2020) ngatakenca GBKP Aron Pasu Man isi Doni. Sedangken Misi … · 2017-01-16 · kubas tahun...

PEKAN PENATALAYANEN GBKP TAHUN 2017

1

ejuah- juah ngawan ni perpulungen bage pe Serayan Tuhan Gereja Batak Karo Protestan ibas kerina wilayah pelayanenta. Sikataken bujur man Dibata ibas Jesus Kristus maka ibas perkuah ras Lias ateNa

saja maka enggo itaruhkenNa kita nadingken tahun 2016 guna banci bengket kubas tahun 2017. Tek kal kita maka ibas ndalani tahun 2017, Dibata tetap masu-masu kita arah kerina dampar kegeluhenta. Visi GBKP 2016 – 2020 (Garis- Garis Besar Pelayanan GBKP 2016 – 2020) ngatakenca “ GBKP Aron Dibata Guna Jadi Pasu- Pasu Man isi Doni”. Sedangken Misi GBKP 2016 – 2020 eme:

1. Menumbuhkembangkan spritualitas jemaat berbasis Alkitab. 2. Menegakkan keadilan, perdamaian dan keutuhan ciptaan Allah. 3. Memperkuat semangat gotong royong antar sesama Jemaat dan

Masyarakat. 4. Menggali dan menumbuh kembangkan potensi jemaat untuk bersekutu

dan bersinergi. Tujuan GBKP eme : “ Meningkatnya panggilan dan komitmen warga dalam melakukan pelayanan (berteologi, pendidikan dan kesehatan, berpolitik dan kegiatan ekonomi, pelestarian lingkungan, budaya dan pemanfaatan teknologi informasi). Sasaren si ateta icapai alu radu ras ibas periode 2016 – 2020 enda eme : “ terjadinya transformasi warga GBKP secara efektif”. Khusus ibas tahun 2017 enda sasaren si ateta icapai eme : “ Meningkatkan Kemampuan Warga GBKP Dalam Kehidupan Berteologi Dan Menumbuhkan Motivasi Belajar Secara Mandiri (Self Learning)”.

Tema Umum Pekan Penatalayanen GBKP 2017 enda emekap : “ Nandai Dibata Muat Bagin I Bas DahinNa ” (Berteologi : Belajar Untuk Melakukan; Matius 28 : 20 ; II Korinti 8 : 4). Emaka tema Wari perwarina si bakal ibahas kita alu radu ras emekap :

1. “Nandai Dibata Muat Bagin I Bas DahinNa (Berteologia: Belajar Untuk Melakukan)”.

2. “Nandai Dibata, Ndalanken Sura-SuraNa”.

3. “Aron Dibata Si Nggit Ras Tutus Erlajar Mandiri”.

4. “Aron Dibata Si Muat Bagin I Bas Jabu Ras sangkep Nggeluh”.

5. “Aron Dibata Si Muat Bagin I Bas Pelayanen Gereja”.

6. “Aron Dibata Si Muat Bagin I Bas Masyarakat, Bangsa Ras Begara”.

7. “Kubuat Baginku Selaku Aron Dibata”.

M


2

Lagu- lagu si enggo itamaken ibas Kebaktin Pekan Penatalayanen GBKP 2017 enda enggo isesuaiken ras Kitab Ende- Enden GBKP si enggo ipersada (Kitab Ende- Enden GBKP, Penambahen Ende- Enden GBKP ras Suplemen Ende- Enden GBKP ) si jumlahna 500 lagu. Emaka ipindoken kami alu mehamat man banta gelah Kitab Ende- Enden GBKP si enggo jumlahna 500 lagu enda banci ilitken.

Gelah perdalinen Kebaktin Pekan Penatalayanen GBKP 2017 enda banci kerina erdalan alu mehuli bage pe ras diskusina perlu kap iakap kami gelah sibahan sermon kerna bahan Pekan Penatalayanen GBKP 2017. Selain gelah perdalinen Kebaktin Pekan Penatalayanen GBKP erdalin alu mehuli, bahan Pekan Penatalayanen GBKP 2017 enda pe banci njabap perbeben, tantangen ras arapen ngawan ni perpulungen bage pe gerejanta. Gelah arah perdalinen Pekan Penatalayanen GBKP 2017 tetap empermuliaken gelarNa si Badia. Banci ka kita mpersiapken bahan Pekan Penatalayanen GBKP si darami ka literatur / bacaan sideban guna melengkapi persikapenta. Moderamen GBKP ngataken bujur man Pusat Pembinan Warga Gereja (PPWG) GBKP ikut pe ras timna, Penulis, Toko Buku ras Percetakan GBKP Abdikarya – Kabanjahe, ngawan ni perpulungen bagepe Serayan Tuhan Gereja Batak Karo Protestan si enggo mereken masuken / usulen ras ngelitken bahan Pekan Penatalayanen GBKP 2017. Isedari kami maka lit denga kekurangen ibas bahan Pekan Penatalayanen GBKP 2017 enda. Ipindoken kami alu mehamat banta gelah banci iberekenndu masuken/ usulen guna pehuliken bahanta enda ibas wari- wari sireh enda arah lembar saran si enggo ilitken. Alu perkuah ras lias ate Dibata sidalani tahun 2017 alu tetap erpengarapen man baNa saja bage pe silakoken Pekan Penatalayanen GBKP 2017 enda alu tetap erkemalangen man Dibata.

“ Selamat Ngikuti Pekan Penatalayanen GBKP Tahun 2017”

Rikut Tabi Ras Mejuah- Juah, MODERAMEN GEREJA BATAK KARO PROTESTAN

Ketua Umum, Sekretaris Umum,

( Pdt Agustinus P. Purba, S.Th MA ) ( Pdt. Rehpelita Ginting, S.Th M.Min )


3

DAFTAR ISI

Kata Penaruh ..................................................................................................................... 1

Daftar Isi ............................................................................................................................. 3

Liturgi Ras Renungen Pekan Kebaktin Penatalayanen GBKP Tahun 2017 Wari I ... 4

Liturgi Ras Renungen Pekan Kebaktin Penatalayanen GBKP Tahun 2017 Wari II ... 12

Liturgi Ras Renungen Pekan Kebaktin Penatalayanen GBKP Tahun 2017 Wari III . 20

Liturgi Ras Renungen Pekan Kebaktin Penatalayanen GBKP Tahun 2017 Wari IV . 29

Liturgi Ras Renungen Pekan Kebaktin Penatalayanen GBKP Tahun 2017 Wari V ... 40

Liturgi Ras Renungen Pekan Kebaktin Penatalayanen GBKP Tahun 2017 Wari VI .. 50

Liturgi Ras Renungen Pekan Kebaktin Penatalayanen GBKP Tahun 2017 Wari VII . 58

Tim Sinikapken Pekan Kebaktin Penatalayanen GBKP Tahun 2017….. ..................... 66

Lembar Saran ..................................................................................................................... 67

0000oooo0000


4

LITURGI RAS RENUNGEN PEKAN PENATALAYANEN GBKP

WARI/BERNGI I, MINGGU 15 JANUARI 2017

I. PERSIKAPEN : Pertua, Diaken radu ras perpulungen nikapken si ertugas ras perlengkapen sini perluken i bas kebaktin.

II. KEBAKTIN : Pertua/ Diaken:Ibas kita menaken kebaktinta mari si puji Tuhan alu ras –ras rende

KEE GBKP NO : 205:1-3 1. Rehlah min o Tuhan sikap kami krina ersembah man bandu jenda

Nusurlah min Tuhan bahan sikap krina ukur kami pe badia O Bapa b’re gelah daten pasu-pasu kami krina enda

2. Tuhan Dibatanta lit bas rumah enda nembah kita krina baNa Alu kehamaten mungkuklah man baNa kula tendi pe kerina Aloken kataNa ras pasu-pasuNa usekenNa banta 3. Tuhan Dibatanta Badia kap IA, Surga pe muji gelarNa

Malekat pe rende Tuhan e Badia Dibata si telu sada Dengkehken kataNa, ikut rende krina pehaga gelarNA Kata penaruh

Pertua/ Diaken: Turang ras senina i bas Tuhan Jesus Kristus, sikataken bujur man

Tuhan arah Jesus Kristus Tuhanta, si enggo naruhken kita ku bas tahun 2017 enda alu dem kejuah-juahen. Tuhan tetap setia nemani,ngarak-ngarak ras numpak-numpak anak-anakNa mentasi kegeluhen i doni enda. Kesempaten si mehergakal ibereken Tuhan man banta banci kita bengket ku bas tahun si mbaru enda, emaka si ergakenlah pemereNa e alu muat bagin pekena-kena doni enda. Rikutken Garis Besar Pelayanen GBKP i bas tahun 2017 enda eme nggit nambahi pemeteh ras kengasupen i bas erteologi. Ertina ngawan perpulungen GBKP i bas kegeluhenna si teptep wari nuduhken kinitekenna selaku kalak Kristen si nggit nampati, ras mpekena-kena sekelewetna. Erpalasken si e si jadi Tema Umum Pekan Penatalayanenta i bas tahun enda eme : “Nandai Dibata Muat Bagin i Bas DahinNa (“Berteologia : Mengajar Untuk Melakukan”), janah eme pe si jadi tema i bas wari/berngi si pemena enda.


5

Dage mari si pesikap ukurta i bas kebaktinta dingen si endesken dirinta man baNa arah pertotonta.

Ertoto Rende : KEE GBKP NO : 348: 1,3,7 (Perp. Tedis) (Ngendesken Perlengkapen Kebaktin Man Si Mabai Kebaktin)

1. Ersembah perlu i bas doni enda, E desken bingke bas kegeluhenta. Ersembah em pedah Kata Dibata, Pehaga Tuhan bas kegeluhenta. 3. Ersembah kita bas perpulungenta, Pehaga Tuhan si mada geluhta. Ersembah labo pesenang ukurta, Si sembah Tuhan pehaga gelarNA. 7. Ersembah em kap geluh teptep wari, lagu langkahta encidahken mehuli. Mari si sembah Dibata si dahi cidahken ukur erbahan mehuli.

1. Votum, Salam : L : I bas gelar Dibata Bapa si njadiken doni enda ras kerina isina, i bas

gelar anakNa Jesus si nelamatken doni enda alu dareh ras KesahNa, ras i bas gelar Kesah Si Badia si mereken kengasupen man banta (ndu) muat bagin pekena-kena sekelewetta (ndu).

L : Perkuah ate ras dame i bas Dibata Bapa, ras i bas Tuhan Jesus Kristus nari, i bas kerembaken Kesah si Badia ras kita (kam) kerina gelah. Amin.

P : Amin.....Amin.....Amin (iendeken) L : “ Alu meseksek ipindokena man kami gelah ibereken kesempaten

man bana guna ikut muat bagin i bas nampati kalak Kristen i Judea” (2 Korinti 8:4)

Sipenangkih puji-pujinta man Tuhan alu ras kita rende KEE GBKP NO. 68:1,3 1. DahinNdu si mbelin Tuhan, kerajang kami pe,

Ban Kam si mada kerajan, la masap lalap e Tapina bagi page me, gelah ersuli turah pe E mate kap benih lebe Bage pe kami krina nge Nggit mate pe lah turah page nge 3. Di Kam bagi benih kap e, kuburen dungna kin? Lang! kegeluhen lalap nge, K’rajangku me pagin Min suruh aku japa pe, M’ritaken kegeluhen e Lah ise pe ngakuken me, Di tek, de atan me kepe Nggit kami pe, Mritaken bana pe. ----------------------------------------- Perp. Kundul ----------------------------------------


6

2. Nandai Dirinta I Lebe-Lebe Dibata (Responsoria) L. : Turang ras senina, Dibatanta enggo netapken kita jadi bangsaNa,

janah IA kap Dibatanta. Selaku bangsaNa iberekenNa tanggungjawab man banta gelah ermediate man teman manusia ras sekelewetta, sebab kita pe enggo leben iperdiateken Dibata.

P. : Megati aku lupa maka aku e bangsa si enggo ipilihNdu Tuhan, si erbahansa labo lit kuakap tanggungjawabku mpekena-kena temanku ras sekelewetku i doni enda. Kai si lit bas aku e kuakap gunana man bangku saja.

L. : Turang ras senina, labo lalap geluhta terjeng nampati, lit pagi paksana kita pe man sampaten teman, enggo kin bage orat nggeluh ibahan Dibata eme nampati ras isampati. Sada kesempaten si mehergakal ibereken Dibata man banta tupung kita banci denga nampati, enda me si ngena ate Dibata.

P. : O Tuhan megati la kuergaken kesempaten si iberekenNdu lako nampati kalak si deban, lupa aku maka geluhku ras kerina si lit bas aku e pe bekas penampatNdu. O Tuhan alemindu lah kerina kekurangenku.

L. : I bas kerina kekurangen ras kelepakenta mari sipindo pengalemi Tuhan alu ras kita rende : KEE GBKP NO. 362:1-3

1. AlemiNdu aku bas dosangku, alemiNdu aku bas lepakku O Tuhan sasap min, O Jesus sasap min, alemi dosangku

2. Si la payo dem i bas geluhku, ngaku aku bandu o Yesusku O Tuhan sasap min, o Jesus sasap min, alemi dosangku

3. Ku janari ku baba geluhku, dengkehkenNdu min pingko-pingkoku O Tuhan sasap min, o Jesus sasap min, alemi dosangku ------------------------------Perp. Tedis -------------------------------------- L : Turang ras senina meriah ukur Tuhan ngidah kita si reh man BaNa

i bas kiniteruken ukur ngakuken salah ras dosanta, emaka niNa man banta : “Aku me Dibata si nepa doni enda alu kemulianKu, Aku setia man bandu, perkeleng ateKu tetap rasa lalap, amin gia kam rusur ndabuh i bas dosa, keleng ateKu la urak man bandu. Tetap Ku endesken dahin ngepkep doni enda man bandu, Ku alemi dosandu, ras kubereken kengasupen. Ernalemlah man bangKu, sebab Aku kap Ulu gegehndu.


7

Si puji Tuhan erkiteken kita enggo ndatken pengalemi dosa, mari ras kita rende arah KEE GBKP NO. 184:1, 2 1. Yesus Tuhanku njaminisa krina dosangku tebusiNa

Geluh si mbaru jujurkenNa mriah ukurku ngalokensa Tuhanku Yesus Kam me tetap pengendesenku rasa lalap Temani aku o penampat Tuhanku Yesus Juru Slamat

2. Ngendes man baNa sikap tuhu, Keleng ateNa negu-negu Mindo man baNa ola medu, Maka ibreNa pasu-pasu Tuhanku Yesus Kam me tetap pengendesenku rasa lalap Temani aku o penampat Tuhanku Yesus Juru Slamat ------------------------------Perp. Kundul -----------------------------------

3. Ngoge Kata Dibata L. : Turang ras senina seh paksana kita ngoge kata Dibata bagin si

pemena ibuat i bas : Ulangen 29:10-15 (Iogeken Si Mada Jabu) L. : Ketuahen kalak si megiken Kata Dibata dingen si makekenca i

bas geluhna si tep-tep wari. Haleluya P. : Haleluya.....Haleluya.....Haleluya (iendeken)

4. Renungen : a. Ertoto b. Renungen : Matius 28 : 20, II Korinti 8:1-15

c. Tema : “Nandai Dibata Muat Bagin I Bas DahinNa” (“Berteologi : Belajar untuk Melakukan”)

Bujur ninta man Dibata i bas Jesus Kristus erkiteken perkuah ras lias ateNa maka enggo bengket kita kubas tahun 2017 enda. Enggo sitadingken tahun pelayanen GBKP “Meningkatken Komitmen Warga GBKP Yang Misioner Untuk berpartisipasi Dalam Pelayanan ” ras genduari bengket kita kubas sasaren pelayanen GBKP tahun 2017 eme “Meningkatken Kemampuan Warga GBKP Dalam Kehidupan Berteologi Dan Menumbuhkan Motivasi Belajar Secara Mandiri (Self Learning)”. Gelah bage tersehi sasaren pelayanen GBKP ibas Periode 2016-2020 eme “ Terjadinya Transformasi Warga GBKP Secara Efektif ”. Adi enggo kita bengket kubas tahun 2017 enda, labo ngatakenca maka sasaren pelayanen tahun sebelumna lanai ipake ntah pe ilupaken tapi merupaken kelanjuten i bas sasaren pelayanen tahun sebelumna gelah lit pergeraken ku terulin pelayanen itengah-tengah Gerejanta. Inti


8

pelayanen ibas gerejanta (GBKP) i bas tahun enda eme “berteologi” bagepe “belajar mandiri” (“Self Learning”). Gelah ras –ras kita “belajar untuk melakukan” (Matius 28 : 20). Emaka ibas sada Minggu enda ibas Pekan Penatalayanen GBKP ibas tahun 2017 enda, ibabai kita ibas Tema Umum eme “Nandai Dibata Muat Bagin I Bas DahinNa” (“Berteologi : “Belajar Untuk Melakukan” ; Matius 28 : 20 ; II Korinti 8 : 4). Gelah alu bage pemahamamenta kerna berteologi labo terjeng secara pemeteh (otak) saja tapi pe nggit ras pang kita guna jadi usihen nandangi Kata Dibata. I bas wari/ berngi sipemena enda ibabai kita ibas sada tema eme : “Nandai Dibata Muat Bagin I Bas DahinNa” (“Berteologi : Belajar untuk Melakukan”). Arah Kata Dibata sijadi bahan renungenta ras-ras i bas wari / berngi enda ibabai kita gelah teridah min ibas pusuh si ersuruh (kerelaan), mere asa ngasupna, ergiah-giah i bas nampati rikutken talenta.

Bahan invocatiota ncidahken kerna kai si ilakoken ngawan ni

perpulungen i Makedonia ituriken Rasul Paulus ibas ayat 2 maka aminna gia ngawan ni perpulungen i Makedonia enggo i uji alu mesangat alu kiniseran-kiniseraan si inanamina. Tapi keriahen si simpar dingen kemusilenna si la teralang e erbanca ia melumbar mere, tempa- tempa ia bayak. Terdauhen ibas ayat 2 ituriken Rasul Paulus maka ngawan ni perpulungen i Makedoni enggo mere asa ngasupna, lebih nge pe asa ngasupna alu ukurna ersuruh. Emaka ibas ayat 4 isuratken meseksek ipindokenna gelah ibereken kesempaten guna muat bagin ibas nampati kalak Kristen si i Judea. Arah enda teridah uga ngawan ni perpulungen i Makedoni ibas keterbatasenna “Belajar Untuk Melakukan” guna muat bagin i bas dahinNa.

Bahan ogenta ncidahken kerna perpadanen Tuhan man Bangsa Israel i Moap. Perpadanen Tuhan e eme guna muat bagin ngaloken tanggungjawab i bas perpadanen si ibahan Tuhan Dibatandu (ayat 12). Tujunna eme gelah banci itetapken Tuhan bangsa Israel selaku bangsaNa ras IA jadi Dibata bangsa Israel sue ras si ipadankenNa man nini-nini bangsa Israel Abraham, Isak ras Jakup (ayat 13). Perpadanen si ipeseh Tuhan man Bangsa Israel enda mereken penegasen maka lit tanggungjawab man bana guna ncidahken kegeluhen sebage bangsa


9

pilihenNa. Bahan renungenta i bas Matius 28 : 20 merupaken perentah bagepe tanggungjawab si ipeseh Jesus man ajar-ajarNa guna terus erberita kerna IA (ngajari) kerina si enggo ipesehNa bagepe IA tetap ras ajar-ajarNa seh ku kedungen jaman. Ajari ia mereken pengertin maka ajar-ajarNa arus lebe jadi usihen nandangi pengajaren Jesus si iberitakenna. Labo enda tugas si menukah guna ndalankenca, tapi lit padanNa maka ajar-ajarNa labo pernah itadingkenNa.

