CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE...

26
CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along do lapen Lam Arnamlo. 2 Kechengsi alangli Arnam along do. 3 Alangli pen ajok kadokave planglo lapen alangli penpete thangnatta plangplelo. 4 Keplangtang an alangli pen renglo lapen la chethesi monit akatheanglo. 5 Lapen katheang kangting angbong turbomlang lapen kangtingke la aphan haihelo. 6 Inut amonit nang klanglo. Arnam alangli phan toilo. Alangli men Johan. 7 Alangli pen ajok kadokave atum kekroi thekji aphan alangli katheang aphan haki kechodunjisi haki plangsi vanglo. 8 Alangli katheang kali bonta katheang alam haki kechodunjisi alangli vanglo. 9 Abang phutin aphan katheangbom akatheang binong pirthe athak nang klangbomlo. 10 Alangli pirthe athak dolo lapen alangli pirthe peplanglo tebonta pirthe alangli phan chininedetlo. 11 Alangli amethang ahem chevanglo lapen amethang ahem asangho atum alangli phan chakchedetlo. 12 Bonta alangli phan kechak atum, atheke, alangli men aphan kekroibom atum an aphan alangli Arnam asomar atum keplangji ajakong pitekanglo. 13 Vi kalite ok aning kehang pen kalite monit aning kehang pen lapu kali bonta Arnam aning kehang pen ajok latum plango. 14 Lapen Lam ok plangsi kangjinso pen ahok pen kepleng nelitum angbong dorap raplo lapen nelitum alangli dak atur theklonglo. Labangso adak atur sopo po epumpet, aPo pen kelong adak atur ason. 15 Johan alangli lamjir haki chodunlo lapen hangsersi pulo, neli keputang abang labangso abang helo. Atheke, neli pulo, neli phi nang keklangji abang neli phrang littanglo thangbakma neli kave ako alangli dolo. 16 Thangbakma ilitum doan alangli kepleng pen longlo, chenamsi, kangjinso apar kangjinso longlo. 17 Thangbakma Moses aron longsi la pilo; Jisu Khristo pen ajok kangjinso lapen ahok nang klanglo. 18 Baduta Arnam theklonglepinlang. La sopo po epumpet, Arnam, atheke, Po pen karbakhet abang, labangso abangsi Arnam peklanglo. Johan baptist Jisu aphan haki kepi 19 Nangli komatma? Johan adung labangso alam kaparjujisi Judia atumsi prist atum pen pen Levi atum aphan Jerusalem pen nang ketoi dun ahut, Johan labangso ahaki pilo. 20 Alangli chekobirlo; chekrongkre kali lapen chekobirsi pulo, nelike Khristo kali. 21 Lapen latum arjulo, tangte, kopi? Nangli Elijahma? Lapen alangli pulo, neli kali. Nangli hala montrima? Lapen alangli thaksi pulo, lapu kali. 22 Ansi latum alangli phan pulo nangli matma? Thangbakma nelitum aphan ne ketoidun atum aphan thaktheknangji. Nangli nangli methang alamjir pisi puloma? 23 Alangli pulo, Isaiah pu amontri kepu ason, Hemphu atovar pekeng pinon pusi kajajangtang ajo kehangkong ase, la neli helo. 24 Lapen hadak kevang atum Pharisi atumlo. 25 Lapen latum alangli phan arjusi pulo, nangli jongsi Khristo kali Elijah kali lapen hala montrita kali tangte, kopi apotsi baptaizma? 26 Johan latum aphan thaksi pulo nelike lang arlo baptaizlo. Nanglitum alangli phan kachinine, lason abang nanglitum angbong arjapthersi do. Alangli neli phi vangjilang. 27 Alangli kengop ari kephriji neli lason aot kali. 28 La hei hei alam Jordan parai Bethany arongsi planglo. Haladaksi Johan baptaizbomlo. 29 Puthot ami alangli dung Jisu kevang theklongsi alangli pulo, Jo! pirthe apap kevar dam abang, atheke, Arnam aMeresak, aSo. 30 Neli labangso abang alamjir thansi pulo, neli phi inut amonit nang klangji; alangli neli phrang littanglo thangbakma neli kave ako alangli dolo. 31 Neli setta alangli chininedetlo bonta Israel atum aphan alangli kapeklangjisi nelike vangsi lang arlo baptaizbomlang. 32 Lapen Johan haki pisipulo, neli theklonglo vothung ason Karjong sining pen nang kehir lapen alangli phuthak dothiplo. 33 Neli setta alangli chininedetlo bonta lang arlo kabaptaizji aphan neli phan ne ketoi abang, halabangso abangke neli phan pulo, Karjong nang kehir lapen mane abang aphuthak kedothip, nangli la kethekji, aling halabangso abangke Karjong Kangthir arlo kabaptaizji abang helo. 34 Lapen neli theklongtanglo lapen labangso abang helo, Arnam aSopo pusi neli pibomlang. 35 Ako puthot arni Johan asangho atum bang hini pen arjaprapchomsi do 36 lapen tovar kedam a Jisu aphan langdingsi alangli pulo, jo! Arnam aMeresak aSo! 37 Lapen la sangho bang hini alangli kaningje arjulongsi Jisu aphi phi dunlo. 38 Ansi Jisu chetevarsi latum alangli phi kedun theklongsi latum aphan arjulo,

Transcript of CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE...

Page 1: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

CHETHE ATOVAR

JOHAN KETOK ABIRTA KEME

Kecheng alam

1

1 Kechengsi Lam do lapen Lam Arnam along do lapen Lam Arnamlo. 2 Kechengsi alangli Arnam along do. 3

Alangli pen ajok kadokave planglo lapen alangli penpete thangnatta plangplelo. 4 Keplangtang an alangli pen

renglo lapen la chethesi monit akatheanglo. 5 Lapen katheang kangting angbong turbomlang lapen kangtingke

la aphan haihelo. 6 Inut amonit nang klanglo. Arnam alangli phan toilo. Alangli men Johan. 7 Alangli pen ajok

kadokave atum kekroi thekji aphan alangli katheang aphan haki kechodunjisi haki plangsi vanglo. 8 Alangli

katheang kali bonta katheang alam haki kechodunjisi alangli vanglo. 9 Abang phutin aphan katheangbom

akatheang binong pirthe athak nang klangbomlo. 10 Alangli pirthe athak dolo lapen alangli pirthe peplanglo

tebonta pirthe alangli phan chininedetlo. 11 Alangli amethang ahem chevanglo lapen amethang ahem asangho

atum alangli phan chakchedetlo. 12 Bonta alangli phan kechak atum, atheke, alangli men aphan kekroibom

atum an aphan alangli Arnam asomar atum keplangji ajakong pitekanglo. 13 Vi kalite ok aning kehang pen

kalite monit aning kehang pen lapu kali bonta Arnam aning kehang pen ajok latum plango. 14 Lapen Lam ok

plangsi kangjinso pen ahok pen kepleng nelitum angbong dorap raplo lapen nelitum alangli dak atur

theklonglo. Labangso adak atur sopo po epumpet, aPo pen kelong adak atur ason. 15 Johan alangli lamjir haki

chodunlo lapen hangsersi pulo, neli keputang abang labangso abang helo. Atheke, neli pulo, neli phi nang

keklangji abang neli phrang littanglo thangbakma neli kave ako alangli dolo. 16 Thangbakma ilitum doan

alangli kepleng pen longlo, chenamsi, kangjinso apar kangjinso longlo. 17 Thangbakma Moses aron longsi la

pilo; Jisu Khristo pen ajok kangjinso lapen ahok nang klanglo. 18 Baduta Arnam theklonglepinlang. La sopo

po epumpet, Arnam, atheke, Po pen karbakhet abang, labangso abangsi Arnam peklanglo.

Johan baptist Jisu aphan haki kepi

19 Nangli komatma? Johan adung labangso alam kaparjujisi Judia atumsi prist atum pen pen Levi atum aphan

Jerusalem pen nang ketoi dun ahut, Johan labangso ahaki pilo. 20 Alangli chekobirlo; chekrongkre kali lapen

chekobirsi pulo, nelike Khristo kali. 21 Lapen latum arjulo, tangte, kopi? Nangli Elijahma? Lapen alangli pulo,

neli kali. Nangli hala montrima? Lapen alangli thaksi pulo, lapu kali. 22 Ansi latum alangli phan pulo nangli

matma? Thangbakma nelitum aphan ne ketoidun atum aphan thaktheknangji. Nangli nangli methang alamjir

pisi puloma? 23 Alangli pulo, Isaiah pu amontri kepu ason, Hemphu atovar pekeng pinon pusi kajajangtang

ajo kehangkong ase, la neli helo. 24 Lapen hadak kevang atum Pharisi atumlo. 25 Lapen latum alangli phan

arjusi pulo, nangli jongsi Khristo kali Elijah kali lapen hala montrita kali tangte, kopi apotsi baptaizma? 26

Johan latum aphan thaksi pulo nelike lang arlo baptaizlo. Nanglitum alangli phan kachinine, lason abang

nanglitum angbong arjapthersi do. Alangli neli phi vangjilang. 27 Alangli kengop ari kephriji neli lason aot

kali. 28 La hei hei alam Jordan parai Bethany arongsi planglo. Haladaksi Johan baptaizbomlo. 29 Puthot ami

alangli dung Jisu kevang theklongsi alangli pulo, Jo! pirthe apap kevar dam abang, atheke, Arnam aMeresak,

aSo. 30 Neli labangso abang alamjir thansi pulo, neli phi inut amonit nang klangji; alangli neli phrang littanglo

thangbakma neli kave ako alangli dolo. 31 Neli setta alangli chininedetlo bonta Israel atum aphan alangli

kapeklangjisi nelike vangsi lang arlo baptaizbomlang. 32 Lapen Johan haki pisipulo, neli theklonglo vothung

ason Karjong sining pen nang kehir lapen alangli phuthak dothiplo. 33 Neli setta alangli chininedetlo bonta

lang arlo kabaptaizji aphan neli phan ne ketoi abang, halabangso abangke neli phan pulo, Karjong nang kehir

lapen mane abang aphuthak kedothip, nangli la kethekji, aling halabangso abangke Karjong Kangthir arlo

kabaptaizji abang helo. 34 Lapen neli theklongtanglo lapen labangso abang helo, Arnam aSopo pusi neli

pibomlang. 35 Ako puthot arni Johan asangho atum bang hini pen arjaprapchomsi do 36 lapen tovar kedam a

Jisu aphan langdingsi alangli pulo, jo! Arnam aMeresak aSo! 37 Lapen la sangho bang hini alangli kaningje

arjulongsi Jisu aphi phi dunlo. 38 Ansi Jisu chetevarsi latum alangli phi kedun theklongsi latum aphan arjulo,

Page 2: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

nangtum kopisi nangji? Lapen latum alangli phan pulo, Rabbi, atheke, Pondit, nang konatsi doloma? 39

Alangli latum aphan pulo, vangtha lapen nangtum theklongpo. Ansi latum damsi alangli kedo adim thek damlo

lapen halabangso arni alangli long dodunlo. Arni kangsam abazi phili anbak plangtanglo. 40 Johan alam karju

lapen Jisu aphi kedun halabangso bang hini angbong inutke Simon Pitor akorte Andrew. 41 Labangso abang

lengphitsi amethang akorte Simon ri damsi alangli phan pulo, netum Messiah, atheke Khristo longtanglo. 42

Alangli alangli Jisu adung vanlo. Jisu alangli phan langdingsi pulo nangke Johan asopo Simon. Nang phan

Cephas, atheke Pitor, pudetji. 43 Puthot arni Jisu Galilee adet kedamji aning chepethiro lapen alangli Philip

risi longlo lapen alangli phan pulo, ne phi phi duntha. 44 Bonta Philip Bethsaida arong asor. Lake Andrew

lapen Pitor arong. 45 Philip Nathanael ri damsi alangli phan pulo, montri atum lapenke aronsi Mosesta inut

amonit alamjir toklo. Netum halabangso abang longtanglo; Nazareth arong kedo Joseph asopo Jisu, alangli

helo. 46 Lapen Nathanael alangli phan pulo, Nazaraeth pen kopine akeme klang unjima? Philip alangli phan

pulo, vangra langtha. 47 Jisu amethang adung Nathanael kevang theklongsi alangli lamjir pusi pulo, Israel

ahok abang chenam; aning arlo kapacherei thangta ave. 48 Nathanael alangli phan pulo, nangli kopusi ne

chinima? Jisu thaksi alangli phan pulo, Philip nang phan phaphe ako; nang ha thebo arong arum kedoun ne

nang theklonglo. 49 Nathanael alangli phan thaklo, Rabbi nangke Arnam aSopo; nangsi Israel arecho. 50 Jisu

alangli phan thaksi pulo, nang thebo arong arum kedoun ne nang theklonglo pusi, ne nang phan la kepu apot

nang kroiloma? Nang la apar akethe alam hei hei theklongji. 51 Lapen alangli alangli phan pulo, chenam,

chenamsi ne nangtum aphan nang pulang, nangtum sining kangpudang theklongji lapen Monit aSopo athak

Arnam atekala atum karlu lapen nang kehir theklongji.

Cana arong piso kapangri

2

1 Lapen penapdik Galilee adet Cana arong piso kapangri dolo. Lapen Jisu apei haladak dunlo. 2 Lapen piso

kapangri ahut Jisu aphanta lapen asangho atum aphan phalo. 3 Lapen drakha alang ikdetsi Jisu apei alangli

phan pulo, latum drakha alang ave. 4 Lapen Jisu alangli phan pulo, nangli mathanangne, pei! Neli hut nang

hirhelang. 5 Alangli pei hala sakor atum aphan pulo, alangli nangtum aphan nang kepu alingle klemnon. 6

Haladak arlong ahing throk bitekanglo. Atheke, Judia atum kachepangthir aniom, lahelo. Labangso ahingtin

monni monthom jang. 7 Jisu halatum aphan pulo, la hing doan lang pen peplengnon. Lapen halatum la doan

kungmairi peplengsetlo. 8 Lapen alangli halatum aphan pulo, nonke la sokra kecho kejun ahemphu aphan

ponnon. Lapen halatum la ponlo. 9 Lapen kecho kejun ahemphu hala lang pen keplang adrakha alang

chomatsi (lapen alangli la konat pensi kevang chininedetlo bonta ha lang kesok asakor atum chinilo) piso

kapangri abang aphan hangsi 10 alangli phan pulo, abang phutin amonit aphrangke drakha alang akeme

inglelo lapen monit atum junpik aphisi la apar akelam muchot inglepo; nangke drakha alang keme non anta

bibomlang. 11 Jisu la kecheng angthek Galilee adet, Cana arongsi klemlo. Lapen alangli methang adak atur

peklanglo lapen asangho atum alangli phan kroilo. 12 La aphi alangli lapen apei lapen amumar lapen asangho

atum Capernaum hir damlo lapen hadak doparpelo.

Kardom ahemthepi kapangthir

13 Lapen Judia atum Kejok aMei ahut tebokhedo lapen Jisu Jerusalem arlu damlo. 14 Lapen kardom ahem

thepi arlo chainong, lapen meresak lapen vothung kejor atum lapen tangka kelar atum ingnikursi do, la alangli

theklonglo. 15 Lapen ari pen champre abu selamsi alangli la doan kardom ahem thepi pen champre abu

selamsi alangli la doan kardom ahem thepi pen phlunglo, meresak lapen chainongta; lapen tangka kelar atum

atangka an thok pietlo lapen amez an tharlelo 16 lapen vothung kejor atum aphan alangli pulo, la hei hei ladak

pen ponnon. Neli Po ahem bepari ahem pinchongrinon. 17 Nang hem aphan kemon-e lake ne phan chodetji,

labangso alam Hastrosi do pu asangho alum chemathathulo. 18 Ansi Judia atum thaksi alangli phan pulo,

lason akam keklem apot nangli nelitum aphan kopi angthek ne peklang thekjima? 19 Jisu thaksi alanglitum

aphan pulo, la kardom ahem thepi, kangthir phrinon lapen nithom angbong neli ako kimthusi petangji. 20 Ansi

Judia atum pulo, la kardom ahem th'epi kangthir ningkan phlikepra throk aphrang pen kimlo lapen nanglike

nithom angbong kimthusi petangjima? 21 Bonta alangli methang abang arpum kardom ahem thepi, kangthir

Page 3: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

alamjir pulo. 22 Ansi alangli kethitang atum angbong pen thurdetsi alangli lapusonsi pulo pu asangho atum

chemathathulo, lapen halabangso aHastro lapen Jisu kepu alamta kroilo. 23 Ansi alangli Jerusalem Kejok

aMei kachedunun penang atum alangli keklembom angthek theksi alangli men aphan kroilo. 24 Bonta Jisu

amethangsi halatum arideng kachepijisi kroikrelo thangbakma alangli kadokave atum chinipetlo lapen mane

abangke monit alamjir alangli phan thannangji, lapu kali. 25 Thangbakma monit aning arlo kopi pi do, lake

alangli chechinilo.

Nicodemus pen kachingki

3

1 Judia atum kangsai ameipi membor atum angbong, Nicodemus pu abang inut aPharisi dolo. 2 Alangli ajosi

Jisu along vangsi alangli phan pulo, nangli Arnam along pen kevang apondit lake nelitum chinilo, Rabii.

Thangbakma Arnam alangli long ave tangte nangli la keklembom angthek hei hei baduta klem une. 3 Jisu

thaksi alangli phan pulo, neli chenam, chenamsi nangli phan nang pulang, angsong pen amahang thekthete

baduta Arnam arat theklong une. 4 Nicodemus alangli phan pulo, inut kesartang amonit kopusonsi amahang

thek unjima? Apei apok batai hini aphong chelut damthura amahang thekthu une, kalima? 5 Jisu thaklo,

chenam, chenamsi neli nangli phan nang pulang budutame lang lapen Karjong penle amahang thekthete

alangli Arnam arat lut une. 6 Ok pen amahang kethek aling, lake ok lapen Karjong pen amahang kethek aling,

lake karjong. 7 Angsong pen nanglitum amahang theknangji pusi neli nangli phan nang kepu apot nangli

manghunangne. 8 Tomon aning kehang aling vang lapen nangli la arki arju bonta la konat pensi kevang,

konatsi kedam, nangli la chinine. Karjong pen amahang kethektang atum an lapuson. 9 Nicodemus thaksi

alangli phan pulo, la hei hei kopusonsi plang unjima? 10 Jisu thaksi alangli phan pulo, nanglike Israel apondit

binong lapen la hei hei alam chininelangma? 11 Chenam, chenamsi neli nangli phan nang pulang, kopisi kepu

lake nelitum chinilo lapen nelitum alam aphan haki chodun ketheklong tebonta nanglitum nelitum ahaki

dengdelo. 12 Neli, jongsi, nanglitum aphan pirthe alam thantanglo lapen nanglitum kroikrelo tangte, neli,

jongsi, sining alam nanglitum aphan nang thanlote nanglitum kopusonsi kroi thekjima? 13 Lapen sining pen

nang kehir abang atheke, Monit aSopo apar baduta sining athak aruledetlo. 14 Lapen kajajangtang ajosi

Moses hala phirui kerung asonthot, 15 lasonthak thaksi Monit aSopo aphan kekroi abang phutin, kejut une

achethe kedoji aphan bang atum Monit aSopo rungnangji. 16 Thangbakma Sopo aphan kekroi atum angbong

pen baduta kevirvedetji bonta kejut une achethe kedoji aphan Arnam amethang aSopo po epumpet pilo.

