ATUR PURWAKALA

Puja puji syukur wonten ngarsanipun Gusti Allah kanthi berkah lan katresnanipun kula

saget ngrampungaken tugas praktek Basa Jawi punika. Tulisan punika ngemut kumpulan

conto sesorah.

Mugi kanti tulisan punika, kita saged mangertos sesorah lan kados pundi sesorah ing

pawiwahan .Saenggo saged nambahi wawasan kito sedanten babagan tradisi jawi khususipun

sesorah. Ugi saged kangge nglestarekaken tradisi jawi punika.

Wonten ing tulisan kula sapunika, kula nyariosaken babagan :

1. Atur Pambagyo Harjo Adicoro Aqiqoh

2. Atur Pambagyo Harjo Wilujeng Ing Pawiwahan Supitan

3. Atur Pambagyo Harjo Pasrah Panampining Srana

4. Atur Pambagyo Harjo Layatan

5. Atur Pambagyo Harjo Pawiwahan Temanten

6. Atur Pambagyo Harjo Syukuran

Mugi-mugi tulisan punika saged nambahi pengetahuan utawi kawruh. Bener punika

saking Allah, ananging menawi lepat punika saking kula, kula nyuwun pangapunten.

Matur nuwun dumatheng sedaya ingkang sampun mbiyantu kangge ndadosaken tulisan

punika. Kritik lan saran mugi saged nyempurnakaken tulisan punika.

Matur nuwun.

Penulis,

Krisna Hanjar P

| Tugas Ujian Praktek (sesorah) 1

DAFTAR ISI

Atur Purwakala...............................................................................1

Daftar Isi.........................................................................................2

Pambuka..........................................................................................3

a. Latar belakang masalah.........................................................3

b. Identifikasi masalah...............................................................3

c. Rumusan masalah .................................................................3

Wosing Pirembagan .......................................................................4

a. Atur Pambagyo Harjo Adicoro Aqiqoh..............................4

b. Atur Pambagyo Harjo Wilujeng Ing Pawiwahan Supitan...5

c. Atur Pambagyo Harjo Pasrah Panampining Srana..............7

d. Atur Pambagyo Harjo Layatan............................................9

e. Atur Pambagyo Harjo Pawiwahan Temanten.....................12

f. Atur Pambagyo Harjo Syukuran.........................................13

Panutup...........................................................................................14

b. Pamrayogi................................................................................14

| Tugas Ujian Praktek (sesorah) 2

PAMBUKA

A. Latar Belakang Masalah

Ing samadyaning masyarakat Jawi mesti boten saged ngalangi sing jenenge sesorah,

punapa maneh menawi kita dados tuladhaning masyarakat utawa pemimpin. Kita wajib

saged sesorah.

Ing tulisan punika kula inggih ngadahi ujian Praktek. Nanging ing tulisan punika

momot conto-contonipun pidato, saengga sapa kemawon ingkang ngadahi kewajiban

pidato saged sinau conto-conto pidato punika.

B. Identifikasi Masalah

1. Kados pundi contonipun Atur Pambagyo Harjo Adicoro Aqiqoh?

2. Kados pundi contonipun Atur Pambagyo Harjo Wilujeng Ing Pawiwahan Supitan?

3. Kados pundi contonipun Atur Pambagyo Harjo Pasrah Panampining Srana?

4. Kados pundi contonipun Atur Pambagyo Harjo Layatan?

5. Kados pundi contonipun Atur Pambagyo Harjo Pawiwahan Temanten?

6. Kados pundi contonipun Atur Pambagyo Harjo Syukuran?

C. Rumusan Masalah

1. Ngandharaken contonipun Atur Pambagyo Harjo Adicoro Aqiqoh

2. Ngandharaken contonipun Atur Pambagyo Harjo Wilujeng Ing Pawiwahan Supitan

3. Ngandharaken contonipun Atur Pambagyo Harjo Pasrah Panampining Srana

4. Ngandharaken contonipun Atur Pambagyo Harjo Layatan

5. Ngandharaken contonipun Atur Pambagyo Harjo Pawiwahan Temanten

6. Ngandharaken contonipun Atur Pambagyo Harjo Syukuran

| Tugas Ujian Praktek (sesorah) 3

WOSING PIREMBAGAN

1. Atur Pambagyo Harjo Adicara Aqiqoh

Assalamualaikum Wr Wb.

