TEAM SINGUKURI “Mamre Erdiate, Mamre Erpemere” BIMBINGEN ... · man SMA, tapi kenca enggo...

BIMBINGEN PA MAMRE GBKP TAHUN 2014 120

USULEN TEMA MAMRE GBKP GUNA HARI BESAR GEREJA

1. Tema HUT : Bapak Kalak Sierkiniteken ( Bdk. Roma 4:11b) 2. Natal : Jadi pasu-pasu man kerina jelma (Bdk. Kejadian 12:3b;

Kis 3:25) 3. Paskah : Kam me teman Dibata (Bdk. Yohanes 15:15-16)

TEAM SINGUKURI BIMBINGEN PA MAMRE TAHUN 2014

1. Pdt. Seth Perangin-angin, M.Th ( Koordinator )

2. Pdt. Vickardo Ananda Ginting, S. Th

3. Pdt. Yunus Bangun, M. Th

4. Pdt. Prananta Jaya Manik, S. Th, MM

5. Pdt. Kalvinsius Jawak, S. Th, M.Si

6. Pdt. Jekson Barus, M. Th

7. Pdt. Mestika Nusantara Ginting, S. Th, M. Psi

8. Pdt. Suenita br Sinulingga, M. Th

9. Pdt. Jennie E. br Keliat, S. Th

10. BPP Mamre GBKP


PENARUH BPP MAMRE

ujin simeganjangna man Dibatanta, sienggo naruhken gerejaNa, Mamre GBKP ku bas tahun 2014 enda. BPP Mamre GBKP ngataken mejuah-juah man banta kerina, selamat memasuki pelayanen Mamre

tahun 2014. Bahan PA Mamrenta tahun enda ikemas sue ras tema pelayanan

GBKP ibas tahun 2014 e me : “Peningkatan Kuantitas SDM yang Berkualitas”. Si tujunna isamping mbangun kiniteken ras karakter, tetap mampu bertahan ibas tantangan jaman globalisasi enda ras tetap eksis mpengaruhi (menerangi) doni si menghybrid (nilai-nilai yang bercampur baur). Alu ermeningkatna jumlah Mamre si SDMna erkualitas iarapken semangat mottonta “Mamre Erdiate, Mamre Erpemere” tetap erkinata ibas situasi kuga gia jamanna.

Bimbingen PA Mamrenta enda iarapken banci nemangati, mereken masuken ras motivasi man banta kerina guna nambahi SDMta. Bujur ikataken kami man pendeta Mamre GBKP ras teamna, kerina penulis bage pe Toko Buku dan Percetakan GBKP Abdi Karya si enggo nikapken bahan bimbingen enda. Isadari kami maka mbue denga kekurangenna. Emaka ngarap kami guna kiniulinna ku wari-wari sireh enda, saran ras masukennta si sifatna membangun. Bagenda me isehken kami, Dibatalah tetap simereken pasu-pasuNa man banta kerina. Bujur

Kabanjahe, 01 Januari 2014

BADAN PENGURUS PUSAT MAMRE GBKP

Ketua Umum, Sekretaris Umum,

(Pt. Ir. Mulia Barus, M.Si) (Pt. Dana Barus, SH, Sp.N)

P


PENARUH IBAS MODERAMEN GBKP

ejuah-juah ras selamat man banta kerina Mamre GBKP ibas kita enggo mentasi tahun 2013 ras ipebengketNa ku bas tahun 2014 enda. Tema pelayanen GBKP ibas tahun 2014 enda, e me : “Peningkatan Kuantitas

SDM yang Berkualitas”. Iarapken guna ncidahken tema pelayanennta enda teridah min peran Mamre GBKP (aksi nyata) baik pribadi bage pe secara lembaga meningkatken SDM. Iarapken kerina Mamre GBKP nggit erlajar nambahi pemetehna, bage pe nampati anggotanta guna banci nambahi SDMna. Enda memang enggo ilakoken Mamre GBKP alu mereken beasiswa man anak-anakta si kuliah. Iarapken gelah program enda itingkatken guna nambahi jumlah SDM si berkualitas ibas gerejanta. Alu bage maka gerejanta GBKP ngasup tetap bertahan ras jadi sira ras terang man doni enda, sue ras fungsi Mamre e sendiri e me jadi bapa (Imam) ibas kerina dampar kegeluhen, subuk ibas keluarga, gereja ras masyarakat, sue ras mottona : “MAMRE ERDIATE, MAMRE ERPEMERE”

Arah litna buku Bimbingen PA Mamre GBKP tahun 2014 enda, iarapken mereken inspirasi ras motivasi man kerina Mamrenta guna radu ras menggumuli kata Dibata guna iterapken ibas kegeluhen pelayanen tep-tep wari sue ras harapen-harapen gerejanta GBKP, e me gelah Mamre ngasup jadi bapa (imam) ibas ndahiken pelayanen Tuhan ibas kerina damper geluhna. Janah bujur man Pendeta Mamre GBKP ras kerina penulis si enggo menggumuli nikapken bimbingen enda, janah iarapken tole gelah ibere Dibata kengasupen guna memajuken Mamre GBKP. Selamat man banta ibas ngelakoken PA Mamre GBKP ibas tahun 2014 enda.

Ibas piga-piga ingan melala nge perkembangen pelaksanaan PA Mamre, enda teridah arah tinggina minat guna nukur bahan PA. Dampar si deban lit ka nge sijadi perbeben ibas piga-piga ingan lenga aktifna perdalanen PA Mamre bagi arusna. Guna si e adi enggo ilitken bahan PA Mamre 2014 enda, iarapken gelah kerina min Mamre i belang-belang GBKP banci nukur ras makeken buku enda guna meningkatken spiritualitas/kinitekenta erpalasken Kata Dibata siorati tep-tep minggu. Selamat memasuki tahun peningkatan kuantitas SDM berkualitas.

MODERAMEN GBKP

Kabid. Persekutuan,

(Pdt. Erick J. Barus, DTh)

M


3. Adi SMA iperhadapken ku bas pilihen antara Nembah berhala ras nembah Tuhan, kita pe genduari megati jumpa pilihen si bage amin gia la seri kal masalahna. Umpamana, antara jabaten, harta, popularitas, harga diri, bentuk-bentuk kiniteken si ndekah, rsd. ras kiniteken man Tuhan. Maka banci kita menang, ula kita nekanken perukuren (berorentasi) doni, tapi berorentasi kiniteken (surgawi). Ula kita mbiar man manusia si hanya ngasup munuh kula, tapi la ngasup munuh tendi, tapi biarenlah kita man Dibata si erkuasa lako namaken kula ras tendi ku bas neraka.30

4. Sikap tegas ras adil bagi si ilakoken Raja Nebukadnesar pe perlu ka nge sikembangken i bas dirinta selaku sekalak pemimpin. Kenca enggo iidahna maka tahan uji kepe kiniteken SMA ras kuasa Dibata si isembah SMA, ia pe mampu menghargai ras nuriken kebenaren e nandangi kerina jelma. Bagi nina i bas Mat.5:37 :”Katakenlah, ‘ue’ adi tuhu janah katakenlah, ‘lang’ adi la tuhu. Lain asangken si e i bas iblis nari kap rehna.”

IV. DISKUSI 1. SMA iperhadapken ku bas pilihen antara nembah berhala ras ntah nembah

Dibata, tapi ia menang i bas persoalen enda. Kita pe megati jumpa persimpangen si bage rupana. Cara rukur si kuga nge si pake ras faktor-faktor kai nge si mpengaruhi maka megati kita talu ? Uga si ban ku wari si reh enda maka kita menang ?

2. Raja Nebukadnesar sempat sempat ernembeh ate bahkan merawa mesangat man SMA, tapi kenca enggo menang kalak enda erkiteken kinitekenna, ngasup denga ia ngaloken kalak enda jadi temanna sada dahin, malah mereken penghargaan man bana. Adi kita jumpa keadaan si bagenda rupana, ngasup denga nge kita ngalokenca ? Turiken alasen si positif.

USULEN ENDE-ENDEN : KEE N0. 202:1,2; KEE No. 75; PEE No. 87;KEE No 183:1-

Pdt. Kongsi Kaban, STh HP. 08126587327

30 Matius 10:28.


Ketegasen iman ras sikap SMA, erbahansa gara pusuh raja, bagi pergara gunuhur si isuruh raja gelah 7 (pitu) kali lipat ban garan asa si enggo-enggona. Tentu banci sigejapken uga kecibal pusuh SMA enda tupung ia iiket guna itamaken ku api e. Kiniteken si murni ras megegeh, erbahansa kalak enda ngasup paguh i bas prinsipna. Api si lit i bas ginuhur Istana bas paksa e, la kepe ngasup nutung kalak si erkiniteken bagi si SMA enda, rikut ras malekat Tuhan si enggo ersada ras ia i bas ginuhur e26. La terjeng la meseng ngenca, bau cimber pe ia lang. Api e pangen nilam (nutung) penjaga si itugasken raja guna ngambekken SMA ku bas ginuhur e, selaku antek-antek kalak si ngimbangi anak-anak Tuhan. Tapi ijenda teridah maka Raja Nebukadnesar tuhu-tuhu betindak adil. La lit dendam i bas dirina. Si mejile e tetap ikatakenna mejile dingen la lit istilah ‘kalah malu’ i bas ia, si erbahansa ia lanai merincuh pe ras SMA enda. Lang ma banci ka nge erkiteken mela iakapna, nina :” Sada matawari pe ateku lanai ras engko teluna”. Tapi kalak enda idilona ndarat i bas ginuhur nari, teridah maka Raja e tuhu-tuhu berubah jadi salut 27man SMA, i bas sikapna, amin pe lit i je unsur memberontak ilakoken kalak enda, jenari iberekenna pe penghargaan mana kalak enda kenaiken pangkat28. Janah si pentingna, ersaksi ia kerna Dibata si isembah SMA, janah nina: “E maka genduari kuperentahken, adi ise gia i bas kerina bangsa, suku tah cakap si ngerana la mehamat kerna Dibata Sadrah, Mesah ras Abednego, la banci lang itampul ras dagingna ikeret-keret, janah rumahna iruntuhken. Sabap la lit dibata si deban si ngasup ngkelini bage hebatna”. (ayat 29). III. PENGKENAINA 1. Arah bahan PA wari si sendah ngingetken, maka maun geluhtab bali ras geluh

SMA, mbue tantangen kiniteken si banci ncedaken ntah pe meneken kinitekenta. Tapi i bas kiniteken si paguh, si erbuah i bas kepatuhen man Tuhan kita tetap menang. Bandingken pe uga Tuhan Yesus ngalaken percuban si reh ku Ia, tetap ijawabNa alu Kata Dibata, dingen la Ia talu.29

2. Tantangen e banci reh buena reh adi kita nggeluh i tengah-tengah bangsa si la nandai Dibata, tah pe si la sada kiniteken ras kita. Janah harus kita tetap megenggeng ras reh tutusna meritaken Berita Si Meriah, gelah Kerajaan Dibata reh belinna (semakin dominan).

26 Ayat 24-25. 27 Ayat 28. 28 Ayat 30. 29 Matius 4:1-11.


PENGANTAR

bas rangka meningkatken kuantitas SDM berkualitas sue program tahunen gerejanta 2014, emaka isi bimbingenta sekali enda iuri merujuk kubas tema : Kiniteken, kepentaren ras Perbahanen (Kuan-kuanen 2:6-8). Benang

merahna e me i tengah kemajuan jaman si pesat ibas iptek dan teknologi, emaka kualitas enggo jadi standart kebutuhan si idarami ras pilihan kerina jelma termasuk anggota perpulungenta. Kebutuhan enda ndorong kerina organisasi termasuk gerejanta erjuang mereken kualitas terbaikna. Dampakna banci jadi turah persaingen ketat ibas kerina level organisasi ibas mereken pelayanan siterbaikna. Efeknya, pelayanen sierkualitas idarami kalak ras maju, sedangken si la erkualitas itadingken, emaka banci jadi bubar pe. Kinata enda banci jadi nandangi nandangi Kategorial Mamrenta adi pelayanenta la lit kualitasna. Tentu maka banci pelayanen Mamrenta erkualitas bagenda, tentu kita anggota Mamre lebe arus tambah kualitasta sebab la mungkin pelayanenta erkualitas adi kita pe kurang kualitasta. Emaka iarapken gelah nggit min kita erlajar. Arah bimbingenta enda adi si ikutilah kerina alu tutus ibas PAnta, yakin kami maka pasti meningkat kualitasta. Alu bage ku lebe kerina pelayannta subuk pribadi bage pe organisasi erhulina, emaka mottota “Mamre Erdiate ras Mamre Erpemere” pasti erkinata. Bagi siteh ras maka ibas tahun 2014 enda ilakoken me pemilihen Pt/Dk ibas gerejanta, Legeslatif ras presiden ibas negaranta. Tentu bimbingenta mbue iarahken gelah Mamre mampu secara erkualitas ndahiken dahin enda. Tapi tetap nge mengacu ku bas tema umum. Alu bage iarapken terpilih serayan ras pemimpin-pemimpin si erkualitas guna syalom man bangsanta khusus jemaatta. Alu bage gerejanta ras negaranta pasti maju. Janah e me tujun gereja Tuhan nggeluh i doni enda maba syalom man kerina jelma. Ibas Bimbingen enda lanai ilitken suplemen guna bahan PA gabungen bagi tahun si lewat, erkiteken menurut laporen, hampir 90 % klasis ras runggun labo make suplemen jadi bahan PA gabungenna, tapi arah bahan PA sienggo isikapken sue tanggalna nge ipakena. Emaka ibas tahun enda tetap nge sidalanken PA gabungen bagi biasana,bahanna si ikuti saja bahan PA sue tanggalna ibas bimbingenta. ADI LIT LA SIANGKA HUBUNGI PENULISNA SI NO HPNA ENGGO ILAMPIRKEN KAMI. Bujur

Pendeta Mamre GBKP Pdt. Seth Perangin-angin, MTh

HP : 081397340320

I


DAFTAR ISI

Penaruh BPP MAMRE..................................................................................... 1

Penaruh Ibas MODERAMEN GBKP ............................................................ 2

Pengantar ........................................................................................................... 3

Daftar Isi ............................................................................................................. 4

BIMBINGAN PA MAMRE GBKP : TANGGAL 26 JANUARI 2014 -01 PEBRUARI 2014........................ 6

TANGGAL 02 - 08 PEBRUARI 2014..................................................... 9 TANGGAL, 09 – 15 PEBRUARI 2014.................................................. 12 TANGGAL 16-22 PEBRUARI 2014....................................................... 15 TANGGAL 23 PEBRUARI-01 MARET 2014....................................... 17

TANGGAL 02-08 MARET 2014 ............................................................. 20 TANGGAL, 9-15 MARET 2014............................................................... 23 TANGGAL 16-22 MARET 2014 ............................................................. 25

TANGGAL 23 – 29 MARET 2014........................................................... 27 TANGGAL 30 MARET 2014 – 05 APRIL 2014.................................. 29 TANGGAL, 06 – 12 APRIL 2014............................................................ 31 TANGGAL 13-19 APRIL 2014................................................................ 34

TANGGAL 20-26 APRIL 2014................................................................ 36 TANGGAL 27 APRIL – 03 MEI 2014 .................................................... 39 TANGGAL 04-10 MEI 2014 .................................................................... 41 TANGGAL 11-17 MEI 2014 .................................................................... 44

TANGGAL 18 – 24 MEI 2014.................................................................. 47 TANGGAL 25 – 31 MEI 2014.................................................................. 50 TANGGAL 08-14 JUNI 2014 ................................................................... 53 TANGGAL, 15-21 JUNI 2014 .................................................................. 56

TANGGAL, 22-28 JUNI 2014 .................................................................. 59 TANGGAL 29 JUNI-05 JULI 2014.......................................................... 69 TANGGAL 06-12 JULI 2014.................................................................... 64 TANGGAL 13-19 JULI 2014.................................................................... 66


42. BIMBINGEN PA MAMRE GBKP TAHUN 2014 TANGGAL, 23-29 NOPEMBER 2014

- Ogen : Daniel 3:14-30. - Tema : Nggeluh Setia Man Dibata. - Tujuan : Gelah Mamre ncidahken kesetiaan man Tuhan i bas kerina

pengkebetna

I. PERLEBE Gambaren kegeluhen kinitekenta banci labo pedauh ras bagi si ialami Sadrah, Mesah ras Abednego (selanjutna isingkat SMA). Tantangen reh runut (rikut-ikut), menam malem sada perbeben reh ka perbeben berikutna. Kerna perbeben engkai maka ndabuh ku pembuangen i Babil pe mesui denga i bas pusuh ngukurisa. Kedungenna lit ka terakapna i bas pusuh, erkiteken Penguasa Kerajaan Babil ngaloken piga-piga kalak i bas bangsa Tuhan nari lako jadi pegawai i bas Istana, termasuk SMA. Janah teridah pasu-pasu Tuhan arah prestasi si luar biasa i bas bangsa pilihen nari ( Daniel 1:20). Tapi kenca enggo erdahin, turah ka tantangen si mbaru, kerna aturen nembah man gana-gana emas si ibahan raja kalak perbegu e. Maka adi erkata kenca alat-alat musik, rikutken aturen si enggo ibahanna, maka kerina harus nembah mungkuk ku je. Janah ganjarenna la terjeng ipecat i bas jabaten nari ngenca, tapi seh pe ku bas ancamen kesah, alu itamaken ku bas ginuhur si gara. Tentu banci si terka, maka SMA pasti labo nggit sebab sanga Pendidiken denga pe mbarenda, nandangi jadi pegawai, labo ia nggit man pangan si enggo ipersembahken man berhala.25 Apai ka adi langsung nembah man berhala e. Tapi bicara uga pe, enda labo sada hal si menukah mutuskenca. II. ISI SMA idilo guna menghadap raja, guna netapkensa, dalan si apai kin si jadi pilihenna, mungkuk nembah ku patung emas ntah nembah man Dibata (itamaken ku ginuhur si gara). I bas tantangen si mberat si bagenda rupana, teridah maka i bas kalak enda lit kiniteken ras pengarapen si tuhu-tuhu megegeh. La lit i je ipake kalak enda ‘ilmu selamat’ di luar sura-sura Tuhan, apai ka kompromi ras si la payo. Kalak enda ngarapken keselamaten i bas Tuhan, e me inganna setia ras megenggeng e. Janah ban bulatna ukurna, bicara harus kin pe ia meseng, ulin akapna bage asang nembah man patung emas, si merupaken lambang kekuasaan Kerajaan Babil ntah pe Raja Nebukadnesar. 25 Daniel 1:8 :


Ibas ndalani kegeluhen enda melala hal si terjadi. Ntah e hal si mehuli bagepe hal-hal si la mehuli. Maun-maun hal-hal si terjadi e labo pernah si rencanaken. Si pentingna genduari uga kita ncidahken sikap selaku mamre GBKP, kalak si erkiniteken man Tuhan segelah kai pe si terjadi ibas perdalinen kegeluhenta tetap ngasup kita njadiken kata Dibata jadi ciken simabai kita tetap mejuah-juah janah nggeluh sentudu bagi peraten Tuhan. Kengasupen ncidahken sikap ntah tingkah laku nta si sentudu ras peraten Tuhan ibas erbage-bage peristiwa ibas kegeluhen enda me si imaksudken kecerdasen emosional.

Adi si siksiki tentuna Mamre tubuh arah ketedehen ate kerina Bapa itengah-tengah jabu Ngawan GBKP guna meningkatken potensi-potensi si lit itengah-tengah kerina Bapa i belang-belang GBKP enda. Apai ka ibas budaya Karo maka posisi sekalak Bapa e tuhu-tuhu iperhitungken, jadi Bapa, Pemimpin Jabu, Imam si ngepkep anggota Jabu. Posisi enda membutuhken kemampun si la bagi biasa-biasa saja tapi kemapun si terarah, terasah segelah jabu Ngawan GBKP tuhu-tuhu jadi jabu si ngelai. Emaka selaku Mamre GBKP mari si cidahken sikap Tenang ibas ugapana pe.

IV. DISKUSI 1. Turiken kai alasenna maka Rasul Paulus tetap tenang ibas kegeluhenna

ipenjara? 2. Cuba si siksiki uga sibahan sedekah enda gelah kita tetap tenang ibas

kegeluhen enda?

USULEN ENDE-ENDEN : KEE No. 15: 1-2; KEE No. 177: 1-2; KEE 168; KEE 184:2-3

DAFTAR BACAAN 1. Ahmad Abu, Psikologi Umum, Rineka Cipta, Jakarta, 1998 2. Alkitab edisi Studi, LAI, Jakarta, 2012 3. John Drane, Memahami Perjanjian Baru,BPK-Gunung Mulia, Jakarta, 2001

Pdt. Miron Yedija Sitepu HP. 081397513635

Hidup berarti berjuang, hidup nikmat tanpa badai tangan laksana laut yang mati (Senecka)


TANGGAL 20-26 Juli 2014 ..................................................................... 68

TANGGAL 27 JULI – 02 AGUSTUS 2014............................................. 71 TANGGAL 03-09 AGUSTUS 2014......................................................... 74 TANGGAL 10-16 AGUSTUS 2014......................................................... 77

TANGGAL 17-23 AGUSTUS 2014......................................................... 79 TANGGAL, 24 – 30 AGUSTUS 2014 ................................................... 82 TANGGAL, 31 AGUSTUS – 06 SEPTEMBER 2014 ........................... 85 TANGGAL 07-13 SEPTEMBER 2014 ................................................... 87

TANGGAL 14-20 SEPTEMBER 2014 ................................................... 90 TANGGAL, 28 SEPTEMBER – 04 OKTOBER 2014 .......................... 93 TANGGAL 05-11 OKTOBER 2014........................................................ 96 TANGGAL, 12-18 OKTOBER 2014 ...................................................... 100

TANGGAL, 19 – 25 OKTOBER 2014 ................................................... 102 TANGGAL 26 OKTOBER - 01 NOPEMBER 2014 ............................. 105 TANGGAL 02 - 08 NOVEMBER 2014 .................................................. 107 TANGGAL 09 – 15 NOPEMBER 2014.................................................. 111

TANGGAL, 16-22 NOPEMBER 2014.................................................... 114 TANGGAL, 23-29 NOPEMBER 2014.................................................... 117

USULEN TEMA MAMRE GBKP GUNA HARI BESAR GEREJA............... 120

TEAM SINGUKURI BIMBINGEN PA MAMRE TAHUN 2014 ................ 120


01. BIMBINGEN PA MAMRE GBKP TAHUN 2014 TANGGAL 26 JANUARI 2014 -01 PEBRUARI 2014

Ogen : Kuan-Kuanen 9:10-12 Tema : Erkemalangen man Dibata Tujun : Njadiken Mamre erkemalangen man Dibata I. PERLEBE Erkiteken kita malang man Tuhan, maka si pan ulih latih e (Masmur 128:2 “Ipanna me ulihna latih, sangap nggeluh, mehuli sikerajangenna”), enda umputen kata Dibata Ibas masmur 128 ayat 1 tersurat: “Sangap kal kalak si malang man Tuhan, singgeluh ngikutken kerina perentahNa.” Jadi kalak simalang man Tuhan ras singikutken perentahNa nge maka ngaloken pasu-pasu idur Dibata nari. Alu bage ibas keberhasilenta ndalani geluh ras dahinta i je Tuhan campur tan ras mereken pasu-pasuNa. Sipenting banta uga kita tetap erkemalangen man Dibata, sue temanta. II. ISI Kitab Kuan-Kuanen e me gabungen ibas erbage-bage tulisen, si utama e me kerna pedah-pedah nandangi kegeluhen. Kuan-kuanen enda banci melala ertina, pepatah, peribahasa, saling-salingen, teka-teki. Kuan-kuanen enda pe rusur ikataken sebage kitab kepentaren sebab isina emekap pedah gelah banci min i eteh kerna kepentaren ras ajar nandangi kalak si lenga ngangkai kerna kepentaren. Seterusna isi kitab enda banci jadi penambah ilmu nandangi kalak si enggo pentar. Kepentaren enda rehna labo ibas sekolah nari saja ngenca tapi banci rehna ibas pengalamen nari. Kepentaren enda sifatna praktis kerna kai arus si eteh guna kegeluhen si tep-tep wari. kepentaren enda ertina uga sekalak jelma si pintar (beluh) banci makeken kinibeluhenna e ibas paksa si tepat alu cara si tepat. Kepentaren sibagenda rupana labo banci idatken arah mbaca buku saja, sekolah saja, ngerana-ngerana saja tapi enda me sada pemere si rehna arah Dibata nari. Jadi, kalak si atena jadi pentar perlebe arus lit kinitekenna nandangi Dibata ras mehamat er Dibata. Enda me sijadi penekanen ibas kita Kuan-Kuanen nari. Kuan-kuanen 9:10-12 : Uga carana ndatken kepentaren e?

Ayat 10 ogenta enda nuduhken man Mamre maka kalak si atena pentar arus ia erkemalangen man Dibata ras nandai Dibata e. Penandaita nandangi Dibata e arus i dasari arah erkemalangan nandangi Ia. Engkai maka arus erkemalangan man Dibata? Sebab Ia me ulu kepentaren e, pemenana si ijadiken Dibata e me kepentaren e (Kuan-Kuanen 8:22-31). Dibata me simereken


Ibas kerina kiniseran-kiniseran si ialamina, Rasul Paulus tek maka ate Tuhan gelah ia tetap ncidahken sikap/tanda kegeluhen si harus ilakoken kalak si erkiniteken man Tuhan eme rusur muji dingen mpehagaken Dibata (Pilp.1:11). Alu kata si deban Rasul Paulus ngasup nggeluh ras erkiniteken ibas kiniseran si ugapana pe erkiteken persadanna ras Tuhan tetap mejile. Aminna Rasul Paulus ipenjara tapi kepeken berita si meriah tetap terberita i Kekaisaran Roma erkiteken e jadi percakapen pegawai Kiasar ras jelma si nterem (Pilp 1:12-14)

2. Saksi man kalak si Deban

Ibas Filipi 4: 11 Rasul Paulus labo pernah rido kerna penampat man perpulungen Pilipi, janah adi lit penampat si ialokenna arah perpulungen e igejapkenna maka Dibata nge si erdahin guna merekensa. Lit ntah lalit pemere e, tetap Rasul Paulus paguh jadi saksi Jesus. Em nandaken maka Rasul Paulus ngasup tenang ibas kondisi sinihadapina bahkan ia mereken nasihat man perpulungen-perpulungen

3. Ngataken Bujur Man Tuhan

“Kueteh nge kai ertina nggeluh ibas kekurangen, janah kai ertina nggeluh ibas kelebihen, enggo dat aku rahasiana…..”, Eme salah sada refleksi si idat Rasul Paulus ibas kiniseranna, seh maka Rasul Paulus tetap ngasup ngataken bujur man Tuhan. ibas kiniseranna, Rasul Paulus la nembeh man Tuhan, la ia megelut amin arus ia ipenjara. Tole nina Rasul Paulus “ Tapi kerina si nai kuakap untung,genduari kinirugin kuakap erkiteken Kristus (Filp 3: 7)”. Rasul Paulus enggo seh ku tahap ngasup ngataken bujur man Tuhan

4. Kuasa Jesus naluken kerina keadaan Keadaan sinihadapi Rasul Paulus tuhu-tuhu luar biasa. Aminna proses

sinihadapina lenga ieteh asa ndigan dung tapi Rasul Paulus tetap konsisten man Tuhan arah kiniteken, lagu langkah, pengerana, pendahin rsdna.

III. KESIMPULEN Sikap kegeluhen si turiken Rasul Paulus banci ikataken kecerdasan

emosional si umumna ikataken EQ (bahasa Inggris: emotional quotient) eme kengasupen sekalak jelma guna menerima, menilai, mengelola, serta mengontrol emosi dirinya dan orang lain di sekitarnya.

Howard Gardner (1983) ngataken lit lima pokok utama kecerdasan emosional sekalak jelma, eme: ngasup ngkuasai emosina, ngasup nggejapken perasan/emosi kalak si deban, ngasup mereken tanggapen si tepat ras bernegoisasi nandangi perasan kalak si deban, janah ngasup makeken emosi/perasan gua njemba dirina ku si mehuli.


41. BIMBINGEN PA MAMRE GBKP TAHUN 2014 TANGGAL, 16-22 NOPEMBER 2014

Ogen : Filipi 4:10-13 Tema : Teneng ibas si ugapana pe Tujun : Gelah MAMRE ngasup niksiki alu teneng kerina si jadi ibas kegeluhenna

I. KATA PERLEBE Guna memenuhi kebutuhen manusia si berkembang/erbage-bage bagi si idah

genduari turah ka erbage-bage permasalahen si erbanca manusia e la tenang ibas kegeluhen, janah pe turah erbage-bage pinakit/persoalan ibas kegeluhen manusia subuk arah pendahin, perekonomian, jabu bagepe bas dirinta sendiri. Emaka perlu si eteh solusi gelah kita tetap tenang ibas ugapana pe,

II. ISI Ogenta sekalenda eme kerna surat Rasul Paulus si ngataken bujur arah

penampat Perpulungen Pilipi si itaruhken Epaproditus. Paksa si e Rasul Paulus sangana i penjara erkiteken mberitaken Berita Si Meriah. Penjara nuriken kondisi si la ntabeh. Kalak si ibas penjara ibatasi ruang gerakna bahkan hak-hakna (Bnd Perb. 16 :23-24).

Amin gia kegeluhen Rasul Paulus tuhu-tuhu berbeda ope denga ras enggo ialokenna Berita Si Meriah janah kedungenna ia ipenjara, tapi ia tetap ngasup ncidahken ketenangen bahkan ia tetap ngasup ersaksi ras muji gelar Tuhan arah surat-suratna. Arah ogenta pe Rasul Paulus ngataken bujur man perpulungen Pilipi arah kerina pemere-pemerena subuk sangana i Roma, i Tesalonika bagepe sangana Rasul Paulus ipenjara. Perpulungen Pilipi eme perpulungen si pemena ipanteki Rasul Paulus i Eropah, propinsi Roma i Makedoni. Tentuna kita banci erlajar arah piga-piga prinsip si icidahken Rasul Paulus sekaligus jadi kesaksinna eme: 1. Persadaan ras Tuhan

Ipenjaraken erkiteken ngelakoken kejahaten em hal biasa, tapi ipenjaraken erkiteken mberitaken Berita Si Meriah tentuna menjadi pergumulen tersendiri man kalak si erkiniteken man Tuhan. Sangana Rasul Paulus meritaken berita si meriah lenga bo nterem kalak si ngelai bagi Rasul Paulus. Emaka ibas ia itangkap ras ipenjaraken, tuhu-tuhu secara doni la lit si nampati Rasul Paulus. Enda me situasi kegeluhen si ihadapi Rasul Paulus. Tapi tetap alu tutus ras erkiniteken Rasul Paulus meritaken berita si meriah, la stress, la monce-once kinitekenna. E kerinana jadi erkiteken persadaanna ras Tuhan (ay 10), seh maka nina “mbelin kal keriahen si kugejapken ibas geluhku”. Sienda ngatakenca maka Rasul Paulus la patah semangat ntah pe gulut ras kitik ukurna aminna ia ipenjara erkiteken kinitekenna ras pelayanenna meritaken Berita Si Meriah.


pengertin man kalak si pentar. Erkemalangan man Dibata ertina erciga ate nandangi si la payo (Kuan-Kuanen 8:13). Adi siperdiateken ibas kinata kegeluhen maka melala genduari penakit sosial siengkenai masyarakat, antara lain Narkoba, HIV/AIDS, prostitusi, judi ras sidebanna. Mamre sipentar arus ngidah persoalen enda ras erusaha nampati kalak si melala jadi korban. Mamre arus pang encidahken buah kinitekenna selaku Mamre si pentar, si malang man Tuhan. Ertina adi la kita ngasup nampatisa, kita ka la gia ngasup njaga dirinta gelah ula terlibat kubas pinakit sosial masyarakat enda. Erkemalangen man Dibata ertina erciga ate nandangi si la payo.

Ayat 11 ogenta enda sendalenen ras Kuan-Kuanen 8:35 singateken “Ise si njumpai aku, ndatken kegeluhen, janah man bana ngena ate Tuhan”. Kalak si pentar ndatken kegeluhen perbahan i etehna kai arus si ibahanna guna ndalani kegeluhenna i doni enda, kepentaren e pe i pake guna njagai ras ngusahai doni enda, kepentaren pe mabai sukses nandangi kalak si nggit makekenca (Kuan-Kuanen 8:14-21), kalak si pentar pe ndauh ibas pernembeh ate kalak ras mesui ate (Kuan-Kuanen 9:7). Kemalemen ate dem kap bas kegeluhen kalak si pentar (umur reh gedangna adi nggeluh arah kemalemen ate). Ijenda iajuk Mamre guna ngidah ras nggejabken maka kalak si erkemalangen man Tuhan cawir metua (Band. Masmur 128:6, “cawirlah kam metua maka sempat idahndu kempu-kempundu”). Salah sada simeriahna kal ibas ngeluh enda kita sebage orang tua e me kap ibereken Dibata umur simeganjang banta ras sempat siidah kempu-kempunta. Nina orang tua adi sempat siampu kempunta ras ikut ka kita erguro-guro ras ia, malem kal ate. Emaka adi sidat ateta sibage rupana arus maka kita erkemalangen man Dibata ras siikutken perentahNa, ndalanken simehuli nadingken biak geluh si la payo si la ngena ate Dibata.

Ayat 12 enda nggo jelas man banta. Kalak si nggit nggeluh ras kepentaren ia ndatken untung kap, kalak si tulakna kepentaren e rugi ngenca idatkenna. Ayat enda mpetangkas kai si nggo itulisken arah Kuan-Kuanen 8:36. Rugi kalak si la mediate nandangi kepentaren sabab labo banci idatkenna kemalemen ate. Sabab sanga ia iajarken nembeh atena nandangi pengajaren e ras i tulakna kap pengajaren e (bdk ay 7), ibabai me ia ku kematen (ay 18). Megati ibas kita ndalani kegeluhen enda berhitung soal untung rugi. Janah megatin pengidahta soal untung rugi enda ku soal materi (duit) saja. Kata Dibata enda nuriken la terjeng materi saja, tapi terdauhen asa si e, e me dampar spiritualitas. Sekalak Mamre erspiritualitas (erkemalangen man Dibata), ia la ngidah kegeluhen enda arah dampar materi saja, tapi arah dampar penandaina kerna campur tan Dibata ibas geluhna. Igejapna maka kerina si lit ibas ia e kerina merupaken pemere Dibata. III. PENGKENAINA Temanta ngataken “Erkemalangen man Dibata”. Tema enda ngajuk Mamre gelah tetap erkemelangen man Dibata. Mamre arus nandai dirina jadi sira


ras terang man doni enda. Peran Mamre ibas memerangi pinakit sosial masyarakat e me merupaken panggilen ras penuruh Dibata tanda ia “erkemalangen man Dibata”. Mamre erdiate ras erpemere sue mottona, encidahken maka ia kalak si malang man Tuhan. Erdiate ia nandangi persoalen kegeluhen ras erpemere ia ibas nggit mereken penampat (berinisiatif) man kalak siperlu ndatken penampat. Mamre sierkemalangen man Dibata ibereken Dibata man bana umur singgedang sierbahanca sempat idahna kempu-kempuna. Tanda Mamre malang man Tuhan ia tetap nggit erlajar kerna Kata Dibata, tutus ku Mamre, sabab arah ia erlajar kerna kata Dibata tambah rusur pengangkaina kerna Kata Dibata, alu bage kegeluhenna erpalas kubas kata Dibata. Mamre si erkemalangen man Dibata ngasup rukur mehuli, ngidah keuntungen nggeluh la arah sisi materi, tapi arah sisi uga ia ngerembakken diri man Dibata. Adi ngerembakken diri ras Dibata e erbahanca ia nggeluh er untung. DISKUSI

1. Adi sioge ayat 10 a “Maka banci kalak jadi pentar la banci lang erkemalangen ia lebe man Dibata...”! Kai maksud ayat enda? Diskusiken.

2. Suratken piga-piga tandana kalak sierkemalangen man Dibata? USULEN ENDE-ENDEN : PEE No.64:1,4; PEE No. 91:1,3; KEE No.196:1,2; SEE No.162:1,2

Pdt. Erick Jhonson Barus, D.Th HP. 081511153579

Kurang cerdas dapat diperbaiki dengan belajar, kurang cakap dapat diperbaiki dengan pengalaman, tetapi kurang jujur payah

memperbaikinya. [ Bung Hatta ]


kalak enda ipakeken Tuhan guna ncidahken sura-sura Tuhan nandangi Juna, emaka gelarna nge ndarat arah tikam tanduk enda. isungkunina me Juna kai kin silakokenna man Tuhanna maka kerina enda terjadi, Juna ngaku maka ia kalak Heber janah ia nembah man Tuhan. ibas pengakun Juna enda ndai teridah maka Juna nalangi perukurenna, la ibuni-bunikenna ise ia, janah ise sembahna. Juna nggit terbuka man kalak si datas kapal ndai ibas masalah si nderpa ia eme angin ras galumbang. III. KESIMPULEN

Nalangi perukuren seh kel perluna, erkite-kiteken litna keterbukaan ibas kita, dungna pola pikirta la sempit, tapi pe kita enggo banci rukur secara luas ras global, sebab enggo sidat perbandingen ras sidebanna erkiteken nggit kita terbuka, ula kari siakap kita si pentarna padahal kita nge si la beluhna, siakap kita kari sibenarna padahal kita nge sisalahna. Usihen e me Juna singgit terbuka ibas kesalahen ras kelepakenna, sierbahanca lit keselamaten man dirina, kalak sideban ras terpuji Tuhan.

IV. DISKUSI

1. Kai nge sebabna maka Juna la nggit ngelakoken perintah Tuhan guna lawes ku niniwe?

2. Kai nge siakap kendalana ibas kita nalangi perukurenta, terlebih ibas ngaloken kalak sideban ras mpersingeti kalak sideban?

V. DAFTAR PUSTAKA 1. Dedi.S, Psikologi Umum, Bandung, Armico: 1982 2. Kramer, A.Th, Tafsiran Kitab Yunus, Jakarta, BPK-GM, 1998 3. Kramer, A.Th, Singa Telah Mengaum, Jakarta, BPK-GM, 1987 4. de Kuiper, Arie, Missiologia, Jakarta, BPK-GM, 2004

5. Naipospos, P.S & Robinson, D.W.B, dalam “Niniwe” Tafsiran Alkitab Masa Kini Jilid II (Ayub- Maleaki), Jakarta, BPK-GM, 1994

USULEN ENDE-ENDEN : KEE 110:3, 151:2 ; KEE, 183:4 KEE, 9:1,2 Pee, 15:1,3 PEE, 37:1,4

Pdt. Julianus Barus S.Th HP. 08116020590


nge maka angin kaba-kaba enda reh engkenai kam” terdauhen ibas ayat enda teridah ka pe maka Juna kalak si Tegas.

2. Juna Lawes ku ingan sideban erkiteken pola pikirna sifatna “Partikularis” ertina: Pemahamen si akapna maka Keselamaten ras Keleng ate Tuhan e hanya man kalak Israel saja, la man bangsa sideban termasuk Niniwe. Padahal bangsa Israel enggo idilo Tuhan jadi “etalase” eme jadi cermin ras usihen nandangi bangsa sideban, gelah arah bangsa Israel enda reh teremna bangsa-bangsa sideban nandai Tuhan. Arah sikap partikularisna nuduhkenca maka perukurenna tertutup (sempit) nandangi bangsa sideban, erkiteken si e me ibas bahan ogenta enda sura-sura Tuhan langa bo seh nandangi kalak niniwe kerna keselamaten.

3. Juna lawes ku ingan sideban erkiteken menurut pemikirenna maka Tuhan e Perkuah dingen Perkeleng. Emaka adi ipesehna berita arah Tuhan e man kalak niniwe, jera me kalak enda, emaka rawa Tuhan e la ngkenai kalak niniwe (oge Juna 4:2c). Adi bage sia-sia me ia ku jah. La ieteh Juna maka Tuhan e universal (man kerina jelma), labo hanya man kalak Israel saja (Bnd Juna 3:10).

