KEBAKTIAN WISATA ROHANI

PAROMPUAN HKBP PADANG BULAN

Sabtu-Minggu, 13-14 Oktober 2012

HKBP Sibaganding Parapat

A C A R A I B A D A H M A L A M1. Joujou tu Partangiangan (Panggilan Beribadah)

U :Hamuna angka dongan na hinaholongan ni Tuhan Jesus Kristus, di borngin on marlas ni roha do hita siala asi dohot holong ni roha ni Tuhan i, boi hita tolhas tu inganan on di bagasan hahipason dohot las ni roha alani tama hita marsada ni roha mandok mauliate tu Debata jala mamuji pasangap Goar ni Tuhan Debata Parholong roha i. (Martangiang dibagasan rohanta be)---------------------------------------Saat Teduh-----------------------------------

U :Ale Debatanami na di banuaginjang marhite goar ni Tuhan Jesus Kristus, hami ro tu adopanMu di bongin na holom on, ima angka Parompuan HKBP Padang Bulan Medan, naung marpungu di inganan on laho wisata rohani dalam rangka mambohali hami angka Ina di tongatonga ni huriaM, di rumahtangga dohot di masyarakat asa lam tangkas, hajongjongannami gabe Ina soripada na memiliki haporseaon na togu holan tu Tuhan Jesus Kristus laho mangadopi angka ngolu ni keluarga nami ganup. Alani dongani hami Tuhan di na patulushon sude kegiatan nami di inganan on, sahat tu na simpul mardalan dibagasan las ni roha dohot dame na sian Ho.

R :Pargogoi ma hami Tuhan, asa lam huantusi hami ringkot ni angka pembinaan taringot tu angka peningkatan ni panghobasion ni angka Ina di huriaM secara umum songoni di tonga-tonga ni rumahtangga nami be. Alani ajari hami tongtong dibagasan holongMu dohot bisuk na sian banua ginjang i asa tarpatupa hami angka ulaonnami hombar tu lomo ni rohaM.

2. Marende No.569:1-2 “O Debata Tung Longang do Rohangku”

O Debata tung longang do rohangku, molo hubereng na tinompaMiSaluhut bintang, hilap dohot ronggur, manghatindanghon hasangaponMiMarende au Tuhan mamuji Ho. O, Debata, sangap do Ho.Marende au Tuhan mamuji Ho. O, Debata, sangap do Ho.

Di ladang di adaran dohot tombak,marende pidong tung mansai sonangPunsu ni dolok, sunge dohot rura, mamaritahon sangapMi Tuhan. Marende au …………….

3. Votum :U :Marhitehite Goar ni Debata Ama dohot Goar ni AnakNa

Tuhan Jesus Kristus dohot Goar ni Tondi Parbadia na tumompa langit dohot tano on.

R :Amen.U :Ale Jahowa, disulingkit jala ditanda Ho do ahu, sai diboto

Ho do manang na hundul manang na jongjong ahu, gari sian na dao diantusi Ho do pingkiranku.

R :Manang mardalan-dalan manang modom ahu disege Ho do ahu jala tangkas diboto Ho angka dalanku sudena. Ai dang adong nanggo sada hata diatas dilangku, tongon do ale Jahowa diboto Ho do sudena i.

U :Tole sian pudi, tole sian jolo dihaliangi Ho do ahu, jala dilinggom tanganMu do ahu. Tung sumurung do parbinotoan sisongon i di Ho, timbul do Ho ndang hadodoan.

R :Tung tu dia ma tarbahen ahu laho maradophon tondiM? Jala tung tu dia ma tarbahen ahu maradophon bohiM?

U :Tung sura manaek au tu banuaginjang disi do Ho, jala tung sura hubahen banua toru podomanku ida ma disi do Ho. Tung sura manginjam ahu di angka habong ni buha siang ari, laho songgop mian tu bariba ni laut.

R :Nang disi sai toguon ni tanganMu do ahu, jala tiopon ni siamunMu ahu jala tung sura hudok: Haholomon sambing ma manghuphupi ahu. Jadi hatiuron do borngin humaliang ahu. Haholomon i pe ndang mangholom anggo di joloM jala marsinondang do borngin songon arian, songon hatiuron, suang songon i haholomon marimpotimpot. Haleluya.

U :Martangiang ma hita :Ale Tuhan Debata na huhaporseai hami dibagasan Jesus Kristus dohot Tondi Parbadia, na mamillit hami gabe ulaulaM ditongatonga ni huriaM dohot ditongatonga ni rumahtangga nami be, pujipujian mardongan mauliate ma hupasahat hami di sude pasupasuM na nilehonMu tu hami sude angka ina, Sai bahen ma i gabe lam hasangapon dohot hamuliaon ni goarMu asa gabe Pasupasu angka panghobasion nami di na humaliang hami dohot ditongatonga ni keluarganami songon i nang di huriaM. Amen.