Para pepundhen, para pinisepuh, para sesepuh ingkang pantes pinundhi,

para kadang duta saraya saking calon saha badhe/ calon kadang besan minangka

cundhaka ingkang pantes kinurmatan, para lenggah kakung putri ingkang satuhu

bagya mulya.

Para rawuh kakung miwah putri ingkang minulya. Mangga kita sami

ngaturaken puji syukur wonten ngarsanipun Pangeran ingkang sampun paring

rahmat sarta hidayah dhumateng kita sedaya, karana agung barokah saha

rahmatipun ingkang rumentah dhumateng panjenengan sedaya saengga kanthi

kanikmatan menika kita saget makempal wonten bale wisma ing (siang) punika.

Kejawi saking menika Bapak Darsono sekaliyan ngaturaken agunging

panuwun ingkang tanpa upami, dhumateng panjenengan sedaya, dhumateng

para tangga tepalih, para sanak sedherek menapa dene pawong mitra ingkang

sampun paring pambiyantu ingkang awujud menapa kemawon, ingkang sampun

adamel entheng sesanggemanipun Bapak Darsono sekaliyan ingkang ing titi

kalenggahan menika nembe nampi kanugrahaning Gusti arupi momongan.

Para rawuh para pilenggah ingkang kinurmatan, keparenga atur uninga

bilih awit saking welas asihing Gusti Ingkang Maha Agung saha berkah pandonga

panjenengan sedaya Bapak Darsono sekaliyan nampi nugrahaning Gusti arupi

momongan ingkang mijil kakung rikala dinten Selasa Pahing, tanggal 12 Februari

2011 wonten ing dalemipun kanthi manggih wilujeng tanpa alangan setunggal

menapa. Dene putra ingkang angka kalih menika dening Bapak Darsono

sekaliyan dipun paring name Muhammad Ridwanulloh.

| Tugas Ujian Praktek (sesorah) 4

Ewa semanten, Bapak Darsono sekaliyan tasih badhe ngresahi malih

dhumateng panjenengan sedaya, nuwun inggih nyuwun ugunging tumrap

tambahing donga puja lan puji pangastuti, mugi-mugi putra ingkang nembe lair

menika tansah pinaringan nugrahaning Gusti Ingkang Maha Kuwaos, saged

murakabi dhumateng tiyang sepuhipun, saged mikul dhuwur mendhem jero,

satemah migunani dhateng bebrayan, minggahipun dhateng nusa, bangsa lan

agami, allahumma amin.

Wassallammualaikum.Wr.Wb

2. Atur Pambagyo Harjo Wilujeng Ing Pawiwahan Supitan

Assalamualaikum Wr Wb.

Nuwun, para pinisepuh ingkang kinabekten. Bapak-bapak, Ibu-ibu saha

sadherek-sadherek kakung sumawana putri ingkang dahat kinurmatan.

Kula keparenga sumela afar ngempil kamardhikan panjenengan sekaliyan,

kalanipun saweg sakeco mawan pangandika.

Kula minangka tetalaning tanggap wacana kalilanana kula matur ing ngarsanipun

para rawuh kakung miwah putri.

Baking keparengipun Bapak Darsono sarimbit, kula tinanggenah

nglairaken raos pangraos ingkang mijil Baking telenging wardaya.

Saking Bapak Darsono sarimbit, langkung rumiyin ngaturaken puji syukur

Alhamdulillah dhumateng ngarsanipun Gusti Ingkang Maha Agung, dene saged

anjenengi pawiwahan supitan(sunatan) putranipun ingkang angka kalih nama

pun Muhammad Ridwan.

Kaping kalihipun Bapak Darsono sekaliyan ngaturaken pambagya sugeng

rawuh dhumateng para tamu kakung sumawana putrid. Bapak Darsono

| Tugas Ujian Praktek (sesorah) 5

sekaliyan ngaturaken agunging panuwun ingkang tanpa upami. Dene

panjenengan sami sampun kersa nglonggaraken wekdal saha panggalih saged

sowan ing pahargyan punika kanthi lega-legawaning manah. Lintunipun menika

Bapak Darsono sarimbit ngaturaken panuwun, dene panjenengan sam ugi kersa

paring berkah pangestu dhumateng putranipun ingkang sampun dipun khitan.

