Tutorial Wordpress

Seri 1 : Mendaftar di wordpress

Kalu mo beking blog tantu torang musti mendaftar dulu di blog di mana torang suka, ada banya blog di

internet misal, wordpress.com, blogger.com, dll, karna ini tutorial mengenai wordpress jadi kita mo

fokus di wordpress,….

Mar jo mulai, pertama buka browser kebetulan kita pake chrome kong ketik wordpress.com

Nanti mo kaluar wordpress pe halaman muka,…..

Javerly.Wordpress.comPage 1 / 7

Pix For TouLemoh

kalu ngana mangarti bahasa inggris bole langsung klik di

“Sign Up Now!”, mar kalu ngana lia bahasa inggris kong ja

mata tinggi, ngana boleh ganti jadi bahasa indonesia, dia pe

cara klik di dropdown menu di “Preferred Language” ,

kong pilih bahasa indonesia , (sorry bahasa tombulu blung

ada,…………)

Kalu sudah wordpress pe halaman mo kaluar kebanyakan

bahasa indonesia (nyanda samua), …. Mar paling nda ngana

lebe gampang mo mangarti to ?,….

Kalu ngana so mangarti klik jo di “daftar sekarang” , nanti mo kaluar ini ………

Ta so tau apa ngana ja pikir, paling ngana lia kyiapa tu da kaluar bahasa linggis ?... he.. he.. nda apa-apa

yang penting ngana tau dia pe maksud to ?, kalu nintau nda apa-apa tu di bawah bahasa indo…..…..

Javerly.Wordpress.comPage 2 / 7

Pix For TouLemoh

Skarang torang so maso di formulir pendaftaran……… “Nama pengguna” isi deng ngana pe nama, kita

da isi lemoh

“Kata Sandi” isi deng sandi (kita lebe mangarti kalu bilang password…… sorry.. e… bukang so’ inggris,

soalnya itu tu banyakali kita dengar, deng cuma itu tu bahasa inggris kita mangarti..he..he..), kita da isi

“batukubur” (sorry leo e.. bukang ngana tape maksud…he..he..)

“Konfirmasi” isi ulang tu password (sandi…), iko akang tu tulisan kecil di bawah supaya tu password

nda gampang orang jebol……

Tu kotak warna ada tulisan Good , artinya tu password bagus, nda gampang orang mo jebol,…

“Email Address” isi deng alamat email ngana punya, kalu blung punya email, sebelum ini kita da

beking tutorial beking email di yahoo! indonesia, cek jo di situ,… kong beking email… kalu sudah semaso

jo di sini

“Legal flotsam” kalu ngana so OK, kase tanda cek di kotak kecil….

Javerly.Wordpress.comPage 3 / 7

Pix For TouLemoh

Kase tanda di “radio button” Berikan aku blog! (Seperti namauser.wordpress.com),.. mendootu nde

ngana.. he.. he.., nda apa-apa yang penting jadi blog…. Terakhir klik “Next”

Nanti mo kaluar bagini …..

“Blog Domain” isi deng nama blog yang ngana suka, nanti nama ini tu mo jadi ngana pe alamat blog,

kita pilih lemoh…. (mencintai kampung halaman he.. he..) jadi tu blog mo jadi lemoh.wordpress.com,

kalu ngana pilih weles, tantu jadi………. So tau to.. he.. he..

“Judul Blog” Isi deng Judul yang mo kaluar di browser , kalu rupa kita pe blog kong ngana klik, di

browser mo kaluar …Javerly…, kalu ngana teserah, nda ganti juga nda apa-apa, ini wordpress so isi

akang jadi Lemoh’s Blog, kalu ngana nda mangarti sebiar jo bagitu,….

“Bahasa” , ta rasa ngana so mangarti tu tulisan di bawah, to ?

“Privasi” kalu ngana cek tu kotak kecil, ngana pe blog mo dapa lia di google, supaya gampang orang

mo cari ngana pe blog, cek jo tu kotak kecil ……

Javerly.Wordpress.comPage 4 / 7

Pix For TouLemoh

Samua so OK, klik “Signup”

Berikut ada pemberitahuan, cek ngana pe email for mo se lengkap tu pendaftaran, kira-kira bagitu dia

pe arti, kalu salah maklum jo he.. he..,

Berarti skarang kita so musti pigi di yahoo! indonesia, kalu mo pi yahoo! indonesia, ngana nda usah

kaluar dari wordpress, klik jo tu tanda plus di tab bar, nanti ada tab baru (New Tab) , kong ketik

yahoo.co.id

Kalu yahoo! Indonesia so ta buka klik jo di

“Masuk”.

Se maso tu email lengkap , deng password (Sandi) , kalu sudah klik “Masuk”

Javerly.Wordpress.comPage 5 / 7

Pix For TouLemoh

Di “Mail 1 New” so ada tu email for mo se aktif tu account di wordpress (kalu blung ada, ba tunggu

jo…), klik jo di situ…

Tu email pe isi bagini……….

Kalu kita mo rai-rai dia pe arti bagini….

---------------------------------------------------------------------------------------------------------------------------------

Tabea,

Makase so mendaftar di wordpress.com. Kurang satu langka lei kong ngana so bole “ngeblog” di

lemoh.wordpress.com. Klik jo tu link di bawah ini supaya ngana pe blog aktif :

Bla.. bla…. Bla………………………………………

--tim wordpress.com

(Kalu klik tu link kong nda jalan (gagal), copy tu link kong paste di address bar pa ngana pe browser)

------------------------------------------------------------------------------------------------------------------------------------

Bagitu kira-kira dia pe arti………….. ngana pasti so mangarti…..

Javerly.Wordpress.comPage 6 / 7

Pix For TouLemoh

Kalu berhasil ngana mo dapa pesan sama deng ini……

Dia pe arti kira-kira, ngana pe blog so aktif…….. kalu mo maso pake username : lemoh deng password :

batukubur…….

selamat ngana skarang so punya blog… kalu mo lia ngana pe blog klik jo di “View your site” , kalu mo klik

Login juga nda apa-apa,.. coba jo…

Ta rasa ngana so penasaran mo lia bagimana ngana pe blog pe model kang ?,…….. he.. he..

Ni dia………

OK skarang ngana so punya

blog, kalu mo ba tulis di

blog (Posting), dia pe

tutorial nanti berikut der ini

dapa lia so talalu

panjang………… sampai

jumpa lagi… di seri 2….

Javerly.Wordpress.comPage 7 / 7

Pix For TouLemoh