Arnam lapu anta pirthe aphan inghonlo. 17 Thangbakma pirthe ado kapedojisi lapu kali, bonta aSopo pen ajok

pirthe kejok thekji aphan Arnam aSopo aphan pirthe athak nang toilo. 18 Alangli phan kekroi abang aphan

ado kapedo avedet. Kekroikre abang aphan ado pedotanglo thangbakma alangli Arnam aSopo po epumpet

amen aphan kroikredetlo. 19 Bonta kangsai athe lahelo, atheke, katheang binong pirthe athak nang

klangtanglo tebonsetta monit atum la katheang aphan kali, kangting binong aphan inghonlo thangbakma

halatum akam hingno. 20 Thangbakma thangta kali akam keklem abangke labangso akatheang aphan hijimlo

lapen akam hei hei keklangkledetjisi alangli la katheang along vangve. 21 Bonta ahok keklem abangke akam

hei hei Arnam pen klemtanglo, la keklangjisi labangso akatheang adung kevang.

Aphrang apar Johan baptist Jisu aphan haki chepidun

22 La hei hei aphisi Jisu lapen asangho atum Judea alongri damsi alangli halatum along dodunlo lapen

baptaizbomlo. 23 Lapen Johanta, Salim adung Aenon pu adim baptaizbomlo thangbakma haladak lang do-o

lapen monit atum vangbomsi baptisom enbomlo. 24 Thangbakma halabangso ahut Johan aphan phatek

bengbelang. 25 Ansi Johan asangho atum lapen inut Judia amonit kachepangthir alam chedanlo. 26 Lapen

halatum Johan along damsi alangli phan pulo, Jordan hapu parai nangli long kedo abang, atheke nangli alangli

phan haki chodunlo, chiniiktha, Rabbi, halabangso abangke, baptaizbomlo lapen kadokave atum alangli dung

dambom. 27 Johan thaksi pulo, sining pen alangli phan pipete baduta thangta long une. 28 Ne pulo, neke

Khristo kali bonta alangli phrang ketoitang abanglo, labangso alam nangtum amethang methangsi ne phan

haki pi theklo. 29 Apiso kimi kedo abang, helo, penam kimi abang. Bonta penan kimi ajirpo, hadak karjapther

lapen alangli se karju abang, alangli penam kimi ase apot ning arong-olo. Tangte, la ne ning arong plengtanglo.

Page 4: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

30 Alanglile thebomnangji bonta nele bibomnangji. 31 Angsong pen kevang abangke kadokave atum

aphuthak. Pirthe pen keplang abangke pirthe pen keplang lapen pirthe pen kepu. Sining pen kevang abangke

kadokave atum aphuthaklo. 32 Alangli kethektang lapen karjulongtang, labangso alam ahaki pibom bonta

baduta alangli haki dengde. 33 Ahaki kedeng abangke sap ketheng asonsi Arnam ahok pusi chekrongtanglo.

34 Thangbakma Arnam ketoitang abangke Arnam alam ningje thangbakma alangli linledetsi Karjong pibomlo.

35 Poke Sopo chinghon lapen kadokave an alangli rideng pitekanglo. 36 Sopo kekroi abangke kejut une

achethe do; bonta. Sopo alam karjuje abangke chethe theklongledetji bonta Arnam aning kethi alangli

phuthak dobom.

Jisu lapen samaria arloso

4

1 Ansi Jisu Johan apar ongmu asangho peplang lapen baptaizbomlo - 2 bonsetta Jisuke kali, bonta asangho

atum baptaizlo - 3 Pharisi atum labangso alam arjulonglo pu Hemphu kachini pen mamat Judea adet otekangsi

puthot Galilee adet damlo. 4 Bonta alangli Samaria adet atovar damnangkoklo. 5 Lasi alangli Sychar pu

Samaria adet arongsopi lelo. Lake Jakob asopo Joseph aphan kepi ahavar tebokhet 6 lapen hadak Jakob alang

amek dolo. Ansi Jisu tovar kedam pen lakhuisi lapusonsi lang amek amangkui ingnilo. 7 Nerlo chitim anbaklo.

Samaria arloso inut lang kesokji vanglo. Jisu alangli phan pulo, lang kejunji neli pitha. 8 Thangbakma kecho

kejun ahormu kenamjisi asangho atum rongsopi damkoilo. 9 Ansi Samaria arloso alangli phan pulo, nanglike

Judia amonitle, Samaria arloso, la neli phan, lang kejunji neli pitha pusi kopusi chohangloma? Thangbakma

Judia atum lapen Samaria atum thangta cheune. 10 Jisu thaksi alangli phan pulo, nangli jongsi, Arnam ekepi

adan lapen nangli phan lang kejunji neli pitha pusi kepu abang komatma, lasonni alam chini asonte nangli

alangli long chohangji apotlo lapen alangli nangli phan kereng alang piji apotlo. 11 Alangli alangli phan pulo,

nangli lang kesok ajohton ave, Hemphu, lapen langtuk arnukkrung; nangli, tangte, kereng alang konat pensi

kelong? 12 Nelitum aphan la langtuk ne kepi abang nelitum apo Jakob lapen alangli lapen asopomar atum

lapen achainong atum la pen junlo, nanglike halabangso abanga par themuma? 13 Jisu thaksi alangli phan

pulo, labangso alang kejun abang phutin puthot ingitthujilang. 14 Bonta neli alangli phan kepiji alang kejun

abang aling kai apar akai anta ingitthuthepinji. Bonta neli alangli phan kepiji alang, lake alangli arlo lang amek

cheplangsi kejut une achethe aphan ingbopji. 15 Labangpi alangli phan pulo, Hemphu, neli puthot kangitedetji

kalite lapuan akahelo ladak lang kesokji aphan vang nangnedetjile labangso alang neli pitha. 16 Alangli alangli

phan pulo, nangli penan chehang damra ladak vangthutha. 17 Labangpi thaksi pulo, neli penan ave. Jisu

alangli phan pulo, neli penan ave pusi nangli pupemelo 18 thangbakma labangso aphrangke nangli penan bang

phoh dotanglo lapen non nangli long kedo abangke nangli penan kali; nangli keputang alam ahok. 19

Labangpi alangli phan pulo, hemphu, nangli montrilo, lake neli theklonglo. 20 Nelitum aphusar atum labangso

anglong athak ardomlo tebonsetta nanglitum pulo, kardomnangji adim Jerusalemsi do. 21 Jisu alangli phan

pulo, neli kroitha, pei, labangso anglong athak kalite Jerusalemsi nanglitum Po aphan ardomdedetji, lason ahut

hirji. 22 Nanglitum kopi aphan ardomlo thangta chinine; nelitum kopi aphan ardomlo chinilo thangbakma

kejok, lake Judia atum pensi kevang. 23 Bonta kardom binong atum karjong lapen ahok pen Po aphan ardomji

lason ahut hirji, ahoklo nonta nang hir tanglo. Thangbakma chenamsi, Poke lason kardom atum aphan rilo. 24

Arnamke Karjonglo; lapen alangli phan kardom atum karjong lapen ahok pen ardomnangji. 25 Labangpi

alangli phan pulo, Khristo pu abang Messiah vangji pu neli chinilo. Alangli kevang ahut ilitum aphan

kadokave alam ethanji. 26 Jisu alangli phan pulo, nangli long kachingki abang, nelisi halabangso abanglo. 27

Hala mamat asangho atum vangthulo lapen alangli arloso inut pen kachingki apot manghuphronglo tebonta

kopisi kehang ba kopiapotsi labangpi pen chingkilo pu baduta alangli phan arjujedetlo. 28 Ansi arloso atibuk

chebikoksi rongsopi damjuilo lapen monit atum aphan pulo, 29 ne keklemtang akam an ne phan ne kethan

abang langduntha. Alangli Khristole? 30 Halatum rongsopi pen nang barsi alangli dung vangkoilang. 31 La

keplangun, sangho atum alangli phan choningrisi pubomlo, Rabbi, chotha. 32 Bonta alangli latum aphan pulo,

nangtum kachinine, ne lason kecho-i a-an dolo. 33 Ansi sangho atum lahin lahin chepulo komane abang

alangli phan kecho ahormu vantanglobo? 34 Jisu latum aphan pulo, ne phan ne ketoi abang aning kehang

kapeplengji lapen alangli kam kapetangji la helo, ne an. 35 Sok rotretik chiklo jon phili dojilang pusi nangtum

Page 5: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

pu, kalima? Bonta chiniiktha ne nangtum aphan nang pulang nangtum aphu chingthurra arit hei hei langtha

thangbakma la hei hei kerotji aphan jangtanglo. 36 Kerot abang pen chili kerik abangta kachehok thekji aphan

non setta kerot abang anam long lapen kejut une achethe aphan athe pangrum. 37 Thangbakma la anke

halabangso alam lam binonglo, atheke, inutke chili kerik, anut kaprek sok kerot. 38 Nangtun kam

kachepedukde ajosi sok kerotjisi ne nangtum aphan nang toitanglo. Akaprek atum chepeduktanglo lapen

nangtumke halatum kachepeduk akam athe chodun longtanglo. 39 Ne keklemtang akam an la alangli ne phan

ne thanlo pusi halabangso arloso haki kechodun apotsi halabangso arongsopi aSamaria atum angbong pen

penang atum alangli phan kroilo. 40 Lasi Samaria atum alangli dung kevang ahut alangli phan choningrisi

pulo, nelitum along dotha. Lapen alangli nini hadak dodunlo. 41 Lapen aphrang apar akeongdung atum alangli

lam apot kroidunlo lapen hala arloso aphan pulo, 42 nonke nang kaningje alam apot netum kroilo lapu kali

thangbakma netum methangsi arjutanglo lapen, ahoklo, alangli helo, pirthe kapejok abanglo, lake netum

theklonglo. 43 Hala nini aphi alangli hadak pen barsi Galilee adet damlo. 44 Thangbakma Jisu amethangsi

haki pisi pulo montrike amethang adet aman ave. 45 Ansi alangli Galilee adet kele ahut Galilee atum alangli

phan chaklo thangbakma Jerusalemsi halabangso amei ahut alangli keklemtangakam an halatum thekdunlo.

Thangbakma halatumta halabangso amei dunlo.

Galilee adet Jisu recho a-offisar asopo aphan kapemethu

46 Ansi alangli puthot Galilee adet Cana arong vangthulo. Hadak alangli aphrangke lang pen drakha alang

peplanglo. Lapen sorkar amonit dolo. Alangli sopo Capernaumsi sodetlo. 47 Jisu Judea adet pen Galilee adet

vangtanglo pu arjulongsi hala abang alangli dung damsi choningrisi pulo, hirra neli sopo pemethutha.

Thangbakma hala thijidok doklo. 48 Ansi Jisu alangli phan pulo, angthek hei hei lapen kamatha thekthedet

akam hei hei thekthete nangtum kaiketa kroikredetji. 49 Hala sorkar amonit alangli phan pulo, Hemphu, neli

so thithe akole hirtha. 50 Jisu alangli phan pulo, damtha, nangli sopo rengpo. Halabangso amonit Jisu alangli

phan kepu alam kroilo lapen damlo. 51 Lapen alangli kehir damun aban atum alangli phan kangthumji vangsi

pulo, nangli sopo rengpo. 52 Ansi kopuan abazi pen kemeji pangchenglo pusi alangli halatum aphan arjulo.

Ansi halatum alangli phan pulo, tumi arni tilichot pen ase kahari hamlo. 53 Ansi halabangso ahut mamat helo,

Jisu alangli phan nangli sopo rengpo pu kepu ahutlo pu apo chinilo. Lapen alangli lapen ahem asangho atum

an kroipetlo. 54 Jisu Judea adet pen Galilee adet vangdetsi alangli batai hini aphong keklemtang angthek

lahelo.

Bethesda pu abi akung keso pangji abang kapemethu

5

1 La hei hei aphisi Judia atum chojun amei dolo lapen Jisu Jerusalem arlu damlo. 2 Jerusalem Meresak pu

anghap adung Ibri alam Bethesda pu abi dolo. Hala akung mandu hum phoh do. 3 Hala arlo akeongpi keso

pangji atum, atheke amek kaselok, akeng katekok, thiklak atum tiruisi dobom 5 Hadak ningkan keso pangji

inut abang dolang. 6 Jisu alangli ke-i theksi lapen hadak ajirdingklui pen dolang pu chinsi alangli phan pulo,

nangli kemedetjisi nangli ninghangma? 7 Tirok abang alangli phan thaklo, Hemphu, lang apotani kethur ahut

neli phan ne kapesunji abang ave bonta neli kevangun akaprek abang neli phrangke sunver. 8 Jisu alangli

phan pulo, thurra nangli tarthui cheponra keng kam chejornon. 9 Lapen hala mamat halabangso amonit

medetlo lapen alangli atarthui cheponsi kengkam chejorlo. 10 Bonta halabangso arni kesang arni. Lasi Judia

atum halabangso kemedet abang aphan pulo, pini kesang arni lapen nang tarthui kepon kertang. 11 Bonta

alangli halatum aphan thaklo, ne phan kapeme abang, halabangso abangsi ne phan nangli tarthui cheponra

keng kam chejortu pusi ne pulo. 12 Halatum alangli phan arjulo, cheponra keng kam chejornon pusi nang

phan nang kepu abang komatma? 13 Bonta alangli komatma, lake kemedet abang chininelang. Thangbakma

hadak monit akeongpi dosi Jisu damjuilo. 14 La hei hei aphi kardom ahem thepisi Jisu alangli phan risi alangli

phan pulo, mathanon nangli metanglo; aphrang apar kopine hingnomuchot alam nangli phuthak

keklokledetjile, non pen apara pap klemri. 15 Halabangso amonit damsi Judia atum aphan pulo, ne phan

kapeme abang Jisu, helo. 16 Lapen la apotsi Judia atum Jisu aphan kachenekji pangchenglo atheke,

thangbakma alangli kesang arni la hei hei akam keklem pangchenglo. 17 Bonta Jisu halatum aphan chethaklo,

Page 6: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

neli Po nonputa klembomlang lapenke nelita klembomlo. 18 La apotsi Judia atum aphrang apar alangli phan

kapethiji abidi ri pangchenglo, atheke thangbakma, alangli kesang arni kroikrelo, lapuanchot kalilang bonta

Arnam neli methang aPolo; lata pusi alangli methangsi Arnam pen chepachingbarchitlo.

Jisu po pen ajakong longchot pusi kethan

19 Ansi Jisu chethaksi halatum aphan pulo, chenam, chenamsi neli nanglitum aphan nang pulang, Po keklem

akam an, Sopoke la kethekdun apar amethangsi thangta klem une. Thangbakma halabangso abang keklem

aling, Sopota lapusonsi la hei hei klem. 20 Thangbakma Poke Sopo aphan chinghonlo lapen amethangsi

keklembom akam an alangli phan peklang lapen nanglitum aphan kapamanghuphrongjisi alanglila apar akam

themu hei hei alangli phan peklangjilang. 21 Thangbakma Poke kethitang atum kapethur lapen kaperengbom

asonthot, lasonthak thaksi Sopota aning kehang aling bang aphanta pereng. 22 Thangbakma Po badu aphan

ingsaise bonta kadokave atum Po aphan aman kepi asonthotsi Sopo aphanta aman kepiji aphan alangli kangsai

akam doan Sopo arideng pitekanglo. 23 Sopo aphan aman kepipe abangke Sopo aphan nang ketoi abang

atheke Po aphanta aman pipe. 24 Chenam, chenamsi neli nanglitum aphan nang pulang, neli lam karju lapen

neli phan ne ketoi abang aphan kekroi abang kejut une achethe do lapen kangsai anghoi angno arjapje bonta

alangli kethi angbong pen damsi chethe angbong lut damtanglo. 25 Chenam, chenamsi neli nanglitum aphan

nang pulang, kethitang atum Arnam aSopo ase arjuji lapen karju atum rengji, lason ahut hirji lapen nonke nang

hirtanglo. 26 Thangbakma Po amethang achethe kedo asonthot lasonthak thaksi Sopo achethe kedojisi alangli

phan pitanglo. 27 Lapen kangsaiji ajakong alangli alangli phan la pitanglo thangbakma alangli Monit aSopolo.

28 La aphan manghuri thangbakma theri kedo atum an alangli se arjuji 29 lapen akeme keklemtangatum

chethe akethur aphan akam kahingno keklemtang atum kangsai akethur aphan nang barji, lason ahut hirji. 30

Neli methang ajakong pen thangta klem une. Karju asonsi neli ingsailo lapen neli kangsai ahok thangbakma

neli ning kehang kali bonta neli phan ne ketoi abang aning kehang aphansi neli rilo.

Jisu aphan haki kechodun alam

31 Neli methang aphan jongsi neli haki chodun tangte, neli haki ahokhe. 32 Neli phan haki kechodunbom anut

kaprek dolo lapen alangli neli phan haki kechodun alam ahok pusi neli chinilo. 33 Nanglitum Johan adung

monit aphan toilo lapen alangli ahok aphan haki chodunlo. 34 Bonta nelike kedeng thek ahaki, lake monit pen

kali; tebonta nanglitum kejok thekji aphan neli la hei hei puchotlo. 35 Halabangso abangke hala kekarang

lapen keturdang amelurlo. Lapen nanglitum cherso ahut an alangli ketheang pen kachehokojisi nanglitum

aningdoklo. 36 Bonta Johan ahaki apar themu, neh lason ahaki do thangbakma kapetangjisi Po neli phan ne

kepi akam hei hei neli klembomlo lapen Po neli phan ne toitanglo pu la hei hei akam mamat haki pi. 37 Lapen

neli ne ketoi aPota neli phan haki choduntanglo. 38 Nanglitum kaiketa alangli se arjujedetlo lapenke alangli

arje theklongledetlo lapen alamta nanglitum aning arlo dode thangbakma alangli nang ketoitang abang aphan

nanglitum kroikre. 39 Nanglitum Hastro alam ingchapbom thangbakma nanglitum la pen ajok kejut une

achethe longji pusi aning mathalo. Lapen la Hastro mamat neli phan haki chodun. 40 Tebonta chethe kelongji

aphan neli long kevangjisi nanglitum aninghanghe. 41 Neli monit pen aman dengde 42 bonta neli nanglitum

chinipemelo, atheke, nanglitum aning arlo Arnam aphan akanghon ave. 43 Neli neli Po amen pen vantanglo

tebonta nanglitum neli phan chakche. Anut kaprek jongsi, amethang amen penle vanglote, nanglitum alangli

phan chakji. 44 Lahin lahin pen aman kachedengbomun lapen inutpet Arnam pen kevang aman aphan

kacherireun nanglitumle kopusonsi kroi unjima? 45 Neli nanglitum adai Po angno tinji pu mathari. Nanglitum

adai ketin abang do, atheke, Moses. Nanglitum alangli phuthak ningtheklonglo. 46 Thangbakma nanglitum

Moses aphan kroi asonte, nanglitum neli phanta kroiji apotlo. Thangbakma alangli neli lamjir toklo. 47 Bonta

nanglitum jongsi alangli ketok alam kroikrelang tangte, kopusonsi neli lam kroithekjima?