Ibas ayat 4 teridah maka Tuhan erbahan angin simeter ras gelumbang si merawa guna mpersingeti Juna, aminna pe kapal sidatasi Juna menam pecah erkiteken angin ras gelumbang si merawa tapi e labo sempat terjadi sebab ate Tuhan pe nalangi perukuren Juna, emaka Tuhan makeken angin ras lau guna nehken sura-suraNa (Bnd Kej 8:1; Msm 147:18). Emaka perlu kel kita ngerenungken kentisik lah gia arah peristiwa enda, ola kari erkiteken sipemersik ukurta bagepe la nggit nalangi ukurta guna Tuhan, banci jadi kari ipersingetiNa kita arah kejadin-kejadin alam ntah pe peristiwa sekelewetta. Ibas ayat 5-6, erkite-kiteken angin ras galumbang simerawa ndai kerina si lit ibas kapal ndai mbiar janah ngambekken barang-barang silit idatas kapal ndai gelah lit pernahangna, bagepe ertoto ia sekalak-sekalak raduken kinitekenna man dibatana, gelahna angin ras gelumbang e tenang. Saja sijadi cataten man banta maka kita selaku kalak si tek man Tuhan ibas litna angin ras gelumbang si nderpa kita ras jabuta, sitalangilah pusuhta janah mindo penampat man Tuhan, ula sempat kita reh dauhna ibabaken angin ras gelumbang e sebab penundalenta dibata-dibata sideban. Ibas ayat 7-9, kalak si datas kapal ndai ngelakoken “tikam tanduk”, enda me kebiasaan si lit idaerah Timur Tengah kuno, arah ngelakoken tikam tanduk lit penganggapen kalak enda dibatana ncidahken kai sura-surana, kepeken kebiasan


02. BIMBINGEN PA MAMRE GBKP TAHUN 2014 TANGGAL 02 - 08 PEBRUARI 2014

Ogen : 1 Raja 3:4-14 Tema : Mamre si pentar Tujun : Gelah kerina Mamre pentar bali ras Salomo ibas geluhna I. PERLEBE Salomo e me simbol kalak si pentar (berhikmat). Pustaka si Badia ngataken maka Salomo me si pentarna i doni enda, nina : .... Kubereken kepentaren ras pengertin man bandu lebih asa si lit i bas kalak si enggo leben ntah si pudin asa kam (ay.12). banci si idah arah tulisen-tulisenna ibas kitab : Kuan-kuanen ras Pengerana. Arah pengoratennta sendah pe si cukaken niksiki kuga kepentaren Salomo si jadi teladanta, gelah kita kerina Mamre GBKP pentar bagi Salomo.

II. ISI 1. Gibeon dauhna kira-kira 9 km sebelah barat laut Jerusalem nari.

Termasuk kota Kerajan. I je lit uruk, janah i datas uruk enda me ibahan rumah pertoton (bait suci) si igelari “Bukit Allah paling besar”, si paksa sie cukup terberita.

2. Persembahen si isehken Raja Salomo e me sebage respon nandangi kesejahteraan bangsa Israel erkiteken Dibata (Prinsipna : “Allah menyelamatkan kita, kita harus me mpersembahkan diri kita kepadaNya”). Jadi, korban bakaran Salomo e me sebage pengataken bujur man Dibata si enggo manteki kinirajan Israel alu paguh ras makmur.

3. Salomo mpersembahken korban bakaren guna bangsa Israel (publik), teridah maka raduken bangsa e nge ia nehken persembahen e (nen. 2 Tawarikh 1:1-6:). Jadi Salomo nehken persembahen erkiteken igejapna bangsana megegeh ras sejahtera erkiteken ipasu-pasu Dibata, labo erkiteken sukses akapna peribadi ras keluargana ibahan Dibata (personal). E me man maknanta ibas ersembah, ula kari Mamre ersembah (ngataken bujur) hanya erkiteken ban igejabna pasu-pasu Dibata guna


kesejahtraan pribadi ras keluargana saja (pribadi), e pe tentu ngataken bujur ka nge. Tapi erkiteken ipasu-pasu Dibata temanta, bangsanta, gerejanta me oratna min kita nehken persembahen bagi Salomo adi ninta kita kalak sierkiniteken. Berarti patron gegehna kinitekennta labo adi sigejap lalap pasu-pasu Dibata e man pribadinta maka megegeh ras nggit ersembah, tapi si idah teman, bangsanta i pasu-pasu Dibata erbahanca ergegehna kinitekennta.

4. Alu latar belakang ntah “kadar/isi” kiniteken sibagenda me maka Tuhan mereken tawaren pemindon man Salamo arah nipina1 : “....Kai atendu kubereken man bandu ?”2

5. Kuga respon Salomo ngaloken tawaren enda : - Iakukenna maka jabatenna sebage raja e pe pemere Dibata nge, labo

erkiteken kelebihenna. Jadi adi e pemere Dibata tentu misi Dibata nge siman dalanenken, labo sura-surana. Janah nina Salomo megah nge akapna jadi raja ipilih Tuhan, e berarti megah iakapna ndalanken misi Dibata (seh sura-sura Tuhan), labo megah akapna adi seh sura-surana. Sieteh maka misi Dibata man Salomo maka ia iangkat nggantiken Daud jadi raja e me guna mimpin bangsa Israel gelah sejahtera ras erkemalangen man Dibata.

- Erpalasken penggejapen Salomo sibagenda me maka, tawaren si ibereken Dibata ndai la imanfaatken Salomo guna kepentingen pribadina, tapi guna kepentingen bangsana. Salomo tetap konsisten ibas panggilenna, emaka la pakaina prinsip “aji mumpung”. Nina “ ....berekenlah man bangku kepentaren ngerajai bangsaNdu alu kebujuren ras kebeluhen mbedaken si bujur ras si jahat. Adi la bage, i ja nge aku ngasup ngaturken bangsaNdu si mbelin enda ?" (ay. 9)

6. Pemindon Salomo enda inilai Tuhan mehuli, e maka meriah kel ukurNa (10), e maka iberekenna pe man bana si la ipindona : kebayaken, kemulian, gedang umur, rsd (kepentingen pribadina). Bali bagi si ikataken Tuhan Yesus : Darami lebe kinirajan Dibata, kerina icukupken man bandu....(Mat. 6:33).

1 Ibas Padan si Ndekah nipi e rusur kel ipake Dibata jadi sarana, alat, cara, legitimasi nehken pratenNa man umatNa. 2 Intina : lit latar belakangna nge maka bage tawaren kemurahen Tuhan, adi la lit tentu labo lit tawaren.


40. BIMBINGEN PA MAMRE GBKP TAHUN 2014 TANGGAL 09 – 15 NOPEMBER 2014

Ogen : Juna 1:1-9 Tema : Talangilah Perukurenndu Tujun : Gelah Mamre mbuka dirina guna ngasup rukur secara Global I. PERLEBE Kerina tujun simehuli banci tersehi adina litlah “Keterbukaan” . Sebalikna adi tertutup bagepe la nggit mbuka diri, pikiren, rasa ras kemaun lit nge persulitna berkembang, baik dirina bagepe guna kalak sideban, erkiteken sura-suranta banci la seh nandangi kalak sideban, ntah pe sura-sura teman banci la seh erkiteken ketertutupen ndai. II. ISI

Juna anak Amittai eme sekalak Nabi asalna i Get hefer nari janah ia nggeluh masa Pemerintahen Raja Yerobeam II tahun 793 sM, ibas II Raja-raja 14:23-25 nuduhkenca maka nabi Juna tuhu-tuhu nggeluh. Antara Tahun 722 sM ras Tahun 612 sM Israel pernah iperintah Niniwe. Niniwe eme sada kota simbelang, pendudukna lit kira-kira 175.000 kalak, keliling kota e kira-kira 100 km, janah adi erdalan nahe ndalani kota e lit dekahna 3 wari (Juna 3:3). Paksa e Niniwe tuhu-tuhu ibas puncak kemakmuren. Masa kemakmurenna, kalak Niniwe ijuluki “Singa” ras “Gua Singa” erkite-kiteken kekejamenna (Nahum 2:11-13). Musuh-musuh siitalukenna ikeretna tanna, nahena, cupingna, igungna kenca si e igantungkenna bagin-bagin kula ndai i tiang-tiang rumah ras gerbang kota. Erkite-kiteken bage kelekna kejahaten kalak niniwe, maka seh me kata Tuhan man nabi Juna gelah lawes ku niniwe guna mpersingeti kejahatenna e (ayat 2), tapi nabi Juna lawes ku ingan sideban atena lompat ibas Tuhan nari, janah lawes ia ku Jope, ije idapetina sada kapal nandangi erlayar ku Spanyol (ayat 3). Alasen Juna e me: 1. Juna lawes ku ingan sideban labo nuduhkenca maka Juna mbiar ngenen kalak

Niniwe ibas kekejamenna, tapi sebalikna Juna sekalak perpang, banci sioge ibas II Raja-raja 14:25 Juna menubuatken perluasen wilayah Kerajan Israel Utara, Syria nari ku laut Mate. Ibas ayat 12 “Ngaloi Juna nina ambekkenlah aku ku lawit maka tenang ka laut mulihi, nina : ... kuteh maka erkiteken salahku


rsd. Tentu melala denga kel siharus idukung kita Mamre situhu-tuhu Mediate ras Erpemere. Salah sada Mamre Sektor i Runggun Batu Lima Klasis Pematang Siantar nari, pernah reh berkunjung ras maba kotak tabungen tertutup/ terkunci si ipedalanna ibas PA Mamre sebulan sekali, ipindokenna gelah kami nalangi kunci kotak e isaksiken kerina anggota Mamrena. Simenarik ras menyentuh ukur kami labo jumlah isi tabungenna e, tapi kesetianna ras ketulusenna muat bagin mpersada gegeh nampati pelayanenta enda. Banci sipastiken, minimal tiap bulan ia ngginget, notoken ras ‘beraksi nyata’ nampati pelayanen Alpha Omega. Uga Mamre Sektor/Runggunta enda? Kai ka siban aksinta sincidahken maka kita pe mbelin kap ilebe-lebeNa.

IV. DISKUSI 1. Uga sedekah enda pengertinta kerna kalak si igolongken “Mbelin/ Mehaga”?

Kai nge siberubah ibas pengertinta e kenca sipepayo kata Yesus enda? 2. Kai nge ndia banci siban selaku Mamre GBKP (sierdiate dingen erpemere)

man pelayanen YKPC GBKP Alpha Omega, subuk ibas minggu penjemaatan YKPC “GBKP” Alpha Omega, bagepe sebagai aksi natal Rgn/ sektor/ keluarganta tahun enda – sijadi tanda maka kita kalak si mbelin ilebe-lebe Dibata? diskusiken ras Dalankenlah!

USULEN ENDE-ENDEN : KEE No. 177: 1,2; PEE No. 15 : 1-3; KEE No. 62:1; PEE No. 104:1-

Pdt. Mestika Ginting, S.Th, M.Psi

HP. 081375139574

Kemenangan yang paling indah ialah yang bisa menaklukkan hatinya sendiri. [ La Fontaine ]


III. PENGKENAINA 1. Ulu kepentaren e me erkemalangen man Dibata. Salomo banci pentar

erkiteken kemalangenna man Dibata. Banci sinen kuga ersembah i Gibeon guna ngataken bujur man Tuhan (nen Kuan-kuanen 1:7)

2. Sukat-sukat (standart) pentar e me pelayanen guna kepentingen/kiniulin sienterem (publik), labo kepentingen pribadi (personal).

3. Simpelebe (ngelai) kepentingen si enterem ndatken melala pasu-pasu bagi salomo. Si mpelebe kepentingen pribadina (ielai) kai pe labo dat.

IV. DISKUSI

1. Diskusiken ngkai maka Salomo la ngukurken kepentingen pribadina ibas penawaren si ibereken Tuhan ?

2. Diskusiken ibas kai-kai saja kita enggo mpelebe kepentingen si enterem (publik) asangken kepentingenta, subuk bas jabu, bas perpulungen, bas dahin, rsd

USULEN ENDE-ENDEN : PEE No. 9 :1-2; KEE No. 177 : 1,2; PEE 43:- PEE No 61:1-3

Pdt. Seth Perangin-angin, M.Th HP. 081397340320

Jangan sepering dengan orang rakus kalau tidak mau disangka orang rakus

(Pepatah Tibet)


03. BIMBINGEN PA MAMRE GBKP TAHUN 2014 TANGGAL, 09 – 15 PEBRUARI 2014

O g e n : Kuan-kuanen 8 : 1 - 10 T e m a : Kepentaren ras Pemeteh mabai kita la bene ibas arus

kemajun jaman. T u j u n : Gelah Mamre nggit ngayaki pemeteh gelah ngasup ngikuti

kemajun jaman. I. PERLEBE Kitab Kuan-kuanen enda ibas cakap Ibrani igelari “misle s’lomo”, entah pe “masal s’lomo” ertina kuan-kuanen Salomo. Asal kata enda ertina: ‘bagi’ entah pe ‘bali ras’, emaka kuan-kuanen enda mbue encidahken pembandingen-pembandingen, bagi si lit ibas perumpamaan-perumpamaan sindekah. Jadi, kuan-kuanen banci ikataken sebagai ‘kata-kata entah pe pedah-pedah gelah mabai jelma jadi pentar ras bijak. Ibas cakap Ibrani, Kuan-kuanen (Kata-kata bijak) e me seni ndalani kegeluhen (seni menjalani hidup). Kuan-kuanen Salomo e me sebage buku pegangen ndalani kegeluhen enda alu positif. Ibas buku enda icidahken (lebih pas iperhadapken), ibandingken kegeluhen si positif ras kegeluhen si negatip. Alu bage itamaken ilebe-lebeta, kuga kita arus muat sikap (netapken ukur) si tepat ibas erbage-bage situasi kegeluhen. Ngidah siapai si mehuli ras siapai ka si la mehuli. Tujun pengajaren ibas Kuan-kuanen enda ikatakenna ibas Bindu 1 : 1-6, e me kap, nampati kalak gelah pentar (bijak) dingen ngaloken pengajaren si mehuli, bagepe ngantusi ranan si mbages ertina. Iajarkenna kalak gelah nggeluh pentar, bujur, adil dingen benar. Pengajaren enda erguna nandangi kalak si langa erpengalamen, bagepe nambahi pemeteh nandangi kalak pentar. Erguna man kerina jelma. II. ISI Kepentaren erlebuh, (ayat 1). Kepentaren / pentar maksudna i jenda emekap bijaksana, arif (bhs. Inggris: Wisdom). Kalak si bijaksana, teridah ibassa mbue pengalamen bagepe pemeteh si cukup, si mbabai ia ngasup erbahan keputusen-keputusen si adil ras mehuli bagepe metenget. Jadi, kepentaren enda reh ibas piga-piga hal nari, entah pe kombinasi arah pengalamen si mbue, pemeteh si cukup ras pertimbangen si matang. Pemeteh erdilo. Pemeteh maksudna e me kap akal budi (ratio, inteligensia), janah kalak si erpemeteh biasana ngelakoken perbahanen si masuk akal (rasional) ras banci iantusi pengerana ras perbahanenna. Tangkas alasen-alasen si jadi palas (yang mendasari) pengerana ras perbahanenna. Bertindak rasional, logis


menghindari masyarakat simemerluken penampatta. Si ikataken Yesus man banta enda e me kita arus ndarami labo kalak singasup ngelakoken ‘sesuatu’ man banta, justru kalak si man bana kita banci ngelakoken sesuatu. Enda me ertina, adi ikataken Yesus : “… Kai siibahanndu man kalak simusil ibas seninangKu enda, e me situhuna perbahanenndu man bangKu.

III. PENGKENAINA Sekalak simbelin arus kepe mpeteruk ukur ras ietehna ngelai kalak sideban.

Kerna sie, janji Tuhan :”Itulak Dibata nge kalak simeganjang ukurna, tapi man kalak simeteruk ukurna iberekenNa lias ateNa.” (Jak. 4:6). Yesus sendiri enggo mereken usihen kerna “simbelinna” enda man banta, e me alu Ia nusur ku doni jadi manusia, ras ngelai kita kalak perdosa.

Kerina Mamre ersura-sura jadi kalak simbelin, emaka kita harus erlajar ngelai simeteruk. Secara khusus dalan/ inganta erlajar ngelai simeteruk e eme turang seninanta i YKPC GBKP Alpha Omega, ia ras danak-danak siperlu penampat, penjagan ras pimpinen secara permanen. Berbeda ras anakta si lit waktuna ia akil balik ras lanai man sampaten/ jagan. Turang seninata I Alpha Omega enda umumna e me penyandang Cacat Mental. Umur mentalna la sembaba ras umur kulana. Banci jadi umur kulana nggo 20 tahun, tapi umur mentalna setara ras danak-danak umur 1-4 tahun denga. I tambah ka kecacatan tambahen (ganda), bagepe perlakuan masyarakat sierbanca ia makin terpuruk. Bageme ia sangat memerluken penamapatta subuk secara langsung alu kunjungenta ku Alpha Omega nggancihken kunjungen orangtua/keluargana sikurang kel bahken mbue silanai pernah reh pe, sitentu banci mpepalem-palem pusuhna siertedeh ate; bagepe secara la langsung alu mendukung ibas toto ras nampati biaya operasional pelayanen enda sibuena seh Rp.160.000.000,-/ bulan (anggaren 2014) mencakup biaya gaji/tunjangen pegawai, biaya makan 140 kalak (3x/wari), pemeliharaan fasilitas ras kesehaten anak ras staf/keluarga, Biaya SLB, rsd. Sementara sumber pendapaten ibas persembahen jemaat store via Moderamen lit Rp.30.000.000,-/ bulan, subsidi pemerintah (Dinas Sosial ras Diknas), bantuan Luar Negri ras usaha Yayasen, hanya mencapai sekitar 40-45 % saja tiap bulan, emaka 60-65% iarapken denga ibas bantuan warga GBKP subuk sireh berkunjung bagepe ngirim ras orangtua asuh; bagepe bantuan Non GBKP nari. Itambah ka sura-suranta menambah kesejahteraan pegawai alu menambah gaji, erban tunjangen/asuransi kesehaten ras tunjangen hari tua/ pensiunna, pengembangen pelayanenna rikutken kebutuhen ras Master plan singgo iban,


man bana. Sada kewajaren, Yesus negur ajar-ajarna e erkiteken “ketidakpercayaanna ras kebodohenna” la ia ngasup nangkap/ memahami ajarenNa.

Megi penungkunen Yesus e, ajar-ajar sinik saja. Ncidahken maka ibas ukurna situhuna ietehna maka ia nggo salah. Sinik ia erkiteken mela iakapna, lanai lit jababna. Menarik bahwa, perukuren kalak e jadi berbeda kenca i lebe-lebe Yesus. Padahal ope ietehna maka ibegi ras iidah Yesus kepe percakapenna e, persoalen kerna ise simbelinna e wajar-wajar saja akapna ipersoalken. Tapi tupung persoalen sibage harus iperhadapken i lebe-lebe Yesus, kerina kepe lanai meherga/lanai wajar. Sienda ngingetken kita maka soal kai saja pe adi iperhadapken ku bas pandangen Yesus, kerina jadi lain. Adi ibas kerina siilakoken, kita isungkun : ”iteruskenndu nge pendahinndu e adi kita iperdiateken Yesus ndahikenca?” ntah “Iteruskenndu nge ngerana bagi si sedekah enda adi ibegiken Yesus kam ngerana?”, pastilah mbue perbahanen, pengerana silanai surung silakoken/sibelasken. Kepe soal sie, Yesus serius nanganisa. Kundul Ia janah ilebuhna krina ajar-ajarna. “kundul” e me cara sekalak guru/rabi ope ngajar ntah nehken momo. iajarkenNa kalak e maka adi atena jadi kalak simbelinna, idatkenna nge e, tapi labo alu jadi siarah lebe, justru jadi siarah pudi; labo alu jadi tuan tapi jadi singelai kerinana. Ije teridah maka Yesus labo menolak ambisi ajar-ajar tapi mpebelang (memperluas) ras nambahi kesertaan (menyempurnakan) ambisina e. Guna ambisi merentah, iganti jadi ambisi ngelai; ambisi ielai iganti jadi ambisi ngelai kalak sideban. Ertina, kalak simbelin labo rukur uga ia memanfaatken kalak sideban alu kedudukenna/ kesempatenna guna prestise dirina, tapi arusna ia rukur uga ia makeken silit ibas ia guna ngelai kalak sideban. Indikator ia ikataken mbelin, labo fakta maka ia ndatken jabaten, erta, rsd, tapi fakta maka ia nggit ngelai kalak sideban. Siakui memang langka kalak sila mementingken dirina, tapi kalak sibage nge si ikenang jelma sinterem. Bahken, kerina masalah silit pe banci iatasi adi ambisinta kerina guna ngelai labo prestise pribadi.

Guna mpebagesi pengangkan ajar-ajarNa e, idilo Yesus sekalak anak-anak, iangkipna, jenari nina : “Ise si ngaloken danak-danak… ia kap singaloken Aku…ialokenna pe sinuruh Aku.” Sekalak anak lalit kai pe pengaruhna, kai pe labo terberena man kalak dewasa. Justru sebalikna, anak-anak butuh pertolongen kalak dewasa. Arah sienda kita iingetken maka mesunah (mudah) kita erteman ras kalak si ’berkontribusi’ kubas geluhta, sebalikna mesunah kang kita


perbahanenna, iperhitungkenna kai akibat setiap tindakenna (argumentative). Biasana kalak si bertindak rasional, terbuka nandangi hal-hal simbaru, terbuka nandangi kritik-kritik kalak sideban, si lebih rational, si lebih masuk akal argumentasina, si menghasilken hal si lebih baik. Jadi, kalak sibage biasana: Fair (adil/Sportif). Kepentaren erlebuh, pemeteh erdilo, ertina maka kepentaren ras pemeteh labo ndauh ibas kita nari, terbuka nandangi ise pe. La lit diskriminasi (pembedaan-pembedaan) guna ndatken kepentaren ras pemeteh, sabab kepentaren e erlebuh man banta, pemeteh pe erdilo ku kerina jelma. Man banta kalak perdosa pe itawarken, labo man malaikat. I ja kin lit kepentaren ras pemeteh banci sidatken? Kitab Pengerana ngatakenca (ayat 2-3) ia lit idatas uruk-uruk, i tepi dalan, i serpang-serpang, i pintu gerbang kuta. Ertina kepentaren ras pemeteh e labo cebuni (ibuniken), tapi banci sidatken ijapa pe, isekelewet kegeluhenta sitep-tep wari, megati sibentasi saja igerbang kuta, iserpang-serpang ras idatas uruk si banci ise pe ngidahsa. Tapi megati la kita megermet ngidahsa. Kuga dage sibahan gelah si dat ? Ibas ayat 4-9, ikatakenna: gelah min kita: ‘megiken sorana erlebuh’, cakap Karo sidekah “tangar” ertina dengar-dengaran, metinggel, megermet nandangi kai siibegi kita. Tangar ertina labo saja megi arah cuping, tapi pe ‘ngasup erlajar arah pengalamen’. Pengalaman ijadiken sebagai salah sada guru. Pemeteh banci pe idatken arah erlajar, kengasupen mengolah data (makna pengalamen ras ilmu), labo sekedar menyerap ras menyimpan pemeteh). Dage, cara ndatken kepentaren ras pemeteh emekap alu sikap hidup si payo, meteruk rukur, maka kita langa pentar ras erpemeteh. Emaka erlajar seh metua. Pelajaren si dat arah pendidikan formal bagepe arah kegeluhen sitep-tep wari (kegeluhenta sendiri bagepe kalak sideban), bagepe arah alam sekitarta. Pemeteh kerna Kata Dibata ngasup mabai kalak jadi pentar /bijak ibas kegeluhenna. Itegasken Kitab Pengerana, maka kepentaren ras pemeteh ergan asangken pirak ras emas murni. Ijenda ipersingetti kita maka megatin kita lebih mengutamaken pirak ras emas asangken kepentaren ras pemeteh, ibas geluhta lebih fokus kita ndarami erta doni asangken erta si lebih penting e me kepentaren ras pemeteh. III. PENGKENAINA Kerina jelma situhuna potensial jadi kalak pentar/bijak bagepe erpemeteh. Kesempaten jadi kalak pentar ras erpemeteh terbuka nandagi kerina jelma, tergantung kubas ‘sikap hidup’ si igelem kita. Adi sipergermetken ayat 10, apai kin siakap ergan pirak ras emas (erta doni) asangken kepentaren ras pemeteh? Adi ergan siakap erta doni, tentu banci kita mabai kita lanai pentar/bijak nandangi temanta sideban. Dungna lanai ngergaken kemanusiaan demi ndatken erta. Lanai ngergaken lingkungen gelah ndatken erta doni. Adi


sibandingken kebijaken si lit ibas negaranta, mulai pemerintahen Orde Baru si jadi program utama eme ‘peningkaten ekonomi’, ertina iajuk kerina rakyat gelah rukur meningkatken produksi, ras ekonomi, lebih asangken Sumber Daya Manusia. Itingkatken SDM alu tujuan produksi. Negara Asia sideban (Malaysia, Singapura, Korea, terutama Jepang, mengutamakan peningkatan Sumber Daya Manusia lebih asangken ekonomi produksi. Hasilna siidah maka untuk jangka panjang lebih menguntungkan mengedepanken peningkatan SDM. Adi kemampuan/nilai SDM mehuli, mahan bana ekonomi pe meningkat, lebih tahan terhadap krisis. Bicara terpuruk pe, banci lebih cepat pulih, erkiteken SDM na memadai untuk bangkit kembali. Bagepe rakyat la iajuk rukur ku material, tapi ku bas nilai-nilai kemanusiaanna. Manusia lebih meherga asangken materi. Ibas negerinta seolah-olah materi ergan asangken manusia, manusia banci iperalat / ieksploitasi demi materi. Kita kalak Kristen, sinandai Kata Dibata arus mengutamakan ras njadiken anggota-anggotanta jadi manusia si pentar ras erpemeteh, ula jadi manusia si materialistis. Ibas artikel “The Paradox of our time” isingetken: “we multiplied our possession, but we reduce our values” (Kita melipatgandakan harta milik kita, tapi mengurangi nilai kita sebagai manusia). Ula min sempat bage. IV. DISKUSI

1. Kai ertina kepentaren erlebuh, pemeteh erdilo (ayat 1) ? 2. Sebagai bapa i tengah jabu, enggo nge (seh ja) kita enggo pentar ras

erpemeteh, bijak ras rational nandangi ndehara ras anak-anakta? Kai usahanta gelah lebih bijak ras pentar?

USULEN ENDE-ENDEN: KEE No. 62; PEE No. 43;PEE No. 126; PEE No. 64 Kepustakaan 1. Pustaka si Badia 2. Douglas, J.D, The New Bible Dictionary, Inter-Varsity Press, Leicester, 1976. 3. Egelkraut, Helmuth, Das Alte Testament, Brunnen Verlag Giessen / Basel, 1990. 4. Church, F.Leslie, Matthew Henry’s Commentary for the NIV, Marshall Pickering, 1992

Pdt. Matius P.Barus, MTh HP. 081370294000


39. BIMBINGEN PA MAMRE GBKP TAHUN 2014 TANGGAL 02 - 08 NOVEMBER 2014

(Penjemaatan YKPC GBKP Alpha Omega)

Ogen : Markus 9:33-37 Tema : “Sikitik jadi si mbelin” Tujun : Ngingetken Mamre gelah nggit mpekitik bana arah pelayanen, sebab si

bage kap sibelinna man Dibata.

I. PERLEBE Rikutken kelender pelayanen gerejanta, Minggu enda silakoken

penjemaatan YKPC GBKP Alpha Omega. Emaka PA Mamrenta enda pe sibahas kerna pelayanenta enda. Iarapken Tuhan ras Gerejanta maka selaku Bapa, kita banci berpartisipasi aktif nandangi pelayanen diakonianta nandangi anak-anakta si lit i Alpha Omega.24 Ibas cataten sejarah berdirina YKPC GBKP Alpha Omega (26 Tahun silewat), 23 kalak penghuni sipemana, e me anak-anak si idapeti/ ijemput oleh Pdt Salomo Sitepu ras rombongenna i kuta-kuta sekitar taneh karo, buen ibas situasi ‘irendahken’ baik oleh keluarga, anak kuta ras ise saja pe, iasingken (ikurung, ipasung, rsd oleh keluargana), mbue pe ipermainken oleh sebagin masyarakat/ anak kutana. Ibas situasi sibage, guna memproklamasiken Berita Si Meriah kerna Tahun ‘Rahmat Tuhan telah tiba’ (bd. Lukas 4:18-19), GBKP majekken YKPC Alpha Omega guna ngelai anak-anakta cacat mental ntah pe kula si lanai terlayani keluargana.

Rikutken kata Yesus ibas ogenta enda teridah maka Gerejanta nggo ngelakoken fungsina alu payo, e me ngelai “kerinana” . Selaku Mamre kai nge arus silakoken nandangi senina turangta enda ? Mari erlajar kita arah Kata Tuhan Yesus enda. II. ISI

Peristiwa persoalen ajar-ajar Yesus kerna ise simbelinna ibas ia, ncidahken maka ajar-ajar lenga ngangka kata Yesus alu payo. Amin gia lebih 3 (telu) tahun ia ngidah maka Yesus rusur mpeteruk dirina guna ngelai kerina kalak (si erpangkat, si meteruk, si bayak, si miskin), tapi muridNa tetap denga ngukurken dirina sendiri, ngukurken kerajan doni si banci mereken keduduken 24 Paksa bimbingen enda itulis, anakta si lit iasuh ras ididik lit 87 kalak (40 dilaki ras 47 diberu), siberkebutuhenna khusus ntah pe berbeda ras kebutuhen manusia secara umum (Different able), janah lit 36 kalak staff simelayanisa.


(kinilangasupenna pulah ibas kiniseranna nari tersampat erkiteken teman-temanna). Teridah ije sada penggejapen ras ketedehen ate gelah banci malem.

3. Tuhan Mediate nangdangi kalak si erpengarapen Teman kalak si pangpangen e mediate dingen ndarami solusi gelah banci jumpa ras Jesus. Arah perjumpan e sura-surana terbabab. Jesus merespon perbahanen kalak enda. Iidah Jesus semangat kinitekenna emaka ipepalemna kalak si pangpangen e.

III. PENGKENAINA Ibas zaman genduari mesera ndarami teman si setia. Persahabaten melala iwarnai politik kepentingen. Persahabaten megati ipupuk guna mencapai sura-sura. Adi enggo berbeda sura-sura persahabaten pe enggo ka mulai samar-samar. Persahabatan tanpa ketulusan. Em erbahanca turah ungkapen; sitik pe la kusangka, la kepe mehuli ukurndu nangdangi aku,.....rst. Uga dage kita sebagai mamre si ermotto: erdiate erpemere ? Kita arus tetap njaga identitas kekristenenta. Kiniulinta ula min pekulah-kulah, ketulusenta arus ibas pusuh simbages nari. Adi ue katakenlah ue, adi lang katakenlah lang. Adi gelarna erteman; perlu pe sipergermetken bagi erti persahabaten ibas kalak karo: Kandu-kandu, ertina: teman meriah, sahabat karib, senasib sepenanggungen (Kamus Karo Indonesia; Darwin Print hal. 280). Kinitekenta man Tuhan mabai kita nggeluh erkeleng ate nangdangi kalak sideban. Sabab Yesus reh ku doni enda sebagai tanda Dibata enggo leben mediate nangdangi manusia. Keleng ate Dibata e atan nangdangi kerina manusia alu la erpandangen. Em siperlu siusih segelah kinitekenta e erbuah. Siergaken temanta manusia alu erpalasken kiniteken man Dibata, labo erpalasken status sosialna. Uga dage ninta ibas ngergaken temanta ? 1. Ula sisukati temanta erpalasken status sosial, ekonomi, pendidiken ras

sidebanna, tapi pandanglah ia sebagai tinepa si seri iakap Dibata ergana ras kita.

2. Ula lupa hukum kasih; kelengilah temanndu manusia bagi kam engkelengi dirindu, kelengi Tuhan Dibatandu asa ukurndu lit (Luk. 10:27)

IV. DISKUSI 1. Rikutken ogenta, kai-kai saja makna positif si banci jadi usihenta sebagai arti

dari sebuah persahabatan ? 2. Kai nge aksi sibanci sibahan sebagai mamre GBKP segelah ulih perbahanenta

banci erteremna kalak siertedeh ate nangdangi perpulungen mamrenta ?

USULEN ENDE-ENDEN : KEE. No. 71:1-2; PEE. 42:1-2; KEE No. 202 : 1-;PEE 130:1,2

Pdt. Jhon Terkelin Ginting, STh

HP. 081370122163


04. BIMBINGEN PA MAMRE GBKP TAHUN 2014 TANGGAL 16-22 PEBRUARI 2014

Ogen : Kuan-Kuanen 30:24-33 Tema : “Erlajar arah kai pe” Tujun : Gelah MAMRE GBKP megermet, metenget ras niksiki kai-kai pe si lit

isekelewetna guna nambahi kepentarenna.

I. PERLEBE : Lit kata-kata bijak singatakenca : “dari air kita belajar ketenangan, dari batu kita belajar ketegaran, dari tanah kita belajar kehidupan, dari kupu-kupu kita belajar merubah diri, dari padi kita belajar rendah hati dan dari Yesus Kristus kita belajar tentang kasih yang sejati”. Arah kata-kata bijak enda maka banci sidatken pemahamen maka arah kai sienggo itepaNa man banta (manusia) maka si e pe banci jadi inganta guna erlajar bage pe guna kita megermet nandangi kai si jadi i sekelewetta. Emaka arah bahan PA MAMRE GBKP ibas sekali enda ateta alu radu ras erlajar arah Kata Dibata si jadi bahan oratenta, gelah kita pe sebage MAMRE GBKP si jadi imam ibas tep-tep jabunta ngasup terus erlajar arah kai saja pe segedang geluhta. (sue tema).

II. ISI : Kitab Kuan-Kuanen (Amsal) ibas bahasa Heberna asalna ibas kata mashal, si isina e me kalimat kalimat si sederhana, tapi dem alu pengertin simbages kerna aturen nggeluh ntah pe ajaren etika bage pe kata kata bijak. Isuratken Raja Salomo kenca bage itulis ulang (isadur) pegawai-pegawai Raja Hiskia (Kuan-Kuanen 25:1). Hal enda ncidahken maka kurang lebih 1000 tahun ope denga ketubuhen Jesus Kristus, bangsa Israel enggo nggejapken ras mementingken pedah-pedah si berhubungen ras masalah etis ras moral. Tujun ituliskenna Kitab Kuan-Kuanen enda e me guna ngajarken kalak gelah nggeluh pentar, bujur, adil ras benar. Sikap kegeluhen si labo mehuli itadingken dingen si mehuli idalanken ibas kegeluhen. Bahan oratenta sekali enda mereken pengertin man banta kerna kuga arah tinepaNa sideban (rubia-rubia : perkis, bangsa menci, labang, cikcak, singa, kambing bajarna ras manuk sabugan) banci kita ndatken pelajaren kerna kegeluhen si idalani kita enda. Gambaren kerna rubia-rubia sienggo itepaNa sijadi bahan oratenta enda mereken cambuk man banta maka aminna gia kitik (umpamana perkis ayat 25), tapi arah perkis pe banci jadi pelajaren man banta. Aminna gia perkis kitik bage pe tinepaNa si labo megegeh tapi isikapkenna nakanna tupung perlego. Emaka ibas ayat 30-31 isingetken gelah kita ula bodoh,


meganjang ukur ras jahat sura-suranta bas kegeluhen, tapi gelah tetap pentar ibas mentasi wari-wari kegeluhenta.

III. PENGKENAINA Doni inganta tading merupaken ingan si perubahenna seh kel berkembangna ras cepat. Emaka ibas kita ngalaken kondisi ras situasi, mampu min kita guna beradaptasi ibas inganta i ja kita tading. Emaka salah sada cara guna ngasup kita beradaptasi e me kuga kita terus erlajar ibas kegeluhen enda (long life education). Emaka guna ndatken kepentaren, arus nge tetap kita nggit erlajar, labo terjeng erlajar arah kalak si pentaren asa kita tapi banci erlajar arah kai-kai pe termasuk arah tinepaNa sideban. Bage pe ibas proses kita erlajar, ula min kita menilai kalak ras kai pe kitiken asa kita. Sikap sibagenda banci menghambat proses erlajar. Emaka arah Kata Dibata enda ipersingeti kita mulihi maka sinasana sienggo itepa ras iberekenNa man banta tetap nge lit sisi baik/positifna guna kita terus erlajar bas kegeluhen enda. Labo saja kita erlajar bas kegeluhenta terjeng ibas jalur formal saja tapi pe banci ka nge kita erlajar arah jalur informal. Kalak si ia labo nggit terus erlajar bas kegeluhenna bage pe sienggo merasa puas merupaken ciri manusia silabo ngergai perkuah ras lias ateNa bas kegeluhenna erkiteken IA tetap erdahin subuk man banta (manusia) bage pe isi doni enda kerina. “SELAMAT KITA TERUS ERLAJAR SEGEDANG GELUHTA RAS ERLAJAR ARAH KAI PE SI MEHULI SI LIT I SEKELEWETTA”.

IV. DISKUSI : 1. Kai-kai saja nge menurutndu sierbahanca maka lit ka manusia si merasa

cepat puas bas situasi kegeluhenna si kedungenna erbahanca labo nari ia nggit terus erlajar bas kegeluhenna ? Turikenlah !

2. Kai-kai saja nge menurutta siarus tetap lit bas kita selaku MAMRE GBKP, sebage bapa ras imam itengah-tengah jabunta gelah banci kita terus erlajar bas kegeluhenta bage pe tetap kita ngasup erlajar arah tinepaNa sideban ? Turikenlah !

USULEN ENDE-ENDEN: KEE NO : 151:1,3; KEE NO : 187:1,3; PEE NO : 94:1,4; PEE GBKP NO : 50:1,5

Pdt. Prananta Jaya Manik, S.Th MM HP. 081361178705


38. BIMBINGEN PA MAMRE GBKP TAHUN 2014 TANGGAL 26 OKTOBER - 01 NOPEMBER 2014

Ogen : Markus 2:1-5 Tema : Ergai temanndu Tujun : Gelah Mamre ngergai temanna ula erkiteken kinibayakenna, tapi alu

perbahanenna min.

I. PERLEBE Bahanta sekali enda ngajuk kita guna meteh lebih mbages kerna nggeluh

erteman. Bagi lit sada syair lagu Karo:... Latihndu pagi jadi latihku, suinndu pagi jadi suingku. Makna syair lagu enda nggambarken uga bagesna rasa mediate/solider nangdangi sekalak teman siikelengina. Susah-senang, pagit-entebu ras ngenanamisa. Tentu maka terjalin pertemanen sibage rupana; lit ije kekelengen dingen rasa saling menghargai sada ras sidebanna(bnd. 1 Kor 13 :1-13).

II. ISI Ibas teks renungen PA-nta enda iturikken alu tangkas kerna sekalak si

pangpangen ipepalem Yesus i kuta Kapernaum. 1. Ayat. 1-2; Kapernaum e me sada kota nelayan si cukup penting, terletak i pantai

Utara Danau Galilea. Kuta enda terletak i jalur perdagangen utama simenghubungken Mesir ras barat daya , siria ras Timur laut. Kuta enda e me pangkalen pasuken Roma si ertugas guna ngawasi pelaksanaan pemungutan cukai (Alkitab Edisi Study. LAI hal. 1622). Arah situasi kota enda encidahken man banta bahwa kuta e cukup meriah ibas zamanna emaka enterem kal jelma ije. Sanga Yesus ngajar ibas sada rumah (kemungkinen rumah Simon Petrus; AES. Hal. 1623). Rumah e enggo dem jelma bahken lanai lit ingan ije.

