LAKON SAKRAMEN TUMBUK ERJABU

LAKON PEMENA

1. I lebe-lebe Gereja

Rende : TUHAN I BAS KAM NARI (PMD No. 335)

Malim : Mejuah-juah man banta kerina. Senina ras turang i bas Yesus Kristus.Genduari, nandangi bengket me kita ku bas gereja, ngadap Tuhanta, lako mindo pasu-pasuNa i bas lakon Sakramen Tumbuk Erjabu enda. Mari dage kita bengket ku rumah Tuhan alu meriah ukur i bas kiriteken, maka sikap nge Tuhan ngalo-ngalo kita, janah mereken pasu-pasuNa man banta kerina, terlebih-lebih man bandu si nandangi erjabu i bas gelarNa.Ertoto me kita:

O Dibata Bapa, Ka si njadiken jelma dilaki ras diberu, gelah nggeluh ngkuhi alu sikeleng-kelengen. Arak-araklah anakNdu enda, si reh ku bas GerejaNdu mindo pasu-pasuNud, lao majekken perjabunna. Suruhlah malekat-malekatNdu, bage pe kalak sibadia i surga nari, lako negu-negusa ku bas keliasen ateNdu.(Malim ngampeken tanna ku arah penganten)

Mbera-mbera Dibata Bapa si la ersibar kekelengenNa dingen si dem aku lias ate, ngalo-ngalo kita ku bas rumaNa, janah mereken pasu-pasuNa (+) si simpar man bandu genduari seh rasa lalap.

Krina : Amen(Malim mipiri jelma si nterem alu lau simalem alu lau simalem sibadia. Kenca si e:

Malim : Mari bage siarak-araken bengket ku bas gereja dingen rende kita.Rende : MERIAH UKURKU (PMD NO. 369)

2. Tanda Silang

Malim : 5 6 . . . 5 6 7 6’ 5 6 6 5 5 6 5 5// I- bas gelar Ba-pa ras A-nak ras Ke-sah Si-ba- di - a.

Kerina : 5 5 6 // A- men

3. Tabi

Malim : i 6 5 6 6 . i i 2 i i . Lias ate Tuhanta Je-sus Kris-tus kekelengen Di-ba - ta

i . 2 3 2 . 1 2 1 . 1 6 5 6 i i . //Ras per-sa-dan Kesah Si- ba-di - a rem-bak ras kam.

Kerina : i 2 3 2 i i . //

Ja-nah ras kam ka pe.4. Kata Penaruh

Malim : Bapa, nande, turang dingen seninan si nikelengi tuhanta Jesus Kristus, terlebih kam si nandangi njabuken bana, bage ka pe kita kerina si pulung sibiak sukut, kalimbubu, anak beru, ras teman meriah pekepan mejuah-juah janah dame man banta kerina si rehna i bas Dibata nari. I bas wari si mehuli enda, i lebe-lebe Gereja Sibadia, enggo kita pulung sangkep nggeluh ......... ras ........ mergana em kap guna naksiken Sakramen Tumbuk Erjabu man temanta enda si ren]hna i bas Dibata nari. Pulung kita i bas gereja, janah pengurus Gereja ras pastor pe idilondu lako jadi saksi i bas perjabun temanta enda, erkiteken tek nge kita, maka perjabun sekalak Kristen jadi sada Sakramen, em kap sada lakon si jadi tanda, i ja Tuhan pesehken pasu-pasuNa man senina ras turangta si nandangi tumbuk erjabu enda. Jadi Tuhan nge si ringan genduari i jenda lako mpersadaken temanta enda i bas sada perjabun. Tuhan nge si masu-masu, janah si jadi jaminen, maka perjabun enda jadi sada dalin ku ketuahen ras kegeluhen si rasa lalap. Gelah sikap dingen metunggung dage kita ngadap tuhanta, maka kupindo man bandu duana rasken kia kerina, maka sisesali dosanta janah erkadiola kita gelah kita patut ngaloken perkuah ate Dibata.

(sinik kentisik)

5. KinjeranNgaku me aku, man Dibata si la ersibar kuasa-Na,

Janah man babdu kerina,maka aku enggo erdosa alu perukuren ras perkatan.

Alu perbahanen ras kelalen.Aku erdosa, aku enggo erdosa.

Emsabapna mindo aku man Maria si sokeliamen,Man kerina malekat ras man kerina kalak si badia,

Janah man bandu kerina,Gelah notoken aku man Dibata Tuhanta.

Malim : Mbera-bera Dibata si la ersibar kuasa-Na, ngekelengi kita, ngalemi dosanta, janah naruhken kita ku kegeluhen si rasa lalap.

Kerina : Amen.6. Tuhan Kelengilah Min

Malim : Tuhan, kelengilah min kami.Kerina : Tuhan, kelengilah min kami.Malim : Kristus, kelengilah min kami.Kerina : Kristus, kelengilah min kami.Malim : Tuhan, kelengilah min kami.

Kerina : Tuhan, kelengilah min kami. 7. Toto Pemenan

Malim : Ertoto me kita,O Dibatta Bapa kami,Tataplah alu lias ate turang ras senina kami enda. Enggo ersada arihna duana, lako nggeluh ras-ras dingen si keleng-kelengen ibas sada perjabun. Mindo kami O Bapa: peteguh rakuten kekelengenna, gelah tamba warina, tamba igejabna keleng ate-Ndu. Min ibas gedang-gedang geluhna reusure tergejab man bana pengkawali-Ndu. Ertiken Kristus Tuhan kami.