Kaping tiganipun mboten kesupen ngaturaken agunging panuwun ingkang

tanpa pepindahan katur dhumateng para sanak sadherek kadang kadeyan,

pamong mitra saha tangga tepalih tuwi para muda-mudi ingkang sampun kanthi

lila legawa paring pambiyantu lan panyumbang ingkang awujud punapa

kemawon ingkang ndadosaken kemayaranipun ingkang mengku damel.

Kaping sekawan Bapak sarimbit nyuwun berkah pangestu dhumateng

putranipun ingkang mentas dipun icali sukeripun, sageda dados putra ingkang

diwasa remaja ngertos tanggel jawab, bekti marang sesepuh lan murakapi

dhateng bebrayan, saha migunani dhateng negari, bangsa lan agaminipun.

Cekap semanten atur kawula, mbok bilih anggen kula ngaturaken tanggap

wacana pambagya harja punika taksih kathah cicir crewet kuciwaning atur, saha

kirang mrenani penggalih panjenengan sami, kula nyuwun agunging samodra

pangaksami.

Wassallammualaikum.Wr.Wb.

3. Atur Pambagyo Harjo Pasrah Panampining Srana

| Tugas Ujian Praktek (sesorah) 6

Assalamualaikum Wr Wb.

Ingkang kinurmatan pinisepuh lan sesepuh, ingkang tansah dados pandam

pandoming kawula dasih, ingkang kinurmatan bapak ustad, para alim ulama

ingkang rinten dalu tansah sumandhing kitab suci wahyuning Ilahi minangka

panuntun kiblating panembah ingkang satuhu luhuring budi, ingkang boten

supen tansah paring winarah babagan kautaman kaliyan pangertosan babagan

leluhuring budi.

Keparenga kula mambeng saha nggempil kamardikan panjenengan sedaya

karana kula piniji panjenenganipun Bapak Darsono sekaliyan, kinen ngaturaken

pambagyo harjo, raos suka ebahing manah bingah saha lekasing sedya ing

kalenggahan punika.

Pinangka purwaning atur sumangga nun tansah kula dherekaken

ngaturaken puji syukur wonten ngarsa dalem Gusti Allah ingkang Maha Agung,

karira sih wilasa miwah barokah ingkang rumentah dhumateng panjenengan

sedaya dalasan kula., saengga ing kalenggahan punika taksih saged kempal

manaunggal kanthi pinayungan karaharjan tebih ing sambekala.

Para lenggah ingkang sinuba ing pakurmatan, madayanign pepanggihan

punika Bapak Darsono sekaliya lumantar kula hangambali atur, sugeng rawuh

awit karawuhanipun para pepundhen miwah para pinisepuh langkung-langkung

para kadang dta saraya tresna, sinarengan raos panuwun ingkang tanpa

pepindhan mugi keparenga panjenenganipun para lenggah kasuwun lelenggahan

kanthi mardu mardikaning penggalih.

Para tamu miwah para lenggah ingkang winantu ing suka basuki, lekas

wekasing sedya wigatosing gati, keparenga kula aturaken nadyan panjenengan

sedaya hambok bilih sampun ngawuningani gatining sedya ing kalenggahan

punika. Nun inggih ing nguni panjenenganipun Bapak Darsono sekaliyan garwa

sampun nggumolongaken pirembagan kaliyan panjenenganipun Bapak Darsono

| Tugas Ujian Praktek (sesorah) 7

sekaliyan, karana ing pangajab sami-sami netepi darmaning asepuh nedya

ngraketaken balung apisah daging arenggang, ingkang antawisipun Bapak

Darsono sekaliyan garwa kagungan putra ingkang kekasih Bagus Ridwan

panjenenganipun Bapak Sujoko sekaliyan anggadhahi siwi putri taruni kanthi

sesilih Rara Sri Ningsih manunggaling sedya ingkang sampun jumbuh

handhaupaken satataning adat. Inggih awit saking samudayanipun sampung

manunggal cipta rasa miwah karsanipun ing kalenggahan punika badhe

kaleksanaaken tata upacara pasrah panampining upakarti winastan lamaran

saha walimahan.