2. Ay. 3-4; Ayat enda e me jadi fokus perenungenta. Sekalak lumpuh ibaba ku rumah e alu arapen banci malem /ndatken mujizat ibas Jesus nari, tapi erkiteken teremna jelma ibas paksa e lanai lit dalan ku rumah. Empat kalak singelanja kalak si pangpangen e ndarami dalan sideban. Italangina tarum rumah e tepat ibabo ingan Jesus jenari itantanna kalak sipangpangen e. Ibas teks enda icidahken man banta kerna usaha siilakoken teman sipangpangen e gelah banci malem min temanna e. Usaha siilakokenna e tentu mengandung resiko, namun e pe ilakokenna guna temanna. Ibas perbahanen teman sipangpangen e lit piga-piga hal si banci jadi usihen ; a. Kiniteken dingen Pengarapen nangdangi Yesus Tek ia bahwa Jesus e erkuasa dingen ngasup mpepalem pinakit kalak si

pangpangen e. Kinitekenna e mendorong ia guna berusaha amin pe harus menanggung resiko. Sada perukurenna bahwa jumpa ras Jesus pasti persoalen e banci ipecahken. Ibas Tuhan lalit si metahat (Yer. 32:17; Mrk. 9:23; Luk. 1:37)

b. Keleng ate nangdangi teman Penggejapen keleng ate nangdangi teman siituduhken ibas teks enda tuhu-

tuhu encidahken rasa mediate si mbages. Kelemahen si pangpangen e


2. Uga cara-cara er-PI si payo ras teraloken kalak, harus tetap sidarami ras sipelajari. Apai ka i bas jaman si lit rusur perubahen-perubahen secara cepat i bas kegeluhen masyakat, tentu la banci lang cara-caranta harus tetap ipekena ras iseuaiken (iaktualisasi) ku bas ingan ras situasi inganta er-PI.

3. Bicara mbue cara ras metode si ipake ibas kita er-PI, tapi kerina e silakoken erpalasken Kepentaren ras kuasa Dibata. Ula kita terlalu mengandalken pemeteh, kebeluhen ras kehebaten-kehebatenta.

4. Kiniteken ras pemeteh enda harus radu sikembangken ibas geluhta, termasuk man anakta labo cukup adi sisekolahken saja ia guna ndatken pemeteh doni, e maka ula kita lupa guna mewarisken kiniteken man bana.

5. Kepentaren Dibata banci tetap reh belinna i bas kita, sejalan ras perkembangen kiniteken bas diri, keluarga ras gerejanta. E maka adi reh pentarna ateta kita i bas kepentaren Dibata, tambahi rusur ketutusenta bas dahin-dahin kiniteken.

IV. DISKUSI 1. Kai nge ndia si jadi penghalang maka megati kurang tah pe lenga ukurta

ersuruh guna mritaken Berita si Meriah ku sekelewetta ? 2. Kai nge akapndu kari perbedanna, subuk i bas perdalinenna bage pe ulihna,

adi caranta er-PI erpalasken kepentaren doni ras sada nari alu Kepentaren Dibata ? Situriken erpalasken pengidah, pemahamen ras pengalamenta sekalak-sekalak.

USULEN ENDE-ENDEN : PEE No. 112; PEE No. 126; PEE No. 22

Pdt. Kongsi Kaban, STh

HP. 08126587327

Kepala Tanpa pengetahuan seperti benteng tanpa tentara (Napoleon)


05. BIMBINGEN PA MAMRE GBKP TAHUN 2014 TANGGAL 23 PEBRUARI-01 MARET 2014

Ogen : Kuan-kuan 3:5-8 Tema : Ola akapndu pentar kam lebih asa patutna Tujun : Gelah Mamre ngasup makeken pemetehna alu benar ras patut I. PERLEBE Kuan-kuanen e me sada tradisi pengajaren si metuana ibas Israel. Gelgel nari enggo mbue pengajaren sinisehken nini-nini kalak Jahudi ibas sada generasi ku generasi. Kerina pengajaren enda kedungenna i pepulung jadi sada pengajaren si meherga man bangsa enda. Sada kehamaten maka Raja Salomo ikataken si nuratkenca amin gia enggo pasti maka labo ia ngenca. Memang ibas jaman kerajan tradisi pengajaren enggo mulai mejile kususna ibas keluarga istana. Jenari pengajaren-pengajaren enda kedungenna ilakoken ibas sinagoge, e me masa enggo kenca mulih pembuangen Babil nari. II. ISI Si jadi penekanen ibas kitab enda e me uga sekalak jelma banci pentar. Ibas bhs Indonesia, berhikmat, ertina kualitas intlektual atau pemikiran manusia yang mampu membedakan hikmat manusia dengan kebijaksaan yang membawa manusia berhasil. Alu pengertin enda maka pentar ijenda labo terjeng otakna, tapi pe pentar pusuh ras perukurenna (kecerdasan spritual dan emosional). Uga enda ndatkenca? E me alu erkemalangen man Tuhan. Ibas ayat 5, ernalem (Ind: percaya) man Dibata alu bulat ukur (segenap hati). Ibas pengajaren Israel, maka pusuh (Heber: lev) penting. Alu bulat ukur ertina maka asa gegeh, ukur la ikurangi ibas ngendesken kegeluhenta man Dibata. Situhuna mahan bana man kalak si bagenda la iagahkenna kebeluhenna, pemetehna jine ibas ndalani wari-warina. Ayat 6, Ingetlah Dibata (akuilah Dia), ibas kerina si idahikenndu, enda sada integritas kegeluhen kalak si tek man Dibata. Ija kalak si tek ipengguruina Dibata ibas kerina sii idahikenna. Labo kenca turah persoalen maka ilebuhna Dibata. Bagi nina pe Masmur, tupung aku tayang ku inget Kam.


Ertina menaken ibas rukur, enggo si penggurui Tuhan, kai niNa, subuk arah pertoton entah arah KataNa. Ayat 7, Ola iakapndu pentar kam lebih asa patutna (Ind: jangan menganggap diri bijak). Lit piga-piga perlu tengeti ijenda e me, kalak si erpengakap pentar banci jadi lanai lit sura-surana erlajar. Padahal tantangen kegeluhen enda reh dekahna reh belinna. Jenari kalak si erpengakap dirina pentar e me cenderung turah kiniganjangen ukur. Padahal kepentaren manusia labo lit serta. Kita la banci nggeluh adi lalit kepentaren kalak si deban. Emaka ibas Kitab Kuan-Kuanen enda kita arus erlajar arah kai pe (perkis, cikcak, manuk sabugan, rsd). Ayat 8, Adi bage pengelakondu, perbahanenndu e desken tambar si pepalem penakit ras si mesuindu. Enda ulih kalak si ndalanken pengajaren enda ndai maka. Maka kalak siernalem man Tuhan, ibereken Tuhan kepentaren rukur. Kepentaren rukur e erbanca ia beluh encibalken dirina ibas kerina kegeluhen seh maka la ia juru, la ia meling tapi dat kemalemen ate ia ras kalak si deban.

III. PENGKENAINA Salah sada biak manusia e me rukur. Arah bancina kita rukur maka banci tambah pemetehta. Si latih caranta rukur maka reh bagesna si terukuri kita. Emaka kalak si nggit sekolah biasana reh bagesna carana rukur. Tapi pemeteh si idat manusia labo kerina banci ikataken kepentaren. Sabab kepentaren si maksudken kita ibas PA enda situhuna e me gabungen kepentaren otak, pusuh ras perukuren (jiwa). Emaka ibas kegeluhen enda banci nge lit kalak erpemeteh, tapi pemetehna la sedalanen ras kiniteken. Emaka mbue pemeteh manusia enda banci encedai kalak si deban, ras erbanca mbiar kalak si deban. Umpamana, teroris ibas negaranta enda e me kalak beluh. Terbukti maka erban bom pe beluh ia. Tapi pemetehna e peturah kebiaren ibas kalak si deban. Ibas kegeluhen Mamre pe maka enterem kalak beluh. Si lang-langna beluh akapna bana. Terbukti maka enterem denga Mamre ngulas togel. Banci pagi-pagi nari asa ben e banna dahinna. Iakapna arah kebeluhenna e banci mpenahangi baban geluhna alu la perlu ncurcurken panas. Ulas-ulas, perbeben labo timbas, sinanggel pe labo lepas, takal ngenca enggo culas.


Rasul Paulus njaga kemurnian isi pengajaren kerna Kepentaren Dibata si ipesehna man Perpulungen, e me : Kerna kematen Yesus Kristus i bas kayu salib, e me persembahen pengalemi dosa man manusia. Janah enda situhuna jadi kebodohen man kalak Yunani ras sada keterkutuken e man kalak Yahudi. Tapi enda kepentaren Dibata si tuhu-tuhu dalin si mehuli man kita si nuju ku bas keterkelinen (1 Kor 1:18, 21-25). Guna meritaken si e, Paulus labo make kehebaten, kebeluhen ras kepentaren doni enda i bas pelayanenna. Sebab nina Paulus adi kita erberita alu make kepentaren doni tah pe manusia, maka kiniteken si turah pe erpalas ku bas si e ka nge. Tapi adi erberita kita alu kepentaren Dibata, maka kiniteken si turah pe erpalasken Kuasa Dibata ka nge (ayat 5). Kepentaren Dibata e terbuni kepe man kalak si kepentarenna e me kepentaren doni enda. Janah labo ietehna kepentaren Dibata e bas geluhna. Sebab adi bicara ietehna mindai, labo mindai ilawan ras ibunuhna Tuhan Yesus (ayat 8). Janah man kalak si geluhna nuju ku bas kegeluhen, iangkana kepentaren Dibata ras ietehna man melala hal-hal si luar biasa ibereken Dibata man kalak si erkiniteken baNa. Maka kiniulin-kiniulin si sama sekali lenga pernah siukuri, siidah ras si begi e me isikapken Dibata man banta arah kepentarenNa e (ayat 9). Jadi amin pe kurang populer nge adi kita erberita si meriah mengandalken kuasa ras kepentaren Dibata, tapi e me situhuna dalan si payo bas pelayanenta. Tapi kita pe situhuna harus ka nge rusur erlajar ras ndarami metode-metode uga maka banci Kepentaren Dibata enda banci teraloken kalak, termasuk kalak si nggeluh i bas jaman si genduari enda, si enggo pe melala make cara berfikir rasional (nggeluh erpalasken akal pikiren manusia). Memang guna erberita man kalak si nggeluh i bas rasionalisme, kita pe harus ka nge ndarami cara-cara gelah kalak si bage pe banci teralokensa bas kegeluhenna. Tapi harus nge tetap iutamaken (dominan) kiniteken asangken pemeteh bage pe ras strategi-strategi si iaturken kita. III. PENGKENAINA. 1. Kerina kita arus terlibat i dahin meritaken Berita si Meriah. Justru adi la kita

metedeh guna erberita, situhuna iraguken denga nge kiniteken ras keterkelinenta. Bagi nina kuan-kuan: kalak si tuhu-tuhu enggo ikelini, mesikel ia guna ngatakensa man kalak si deban.


37. BIMBINGEN PA MAMRE GBKP TAHUN 2014 TANGGAL, 19 – 25 OKTOBER 2014

(Minggu Zending GBKP).

Ogen : 1 Korinti 2:1-9. Tema : Kiniteken ntah kebeluhen ? Tujun : Gelah Mamre i bas ersaksi makeken kepentaren i bas Dibata nari, labo

kebeluhen ngerana ras kuasana.

I. PERLEBE Selaku kalak si erkiniteken man Tuhan (gereja), maka lit 3 (telu) tugas si harus sidalanken bas kegeluhen enda, e me : 1. Marturia: naksiken ras meritaken Berita si Meriah, 2. Koinonia : ersada ras Tuhan bage pe ras teman, 3. Diakonia : mere guna nampati teman si mengalami keguluten. Tapi i bas PA-nta sendah enda khusus 1 (sada) ngenca si icakapken kita, e me Marturia: naksiken ras meritaken Berita si Meriah. Dahin naksiken Berita si Meriah e me tugas wajib man kalak si tek, ertina adi labo kita ersaksi ras erberita maka geluhta ntahpe kekristenenta e situhuna lenga bo payo. Bage pe adi sada gereja (perpulungen kalak si tek man Tuhan), adi labo iberitakenna kerna Keterkelinen i bas Yesus Kristus, maka gereja e labo situhuna gereja. Jadi erkiteken bage pentingna dahin meritaken Berita si Meriah e man banta, janah e me situhuna hakekat geluhta, maka labo banci lang sipelajari rusur uga carana ndahikensa, ndalankensa si mehulina. I bas bahan PA-nta enda banci kita erlajar kerna si e, e me uga cara Rasul Paulus nehken Kata Dibata e man Perpulungen Korinti. II. ISI Bena-benana Rasul Paulus reh ku Korinti selaku sekalak Penginjil, guna mantekki Perpulungen, labo ia reh alu ngagahken (ngandalken) kehebaten secara doni. Ia reh alu kesederhanaan: penampilen, isi ras bahasana. Si enda ilakokenna, sabap labo kin atena gelah ia ipujiken ras jadi populer. Labo atena gelah ihamati tah pe ndatken upah. Tapi murni guna meritaken kepentaren Dibata, si ngkelini manusia alu pengorbanen AnakNa, Yesus Kristus. Amin pe situhuna meganjang kal nge sekolah Paulus i bas jamanna ras mbue ras mbages kal nge kal nge pemetehna kerna Kata Dibata.


Emaka tema PA sendah ngajari kita gelah ula salah makeken pemetehta. Otak enda sada pemere Dibata si mbelinna ibas kegeluhen, Ula isalah gunaken. Maka ula salah guna enggo ndai ipersingeti ibas bahan PA enda, gelah ernalem man Dibata alu bulat ukur. Enda ngatakenca maka Mamre la banci setengah-setengah, entah tanggung-tanggung erkiniteken. Sungkun Tuhan ibas kerina si idahiken kita. Ibas nuan-nuan, ibas ngajarken anak, ibas ngaturken perduiten, ibas kerina dahinta. Lit kiniteruken ukur ibas Mamre, teridah maka nggit ia Erlajar arah ise ras kai pe. Bage pe ngergai kalak sideban, maka teptep manusia lit kerina kelebihen si ibereken Dibata man bana. Kalak si bage ngena ate kalak pendahinna. Labo ia si mpromosiken dirina, tapi kalak si deban si ngidah kinulinna seh maka tampil ia ija pa pe. Adi malem atena, malem ate kalak si deban, la banci lang ulihna pe kejuah-juahen. IV. DISKUSI 1. Kai akapndu bedana kebeluhen manusia ras kepentaren si rehna ibas

kalak ernalem man Dibata? 2. Enggo kin kita pernah ernalem alu bulat ukur man Dibata? Turiken

pengalamenta. USULEN ENDE-ENDEN: PEE 113:1-3;PEE 123:1-3;PEE 78:1-3; PEE 104:1-2; PEE 97:1-2

Pdt Yunus Bangun M.Th HP: 081361625080

Jangan takut, jangan was-was, apa yang bukan bagianmu tidak akan diberikan kepadamu


06. BIMBINGEN PA MAMRE GBKP TAHUN 2014 TANGGAL 02-08 MARET 2014

Ogen : Kejadin 39:21-23 Tema : Seri tapi ndauh beda Tujun : Mamre nggejap maka dirina la bali ras doni enda. I. PERLEBE

Doni inganta tading/lingkungen inganta tading banci saja seri ras kalak si deban, tapi kita banci tampil beda ibas encidahken pengkebetta selaku kalak si erkiniteken. I bas doni enda, tuhu melala hal-hal si memungkinken erbahanca kita terjebak, kena tipu ras banci saja mabai kita ndabuh ku bas dosa. Jadi si i perluken e me selaku anggota Mamre nggit ras pang tampil beda, la seri ras doni si dem alu sura-sura si jahat.

Salah sada contoh bagi siniadapi Jusup, man bana i palitken si jahat ras Jusup ngenanami erbage-bage kiniseran i bas geluhna seh pe maka i tamaken ku bas rumah tutupen, padahal Jusup kalak si bujur, tutus erdahin ras erkemalangen man Dibata. Kalak si bagepe ngenanami erbage-bage kiniseran, tentuna mpeturah penungkunen: “engkai maka si enda banci jadi? Bujur kin kalak si la ersalah ndatken ukumen? Lit kuan-kuan Karo “simulih perbahanen, kai sini suan e kange i perani”, ertina adi si suan kiniulin maka ulihna kemalemen ate, adi si suan kinilabujuren maka ulihna e me ate ceda. Jusup ibas kerina situasi tetap encidahken maka ia kalak si erkemalangen man Dibata, emaka ulihna pe ija pa pe Jusup ringan, ia tetap i pasu-pasu Dibata ras tetap i jaga dingen ikawali Dibata.

II. ISI

Turi-turin kegeluhen Jusup banci si oge menaken Kejadin 37, piga-piga pengalamen kiniseran si ialoken Jusup i bas geluhna e me, senina-seninana ernembeh ate man Jusup, seh pe lit sura-sura senina-senina Jusup guna munuh ia, tapi kedungenna Jusup i dayaken senina-seninana man kalak Ismael ras i Mesir Jusup i dayaken man sekalak kepala pegawai istana raja gelarna Potipar.

Jusup i arak-arak Tuhan, seh maka sangap ia i bas kerina pendahinna, kai pe si idahikenna mehuli kerina ulihna. La saja Jusup si ndatken kesangapen tapi pe i pasu-pasu Tuhan kerina isi jabu kalak Mesir e, bage pe i pasu-pasu Tuhan kerina si lit i rumahna ras i juma Potipar (Kej. 39:5). Tapi kai ulihna i aloken Jusup? I palitken ndehara Potipar me si jahat man Jusup, erkiteken Jusup la nggit nehken sura-sura ndehara Potipar guna ras medem, anem gia tep-tep wari i endik-endikna. Si enda me erbahansa ndehara Potipar erbahan pengadun si palsu, si erbahansa Jusup i tangkap dingen itamaken ku bas tutupen ingan tutupen tahanen-tahanen raja.


kepentaren ibas kegeluhennta, janah kepentaren e ngajari kita ibas erbage-bage dampar kegeluhen enda, seh maka ngasup kita erbahan keputusen ras nentuken pilihen si payo. Alu bage banci ikataken maka kunci keberhasilen ras kiniulin nggeluh eme penembahen si tuhu-tuhu man Dibata. Penungkunen sekaligus perenungen man banta, enggo nge sibabai kegeluhenta enda (perukuren, pengerana ras perbahanenta) ku simehulina? mabai geluh ku si mehuli tentu labo mesunah, tapi adi ngasup kita mabai ku si mehulina, tentu enda me kemalemen ate ras kesangapen si tuhu-tuhu. Janah sue ras bahan PA-nta Minggu enda, maka ibas kepentaren ras kebijaksanan ngasup kita maba kegeluhenta ku si mehuli e. Sendalanen ras Ulang Tahun Moria GBKP sipe-57 ken tahun enda, tentu mbelin kal pengarapen Moria, maka kerina Mamrena banci bagi Josua. Mamre si ersembah man Dibata, si ngasup mabai isi jabu dingen naksiken maka ia ras isi jabuna ersembah man Dibata. Perbulangen siiarapken ndehara eme si pentar dingen bijak, si ngasup mabai jabu ku simehuli. Pentar ibas ngerana, ngajarken anak, ngasup ngidah masa depan (paksa si reh), ngukurken kerna perbeliten jabu, kemalemen ate anak-anak ras ndeharana ras sidebanna. Nggeluh jadi sekalak bapa, jadi sekalak perbulangen tentu labo mesunah, tapi labo la banci. Melala pengorbanen, perjuangen si arus ilakoken, seh maka malem ate isi jabuna (ndehara ras anak-anak). Ibas sienda me Dibata siigelari ‘Sophia’ (Dibata Kepentaren) singajari kita. Janah la ketadingen pe reh belinna kengasupen Mamre guna mabai isi jabuna guna ersembah man Dibata, rikutken pe naksiken kerna kuasa ras keleng ate Dibata man kalak sideban. Alu bage kalak si ngidahsa banci terjemba ukurna milih Dibata situhi-tuhu e jadi Dibatana.

III. KESIMPULEN. Mamre (perbulangen) siersembah man Dibata jadi pengarapen ras perayaken tep-tep ndehara ras anak-anak. Janah situhuna, sangap kal adi sekalak bapa (Mamre) banci nehi arapen ras perayaken enda. Emaka gelah tuhu-tuhu ‘maksimal’ kegeluhenta selaku Mamre (perbulangen) tupung lit denga kegeluhen i doni enda, sembahlah Dibata si jadi ulu kepentaren e alu setia. Alu bage tep-tep Mamre banci jadi ‘kebanggaan man ndehara ras anak-anakna’. Janah enda me si jadi hadiah Ulang Tahun man Moria GBKP ibas tahun enda.

IV. DISKUSI 1. Rikutken pengakun Josua, seh ja nge pengaruh Bapa (perbulangen)

nentuken kualitas jabu, anak-anak bagepe ndehara? 2. Rikutken pengakapndu sebage perbulangen nandangi ndeharandu, model

perbulangen si uga nge si iarapkenna? USULEN ENDE-ENDEN : KEE No. 201:1,3 ; KEE No. 202: 1-3 ; PEE No 67:1-4 ; PEE No.126:1-3.

Pdt. Jennie Elliyani Keliat

HP. 081375523001


36. BIMBINGEN PA MAMRE GBKP TAHUN 2014 TANGGAL, 12-18 OKTOBER 2014

(HUT Moria si pe-57 ken)

Ogen : Josua 24:14-21 Tema : Aku ras Jabungku, Tuhan saja isembah kami. Tujun : Gelah Mamre ngasup mabai isi jabuna setia nembah man Dibata.

I. PERLEBE. “Sangap kal aku”, bage me nina sekalak Moria ngerana man temanna. Emaka nina temanna e man bana, ‘engkai maka ikatakenndu kam sangap?’ Nina njababsa, “Aminna pe secara ekonomi cukup-cukup ngenca, erdahin latih tep-tep wari, anak-anak pe la meganjang sekolahna. Tapi perbulangenku seh kal ulina, malem kal ateku ras anak-anakku ibahanna, tutus ia ku gereja, janah babaina kami kerina gelah erkiniteken ras erpengarapen man Tuhan dingen nggeluh alu bujur”. Adi isiksiki, situhuna bage me pengarapen kerina ndehara ras anak-anak nangdangi perbulangen entah pe bapana. Sijadi penungkunen, piga persen nge pernanden ras anak-anak nggejabken kesangapen erdandanken geluh perbulangen entah pe bapana? Ibas dampar siapai nge simbelinna pengarapen isi jabu man perbapanna?

II. ISI. Kata sijadi bahan PA-nta Minggu enda enggo cukup populer ibas kegeluhen gerejaNa, sabab enggo mekatep kal ibelasken, icakapken janah isuratken jadi hiasen dinding, eme khususna kerna pengakun Josua. Nina “Tapi adi aku ras isi jabungku, Tuhan saja ngenca isembah kami” (ayat 15b). Kai sababna maka pang Josua ngataken kata sibagenda rupana man bangsa Israel? Kai kin si penting ibas bahan PA-nta enda rikutken situasi kegeluhenta? - Josua ngajuk bangsa guna nembah Dibata dingen empedauh dibata-dibata

sideban. - Josua mereken pilihen ku ise bangsa enda nembah (ku Dibata simabai nini-

ninina ndarat i Mesir nari entah pe ku dibata-dibata kalak Mesopotami). - Josua pang njamini dirina ras keluargana tetap ersembah man Dibata. Arah kai siikataken Josua ras uga ia njamini kegeluhenna ras isi jabuna maka ‘Tuhan saja ngenca isembahna’ ngataken maka Josua eme sekalak bapa sierkiniteken man Dibata. Janah kinitekenna e icidahkenna rikut ras perukuren, pengerana ras perbahanenna, sierbahanca maka keluarga ras kalak si lit isekelewetna nggit ngikutken ia. Aminna gia enterem kalak ibas paksa e enggo ipengaruhi (tersuan ibas pusuhna) kerna kiniteken man dibata-dibata kalak Mesopotamia. Tapi semangat kinitekenna nuruh ia guna naksiken kerna penembahan situhu-tuhu dingen la erdua ukur man Dibata. Penembahan ras kiniersadan si enteguh man Dibata, eme pilihen si tepat dingen payo. Sabab Dibata siisembah kita e, salah sada biakna eme ‘Dibata Kepentaren, Kebijaksanaan’ siigelari ‘Sophia’. Emaka man kalak siersembah man Dibata ndatken KepentarenNa. Janah adi nggeluh ibas kepentarenNa, tentu empeturah


Ibas kalak Mesir paksa si e, lit 3 guna penjara e me: 1. Ingan tading kalak si enggo terbukti ersalah. 2. Jadi ingan pemasok tenaga kerja paksa guna kepentingen negara. 3. Jadi ingan tading tahanen sementara ope i putusken pengadilen kerna kesalahenna.

Tentuna banci si bayangken maka kegeluhen i bas penjara sitik pe la nyaman, erbage-bage biak manusia si lit i bas penjara ras dem alu kekurangen. Tapi arah ogenta teridah maka: Tuhan tetap ngarak-ngarak Jusup. Ngena ate penjaga rumah tutupen e man Jusup. Ibereken kepercayaan man Jusup guna ngurus kerina kalak tutupen si deban

ras pe kerna keperlunna. Tentuna enterem kalak si lit i bas penjara e, tapi man Jusup ngenca i bereken kepercayaan, si enda banci jadi e me erkiteken Tuhan si ngarak-ngarak Jusup, maka kasa kai si idahikenna jore kerina (Kej. 39:23b). Jadi arah kegeluhen Jusup banci si datken piga-piga si mehuli e me: Jusup kalak si erkemalangen man Tuhan, patuh man orang tuana, tutus

erdahin, nggit ngelawan dosa dingen njaga kebadiaan geluhna. Jusup la nggit nalahken Tuhan bagepe kalak si deban, anem gia erbage-

bage kiniseran i alokenna i bas geluhna. Jusup tampil beda ras kalak si lit i sekelewetna, khususna ras kalak si lit i

bas penjara. Tampil beda ningen e e me Jusup biaren man Dibata asangken manusia, Jusup tetap njaga kebadiaan geluhna alu nimbak peraten dagingna.

Alu bage Jusup i bas penjara pe tetap ipakeken Tuhan, erguna nandangi kalak si deban, kasa kai si i dahikenna jore kerina. Tentuna si enda banci jadi e me erkiteken pengarak-ngarak ras pemasu-pasun Dibata.

III. PENGKENAINA

Mamre selaku imam i tengah-tengah keluarga, ertina selaku imam si ertanggung jawab guna mimpin ras mabai kerina anggota keluarga gelah erkemalangen man Dibata. Tentuna erbage-bage godaan-godaan, percuban-percuban si lit i bas kegeluhen enda, tawaren-tawaren doni enda si njanjiken mereken kesenangen, keriahen ras kesangapen (judi, miras, narkoba, prostitusi, korupsi, sogok-menyogok, ras sidebanna) si atena ngerintak kita gelah nirangken Dibata. Kata Dibata ningetken man banta “Ola pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai sura-sura Dibata, kai si mehuli, kai si ngena ateNa, janah kai si sempurna” (Roma 12:2).

I jenda me kita perlu erlajar arah pengalamen kegeluhen Jusup, la ia celus, la ia ndabuh ku bas percuban tapi tetap ia erkemalangen man Dibata, ulihna e me Jusup tetap iarak-arak dingen i pasu-pasu Tuhan. Banci jadi pe perbeben-


perbeben/ percuban-percuban reh arah pinakit, pendahinta/teman sada dahin, keluarganta ntah pe arah kiniseran-kiniseran si deban. Nggo pe asa ngasupta erbahan si bujur, tapi kiniseran reh nderpa geluhta, la siangkai si e banci kerina jadi. Erlajar kita arah kegeluhen Jusup, anem gia erbage-bage kiniseran reh nderpa geluhna la ia nilah i bas Dibata nari, i jenda me tangkas teridah bagi kai si isingetken i bas Jeremia 29:11 “Aku ngenca meteh sura-surangKu nandangi kam, e me gelah kam senang labo gelah cilaka. RencanangKu e me mereken wari si pepagi bagi si iarapkenndu”.

Jadi selaku bapa (anggota Mamre) arus tampil beda ras kalak si deban, anem gia kita seri (seri ingan tading, ntah seri pendahinta, ras sidebanna) jadilah Mamre si berkwalitas ibas kiniteken, Mamre si tetap setia njaga identitasna, njaga kebadiaan geluhna, ras Mamre si tetap encidahken biak-biak si erkemalangen man Dibata. Anem gia erbage-bage biak-biak si la mehuli si lit i sekelewetta la kita celus tapi tetap tampil beda ras doni enda.

IV. DISKUSI

1. Kai nge si erbahanca maka Jusup ngasup ngalaken kerina percuban i bas geluhna?

2. Turikenlah (kesaksin pribadi) pengalamenndu i bas ngalaken salah sada percuban/perbeben nggeluh! ras kuga asilna?

USULEN ENDE-ENDEN: KEE. 187:1,3; KEE. 183:1-4; PEE.10:1,2; PEE. 22:1-5; PEE. 63:1-3

Pdt. Kalvinsius Jawak, M.Si HP. 081361419249

Jangan Menangis karena gagal dalam cinta sebab manusia akan meninggalkan apa yang

dicintainya


IV. DISKUSI 1. Oge mulihi bahanta ay. 5a kita ikeliniNa labo erkiteken perbahenta simehuli,

tapi erkiteken perkuah ateNa. Uga pengangkanndu kerna perbahenen simehuli ras perkuah ate Dibata? Turikenlah.

2. Rikutken pengalamen sipernah igejapkenndu, payo nge perbahanen simehuli erbanca kita tetap ermeriah ukur? Turikenndu contohna. Janah kai situhuna ate Dibata maka arus kita tetap ngelakoken perbahanen si mehuli e? Turiken janah jadikenlah e sebage tekad ibas geluhta.

USULEN ENDE-ENDEN : KEE 68: 1-3; PEE 45: 1,2,3,6; PEE 52:1-3; PEE 111: 1-3 DAFTAR BACAAN 1. John Drane. 2005, Memahami Perjanjian Baru. Jakarta: BPK Gunung Mulia. . 2. Samuel Benyamin Hakh. 2010, Perjanjian Baru: Sejarah, Pengantar dan Pokok-pokok Teologisnya.

Bandung: Bina Media Informasi. 3. R. Budiman. 2008, Tafsiran Alkitab Surat-surat Pastoral I&II Timotius Dan Titus. Jakarta: BPK Gunung

Mulia. 4. Wesley Brill. 1978, Tafsiran Surat Timotius dan Titus. Bandung: Kalam Hidup. 5. Bambang Subandrijo. 2010, Menyingkap Pesan-pesan Perjanjian Baru. Jakarta: Bina Media Informasi. 6. Udo Schnelle. 1998, The History and Theology of the New Testament Writings. London: SCM Press

Pdt Darius Rinaldi Sembiring M.Th.

GBKP Rg. Jadimeriah Klasis Medan Delitua

Sebenarnya sang penggembala melindungi dombanya dari ancaman serigala, namun betapa pula jika sang penggembala sendiri adalah serigala-serigala (Syair Arab)


eksekusi (tebang). Bage ka pe situhuna nggeluh ibas kiniteken. Dirinta banci ibaratkan sada batang kayu, kerna bulung si mbue batang si meledang ras mbelin ntah pe buah si meramis ras ntebu, kerina e tergantung kubas pengelako/ perbahanen siibahan kita. Tema PA-nta ngataken “Erbuahken Simehuli”, peraten Dibata labo merupaken hasil si asing nari man banta kalak si erkiniteken. Namun hal utama siperlu tetap iperdiateken e me seh ija nggo belinna “batang kiniteken” si turah bas geluhta, ras uga buah kiniteken sibanci iperani arah batang kinitekenta e? Piga piga prinsip dasar si perlu iinget e me : Reh ganjang ras belinna batang kayu, maka pasti reh buena bulungna janah

tentuna reh buena sinuan sinuan si banci ilinggemina. Bagepe mbue ka perik perik si er-rasar ibas batang kayu e. Ertina reh belinna kinitekenta maka reh mbuena kalak si deban si “cilinggem” ibas kita. Alu kata sideban nterem kalak si merasa bangga , senang natap kita, janah banci jadi kita menjadi pusat perhatian ntah berita, tapi e terjeng biber ras mata ngenca penggejapenna (pengidah ras belas-belas saja). Lit denga kelanjutenna eme kerna buah.

Adi belinna batang kayu ras mbue bulungna maka reh buena buah siihasilkenna. Janah tiap-tiap buah lit nanamna eme la ernanam (nanam lau saja), macem, pagit/mecapet, ntah tebu. Siidarami ras siiayaki tentu buah si ntebu nanamna, ngkai? Sebab nanam ntebu identik ras suasana gembira, senang ras bahagia; beda ras macem sierbanca ringut ayonta ntah mecapet sierbanca kita berjut. Rikutken peraten Tuhan maka buah simehuli e me bagi isingetken ibas Gal 5:22-23.

Bagi siisingetken Paulus man Titus, gelah kerina kalak sitek tetap njaga lagu langkahna alu mehuli. Pengalamen nggeluh ope ras Kristus merupaken bukti sinyata bas kalak sitading i Pulau Kreta. Gampang kecewa, la si-tek-en, rubati, tapi kenca nggeluh ersada ras Tuhan dingen nggeluh alu tetap ndalanken simehuli maka biak biak silamehuli banci igantiken alu hal hal si mehuli. Bage pe kerna sijadi genduari labo ndauhisa ras siialami kalak pulau Kreta. Mbue hal-hal si la bagi ukur, mbue jelma si rate ate tapi jore geluhna, hukum si la banci itegakken, pandangen mayoritas ras minoritas simerugiken kelompok tertentu rsd. Kerina enda merupaken tantangen sijadi ibas geluhta gundari. Tentuna arah kata siisingetkan Paulus enda kita iajuk gelah tetap ngelakoken perbahanen si mehuli. Arah tetap memperjuangken perbahanen si mehuli maka tetap lit kesempaten mengubah si la mehuli jadi mehuli mulihi. Seri bagi Dibata si tetap ncidahken perkuah ateNa gelah tetap manusia banci robah dingen ersada ras Ia. Perbahanen sierbuahken si mehuli merupaken sikap nyata nggeluh kalak si erkiniteken. Tetaplah terus cidahken gelah reh buena buah buah kinitekennta dingen reh belinna sigejap kuasa Tuhan siseh kubas geluhta.


07. BIMBINGEN PA MAMRE GBKP TAHUN 2014 TANGGAL, 9-15 MARET 2014

(Eskatologi/Setia ku Kedugen jaman) Ogen : Lukas 21:34-36 Tema : Jagai dirindu Tujun : Gelah Mamre njagai diri, ukur ras perbahanen ibas kegeluhenna I. PERLEBE Salah sada topik si jadi percakapen ibas kalak kristen e me kerna pendungi jaman (eskhatologi) e me kerehen Tuhan Yesus si pe-dua kaliken guna mereken kemulian man kalak si tek janah jadi pengadilen (ngukum) kalak si la tek (jahat) man Dibata. Hal-hal si erkaiten ras Eskatologi jadi pokok pemberitaan man kalak Kristen kenca kenangkihen Tuhan Yesus ku surga, gelah kerina manusia ersikap maka metunggung pagi ngaloken kerehenNa si pedua kaliken. Topik enda ngingetken kerina kalak Kristen gelah ula ngukurken kerna kegeluhen ibas paksa si genduari saja. Tujun nggeluhta labo terjeng kesejahtraan i doni enda ngenca (erta doni), tapi kuga erta surganta ? II. ISI Lukas 21:34-36 e me sada bagin kerna persinget Tuhan Yesus khususna nandangi ajar-ajarNa kerna wari-wari kiniseran si nandangi reh. Percakapen Yesus ras ajar-ajarna i benaken ibas Lukas 21:5 terus ku Lukas 21:38. Tangtangna isingetken Yesus kerna keruntuhen rumah pertoton Tuhan si seh kal jilena si erbahansa turah penungkunen ajar-ajar: ndigan nge warina? La i jabab Yesus penungkunen ajar-ajarNa alu ngataken ndigan warina tapi i turiken Yesus kena kai si jadi bas doni enda e me kinilaraturen (kekacauan/kejahaten) si nandangi ialaken ajar-ajar. Lit kesan maka keruntuhen rumah pertoton e labo saja secara fisik tapi sebage simbol ija kejahaten ras pe pengajaren si lepak erkuasa. Tapi itengah-tengah situasi e, Yesus mpetetap ukur ajar-ajarnya gelah ola mbiar ersaksi sabab iberekenNa me kesahNa. Kekacauan e kepeken jadi sada persinget man ajar-ajar kerna wari-wari kerehen Dibata (kerehen Yesus si peduakaliken) si reh bagi siding man kerina jelma (ayat. 35). Yesus ngingetken ajar-ajar gelah tiap wari, tiap detik kegeluhenNa arus ersikap-sikap ras njaga dirina gelah katawari pe Tuhan Yesus reh, subuk iarap ntah la iarap kita waktuna kita siap, kerehen Yesus labo nidingi kita tapi jadi pasu-pasu man banta. Ibas ayat 343 Yesus ngataken maka kerina ajar-ajarna perlu nirangi kegeluhen si sifatna ‘duniawi’, erkiteken kerina si lit ibas doni enda ngadi nge 3 Dalam alkitab terjemahan Indonesia maka ayat 34 disatukan dengan sebagian ayat 35 dalam terjemahan bahasa Karo.


dungna (akan berakhir), apai ka kita ndabuh ku bas siding kemabuken, pesta pora ras kepentingen-kepentingen (perkara) si erpalasken sura-sura doni si mabai kita ku bas kematen. Njagai dirinta e me perintah Tuhan Yesus gelah ula terpengaruh, janah i isi perukure alu hal-hal si sifatna sorgawi (si ngena ate Tuhan) sebage persikapen guna ngalo-ngalo kerehen Tuhan Yesus si pedua kaliken. Ibas ayat 36 ajar-ajar Yesus iajuk gelah tetap metenget (waspada) kerna dosa janah iajuk gelah nggeluh tutus ibas toto gelah keleng atena ras ukurna tetap ngala kempak Dibata. Alu bage maka ajar-ajar ngaloken gegeh gelah banci nggeluh ibas kiniteken ras kebenaren Dibata si mulahi kita ibas siding dosa. III. PENGKENAINA Temanta e me “jagai dirindu”, arah tema enda tersirat situasi bahaya si mengancam kegeluhennta, janah i kataken jagai dirindu alu pengarapen gelah ula kita icedai ntah pe jadi korban ibas situasi si nggo si eteh janah nggo ka kita i persingeti. Yesus mpersingeti kita gelah ula isidingi permainen doni enda si terjeng mereken kenikmatan sesaat, si kedungenna lesap me kita. Ope denga Yesus mate janah nangkih ku surga ipetetapna kita guna ngalaken situasi doni si jahat enda alu mereken senjata si mpegegehi kita e me nggeluh ibas pertoton. Tuhan Yesus lit ibas pertoton guna mpedauh kita ibas kuasa dosa nari. Ibas kita nimai kerehen Yesus marilah si jaga dirinta arah kegeluhen si ertoto gelah i pengasup Dibata kita nggeluh ibas kiniteken ras kebenaren Dibata.

IV. DISKUSI 1. Tuhan Yesus ngingetken maka ajar-ajarna nandangi ngalaken kiniseran ras

percuban si banci ncedai ntah pe nidingi ia. Rikutken pengalamennta kai nge kiniseran ras percuban si banci ncedai ras nidingi Mamre sierbahanca gagal ndatken erta surga ?

2. Uga nge semangat eskatologi (pengarapen kerna kerehen Yesus peduakaliken) bas gerejanta, nggo nge menjadi tema sentral (pokok utama) bas kegeluhen jemaatta ?