Bagin sideban ibas bahan renungenta wari / berngi enda si jadi bagin pe bahan invocatiota ncidahken perpulungen i Makedoni si mere alu melumbar i bas nampati kalak Kristen si i Judea. Aminna gia ngawan ni perpulungen i Makedoni lit ibas kiniseran si mesangat tapi melumbar ia mere tempa- tempa ia bayak (ayat 2). I bas ayat 9 ituriken Rasul Paulus kerna palas ngawan ni perpulungen i Makedoni ibas melumbar ia mere eme liasna Tuhan Jesus Kristus, maka aminna bayak gia IA tapi guna kiniulinndu, i pemusilNa baNa, gelah arah kemusilenNa jadi bayak kam. Ipindoken Rasul Paulus pe gelah guna iterusken dahin keleng ate e ras ndungisa. Teridah arah bahan kotbahta enda kerna uga ngawan ni perpulungen i Makedoni ikut muat bagin ibas dahin pelayanenNa.

“Belajar Untuk Melakukan ” enda labo kal si menukah guna ilakoken

kalak si tek bas kegeluhenna. Enda ncidahken maka nandai Dibata arus muat bagin ibas dahinNa. Nandai Dibata labo banci terjeng secara pemeteh saja tapi pe arus pang kita ngelakokennca bas kegeluhenta. Emaka arah kerina teks Pustaka Si Badia ibas wari/ berngi enda maka kalak si tek man baNa arus lebe jadi usihen i bas ngelakoken Kata Dibata bas kegeluhenna. Labo terjeng kata-kata saja tapi Kata Dibata e arus ipraktekken bas kegeluhen si teptep wari. Tetap silakoken si e bas kegeluhenta erkiteken Dibata ibas Jesus Kristus labo pernah itadingkenNa anak-anakNa. “Selamat Belajar Untuk Melakukan” bas kegeluhenta si teptep wari.

5. Pengakun Kiniteken (Perp. Tedis) 6. Persembahen (Perp. Kundul)


10

L. : Kata Dibata i bas kita nehken persembahen : “Dage tah kai gia ibahanndu, subuk i bas ngerana entah i bas perbahanen, bahanlah e kerina i bas gelar Tuhan Jesus Kristus janah ngataken bujur man Dibata Bapa arah IA”. (Kolose 3:17)

P. : Rende : KEE GBKP NO. 289: 1 - 3 1. Lalap si kataken bujur beritaken kemulianNa Mbelin pemereNa banta, Puji gelarNa Reff Dibatakap cilinggementa, Malem ateta Tuhan Dibata penalementa penanam-nanam bas geluhta 2. K’leng ateNa kapen nusur lalaplah ngataken bujur Ingetlah pedahNa rusur, Segedang Umur…..Reff 3. Adi seh sura-suranta, Labo e perban gegehta Maka ula kita lupa, IA mrekenca…. Reff

7. Pertoton Persembahen Ras Pertoton Syafaat Topik Pertoton Syafaat :

1. Persembahen 2. Simada jabu ras tuan rumah Wari / Berngi si pagi. 3. Gelah kerina ngawan GBKP tetap erlajar kerna kata Dibata i bas

kerina dampar geluhna. 4. Gelah ngawan perpulungen encidahken buah Kinitekenna man

Dibata alu nggit muat bagin nampati teman ras sekelewetna 5. Si turah bas perpulungen

8. Perpadanen Man Tuhan : (Perp. Tedis) L. : Dibatanta enggo netapken kita jadi bangsaNa, janah IA kap

Dibatanta i bas diri Jesus Kristus. Selaku bangsaNa iberekenNa tanggungjawab man banta gelah ermediate man teman manusia ras sekelewetta.

P. : Erpadan aku Tuhan ngelakoken tanggunggungjawab si iberekenNdu guna mpekena-kena teman ras sekelewetku. Kam kap guruku, man baNdu aku ernalem.

L. : Dibata nge si mereken kesempaten man banta lako ncidahken buah kinitekenta, tandana kita enggo leben ngaloken kekelengenNa arah diri Jesus Kristus si enggo mate guna kita.

P. : Ku ergaken kesempaten si iberekenNdu Tuhan alu nggit muat bagin i bas nampati teman ras sekelewetku. Nampati e enggo jadi keriahen man bangku.


11

L. : Turang ras senina, sipepaguhi perpadanenta arah ende-endenta KEE GBKP NO. 295:1,3

1. Merih kal ukurku mritaken gelarNa, Berita kerna Yesus ras keleng ateNa Meriah kal ukurku nuriken si benar, Peturah kiniteken ukurku tergintar Pembarkenlah KataNa kempak kerina jelma Kerna Yesus Tuhanta ras keleng ateNa

3. Meriah kal ukurku mritaken gelarNa Bas tetap ku ulihi ertambah malemna, Meriahkal ukurku mbelin kuasaNa Lah si lenga metehsa ikut ngalokenca Pembarkenlah KataNa kempak kerina jelma Kerna Yesus Tuhanta ras keleng ateNa.

9. Pertoton Tuhan 10. Pemasu-Masuna : L. : Berkatlah! Meriahlah ukurta (ndu) i bas nampati teman rikutken

tanggungjawab si enggo ibereken Dibata man banta (ndu). Si jadi gegehta (ndu) alokenlah pasu-pasu idur Dibata nari. Ipasu-pasu janah ikawali Dibata kita (kam), siang ayo Dibata ersinalsal i babonta (ndu) janah melias ateNA ngenehen kita (kam), itatap Dibata ku kita (kam) janah malem ateta (ndu) ibahanNa. Amin.

P. : Amin....Amin...Amin (iendeken).

DISKUSI : 1. Kai nge sierbanca maka ngawan ni perpulungen i Makedoni ersuruh

ukurna guna nampati kalak Kristen i Judea? Turikenlah!

2. Kai si arus tetap silakoken gelah tetap kita nggit muat bagin ibas

dahinNa? Turikenlah!


12


WARI/BERNGI II, SENIN 16 JANUARI 2017

I. PERSIKAPEN : - Si ertugas ersikap guna mengketi kebaktin alu ertoto. - Si maba pertoton syafaat sekalak Moria, Mamre ras sekalak ibas Pertua /

Diaken. - Asa bancina sikapken song leaders ras pemusik. II KEBAKTIN :

KATA PENARUH (I babai sekalak Pertua/Diaken) : Senina ras turang, seh me kita ku bas Pekan Penatalayanen GBKP wari/berngi si peduaken. Ibas wari/berngi si pemena enggo kita i babai kerna evaluasi komitmenta selaku aron Dibata, seh ija kita enggo muat bagin bagi si icakapken kita ibas tahun 2016 si lewat. Jadi aron Dibata, tetap jadi perayakenta seh ku bas tahun 2020. Wari/berngi enda kita i babai ku bas sada tema eme “Nandai Dibata, Ndalanken Sura-SuraNa”. Ertina maka adi ninta kita nandai Dibata (berteologi) teridah arah keriahen ukurta ndalanken sura-sura ras si ngena ate Dibata. La ate Dibata kita terjeng beluh ngerana kerna Kata Dibata, beluh nuri-nuri tapi seh ku bas beluh ndalanken Kata Dibata ibas kegeluhenta teptep wari. Mari dage radu ras si bengketi kebaktinta enda alu dem ketutusen ate janah man bandu kemahen Tuhan si ipakeNa ibas wari/berngi enda itaruhken kami kam ibas pertoton. Mari radu ras kita ertoto.........

Mari ras kita tedis kerina, sipuji Tuhan ibas kerina kiniulinNa si sehkenNa banta alu ras kita rende ibas KEE GBKP NO 354:1, 3 (Perp. Tedis)

1. Kam si Mbelin, Kam terbrita, Kam kap si termulia. Mehuli Kam dingen erkuasa, Kam si mada krina sinasa.

Ref... Sinalsal keleng ate Tuhan, Bagi emas si labo luntur. Rejin tuhu dolatNdu Tuhan, Ngarak-ngarak kegeluhen.

3. Genduari, O Dibata, Ku sehken bujur baNdu. Terpuji Kam si mada k’rina, Si ngkelengi kegeluhenku.

Ref...


13

VOTUM-SALAM-INTROITUS : L I bas gelar Dibata Bapa si nepa doni ras kerina isina, I bas gelar

AnakNa Jesus Kristus si jadi penebus man manusia perdosa, i bas gelar Kesah Si Badia ulu gegeh man kalak si erkiniteken.

Perkuah ate ras dame ibas Dibata nari, ibas Tuhan Jesus Kristus nari, Ibas kerembaken Kesah Si Badia ras kita (kam) kerina gelah. Amin.

P Amin.....Amin.....Amin..... (Iendeken) L “ Batang si mehuli tentu mehuli nge buahna, tapi batang si la

mehuli tentu pe la mehuli buahna” (Matius 7:17).

RENDE : L Mari tole si puji Tuhan ibas kerina kemulianNa ibas KEE GBKP NO.

317:1- 3. 1. Si puji Tuhan arah geluhta, Si inget tetap ngaruhNa banta Ban k’leng ateNa, nebusi kita. Terkelin kita, si tek man baNa 2. Segedang g’luhta, inget Dibata, Bas krina paksa ngaraplah baNa Tetap ukurta rembak ras IA, Erban si erguna ula erleja 3. Reh pendungina wari-warinta, Lit kap paksana reh me Tuhanta IpepulungNa kerina jelma, Kita si s’tia malem ateta. ------------------------------ Perpulungen Kundul --------------------------

KINIULIN DIBATA IBAS KEGELUHENTA : L O TUHAN , Kam bujur kempak kalak si tutus man baNdu,

kiniulinNdu serta man kalak si serta. P Kiniulin dingen kebujurenlah si ngkawali aku, sabap aku

ernalem man baNdu. L Sada ngenca pemindonku man TUHAN , sada ngenca sura-

surangku e me ringan i bas Rumah TUHAN kidekah geluhku guna nggejapken kiniulin TUHAN dingen mindo gelah itegu-teguNa.

P Tek aku maka kunanami me kiniulin TUHAN i bas kegeluhen enda.

L Pernembeh ateNa kentisik ngenca, kiniulinNa tetap asa umur geluhta. Iluh mambur i bas berngi si gelap, tapi kenca matawari mbincar erpagi-pagi reh keriahen.


14

L+P Andiko buena kiniulinNdu, si isikapkenNdu man si pemuliaken Kam! Kerina kalak meteh kai si ilakokenNdu, man kalak si cilinggem kempak Kam.

RENDE :

L Mari radu ras kita muji Dibatanta arah KEE GBKP NO. 289:1-2 1. Lalap si kataken bujur, Beritaken kemulianNa Mbelin pemereNa banta, Puji gelarNa Ref... Dibata kap cilinggementa, malem ateta Tuhan Dibata, Penalementa, Penanam-nanam bas geluhta 2. K’leng ateNa kapen nusur, Lalaplah ngataken bujur Ingetlah pedahNa rusur, Segedang umur Ref....

PENGAKUN DOSA : L Ibas wari-wari kegeluhenta, si gejap nge tuhu maka megati kita

kote dingen ndabuh ku bas erbage-bage perbahanen dosa. La kita ngasup njagai kiniteken bage pe ndalanken perpadanenta subuk man Dibata bage pe man temanta manusia.

P O Tuhan mekuah min ateNdu man kami, alemilah dosa-dosa kami. L Megati lenga si penalem gegeh Tuhan ibas ndalani kegeluhen

enda. Tuhu sibelasken maka Tuhan nge gegeh ras ulu pasu-pasu situhu-tuhu tapi ibas kinata maka lenga bo bagi si belasken e pendalankenta ibas kegeluhen enda.

P O Tuhan mekuah min ateNdu man kami, alemilah dosa-dosa kami.

L Dibata ertedeh ate gelah si tandai min IA ibas kerina perbahanen ras keleng ate si enggo icidahkenNa man doni enda. Arah penandaita si payo maka reh pangna kita erpengendes ras ngarapaken IA ibas kerina dampar kegeluhenta. La ate Dibata kita terjeng ngelebuh gelarNa ibas toto ras ibas kebaktin-kebaktinta tapi nggit ras pang ndalanken si sura-sura ras si ngena ateNa.

P O Tuhan mekuah min ateNdu man kami, alemilah dosa-dosa kami.


15

RENDE : KEE GBKP NO. 377:1-2 1. Ku akuken me dosangku i lebe Tuhan. Megati aku lalar bas kegeluhenku. Keleng ateNdu, Pengarapenku I teruh perkuahNdu malem me pusuhku Keleng ateNdu, Pengarapenku I teruh perkuahNdu malem me pusuhku 2. Erlebuh aku baNdu O Yesus Tuhanku Alemi min O Bapa salah ras lepakku Keleng ateNdu pengarapenku Tedeh teku ngidah belinna perkuahNdu Keleng ateNdu pengarapenku Tedeh teku ngidah belinna perkuahNdu

PENGALEMI DOSA (Perp. Tedis)

Kenca kita nulihken kegeluhenta sedekah enda maka enggo si idah

kekotenta selaku manusia si perdosa. Mekuah ate Dibata adi kita ngakuken

dosa-dosa ras kesalahenta man baNa. Jenari ngena ateNa maka kalak si

ersura-sura nggeluh si mbaru. Man kalak si bage ukurna nina Dibata: “O

anakKu, malem atendu dosandu enggo ku alemi. Mulihlah kempak Aku, Aku

kap si ngkelengi kam.” Bage nina Dibata man banta kerina. Emaka meriah

ukurta radu kita rende KEE GBKP NO. 423:1-2

1. Kam nebusi aku Tuhan, Kam si peteneng tendingku. Tendi si ndube tertaban, teguNdu ku adepenNdu. Reff... Malem kal ateku Bapa, Ban keleng ateNdu Ku puji gelarNdu Bapa, Mulia gelarNdu TeguNdu lah aku Tuhan, Ibas pusuhku Kam ringan PetetapNdu aku Tuhan, Lah dosa talu me ku ban 2. Kam ngalemi aku Tuhan, Kam si pepalem pusuhku Pusuh si megati nogan, mbaru perbahan kelengNdu Reff.... --------------------------------------- (Per. Kundul) -------------------------------------

PENGOGEN SI PEMENA

L Kata Dibata si jadi pengogen si pemana i bas wari/berngi enda

eme ibas 2 Raja-Raja 4:8-17.

(Ngoge Kata Dibata)


16

L Ketuahen kalak si megiken Kata Dibata dingen si ndalankenca

ibas kegeluhenna si teptep wari. Haleluya.

P Haleluya.....Haleluya.....Haleluya..... (iendeken)

RENUNGEN (Ertoto Sope Ras Kenca)

Renungen : Matius 7:21-23 Tema : Nandai Dibata, Ndalanken Sura-suraNa (Berteologi :

Mengajar untuk Melakukan)

Kitab Matius mpetandaken Jesus jadi pemimpin agama si mbaru ibas kalak Jahudi. Pemimpin agama si mbaru labo ibas erti nggantiken pemimpin si sedekah enda enggo lit, umpamana Guru Undang-Undang, Parisi ras kalak Saduki. Pemimpin agama si mbaru ibas erti maka Jesus me si patut ibegiken janah iusih sabab IA la terjeng iajarkenNa Peraten Dibata tapi idalankenNa. Enda me si mbedaken Jesus ras pemipin-pemimpin agama Jahudi. Adi Jesus kai siajarkenNa idalankenNa tapi kalak Guru Undang-Undang, kalak Parisi ras kalak Saduki iajarkenna tapi la idalankenna (bdk Matius 23:1-3).

Kegeluhen kalak eragama paksa jaman Jesus tuhu kerah (kering). Kalak eragama terjeng kebiasan, terjeng ndalanken aturen/kewajiben lanai seh ku bas pusuh. Si enda erkiteken kenca mulih i Babil nari tuhu-tuhu iajari bangsa enda alu ketat (disiplin) guna patuh man Undang-Undang Musa. Itambahi aturen-aturen erpalasken tafsiren nandangi Undang-Undang seh buena enem ratus sepuluh telu. Kedungenna pemimpin-pemimpin agama radu ras bangsa enda enggo sibuk ngukuri terjeng aturen-aturen saja tapi Dibata si mada Undang-Undang e lanai idahna (beragama tanpa mengenal Allah). Agama adi terjeng aturen, terjeng kebaktin, terjeng ritual formal maka kegeluhen kiniteken (spritual) kerah ras kaku. Tanda-tandana merincuh ndarami salah kalak, murah megelut janah erpengakap dirina si payona. Erdandanken sie maka Jesus ibas pengajarenNa ibas kitab Matius enda rusur nekanken maka “Nandani Dibata arus teridah seh ku bas perbahanen.” Banci si nen piga-piga contohna Matius 5:20,”Kukataken pe man bandu maka labo kam banci bengket ku bas Kinirajan Surga adi la kin tutusen atendu erbahan si ngena ate Dibata asa guru-guru agama ras kalak Parisi." Matius 12:50,”Ise ndalanken kai si ngena ate Dibata, BapangKu, ia kap seninangKu, turangKu, ras nandengKu."Bage me ibas bahan renungenta ibas wari/berngi si peduaken enda ija Jesus nuriken maka labo kerina kalak si erlebuh Tuhan, Tuhan bengket ku bas Kinirajan Surga tapi kalak si


17

ngelakoken si ngena ate BapangKu. Erlebuh man Tuhan mehuli, tapi adi terjeng si lebuh gelarNa labo si dalanken sura-suraNa maka kalak si bage labo Kristen tuhu-tuhu. Sope bagin renungen enda maka ibas Matius 7:16-20 enggo ituriken Jesus maka itandai batangna arah buahna. Itandai kinitekenNa arah perbahanenna. Itandai nabi palsu arah perbahanenna. Itandai Kristen asli tah palsu arah perbahanenna. Man kalak si terjeng erlebuh Tuhan, Tuhan labo idalankenna sura-sura Dibata maka ibas wari pendungi pe pagi la itandai Tuhan Jesus ia. La itandai Jesus ertina la akui Jesus ia ajar-ajarNa, janah ipelawesNa ibas adep-adepenNa nari. Man kalak si erlebuh Tuhan, Tuhan tapi labo idalankenna sura-sura Dibata maka kalak si bage igelari Tuhan kalak jahat.

Alu enda dage maka nandai Dibata (Berteologi) la terjeng ngerana,erlebuh, erteori tapi arus kepeken idalanken kai sura-sura Dibata. Ndalanken sura-sura ras si ngena ate Dibata labo guna ndatken keselamaten tapi erkiteken kita enggo iselamatken. Lit dua dampar ijenda si perlu si perdiateken. Dampar si pemena eme keselamaten si ibereken Dibata man kalak si tek man baNa eme “perkuah ate” (keselamatan sebagai anugerah). Si peduaken eme Keselamaten si enggo ibereken Dibata man banta mpeturah sada komitmen (anugerah melahirkan komitmen bdk Roma 12:1-2). Komitemen guna nggeluh simbaru. Nggeluh si mbaru eme kegeluhen si ndalanken sura-sura ras si ngena ate Dibata.