Bang 5000 amonit an kapecho

6

1 Aphisi Jisu Galilee, atheke, Tiberias, atalo parai damlo. 2 Lapen akeongpi amonit atum alangli phi

Page 7: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

dunbomlang thangbakma alangli keso atum aphuthak keklembom angthek hei hei halatum thekbomlo. 3

Bonta Jisu inglong athak arlu damlo lapen asangho atum pen pen hadak ingnilo 4 Kejok aMei, atheke, Judia

atum chojun ahut tebokhetlo. 5 Lasi Jisu aphu chingthursi alangli dung monit akeongpi vanglang la theklongsi

Philip aphan pulo, halatum kechoji aphan ilitum konatsi him nam thekjima? 6 Alangli asat langsi la pulo,

thangbakma kopisi klemji, lake alangli methangsi chechinilo. 7 Philip alangli phan thaklo, abang phutin asap

sap cholote pharo atangka ahim dordedetji. 8 Asangho inut, Andrew pu abang, Simon Pitor akorte, alangli

phan pulo, ladak inut pinso aoso do. 9 La along jodhan ahim plang phoh lapen anuphi jonni do; bonta laan

amonit aphan la kopima? 10 Jisu pulo, monit atum pei-i-cherchakkreinon. Lapen hadak bapso do-olo. Ansi

latum i-cherchaklo. Pinsomar bang suri phoh anbak do. 11 Ansi Jisu ha him enpetsi rosi, ke-i-cherchak atum

aphan baklo, lapen lapusonsi nuphita, halatum aning kehang an. 12 Lapen halatum ingkrangdetsi alangli

asangho atum aphan pulo, thangnatta kevirvedetjile ahin achet an pangrumnon. 13 Ansi latum hala kebeng

achet an, atheke, halatum hala plang phohno jodhan ahim chodetsi abeng achet pangrumsi ton krehini

peplenglo. 14 Ansi halabangso amonit atum alangli keklemtang angthek theksi pulo, ahoklo, pirthe athak nang

keklangji amontri, alangli, helo.

Jisu ingsamri adim kedam: lang athak akeng kam kachejor

15 Ansi halatum alangli phan recho kebatji aphan kabor-i kabor-a pen vangji dok doklo. Jisu la chinisi

inutpetsi puthot inglong athak katjuilo. 16 Bonta arni kangsam ahut asangho atum hirsi talo akung damlo 17

lapen telong chethapkoisi Capernaum anat talo kekapjisi barlo lapen nonhetsi ingtinglo lapen Jisu halatum

adung vangvelang. 18 Lapen tomonpi vangsi talo apotani themuchot, muchotbomlang. 19 Ansi mail kethom,

phili anbak telong vekdetsi halatum telong tebokhetsi talo athak Jisu akeng kam kachejor theklonglo lapen

pherehurlo. 20 Bonta alangli halatum aphan pulo, ne lema pherenangne. 21 Ansi halatum alangli phan telong

kapachethapji aninghanglo. La pen hala mamat halatum kapeleji bor-ibom adim telong halabangso adim nang

lelo.

Rat atum angthek eson kehang

22 Puthot arni talo parai kedolang armu theklonglo, atheke lahelo, hadak tove telongso ehong apar avelo

lapen asangho atum pen Jisu chethapthelo bonta asangho atum damchotlo. 23 Bonta Tiberias arongsopi pen

telongso hei hei halatum Hemphu kero ahim kecho adim tebokhetsi vanglo. 24 Ansi Jisu kalite asangho atum

hadak ave, armu la theklongsi Jisu aphan risi telongso hei chethapsi Capernaum damlo. 25 Lapen talo parai

alangli longsi halatum alangli phan pulo, nangli konamthusi ladak vangloma, Rabbi?

Chethe a-an

26 Jisu thaksi halatum aphan pulo, chenam, chenamsi neli nanglitum aphan nang pulang, angthek hei hei

kethekdun apot lapu kali, bonta halabganso ahim chosi nanglitum kangkrang apot neli phan rilo. 27 Kevir

nangji a-an aphan kali benta kejut une achethe aphan kedover a-an aphanle chepeduknon Monit aSopo la

nanglitum aphan nang piji. Thangbakma Po Arnam alangli phuthak sap thengtanglo. 28 Ansi halatum alangli

phan pulo, Arnam akam hei hei keklemjisi nelitum pisi klemnangjima? 29 Jisu thaksi halatum aphan pulo,

Arnam akam lahelo, atheke, alangli nang ketoitang abang aphan nanglitum kroinangji. 30 Ansi Halatum

alangli phan pulo, tangte, nelitum kethekdunra nangli phan kekroi thekji aphan nangli kopi angthek

klempoma? 31 Kopisi klempoma? Ketok asonthot alangli halatum aphan sining pen kechoji ahim pilo,

lasonthak thaksi nelitum aphusar atum kajajangtang ajosi mana cholo. 32 Ansi Jisu halatum aphan pulo,

chenam, chenamsi neli nanglitum aphan nang pulang, Moses nanglitum aphan sining pen him nang pipelo

bonta neli Po sining pen him binong nanglitum aphan nang pibom. 33 Thangbakma sining pen nang kehir

lapen pirthe aphan chethe kepi-i ahim lake Arnam ahimlo. 34 Ansi halatum alangli phan pulo, kaiketa

labangso ahimle nelitum aphan ne pitha, Hemphu. 35 Jisu halatum aphan pulo, chethe ahim, neli helo. Neli

long kevang abang kaiketa ingchirchepinji lapen neli phan kekroi abang kaiketa ingitepinji. 36 Bonta neli

nanglitum nang keputang asonthotsi nanglitum neli theklongtanglo bonsetta kroikrelang. 37 Neli Po neli phan

ne kepi atum doan neli dung vangji lapen neli dung kevang abang aphan neli phlung phledetji. 38 Thangbakma

Page 8: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

neli methang aning kehang kali, neli phan ne ketoi abang aning kehang kapeplengjisi neli sining pen nang

hirtanglo. 39 Lapen neli phan ne ketoi abang aning kehang lahelo, atheke, alangli la neli phan ne kepitang

atum doan angbong pen neli baduta pangbobedetji bonta mo kejut arni la pethurji. 40 Thangbakma neli Po

aning kehang lahelo, atheke, Sopo aphan ketheklong lapen alangli phan kekroi abang phutin kejut une achethe

longji lapen mo kejut arni neli alangli phan pethurji. 41 Ansi Judia atum alangli jok pen kapasimuji

pangchenglo thangbakma alangli pulo, sining pen nang kehirtang ahim neli helo. 42 Lapen halatum pubomlo,

nelitum la api lapen apo chinilo lapen Joseph asopo, Jisu, la helo, kalima? Neli sining pen nang kehirtang pusi

la nonke kopusi pu thekma? 43 Jisu thaksi halatum aphan pulo, nanglitum chepasimuri. 44 Neli phan ne ketoi

abang atheke, Po, la aphan vungvete baduta neli long vangthekthe. Lapen neli mo kejut arni la aphan

kethitang atum angbong pen pethurji. 45 Montri atum Hastrosi ketok alam do, atheke, 'lapen Arnam kadokave

atum aphan thanji'. Po alam karju lapen kacharli abang phutin neli dung vangpo. 46 Tebonta Arnam pen

kevang abang apar baduta Po theklonglepinlang; halabangso abangsi Po theklonglo. 47 Chenam, chenamsi,

neli nanglitum aphan nang pulang, kekroi abang kejut une achethe do. 48 Chethe ahim neli helo. 49

Kajajangtang ajosi nanglitum aphusar atum mana cholo lapen thikoilo. 50 Lake sining pen nang kehir ahimlo,

atheke, monit lale cho tame lapen thithedetji. 51 Sining pen nang kehirtang kereng ahim neli helo. Mane

abang jongsi, labangso ahim cholote alangli kaiketa rengji. Lapen pirthe achethe aphan neli kepiji ahim, neli

ok helo. 52 Ansi Judia atum chebohongseisi chepulo, kechoji aphan labangso abang kopusi amethang aok

itum aphan epi thekpoma? 53 Ansi Jisu halatum aphan pulo, chenam, chenamsi neli nanglitum aphan nang

pulang, nanglitum jongsi, monit aSopo aok choche lapen avi junje tangte, nanglitum achethe avelang. 54 Neli

ok kechobom lapen neli vi kejunbom abang kejut une achethe do lapen mo kejut arni neli alangli phan

kethitang atum angbong pen pethurji. 55 Thangbakma neli ok, lake an binonglo lapen neli vi, lake kejuni

ahormu binong. 56 Neli ok kechobom lapen neli vi kejunbom abangke neli pen chelangpetver lapen neli

alangli pen chelangpetver. 57 Kereng aPo neli phan ne ketoitang lapen nelita Po pen ajok kerengbom

asonthot, lasonthak thaksi neli phan ne kecho abangke neli pen ajok rengji. 58 Sining pen nang kehirtang ahim

lahelo, lake nanglitum aphusar atum kecho lapen kethi asonthak thak, lapu kali. Labangso ahim kechobom

abangke kejut une akai aphan rengji. 59 Alangli Capernaum kardom ahem arlo kethanun la hei hei alam pulo.

Kapherehikhak Asangho atum

60 Ansi alangli lam karju asangho atum angbong pen penang atum pulo, labangso alam padekhrim. Matsi la

arju thekpoma? 61 Bonta asangho atum labangso alam ajok pen pasimulo pu chechinisi Jisu halatum aphan

pulo, la apot nangtum aningoima? 62 Tangte Monit aSopo aphrang kedo adim puthot hadak karluthu dam,

nangtum lale theklote kopima? 63 Karjongsi chethe kepi, okke thangnat ale pedode. Ne nangtum nang

keputang alam hei hei, lake karjong lapen chethe. 64 Bonta nangtum angbong manene atum kroikrelang.

Thangbakma mat mat kroikrelo lapen alangli phan kahodaiji abang komatma, lake alangli kecheng pen

chinilo. 65 Lapen alangli pulo, la apotsi ne nangtum nang putanglo, Po penle ajakong longlete baduta ne long

vang thekthe. 66 La apotsi asangho penang atum alangli phan otekangsi hala pen apara alangli long

phuriredetlo.

Jisuke Khristo pusi Pitor kachekrong

67 Ansi Jisu hala bang krehini atum aphan pulo, ne dung pen kedamji nangtumta aning hangma? 68 Simon

Pitor alangli phan thaklo, mat along dam thekjima, Hemphu? Nang kejut une achethe alam hei hei do 69 lapen

nang helo Arnam aKangthir aBanglo pusi netum kroitanglo lapen charlitanglo. 70 Jisu halatum aphan thaklo,

nesi nangtum bang krehini atum ingvaitanglo, kalima? Lapen nangtum angbong inutke diabol inutlo. 71

Alangli Simon Iscariot asopo Judas alam pulo; thangbakma alangli bang krehini angbong inut, bonsetta hotur

arideng alangli phan hodaiji.

Jisu lapen amumar atum

7

Page 9: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

1 La aphisi Jisu Galilee adet phurilo. Thangbakma alangli Judea adet kaphuriji aninghanghelo thangbakma

Judia atum alangli phan kapethijisi abidi ribomlang. 2 Bonta Judia atum amei, atheke, Pharla amei ahut

tebokhetlo. 3 Lasi akormar alangli phan pulo, nang keklembom angthek hei hei nang sangho atum la

ketheklongji aphan ladak ora Judea adetle damnon. 4 Thangbakma kacheklangdakji aning kehang badu

amonit chepatusi akam klemkle. Nang jongsi lahei hei akamle klembomlo tangte, pirthe angno

chepeklangnon. 5 Thangbakma amethang akormar setta alangli phan kroikrelang. 6 Ansi Jisu halatum aphan

pulo, ne kechokchit ahut kalilang bonta nangtum ahut aling chokchitlo. 7 Pirthe nangtum aphan nang hijim

une bonta ne phan ne hijimbom thangbakma akam hingno pusi ne pirthe alamjir haki pibom. 8 Nangtum meile

arludunnon. Neke nonke labangso amei arludundelo, thangbakma non anta ne hut plengplelang. 9 Lapen la

pusi alangli Galilee adet dokoklo. 10 Bonta akormar halabangso amei arludundetsi alanglita halabangso ahut

arludunlo; alangli chepeklanglo, lapu kali, bonta inghujoisi dunlo. 11 Lahelo Judia atum mei angbong alangli

phan ribomlo lapen halatum pubomlo, alangli konatma? 12 Lapen armu atum alangli pen apot pasimuolo.

Manene atum pulo, alangli meiksen; akaprek atum pulo, lapu kali, bonta alangli rat atum pamanghulo. 13

Bonta Judia atum aphan pheresi baduta alangli lamjir rat angno pu haihelo.

Jerusalem neli Arnam along pen vanglo pusi Jisu pulo

14 Bonta mei achitim ahut Jisu arludunsi kardom ahem thepi arlo than damlo. 15 Ansi Judia atum

manghuphrongsi pulo, labangso abang skul dundedetle, kopusi amek thekloma? 16 Ansi Jisu halatum aphan

thaksi pulo, neli kethan alam neli lam kali bonta neli phan ne ketoi abang alamlo. 17 Mane abang jongsi, neli

phan ne ketoi abang aning kehang kapeplengji aning chepethirlo tangte, alangli neli kethan alam chiniji,

atheke, lake Arnam pen kalite neli methang abidi pen ningjechot. 18 Amethang abidi pen kaningje abang

amethang aman aphan keri; bonta alangli phan ketoi abang aman keri abangke ahoklo, lapen ahokhe, aning

arlo ave. 19 Moses nanglitum aphan afon nang pitekanglo, kalima? Tebonta nanglitum angbong inutnat anta

aron kroilo, lapu kali. Neli phan ne kapethijisi nanglitum kopi apotsi abidi rilangma? 20 Armu thaklo; nangli

hi-i photanglo. Nangli phan nang kapethiji abidi keri abang komatma? 21 Jisu thaksi halatum aphan pulo, neli

eson akam klemtanglo lapen nanglitum manghuphronglo. 22 Lahelo, Moses nanglitum aphan sunot aron nang

pitekanglo - tebonta Moses la bibelo, nanglitum aphusar atum la bitekanglo - lapen kesang arni nanglitum

monit aphan sunot kepi. 23 Jongsi, Moses aron kaphangnonedetji aphan kesang arni mane abang sunot enlo

tangte, kesang arnisi neli mane abang arpum aphan kapeme apot nanglitum neli phan aningthiloma? 24 Amek

pen athak langphruiphrera ingsairi bonta ahok akangsai penle ingsainon. 25 Ansi Jerusalem manene asor pulo,

halatum inut abang kapethiji abidi kerilang, labangso abang helo, kalima? 26 Lapen, langnon, alangli rat angno

ningjebom lapen halatum alangli phan thangta pupe. Chenamsi, alangli helo, Khristolo pu kangsai ameipi

amembor atum chinitangloma? 27 Tebonta labangso abang konat pensi kevang lake ilitum chinilo bonta

Khristo kevang ahut alangli konat pensi kevang lake baduta chininedetji. 28 Lahelo, kardom ahem thepisi

kethanun, Jisu hangsersi pulo, nanglitum neli chinilo lapen neli konat pensi kevang lata nanglitum chinilo

lapen neli methang aning kehang pen vangvedetlo bonta abang binong neli phan ne toi tanglo; nanglitum

halabangso abang chinine. 29 Neli alangli chinilorlo thangbakma neli alangli dung pen vanglo lapen alangli

neli phan ne toitanglo. 30 Lasi halatum alangli kenep ponji aninghanglo tebonta baduta ari pen alangli bang

otedetlo thangbakma alangli hut chokchelang. 31 Bonta armu atum angbong penang atum alangli phan kroilo

lapen pulo, Khristo kevang ahut labangso abang keklemtang angthek apar alangli themu angthek hei hei

klemjima? 32 Rat armu alangli lamjir labangso alamso hei hei kachepu pu Pharisi atum arjulonglo lapen prist

akethe atum lapen Pharisi atum alangli phan kenepra kevanji tekala atum aphan nang toilo. 33 Ansi Jisu pulo

malomso ahut neli nanglitum along dojilang lapen neli phan neketoitang abang along neli dunthuji. 34

Nanglitum neli phan riji lapen longledetji lapen neli kedo adim nanglitum dam une. 35 Ansi Judia atum lahin

lahin chepulo, ilitum alangli phan kelongledetji aphan alangli konatsi dampoma? Greece atum angbong

kepratsei a Judia atum along damsi alangli Greece atum aphan thanpoma? 36 Nanglitum neli phan riji lapen

longledetji lapen neli kedo adim nanglitum vang une, la alangli kepu alam athe kopima?

Kereng alang

37 Mei kachekak arni, atheke, mei arni akethe, Jisu arjaptherlo lapen hangsersi pulo, mane abang jongsi,

Page 10: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

ingitlo, tangte, alangli neli dungle vangra pejunnang. 38 Neli phan kekroi abang, Hastro kepu asonthak thaksi,

aning arlo pen kereng alang alangroi liji. 39 Labangso kepu alam athe lahelo, alangli phan kekroi atum

Karjong longji. Thangbakma halabangso ahut anta Karjong vangvelang pima Jisu aphan adak atur pipelang. 40

Ansi armu angbong manene atum labangso alam hei hei arjulongsi pulo, ahoklo, alangli hala montrilo. 41

Akaprek atum pulo, alangli Khristolo. Bonta halatum pulo, lapu kali, thangbakma Khristo Galilee adet pen

vangve, kalima? 42 David akheisi lapen aphrangke David kedo, Bethlehem arong pen ha Khristo vangji pusi

Hastro pulo, kalima? 43 Lahelo alangli pen apot armu pratjamlo. 44 Lapen manene atum alangli kenep ponjisi

aninghanglo bonta baduta ari pen alangli bang otedetlo. 45 Ansi tekala atum prist akethe atum lapen Pharisi

atum along chevoithulo lapen halatum tekala atum aphan pulo, nangtum kopi apotsi alangli vanvedetloma? 46

Tekala atum thaklo, lasonthak thanksi baduta ningjejepinlang. 47 Lasi Pharisi atum halatum aphan thaklo,

nangtumta manghuphrongtangloma? 48 Kangsai ameipi amember kalite Pharisi atum angbong pen inutnat

setta alangli phan kroitangloma? 49 Bonta la armu atum aron chininesi ahirjuno photanglo. 50 Halatum

angbong pen inut, Nicodemus, atheke, aphrangke Jisu adung kevang abang, halatum aphan pulo, 51 inut

amonit amethang alam arjuje ako lapen akamta chinine ako ili aron alangli phan adai kapedo ajutang doma?