USULEN ENDE-ENDEN : PEE No. 17; PEE No. 111; PEE No. 130; KEE No. 187

Pdt. Vicardo A. Ginting HP. 081362439302


1. Ay 1. Patuhlah man pemerintah ras penguasa... dalanken kerina dahin simehuli. Paulus ningetken Titus gelah tetap patuh man pemerintah sebage wujud tanggungjawab warga negara, bagepe tetap ndalanken dahin simehuli man ise pe tanpa memandang suku, agama ntah pe ras. Sebab arah perbahanen si mehuli enda banci jadi pintu masuk sehna berita keselamaten man kalak si deban.

2. Ay 2,3 Ola ncekuraki.. tapi erdame dingen meriahlah, mehulilah man kerina. Sebab nai kita pe labo sieteh mehuli... segat ateta kalak janah kalak pe segat atena kita. Paulus menegasken kerna perbahanen siarus icidahken kalak sitek man sapih sapih manusia. Ncekuraki (= fitnah) gampang kel erbanca turah perubaten, nggit ngelawan ras erbahan salah, kerincuhen daging ras erbage sura sura megati erbanca segat ateta nandangi kalak bagepe kalak nandangi kita. Arah pengalamen si pagit dingen dem keguluten enda Paulus menegasken pentingna perbahanen simehuli sebagai solusi ndatken kemalemen ate bas geluh. Biak Dibata sincidahken sikap erdame dingen meriah ngasup mengubah si la mehuli ndai menjadi si mehuli, mengubah perubaten jadi perdamen. Perbahanen simehuli merupaken tindaken nyata kalak sitek kerna Dibata siitekina.

3. Ay. 4,5a kita ikeliniNa labo erkiteken perbahenta simehuli, tapi erkiteken perkuah ateNa. Dibata ngkelini kita labo erkiteken perbahanenta simehuli, sebab adi arah perbahanen simehuli Dibata ngkelini manusia maka hal enda enggo membatasi ke-Mahakuasa-an Dibata. Janah la lit kalak si banci serta iadep adepen Tuhan. Emaka Paulus ngataken bahwa Dibata ngkelini manusia arah perkuah ateNa si banci ialoken ise pe ras katawari pe. Khusus man kalak si enggo ngalokenca maka kalak si tek e pasti ngelakoken perbahanen si mehuli.

4. Ay 5b, kita ikelini Dibata arah Kesah Si Badia sierbanca kita tubuh peduakaliken gelah sialoken kegeluhen simbaru alu mbersihken kita. Bagin enda merupaken umputen ibas ay. 5a, jelas teridah bahwa Dibata ngkelini manusia arah Kesah Si Badia. Ija Kesah e ngajari kita uga arusna nggeluh ibas Tuhan, ngelakoken bagi si ngena ateNa (Joh. 16:5-15). Perbahanen si mehuli merupaken akibat ibas perkuah ate Dibata si enggo ialoken kalak si erkiniteken.

III. PENGKENAINA Matius ngataken “ arah buahna itandai kap batangna”(Mat 12:33b). Kata enda ningetken maka buah e memiliki peran penting ibas sinuan sinuan bagepe man manusia. Secara umum banci ikataken maka buah e merupakan hasil puncak siihasilken sinuan sinuan, sierbanca sinuan e tetap meherga dingen ipelihara, misalna sisuan tualah lalap la erbuah tentu tualah ndai pe segera si


35. BIMBINGEN PA MAMRE GBKP TAHUN 2014 TANGGAL 05-11 OKTOBER 2014

Ogen : Titus 3:1-5 Tema : Erbuahken simehuli Tujun : Mamre menyadari maka keselamaten ras kekelengen si enggo ibereken

Dibata arusna irespon alu perbahenen simehuli I. PERLEBE Pepatah Melayu ngatakenca : Harimau mati meninggalkan belang, gajah mati meninggalkan gading dan manusia mati meninggalkan nama. Arah kata kata enda isingetken maka sekalak jelma tetap iinget ras terberita kenca enggo ia mate ntah lanai lit. Hal enda banci sinen arah tokoh tokoh negaranta misalna Soekarna-Hatta, Pattimura, Gara Mata (tokoh Nasional Karo), rsd. Kerina ia tetap iinget ras terberita erkiteken perjuangen ras perbahanenna si mehuli ibas merebut ntah pe mempertahanken kemerdekaan bangsanta. Hal si seri banci ka siidah arah Yesus si enggo mate dingen nggeluh mulihi erbanca la saja terberita tapi ia iakui sebage “ O Tuhanku, O Dibatangku” bagi pengakun Tomas kenca Yesus keke. Bagepe nggeluh ibas kiniteken – eme nggeluh ibas mempertahanken kemerdekaan (keselamaten) si enggo ibereken Kristus man banta – iperluken perjuangen ras pengorbanenta gelah tetap nggeluh ibas peraten Tuhan. Perjuangen ras pengorbanen enda me sikataken ncidahken buah simehuli sebage tanda maka kita enggo ersada ras Dibata. Kai kin buah simehuli e? Uga kin prosesna ras implementasina man banta? Mari sipebagesi kerna teks ogenta. II. ISI Surat Paulus man Titus ikatagoriken kubas surat –surat Pastoral (seri bagi surat Paulus man Timotius). Garis besar surat enda berisiken petunjuk petunjuk guna ndalani kegeluhen selaku kalak sierkiniteken sekaligus menanggulangi ajaren sesat. Titus e me sekalak non jahudi si jadi Kristen, ia ikut ibas rombongen Paulus sangana mpeseh Berita Si Meriah ku Korinti. Erkiteken ketutusenna maka Paulus mengutus Titus ku Kreta, salah sada pulau i Laut Tengah ndeher ras Yunani, guna ngelai ras mengembangken perpulungen i daerah e. Iperkiraken surat enda itulis ibas tahun 60-64 M sangana Paulus i Roma. Secara struktur bagin teks ogenta merupaken bagin ibas pendilo man kalak Kristen khsususna dalam konteks pemerintahen ras masyarakat (eksternal). Ope sienda Paulus enggo ncakapken kerna hal hal sibersifat internal si arus lit ibas kegeluhen kalak Kristen (pasal 1,2). Ibas hubungen eksternal enda Paulus ningetkan kerna :


08. BIMBINGEN PA MAMRE GBKP TAHUN 2014 TANGGAL 16-22 MARET 2014

Ogen : 1 Johanes 4:1-6 Tema : Uji lebe kebenarenna Tujun : Gelah Mamre nguji lebe kebenaren aliren (isme) si reh, benar ntah lang.

I. PERLEBE Ibas paksa kitab enda itulisken maka lit erbage pengajaren siturah ibas perpulungen. Salah sadana eme pra gnostik. Amin gia abad ke dua mbarna kerna ajaren enda, tapi enggo ibenaken ibas abad si pemena nari. Inti pengajaren enda eme sinkritisme (pencampuren kiniteken). Ajaren enda mbue ipengaruhi pikiren Junani. Harnack ngataken ajaren enda ”Penjunanian Kekristenan.” Johanis ngidah maka pengajaren enda banci erbanca papak perpulungen. Erdandanken sie maka ikirimkenna suratna enda.

II. ISI Johanis ijenda mpersingeti perpulungen gelah metenget nandangi kalak si ngaku lit ibas ia Kesah Dibata. Ipindokenna gelah iuji lebe payo entah lang rehna ibas Dibata nari. Pertenget enda isehkenna perban enggo enterem nabi perguak ibas paksa sie. Kune perpulungen la meternget maka banci terpengaruh ia ku bas ajaren si lanai sue ras kinitekennta. Sukat-sukat (indikator) guna nguji kebenaren ajaren eme ”kalak si ngaku maka Jesus Kristus reh ku doni enda selaku manusia,” maka sie rehna ibas Dibata nari. Sienda me si megati itulak gnostik. Maka nina Jesus labo manusia tuhu-tuhu. Kulana desken bayangen. Emaka tupung itangkap ras ipakuken lanai bo ah ndai Jesus. Jadi. la teralokenca Jesus e manusia, ngenanami kiniseran ras kematen. Padahal ibas kinitekenta eme persitiwa si pentingna, sebab ije tangkas kuasa ras keleng ate Dibata man banta. Tampuk keleng ateNa e jadi jelas arah peristiwa kiniseranna enda. Johanis nuduhken pengajaren si payo ibas ayat 2 enda. Engkai? Sabab adi enggo si eteh ajaren si payo, mahan bana enggo sieteh ajaren si papak. Bagi si erdahin bas bank. Sipelajarina eme duit asli. Labo duit palsu. Adi ietehna duit asli mahan bana ietehna duit palsu. Jenari Johanis nuriken maka perpulungen eme sikerajangen Dibata (Ind: Kamu berasal dari Allah). Iserapken Johanis ijenda asal kalak si tek man Jesus si jadi manusia e, ras kalak si la ngakui kemanusian Jesus. Kalak si bage ikataken Johanis eme asalna doni nari. Emaka cakapna pe kerna doni lalap. Tentuna, Johanis nuriken ijenda maka proses kita enggo itebus, konsekuensina kita enggo jadi sikerajangen Tuhan. Enggo tubuh peduakaliken. Ertina litna kinijeran. Kinijeran itandai maka sura-suranta pe lanai bo doni (biak-biak dosa). Emaka kinijeran erbanca sura-suranta pe ku bas pengajaren si payo rikutken Pustaka Si Badia. Metedeh ateta megiken pengajaren si payo.

III. PENGKENAINA Gelgel nari mbue aliren (isme) entah pengajaren si papak. Janah tep-tep agama lit nge kerina aliren si papak ije. Seh asa genduari maka seh kal buena


isekelewetta pengajaren entah isme si berkembang. Litna ajaren enda tentu banci alu erbage sebab. Banci erkiteken pengangkan si salah kerna Pustaka Si Badia, tapi pe banci nge alu sengaja iban papak pengajaren enda. Umpamana tahun 1978, turah aliren Children of God, si ibabai David Brent Berg. La tek man Dibata si telu sada. Iajarkenna persadan kula alu bebas. Teridah maka alu terang-terang ajaren Pustaka Si Badia e iputar balikkenna. Amin bage pe maka enterem ka nge pengikuitna. Ibas negaranta enda pe mbue enggo turahen pengajaren si papak. Si inget piga-piga tahun si lewat Pdt Sibuea I Bandung si enggo nentuken tanggal kerehen Jesus peduakaliken. Adi genduari si idah I Kupang, litna pengajaren Sion kota Allah. Ajarenna la banci ku gereja ras la banci ndahi kalak mate. Bage pe tentuna arah nilai-nilau hidup si ibaba arus moderinisasi enda. Umpamana materialisme. Ija man manusia si enggo meteraialistis maka ergan nge benda (barang) asa manusia. Man kalak si bage seh rimna akapna duit. Katawari pe e ngenca tangkelenna. Ukuren man jelma labo kai perbahanenna, tapi kai si ipakena. Enggo kenca kena pinakit si bagenda enggo mesera jelma e ndalanken kebujuren. Dibata man eme kebayaken. Mottona geluhna nina, ”kai pe ninta ngeranai adi labo lit ibas kita nol nge kerina.” Jenari sedalanen ras si bage, maka ibas gereja pe banci bengket ”teologi kemakmuren.” Ajarenna terjeng mbaba kalak ngertiken pasu-pasu Dibata eme ”kinibayaken.” Nina, adi kalak pinagko ras kalak jahat pe banci bayak, apai denga kita anak-anak Dibata, enggo pasti bayak. Adi lit si lenga bayak, ertina maka lenga ia jadi anak-anak Dibata. Adi kalak si tek man Dibata labo banci sakit, labo banci tumpur, labo banci susah. Kalak pinakiten e ertina lit denga dosana ibas geluhna. Pengajaren si bagenda adi si perhadapken ras isi Pustaka Si Badia secara utuh maka mesera siakap ngalokenca, erkiteken enterem kal kalak pilihen Dibata e justru ngenanami erbage kiniseran ras pinakit. Erbage-bage ajaren ibas paksa genduari pe sierbanca kita kemamangen. Apai nge si tuhu? Si tuhu eme si erpalasken Pustaka Si Badia. Ngertiken Pustaka Si Badia alu lengkap, utuh, ula sepotong-sepotong. Emaka reh lah ras tutuslah er PA ras PJJ bage pe ku gereja rikutken ibas kegeluhen ngoge Pustaka Si Badia gelah alu pengangkan si payo banci si geluhken kegeluhenta i babo doni enda. Emaka, ula dage meter kai pe aloken, ujilah lebe alu kebenaren Pustaka Si Badia gelah la kita lalar i bas kegeluhenta.

IV. DISKUSI 1. Kai nge si eteh kita ajaren (isme) sekelewetta genduari si siakap lanai sue ras

ajaren Pustaka Si Badia? Turikenlah asa sieteh kita. 2. Uga nge sikapta nandangi ajaren si papak ibas geluhta paksa genduari enda?

USULEN ENDE-ENDEN : PEE 62:1-3; PEE 21:1-32; PEE 103:1-3; PEE 87:1-3

Pdt Yunus Bangun M.Th

HP: 081361625080 BIMBINGEN PA MAMRE GBKP TAHUN 2014 95

10. Meriahlah ukurndu ras kalak si ermeriah ukur, tangislah kam ras kalak si tangis. Ola meganjang ukurndu, tapi pertemanilah kalak si meteruk pe. Ola beluh iakapndu bandu. Tuhan Yesus si mehaga ras mulia nggit nadingken kinirajanNa, jenari reh ku doni enda jadi seri ras manusia. Enda me tanda kedewasan ras kemerdekaan pusuh, e me kiningasupen nempatken diri ras kalak si la seri ras kita, bahkan ras kalak si ndauh teruken asa kita. Kiniteruken ukur ras kesederhanaan me lahan si paling subur jadi ingan Dibata nuanken kedewasan si erbuahken kemalemen ate.

11. Adi lit kalak erbahan jahat man bandu, ola balas alu kejahaten. Bahanlah si mehuli rikutken pengakap jelma si nterem. Mbalas kejahaten alu kejahaten e me pupuk si menyuburkan kejahaten ras empebelin kebiaren. Tapi keleng ate nambari kerina si mesuita ras tambar paling mujarab mpekena si la mehuli.

III. REFLEKSI Kenca si perdiateken uraian teks enda, ternyata geluh si mehuli (berhasil)

la tergantung kubas aspek luar dirinta nari, tapi pelin-pelin tergantung kubas kuniulin pusuh ras ukurta entah pe motivasita nandangi temanta manusia. Keberhasilan labo sebuah status/posisi si erbahan kita berbeda jenari serap ras kalak si deban. Kesuksesan/keberhasilan hidup e me menyatu ras kegeluhen anda, subuk ras temanta manusia, lingkungen, alam terutama ras Dibata.

Biak-biak enda e me pondasi kegeluhen si erbuahken dame ras sukses, sekaligus jadi tanda maka kita memiliki kemuliaan jiwa si jadi modal dasar ibas membangun hubungen si mehuli ras temanta manusia. Biak enda e me biak Dibata si lako ibas kerina jaman ras kondisi.

Jelma si bagenda me si kurang bue i doni enda, e me jelma si kiniulinna turah ibas pusuh nari, si kinilulinna la itentuken situasi. Me nggit nge kita jadi salah sada mamre si kiniulina la tergantung situasi?

IV. SHARING: Bagilah mamre kubas kelompok si lebih kitik ( 4 – 5 kalak / kelompok). Jenari setiap mamre nuriken penggejapenna untuk setiap nomor diskusi. Pengalamen teman la perlu i tanggapi entah pe idebat. Cukup berbagi pengalamen ras ibegiken saja. 1. Keberhasilen kai nge ndia si pentingna man bangku ibas kegeluhen enda? 2. Kai nge ndia hambaten pribadingku sedekah enda guna memelihara ras

ngembangken biak si isuratken Paulus bas bahan PA sekali enda? 3. Rikut biak-biak si ikataken Paulus ndai, biak siapai si meserana kuakap

ndalankensa? Ndigan ateku kupekena?

USULEN ENDE-ENDEN : PEE No 113; KEE No. 202:2; PEE No 104; PEE No. 103

Pdt. Krismas Imanta Barus, MTh


4. Silebe-lebenlah kam i bas mpehaga teman. Manusia enggo i tepa Dibata alu kualitas mulia, terhormat/mehaga. Ciri-ciri kalak si terhormat e me: semal ia berpikir terhormat, ngerana terhormat, meriah akapna erbahan teman terhormat. Emaka kalak si meriah akapna mpehaga teman, e me tanda ia memiliki jiwa yang terhormat ras mehaga bagi Yesus. Pusuh si dem alu hal-hal si mehaga e me inti ketenangen ras kedamen.

5. Ola kam mekisat, tapi tutuslah erdahin. Ergiah-giahlah ukurndu i bas ndahiken dahin Tuhan. Dibata enggo namaken biak kreatif ibas dirinta. Di kune tanta tersayat, beluh kulanta enda nambari bana. Di kune lit si la terpake ibas beltekta, beluh ia pedaratsa. Mejingkat e me tanda manusia ngergai biak kreatif si enggo isuanken Dibata ibas dirita. Janah mejingkat e me bentuk latihen pertendin gelah kita tetap nggeluh tudu ras tempas Dibata si mejingkat ras kreatif.

6. Meriahlah atendu i bas kam erpengarapen, megenggenglah kam i bas kiniseranndu, janah ertotolah kam man Dibata la erngadi-ngadi. Kegeluhen manusia ikeleweti tantangen. Tantangen e me kesempaten man kalak si dem alu pengarapen dingan saber, sebab arah tantangen me kita dat pengalamen mengenal diri. Janah kalak si nandai dirina reh ngasupna ia memahami temanna manusia, janah reh sikapna ia jadi teman. Ibas si e, pertoton si tutus me njaga kita gelah tetap terpelihara ibas gegeh si stabil si rehna ibas Dibata nari. Sebab adi perukuren ras gegeh manusia erbaleng dingen la tetap.

7. Raskenlah kinilitenndu ras temanndu si sada kiniteken, janah alokenlah kalak si reh kesilang ku rumahndu. Kita hanya mampu memberi apa yang kita miliki. Alu kata sideban, “Memberi adalah tanda memiliki”. Pemere Dibata e tuhu-tuhu jadi sikerajangen tendinta tupung malem ateta makekensa dingen ngaturkensa guna kiniulin temanta manusia, labo nambahi kebiarenta dingen kita ka si iaturna.

Kalak si metemue e me tanda kalak si mbelang tapak pusuhna, seh maka melala tertampungsa sahabat jiwa si erbahan kita nggeluh jadi manusia si utuh. Sementara kalak ngukurken diri sendiri e me kalak si i penjaraken kebiarenna sendiri.

8. Pasu-pasulah kalak si pesega-sega kam, pasu-pasulah, ola sumpahi. Kai si ndarat ibas diri manusia nari, e me ukuren kualitas si lit ibas diri manusia. Reh riahna siakap masu- masu kalak, tanda reh sampurna pusuhta ibas pasu-pasu. Tapi adi reh buena kita numpahi ras nakiti kalak, tandana dem dirinta alu sumpah ras ate mesui.

9. Sekalak-sekalak kam arus mperdiateken keperlun kalak si deban. Salah sada si erbahan pusuh manusia la dame erkiteken mbuesa keri waktuna ngukurken si la perlu, ngukurken kekurangen, ras ngukurken si la bagi ukur. Kalak si mediate ras meriah akapna ngukurken si mehuli man kalak sideban, tenang pusuhna, janah banci ilegina ate malem katawari paksa pe, sebab rukur mehuli la teriket waktu, situasi ras la ermodal.


09. BIMBINGEN PA MAMRE GBKP TAHUN 2014 TANGGAL 23 – 29 MARET 2014.

Ogen : Efesus 6:10-20. Tema : Senjata rohani Tujun : Ngajuk Mamre gelah tetap waspada ras tetap make Perlengkapen kiniteken. I. PERLEBE. Yesus Kristus nggo naluken kuasa iblis, tapi amin gia kuasa iblis nggo talu, tapi tetap denga iblis bagi singa sigawah-gawah ndarami ise si man jerngemenna (1 Petrus 5:8). Janah kalak kristen me siatena jerngemenna. Emaka ibas kerina cara ras bentuk atena isirangkenna me kalak kristen e ibas persadanna ras Tuhan. Guna sie me kalak kristen harus metenget nandangi tipu muslihat si iblis. Kalak kristen harus jadi perajurit Tuhan sikatawari pe sikap ngelawan musuh. Gelah menang ngelawan musuh maka Tuhan nggo mereken perlengkapen rohani man kalak kristen. Perlengkapan enda me siharus ipake. II. ISI Sijadi bahan oratenta enda, banci sikataken sada kata persinget man perpulungen Epesus uga seharusna nggeluh selaku kalak sitek ibas kegeluhenna tep-tep wari. Kalak si tek harus megegeh ras nggeluh ibas persadan ras Tuhan ras makeken perlengkapen rohani si kin memang nggo ibereken Tuhan man kalak si tek guna “berjuang” ngelawan iblis. Sebab iblis e pentar ras megegeh. Pentaren kap iblis asangken manusia. Akal si iblis e banci arah kuasa pemerintah (catatan: Paulus la pernah menentang ras ngelawan pemerintah, sebab pemerintah e reh ibas Dibata nari, emaka ise singelawan pemerentah, berarti ia ngelawan Tuhan. Saja siilawan Paulus eme kuasa sienggo ipake iblis guna ndalanken si la mehuli, khususna menghambat perkembangan kekristenan, nen Roma 13:1-3), penguasa-penguasa, bagepe kuasa doni enda. Kalak kristen harus menang ibas peperangan, janah kemenangen e banci ialoken adi kalak kristen nggeluh megegeh ibas persadan ras Tuhan, bagepe sipake kerina perlengkapen si lit ibas Tuhan, sebab adi sipake gegeh ras pemetehta sendiri, la bo kita ngasup ngelawansa. Sebab pengalaman si lit, manusia la pernah menang ras iblis (band. Kej. 3:16; Lukas 22:3-4, rsd). Memang la bo gel-gel kalak kristen jumpa musuh, tapi adi jumpa ras musuh eme tipu muslihat si iblis maka kalak kristen arus makeken kerina senjata rohanina. Lit piga-piga perlengkapan ras sejanta rohani siikataken Paulus, enda iandingkenna ku bas perlengkapan perang siipake sekalak prajurit. Senjata e eme : 1). Ketuhu-tuhun jadi bentingndu. 2). Kinibujuren jadi baju besi. 3). Keriahen


ukur guna meritaken Berita Si Meriah. 4). Kiniteken jadi ampang-ampang. 5). Keterkelinen jadi topi waja. 6). Kata Dibata jadi pedang. Tapi amin gia nggo lit senjata rohani tapi ibas makeken sie, kalak kristen harus ertoto gelah kuasa Dibata sinampati kalak kristen ibas erperang ras makeken kerina senjata e.

Kalak kristen lalap terlibat ibas peperangan rohani ngelawan sijahat (iblis), janah mekatep kita talu. Kita talu erkite-kiteken la sipake kerina perlengkapan rohani singgo ibereken Tuhan man banta. Cuba min sipake perlengkapen rohani e, pasti kita menang. Perlu siteh Iblis lalap nerang kita arah kerina dampar, iblis beluh kal makeken kerina kesempaten si lit, janah tehna waktu sitepat guna nerang kita. Akibatna talu me kita ngelawan si iblis e maka sijadi ibas kegeluhenta eme kita ikuasai dosa, janah la lit kemalemen ate bas kita terlebih la lit kegeluhen situhu-tuhu man banta.

Piga-piga serangan iblis siharus siteh eme 1. Alu cerdik mpengaruhi manusia (Kej.3:1-6). 2. Menguasai ukur manusia, gelah manusia jadi meganjang ukur arah kai si lit bas kita (Matius 4:6). 3. Erta (1 Samuel 15:8-9; Matius 4: 8-9; 26:14-15), 4. Hobi, 5. Pangkat, 6. Kebutuhan jasmani, 7. Gelah keluarga la harmonis, rsd. Intina iblis eme bapa kerina siperguak (Yoh.8:44).

Adi nggo siteh kerna bentuk-bentuk serangan iblis e maka siarus lit bas kita eme metenget ras sipake me senjata rohani e, gelah ersikap kita katawari paksa pe. III. KESIMPULAN Ibas keleng ate Tuhan kita nggo nggeluh ibas keselamaten ras nggeluh ibas persadan ras Tuhan. Tapi la meriah ukur si iblis ngenen kinirembakenta ras Tuhan, emaka ibas kerina paksa ras cara atena nirangken kita ibas persadan ras Tuhan e. Enda kerina iteh Tuhan, emaka iberekenna man banta senjata rohani guna ngelawan siiblis. Janah isuruhna kita gelah tetap ertoto man Tuhan. Senjata rohani singgo berekenNa man banta mereken kemenangan, alu bage kita tetap banci tedis, janah tetap jadi Mamre situtus ras nggeluh ibas kebadiaan.

IV. DISKUSI 1. Sue ras bahan oratenta guna ngelawan iblis maka harus sipake senjata rohani

gelah kalak kristen menang. Nggo kin sipake senjata rohani e bas kegeluhenta.

2. Uga nge penggejapenta kenca kita iserang si iblis.

USULEN ENDE-ENDEN : KEE.NO.101:1-3; PEE.NO.111:1-3; KEE.NO.187:1-3.; KEE.NO.169:2,4. KEE.NO.183:1-3. PEE.NO.97:1,3; PEE.NO.74:1,2.

Pdt. Steven Kumenit, STh.M.Min.

HP : O8126566291 BIMBINGEN PA MAMRE GBKP TAHUN 2014 93

34. BIMBINGEN PA MAMRE GBKP TAHUN 2014 TANGGAL, 28 SEPTEMBER – 04 OKTOBER 2014

Tema : Meteruk rukur, mehamat, metami ras metemue Ogen : Roma 12: 9-17 Tujun : Gelah Mamre guna keberhasilen pelayanenna nggeluh meteruk rukur,

mehamat, metami ras metemue. I. KATA PERLEBE

Arah bahan PA-nta sekali enda, mabai kita kubas upaya mbongkar rahasia keberhasilen hidup, subuk jadi bapa si mejuah-juah i tengah jabu, jadi bapa simaba dame, ras jadi teman si maba kemajun ibas masyarakat ras ingan erdahin. Rahasia enda lit lainna ibandingken ras rahasia keberhasilen sideban, sebab ia la banci kadaluarsa entah ketinggalen jaman, la kena inflasi, la tergantung erga dolar, la ceda ibas perobahen cuaca, dingen banci ibaba kujapa pe. Guna ndatken keberhasilen enda, enggo melala jenis perjuangen si lakoken manusia. Kerna ulihna, e macam-macam; Lit kalak si enggo berhasil, lit si lalap menam berhasil, lit si isuhsahi hasil perjuangen, rsd. Tapi ogenta sekali enda mabai kita berhasil si stabil, dingen la perlu ertima buahna kenca pudi metua. II. ISI

Arah teks enda Paulus menggambarken piga-piga biak kegeluhen/ karakter si mehuli si jadi akar keberhasilen geluh manusia. 1. Keleng ate ola min alu pekulah-kulah. Keleng ate e me kondisi pusuh ras

ukur si stabil. Kalak si erkeleng ate berarti ijagana / ipeliharana dirina ibas posisi si menguntungken man bana. Emaka erbuah me ia ibas pikiren maba ketenangen ras dame man kalak si deban, khususna ibas jabu. Tapi keleng ate si pekulah-kulah e me menipu diri sendiri, si ngiket kita ibas kebiaren si mbages amin gia bungkusna idah mehuli.

2. Cigalah atendu / silahilah si jahat janah persadalah dirindu ras si mehuli. I sekelewetta melala jenis informasi, koleksi pikiren, koleksi pengetahuan ras nilai-nilai si banci empengaruhi kegeluhenta. Perlu kita megermet dingen nguji kerina jenis pikiren ras nilai-nilai si itawarken lingkungen ras jaman. Sebab cukup melala manusia la sadar enggo jadi korban koleksi pikiren / koleksi pemeteh si erbahan kita serap ras temanta, bahkan nerapken kita ras pasangenta bage pe ras anak-anakta.

3. Sikeleng-kelengenlah kam bagi si ersenina. Salah sada penyebab manusia jaman genduari merasa tidak bahagia erkiteken lanai lit sahabat bagi jiwa. Memandang temanta manusia selaku senina e me bentuk keutuhan hidup. Enda me si erbahansa manusia la linon/ kesepian i doni enda. Erkiteken sie, sikelengen bagi ersenina e me cara terbaik njaga kegeluhen si mehuli.


ekonomi, jabu, anak, rsd. Pindolah pasu-pasu Tuhan maka seh bagi sinisuraken kita. Nembeh ate Dibata man kalak simeganjang rukur, janah la ipelepasna ia pulah ibas ukumen nari (kuan-kuanen 16:5) janah siernalem man Dibata pasti ipasu-pasuNa (Jer. 17:7). Kepastin si genduari ras pagin ibas Dibata ngenca lit (Kis. 18:21;1 Kor. 4:19; Ibr. 6:3).

IV. DISKUSI : 1. Kita selaku Mamre, ise nge siandalken ibas kegeluhenta kune kita

ngerencanaken sada pendahin entah pe kune kita sangana mengalami pergumulen ibas kegeluhenta? Turikenlah alasenna pe.

2. Kenca kita enggo megiken kata Dibata Yakobus 4:13-17, kuga nge caranta gelahna seumur geluhta, tetap kita ngasup ngandalken Tuhan ibas kerina kecibal kegeluhenta? Turikenlah

USULEN ENDE-ENDEN : PEE No. 78:1-3; KEE No 185:1-3; KEE No 24:1,4; PEE No 76:1,3

Daftar Pustaka Barclay William, Pemahaman Alkitab Setiap Hari, Surat Yakobus 1&2 Petrus, Jakarta: BPK-GM, 2010 Davids, P.H, The Epistle of James: A Commentary on the Greek Text, Grand Rapids, Mich: Eerdmans, 1982 LAI, Alkitab Penuntun Hidup Berkelimpahan, Malang: Gandum Mas, 2006 Schwartz David J., Berpikir Dan Berjiwa Besar, ttp : Delapratasa Publishing, 2006,

CL. Pdt. Elieser Tarigan, S.Th HP. 085658513844

Ula lupa tanggal 21 – 27 Pekan Doa

Jika anda menjadi orang besar, janganlah suka beromong besar, kerjakanlah hal-hal yang kuil dahulu

(Roosevelt)


10. BIMBINGEN PA MAMRE GBKP TAHUN 2014 TANGGAL 30 MARET 2014 – 05 APRIL 2014

Ogen : 1 Samuel 16:1-13 Tema : Pentar milih pemimpin Tujuan : Gelah Mamre makeken kepentaren Dibata guna milih pemimpin si tepat I. PERLEBE

Salah sada paktor penentu memajun ibas sada organisasi, baik e gereja, negaranta ras organisasi kai gia e me kualitas pemimpinna. Adi berkualitas pemimpinna pasti nge maju organisasina, adi lang kurang ka majuna. Emaka ibas kita milih pemimpin, sipilihlah pemimpin si berintegritas, ertanggungjawab, ras tetap erkemalangen man Tuhan. Ula lupa pemimpin si salah makeken jabatenna erbahan kemunduren justru kehancuren ras kiniseran man rakyat si ipimpinna. Emaka ibas proses pemilihen pemimpinta sibakal ilaksanaken ibas negaranta bagepe pemilihen pertua/diaken ibas gerejanta iarapken Mamre pentar (selektif) milih pemimpin siberkualitas sue tema PAnta enda. II. ISI

Ibas 1 Samuel 16:1-12 siidah Tuhan merentahken Samuel guna nangkuhken sekalak anak Isai jadi raja Israel gantiken Saul sienggo itulak Dibata jadi. Samuel neleksi 7 kalak anak Isai. Samuel menam salah milih adi la ipersingeti Dibata sanga ia ngidah si Eliap, idahna Eliap gedang ras mejile rupana. Tapi perbahan Samuel megiken Kata Dibata emaka la ipilihna. Janah seh sipepituken pe Samuel la ngidah si ipilih Dibata. Ibas ayat 7 dibata mpersingeti Samuel “Ula nehen kuga gedangna ras kuga jilena rupana, la ia kupilih sebab pertimbangenKu la bali ras pertimbangen manusia”. Arah pengogenta enda siidah maka umumna ibas kita milih pemimpin rusur terpengaruh arah kai si teridah arah darat saja, misalna: arah gedangna (bagi Samuel), bagepe arah banyakna, arah janji-janjina, arah ia mereken sen (rupiah) man banta sanga pemilihen, ras sidebanna, emaka dungna kita salah pilih. Seh maka kenca terpilih kepeken ia memimpin la bagi singena ate Tuhan tapi bagi atena ngena saja ibahanna, akibatna jadi kemunduren, kemerosotan, mbue kiniseran pengelakona. Enda banci sievaluasi ibas piga-piga kali kita enggo ngikuti pemilihen-pemilihen, ibas pemilihen kepala daerah, anggota DPR, presiden, pertua/diaken, rsd. Kenca enggo terpilih emaka rusur sipandangi, padahal kita pe ikut milihsa perbahan siidah mejile siakap sangana pemilihen e (mejile karena janjina, banyakna, sen siberekenna, rsd). Adi bage terjadi ma


bancikang nge kita ikataken pemilih si “la ertanggung jawab”, entah “bertanggung jawab” ?.

Pertimbangen Dibata milih la seri ras manusia. Dibata ngenen terus ku pusuh, sikap hidup siidalanina, seh maka Daud si sangana ermakan pe ilegi guna itangkuhken. Aminna nguda denga pe umur Daud, tapi ia me iakap Dibata si metunggungna sabab itandai Dibata uga Daud si tuhu-tuhuna, ia sekalak si erkemalangen man Dibata.

III. PENGKENAINA Ibas milih pemimpin, Ula nen terjeng si teridah arah darat saja tapi

nenlah isina. Enda banci sinen arah sikap geluh siicidahkenna sedekah enda, kuga ia erkiniteken, rsdna. Jadi lanai terulang istilah “asal pilih” saja, tapi tuhu-tuhu pentar ibas milih pimimpin si berkualitas. Cara si iperlu iperdiateken ibas kita memilih pemimpin eme : 1. Enggo nge ia jadi usihen ibas pengerana, lagu langkah, keleng ate, kebujuren

ras kiniteken. 2. Lit motivasi sijelas janah sadar diri, meteh, ras ngergaken potensi talenta si lit

ras ngembangkenca. 3. Enggeluh ibas visi ras ketetapen Dibata 4. Tutus dingen ersemangat 5. Ertanggung jawab 6. Konsisten

Adi kerina kita mamre muat bagin milih pemimpin negara enda alu cara sipayo, tentu turah pengarapen si mbelin guna kemajun ras kemakmuran bangsanta, Bage pe milih pertua diaken guna kemajun GBKP simalemta enda. Inget !!!!! Ula salah pilih......... IV. DISKUSI 1. Diskusiken kuga pengangkanta milih pemimpin si payo sue ogenta ? 2. Turiken carandu/pertimbangenndu ibas memilih pemimpin sedekah enda,

baik ibas milih pemimpin negara, gereja ras pemilihen-pemilihen sidebanna si ikuti kita. Janah kuga tekatta ibas pemilihen pemimpin bangsanta ras gerejanta si reh enda.


Pdt. Kartauli Kaban, S.Th


Ayat 15 ras 16 ngataken maka kalak enda nundalken Dibata ibas perencanaan e (bnd. Pilipi 3:19). Perbinaga ngelupaken pengajaren Salomo “Ola meganjang sura-surandu kerna wari sipepagi sebab la ieteh kai sijadi kelang-kelangna e” (Kuan-Kuanen 27:1). Kepercayaan diri kalak enda erpalasken kinigajangen ukur (ind. Congkak/Yun: άλαζονώα) siertina kinigombangen, kemegahen ras kiniganjangen ukur si mekelek si erkaiten ras biak kedonin, si erkaiten ras erta doni.23 Tegas ikataken Jakup perukuren ras pengeranandu e salah, tapi kreatifitasna (pendahinna erbinaga) e labo salah. Alu bage, Jakup mpersingeti adi erbahan perencanaan kerna wari sipepagi, kalak sierkiniteken arus erbahan pertimbangen, ula nundalken kuasa ras sura-sura Dibata. Emaka kita manusia ngasup erdahin, ngalaken perbeben, rsd erkite-kiteken kuasa Dibata. Alu kata sideban bahan min Tuhan jadi penundalennta ibas ngelakoken dahin ras ngalaken kerina perbeben bas geluh enda.

Alu bage banci sisimpulken kepercayaan diri labo salah, entahpe kehendak bebas manusia e labo ibeneken tapi bahan min kuasa Dibata jadi gegehta, gelah Dibata tetap erdahin arah kreatifitas manusia, alu bage kita ndatken kesenangen situhu-tuhu. Jelas ikataken Jakup ibas ayat 17 maka perencanaan alu la ngelibatken ras ngandalken Dibata eme dosa. Kerina kalak Kristen enggo meteh simehuli, tanggung jawabna me ngelakoken simehuli, labo banci ikatakenna “ aku erbahan dosa erkite-kiteken lalai entah sengaja”, seri saja ukumenna perbahanen sila ngena ate Dibata baik sengaja entahpe la isengaja (bnd. Luk. 19:11-27; Mat. 25:31-46). III. PENGKENAINA Surat Jakup enda, mereken persinget bagepe pengajaren man kerina perbinaga ras kalak Kristen banci saja ersura-sura entah pe erbahan perencanaan guna kesuksesan, tapi adi la ilibatken Dibata e salah i adep-adepenNa, sebab Dibata kap sierbahan keputusen nandangi sura-suranta. Jakup ncidahken maka manusia enda lemah (dem alu kekurangen), tanpa Tuhan labo ngasup erbahan kai pe ras dosa. Janah kitab Jakup pe ngingetken gelah meriah siakap ibas kelemahen ras ketergantungenta nandangi kuasa Dibata (2 Kor. 11:30;12:5,9). Aminna pe kita lemah, adi ras Dibata ula kita mbiar. Emaka MAMRE harus memiliki kepercayaan diri ibas kerina kecibal kegeluhenna, tapi ula ngandalken gegehna saja, libatkenlah Dibata ibas ngerencanaken kerna dahinta si pepagi, bagepe ibas perbeben kerna pendahinta,

23P.H Davids, , The Epistle of James: A Commentary on the Greek Text, Grand Rapids, Mich: Eerdmans, 1982, hlm. 173


33. BIMBINGEN PA MAMRE GBKP TAHUN 2014 TANGGAL 14-20 SEPTEMBER 2014

Ogen : Jakup 4:13-17 Tema : Ngandalken Tuhan Tujun : Gelah Mamre tetap ngandalken kuasa Tuhan ibas pergumulenna

I. PERLEBE Sadape labo lit jelma i doni enda ersura-sura nggeluh mesera, kerina manusia ersura-sura ndatken keberhasilen.19 Emaka enterem sierpengakap keyakinen/ kepercayaan diri sendiri (self-confidence) eme sada hal sipenting ras syarat gelah banci sukses/berhasil, termasuk ibas erdahin, sekolah, ngelai Tuhan bagepe ibas ngalaken perbeben i tengah-tengah kegeluhenna. Memang harus siakui penting sikap percaya diri enda, Tapi ula sempat meganjang ukur, akapna ia sibeluhna (mengandalkan diri) seh maka lanai i ingetna Dibata sierkuasa ibas kegeluhenNa. II. ISI Alamat surat Jakup enda eme kalak Israel sienggo ngangkai palas kiniteken(Jak.1:1), janah piga-piga ibas kalak enda eme perbinaga.20 Khususna Surat jakup 4:13-17 enda tujunna gelah perukuren ras perbahanen erpalasken Theonomi (erpalasken undang-undang Tuhan) ras pe gelah kepercayaan diri nta e la lepak selaku kalak kristen.