Prioritas Program tahun enda eme “Meningkatkan Kemampuan Warga GBKP Dalam Kehidupan Berteologi dan Menumbuhkembangkan Motivasi Belajar Secara Mandiri.” Berteologi si imaksudken gerejata la terjeng ngerana kerna Dibata, la terjeng erlebuh, ertoto man Dibata tapi seh ku bas ndalanken sura-sura ras si ngena ate Dibata ibas kegeluhenta (Mengajar Untuk Melakukan). Bagi si ilakoken pernanden i Sunem. La mbue cakapna tapi teridah perbahanenna si mehuli. Bage me arusna kegeluhenta pe maka tangkas min idah kalak perbahanenta si mehuli guna nuduhken ise situhuna Dibata si sembah kita.

Ibas negaranta enda labo kurang kalak beluh ngerana, beluh ngajar, beluh erteori, beluh erpidato tapi bagi si kurang sigejap kalak si nandai Dibata situhu-tuhu sabab megati la si katakenna idalankenna. La si ijanjikenna idalankenna. Ibas gerejanta pe labo kurang kalak pentar, labo kurang kalak si nuriken penggejapen teptep PJJ, labo kurang kalak si erjabaten. Tahun


18

enda ningetken kita mulihi gelah ula ka min kurang kalak si nggit ndalanken sura-sura ras si ngena ate Dibata. Sabab labo lit gunana erteori la ipraktekken, eragenda la erkredenda, eragama la erdibata. Nina Tuhan ibas pendungi man kalak si bage, “lawesalah iadepenKu nari, la kam ku tandai.” Gelah enda ola jadi man banta emaka mari dage ibas kerina dampar kegeluhenta si cidahken dage buah kinitekennta man Dibata arah ngelakoken sura-sura ras si ngena ateNa (anugerah melahirkan komitmen). Lit sekalak Pt Emeritus pernah ngerana nina,”bagi perkinitekenna nge perkadena pe.” Ertina uga kinitekenta, ise Dibatanta kerina itandai arah perbahanennta. Nina Invocatio, batang si mehuli buahna pe mehuli.

ERTOTO PENGAKUN KINITEKEN :

L Mari radu ras kita kerina tedis. Mari siakuken kinitekenta raduken kerina kalak si tek ibas kerina paksa ras ingan i doni enda ninta dage radu ras “Aku tek man Dibata Bapa,.......

-----------------------------Perp. Kundul ---------------------------------- PERSEMBAHEN :

L Seh me paksana kita nehken persembahen pengataken bujurta man Dibata. Si bereken si mehulina man baNa tanda keleng ateNa si gejap ibas kegeluhenta. Palas Kata Dibata i bas kita ngendesken persembahen enda eme ibuat ibas Kuan- Kuanen 8:21”Man kalak si ngkelengi Aku ku bereken kebayaken melala, rumahna ku demi alu erta-erta si meherga.”

Iherta ngendesken persembahen mari radu ras kita rende ibas KEE GBKP NO. 424: 1- 2

1. Ipuji kami Kam, Dibata si mbelin, Alu ende-enden si meriah Suari ras berngi kawali kami min, Segelah la celus bas percuban Reff... Sangap kap kalak si r’nalem baNdu e,

Daten tuah ras kesenangen pe Sangap kap kalak si r’nalem baNdu e,

Daten tuah ras kesenangen pe. 2. Dibata sajalah tetap si man pujin, Endeskenlah g’luhta man baNa min Tetap IA si mperdiateken kita min, KelengNa man banta la erkerin Reff…

PERTOTON PERSEMBAHEN RAS SYAFAAT


19

- Kerna persembahen ibabai sekalak Moria. - Kerna si mada jabu ibabai Pengkotbah. - Kerna si turah ibas perpulungen i babai sekalak Mamre. PERPADANEN MAN DIBATA (Perp. Tedis)

L Dibata erngena ate man kalak si megiken KataNa dingen ndalankenca ibas kegeluhenna.

P Erpadan kami Bapa ertedeh ate man baNdu ras ndalanken sura-suraNdu.

L Kalak si megiken KatangKu dingen ndalankenca maka isaksikenNa me keleng ateKu man doni enda.

P Erpadan kami Tuhan naksiken Kam arah kata ras perbahanen kami. L Si pepaguhi dage perpadanenta alu ras kita rende : KEE GBKP

NO. 309:1-2 1. Pengasup kami o Tuhan, Gelah pedahNdu banci idalanken Em kap tendang kami bas kegeluhen, KataNdu si man gelemen Gelah tangkas kata ras perbahanen, Ban min kami tetap bas kebujuren

SurgaNdu kap perayaken. 2. Temani kami o Tuhan, Bengket ku doni si dem keguluten

SampatiNdu kami lako naluken, Dosa si man sirangkenken Emaka ola kal kami tadingken, I bas kami ndalani kegeluhen G’lah dat kami kemenangen.

PERTOTON TUHAN RAS PEMASU-MASUN L Ertoto kita bagi ni ajari Tuhan Jesus ninta dage ras-ras.......

Dalankenlah sura-sura ras si ngena ate Dibata ibas

kegeluhenta(ndu). Enda me tandana maka si tandai Dibata i bas

kegeluhenta (ndu). Guna sie alokenlah pasu-pasu idur Dibata

nari jadi pergegehta (ndu): “Ipasu-pasu janah ikawali Dibata kita

(kam), siang ayo Dibata ersinalsal i babonnta (ndu), janah

melias ateNa ngenehen kita (kam). I tatap Dibata ku kita (kam)

janah malem atenta (ndu) i bahanNa. Amin.

P Amin.....Amin.....Amin...... (iendeken)

DISKUSI : 1. Kai nge si ban gelah sue min kiniteken ras perbahanen i bas kegeluhenta?

Dalankenlah!


20


WARI/BERNGI III, SELASA 17 JANUARI 2017

A. PERSIKAPEN :

- Ngaturken si ertugas i bas kebaktin. - Nuratken kai-kai saja si man totonken si turah i bas perpulungen guna

itotoken i bas pertoton syafaat. - Si ertugas ras perpulungen nikapken pusuh ras ukur guna ngadap man

Tuhan.

B. KEBAKTIN (Ibabai Runggun Gereja): 1. Kata Pengalo-Ngalo :

Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah man banta kerina. Si kataken bujur man Tuhan bas kesempaten enda, sabab tetap kita ikawaliNa i bas mentasi sada wari enda, iberekenNa kecukupen geluhta ras kerina isi jabunta. I bas Pekan Kebaktin Penatalayanen wari/berngi si pe teluken enda, man banta isehken kerna: - Aron Dibata si nggit erlajar mandiri. - Kita banci tole erlajar arah turi-turin kegeluhen Nikodemus ras Sakeus. - Kai-kai saja ulih nandangi aron Dibata si nggit erlajar mandiri. Mari dage sisembah Tuhan arah kebaktin enda dingen si endesken dirinta man Tuhan baNa. Man bandu kemahen Tuhan siipake-Na ibas wari/berngi enda, maka itaruhken kami kam guna ngelai perpulungen alu pertoton. Pengarapen kami pe maka ipake Dibata kam nehken sura-sura-Na arah kebaktin enda. Mari radu ras kita ertoto ...

Ertoto

Rende : KEE GBKP NO: 192 :1,2 - Perp Tedis - (Janah Ngendesken Perlengkapen Kebaktin Man Si Mabai Kebaktin)

1. Meriah kita ras krina si puji Dibatanta. Perban lias ateNa e i sehkenNa man banta pe. Nggo pulung kita krina pe i bas ingan enda, I bas ingan enda. 2. Dage gegehi bantalah, Muji Tuhan perkuah. I bas keleng ateNa nge, Seh banta keriahen pe. Gundari subuk ras pagin tuhu meriah min tuhu meriah min.

2. Votum – Salam : L I bas gelar Dibata Bapa si enggo encidahken kuasaNa arah kerina

tinepa, i bas gelar AnakNa Jesus Kristus si maba rupa Dibata ku doni


21

enda, ras i bas gelar Kesah si Badia nampati kita (kam) nandai perukuren Dibata.

Malem ateta (ndu) erkiteken seh wari enda, Dibata mpetandaken diriNa man banta (ndu) si erbahanca tuhu-tuhu sitandai IA ras sura-suraNa, gelah kita nggeluh erkiniteken man baNa. Amin.

P Amin..... Amin..... Amin..... (Iendeken)

3. Berita Kerna Perbahanen Ras Sura-sura Dibata (Invocatio) : L “Bena-bena kepentaren e me erkemalangen man TUHAN . Man kalak

si erkemalangen man baNa iberekenNa kap pemeteh si mehuli. Terpujilah Dibata seh rasa lalap” (Masmur 111:10). Erpalasken Kata Dibata enda, sipuji IA alu ras kita rende : KEE GBKP NO: 338: 1, 3 1. Kam ku sembah ulu tuah, Ajar aku me gelah, La nurihi puji kami, Lalap la erngadi-ngadi. Lias ras keleng ateNdu, JujurkenNdu man bangku, Nteguh paguh la terundu Kuasa ras MuliaNdu. 3. Pasu-pasu Surga nari ku gejap tiap wari, Kepentaren berekenNdu nehken sura-suraNdu. PakekenNdu lah min aku, Jadi persuruhenNdu, Jenda aku suruh aku nehken kekelegenNdu.

4. Pujin Man Dibata Selaku Ulu Kepentaren Perp. Kundul L Dibatanta kap Ulu kepentaren sabab kerina si nasa lit Dibata kap

sinjadikenca alu kuasa ras kepentarenNa. P Ipuji kami Kam Tuhan, tangkas man kami maka kerina si enggo

itepaNdu erpalasken kuasa ras kepentarenNdu. L Man manusia ibereken Dibata kepentaren segelah ngasup ndahiken

dahin-dahin si rehna i bas Dibata nari. P Bujur Tuhan, ibahanNdu kami jadi aronNdu, ertambah-tambahlah

kepentaren kami si rehna i bas Kam nari. L Guna ndatken pemeteh, si pemenana si la banci la lit i bas kalak e me

mehamat dingen erkemalangen man TUHAN . Kalak lenge la nggit mperdiateken kepentaren dingen la ia nggit erlajar.

L Sipuji Tuhan alu ras kita rende arah : Rende KEE GBKP NO: 354 :1-2 1. Kam si mbelin, Kam terbrita, Kam kap si termulia Mehuli Kam, dingen erkuasa, Kam si mada krina sinasa Reff. Sinalsal keleng ate Tuhan Bagi emas si labo luntur Rejin tuhu dolatNdu Tuhan ngarak-ngarak kegeluhen


22

2. Erta- erta, kebayaken, I bas Kam nari rehna Kam merentah, alu kuasa, ras gegehNdu Tuhan Dibata Reff...

5. Kinata Kegeluhen Manusia i Bas Ngaloken Kepentaren Dibata : L O anakku, begikenlah ajar nande bapandu! Megermetlah, gelah

mbages pengertinndu. Si kuajarken man bandu e mehuli kal, e maka inget-ingetlah kerina. Aku anak sada-sada i bas nandengku; tupung aku kitik denga, iajarken bapangku aku nina, “Ingetlah kai katangku man bandu, ola lupa. Lakokenlah sentudu ras si kukataken man bandu maka kam nggeluh. Jadilah pentar janah pebagesi pengertindu. Ola kam lupa, ola kam nilah i bas kai i kukataken.”

P Ngaku aku Tuhan maka lenga aku serta i bas megiken, ngantusi ras ndalanken kepentarenNdu. Alemi kel aku Tuhan ras pengasupken kel aku segelah tutus i bas megiken, ngantusi ras ndalanken kepentarenNdu. Alemi kel aku i bas kinilatunggungenku.

L Sisehken pingko-pingkonta man Dibata alu ngendeken: KEE GBKP NO: 182:1-2 1. O Tuhan Kam tetap, Tedehku man baNdu. Arapku lalap min, Nemani geluhku. Reff : O Tuhan rasa lalap, Geluhku temani. Ola tadingken, Ras Kam tetap. 2. O Tuhan Kam tetap, Ajarilah aku. Lah kai pe si kuban, Mehuli man baNdu.

Reff : …………..

6. Padan Dibata Man Si Ngakuken Kinilatunggungenna : Perp. Tedis L Tapi kalak si megiken kepentaren, teneng geluhna janah la perlu ia

mbiar." Selaku persuruhen Dibata, aku nehken kataNa man banta (ndu) si erkadiola dingen nggit jera ibas dosa ras kelepakenta (ndu) :

“Ingetlah Dibata i bas kerina si idahikenndu e maka Ia si nuduhken dalan si payo man bandu. Ola iakapndu pentar kam lebih asa patutna; erkemalangenlah man Dibata janah ola kam nggit ngelakoken si jahat. Adi bage pengelakondu, perbahanenndu e desken tambar si pepalem penakit ras si mesuindu” (Kuan-Kuanen 3:6-8).

Meriah ukurta i bas kita enggo ngaloken padanNa, emaka rende kita ibas : KEE GBKP NO : 110:1,3


23

1. Mari ku Yesus dahi pedas, Begi pedahNa bahan bujur. Mari ku Yesus dahi terus, IA me Penebus. Senang mriah ukurta kepe, Adi masap krina dosa e. Mari me kita ku Surga e, Ku kesenangen e. 3. Mari ku Yesus, dahi pedas, Maka dosandu min nggo kelas. Yesus perkeleng, melias pe, Malem ukurndu e. Senang m’riah ukurta kepe, Adi masap krina dosa e.

Mari me kita ku Surga e, Ku kesenangen e 7. Kata Dibata : Perp. Kundul

a. Ngoge Kata Dibata Bagin Si Pemena : Johanes 3:1-10 L Ketuahen kalak si megiken Kata Dibata, dingen si makenca i bas

geluhna si teptep wari. Haleluya. P Haleluya..... Haleluya..... Haleluya..... (Iendeken)

b. Renungen: Lukas 19:1-10 (Ibenaken Ras Idungi Alu Pertoton) Tema: “Aron Dibata Si Nggit Ras Tutus Erlajar Mandiri” Sedar kita ntah la sedar maka tep-tep kalak si enggo ngaloken Tuhan Jesus jadi Tuhan ras Juruselamatna maka ia enggo bengket ku bas bagin jadi ‘aron’ Dibata. Kata ‘aron’ i bas kalak Karo eme sada persadaan si anggotana piga-piga kalak si enggo ersada arih ras sura-surana lako ras-ras i bas ndahiken sada-sada dahin, nggeluh sisampat-sampaten, sikeleng-kelengen ras gotong-royong. Tep-tep anggota aron la mpersoalken anem gia tep-tep anggota aron e la bali gegeh ras kengasupenna. I bas la bali e me teridah kebayaken guna i persada i bas aron e (“saling melengkapi”). Kata ‘aron’ banci pe iertiken desken ‘sada kula melala ring-ringna (1 Korinti 12:1-20). Tep-tep ring-ring si lit kerina tama guna ras labo lit siganjang teruken (penting, seh kel pentingna ntah kurang penting). Man banta sekalak-sekalak enggo ibereken Dibata kengasupen si pelain-lain. Sura-sura Dibata man tep-tep anggota aronNa eme nggit ras tutus erlajar. Manusia si nggit ras tutus erlajar semalna eme erkiteken:

“motivasi intrinsik”, ertina i bas tep-tep manusia lit turah penjemba si rehna i bas dirina sendiri lako nggit ras tutus erlajar. Penjemba enda turah e me erkiteken meriah ras erguna kel iakapna i bas geluhna kerna pelajaren siniajarken man bana. Umpamana, kalak si meriah iakapna rende maka uga pa pe mbelin kel penjemba si rehna i bas dirina lako latihen rende. Kalak si meriah kel iakapna megiken ras ngoge Kata Dibata maka mbelin kel penjemba i bas dirina lako ngoge Pustaka, reh ku perpulungen ras sidebanna.


24

“motivasi ekstrinsik”, ertina i bas tep-tep manusia lit turah penjemba

lako nggit ras tutus erlajar si rehna i darat dirina nari. Umpamana, adi

ndatken nilai si mejile maka ibereken me hadiah ras sidebanna. Kalak si

erkiniteken nggo tek ras nggejapken kerna belinna perkuah ate Dibata

enggo ialokenna i bas geluhna, emaka iendeskenna geluhna man

Dibata. Kasa gegeh ras kengasupenna lit nggit dingen tutus erlajar

kerna kai-kai saja si ngena ate Dibata guna idalanken. Kai-kai saja pe si

idalankenna eme guna mpermuliaken Dibata, la ia nggit ngelakoken si

jahat. Kai-kai saja pe siilakokenna isik-sikna lebe maka itindesna,

iukurina lebe maka ibelaskenna. Sue nge ras sura-sura Dibata ntah lang

si kulakoken? Enda me si jadi sukat-sukat i bas geluhna.

“Motivasi” ntah penjemba enda duana labo terpesirang, duana

mereken penjemba man manusia lako nggit ras tutus erlajar mandiri.

Selaku kalak si erkiniteken man Tuhan perlu kel kita megermet i bas

geluh enda segelah ula kita salah i bas erlajar ras kai-kai saja si man

pelajaren. Tangkas i kataken i bas Invocatio: “Bena-bena kepentaren e

me erkemalangen man TUHAN . Man kalak si erkemalangen man baNa

iberekenNa kap pemeteh si mehuli. Terpujilah Dibata seh rasa lalap”

(Masmur 111:10). Ertina Pemasmur nggejapken maka erkemalangen

man TUHAN me si pentingna i bas geluh enda. Kalak si erkemalangen

man TUHAN teridah arah nggit muji TUHAN, ngukuri ras ndalanken Kata

TUHAN i bas segedang geluhna. Alu bage maka si jadi ulih man kalak si

erkemalangen man TUHAN e me ibereken TUHAN pemeteh si mehuli.

Pemeteh si maba kejuah-juahen dingen kesangapen nggeluh, subuk

man dirina jine bagepe man sekelewetna. I bas renungen kebaktin

Pekan Penatalayanen wari/berngi si peteluken enda, kita erlajar arah

motivasi/penjemba i bas Nikodemus ras Sakeus.

Nikodemus, e me sekalak peminpin agama kalak Jahudi, ia kalak Parisi. Lit penjemba i bas diri Nikodemus lako nambahi pemeteh, pengangkanna ras penandaina kerna Jesus. Nikodemus enggo meteh maka Jesus me Guru si isuruh Dibata ras tanda-tanda sengget si ni


25

bahan Jesus. Selaku peminpin agama kalak Jahudi gelah ula terang-terangen i bas sura-surana lako nambahi pemeteh maka ijumpaina Jesus i bas paksa berngi. Teridah tuhu maka Nikodemus nggit ras tutus i bas erlajar, i bas la iangkana ijumpaina langsung Guru eme Jesus si jadi ulu pengajaren. I bas perjumpan e tutus kel ate Nikodemus, piga-piga kali pe ia nehken penungkunen man Jesus i bas lenga payo pengangkanna. Si jadi tujun Nikodemus e me gelah payo pemeteh, pengangkan ras penandaina kerna Jesus. Sabab megati pemeteh, pengangkan ras penandai kalak Parisi kerna Jesus la payo, kerehen Jesus iakapna imbang si man kernepenken erkiteken megati isehken Jesus pengajaren lako mandang perbahanen kalak Parisi si pekulah-kulah.