52 Halatum alangli phan thaksi pulo, nangta Galilee amonitma? Rira langtha, Galilee adet pen badu amontri

klangkle.

Beisa keklem arloso aphan kabisar

53 Lapen abang phutin amethang methang ahem chedamlo.

8

1 Bonta Jisu Olives anglong damlo, 2 Bonta adapkangthang Jisu puthot kardom ahem thepi arlo damlo lapen

rat atum an alangli dung vanglo. Lapen ingnidetsi alangli halatum aphan thanlo. 3 Bonta aron thekser atum

lapen Pharisi atum beisa keklem kephodunlok inut arloso alangli dung vanlo; lapen mei angbong la

parjapthersi alangli phan pulo, 4 Pondit, labangso arloso beisa keklem mamat phodunloklo. 5 Moses aron

lason abangpi aphan arlong pen parbubopnang pusi ili phan ahukum pilo. Tangte, nangli kopisi pu? 6 Bonta

asat langsi ado kapedojisi halatum la pulo. Bonta Jisu ingkupdisi longle athak ari achimun pen toklo. 7 Bonta

halatum alangli phan arjubomsi alangli arjapdongsi halatum aphan pulo, nanglitum angbong apap kavepinlang

abangle paphrangra arlong pen labangpi aphan parbunang. 8 Lapen puthot ingkupdisi alangli longle athak

tokthulo. 9 Bonta halatum arjudetsi kesarnei abang pen pangchengsi arta komnei abang anta inut inut hadak

pen barsi chedamlo lapen Jisu lapen angbong karjapther arloso dochotlang. 10 Ansi Jisu arjapdongsi aphan

pulo, halatum konatma, pei? Baduta nangli do pedodelangma? La pulo, inutnatta kalilang, Hemphu. 11 Ansi

Jisu la aphan pulo, nelita nangli do pedodelo; damra puthot pap klemrinon.

Pirthe akatheang

12 Ansi Jisu puthot ningjesi halatum aphan pulo, nelisi pirthe akatheang. Neli phi phi kedunkri abang

kangtingsi phuriredetji bonta alangli chethe akatheang doji. 13 Lasi Pharisi atum alangli phan pulo, nangli

nangli methang aphan haki chodunbom; nangli haki ahokhe. 14 Jisu thaksi halatum aphan pulo, neli neli

methang aphan haki chodun setta neli haki ahoklo thangbakma neli konat pensi kevang lapen konatsi damji

lake neli chinilo. Bonta neli konat pensi kevang, konatsi damji, lake nanglitum chinine. 15 Nanglitum ok aron

pen kangsai; nelike baduta ingsaise. 16 Bonsetta nelile insailote, neli kangsai, kangsai binong, thangbakma

neli inutpet kali; neli do lapen neli phan ne ketoitang abang neli long do. 17 Lapen nanglitum amethang aron

pen setta bang hini amonit ahaki ahok. 18 Nelisi neli methang aphan haki chodun lapen neli phan ne ketoitang

abang atheke, Po, neli phan haki chodun. 19 Lasi halatum alangli phan pulo, nangli Po konatma? Jisu thanklo,

nanglitum neli phan kalite neli Po aphan chinine. Nanglitum neli chini asonte nanglitum neli Pota chiniji

apotlo. 20 Kardom ahem thepisi tangka kebi angdeng adungsi kethanun alangli la hei hei pulo. Lapen baduta

alangli nepnedetlo thangbakma alangli hut chokchelang.

Mo kevangji akeduk pen apot kapere

Page 11: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

21 Ansi alangli puthot halatum aphan pulo, nelike ladak pen damji lapen nanglitum neli phan riji lapen

nanglitum apap angbong nanglitum thiji. Neli kedamji adim nanglitum vang une. 22 Lasi Judia atum pulo,

alangli tongke chepethijima? Thangbakma alangli pulo, neli kedamji adim nanglitum vang une. 23 Lapen

alangli halatum aphan pulo, nanglitumke arum pen, nelike angsong pen. Nanglitumke la pirthe aso; nelike la

pirthe aso, kali. 24 Lahelo neli nanglitum aphan pulo, nanglitum nanglitum apap hei hei angbong thiji.

Thangbakma neli helo, alanglilo pu nanglitum la kroikrete nanglitum nanglitum apap hei hei angbong thiji. 25

Lasi halatum alangli phan pulo, nangli komatma? Jisu halatum aphan pulo, neli nanglitum pen kopi apotsi

chingkiloma? 26 Neli nanglitum alamjir kepujilang lapen kangsaijilang penang alam dolang. Bonta neli phan

ne ketoitang abang ahok lapen alangli pen karjutang alam, la hei hei nelike pirthe aso aphan thanbom. 27

Alangli halatum aphan Po alamjir thanlo pu halatum chininedetlo. 28 Lasi Jisu pulo, nanglitum Monit aSopo

rungdetsi, neli helo, alanglilo lapen neli methang ajakong pen thangta klemkle bonta Po neli phan ne kethan

asonthot lasonthak thanksi neli la hei hei alam kaningje pu nanglitum chiniji. 29 Lapen neli phan ne ketoitang

abang neli longsi do. Alangli neli inutpetsi oedetlo thangbakma neli kaiketa alangli ning kedok akam klemver.

30 Alangli la hei hei alam kepuun penang atum alangli phan kroilo.

Judia atum pen lam kachedan

31 Lasi Jisu alangli phan kekroitang a Judia atum aphan pulo, nanglitumke neli lamkroibom tangte, chenamsi,

nanglitum neli sangho atumlo 32 lapen nanglitum ahok chiniji lapen ahok nanglitum aphan nang pejokji. 33

Halatum alangli phan thaklo, nelitum Abraham akheilo lapen kaiketa badu amonit aban plangplepinlang.

Nanglitum jokji pusi nanglike kopusonsi puthekma? 34 Jisu halatum aphan thaklo, chenam, chenamsi neli

nanglitum aphan nang pulang, pap keklembom abang phutin pap abanlo. 35 Abanke kaiketa ahemphu ahem

dode bonta asopo kaiketa doverlo. 36 Tangte, Sopo nanglitum aphan pejoklote nanglitum chenamsi, jokpo. 37

Nanglitum Abraham akheilo puke neli lake chinilo. Bonsetta nanglitum neli phan kapethiji abidi keri, pima

neli lam nanglitum aning arlo chanchelo. 38 Neli Po along neli ketheklong alam neli pulo. Lapen nanglitumta

nanglitum apo along karju long alam klembom. 39 Halatum thaksi alangli phan pulo, nelitum apo Abrahamlo.

Jisu halatum aphan pulo, nanglitum jongsi, Abraham akhei tangte, Abraham akam klemnon. 40 Bonta Arnam

pen karjulongtang lason ahok nanglitum aphan nang kethangtang abang, atheke, la neli phan ne kapethijisi

nanglitum nonke abidi ribomlo. Abraham lason akam klemkelo. 41 Nanglitum nanglitum apo akam hei hei

klembomlo. Halatum alangli phan pulo, nelitum so rongro kali, nelitum apo inutnat, Arnam helo. 42 Jisu

halatum aphan pulo, Arnamle nanglitum apo tangte, nanglitum neli phan inghonji apotlo. Thangbakma nelike

Arnam pen vanglo lapen nelike daksi do. Thangbakma neli methang aning kehang pen vangvelo bonta hala

abang neli phan ne toilo. 43 Neli kaningje alam nanglitum kopi apotsi chinine? Atheke lahelo, nanglitum neli

lam arju thekthe. 44 Nanglitum apo Diabol, helo, lapen nanglitum apo aning kedok an kapeplengji nanglitum

aning kehang. Kecheng pen alangli pran keen abang lapen alangli ahok pen thangta klemkle pin ahok alangli

ning arlo ave. Alangli kachobei alam kaningje ahut alangli ot binong pen kaningje pima alangli kachobei abang

lapen kachobei alam apolo. 45 Bonta nelike ahok kupu apot nanglitum neli phan kroikre. 46 Nanglitum

angbong pen matsi neli do peklang thekma? Neli jongsi, ahok pulo tangte, nanglitum kopi apotsi neli phan

kroikrema? 47 Arnam aso aling Arnam alam karju. La apotsi nanglitum arjuje, atheke, lahelo, nanglitum

Arnam aso kali. 48 Judia atum thaksi alangli phan pulo, nanglike Samaria amonit lapen hi-i inut photanglo

pusi nelitum athikpetsi pulo, kalima? 49 Jisu thaklo neli hi-i photanglo, lapu kali, bonta neli neli Po anong

pethebomlo lapen nanglitum neli nong jobomlo. 50 Bonta nelike neli methang anong rire. Neli nong keri

abang do lapen kangsai abang alangli, helo. 51 Chenam, chenamsi neli nanglitum aphan nang pulang, mane

abang jongsi, neli lam asonle klemlo tangte, alangli kaiketa thithedetji. 52 Judia atum alangli phan pulo, nangli

hi-i photanglo pu nelitum nonke chinipemelo. Abraham lapen montri atumta thilo tebonta nangli pulang, mane

abang neli lam asonle klem tangte, kethi achomat kopusonma, lake alangli kaiketa chininedetji. 53 Nelitum

apo Abraham thilo; nangli alangli par themuma? Lapenke montri atumta thikoilo. Nangli komatma? Pudaktha.

54 Jisu thaklo, neli methang anong pethelote neli nong thangta kali. Neli nong kapethe abang neli Polo;

nanglitumke pulo, labangso abang nelitum a-Arnam, 55 lapen nanglitum alangli phan chininelang bonta nelike

alangli phan chinilo. Neli jongsi, neli alangli chinine, la pu asonte neli nanglitum asonthotsi kachobei

abangchotji apodo. Bonta neli alangli chinilo lapen alangli lam ason keklem. 56 Neli arni theklongji pu

Page 12: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

mathasi nanglitum apo Abraham ning arongsoplo lapen alangli theklonglo lapen chehok-olo. 57 Ansi Judia

atum alangli phan pulo, nangli arta ningkan phohkepta avelang lapen nangli Abraham theklongtangloma? 58

Jisu halatum aphan pulo, chenam chenamsi neli nanglitum aphan nang pulang, Abraham amahang thekthe ako

nelike do. 59 Lasi alangli phan karbuji aphan halatum arlong rungreplo. Bonta Jisu chepatulo lapen kardom

ahem thepi pen barlo.

Jisu amahang kethek pen amek kave abang kapemethu

9

1 Lapen alangli tovar kedamun pirthe kahache pen mamat hilolo amek kaselok abang theklonglo. 2 Lapen

asangho atum alangli phan arjulo, labangso abang pirthe kahache pen mamat amek kaselok athe kopima,

Rabbi? matsi pap klemloma? labangso abangma, api apo atumma? 3 Jisu thaklo, labangso abang kalite, api

apo setta pap klemklelo bonta la bangso abang pen ajok Arnam akam hei hei kapeklangji aphan, anhelo. 4 Ne

phan ne ketoitang abang akam hei hei, arni chiche ako netum klemnangji. Ajo lejidok doklo. Ansi baduta kam

klem thekthe. 5 Pirthe athak kedoun ne pirthe akatheanglo. 6 La hei hei pusi alangli longle athak ingthoklo

lapen la kangthok pen inghan selamlo lapen amek athak la inghan hisi alangli phan pulo, 7 Siloam pu abile

damra chingmurnon. (Siloam atheke, ketoitang.) Ansi alangli damsi chingmursi checharsi ahem chevoilo. 8

Anke alangli tebok terei atum lapen aphrang pen alangli phan ketheklong atum, thangbakma, alangli chohang

chorek abanglo, halatum pulo, kangnilun chohang chorek abang lahelo, kalima? 9 Manene atum pulo, la

helole. Akaprek atum pulo, lapu kali, bonta alangli halabangso abang asonthak thaklo. Alangli pulo, nesi la

helo. 10 Ansi halatum pulo, tangte, nang mek kopusonsi checharloma? 11 Alangli thaklo, Jisu pu abang

inghan selamsi ne mek hilo lapen ne phan ne pulo, Siloam abi damra chingmurnon. Lasi ne damlo lapen

chingmursi checharlo. 12 Lapen halatum alangli phan pulo, alangli konatma? La pulo, ne chinine. 13 Halatum

hala aphrang amek kaselok abang Pharisi atum adung vanlo. 14 Jisu hala inghan kaselam lapen hala abang

amek kapachingpu arni kesang arnilo. 15 Lasi Pharisi atum puthot alangli phan arjulo, nang kopusonsi

checharma?. Lapen alangli halatum aphan pulo, alangli ne me athak inghan hilo lapen ne chingmurlo lapen

checharbom. 16 Lahelo, manene aPharisi atum pulo, halabangso abang Arnam pen kevang amonit kali,

thangbakma alangli kesang arni kroikre. Akaprek atum pulo, papi amonit kopusonsi lapuson angthek hei hei

klem unloma? Lapen halatum pu prekjamlo. 17 Lahelo halatum kaselok abang aphan pulo, nangke alangli

lamjir pisi puma? Pima alangli nang mek pachecharlo. Lapen alangli pulo, alangli montri inut. 18 Lahelo la

aphrangke amek kaselok lapen nonke checharlo pu Judia atum hala amek kachecharthu abang api apo aphan

hanghetikke kroikrelo. 19 Lapen halatum halatum aphan arjusi pulo, amahang kethek pen amek kaselok pu

nangtum kepu abang, la nangtum asopo laheloma? Tangte, la nonke kopusonsi amek checharma? 20 Ansi api

apo atum thaksi pulo, la netum asopo lapen amahang kethek pen amek kaselok pu lake netumke chinilorlo. 21

Bonta nonke kopusonsi chechar ba amek kapachingpu abang komatma, lake netum chinine. La aphanle

arjutha; la arta do; la amethang alam chethanpo. 22 Api apo labangso alam pulo pima halatum Judia atum

aphan pherebomlo thangbakma labangso aphrangke Judia atum pethiklo atheke, baduta jongsi, Jisu helo

Khristolo pu chekobirlote, la aphan kardom ahem pen amen thannangji. 23 La apotsi, api apo atum pulo,

a-arta do; la arjutha. 24 Lahelo halatum puthot hala amek kaselok abang aphan hanglo lapen la aphan pulo,

Arnam anong pethenon; labangso abang papi pu netumke chinilo. 25 Lasi la thaklo, la papi lake ne pu

thekthe; eson alam ne chinilo, atheke aphrangke ne mek kaselok setta nonke ne thek longlo. 26 Lasi halatum

la aphan pulo, alangli nang phan kopi klemloma? Nang mek kopusonsi pachingpuloma? 27 La halatum aphan

thaklo, ne mo nangtum nang putanglo lapen nangtum arjujedetlo. Puthot nangtum kopi apotsi karjuthuji aning

kehangma? Alangli sangho atum keplangji nangtumta aning kehangma? 28 Lapen halatum la aphan honthelo

lapen pulo, nangle hala abang asangho bonta netumke Moses asangho atumlo. 29 Arnam Moses aphan

putanglo pu netumke chinilo bonta labangso abang konat pensi kevang, lake netum chinine. 30 Halabangso

amonit thaksi halatum aphan pulo, mai! lake manghupik alam! pima alangli konat pensi kevang, lake

nangtumke chinine tebonta alangli ne mek pachecharlo. 31 Arnam papi atum arjuje pu ili chinilo bonta mane

abang jongsi, dhoromi lapen Arnam aning kehang peplengbom tangte, Arnam alangli phan arjuver. 32 Mane

abang amahang kethek pen amek kaselok abang pachecharlo pu pirthe kangduk ahut pen kaiketa

Page 13: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

arjujepinlang. 33 Alangli Arnam pen kali tangte, thankta klem une. 34 Halatum thaksi la aphan pulo, nangke

jasemetsi pap angbong nang mahang theklo lapen nangle netum aphan thanpoma? Lapen halatum la aphan

phlunglo. 35 Halatum la aphan phlungtanglo pu Jisu arjulonglo lapen la aphan risi longsi pulo, nangli Monit

aSopo aphan kroiloma? 36 La thaksi pulo, neli alangli phan kekroi thekji aphan alangli komatma, Hemphu? 37

Jisu la aphan pulo, nangli alangli thektanglo lapenke nangli long kachingki abang helo, alangli. 38 Lasi la pulo,

neli kroilo Hemphu. 39 Lapen la alangli phan ardomkhruplo. Lapen Jisu pulo, kethek une atum kethek longji

aphan lapen kethek atum amek kaselok keplangji aphan neli lason abisar aphan la pirthe athak vangtanglo. 40

Hadak alangli long kedo aPharisi atum la hei hei alam arjulonglo lapen alangli phan pulo, tangte, nelitumta

kaselokma? 41 Jisu halatum aphan pulo, nanglitum amek kaselok asonte nanglitum apap avedetji; bonta non

nanglitum pulo, nelitum thek un, lasi nanglitum apap dolang.

