Nama: Ni Wayan Wirani

No: 02-002-089-8

Kelas: XII IPA1

Ngajegang Sastra lan Budaya Bali

Majeng ring pangenter acara titiang matur suksma antuk galahe sane kapaice ring dewek titiang. Sadurung titiang nguningayang matur, pinih riin titiang ngaturang pangastungkara.Om Swastiastu,

Bapak Kepala Sekolah sane singgihin titiang,

Bapak/Ibu Guru lan Staf Tata Usaha sane wangiang titiang, lan

Para Siswa sane tresna asihin titiang.

Manawita para ida dane sameton titiang sampun uning Pulo Baline punika kadadosan pusat daerah tujuan wisata Indonesia bagian timur olih pemerintah Republik Indonesia. Punika boya ja simpang, saantukan kebecikan miwah kaasrian Pulo Baline sampun kaloktah jantos ka Dura Negara. Punika mawinan Pulo Baline taler kawastanin Pulo Dewata. Napi mawinan kawastanin Pulo Dewata ? Pulo Baline kawastanin Pulo Dewata saantukan :1. Kaasrian palemahan Pulo Baline sampun kaloktah ka Dura Negara.

2. Seni budaya Baline sane madasar antuk seni lan budaya Hindu taler sampun kajanaloka ring jagate.

3. Adat istiadat sane madasar antuk suryak siu utawi musyawarah.

4. Para semeton Baline banget kumayama (ramah tamah), ngandap kasor (merendah), nenten wenten nyaminin ring jagate.Punika mawinan iraga sareng sami patut mengayu bagia majeng ring Ida Sang Hyang Widhi Wasa, sane ngardi jagate saha sadagingnya sami. Iraga sareng sami patut rumasa bagia dados putra-putri Bali. Lianan punika iraga sareng sami patut ngemban, miara kabecikan utawi kaasrian jagat Baline pamekas nglimbakang sastra lan budaya druene, mangda sami sayan becik, sayan asri, sayan nudut kayun. Sinalih tunggil sane minakadi piranti sajeroning jagi nglimbakang seni budaya druene punika boya sios wantah basa Bali. Punika mawinan mangkin ngiring sareng sami ngutsahang, sapunapi antuk ngawerdiang punika nglimbakang mangda sayan ajeg basa daerah makawinah sastra Kawi Baline, pamekas para anom-anome mangda sayan seneng, sayan teleb malajah sastra lan budaya bali. Napi mawinan asapunika, saantukan sastra lan budaya baline makeh pisan madaging indik sane mapikenoh kagunan nyane sajeroning nglaksanayang darmaning agama miwah Negara. Ida dane sane baktinin titiang. Mungguing sastra lan budaya Bali punika saampun kapastiang prasida sakadi pangancang sajeroning ngwangun jagat Indonesia ngamangguhang sakadi tetujon jagat kerta raharja. Duaning asapunika, malarapan antuk galahe sane becik sakadi mangkin, titiang banget mapinunas majeng ring sang guru maraga wisesa, ring para yogia ngawiwenangan pendidikan ring dinas kebudayaan, mangda mikayun saha ngamargiang sakadi pinunas titiange punika mangda prasida kapanggih sakadi pangapite nglimbakang satra lan budaya Baline puniki.

Inggih ida dane sane banget baktinin titiang, cutet atur titiang ngiring mangkin sareng sami mautsaha tunggilang kayune ring sajeroning ngawardiang ping kalih nglimbakang sastra lan budaya Bali druene, kandugi prasida kapanggih daging-daging sane kasurat ring sajeroning palambang-lambang iti basa purana, mangda wenten kanggen nuntun iraga ring sajeroning kauripan.

Wantah asapunika prasida aturang titiang ring ida dane sareng sami. Yening wenten iwang atur titiang minab nenten manut ring arsa, manawita sangkaning basa basita, tata titi miwah anggah ungguh basa. Duaning titiang rumasa ring dewek kantun iwang, titiang nunas geg rena sinampura, pinaka pinguntat atur titiang, sineb titiang antuk parama santihOm Santih, Santih, Santih Om