4. Manjaha Ayat Epistel : Psalm 92 : 1-6U :Ende di ari Sabbat.R :Na denggan situtu do na mamuji Jahowa dohot

mangendehon goarmu, ale Natumimbul!U :Mamaritahon asi ni roham manogotna i dohot

hasintonganmi bornginna i.R :Mardongan uninguningan sisampulutali dohot

sisampuluduatali dohot hasapi.U :Ai nunga dipalas Ho rohangku, ale Jahowa, marhitehite

angka pambahenanmu, marolopolop do ahu mida angka jadijadian ni tanganmu.

R :Tung na balga do angka jadijadianmu, ale Jahowa, bagas situtu do angka pingkiranmu.

U : Songon i ma sahatna. Martua ma na tumangihon Hata ni Debata jala na umpeopsa. Amen.

5. Marende No.743:1-2 “O Tuhan, togu-togu ma au” Tuhan togu-togu ma au, tu dalan lomo ni rohaMi.

Raphon Ho sonang mardalan au, nang rahis maol sidalananki.TondiMi baen manggohi au on, margogoihon au naposoMon.Pasangap Ho dingolungkon, paima sahat tu surgo au on.

Panghulingi ma au O Tuhan, na rade tumangihon hataM.Sai tumpahi ruasMu Tuhan, na uasan nuaeng di hataM.Sai patau ma au on naposoM, manjou halak na dao sian

Ho.Ro di na so tumanda Ho, muba gabe pangoloi di Ho.

6. Renungan Situasional :Terkadang kejenuhan itu menggerogoti semangat

pekerjaanku. Setiap hari harus melakukan pekerjaan yang sama. Setiap hari hampir tak pernah berhenti, bahkan waktu untuk diri sendiri hampir tidak ada. Dalam hati ku bertanya, apakah hanya saya yang seperti ini? Aku heran ternyata semua yang kulakukan tidak banyak berpengaruh dalam keluargaku. Mengapa? Kucoba menjawab, sesungguhnya ternyata ada luka lama muncul kembali. Luka yang datangnya dari dalam anggota keluarga, bahkan dari suami atau anak-anak kita. Banyak yang membuat kita kecewa, bersedih bahkan sampai menangis dalam menghadapi berbagai pergumulan yang kita hadapi ditengah-tengah keluarga kita masing-masing. Terkadang suami tidak jujur kepada kita dalam setiap rencananya, ditambah lagi dengan sikap anak-anak yang tidak sesuai dengan apa yang kita harapkan bahkan sering membuat kita kecewa dan akhir dari pergumulan itu membuat kita menjadi sakit.

Tuhan…..hanya padaMu jemaatMu memohon, berikan kekuatan dan kebijaksanaan untuk dapat mengatasi segala persoalan hidup kami agar segala sesuatu yang kami lakukan dalam hidup ini bahwa Allah turut bekerja dalam setiap keluarga yang kami hadapi dan kami percaya Tuhan pasti mendatangkan kebaikan bagi setiap yang mengasihi Dia, yaitu bagi mereka yang terpanggil sesuai dengan rencana Allah, yaitu sukacita dan damai sejahtera. (Roma 8:28). Kita tahu sekarang bahwa Allah turut bekerja dalam segala sesuatu untuk mendatangkan kebaikan bagi mereka yang terpanggil sesuai dengan rencana Allah.

7.Marende No. 792: 1-2 “Pasu-pasu hami o Tuhan”Pasu-pasu hami o Tuhan, sai usehon dameMi.

Sai ampehon tanganMi Tuhan, lehon tu au gogoMi.Di portibion baen ma au Tuhan, habaoran ni las ni roha.Tu na marsak i, tu na dangol i, gabe pangapuli i.

Diportibion, baen ma au Tuhan, monang maralohon dosa.Dibahen gogoMi, talu musu i, sibolis pangago i. Pasu-pasu hami ………

8. Doa Syafaat

9. Marende No.327: 1+8 “Aut na saribu hali ganda” (Pelean)

Marujung do nuaeng saminggu Alai basaM ndang songon iAi songon na niusehonMu PasupasuM tu rohangkiLaos songon i tu jolo on Naeng tongosonMu i tongtong.

Ia tarsunggul au manogot Di Minggu na imbaru iMarlasniroha ma hutopot BagasMu parmingguan iAi jaloonku ma disi HataM na sun badia i.