Meresak kevi abang akeme

10

1 Neli chenam chanamsi nanglitum aphan nang pulang, meresak aroi anghap kelutle bonta adim kapreksi

karlu abang, halabangso abangke kanghu lapen dokait 2 bonta anghap anat kelut abangke meresak atum kevi

abang. 3 Inghap kehon abang la aphan inghap ingpuver lapen meresak atum la ase arjuver lapen la amethang

ameresak atum amen kurep lapen latum aphan ingtan ja ponbom. 4 La amethang atum pebarkoisi aphrang

aphrang dambom lapen ameresak atum la aphi phi dunbom pima halatum la ase chini. 5 Bonta halatum jonghe

setta abang kaprek aphi dundedetji bona hala adung pen katkoiji pima halatum abang kaprek atum ase

chinine. 6 Jisu labangso alamlir pen halatum aphan pulo bonta alangli kepu alam athe kopi lake halatum

chininedetlo. 7 Lahelo Jisu puthot pulo, chenam, chenamsi neli nanglitum aphan nang pulang, nelisi meresak

atum anghaplo. 8 Neli phrang kevang atum an kanghu lapen dokait atum bonta meresak atum halatum aphan

arjujedetlo. 9 Nelisi inghaplo. Neli natle baduta lutlote jokji lapen alangli arlo lapen angtanta chehalatji lapen

chopan longji. 10 Kanghura kapethira kapevirji aphansi kanghuke kevangchot. Halatum chethe kelong thekji

aphan lapen la kapedorphlupji aphansi nelike vanglo. 11 Kevi abang akeme neli helo. Kevi abang akemeke

meresak atum aphan apran kachepi. 12 Kevi abang kalidet, atheke, meresak atum amethang ameresak kalidet

lapen chongdat abangke mahar kevang theklongsi meresak atum otekangsi katjui — lapen mahar latum aphan

nak pusi pepratsei — 13 pima alangli chongdat abang lapen meresak atum aphan mathathe. 14 Kevi abang

akeme neli helo. Lapen neli neli methang ameresak atum chinilo 15 lapen Po neli phan lapen nelike Po aphan

kachini asonthot, lasonthak thaksi neli meresak atum neli phan chinilo. Lapen meresak atum aphan neli neli

methang apran kachepi. 16 Bonta neli akaprek ameresak atumta do. Halatum labangso aroi pen kali. Neli

halatumta ja ponnangji lapen halatum neli se arjuji lapen halatum ahur isipet lapen kevi abangta inutnat

cheplangji. 17 Po neli phan kanghon athe lahelo, atheke neli pran puthot kelongji aphan nelike neli pran

chepilang. 18 Baduta neli pen la ponpedet bonta neli methangsi la chepilang. Neli la kachepiji lapen la

kedengthuji ajakong do. Neli labangso ahukum neli Po pen longlo. 19 Labangso alam apot Judia atum puthot

pu prekjamlo. 20 Hala penang atum pulo, alangli hi-i photanglo lapen ingchamlo. Nangtum kopi apotsi la

aphan arjulangma? 21 Akaprek atum pulo, labangso alam hi-i kephotang abang alam kali; inut ahi-i amek

kaselok atum amek pachechar unjima?

Kapanong amei ahut Jisu lam kethan

22 Halabangso ahut kapanong amei Jerusalem dolo. 23 Ningkreng ahutlo. Lapen Jisu kardom ahem thepi arlo,

Solomon pu, nujok atovar halatlo. 24 Ansi Judia atum alangli phan komjaisi alangli phan pulo, nangli koan

ahut anta nelitum aning pasiksakjilangma? Nangli jongsi, Khristolo tangte, nelitum aphan ne thandaknon. 25

Jisu halatum aphan thaklo, neli nanglitum aphan thantanglo lapen nanglitum kroikrelang. Neli neli Po amen

pen labangso akam hei hei klembom. La hei hei neli phan haki ne kepi. 26 Bonta nanglitum kroikrelang pima

nanglitum neli meresak atum kalidet. 27 Neli meresak atum neli se arju lapen nelike halatum aphan chini

lapen halatum neli phi phi dun 28 lapen nelike halatum aphan kejut une achethe pi lapen halatum kaiketa

virvedetji lapen baduta neli rideng pen halatum this ponpedetji. 29 Neli Po neli phan ne kepi tekang, lake

kadokave apar themu lapen baduta Po arideng pen la thi pon unedetji. 30 Neli lapen Po la nelitum inutnat.

Page 14: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

Judia atum langselet

31 Alangli phan karbujisi Judia atum puthot arlong runhuphaplo. 32 Jisu halatum aphan thaklo, Po pen penang

akam keme neli nanglitum aphan peklangtanglo, la angbong kolobangso akam apot neli phan arlong pen

arbupoma? 33 Judia atum alangli phan thaklo, akam keme apot nelitum nangli phan arlong pen arbuji lapu kali

bonta Arnam aphan kapinrem apot pima nangli monitchot setta neli Arnamlo pubom. 34 Jisu halatum aphan

thaklo, 'nelike pulo, nanglitum Arnam, atumlo' pu nanglitum aHastro arlo, labangso alam tokdet, kalima? 35

Alangli jongsi, Arnam alam kelong atum aphan Arnam pusi halatum aphan hanglo, lapen Hastro alam aphan

pachekokke une, 36 tangte, Po kapanong lapen pirthe athak nang ketoitang abang la neli phan, neli Arnam

aSopolo pusi kepu apot nanglitum kopi apotsi nangli Arnam aphan pinremlo pusi puloma? 37 Neli jongsi, neli

Po akam hei heile klemkle tangte, neli phan kroiri. 38 Bonta neli jongsi klembom tangte, neli phan kroikre

setta Po neli pen chelangpet lapen nelike Po pen chelangpet, la kethek longji, lapen kachini pemeji aphan,

labangso akam hei hei aphan kroinon. 39 Lasi halatum puthot alangli phan kenepji abidi rithulo lapen alangli

halatum arideng pen joksi katlo. 40 Lapen alangli puthot Jordan parai, kechengsi Johan kabaptaiz adim,

halabangso adim damthulo lapen hadak dodunlo. 41 Lapen penang atum alangli dung vangsi pulo, Johan

thangnat angthek klemklelo bonta Johan labangso abang alamjir kepu alam an ahoklo. 42 Lapen hadaksi

penang atum alangli phan kroilo.

Kethitang abang Lazarus kapethur

11

11 Bonta inut amonit sodetlo. Amen Lazarus lapen alangli kedo adim Bethany. Halake Meri lapen Meri

akorte Martha arong. 2 Hemphu aphan jangthu nempru pen kapatip lapen akeng amethang achu pen

kacheven a-Meri lahelo. Kesodet abang, Lazarus, labangpi acheklepolo. 3 Lahelo ha ingjir atum alangli dung

monit aphan toisi pepulo, chiniiktha, Hempu, nangli kachinghon abang sodet. 4 Bonta Jisu la arju longsi pulo,

labangso akeso apot thiji, lapu kali, bonta Arnam aSopo anong kapetheji aphan la pen ajok Arnam adak atur

klangji. 5 Jisu Martha lapen akorte Meri lapen Lazarus aphan chinghonpetlo. 6 Ansi Lazarus sodet pu

arjulongdetsi alangli ha alangli kedo adim non nini dokoklo. 7 Ansi la aphisi alangli asangho atum aphan pulo,

ilitum Judea adet damthulonang. 8 Asangho atum alangli phan pulo, nonhetsi Judia atum nangli phan arlong

pen karbuji abidi ribomlo, Rabbi, lapen nangli puthot hadak damthujilangma? 9 Jisu thaklo, arnisi ghonta

krehini do, kalima? Mane abang jongsi, anerlo akeng kam kachejor tangte, alangli patekungke pima alangli

pirthe akatheang theklongbom. 10 Bonta mane abang jongsi, ajole keng kam chejor tangte, alangli patekungji

pima alangli ning arlo katheang ave. 11 Alangli la pulo lapen aphisi halatum aphan puthulo, ilitum ajirpo

Lazarus amek jangtanglo bonta la kangthurji aphan neli dampo. 12 Lasi halatum alangli phan pulo, alangli

mek jangtanglote methuji, Hemphu. 13 Bont Jisu hala abang akethi alamjir putekanglo. Bonta alangli arnivang

amek kejang alamjir pulo pusi halatum mathahurlo. 14 Lasi Jisu halatum aphan pudaklo, Lazarus thitanglo. 15

Lapen nanglitum kekroi thekji aphan neli hadak avedet apot neli nanglitum pen apot chehoklo. Tebonta ilitum

alangli dung damlonang. 16 Lahelo kacherop pu abang, Thomas, alangli long kedun asangho atum aphan pulo,

alangli long kethidunrap rapji aphan ilita dunnangho. 17 Ansi Jisu vangsi Lazarus ni phili therisi dotanglo pu

chinilo. 18 Bethany Jerusalem tebokhet, mail hini anbak kahelochot. 19 Lapen halatum akorte apot halatum

aning kapangsamjisi penang a Judia atum Martha lapen Meri adung vangtanglo. 20 Ansi Martha Jisu nang

lejidok doklo pu arjulongsi kangthumjisi damlo bonta Meri hem arlo ingni dunbomlang. 21 Ansi Martha Jisu

aphan pulo, nanglile dak do asonte neli chiklepo thithedetji apotlo, Hempu. 22 Lapen nonta nangli Arnam pen

kehang aling Arnam la nangli phan nang pipo pu neli chinilo. 23 Jisu alangli phan pulo, nangli chiklepo thurji.

24 Martha alangli phan pulo, mo kejut arni kethur ahut alangli thurji pu lake neli chinilo. 25 Jisu alangli phan

pulo, neli helo, kethur lapen chethe. Neli phan kekroi abang thidet setta rengji 26 lapen kerenglang lapen neli

phan kekroi abang phutin kaiketa thithedetji. Nangli la kroiloma? 27 La alangli phan pulo, kroilo, Hemphu,

pirthe athak nang keklang nangji abang, Arnam aSopo, Khristo, nangli helo pu nelike kroitanglo. 28 Lapen

labangso alam pudetsi alangli damsi akorte Meri hangjoisi pulo, Pondit vangtanglo lapen nang phan nang

hanglo. 29 Lapen alangli la karju long pen mamat thurseraksi alangli dung damlo. 30 Jisu halabangso ahut

anta rong angbong vangvelang bonta Martha alangli pen kachetong adimsi dolang. 31 Lasi hem arlo Meri

Page 15: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

along alangli phan aning kapangsam a Judia atum Meri thurseraksi hem pen kedam la theklongsi aphi

dunkoilo pima alangli hadak kachiruji aphan theri damlo pusi halatum mathalo. 32 Ansi Meri Jisu kedo adim

vangsi alangli phan theklongsi akengri iparlipbaksi pulo, nanglile dak do asonte neli chiklepo thithedetji

apotlo, Hemphu. 33 Ansi Jisu alangli kachiru lapen alangli long kedun a Judia atumta kachiru theklongsi aning

arlo jasemet ar-emlo lapen aok chepeklemhursi pulo, 34 nanglitum alangli konatsi bitekangloma? Halatum

alangli phan pulo, vangra langtha, Hemphu. 35 Jisu amekkri lilo. 36 Lasi Judia atum pulo langtha, alangli la

aphan kopuan inghonlo. 37 Lapen halatum angbong pen manene atum pulo, amek kave abang amek

kapachechartang abang labangso abang aphan kapethi longledetji ajakongta dolo kalima? 38 Ansi Jisu puthot

aning siksak-o khangjangsi ha theri vanglo. Lake longku lapen amahangsi arlong bitekanglo. 39 Jisu pulo,

arlong tereknon. Kethitang abang angjirpi Martha, pulo, nonke nemthuhaklo, Hemphu. Thangbakma pini pen

ni phili dotanglo. 40 Jisu alangli phan pulo, nangli kroilote Arnam adak atur theklongji pusi neli nangli phan

nang pulo, kalima? 41 Lasi halatum ha arlong terek pilo. Bonta Jisu u-tarsi pulo, Po, nang ne lam karjutang

apot ne nang phan nang rolo. 42 Bonta nang ne lam kaiketa arjulongver pusi neke chinilo. Bonsetta la bithe

bitha karjapphrong armu nangsi ne phan ne toitanglo la kekroithekji aphan ne pulo. 43 Lapen la pudetsi ase

akethe pen ingtan vangnon, Lazarus, pusi alangli hanglo. 44 Kethitang abang akeng ari pe pen keperhet ingtan

vanglo lapen mahangta rumal pen perhet. Jisu halatum aphan pulo, la phrira lophlotnon. 45 Lahelo, Meri

along kevang lapen Jisu keklem akam kethek long la Judia atum angbong pen penang atum alangli phan

kroilo. 46 Bonta manene atum Pharisi atum along damsi alangli keklemtang akam thanlo.

Prist akethe atum Jisu kapethiji abidi kachingvai

47 Lahelo, prist akethe atum lapen Pharisi atum kangsai ameipi pangrumlo lapen chepulo, ilitum kopi

chonghoiloma? Pima labangso amonit penang angthek klembomlang. 48 Ili jongsi, alangli lapusonle peklem

longbomte kadokave atum alangli phan kroiji lapen Roman atum vangsi labangso edim kangthir lapen edetta

pevirji. 49 Bonta halatum angbong pen inut abang Caiaphas, atheke, halabangso aningkan mamat aprist

akethenei, halatum aphan pulo, 50 nangtumke thangta chinine; adet adang kevirvedetji apar rat alar inut

amonit thi asonte nangtum aphan memu pu lake nangtum mathathelangma? 51 Alangli amethang abidi pen la

pupelo bonta halabangso aningkan mamat prist akethenei alangli helo, la apotsi alangli montrisi pulo, Jisu la

rat aphan thijidok doklo 52 lapen la rat aphanchot, lapu kali bonta kahelo adet adet kapratsei, la Arnam

asomar kapajalangpetji aphanta: 53 Lahelo, halabangso arni pen halatum alangli phan kapethiji abidi

chingyailo. 54 Lahelo halabangso ahut pen Jisu chepeklangklesi Judia atum angbong phuriredetlo bonta hadak

pen damsi kajajangtang ajo tebokhet Ephraim pu arong damlo lapen asangho atum pen pen hadak dobomlo.

55 Bonta Judia atum Kejok aMei ahut tebokhet lapen Kejok aMei ahut lele ako kachepangthirji aphan penang

atum adet bithe bitha pen Jerusalem arlu damlo. 56 Lasi halatum Jisu aphan rilo lapen kardom ahem thepisi

karjapphrongun chepuhurlo, nangtum pisi mathama? Alangli mei dundedet khangjangjima? 57 Atheke, prist

akethe atum lapen Pharisi atum hukum pisi pulo, mane abang jongsi alangli konatsi do, lale chini tangte,

alangli phan kapenepjile nelitum aphan ne thannangji.

Meri kanempru ajangthu pen Jisu akeng kapatip

12

1 Anke Kejok aMei ni throk aphrang Jisu Bethany vanglo. Hadak kethitang atum angbong pen Jisu kapethur

abang Lazarus dolo. 2 Ansi halatum hadak alangli phan an chopi pethiklo lapen Martha ru thailo bonta

Lazarus alangli long an kechodun ke-i-cherchak atum angbong inutlo. 3 Ansi Meri powa hini adorsopik

jotamangsi pu, kanempru ajangthu vansi Jisu akeng patiplo lapen amethang achu pen akeng venlo. Lapen hala

jangthu kanempru angnim hem bithe bitha nempruphlunglo. 4 Ansi alangli phan hotur arideng kahodaijidok

dok abang, asangho atum angbong inut, Judas Iscariot pu abang pulo, 5 kopi apotsi la jangthu sika pharo hini

aphan jorjera keduk kelak atum aphan pipedetloma? 6 Alangli keduk kelak atum aphan mathasi la pulo, lapu

kali bonta alangli kanghu abang lapen tangka abakos alangli rideng do lapen hadak kebi atangka inghubomlo.

7 Ansi Jisu pulo, alangli phan khangri. Neli phan then kebiji arni aphan alangli la birtinangkoklo, 8

thangbakma keduk kelak atum nanglitum along kaiketa dover bonta nelike nanglitum along kaike doji, lapu

Page 16: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

kali. 9 Anke akeongpi a Judia atum alangli hadaksi do pu chinisi muthe Jisu pen apot, lapu kali, bonta alangli

kethitang atum angbong pen kapethur abang, Lazarus aphanta kethek longjisi vanglo. 10 Bonta pirst akethe

atum Lazarus aphanta kapethiji abidi chingvalio 11 pima penang a Judia atum halatum aphan osi Jisu aphan

kroidunbomlang.

Anong kethe pen Jisu Jerusalem kelut dam

12 Puthot arni rat akeongpi mei dunsi Jisu Jerusalem vangpo pu arjulongsi 13 sotele arvo ponsi alangli

kangthumjisi nang barsi hangjojolo, Hosanna! Hemphu amen pen Kevang abang ahirjume atheng

pacheplangnang; Atheke, Israel arecho. 14 Lapen Jisu gadha aso longsi la ardonlo. Atheke, ketok asonsi, 15

Pheresi, Zion arongsopi; Langnon, gadha aso kardonsi Nang recho vanglo. 16 Halabangso ahut asangho atum

labangso alam chininedetlo bonta Jisu aphan adak atur pethedetsi, la hei hei alam alangli lamjir tokdetlo lapen

halatum la hei hei alangli phan klemdetlo pu halatum chemathathulo. 17 Ansi alangli Lazarus theri pen

kehang lapen kethitang atum angbong pen alangli phan kapethur ahut hadak kedo atum latum kopisi

theklonglo la thanbomlo. 18 Lapen alangli labangso angthek klemtanglo pu karjulong apot rat armu alangli

kangthum jisi damlo. 19 Lahelo, Pharisi atum chepuhurlo, jo! nangtum theklongo, nangtum thangta klem une;

chiniiknon, pirthe alangli phi duntanglo.

Greece atum Jisu adung kevang

20 Ansi mei ahut kardomji aphan kevang atum angbong manene Greece atum dolo. 21 Anke latum Galilee

adet Bethsaida kedo aPhilip along vangsi choningrisi alangli phan pulo, nelitum Jisu kethekdunjisi ingtunglo,

hemphu. 22 Philip vangsi Andrew aphan thanlo. Andrew lapen Philip vangsi Jisu aphan thanlo. 23 Jisu

halatum aphan thanksi pulo, Monit aSopo aphan adak atur kapetheji ahut nang vangtanglo. 24 Chenam,

chenamsi, ne nangtum aphan nang pulang, sok amule longle kloklera thithete la emupet dojilang bonta la

thilote athe chekok-oji. 25 Amethang apran kachinghon abangke la pevirbom lapen la pirthe athak amethang

apran kahijim abangke kejut une achethe aphan la raiji. 26 Mane abang ne phan ru thailote la ne phile

dunnangji lapen ne kedo adim ne sakorta hadak doji. Mane abang jongsi, ne phan ruthailote Po la anong

petheji. 27 Non ne ning siksaklo lapen ne pisi pu themka? Bangso ahut pen ne phan pejoknon, Po? Lapu kali,

la aphansi ne labangso ahut photanglo. 28 Nang men pethenon, Po. Ansi sining athak pen ne pethetanglo

lapenke pethethujilang lason ase vanglo. 29 Lahelo, hadak karjapphrong lapen karjudunlong armu atum pulo,

singing kangreng; akaprek atum pulo, singing atekala alangli phan putanglo. 30 Jisu thaksi pulo, labangso ase

neli phan kali, anaglitum aphan vangtanglo. 31 Non pirthe ado kapedo ahutlo. Non la pirthe aHemphu aphan

ingtan phlungdetpo. 32 Lapen neli pirthe athak pen rungdetlote neli kadokave atum neli methang adung

vungji. 33 Alangli kopuson akethi pen thipo, la kapeklangjisi la pulo. 34 Lasi armu atum alangli phan thaklo,

Khristo kaiketa doverji pu nelitum aron pen arjulongphronglo lapen Monit aSopo rungdetnangji pusi nangli

kopusi pu thekma? La Monit aSopo komatma? 35 Lasi Jisu halatum aphan pulo, katheang nanglitum along

chersonat ahut dojilong. Kangting nanglitum kephophedetjile nanglitum katheang kedoun kengkam chejornon

pima kangtingsi kedam abang konatsi kedam la chinine. 36 Nanglitum katheang nanglitum along dotikle

katheang aphan kroibomtha.