Sakeus, e me sekalak si pendahinna pengalo cuke, ia bayak. Dahin

pengalo cuke i bas kalak Jahudi e me la payo rikutken Torat. Emaka nina

jelma sienterem tupung kesilang Jesus ku rumah Sakeus “jungut-jungut

kalak si nterem ngidah si e nina, "Kesilang IA i rumah kalak perdosa." Si

penting siidah e me litna motivasi/penjemba i bas diri Sakeus, si teridah

arah: Merincuh kal Sakeus ngidah ise kin Jesus e. I bas kerincuhenna e icidahkenna arah kininggitenna ras

ketutusenna ngusahaken gelah iidahna Jesus. La jadi soal man bana anem gia lit perbeben (nterem kal jelma arah lebena dingen ia pe gendek ka). E maka kiam ia ngelebei jelma si nterem e, jenari inangkihna batang kayu, guna ngenehen Jesus si mentas arah dalan e.

Si jadi ulih man Sakeus si enggo alu tutus ate ngelakoken kuga carana maka banci iidahna Jesus eme: seh me sura-surana iidahna Jesus si mentas arah dalan e. Lebih asa si isurakenna pe ialokenna, iperkuanken Jesus ia, kesilang Jesus i rumahna janah meriah kel ukur Sakeus ngalo-ngalosa.

Ulih perjumpan Sakeus ras Jesus pe erbahanca Sakeus jera i bas dosa-dosana nari, tedis Sakeus janah nina man Tuhan, "Setengah i bas erta-ertangku kubereken man kalak musil; janah adi lit kalak enggo kutipu, kuulihken man bana empat kali lipat." Ngaloi Jesus nina, "I bas wari enda enggo reh keselamaten man isi jabu enda. Kam pe kesusuren Abraham kap.


26

Keselamaten si rehna i bas Jesus nari me si jadi ulih man isi jabu Sakeus, si

enda kerina banci jadi e me erkiteken Sakeus nggit ras tutus erlajar man Jesus

anem gia geluh Sakeus sedekah enda enggo papak. Kenca jumpa ras Jesus

kerina jadi mehuli. Marilah i bas segedang-gedang geluhta pe tetaplah erlajar. Peturahlah

motivasi/penjemba guna nggit ras tutus erlajar mandiri. Labo lit kepentarenta i bas ngalaken perbeben ras percuban nggeluh i bas doni enda. Tek kita maka alu kepentaren si rehna i bas Dibata nari maka ertambah-tambah kepentarenta ras ulihna e me kemalemen ate. Labo lit kalak motu ijadiken Dibata, kerina banci jadi kalak pentar. Sipenting e me kininggiten ras ketutusen ateta erlajar i bas geluh enda. Kata Dibata ersinget “TUHAN kap si mereken kepentaren, i bas IA nari kap manusia ndatken pemeteh ras pengertin. Man kalak benar ras bujur iberekenNa penampat ras ampang-ampang. TUHAN si ngkawali kalak si bujur perbahanenna janah iampang-ampangiNa kalak si tutus man baNa” (Kuan-Kuanen 2:6-8). Teridah arah kegeluhen Nikodemus bagepe Sakeus i bas kurang pengangkan ras pengertinna maka ijumpaina Jesus, kedungenna malem me atena.

8. Pengakun Kiniteken Perp. Tedis

9. Persembahen : Perp. Kundul L Kata Dibata si jadi palas i bas kita ngendesken persembahenta man

Dibata : “Mehamatlah man TUHAN alu mpersembahken ulih jumandu si

mehulina kal man baNa. Adi bage perbahanenndu la banci lang dem lumbungndu alu gandum dingen lau anggurndu sampur, seh maka lanai siat ingan munikenca pe” (Kuan-Kuanen 3:9-10).

Tupung si endesken persembahenta ras kita rende ibas KEE GBKP NO: 445 : 1: 3 1. Si pepulung me persembahenta, Si endesken dage man Dibata. Tanda riah ukur ban pasu-pasuNa, Si simpar breNa man banta. Ref... Asa si nggio isikapken, Asa si nggo itotoken. Em pengataken bujurta, Kempak Dibata. 2. Tuhu simpar pemere Dibata, Man perjuma ras erbinaga. Krina si erdahin, singarap man baNa, Ituahi pasu-pasuNa. Ref... 3. Pengataken bujur man Dibata, Enda mbelin ka tuhu gunana. Jadiken geluhta, kula ras tendinta, Persembahenta si nggeluh. Ref..


27

- Pertoton Persembahen ras Pertoton Syafaat a. Persembahen. b. Gelah kerina serayan Tuhan (Pandita, Emeritus, Pertua ras Diaken)

nggit ras tutus tetap erlajar nambahi kepentaren i bas ndahiken dahin-dahin gereja Tuhan.

c. Gelah tep-tep ngawan ni perpulungen nggit ras tutus erlajar mandiri, segelah i bas kerina dampar geluhna makeken kepentaren si rehna i bas Dibata nari.

d. Siturah i bas perpulungen. e. Ingan pulung ras si ertugas wari/berngi enda bagepe wari/berngi si

pepagi.

10. Perpadanen Man Dibata: Perp. Tedis L Pelajarilah si kukataken man bandu o anakku, janah ola kal kam lupa si

kuturiken man bandu. Megermetlah nandangi kepentaren jenari cubakenlah ngantusisa pe. O anakku, pindolah pemeteh, seksekilah ndatken pengertinna.

P Erpadan aku Tuhan, kasa gegeh ras ngasupku lit, kupala-palai tetap erlajar kerna kepentarenNdu.

L Daramilah e desken ndarami emas, ayakilah e desken ndarami erta si terbuni. Alu bage maka ietehndu kai ertina erkemalangen man TUHAN, jenari idatndu me pemeteh kerna Dibata.

P Erpadan aku Tuhan, kasa gegeh ras ngasupku lit, kupala-palai tetap erlajar kerna kepentarenNdu.

L TUHAN kap si mereken kepentaren, i bas IA nari kap manusia ndatken pemeteh ras pengertin. Man kalak benar ras bujur iberekenNa penampat ras ampang-ampang. TUHAN si ngkawali kalak si bujur perbahanenna janah iampang-ampangiNa kalak si tutus man baNa. Adi idengkehkenndu Aku, ietehndu kai si bujur, si benar dingen adil. Ietehndu pe kai si arus ilakokenndu.

P Bujur Tuhan, erpadan aku, kasa gegeh ras ngasupku lit, kupala-palai tetap erlajar kerna kepentarenNdu ras ndalanken kepentarenNdu.

L Kam jadi kalak pentar janah pemetehndu mereken kesenangen man bandu. Kebeluhen dingen pengertinndu kap si ngkawali kam.

P Amin L Guna peteguhi perpadanenta (ndu) man Dibata, sipuji Tuhan alu rende

: KEE GBKP NO: 309 : 1- 2 1. Pengasup kami o Tuhan, Gelah pedahNdu banci idalanken. Em kap tendang kami bas kegeluhen, KataNdu si man gelemen.


28

Gelah tangkas kata ras perbahanen, Ban min kami tetap bas kebujuren, SurgaNdu kap perayaken.

2. Temani kami o Tuhan, Bengket ku doni si dem keguluten. SampatiNdu kami lako naluken, Dosa si man sirangenken. Emaka ola kal kami tadingken, I bas kami ndalani kegeluhen, Glah dat kami kemenangen.

11. Pertoton Tuhan 12. Pengutusen Ras Pasu-pasu Dibata :

L TUHAN njadiken doni enda alu kepentarenNa, alu kebeluhenNa itamakenNa langit i bas inganna. Alu pemetehNa ibahanNa maler lau belin, bage me embun si mereken udan ku doni enda. Erkiteken si e o anakku, ola kal sirangi kepentaren ras pemeteh! Ola pulahi pe. E kap si mereken kegeluhen, kegeluhen si senang dingen dame man bandu. Guna mpengasup kita (kam) erlajar ras ndalanken kepentaren Dibata alokenlah pasu-pasu si rehna i dur Dibata nari :

“Dibata sumbul kemalemen ate e gelah sincukupi keperlunta (ndu) guna ndalanken si sentudu ras peratenNa. Janah Dibatalah erdahin i bas kita (kam) arah Jesus Kristus, gelah kita (kam) ngelakoken kai si ngena ateNa, man Kristuslah kemulian seh rasa lalap”. Amin.

P Amin..... Amin..... Amin..... (Iendeken)

SHARING : 1. Si jadi motivasi/penjemba man Nikodemus i bas njumpai Jesus e me: erlajar

guna nambahi pemeteh, penandai ras perngangkan kerna Jesus ras ajarenNa. Turiken pengalamenndu, adi lit sedekah enda kurang pemeteh ras pengangkanndu sedekah enda kerna Kata Dibata, kai nge si ilakokenndu?

2. Nina Jesus "I bas wari enda enggo reh keselamaten man isi jabu enda.” Enda me si ibelasken Jesus tupung kesilang IA ku rumah Sakeus. Kai nge erbahanca maka i bas wari e isehken Jesus keselamaten man isi jabu Sakeus?

3. Turikenlah! Enggo nge igejapkenndu maka ku bas se isi jabundu pe enggo isehken keselamaten?


29


WARI/BERNGI IV, RABU 18 JANUARI 2017

A. PERSIKAPEN :

Sope kebaktin ibenaken, Majelis Runggun Gereja iarapken enggo mperdiateken kerina keperlun siperlu isikapken guna kiniulin perdalanen kebaktin e. I bas wari/ berngi enda, asa bancina min si mabai doa syafaat eme tegun kalimbubu ntah pe puang kalimbubu tuan rumah. Emaka, mehuli kal dikune si pepulung lebe topik doa syafaat si turah itengah-tengah perpulungen e.

Kerina ngawan ni perpulungen ras serayan Tuhan si reh, iarapken kal guna mperdiateken bagin i bas ngoge liturgi. Tegun siibahan i bas liturgi e erpalas kempak si mada jabu. Selaku Sukut, Kalimbubu ras Anak Beru, ikutken arah tegun si mada jabu ingan pulung sendah. Sidalanken sue ras kuga kin sedekah enda tuturta nandangi si mada jabu e.

B. KEBAKTIN : 1. Kata Pengalo-Ngalo : Ibabai Simada Jabu

Turang ras senina i bas Tuhanta Jesus Kristus, bage pe kerina kam tegun sembuyak senina kami bage pe kam kerina serayaan Tuhan, ras pe kalimbubu bage pe anak beru kami, ikataken kami mejuah-juah man bandu kerina. Kerehendu kerina nambahi keriahen man kami sada jabu bage pe man banta kerina si pulung i bas wari/ berngi enda. Janah, ikataken kami bujur ibas kerehenndu kerina. Ersentabi kami dikune lit si kurang i bas pengalo-ngalo kami nandangi kam kerina, ajarindu kami i bas salah lepak kami maka reh terpujina Tuhan. Ertoto kita maka kerina kita banci muat bagin i bas wari/ berngi enda, bage pe man turang senina nta si langa seh, Tuhan lah si masu-masuna dingen si naruhkenca seh ku rumahta enda.

2. Kata Penaruh : Ibabai Majelis Runggun Gereja Turang ras senina, i bas wari/ berngi enda erlajar me kita guna jadi ”Aron Dibata Si Muat Bagin I Bas Jabu Ras Sangkep Geluh” ta. Si enda silakoken erkiteken enggo siidah uga ulina perukuren ras sura-sura Dibata si enggo isuankenNa jadi orat nggeluh i bas budayanta. Bagepe, Dibata ersura-sura segelah kita kerina anak-anakNa e banci min jadi sekalak si ersuruh ukurna guna muat bagin i bas kerina dahin-dahin jabu ta bage pe itengah-tengah sangkep geluhta e.


30

Selaku aron Dibata siitamakenNa itengah-tengah doni enda – subuk bapa, nande bage pe anak-anak – rutang kap kita lako nggeluhken kegeluhenta guna jadi pasu-pasu. Erkiteken enggo sialoken ras sinanami pasu-pasuNa e emaka kita pe arus ka mpepaler pasu-pasuNa e man kerina isi jabu nta bage pe sangkep geluhta e. Rikutken Pekan Penatalayanen e, perlu kap si tatalayanken mulihi kegeluhen si ertanggungjabab i bas jabu. Selaku bapa, arus muat bagin lako jadi pengulu i bas jabu. Selaku nande, arus nandai kecibal kerina isi jabuna dingen jadi ingan tunande, janah selaku anak, erbahanca merim kegeluhen jabu e. Bage pe nandangi sangkep geluhta, kerina kita ermeriah ukur lako jadi pancur pasu-pasu Tuhan alu nehken si ngena ate Tuhan dingen nggit ngaloken ia kuga ia litna ras mereken penampat asa gegeh ras kengasupenta. Emaka, guna sie marilah ras-ras kita muat bagin i bas Kebaktin ta enda alu ibabai serayan Tuhan si enggo iaturken Runggun Gereja. Man bandu serayan Tuhan, mesikel kal kami lako megiken Kata Dibata i bas wari/berngi enda segelah kerina kita jadi aron Dibata si muat bagin i bas jabu ras sangkep geluh. Itaruhken kami kam alu pertoton.... Ertoto - Perp. Tedis -

Rende : KEE GBKP NO. 33 : 1 Dibata nandaisa si tek man baNa e.

LiasNa nandangisa, Senang akapna me.

IsampatiNa ia, I bas kiniseran.

Geluh tah mate gia, ‘ La banci lang senang.

Geluh tah mate gia, ‘La banci lang senang.

3. Votum – Salam L I bas gelar Dibata Bapa si nepa kiniraturen nggeluh, i bas gelar Jesus

Kristus si jadi usihen geluh manusia, ras i bas gelar Kesah Si Badia si mere kepentaran guna mbangun kegeluhen si mulia ras ukur ersuruh lako muat bagin ibas kiniulin jabu ras sangkep geluh e.

Perkuah ate ras dame i bas Dibata Bapa, AnakNa Jesus Kristus, ras i bas kerembaken Kesah Si Badia ras kita (kam) kerina gelah. Amin

P Amin.....Amin.....Amin..... (Iendeken)

4. Berita Kerna Sura-Sura Ras Perbahanen Dibata (Invocatio) L Nina TUHAN man Nuah, "Bengketlah kam ras kerina keluargandu ku

bas kapal e. Sada kam nari ngenca i bas doni enda erbahan si mehuli Kuakap. (Kejadin 7:1)


31

Erpalasken Kata Dibata enda, sipuji IA alu ras kita ngendeken : KEE GBKP NO. 264 : 1, 3

1. Ateku tedeh man baNdu o Tuhan, Malem me ateku jumpa si erkuasa Aku megegeh di ras kam o Tuhan, Sabab Kam me kapen Ulu sinasana Kubegi KataNdu, Kata tuhu-tuhu. Keke me ukurku nehken peratenNdu 3. Ib’reNdu pedah, kuakap pe megah, Tambah pengertin’ dat kiniulin Tambah pemeteh, turah kapen gegeh, PemereNdu sampur, ras kusehken bujur. Kubegi KataNdu, Kata tuhu-tuhu. Keke me ukurku nehken peratenNdu

5. Pujin Man Dibata Si Jadi Usihen Ibas Muat Bagin Itengah-Tengah Jabu Ras

Sangkep Geluh : - Perp. Kundul - L Benana nari pe Dibatanta enggo nepa kiniraturen nggeluh i

bas kerina tinepa dingen la ipelepasNa kita ndalani kegeluhen enda sisada-sisada. IsikapkenNa teman nggeluh rikut ras kade-kade man banta, gelah lit inganta nehken keleng ate, nuri-nuri ras megi-megi kerna perbahanen Dibata si mejin.

Sukut Bujur Tuhan sebab enggo iberekenNdu man kami sembuyak senina kami si jadi teman kami lako ndalani kegeluhen kami ras Kam.

L Jabu ras sangkep geluh ilitken Dibata bage ipekena-kenaNa segelah lit ingan man banta – subuk bapa, nande ras anak-anak - guna nampati ras pe isampati. Emaka sekalak-sekalak kita ertanggungjabab lako ndalani kecibal geluhta sue ras si ngena ateNa dingen kerina siilakoken kita e erkiteken kita ngusih kerina perbahanenNa itengah-tengah doni sue ras si enggo icidahken Tuhan ta Jesus Kristus e.

Anak Beru Asa gegeh ras kengasupen si lit, ipakeken kami kerinana guna mereken si mehulina man Tuhan ras pe man kalimbubu kami.

L Bage pe sigejapken kal maka kita kerina ipersada Dibata segelah arah persadan enda reh kuhna kengasupenta ngelaken kekelengen Tuhanta man teman manusia bage pe man kerina


32

tinepa. Enda me biak Dibata si enggo isuankenna i bas budayanta.

Kalimbubu Bujur Tuhan sebab ipakeNdu kami lako nehken keleng ateNdu man anak beru kami ras man teman kami sidebanna.

L Andiko ulina perbahanen Tuhan i bas ngaturken kegeluhen manusia. Emaka Pujilah Tuhan! Pujilah IA erkiteken enggo ituduhkenNa orat nggeluh si mehuli. Tetapkenlah i bas ukurta (ndu) maka kidekah kita (kam) nggeluh la kita (kam) lupa perbahanen Dibata man banta (ndu). Turikenlah dingen ajarkenlah e man anak-anakta (ndu), ras man kempu-kempunta (ndu), gelah turah i bas ia biak nggeluh si mehuli.

Tuan Rumah Bujur Tuhan sebab itamakenNdu kami itengah-tengah sangkep geluh kami si erkeleng ate man kami.

L Emaka mari dage sikataken bujur man Tuhan, nandangi teman nggeluh, kade-kade ras kiniersadan si enggo isikapkenNa man banta. Perukuren ras perbahanen Tuhan me si erbahan geluh ta mehuli. Tuhan lah jadi usihen kegeluhen ta.

L Sipuji Tuhanta alu ras kita rende ibas : KEE GBKP NO: 191 : 1, 4 1. I ban kelengNdu e, i ban liasNdu e, la ’ku bene. Aku idilo Kam, bas lias ateNdu, Kusurga e. 4. Tergejap me tuhu, penegu-neguNdu, senang aku.

Mejuah-juah me, ras isi jabu pe, liasNdu nge.

6. Kinilangasupen Manusia Nggeluh I Bas Perukuren Dibata L Menaken kin Dibata nepa Adam ras Hawa, sura-suraNa enggo

ikatakenNa niNa "Ertuahlah kam jadi nterem, demi dingen taluken doni enda, kuasai kerina nurung, perik-perik i awang-awang, bage pe kerina rubia-rubia i daraten”. I bas enggo iberekenNa tuah man banta dingen ipasu-pasuNa jabu nta alu mereken kerina keperlun geluhta, enggo nge kita nggeluh i bas perukuren Dibata e sentudu ras si ikatakenNa e ?

(Paksa Teneng)

L I bas bagin orat geluhta, pegancih kap cibal ta kerina. Kimaun kita selaku sukut, banci ka selaku Kalimbubu bage pe jadi Anak Beru. Enggo nge ndia sibabai jabu nta guna muat bagin ibas keriahen ukur guna kiniulin kegeluhen sangkep geluh ta e ?

(Paksa Teneng)


33

L O turang ras senina, selaku sekalak si erkiniteken man Tuhan, enggo nge sicidahken biak-biak anak Tuhan e itengah-tengah kegeluhenta si teridah arah pengerana, perbahanen ras perukurenta si mehuli erpalasken Kata Dibata nandangi kerina isi jabu ras sangkep geluhta ?