Kerina : Amin.

LAKON KATA

8. Ogen Efesus ( 5:2.21-33 ):Lektor : Ogen bagi sini isuratken Rasul Paulus man perpulungen i Efesus

Geluhndu arus erpalasken keleng ate, bagi Kristus enggo engkelengi kita, dingen ngendesken kesahNa man gunanta. Ia enggo mpersembahken diriNa jadi persembahen si merim si ngena ate Dibata.Patuhlah sekalak nandangi si debanna, erkiteken kam mehamat man Kristus. O kam ndehara, patuhlah man perbulangenndu bagi patuh man Tuhan. Sabap perbulangen nge takal ndeharana, bali ras Kristus takal perpulungen, janah Kristus nge si Engkelini perpulungen si jadi kulaNa e.Erkiteken si e ndehara arus patuh kal man perbulangenna i bas kai-kai pe, bali ras perpulungen patuh man Kristus. Kam perbulangen, kelengilah ndeharandu, bagi Kristus engkelengi perpulungen, dingen ngendesken kesahNa guna perpulungen e. Kristus erbahan bage guna mpersembahken perpulungen e man Dibata, alu kataNa, kenca ibersihkenNa e alu mbasuhsa alu lau. Tole pe gelah iendeskenNa perpulungen e man DiriNa alu dem kinijilen desken sekalak penganten diberu bersih dingen la ersalah, la lit cungikna ntah ringutna, bage pe la lit si man pandangen. Perbulangen arus engkelengi ndeharana bagi ia engkelengi kulana. Kalak si engkelengi ndeharana, engkelengi dirina kap. Labo pernah lit kalak elem-elem nandangi kulana. Tapi ipekena-kenana dingen ikawalina kulana e bagi Kristus mpekena-kena dingen engkawali perpulungen. Sabap kita me ringring kula Kristus. Bagi lit tersurat i bas Pustaka Si Badia, "Erkiteken si e, sekalak dilaki nadingken nande bapana, jenari ersada ia ras ndeharana, janah si dua e jadi sada kula me." Si enda ncidahken rahasia si mbelin kal ertina. Janah aku jine ngidah, maka si enda nuduhken persadan Kristus ras perpulungen.

Tapi pe kerna kam: Tep-tep perbulangen arus engkelengi ndeharana bagi ia engkelengi dirina, janah tep-tep ndehara arus mehamat man perbulangenna.Bage me kata ni Tuhan.

Kerina : Bujur man Dibata.

(1Musa 2:18-24; Rom 2:1-2.9-18; Kol 3:12-17; 1Kor 12:31-13:8)

9. Masmur Pengalon

Kuendeken Pedah-Ndu (PMD No. 372)

10. Alleluya / ayat Pengalo-ngalo Berita Simeriah

Malim : Alleluya, alleluya, alleluya.Kerina : Alleluya, alleluya, alleluya.Malim : Dage si enggo ipersadaken Dibata, la banci isirangken manusia.Kerina : Alleluya, alleluya, alleluya.11. Berita Simeriah

Malim : Tuhan ras kam.Kerina : Janah ras kam pe.Malim : Enda me Berita si Meriah rikutken Mateus (19: 3-6)Kerina : Imuliaken me Tuhan.Malim : I bas sada paksa, reh Jenari reh piga-piga kalak Parisi njumpai Jesus sabap

atena ncubai Ia. Nungkun ia man Jesus nina, "Rikutken Undang-undang agamanta banci kin iulihken kalak ndeharana bagi ate-atena saja?"Erjabap Jesus, "Langa kin iogendu kata si tersurat i bas Pustaka Si Badia, i ja ikataken maka mula-mulana ijadiken si Nepasa sekalak dilaki ras sekalak diberu? Jenari nina si Nepasa e, 'Erkiteken si enda itadingken si dilaki me nande-bapana jenari ersada ia ras ndeharana janah si dua e enggo jadi sada.'E maka lanai bo ia dua, tapi sada. Dage si enggo ipersadaken Dibata la banci isirangken manusia."Bagen me kata Tuhan.

Kerina : Pujin man Bandu o Kristus.

(Joh 2:1-11;Joh 10:1-11; Joh 15: 1-1212. Nuri-nuri

LAKON TUMBUK

13. Penangkasi

Pengurus Gereja : Bapa pastor si nihamati kami, sue ras Pedah Dibata si ................ras si

.................enda enggo milih sapih ia duana, lako jadi teman sedekah geluhna. E maka kami sebagai pengurus Gereja genduari mindo man Bapa Pastor, gelah min ngesahkan rakuten kalak enda tumbuk erjabu rikutken adat-istiadat Gereja Katolik.

Malim : Enggo me kam tek, kam Pengurus Gereja, maka kekelengen sapih ia tuhu-tuhu enggo nteguh, lako ndalani kegeluhen si mabru e, dingen la lit kai pe ngelang-langi pertumbuken enda?

Pengurus Gereja : Asa ieteh kami, maka ia duana enggo cukup sitandan; janah kade-kade pekepar pe enggo sue arihna duana. E maka iakap kami lanai bo lit alangen.

Malim : Melala bujur man bandu kam pengurus Gereja. Gendari gelah ilebuhndu dua kalak ku lebe enda guna jadi saksi i bas lakon enda.