10. Tangiang Panutup.

A C A R A I B A D A H P A G I(Saat Teduh)

1. Joujou tu Parsaoran U :Tabe ma di hamu saluhutna dibagasan holong ni roha ni

Tuhanta Jesus Kristus.R :Tabe ma tutu di hita saluhutna, di pangaramotion ni

Tuhanta di hita, sian na bodari sahat tu manogot on.U :Dongan sahaporseaon na hinaholongan ni Tuhan Jesus

Kristus, nunga salpu muse sadari. Saonari masuk ma hita tu ari naimbaru, di ari Minggu sadarion ima ari na ni lehon ni Debata tu hita. Tahilala do panogunoguon ni Debata tu hita dibagasan na borngin. Nuaeng di manogot on pabinsaron ni Debata ma mataniariNa, ima patuduhon ari na gok Pasupasu tu hita jala ari na mamboan tu haimbaruon, antong marlas ni roha ma hita tapuji ma Ibana, marende ma hita.

2. Marende No.304:1-2 “O Jesus Panondang” Naeng ma pujionku di manogot on.

Ho ale Tuhanku di na ngot au on.

Di na nok matangku diramoti Ho. Au ro di donganku asa sonang do.

Gogo ni dagingku Dipasuang Ho. Siulahononku ari on naung ro.Dohot do rohangku Diramoti Ho. Tiur do matangku manatapi Ho

3. Votum – Introitus :U :Dibagasan Goar ni Debata Ama dohot Goar ni AnakNa

Tuhan Jesus Kristus dohot dibagasan Goar ni Tondi Parbadia.

R :Amen.U :Ale Jahowa, ise do na na jad sorang dibagasan

undungundungMu? Ise do na jadi mian di dolok habadiaonMu?

R :Halak na burju marpangalaho dohot siulahon hatigoran jala halak na sintong dibagasan rohana.

U :Halak na so olo manghata tundal, na so olo mambahen hajahaton tu donganna, jala na so olo mambahen haurahon tu sisolhotna. Halak na so olo paanakhon hepengna jala na so olo manjalo sisip mangalo na lidang roha i. Halak na mangulahon sisongon i, ndang tagamon humordit salelenglelengna. Haleluya.Martangiang ma hita :Ale Tuhan Jahowa, Pargogo na so hatudosan, jala Pardengganbasa. Dijou Ho do halak pardosa asa olo paubahon rohana, laho mangoloi Ho di sandok parngoluonna. Asa diparangehon HataM jala mangolu dibagasan haimbaruon. Asi ma rohaM gohi ma roha ni saluhut angka boruM asa sai manghangoluhon panjouonMi, asa marsangap GoarMu di luat portibi on. Amen.

4. Marende No.307 :1-2 “Mata ni Ari” Mata ni ari binsar saonari lao manondangi lao manorangi.

Mangalaslasi sandok tano on. Dipodomanku na borngin badankuHehe ma ahu nuaeng asa laho, asa huida tiur ari on.

Nasa na uli na pinauli ni Debatangku diida matangku

Na marmulia do Debatangki laos na hutanda huhut na huida

Jambar na uli ni angka na muli sogot tu lambung ni Tuhanta i.

5. Manjaha Hata ni Debata : Psalm 63:1-7U :Ende sian si Daud, uju di halongonan Juda ibana.R :Ale Debata, Ho do Debatangku, sogot do manogotna i

dilului rohangku Ho, mauas do rohangku di Ho, dihalungunhon nang dagingku Ho di tano na dangaron dohot na uasan, soada aek.

U :Songon i do panataphu tu Ho di bagasan * bagas na badia i, * naeng marnida hagogoonmu dohot hamuliaonmu.

R :Ai dengganan do asi ni roham sian hangoluan, sai pujion ni bibirhu ma Ho.

U :Sai songon i ma pamujingku di Ho * saleleng ahu mangolu, mangasahon goarmu * paherbangonku ma tanganku tu ginjang.

R :Mahap ma disi tondingku, songon na mangan tabotabo dohot na talmis, jala las roha ni bibir ni pamanganku mamujimuji.

U :Molo sapala diingot rohangku Ho di atas podomanku, laos torus sabornginna i marhusari ahu taringot tu Ho.Ima sahatna. Martua ma na tumangihon Hata ni Debata jala na umpeopsa. Amen.

6. Marende No.815:1 “Uli do Tingki na Hohom” Uli do tingki na hohom di jolo ni bangsa ni,

Amanghu na rade tongtong manjalo pangidoanhiAi di na marsak rohangki sai diapuli tondingkuMalua sian jorgong i ditingki martangiang i.

7. Doa Syafaat :

8. Marende No.754 :1-2 “Gok Las ni roha do au” Gok las ni roha do au di ngolungkon,

di ngolungkon, dingolungkon.Gok las ni roha do au dingolungkon, tongtong di rohangkon.Mauliate, gok las ni roha, maringan holongMi Tuhan di au.Mauliate, gok las ni roha, maringan holongMi Tuhan di au.

9. Doa Penutup – Amin, Amin, Amin.