Mari siakuken salah lepakta man Dibata, alu ngendeken : KEE GBKP No. 417:1, 2

1. Kam Yesus Tuhanku, palas kegeluhenku. Reh aku ngadap man baNdu. Tegu lah min aku, i bas ndalani geluhku, ‘lah ula celus nahengku. Dengkehken sorangku erlebuh o Tuhan, Ngendesken pingko-pingko ngku Alemi min salah lepakku o Tuhan, ‘lah atan bas kiniulin.

2. Kam Yesus Tuhanku, sampati min geluhku, alemi Tuhan dosangku La kap lit terligen i bas adep-adepenNdu, kerina salah lepakku. Dengkehken sorangku erlebuh o Tuhan, ngendesken pingko-pingkongku Alemi min salah lepakku o Tuhan, ‘lah atan bas kiniulin.

7. Berita Pengalemi Dosa : - Perp. Tedis L Tuhan e perkuah dingen perkeleng kap, la pedas IA merawa. IA dem

alu keleng ate si tetap. Labo kita ibuangkenNa i bas keterbatasen ras dosanta. Emaka, selaku persuruhen Dibata aku nehken kataNa man banta (ndu) kerina si ngakuken dosa ras kesalahenna, dingen jera i bas dosa ras kesalahenta (ndu) nari, niNa :

“Tapi icidahken Dibata perkuah ateNa man bangsaNa, ialemiNa dosa-dosana, janah la ikernepkenNa, la ipulahiNa nembehNa”. (Masmur 78:38).

Sipuji Tuhan erkiteken dosanta enggo ialemiNa, alu ngendeken : KEE GBKP NO. 423 : 1, 2

1. Kam nebusi aku Tuhan, Kam si mpeteneng tendingku. Tendi si ndube tertaban, TeguNdu ku adepenNdu Malem kal ateku Bapa, Ban keleng ateNdu Kupuji gelarNdu Bapa, Mulia gelarNdu. TeguNdu lah aku Tuhan, I bas pusuhku Kam ringan PetetapNdu aku Tuhan, ’Lah dosa talu me kuban

2. Kam ngalemi aku Tuhan, Kam si mpepalem pusuhku Pusuh si megati nogan, Mbaru perbahan kelengNdu Malem kal ateku Bapa, Ban keleng ateNdu Kupuji gelarNdu Bapa, Mulia gelarNdu. TeguNdu lah aku Tuhan, i bas pusuhku Kam ringan PetetapNdu aku Tuhan, ’lah dosa talu me kuban


34

8. Kata Dibata : -Perp. Kundul- a. Ngoge Kata Dibata Bagin Si Pemena : Kejadin 19 : 12 – 22

L Ketuahen kalak si megiken Kata Dibata, dingen si makekenca i bas geluhna si teptep wari, Haleluya.

P Haleluya..... Haleluya..... Haleluya..... (Iendeken) b. Renungen : Masmur 128 : 1 – 6 (Ibenai ras idungi alu pertoton)

Invocatio : Nina TUHAN man Nuah, "Bengketlah kam ras kerina keluargandu ku bas kapal e. Sada kam nari ngenca i bas doni enda erbahan si mehuli Kuakap. (Kejadin 7:1)

O g e n : Kejadin 19 : 12 – 22 Renungen : Masmur 128 : 1 – 6 T e m a : “Aron Dibata si Muat Bagin I bas Jabu ras Sangkep Nggeluh”

Perkembangen Agama Kristen ibas abad pemena (“jemaat mula-mula”) terjadi arah Perpulungen Jabu-Jabu (Perkumpulan Rumah Tangga). Paksa sie langa bo lit gedung gereja dingen kalak Kristen pulung i bas rumah-rumah ngawan ni perpulungen Tuhan. Perpulungen e igelari pe “Jemaat di rumah” ntah pe “Perpulungen i rumah” (bdk. Roma 16:5; 1 Korinti 16:19; Kolose 4:15 ras Pilemon 1:2). Perpulungen e igelari pe perpulungen si ertoto ras erlajar erkiteken lit empat hal si utama ilakokenna ibas ia pulung. Sipemena, sisampat-sampaten. Sipeduaken, radu ras erlajar kerna kai sini iajarken rasul paksa sie. Sipeteluken, radu ras ertoto. Dingen sipeempatken, man ras-ras. Kerina si pulung ije radu ras muat bagin rikutken gegeh ras kengasupen si lit ibas ia ibas palas keriahen ukur ras keleng ate Tuhan.

Sipulung ibas perpulungen e, eme si mada jabu – kuh kerina isi jabu ije : bapa, nande, anak-anak, juak-juak (adi lit) – bage pe jiran tetangga rikut pe ras sangkep geluhna (“sanak saudaranya”). Tapi, si jadi intina kal eme simada jabu (tuan rumah) eme orangtua ras anak-anakna. Ibas sie, orangtua me jadi guru nandangi anak-anakna guna ngajarken kegeluhen ibas kekelengen erpalasken kerina perbahanen Tuhan Jesus si enggo inanamina pe. Orangtua me si pemenana ngajarken kerna Kata Dibata e man anak-anakna labo gereja sabab paksa sie gereja iertiken eme persadan kalak si tek. Langa bo lit gedungna, langa bo lit katekisasi (erlajar ngawan) na. Sendalanen pe ras sini ikataken R.A. Kartini ibas buku Habis Gelap Terbitlah Terang : “Pendidikan di Indonesia haruslah dimulai dengan pendidikan dari orangtua” emaka orangtua me si ngajarken isi jabu e kerna kebenaren Kata Dibata. Carana eme arah pengerana, perukuren ras perbahanen orangtua e.


35

Genduari, iarapken pe maka kerina isi jabu e ermeriah ukur lako ipakeken Dibata guna jadi aronNa, temanNa erdahin guna siajar-ajaren ibas nggeluhken kegeluhen Kristiani e. La terjeng kita sada jabu saja tapi seh pe ku kerina kalak, sendalanen ras orat geluhta eme ”Rakut si Telu - Tutur si Waluh – Perkade-kaden Sepuludua Tambah Sada”. Orat nggeluh enda mabai kita kerina lako nggejapken maka kerina kalak si lit ibas kegeluhenta e me jadi inganta guna jadi aron Dibata guna mabaisa kempak keselamaten. Bagi kai siilakoken Nuah, maka siiperentahken Tuhan man bana eme mabai kerina isi jabuna kempak keselamaten maka enda ka me pe si arus silakoken. Tapi, adi enggo pe si dalanken dahinta selaku aron Dibata, bagi siilakoken Lut nandangi dua kalak calon kela na e, la ialokenna, emaka erpengendes saja kita man Dibata segelah Dibata lah si erdahin lako mpekena-kena sangkep geluhta ntah pe kalak si debanna e.

Emaka, guna sie perlu kita nikapken isi jabu nta e maka banci jadi aron Dibata si tetap ermeriah ukur lako ndalanken perentahNa maka jabu selaku gereja si kitik e, tetap ermeriah ukur ndalanken tugas pelayanenna. Mari si gargari kai siisuratken ibas Masmur 128:1-6 guna nikapken jabu nta ras sangkep geluhta e jadi ”Aron Dibata Si Muat Bagin” ibas kerina dampar kegeluhen e.

Masmur 128 enda lit ibas bagin Masmur 123 – 133 si isina eme kerna pertoton-pertoton sipenangkih sekalak dilaki si enggo mbelin (“dewasa”) asum ia berkat ku Jerusalem lako ngerayaken hari raya kalak Jahudi, ija dilaki si enggo mbelin saja ngenca banci atan ije, guna

ngerayaken Paskah, Kerja Rani ras Wari Raya Sapo-sapo. Sekalak-sekalak arus maba persembahen (Ulangen 16:16). Jadi, ibas ndalani perdalen si nangkeng-nangkeng e, kerina dilaki e rende bage pe ertoto dingen melaskenca alu palas kiniteken dingen erkemalangen man Dibata ras lit pengarapen maka sie kerina banci jadi ibas kegeluhenna bage pe jabuna.

Alu bage, banci pe siangkai isi Masmur 128:1-6 enda alu payo. Luar biasa kal pertoton siipenangkih dilaki e, sabab siibelaskenna e jadi persinget pe man bana. Perlebe nina, ‘Sangap kal kalak si malang man TUHAN, si nggeluh ngikutken kerina perentahNa’. Tangkas kal man bana maka kesangapen (“kebahagiaan”) e rehna ibas ia malang man Tuhan dingen ngikutken perentahNa. Perukuren sibage erbahanca labo igejapkenna latih pe guna ndalani perdalanen ku Jerusalem e. Janah lit kesadarenna maka selket kal hubungen kesangapen jabu ras kegeluhen


36

sekalak perbulangen si malang man Tuhan ras ndalanken perentahNa. Ulih ibas sie sebagai bentuk pasu-pasu Tuhan eme : ‘Ipanna me ulihna latih, sangap nggeluh, mehuli sikerajangenna. Ndeharana bali ras anggur si meramis buahna i bas rumahna, dingen anak-anakna bali ras tunas batang saitun i sekelewet mejana’.

Tambah tolena ka, gia pe Sion e lit idatas uruk si meganjang, mengayak ia kempak ingan e erkiteken ibas paksa sie igejapken maka ije nari me Tuhan e masu-masu kalak si reh man baNa. Rikut pe ras sura-surana maka banci min ia pe ngidah kesangapen e kidekah umur geluhna. Totokenna bana maka panjang ka min umurna maka ia pe ikut nggejapken pasu-pasu Tuhan e. Ternyata, ulihna la terjeng guna ia tapi pe guna kerina isi jabuna. Sabab ibas bagin siperpudina ikataken maka : “Cawirlah kam metua, maka sempat idahndu kempu-kempundu. Damelah sikerajangen Israel!”. Ertina, ia ras kerina isi jabuna panjang umur, cawir metua sabab iidahna kerina kempu-kempuna pe. Ndiko …. malemna dikune sie banci jadi ibas kita.

Adi si pepayo telu bagin Pustaka Si Badia ibas wari/berngi enda, mehuli kap dikune kita erlajar ije nari. Arah kegeluhen Nuah : I bas kerina kesempaten si lit iarapken maka kerina isi jabu e radu mpersingeti sada ras sidebanna gelah ola min ndabuh ku bas dosa gia pe sekelewetta e enggo

lit ibas dosa. Kejadin 6:12 ngatakenca : “Itatap Dibata doni enda, janah idahNa kejahaten kerina i je, sabap manusia kerina enggo mbau lagu langkahna”. Tapi, erkiteken jabu Nuah e nggeluh ibas kebenaren maka ia ras ndeharana bage pe permainna kerina ipasu-pasu Tuhan dingen iselamatken Tuhan. Arah kegeluhen Lut : kegeluhen Sodom ras Gomora enggo nggesuh emaka iselamatken Tuhan nuatena ia ras calon kelana. Tapi la nggit calon kelana e megiken ia. Lanai bo lit salah Lut ije, sebab enggo kap ipersingetina pe. Arah kegeluhen Pemasmur : igejapkenna maka mehamat dingen erkemalangen man Dibata kap erbahanca ia ras isi jabuna ipasu-pasu Tuhan. Adi bage, kuga ninta kerna sie ?

Dikune sie lit ateta ibas jabunta maka kita selaku sekalak bapa, rikut pe genduari atan ras nande, tetap lah kita ermeriah ukur lako muat bagin ibas ndahiken pendahin Tuhan e. Anem gia perdalanen geluh e nangkeng-nangkeng, bagi perdalanen ku Sion, tapi arus tetap lit perayaken si erbahanca turah semangat geluhta erkiniteken. Kerina sera, sui dingen latih e ulihna eme kemalemen ate i bas Tuhan nari. Guna sie, tetap lah kita


37

kerina ibas jabu e sitatang-tatangen. Perbulangen “mendukung” ndehara maka banci jadi desken anggur si meramis buahna si maba semangat nggeluh, jadi “suplemen” man kerina isi jabu asum lit perbeben ras persoalen si nderpa jabu e. Anak-anak e iarapken banci desken tunas batang saitun si erbahanca merim kerina isi jabu. Cariken pe kerina keperlun jabu e ibas mehamat ras erkemalangen man Tuhan maka ulihna pe lit kedamen i bas jabu.

Kenca bage, si man ukurenta ras si man bahanenta tole eme kuga ka maka banci jabu-jabunta e mereken nanam ras ngaruh man kalak si deban bage pe man sangkep geluhta. Dikune erlajar kita arah orat geluhta, maka kerina kepe jelma banci jadi teman, jadi kade-kade, jadi sangkep geluhta. Alu bage man kerinana ka min kita tetap muat bagin guna kiniulin. Erkiteken sie, selaku orangtua, siajarilah kerina anak-anakta nggeluh i bas kebenaren maka asum ia reh belinna reh payona ka perbahanenna nandangi kerina jelma. Man si enggo metua, si bereken min usihen guna mabai kerina isi jabu e ermeriah ukur jadi aron Dibata guna muat bagin ibas erbage-bage kecibal geluh kalak si deban.

9. Pengakun Kiniteken Perp. Tedis

10. Persembahen Perp. Kundul L Dibata enggo nuduhken orat nggeluh si mehuli, si erbahan kegeluhen

doni jadi mehuli. Guna nginget ras ngergaken kiniulin Dibatanta e, emaka sikataken bujur man Tuhan arah persembahenta si mehulina erpalasken Kata Dibata niNa :

“Endeskenlah kulandu man Dibata saja selaku persembahen si nggeluh rikutken si ngena ateNa. Sabap bage me arusna kam ersembah man Dibata sue ras biakndu selaku mahluk si rukur” (Roma 12:1).

Tupung sisehken persembahenta, ras kita rende ibas : KEE GBKP NO. 471 : 1 - Ermengkah ukurku, Ras ngataken bujur Tuhan. Kelengi min aku, Kam empu geluhku. Enda ngenca Tuhan, Persembahenku. Kerina geluhku kesah ras kulangku. La kap lit bas aku erta kebayaken. Si cukup meherga ’lah kupersembahken. Sada ngenca Tuhan lit pemindonku. Aloken min Tuhan persembahenku. Pakeken geluhku jadi perkakasNdu. Segedang geluhku.


38

Pertoton Persembahen Ras Pertoton Syafaat : a. Persembahen si enggo ipepulung. b. Gelah kerina jabu-jabu ibas GBKP enda nggit muat bagin jadi aron Dibata

subuk nandangi isi jabuna bage pe man sangkep geluhna c. Gelah kerina sangkep geluhta nggeluh ibas kebenaren Kata Dibata dingen

nggeluh erdame ras sikeleng-kelengen d. Siturah i bas perpulungen

11. Perpadanen Man Dibata : - Perp. Tedis L Turang ras senina, enggo sialoken persinget ibas Dibata nari erkelang-

kelangken serayanNa maka kerina aron Dibata e muat bagin ibas jabu ras sangkep geluhna asa gegeh ras kengasupen si lit, kuga dage ninta kerna pendilo Dibata e?

P Erpadan aku O Tuhan, maka ku babai kerina isi jabungku bage pe sangkep geluhku lako ersembah man baNdu dingen keriahen jabu kami eme tetap makeken kerina si lit ibas kami guna kiniulin jabu bage pe sangkep geluh kami. Emaka, pegegehi dingen pengasuplah kami guna ndalankenca Tuhan !

L Sipuji Tuhanta alu ras kita rende ibas : KEE GBKP No. 162 : 1 Perkuah ate Tuhan Yesus Kristus Kekelengen Bapa. Ras kerembaken Kesah Si Badia. Ras kita k’rina gelah, kita k’rina, Amin.

12. Pertoton Tuhan

13. Pengutusen Ras Pasu-Pasu Dibata L Kekelengen ni Tuhan, berkatlah ndalani geluhta (ndu) si meherga i

adep-adepen Dibata alu tetap nehken kekelengen dingen kehamaten nandangi temanta (ndu) ras kerina tinepaNa. Guna jadi gegehta (ndu), alokenlah pasu-pasu idur Dibata nari :

“Ipasu-pasu janah ikawali Dibata kita (kam), siang ayo Dibata ersinalsal ibabonta (ndu), janah melias ateNa ngenehen kita (kam). Itatap Dibata ku kita (kam), janah malem ateta (ndu) ibahanNa.” Amin.

P Amin ..... Amin ..... Amin ..... (Iendeken)


39

DISKUSI / SHARING (ercakap-cakap nuriken penggejapenta ibas palas Kata Dibata ras kekelengen guna kiniulin) : 1. Kuga nge pendapatta kerna pengalamen nggeluh jabu Nuah rikutken Kejadin

7: 1. Dikune Kata Dibata e reh ku jabunta, kuga nge penggejapennta ? 2. Lut erusaha maka calon kela na pe ndatken keselamaten tapi la ibegiken calon

kela na e ia. Kuga si bahan carana maka kerina sangkep geluhta e ndatken keselamaten nggeluh dingen nggeluh ibas kebenaren Dibata ?

3. Erpalasken Masmur 128:1-6 enggo sibegiken renungen maka orangtua e ertanggungjabab guna mabai isi jabuna mehamat ras erkemalangen man Tuhan maka pasu-pasu Tuhan e jadi sikerajangenta. Kuga pendapatndu kerna sie ?

Cataten :

1. Sijaga Kebadian i bas kebaktinta. 2. Kundul ntah tedis iaturken sue ras inganna.


40


WARI/BERNGI V,KAMIS 19 JANUARI 2017

I. PERSIKAPEN : (Ibabai Pertua/Diaken)

1. Mari si pesikap kerina ukurta lako mengketi Kebaktinta alu ras kita

rende arah KEE GBKP NO 163:1,2 :

1. Badia, badia Tuhan si erkuasa, Dem me doni enda salu kemulianNa

Badia-badia Tuhan bala Surga, Kam me kap Bapa si ermulia 2. Badia, badia! Bapa si perkuah, reh kerina kami alokenNdu gelah Badia, badia! Tuhan maba tuah, reh kami enda baNdu ersembah.

2. Kata Penaruh :

Mejuah-juah man banta kerina. Malem kal ateta sabab tetap i bereken

Dibata, KesahNa Si Badia man banta kerina, seh maka tetap kita setia

ras tutus ateta ngikuti Kebaktin Pekan Penatalayanen wari/berngi si

pelimaken enda. I bas wari/berngi enda, ibabai kita alu Tema: “Aron

Dibata Si Muat Bagin I Bas Pelayanen Gereja”. Tentu megah kal siakap

erdandanken enggo ipetunggung Dibata kita kerina jadi sada aron ras

IA. Ipercayaken Dibata kita kerina lako muat bagin ndahiken dahin

pelayanen i bas GBKP enda. Erdandanken si e, si ergakenlah pendilo

Dibata enda si enggo njadiken kita jadi sada aronNa gelah reh mbarna

Berita Si Meriah man enterem jelma. Si eteh ras si gejap nge maka lit

kekurangen ras keterbatasennta. E maka arah Kata Dibata si seh man

banta i bas wari/berngi si pelimaken enda, mari ras-ras kita kerina

erlajar uga arusna ukurta ras caranta nggeluh selaku sada aron Dibata.

Muat bagin kita kerina sue ras kengasupenta sekalak-sekalak. Man

bandu Kemahen Tuhan si ipakenNa sendah mabai Kebaktinta,

itaruhken kami kam i bas pertoton.