Ibas (ayat 13 ras 14) encidahken maka perbinaga ngelupaken Dibata ibas perencanaanna eme ngasup mastiken rencana kerjana (sendah entah pagi), tujunna (kuta sideban), ndekahna ia tading (sada tahun), siilakokenna (erbinaga), kesuksesenna (ndatken untung).21 Jakup mpersingeti maka perencanan kalak enda megombang sebab tempa lit akapna gegehna guna nentuken kai si jadi. la ia sadar maka manusia enda lemah, bagi remang sikentisik ngenca lit. Perbinaga labo lit kuasana, gegehna nentuken masa depanna.22 Ula lit pengakap maka keberhasilen siidatkenna e arah kebeluhenna (atas usaha sendiri/mengandalkan diri).

19 David J. Schwartz, Berpikir Dan Berjiwa Besar, ttp : Delapratasa Publishing, 2006, hlm. 1 20 Kalak Yahudi eme “pedagang besar” ibas dunia kuno. Arah erbage-bage cara, doni enda mereken kesempaten guna makeken kemampuanna erbinaga. Waktu e, melala kota-kota paksana idiriken, janah sindirikensa e ndarami jelma guna tading ije. jadi sekalak warga kota ibereken secara gratis, sebab kuja kalak Jahudi berkat iikuti perdagangen ras duit. Jadi gambaren isi natsta enda, mengenai sekalak jelma singenen peta ras nuduhken ku sada ingan. Ije me ibahanna perencanaan e. (William Barclay, Pemahaman Alkitab Setiap Hari, Surat Yakobus 1&2 Petrus, Jakarta: BPK-GM, 2010, hlm, 181-182) 21 Janah perlu sieteh maka pendahinna jadi perbinaga labo isalahken Jakup. Si ikataken Jakup salah eme lanai iingetna Dibata ibas perencanaanna. 22 Tapi selaku kita kalak Kristen, ula kita mbiar kerna kinilapastin e, seh maka lani kita ngelakoken kai pe, tapi sebalikna kalak Kristen harus erdahin alu ngendesken kerina kegeluhenta e kubas tan Tuhan. (William Barclay, Op. Cit, hlm. 184)


11. BIMBINGEN PA MAMRE GBKP TAHUN 2014 TANGGAL, 06 – 12 APRIL 2014

Ogen : Matius 20:24 – 28 Thema : Pemimpin singelai Tujun : Mamre ngasup ngusih kepemimpinen Yesus

I. PERLEBE

Harold J. Fickett ngataken: Kepemimpinan yang kurang baik merupakan salah satu penyebab hilangnya beberapa jemaat pada setiap tahunnya”.4 Enda ngataken maka faktor kepemimpinan cukup penting sabab nentuken organisasi banci berkembang menjadi organisasi si vital (penuh daya hidup ras kreatif) ras menarik. Kepemimpinan banci mereken semangat anggota si ipimpinna adi pemimpin e : sifatna ngelai, ngidah ras mperlakoken bawahenna sebage subjek labo objek (partisipatif = anggota ikut muat bagin ibas mencapai tujun), ras si penting eme litna kompetensi/kemampun si ibutuhkan.5 Rikutken para ahli lit piga-piga model kepemimpian, eme: Pemimpin otokratis: biakna salah sada eme erbahan keputusan sendiri erkiteken kekuasaan terpusatkan ibas sekalak jelma. Pemimpin Karismatik: biasana sangat dikagumi, seh maka pengikut la pang mere masuken. Pemimpin transaksional: fokus ku bas penyelesaian dahin organisasi, berorientasi ku bas hukuman man anggota si la nehi standart siman capaian. Kepemimpinan transformatif: berorientasi ku bas perubahen simereken dampak la man kelompok ntah organisasi ngenca, tapi pe mereken pengaruh simehuli ku lingkungan. Kepemimpinan si melayani (Servant Leadership): konsep enda iusulkan Robert Greenleaf ibas tahun 1970. Konsep enda lit ibas Padan siMbaru si motifna teologis. Kepemimpinen si memelihara (mpekena-kena), melindungi, ras mpegegehi (memberdayakan pengikut).6

II. I S I

Teks si iorati kita enda eme sikap Tuhan Yesus si mpekena cara rukur kalak si erpengakap maka pemimpin e eme jabaten simbelin. Enda teridah arah litna pemindon nande si Yakobus ras Yohanes gelah duana anakna kundul arah kawes ras kemuhen Yesus kenca Ia jadi Raja pagi (20:21). Erkiteken si e isehken Yesus pengajarenNa man ajar-ajar kerna kepemimpinen si petembil ras pengangkan si sedekah enda ipahami. Yesus tersinget kerna pemerintahen/kepemimpinan doni enda si biakna eme merentah (erkuasa) labo ngelai. Emaka kecenderungen kepemimpinen doni enda litna biak “rate-ate” nandangi rayatna. Tapi sebalikna 4 James E Means, Leadership in Christian Ministry, USA; Baker Book House Company, 1990, hal.73 5 Jan Hendriks, Jemaat Vital yang menarik, Kanisius, 2002, hal.68 6 Ibid, hal . 340


ibas Yesus sendiri: kiniganjangen kepemimpinan sekalak jelma labo iukur alu kekuasaan nandangi kalak sideban, tapi alu mereken dirina ibas pelayanen (pemimpin si ngelai). Banci siertiken maka: orang percaya hendaknya jangan berusaha untuk meraih kedudukan yang tertinggi dengan maksud untuk menguasai atau memerintah orang lain. Sebaliknya , mereka harus memberikan diri untuk menolong orang lain dan khususnya bekerja demi kesejahteraan semua orang.7 Kepemimpinan si ngelai enggo ilakoken Yesus ibas Ia netapken maka Ia me permakan situhu-tuhu si ertujun guna mpekena-kena manusia. Kengasupen pemimpin rikutken siiajarken Tuhan Yesus iukur arah hal-hal sierkaiten ras moral bagepe karakter spritual. Nilai-nilai si ikembangken ibas kepemimpinan Kristen alu sempurna icidahken Yesus Kristus: melias ras meteruk ukur (Matius 11:29), tuhu-tuhu mereken kekelengen si la ersimulih alu mereken kesahNa man kalak sideban, jadi suruh-suruhen guna kerina (Markus 9:33-35). Arah teks enda Yesus mpekena konsep ajar-ajar kerna kebesaran pribadi. Menurut Yesus kebesaran sejati labo berjuang guna keunggulan nandangi kalak sideban ntah pe njemak kekuasaan, tapi alu ncidahken kiniteruken ukur, la menonjolken diri, mpebelin sikap ngelai man kerina kalak bahkan man kalak si rendahna. Petembil ras perayaken Yakobus bagepe Yohanes si sangana ndarami kekuasan guna dirina sendiri. Menjadi pengikut Yesus labo guna ndarami hal-hal simbelin. Ibas berngi perayan Paskah radu ras ajar-ajar lit penungkunen man Yesus, ise simbelinna di antara ajar-ajar. Yesus mereken gambaren alu mendemonstrasikan peran pelayan arah murihi nahe ajar-ajarNa. Kepemimpinan Yesus ncidahken biak kiniteruken ukur, hamba, ras keleng ate eme si jadi kualitas penting para pemimpin Kristen.8 Ngidah krisis kepemimpinan ibas konteks negara, masyarakat, gereja bagepe jabu (ikataken krisis erkiteken ; enggo kurangna model kepemimpinan si melayani ibas paksa enda kecenderungenna eme kepemimpinen si korupsi, pencitraan, celebrity mentality ntah pe ingin populer, diktator, kerina berorientasi ingin menjadi besar) ije me tantangen mamre guna mereken pemahamen siterbalik kerna erti kepemimpinen rikutken perilaku sibanci icidahken arah pengkebet ras biak-biakta. Mamre sebage persekutuan megati iperhadapken ku bas hal-hal sierkaiten ras “politik praktis” sehubungen ngelitken pemimpin itengah-tengah perdalanen bangsanta, ije perlu metenget ras ije me situhuna banci sicidahken peran mamre guna mereken pengajaren kerna “Pemimpin si Ngelai”. Sebab salah sada pendilo misi Kristiani simenjadi tanggungjawabta eme : memberikan diri untuk menolong orang lain dan khususnya bekerja demi kesejahteraan semua orang. 7 Alkitab penuntun hidup berkelimpahan, Gandum Mas, hal. 1545 8 Alexander Strauch, Biblical Eldership, Lewis and Roth publishers-Colorado USA, 1995, hal. 93


seh maka PERMATA GBKP nggo lanai jelas jati dirina, kabur. Bicara iandingken bagi dalan, PERMATA sangana i tengah-tengah persimpangen, persimpangen kegeluhen si erusaha ngerintak PERMATA gelah salah dalan begepe ndabuh ku bas si jahat (judi, minuman keras, seks bebas, narkoba, HIV-AIDS rsd) Enda me situasi si mbaru sinialaken PERMATA GBKP. Pengajaren, semangat, janah sipentingna eme lit sada contoh, keteladanan (role model), sangana tuhu-tuhu iperluken PERMATA, khususna arah Mamre selaku orangtua. Nehenlah, ingetlah kami PERMATA enda selaku anak-anakndu (bukan hanya karena hubungan darah) janah pebelin-belinlah bagi anakndu jine gelah arah pengalamen-pengalamen nggeluh Mamre, kerina anggota PERMATA GBKP la nai i persimpangen dalan, kabur identitasna, tapi ietehna apai dalan sibenar seh maka reh jelasna identitas PERMATA GBKP i tengah-tengah jabu, gereja, begepe bangsa Indonesia.

IV. DISKUSI 1. “ ... ibuat Mordekhai Ester jadi anak angkatna, jenari ipebelin-belinna bagi

anakna kal”. Erpalasken ayat enda kai nge maksud/pengertin “ipebelin-belinna bagi anakna kal”? bereken contoh-contohna!!

2. Ibas bulan September enda PERMATA GBKP se umurna pe 66 tahunken janah tantangen si lit pe reh belinna (narkoba, judi, HIV-AIDS, rsd). Kai-kai saja nge si banci iilakoken Mamre nandangi anakna PERMATA sebagai implementasi tanggungjawabna guna mpebelin-belin kerina PERMATA, anak singuda i tengah-tengah gereja?

USULEN ENDE-ENDEN : PEE 42: 1,2,3; PEE 37: 1,4,5; PEE 45: 1,5,6

SUMBER BACAAN 1. Ensiklopedia Alkitab Masa Kini 2: M-Z. Jakarta: Yayasan Bina Kasih OMF, 2010 2. J. Blommendall.Pengantar kepada Perjanjian Lama. Jakarta: BPK Gunung Mulia, 2005. 3. Petrus Nanawi, Raising Up Your Standard. Yogyakarta: Penerbit Andi, 2009 4. www.sabda.org 5. id.wikipedia.org/wiki/Kitab_Ester

Pdt. Samuel J. Sibero, SSi HP. 0813 6162 8227


oratenta enda eme kerna kuga sikap ras perbahanen Mordekhai nandangi Ester janah erlajar arah si e. Kenca bangsa Israel italuken bangsa Babel iteruh pemerintahen Nebukadnezar (597 SM), Mordekhai ikut ibuang ku pembuangen i Babel. Kenca si e ibas pemerentahen raja Koresh Agung, bangsa Israel ibereken izin mulih ku negerina, tapi Mordekhai ras isi jabuna tetap tading i kota Susan, ibukota kerajaan Persia janah Mordekhai erdahin ibas istana kerajaan Persia. Ester tading ras jabu Modekhai i kota Susan, ibukota Persia. Ester eme turang Mordekhai sembuyak bapa. Ester eme sekalak singuda-nguda janah tuhu-tuhu mejile rupana (Ester 2: 7). Tentu enda banci jadi catatenta maka kedungenna Ester ipilih raja Persia jadi ratu i tengah-tengah bangsana. Erkiteken Ester lanai lit bapana ras nandena, yatim piatu, maka Mordekhai muat Ester jadi anak angkatna janah ipebelin-belinna bagi anakna kal (Ester 2:8). Sikap ras perbahanen Mordekhai tuhu-tuhu encidahken maka ia jadi bapa nandangi Ester (aminna gia la anak kandungna). Aminna gia Ester ibaba ku istana guna ipersiapken jadi pengganti ratu Wasti, Mordekhai tetap mperdiateken kuga kecibal Ester bagepe kai siterjadi man bana (Ester 2:11). Tangkas man banta aminna gia Ester turang Mordekhai sembuyak bapa, anak Abihail, sikap ras perbahanenna bagi bapa si tuhu-tuhu, ipebelin-belinna Ester bagi anakna jine janah kedungenna Ester jadi ratu i tengah-tengah bangsa Persia (Ester 2:15).

III. PENGKENAINA Mamre harus ertanggungjawab sebage orang tua. Sue motto Mamre : Erdiate ras Erpemere, enda me karakter si teridah arah karakter/tokoh Mordekhai. Amina gia Ester labo anakna tapi sikap ras perbahanen Mordekhai encidahken tuhu-tuhu jadi bapa ibas mpebelin-belin Ester bagi anakna jine. Mordekhai sedar maka tanggungjawabna labo ngenca dirina sisada, jabuna, tapi kalak sideban eme Ester. Tahun 2014 enda PERMATA GBKP enggo seh umurna 66 tahun (12 September 1948 – 12 September 2014). Tentuna enda jadi sada kesempaten lako erbahan sada refleksi kerna kuga kinata kegeluhen PERMATA genduari enda i tengah zaman maju ras modern enda. Sada refleksi kerna kesadaren ras tanggungjawab PERMATA selaku anak singuda i tengah-tengah gereja, bagepe selaku anak i tengah-tengah jabu. Tentu kai ilakoken PERMATA lenga bagi siniarapken gereja bagepe orangtua. Ula lebe ngerana kai siilakoken PERMATA, guna ngalaken erbage tantangen ras godaan saja nggo nterem PERMATA talu. Budaya zaman genduari (individulisme, hedonisme, konsumerisme, rsd) nggo ngkuasai kegeluhen PERMATA


III. KESIMPULEN Adi si nen pengajaren ras kegeluhen Yesus erkaiten ras kepemimpinen si ngelai banci siidah maka simenonjol berperan secara positif eme Heart (Pusuh), Head (Perukuren) ras Hand (Tangan = Aksi) Heart (Pusuh) : si njemba turahna kininggiten pengabdian spiritual, dedikasi

ras komitmen guna ngelai. Pelayanen Yesus guna nampati ibenaken usur alu kalimat ; “maka tergeraklah hatiNya”

Head (Perukuren) : Mengorganisir kemampuan otak guna ngantusi situasi si dem alu kinierbagen la hanya make standart ilmiah alu cara pikir manusia saja, tapi kepentaren si erpalasken kubas erkemalangen man Tuhan. (bdg. Kuan-kuanen 1:7)

Hand (Tangan=Aksi): Pemimpin si ngelai, tugasna labo ngerana ras mereken perentah ngenca, tapi ngasup jadi usihen (Modeling the Way) alu bentuk perilaku ntah pe tindakan. Tindaken Yesus selaku Pemimpin singelai icidahkenNa arah dahin si menurut sinterem la layak ilakoken man ajar-ajarNa eme murihi nahe ajar-ajar (Yoh 13:1-20) Penjelasen enda ngingetken maka jadi pemimpin labo gelah ndatken posisi

guna erkuasa, tapi jadi pelayan simehuli. Pelayan si menginspirasi ras memotivasi, membangun kepercayaan diri, melawan keputusasaan ras kebiaren, erbahan tindaken si berorientasi produktif, mereken pengarapen simbaru, menentukan tujuan ras mereken palas guna masa depan. IV. DISKUSI

1. Kai sibanci sibuat guna iaplikasiken arah pengajaren Yesus kerna “Ise atendu jadi simbelinna, ia arus ngelai nandangi kam kerina”? (Ibas bangsa, Masyarakat, Gereja ras jabu)

2. Kai sibanci jadi program Mamre guna membentuk karakter pemimpin singelai ?

USULEN ENDE-ENDEN : KEE No. 86:1,3; PEE No. 95:1,2; PEE No. 97 : 1,2; KEE No. 110 : 1,4

Pdt. Agustinus P. Purba STh, M.A HP. 081389230745


12. BIMBINGEN PA MAMRE GBKP TAHUN 2014 TANGGAL 13-19 APRIL 2014

Ogen : 1 Petrus 1:18-22 Tema : Kam meherga i lebe-lebe Dibata Tujun : 1. Mamre meteh ras nggejap maka ia meherga sebab enggo i tebusi 2. Mamre ngergai keselamatenna I. PERLEBE Umumna muat kemerdekaan/kebebasan menuntut pengorbanen kesah ras dareh. Misalna anakta iculik kalak, ipindona tebusen si mbelin, tentu sebage orang tua kugapa pe berjuang guna kebebasen anakna. Enda kerina jadi erkiteken belinna ateta keleng ras mehergana anakta man banta. Bage me pe Dibata nandangi kita, meherga dingen keleng kel ateNa (Jesaya 43:4), emaka iendeskenna kesahNa guna nebusi enterem jelma, sebab Ia me jadi Bapanta ras kita e me anak-anakNa (2 Samuel 7:14; Hosea 11:1). Janah kuga kita ngergai penebusenta e me jadi pelajarennta sekali enda erpalasken ogenta.

II. ISI Kita enggo ipilih Dibata. Ibas bahasa Indonesia nina : kita di pilih guna dikuduskan, bersih oleh Roh Kudus. Pengudusan (bahasa Yunani: Hagiasmos) berarti empeserap/ mpedauh kita ibas dosa nari gelah ersada ras Dibata. Kalak sienggo ipilih, enggo itebus (imerdekaken, iselamatken) ibas kuasa dosa nari gelah nggeluh mulihi ras Bapa (nen Roma 6:18-19). Perlu sieteh maka erti keselamaten (Yunani : soteria) e me ”pembebasen” si naruhken kita ku bas rasa aman, njaga ibas bahaya nari. Ija Dibata si jadi benteng si engkelengisa. Akar kata penebusen (Yunani : Apolutrosis) berarti ”penebusen dengan pembayaran suatu harga”. Enda ngertiken maka litna keselamatenta tukurna alu dareh Kristus simeherga (Mat. 20:28; Ef 1:7), siergan asangken perak ras emas bagi si ikataken ibas ogenta ndai. Yesus mbebasken kita alu pengorbanenna simbelin merupaken pusat ibas konsep penubusen ibas Padan si Mbaru (nen Heb. 10:19; 1 Kor. 10:16). Ngkai maka kita perlu itebusi ? Nina Petrus erkiteken kegeluhenndu si la erguna si ialokenndu ibas nini-ninindu nari e me kegeluhen si lit ibas dosa, si ndauh sirang ras Dibata, ikuasai kuasa-kuasa kegelapen (ocultisme), rsd. Kuga


32. BIMBINGEN PA MAMRE GBKP TAHUN 2014 TANGGAL 07-13 SEPTEMBER 2014 (HUT PERMATA GBKP pe-66-ken)

Ogen : Ester 2:5-9 Tema : Tanggungjawabku ngasuhi ras mpebelin anak Tujun :

1. Gelah Mamre Sedar kerna keberadanna sebage orangtua e me ngasuhi ras mpebelin anak

2. Ndalanken tanggungjawab enda, la gia lit anakna banci nandangi anak keluarga ntah teman sebab e hakekatna

I. PERLEBE Keberhasilan seseorang tidak bisa lepas dari tanggung-jawab yang dipikulnya. Arah pernyataan enda tuhu-tuhu teridah maka keberhasilen ibas kegeluhen enda la banci ipisahken ibas tanggungjawab. Orangtua ertanggungjawab ibas dahinna guna mabai jabu erkemalangan man Tuhan, Mamre ertanggungjawab selaku Bapa i tengah jabu, Moria ertanggungjawab selaku nande i tengah jabu, bagepe anak-anak ertanggungjawab kerna dahinna selaku anak-anak i tengah-tengah jabu. E maka jabu si sangap adi kerina anggota ibas jabu tuhu-tuhu ndalanken tanggunajawabna alu mehuli. Ibas Kamus Besar Bahasa Indonesia (KBBI), lit piga-piga pemahamen kerna erti kai e tanggung-jawab, eme: a. keadaan wajib menanggung segala sesuatunya. b. kesadaran manusia akan tingkah laku atau perbuatannya yang disengaja

maupun yang tidak disengaja c. berbuat sebagai perwujudan kesadaran akan kewajibannya arah pengertin enda mabai kubas lit sada KESADARAN Mamre guna ndalanken si arus idalanken ibas kegeluhen enda.

II. ISI Ibas Kitab Ester 2: 5-9 icidahken kuga sikap ntah pe perbahanen Mordekhai nandangi Hadasa (ibas bahasa Persia jadi Ester). Jadi ibas kitab Ester 2 enda ibas sada dampar nuriken kerna hubungan Mordekhai ras Ester, janah arah dampar sideban nuriken kerna kuga Ester jadi kemberahen raja i tengah-tengah kerajan Persia guna ngancihken ratu Wasti si ibuang erkiteken perbahanen si la ngena ate raja Ahasyweros. Tapi si jadi penekanan ibas bahan


Arah kegeluhen Daniel, si idah maka kesetiaan ndalanken undang-undang Tuhan lit ngaruhna ku bas kesehaten daging kula. Adi si baba ku bas kegeluhen kalak Kristen, maka kulanta enda enggo itebus Tuhan Yesus, enggo ipebadiaken ras ijadiken kulanta enda rumah pertoton Kesah Si Badia. Daging kulanta enda lanai bo kita empuna tapi Kristus ras Kesah Si Badia. Adi bage me perlu kal si babai geluhta enda bagi sura-sura Kesah Si Badia? Njagai kesehaten daging kula arah njaga perpan, inemen, obat-obaten ras pertunduh e termasuk sura-sura Kesah Si Badia. Daniel milih gaya hidupna jadi vegetarian termasuk ia ndalanken sura-sura Dibata. Dibata kepeken tetap mereken kesuksesen man kerina kalak sindalanken sura-suraNa/undang-undangNa alu setia. III. PENGKENAINA

Undang-undang Tuhan man banta paksa enda siberhubungen ku bas kesehaten daging kula banci sinen ku bas Efesus 5 : 18 : “Ola kam mabuk ibahan anggur, sabab e encedaken man bandu, tapi idemi Kesah Dibata min kam”. Kalak simelalasa minem anggur ras inemen keras ulihna mesui atena, mesera iakapna. Rusur erjengil dingen kelsehen, matana megara, badanna luka-luka, gelap pengenen mata, rukur lanai ngasup, ngam-ngamen, takal melimber, mbewat-mbewat perdalan, madat mata rsd. (Kuan-kuan 23 : 29 – 35). Sie kerina tentuna maba pinakit ras mesui ate, la terjeng inemen keras, pangan entabeh si la terkontrol si i pan kita misalna daging panggang e pe encedai daging kula ras nambahi mesui ate, mengkonsumsi obat-obaten ( Napza ), tempa kentisik mereken ketenangen tapi akibatna encedai kerina dampar kegeluhen. Tunduh la teratur pe encedai kesehaten, rukur la teratur pe mabai pinakit ras sidebanna.

Siniarapken i bas kita nari eme kap : tetap idemi Kesah Dibata. Kesah e tetap si engkuasai pusuhta, sura-suranta, perukurenta, alu bage kita tetap erdalan ras ngelakoken sura-sura Dibata. Njaga kesehaten daging kula alu ngatur pangan alu mehuli, pangan si sehat labo pangan si entabeh eme bagin ndalanken sura-sura Dibata. Ulihna sehat pertendin, sehat jasmani, ras pentar perukuren. Selamat hidup sehat. IV. DISKUSI : 1. Kai kira-kira alasen Daniel ras teman-temanna milih gaya hidup Vegetarian

(man gulen-gulen ras lau inemen, Ayat 12 ). 2. Kai – kai saja si enggo ilakokenndu i bas geluhndu si tep-tep wari si

berhubungen ku bas njagai kesehaten pertendin ras daging kula

USULEN ENDE-ENDEN : KEE No. 3 : 1,2,5; KEE No. 62 : 2,3,5; KEE No. 80 : 3 – 5; PEE No. 97 : 1 – 3

Pdt. Nurbety Br. Ginting, M.Th HP. 081269758480


responta, gelah tuhu-tuhu teridah kita kalak simeherga i lebe-lebe Dibata? Kalak sienggo ersada ras Kristus ia me tinepa simbaru. Geluhna, perukurenna ras perbahanenna lanai ikuasai biak-biak kegeluhen sindekah (kegeluhen si male) tapi nggeluh ibas terang Kristus, e me kekelengen (ay. 22b). Kalak si pusuhna i kuasai sura-sura ukurna mate kap, tapi si ikuasai Kesah Dibata nggeluh me, dingen malem pe atena. III. PENGKENAINA

Mamre sienggo itebusi Dibata, enggo ngaloken kegeluhen simbaru, berarti lanai nggeluh rikutken sura-sura perukurenna, tapi rikut sura-sura Kesah si Badia si lit bas ia. Barang simeherga biasana labo nggit ipersada ras si lameherga. Bage me pe sura-sura Dibata nandangi Mamre : la ateNa geluhta, perbahanenta singgur ras si la ngena ateNa

IV. DISKUSI 1. Diskusiken kuga ergana akap Dibata (Bapanta) nandangi kita (anakNa)

maka Anakna sendiri pe Yesus Kristus ikorbankenNa guna keselamatenta ?

2. Kai saja nge upayanta guna ngergai keselamaten sienggo ibereken Bapanta banta, si banci si icidahken ibas jabunta, gerejanta ras masyarakatta ?

3. Kai nge enggo silakoken ras si bakal silakoken sebagai bapa i tengah jabu gelah keluarganta pe ngasup ngergai keselamaten e ?

USULEN ENDE-ENDEN : PEE No. 69:1,2; Pee No. 74:1,3; PEE No. 111: 1,3; KEE No. 166:1-3

Pdt. Indra Ketaren, STh HP. 081371291156


13. BIMBINGEN PA MAMRE GBKP TAHUN 2014 TANGGAL 20-26 APRIL 2014

(HUT KAKR Pe -124 – ken)

Ogen : 2 Kor 12:14-15 Tema : Bapa jadi usihen Tujun : Gelah mamre encidahken biak-biak perukuren, pengerana ras

perbahanen si banci jadi usihen nangdangi anak-anakna I. PERLEBE Setiap orang tua pasti ersura-sura jadi idola man anak-anakna. Mbue anak si mbandingken orangtuana ras orangtua temanna sebab la ia nyaman ras ermeriah ukur ngidah sikap orangtuana. Tentu sebage orang tua labo siakap payo adi bagenda. Kai dage si arus sibahan? Enda me si jadi pengoratenta ibas PA nta enda. II. ISI Rasul Paulus e me sekalak Rasul si cukup mediate nadangi perpulungen Tuhan. Man piga-piga anak didikna pe ia bersikap sebage Bapa Rohani janah man perpulungen pe ia tuhu-tuhu ncidahken tanggungjabab si maksimal desken orangtua nandangi anak-anakna. Si enda teridah arah oratenta wari si sendah ija Rasul Paulus ngerana man perpulungen Korinti kerna belinna keleng atena man perpulungen i kuta e, seh maka nggit ia ngkorbanken dirina pe segelah meriah iakap perpulungen e terlebih banci ka tambah kinitekenna man Tuhan. Ibas setiap waktu rencana perkunjungenna siisurakenna labo menikmati ntah ngaloken pemere kiniliten perpulungen e, tapi si lebih penting man bana e me kap membangun jiwa (pertumbuhan kualitas sumber daya perpulungen e). Si enda teridah alu kalimat siibelasken Rasul Paulus, nina : “… kam kap ateku.” Kai siilakoken Rasul Paulus enda jadi teladan si mehuli man banta Mamre si jadi teladan (usihen man anak-anakta). Teridah kel piga-piga hal ituduhken Rasul Paulus segelah banci sipedomani, e me: 1. Orang tua nge si pepulung erta guna anakna. Kalimat enda tentu sepakat nge

kita kerina bahwa orangtua nge si ertanggungjabab guna memenuhi keperlun anak-anakna seh anak-anak e banci ertanggungjabab man dirina sendiri. Janah Tuhan leben mereken gegeh ras kepentaren man orangtua guna ipakeken ibas ndatken rejeki idur Dibata nari seh maka banci


31. BIMBINGEN PA MAMRE GBKP TAHUN 2014 TANGGAL, 31 AGUSTUS – 06 SEPTEMBER 2014

Ogen : Daniel 1 : 1 – 19 Tema : Pentar njaga kesehaten Tujuan : Mamre nggejap maka dirina eme rumah pertoton, emaka nggit ia

njaga kesehaten arah njaga perpan, inemen, obat-obaten, pertunduh ras sidebanna.

I. PERLEBE

Kesehaten eme erta sicukup penting i bas kegeluhen. Erbage-bage cara ilakoken gelah sehat, Subuk arah pengaturen pangan, olah raga, bagepe jam istirahat. Adi kita sehat melala hal sibanci silakoken, pendahinta pe erlayas kita pe ngenanami keriahen. Salah sada si ilakoken kalak guna njagai kesehaten eme alu milih jadi Vegetarian (Pemakan sayur). Sie labo erkiteken tuntuten agama, labo pe erkiteken jile-jilena saja tapi gelah nggeluh sehat. Gelah erterangna banta kerna kesehaten enda mari sipelajari ibas PAnta enda. II. ISI

Arah teks ogenta enda kita i babai niksiki kegeluhen Daniel, i bas dampar kiniteken ras kesehaten daging kulana. Kesaksin pustaka si Badia nuriken maka Daniel kalak si setia ibas ndalanken peraturen agamana aminna pe man bana ibereken pangan ras inemen lau anggur si ibas istana ( ay. 6 ). Alasen Daniel la ngaloken pangan si ibereken man bana eme : Sipemena; banci saja i bas pangan e lit ije pangan si ipantangken kalak Jahudi ( Im. 11; Ul. 14 ), sipeduaken; pangan e enggo ipersembahken man berhala-berhala kafir. Jadi Daniel la nggit njadiken daging kulana melket erkiteken pangan si ibereken raja. Adi siperdiateken jenis pangan e tentu labo sembarangen sebab e pangan raja. Tapi ketetapen Daniel la berubah amin pe pangan si entabeh itawarken man bana. Daniel ras teman – temanna milih gulen-gulen saja ras lau jadi inemenna ( ayat. 12 ). Ertina ia milih jadi vegetarian. Ulih kesetiaanna man undang-undang Dibata ras pola makan sehat , e me : 1. Kesehaten daging kula. Ulin rupana dingen mbestangen dagingna asangken

kerina kalak si man pangan raja. 2. Kepentaren, ras pemeteh kerna erbage-bage surat rikut ras kepentaren

sideban. 3. Man Daniel ibereken tole kebeluhen lako ngertiken pengenehen nipi.

Seh maka sepuluh kali lipat kebeluhen kalak enda njabab penungkunen raja asangken kerina guru-guru si beluh ngoge nasib entah pe guru-guru si permang - mang si lit i bas kerajaan e.


ipindokenna perkuah ate Tuhan. Kenca si e me turah visi bas Nehemia. Ipeturah Dibata semangat membangun bas Nehemia. Persoalan sinihadapi bangsanta genduari la ndauh bedana ras sinialami kalak Jahudi. Amin pe Indonesia enggo merdeka 69 tahun dekahna, janah Mamre enggo 19 tahun umurna, tapi kondisi masyarakatta langa bo bagi siniarapken. Persoalan sinihadapi masyarakat seputar masalah ketidakadilan, korupsi, penindasan, perdagangan anak ras diberu, kemiskinan, pencemaran lingkungan, perubaten, perceraian, kenakalan anak, kenakalan orangtua, HIV AIDS , bencana alam, judi rsd. Erpalasken Kata Dibata ndai, Mamre iarapken ngasup jadi “Nehemia masa kini” sekalak pemimpin rohani si visioner, menaken i tengah jabu, gereja, pendahin ras masyarakat. Kita masyarakat Indonesia, labo jadi “penumpang” bas negaranta enda tapi jadi “pemilik” si berhak menentuken arah perdalanen bangsanta. Ibas konsep si e me, iarapken Mamre banci berkontribusi lebih mbue mulai tingkat dusun, desa, kelurahen, kecamaten, kabupaten, kota, provinsi, pusat. Banci jadi Dibata nimai campur tangan Mamre guna mpekena mulihi kondisi masyarakatta gundari. Mamre la terjeng beluh erdiskusi, ceramah kerna persoalen masyarakat ngenca tapi pe nggit ras mampu ngukurken ras erbahan solusi, ope denga kalak si deban ngelakokenca. Banci jadi masyarakat nggo apatis, putus asa, tapi Mamre la bage, sebab siendesken lebe man Dibata. Dibata me sipeturah visinta Mamre. Motto Mamre e me “Mamre erdiate, mamre erpemere” tentu tujunna positif, e me maba perubahen man masyarakat ras gerejanta. Pake kesempaten HUT Mamre enda guna mengevaluasi pendahin ras kegeluhen Mamre. Ibas piga-piga runggun keterlibaten Mamre bagi sikurang denga. Nggo seh paksana Mamre erbahan geraken “ertoto guna pengakun dosa” ras “erceda ate” man Dibata, erkiteken bage buena perbeben, kiniseran ras kejadin sinihadapi masyarakatta. Arah pengakun dosa sinibahan kita kerna dirinta ras bangsanta, ibereNa semangat si mbaru man kerina Mamre, tandana Mamre mperingeti HUT pe 19 ken. IV. DISKUSI : 1. Pergegeh kai sibanci idat ras iteruskenndu arah pengalamen Nehemia? 2. Rikutken peraten Dibata (Visi Allah), kai target si man capaian, si man

pekenan Mamre subuk ibas internal diri Mamre bagepe bas lingkungenndu guna sepuluh tahun enda. Bahan pertoton guna si e.

USULEN ENDE-ENDEN : KEE No. 209; PEE No. 88; PEE No. 50; PEE 84

Pdt Rosmalia Barus STh

HP. 081218818005


ipergunaken man anak-anakna. Tentu kata mpepulung erta labo erbahanca orangtua jadi sibuk 24 jam piah lanai lit waktu jumpa ras mendampingi anak-anak. Sebab erta man anak labo saja materi si berlimpah tapi waktu jumpa ras orang tua pe situhuna erta si meherga kap man anak-anak. Ije me kesempatan si mehuli man anak-anak guna ngusih pengerana ras perukuren orang tuana.

2. Diringku jine pe nggit aku engkorbankenca guna kam. Kalimat enda banci isederhanaken alu kata bahwa orangtua (ibas konteks enda e me bapa) e me modal utama man anak-anak. Kehadiren sekalak bapa (nande tentuna pe) mbelin kel gunana ibas kegeluhen anak-anak erbahanca pertumbuhen jiwa anak e mehuli jadina. Sebab situhuna guru pertama man anak-anak emekap bapa (ras nandena).

3. Labo sikerajangenndu, tapi kam kap ateKu. Tentu isekolahken anak, mbue keri labo segelah banci pagi iulihkenna kinikerin orangtua e, tapi segelah anak e jadi pentar, berkualitas, berani, jujur, disiplin, rsd. Pembentuken karakter si mehuli, pola pikir si bernas, e me jadi kebayaken orangtua. Labo semulihna ibas anak e nari.

Alu upaya pemahamen kai siibelasken Rasul Paulus enda, arapenta mamre banci jadi usihen man anak-anakna. Jadi tokoh idola anak-anakna. Uga e jadi tentu pemena kita arus ngoreksi dirinta janah siupayaken meneladani karakter Rasul Paulus. Jenari lit piga-piga hal si arus silakoken segelah anak-anakta njadiken kita usihen ras tokoh idolana, e me: 1. Kita arus bersikap lembut (la kasar) man anakta bagepe man kalak si deban.

Kita lanai makeken kata-kata si kasar man anak-anakta, sebab e mpedauh ia ibas kita nari janah kata-kata kasar e erbahanca ia erlajar mpergunaken kata kasar ka man kalak si deban.

2. Kita jadi bapa si sabar, si la pedas merawa. Terkhusus anak remaja ia mulai menghindar arah orangtuana nari janah lebih dekat ia ras teman-temanna. Tapi adi sekalak bapa dem kesabaren janah menganggap dirina teman man anak-anakna tentu anak e pe ndeher ras bapana janah la ia mbiar nuriken kai pe man bapana.

3. Anak-anak merhat adi bapana e pintar, hebat janah mbue pemetehna. Emaka upayaken lit waktu guna ngajar anak-anak (ngajar kata Dibata, hal-hal si berkaiten ras pelajarenna, alam, rsd). Cidahken rusur kininggiten guna


erlajar (mbue mbaca, nungkun, rsd) guna meningkatken semangat belajar anak pe

4. Jadilah bapa si pentar (bijaksana) si la mbedaken anak sintua ntah sintengah ntah anak si nguda, anak dilaki ntah anak diberu. Kerina seri janah bersikaplah adil man kerina anak itengah jabu.

5. Bapa si jadi usihen e me bapa si erkiniteken. Ncidahken praktek ibadah (ertoto, rende, tutus gereja ras kegiaten rohani si debanna), bage pe nyata ka buah kiniteken alu ngataken bujur ibas situasi si kugapa pe dingen makeken kata Dibata jadi palas kegeluhen.

III. PENUTUP Enda me piga-piga hal si banci ilakoken Mamre, tentu si enda banci jadi adi

kita selaku orangtua la memaksaken kehendakta dingen lanai katanta ata rusur ibegiken. Bahanlah anak merasa nyaman ndeher ras kita.

IV. DISKUSI 1. Bp. Jorekal e me sekalak perbapan si terpandang. Ia termasuk pemuka

masyarakat ibas kutana. Anakna lit 3 kalak, 2 dilaki ras 1 diberu. Anakna e kerina la pang jumpa ras ia erkiteken Bp. Jorekal enda keras jelmana. Jadi adi lit sura-sura anak e man nandena rusur turikenna. Adi lenga ia man, anak-anak pa langa banci man, adi lang nina ise pe la banci nimbak. Kuga menurutndu tipe bapa sibagenda, kuga ka adi sikaitken ras pembahasenta wari sendah.