Mugi-mugi lekas wekasing sedya saged kasembadan ingkang sami

ginayuh, panyuwunipun Bapak Darsono sekaliyan mugi wontena jumurunging

pamuji hatuti saking para lenggah sedaya hanggenya Bapak Sujoko sekaliyan

badhe nampi pasrahaipun calon kadang besan tansah manggih basuki ing

salwiring reh.

Hambok bilih Bapak sekaliyan suma-rambah para kaluwangsa anggenipun

nampi karawuhan panjenengan sedaya kiranging tanggap tangguh miwah gupuh

labet henglenggana budi dayaning manungsa kirang smpurna awit saking punika

Bapak Darsono sekaliyan namung tansah tumadhah lubering pangaksama.

Ing wasana pantok pepuntoning aturipun Bapak Darsono sekaliyan

lumantar kula, hambok bilih wonten atur kula ingkang mboten mrenani dhiri

saha mboten hanuju prana labet kiranging seserepan kula ing reh suba sita, basa

tuwin sastra, mugi diagung pangaksama panjenengan sedaya.

Wassallammualaikum.Wr.Wb.

4. Atur Pambagyo Harjo Layatan

| Tugas Ujian Praktek (sesorah) 8

Assalamualaikum Wr Wb.

Kawilujengan, katentreman mugi tansah kasalira miwah kajiwa

dhumateng jasad panjenengan sedaya dalasan kula awit saking kersaning Gusti

Ingkang Maha Kuwaos. Amin.

Para pepundhen, para sesepuh, para pinisepuh ingkang hanggung mastuti

dhumateng pepoyaning kautaman, para alim ulama ingkang rinten dalu tansah

sumandhing dhumateng kitab wahyuning Illahi, para satriyaning praja,

pangemban pangembating praja minangka pandam pandoming para kawula

dasih, para pambela sungkawa miwah panglipur ingkang pantes sinudarsana.

Madyaning dhuhkita ing wekdal punika kula piniji dening kulawarga

Bapak/Ibu Ramlan sumarambah putra wayah ingkang sami nandhang, minangka

sulih salira ngaturaken lekas ing sedya babaring karsa ingkang kawedharaken

ing akathah inggih awit kawontenan miwah raos bebeging manah

panjenenganipun Bapak/Ibu Ramlan karana pinunggel jatining katresnan pisah

salami-lamininpun ingkang punika mboten kumiwa matur wonten ngarsa

panjenengan sadaya amung kandheg wonten salebeting kalbu.

Para pambela sungkawa kakung putri ingkang taksih pinaringan

rohmating Gusti, minangka purwakaning atur kula, sumangga panjenengan

sedaya kula dherekaken sesarengan tansah ngluhuraken asmaning Gusti Allah

Ingkang Maha Kuwaos, awit ing kalenggahan punika panjenengan sedaya dalasan

kula taksih pinarengaken kempal manunggal saged ndherek bela sungkawa

sedanipun Bapak Rolan kanthi manggih kawilujengan.

Para pambela sungkawa kakung putri ingkang sinubeng pakurmatan,

panjenenganipun Bapak/Ibu Ramlan sumawana para kulawarga panandhang

lumantar kula hangambali matur sugeng rawuh miwah panuwun ingkang tanpa

pepindhan, menggah karawuhan panjenengan sedaya tandha yekti nedahaken

raos sih katresnan ingkang mboten saged ginambaraken ing mriki.

| Tugas Ujian Praktek (sesorah) 9

Wigatosing gati ing madyaning dhuhkita wekdal punika, perlu kula

aturaken nadyan panjenengan sedaya sampun pikantuk kintaka layu-layu miwah

warta ingkang binandhunging karna, parandene wekdal punika kula aturaken

wonten ngarsa panjenengan sedaya.