Judea adet armu atum kroikre bonta manene atum kroijoilo

Jisu la hei hei pudetsi nang barsi halatum angno pen chepatulo. 37 Tebonta alangli lapuan angthek halatum

angno klemtanglo setta halatum alangli phan kroikrelang. 38 Atheke, thangbakma Isaiah pu amontri kepu

alam che koknangji. Alangli pulo, Hemphu nelitum alam matsi kroitangloma? Lapen Hemphu ari mat aphan

peklangtangloma? 39 Lahelo halatum kroi thekthelo pima Isaiah puthot pulo, 40 Halatum amek pen kethekra

Aning pen kachinira Kacheruira neli halatum aphan kapemeji, Lapu kalidetji aphan Alangli halatum amek

paseloktanglo Lapen aning pangtanglo. 41 Isaiah labangso alam pulo pima alangli alangli dak atur theklonglo

lapen alangli lamjirta pulo. 42 Tebonta kangsai ameipi amembor penang atum alangli phan kroilo bonta

kardom ahem pen kephlungphledetji aphan halatum Pharisi atum pen apot chekobirbedetlo 43 thangbakma

Arnam pen kelong anong apar halatum monit pen kelong inghonmulo.

Page 17: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

Jisu rat angno kethan alam

44 Bonta Jisu ase akethe pen hangsi pulo, neli phan kekroi abang neli phan kalidet, neli phan ne ketoitang

abang aphan kroilo. 45 Lapen neli phan ne kethek dun abang neli phan ne ketoitang abang aphan theklong. 46

Neli phan kekroi abang phutin kangtingsi kedodedetji aphan neli methangsi katheang pirthe athak vangtanglo.

47 Lapen mane abang jongsi neli lam arjulong tebonta la kroikre tangte, nelike alangli phan ingsaise

thangbakma pirthe kangsaiji aphan kali, bonta pirthe kapejokjisi neli vanglo. 48 Neli phan kechakche lapen

neli lam kedengde abang aphan kangsai abang do. Neli kaningjetang alam, lake kejut arni alangli phan ingsaiji.

49 Pima nelike neli methang ajakong pen ningjejedetlo bonta kopi punangji lapen kopi ningje nangji, lake neli

phan ne ketoitang abang, atheke, Po amethangsi neli phan hukum pitanglo, 50 Lapen alangli hukum kejut une

achethelo pu neli chinilo. Lahelo neli kaningje alam, lake Po neli phan ne keputang asonthot lasonthak thaksi

neli ningjever.

Jisu asangho atum akeng kecham

13

1 Ansi Kejok aMei ahut lele ako, amethang ahut, atheke, alangli pirthe athak pen damsi Po along kachedampo

ahut nang letanglo, la chinisi Jisu pirthe athak amethang atum aphan chinghonsi kejut anta halatum aphan

chinghonbomlo. 2 Lapen an chopi kechoun — labangso aphrangke diabol Jisu aphan hotur arideng kahodaiji

akamatha Simon asopo Judas aning arlo bitekanglo — 3 Po kadokave ason an Jisu arideng pitanglo lapen

alangli methangsi Arnam along pen nang barlo lapen Arnam along damthupo, 4 4 la chinisi Jisu an chopi pen

thursi ape keding chephloksi gamosa epak ensi amethang avam chekoklo. 5 Ansi alangli ha anthong lang

dungsi asangho atum akeng kechamra amethang avam kachekok agamosa pen la kevenji pangchenglo. 6 Lasi

alangli Simon Pitor adung vanglo. Alangli alangli phan pulo, nang ne keng champoma, Hemphu? 7 Jisu thaksi

alangli phan pulo, ne nang phan kopisi klempoma, non nang la chinine bonta aphisi chinilongji. 8 Pitor alangli

phan pulo, nang kaiketa ne keng chamchedetji. Jisu alangli phan thaklo, ne nang keng chamchete ne long

nang van thangta ave. 9 Simon Pitor alangli phan pulo, ne kengchot lapu kali, Hemphu, bonta ne ri lapen ne

phuta chamnon. 10 Jisu alangi phan pulo, kachinglutang abang akeng apar chamnangne bonta abang an

kangthir lapen nangtum kangthir bonta nangtum kadokave, lapu kali. 11 Thangbakma alangli phan hotur

arideng kahodaiji abang alangli chinilo, lahelo alangli pulo, nangtum doanle kangthirpet, lapu kali. 12 Ansi

halatum akeng chamdetsi alangli ape keding cheumthulo lapen puthot i-cherchaksi alangli halatum aphan

pulo, ne nangtum aphan kopisi klemloma, lake nangtum chiniloma? 13 Nangtum ne phan pondit lapen

Hemphu pusi hangbom lapen nangtum pu pemelo thangbakma neke la helo. 14 Tangte, jongsi nangtum

apondit lapen aHemphu, la ne, nangtum akeng chamtanglo, nangtumta lahin lahin akeng kachechamji aot do.

15 Thangbakma ne nangtum aphan keklemtang asonthotle nangtumta klemnangji. La apotsi ne nangtum

aphan arjan nang pitanglo. 16 Chenam, chenamsi ne nangtum aphan nang pulang, aHemphu apar aban themu,

lapu kali lapen ketoitang abang alangli phan ketoi abang apar, lapu kali. 17 Nangtum jongsi, la hei hei chinilo

tangte, la klemlote nangtum rengme. 18 Ne nangtum doan alamjir pupetpelo; ne mat mat aphan ingvailo, lake

ne chinilo. Bonta Hastro chekoknangji, atheke, ne long an kecho abang, lake hotur cheplangsi, ne phan

akengti cherunglo. 19 Alam kachekokji ne helo alangli, nangtum la kepura kekroiji aphan non pen apara alam

chekokke ako ne la nangtum aphan nang thanbompo. 20 Chenam, chenamsi ne nangtum aphan nang pulang,

ne ketoi abang aling aphan kechak abangke ne phan chaklo lapen ne phan ne kechak abangke ne phan ne

ketoitang abang aphan chaklo.

Jisu alangli phan kejor abang aphan kejongklok

21 Jisu labangso alam pudetsi aning siksaklo lapen haki pisi pulo, chenam, chenamsi ne nangtum aphan nang

pulang, nangtum angbong pen inut ne phan hotur arideng ne hodaiji. 22 Sangho atum lahin lahin chelangsi mat

alamjirsi kepuma la pen apot ningrilo. 23 Asangho atum angbong pen inut atheke, Jisu alangli phan

kachinghon, la bang Jisu ar-e anat adung i-cherchaklo. 24 Lasi Simon Pitor alangli phan angthek peklangsi

pulo, mat alamjirsi puloma? La thantha. 25 Labangso abang lapusonsi Jisu aning athak cherchungmuchotsi

Page 18: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

alangli phan pulo, mat abangma, Hemphu? 26 Ansi Jisu thaklo, ne him echet nimsi inut abang aphan pipo,

hala abang helo. Ansi alangli him echet nimsi, ensi, Simon Iscariot asopo Judas aphan pilo. 27 Lapen hala him

echet longdet aphi Soitan alangli ning arlo lutlo. Ansi Jisu alangli phan pulo, nang keklemji akam, la klem

seraknon. 28 Bonta ke-i-cherchak atum angbong baduta alangli phan labangso alam kepu athe kopima, la

chininedetlo. 29 Thangbakma Judas arideng tangka abakos kedo apot, mei aphan itum kenangji amar namnon

kalite keduk kelak atum aphan kopine ason pitu pusi Jisu alangli phan pulo pusi manene atum mathalo. 30

Lahelo halabangso ahim achet longdet pen mamat alangli ingtan damjuilo. Lapen halabangso ahut ajolo.

Kanghon ahukum kimi

31 Anke alangli ingtan damdetsi Jisu pulo, non Monit aSopo adak atur thetanglo, lapen alangli pen ajok

Arnam adak atur thetanglo. 32 Arnam amethang pen ajok alangli dak atur petheji lapen non mamat alangli

dak atur pethepo. 33 Kachinghon aosomar atum ne malomsonat nangtum along dojilang. Nangtum ne phan riji

lapen Judia atum aphan ne kepu asonthot ne kedamji adim nangtum vang thekthe, lasonthak thaksi ne nonke

nangtum aphan nang pulang. 34 Ne nangtum aphan hukum akimi nang pipo, atheke, lahin lahin

chinghonseroinon. Ne nangtum kachinghon asonthak thankle nangtumta lahin lahin chinghonseroinon. 35

Lapen ajok atheke, nangtum lahin lahin aphan kachinghon pen ajok, nangtum ne sangho atumlo pu kadokave

atum chinipetpo.

Pitor chekobirbedetji pusi kamontri

36 Simon Pitor alangli phan pulo, nang konatsi dampoma, Hemphu? Jisu thaklo ne kedampo adim nang nonke

ne phi dun thekthe bonta aphisi nang dun thekji. 37 Pitor alangli phan, ne nang phi dun thekthe athe kopima,

Hemphu? Ne nang phan ajok ne pran chepiji. 38 Jisu thaklo, nang ne phan ajok nang pran chepijima?

Chenam, chenamsi ne nang phan nang pulang, vo kuke ako nang ne phan batai kethom ne chekobirbedetji.

Po along kedam atovar

14

1 Nangtum aning chepasiksakri. Arnam aphan kroira ne phanta kroinon. 2 Ne Po ahem angdeng ongdung. La

ahokhe asonte nangtum aphan adim kesikjisi ne dampo pusi ne nangtum aphan nang puji apotloma? 3 Lapen

jongsi ne damra nangtum aphanle adim siklote ne puthot vangji lapen ne kedo adim nangtumta hadak kedoji

aphan ne nangtum ne long ponji. 4 Lapen ne kedampo adim atovar nangtum chinipetlo. 5 Thomas alangli

phan pulo nang konatsi dampo, lake netum chininesi atovar kopusonsi chinijima, Hemphu? 6 Jisu alangi phan

pulo, ne helo tovar lapen, ahok lapen chethe. Ne penpete baduta Po adung vangve. 7 Nangtum ne phan chini

asonte ne Po aphanta chiniji apotlo. Non pen apara nangtum alangli phan kachiniji pangchenglo lapen alangli

phan thek longtanglo. 8 Philip alangli phan pulo, Hemphu, netum aphan Po ne peklangtha; lake netum aphan

chokpo. 9 Jisu alangli phan pulo, ne nangtum along lapuan ahut dobomsi nang ne phan chininelangma, Philip?

Ne phan, ketheklong abangke Po aphan theklongtanglo. Netum aphan Po ne peklangtu pusi nangke kopusonsi

pulangma? 10 Neke Po pen chelangpetlo lapen Po ne pen chelangpetlo pu nang kroikrelangma? Ne nangtum

aphan kepulang alam hei hei ne methang pen ningjelo, lapu kali. Bonta ne pen chelangpetsi Po amethang

akam hei hei klembom. 11 Neke Po pen chelangpet lapen Po ne pen chelangpet pule nangtum kroinon. Bonta

lapu kalite la hei hei akam amethang apotle kroihurnon. 12 Ne, chenam, chenamsi nangtum aphan nang

pulang ne phan kekroi abang, ne keklembom hei hei, alangli klemji lapen la apar akethemu akam alangli

klemji pima neke Po adung dampo. 13 Lapen Sopo pen ajok Po anong kapetheji aphan anangtum ne men pen

kehang aling, lake ne klemji. 14 Nangtum jongsi, ne men pen ne long kopine hanglote ne la klemji.

Karjong kangthir piji pusi kechak

15 Nangtum jongsi, ne phan ne inghon tangte, nangtum ne hukum hei hei kroiji. 16 Lapen neke Po along

choningripo lapen alangli nangtum aphan akaprek, Kapere aBang nang piji. La kaiketa nangtum along doverji.

Page 19: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

17 Lake ahok kethan aKarjong. Pirthe lake chak une pima pirthe la thekthe lapen chinine. Nangtum la chinilo

pima la nangtum along dover lapen nangtum aning arlo do. 18 Jirpo kavedet asonsi ne nangtum aphan oe; ne

nangtum adung vangji. 19 Malomso aphisi pirthe ne phan thek longledetji, bonta nangtum ne phan thekji. Ne

kereng apot nangtumta rengji. 20 Halabangso arni neke Po pen chelangpet lapen nangtum ne pen chalangpet

lapen neke nangtum pen chelangpet, lake nangtum chiniji. 21 Ne hukum hei hei kedo lapen kekroipet abang

ne phan kachinhon abang helo. Ne phan kachinghon abang aphan ne Po chinghonpo lapen neke la aphan

ching honpo lapen la aphan chepeklangpo. 22 Iscariot pu abang kali, akaprek a Judas alangli phan pulo,

Hemphu, nang netum aphan ne chepeklangji lapen pirthe aphan chepklangkeldetji, la athe kopima? 23 Jisu

thaksi alangli phan pulo, mane abang jongsi, ne phan chinghonte la ne lam kroiji lapen tie Po la aphan

chinghonji lapen netum la along vangji lapen la along netum kedo adim chepethikpo. 24 Ne phan

kachinghonhe abang ne lam hei hei kroikre. Lapen nangtum karjulongbom alam lake ne lam kali, bonta ne

phan ne ketoitang aPo alam. 25 Nangtum along kedoun ne la hei hei nangtum aphan nang putekanglo. 26

Bonta ne men pen Po nang ketoiji Kapere aBang, atheke Karjong Kangthir, lake nangtum aphan kadokave

thanji lapen neke nangtum aphan keputang alam anta nangtum aning arlo pachemathathuji. 27 Ne nangtum

aphan ning kangsam pamopo; ne methang aning kangsam ne nangtum aphan nang pitekangpo. Pirthe kepi

asonthot, neke lasonthak thaksi nangtum aphan nang pipe. 28 Nangtum aning chepasiksaksera ning biri. Ne

dampo lapen puthot nangtum along vangthuji lake nangtum aphan ne nang kepu lake nangtum arjulonglo.

Nangtum jongsi, ne phan chinghon asonte ne Po adung dampo, la pen apot nangtum anining arongji apotlo

pima ne par Po themulo. 29 Lapen la kachekokji ahut nangtum kekroiji aphan ne nonke la chekokke ako

nangrum aphan nang putanglo. 30 Non pen apara ne nangtum pen chingki parpedetji thngbakma pirthe

ahemphu vangpo lapen alangli ne phuthak thang ajakong ave. 31 Bonta Po aphan ne chinghonlo lapen Po ne

phan hukum kepi asonthot ne lasonthak thaksi klemver, pirthe aphan la kapachiniji aphan pirthe ahemphu

vangpo. Thurnon; ili dak pen damlonang.

Rikang lapen aro

15

1 Ne helo rikang binonglo lapen ne Po katiki abanglo. 2 Ne pen kacheraphet, athe kapathethe arotin, alangli la

bengpet lapen athe kapathe arotin, alangli la athe kapapathemuchotji aphan la kolom kepi. 3 Ne nangtum

nang keputang alam lake labangso aphrangke nangtum aphan nang pangthirtanglo. 4 Ne pen

chelangpetbomnon lapen ne nangtum pen pen pachelangpetnon. Aro arikang pen cheraphethete ametnang

pen athe chepathe une asonthot, lasonthak thaksi nangtum ne pen chelangpetpete ajhe chepathe une. 5 Ne

helo rikang, nangtum aro. Ne pen kachelangpet abang lapen ne alangli pen chelangpet, labangso abang athe

pathe-o pima ne penpete nangtum thangta klem une. 6 Mane abang jongsi ne pen chelangpetpete hala ro

asonthak thaksi la aphan varchorpo lapen la chekeduji lapen halatum la pangrumsi me angkang varsi

phrindutji. 7 Nangtum ne pen chelangpetbomte lapen ne lam hei hei nangtum aning arlo dobomte nangtum

aning kehang alingle hangnon lapen nangtum aphan la chekokji. 8 La pen ajok atheke, nangtum athe

kapathe-o pen ajok ne Po anong theji lapen lasonsi nangtum ne sangho atum plangsi 9 Po ne phan kachinghon

asonthotsi neta nangtum aphan chinghonlo. Ne kanghon angkangle dobomnon. 10 Neke ne Po ahukum hei hei

kroilo lapen alangli kanghon angkang dobomlo. Lasonthak thankle nangtum ne hukum hei hei kroilote

nangtum ne kanghon angkang dobomji. 11 Ne ning arong nangtum aning arlo kedoji aphan lapen nangtum

aning arong keplengchenji aphan ne nangtum aphan la hei hei nang putanglo. 12 Ne nangtum nang

kachinghon asonthotle lahin lahin chinghonseroinon, la helo ne hukum. 13 Ajirpo atum aphan amethang apran

kachepi apar baduta akanghon kethemuchot ave. 14 Ne nangtum aphan hukum kepi asonle nangtum klemlote

nangtum ne jirpo atum. 15 Non pen apara ne nangtum aphan ban nang pupe pima ahemphu keklem akam

abanke la chinine; bonta ne nangtum aphan jirpo pusi nang hangpo pima Po along karjulong alam an lake ne

nangtum nang thantanglo. 16 Nangtumsi ne ingvaivelo bonta nesi nangtum nang ingvailo lapen nangtum

kedamra athe kapatheji aphan lapen halabangso athe kedoverji aphan ne nangtum nang battanglo. Lahelo Po

along nangtum ne men pen kehang aling, lake alangli nangtum aphan nang piji.

Pirthe lapen ahok akarjong

Page 20: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

17 Nangtum lahin lahin kachinghonseroi thekji aphan ne nangtum aphan la hei hei ahukum nang pilo. 18

Pirthe jongsi, nangtum aphan nang hijim tangte, aphrangke ne phan ne hijimlo pu chiniiktha. 19 Nangtum

pirthe aso asonte pirthe amethang aso inghonji apotlo. Bonta nangtum pirthe aso kalidet bonta nesi nangtum

aphan pirthe pen nang kangvai apot pirthe nangtum aphan nang hijimlo. 20 Nesi nangtum aphan keputang

alam nangtum aning arlo chebipemenon, atheke, lahelo, ahemphu apar aban themu, lapu kali. Halatum jongsi,

ne phan ne cheneklo tangte nangtum aphanta nang chenekji. Halatam jongsi, ne lam kroilo tangte nangtum

alamta kroiji. 21 Bonta ne men pot halatum la hei hei nangtum aphan klemji pima halatum ne phan ne

ketoitang abang aphan chinine. 22 Ne vangvedetra halatum aphan pupedet asonte halatum apap avedetji

apodo. Bonta non halatum pap keklem-i athe avedetlo. 23 Ne phan kahijim abangke ne Po aphanta hijimlo.