3. Ertoto :

4. Mari si puji Tuhan alu ras kita kerina rende arah


41

KEE GBKP NO. 295:1,3

1. Meriahkal ukurku m’ritaken gelarNa,

Berita kerna Jesus ras keleng ateNa.

Meriahkal ukurku nuriken si benar,

Peturah kiniteken ukurku tergintar

Reff. Pembarkenlah KataNa kempak kerina jelma

Kerna Yesus Tuhanta, ras keleng ateNa

3. Meriahkal ukurku m’ritaken gelarNa,

Bas tetap ku ulihi ertambah malemna

Meriahkal ukurku mbelin kuasaNa,

‘Lah si langa metehsa ikut ngalokenca

Reff. Pembarkenlah kataNa.....

( Iher nehken perlengkapen Kebaktin )

II. KEBAKTIN :

1. Votum : Kebaktin Pekan Penatalayanen wari/berngi si pelimaken

enda, ibenaken i bas gelar Dibata Bapa si njadiken langit ras

doni, i bas gelar Jesus Kristus Juruselamat manusia, ras i

bas gelar Kesah Si Badia si tetap mpegegehi kita (kam).

2. Salam : Perkuah ate ras dame i bas Dibata Bapa, Anakna Jesus

Kristus, ras kerembaken ras Kesah Si Badia ras kita (kam)

kerina gelah. Amin.

Ialoi Perpulungen : A....min....A....min....A....min (I endeken)

3. Invocatio : “Mulihken Elisa, ibuatna lembu penenggalana ndai duana,

igelehna. Alu make tenggalana e jadi rantingna,

itanggerkenna daging lembu e, jenari iberekenna ipan kalak

ndai kerina. Kenca bage berkat ia ngikutken Elia jadi suruh-

suruhenna” (1 Raja-Raja 19:21).

4. Mari si puji Tuhan arah KEE GBKP NO. 299:1, 2 :

1. Ngikut Tuhan kin atendu persan silang,

Ola sangsi ola mbiar ikutkenlah

Reff… Persan saja min silangndu, ikut terus

Mulia me kal upahndu tetap tutus


42

2. Simbaklah min peratenndu saber tetap

Bujur saja ukurindu dat me sangap

Reff. Persan saja… - Perp. Kundul-

5. Mari si gejapken kinilatunggungennta jadi Aron Dibata, si belasken alu

responsoria :

L : O Tuhan, Kam kap Dibata si Badia, engkai maka pilihNdu

kami jadi anak-anakNdu si dem alu dosa enda?

P : La kap kami metunggung igelari anak-anakNdu Tuhan, sabab

megati kami nggeluh i bas dosa ras si la ngena ateNdu?

L : O Tuhan, kai nge dalanna maka banci kami atan jadi anak-

anakNdu ras ndahiken dahinNdu si mulia e?

P : I bas erbage-bage kekurangen kami, ngasup nge kami

ndahiken dahinNdu e Tuhan?

L : Senina ras turang, si ingetlah Kata Pustaka Si Badia i bas

Markus 2:17, nina: “Kalak sakit nge si perlu dokter, labo kalak

sehat. Aku reh labo guna ndilo kalak si bujur akapna bana

tapi guna ndilo kalak perdosa”.

P : Adi bage kin KataNdu Tuhan, pake ras perlengkapi dage aku

lako ndahiken dahinNdu gelah erguna geluhku ras lit si man

ingeten kalak kerna perbahanenku si mehuli pagin.

L+P : Amin.

6. Mari tole si pindo gegeh man Tuhan arah kita muji Ia alu ngendeken

KEE GBKP NO. 304:1-3

1. O Tuhanku o Dibatangku, Rusur aku nimbak pedahNdu.

Nggo meluat k’rina geluhku, Labo dame banna pusuhku.

2. O, Tuhanku o Dibatangku, Ku tungtungken ukurku baNdu.

Ras mekuah ateNdu aku, Sasapkenlah salah dosangku.

3. O Tuhanku o Dibatangku, Ku ikutken Pedah-pedahNdu.

Ras pembarken kinirajanNdu, Janah tetap jadi saksiNdu.

7. Gegeh Tuhan jadi gegehta jadi Aron Dibata erpalasken Pilipi 2:1-4

(Perp.Tedis) :


43

L : Kegeluhenndu i bas Kristus erbahanca kam megegeh. Ma kin

keleng ateNa e ngapuli kam? Ma rembak kin kam ras Kesah

Dibata?Ma kin si keleng-kelengen kam dingen mekuah atendu

sekalak nandangi si debanna?Gelah tuhu-tuhu malem ateku, ku

pindoken man bandu: Ersada min arihndu, si keleng-kelengen

min kam, ersada min geluhndu dingen ersada ukurndu. Ola

ibahanndu kai pe erpalasken kerangapen, ntah si erpalasken

ukur meganjang. Tapi peteruklah ukurndu sekalak-sekalak

nandangi sidebanna. Ola kal iakapndu ulin kam asangken kalak

si deban. Ola keperlunndu saja ngenca iperdiatekenndu tapi

perdiateken pe keperlun kalak si deban.

P : Bujur Tuhan, KataNdu me jadi gegeh kami gelah nggeluh selaku

aron Dibata. Si ajar-ajaren ras si ergan kami sada ras si debanna.

L+P : Amin.

8. Guna tole pegegehi kita gelah jadi sada aron Dibata, mari si puji Tuhan

arah KEE GBKP NO: 209:2- 3

2. Gereja Kristen sikaplah, Ersada paguhlah. Ersada ukur min i bas, Dibata Bapanta. Peturah kiniteken pe, Ras dame k’rinalah. Ras si keleng-kelengenlah, Ngikutken Tuhanta. 3. Ersada bas lau peridin, Ban sada Tuhanta. Gereja kitik tah mbelin, Si mada Dibata. Gereja la banci pecah, Ersada kerina. Ersada bas kiniteken, Si sampat-sampaten.

----------------------------------Perp. Kundul ----------------------------------

9. Renungen :

a. Ngoge Kata Dibata : Keluaren 17 : 8 – 16

Ketuahen kalak si megiken Kata Dibata dingen si makekenca i bas

geluhna si tep-tep wari. Haleluya.

Ialoi Perpulungen: Haleluya...Haleluya...Haleluya... (I endeken)

b. Ertoto :

c. Renungen : 1 Korinti 3 : 5 – 9


44

d. Tema : “Aron Dibata Si Muat Bagin Ibas Pelayanen Gereja”.

Paulus pernah ngataken i bas suratna man perpulungen Pilipi, nina: “Ola kal iakapndu ulin kam asangken kalak si deban,” (Pilipi 2:3c). Perasaan nganggap diri ulin asangken kalak si deban berbahaya, ngancam kiniersadan ras banci peturah perubaten. Adi si akap dirinta ulin asangken kalak si deban mahan bana caranta ngerana, perbahanenta ras hubungenta pe ras temanta lanai harmonis. Peran temanta ndai terjeng ngue-ngue, ngikut-ngikut saja, lanai ia jadi subjek. Ia terjeng ndemi beligan saja. Pikiren si bagenda rupana banci ngganggu perdalinen perpulungen ras program-program si lit. Pikiren si arus ikembangken e me kap, kerina seri ulina sue ras kengasupen si lit. Kerina anggota perpulungen e seri ergana, ula lit biak si tualen. Pedauh biak sada iangkat, sada idedeh (bagi naka buluh). Erbage-bage kengasupen perpulungen e, lit deba beluh nuriken penggejapen, deba megi-megi, deba ngajari koor, deba jadi song leader, deba nikapken snack, deba ngiah-ngiahi, deba nikapken transport perkunjungen, deba si berkat berkunjung ras seterusna. Kerina potensi si lit i bas perpulungen e arus iergai ras iramu jadi sada potensi pelayanen si erguna i bas GBKP enda. Kerina potensi si lit arus jadi sada Tim Kerja si solid entah pe Sada Aron guna ndahiken telu dahin gereja e me Bersekutu (Koinonia), Bersaksi (Marturia), ras Melayani (Diakonia). Anggota aron i bas GBKP e me Pandita, Pertua, Diaken, Emeritus, nora-naras, Pengurus Kategorial Runggun ras Sektor, Pengurus PJJ, Tim Verifikasi, Kepanitiaan si lit, Pengurus Unit, song leader, guru KAKR, penjaga gereja/kebersihen gereja, ras kerina anggota GBKP. Kerina peranna penting. E maka, tiap anggota aron e, arus muat bagin secara aktif guna mendukung erdalanna program i bas telu dahin gereja enda. Aloken dahin e, tanggungjawabi, adi la si eteh, nggit nungkun/erlajar ula ka mis megelut adi ipersingeti/iajari temannta kita. Pelihara rusur i bas pusuh: “Lit min ulih/bekas/buahna kidekah aku erdahin ras nggeluh si banci erguna man jelma si enterem.” Biak aron labo buen ia “menilai” kai si idahiken temanna, tapi buen ia rukur kerna kai si enggo idahikenna sue ras tugasna masing-masing. Tambah si e, biak aron e me si sampat-sampaten. Adi tegun temanna langa dung, sedangken tegunna enggo dung, sampatina me ndungi tegun temanna e. I bas bahan Ogen si idah maka kemenangen i bas peperangen banci idat kalak Israel tupung erperang ras kalak Amalek e me alu prinsip kerjasama si “solid” (aron si kompak), labo lit i je biak si dalih-dalihen. Nina Musa man Josua, “Pilih


45

piga-piga kalak dilaki guna erperang pagi ngelawan bangsa Amalek. Aku pagi tedis i datas uruk njemak ciken si isuruh Dibata kubaba,” (Keluaren 17:9). Uga reaksi Josua? “Ilakoken Josua bagi si iperentahken Musa man bana,...” (ayat 10). Josua ras bangsa Israel erperang (“langsung berhadapen ras bangsa Amalek”), sedangken Musa, Harun ras Hur lawes ku datas uruk (ayat 10). Adi iangkat Musa tanna ku datas, menang bangsa Israel, tapi adi ipesusurna tanna, bangsa Amalek mulai ka menang (ayat 11). Gelah tetap das tan Musa, Harun ras Hur ngangkat tan Musa, sada arah kawes, sada nari arah kemuhen (ayat 12). Jadi enggo si idah, maka Josua, pasuken Israel, Musa, Harun ras Hur kerina ndalanken peranna masing-masing. Labo lit tersurat maka protes Josua man Musa kerna peran Harun ras Hur si dahinna natang tan Musa ngenca, entah jungut-jungut Harun ras Hur sabab melawensa iakapna Josua naluken kalak Amalek. Tapi sebalikna, masing-masing erdahin alu tutus ras maksimal (pekeri gegeh) ras terjadi “saling percaya”, si ergan, kerjasama alu mehuli seh dungna i bas pengarak-ngarak Tuhan menang bangsa Israel ngelawan bangsa Amalek. Jadi teridah maka gegeh Tuhan erdahin i tengah-tengah serayanNa si ersada ukur, sepengodak-sepengole, kerjasama si mehuli. Adi si dalih-dalihen kita, la nggit iaturken ras mbuesa komandanna, ciga ate Dibata janah lanai erdalan program-program gereja si enggo irencanaken. Bage pe si idah i bas bahan Renungenta, teridah kematangen Paulus i bas erkiniteken ras rukur. Labo ia nggit terjebak i bas perselisihen si jadi i bas perpulungen Korinti si enggo erpihak-pihak. Justru Paulus “mencairken” suasana alu nekanken kerna ise kin Paulus ras Apolos selaku:

Pelayan Dibata kap ngenca. Ertina, Paulus ras Apolos, i bas kelebihen ras kekurangen terjeng pelayan Dibata ngenca, suruh-suruhen Dibata.

Si negu-negu perpulungen gelah erkiniteken. Dahin Paulus ras Apolos e me negu-negu ras mabai perpulungen e nandai ras gelah erkiniteken man Tuhan Jesus, labo mabai perpulungen e papak, bingung lanai ietehna apai si man ikuten.

Sekalak-sekalak kami ndahiken dahin rikutken si ibereken Tuhan man kami. Prinsip kerja Paulus e me tutus ndahiken dahin sue ras dahin si ibereken Dibata. Kai si jadi dahinna (tanggungjawabna) idahikenna sue ras bidang kerjana masing-masing. Labo ia ncampuri dahin kalak si deban, dungna kai si jadi dahinna enggo lolo.


46

Aku (Paulus) nuanca, Apolos niramsa, tapi Dibata si erbanca turah. Si penting labo ise si nuansa entah ise si niramsa, tapi si penting e me si peturahsa emekap Dibata. Paulus labo daramina kesempaten lako ncekurakken Apolos. Sementara Paulus me si nuratken surat e, tapi la lit sitik pe i pebau-bauna Apolos. Labo penting man Paulus ndarami “popularitas” entah mbanding-mbandingken ise si hebatna antara dirina ras Apolos, entah apai ka buen pengikutna antara ia duana. Erdahin arus alu “sepenuh hati”. Si penting arus iutamaken (“populer”) iakap Paulus e me peran Dibata si peturah kai si idahikenna duana.

Si nuansa ras si niramsa sada aron kap, janah kam (perpulungen) jumana. Paulus ngidah Apolos selaku “partner”, teman sekerja, sada aron, labo saingen. Sabab tujun Paulus e me negu-negu perpulungen gelah tek man Tuhan. Si penting, dahiken dahin e. Adi kin dahinnta “nuan” sikap tanemken benih/bibit Kata Dibata e. Adi dahinta “niram” Kata Dibata si enggo isuanken, ula asal siram.

Sekalak-sekalak ibereken Dibata me upahna rikutken pendahinna sekalak-sekalak. Adi si dahiken kai kin si jadi dahinta, ras meherga siakap kai si enggo si dahiken bage pe kai si idahiken temanta, Dibata pasti ersimulih alu mereken upahta masing-masing rikutken kai si enggo si dahiken. E maka ula asal erdahin, ula kari lanai si aloken upahta i bas Dibata nari. Enggo ka latih, la ka rulih.

Luar biasa si idah konsep kerja Paulus enda. I bas jaman gundari, kai si ikataken Paulus kerna sada Aron enda bage pe perpaduan peran Musa, Harun, Hur, Josua, ras pasuken si ipilih Josua usur igelari sinergi, tim kerja, kerja sama, sepengodak-sepengole guna nehi tujun si seri/bali. Jadi konsep kerja (erdahin) i bas bahan Ogen ras Renungenta wari enda me si arus si kembangken i tengah-tengah gerejanta GBKP enda. Selaku Serayan, ula min teridah kita Pandita, Pertua-Diaken, Pertua Emeritus, Diaken Emeritus erjengil, la siangkan, la kompak, saling ndabuhken teman, ncekuraki temanta sesama si erdahin. Ula min siakap kita si berjasana i bas perpulungen e, ula ka siakap kita beluhen asangken temannta si deban. Kita pe si sangana ndalani periodenta, ula ka si lasamken kai si enggo ibahan Serayan si arah lebenta. Kai si ilakoken kita genduari e me nerusken kai si enggo ilakoken


47

Serayan si arah lebenta. Si penting e me kembangken biak si erga-ergan, si hamat-hamaten, tujunta kerina erdahin gelah menang perpulungen erperang ngelawan kuasa doni enda janah kerina kita negu-negu perpulungen e gelah erkiniteken man Jesus. “Cairken” suasana si erbelat-belat, pedauh biak erpihak-pihak sabab biak si bage ciga ate Dibata. Kalak si ermeriah ukur erbelat-belat, lanai ipujina Dibata. Tambah si e, persada gegehta kerina Serayan Tuhan, kompak kita mbangun kiniteken ras kiniersadan perpulungen e. Adi lit program kerja si enggo iputusken i bas Sidang Runggu, ras-ras kita ndalankenca, ula ka kita selaku Serayan mandangi program si ikut kita i je ngerungguisa entah rembang la ka kita banci reh sanga ibuat keputusen. Adi la kita reh, kai si enggo iputusken teman-temannta tentu arus si dukung. E ertina si ergan ras si teken (saling percaya) sada ras sidebanna. Selaku Perpulungen, kam pe kerina aron Dibata kap. Erbage-bage talenta/potensi si lit i bas perpulungen e. Kerina meherga. Ras-raslah kita kerina ndukung program gerejanta kasa gegeh ras ukur lit. Kai pe dahin e entah uga gia beratna dahin e, adi iras-rasken erkedungen alu mehuli ras menahang jadina. Peturah ras kembangken biak si erga-ergan, si hamat-hamaten, kerjasama alu mehuli. Labo kita ngasup si sada pekena-kena perpulungen e. Kerina anggota perpulungen arus muat bagin sue ras kengasupenna, ula buen jadi penonton/pengamat, tapi arus jadi pemain (“pelaku”) program. Adi kerina kita, subuk Serayan Tuhan bage pe perpulungen bekerjasama alu “solid” (mehuli) menang me kita, erdalan kerina program, meriah rusur siakap pulung, janah jelma si deban si natap-natap pe merincuh bengket ku bas perpulungenta e. Janah i babo si e kerina terpuji Dibata.

10. Ertoto

11. Pengakun Kiniteken - Perp. Tedis-

12. Persembahen Pengataken Bujur: - Perp. Kundul-

a. Kata Dibata Kerna Persembahen :

“Kalak si mpersembahken pengataken bujur, ia nge si pehaga kap Aku, janah man kalak si perdalinna la erpandangen, Ku cidahken kesangapen ni Dibata” (Masmur 50:23).

b. Tupung si sehken Persembahen Pengataken Bujur, ras kita rende arah KEE GBKP NO : 315:1-3

1. Simpar tuhu pemereNdu, JujurkenNdu kap man bangku Ermengkah kal me ukurku, La ku lupa lias ateNdu


48

Reff. AlokenNdu o Tuhanku, Persembahen anakNdu Usekenlah pasu-pasu, Peteguhi perpulungenNdu

2. Benih si isuan kami, E pe kap i bas Kam nari KuasaNdu mahanca turah, KuasaNdu mahanca erbuah Reff. AlokenNdu o Tuhanku.....

3. B’reNdu kami kepentaren, g’lah nirangken kepapaken Ajar kami kebujuren, Maka pinter ka perukuren

Reff. AlokenNdu o Tuhanku.... 13. Pertoton Persembahen ras Syafaat :

Topik Pertoton : 1. Persembahen. 2. Gelah kerina Serayan Tuhan radu ras Perpulungen jadi sada aron

Dibata si kompak ras si ergan sada ras sidebanna. 3. Gelah kerina Serayan Tuhan radu ras perpulungen ndahiken

dahinna masing-masing alu erkemalangen man Tuhan. 4. Si turah i bas perpulungen.

14. Tekad Gelah Nggeluh Selaku Aron Dibata - Perp. Tedis - L : Enggo si aloken Kata Dibata kerna pentingna peranta muat

bagin jadi sada aron Dibata. Uga dage ninta? P : Sedekah enda ngasup kuakap aku sisada ndahiken dahin e.

Mulai sendah ku ergai gegeh temanku janah ras-ras kami ndahiken dahin Tuhan e.

L : Buat baginta i bas ndahiken dahin pelayanen i bas GBKP enda sue ras kengasupenta sekalak-sekalak.

P : Enggo ibereken Tuhan man bangku kengasupen, e maka ertanggungjawab aku makekenca alu nggit mpersada gegeh si lit i bas perpulungen gelah terpuji Dibata.

