Ring Desa Pakraman Dauh Puri, sang surya mancarang sinarnyane, ngawinang galang marcapadane sami. Siape pada makruyuk saling saurin, risedekan para istrine nebuk lesung tan pererenan. Wenten anak istri mejalan sambilange nenteng beblanjaan sarwa be pindang, kangkung, kal base, miwah kal jukut lianan. Anak istri punika maparab Asih. Tan sida bane ngraosang anake istri ento saking jegegne, buka dedari sane tedun uli kahyangan. Kenyemne manis, bokne lantang, selem, buin samah. Alisne nyeririt, peningalane masunaran galang, tan bina kadi bintang sane masunaran ring langite. Bangkiangne rengkiang sekadi acekel gonad. Tay . Bapan Asihe maparab Agus, sane pinaka Kepala Desa ring Desa Pakraman Dauh Puri punika. Memene maparab Sari. Men Sari punika medagang tipat cantok sane kasub ring desa punika, krana jaan buin nyangluh. Tipat cantok, jukut plecing, tahu goreng, misi krupuk, amet jaane konden buin buin es kuudne, dalumane, kolakne, es campure, mimih . Ngetel bane poose.