(Pengurua Gereja ngelebuhi saksi-saki reh ku lebe panti imam, tedis arah kawes-kamuhen penganten.)

14. Perpadanen Tumbuk

Malim : Kam si .................. ras........................, kam duana reh kujenda guna ngerayaken Sakramen Perjabun ilebe-lebengku sebagai pejabat Gereja Katolik, dingen isaksiken kalimbubu, seninan, bage pe anakberu, ras perpulung –en, rikut pe ras teman meriah kerina. Maka genduari kupindo gelah ibelaskendu sura-sura ras isi pusuh peratendu salu ngaloi penungkun-en-penungkunen kami alu sora tangkas terang:

Man si dilaki:

Malim : Kam .................. tuhu-tuhu kin atendu ngesahken perjabun enda alu ukur si meciho?

Si dilaki : Ue, tuhu bage ateku.Malim : .............................ngit nge kam senina kami ngkelengi ras nghamati

ndeharandu sedekah geluhndu?Si dilaki : Ue, aku nggit.Malim : .........................nggit nge kam jadi bapa si mehuli man anak-anak sini bereken

Dibata man bandu, janah ndidiksa, geluh jadi anak Katolik si mehuli?Si dilaki : Ue, aku nggit.Man si diberu:

Malim : Kam .................. tuhu-tuhu kin atendu ngesahken perjabun enda alu ukur si meciho?

Si dilaki : Ue, tuhu bage ateku.Malim : .............................ngit nge kam turang kami ngkelengi ras nghamati

Perbulangendu sedekah geluhndu?

Si dilaki : Ue, aku nggit.Malim : .........................nggit nge kam jadi nande si mehuli man anak-anak sini bereken

Dibata man bandu, janah ndidiksa, geluh jadi anak Katolik si mehuli?Si dilaki : Ue, aku nggit.15. Mindo Doa Restu ibas Orang tua nari:

Malim : Sope denga sibenaken lako tumbuk erjabu, ipindoken man pengantin duana gelah reh ku adepan orang tua mindo maaf ras doa restu. Ipindo kami gelah bapak vorhanger/pengurus gereja nemani penganten enda.

16. Pertumbuken ialoken

Malim : Maka seh me paksana lako ngesahken perjabun enda. Kupido man bandu sekalak-sekalak lako ngaloi penungkunenku alu ukur tutus. Tamaken dage tandu si kemuhun ibabo Pustaka Sibadia enda, eme kata Dibata si ngkelengi kita.

Man sidilaki:

Malim : ........................ nggit nge kam tumbuk ras si ........................... si ijenda genduari, janah ngkelengisa, dingen tetap setia sedekah geluhndu subuk ibas senang tah pe ibas susah?

Si dilaki : Ue, aku nggit. Janah aku erpadan tetap setia man bana, subuk ibas senang bage pe ibas susah; janah ateku ngkelengisa asa ngasupku, bage pe nghamatisa sedekah geluhku. Bagenda me perpadanenku ilebe-lebe Dibata ras Pustaka Sibadia enda.

Man sidiberu:

Malim : ........................ nggit nge kam tumbuk ras si ........................... si ijenda genduari, janah ngkelengisa, dingen tetap setia sedekah geluhndu subuk ibas senang bage pe ibas susah?

Si diberu: Ue, aku nggit. Janah aku erpadan tetap setia man bana, subuk ibas senang bage pe ibas susah; janah ateku ngkelengisa asa ngasupku, bage pe nghamatisa sedekah geluhku. Bagenda me perpadanenku ilebe-lebe Dibata ras Pustaka Sibadia enda.

17. Pertumbuken Ipeteguh

Malim : Ibas gelar Gereja Sibadia, ras ilebe saksi-saksi, ras kam kerina si pulung tangkas terang ku pebetehken maka perjabun si enggo iresmiken enda eme perjabun kalak Kristen si sah. Min Sakramen enda man bandu duana jadi sumbul peregegh ras dame. Janah kam kerina si pulung ijenda, subuk anak beru senina bage pe biak kalimbubu pekepar bage ka pe kam tegun perpulungen kubahan lako jadi jaminen ibas perjabun enda. Gelah min ras-ras kia nginget dingen

pehagaken Kata Pustaka Sibadia; “Kai si enggo ipersada Dibata, ia arus isirangkken manusia.”

Kerina : Amen.18. Pemasu-masun Si Dilaki ras Si diberu

Malim : Turang ras senina kekelengen, mari dage kita ertoto alu meteruk ukur gelah min Dibata nggit nguseken pasu-pasu ras perkuah ate man kalak si erjabu enda, si enggo ipersada ibas perpadanen sibadia, gelah ia mbera-mbera tetap ersada ibas rakuten kekelengen.

Kerina ertoto ibas pusuhna sekalak-sekalak.