24 Abang kaprek keklemklepinlang, ne lason akam hei hei halatum angbong klemkle asonte halatum apap

avedetji apotlo. Bonta nonke halatum ne lapen ne Po aphanta theklonglo lapenke hijimlo. 25 Bonta halatum

aron ketok alam chekoknanglo, atheke, akejoisi halatum ne phan ne hijimlo. 26 Kapere aBang kevangji ahut

atheke Po along pen ne nangtum aphan nang ketoiji aBang atheke, Po pen kevang ahok aKarjong halabangso

aBang ne lamjir haki piji. 27 Lapen nangtumta haki pibom pima kecheng pen nangtum ne long dobomlo.

16

1 Nangtum pap keklemthuthedetji aphan ne nangtum aphan la hei hei nang putanglo. 2 Halatum kardom ahem

pen nangtum amen thanji bonta nangtum aphan nang kapethiji abang an, ne Arnam akam klemlo pusi halatum

matharepji, lason ahut vangji. 3 Halatum la hei hei klemji pima halatum Po lapen ne phanta chininelang. 4

Bonta mo la hei hei alam kachekokji ahut, ne nangtum aphan la pulo pu, nangtum la kachemathathu thekji

aphan ne nangtum aphan la putanglo. Kechengsi ne la hei hei nangtum aphan nang thanthelo pima ne

nangtum along dobomlo. 5 Bonta nonke ne phan ketoitang abang along ne chevoipo lapen nangtum angbong

baduta nang konatsi dampoma pusi ne phan arjujelo. 6 Bonta ne nangtum aphan la hei hei nang keputang apot

nangtum aningduk plengchenlo. 7 Bonta ne nangtum aphan ahok alam nang pulang, ne dak pen kedamji, lake

nangtum alelo, thangbakma ne damdete ha Kapere aBang nangtum along vangvedetji bonta ne damlote ne

alangli phan nangtum along nang toiji. 8 Lapen alangli vangsi pap, dharmikota lapen kangsai, la sonthom

alamjir pirthe aphan pekroipemeji. 9 Pap alamjir pima halatum ne phan kroikre; 10 dharmikota alamjir pima

Po along ne damthupo lapen nangtum hala pen apara ne thek longledetji; 11 kangsai alamjir pima la pirthe

ahemphu aphan ingsaitanglo. 12 Nangtum aphan kethanji, ne penang alam dolang bonta nonke nangtum la

chechak thekthe. 13 Bontba halabangso abang atheke ahok akarjong, kevangji ahut, alangli kadokave ahok

alam anta nangtum aphan nang jalinji. Thangbakma alangli amethang pen ningjejadetji bonta alangli karju long

alam ningjechotji lapen kachekokji alam hei hei nangtum aphan thanji. 14 Alangli ne nong petheji pima alangli

ne pen enji lapen nangtum aphan thanji. 15 Po amar an ne marlo, lahelo halabangso abang ne pen ensi

nangtum aphan nang thanji pusi ne pulo.

Kejut akardom

16 Malomso aphisi nangtum ne phan thek longledetji lapen puthot malomso aphisi ne phan theklongthuji. 17

Lahelo asangho manene atum chepulo, alangli itum aphan pulo, "lapen Po along ne damthupo apot; malomso

aphisi nangtum ne theklongledetji lapen puthot malomso aphisi ne theklongthuji." La athe kopima? 18 Lahelo

halatum pubomlo, alangli kepu alam, atheke, malomso aphisi; la athe kopima? Alangli kaningje alam atheke

itum chinine. 19 Halatum alangli phan karjuji aning hanglo pu chinisi Jisu halatum aphan pulo, malomso aphisi

nangtum ne theklongledetji lapen puthot malomso aphisi theklongthuji, ne la kepu alam athe nangtum lahin

lahin cherjuloma? 20 Chenam chenamsi ne, nangtum aphan nang pulang, nangtum chiru cherheji bonta pirthe

aning arongji. Nangtum ningdukji bonta nangtum aningduk ning arong plangji. 21 Arloso aso pirthe kapahache

ahut aningduk do pima ahut vanglo bonta oso pirthe kahache pen mamat akesung tengnedetlo thangbakma

inut amonit pirthe athak pirthe kahache apot aning aronglo. 22 Lapen lasonsi nangtumta nonke aningduk do;

bonta ne puthot nangtum thek longji lapen nangtum aning arongji lapen baduta nangtum aning arong nangtum

pen thiponpe. 23 Lapen halabangso arni nangtum ne phan thangta arjujedetji. Chenam, chenamsi ne nangtum

aphan nang pulang, Po pen nangtum kehang aling alangli ne men pen nangtum aphan la nang piji. 24 Non anta

nangtum ne men pen thangta hanghelang. Nangtum aning arong apar aning arong keplengji aphan

Page 21: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

hangbomnon lapen nangtum longji. 25 Alamlir pen ne la hei hei nangtum aphan putanglo. Alamlir pen ne

nangtum aphan pupedetji bonta ne nangtum aphan Po alamjir nang thandakji, lason ahut vangpo. 26

Halabangso arni nangtum ne men pen choningriji lapen nangtum pen apot ne Po aphan choningriji pu ne pupe.

27 Thangbakma Po amethangsi nangtum aphan chinghonlo pima nangtum ne phan chinghonlo lapen neke Po

adung pen vanglo pusi nangtum kroilo. 28 Po pen vangsi ne pirthe athak vanglo. Puthot ne pirthe cheosi Po

adung chevoipo. 29 Asangho atum pulo, chiniiknon, nonke nang ningjedaklo lapen lamlir pen pupelo. 30

Nang kadokave an chinipetlo lapen baduta nang phan arjunangji, nang phan lason akenang ave pusi, non

netum la chinilo La pen ajok nang Arnam pen vanglo pusi netum kroilo. 31 Jisu halatum aphan thaklo, nonsi

nangtum kroiloma? 32 Tebonta nangtum chepratseira amethang methang ahem chedamji lapen ne phan ne

inutpetsi otekangji, lason ahut vangpo lapen nonke nang vangtango. Bonsetta ne inutpet kali, pima Po ne long

do. 33 Ne pen chelangpetsi nangtum aning kangsam pen kedo thekji aphan ne la hei hei nangtum aphan nang

putanglo. Pirthe athak nangtum sungji bonta ningthirklong penle donon; nesi pirthe aphan haitanglo.

Jisu akardom

17

1 Jisu la hei hei pudetsi sining aphan utarsi pulo, ahut nang letanglo, Po. Nang alangli phan kadokave amonit

aphuthak ajakong kepi asonthotsi, 2 Sopo nang nong kapetheji aphan nang Sopo anong pethenon; lahelo nang

alangli phan kepitang, la kadokave atum aphan alangli kejut une achethe pi thekji. 3 Lapen inutpet Arnam

binong la nang phan lapenke nang ketoitang abang Jisu Khristo aphanta kachinimuchot muchotjilang, lasi

kejut une achethelo. 4 Keklemji aphan nang ne phan kepi akam la keklem pen ajok neke pirthe athak nang

nong pethetanglo. 5 Lapen nonke Po, nang long pirthe dode ako ne nang dung kedoun ne nong kedo asonthot,

lasonthak thak anong pen ne nong pethenon. 6 Pirthe aso angbong pen nang ne phan ne kepi amonit atum

aphan ne nang ot nang dur binong peklanglo. Halatum nang marlo lapen nang ne phan halatum ne pilo lapen

halatum nang lam kroilo. 7 Nang ne phan kepi ason an la kadokave nang pen kevang pu halatum nonke

chinilo. 8 Pima nang ne phan ne kepi alam an ne halatum aphan pitanglo lapen halatum la chaklo lapen ne

nang dung pen vanglo pu halatum athikpetsi chinilo lapen nang ne phan ne ketoi pu halatum kroilo. 9 Neke

halatum aphan choningrilang; pirthe aphan kali bonta nang ne phan ne kepi atum aphan ne choningrilo, pima

halatum nang marlo 10 lapen ne mar doan nang marlo lapen nang mar ne marlo lapen halatum ne nong

pethetanglo. 11 Lapen non pen apara ne pirthe athak dode bonta halatum pirthe athak dojilang lapen neke

nang dung damthupo. Po Kangthir, ilitum inutnat asonsi halatum inutnat kacheplangji aphan nang ne phan ne

kepi la nang ot nang dur pen ajok halatum binon. 12 Hastro kapachekokji aphan ne halatum along kedoun

nang ne kepi, la nang ot nang dur pen ajok halatum bilo lapen railo lapen halatum angbong pen ha virnangji

abang apar inutnatta virvedetlo. 13 Bonta nonke ne nang long dampo lapen ne ning arong. Halatum aning arlo

aning arong apar arong keplangji aphan ne pirthe athak kedounsi la hei hei ningjelang. 14 Neke halatum aphan

nang lam pitanglo lapen pirthe halatum aphan hijimlo pima neke pirthe aso, lapu kali asonthot, lasonthak

thaksi halatumta pirthe aso kali. 15 Nang halatum pirthe pen keponji aphan lapu kali, bonta ha pap abang pen

nang halatum keraiji aphan ne choningrilo. 16 Neke pirthe aso kalidet asonthot lasonthak thaksi halatumta

pirthe aso kalidet. 17 Ahok penle halatum aphan panongtha! nang lam helo ahoklo. 18 Nang ne phan pirthe

athak ne ketoi asonthak thaksi ne halatum aphan pirthe athak nang toitanglo. 19 Lapen halatum ahok pen

ajok kachepanongji aphan ne methangsi halatum aphan chepanonglo. 20 Ne halatum aphan choningrichot,

lapu kali, bonta halatum alam pen ajok ne phan kekroiji atum aphanta ne choningrilo. La athe kopima? 21

Atheke lahelo; nang ne phan ne toilo, pirthe la kekroithekji aphan, hala sangho atum itum pen aning isipet

keplangthekji aphan, O Po, nang ne pen isipet lapen ne nang pen ening isipet asonthot, lasonthak thakle

halatumta isinat peplangnang. 22 Ilitum inutnat asonthotsi halatumta inutnat—atheke, neke halatum pen

kachelangpet lapen nang ne pen kachelangpet — kacheplangji aphan nang ne phan kepi anong ne labangso

anong halatum aphannpitanglo. 23 La kopi apotloma? Nang ne phan toilo lapen nang ne phan kachinghon

asonthot lasonthak thaksi halatum aphanta chinghonlo pu pirthe la kacharli thekji aphan kekroi atum an isinat

peplang pemenang. Lahelo, athelo. 24 Pirthe kapinchongche ako nang ne phan ne kachinghon apot, Po, nang

ne phan kepi anong nang ne phan ne kepi atum an labangso anong kethek longjisi, ne kedo adim, hadak

Page 22: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

halatumta ne long kedoji aphan ne ning kehang, lahelo. 25 Dhoromi aPo, pirthe nang phan nang chininedetlo

setta neke nang phan chinilo lapen nang ne phan ne toilo pu labangso atum la chinilo. 26 Nang ne phan kedo

akanghon, labangso akanghon halatum aning arlo kedoji aphan lapen neta halatum aning arlo kedoji aphan ne

nang ot nang dur binong halatum aphan peklanglo lapen peklangjilang.

Jisu kenep pon

18

1 La hei hei pudetsi Jisu asangho atum hadak pen barsi Kidron arlok paraidamlo. Hadak apaiberi dolo lapen

Jisu lapen asangho atum la lut damlo. 2 Lapen alangli phan hotur arideng kahodai Judas pu abangta

halabangso adim chinilo, pima Jisu asangho atum pen penang ahut hadak chetong damlo. 3 Lahelo, Judas

Roman asepahi lapen Prist akethe atum lapen Pharisi atum pen tekala atum ponsi lantern hei hei lapen

thengtom hei hei lapen chirnok ponsi hadak damlo. 4 Ansi Jisu amethang aphan kopi pi chekokji, la chinisi

hadak pen barsi halatum aphan pulo, matsi riloma? 5 Halatum alangli phan thaklo, Nazareth aJisu. Alangli

halatum aphan pulo, neli helo. Alangli phan hotur arideng kahodai abang, Judasta halatum pen arjaptherlo. 6

Ansi Jisu halatum aphan ne helo pudetsi halatum dam panungsi longle athak klibupbaplo. 7 Ansi puthot

alangli halatum aphan arjulo, matsi riloma? Lapen halatum pulo, Nazareth aJisu. 8 Jisu halatum aphan thaklo,

neli helo pusi neli nanglitum aphan pulo. Lahelo jongsi, nanglitum neli phanle keri tangte, latum pedam

longnon. 9 Nang ne phan ne kepi atum angbong pen ne inutnatta pevir longledetlo, la alangli kepu alam

kachekokji aphan la planglo. 10 Ansi Simon Pitor anokjir dosi abongkroi pen la chesatsi prist akethe aban

thusi ano ar-e chorphlaklo. Aban amen Malchus. 11 Ansi Jisu Pitor aphan pulo, nok abongkroile

chethapthunon. Po ne phan kepi aharlung, ne la junpo kalima? 12 Lahelo Roman asepahi atum lapen

ahemphu lapen Judia atum atekala atum Jisu nepcheksi, koksi 13 aphrangke Annas along ponlo. Thangbakma

alangli halabangso aningkan prist akethenei, Caiaphas pu abang ahupolo. 14 Rat atum aphan inut amonit

thilote halatum ale doji pusi Judia atum aphan kethan abang, Caiaphas, helo.

Pitor Jisu aphan kachekrongkre

15 Lapen Simon Pitor lapen asangho kaprek Jisu aphi phi dunlo. Bonta Prist akethenei halabangso asangho

chinilo lapen alangli Jisu along prist akethenei atikup lutdunlo 16 bonta Pitor inghap angtansi arjapthersi

dolang. Ansi hala kaprek asangho, prist akethenei aphan kachini hala abang, ingtan vangsi inghap kehon

arloso pen chingkilolapen Pitor tikup arlo ponlo. 17 Ansi ha banpi, ha inghap kehon arloso Pitor aphan pulo,

nanglita labangso amonit asangho kalidetbo? 18 Alanglipulo, nelike kali. Bonta ban atum lapen tekala atum

hadak arjapphronglo lapen ingsam apot hokvai ame thorsi me chinghiplo. Lapen Pitorta halatum pen

arjapdunthersi me chinghiplo. 19 Ansi prist akethenei Jisu aphan asangho atum alamjir lapen alangli kethan

alam alamjirta arjulo. 20 Jisu alangli phan thaklo, nelike pirthe angno pudaklo. Nelike kaiketa kardom ahem

arlo lapen kardom ahem thepi arlo thanlo. Hadak kadokave ajudia atum chepangrumbom lapen kethan

kanghu neli thangta avelo. 21 Neli phan kopi apotsi arjulo? Neli karjuphrong atum aphan pisi puloma, halatum

aphanle arjunon. Chiniiknon, neli kepu alam halatum chinilo. 22 Jisu la pudetsi takala atum angbong pen

alangli dung karjapther abang inut alangli kecheng ardepsi alangli phan pulo, nangli Prist akethenei aphan

lapusonsi thakloma? 23 Jisu alangli phan pulo, neli jongsi, kahingno alam putanglo tangte, la kahingno alamjir

haki chodunnon bonta kerne pulote kopi apotsi neli phan chokloma? 24 Lahelo Annas alangli kekoklangsi

Caiaphas pu aprist akethenei along nang toilo. 25 Bonta Simon Pitor arjapthersi me chinghiplang. Lasi

halatum alangli phan pulo, nanglita alangli sangho atum angbong inut kalidetbo? Alangli chekrongkredetsi

pulo, nelike kali. 26 Prist akethenei aban inut, atheke Pitor alangli no kechorphlak halabangso abang

kachepho abang pulo, ha paiberi arlo alangli long nelike nangli phan theklonglo, kalima? 27 Lasi Pitor puthot

chekrongkredetlo lapen la pu mamat vo ejon kulo. Roman governor atheke pilate Jisu kabisar 28 Ansi

halatum Jisu aphan Caiaphas adung pen governor ahem ponlo. Theang prinprelelo. Lapen halatum kangthirthe

kacheplangpledetra Kejok aMei kecho thekji aphan governor ahem lutdundelo. 29 Lahelo Pilate halatum

adung ingtan vanglo lapen pulo, labangso amonit aphan nanglitum kopi adai tinloma? 30 Halatum alangli phan

thaksi pulo, alanglile kahingno akam klemkle asonte nelitum nangli rideng alangli phan hodaidedetji apotlo. 31

Page 23: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

Lahelo, Pilate halatum aphan pulo, nanglitum aron asonle ingsainon. Judia atum alangli phan pulo, nelitum

badu aphanta kapethiji aron ave. 32 Jisu kepu alam, atheke, alangli kopusonsi thijidok doklo, la kamontri alam

kachekokji aphan la planglo. 33 Ansi Pilate puthot governor ahem lut damthusi Jisu aphan hangsi alangli phan

pulo, nanglile Judia atum arechoma? 34 Jisu thaklo, nangli mamat la puloma kalite bang kaprek atum neli

lamjir phan nang puloma? 35 Pilate thaklo, nelike Judia amonitma? Nangli det arat atum lapen prist akethe

atum nangli phan neli rideng nang hodailo. Nangli pi inghoiloma? 36 Jisu thaklo, neli rat la pirthe arat kali.

Neli ratle la pirthe arat asonte neli tekala atum nei phan Judia atum arideng kapahodai longledetji aphan neli

phan ron chedanji apotlo. Tebonta neli rat lapuson arat kali. 37 Lasi Pilate alangli phan pulo, tangte nanglile

recholo. Jisu thaklo, neli phan recho pusi nangli pulo. Nelike ahok aphan haki kepijisi neli pirthe hachelo

lapen la aphan neli pirthe athak nang klanglo. Ahok aso an neli se arjulo. 38 Pilate alangli phan pulo, ahok

kopima? Lapen la pudetsi alangli puthot ingtan nang barsi Judia atum along damthusi halatum aphan pulo,

nelike alangli thangnat adai theklongledetlo. 39 Bonta Kejok aMei ahut neli nanglitum aphan inut amonit

pejok nangji, nanglitum lason ateng do. Tangte, neli nanglitum aphan Judia atum arecho nang pejok piji,

nanglitum aning kehang laheloma? 40 Ansi halatum puthot hangjosi pulo, labangso abang kali, bonta ha

Barabbas. Hala Barabbas dokait.