2. Kai nge tekadndu segelah kam jadi bapa usihen man anak-anakndu? USULEN ENDE-ENDEN : PEE No. 9:1-2; PEE No. 10:9,10; KEE No. 124:3; PEE 97:1

Pdt. Oklin Jovalina Tarigan, S.Si.Teol HP. 081370461616

Selalu baik untuk memaafkan, paling baik ialah melupakan (browning)


Nehemia nggit nungkun ras megiken berita kerna Jerusalem Tupung seninana Hanani ras piga-piga temanna reh ndahi Nehemia ku Kuta Susan ibukota Kerajaan Persia ingan Nehemia erdahin, isungkuni Nehemia ia kerina kerna kondisi kuta Jerusalem bagepe kerna kerina kalak Jahudi si nggo mulih ibas pembuangen nari. Amin pe Nehemia erdahin ibas istana Raja, singidangi inemen Raja, berarti ndeher ras Raja, orang kepercayaan Raja, tapi Nehemia la ngelupaken bangsaNa. Erdiate ia nandangi bangsaNa. Nehemia sekalak pemimpin si erdiate. Kondisi kalak Jahudi i Jerusalem kepeken la bagi ukur. Ibas ayat 3 ituriken maka situasi bangsa e “sangana ibas kiniseran si mbelin janah bangsa-bangsa si deban si tading i sekelewetna megombang man bana…. Tembok kuta Jerusalem enggo ka sontar janah pintu-pintu gerbangna langa ipekena kenca iciluk”. Erkiteken tembok Jerusalem runtuh erbahanca kuta e sukah iserang kalak si deban. Bangsa-bangsa isekelewetna megombang man kalak Jahudi i Jerusalem. Tupung si e tembok ras kuta Jerusalem enggo 120 tahun dekahna iruntuhken. Kidekah e tentu enggo meribu-ribu kalak Jahudi mentas arah tembok si runtuh e, tapi la ia ngasup erbahan kai-kai pe nandangi tembok si runtuh e. Tembok Jerusalem desken sada benteng pertahanen kalak Jahudi ibas serangan musuh nari. Rumah Pertoton pe sebagai lambang kehadiren Dibata. Erkiteken lalap la ipekena, megombang kalak man kalak Jahudi bagepe tentu man Dibata. Banci jadi bas perukuren kalak Jahudi, enggo metahatsa akapna mbangun mulihi Kota Jerusalem e, piah lanai lit semangat guna mbangun Kuta Jerusalem e. Bangsa e ngenanami kiniseran si mbelin. Kenca ibegiken Nehemia berita e, ceda atena, tangis dingen erpuasa ia. Ertoto ia man Dibata ngakuken dosa-dosana ras bangsana janah mindo perkuah ate Dibata (ay 5 – 11). Erpalasken Neh 1:1 ras Neh 2 : 1 , maka dekahna Nehemia erceda ate, erpuasa ras ertoto kurang lebih 4 (empat) bulan, e me bulan Kislew (Nov – Des) ku bulan Nisan (Maret – April). Kai sinilakoken Nehemia nuduhken maka erdiate kali ia nandangi kiniseran bangsana Jerusalem. Kehancuren masyarakat secara fisik ikut mpengaruhi kehancuren bidang agama bagepe politik. Adi siperdiateken Kitab Nehemia enda selanjutna, maka Nehemia labo erceda ate, erpuasa ras ertoto saja, tapi pe ersuruh ukurna lako mpekena Jerusalem mulihi. Baban si mberat e peturah sura-sura (visi) guna mbangun mulihi tembok Jerusalem bagepe memulihken kesejahteraan masyarakat si paksana ngenanami kesusahen ras perbeben si mberat e. Pertoton ras pengarapen Nehemia ibegiken Dibata, Nehemia ndatken ijin bas Raja nari lako membangun mulihi Jerusalem, iajukna kerina bangsana gelah ras-ras mbangun alu semangat, janah ibangunna hubungen kerjasama ras kerina pihak. Ulihna e me Kuta Jerusalem ras tembok Jerusalem si enggo 120 tahun runtuh banci ibangun mulihi kidekah 52 wari ngenca (Neh 6:15). III. PENGKENAINA Faktor keberhasilen Nehemia e me kinitekenna man Dibata. Bage ibegina berita kerna bangsana, bage ka me ia erjimpuh ertoto ku Dibata ngakuken salahna bagepe dosa bangsana. Ipenangkihna doa syafaat kerna bangsana,


30. BIMBINGEN PA MAMRE GBKP TAHUN 2014 TANGGAL, 24 – 30 AGUSTUS 2014

(HUT MAMRE PE-19-KEN & HUT RI 59)

Ogen : Nehemia 1 : 1 – 4 Tema : Kepate nandangi sekelewetndu Tujun : Mamre peturah rasa kepedualian nandangi kecibal ija ia nggeluh

I. PERLEBE Ibas tahun enda , Mamre GBKP genep umurna 19 tahun. Enggo melala pemere Dibata man Mamre ibas ndalanken kegiatenna, subuk selaku organisasi internal perbapan GBKP bagepe selaku sekalak perbulangen/bapa i tengah-tengah jabu. Sedalanen ras si e patut ka kita ngataken bujur man Dibata erkiteken ipasu-pasuNa masyarakat Indonesia seh maka banci mperingeti 59 tahun HUT RI. Ibas dua dahin si mbelin e me kita ipegegehi tole alu Kata Dibata bagi tersurat ibas Nehemia 1 : 1 -4. II. ISI Latar belakang ogen Kitab Nehemia merupaken kumpulen Kitab Sejarah terakhir ibas Padan si ndekah, si isuratken ibas tahun 431 SM – 430 SM. Banci jadi Kitab Nehemia enda umputen Kitab Kronika (Tawarikh). Ibas Kitab 2 Kronika 36 ayat 17 – 21 ituriken maka isuruh Tuhan raja Babil nerang Juda (Kerajaan Israel Selatan), kerina masyarakat Juda bagepe perkakas i rumah pertoton simeherga ibaba ku Babil, tembok kuta Jerusalem iruntuhken, rumah pertoton siniibangun Raja Salomo pe iciluk bagepe istana-istana ras isina kerina. Kalak Israel itaban 70 tahun dekahna . Paksa si e Raja Babel e me Raja Nebukadnezar. Kenca 70 tahun itaban, Kerajaan Babel italuken Kerjaan Persia ibas tahun 539 SM (Ope Masehi). Raja simerentah ibas Kerajaan Persia e me Raja Kores. Paksa si e Kerajaan Persia salah sada kerajaan simegegehna i wilayah Timur Tengah. Raja Kores sekalak raja si bijaksana, kerina kalak Israel si tertaban i Babel iberekenna mulih ku kuta kemulihenna ku Jerusalem ibas tahun 535 SM. Ihormatina kegeluhen keagamaan kalak Israel. Iberekenna pe otonomi kekuasaan man bangsa Israel i Jerusalem (2 Kronika 36: 23). Ibas istana Raja Kores enda me Nehemia erdahin ngidangi inemen Raja (juru minum). Nehemia antusenna “kesenangen ibas Dibata nari” (Ibr : Nehemyah). Isi Kitab Nehemia e me kerna kegeluhen kalak Israel kenca mulih ibas pembuangen Babil nari ku taneh Kanaan. Iteruh kepemimpinen Nehemia, bangsa Israel berhasil mbangun mulihi tatanen agama bagepe politik Israel janah mbangun tembok si ngkeleweti Jerusalem. Arah ogenta sekalienda, ituriken man banta kerna tanggungjawab “rohani” Nehemia nandangi kuta kemulihenna Jerusalem. Piga-piga hal siperlu siperdiateken arah Nehemia eme :


14. BIMBINGEN PA MAMRE GBKP TAHUN 2014 TANGGAL 27 APRIL – 03 MEI 2014

Ogen : Kejadin 39 : 7-23 Tema : Ngergaken tanggung jawab Tujun : Mamre gelah tetap ngasup ngergaken tanggungjawab (kepercayaan) si ibereken Dibata man bana I. PERLEBE Tep-tep anggota Mamre lit tanggungjawabna. Ertanggungjawab nandangi jabu, pendahinna, kinilitenna. Ertanggungjawab lako mpebelin-belin anak si ipelimiken Tuhan ku tengah jabuna janah ertanggungjawab ngajari anak ku bas pengajaren agama siniaturken gerejanta.9

Tanggungjawab si lit e isedari nge gelah ilakoken bagi arusna. Tapi maun tanggungjawab e lenga secara optimal terdalanken. Keadaan sibage jadi labo isengaja tapi terjadi ia erkiteken erbage-bage sebab. Mungkin erkiteken kesibuken, latih, meriah denga siakap makeken kinilitenta ngikuti sura-suranta. Erkiteken sie, maun-maun ngergaken tanggungjawabta e bagi si kurang. Guna ngangkai uga kin arusna kita ngergai tanggungjawabta selaku Mamre erlajar kita arah pengalamen Jusup. II. ISI Jusup si enggo idayaken senina-seninana seh i jabu Potipar (kepala pengawal istana) i Mesir. Tuhan ngarak-ngarak Jusup janah Potipar pe meteh kerna pengarak-ngarak Tuhan nandangi Jusup e. Sabab kai pe idahiken Jusup kerina erbuah. Kesaksin kiniteken Potipar enda jemba Potipar mereken dahin si penting i tengah-tengah jabuna (ngurus rumahna ras kerina ertana). Kepercayaan Potipar ngendesken tanggungjawab si mbelin guna idahiken Jusup, iergai Jusup alu ndahikenca dem tanggungjawab. Ulih pendahin si ertanggungjawab e, Tuhan masu-masu kerina sinidahiken Jusup e erbahanca kerina si lit i rumah Potipar ras isi jabuna ngaloken ketenengen. Terpenuhi kerina kebutuhen. Potipar sendiri pe enggo ngendesken kerina dahin man Jusup, la nai lit man ukurenna, seyakatan man saja ngenca. Ibas Jusup enggo ngaloken dahin si mbelin i tengah jabu Potipar e, tetap iingetna ise kin dirina. Seh ija tanggungjawabna sinialokenna ibas tuanna nari (Potipar). Jusup labo makeken tanggungjawabna bagi ate-atena. Tapi tetap terkuasaisa dirina ibas perbahanen si la ngena ate Tuhan. Isimbakna sura-sura daging ndehara Potipar. Enda merupaken tantangen man Jusup ibas dahiken

9 Kitab Liturgi IBas Gereja Batak Karo Protestan, Liturgi Lakon Peridin Si Badia Man Anak-Anak, (Kabanjahe, Modereman GBKP, 2007), hal. 160


tanggungjawabna ibas jabu Potipar. Konsekuensina la ngelakoken si la ngena ate Tuhan, arus ialakenna dirina itamaken ku ingan tutupen tahanen raja.10 Amin pe Jusup itamaken ku ingan tutupen tahanen raja, labo erbahanca ia kecewa ndarami keadilen ku jah ras kuje. Tapi idalanina saja kegeluhenna ibas penjara alu benar dingen bujur dingen Tuhan pe tetap ngarak-ngarak Jusup erbahanca ngena ate penjaga rumah tutupen, emaka iendeskenna man Jusup tanggungjawab guna ngurus kerina tabanen si deban. Tersampati tuhu dahin penjaga rumah tutupen e. Janah sikap kerina iban Jusup.

III. PENGKENAINA Pengalamen Jusup enda ngajari banta, tangungjawab sinibereken man bana iergai Jusup tuhu-tuhu si teridah alu ndahiken dahin e alu tutus janah erbuah. Dahin kai pe ibereken man Jusup e, labo lit komentarna. Si lit ras teridah emekap idahikenna dahin e alu dem keriahen ukur janah tek ia Dibata tetap masu-masu pendahinna. Jusup tuhu-tuhu iergaina tanggungjawab sinibereken man bana. Sabab tek Jusup tanggungjawab sinibereken man bana e reh ibas Tuhan nari. Tuhan erkarya arah tanggungjawab siniendesken man Jusup.

Pengangkan sibagenda rupana perlu lit ibas kegeluhenta selaku Mamre. Dahin kai pe si ibereken man banta guna sitanggungjwabi, teklah dahin e rehna ibas Tuhan nari. Ipasu-pasu Tuhan dahin sinidahiken kita e erbahanca sukses kita, janah meriah ukur kalak si deban natap-natap bekas sinidahiken kita.

Selaku Mamre i tengah jabu, tanggungjawabta emekap minpin kegeluhen rumah tangganta. Adi siergai tanggungjawabta ibas jabunta meherga pe dirinta i tengah-tengah jabunta. Bage pe selaku Mamre i tengah-tengah gereja, dahin kai pe siniendesken man banta alokenlah janah dahikenlah. Tek kita pengendesen dahin e man banta rehna ibas Tuhan nari. IV. DISKUSI 1. Engkai makana tanggungjawab sinidahiken Jusup kerina erbuah. Erbahanca

Potipar (pegawai Istana) nuruh Jusup ngurus rumah ras kerina ertana bage pe penjaga rumah tutupen ngendesken kerina dahinna man Jusup.

2. Lit nge siidah temanta Mamre ngelakoken tanggungjawab sinibereken man bana bagi sinilakoken Jusup?

3. Adi tanggungjawab e ibereken man banta selaku Mamre, uga nge caranta ngergakenca?

USULEN ENDE-ENDEN : KEE 3 : 1,2,3; PEE 71:1,2,3; SEE 131 :1- (Persembahen); SEE 138: 1,2

Pdt. Ephenetus Tarigan, MTh HP. 081263038360

10 Tutupen tahanen I mesir lit telu pungsina. Si pemena, ingan tutupen bagi zaman si genduari; peduaken, ngkarantinaken tenaga kerja paksa guna kepentingen Negara; peteluken, ingan tutupen sementara nimai iadili, nen. Ensiklopedi Alkitab Masa kini, jilid II, hal.641


ibas jabu kita arus pentar ibas erteman segelah pertemanenta e maba keriahen ras kemalemen ate ku bas kegeluhenta. Adi atenta reh majuna ertemanlah ras kalak pentar, adi atenta reh murdena ertemanlah ras kalak si perkisat, adi atenta reh ulina ertemanlah ras kalak si mehuli ka. Adi mamre salah bergaul tentu kegeluhen jabu pe reh murdena, emaka segelah Mamre banci pentar ibas erteman sipemena lebe arus ilakoken e me erteman ras Dibata ulu kepentaren. IV. DISKUSI 1. Oge mulihi Kuan-Kuanen 27:10, kai nge maksudna ayat e man kegeluhennta?

Turikenlah! 2. Rikutken pengidahta, kuga nge genduari pertemanen/pergaulen Mamre ibas

ndalani kegeluhenna? Enggo nge Mamre pentar ibas erteman? Adi lenga, uga seharusna? Turikenlah!

USULEN ENDE-ENDEN :

PEE No. 69 : 1, 3; PEE No. 42 : 1, 3; PEE No. 84 : 1 – 3; KEE GBKP No. 71 : 1, 3

Daftar Pustaka

1. Tafsiran Alkitab Masa Kini 2. Selamat Berteman, Andar Ismail, Jakarta, BPK Gunung Mulia 2007 3. Alkitab Penuntun : Hidup Berkelimpahan, Gandum Mas dan LAI 2000 4. Tafsiran Alkitab Amsal 10:1-22:16, Risnawaty Sinulingga, Jakarta, BPK Gunung Mulia 5. Tafsiran Alkitab Perjanjian Lama, Dianne Bergant, CSA & Robert J. Karris, OFM, Yogyakarta,

Kanisius.

Pdt. Elba Pranata Barus

GBKP Runggun Regaji, Klasis Kabanjahe-Tigapanah Hp. 081263935060


kita pe jadi bodoh, adi kita erteman ras kalak pentar tentu kita pe pentar. Alu kata sideban labo maka kita rayo-ayo ntah pe milih-milihi teman tapi segelah kita pentar /selektif ibas milih teman segelah arah pertemanenta pe kita reh berkembangna ibas kiniulin kegeluhen bagepe ngasup engkuasai diri (la ikut arus) kubas pergaulen/pengajuk si la mehuli ras pe perbahanen-perbahanen si la sue ras sura-sura Dibata. Pertemanen si sehat pasti erbahan kita reh berkembangna ras reh majuna ibas simehuli tapi pertemanen si salah pasti ngerugiken kubas kegeluhenta. Adi si nen kubas kinata kegeluhen Mamre ibas jaman enda, maka melala nge Mamre si la pentar ibas erteman, erbahanca lanai teridah kinitekenna ras identitasna selaku anak-anak Dibata. Pertemanen si mehuli labo maka meriah-riah saja tapi terbagesen ibas si e pertemanen arusna ningkatken kualitas kinitekennta ras kegeluhenta ku si mehuli (Masmur 1:1). Kalak sibage sangap ia ibas kerina pendahinna. Ibas Kuan-kuanen 27:10 ituriken segelah kita tetap ngataken bujur ibas kehadiren temannta si isekelewetta sebage pemere Dibata. Pertemanen si enggo terjalin arus siergai ras irakut alu keleng ate sierpalasken kekelengen Kristus man banta, eme hubungen si la nuntut balasen ibas kiniulin sienggo ilakokenna. Tole pe ibas nats enda itegasken maka kita arus ngergai ras njaga kiniersadan sienggo tercipta, subuk e man teman sekelewetta/tetangganta, teman sada dahin, masyarakat bagepe ras sangkep nggeluh. Lit pepatah singatakenca : “Mencari seorang sahabat bagaikan mencari permata disebuah lumbung jerami yang besar”. Ertina maka teman sejati e seh serana ndatkensa emaka arus ijagai. Teman simehuli mawen-mawen ergan asangken keluarga ras sangkep nggeluh sebab kai pe sijadi ibas kita leben nge ieteh temannta sebalengen e. Emaka selaku anak-anak Dibata, ertemanlah kita alu dem ketulusen ras marilah kita jadi teman simehuli pe man kalak si deban. III. KESIMPULEN

Manusia eme makhluk sosial si la ngasup nggeluh sisada ertina ibas pengembangen diri ras kegeluhenna ia perlu penampat ras dorongen ibas kalak si deban nari. Tapi perlu ka ijaga, ula erkiteken pertemanen erbahanca Mamre murde, la maba kemajun tapi merugiken. Emaka selaku Mamre, bapa ras imam


15. BIMBINGEN PA MAMRE GBKP TAHUN 2014 TANGGAL 04-10 MEI 2014

Nas : 2 Tesalonika 3:1-12 Tema : Totoken si idahikenndu, dahiken si itotokenndu Tujun : Gelah Mamre notoken dahin si idahikenna ras ndahiken si itotokenna I. PERLEBE Istilah ‘ora et labora’ (ertoto ras erdahin) enggo semal si begi. Lit ka piga-piga kalak Kristen si make istilah enda jadi motto ntah pe semboyan bas geluhna. Arah istilah enda itekanken kerna hubungen ras keterikaten ertoto ras erdahin si la terpisahken, sabab ibas kiniteken Kristen tek kita maka pendahin siidahiken kita la mereken pasu-pasu man banta ntah pe kemungkinan besar gagal adi la I dukung arah pertoton. Pekerjaan si menukah banci jadi mesera, si menahang jadi mberat adi la I pasu-pasu Dibata. Bagepe adi ngerana kita kerna erdahin maka, manusia iwajibken Dibata guna erdahin sebage dalan Dibata guna masu-masu manusia. Ibas turi-turin kejadin, Dibata masu-masu manusia arah mereken perentah guna ndemi, kuasai ras talukenlah doni, ertina pasu-pasu e maler ibas kininggiten manusia erdahin ras ngusahai doni seh maka banci ikuasai. Ibas dampar si deban, erdahin labo saja guna ncariken kebutuhen nggeluh saja tapi sebage ibadah (penembahen) man Dibata. Johanes Calvin ngataken maka tujun nggeluh manusia eme guna mpermuliaken Dibata (Gloria Dei), janah kai pe dahinnta seri ergana I lebe-lebe Dibata adi e ipake sebage alat guna mpermuliaken Dibata. Kerja keras ras kejujurennta ibas erdahin iidah sebage persembahennta man Dibata. Alu bage kerina manusia arus erdahin, la mbeda-mbedaken derajat dahin tapi tutus ertoto man Dibata gelah pendahinna jadi pasu-pasu man bana. II. ISI Surat 2 Tesalonika secara utuh i tulis rasul Paulus man perpulungen i Tesalonika si lenga ngangka kerna konsep kerehen Kristus si peduakaliken. Erkiteken si e situasi perpulungen jadi serbut janah lanai ratur. Lit kalak si ngatakenca maka paksa kerehen Kristus pe dua kaliken enggo reh. Rasul Paulus arah suratna mereken sada pengelayasi alu nuriken maka ope denga Kristus reh mulihken maka kejahaten ras kekejamen la banci lang ndemi doni enda. Emaka tujun surat enda gelah perpulungen tesalonika tetap ertutus ate ibas erkiniteken man Tuhan, ertoto, ras tetap ncariken kebutuhen geluhna, gelah amin gia reh kesusahen ras kiniseran ngasup bertahan guna ngelakoken si mehuli.


Ibas 2 Tesalonika 3:1-5 ituriken kerna pemindon Rasul Paulus man perpulungen Tesalonika gelah notoken ia ras pelayanenna. arah pemindonna Paulus nuriken penggejapenna maka ngasup ia ndahiken dahin pelayanen si ngena ate Kristus e erkiteken pertoton jemaat (umat Tuhan). Enda me alasen maka megati Paulus mindo pertoton arah jemaat si nggo ielaina sabab i gejapkenna maka singena ate Dibata ibas pelayanenna la banci jadi adi la idukung arah pertoton kalak si tek. Arah pemindon Paulus enda mbelin kemungkinen maka Paulus bas pelayanenna ngalaken tantangen arah penolaken mesangat khususna arah kalak si la tek man Dibata, janah megati tantangen ntah percuban e mengancam Nyawa. Ibas ayat 3 i turiken Paulus, adi perpulungen ertoto alu tutus, maka Dibata njagai/ mpedauh (melindungi) kita arah kuasa iblis janah erdahin guna mpegegehi kita. ibas ayat 4 Paulus nuriken keyakinenna kerna perpulungen Tesalonika si tutus nggeluh ibas pertoton sebage penjemba gelah perpulungen e tuhu-tuhu nggit ngelakokensa. ibas suratna enda Paulus labo saja mindo gelah itotoken saja tapi ibas ayat si pe limaken enda Paulus pe ertoto, notoken perpulungenna. Kenca Paulus ngerana kerna kegeluhen peayanen si ijemba kegeluhen ertoto, maka ibas 2 Tesalonika 3:6-12, I terusken Paulus ngerana kerna erdahin. Arah lanjuten suratna enda teridah kaiten si erat ertoto ras erdahin. Paulus ngidah maka perpulungen idilo labo guna ertoto saja tapi juga guna erdahin. Amin gia paksa si ndai perpulungen fokus nimai kerehen Kristus, iajuk tutus ibas kegeluhen erkiniteken (sorgawi) tapi alu la mengesampingken aspek keduniawian eme erdahin guna keperlunnta. Kepeken situasi I tengah-tengah perpulungen paksa si e, melala lanai erdahin, kisat erdahin erkiteken salah pengertin kerna paksa kerehen Kristus. Lanai gunana erdahin janah pangen tutus ertoto saja gelah tupung reh kari Kristus maka kerinana I selamatken. Paulus ngajuk gelah perpulugen tetap erdahin sebage salah sada penjemba kegeluhen erkiniteken man Tuhan janah guna ngisi waktu ibas nimai kerehen Tuhan sekaligus ncukupi kerina kebutuhen geluhna. Alu tegas Paulus, selaku rasul Dibata ngingetken kerna masalah kinikisaten i tengah-tengah perpulungen, janah ngajuk guna nirangisa sebage bentuk disiplin i tengah-tengah perpulungen. Arah pengajukna lit kemungkinen maka masalah kisat erdahin enda enggo seh kal kelekna. Banci jadi nggo piga-piga kali i singetken tapi la itinggelken seh maka i sirangi saja. secara etis maka kalak si kisat la patut ngaloken ulih pendahin sabab ia la erdahin, emaka Paulus nekanken pentingna aspek kerajinen pribadi sebage bentuk disiplin nggeluh erkiniteken man Tuhan.


29. BIMBINGEN PA MAMRE GBKP TAHUN 2014 TANGGAL 17-23 AGUSTUS 2014

Ogen : Kuan-kuanen 13 :20, 27:10 Tema : “Pentar ibas erteman”

Tujun : Gelah Mamre makeken kepentaren Dibata ibas erteman, subuk ersangkep nggeluh, teman sada dahin ras masyarakat.

I. PERLEBE

Ibas pengembangen diri manusia18 ibas kerina aspek kegeluhenna, manusia e perlu penampat ibas temanna nari bagepe ibas tinepa sideban. Hakikatta manusia selaku makhluk sosial eme la ngasup nggeluh sisada. Mulai kin tubuh nari seh mate manusia perlu penampat ibas kalak si deban nari. Hanya saja ibas pergaulen kegeluhen ula kubas pergaulen si la mehuli seh maka akal, pikiren, naluri bahkan perasannta pe lanai ipake alu payo sue ras sura-sura Dibata. Adi bage banci la nambah jorena, baik ibas segi karakter (biak), kiniteken bagepe pengembangen diri guna kemajun. II. ISI

Kitab kuan-kuanen itulis Raja Salomo kira-kira tahun 1000-750 SM. Tujun ras isi kitab enda eme mereken pengajaren ras pengertin kerna kepentaren ibas ndalani kegeluhen, segelah kalak sierkiniteken nggeluh alu pentar (bijaksana) eme alu : ngasup mbedaken apai si mehuli apai si la mehuli, apai si mereken kiniulin/ kemalemen ate apai si lang, apai singena ate Dibata ras apai si la ngena ate Dibata. Janah sipaling penting penulis kitab enda nekanken maka bena-bena kerina kepentaren e eme erkemalangen man Tuhan (Kuan-kuanen 1:7). Kata Dibata sijadi oratenta sendah secara khusus nuriken kerna kepentaren ibas erteman bagepe ibas ersenina ras ersangkep nggeluh. Ibas Kuan-kuanen 13:20 ikataken maka ras ise kita erteman/bergaul pasti mpengaruhi uga cara geluh, sikap, karakter bagepe kinitekenta. Adi kita erteman ras kalak bodoh

18 Asal kata manusia eme manu (Sansekerta) ntah pe mens (Latin) siertina rukur, erakal budi ras ermartabat. Manusia selaku tinepa Dibata simeganjangna ibereken Dibata akal, pikiren/ perukuren, budi pekerti ras perasaan si mbedakenca ras tinepa sidebanna. Emaka sadar ntah lang, kerina manusia pasti ngembangken dirina guna ncukupi keperlunna ras pe guna peningkaten kualitas kegeluhenna.


bagi si ngena ate Dibata. Adi la ipake alu mehuli rugi, sebab wari-wari enda la mehuli (empengaruhi kita alu sijahat). Situhuna wari-wari enda pemere Dibata kap, maka pakekenlah bagi singena ateNa. Adi la ipake bagi si ngena ateNa reh me si la mehuli. Waktu adalah “uang-peluang”, kesempaten emas. Lit pagi paksana kesempaten e lanai lit. Pakeken kesempaten “mbangun” kegeluhenta. Ateta reh dekahna si pakeken waktu/wari-warinta, reh ulina geluhta, reh erkualitasna geluhta. Kualitas e iukur ibas nggeluh pentar ras erpengendes man Tuhan/kualitas seutuhna (jasmani-rohani).

4. Selaku Mamre tugasta makeken waktu guna “mbangun” isi jabu. Bapa erperan sebagai Kepala Rumah Tangga, ertanggungjawab kerna keamanen/ kedamen se isi jabu, kesejahteraan isi jabu ras kemajun/kepentaren isi jabu, khususna pertumbuhan-perkembangen kepribadian anak-anak, bertumbuh jadi anak-anak Tuhan. Pakeken kesempaten (ula sia-siaken) wari-wari si ibereken Tuhan. Tutus beribadah (ku perminggun, ku PJJ, ku PA Mamre, erbahan Ibadah/Kebaktin Kelurga), mejingkat erdahin, ula malas-malas (satur-satur, engkawil-engkawil), ula mabuk-mabuk (minem anggur, minem tuak). Ngataken bujur man Tuhan ibas kerina paksa, gelah ula terpengaruh lingkungen si la mehuli, anak-anakta la terpengaruh lingkungen si la mehuli (narkoba, pergaulan bebas, judi, kenakalen remaja ras pinakit sosial/masyarakat sidebanna).

III. KESIMPULEN Kita nggeluh ibas waktu. Asa waktu si enggo sibentasi e me umur geluhta. Kita nggeluh ibas waktu: nderbih, sendah ras pagi. Kai pe si lakoken, subuk erdahin, tunduh, ngerana, erguro-guro ras sidebanna e me ibas waktu. Nderbih e me kenangen, sendah e me kenyataan ras pagi e me impian/harapan. Kai pe ateta sura-suranta, itentuken masa gundari. Ula sia-siaken waktu. Pergunakenlah kesempaten alu mehuli, bagi si ngena ate Tuhan. Adi la sipergunaken bagi singena ate Tuhan, wari-wari enda la kap mehuli (enggo terbuang wari-wari). Mamre ertanggungjawab makeken waktu, mbangun kegeluhen ras isi jabu si erkualitas, pentar dingen erpengendes man Tuhan (ora et labora).

IV. DISKUSI 1. Oge Ep 5:15! Kai maksudna “ola kam nggeluh bagi kalak motu, tapi bagi

kalak pentar min”. Mari si diskusiken! 2. Kai saja nge rusur si empengaruhi kita ibas makeken waktunta, khususna

kita selaku perbapan (Mamre)?

USULEN ENDE-ENDEN : KEE No 1:1-2; KEE No 16:1,3; KEE No 56:1,2; KEE No 76:1,2,5

Kepustakaan Tafsiran Alkitab Masa Kini 3, Yayasan Komunikasi Bina Kasih/OMF, Jakarta, 1990

Pdt. Simon Tarigan, STh HP 08153353002


III. PENGKENAINA Ibas ndatken sura-surana (mencapai tujuan) Paulus tek maka pertoton erkuasa. Paulus sedar maka dahin si idahikenna eme bekas pemere Dibata emaka la tetap ukurna adi erdahin, amin gia e dahin si mehuli, tapi adi la I tatang arah pertoton perpulungenna. Paulus ertoto ras ngarapken enterem jelma notoken ia gelah Dibata ikut erdahin maka jadi kerina singena ate Dibata. Lit singatakenca maka: jarak seseorang dengan kesuksesan dalam pekerjaannya adalah hanya sejauh lutut dan lantai. Kalimat e ngataken maka kerelaan pusuhnta guna tutus ertoto, erjimpuh mungkuk iadepen Dibata jadi kunci sukses man banta. Emaka benakenlah dahinta alu pertoton janah dahikenlah si itotokenndu. Sebage kalak si tek si nggeluh nimai wari kerehen Kristus erdahin ndahiken dahinta alu tutus ras ndahiken dahin si mulia I perhitungken Dibata jadi persikapen guna ngalo-ngalo kerehenNa. Paulus pernah ngataken “kerjakanlah keselamatanmu”. Perentah e nuduhken maka kiniteken e labo bas pusuh, pikiren ras pengerana saja tapi arus teridah arah perbahanenta (dahinta). Emaka ula kita fokus ku bas dahin-dahin doni enda tapi ku bas dahin-dahin singena ate Dibata pe.

IV. DISKUSI 1. Kai nge fungsi ras peranan pertoton (uga pengaruhna) ibas dahin si

idahikenndu? 2. Uga nge pemahamennta kerna: kalak si la erdahin ula bere man? Kai

maksudna? Janah kai nge kira-kira si banci silakoken man kalak si kisat erdahin?

USULEN ENDE-ENDEN : PEE No. 58; KEE No. 68; KEE No. 202; KEE No. 208

Pdt. Vicardo A. Ginting HP. 081362439302

Keliru itu manusia, tapi bersikeras mempertahankan pendapat yang salah ialah seperti setan [A.Agustin]


16. BIMBINGEN PA MAMRE GBKP TAHUN 2014 TANGGAL 11-17 MEI 2014

Ogen : Kuan-kuanen 2:2-5 Tema : Mamre si produktif (berkarya, kreatip ras inisiatif) Tujun : Gelah Mamre ibas geluhna produktif sue sura-sura Dibata I. PERLEBE Kitab Kuan-kuanen nuriken kerna pengajaren si ersipat nasehat kerna turi-turin nggeluh gelah erbuah (berhasil)11. Nasehat siituriken penulis (umumna Raja Salomo)12 enda gelah si ngoge pengajarenna e mperdateken kerna kepentaren. Biasana Pengajar e nuriken pengajarenna siitujukenna ku kempak ajar-ajarna sibiasa igelarina anakna (Kuan-kuanen 2:1). Teridah ijenda kepentaren e tuhu-tuhu ianggap penting ibas ndalani kegeluhen enda. Bagi Salomo, tangtangna ia jadi raja sinipindona man Tuhan labo kinibayaken, erta tapi ipindona man Tuhan emekap kerna kepentaren. Kepenteren guna minpin kegeluhen kalak si nterem. Adi sioge alu mbages kitab Kuan-kuanen enda icidahken man banta kerna pengajaren kepentaren secara teologi, etis bage pe praktis si isina kerna penyataan Allah. Erkiteken sie me maka kitab Kuan-kuanen enda ijadiken pedoman ibas kegeluhen si tep-tep wari subuk kalak Israel bage pe kalak Kristen si genduari. Khusus Kuan-kuanen bindu 1-9, pengajaren sinipeseh Pengajar e ersipat teologis, si umumna erpungsi selaku pengajaren moral guna kegeluhen si tep-tep wari. Megati pe kepentaren e ipebali ras erkemalangen man Tuhan, si teridah alu erpihak ku kempak kiniulin, kinibujuren, kadilen ras kebenaren. Janah pe kepentaren e merupaken respons nandangi panggilen Dibata erbahanca kalak si megiken ras patuh, alokenna me pasu-pasu ibas Tuhan nari. II. ISI Ogenta nuduhken kerna kegunaan erti ras makna kepentaren e man banta. Emaka Pengajar e njemba man banta (anakna) gelah ndarami kepentaren

11 W.S Lasor dkk, Pengantar Perjanjian Lama 2: Sastra dan Nubuat, (Jakarta: BPK Gunung Mulia, 1999), hal. 90 12 Erpalasken penelitian nandangi Kitab Kuan-kuanen enda, ituriken labo kerina Kuan-kuanen enda itulisken Raja Salom. Sebab sumber tulisen enda itulis labo saja ibas masa kerajaan tapi sebagi itulis paksa ope lenga lit kerajaan ras paksa kalak Israel iambengken ku Babilonia, nen Risnawaty Sinulingga, Tafsiran Alkitab: Kitab Amsal 1-9, (Jakarta: BPK Gunung Mulia, 2007), hal. 2



Ogen : Epesus 5:15-20 Tema : Waktu e me pemere Dibata Tujun : Gelah Mamre makeken kerina kesempaten “mbangun” kegeluhen si

erkualitas ras isi jabuna. I. PERLEBE Perpulungen Epesus e me perpulungen si nguda denga, si lenga dewasa, seh maka surat enda isehken man Perpulungen Epesus gelah kiniteken ngawan ni perpulungen banci ipebagesi ras ipeteguhi. Terlebih kecibal kota Epesus sebagai kota si meriah, kota perdagangen, janah kecibal penembahen masyarakat kota Epesus, lit penembahen man Kaisar, man berhala, ras hal-hal gaib (kiniperbegun). Ibas kiniteken si lenga mbages, perpulungen Epesus si nguda denga enda banci terpengaruh, ntah pe mulihken ku kegeluhen si ndekah, sope bengket ku kegeluhen si mbaru, kegeluhen kalak Kristen.

II. ISI 1. Ayat kunci Epesus 5 e me ibas ayat 1, “erkiteken kam anak-anak kekelengen

Dibata, usihlah Ia”. Perikop Ep 5:1-20 isina e me “Lagu Langkah Kalak Kristen (anak-anak kekelengen Dibata)” ibas doni enda (nggeluh ibas doni sekitar-lingkungenna). Kalak Kristen lain ras doni enda (kalak si la Kristen), amin pe labo terpisahken nggeluh ras doni enda (sekitarna-lingkungenna). Ibas Ep 5:1-20 icidahken/idafterken lagu langkah si jahat (Ep 5:1-7), janah lagu langkah kalak Kristen/lagu langkah si mehuli (Ep 5:8-20). Bahan PA enda lit ibas daftar lagu langkah si mehuli.

2. Ep 5:15-20 lit ibas daftar lagu langkah si mehuli, lagu langkah anak-anak Dibata e me: a. Jadi kalak pentar. Kalak pentar makeken waktu alu mehuli. Bahasa

dagang “waktu adalah uang”, emaka “borong” kerina waktu (waktu silit) guna si mehuli. Wari-wari enda la mehuli/jahat, emaka adi la ipake alu mehuli, rugi kita kari, terbuang kari wari-wari, janah lepas kari (waktu adalah uang).

b. Jadi kalak si erpengendes man Tuhan (tergantung man Tuhan), idemi Kesah Dibata (Kesah si Badia). Kalak si erpengendes man Tuhan e me kalak si tutus beribadah: ngataken bujur man Tuhan, rende ras ngorati Kata Dibata.

c. Jadi kalak si tahu diri (pengenalen diri), itandaina bana anak-anak Dibata encidahken lagu langkah anak-anak Dibata (moralitas Kristiani), la ikut ras doni/lingkungen masyarakat si jahat/ si melket. Itehna anggur erbahan mabuk, merusak diri sendiri, lanai itehna apai si mehuli.

3. Kita nggeluh ibas waktu ras ibas lingkungenta. Pergunaken waktu alu mehuli, alu kepentaren sirehna ibas Dibata nari, alu ndalanken kegeluhen


Kinitekenta pe perlu i siram gelah ola sempat kerah, tama ka pupukna. Gerejanta enggo nikapken ingan guna niram ras mupuk kinitekenta, umpamana ku gereja tiap minggu, PJJ, PA Mamre, rsdna. La terjeng arah kegiaten-kegiaten si nggo lit ibas gerejanta, i tengah-tengah jabu pe la banci lang tetap lit kegiaten-kegiaten secara rutin guna njagai perturah kiniteken e, umpamana erbahan kebaktin-kebaktin keluarga, saat teduh, ras ertototo alu ras-ras ibas jabu..baik nandangi man, nandangi tunduh ras medak erpagi-pagi. Adi sienda banci si lakoken, ugape mehuli nge perturah kiniteken e. Adi mehuli perturahna, uga pe buahna meramis ( Yoh 15 ). Buah si dat kita e me rudang-rudang kegeluhen si enggo isikapken Dibata man banta sekalak-sekalak. IV. DISKUSI. 1. Apai nge untungen man banta, enterem teman meriah entah enterem teman

rubat..? Uga carana maka banci enterem teman meriah, ras kai ka sebabna maka lit teman rubat..? Mari si diskusiken !

2. Daftarken tole kai-kai saja perbahanen si la mehuli si mungkin silakoken sebagai Mamre ibas kegeluhenta enda. Uga nge sibahan cara mengatasisa..?

3. Kai nge banci si lakoken gelah tetap mehuli perturah kinitekenta ?

USULEN ENDE-ENDEN : 1. KEE 75:1,3 2. PEE 111:1,2 3. KEE 185:1,3 4. KEE 74:1,3

Daftar Bacaan : Pustaka Sibadia ( LAI ), Pemahaman Alitab Setiap Hari, Ibrani : William Barclay ( BPK-GM).

Pdt. Dormanis.S.Pandia,S.Th HP. 08126353484

Tidak ada orang yang gagal selama dia menikmati hidupnya [William Feather)


e sendiri. Man si ngoge pengajaren enda ituntut kesiap-sedianna ras ketutusen guna ngikutken ras ndalanken kepentaren e. Kepentaren e perlu ialoken ras ibuniken ibas pusuh peraten-perukurenta gelah kepentaren e jadi pengontrol ntah pe pertimbangen man banta subuk nandangi intelektual, emosi, bage pe kerina sura-suranta. Kalak si ngaloken kepentaren e teridah arah kegeluhenna ia sekalak si erkemalangen man Tuhan. Sabab kepentaren e si ngajari ras si mimpin dirinta guna ngelakoken si mehuli ku kempak kegeluhen enda. Perbahanen si mehuli (nampati kalak si musilna, bnd. Matius 25: 40) emekap sada perbahanen si ngena ate Tuhan. Emaka nina Pengajar e man anakna (muridna) megermetlah nandangi kepentaren janah cubakenlah ngantusisa. Bage pe Pengajar kepentaren e ngingetken man anakna (muridna) gelah terjemba guna ndarami kepentaren e desken darami emas janah pe ayakilah kepentaren e desken erta si terbuni. Sabab alu ndatken kepentaren e teridah arah dirinta sikap si mehamat bage pe patuh ku kempak Dibata. Kepentaren rehna ibas Dibata nari. Kepentaren si tuhu-tuhu e tangtangna nghamati ras patuh man Dibata. Emaka man kerina kalak si tek si enggo ngaloken kepentaren e ijemba gelah ngelakoken kepentaren e ibas kegeluhenna. Kalak si enggo ngaloken kepentaren e terjemba ia ngelakoken kebujuren, keadilen, meteruk ukur, setia, erkerja keras, enghamati orang tua, janah mediate nandangi kalak musil.13 Man kalak si ngaloken ras sindalanken kepentaren e ibas geluhna tangkas ibas dirina kerna penandaisa nandangi Dibata e sendiri. Arah geluhna teridah dirina sekalak si erkemalangen man Dibata bage pe iandalkenna Dibata ibas ia mbentasi kegeluhenna si tep-tep wari. Kalak si erkemalangen man Tuhan meriah ukurna ngukurken suari ras berngi kerna undang-undang Tuhan, guna ngangkai kerna sura-sura Dibata. Emaka man kalak si erkemalangen man Tuhan e ilakokenna kerina perentah-perentah Tuhan arah kegeluhen dirina. III. PENGKENAINA Mamre selaku kalak si enggo tek man Dibata ibas Jesus Kristus, ibas dirina enggo lit kepentaren e. Kepentaren sinimaksud emekap sekalak Mamre e enggo teridah arah dirina selaku kalak si erkemalangen man Tuhan. Keberadaan sibage rupana njemba Mamre kerina guna ndalani kegeluhen enda secara ertanggungjawab, terjemba guna erkarya,kreatif bage erinisiatip ibas kegeluhenna si tep-tep wari. Ertina tanda-tanda kalak si erkemalangen man 13 Alkitab Edisi Studi, (Jakarta: Lembaga Alkitab Indonesia, 2011), hal. 10007


Tuhan emekap kalak si makeken kesempaten ras waktu sinibereken Dibata e guna erkarya, erinisiatip, janah ngasup kita menghasilken si ermanpaat man diri sendiri bage keluarganta. Mamre si produktip emekap sekalak Mamre si erpengarapen ras tek ija Dibata ibas Jesus Kristus campur tangan nandangi kerina upaya ras usaha sinilakoken kita alu terteki, bujur dingen benar. Sabab perbahanen si bage me perbahanen kalak si enggo ngaloken kepentaren si rehna ibas Dibata nari. Mamre si produktip emekap Mamre si erkemalangen ras mengandalken Tuhan ibas geluhna si tep-tep wari. IV. DISKUSI 1. Kai nge pengertinta kerna kepentaren (hikmat) erpalasken ogenta sendah? 2. Kai nge ulihna adi kepentaren e sialoken ras silakoken ibas kegeluhenta? 3. Tep-tep Mamre enggo lit ibas ia kepentaren e. Sedalanen nge kepentaren si lit

ibas kita e ras sinilakoken (sinipraktekken) kita ibas kegeluhen si tep-tep wari?