O Dibata, Kam njadiken si nasa lit alu gegeh ras kuasa-Ndu. Itepa Kam manusia umat ras Kam, gelah duana ipetumbuk jadi sada; dingen ipediaken-Ndu kap maka perjabun si enggo ipeteguh-Ndu ia banxi isirangken nasi. Tataplah alu lias ate-Ndu ndehara enda: gelah pemere kekelengen ras dame-Ndu lalap ringan ibas pasuh peratenna; gelah mian ia banci jadi ndehara si setia jadi nande si mehuli bagi pernanden-pernanden si badia, si nipuji ibas Pusataka Sibadia.Bage pe ertoto kami guna perpulungenna enda, gelah min lalap ngasup ndalinken tanggungjawabna subuk mandangi ndehara ras anak-anakna bage pe nandangi jelma si enterem. Terlebih-lebih kami mindo man Bandu o Bapa, gelah min teman si erjabu enda, tetap nteguh ibas kinitekenna ras ndalinken pedah-pedah-Ndu. Gelah min ia tetap ersada arih diaki diberu, metunggung erkiteken lagu-langkahna, dingen erguna man kade-kadena, bage pe man jelma si enterem. Mbera-mbera ertuah bayaklah ia, jadi orang tua si man usihenlah min, dingen melemlah atena sempat ngidah kempu-kempuna. Mbere-mbera cawir ia metua, janah dunga bengket ia ku kegeluhen si rasa lalap ibas Kerajan Surga. Erkiteken Kristus Tuhan kami.

Kerina : Amen.19. Tukar cincin

Malim : Marilah kita ertoto, gelah pasu-pasu Dibatalah min cincin si dua enda, lako jadi tanda ke setian ibas perjabun.

(sinik kita kentisik)

O Dibata Bapa kami si mada kuasa, usekenlah pasu-pasu-Ndu nandangi cincin si dua enda, gelah min ia duana si makesa tetap ersada arih, sikeleng-kelengen, sihamat-hamaten, janah nggeluh ibas dame sue ras peraten-Ndu. Gelah min cincin enda mpersingerti ia duana kerna kekelengen ras kesetian si enggo ipadankenna ibas wari mehuli mehuli enda. Si enda kerina ipindoken kami erkelang-kelangken Kristus Tuhan kami.

Kerina : Amen.

Kenca ipir-ipir malim cincin e alu lau sibadia, ibereken cincin si diberu man si DILAKI, nina:

Malim : Pakeken cincin enda, tanda kesetian perjabun, kubas jari manis tan si kawes ndeharandu. Ibas gelar Bapa, ras Anak, ras Kesah Sibadia.

Kerina : Amen.Kenca si e ibereken cincin si diberu man si DIBERU, nina:

Malim : Pakeken cincin enda, tanda kesetian perjabun, kubas jari manis tan si kawes pebulangendu. Ibas gelar Bapa, ras Anak, ras Kesah Sibadia.

Kerina : Amen.20. Pertoton Pemindon

Malim : Mari dage kita si pulung enda alu ersada ukur ertoto man Dibata guna perjabun turang ras seninanta enda :

P1 : O Dibata Bapa, alu ersada arih ersada ukur reh kami mindo man Bandu, dudurkenla tan-Ndu si melias guna masu-masu kalak enda; peteguh-Ndu ka lah min perjabunna alu rakuten kekelengen-Ndu, janah Kalah min rusur jadi sukut ibas jabuna.Ertoto me kita:

Kerina : O Tuhan begiken min toto kami.P2 : O dibata Bapa, useken min dame nu Kristus kubas pusuh peratenna, janah

pedauhlah min ibas ia nari kerina si la tengka, gelah ia rusur lit ibas mejuah-juah.Ertoto me kita:

Kerina : O Tuhan begiken min toto kami.P3 : O Dibata Bapa, pasu-pasulah min, gelah kalak enda ertuah bayak, sangap

mupus anak anak dilaki ras diberu, mbuah page nisuanna, merih manuk niasuhna dingen sangap ibas kerina pendahinna.Ertoto me kita:

Kerina : O Tuhan begiken min toto kami.P4. : O Dibata Bapa, bereken min keriahen, kemalemen ate ras kejuah-juahen man

kerina kade-kadenna: anak beru-senina ras kelimbubuna, si enggo ersada arih pejabu kalak enda; janah bere gegeh man kalak enda duana, gelah ia pagin meingkat ndahi dahin-dahin kade-kadena apai pe la erndobah.Ertoto me kita:

Kerina : O Tuhan begiken min toto kami.P5 : Berelah min o Dibata Bapa, maka ia duana cawir metua, mejingkat erdahin, tutus

ibas perpulungen-Ndu, je nari kenca dung tegunna i doni enda daten kesenangen si rasa lalap ibas kerajaan surga.

Ertoto me kita:Kerina : O Tuhan begiken min toto kami.Malim : O Dibata Bapa si Perkeleng, janah simada kerina kuasa. Kam kap si ngelakoken

pertumbuken manusia enda erdandanken keleng ate-Ndu: janah ibas wari si sendah enggo ietumbuk Kam kalak si dua enda alu sakramen sibadia enda: pebadiaken janah pasu-pasun-Ndulah ia duana, subuk kula bagepe tendina; petetaplah rakuten perjabunna ibas kekelengen-Ndu si la ersibar. Erkiteken Kristus Tuhan kami.

21. Lakon Pepulung Kolekte I ras II

Rende Lakon Pepulung Kolekte ALOKEN MIN TUHAN (PMD No. 326)

(Adi lit Perayaan Ekaristi, perayaan ekaristi mulai ibas Persembahen hal

22. Bapa Kami

Malim : Ras Tuhan Jesus, si enggo i tengah-tengahta, mari bage sitotoken pertoton si niajarken-Na man banta:

Atau

Malim : Senina ras turang, kita enggo ngaloken Kesah Sibadia si njadiken kita anak-anak Dibata. Emaka alu kuasa Kesah Dibata e, pang kita ertoto:

BAPA KAMI

Bapa kami si nisurga, ipebadiakenlah gelar-Ndu,rehlah kinirajan-Ndu sehlah peraten-ndu i doni bagi i surga.