Pilate Judia atum alam kekroi

19

1 La aphisi Pilate Jisu ponsi champre abu pen pechoklo. 2 Lapen sephai atum ingsu kethe pen avaikang

arhetsi alangli phu athak bado lapen hepi arje achoi keding pindenglo 3 lapen alangli dung vangbomsi pulo,

kardom, Judia atum aRecho! Lapen halatum alangli kecheng ardepphratlo. 4 Lapen Pilate puthot ingtan nang

barsi halatum aphan pulo, neli alangli thangnat adai theklongledetlo, nanglitum la kachini thekji aphansi,

langnon, neli alangli phan ingtan nanglitum along vanpo. 5 Ansi Jisu ingsu avaikang aphu athak dolang lapen

hepi arje achoi keding chepindenglangsi ingtan vanglo. Lapen Pilate halatum aphan pulo, jo! Halabangso

abang. 6 Lasi prist akethe atum lapen atekala atum alangli theklongsi puhursi hangjojolo, theng parpan athak

pethinon! theng parpan athak pethinon! Pilate halatum aphan pulo, nanglitum alangli ponra theng parpan

athak pethi damnon thangbakma nelike alangli dai theklonglelang. 7 Judia atum alangli phan thaklo, nelitum

aron do lapen halabangso aron pen alangli thi masi pima alangli amethang aphan Arnam aSopo pusi cheirlo. 8

Lasi Pilate labangso alam arjulongsi aphrang apar pheremuchotsi 9 puthot governor ahem chelut damthusi

Jisu aphan pulo, nangli konat pensi kevang? Bonta Jisu alangli phan thakthedetlo. 10 Lasi Pilate alangli phan

pulo, neli phan nangli pupema? Nangli phan kapjokji lapen nangli phan theng parpan athak kapapethiji, neli

lason ajakong do pusi nangli chinilo, kalima? 11 Jisu thaklo, angsong penle nangli phan pipedet asonte nangli

neli phuthak thang ajakong avedetji apotlo. La apotsi nangli rideng neli phan ne kahodai abang apap themulo.

12 Hala pen apara Pilate alangli phan kapejok phlotji abidi ribomlo. Bonta Judia atum puhursi hangjolo, nangli

jongsi, labangso abang pejokphlotlote nangli Koisor ajirpo kali. Amethang aphan recho pusi kepu abang

phutin Koisor ahotur cheplangdetlo. 13 Ansi Pilate la hei hei alam arjulongsi Jisu ingtan vanlo lapen kangsai

anghoi ingnilo. Lake Arlong Kapangni pe adim lapen Ibri alamsi amen Gabbatha. 14 Lake Hukurbar nerlo

chitim anbak ahut. Lapen Pilate Judia atum aphan pulo, jo! nanglitum arecho. 15 Ansi halatum hangjojolo,

pethinon! pethinon! theng parpan athak pethinon! Pilate halatum aphan pulo, neli nanglitum arecho theng

parpan athak pethinangjima? Prist akethe atum thakhurlo, Koisor apar nelitum arecho avedet. 16 La aphisi

Pilate alangli phan theng parpan athak kapethiji halatum arideng hodailo.

Jisu theng parpan athak kesak

17 Ansi halatum Jisu ponsi alangli methangsi atheng parpan chinghorsi ingtan barsi phubongkok pu adim

damlo. Ibri atum labangso adim Golgatha sipu. 18 Hadak halatum Jisu lapen bang hini kaprek atum aphan

theng parpan athak pethilo; ihi ihi inut lapen Jisu angbongsi do. 19 Lapen Pilate angthek toksi theng parpan

athak pebonlo. Ketok alam lahelo. NAZARETH AJISU, JUDIA ATUM ARECHO. 20 Ansi penang aJudia

atum labangso angthek langlo pima Jisu theng parpan athak kapethi adim rongsopi tebokhet lapen alam Ibri,

Roman lapen Greece alam penta tokdetlo. 21 Lasi Judia atum aprist akethe atum Pilate aphan pulo, Judia

Page 24: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

atum aRecho, lale tokri bonta labangso abang, neli Judia atum arecho pusi pulo, lale toknon. 22 Pilate thaklo,

neli ketoktang, neli lasi toktanglo. 23 Ansi sepahi atum Jisu aphan theng parpan athak pethidetsi ape ri phan

phili bisi chethaklo, abang phutin asepahi aphan ephan lapen achoi dolang. Bonta hala choi keroi adim ave;

athak pen aber anta bithe bitha epaknat thakdet. 24 Lahelo halatum chepulo, la ingseknangne; bonta matsi

longjima, la aphan khadot pathunangho. Halatum neli kacheum ape chethaklo Lapen neli pe ri aphan khadot

patulo. Labangso ketokdet, Hastro alam kachekokji aphan la cheplanglo. Lahelo sepahi atum la klemlo. 25

Lapen Jisu atheng parpan adung apei lapen apinu, atheke Clopas apiso Meri, lapen Magdala aMeri, la bang

kethom arjapphronglo. 26 Lasi Jisu apei lapen amethang kachinghon asangho tebok theklongsi alangli apei

aphan pulo, jo! pei, nangli sopo. 27 Ansi alangli asangho aphan pulo nang pei, jo! Lapen halabangso ahut pen

hala sangho hala abangpi amethang ahem cheponlo. 28 La phisi kadokave ason an non choktanglo pu Jisu

chinisi Hastro alam kachekokji aphan 29 pulo, neli lang ingido. Hadak drakha alang kethor plengset aharlung

ehong do. Lasi halatum sponj epum hala drakha alang kethor pen peplengsi achir krongsi Jisu angho tunglo.

30 Jisu ha drakha alang kethor endet pen mamat pulo, choktanglo lapen aphu tongdiksi.

Jisu arep chir pen ketoklut lapen kepip dam

31 Lahelo lake Hukurbar apot halabangso arpum kethom theng parpan athak hala kesang arni kedo

longledetji aphan, (thangbakma hala kesang arni theparpik), Judea atum Pilate along choningri damlo, atheke,

hala thijidok dok atum akeng kapelokji lapen arpum katerekji ahukum hanglo. 32 Lahelo sepahi atum vangsi

Jisu along theng parpan athak kapethidun aphrang abang lapen abang kaprek akengta peloklo. 33 Bonta Jisu

adung vangsi thitanglo pu theklongsi akeng peloklelo. 34 Bonta sepahi inut achir pen arep tokludo lapen la

mamat vi lapen lang nang chonlo. 35 Lapen nanglitumta kekroi thekji aphan la ketheklong abang ahaki

chodunlo lapen ahaki, haki binong lapen alangli ahok kepu lake alangli chinilo. 36 Thangbakma areppi

ehongnatta lokledetji, labangso aHastro kachekokjisi la hei hei planglo. 37 Lapenke aHastro kaprekta pulo,

halatum amethangsi ketoklut abang aphan langphrongji. 38 La hei hei aphisi Arimathea aJoseph Jisu arpum

katerekji ahukum kelongji aphan Pilate along choningrilo. Labangso aJoseph Jisu along kedunjoi asangho

thangbakma alangli Judia atum aphan pherelo. Lapen Pilate hukum tholo. Ansi alangli vangsi alangli arpum

tereklo. 39 Lapen Nicodemus atheke, aphrangke ajosi Jisu adung kevang, hala abang, hijung aphik pen

kapangvuisai ogoru ajangthu la lin phohkep anbak vansi vanglo. 40 Ansi halatum Jisu abang arpum ensi ha

nemprujin ahormu pen pen linen ape phirsoni pen perlo. Lake kepipji aphan Judia atum ateng asonlo. 41

Alangli phan theng parpan athak kapethi adim apaiberi dolo lapen paiberi arlo theri akimji do. Hadaksi badu

amonit bibepinlang. 42 Lahelo Judia atum Hukurbar apot lapen ha theri tebokhet apot halatum Jisu hadaksi

bilo.

20

1 Kesang arni aphi arni Magdala aMeri theangprinprele theri vangsi theri pen arlong katerek-katerektang

theklonglo. 2 Lasi alangli katjuisi Simon Pitor lapen Jisu alangli phan kachinghon asangho kaprek, la bang hini

along vangsi halatum aphan pudamlo, komane atum Hemphu atheri pen terektanglo lapen alangli konatsi

biloma, lake netum chinine. 3 Ansi Pitor lapen hala kaprek asangho ingtan nang barsi theri damlo. 4 Lapen la

bang hini atum katrapraplo. Lapen hala kaprek asangho Pitor apar katprapmuchotsi aphrangsi therei lelo 5

lapen ardiksi linen ape klong athak ketirok theklonglo, bonta lut damdelo. 6 Ansi Simon Pitorta aphi dunsi

vanglo lapen theri lutdamlo lapen ha linen ape klong athak ketirok 7 lapen Jisu aphu kephung ape, lake ha

klong athak ketirok, linen ape along ave bonta, thuidetsi adim kaprek kebitekang theklonglo. 8 Ansi theri

keledapmuchot asangho kaprekta lut damsi theklongsi kroilo. 9 Thangbakma alangli kethitang atum angbong

pen thurnangji, Hastro la kepu alam halatum halabangso ahut anta chinninelang. 10 Ansi la sangho atum

puthot amethang methang ahem chevoithulo.

Jisu Meri aphan kacheklang

11 Bonta Meri theri angtan arjapthersi chirubomlang. Ansi chiru ponbomsi alangli theri arlo ardiklo 12 lapen

sining atekala bang hini theklonglo. Halatum kelok ape chepindenglo lapen Jisu abang arpum kebi adim,

Page 25: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

halabangso adim aphutang inut lapen akengthir, inut ingnilo. 13 Lapen halatum alangli phan pulo, pi apot

chiruloma, pei? Alangli halatum aphan pulo, komane atum neli Hemphu terektanglo lapen konatsi bi

damloma, lake neli chinine. 14 La pudetsi alangli anung anat chetevarlo lapen karjapther aJisu theklonglo.

Bonta lake Jisulo pu alangli chinine. 15 Jisu alangli phan pulo, apot chiruloma, pei? Mat aphan riloma?

Labangso abang pairberi katiki abanglo pu mathasi labangpi alangli phan pulo, Hemphu, nangli jongsi, alangli

enjoilo tangte, konatsi bidamlo, lale neli phan thantha lapen nelike alangli terekpo. 16 Jisu alangli phan pulo,

Meri. Chetevarsi labangpi angli phan Ibri alam pen pulo, Rabbi, atheke, Pondit. 17 Jisu ilangli phan pulo, ne

otbomri thangbakma non anta Po along ne arlu damdelang. Bonta ne korte atum along damra halatum aphan

punon; ne ne Po lapen nangtum aPo lapen ne Arnam lapen nangtum a-Arnam along arlu damlang pusi alangli

pulo, lale pura than damnon. 18 Magdala aMeri asangho atum along damsi, ne Hemphu theklongtanglo lapen

alangli ne phan lahei hei pulo, pusi than damlo.

Jisu sangho atum aphan kacheklang

19 Anke halabangso ami mamat, atheke kesang arni aphi arni, arni kangsam ahut, Judia atum aphan kaphere

apot sangho atum kedo adim anghap ingkirhet aphi Jisu vangsi halatum angbong arjapthersi halatum aphan

pulo, nangtum along ning kangsam pedonang. 20 Lapen la pudetsi alangli halatum aphan ari lapen arep

chepeklanglo. Ansi Hemphu aphan thekphrongsi sangho atum aning arongparlo. 21 Ansi Jisu halatum aphan

puthulo, nanglitum along ning kangsam pedonang. Po ne phan ne ketoi asonsi neta nangtum aphan nang toipo.

22 Lapen la pudetsi alangli halatum aphuthak achethe vangphunsi halatum aphan pulo, Karjong Kangthir

dengnon. 23 Nangtum badu amonit latum apap hei hei diyalote la diyatanglo lapen badu amonit atum apap hei

hei khanglote la khangtanglo.

Jisu Thomas aphan kacheklang

24 Bonta bang krehini atum angbong pen inut, atheke, kacherop pu abang, Thomas, Jisu kevang ahut halatum

along ave. 25 Lasi akaprek asangho atum alangli phan pulo, netum Hemphu theklongtanglo. Bonta alangli

halatum aphan pulo, ne jongsi, alangli ri gozar amek thek longlete lapen ne ri achimun la gozar amek chut

longlete lapen arep ne ri chephu longlete ne jonghe setta kroikredetji. 26 Ni nerker aphisi alangli sangho atum

lapen halatum pen Thomasta hem arlo dolo. Anghap ingkhirpet setta Jisu vanglo lapen halatum angbong

arjapthersi pulo, nangtum along ning kangsam pedonang. 27 Ansi alangli Thomas aphan pulo, nang ri achimun

dakle bira ne ri langnon lapen nang ri chephejengra ne rep arlo chephunon lapen kroikrebomri bonta kekroi

abang cheplangtha. 28 Thomas thaksi alangli phan pulo, ne Hemphu lapen ne Arnam. 29 Jisu alangli phan

pulo, ne phan ketheklongtang apot nang kroitangloma. Ketheklonglepinlang bonsetta kekroi atumle rengme.

Johan abirta keme ketok athe

30 Chenamsi, sangho atum angno Jisu keklemtang angthek kaprek do-olang. La hei hei labangso akitap arlo

toktedet. 31 Bonta Jisu helo Khristolo, atheke, Arnam aSopo, nanglitum la kekroi thekji aphan lapen kekroi

pen ajok alangli men pensi chethe kelongji aphan la hei hei toktanglo.

Tiberias atalo akung Jisu kacheklang

21

1 Aphisi Tiberias atalo akung Jisu puthot sangho atum aphan cheklanglo. Alangli lapusonsi cheklanglo, 2

atheke Simon Pitor lapen kacherop pu abang, Thomas, Japen Galilee adet Cana arong asor Nathanael lapen

Zebedee asopo atum lapen asangho kaprek atum bang hini, la kadokave elongpetsi do. 3 Simon Pitor halatum

aphan pulo, ne lang aok ri dampo. Halatum alangli phan pulo, netumta nang long dunpo. Halatum ingtan

damsi telong chethap damlo lapen halabangso ajo jo pangthangsi thangta longledetlo. 4 Bonta theang

prinprele Jisu talo akung arjaptherlo bonta sangho atum la Jisu pu chininedetlo. 5 Ansi Jisu halatum aphan

pulo, ok doma, komarli amm? halatum alangli phan thaklo, ave. 6 Lapen alangli halatum aphan pulo, telong

Page 26: CHETHE ATOVAR JOHAN KETOK ABIRTA KEMEgospelgo.com/q/Karbi Bible - Gospel of John.pdf · CHETHE ATOVAR JOHAN KETOK ABIRTA KEME Kecheng alam 1 1 Kechengsi Lam do lapen Lam Arnam along

ar-ele nangtum alan varnon lapen longpo. Ansi halatum varlo lapen ok do-o khangjang apotsi la vung

thekthedetlo. 7 Ansi Jisu amethangsi kachinghon, halabangso asangho Pitor aphan pulo, lake Hemphu. Ansi

Simon Pitor lake Hemphu pu arjulongsi achoi keding cheumlo thangbakma alangli areng angselo, lapen talo

chitilo. 8 Bonta sangho kaprek atum ok pen kepleng alan chethursi telongso pen vanglo thangbakma halatum

talo akung pen helo parpelo, atheke, tharlon krephoh anbak. 9 Ansi halatum telong cheosi hokvai ame karang

lapen la athak kebi aok lapenke himta theklonglo. 10 Jisu halatum aphan pulo, non la kelong aok asapbakle

vantha. 11 Simon Pitor telong chethapsi longle athak alan vunglo. Lake ok akethe pen plengset jon pharo isira

phohkepra kethom dolo. Lapen lapu an setta alan rakredetlo. 12 Jisu halatum aphan pulo, vangra chotha.

Nangli komatma, pusi badu asangho alangli phan karjuji haihedet pima halatum alangli Hemphulo pusi chinilo.

13 Jisu vangsi him ensi halatum aphan pilo lapen lapusonsi halabangso aokta pilo. 14 Non lake Jisu kethitang

atum angbong pen kethur aphi sangho atum aphan kacheklang batai kethom aphong.

Jisu Pitor aphan kejut alam

15 Ainsi an chodetsi Jisu Simon Pitor aphan pulo, Johan, asopo, Simon, latum apar nang ne phan ne

inghonmuma? Alangli Jisu aphan pulo, ahoklo, Hemphu ne nang phan inghonlo pu nangke chechinilo. 16 Jisu

alangli phan pulo, ne meresak aso atum lananon. Puthot batai hini aphong Jisu alangli phan pulo, Johan asopo,

Simon, nang ne phan inghonma? Pitor alangli phan pulo, ahoklo, Hemphu, ne nang phan inghonlo pu nangke

chechinilo. Jisu alangli phan pulo, ne meresak atum vinon. 17 Batai kethom aphong Jisu alangli phan pulo,

Johan asopo, Simon, nang ne phan inghonma? Jisu alangli phan batai kethom aphong nang ne phan inghonma?

la kepu apot Pitor aningduksi Jisu aphan pulo, Hemphu, nangke kadokave an chechinipedo, ne nang phan

inghonlo pusi nangke theklonglo. Jisu alangli phan pulo, ne meresak atum lananon. 18 Chenam, chenamsi ne

nang phan nang pulang, nang riso ako nang vam chekoksi nang ning kehang alingsi damlo. Bonta sarudetsi

nang nang ri hongni chep hejengji lapen akaprek abang nang vam koksi nang kedamji nang ning kehanghe

adim nang ponji. 19 Pitor kopuson akethi pen Arnam anong petheji pusi Jisu la montrilo. Lapen pudetsi alangli

Pitor aphan pulo, ne phi dunbomnon. 20 Pitor chetevarsi Jisu amethang kachinghon asangho, halatum aphi

dunbomlo, la theklonglo. Lapenke halabangso abang hala an chopi ahut Jisu aning cherchungsi pulo, Hemphu,

hotur arideng nang phan nang kahodai abang komatma? 21 Lahelo Pitor labangso abang theklongsi Jisu aphan

pulo la aphan picheplangjima, Hemphu? 22 Jisu alangji phan pulo, ne vangvetikke alangli kedojisi, ne ning

tangte, la phan nang kamatha athe kopima? Nang methangle ne phi dunbomnon. 23 Lahelo halabangso

asangho thithedetji pu labangso alam korte atum angbong chethangpetlo. Bonta alangli thithedetji pusi Jisu

alangli phan pupedetlo bonta ne vangvetikke alangli kedojisi, ne ning kehang lahelo tangte, la aphan nang

kamatha athe kopima?

Kejut alam

24 La hei hei aphan ahaki kepi lapen la hei hei ketoktang asangho, halabangso abang helo. Lapen alangli haki

kepi alam ahok pusi nelitum chinilo. 25 Bonta Jisu keklem akam kaprekta do-olang. La, doan tokpetlote ketok

nangji akitap pirthe setta jangjedetji tahai pusi neli ning mathalo.