Suruping dinten Rabu Pon magut dinten Jum’at Pahing wanci tabuh jam

04.00 WIB Bapak Rolan sampun murut dhumateng kasidan jati saha katimbalan

wonten pangayunaning Gusti kanthi tentrem jalaran nandhang gerah kados

punapa anggenipun mbudi daya para kulawarga ngantos kaliwat saking bebasan

ateken janggut suku jaja anggenipun ngupadi usada murih Bapak Rolan saged

pinaringan waluya jati, jati temahan waluya, parandene sedaya wiradat mboten

kuwawi ngungkuli panguwaosinga kodrat.

Innalillahi wainna illahi roji’un. Amung panyuwunipun para kulawarga

panandhang mugi wontena suka Waning penggalih para pambela sungkawa

kakung putri tansah paring donga puja hastawa mugi rohipun suwargi Bapak

Rolan tansah lepas parane, jembar kubure, dipun apunten sedaya dosanipun

katampia wonten ngarsaning Gusti pinaringan papan ingkang sak mesthinipun,

wondene para kulawarga ingkang tinilar enggala pinaringan katentreman, iman

ingkang teguh saengga saged pulih nindakaken jejibahan ingkang kapanggul

sowang-sowang.

Para pambela sungkawa kakung putri ingkang kinurmatan, keparengipun

para panandhang, suwargi Bapak Rolan nyuwun pamit wonten ngarsa

panjenengan sak lami-laminipun, hambok bilih duk rikala Bapak Rolan taksih

sugengipun wonten pepetangan ingkang dereng karampungan kaliyan

panjenengan, mugi karampungna kaliyan kulawarga ingkang tinilar, saha mbok

bilih duk rikala sugengipun suargi Bapak Rolan hanggadhahi kalepatan

dhumateng panjenengan sedaya, mugi para pambela sungkawa tansah

hangandhapa pangaksama ingkang agung.

| Tugas Ujian Praktek (sesorah) 10

Amung mbok menawi panjenengan sedaya hanggadhahi lepat kaliyan

suwargi Bapak Rolan mugi pinaringan pangapunten saking Gusti Allah.

Para pambela sungkawa kakung putri ingkang sinandhing rohmating

Gusti, keparengipun para kulawarga, layon suwargi Bapak Rolan badhe kapethak

miwah kasarekaken ing astana laya Makam Sungkur sru panyuwunipun para

panandhang, kasuwun mangke ndherekaken bidhaling layon ngantos dumugi ing

astana laya Makam Sungkur wondene wonten pakaryan ingkang wigati,

kulawarga panandhang namung saged ngaturaken panuwun saha ngaturaken

sugeng kondur, mboten kekilapan kulawarga panandhang tansah ngaturaken

agunging panuwun, awit sih kadarman panjengan sedaya langkung-langkung

para warga RT Sungkur Kelurahan Bareng ingkang sampun kepareng

hanyengkuyung ingkang dados karepotanipun kulawarga panandhang mboten

saged mangsulaken karana lahir amung kasumangaaken wonten ngarsanipun

Gusti Allah mugi sih kadarman panjenengan dadosa ngamal kasaenan.

Pepuntoning atur saking kulawarga ingkang sami nandhang dhuhkita

lumantar kula, hambok bilih anggenipun nampi karawuhan panjenengan sedaya

kirang trep kaliyan handhap inggiling kalenggahan labet mboten

kajarag/kasengaja, para panandhang amung tumadhah lubering pangaksama

ingkang agung, kula pribadhi minangka sulih salira, menawi wonten atur ingkang

mrenani dhiri, labet kiranging seserepan ugi nyuwun agunging samudra

pangaksami.

Wassallammualaikum.Wr.Wb.

5. Atur Pambagyo Harjo Pawiwahan Temanten

Assalamualaikum Wr Wb.

| Tugas Ujian Praktek (sesorah) 11

Mugi karahayon, kaslametan, saha kanugrahaning Gusti tansah lumintu

dhumateng kita sami. Bapak Ibu tamu undangan ingkang kula kurmati sumangga

kula dherekaken ngaturaken puja lan puji syukur dhumateng ngarsanipun Gusti

Ingkang Maha Kuwaos inggih kanthi rahmat lan hidayahipun kita sedaya saged

pepanggihan wonten ing adicara hajatan temanten siang menika kanthi slamet.