Berekenlah man kami sada wari enda, nakan kami si teptep wari; janah alemilah min salah kami, bagi kami ngalemi salah kalak kempak kami; janah ola min badai kami kubas

percuban, tapi pulahilah kami idur si bena nari. Amen.23. Embolisme

Malim : O Bapa, peluah min kami ibas kerina kemaran nari, janah bereken min genduari perdamen. Kelengilah janah sampati min kami, gelah lalap bersih ibas dosa-dosa nari, janah la kena ganggun kai pe, gelah kami banci nggeluh aman, dingen ngarapken kerehen Penebus kami Jesus Kristus.

Kerina : Sabap Kam kap raja, Sibadia ras erkuasa seh rasa lalap.

LAKON PENUTUP

24. Toto PenutupMalim : Malim : Ertoto me kita,

O Dibata Bapa Siperkuah,

Ibas perayaan enda, enggo kami rayaken Sakramen tumbuk Erjabu. Ibas Sakramen enggo ipadanken-Ndu kekelengen-ndu si ngkawali kami, lako pergegehi dingen erbahan kami ngasup erdalin kubas kegeluhen-Ndu.Talangi min silalap pusuh peraten kami, gelah Kam banci tetap ringan ibas kami janah kami pe ibas Kam.Gelah kami ngasup ndalinken penuruhen-Ndu man kami: meriaken penebusen ras pemulahin-Ndu itengah-tengah dingen arah keluarga kami. Si enda Tuhan ipindoken kami man ban-Ndu, erkelang-kelangken Kristus Tuhan kami.

Kerina : Amen.25. Pengendesan man Maria ( Halaman )

26. Pemasu-masun dingen Pengendesen Pustaka Sibadia, ( Halaman )

27. Ngendesken Pustaka Sibadia man Sidilaki ( Halaman )

28. Ngendesken Silang man Sidiberu ( Halaman )

29. Ibereken Kesempaten man Orang Tua Ncabini Penganten alu Uis Peradaten ( Halaman )

30. Njujungi Beras Piher ( Halaman )

31. Pasu-pasu Peberkati

.Kerina : Janah ras kam ka pe.Malim : Mbera-mbera kita kerina ipasu-pasu Dibata si la ersibar kuasaNa: (+) Bapa, ras

Anak, ras Kesah Sibadia.Kerina : Amen.32. Peberkaten

Malim : Senina ras turang, lakon Sakramen Tumbuk Erjabu enda enggo dung.Kerina : Bujur man Dibata.Malim : Mari dage kita berkat, pebelangken kata Dibata.Kerina : Amen.

LAKON EKARISTI

22. Toto Persikapen Persembahen

Malim : Terpujilah Kam o Tuhan, Dibata kerina si nasa lit, sabap ibas perkuah ate-Ndu nari kap ialoken kami roti si niisikapken kami enda. Enda me ulih taneh ras pe pendahin kami manusia, lako guna jadi roti kegeluhen man kami.

Kerina : Terpuji me Dibata seh rasa lalap.Malim : Terpujilah Kam o Tuhan, dibata kerina si nasa lit, sabap ibas perkuah ate-Ndu

nari kap ialoken kami anggur si niisikapken kami enda. Enda me ulih taneh ras pe pendahin kami manusia, lako guna jadi inemen kegeluhen man kami.

Kerina : Terpuji me Dibata seh rasa lalap.Malim : Ertoto dage turang ras senina, gelah min persembahenku ras persebahenndu

ialoken Dibata Bapa si la ersibar kuasa-Na.Kerina : Mbera-mbera persembahen enda ialoken erkiteken kemulian Tuhan ras kajuah-

juahenta ras kerina perpulungen Dibata si badia.

23. Toto Persembahen

Malim : Ertoto me kita,O Tuhan Dibata Bapa kami!Kekelengen-Ndu kempak kami enggo ididahken-Ndu ibas Anak-Ndu Yesus Kristus. Ia enggo ngasamken kesah-Na guna man kami i datas kayu persilang, janah ipersembahken genduari ibas rupa roti ras lau anggur i datas altar enda. Ipersada janah ipersembahken kami dage kubas kekelengen-Ndu kekelengen teman kami si njabuken bana enda, bage ka pe kekelengen kami kerina umat-Ndu, gelah kai si kurang ibas kekelengen kami, idemi-Ndu lah min alu keleng aten-Ndu si la ersibar e, gelah erdandanken si e kami pe ngasup erdalan sada pengolak sada pengole ngayaki kegeluhen-Ndu si rasa lalap, ibas Kristus Tuhan kami.