L : Melala kal dahin si man dahin i bas gerejanta GBKP enda. Ise nge nggit isuruh Dibata lako ndahikenca?

P : Enda aku Tuhan, suruhlah aku. 15. Guna mpeteguhi tekad-ta, mari radu ras kita rende arah KEE GBKP

NO: 102:1,4

1. Kekekenlah o kam si tutus, si malang pe man Tuhan Dibata,

Si suari berngi sikap rusur, ngarakken Tuhan bas si mesera

Si pang ngikutken Tuhan Yesus e, bagi ngena me ate Tuhan e.


49

4. O, Tuhan b’re man kami k’rina, KesahNdu Si Badia simpar min

I jenda kami sikap k’rina, endalanisa nge si man dahin

Tah katawari pe erkata Kam, i jenda kami suruhlah Tuhan.

16. Pertoton Tuhan

17. Pemasu-masun :

Mulihlah alu dame ras mejuah-juah, alokenlah pemasu-masun i bas

Dibatanta nari:

“I pasu-pasu janah ikawali Dibata kita (kam), siang ayo Dibata

ersinalsal i babonta (ndu), janah melias ate Dibata ngenehen kita

(kam), i tatap Dibata ku kita (kam), janah malem ateta (ndu) i

bahanNa.” Amin.

I aloi Perpulungen : A...min...A...min...A...min... (Iendeken)

DISKUSI : 1. Pelajaren kai si meherga si banci idatndu arah bahan Invocatio-nta wari

enda? Turiken. 2. Serayan Tuhan ras ngawan perpulungen e me sada aron Dibata. Kai nge

si jadi “akar” masalahna maka mesera denga siakap jadi sada aron si kompak i bas perpulungen e? Turiken piga-piga akar masalahna.

3. Erlajar arah bahan Ogen ras Renungenta enda, biak-biak si uga nge arus lit i bas kita kerina (serayan ras ngawan perpulungen) gelah kita kerina muat bagin alu aktif i bas dahin pelayanen gerejanta GBKP enda? Turiken.


50


WARI/BERNGI VI, JUMAT 20 JANUARI 2017

I. PERSIKAPEN :

Pertua, Diaken radu ras perpulungen nikapken si ertugas ras perlengkapen

sini perluken i bas kebaktin.

II. KEBAKTIN :

L Ibas kita menaken kebaktinta mari si puji Tuhan alu ras –ras rende:

KEE GBKP NO: 333:1, 2

1. Tuhan e tuhu melias perkuah, IA ‘rbanca kita mejuah-juah

IA me si erbanca ukur m’riah Yesus e si njadiken kita ‘rbuah

2. Yesus e teman geluh suari berngi,

KuasaNa labo kapen tersibari

BiakNa bali me kap nderbih gundari,

Yesus e sinampati ras ngkawali

Kata Penaruh

L Turang ras senina i bas Tuhan Jesus Kristus, meriah ukurta i bas

kesempaten enda eriteken Tuhan tetap mereken kesehaten, kejuah-

juahen ras kesempaten man banta guna ngikuti Pekan Penatalayanen

GBKP wari/berngi peenemken, si ningetken maka kita me Aron Dibata

Si Muat Bagin I Bas Masyarakat, Bangsa Ras Negara. I bas muat bagin

e tentuna guna pehuliken sekelewetta, terakap kita man bana.

Bageme pendilo man banta sue ras identitasta selaku “sira” ras

“terang” i tengah-tengah doni enda. Mari dage sisembah Tuhan arah

kebaktin enda dingen si endesken dirinta man baNa arah pertotonta.

Ertoto


51

Rende : KEE GBKP NO: 95:1,3

(Ngendesken Perlengkapen Kebaktin Man Si Mabai Kebaktin)

------------------------------------Perp. Tedis------------------------------------------------

1. O Yesus Tuhanku Kam trang doni e, Trangi min ukurku sampat aku pe.

Mekuah atendu man perdosa e, Apulimin aku bas susahku e.

3. Tendi, kula, ukur ras gegehku pe, ku tepet ku bujur ban KesahNdu e.

Ku endesken banNdu baban geluh e, kepkep aku seh kedungen doni e.

1. Votum, Salam :

L. : I bas gelar Dibata Bapa si njadiken bangsa-bangsa doni enda, i

bas gelar AnakNa Jesus Kristus Ulu terang man bangsa-

bangsa, ras i bas gelar Kesah Si Badia si mpengasup kita (kam)

maba terang man bangsa ras negaranta.

L. : Perkuah ate ras dame i bas Dibata Bapa, ras i bas Tuhan Jesus

Kristus nari, i bas kerembaken Kesah Si Badia ras kita (kam)

kerina gelah. Amin.

P. : Amin.....Amin.....Amin (iendeken)

L. : “Erdahinlah guna kiniulin kuta-kuta ku ja kam enggo Kubuang

jadi tabanen. Ertotolah guna keperlun kuta e sabab adi sikap ia

kam pe ikut sikap. (Jeremia 29:7). Sipenangkih puji-pujinta

man Tuhan alu ras kita rende KEE GBKP NO. 99:1,4

1. Dibata si telu sada Bapa Anak, Kesah pe

Jadi penundalen kami, Palas kiniteken pe

Yesus reh ku doni e ndilo si perdosa nge

Gelah k’rina min terkelin bas kuasa doni nari

4. Tatap k’rina min bangsaku, I bas Indonesia pe

Keke k’rina min ukurna, Megi ajarenNdu e

Gelah ia atan min jadi warga Surga kin

Kemenangen kesenangen, Bana ibereken Kam kin

------------------------------ Perp. Kundul ---------------------------------

2. Nandai Dirinta I Lebe-lebe Dibata (Responsoria) L. : Turang ras senina, Dibata njadiken bangsa-bangsa ras

negara i bas doni, iaturkenNa ras ikepkepNa kerina gelah


52

mehuli. Emaka kerina bangsa ras Negara i doni enda nggejapken kekelengenNa.

P. : Megati nge aku lupa maka bangsa ras negara enda rehna bas Kam nari Tuhan, tempa labo kugejap lit ngaruh negara enda man bangku. Gegeh ras beluhku nge kuakap maka banci aku nggeluh ras tading bas negara enda.

L. : Turang ras senina, kita idilo Dibata jadi aronNa, temanNa erdahin ngelaken kekelengenNa i bas mpekena-kena bangsa ras negara i ja kita tading, gelah adi mehuli negaranta e kita pe ikut mehuli.

P. : O Tuhan megati aku lupa maka aku e aron si enggo pilihNdu ras isuruhNdu muat bagin ngelaken kekelengenNdu ku tengah-tengah bangsa ras negarangku. Emaka labo lit kerincuhenku muat bagin mpekena-kenasa bagepe notokensa, janah la pernah ku akap e jadi dahinku.

--------Paksa Teneng------(i iringi musik KEE GBKP NO: 292)----- L. : Mari radu ras kita rende arah KEE GBKP NO. 292 : 3

3. Di kita la mediate, Man teman ras jabunta. Ija pe la malem ate, Disirang ras Dibata. Begikenlah pendiloNa, Usih perbahanenNa. Sampati turang senina, Dame senang ukurta.

P. : Alemi kami Tuhan i bas kelepaken kami, la ngukuri ras la muat bagin mpekena-kena bangsa ras Negara kami gelah mehuli kerinana. Lupa pe kami ertoto guna kiniulin bangsa kami. Alu meteruk ukur kami mindo, alemilah Tuhan.

Rende : KEE GBKP NO : 355 (Iendeken 3x) Alemi aku o Tuhan alemi i bas dosangku alemilah Tuhan. ------------------------------ Perp. Tedis -----------------------------------

L. : Turang ras senina meriah ukur Tuhan ngidah kita si reh man baNa i bas kiniteruken ukur ngakuken salah ras dosanta, emaka niNa man banta : “Aku me Dibata si nepa doni enda alu kemulianKu, Aku setia man bandu, perkeleng ateKu tetap rasa lalap, amin gia kam rusur ndabuh i bas dosa, keleng ateKu la urak man bandu. Tetap Ku endesken dahin ngepkep doni enda man bandu, Ku alemi dosandu, ras kubereken


53

kengasupen. Ernalemlah man bangKu, sebab Aku kap ulu gegehndu.

Turang ras senina meriah ukurta i bas pengalemi Tuhan, bagepe i bas gegeh ras kengasupen si tetap iberekenNa man banta lako mpekena-kena bangsanta. Mari dage si puji Tuhan alu ngendeken

KEE GBKP NO: 311:1,3 1. Pujilah tendingku puji Tuhan, Segedang-gedang geluhku

Ateku ersembah rasa lalap, Ban keleng ateNdu tetap

IjujuriNdu geluhku, Dage ku puji Kam Tuhan,

Haleluya…Haleluya

3. Kam me kap o Tuhan penampatku,

Malem kal ateku banNdu

IbegikenNdu kap pertotonku, Sebab setia Kam tuhu

Kam kap si nepa k’rinana, Kam me tetap si njayamsa.

Haleluya…Haleluya. - Perp.Kundul-

3. Ngoge Kata Dibata :

L. : Turang ras senina seh paksana kita ngoge Kata Dibata bagin si pemena ibuat i bas Matius 5:13-16 (Iogeken Si Mada Jabu)

L. : Ketuahen kalak si megiken kata Dibata dingen si makekenca i bas geluhna si tep-tep wari. Haleluya.

P. : Haleluya.....Haleluya.....Haleluya (Iendeken) 4. Renungen : 1 Petrus 2:11-17 (Ibenaken Ras Idungi Alu Pertoton) a. Ertoto b. Renungen c. Tema : “Aron Dibata Si Muat Bagin I Bas Masyarakat, Bangsa Ras Negara” Sikataken bujur man Dibata ibas Jesus Kristus erkiteken perkuah ras lias

ateNa enggo itaruhkenNa kita bengket kubas wari/ berngi VI Pekan Penatalayen GBKP 2017 enda. I bas wari/ berngi enda ibabai kita i bas sada tema eme : “Aron Dibata Si Muat Bagin Ibas Masyarakat, Bangsa Ras Negara”. Aron Dibata Si Muat Bagin Ibas Masyarakat, Bangsa Ras Negara teridah arah jadi usihen ibas nehken si mehuli, mehamat man kerina manusia, mehamat man pemerintah. Aron Dibata si muat bagin ibas Masyarakat, Bangsa Ras Negara arus tetap jadi “Sira” ras “Terang” man doni


54

enda umpamana alu nggalar pajak, njaga keamanen ras ketertiben ras sidebanna. Emaka arah Kata Dibata sijadi bahan renungenta ibabai kita guna tetap nginget ras ndalanken tugas ras tanggungjawabta sebage aron Dibata eme gelah tetap muat bagin ibas masyarakat, bangsa ras Negara gelah tetap terpuji ras termulia gelarNa Si Badia bas kegeluhenta.

Bahan Invocatiota enda mereken tugas ras tanggungjawab man bangsa Israel maka aminna gia bangsaNa enda sangana ibas pembuangen i Babilon tapi tetap ipindoken Jeremia arah suratna guna tetap erdahin bagepe ertoto guna keperlun kuta e. Enda ncidahken maka aminna gia bangsa Israel ibas kegeluhen si labo merdeka labo ngatakenca maka bangsa enda kem saja (“tidak berbuat apa-apa”). Tapi bangsaNa enda tetap ipindoken gelah tetap erdahin ras ertoto guna keperlun kuta e sabap adi sikap ia kam pe ikut sikap. Tentu hal enda labo kal si menukah guna ilakoken bangsaNa sabap ia enggo jadi “bangsa asing” i Babilon tapi arus tetap ngelakoken hal-hal si mehuli bas ngelakoken dahinna ras jadi pasu-pasu man sekelewetna.

Bahan ogenta enda merupaken bagin pengajaren Jesus i das uruk , simbue nuriken kai- kai saja pengajaren Jesus man ajar-ajarNa bagepe siarus ilakoken ajar-ajarNa bas kegeluhenna. Pengajaren Jesus i das uruk si jadi bahan ogenta kerna “sira” ras “terang” enda ngatakenca maka i bas kegeluhen ajar-ajar Jesus maka arus ia pang guna naksiken kegeluhen si banci “inanami” ras i idah kalak sideban maka berbeda. Kegeluhen si icidahken maka pengajaren Jesus labo terjeng ibegi ras ituriken saja tapi pang guna ndalankenca bas kegeluhen si teptep wari. Seri kata ras perbahanenna enda me sijadi penekanen ibas pengajaran Jesus man ajar-ajarNa. Selain ajar-ajarNa, Kata Dibata labo terjeng “konsep”saja tapi pe arus idalanken. Gelah “kualitas” kiniteken kalak si tek man baNa berbeda ras doni enda. Hal enda ituriken Jesus erkiteken enterem kalak ibas paksa si e pekulah- kulah ibas ndalanken Kata Dibata bas kegeluhenna. Bahan renungenta ialamatken man kalak Kristen si merap i belang – belang bagin utara i Asia kitik, kalak Kristen igelari “bangsa pilihen Dibata”. Tujun surat enda eme guna mpegegehi ukur si ngogesa, si sangana iayak-ayak dingen ngenanami kiniseran erkiteken kinitekenna man Jesus Kristus. Guna sie, Petrus ngingetkenca kalak singoge suratna e nandangi Berita Si Meriah kerna Jesus Kristus gelah tetap megenggeng ibas kiniseranna sabap kiniseran e eme sada pengujin nandangi kiniteken si sejati. Janah la banci lang kerina ia ngaloken pemere asum wari Jesus Kristus ipetangkas. Arah


55

bahan renungan endape ipersingeti Petrus gelah ngawan ni perpulungen tupung sie tetap ncidahken “kualitas” kinitekenna itengah-tengah kalak si la nandai Dibata. Ipindoken pe gelah tetap patuh nandangi kerina pemerintah i doni enda subuk nandangi raja, pemerintah si meganjangna bagepe man gubernur-gubernur si itugasken raja guna ngukum kalak si erbahan jahat ras muji kalak si erbahan mehuli (ayat 13, 14). Arah bahan renungenta enda itegasken gelah kalak si tek man baNa tetap ncidahken perbahane si mehuli bas kegeluhenna.

“Aron Dibata Si Muat Bagin Ibas Masyarakat, Bangsa Ras Negara” (tema) arus tetap ilakoken kalak si tek man baNa bas kegeluhenna si tep-tep wari. Jadi “sira” ras “terang” man doni enda sebage warga Negara ras masyarakat itengah-tengah negaranta merupaken tugas ras tanggungjawab kalak Kristen bas kegeluhenna. Njaga kerukunen antar umat agama, njaga kebersihen lingkungen i sekelewetta, nggalar pajak ras sidebanna merupaken contoh ibas kita muat bagin ibas Masyarakat, Bangsa ras Negara. Aminna gia mbue tantangen siarus sihadapi bas kegeluhenna tapi arus tetap sicidahken “kualitas” kinitekenna si tetap ngelakoken perbahanen si mehuli man ise pe. Gelah arah kegeluhen kalak Kristen tetap ngasup jadi pasu-pasu man doni enda bagape tetap termulia gelarNa Si Badia. “Selamat kita kerina jadi aron Dibata si muat bagin ibas masyarakat, bangsa ras negara”.

5. Pengakun Kiniteken - Perp. Tedis - 6. Persembahen : - Perp. Kundul -

L. : Kata Dibata i bas kita nehken persembahen : “Dage tah kai gia ibahanndu, subuk i bas ngerana entah i bas perbahanen, bahanlah e kerina i bas gelar Tuhan Jesus Kristus janah ngataken bujur man Dibata Bapa arah IA” (Kolose 3:17)

P. : Rende KEE GBKP NO : 281:1, 3 1. Kek’lengen Yesus kempak manusia Desken Dibata engkelengi ia KekelengenNa maler kap man banta Adi sipakelah pedahNa Reff… Min sikeleng-kelengen kita k’rina Bagi pedahken Yesus bas pustaka Sababna kai si pindo bas gelarNa Ib’re Dibata man banta


56

3. Bas paksa kita nehken kekelengen Ola min si ban ceda kempak teman Erban mehuli ola rahan-ahan Lah kedamen jujurken Tuhan Reff…… Min sikeleng .......

7. Pertoton Persembahen Ras Pertoton Syafaat Topik Pertoton Syafaat :

1. Persembahen. 2. Simada jabu ras tuan rumah berngi si pagi. 3. Gelah kerina ngawan GBKP nggejap maka ia aron Dibata i bas

pekena-kena bangsa ras Negara. 4. Gelah kerina ngawan GBKP nggit ngukuri kiniulin bangsa ras

Negara bagepe notokensa i bas kegeluenna si tep-tep wari. 5. Si turah bas perpulungen

8. Perpadanen Ras Tuhan : - Perp.Tedis - L. : Tuhan kap si njadiken bangsa-bangsa bas doni enda. Emaka

tetap iaturkenNa, ikepkepNa, ipekena-kenaNa ras ikelengiNa, gelah kerina bangsa-bangsa e mehuli bagi si ngena ateNa.

P. : Ateku tetap muji Kam Tuhan, si enggo njadiken bangsa-bangsa i doni enda. I jeme aku tading, I jeme aku nggeluh ras sekelewetku.

L. : Turang ras senina, kita pe ijadiken Dibata aronNa, muat bagin i bas masyarakat, bangsa ras negara bagepe notokensa. Gelah teridah ertambahna kiniulin bangsa ras negaranta wari lepas wari.

P. : Gundari nari Tuhan ateku pe muat bagin mpekena-kena bangsa ras Negara enda bagepe notokensa gelah kerina masyarakta ras negara enda nggeluh mehuli ras ermalem ate.

L. : Turang ras senina, sipepaguhi perpadanenta arah ende-endenta KEE GBKP NO : 333: 3, 4 3. Ersaksi kita kerina o teman, Turiken kebenaren kata Tuhan Terkelin kerina si nggit ernalem, Tuhukal kita jumpa ate malem.


57

4. Kita enda k’rina teman Dibata, KataNa si pakeken bas geluhta Kita enda k’rina t’rang doni enda, Kita enda erguna man temanta.

9. Pertoton Tuhan 10. Pemasu-Masu

L. : Berkatlah ! Buat baginta (ndu) bas masyarakat, bangsa ras Negara ija kita (kam) tading. Babalah terang Dibata e ku sekelewetta (ndu). Si jadi gegehta (ndu) alokenlah pasu-pasu idur Dibata nari. “Ipasu-pasu janah ikawali Dibata kita (kam), siang ayo Dibata ersinalsal i babonta (ndu) janah melias ateNA ngenehen kita (kam), itatap Dibata ku kita (kam) janah malem ateta (ndu) ibahanNa”. Amin.

P. : Amin....Amin...Amin (iendeken).

DISKUSI : 1. Kai nge palasna maka ajar- ajar Jesus arus jadi “sira” ras “terang”

man doni enda ?

2. Kai- kai saja siarus tetap ilakoken ajar-ajar Jesus Kristus gelah tetap

jadi aron Dibata si muat bagin ibas masyarakat, bangsa ras Negara?

Turikenlah!