Para sesepuh, pinisepuh, saha para pepundhen ingkang satuhu luhuring

budhi. Bapak ibu tamu undangan ingkang kinurmatan, kula nyuwun

pangapunten kapeksa pideksa wonten ngarsanipun panjenengan sedaya mboten

sanes ingkang dados pamundhutanipun Bapak Darsono.

Saklajengipun kula kepareng matur atur pambagyo harjo sugeng rawuh

jenandika lan Bapak Darsono sakaluwarga ngaturaken panuwun dhumateng

panjenengan sami saha nyuwunaken pandonga supados temanten kakung

kaliyan putri Mas Bagus Joko kaliyan Mbak Ayu Sri Ningsih saged mujudaken

kulawarga ingkang sakinah, mawadah, warahmah, saha migunani kangge

kulawarga, masyarakat, bangsa kaliyan negara.

Saklajengipun dipunsekecakaken palenggahan ngantos paripurnaning

adicara hajatan temanten siang menika.

Menggah mekaten atur kula. Hambok bilih wonten atur kula ingkang

mboten mrenani penggalih panjenengan sedaya kula nyuwun agunging samudra

pangaksami.

Wassallammualaikum.Wr.Wb.

6. Atur Pambagyo Harjo Syukuran

Assalamu’alaikum Wr. Wb.

| Tugas Ujian Praktek (sesorah) 12

Para sesepuh, para pinisepuh, para pepunden, Bapak – bapak, Ibu – ibu

ingkang kawula bekteni, para tamu undangan kakung sumawana putri, mudha –

mudhi ingkang tuhu kinurmatan.

Nuwun wiyosipun kula kepareng matur minangka wakil saking Bapak

Bima Soeharto sakaluarga, sumangga kita sedaya tansah ngaturaken puja lan puji

syukur wonten ngarsanipun Allah SWT ingkang sampun maringi pinten-pinten

rahmat lan hidayah sahingga kita sedaya saged ngrawuhi syukuran awit sampun

jangkep anggenipun ngangsu kawruh (kuliah) putra saking Bapak Darsono

inggih menika Mas Bagus Muhammad Ridwan saking Fakultas Ilmu Komunikasi

Gadjah Mada wonten ing wewengkon Ngayogyakarta Hadiningrat.

Tadah duka saha nyuwun pangapunten ingkang ageng, dene kawula

cumantaka matur nggempil kawibawan panjenengan sami karana kawula mundi

pangandikanipun Bapak Darsono sakaluarga awit saking gambiraning penggalih

lan bombongipun manah, amargi Mas Bagus Muhammand Ridwan sampun lulus

sarjana. Mila mboten nama mokal menawi mboten kuwawa matur piyambak

wonten ngarsa panjenengan sedaya naming kandheg wonten jangga mboten

saged kawedhar ing lathi.

Salajengipun Bapak Darsono sakaluarga nyuwun donga pangestu, mugi-

mugi Mas Bagus Muhammad Ridwan anggenipun wisudha ngantos nglampahi

pedamelan saged gangsar lan wilujeng nir ing sambikala. Awit saking sedaya

panyengkuyung Bapak-bapak, Ibu-ibu lan sederek sedaya, Bapak Darsono

sakaluarga ngaturaken matur nuwun ingkang sak ageng-agengipun. Kejawi

saking menika Bapak Darsono sakaluarga ngaturaken pangapunten awit saking

kirangipun papan lan pasugatan ing sedayanipun.

Cekap semanten ingkang saged kawula aturaken, mbok bilih sedaya atur

kawula kirang damel suka renaning penggalih kawula minangka titah biwasa

nyuwun samudra pangaksami.

Wassalamu’alaikum Wr. Wb.

PANUTUP

| Tugas Ujian Praktek (sesorah) 13

a. Pamrayogi

Sedaya tulisan punika mboten sampurna, ku nyuwun agenging pangapura awit

mboten sampurnaning tulisan punika. Menawi wonten kritik lan saran kula trima.

Maturnuwun, Gusti berkahi kula lan kaliyan sadaya. Amin

| Tugas Ujian Praktek (sesorah) 14