Kerina : Amen.24. PREFASI

Malim : Tuhan ras kam.Kerina : Janah ras kam ka pe.Malim : Marilah dage sialaken pusuhta kempak Tuhanta.Kerina : Enggo ialaken kami.Malim : Mari dage ngataken bujur man Tuhan Dibatanta.Kerina : Tuhu patut kal janah bujur.Malim : Tuhu-tuhu patut janah bujur, o Bapa Sibadia, Dibata si rasa lalap dingen

erkuasa, maka katawari paksa pe kami tetap ngataken bujur man Bandu erkeleng-kelengken Kristus, Tuhan kami, Anak kekelengen-Ndu.Ia kap si enggo isuruh-Ndu jadi si mulahi ras si nebusi dosa kami. Erkiteken Kristus e, anggo ibaba janah iarak-arak-Ndu kerina jelma ku kegeluhen dingen ketuahen. I bas Ia, ipajekken-Ndu Sakramen Tumbuk Erjabu jadi sada rakuten kekelengen, janah erdandanekn-Ndu si e: ipetubuh-Ndu kegeluhen si mbaru, ibereken-Ndu penebusen janah ipebadiaken-Ndu kerina doni enda. I bas Sakramen Tumbuk Erjabu, ibereken-Ndu jabaten kedibatan-Ndu si sada, em

kapken: nepa doni enda, nerusken penebusen-ndu janah ikut pebadiaken kerinana.Erkiteken si e, ipuji janah ipehaga kami kekelengen-Ndu, si enggo ngangkat kekelengen kami jelma ku bas penebusen-Ndu.E maka, raduken kerina malekat ras kerina kalak sibadia, ipuji ras imuleaken kami Kam, dingen rende/ersurak alu ersada ari-ersada sora.

25. BADIA

Badia, badia, badia nge Tuhan, Dibata kerina si nerkuasa.Surga ras doni dem kap kemulian-Ndu.

Terpuji me Kam i surga. Ipasu-masu me si reh ibas gelar Tuhan.Terpuji me Kam i Surga.

26. TOTO SIMBELIN II

Malim : Tuhu-tuhu badia nge Kam o Bapa, sumbul karina si badia. Maka ipindo kami:Badiaken min persembahan enda alu Kesah-Ndu, gelah salih man kami jadi Kula ras ( + ) Dareh Anak kekelengen-Ndu tuhan kami, Jesus Kristus.

Tupung nandangi ngenanami kiniseran alu meriah ukur, ibuat Jesus me roti, ikataken-Na bujur man Bandu emaka ibelahi-Na roti e, janah ibereken-Na man ajar-ajar-Na dingen ninna: ALOKENLAH MIN JANAH PANLAH MIN: ENDA ME KAP KULANGKU, SI NIENDESKEN GUNA BANDU.

Bage ka pe elah kenca man, ibuat-Na me calung. Sekali nari ikataken-Na bujur man Bandu, emaka ibereken-Na calung e man ajar-ajar-Na, dingen nina:ALOKENLAH MIN JANAH INEMLAH MIN:ENDA ME KAP CALUNG DAREHKU, DAREH PADAN SI MBARU RAS SI RASA LALAP, SI NIAMBURKEN GUNA BANDU RAS GUNA KERINA JELMA JADI PENGALEMEN DOSA.BAHANLAH MIN ENDA GUNA NGINGET AKU.

ANAMNESE:

Malim : 6 1 .... 7 5 7 6 . //Ma-ri-lah sicidahken rusia ki-ni-te-ken-ta.

Kerina : 6 6 6 5 . 7 . 1 1 7 5 6 . Ke-ma-ten Tu- han si- be-ri- ta-ken.1 1 2 3 . 3 . 5 6 3 2 3 .Ke-ke-ken Tu-han si- pe-ha-ga-ken.3 3 5 6 . 6 . 5 5 4 3 2 . 3 . 1 . 2 . //Ke-re-hen Tu-han si-te- de-hi-kal. A – men.

Malim : Dingen nginget kematen ras kekeken Kristus, ipersembahekn kami man Bandu, o Bapa, roti kegeluhen ras calung pengalemen. Ikataken kami bujur, sabap metunggung iakap-Ndu kami ngadep man Bandu. Ipindo kami, gelah kami si ngaloken Kula ras Dareh Kristus ipedemu Kesah Sibadia jadi sada perpulungen.O Bapa, kawali min Gerej-Ndu si lit i belang-belang doni. Peteguh min rakuten kekelengen umat-Ndu, ibas persadan ras Paus kami......, ras Uskup kami ....., bage pe kerina pastor, diakon, ras kerina singelai kami ibas Geejan-Ndu.Selamatken ka pe dage turang dingen senina kami si erkiniteken ras kerina kalak si enggo mate. Berelah pengadi-ngadin si rasa lalap man bana, bage pe man kerina teman si enggo mate ibas Kristus. Kelengilah janah alokenlah ia kerina i adep-adepen-Ndu.Kami kerina mindo keleng ate-Ndu, o Bapa, gelah kami pe ikut muat bagin ibas kejuah-juahen si rasa lalap e, ras Maria si badia si sokelamen, nande Dibata, ras kerina ajar-ajar dingen kerina kalak si badia, si nggeluh ibas kekelengen-Ndu. Berelah min kami muji-muji ras mpehagaken Kam.2 4 4 4 3 2 3 3 . 2 4 4 4 3 2 3 3 .Er- ki-te- ki- te-ken Kris-tus, ras Ia di-ngen i- bas I –a2 4 . . . 4 3 2 3 3 Ke-rina kinhamaten ras kemulian man Bandu Di- ba-ta Ba-pa2 3 . . . . 4 3 . 3 . . . .Si-la ersibar kua-sa-Na, i-bas persadan 3 . . . 1 2 3 2 . //kesah Sibadia Seh ra-sa la- lap

Kerina : 1 1 1 2 3 . 5 6 5 5 . //A-men, a- men, a - men

27. Lakon Komuni

(Dung toto Simbelin, malim ras umat nikapken diri lako komuni)

28. Bapa Kami

Malim : Ras Tuhan Jesus, si enggo i tengah-tengahta, mari bage sitotoken pertoton si niajarken-Na man banta:

Atau

Malim : Senina ras turang, kita enggo ngaloken Kesah Sibadia si njadiken kita anak-anak Dibata. Emaka alu kuasa Kesah Dibata e, pang kita ertoto:

BAPA KAMI

Bapa kami si nisurga, ipebadiakenlah gelar-Ndu,rehlah kinirajan-Ndu sehlah peraten-ndu i doni bagi i surga.