USULEN ENDE-ENDEN : KEE 191:1,2,3,4; SEE 162: 1, 2,3; SEE 164 :1,3,5;4; PEE 37 :1, 4,5

Pdt. Ephenetus Tarigan, MTh HP. 081263038360

Kesalahan orang lain ada di mata kita, kesalahan diri sendiri ada di

dada, mana lebih parah!


Perlu ijaga, ibas si la bagi ukur, ula mis ngadili maka Dibata e la erkeleng ate man banta. Tapi perlu i siksiki alu mbages kai sura-sura Dibata dibalik kejadin e, sebab lias ate Dibata labo erleka nandangi anak-anakNa. Emaka Kai gia jadi labo erbahan urak kinitekenta, tapi turah.

b. Ula bagi sinuan-sinuan si pagit uratna…nuhsahi jelma si enterem (ay.15 b). Kehadirenta i doni enda ( Mamre ) arus “memberi makna” man kalak sideban. Ibas Matius 5:13-16, ikataken Yesus maka kalak Kristen jadi “ sira ras terang “ . Jadi sirang ras terang berarti bermakna, maba kemalemen ate ras kedamen ( menghadirkan syalom ). Perlu ijaga, kehadirenta ibas doni ula peturah sinanggel. Istilah si ipake penulis kitab Heber enda…” pas bagi sinuan-sinuan si pagit perturahna, si turah nuhsahi jelma si enterem “.

c. Ula erlagu si la mehuli ( ay.16 ). Ula kel si dayaken kinitekenta guna “ menikmati “ kesenangen sesaat. Kalak Kristen (khususna Mamre) arus ngasup njaga diri ibas kenikmaten-kenikmaten doni enda. Melala kel tawaren-tawaren i sekelewetta si tempa-tempa mereken ketenangen man banta, tapi sifatna sesaat, si kedungenna tentu peturah persoalen. Umpamana : ndungi persoalen alu cara-cara pintas : Minem tuak ( ras minemen keras sideban) seh mabuk, erjudi ( nikam togel, er leng, dadu, rsd ), selingkuh. Kai akibatna, pinakit ras ate mesui ngenca baginta. penyebaran pinakit HIV-AIDS semakin berkembang. Kerina anggota keluarga banci kena akibatna, erbahansa turah perbeben si mesangat.

Keadaan sibagenda me si setiap saat ngganggu peturah kinitekenta. Adi ikut terjebak, kinitekenta er kertangna ( kerdil ). Adi kerdil kinitekenta, erbahansa kita la ngasup mbedaken apai si payo ras apai si la payo guna idalanken. Emaka la banci lang si pegegehi kinitekenta, tetap nulih kubas Pustaka Sibadia, sediaken waktu guna menjalin hubungen si ndeher ras Tuhan. III. KESIMPULEN. Njagai perturah kiniteken, bali nge ras njagai perturah sinuan-sinuan. Adi mejile ate perturah sinuan-sinuanta, tentu sikap siban ngasuhisa ( ngerawatsa ). Siram ibas paksa perlego, tama pupukna, adi lit rubia-rubia ( serangga ) si ngganggu, arus si bunuh. Alu bage dikune erbuah, ugape mburnis buahna ras mereken asil man banta.



Ogen : Heber 12:14-17 Tema : Njagai perturah kiniteken. Tujun : Gelah Mamre mpekena-kena ras njagai perturah kinitekenna. I. PERLEBE. Paguhna sada kiniteken melalui sada proses si ikataken “pertumbuhan” (Karo : Perturah). Proses pertumbuhan kinitekenta ipengaruhi perdalanen geluh si ihadapi kita tep-tep wari. Perdalanen geluh banci ebahanca kinitekenta erbagesna, bagepe sebalikna, umpamana, adi sihadapi kita perbeben : pinakit, ceda ate ( sekalak anggota keluarga idilo Dibata ), kebenen, kena benca ( kepesengen, kebanjiren, kena longsor rsd ), uga nge caranta ngenenen situasi enda ? Caranta ngenen ras menanggapisa, tentu berpengaruh kel nandangi perturah kinitekenta. II. ISI Keadaan perpulungen Heber paksa enda lit ibas paksa kiniseran si mesangat akibat erbage-bage sura-sura doni. Enterem kel anggota perpulungen merasa kai si isurakenna banci idatna, alu la ngukurken kai kelemahen sibanci erbahanca gagal. Persoalen enda tentu banci erbahanca peturah kegagalen ibas erkiniteken, sebab la kenca seh bagi sura-sura, banci terganggu terganggu perturah kiniteken. Ibas keadaan enda me iarapken man teman sada kiniteken si megegeh kinitekenna guna nampati alu empegegehi teman-teman sibagenda rupana. Lit 2 hal si jadi persinget utama penulis kitab Heber enda, e me :

1. Meriahlah ras ise pe. Salah sada si mbelinna guna arus idalanken sebagai biak kalak Kristen, e me kuga banci “menggairahken” ( menyegarkan ) teman-teman si sangana putus asa, gelah mulihken ergegeh. Modal guna banci empegegehi teman e me alu ngasup kita menjalin hubungen si mehuli ras ise pe. Sebab alu litna hubungen si harmonis ras teman, tentu dialog guna nampati ia lebih murah pesehsa, subuk alu kata, ras perbahanen.

2. Jagalah….! Perlu njaga hal-hal si banci ngganggu perturah kiniteken, e me : a. Ola surut ibas lias ate Dibata ( ay.15 a ).


17. BIMBINGEN PA MAMRE GBKP TAHUN 2014 TANGGAL 18 – 24 MEI 2014

Ogen : Roma 12 : 12 Tema : Nggeluh ibas pertoton Tujun : Gelah Mamre jadi binangun pertoton itengah jabu I. PERLEBE Nai – nai nari Enggo si eteh maka pertoton e eme Kesah kalak Kristen, tapi ibas sie tole nari ateta si renungken ras si gejapken terdauhen kerna uga kin sinikataken Toto eme Kesah kalak Kristen (si erkiniteken). Kesah (udara/nafas) si sehkal iperluken dagingta ras lit bas kerina dagingta ibaba darehta, janah udara e erusaha bengket ku dagingta, buktina ndauh latihen nahan kesah asa erkesah, emaka kita pe perlu latihen erkesah, gelah udara banci bengket ku bas rak ta (indo: paru-paru). Kenca e maka rak ndai mompaken ku kerina dagingta seh maka kerina ring-ringta nggeluh. Katawari udara e ngadi maler ku ring-ringta ije me ring-ring ndai mate /lanai erfungsi. Bageme kerna pertoton si sehkel perluna bas geluhta sebab pertoton e eme kesah kinitekenta adi la lit pertotonta tentuna kinitekenta mate. Bagi udara si sehkel iperluken dagingta ndai. Guna sie pertoton e sehkel perluna bas geluhta gelah kinitekenta tetap nggeluh. Sebab bas kita nggeluh tetap kita erpengarapen, bas erpengarapen e tetap kita ertoto gelah kita (kinitekenta) e tetap nggeluh. II. ISI Surat rasul Paulus man perpulungen si lit i Roma enda eme suratna sigedangna, ras isuratkenna labo man kalak bas lingkungen Jahudi. Sekaligus guna persikapenna ngelai ku daerah si labo kalak Jahudi. Ibas sie ketedehen ate Paulus ku Roma teridah kal arah isi surat ibas (Roma 1: 13-15; 15: 22) tapi lit usur si ngolangisa tapi labo ia putus asa, perbahan ia ersada ras Kristus, Amin pe perpulungen Roma enda labo Paulus simantekisa tapi sampur tedehna. Gelah banci jumpa, singgah saja pe atena isempatkenna, tapi babo sie ipindokenna alu mekelek gelah perpulungen enda tuhu-tuhu nampati ia, khususna bas ertoto sabab lit gangguan ras ancamen man bana ibas kalak Judea si la tek man Jesus Kristus, malah pindokenna man perpulungen Roma gelah lebih tutus ertoto (Roma 15 : 23 – 32). Janah banci pe si ertiken bagi Thema “Nggeluh ibas pertoton” ipindokenna gelah perpulungen Roma enda nggeluh ibas pertoton.


Ibas kegeluhenta enda sada si labanci la lit eme erpengarapen, maka kita ndube erjabu lit arapenta, maka kita erdahin pe lit pengarapenta rsd. Alu bage tentu meriah ukurta, maka meriah ukurta tentuna arapenta eme si mehuli ras bagi sura-suranta. Saja ngenca ibas kita ndalani kegeluhen enda megati ka nge jumpa kita kiniseran, tapi aminpe bage adi kita tetap ertoto, enggeluh pertendinta. Arah hubungenta ras Dibata tek kita maka Dibata si erkuasa e labo banci la mereken dalan pulah man banta bagi slogan “indah Pada Waktunya”. Sabab kinitekenta ngatakenca ibas kegeluhen enda labo banci kita isirangi kiniseran, tapi mawen-mawen meriah pegancih ia ras kiniseran. Bagi bangsa Israel sanga ibuang ku Babil nina Tuhan arah Jeremia “Aku Ngenca Meteh Sura-Surangku nandangi kam, eme gelah kam senang labo gelah cilaka. Rencanangku eme mereken wari si pepagi bagi si iarapkenNdu” (Jeremia 29 : 11). Situasi kalak Israel tupung e sanga ibuang i Babil mbelin kiniseranna, tapi ibas si epe lit janji Dibata maka enggo iaturken Dibata si mehuli man bangsana. Amin pe kita ibas kiniseran perlu kal kita megenggeng, sebab man kalak si erkiniteken bagi kita Mamre, kinigenggengen enda jadi modalta, sebab bas kegeluhenta tetap kita ertoto, Dibata nge ngeca si ngasup mereken gegeh man banta gelah ngasup kita megenggeng. Adi labo arah pertoton labo kita ngasup nggengkenca. Mamre si ertoto eme Mamre si ngandalken Tuhan ibas kegeluhenna, sebab Mamre si ertoto igejapkena maka ia labo sempurna. Labo ia ngasup ngalaken kerina bas kegeluhen enda maka si lebuh Tuhan (kuasaNa) guna nemani, ngajari ia bas kegeluhen enda. Sebab Tuhan ngenca si ngasup mereken gegeh banta guna banci paguh tedis, la mbulak tapi bagi tiang si paguh. Sebab sekalak Mamre eme tiang bas jabu. Jelas memang adi tiang e la enteguh tentu rumah e ronde lang mbulak (roboh), emaka man banta kerina Mamre si peteguhi kinitekenta, tetap kita ertoto gelah amin pe lit kiniseran ngasup kita, megenggeng kita sebab lit nge kari si mehuli adi kita ras Tuhan. III. KESIMPULAN Ertoto eme kesah, bagi Oksigen (O2) si sirup janah sibuang Karbon Dioksida (CO2). si sirup kita e eme gegeh ibas Tuhan nari ras sibuang eme dosa ras kini la tengkanta man Tuhan. Maka pas bagi si ikataken Bapa Gereja Martin Luter “perban bage beratna dahin si man dahinku wari enda, maka aku perlu sada jam nari guna ertoto”.


terbegi istilah ‘heppeng do na mangatur nagara on” (sen nge si ngaturken negara enda), pembiayaan teroris, pembunuhan ras sidebnna.

3. Harus sieteh maka lit batasta nggeluh ibas doni enda. Janah uga kita ngelitken (mencari uang) ras makeken duit e pe denggo ipertanggungjawabken man Tuhan. Melala ibereken man banta duit ras erta, melala ka pagi ipindo/ituntut pertanggungjawabenna (Luk.12:48). Emaka marilah sipergunaken duit e alu pentar, alu malang man Tuhan. Seh pagi paksana kita nadingken doni enda, nina Tuhan man banta “Mehuli kel perbahanenndu, kam juak-juak situtus dingen bujur… Mari bengket kubas ersenang-senang ras Aku” Mat.25:21,23), tentu malem kel ateta.

IV. DISKUSI Study KasusBapa Bubu sekalak si rajin, kerja keras seh maka ia bayak namura (melala duitna). Ia la nggit mindo-mindo, tapi mere ka pe jarang kel. Nina motona “Kam la kusuhsahi, aku pe ola suhsahindu. Kam la kupindo, aku pe la pindondu”. Emaka adi mindo sumbangen kerna penampat ibas erbage-bage hal ibas Gereja/sosial, mejekat kel nge akapna pedaratsa. Labo pedah man kalak, man bana pe rugi akapna pedaratsa. Lit ka bapa Lumbar, seh kel melumbarna bagi penggelarenna e. Kai pe adi lit bassa labo mesera mindosa. Sanga lit ibas ia, pas bagi menci rani, roncah-oncah. Tapi tupung la lit ibassa, nggit kel mesek-sek mindo. Tapi jelmana perkisat, seh maka usuren la lit ibassa asangken lit. Emaka enggo katepen ia mindo. 1. Arah kasus i datas, uga nge pendapatta (penilaianta) nandangi bapa Bubu ras

bapa Lumbar: 1). Ibas ndarami duit? 2). Ibas makeken duit? 2. Arah bahan PA-nta sendah, uga nge sinimaksudken kalak si pentar makeken

duit? Ras ise iakapndu contoh si mehuli ibas makeken duit/erta alu pentar (ibas ntah i darat Pustaka si Badia nari)?

USULEN ENDE-ENDEN : PEE No. 9:1,2; PEE No. 43;PEE No. 61:1,2; KEE No. 201:1,2 Kepustakaan/bacaan: 1. Kidner, Derek, Seri Pemahaman dan Penerapan Amanat Alkitab Masa Kini: Penghkhotbah,

Jakarta, Yayasan Komunikasi Bina Kasih/OMF, 1997 2. Foster, Ricard J, Uang, Seks dan Kekuasaan, Bandung, Yayasan Kalam Hidup, 2000

Pdt. Arapen Peranginangin, MTh HP. 081362120955


Sada hal si mejin (luar biasa jahat) ibas kegeluhen enda eme “kalak sipebue erta ibas kalak kekurangen”. Adi kalak enggo erdibataken duit, maka kekelengen ibassa pe enggo menipes, seh maka kalak si simusil pe ipergunakenna (eksploitasi) jadi ‘mesin’ pencetak duit. Lanai sedarina maka duit e labo banci jadi andalen, erta e labo banci nelamatken ia. La ia sedar maka erta e la kekal. Adi kune erta e meros-ros (bene) erkiteken bencana, bangkrut, pinakit, kesalahen menejemen ras sidebanna, maka pasti keri kel getemna. Siman tadingenken pe banci lanai lit. Kedungenna bagi nai kita tubuh labo maba kai pe, bage ka me kita lawes labo kai pe sibaba. Alu bage, adi la bujur kita ibas erdahin ndarami erta, kita seri saja ras nangkap angin. Kalak si bage gedang-gedang geluhna dem alu kegelapen, kesusahen, nembeh ate ras pinakit (ay.17). Arah enda kita iajari gelah ibas erdahin mpepulung erta, ula sibahan alu cara-cara si la tengka, si la ngena ate Tuhan, si nindas kalak sideban. Ayat 18-20 Ibas pendungina, Pengerana erbahan kesimpulen si payo uga oratna kalak si tek man Tuhan nandangi erta: Pemena, menikmati ulih pendahin, “la lit terulin man banta seakatan minem dingen manken ulih latih dingen ngenanami ulih latih…”. Peduaken, kita arus erdahin alu tutus, “…ulih latih…”. Ertina, kita aruslah kerja keras dan kerja cerdas. Peteluken, kita arus sedar waktu, sabab kegeluhen enda gendek ngenca “kidekah geluhta si gendek” (ay. 18). Peempatken, Ngataken bujur man baNa alu ermeriah ukur, sabab sigejap maka erta-erta e pemereNa kap. Tentu ibas uruten si empat hal enda berlaku me Matius 6:33, maka sipentingna kel e me ndarami Kerajan Dibata ras kebenarenNa, maka itambahken kerina siperlu man banta. III. PENGKENAINA 1. Ibas Pustaka si Badia ikataken maka bena-bena kepentaren eme malang man

Tuhan (Kuan 1:7). Alu bage adi ikataken pentar makeken duit, e ertina uga kita makeken duit alu terang Kata Dibata.

2. Ibas makeken duit, banci si bagi dua bagin: Mereken kiniulin man manusia (sisi terang, produktif-positif-jadi pasu-pasu) ntah mabai manusia kubas kiniseran (sisi gelap, destruktif-negatif-jadi palu-palu). Selaku Mamre, kita iajuk makeken duit guna hal-hal si membangun man banta, teman manusia ras pe jadi kemulian man Tuhan. Contoh sisi terang: Mereken sumbangen (diakonia karitatif), merekan modal man kalak siperlu (diakonia usaha bersama), ngelitken keperlun geluh bagi sembako, pendidikan/advokasi, hiburan, nggeluh alu berhemat/la boros ras sidebanna. Tapi pe arus si waspadai sisi gelap ibas duit: Nukur kekuasaan, erjudi, ngelitken diberu perdenggal, ngatur aparat penegak hukum si nakal, seh maka pernah lit


Kita Mamre perlu rusur ertoto man Dibata kerna kerina kegeluhenta ras jabunta labo hanya guna kesuksesan lahiriah kerina isi jabunta saja. Tapi pe perlu ertoto guna rohaninta sada jabu gelah jabu e banci paguh pajek, sebab kita Mamre me si jadi tiang. Adi tiang e paguh tentu jabu e pe paguh la mudah goyang, sebab gegeh Dibata si nopangsa. Guna sie kita perlu megenggeng nimai si mehuli si enggo isikapken Tuhan man banta kalak si erkiniteken. Sebab arah e ngenca kita banci paguh bagi sada tiang penyangga ibas bangunen, bageme kita Mamre ibas jabu.

IV. DISKUSI 1. Engkai maka nina Paulus man kalak Roma : Ertotolah kam man Dibata la

erngadi – ngadi, Jelasken ! 2. Selaku Mamre kai nge langkah – langkah si perlu si lakoken gelah banci kita

jadi tiang bas jabunta ?

USULEN ENDE-ENDEN : KEE No. 176 : 1,2; KEE No. 181 : 1,4; PEE No. 119 : 1,2; PEE No. 78 : 1,3

Daftar bacaan : 1. O. Hallesby, DOA, Jkt, BPK Gunung Mulia, 1988. 2. Wellner Sioson Flora, DOA Stres dan Luka Batin, Jkt, BKP Gunung Mulia, 2001. 3. Ensiklopedia Alkitab masa kini, YKBK/OFM, Jakarta, 1997. 4. Dr. Liem Khiem Yang, Jemaat berdoa, JKt. BPK gunung Mulia, 1997.

Pdt. Kongsi Ginting HP. 081376058264

Perbuatan baik dipakai sebagai bibit didalam taman firdaus, karenanya setiap orang itu menciptakan firdausnya sendiri

(Dob. Ber)


18. BIMBINGEN PA MAMRE GBKP TAHUN 2014 TANGGAL 25 – 31 MEI 2014

O g e n : Epesus 5 : 1 – 20 T e m a : Anak terang T u j u n : Mpersingeti Mamre gelah nggeluh bagi anak-anak terang I. PERLEBE Ibas Pustaka si Badia, terang ipake guna nuduhken gambaren kerna Dibata ntah pe Kata Dibata (Masmur 119:105; Joh 1:3-4; 1 Joh 1:5). Kebadian Dibata pe ipetangkas ibas istilah-istilah terang, umpamana ibas 1 Timotius 6:16, ija ikataken ‘Ia nggeluh i bas sinalsal si ise pe la ngasup ndeherisa’ (bhs Ind. bersemayam dalam terang yang tak terhampiri). Bage pe ibas 1 Joh 1:5 pe ngataken maka ‘Dibata terang kap’. Erti kata e ianggap bali ergana ras cara rukur kalak Heber kerna ‘anak-anak terang” bagi siipake Paulus 2 kali (Ep. 5:8; 1 Tes 5:5; bnd Joh 12:36). Janah Tuhan Yesus sendiri pe ngataken maka Ia eme ‘terang doni’ (Joh 8:12; 9:5; 12:46) janah asum Tuhan Jesus khotbah i datas uruk, istilah enda pe iterapkenna man kerina ajar-ajarNa (Mat 5:14-16). Janah, anak-anak terang pe imaksudken guna nuduhken “kerina si ngikutken Yesus” (Ep. 5:8). Bage pe ibas kondisi kegeluhenta paksa si genduari, mbue kal tantangen si lit isekelewetta bage pe ibas dirinta sendiri guna banci jadi “Anak Terang” eme pengikut Kristus e. Tapi mbelin kal ngaruhna ibas kegeluhen jabu-jabunta, ibas perpulungennta bage pe ibas daerah ta termasuk pe ibas bangsa ras Negaranta bage pe ibas doni enda, dikune kerina bapa banci jadi “Anak Terang”.

II. ISI Epesus 5:1–20 eme bagin surat Paulus kerna pedah-pedahna si lit hubungenna ras kegeluhen perpulungen. Tentuna erbage-bage dampar si lit itengah-tengah kegeluhen ngawan ni perpulungen e, tapi tetap nge ncidahken kerna erti kehadiren Dibata itengah-tengah ngawan perpulungen. Ayat 1 – 2 nuriken kerna kegeluhen perpulungen arah dampar positif na. Kegeluhen perpulungen si positif eme ngggeluh selaku anak-anak kekelengen

Dibata, janah pe ngusih Dibata. Bage pe kegeluhen perpulungen e pe arus erpalasken keleng ate, erkiteken Kristus engkelengi kerina manusia, dingen ngendesken kesahNa man guna kerina tinepaNa. Tuhan mpersembahken


26. BIMBINGEN PA MAMRE GBKP TAHUN 2014 TANGGAL 27 JULI – 02 AGUSTUS 2014

Ogen : Pengerana 5:10-2017 Tema : Pentar ibas makeken duit Tuun : Gelah Mamre ngangkai maka duit eme pasu-pasu Dibata, emaka

pakekenlah alu ertanggung jawab man baNa I. PERLEBE Bagi sieteh ras-ras, duit eme sada hal si biasa sigunaken ibas kegeluhenta tep-tep wari. Ibas sie me kita perlu rukur kai si pernah ikataken Martin Luther “Dibutuhkan tiga pertobaten: Pertobatan hati, akal budi dan dompet” (Richart J. Foster, Hal. 21). Arah pernyataan e, dompet ntah pe duit merupaken masalah semal siidah ras sihadapi ibas jamanta enda. Selaku Mamre si tek man Tuhan, uga nge oratna payona kita makeken duit e, e me siperlu sipelajari arah nats PA-nta sendah. II. ISI Ayat 10-12 Ibas ayat enda kita iajari gelah ola erdibataken duit (mamonisme). Duit memang perlu ibas kegeluhen manusia sebagai alat transaksi. Tapi ola sempat fungsi duit nggantiken posisi Tuhan ibas geluhta. Sabab adi bage, menurut Pengerana lit telu dampak negatifna ibas kita: Pemena, “La pernah bias akapna…”(ay.10). Duit e desken sira, reh buena iinem, reh muasna kita ibahanna. Kita lalap muas ntah pe jadi serakah. Peduaken, “Reh bayakna jelma, reh buena man berenna man…” (11). Ertina, tanggung jawab reh buena (bnd. Luk. 12:48). Reh teremna kalak si tergantung man bana. Apai ka si man beren man e pe la tehna ngataken bujur, tentu enggo reh latihna. Peteluken, “…la banci tunduh ban aru atena” (ay.12). Adi si erdahin (pekerja), kenca ia man banci mis istirahat. Ntabeh pertunduhna. Adi si erduit e, memang tehna mbue duitna, tapi la banci tunduh tarun-tarun ngukurken ertana. Penulis kitab Pengerana labo bermaksud negatif nandangi kebayaken, sinimaksudkenna e me gelah ula duit/kebayaken perayaken si utama bas geluhta (bnd. Mat. 6:33). Ayat 13-17

17 Nats PA-nta sendah lit sitik perbedaanna ibas bahasa Karo ras bahasa Indonesia. Adi ibas bahasa Karo ibenaken ibas ayat 10 nari. Sementara ibas bahasa Indonesia ibenaken ibas ayat 9. Enda jadi erkiteken pasal 4 ibas bahasa Indonesia lit 17 ayat, ibas bahasa Karo lit 16 ayat ngenca. Ibas pasal 5 bahasa Karo lit 20 ayat, bahasa Indonesia 19 ayat. Ertina, adi igabung pasal 4 ras 5, ibas bahasa apai pe seri nge isina. Saja pengaturen ayat-ayatna (redaksi) si berbeda. Ibas bahasa Karo njadiken ayat 17 ibas pasal 4 bahasa Indonesia jadi ayat 1 (pemena) ibas pasal 5. E me sababna bahasa Karo seh 20 ayat, bahasa Indonesia 19 ayat ngenca. Ibas Holy Bible, Contemporary English Version pe seri ras bahasa Karo. Jadi enda masalah redaksional saja ngenca.


penuh sukacita; 7)kerja adalah kehormatan: aku bekerja unggul penuh ketekunan; 8) kerja adalah pelayanan: aku bekerja sempurna penuh kerendahan hati. Kita nimai kerehen-Na sipedua kaliken alu tetap tutus erdahin, sebab kita selaku ‘imago dei’ (gambar Dibata) arus ncerminken maka Dibata si sembah kita eme Dibata si terus erdahin guna kiniulinta. “...BapangKu erdahin kap lalap; emaka Aku pe arus erdahin.” (Yoh. 5: 17). Si jadi teladan/usihen ibas kita erdahin alu kerja keras eme Tuhan Yesus Kristus. Etos kerja Yesus eme: ‘Kerja hingga Tuntas’ (band. Kata si belaskenNa perpudina i kayu persilang: ‘sudah selesai (enggo dung) = tetelestai (Yunani) = Yoh. 19: 30. Etos kerja Yesus enda me pe si menginspirasi etos kerja Paulus seh maka Paulus erdahin la tanggung-tanggung, seh dung. Bage me pe mamre GBKP, mari sijadiken etos kerja Tuhan Yesus, etos kerja Paulus jadi etos kerjanta. III. DISKUSI

1. Turiken ras diskusiken, kuga nge sedekah enda pengangkanta kerna dahin (kerja) erpalasken kata Dibata; jenari turiken kai sidat pengangkan simbaru kerna ‘dahin’ (‘kerja’) arah bahan PA-nta sendah!

2. Kai sijadi tekadta kerna dahin (kerja) subuk secara pribadi bage pe secara persadan selaku Mamre. Mari sidiskusiken!

USULEN ENDE-ENDEN : KEE 192: 1-3; PEE 108: 2; KEE 112: 3.

Pdt. Hermanto Tarigan,MTh HP. 081396050383

Lebih baik kehilangan mahkota dari pada melakukan tindakan yang menurut saya memalukan (George III)


diriNa jadi persembahen si merim si ngena ate Dibata. Tentuna kegeluhen sibagenda ka min arusna lit ibas Mamre. Jadi anak-anak terang ertina ia arus nggeluh ngusih perbahanen Dibata e (Mat 5:44-48).

Ayat 3 - 7 nuriken arah dampar negatif na. Kalak si la nggeluh selaku anak terang maka si terjadi eme erlua-lua, erlagu la

mehuli ntah pe merangap; bage pe melasken cakap caram, cakap si lang-lang ntah pe cakap si kemali. Engkai maka sie kerina la banci idalanken? Sabab kerina perbahanen e erbahanca kita la banci ndatken bagin i bas Kinirajan Kristus ras Dibata. Adi nggo sipahami, bage me ulihna man banta emaka ola si pelepas ise pe nipu kita alu kata si sia-sia; si erbahanca maka reh rawa Dibata man kalak si la nggit ngikutken Ia. La ka terjeng la megiken kalak si bage tapi nina Paulus “ola erkandu-kandu ras kalak si bage.”

Ayat 8 – 14 nuriken kegeluhen perpulungen ibas terang. Payo kepe kerina manusia e erdosa tapi ola ka kita lalap tetap iteruh kuasa

dosa e. Adi gelgel e kita nggeluh i bas gelap (umpamana, erbahan perbahanen si nggesuh, erjudi, erbahan kekerasen nandangi ndehara ras anak) kerina e arus itadingken erkiteken kita enggo i bas terang, eme selaku anak-anak Tuhan. Kerina kita arus nggeluh bagi kalak i bas terang eme bujur ras lit ibas si tuhu-tuhu. Kegeluhen ibas terang eme : “Ndarami si ngena ate Tuhan, la ikut i bas perbahanen kalak si gelap si sia-sia. Kita arus keke ibas si gelap nari guna mbukaken kerina si gelap e jadi terang erkiteken pendahin Kesah si Badia e. Arah perubahen nggeluh ibas gelap nari ku bas terang ertina kalak si tek e arus nggeluh rikutken si ngena ate Tuhan Yesus (bnd Kol. 1:12-13).

Janah ayat 15 – 20 nuriken kerna kegeluhen perpulungen ibas Kesah. Selaku anak-anak Tuhan, Mamre iarapken tetap mperdiateken lagu

langkahna dingen nggeluh bagi kalak pentar. Kepentaren e bena-benana eme arah erkemalangen man Tuhan (Kuan-kuanen 1:7; Masmur 111:10). Gegeh, pemeteh ras kepentaren bage pe kengasupen ibas kita erkiteken keleng ate Tuhan e man banta, sabab kita eme anak-anakNa. Alu bage, sekalak Mamre banci ikataken megegeh, erpemeteh, pentar ras lit kengasupenna adi ia nggeluh ibas Tuhan. Guna sie, kerina Mamre arus min mpergunaken kesempaten si lit alu mehuli ibas memperlengkapi dirina maka ia la bodoh alu mereken dirina idemi Kesah Dibata gelah la ikuasai rawa ntah pe emosi (Ep. 4:26); la melasken cakap si la turi-turin (Ep. 4:29; 5:4); nadingken cian ate, perampus ras pernembeh bage pe lanai si isak-isaken ntah si cekurak-


cekuraken ras pe erelem-elem (Ep. 4:31); ntah pe lanai erlagu la mehuli ras merangap ( Ep. 5:3) janah la mabuk (Ep. 5;18).

III. KESIMPULEN Kuan-kuanen 20:7 ngatakenca “Untung kap anak si erbapaken kalak bujur, dingen si ndalanken perbahanen si bujur.” Adi sipergermetken arah bahan PA nta Minggu enda maka situhuna kita Mamre iajuk guna nggeluh selaku anak-anak terang, anak-anak Tuhan maka kita nggit dingen ngasup nggeluh bujur (benar). Mamre iajuk pe gelah nggeluh alu sada penggejapen maka Tuhan e tetap hadir ras lit ibas kerina ingan kegeluhenna. Mamre iarapken pe jadi man usihen ibas kerina dampar kegeluhenna erkiteken ia nggeluh selaku anak-anak Tuhan. Ibas pendungi PA nta Minggu enda, mari sipegejap-gejapken, untung nge iakap anakta maka kita bapa na si bujur ? Jabab lah ibas pusuhta sekalak-sekalak.

IV. DISKUSI 1. Oge Epesus 5:8-9, lit kin ketedehen ateta jadi “Anak Terang” ? Kuga sibahan

carana maka kita banci jadi “Anak Terang” itengah-tengah tawaren kegelapen si lit isekelewetta ?

2. Kai banci ibahan Mamre Sektor ntah pe Runggunnta guna membekali kerina anggota Mamre selaku “Anak Terang” ? Bereken jawaben si banci ilakoken janah kenca sie, arih ken guna pelaksanaanna.

USULEN ENDE-ENDEN : PEE No. 74:1, 4; PEE No. 87 : 1 – 3; KEE No. 201:1, 2; KEE No. 211:1, 5

KEPUSTAKAAN : Abineno, J.L. Ch., Tafsiran Surat Efesus, PT BPK G Mulia, Jakarta, 2012 Bartruff, B.D., Menjadi Pribadi Yang Dikehendaki Tuhan, PT BPK G Mulia, Jakarta, 2003 Gunge, Marcia J., (Ed.), The Child in the Bible, Grand Rapid, Michigan, 2008 Guthrie, D (Ed.), Tafsiran Alkitab masa Kini 3, YKBK, Jakarta, 1990 ………………, Alkitab Edisi Study, Lembaga Alkitab Indonesia, Jakarta, 2010 ………………..., Alkitab Penuntun Hidup Berkelimpahan, Gandum Mas, Malang, 2005

Pdt. Agustinus Ginting Manik, STh

Tlp. 061 836 1955; HP 0852 611 9971


senina si perkisat, si la nggit ngikutken ajaren siibereken kami” (2 Tes. 3: 6). Ayat enda labo ngataken maka kalak si perkisat i musuhi, lang! Tapi “Ola erleja-leja erbahan simehuli” (ay.14);” ajarken ia bagi sekalak senina” (ay.15). Enda me tugas ras tanggung jawabta selaku Mamre. Si pemena, eme Mamre la banci ermalas-malas (perkisat ras pengangguren) tapi arus erdahin secara mandiri ras kerja keras; si peduaken, kita ertanggung jawab jadi usihen/teladan ibas erdahin, subuk ibas motif/tujunta erdahin bage pe ibas kedisplinenta erdahin. Erdahin la bias terjeng kerja keras tapi arus pe lit etos kerja (Truth Ethics) eme tujun si mehuli, motifasi simehuli ras cara simehuli. Si peteluken eme: kita si erdahin kerja keras tentu ipengasup Dibata nampati kalak sideban si lit ibas kesusahen. Ibas kitab Kuan-kuanen (Amsal) 6: 6 – 11, khususna ayat 6 kita iajuk ngenehen ras erlajar man perkis. Perkis la lit pemimpinna, la lit mandurna. La lit si njagasa (ay.7) tapi erdahin ia pepulung nakan tupung paksa perlego guna pangan tupung paksa perudan. Enda me gambaren kerja keras, gigih, lit perencanan ras mandiri. Sehubungen ras si enda, GBKP sibercorak Calvinis, Calvin sendiri sekalak pekerja keras ras disiplin. Curak calvinis enda patut siperdiateken ras sicidahken genduari. Tapi kalak Karo, banci jadi ndube biakna pekerja keras (?), tapi mungkin pengaruh kompeni Belanda ndube, tertanam man kalak Karo mental kerja bermalas-malas (band. Buruh kebun si malas-malasen si piah lalap musil erkiteken malas). III. PENGKENAINA Selaku Mamre GBKP si ercurak Calvin (pekerja keras ras disiplin), mentalta lanai mental Kolonial (budak), tapi mental Kristus. Tuhan si sembah kita e eme Dibata si erdahin ras terus erdahin (berkarya). Dibata labo Dibata si kundul santai-santai, ermalas-malas i kursi kerajanNa, tapi bagi nina Yesus: “Kita arus ndahiken dahin si nuruh Aku sanga terang denga wari; sabab reh me gelap janah paksa si e ise pe la ngasup erdahin”. Bagem, kitab Pengerana 9: 10 mpersingeti kita mamre nina: “Dahikenlah dahinndu asa gegehndu, sabab denggo lanai bo lit dahin, entah pe perukuren...”. Ibas bukuna: ‘Delapan Etos Kerja Profesional, Jansen Sinamo nuriken 8 etos kerja eme: 1). Kerja adalah rahmat (anugrah): aku harus bekerja penuh syukur; 2).kerja adalah amanat: aku harus bekerja tuntas penuh integritas; 3). Kerja adalah panggilan: aku bekerja penuh tanggung jawab; 4) kerja adalah aktualisasi diri: aku bekerja penuh semangat dan disiplin; 5) kerja adalah ibadah: aku bekerja serius penuh kecintaan; 6) kerja adalah seni: aku bekerja kreatif


25. BIMBINGEN PA MAMRE GBKP TAHUN 2014 TANGGAL 20-26 JULI 2014

Ogen : 2 Tesalonika 3: 3 – 10 Tema : Mela adi la erdahin Tujun : 1. Gelah Mamre meteh maka ‘erdahin’ eme sada bentuk ibadah. 2. Gelah Mamre mejingkat ras ertanggung-jawab ndahiken dahinna. I. PERLEBE Rasul Paulus ngingetken perpulungen i Tesalonika kerna etika kerja (teladan kerna kerja keras) bagi ikataken ibas ayat 10 “Kalak si la nggit erdahin ola bere man”. Si enda itegasken Paulus erkiteken lit pengajaren sesat si ngataken maka lanai perlu erdahin, sebab wari Tuhan reh me. Ajaren enda erbahanca turah cara nggeluh si lanai erdiate, perkisat/malas piah dungna mbue kalak ngarapken penampat kalak sideban ntah pe jadi pengemis. Erkiteken si e nina Paulus ibas 1 Tes.4: 11 “Usahakenlah nggeluh alu tenang, ola campuri perkara kalak sideban, janah erdahinlah guna keperlunndu...” jadi, Paulus ngajuk gelah erdahin secara mandiri gelah ula jadi beban man kalak sideban (1 Tes. 4: 12). Motif kerja (erdahin) alu tegas ikataken Paulus maka ibas ia ndahiken dahin pelayanenna, la ia ngarapken upah ibas pendahinna tapi ia ndarami nafkah sendiri gelah ula jadi beban man kalak si ilayanina (baca: 1 Tes 2: 9); aminna pe situhuna lit nge hakna guna ngaloken penampat ntah pe pujin e (baca: 1 Tes 2: 6,7). II. ISI Surat Rasul Paulus man perpulungen i Tesalonika enda igelari pe surat pastoral ntah pe penggembalan. Tujunna eme gelah perpulungen tetap paguh ibas kiniteken, tetap setia ibas kiniteken man Yesus, aminna pe lit kiniseran (penganiayaan). Pustaka Sibadia (baca: Kejadin 1: 28) eme amanah Dibata man Adam guna erdahin. Amanah enda ibereken Dibata ope manusia e erdosa. Alu bage ‘erdahin’ labo ukumen erkiteken dosa. Ukumen erkiteken dosa eme kiniseran (latih erdahin) bagi isingetken ibas Kej. 3: 14 – 19. Alu bage, erdahin eme ndalanken amanah Dibata; erdahin ertina sada bentuk ibadahta man Dibata, tanda kepatuhen ras kesetianta man Tuhan. Enda sekaligus ngataken maka biak perkisat (malas) termasuk pengangguren (la erdahin) eme sada sifat si la ngena ate Dibata ntah pe dosa. Kalak si la nggit erdahin (malas-malasan), berarti la ngergai karunia Dibata. Kalak si bage nina Paulus ‘sirangindulah kerina senina-


19. BIMBINGEN PA MAMRE GBKP TAHUN 2014 TANGGAL 08-14 JUNI 2014

Ogen : Masmur 1:1-6 Tema : Erta simeherga Tujun : Mamre njadiken Pustaka Sibadia jadi nakan pertendinna I. PERLEBE

“Kata ni Dibata, seh kal nge ergana ibas kegeluhen manusia. Kata Dibata banci sioge ibas Pustaka Si Badia nari. Arah Kata Dibata sialoken me pengajaren, bimbingen, ras pedah-pedah simehuli si ngena ate Tuhan guna sipakeken ibas kegeluhenta. Saja ibas praktekna megati la bage, erta doni kadang siutama. Labo ngataken kita alergi nandangi erta doni, saja megati ibas mpepulung erta doni e, enggo tading erta simeherga ndai. Emaka ibas PA-nta wari enda, tole Mamre ipersingeti arah penggejapen Pemazmur kerna kai kin sukat-sukat kemalemen ate ibas geluhna. II. ISI

Mazmur 1 sijadi bahan PA-nta wari enda eme sada Mazmur Kebijaksanaan. Mazmur enda ibuka alu sada pernyatan, “Malem me ate.... (Ind: berbahagialah)....” Ibas bahasa Ibrani nari אׁשר ‘esher siertina diberkatilah; berbahagialah. Kai saja kin sukat-sukat kalak si ermalem ate ras ipasu-pasu Dibata ? e me : a) La megiken pedah kalak jahat, eme kalak si la erkiniteken ntah pe ngeteh

Kata Dibata tapi la ndalankenca. b) Si la ngusih perbahanen kalak perdosa, eme kalak si ngelakoken kejahaten

ras ngelanggar perentah Dibata c) Si la erteman ras kalak megombang man Dibata, eme kalak si anggap enteng,

nokohi, ras la mbiar man Dibata. d) Tapi si keriahenna e me matuhi Undang-undang TUHAN dingen ngukurisa

suari ras berngi. Kalak jahat, perdosa ras megombang enda mewakili tipe manusia si la nggeluh ibas Kata Dibata, si la makeken Kata Dibata jadi nakan pertendinna. Kalak si erkiniteken man Tuhan harus ngasup nogan bujuken kalak sibagenda rupana. Banci jadi hebat ia secara erta doni, tapi musil ia ibas Kata Dibata. Emaka sijadi keriahen Pemazmur eme matuhi Undang-Undang TUHAN dingen ngukurisa


suari ras berngi. Ngukuri ijenda ertina i ulas seh mbages, iantusi, dingen ituriken tep-tep wari, ngisi pusuh ras perukurenna seh makana ngkuasai kegeluhenna suari ras berngi. Alu gendek kata banci sikataken Kata Dibata e jadi gaya hidup man bana. Kalak sibage ipeseri ras batang kayu si turah i tepi lau anak erbuah i bas paksana, dingen bulungna pe la melus. Sangap ia i bas kerina pendahinna. Lau biasana ngelambangken Dibata si jadi Lau Kegeluhen. Ertina, bagi batang kayu si turah i tepi lau anak, bageme kalak benar tetap nggeluh, sangap ibas pendahinna sabab Dibata simereken lau kegeluhen, Kata Dibata mpegegehi ia ibas kerina dampar geluhna ras alokenna pasu-pasu ibas Dibata nari.

