, jagai teppe’na, linrungi pole

paccipina kobburue iyye bburuenggi kabuttunna,

pabelai pole pellana api neraka jahannam iyye

paccoloi watakkalena, golongkanlah orang tua kami

engkau muliahkan di dunia dan diakhirat kelak ya

arhamarrahimin, Ya Allah addampengenggi dosana

tau pajajianna atatta makkokkoe, awarenggi kekuatan

sehingga umuru’na mancaji mabbarakka sibawa

mancaji asalamakeng lino ahera, Ya Allah

ampunillah guru-guru iyye jellokenggi laleng

paddissengeng nenniya malempue lao ri atatta,

addampengenggi tau iyye engkae mappedecenna lao

ri padanna rupatau, addampengenggi umma selleng

iyye pura pejaajai atatta ya Allah, awerenggi atatta



keluarga makessingge, sakinah, istri yang soleh-

sholeha yang tidak ditipu dan tidak silau di dunia ini,

Ya Allah jadikanlah kami menjadi suami yang sholeh

supaya mancaajiwi contoh nasibawai kebanggaan lao

ri keluarga, dan keturunanna, suami yang dapat

mencukupi rezki, Allah ya karim awerenggi kasi

wija-wija makessingge yanaritu sholeh dan sholeha,

jagai lao ri adorakangge ya Allah, lindungi keturunan

kami dari kekafiran dan kefakiran, kehinaan dunia

dan akhirat, golongkanlah anak-anak kami yang

senantiasa mendoakan kami ya Allah, wahai Allah

Yang Maha gagah pujiwi iyye tau engkae hadere

makokkoe, supaya engka menggerakki ya karim,

supaya engkai sadar, iyye atuogengge maelomiki

makkasiwiang lao ri iidi puang, aja tapancajiwi

atinna marellau kecuali lao riidi, aja tabiarkanggi

masolang atinna, metau kecuali metau lao ri idi

puang, aja dibiarkanggi atinna marellau kecuali

tatarimai minasanna ya Allah, pancaajiwi akhli

sempajang mattongeng-togengge, pappuasa ikhlas,



pemberi sedekah yang tulus, obii’i atatta mancaji

hajji yang mabrur ya Allah...3x, golongkan kami

menjadi penolong, awerenggi kedudukang

sarekkuammenggi natulunggi tau lemmae, nalinrungi

tau lempue, pancajianggi lino makkeguna lao ri atatta

sibawa agamata, idimitu onrong mamminasa,

tapujiwi iyye hadere ri onrong mabbarakkae, ya

Allah.. tapassalamai atatta di Kecamatan Ponre Desa

........, akkai deraja’na ya Allah.

Ya...Arhamarrahimin”.

Tau matoakku nenniya keluargaku Puang...maderi

tuli ubali-bali, maderi wakkada-kadai, gangkanna tetti

uwwae matanna, terri marenni atinna utaro, nappakua

adorakakku lao ri aleena, alenami kasi tetti wali puse’na

lao sapparengga dalle naengka wedding wanre,

makkutoparo upakangka mangongkoso. Dee....usitinaja

muttama suruga-Mu puang...3x, nappakua ja’na ampena

atatta nenniya adorakanna. Naekiyya lebbipaha de’ ullei

tama ri Ranakamu Puang, tama ri api mallumpa-

lumpamu, tama ri api mabbara-baramu Puang.



Tatarimai laloi kasi toba’na warga Ponre Puang...3x,

nasaba upahang makkeda maraja akkamaseki, maraja

addampekki lao risinna atatta.

Amin Yaa Rabbal Alamin.

بارك هللا لى ولكم فى القران العظیم ونفعنى وایاكم بما فیھ من

انھ ھو السمیع لحكیم وتقبل منى ومنكم تالوتھاالیات والذكرا

العلیم. اقول قولى ھذا أستغفر هللا العظیم لى ولكم

ولسائرالمسلمین والمسلمات والمؤمنین والمؤمنات فاستغفروه

انھ ھوالغفورالرحیم.



KHUTBAH KE DUA

هللا اكبر كبیرا والحمد � كثیرا وسبحا ن هللا (7x)هللا اكبر

بكرة واصیال. اشھد ان الالھ اال هللا وحده ال شریك لھ. واشھد

ان دمحما عبده ورسولھ. النبي الكریم وعلى الھ وصحبھ

اجمعین مجاھدین الطا ھرین و حسبن هللا ونعم الوكیل وال

سیدنا حول وال قوة اال با�. اللھم صل وسلم وبارك على

دمحم عبده ورسولھ. أما بعد. فیا عباد هللا اوصیكم وایاي بتقوي

هللا من سماع اللغو. ان هللا ومالئكتھ یصلون على النبي یا ایھا

الذین امنو صلوا علیھ وسلموا تسلیما كثیرا.

واضي اللھم عن األربعة الخلفا ء الرا شدین. ابي بكر وعمر

بعین ومن تبعھم بإ حسان وعثما ن وعلى. وعن التابع التا

الى یوم اللدین. اللھم اغفرلى وللمسلمین



والمسلمات والمؤمنین والمؤمنات واألحیاء منھم واألموات

انك سمیع قریب مجیب الدعوات. ربنا اتنا فى الدنیا حسنة

وفى االخرة حسنة وقنا عذاب النار. عباد هللا ان هللا یأمر

ى وینھى عن الفحشاء بالعدل واإلحسان وایتاء ذى القرب

والمنكر والبغى یعظكم لعلكم تتذكرون. ولذكر هللا اكبر وهللا

یعلم ما تصنعون.

Khutbah idul adha 1436 h bugis

Spiritual

Transcript of Khutbah idul adha 1436 h bugis