Berekenlah man kami sada wari enda, nakan kami si teptep wari; janah alemilah min salah kami, bagi kami ngalemi salah kalak kempak kami; janah ola min badai kami kubas

percuban, tapi pulahilah kami idur si bena nari. Amen.29. Embolisme

Malim : O Bapa, peluah min kami ibas kerina kemaran nari, janah bereken min genduari perdamen. Kelengilah janah sampati min kami, gelah lalap bersih ibas dosa-dosa nari, janah la kena ganggun kai pe, gelah kami banci nggeluh aman, dingen ngarapken kerehen Penebus kami Jesus Kristus.

Kerina : Sabap Kam kap raja, Sibadia ras erkuasa seh rasa lalap.30. toto nu Dame

Malim : O Tuhan Jesus Kristus, enggo pernah ikataken-Ndu man ajar-ajar-Ndu: “Dame Kutadingken man bandu, em kap dame-Ku si Kubereken man bandu”.

Malim : Ola nehen dosa kami, tapi ingetlah kiniteken Gereja-Ndu janah pasu-pasulah kami, gelah nggeluh ersada ras dame sentudu ras peraten-Ndu, sabap Kam kelang-kelang kami seh rasa lalap.

31. Melah Roti (Anak Biri-biri Dibata)

Malim : Anak Biri-biri Dibata, si masapken dosa pertibi enda.Kerina : Kelengilah kami.Malim : Anak Biri-biri Dibata, si masapken dosa pertibi enda.Kerina : Kelengilah kami.Malim : Anak Biri-biri Dibata, si masapken dosa pertibi enda.Kerina : Bere min dame man kami.32. Persikapen Komuni

Malim : Enda me Anak Biri-biri Dibata si masapken dosa doni enda, ketuahen kita kerina si idilo ku kerja man-man si badia.

Kerina : O Tuhan, la patut Kam reh kubas aku, tapi katakenlah sengkebabah saja, maka sikap me aku.

33. Ngaloken Kula (Ras Dareh) Kristus.

Malim : Kula / Dareh KristusKerina : Amen.33. Enden Komuni

SADA PRARIH KITA KRINA (PMD NO. 338)MARI SISEHKEN BUJUR MAN TUHAN (PMD No. 336)

LAKON PENUTUP

34. Toto Kenca Komuni

Malim : Ertoto me kita,O Dibata Bapa Si Perkeleng. Itepa-Ndu kerina manusia erkiteken keleng ate-Ndu guna kejuah-juahen kami. Ibas wari si sendah, ipersada-Ndu senina ras turang kami enda alu Sakramen Tumbuk Erjabu janah petunggung Kam padan perjabunna lau Lakon Ekaristi Simbadia enda.Mindo kal kami man Bandu, gelah padan si enggo ipadankenna ringan rasa lalap i bas jabuna. Bage pe temani dage kerina kade-kadena i bas umputen acara enda guna petunggungken perjabunna. Ku bas keliasen ate-Ndu iendesken kami kerina erkeleng-kelangken Kristus Tuhan kami.

Kerina : Amen.35. Pengendesan man Maria

Malim : Turang ras senina i bas Kristus!Arah pengalamenta, sieteh nge uga mberatna nggeluh i doni enda. Tapi sebagai anggota perpulungen Katolik Sibadia, tek nge kita man persadan ras kalak sibadia. Mari dage siendesken temanta enda man pengepkepen sibadai si ni surga, terlebih man pengepkepen nandenta Maria sibadia, gelah ia sebagai nande si enggo ngenanami uga mberatna kegeluhen i doni enda janah metehsa kegeluhenta, tetap notoken dingen mereken penampatna man perjabun si mbaru enda.E maka, man bandu senina ras turang kami, berkat me dage kam lako ndahi nandenta Maria Sibadia. Babalah lilin ras bungandu lako ngendesken toto ras permindondu man Tuhan arah nandenta Maria si perkeleng.(Penganten duana, si ldilaki mbaba lilin, janah si diberu mbaba bunga, berkat ku patung Maria janah erjimpuh. Kenca itamaken lilin ras bung i je, ras-ras kalak e duana mbelasken peroton enda: )

Si duana penganten:

O Maria nande kami, tataplah kami anak-anakndu si erjimpuh i lebe-lebendu. I bas wari si sendah, ibenaken kami nggeluh si mbaru. Ibas perjabun kami, totokenlah kami, ilebe-lebe anakndu Jesus e. Pindokenlah min man bana, gelah jabu kami enda, banci bagi jabundu nai i nasaret. Bagi santo Yosep sebagai perbapan, sampati kami gelah tutus erdahin. Bagi kam pe o nande, sampati kami gelah mejingkat ngatur rumah tangga. I lebe-lebendu erpadankami, maka lalap pagi mejingkat ertoto, gelah gegeh berita si meria la ernimpet-nimpet i bas jabu kami.

Mbera-mbera dame nu kesangapen tetap ringan i tengah jabu kami. Bunga si icibalken kami i lebe-lebendu, min jadi tanda maka kami tetap nghamati kam, o Maria nande kami totokenlah kami.