Biak sibagenda petembil ras biak kalak jahat. Ia bagi segal siiembusken angin. Umpamana itampi beras, segalna kabang iban angin. Segal biasana nggambarkan karakter silemah janah la erguna. Telu ayat si arah pudi nuriken telu gambaren kerna kalak jahat ndai eme: Bagi segal iembus angin, iukum dingen isirangken ibas bangsa Dibata nari janah nuju ku kebenen. Enda me penggejapen Pemazmur kerna sukat-sukat kemalemen ate situhu-tuhu, eme makeken Kata Dibata jadi erta simehergana, matuhi Undang-Undang TUHAN jadi nakan pertendinna.

III. PENGKENAINA Penungkunen man Mamre, piga kali nge ibas sada minggu sioge Pustaka Sibadia? Piga persen Kata Dibata ibas Pustaka Sibadia e jadi nakan pertendinta, sipakeken ibas kegeluhenta, pendahinta, pribadinta ras jabunta? Enggo nge Kata Dibata e sebage erta si mehergana ? Enggo nge Kata Dibata e siukuri suari ras berngi? Kai dage ulihna? Janah kai ka ulihna adi lenga siijadiken Kata Dibata simehergana ibas geluhta? Memang selaku bapa, mbelin kel tanggung jawabta guna ncukupi keperlun geluh ibas jabu (jasmani), tapi ula lupa mereken nakan pertendinna eme kap arah mereken pengajaren ibas Pustaka Si badia nari. Bageme pentingna Mamre mereken warisen kiniteken, la ngenca warisen erta doni man anak-anakta mulai kin kitik-kitikna nari.

Seh kel pentingna disiplin ngajarken Kata Dibata man anak jabu (alu cataten, bapa enggo leben makeken Kata Dibata jadi gaya hidup-na). Seh makana, anak-anak pe memiliki kepribadian si mehuli, erkemalangen man Tuhan ibas geluhna, la menukah ipengaruhi ras iiket kesemalen doni (pedah kalak jahat, kalak perdosa ras kalak megombang man Dibata), tapi meriah akapna matuhi ras ngukuri Kata Dibata. Piga-piga sibanci ilakoken gelah Kata Dibata e jadi nakan


sigutul e, kenca sie irawat alu dem keleng ate. Tujunna gelah biri-biri e meteh permakanna e tuhu-tuhu erkeleng ate man bana. Jadi kerina siilakoken permakan nandangi biri-birina e gelah biri-biri e tetap nggeluh, tercukupi kebutuhen biri-biri e tep-tep wari. Emaka guna jadi sekalak permakan harus lit bas ia biak keleng ate. Ibas perbahanen Tuhan nandangi pemazmur (bangsaNa), maka erkelengna ate pemazmur man Tuhan, sebab igejapna adi ia ras Tuhan la bo pernah ia kekurangen ras la bo banci jumpa cilaka, sebab Tuhan ras ia. Emaka la atena sirang ras Tuhan rasa lalap. Ate Pemazmur gelah kidekah geluhna tetap ia tading ibas Rumah Tuhan, sebab ibas Rumah Tuhan lit ketenangen ras kemalemen ate. Gambaren Tuhan si jadi permakan e me min lit ibas keluarga-keluarga kristen. Ija bapa selaku kepala keluarga harus jadi permakan nandangi keluargana, sebab siidah pe ibas Padan Simbaru bapa eme gambaren Tuhan ibas keluarga (band. Epesus 5:22-24). Emaka tanggungjawab bapa eme mereken sada ketenangen ras kegeluhen siharmonis ibas keluarga e. Alu bage kerina isi jabu (anggota keluarga) tuhu-tuhu tetap lit ketedehen atena tading ibas rumah. Sebab lit genduari anak jabu (anggota keluarga) la lit ketedehenna tading ibas rumahna, sebab ibas rumah e lanai lit ketenangen ras kemalemen ate. Emaka selaku bapa arus min cidahkenna nggeluh si dem alu keleng ate. Bapa ngkelengi jabuna, ras nggit tading ibas rumah, sebab lit nge bapa sidekahen i darat asangken i rumahna sendiri. Emaka sipenting man bapa eme nggeluh erkemalangen man Tuhan, sebab ibas nggeluh erkemalangen man Tuhan e lit me kepentaren. Emaka amin gia keluarga lit ibas perbeben, la ia mbiar jumpa cilaka sebab lit kap bapa sitetap mpermakani jabuna erpalasken kata Dibata.

III. KESIMPULAN Figur bapa sierkemalangan man Tuhan harus lit i tengah-tengah keluarga. Bagepe bapa harus tuhu-tuhu jadi permakan ibas jabuna, gelah anak jabuna (anggota keluarga) lit ibas ketenangan. La nai lit anak jabu sikecewa nandangi keluargana, seh maka idaramina kepuasan-kepuasan i darat jabuna. Keputusen-keputusen si bageme sirusur mabai bana anak jabu terlibat ku bas narkoba, judi, pergaulan bebas, rsd. Bagepe ndehara banci ndabuh ku bas perselingkuhen. Jadi adi lit persoalen ibas jabu, bapa ngasup ndarami serpang pulah.

IV. DISKUSI 1. Ugakin siimaksudken permakan situhu-tuhu? 2. Bapa harus jadi permakan nandangi keluargana. Turiken !

USULEN ENDE-ENDEN : PEE.NO.9:1,2; PEE: 118:1,2; KEE.NO.174:1-3. PEE.NO.69:1,2; PEE.95:1-3; KEE.NO.191:1,4; KEE.NO.187:1,3.

Pdt. Steven Kumenit, STh.M.Min. HP. 08126566291



Ogen : Masmur 23:1-6 Tema : Mpermakani isi jabu Tujun : Gelah Mamre ertanggungjawab desken permakan ibas ngasuhi, ngepkep

ras numpak-numpak isi jabuna.

I. PERLEBE Keluarga kristen ijadiken Tuhan ibas rangka nehi sada tanggungjawab ibas Tuhan nari. Tanggungjawab e eme gelah litna “Syalom” ibas doni enda. Guna seh ku je keluarga kristen arus ncidahken kegeluhen simehuli singena ate Tuhan, gelah keluarga sideban banci ngidah sie janah iusihna perbahanen simehuli siilakoken keluarga kristen. Tapi melala kal tantangan sierbahanca keluarga lanai nggeluh harmonis ntah pe bagi siniarapken Tuhan, apai ka ibas zaman sigenduari enda. Emaka melala keluarga-keluarga kristen nggeluh ibas perbeben ras kiniseran. Guna sie peranan sekalak bapa ibas keluarga harus teridah. Bapa harus jadi permakan i tengah-tengah keluarga gelah keluarga lit ibas kemalemen ate, nggeluh ibas ketenangan amin gia jumpa perbeben ras kiniseran.

II. ISI Mazmur 23 enda eme sada pengakun kiniteken kerna keleng ate Tuhan nandangi bangsaNa. Tuhan igambarken alu sekalak permakan sitetap setia ngasuhi biri-biriNa (bangsaNa). Tuhan igambarken bagi sekalak permakan erkite-kiteken latar belakang Daud eme sekalak permakan (band. 1 Samuel 16:11). Selaku permakan situhu-tuhu la atena biri-birina “terlantar” seh maka la lit inemen ntah pe pangan, emaka nggit me permakan e erdalan ndauh mbaba biri-birina e gelah ndat inemen ras pangan. Emaka sekalak permakan megati erberngi ibas sada-sada ingan, bagepe la ia tunduh tupung berngi e guna njaga biri-birina e ibas serangan binatang buas nari (serigala). Selaku permakan pe harus nge itandaina ingan silit isekelewetna, i ja lit lau ras mbal-mbal simeratah. Bagepe selaku permakan la saja nikapken pangan ras lau inemen man biri-birina, tapi harus njaga keselamaten biri-birinana e ibas binatang buas nari, amin gia situhuna kesah permakan e sendiri taruhenna. Permakan situhu-tuhu tandaina biri-birina. Bagepe sebalikna biri-biri pe nandai sora permakan e, emaka adi erlebuh permakan e guna ndilo biri-biri e, minter biri-biri e reh. Bagepe permakan situhu-tuhu tehna piga jumlah biri-birina e, emaka biri-biri e lalap ikira permakan guna tetap jaga beligan biri-birina e. Adi lit biri-biri si la i je ntah pe bene, maka tanggungjawab permakan e ndaramisa, seh ngasa dat. Adi lit biri-biri ndabuh ku bas embang, tanggungjawab permakan e mpedarat biri-biri e ibas embang nari. Bagepe adi lit biri-biri sisakit tanggungjawab permakan e guna merawat biri-biri e seh malem. Bagepe selaku permakan lit sada cara gelah biri-biri sigutul jadi mehuli, janah salah sada cara sicukup ekstrim (perawatan si cukup keras) eme alu menggelken nahe biri-biri


pertendin, eme: erbahan Kebaktin Keluarga, erbahan Saat Teduh Keluarga, medak erpagi-pagi ertoto ras ngoge Pustaka Sibadia, bahan Saat Teduh (lit ibas Majalah Maranatha), upayaken libatken pe anak-anak, misalna: ngoge Pustaka Sibadia/renungen. Selanjutna totoken kerina dahin ibas sada wari e, dahin orangtua/anak, sekolah anak-anak, rsd. Ambah sie, tep-tep berngi upayakenlah makan bersama. Sabab arah kebersaman man berngi enda banci sievaluasi ka dahinta sada wari ndai, sungkun ka perkembangen anak-anak ras situasi orangtua, mamahken ka Kata Dibata tupung keluarga mengevaluasi diri. IV. DISKUSI

1. Kai nge sukat-sukat kemalemen ate ras keriahen sijadi penggejapen Pemazmur?

2. Kai dage siusur denga jadi sukat-sukat kemalemen ate ras keriahen Mamre ibas zaman genduari enda? Diskusikenlah janah bahanlah tekad si banci alu nyata idalankenndu!

USULEN ENDE-ENDEN : PEE No. 71: 1,2; KEE No 204:1,4; PEE No. 37:1,5; Tuhan Demi Aku Salu Kata-Ndu

Pdt. Norita N. Br Sembiring, S.Si (Teol), M.Hum HP. 081361110766

Kalau anda mengambil seekor anjing kelaparan dan membuatnya makmur ia tidak akan menggigit anda. Itulah perbedaan prinsipil

antara anjing dan manusia [Mark twain]


20. BIMBINGEN PA MAMRE GBKP TAHUN 2014 TANGGAL, 15-21 JUNI 2014

Ogen : Keluaren 20:8-10 Tema : Pebadiakenlah wari Sabat Tujun : 1. Gelah Mamre tutus kebaktian ku gereja, PA, PJJ 2. Gelah Mamre njadiken ersembah eme bagin geluhna I. PERLEBE

Kenca Tuhan nepa doni enem wari dekahna, wari pepituken Tuhan pekesahken (Kejadian 2:1-3), enda igelari Wari Sabat ras wari enda ipake kalak Jahudi guna pekesahken ras ersembah ku Tuhan. Labo pekesahken total, tapi Sabat jadi sada wari guna mengevaluasi kerina kegeluhen kalak Jahudi ras ihubungken ras 10 Pedah Dibata. Ibas Padan Simbaru, wari Sabat ihubungken ras wari kekeken Tuhan Yesus ibas wari peteluken (Paskah/wari kekeken Tuhan Yesus ibas kematen nari, wari kemenangen/wari Minggu) eme wari singgantiken wari perpudi ibas sada minggu (wari Sabtu). Uga wari Sabat e man banta ngawan ni perpulungen Tuhan (Mamre) genduari enda ?

II. ISI Sabat rikutken Kalak Karo, sebage contoh sangana rani ibas jumana, adi lit tenah ibas kalimbubuna nari, dahin kalimbubuna e lebe idahikenna emaka idungina ka peraninna. Ijendame ikataken ia enggo sabat ibas dahinna tep-tep wari. Emaka banci ikataken sabat ibas kalak karo sifatna insidentil labo periodik bagi sabat kalak Jahudi. Persamaan kalak Jahudi ras kalak Karo si adi teridah arah pengaturken dahin siman dahin tep-tep warina secara periodik rikutken kalender wari wari Karo contohna BERAS PATI: Wari medalit, wari mehuli erbahan kerja-kerja, majek rumah, mengket rumah, mulai erbinaga, ngelamar dahin, ula pesimbak sora. Kai si labo ianjurken guna idahiken ula idahiken. Melala denga wari-wari kalak Karo, lebih lengkap kalenderta kalak Karo ibandingken ras kalak Jahudi. Tapi genduari kita kalak Karo (GBKP) enggo ibas berita si meriah, enggo nggeluh ibas Padan Simbaru, kerina wari-wari enggo mehuli erkiteken Dibata simerekenca.

Genduari kita isuruh Tuhan guna nginget wari Sabat, engkai ? Erkiteken Tuhan nepa doni enda enem wari dekahna, enem wari Tuhan nepa kerina simehuli guna manusia, wari pepituken Tuhan Pekesahken (Kejadian 2:1-3), Labo


persembahen man Tuhan (ayat 6-8). Abram tetap nginget kerna Dibata ibas kegeluhenna bage pe rikut ras jabuna, emaka disiplin ia guna ersembah man Dibata ras ipake Abram jabuna sebage ingan ertoto man Dibata bage pe sebage Rumah Pertoton. III. PENGKENAINA : Arah teks Pustaka si Badia si jadi oratenta ibas PA MAMRE GBKP sekali enda ipersingeti ka mulihi arah kegeluhen Abram ntah pe Abraham gelah njadiken jabu jabuta sebage Rumah Pertoton. Ibas tahun 2014 enda, iarapken kal arah Buku Suplemen Garis Besar Pelayanen (GBP) GBKP tahun 2010-2015 maka kehadiren anggota ngawan ibas kerina pelayanen GBKP enggo min lit 75% bage pe ibas tahun 2014 enda pe enggo iamanahken maka 30% jabu-jabu ibas anggota ngawan ni perpulungen GBKP enggo erbahan kebaktin keluarga. Selaku bapa ras imam itengah-tengah jabuta sekalak sekalak, kai sienggo isuratken ibas Buku Suplemen GBKP 2010-2015 ndai jadi penjemba man banta guna kita jadi motor penggerak guna erbahan kebaktin keluarga. Bagi Abram ntah pe Abraham si jadi model si man usihenta kuga ia mabai jabuna guna tetap ersembah man Dibata bage pe njadiken jabuna sebage Rumah Pertoton, bage lah min arapenta ibas wari-wari si reh enda ibas dirinta selaku MAMRE GBKP. Man banta MAMRE GBKP sienggo erbahan kebaktin keluarga ibas jabunta hal enda pe banci itularken man MAMRE GBKP silenga banna ibas jabuna. Njadiken jabunta tetap sebage Rumah Pertoton si enda jadi perjuangen kinitekenta gelah ibas jabunta nari tetap sipermuliaken gelarNa si Badia. Bage gelah. IV. DISKUSI : 1. Kai-kai saja nge menurutndu sierbahanca maka Abram ntah pe Abraham

tetap erbahan batar-batar ingan persembahen man Dibata? 2. Turikenlah! Kai nge siarus tetap silakoken gelah tetap siban kebaktin

keluarga ibas tep-tep jabunta selaku kita bapa ras imam ? USULEN ENDE-ENDEN : PEE GBKP NO : 9:1-3; KEE GBKP NO : 124:2,3; PEE GBKP NO : 36:1,2; PEE GBKP NO : 37:1,4,5

Pdt. Prananta Jaya Manik, S.Th MM HP. 081361178705



Ogen : Kejadin 12:4-9 Tema : “Jabu e me Rumah Pertoton” Tujun : Gelah MAMRE erbahan kebaktin keluarga ibas jabuna.

I. PERLEBE : Jabu (keluarga) si isina e me keluarga inti (bapa, nande ras anak anak) eme unit terkecil ibas kegeluhen itengah-tengah masyarakat, sibanci jadi ingan guna pendidiken, pembinan bage pe mbangun karakter ibas sada bangsa (nation). Tentu saja adi mejile ateta sada bangsa maka arus ibenake arah jabu-jabu. Bage pe rikutken kacamata kiniteken kalak Kristen maka jabu e arus nge Jesus Kristus tetap jadi Takal/Kepala, labo pribadi secara ego ibas diri bapa, nande ras anak anak sijadi takal/kepala ibas jabu e. Emaka arah bahan PA MAMRE GBKP sekali enda ateta alu radu ras erlajar Kata Dibata sijadi bahan oratenta gelah jabu e jadi Rumah Pertoton gelah jabu kalak Kristen (bapa, nande ras anak anak) sebage sada kesatuan erkiniteken ras ersembah man Dibata ibas Jesus Kristus. II. ISI : Abram ntah pe Abraham si jadi tokoh ibas Pustaka si Badia ibas bahan oratenta sekali enda eme model sekalak bapa ras imam itengah-tengah jabu, siarus nge tetap kita sebage MAMRE GBKP ngusihsa ibas jaman genduari enda. Ija ibas jamanta genduari enda erkiteken tuntuten kegeluhen banci saja kita lanai bo kal berperan sebage bapa ras imam ibas jabunta sekalak-sekalak. Kenca umur Abram 75 tahun berkat me ia i Haran nari, bagi si isuruh Tuhan. Si Lut pe berkat ras ia (ayat 4). Abram maba ndeharana Sarai, Lut anak seninana, kerina erta ertana ras budak-budakna si idatsa sanga ia i Haran, jenari berkat ia ku Kanaan (ayat 5). Adi sirenungken alu mbages maka kai si ilakoken Abram enda merupaken pengalamen kegeluhen ras kiniteken si dem alu pergumulen ras tantangen. Engkai? Erkiteken Abram nggit nadingken zona nyaman (the comfortable zone) si sedekah enda enggo inanamina guna ngayuken kai si iperentahken Tuhan man bana bage pe man jabuna. Labo terjeng e saja, ibas Abram ras rombongen berkat i Haran nari ku Kanaan, ia maba rombongen si cukup mbelin si tentu saja memerluken perencanan si cukup matang bage pe ngalaken tantangen cuaca, kondisi gurun pasir ras sidebanna. Abram patuh ras setia ibas kai sienggo iperentahken Tuhan man bana bage pe jabuna guna nadingken kerina keamanen ras kenyamanen si sedekah enda enggo inanami ras igejapkenna. Adi terdauhen sirenungken ibas bahan oratenta enda maka teridah uga Abram kenca seh i Kanaan bage pe isiar-siarna daerah e, ibahanna sada batar-batar ingan


istirahat total, tapi Sabat jadi sada wari guna mengevaluasi kerina kegeluhen kalak Jahudi ras ihubungken ras pelaksanaan 10 Pedah Dibata. Uga kegeluhenna sedekah enem wari alu ukuren pelaksanaan 10 pedah Dibata.14 Emaka ikataken Wari Sabat eme wari badia ibas kalak Jahudi. Kalak Jahudi make wari Sabat guna ersembah ku Dibata Jahweh. Undang-undang Sabat lit isuratken ibas Keluaren 20:8-11, 31:12-17, 34:21; Ul 5:12-15. Wari Sabat eme Wari berkat ku rumah pertoton (Jes 1:13) guna ersembah man Dibata. Ibas Padan Simbaru siidah maka Jesus ersembah ibas wari Sabat ibas Sinagoge (Luk 4:16).

Genduari kita enggo ngaku maka labo lit kita si ngasup ngelakoken 10 Pedah Dibata alu sempurna, emaka kita tetap ibas proses make gegeh Kesah Si Badia guna ngelakoken Hukum Tuhan si tersurat ibas Matius 22:37-40 : “Kelengilah Tuhan Dibatandu asa ukurndu, asa tendindu, dingen asa gegehndu lit. Enda me perentah si mbelinna dingen si pentingna. Sipeduaken bali ras si ndai eme Kelengilah temandu manusia bagi kam ngkelengi dirindu. Kerina undang-undang agama siibereken Musa ras nabi-nabi erpalasken duana perentah enda ndai kap.” Emaka genduari tugasta ngawan ni perpulungen Tuhan (Mamre) labo ngenca beribadah ibas wari Mingu tapi pe beribadah tep-tep wari erkiteken nehken kekelengen la ngenca ibas wari Minggu. Tep-tep wari kita harus nehken kekelengen man kerina tinepa Dibata.

Kekeken Yesus ibas wari peteluken (Paskah, wari kekeken Yesus, wari kemenangen/wari Minggu) eme wari singgantiken wari perpudi ibas sada minggu (wari Sabtu). Wari Minggu jadi wari ersembah kalak Kristen (1 Kor 16:2). Reformator, Johanes Calvin erpengakap maka wari Minggu eme wari libur ras ipake guna ersembah man Tuhan (konsentrasi/memusatkan pikiran guna Tuhan). Seri bagi pendapat Martin Luther, Calvin lanai make larangen guna erdahin ibas wari Minggu erkiteken enggo isasapken sebage bagin hukum ersembah kalak Jahudi.15 Jesus ngataken ibas Markus 2:27, Wari Sabat iaturken guna manusia, labo manusia guna Wari Sabat. Jesus makeken wari Sabat labo ngenca guna ersembah man Dibata tapi pe guna nehken kekelengen misalna mpepalem kalak si sakit. Jesus empelimbarui pemahamen kalak Jahudi kerna Wari Sabat. Dahin nehken kekelengen banci ilakoken aminna wari Sabat pe.

14 Howard Schwartz, Tree of Souls : The Mythology of Judaism, New York : Oxford University Press, 2004, pp. 315. 15 Christiaan de Jonge, Apa itu Calvinisme?, Jakarta : BPK-GM, 1998, Hlm. 336


III. KESIMPULAN Sabat rikutken pemahaman kalak Jahudi ras kalak Karo enggo

ipelimbarui Tuhan Jesus. Kita genduari makeken wari-wari si lit guna tutus ersembah ku Tuhan. Wari Minggu ku gereja ras wari sidebanna guna erdahin ncukupken kebutuhen geluhta ras tetap ikut ngelai ibas acara-acara gereja termasuk PA Mamre ras PJJ. Kerina wari ibereken Tuhan jadi wari mehuli guna dahin nehken kekelengen, ngkelengi Tuhan ras tinepaNa. Mamre sebage pimpinen jabu-jabu ngawan ni perpulungen GBKP harus jadi contoh i tengah-tengah gereja ras masyarakat. Labo ngenca Wari Minggu megiken Kata Dibata tapi tep-tep wari perlu ngoge Kata Dibata sinerangi dalan kegeluhenta.

IV. DISKUSI 1. Uga pemahamenta kerna Wari Sabat (Minggu)? Engkai maka ikataken

ingetlah ras pebadiakenlah wari Sabat ? 2. Uga perbandingen ndahiken dahin gereja (GBKP) ras dahinta (pribadi ras

sehubungen ras dahin kekeluargaan ras masyarakat) sedekah sada minggu ? USULEN ENDE-ENDEN : PEE No. 1:1-3; PEE N0. 6:1-3; KEE No. 76:1-2; PEE 52:1-3 Kepustakaan de Jonge, Christiaan, Apa ituCalvinisme?,Jakarta:BPK-GM,1998 Schwartz, H., Tree of Souls : The Mythology of Judaism, New York : Oxford University Press, 2004

Pdt Mehamat Wijaya Tarigan, M.Th HP. 06177248744

HIDUP INI SELALU SINGKAT UNTUK BERPIKIR KERDIL [Benyamin Disraeli]


Kristen selaku warga Negara. Kedamen si arapken kita labo dame si ‘semu’ tapi dame man kerina kalak singgeluh. Kehagan man kalak si tek labo ibas perkara si mbelin saja tapi ibas perkara sikitik epe banci min kita jadi usihen. Iarapken Mamre GBKP banci ncidahken dingen nikapken dame man kegeluhenta idoni enda sendalanen ras pengakun Pemasmur, e ka lah jadi pengakunta.

STUDI KASUS RAS DISKUSI: Lit sekalak ngawan perpulungen GBKP sedekah enda ertutus ate kal ku gereja, PJJ ras kegiaten sidebanna. Perpudi enda enggo tambah teman ras pergaulenna, tambah pemetehna dingen tambah pengalamenna. Ibas geluh eroikumene ikut ia ibas piga-piga kepanitian ras gereja sideban. Alu la iarap, enggo kritis kal ia ibas nanggapi ajaren ras aturen gereja, apaika pernah ka nge ia ikut jadi calon Pt/Dk tapi la ka terpilih. Kedungenna, lanai lit akapna si payo ibas GBKP, ipandangina, lanai lit si mehuli iakapna seakaten ‘gereja’ ingan si mbaru si ngaloken ia dingen tutus ia ije. Emaka iperidiken ia ibas ingan si mbaru ndai janah megati ia ersaksi, nina ibas gereja GBKP, ija ije ia nai erkiniteken, la payo, la lit Kesah si Badia. Serayanna pe keri ipandangina.

1. Amin labo piga ‘kasus’ sibagenda, kuga siakap kalak Kristen sibagenda? 2. GBKP selaku nandeta ibas kiniteken, banci s aja labo bagi ukurta kal kerina.

Selaku ‘nande’ kuga siidah GBKP enda? Kai sibanci silakoken selaku anak guna ngkelengi, mpehuliken ras ngergai

ia? Diskusiken dingen bahan jadi Program Mamre alu ngarihkenca ras

Runggun gereja.


Pdt. Suenita Sinulingga, MTh HP. 081397380916


pe siinget tapi banci siidah kuga penggejapen anak-anakta ibas ngenanami sie. Rikutken penggejapen ras pengakun Pemasmur enda ndai, ituriken arah tema PA paksa enda, gereja eme nande man kalak si tek. Sekalak pemimpin Gereja i Afrika si tergelar Cyprian nuratken ibas bukuna “De unitate ecclesiae” (Kesatuan Gereja), nina, “Seseorang tidak mungkin memiliki Allah sebagai bapanya, kalau ia tidak memiliki Gereja sebagai ibunya. Duana labo tersirangken ibas erkiniteken, gereja jadi ingan, jadi rumah, ingan tading si mpebelin-belin ras ngkelengi kalak sitek.

3. Salah sada dahin ras tanggungjabab orangtua (Nande) eme ndidik anak-anakna. Pendidiken ibas kerina dampar subuk kerna kegeluhen bagepe ibas kiniteken. Arah nande nari sialoken kekelengen ras pemeteh e. Umumna, kai pe ituriken man nande, nande megiken kerina ‘keluh kesah’ anak-anakna. Ibas sejarah kegeluhen enda lit nge siidah anak si mandangi nandena, lit nge anak si la ngakui nandena. Nina cerita ntah film anak sibage anak durhaka nge e. Sabab kugapa pe mejinna sekalak nande, modun, la ngikuti perkembangen jaman tapi nande e tetap nge nande, labo banci itukarken ntah isalihken ku nande kalak sideban. Sabab kugapa pe kecibalna ia me nande si enggo ‘mpetubuh, mpebelin ras ngkelengi kita’ asa ngasup ras gegehna lit. Emaka kelengi, pekena, ergailah nandenta e. Ibas kerina keberhasilen, kesuksesenta si pehaga dirina.

4. Bagemin pengkelengi ras pengergai ngawan ni perpulungen gereja e. Gerejata GBKP enda me si enggo mpetandaken kita man Jesus Kristus, mpebelin kita ibas kiniteken, ije me kita sedekah enda sikeleng-kelengen. Emaka ula kal sempat ‘sipersoken’ nandeta. La sidat ije keleng ate, la kita ‘bertumbuh’ ras sidebanna. Ija kekurangen orangtuata e, mari si pekena gelah reh ulina. Adi kin kita enggo reh belinna ibas kiniteken, sibabai, sicidahken man senina ras turangta maka kita me ulih erbage-bage perjuangen nandenta ndai. Bagi pengarapen Rasul Paulus nandangi perpulungen sope berkat ia ku Roma (Roma 1:11-12), sada ras sidebanna iarapken ibas kiniteken si pegegehen. Alu bage dame me igejabken kerina perpulungen, lebihen asa kai pe simeherga dingen iarapken doni enda.

5. Gereja sebage nande pe ngasup min ngajari ras nikapken anak-anakna ibas ngalaken erbage tantangen si man alanken ibas doni enda. Pentar min nande mperlengkapi anak-anakna ibas ngalaken ras ndalani erbage kinata si lit iadepenna. Khususna ibas pemilihen Presiden ibas piga-piga wari sireh enda, gereja jadi orangtua si pentar mabai anak-anakna guna nentuken pilihen si mehuli. Gelah dame si jadi sikerajangenta kalak


21. BIMBINGEN PA MAMRE GBKP TAHUN 2014 TANGGAL, 22-28 JUNI 2014

Ogen : Keluaren 6:2-9 Tema : Ncikep padan Dibata Tujun : Gelah mamre ncikep padan Dibata ibas ngalaken perbeben geluh I. PERLEBE

Sekalak pemain Bola Basket i Amerika Serikat si tergelar Michael Jordan ngataken: “jangan berhenti dan menyerah karena ada rintangan, sekalipun ada halangan dinding jangan berbelok....... carilah cara bagaimana menaikinya, melewatinya dan mengitarinya.”

Kitab Keluaren nuriken kerna pembebasen bangsa Israel i Mesir nari ras pernyataan Dibata: “Aku tetap nemani kam”. Musa eme tokoh penting ibas sejarah kalak Israel. Ia sekalak Nabi Dibata si ibanggaken kalak Israel. Musa eme anak Amram ras Johebet si asalna i suku Lewi nari (Keluaren 6:20). Kenca ia tubuh enggo iperhadapken ku bas masa “genting” erkiteken tekanen raja Mesir man kerina anak dilaki bangsa Heber si mbaru tubuh arus ibunuh. Tapi sue ras padan Dibata man Abraham ras kesusurenna: “Ku pasu-pasu kalak si masu-masu kam tapi Ku sumpahi kalak si numpahi kam.......... janah erkiteken kam Ku pasu-pasu kerina bangsa-bangsa (Kejadian 12:32).”

Padan Dibata man Abraham sebage Cikal bakal bangsa Israel seh pe nandangi Musa.16 Aminna ia i tamaken orang tuana ibabo lau Nil ibas keranjang tapi ije pe ia ikawali desken menci ndabuh ku cimpa, geluhna ibas pengarak-ngarak Dibata. II. ISI

Ibas Keluaren 6:2-9, Dibata mpetandaken identitasNa sebage si erkuasa, teridah maka gegehen Dibata asangken raja Mesir. Dibata tetap ncikep perpadanenNa bali ras si pernah ikatakenNa man Abraham. Konsistensi Dibata mpetandaken identitasNa mpegegehi Musa maka ia mbiar ngalaken kalak Mesir. La terjeng je saja, Musa pe ipegegehi ibas ia erbebe, ernalem man Dibata ibas mimpin bangsa Israel. Musa ipersiapken jadi pemimpin alu mpermakani biri-biri mamana Yitro i padang deleng Sinai gelah ngasup pagi ia mpermakani rarasen si mbelin eme bangsa Israel, janah ngidah rambah si gara alu erbage-bage tanda

16 Musa ibas bahasa Mesir ertina anak si ibuat ibas lau nari (diambil dari air). Gembaren geluhna dem alu gelombang tapi Dibata tetap ncikep geluhna, ibaba putri raja ia, ipebelin-belin, isekolahken, ididik alu fasilitas negara. Dibata me Sutradara Agung ibas geluh Musa guna mabai bangsa Israel pulah ibas perbudaken.


sengget arah kuasa Dibata si mejin. Dibata ncidahken solidaritasna: “enggo Ku begi penderkuh bangsa Israel”. Emaka erpadan Ia mulahisa ibas status budak jadi umat anak singaloken hak kewarganegaraan si sah si sampur dadih ras tengguli eme taneh Kanaan. Bangsa Israel siibebasken Dibata i Mesir nari eme gambaren penebusen si lebih mbelin sinibahan Tuhan Yesus ibas Iblis erkiteken dosa manusia. Nina Stanley M. Horton, Th.D ibas bukuna The Full Life Study Bible, penebusen Israel dari Mesir oleh Allah merupakan dasar utama perpindahan hak milik Israel kepada Allah sendiri. III. PENGKENAINA Musa ras Bangsa Israel si ngalaken erbage-bage tantangen/kiniseran, kerja paksa, pembunuhen, hak azasi si ipersulit, tapi la ia menyerah ras putus asa. Musa nggit ngkorbanken sura-surana, ketenangen ras kesenangenna guna mpelebe sura-sura Dibata, nggit ia ncikep padan Dibata sabab i tehna kejahaten Raja Firaun banci italuken kebenaren padan Dibata. Perayaken geluhta seh ija me kita banci erguna nandangi kalak si deban. Selaku Mamre, kita pe jadi pemimpin ras jadi agen pembebasan nandangi kiniseran temannta, keluarganta, bagepe kalak si la ndatken keadilen/la ngasup mperjuangken dirina. Pakelah karakter/biak si jadi penguasa ras si mimpin geluhta bagepe si ngkuasai diri alu tetap ncikep padanNa maka belinen kap kuasa Dibata asa kai pe. IV. DISKUSI 1. Melala kal sila bagi ukurta bas geluhta, jenari lit tawaren gelah kita ndarat

ibas perbebenta, tapi tawaren e si la ngena ate Dibata, seh ije kita ncikep padan Dibata?

2. Turiken pengalamenta jadi penebus ibas perbeben temannta? USULEN ENDE-ENDEN : PEE No. 113:1-3; KEE No. 198; KEE No. 164; KEE No. 181 DAFTAR PUSTAKA:

1. Dr. J. Blommendal, Pengantar PL, BPK, 1996 2. Alkitab Penuntun Hidup Berkelimpahan, Gandum Mas, 2002 3. Ensiklopedi Alkitab Masa Kini, YKBK, 1998 4. Tafsiran Alkitab Masa Kini, BPK, 1982 5. M. Harton, Th.D, The Full Life Study Bible, Illinois, 1999 6. Gerald rowlands, Old testamen Holy Land, UK, 2000

Pdt. Khasna Barus, STh, M.Div

HP. 0853 5834 3111


22. BIMBINGEN PA MAMRE GBKP TAHUN 2014 TANGGAL 29 JUNI-05 JULI 2014

Ogen : Masmur 131:1-3 Tema : Gereja eme nande man kalak si tek Tujun : Gelah Mamre ngergai ras ngkelengi gerejana si nggo mpebelin-belin

kegeluhen pertendinna seh mehuli 1. Pemasmur nuriken pujin ras penggejapenna kerna kinidamen siinanamina.

Sora pusuhna nggejabken kegeluhen kalak siernalem man Tuhan. Iturikenna kecibal pusuhna ras arapenna, labo erbage-bage kehagan doni, eme : La meganjang ukur ras labo ia megombang, perukuren sibage megati

turah ibas kalak si labo Dibata si jadi penalemen ras pengarapenna. Adi kalak si meganjang rukur, kerina si lit iakapna beluhna si mpeturah gombang. Sabab kalak sideban labo kai pe iakapna.

La iayakina perkara si mbelin, megati kal kalak si ngayaki erbage perkara si mbelin si ndabuh ku ukur meganjang ras megombang, Sabab hal-hal sikitik labo kai pe iakapna ergana. Tapi iajuk manusia gelah setia ibas perkara-perkara si kitik (Lukas 16:10)

Tapi enggo puas ras dame iakapna, kai si lit ras ialokenna paksa e erbahan puas ukurna. Umumna kalak si nggejabken ‘puas’ ibas DIbata e si ngasup ngataken bujur. Alu penggejapen sibage mpeturah dame ibas erbage kecibal si turah.

Iandingkenna bali ras sekalak anak ibas ampun nandena. Tentuna Pemasmur nginget uga malem ras damena ibas ampun nande. Penggejapen sibage eme si jadi perayakenna. Kai kin situhuna perayaken manusia nggeluh? Pemasmur ngakukenca eme dame. Alu pengalamen sibage rupana iajukna kalak Israel ernalem man Dibata saja. Sabab igejabna Dibata e bali ras sekalak nande. Nande si ngkelengi ras njagai dingen mereken ‘perasaan aman’ man anakna ibas kerina keadan. Penggejapen sekalak anak ibas ampun nandena, la lit kebiaren, la lit si kurang.

2. Kuga penggejapenta? Kerina manusia, ibenaken ibas anak-anak nari, labo lit si minter mbelin. Ertina, kerina nge manusia nggejabken uga damena ibas ampun sekalak nande. Kune mbiar, kiam, iampu ras idakepna seh kal akap dame ras tenangna. Tek ras tetap kal ukur sekalak anak maka orangtuana ngasup ngalaken erbage sierbahanca la ia dame. Amin lanai

TEAM SINGUKURI “Mamre Erdiate, Mamre Erpemere” BIMBINGEN ... · man SMA, tapi kenca enggo...

Documents

Transcript of TEAM SINGUKURI “Mamre Erdiate, Mamre Erpemere” BIMBINGEN ... · man SMA, tapi kenca enggo...