58


WARI/BERNGI VII, SABTU 21 JANUARI 2016

I. PERSIKAPEN : 1. Ersikap kerna lagu-lagu ibas kebaktin, singoge eme P1-P4 rikut ras

simaba pertoton syafaat 2. Kata Penaruh (Ibabai Runggu Gereja):

Mejuah-juah man banta kerina kekelengen Tuhan Jesus Kristus, seh ku pengujung Pekan Penatalayanen tahun 2017, sienda ngataken maka enggo ikuhi kita alu Kata Dibata guna mengketi ras ndalani tahun peningkaten teologi alu kininggiten erlajar alu mehuli. Perpulungen Kristus alu sienda ngataken man banta maka enggo sikap kita mereken dirinta guna ikut muat bagin ibas dahin-dahin gerejanta tahun enda selaku aron Dibata situtus. Kininggiten muat bagin enda erkiteken enggo reh payona pengangkanta kerna Dibata ras erbage perbahanenNa simbelin ibas kegeluhenta. Alu bage ibas wari siperpudi Pekan Penatalayanenta enda reh turahna komitmen kerina ngawan perpulungen GBKP simalem enda. Sibengketi kebaktin enda alu erpengendes dingen mindo perkuah ate Dibata gelah reh bagesna pengangkanta.

3. Ertoto

4. Rende KEE GBKP NO. 20:1- 3 - Perp. Tedis - 1. Reh Kam min, reh Kam min, Dahi Tuhan si mbelin. Breken baNa ras pujin, dahi min, dahi min dahi min. 2. Inget min, inget min ngaruh Tuhan bandu kin. PemereNa la erkrin inget min, inget min, inget min. 3. Pindo min, pindo min pasu-pasu Tuhan kin. Sangap kam ibas dahin pindo min, pindo min, pindo min.

(Ngendesken Perlengkapen Man Si Maba Kebaktin)

II. KEBAKTIN : 1. Votum, Salam, Invocatio

L : Kebaktin enda ibenaken ibas gelar Dibata Bapa sinepa langit ras doni


59

P : Ijenda kami suruhlah Tuhan (iendeken bagin KEE GBKP NO. 102:4) L : Ibas gelar Jesus Kristus si enggo mereken diriNa guna kegeluhen

doni enda. P : Ijenda kami suruhlah Tuhan (iendeken bagin KEE GBKP NO. 102:4) L : Ibas gelar Kesah Si Badia si mpengasup kalak si tek guna muat

bagin guna kiniulin doni enda P : Ijenda kami suruhlah Tuhan (iendeken bagin KEE GBKP NO. 102:4) L : Perkuah ate Tuhan Jesus Kristus, kekelengen Dibata Bapa ras

kerembaken Kesah Si Badia, ras kam kerina gelah. Amin P : Amin…..Amin…Amin (Iendeken) L : Kenca bage kubegi Tuhan ngerana nina, "Ise ndia Kusuruh? Ise

ndia nggit maba berita i bas Aku nari?" E maka ningku ngaloi, "Aku, suruhlah aku! (Jesaya 6:8) Bagenda me berita perbahanen Dibata ibas kegeluhenta erkiteken sie sipuji Dibata alu rende ibas KEE GBKP NO. 102:1, 4 1. Kekekenlah o kam situtus, Si malang pe man Tuhan Dibata. Si suari berngi sikap rusur ngarakken Tuhan bas si mesera. Sipang ngikutken Tuhan Yesus pe. Bagi ngena me ate Tuhan e. 4. O Tuhan bre man kami krina KesahNdu Si Badia simpar min. Ijenda kami sikap krina endalanisa nge si man dahin. Tah katawari pe erkata Kam. Ijenda kami suruhlah Tuhan.

---------------------------Perp. Kundul ---------------------------------------- 2. Pendilo Guna Muat Bagin Ibas Dahin Pelayanen (2 Timotius 1:6-8) :

L : Erkiteken si e kupersingeti man bandu gelah gara mulihken i bas kam pemere Dibata, si ialokenndu asum Kutamaken tanku i babo takalndu.

P : Sabap Kesah si ibereken Dibata man banta labo erbahanca gelah kita percik-cik;

Pertua : Tapi KesahNa e ndemi kita alu kuasa, kekelengen, Diaken: Bage pe gelah ngasup kita ngkuasai dirinta. L : E maka ola kam mela ersaksi kerna Tuhanta; P : Bage pe ola kam mela kerna aku si ipenjaraken erkiteken Kristus. L+P : Tapi buat baginndu i bas kiniseran guna Berita Si Meriah bagi

ibereken Dibata man bandu gegeh guna si e.


60

L : Sipuji Dibata si enggo ndilo ras milih kita guna ikut muat bagin ibas dahin Berita Si Meriah alu rende ibas KEE GBKP NO: 227:1,3 1. Katakenlah man pusuhku pepankenlah bas ukurku IdemiNdu kegeluhenku tetapkenlah pengarapenku Pegaralah kinitekenku alu kesah ras kataNdu 3. Kam Tuhan penampatku, Kundesken bandu geluku O Yesus Kam me penalemen, KuasaNdu me jadi gelemen Pegaralah kinitekenku, Alu Kesah ras KataNdu

3. Pengakun ras Pengalemi Dosa Erkiteken La Muat Bagin Ibas Dahin Pelayanen: L : Dibata nggo ndilo kita kerina si enggo itebusiNa gelah mejingkat

ndahiken dahin kekelengen idoni enda. Tapi megati la kita mejingkat ndahikenca erkiteken erbage-bage sura-sura ras kepentingen rikut ras kesibuken-kesibukenta si wari ku wari ertambah-tambahna.

P1 : Payo kal, ula lebe dahin perpulungen, dahinku ku kantor epe enggo rusuren lembur maka dung, emaka pulung pe aku enggo ngkelangi

P2 : Adi aku teman, ertiga-tiga kapndu dahin me berngi maka mulih, epe ali dat serpi ka, adi lang minter reh kal kisatku.

P3 : Aku labo kueteh nurikenca tapi katawari pe sibuk aku, suari erdahin adi berngi enggo ka nemani anak-anak erlajar.

P4 : Tuhu teman, adi kerina ituriken, kerina kal melala dahinta tapi mari siatur waktuta gelah kerina kita banci muat bagin ngelai Tuhan. Emaka marilah kita ngaku kerna kelepakenta.

L : Dibata keleng kal ateNa kita emaka la meriah ukurna ngidah anak-anakNa tetap ngelakoken si la ngena ateNa. Emaka marilah sidahi ia, O Tuhan Dibata ula kal Kam ertaktak kerna erbage alasen kami, alemi kal kami Tuhan jenari pengasup kami gelah banci kami muat bagin ibas dahin keleng ateNdu e. Sidahi IA alu ende-endenta KEE GBKP NO : 377 : 1- 2

1. Kuakuken me dosangku ilebe Tuhan. Megati aku lalar bas kegeluhenku. KelengateNdu pengarapenku. Iteruh perkuahNdu malem me pusuhku. KelengateNdu pengarapenku. Iteruh perkuahNdu malem me pusuhku.


61

2. Erlebuh aku banNdu o Yesus Tuhanku. Alemi min o Bapa salah ras lepakku. KelengateNdu pengarapenku. Tedeh ‘teku ngidag belinna perkuahNdu. KelengateNdu pengarapenku. Tedeh ‘teku ngidah belinna perkuahNdu. L : Man kerina kalak si meteh kelepakenna dingen ngakukenca,

ialoken Tuhan. Nina Dibata man banta ‘Aku kap Dibata si nasapken dosa-dosandu; janah si e Kulakoken erkiteken bage kin biakKu. Lanai Kupeinget-inget kerina dosadosandu” Amin. (Jesaya 43:25). Sikataken bujur man Tuhan alu nehken ende-endenta KEE GBKP NO. 423: 1, 2

1. Kam nebusi aku Tuhan, Kam si mpeteneng tendingku. Tendi si ndube tertaban teguNdu kuadepenku. Reff Malem kal ateku Bapa ban keleng ateNdu. Kupuji gelarNdu Bapa mulia gelarNdu. TeguNdu lah aku Tuhan ibas pusuhku Kam ringan. PetetapNdu aku Tuhan lah dosa talu me kuban. 2. Kam ngalemi aku Tuhan Kam simpepalem pusuhku. Pusuh si megati nogan, mbaru perbahan kelengNdu, Reff.... -------------------------------Perp. Kundul ------------------------------------

4. Pengogen si Pemena : Johanes 21:15-18 ( Ioge simada jabu ) L : Ketuahen me kalak simegiken ras makeken Kata Dibata ibas geluh si

tep-tep wari, Haleluya P : Haleluya....Haleluya….Haleluya (iendeken)

5. Renungen Renungen : Pilipi 1:20-26 Tema : “Kubuat Baginku Selaku Aron Dibata” Dua perpulungen si pantek i daerah Makedoni eme Pilipi ras Tesalonika. Duana perpulungen enda jadi ate Paulus dingen rusur ipujikenna. Si enda teridah arah surat-surat si ikirimkenna. Dalanna maka jadi ate Paulus erkiteken duana perpulungen enda encidahken buah kinitekenna arah perbahanenna. Perpulungen enda si mediate nandangi kiniseran teman si sada kiniteken. Terlebih tupung perpulungen Judea si ngenanami kiniseran maka perpulungen Makedoni enda si melumbar mere nampati. Malah ia melumbar mere i bas kemusilenna si lanai teralang (II Korinti 8:1-4).


62

Tupung si oge surat Pilipi enda maka tergejap man banta uga ulina ras jilena hubungen Paulus ras perpulungen enda. La terjeng nampati perpulungen si deban, piga-piga kali pe keperlun Paulus ibas meritaken Berita Si Meriah i kirimken perpulungen enda. Emaka surat enda pe sekaligus pengataken bujur Paulus erkiteken tergejap man Paulus sie jadi erkiteken kiniteken si turah dingen erbuah si teridah arah perbahanenna. Kecibal Paulus tupung erban surat enda eme sangana ia ipenjaraken i kota Roma. Langa bo ieteh Paulus uga pagi kedungen kegeluhenna. Ibas kecibalna si dem alu perbeben la ingadikenna mpegegehi perpulungen-perpulungen. Ibas bagin Kata Dibata enda si idah maka “pengarapen Paulus ula sia-sia pendahin si enggo dahikenna sedekah enda sabab banci surut semangat erkiteken belinna perbeben. Emaka tetap atena ergiah-giah ras janah labo biar-biaren ibas meritaken Berita Si Meriah amin gia sekali banci ia ndatken ukumen mate arah pemerintah Roma nari. Enggo ieteh Paulus jabab kerina perbebenna. Nggeluh eme Kristus, mate eme untung. Arah enda si idah maka ningtang si apai pe enggo datna jababna emaka lanai aru atena janah lanai ia mbiar. Adi nggeluh e ertina maka melayani Tuhan. Adi mate e ertina jumpa ras Kristus. Jenari sadari Paulus maka paksa sie ia nggeluh denga, e ertina maka ate Dibata erguna denga ia man perpulungen guna ngelaisa. Ibas kecibal si uga pa pe Paulus tetap erkomitmen guna ngelai Tuhan. La lit kai pe si ngolangi sura-sura ras semangatna guna terus ngelai Tuhan. Termasuk kematen si lit i lebe-lebena pe la ia mbiar janah la ngkurangi pendahinna. Si enda rehna arah penandai si payo man Dibata si enggo ndilo ia. Dibata si dem keleng ate, si enggo ngalemi kerina dosa-dosa ibas paksa si enggo lepas. Si enda pe erbahanca turah pengakun Jesaya nandangi penungkunen Dibata man bana. Ise kin ndia Ku suruh maba berita ibas Aku nari? Nina Jesaya, “Aku, suruhlah aku.” Enda ibelaskenna kenca enggo i tandaina ise ia iadepen Dibata ras i akukenna dosa-dosana emaka reh pengalemi dosa idur Dibata nari. Pengalemi dosa si reh ibas Dibata nari erbahanca Jesaya lanai biar-biaren melasken pengakunna jadi persuruhen Dibata. Bage pe Simon ibas pengogen si pemena, enggo akapna ia gagal jadi ajar-ajar Tuhan Jesus sebab enggo persokenna Jesus telu kali bagi si ikataken Jesus sope kejadin e. Emaka mulihken ia jadi penjala nurung. Tapi ieteh Jesus uga getemna pusuh Simon emaka reh Jesus ngapuli ras mpetetap mulihi ukurna guna jadi penjala manusia. Telu kali ia mersoken Jesus, telu


63

kali ka Jesus nungkun, “keleng kin atendu aku?” Nina Simon, “keleng Tuhan”. Adi keleng, permakanilah biri-biringKu. Bage me pe kita ibas pendungi Pekan Penatalayanen enda, palas kita erkomitmen muat bagin ibas ngelai Tuhan eme keleng ate Dibata si enggo icidahkenNa arah Jesus Kristus si mate guna nebusi dosa-dosanta. Eme sebabna Paulus la biar-biaren dingen la erleja-leja ndahiken dahin Tuhan erkitken igejapna kal keleng ate arah Jesus Kristus. Emaka adi kita pe nggejap maka kerina dosa-dosa, “akar pahit” ras kekurangenta ibas paksa si enggo lewat enggo ialemi Dibata janah ipulihkenNa kita maka kita pe pang muat bagin ibas dahin-dahin Dibata i bas gerejaNa. Bagi Jesaya ninta pe, Aku, suruhlah aku. Ibas kita muat bagin e, sie nuduhkenca maka kita labo jadi “penonton” ibas gereja Tuhan enda. Kerina kita desken aron Dibata si katawari pe sikap ipake Tuhan ibas kegeluhenta. E nuduhkenca maka kita “erteologi alu kuh.” (“Berteologi Secara Utuh”) ertina la terjeng cakap tapi radu ras perbahanen. Man banta Berteologi “Mengajar Dan Melakukan”. Kemalemen ate man banta si enggo nandai Jesus eme adi kita lit siakap nanamna kita nggeluh man kalak si deban. Manaken ibas jabuta, ma ernanam nge kita man jabuta? Ula sempat percakapen pernanden ras perbulangenna terjadi. Nina pernanden ndai, O bapa si Anu, erdahinken sitik, kuidah kai pe labo diatendu. Nande lalap nggalari kontraken rumahta, bibi anakta lalap ngkirim penukur susuna. Kam kai pe la lit pengkebetndu! Ngaloi perbulangenna alu santai nina, enggo ku beligai maka lit dua nari mama e langa kai pe berena banta eme mama tengah ras mama uda. Gelarna mama, aku bere-berena kai pe la pernah berena. Si nen arah percakapen enda maka lit biak nimai kalak erbahan mehuli man banta. Ibas Kata Dibata ras perayakenta tahun enda “kita lah ngelakoken perbahanen mehuli man temanta.” Ula nimai tapi muat bagin kita kin kira-kira si banci si lakoen ibas geluhta Reh ergunana geluhta man kalak maka reh malemna ateta nggeluh. Emaka muat bagin kita jadi aron Dibata si maba pasu-pasu man doni enda.

6. Pengakun Kiniteken - Perp. Tedis - 7. Persembahen : - Perp. Kundul -

L : Mari sisehken pengataken bujurta man Tuhan, Kata Dibata si njemba kita ibas nehken persembahen, nina ibas Masmur 54:28 nina ‘Alu ukur meriah kupersembahken persembahen man


64

baNdu dingen ngataken bujur man baNdu, sabab mehuli kap Kam o Tuhan’. Mari sisehken persembahenta radu ras ende-endenta, KEE GBKP NO: 445:1,3

1. Sipepulung me persembahenta. Siendesken dage man Dibata. Tanda meriah ukur ban pasu-pasuNa si simpar breNa man banta.

Reff : Asa si nggo isikapken, Asa si nggo itotoken. Em pengataken bujurta kempak Dibata. 3. Pengataken bujur man Dibata enda mbelin tuhu gunana. Jadiken geluhta, kula ras tendita, persembahenta si nggeluh Reff......

8. Pertototon Persembahen Ras Syafaat (P1 – P4) 1. Persembahen. 2. Gelah ngawan perpulungen mpeturah komitmen guna muat bagin

selaku aron Dibata. 3. Lakon Persadan ras kebaktin minggu ras pengkotbah. 4. Siturah ibas perpulungen.

9. Perpadanen Ras Dibata - Perp. Tedis - L : Dibata ndilo kerina manusia guna ikut muat bagin mpekena-kena

doni enda alu tutus ndalanken pedahNa P : Bujur Tuhan, atankenNdu aku ikut ibas aronNdu e, pengasup aku

alu bage lit tekadku lako ndahiken dahin keleng ate L : Sipeteguhi perpadanenta ras Dibata alu rende erpalasken KEE

GBKP NO : 276:1-2 1. Kuikutken Kam Tuhan Kam kap si perkeleng e. Sabab Kam si mere dalan, Dalan terkelin kepe. Reff IA kapen juruslamat IA kapen penampat. KataNa me kapen tambar, KuasaNa la ersibar. 2. Tuhan kapen kuarap jadi temanku nggeluh. Tetap IA penalemen kinitekenku nteguh. Reff…..

10. Pertoton Tuhan 11. Pemasu-Masun :

L : Berkatlah buat baginta (ndu) ibas dahin keleng ate Dibata alu tutus selaku aron Dibata. Ipengasupna kita (kam) alu pasu-pasuNa. Alokenlah pasu-pasu idur Dibata nari: Dibata Bapa ras Tuhanta Jesus Kristus mereken kemalemen ate,kekelengen ras kiniteken


65

man banta (ndu) gelah. Lias ate Dibata rembak ras kerina kalak si erkeleng ate man Jesus Kristus alu keleng ate si la erkeri-kerin”. Amin. (Epesus 6:23-24).

P : Amin…Amin…Amin (iendeken)

DISKUSI : 1. Kai si njemba kita sedekah enda ikut muat bagin ibas dahin Tuhan?

Turikenlah! 2. Banlah tekadta guna ikut muat bagin ibas dahin-dahin Tuhan.


66

GELAR TIM SI EMPERSIAPKEN BAHAN PEKAN PENATALAYANEN GBKP TAHUN 2017

1. Pdt. Yunus Bangun, M.Th 2. Pdt. Prananta Jaya Ginting Manik, S.Th MM 3. Pdt. Jekson Barus, M.Th 4. Pdt. DR. Kalvinsius Jawak 5. Pdt. Agustinus Ginting Manik, M.Th 6. Pdt. Suenita Br Sinulingga, M.Th 7. Pdt. Nurbetty Br Ginting, M.Th

Ula Lupa Kita Ngikuti

LAKON PERSADAAN SI BADIA


67

LEMBAR SARAN : ………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………


68

LEMBAR SARAN : ………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

………………………………………………………………………………………………………………………

CATATEN : Adi lit masuken / usulenta guna pehuliken Bahan Pekan Penatalayanen GBKP 2016 enda kubas wari-wari sireh enda banci ikirimkenndu ku PUSAT PEMBINAAN WARGA GEREJA (PPWG) GBKP, Jalan Nabung Surbakti No. 2 Kabanjahe, Sumatera Utara 22115 (U.P. Pdt. Prananta Jaya Ginting Manik, S.Th MM). Banci ka ikirimkenndu arah inbox facebook PPWG Zentrum GBKP Kabanjahe ntah pe ku alamat email : nanta_manik @ yahoo.com

2020) ngatakenca GBKP Aron Pasu Man isi Doni. Sedangken Misi … · 2017-01-16 · kubas tahun...

Documents

Transcript of 2020) ngatakenca GBKP Aron Pasu Man isi Doni. Sedangken Misi … · 2017-01-16 · kubas tahun...