Toto SINTABI MARIA (3 X)

Sintabi Maria si nidemi perkua ate, itemani Tuhan nge kam.Kam nge si nipasu-pasu arah kerina diberu, janah ipasu-pasu nge buah bertindu Jesus.

O Maria sibadia, nande Dibata totokenlah min kami si perdosa enda,genudari ras i bas paksa kami mate. Amen.

36. Pemasu-masun dingen Pengendesen Pustaka Sibadia, Silang, Uis ras Beras Piher :

Malim : Turang ras senina i bas Jesus Kristus!I bas surat man kalak Heber bidu 1 ayat 1 seh ku 2 ninan bagenda: “Nai enggo megati Dibata ngerana man nini-nininta arah nabi-nabi alu erbage-bage cara. Tapi i bas paksa-paksa si arah pudi enda enggo neranan la man banta arah Anak-Na. Arah Anak-Na e me Dibata njadiken kerina si nasa lit, Anak-Na e me itetapken-Na jadi si mada kerina si nasa lit”.I bas Berita Simeraiha sini isuratken Yohanes, ituriken maka Yesus me Dibata si rasa lalap, si enggo jadi manusia janah ringan i tengah-tengahta. Ijenda enggo sikap : 1. Pusataka si Badia, sebagai kata Dibata si ringan i tengah-tengahta lako

ngajari dingen nuturi kita kerna kekelengen Dibata.2. Silang, sebagai tanda kemenangen ras kegeluhen si mbaru si enggo italangi

Yesus man banta.3. Uis peradaten, sebagai tanda kerina kade-kade ikut ngepkep jabundu.4. Ras beras piher, sebagai tanda pasu-pasu si gel-gel ipake ibas peradatenta.Sebagai bekal, janah sebagai tanda pengikutken pasu-pasu dingen penampat Dibata man bandu, nandangi iendesken me kerina tanda-tanda enda.Maka kam pe anak kami: Pindolah kebujuren dingen gegeh Dibata lako ndalinken perjabundu arah silang ras Pustaka si Badia enda. (ipirpir malim Pustaka Sibadia, Silang, Uis ras Beras Piher)

37. Ngendesken Pustaka Sibadia man Sidilaki

Malim : Aloken dage Pustaka si Badia enda, janah begikenlah rusur kata Dibata ibas gedang-gedang geluhndu. Adi kata Dibata i bahandu jadi palas perjabundu, maka kam bagi kalak sipantas, si majekken rumahna ibabo batu karang. Maka amin pe reh angin meter ras udan meder, maka lalap nge rumah e enteguh pajek.

38. Ngendesken Silang man Sidiberu

Malim : Aloken silang enda, em tanda kekelengen Dibata si nggit ngasamken Kesah-Na lako ngkelini kita. Katawari kam pagi duana ngenanami percuban, tataplah silang enda, maka Yesus mereken gegeh man bandu.

39. Ibereken Kesempaten man Orang Tua Ncabini Penganten alu Uis Peradaten

Malim : Man bandu orang tua!

Cabinken dage Uis enda man anakndu e duana, tanda enteguh pengepkepndu pertendinna ibas jabuna.

O. tua : Icabini kami kam duana alu Uis enda, gelah enteguh kal perjabunndu, tetap ersada iarak-arak Dibata.

40. Njujungi Beras Piher

Malim : Kujujungi beras piher kam duana, beras page situnggung, maka piherlah kinteken man Dibata, janah metunggunglah lagu langkandu katawari pe.

(Malim namaken beras piher ku takal pengantin janah nina: )

Sada-ersadalah min pagin rusur arihndu ibas jabundu.Dua-ula erdua-dua ukur muat dimehuli ras ndalinken pedah Dibata.Telu-talukenlah si ilat ras si jahat alu perbahanen si mehuli.Empat-selpat liah-liah, banga kelaisa ras ukur gulut.Lima-ertima rezeki tuah radumken sangap.Enem-gelem pagin ulih latih.Pitu-pitut ate kalak nembeh, ate kalak sian.Waluh-naruh kerina toto pasu-pasu, kalimbubu ras anak beru senina.Siwah-nilah kerina si la mehuli ibas perdalinen geluh perjabundu.Sepuluh-ersepuh babah nibelasndu ibas si mehuli ras pebelangken kata Dibata.Sepuluh sada-ersadalah tendindu duana, ersada perukuren ras penggejapendndu i bas jabundu.I bas gelar Bapa, ras Anak, ras Kesah Sibadia. Amen.

41. Pasu-pasu Peberkati

Malim : Turang ras seninan kekelengen!Mari bage sidungi lakon Sibadia enda lau ngaloken pemasu-masun si mbelin, gelah alu pemasu-masun Dibata, banci kita kerina ras jabu si mbaru enda nggeluh i bas kejah-juahen, ketuahen ras kesangapen.

Malim : Tuhan ras kam.Kerina : Janah ras kam ka pe.Malim : Mbera-mbera kita kerina ipasu-pasu Dibata si la ersibar kuasaNa: (+) Bapa, ras

Anak, ras Kesah Sibadia.Kerina : Amen.42. Peberkaten

Malim : Senina ras turang, lakon Sakramen Tumbuk Erjabu enda enggo dung.Kerina : Bujur man Dibata.

Malim : Mari dage kita berkat, pebelangken kata Dibata.Kerina : Amen.